<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 831 адамда коронавирус індеті ПТР арқылы расталды.
Тіркелген жаңа жағдайлар бойынша Алматы қаласы (128), Атырау (107) және Павлодар облыстары антирейтингіні бастап тұр.
Аймақтар бойынша:
<ul>
<li>Нұр-Сұлтан қаласы – 76</li>
<li>Алматы қаласы – 128</li>
<li>Шымкент қаласы – 18</li>
<li>Ақмола облысы – 59</li>
<li>Ақтөбе облысы – 12</li>
<li>Алматы облысы – 56</li>
<li>Атырау облысы – 107</li>
<li>Шығыс Қазақстан облысы – 50</li>
<li>Жамбыл облысы – 17</li>
<li>Батыс Қазақстан облысы – 43</li>
<li>Қарағанды облысы – 35</li>
<li>Қостанай облысы – 65</li>
<li>Қызылорда облысы – 4</li>
<li>Маңғыстау облысы – 8</li>
<li>Павлодар облысы – 87</li>
<li>Солтүстік Қазақстан облысы – 57</li>
<li>Түркістан облысы – 9</li>
</ul>
Жалпы ел бойынша ауырғандар саны 160 650.

COVID-19: Қызылордада 4 адам тіркелді

<a href="https://kyzylorda-news.kz/">Kyzylorda-news.kz.</a> «Қазгидромет» РМК 8 қаңтар күніне ауа райы болжамын жариялады.
Қазақстан территориясының басым бөлігі әлі де Солтүстік антициклон жотасының ықпалында болады және аязды, қар, жауын-шашынсыз ауа райы сақталады. Тек республиканың солтүстік-батысында, батысында, оңтүстік-шығысында және оңтүстігінде түнде атмосфералық фронталды бөліктердің өтуіне байланысты қар жауады.
Республиканың кей жерлерінде тұман, желдің күшеюі, батысында – көктайғақ, жаяу бұрқасын күтіледі.

Жұмаға арналған ауа райы болжамы

Kyzylorda-news.kz. «Nur Otan» партиясы атынан Қызылорда облыстық және қалалық мәслихат депутаттығына үміткерлер Наурызбай Байқадамов пен Ибраким Басықараев Теміржол саласы жанынан құрылған партияның Теміржол филиалындағы бастауыш партия ұйымы төрағаларымен кездесті.
Келелі кездесуде үміткерлер ұжымның сала туралы салмақты сауалдарына жауап беріп, партияның сайлауалды бағдарламасын насихаттады. Ашық әңгіме алаңында сайлаушылардың басты сауалы айлық жалақысын көтеру, тұрғын үймен қамтамасыз етуге байланысты болды.
<blockquote>
 “Жалпы қала тұрғындары үшін тұрғын үй мәселесі әрдайым өзекті. Осы жайтты ескере отырып, партия 2025 жылға дейін 4140 пәтерлі 92 көпқабатты тұрғын үй, оның ішінде әлеуметтік осал топтарға, жас отбасыларға, бюджет саласының қызметкерлеріне 1840 пәтердің құрылысы жүргізбек. Сонымен қатар, 5870-ден аса жеке тұрғын үйлердің құрылысы мен 27 көпқабатты тұрғын үйге күрделі жөндеу жүргізілетін болады. Мінекей, осы жүргізілген шаралар 5 мыңға жуық отбасын баспанамен қамтуға және 10 мыңнан аса отбасына өмір сүруге қолайлы жағдай жасайды. Ал әлеуметтік көмек, жұмысшылардың міндеттемелерін жеңілдету, медицинаға қолжетімділікті арттыру секілді мәселелерге байланысты алдағы уақытта ауқымды жұмыстар жасалады”, – деді үміткер Ибраким Басықараев.
</blockquote>
Айта кетейік, қала тұрғындарының жайлы өмір сүруі үшін «Nur Otan» партиясы алдағы бес жыл шеңберінде халықты сумен жабдықтау, жылумен қамтамасыз ету және көшелер мен аулаларды абаттандыру мәселелерін шешуге ниетті. Осы мақсатта Сырдария өзенінің сол жағалауындағы жаңа аудандарда, Саяхат, Сәулет, Рисмаш, КБИ, Әл-Фараби, Сабалақ аудандарында ұзындығы 213,2 км инженерлік және коммуникациялық инфрақұрылым құрылысын салып, Жылу-электр орталығын қайта жаңғыртпақ. Сондай-ақ, 2025 жылға дейін Қызылорда қаласына қарасты барлық саяжайларға су құбырын жүргізіп, Махамбетов және Наурыз ауылында 110,4 км газбен жабдықтау желілерін салатын болады. Әрі жаңадан 25 балалар ойын алаңдарының құрылысы және көпқабатты үйлер алаңындағы тозығы жеткен 100 балалар ойын алаңын жөндеу жұмыстарын жүргізу ықпал етпек. Нәтижесінде елді-мекендердегі орталықтандырылған газбен қамтылу үлесі 30%-ға артады. 
Үгіт тобы әрбір сайлаушының талап-тілегі қараусыз қалмайтынын жеткізіп, үгіт парақтарын таратып берді. Ал шараға қатысушылар бағдарламадағы басымдықтар риза болып, алдағы саяси дода да партияға дауыс беретіндерін айтып тарқасты. 
«Nur Otan» партиясы Қызылорда облысының Сайлау қорының қаражатынан төленді
<img src="https://kyzylorda-news.kz/wp-content/uploads/2021/01/img-20210107-wa0008.jpg" alt="" />

Қызылордада 92 көпқабатты тұрғын үй құрылысы жүргізіледі

Kyzylorda-news.kz. Зейнетақы қорынан алынған қаражат 45 күннің ішінде мақсатты түрде жұмсалмаса ол толық көлемде азаматтың БЖЗҚ-дағы қорына кері қайтарылады. Бұл туралы «Отбасы банкі» басқарма төрағасы Ләззат Ибрагимова Facebook-де өткен тікелей эфир барысында айтты, деп хабарлайды ҚазАқпарат.
<blockquote>
 «Егер зейнетақы қорынан аударылған ақша 45 күннің ішінде үй алуға пайдаланылмаса, онда қаражат БЖЗҚ-ға қайтарылады. Яғни бұл тұрғыда нақты шектеу қойылған. Егер ақша алынғаннан кейін 45 күннің ішінде қолданылмаса, ақшаның нақты мақсатты бағытқа пайдаланылғанын растайтын құжатты көрмесек, онда ол қаражат БЖЗҚ-дағы өз жинағыңызға толық көлемде қайтарылады», – деді Ләззат Ибрагимова.
</blockquote>

Зейнетақы қорынан алынған қаражат пайдаланылмаса кері қайтарылады

Kyzylorda-news.kz. Биыл «Нұрлы жер» бағдарламасы аясында тұрғын үй құрылысына және инженерлік-коммуникациялық инфрақұрылымды дамытуға мемлекеттік бюджет қаражаты есебінен 10,5 млрд. теңге бөлінді.
Қомақты қаржыға 1572 пәтерлік 76 тұрғын үй тұрғызылатын болады. Қазіргі таңда 487 нысанның құрылыс-монтаждау жұмыстары басталды. Оның 211-і Қызылорда қаласында, қалғаны аудандарда орналасқан.
Халықтың әлеуметтік осал топтары мен аз қамтылған отбасыларға арналған 342 пәтер сатып алуға бюджеттен 2,9 млрд. теңге бөлінді.Баспананың 192-сі қала, қалғаны аудан тұрғындарына беріледі.
Жалға берілетін 1020 пәтерді құрайтын 95 тұрғын үйдің құрылысын салу жоспарлануда. Мәселен, Шиеліде – 72 пәтерлі 4 тұрғын үй, Байқоңыр қаласында 250 пәтерлі 5 үй, Сырдария ауданында – бір пәтерлі 33 үй,Қызылорда қаласында 590пәтерлі 12 тұрғын үй.
Жұмыспен қамту 2020-2021 жылдарға арналған жол картасы аясында 75 пәтерлі 41 тұрғын үйдің құрылысы жүргізіледі.Кредиттік тұрғын үйлер бойынша барлығы 665 пәтерді құрайтын 38, жеке қаражат есебінен 220 пәтерді құрайтын 6 тұрғын үйдің құрылысы салынады. Жалпы облыста биыл 644,7 мың шаршы метр көлемінде тұрғын үй пайдалануға беру жоспарланып отыр.

Қызылордада 76 тұрғын үй салынады

Kyzylorda-news.kz. Қазақстанда өткен тәулікте 775 адамда коронавирус індеті ПТР арқылы расталып ауырғаны белгілі болды.
Аймақтар бойынша:
Нұр-Сұлтан қаласы – 122
Алматы қаласы – 105
Шымкент қаласы – 12
Ақмола облысы – 60
Ақтөбе облысы – 8
Алматы облысы – 61
Атырау облысы – 75
Шығыс Қазақстан облысы – 42
Жамбыл облысы – 15
Батыс Қазақстан облысы – 32
Қарағанды облысы – 30
Қостанай облысы – 59
Қызылорда облысы – 7
Маңғыстау облысы – 5
Павлодар облысы – 75
Солтүстік Қазақстан облысы – 56
Түркістан облысы – 11
Жалпы ел бойынша ауырғандар саны – 159 819.

Қызылордада 7 адамнан коронавирус анықталды

Kyzylorda-news.kz. Зейнетақы қорынан ақшаны уақытынан бұрын алу үшін өтінім 8 қаңтарда қабылдана бастауы мүмкін. Бұл туралы «Отбасы банкі» басқарма төрағасы Ләззат Ибрагимова Facebook-де өткен тікелей эфир барысында айтты.
<blockquote>
 «Бізде жақсы жаңалық бар. Күні кеше біз Қаржылық реттеу агенттігінен бірыңғай зейнетақы төлемін пайдалану бойынша арнайы ағымдағы шоттарды ашу және жүргізу үшін лицензия алдық. Біз мұндай лицензияны алған алғашқы банк болып отырмыз. Егер зейнетақы жинағын пайдалану ережелері бүгін бекітілсе, онда 8 қаңтарда барлық нормавтивті-құқықтық актілер қабылданып, 8 қаңтарда жұмысты бастап кетеміз», – дейді Ләззат Ибрагимова
</blockquote>

Зейнетақы қаражатын пайдалану: Өтінім қабылдау 8 қаңтардан басталуы мүмкін

Kyzylorda-news.kz. Қазақстанның бес облысының тұрғындары үшін мәжіліс сайлауында дауыс беру кешірек басталады, деп хабарлады&nbsp;Орталық сайлау комиссиясы.
Бес өңірде – Батыс Қазақстан, Ақтөбе, Атырау, Маңғыстау және Қызылорда облыстарында учаскелер жергілікті уақыт бойынша таңғы 7-де жұмысын бастайды. Дегенмен уақыт белдеулері арасындағы айырмашылыққа байланысты Қазақстанның қалған облыстарына қарағанда бір сағатқа кеш ашылады.
Жексенбі, 2021 жылдың 10 қаңтарында таңғы сағат 7-де Қазақстан парламенті мәжілісі мен мәслихаттары сайлауында дауыс беру үшін сайлау учаскелері ашылады.
Сағат 20.00-де учаскелер жабылып, дауыстарды санау басталады және дауыс беру нәтижелері туралы хаттамалар жасалады деп жоспарланып отыр.
<a href="https://sputnik.kz/">Sputnik Қазақстан</a>

Мәжіліс сайлауы: Қызылорда облысында дауыс беру кешірек басталады

Kyzylorda-news.kz. Бүгін, яғни 7 қаңтарда барша әлемнің православ христиандары Рождество мерекесін атап өтеді.
Рождество Христово – христиандықтардың басты мерекелерінің бірі. Бұл мереке Иса Мәсіхтің Вифлеемде дүниеге келуі құрметіне орай аталып өтеді.
Әлемнің көптеген елінде бұл мереке күні юлиан және григориан күнтізбесіне қарай ерекшеленеді. Сочельник деп аталатын Рождество алдындағы кештен бастап шіркеулерде құдайға табыну салтанаты өткізіледі.
Бұл түнде рождество алдындағы ауыз бекіту аяқталып, дәстүрлі тағамдарға толы мерекелік дастархан жайылады.
Рождество – әлемнің жаңаруының, игілік пен әділдіктің, қайырымдылықтың және көмек пен қамқорлыққа зәру адамдарға шынайы көңіл бөлудің нышаны.
Қазақстанда православ қауымы басқа конфессиялардың қатарында еліміздің өміріне белсене атсалысып, халықтың бірлігіне, қоғамдық келісім мен дінаралық диалогқа баға жетпес үлесін қосып келеді.
Айта кетерлігі, Қазақстан Республикасы Еңбек кодексінің 96-бабына сәйкес Құрбан айт және Рождество діни мерекелері ресми мейрамға жатпайды, бірақ демалыс күні болып саналады. Осыған орай 7 қаңтар күні қазақстандықтар демалады.
<a href="https://www.inform.kz/kz/bugin-rozhdestvo-merekesi_a3737934">ҚазАқпарат</a>

Бүгін &#8211; Рождество мерекесі

Kyzylorda-news.kz. «Қазгидромет» РМК ауа райының бұзылуына байланысты бірнеше өңірде ескерту жариялады.
7 қаңтарда Батыс Қазақстан облысының кей жерлерінде тұман, жаяу бұрқасын күтіледі.
7 қаңтарда түнде Шығыс Қазақстан облысының кей жерлерінде 40 градус қатты аязсақталады.
Түнде 7-8 қаңтарда Қарағанды облысының кей жерлерінде 37 градус қатты аяз болжанады.
7-9 қаңтарда Түркістан облысының кей жерлерінде тұман болады. Түнде 7 қаңтарда жекелеген аумақтарда 25 градус аяз тұрады.
7 қаңтарда Шымкент қаласында кей уақытта тұман күтіледі.
7 қаңтарда Маңғыстау облысында оңтүстік-шығыстан жел соғады, күші кей жерлерде 15-20 м/с артады. Күндіз облыстың батыс бөлігінде көктайғақ болады.

7 қаңтарға арналған ауа райы болжамы

Kyzylorda-news.kz. Жаңақорғандағы үгіт-насихат шарасы Түгіскен ауылдық клубында жалғасты.
Ауыл шаруашылығы еңбеккерлері және жергілікті тұрғындар жиналған басқосуда «Nur Otan» партиясы атынан депутаттыққа түскен үміткерлер болып, сайлауалды бағдарламамен таныстырдық. 5 жылға арналған партия жоспары қандай мақсат-міндеттерді діттеп отыр? Ауыл халқы үшін қандай мүмкіндіктер жасалмақ?
Осы сауалдар төңірегінде ашық форматта сөйлесіп, халықтың ұсыныс-пікірін тыңдадық. Өйткені көшбасшы партия үшін ел мүддесі, халық пікірі – басты орында. Халық сайлауға түсіп отырған партиялардың мүмкіндігін, бағдарламасын жақын тануы тиіс. Өйткені әрбір сайлаушының таңдауы – ел үшін маңызды. Мәселен «Nur Otan»-ның сайлауалды тұғырнамасында:
«Nur Otan» партиясы елді мекендерді әлеуметтік игіліктермен қамтамасыз етуге, жол және көлік инфрақұрылымын, тұрғын үй–коммуналдық саланы жаңғыртуға, сондай-ақ өңірдегі қолайлы экологиялық жағдайды сақтауға бағытталған «Құтты мекен», «Ауыл-ел бесігі» жобаларын іске асыруға жәрдемдесетін болады» – делінген.
Әрине, бұл бағдарламалардың ауылды гүлдендіруге бағытталуы көңіл қуантарлық.
Ауыл халқымен кездесуде сондай-ақ, кәсіпкерлікті дамыту бойынша партия алдына қойған мақсаттарды баяндадық. Қазір ауыл азаматтары шағын болса да кәсібін ашуды көздейді. Біз өз кезегімізде мемлекет тарапынан кәсіпкерлікті қолдауға мүмкіндік мол екенін жеткіздік.
Басқосу соңында түгіскендіктер партияның сайлауалды бағдарламасын құптайтындарын жеткізді. 10-қаңтарда «Nur Otan»-ға дауыс беру арқылы, өз үлесімізді қосамыз деді жұртшылық.

Түгіскендіктер &#8220;Nur Otan&#8221;-ды қолдайды

Kyzylorda-news.kz. Қызылорда облысында орналасқан Төңкеріс елді мекені тұрғындарының мазасы әбден қашқан. Бұл туралы Қазақстанның Халық партиясының өкілдері хабарлады.
2018 жылы бұл жерде экологиялық заңнама талаптарына қайшы, жеке меншік үйлерден небары 520 метр қашықта цемент зауыты салынған. Ал зауыт жұмыскерлеріне арналған жатақхана нормаға сай өндіріс орнынан 3 км қашықта бой көтерген. Зауыттан атмосфераға бөлінетін шаң-тозаңның әсерінен тұрғындардың денсаулығы сыр бере бастады.
Тұрғындардың айтуынша, балалардың терісіне жара қаптап, егде адамдардың тыныс алуы қиындаған. Төңкерістіктердің шағымын не «Гежуба Шиелі Цемент» ЖШС басшылығы, не жергілікті билік ескерер емес. Тұрғындар зауыт басшылығы тарапынан өтемақы төленуін талап етеді. Олардың бар тілегі – денсаулыққа қауіпсіз жерге көшу.
<blockquote>
 “Қазақстанның Халық партиясы атынан Мәжіліс депутаттығына үміткер біздің өкілдеріміз тұрғындардың жанайқайын тыңдап, елді мекендегі экологиялық ахуалмен танысты”, – делінген хабарламада.
</blockquote>

Қазақстан және Қызылорда облысының жаңалықтары

COVID-19: Қызылордада 4 адам тіркелді

Жұмаға арналған ауа райы болжамы

Қызылордада 92 көпқабатты тұрғын үй құрылысы жүргізіледі

Зейнетақы қорынан алынған қаражат пайдаланылмаса кері қайтарылады

Қызылордада 76 тұрғын үй салынады

Қызылордада 7 адамнан коронавирус анықталды

Зейнетақы қаражатын пайдалану: Өтінім қабылдау 8 қаңтардан басталуы мүмкін

Мәжіліс сайлауы: Қызылорда облысында дауыс беру кешірек басталады

Бүгін – Рождество мерекесі

7 қаңтарға арналған ауа райы болжамы

Түгіскендіктер “Nur Otan”-ды қолдайды

Қазақстанның Халық партиясы: Төңкерістің тұрғындары тұншығып жатыр (ВИДЕО)

Қазақстан және Қызылорда облысының жаңалықтары

COVID-19: Қызылордада 4 адам тіркелді

Жұмаға арналған ауа райы болжамы

Қызылордада 92 көпқабатты тұрғын үй құрылысы жүргізіледі

Зейнетақы қорынан алынған қаражат пайдаланылмаса кері қайтарылады

Қызылордада 76 тұрғын үй салынады

Қызылордада 7 адамнан коронавирус анықталды

Зейнетақы қаражатын пайдалану: Өтінім қабылдау 8 қаңтардан басталуы мүмкін

Мәжіліс сайлауы: Қызылорда облысында дауыс беру кешірек басталады

Бүгін &#8211; Рождество мерекесі

7 қаңтарға арналған ауа райы болжамы

Түгіскендіктер &#8220;Nur Otan&#8221;-ды қолдайды

Қазақстанның Халық партиясы: Төңкерістің тұрғындары тұншығып жатыр (ВИДЕО)

Бүгін – Рождество мерекесі

Түгіскендіктер “Nur Otan”-ды қолдайды