<a href="https://kyzylorda-news.kz/">Kyzylorda-news.kz.</a>&nbsp;“Күнделік”&nbsp;жүйесін бұзу туралы ақпарат шындыққа жанаспайды, деп хабарлайды&nbsp;ҚР Білім және ғылым министрлігінің баспасөз қызметі.&nbsp;
“Күнделік” электрондық жүйесі “Ұлттық ақпараттық технологиялар” АҚ серверлік орталығының базасында орналасқан әрі сыртқы шабуылдардан қорғалған дейді “Күнделік” ЖШС директоры Мұхтар Ілиясов.
Оның айтуынша, жүйені ҚР Ұлттық қауіпсіздік комитетінің “Мемлекеттік техникалық қызмет” АҚ тұрақты бақылап отырады. Кез-келген сыртқы шабуылды ҚР ҰҚК қадағалайды.
Сондай-ақ ол “Күнделік” жүйесін бұзу туралы ақпарат шындыққа жанаспайтынын айтты. Яғни, ешқандай шабуыл болмаған, пайдаланушылардың деректерін қорғау толықтай қамтамасыз етілген.
<blockquote>
 “Электрондық жүйеде деректермен жұмыс істеу кезінде жеке ақпараттық қауіпсіздік ережелерін сақтау қажет. Логин мен құпиясөзді бөгде адамдарға беруге немесе ашық түрде қалдыруға болмайды. Мұндай жағдайларда аккаунттар бұғатталып, келеңсіз жағдайларға әкеп соқтыруы мүмкін. Мәселен, бүгін қаскүнем аккаунтын ашық қалдырған пайдаланушының атынан жүйеге кіріп, әдепсіз хабарламалар қалдырды. Техникалық қолдау қызметі бұл хабарламаларды өшіріп, профильді бұғаттады”, –&nbsp;деп жауап берді Мұхтар Ілиясов.
</blockquote>

&#8220;Күнделік&#8221; жүйесі істен шықты &#8211; жалған ақпарат

<a href="https://kyzylorda-news.kz/">Kyzylorda-news.kz.</a> Қылмыстық-атқару жүйесін дамытудың 2019-2023 жылдарға арналған Жол картасын іске асыру шеңберінде Қызылорда облысы бойынша ҚАЖ мекемелерінде сотталғандардың құқықтық және ұстау жағдайын жақсартуға, цифрландыруға және жүйенің ашықтығына бағытталған бірқатар жұмыстар атқарылып жатыр.
Жуырда тергеу изоляторы мен түзеу мекемелеріндегі&nbsp; сотталғандардың&nbsp; арыз-шағымдарын, өтініштерін саусақ таңбасының көмегімен өкілетті органға жөнелтілетін электронды терминалдар орнатылды. Қазіргі таңда мекемелердегі барлық сотталғандарға терминалды пайдалану бойынша оқыту жүргізілді. &nbsp;
Осы электронды терминал арқылы сотталушы немесе айыпталушы&nbsp; азаматтар өзінің жеке ісі бойынша тікелей сотқа, прокуратураға және Сыбайлас жемқорлыққа қарсы қызметке арыз-шағым жасай алады. Ол үшін алдымен, сотталған арыз-шағым немесе өтініш хат берген терминалдан сандық түбіртегін алады. Бұл түбіртек оның өтінішін, арызын&nbsp; қарау кезегі болып саналады.
ЗК-169/4 қауіпсіздігі барынша төмен мекемеде жазасын өтеп жүрген О. есімді азамат өзінің жеке ісі бойынша электронды терминал арқылы облыстық прокуратураға өтінішін жолдады.
Бұл дегеніміз қамауында отырған айыпталушылар мен сотталған азаматтардың құқықтық қызметтерді алуы, сыбайлас жемқорлық тәуекелдерін болдырмау,&nbsp; қолжетімділікті арттыру болып табылады.
<img src="https://kyzylorda-news.kz/wp-content/uploads/2021/02/whatsapp-image-2021-02-16-at-15.03.39-1.jpeg" alt="" />

Қызылордада түзеу мекемелерінде электронды терминалдар іске қосылды

<a href="https://kyzylorda-news.kz/">Kyzylorda-news.kz.</a> 15 ақпан күні Қызылорда облысы Полиция департаментінің Қазалы аудандық полиция бөліміне Айтеке би кентінің тұрғыны арызданды.
Арызда кенттегі уақытша жұмыс істемей тұрған балабақшадан белгісіз біреулер тұрмыстық заттарын ұрлап кеткенін көрсеткен. Жәбірленушіге жалпы&nbsp;құны 1 миллион теңгеден аса залал келтірілген.
Аудандық полицейлермен атқарылған жедел-іздестіру шараларының нәтижесінде күдікті ретінде кенттің 28 жастағы және бұрын сотты болған 35 жастағы тұрғындары анықталып ұсталды. Олардан айғақ заттар алынды.
Аталған дерек бойынша Қазақстан Республикасы Қылмыстық кодексінің 188 баптың 2 бөлігімен (Ұрлық) сотқа дейінгі тергеп-тексеру амалдары жүргізілуде. Оқиғаның мән-жайы анықталуда.

Қазалыда балабақшаға ұрлыққа түскен тұрғындар ұсталды

<a href="https://kyzylorda-news.kz/">Kyzylorda-news.kz.</a> Қызылордада көпірден секіріп кеткен 36 жастағы ер адам көз жұмды.
Оқиға 15 ақпанда сағат 14.00 шамасында болды. Облыс орталығындағы Ғ.Мұратбаев көшесінің бойында дарияның үстінен сол жағалауға өтетін көпірден 1985 жылы туған азамат секіріп кеткен. Облыстық Төтенше жағдайлар департаменті өрт сөндіру және авариялық-құтқару жұмыстары қызметінің жедел құтқару жасағының құтқарушылары оның денесін жағаға шығарып, полицияға тапсырды.
<blockquote>
 «Бүгін, 15 ақпанда Қызылорда қаласында сол жағалауға өтетін көпір үстінен Сырдария өзеніне секірген облыс орталығының тұрғыны көз жұмды. Ол бойынша ҚР Қылмыстық кодексінің 105-бабы 1-бөлігімен сотқа дейінгі тергеп-тексеру жұмыстары жүргізілуде. Оқиғаның мән-жайы анықталуда», – деп мәлім етті Қызылорда қалалық полиция басқармасының баспасөз қызметінен.
</blockquote>
<a href="https://lenta.inform.kz/kz/kyzylordada-36-zhastagy-er-adam-kopirden-sekirip-mert-boldy_a3753503">ҚазАқпарат</a>

Қызылордада ер адам көпірден секіріп, қайтыс болды

<a href="https://kyzylorda-news.kz/">Kyzylorda-news.kz.</a> «Е-Salyq Azamat» мобилді қосымшасы мемлекеттік кірістер органдарына бару күні мен уақытын брондап, мемлекеттік қызметтер алу, салықтық міндеттемелерді орындау, өтініштерді жүзеге асырады. Мобилді қосымша «App Store» және «Play Market» сайттарынан жүктеуге болады.
Онлайн брондау «Е-Salyq Azamat» мобилді қосымшасының «Электронды қызметтер» бөлімінде, сондай-ақ Комитеттің порталында қолжетімді. Жеке тұлғалар және дара кәсіпкерлер аталмыш қосымшасының «Салық әмияны» қызметін пайдаланып, салық міндеттемелерін автоматты түрде көруге мүмкіндігі бар. Әмиянды кез келген банктің картасы арқылы деректемелерді көрсетпей-ақ толтыруға болады.
<blockquote>
 “Жыл басынан бері облыс бойынша барлығы «Е-Salyk Azamat» қосымшасы арқылы 5890 жаңа 250.00 үлгісіндегі декларация ұсынылды. Бұл қосымшаның салық төлеуде артықшылықтары көп. Мәселен, салықтар бойынша төлеу мерзімін өткізіп алуды болдырмайды. Әсіресе деректерді (реквизиты) толтырудағы қателіктердің алдын алады. Қазіргі таңда сервис жылжымайтын мүлік объектілері, көлік құралдары, жер учаскелері бойынша «Азаматтарға арналған үкімет» АҚ, ІІМ Әкімшілік полиция комитетінің және ҚР Ауыл шаруашылығы министрлігінің Мемлекеттік жер кадастрының автоматтандырылған ақапараттық жүйелерімен интеграцияланған”, – деді облыс бойынша мемлекеттік кірістер департаментінің басшысы Ғалымжан Орынов.
</blockquote>
Айта кетейік, қосымшада артық төлемді басқару сервисі іске қосылды. Яғни, бұл сервис бір салықтан артық төлемді басқа салықтарға аудару арқылы жүзеге асырылады. Қаражат банктік шотқа 5 жұмыс күнінде қайтарылады. Сондай-ақ, қосымшада «Қызметкердің еңбегіне ақы төлеу» сервисі де бар. Ол жұмыс істейтін тұлғаға еңбек ақысынан есептелген жеке табыс салығының, зейнетақы жарналарының, міндетті әлеуметтік аударымдардың және медициналық сақтандыруға аударымдардың сомаларын қарап шығуға мүмкіндік береді.

«Е-Salyq Azamat» қосымшасының мүмкіндігі мол

<a href="https://kyzylorda-news.kz/">Kyzylorda-news.kz.</a> Қызылордада жыл басынан бері Кәсіпкерлер палатасымен 209 сертификат берілді. Бұл туралы Қызылорда облысы кәсіпкерлер палатасының директоры Ғалымбек Жақсылықов айтты.
Кәсіпкерлер палатасымен жергілікті өнімдерге экспорттық, ішкі айналым және индустриалды сертификаттар&nbsp; рәсімделеді. Жыл басталғалы 1,5 ай ішінде Палата мамандарымен бизнес өкілдеріне 209&nbsp; сертификат берілген. Оның ішінде 201 экспортқа, 7 «СТ-КЗ» формалы ішкі айналымға,1 индустриалды сертификаттар рәсімделген.
<blockquote>
 «Алынған сертификаттарға жасалған талдау қызылордалық кәсіпкерлердің жыл басынан бері шет елдерге күріш, балық өнімдерін, мұнай, ванадий рудасын, кальций молибдатын, кварцтық құм, цементті экспорттап жатқандығын көрсетіп отыр. Аталмыш өнімдер Ресейге, Беларуссияға, Өзбекстанға, Украинаға, Тәжікстанға, Әзірбайжан мен Қырғызстанға, Монғолияға, Қытайға, Тайваньға, Латвия мен Швейцарияға жеткізілуде», – дейді Палата директоры Ғалымбек Жақсылықов.
</blockquote>
Ал «СТ-КЗ» формалы сертификаттар ірі қара мал етіне, шұбатқа, шыны пластик құбырларына, мұнай өндіруге бағытталған құрылғыларға, арнайы өңдеу жиынтығына (аэрозоль генераторы), газ тәріздес және медициналық кислород пен азотқа рәсімделген. Сертификаттар «Ысамаддин», «Атабас» шаруа қожалықтарына, «Новомет-Казақстан», «Өркен Әлем», «Меркур-СтройСервис», «Композиттік құбырлар зауыты» ЖШС-теріне берілген.&nbsp;&nbsp;
Биылғы жылдың алғашқы индустриалды сертификатын «JSoft» ЖШС алған. Аталмыш мекеме компьютерлік бағдарламалық жасақтаманы пайдалану құқығына лицензия беру бойынша қызметтер&nbsp;&nbsp;мен ақпараттық жүйені құру (дамыту) жұмыстарымен айналысады.
Айта кету керек, 2020 жылы Қызылорда облысының кәсіпкерлер палатасынан бизнес өкілдері 1377 экспортқа, 113 «СТ-КЗ» формалы ішкі айналымға және 9 индустриалды сертификат алған. 2019 жылмен салыстырғанда өсім 25 пайыз.

Ғалымбек Жақсылықов: Жыл басынан бері 209 сертификат берілді

<a href="https://kyzylorda-news.kz/">Kyzylorda-news.kz</a>. Биыл Қазақстан үкіметі 15,4 триллион теңге инвестиция тартуды көздеп отыр. Бұл туралы ұлттық экономика министрі Әсет Ерғалиев мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
Ол биыл, ең алдымен, экономиканың өсуін 3%-ке дейін жеткізу көзделіп отырғанын айтты. Осы мақсатта әрбір сала мен өңір үшін нысаналы параметрлер айқындалған.
<blockquote>
 “Сондай-ақ, басты міндеттердің бірі 2021 жылы 15,4 триллион теңге инвестиция тарту жоспарланып отыр. Бұл инвестицияларды жалпы ішкі өнімнің 20% деңгейінде қамтамасыз етуге мүмкіндік береді”, – деді Ерғалиев үкімет отырысында.
</blockquote>
Айтуынша, республика бойынша аталған көрсеткіштер егей-тегжейлі пысықталып, экономика салаларының бөлінісінде және әрбір өңір бойынша бекітілді.
Мысалы, Қарағанды облысы өңірдің әлеуметтік-экономикалық дамуының негізгі нысаналы индикаторларын айқындады.
Айтуынша, осы жылы жалпы өңірлік өнімнің өсімі 3,6% деңгейінде қамтамасыз етілмек. Сонымен қатар, 725 миллиард теңге инвестиция тарту жоспарлануда. Осы жылы 662 мың шаршы метр тұрғын үй пайдалануға беріледі. Бұл өткен жылмен салыстырғанда 25%-ке жоғары. Нәтижесінде 34 мыңға жуық жұмыс орны құрылады.
2021 жылы Қарағанды облысында 17 білім ошағы салынады және 11 денсаулық сақтау нысанының құрылысы аяқталады.
<blockquote>
 “Сонымен қатар, сапалы автомобиль жолдарының үлесін 85%-ке дейін жеткізу жоспарлануда. Қала халқының 100%-і және ауыл халқының 90%-і сумен жабдықтау қызметтеріне қол жеткізе алады”, – деді ведомство басшысы.
</blockquote>
Сондай-ақ, биыл әлеуметтік және инжинерлік инфрақұрылымды жақсарту үшін 35 ауылда 75 жоба іске асырылады. Бұл 70 мыңға жуық ауыл тұрғынының өмір сүру сапасын жақсартуға және 1 мыңнан астам жұмыс орнын құруға мүмкіндік береді.

Қазақстан 2021 жылы 15 трлн теңге инвестиция тартуды жоспарлап отыр

<a href="https://kyzylorda-news.kz/">Kyzylorda-news.kz.</a>&nbsp; Азаматтардың қауіпсіздігін қамтамасыз ету үшін кей өңірлерде белгілі бір шектеулер әлі де қолданылып отыр. Бұл туралы бүгін Үкімет отырысында ҚР Премьер-Министрі Асқар Мамин айтты, деп хабарлайды <a href="https://lenta.inform.kz/kz/ukimet-basshysy-aleumettik-ekonomikalyk-damu-korsetkishi-zhogary-onirlerdi-atady_a3753639">ҚазАқпарат</a>.
<blockquote>
 «Эпидемиологиялық жағдай бақылауда. Азаматтардың қауіпсіздігін қамтамасыз ету үшін кейбір өңірлерде белгілі бір шектеулер әлі де қолданылып отыр. Биылғы қаңтар айының қорытындысы бойынша 7 негізгі көрсеткіштің ішінде 5 бойынша сегіз өңірде әлеуметтік-экономикалық дамудың өсуі байқалуда. Олар – Ақмола, Ақтөбе, Алматы, Жамбыл, Қостанай облыстары мен Нұр-Сұлтан, Алматы және Шымкент қалалары», – деді Асқар Мамин.
</blockquote>
Үкімет басшысы бес өңірде 4 көрсеткіш бойынша оң динамика байқалатындығын айтты.
<blockquote>
 «Олар – Қарағанды, Қызылорда, Павлодар, Түркістан, Шығыс Қазақстан облыстары. Солтүстік Қазақстан, Атырау, Батыс Қазақстан және Маңғыстау облыстарының қол жеткізген көрсеткіштері төмен», – деді Премьер-Министр.
</blockquote>

Қызылорданың экономикалық дамуында оң динамика байқалады

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қоры өз өзектілігін жоғалтпайтын тұрғындардың сұрақтарына жауап беруді жалғастыруда.
&nbsp;– Ай сайын БЖТ төлеймін, сонда да «сақтандырылмаған» деген мәртебе беріледі, неге?
– Сірә, &nbsp;&nbsp;&nbsp;өтініш берген сәтте ағымдағы ай үшін БЖТ төленбеген немесе алдыңғы үш ай ішінде олқылықтарға жол берілген. «Міндетті әлеуметтік медициналық сақтандыру туралы» Заңына сәйкес, сақтандыру мәртебесін алу үшін БЖТ-ны үш ай қатарынан төлеу қажет. Сонымен бірге, егер ол төртінші айда медициналық көмек алуға ниет білдірсе, онда ол ары қарай БЖТ төлеуі керек.
Мүмкін, адам техникалық себептермен жүйеден «шығып &nbsp;қалған» шығар. Ол үшін&nbsp; әлеуметтік медициналық сақтандыру қорына жүгіну қажет. Егер мамандар барлық жарналардың бар екеніне көз жеткізсе, мәртебесін қалпына келтіреді.
– Жеке клиникаға тіркелуге бола ма?
– Иә, әрбір адам бір әкімшілік-аумақтық бірлік шегінде МСАК ұйымын еркін таңдауға құқылы, бұл ереже жеке ұйымдарға да қолданылады. Жалғыз қойылатын шарт – клиника Қордың жеткізушісі болып табылады және МӘМС бойынша қызметтер көрсетеді.
Емхананы жыл сайынғы тіркеу науқаны шеңберінде, сондай-ақ егер адам тұрақты немесе уақытша тұратын, жұмыс істейтін немесе оқитын жерін ауыстырған, басқа елді мекенге көшкен немесе өзі жатқызылған емхана қайта ұйымдастырылған жағдайларда ауыстыруға болады.
– &nbsp;&nbsp;&nbsp;МӘМС төлемегені үшін &nbsp;адамға қандай қауіп бар? Қандай айыппұлдар қарастырылған? Жұмыссыздарға қалай төлеуге болады?
Өз қызметкерлері үшін жарна аударатын жұмыс берушілер үшін МӘМС бойынша берешек пайда болған жағдайда төлем күнін қоса алғанда, мерзімі өткен әрбір күн үшін берешек сомасының 1,25% мөлшерінде өсімпұл көзделген. Егер жұмыс беруші қызметкерге төлем жасамаса немесе оны уақтылы жасамаса, қызметкер МӘМС пакетінде медициналық көмек ала алмайды, оның мәртебесі «сақтандырылмаған» болып өзгереді.
МӘМС үшін аударымдар зейнетақы, әлеуметтік аударымдарды төлеу сияқты міндетті болып табылатынын атап өткен жөн. Бірақ жұмыскерлерге, өзін-өзі жұмыспен қамтығандарға, БЖТ төлеушілерге қандай да бір айыппұл санкциялары жоқ. Төлемдер тұрақты болмаған жағдайда азаматқа сақтандырылушы мәртебесі берілмейді.
Жұмыссыздар мемлекет аударымдар жасайтын азаматтардың жеңілдікті санатына жатады. &nbsp;Жұмыссыз мәртебесін растау үшін жұмыспен қамту орталығына хабарласып, есепке тұру қажет. Егер адам жұмыссыз бола тұра, жұмыспен қамту орталығына жүгінгісі келмесе, онда дербес төлеуші ретінде ай сайын 2125 теңге мөлшерінде жарна төлеу ұсынылады.
– Жүктімін. &nbsp;&nbsp;Басқа &nbsp;жерге көшіп кеттім, енді мені бұрынғы емханада қабылдамайды, не істеуім керек?&nbsp;
– ҚР ДСМ бұйрығына сәйкес, жүкті әйел нақты тұратын жері бойынша емханада есепте тұруы тиіс. Пациент көшіп келгендіктен, яғни медициналық ұйымның қызмет көрсету аумағынан шыққандықтан, емхана өкілдері оны қабылдамауға құқылы.
Жүкті &nbsp;әйелдер үшін қадамдық қолжетімділік қағидатын есте сақтау өте маңызды: МСАК дәрігерлері егер емхана пациенттің үйінен 15-20 минуттық жаяу жүретін болса ғана көңіл-күйінің нашарлауы кезінде жедел көмек көрсете алады. Сондықтан жақын жердегі&nbsp; &nbsp;емханаға тіркелуді ұсынамыз.
– Егер МӘМС үшін төлем жасамасам, шетелге шыға аламын ба?
– Иә. Елден кету құқығын шектеу бірнеше жағдайда қолданылады, егер: адам сот процесіне қатысатын немесе қатысса, салық, айыппұл немесе алимент бойынша берешегі болса. Көріп отырғанымыздай, &nbsp;«МӘМС-те сақтандыру мәртебесінің болмауы» &nbsp;бұл тізімде жоқ.
– Еңбек мигрантының отбасы мүшелері жеңілдік санатын ала ала ма?
– МӘМС жүйесіне қазақстандықтармен қатар Ресей, Беларусь, Армения және Қырғызстан азаматтары, яғни Еуразиялық экономикалық одаққа кіретін елдер қатыса алады.
Егер еңбек мигрантының балалары Қазақстанда тіркелген болса, олар ұлттық білім беру деректер базасы жүйесіне енгізілсе, онда олар үшін жарналарды мемлекет төлейтін болады. Жүкті немесе бала күтімі бойынша демалыста жүрген әйелі де жеңілдік санатына жатады, бірақ ол әлеуметтік қамсыздандыру жүйесіне тартылған жағдайда ғана. Егер &nbsp;әлеуметтік қамсыздандыру жүйесіне тартылмаған&nbsp; &nbsp;болса, ол дербес төлеуші ретінде жарна төлей алады, сондай-ақ МӘМС-тің барлық қолжетімді қызметтерін пайдалана алады.
Егер шетелдік, мысалы, Италиядан болса, оған тек ақылы медициналық көмек көрсетіледі.&nbsp;&nbsp;
&nbsp;– Менің арқам ауырады,&nbsp; физопроцедура қтейін деп едім.&nbsp;&nbsp; Мұны тегін жасауға бола ма?
– Физиопроцедуралар тек екі жағдайда тегін жүргізіледі: егер олар ауруды емдеудің клиникалық хаттамасында көзделген және емдеуші дәрігер тағайындаған немесе оңалту кезіндегі қызметтер кешеніне кіретін болса.
– Бала 10 жаста, ауруханадан шыққаннан кейін күтім қажет. Ата-ананың біреуіне аурухана парағын ашуға бола ма?
– Әрине, ата-ана 14 жасқа толмаған науқас балаға күтім жасау үшін еңбекке жарамсыздық парағын ашуға құқылы. Құжат ол күтімді қажет ететін кезеңге, бірақ күнтізбелік 10 күннен аспайтын мерзімге беріледі және ұзартылады.
– Медициналық сақтандырусыз еңбекке жарамсыздық парағын ашуға бола ма?
– Еңбекке уақытша жарамсыздығын тану үшін адамға еңбекке жарамсыздық парағы қажет. Егер ол бір жерде жұмыс істесе, онда жұмыс беруші ол үшін аударымдар жасайды және медициналық сақтандыру болуы керек. Егер адам қандай да бір себептермен МӘМС жүйесінен «шығып қалса», онда тегін медициналық көмектің кепілдік берілген көлемі шеңберінде еңбекке жарамсыздық парағын ашуға болмайды.
– Мен ЖК жеңілдетілгенмін, жалдамалы қызметкерлер жоқ, МӘМС үшін қандай соманы төлеу керек?
– Жеке кәсіпкерлер үшін, &nbsp;салық есептілігі нысанына қарамастан, ай сайынғы жарна сомасы тіркелген және 2021 жылы 1,4 ЕТЖ 5% – ын – 2 975 теңгені құрайды. МӘМС төлемін өзіңіз үшін екінші деңгейдегі банктің кез келген бөлімшесі, «Қазпошта» АҚ, мобильді қосымшалар арқылы аударуға болады Kaspi.kz, TengriBank, сондай-ақ өзіне-өзі қызмет көрсету Касса 24 және Qiwi әмиян терминалдары арқылы.
P.S. Естеріңізге сала кетейік, өтінішті кез келген кері байланыс арнасы – 1406 байланыс орталығы, «Qoldau – 24/7» мобильді қосымшасы, Telegram-бот @SaqtandyryBot және ресми сайт арқылы қалдыруға болады fms.kz.

МӘМС бойынша сізді не мазалайды?

<a href="https://kyzylorda-news.kz/">Kyzylorda-news.kz.</a> Қызылордада 1-15 ақпан аралығында барлығы 820 адам вакцина салдырды.
Облыста коронавирус инфекциясына қарсы ресейлік «Спутник V» вакцинасының бірінші кезеңінде медицина саласының қызметкерлеріне салынып жатыр. Оның ішінде қабылдау, жұқпалы аурулар бөлімінің, жансақтау және хирургиялық бөлім қызметкерлеріне жүргізілмек. Ал екінші кезеңде мұғалімдерге және жұқтыру қаупі неғұрлым жоғары болып саналатын мамандық иелеріне салынады.
Бүгінгі күнге дейінгі жеткен ақпарат төмендегідей:
1 ақпан – 105 адам
2 ақпан – 165 адам
3 ақпан – 70 адам
4 ақпан – 60 адам
5 ақпан – 60 адам
8 ақпан – 60 адам
9 ақпан – 60 адам
10 ақпан – 60 адам
11 ақпан – 40 адам
12 ақпан – 55 адам
15 ақпан – 85 адам

Қызылордада 820 адам вакцина салдырды

<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасы Президентінің 2016 жылғы 5 ақпандағы №190 Жарлығына сәйкес Қызылорда облысы әкімі Г.Н. Әбдіқалықованың халыққа есеп беру кездесуі 2021 жылғы 17 ақпан күні сағат 11:00-де онлайн форматта өтеді.
Облыс әкімінің есеп беру кездесуі «Qyzylorda» телеарнасында және Қызылорда облысы әкімдігінің Youtube каналында тікелей эфирден көрсетіледі.
Аймақ басшысына қоятын сауалдарыңыз немесе толғандырып жүрген мәселелеріңіз болса, мына төмендегі мекен-жайларға жолдауға болады:
400-100 call орталығы
400-100.KZ сайты
@AKIM400100BOT (телеграм каналы)

Ертең облыс әкімінің есеп беру кездесуі өтеді

<a href="https://kyzylorda-news.kz/">Kyzylorda-news.kz.</a> 2021 жылы медициналық сақтандыру қоры алдын ала сомасы 6,2 млрд теңгеге 7000 ЭКҰ циклын қаржыландыруды жоспарлап отыр. Жасанды ұрықтандыру рәсімін жүргізуге квота саны 2020 жылмен салыстырғанда 7 есе өсті, өткен жылы 960 млн теңгеге 1105 ЭКҰ қызметі көрсетілді.
Әлеуметтік медициналық сақтандыру қорында тегін ЭКҰ-ға кім өтініш бере алады, қайда жүгіну керек және процедураға арналған көрсеткіштер туралы айтылды.
Президент Қасым-Жомарт Тоқаевтың тапсырмасымен 2021 жылдан Қазақстанда «Аңсаған сәби» әлеуметтік бағдарламасы басталды, оның мақсаты – &nbsp;қосалқы репродуктивтік технологиялардың (ҚРТ) көмегімен отбасылық-демографиялық проблемаларды шешуге жәрдемдесу.
Естеріңізге сала кетейік, әлеуметтік медициналық сақтандыру қоры ЭКҰ бағдарламасы аясында 2018 жылы ТМККК шеңберінде 902 циклды және 2019 жылы да дәл осы көлемді қаржыландырған.
ДДСҰ мәліметтері бойынша, репродуктивті технологияны жүргізу нәтижесі 45-60% жетеді. ЭКҰ жүргізу тиімділігі біздің елімізде орта есеппен 15%-дан 42% -ға дейін өсті. Бала туу фактісі бойынша емдеу тиімділігінің көрсеткіші 30% деңгейінде, бұл ең жақсы еуропалық клиникалардың көрсеткішіне сәйкес келеді.
Бүгінде ҚР-да 11030 әйел бедеулікпен есепте тұр.
2010 жылдан бастап ҚР-да ЭКҰ бағдарламасы тегін медициналық көмектің кепілдік берілген көлеміне енгізілді және 2010-2019 жылдар кезеңінде циклдар саны 100-ден 900 циклға дейін өсті. 2010 жылдан бастап ТМККК шеңберінде 7 000-ға жуық ЭКҰ бағдарламасы қаржыландырылды.
ЭКҰ кімдерге арналған? Процедура терапевтік жолмен емдеуге келмейтін бедеулік диагнозы қойылғандарға арналған.&nbsp; ЭКО-ға отбасылық жұптар да, жеке адам да қатыса алады. Міндетті түрде үміткердің ерікті жазбаша&nbsp; келісімі болуы керек.
Қазақстан азаматы болуы және денсаулық сақтау министрлігі белгілеген медициналық параметрлерге сәйкес келуі қажет – бұл репродуктивті жас (18-ден 42 жасқа дейін), қалыпты соматикалық және эндокриндік мәртебе, жоғары фолликулярлық резерв.
Науқасқа&nbsp; ұрықтандырудан бас тарту бірнеше жағдайда әсер етуі мүмкін: жатырдың туа біткен немесе жүре біткен ауытқулары, соматикалық және психикалық бұзылулар, аналық без ісіктері, жедел қабыну және кез-келген локализацияның онкологиясы.
ЭКҰ-ға жолдама алу үшін тіркелген жері бойынша емханаға жүгіну қажет. Ұйым мамандары пациентті бедеулігі бар диспансерлік пациенттердің электрондық тіркеліміне қосады және бірқатар тексерулер тағайындайды.
ЭКҰ-ға жолдама алу үшін тіркелген жері бойынша емханаға жүгіну қажет. Ұйым мамандары пациентті бедеулігі бар диспансерлік пациенттердің электрондық тіркеліміне қосады және бірқатар тексерулер тағайындайды. 12 ай ішінде МСАК ұйымы бейінді маманның қорытындысы негізінде пациенттің құжаттарын жоғары технологиялық медициналық қызметтер жөніндегі жергілікті комиссияға жібереді. Оң шешім қабылданған жағдайда, әйел «Емдеуге жатқызу бюросы» порталында тіркеліп, рәсімге дайындала бастайды. Пациент экстракорпоралдық ұрықтандыру үшін клиниканы өз бетінше таңдауға құқылы.
Айта кету керек, жылына бір рет МӘМС бойынша ЭКҰ процедурасынан тегін өтуге болады. МӘМС жүйесінде ЭКҰ жүргізу алдында ерлі-зайыптыларды тексеру көлемі көзделген тізбеге сәйкес жүзеге асырылады.
МӘМС жүйесінде ЭКҰ – циклдің базалық бағдарламасы көзделген, онда суперовуляцияны стимуляциялау, аналық бездердің трансвагинальды пункциясы, мұздатылған (желденген) эмбриондарды ауыстыруды қоса алғанда, асқынулардың жоғары тәуекелдерінің болуымен және эмбриондарды ынталандырылған циклде (овуляцияны стимуляциялау аясында эндометрия гиперплазиясы, эндометрия гипоплазиясы), кез келген локализацияның жіті қабыну аурулары кезінде ЭКҰ нәтижелілігін айқын төмендететін факторлардың болуымен байланысты кейінге қалдырылған тасымалдар жағдайларында жүргізіледі.
Жүктілікті диагностикалау&nbsp; ұрықтандырудан 12-14 күн өткен соң жүргізіледі, ультрадыбыстық зерттеу 21 күнге тағайындалады. Егер науқаста жағымсыз асқынулардың бірі пайда болса – көп жүктілік, бұл әйел денесіне жүктемені арттырады және жүктілік болжамын нашарлатады, ол резекция жасайды. Дамып келе жатқан ұрық санын азайту операциясы пациенттің жазбаша келісімі болған жағдайда ғана жүзеге асырылады.
Еліміздің 8 өңірінен 19 медициналық ұйым ҚР-да ЭКҰ қызметтерін жеткізушілер болып табылады, олардың ішінде жеке меншігі -18. &nbsp;
ЭКҰ жүргізу қағидалары және ілеспе іс-шаралар туралы толық ақпарат Қазақстан Республикасы Денсаулық сақтау министрінің 2020 жылғы 15 желтоқсандағы № ҚР ДСМ-272/2020 «Қосалқы репродуктивтік әдістер мен технологияларды жүргізу қағидалары мен шарттарын бекіту туралы» бұйрығында жарияланды.

Қазақстан және Қызылорда облысының жаңалықтары

“Күнделік” жүйесі істен шықты – жалған ақпарат

Қызылордада түзеу мекемелерінде электронды терминалдар іске қосылды

Қазалыда балабақшаға ұрлыққа түскен тұрғындар ұсталды

Қызылордада ер адам көпірден секіріп, қайтыс болды

«Е-Salyq Azamat» қосымшасының мүмкіндігі мол

Ғалымбек Жақсылықов: Жыл басынан бері 209 сертификат берілді

Қазақстан 2021 жылы 15 трлн теңге инвестиция тартуды жоспарлап отыр

Қызылорданың экономикалық дамуында оң динамика байқалады

МӘМС бойынша сізді не мазалайды?

Қызылордада 820 адам вакцина салдырды

Ертең облыс әкімінің есеп беру кездесуі өтеді

МӘМС: 6,2 млрд теңгеге 7 мың циклды қаржыландыру жоспарланған

Қазақстан және Қызылорда облысының жаңалықтары

&#8220;Күнделік&#8221; жүйесі істен шықты &#8211; жалған ақпарат

Қызылордада түзеу мекемелерінде электронды терминалдар іске қосылды

Қазалыда балабақшаға ұрлыққа түскен тұрғындар ұсталды

Қызылордада ер адам көпірден секіріп, қайтыс болды

«Е-Salyq Azamat» қосымшасының мүмкіндігі мол

Ғалымбек Жақсылықов: Жыл басынан бері 209 сертификат берілді

Қазақстан 2021 жылы 15 трлн теңге инвестиция тартуды жоспарлап отыр

Қызылорданың экономикалық дамуында оң динамика байқалады

МӘМС бойынша сізді не мазалайды?

Қызылордада 820 адам вакцина салдырды

Ертең облыс әкімінің есеп беру кездесуі өтеді

МӘМС: 6,2 млрд теңгеге 7 мың циклды қаржыландыру жоспарланған

“Күнделік” жүйесі істен шықты – жалған ақпарат