Kyzylorda-news.kz. 6 қазан күні Қазақстан аумағының басым бөлігінде ауа райын антициклон анықтайды. Тек солтүстік, шығыс және оңтүстік-шығыс өңірлер төмен қысымның ықпалында болады. Осыған байланысты жауын-шашын (жаңбыр, қар), күндіз республиканың оңтүстік-шығысында жаңбыр жауады. Қалған аумақтарда жауын-шашынсыз ауа райы күтіледі. Еліміздің кей жерлерінде тұман, желдің күшеюі, шығыста және орталықта көктайғақ, жаяу бұрқасын, оңтүстікте шаңды дауыл болжанады, деп хабарлайды Қазгидромет.
Атап айтқанда, «Қазгидромет» РМК мәліметінше, Ақмола, Павлодар, түнде және таңертең Қостанай, Солтүстік Қазақстан облыстарының кей жерлерінде тұман күтіледі, күндіз жел 15-20 м/с күшейеді.
Шығыс Қазақстан, Қарағанды ​​облыстарының кей жерлерінде тұман, көктайғақ, жаяу бұрқасын, жел 15-20 м/с артады. Қарағанды ​​облысында екпіні 23-28 м/с жетеді.
Қызылорда, Маңғыстау, таңертең және күндіз Алматы облыстарының кей жерлерінде желдің күшеюі 15-20 м/с күтіледі.
Жамбыл облысының кей жерлерінде тұман болжанады, желдің екпіні – 15-20 м/с.
Түркістан облысының кей жерлерінде шаңды дауыл, күндіз желдің екпіні 25 м/с артады.
Сондай-ақ Алматы, Жамбыл, Түркістан облыстарының түнде кей жерлерінде 1-3 градус үсік күтіледі.
Бұдан бөлек, Қызылорда, Түркістан облыстарының басым бөлігінде, Жамбыл, Ақтөбе, Қарағанды облыстарының кей жерлерінде төтенше өрт қаупі сақталады.

6 қазанға арналған ауа райы болжамы

Kyzylorda-news.kz. Бүгін «Covid-19» індетімен күресте алдыңғы шепте жүріп, ақпарат таратқан бірқатар журналистер «Халық алғысы» медалімен марапатталды.
<blockquote>
 «Індетпен күресте еліміздің әрбір азаматы өз үлесін қосты. Солардың ішінде уақытпен санаспай, шыдамдылық танытып, сақтық шараларын дер кезінде халыққа жеткізіп, алдыңғы шептен көрінген журналистерге дән ризамын. Барлықтарыңызға шығармашылық табыс тілеймін», – деді облыс әкімінің орынбасары Серік Ахмет.
</blockquote>
Мемлекет басшысының «Халық алғысы» медалімен «Хабар 24» телеарнасының меншікті тілшісі Райхан Тәжібаева, «Хабар» телеарнасының меншікті тілшісі Нұрлан Жақыпбеков, «Qyzylorda» телеарнасының инженері Берік Әбубәкіров, телеоператоры Алпамыс Әшірбеков, «Сыр бойы» газетінің тілшісі Айнұр Батталова, «Кызылординские вести» газетінің тілшісі Айнагүл Исмайлова, «Kyzylorda-news.kz» ақпараттық агенттігінің бас редакторы Нұрсұлтан Мықтыбаев, «Сыр медиа» ЖШС фототілшісі Нұрболат Нұржаубай марапатталды.
<img src="https://kyzylorda-news.kz/wp-content/uploads/2020/10/fb_img_1601910646787.jpg" alt="" />

Қызылордалық бірқатар журналистер &#8220;Халық алғысы&#8221; медалімен марапатталды

Kyzylorda-news.kz. 6 қазан күні Жер мен Марс бір-біріне өте жақын арақашықтықта орналасады. Қызыл планетаның үлкен және жарық болатыны соншалық, оны Жерден оңай көруге болады.
Осы аптада Марс пен Жер бір-біріне 62,1 млн шақырымға жақындайды. Сонымен қатар Science Alert айтуынша, аспанда жұлдыздар аз болатындықтан, Юпитер мен Сатурнды да көруге болады.
Марс пен Жер эллипс тәрізді орбиталарда орналасқан және кейде бір-біріне өте жақын келуі мүмкін. Әсіресе, Жер Күннен (афелий) алыстағанда, ал Марс Күнге (перигелий) жақын орналасқанда, Жер мен Марс арасындағы арақашықтық азая түседі.
<a href="https://24.kz/kz/zha-aly-tar/bylu-manyzdy/item/427432-15-zhylda-bir-ret-mars-pen-zher-erte-bir-birine-zha-yn-ornalasady">Хабар 24</a>

15 жылда бір қайталанатын құбылыс

Kyzylorda-news.kz. Халықаралық ақпараттық технологиялар университетінің бұрынғы ректоры Дамир Шыныбеков сотталды, деп хабарлайды <a href="https://www.inform.kz/kz/halykaralyk-it-universitetinin-buryngy-rektory-men-esepshisi-sottaldy_a3702479">ҚазАқпарат</a>.
№2 Бостандық аудандық соты университеттің бұрынғы ректоры Дамир Шыныбеков пен бұрынғы есепші Жанайым Спабекованы бас бостандығынан айыру туралы үкім шығарды. Судья сотталушылардың әрқайсысын 8 жылға бас бостандығынан айырды. Сонымен қатар, екеуінің де мүлкі тәркіленетін болды. Мемлекеттік айыптаушы ректор мен бұрынғы есепшісі Жанайым Спабекованы 8 жылға бас бостандығынан айыруды сұраған болатын.
Айта кетейік, оқу орнының бұрынғы ректоры Дамир Шыныбеков былтыр маусым айында қамалған болатын. Сотталушы Д. Шыныбеков пен Ж.Спабековаға Қылмыстық кодекстің 189-бабы 2-бөлімі 4-тармағымен 1,7 млрд теңге жымқырды деген айып тағылды.
Бас есепші Жанайым Спабекова 2013-2018 жылдар аралығында 414 млн 790 мың теңгені жымқырғанын мойындады. 2017 жылы 128,2 млн теңге алған. Оның айтуынша, бұл ақшаға Нұр-Сұлтан қаласының Есіл ауданынан бір пәтер сатып алған. Алматыда «Арай» тұрғын үйінен паркингі бар 3 пәтер және Nissan Qashqai, Toyota Hilux көліктерін сатып алған. Қостанай облысында «Айгүл балабақшасы» ЖШС, «Торғай көпсалалы колледжi», «Торғай жылыжайы» және «Аралбай қағазы» компанияларын сатып алған. Қостанай облысы Торғай ауылында 3 үй, 1 жер учаскесін алған. Компаниялар мен жылжымайтын мүліктер бауыры мен баласының атына жазылған. Бірақ екеуі де бұл дүние-мүлік қандай ақшаға келгенін айта алмады.
Университет басшылығына Дамир Шыныбеков 2009 жылы келген. 2017 жылы ол Алматы қалалық мәслихат депутаты болып тағайындалды.

Университеттің бұрынғы ректоры мен есепшісі сотталды

Kyzylorda-news.kz. Қызылорда облысында тәртіп сақшылар жоғалған жылқыларды иесіне тауып берді.
23 қыркүйек күні Қызылорда облысы ПД-ң Шиелі аудандық полиция бөліміне жергілікті тұрғыннан Жаназар батыр ауылының «Ашы құдық» деген жерде өрісте жайылып жүрген 17 бас жылқысының жоғалып кеткендігі туралы шағым түсті. Тез арада хабарлама бойынша жүргізілген жедел-іздестіру шаралары барысында полиция қызметкерлері Тартоғай ауылы маңында жылқылардың жайылып жүрген жерінен тауып егесіне табыстады.
Тексеру кезінде қараусыз қалған жылқылар күнделікті бағытынан адасып жоғалғандығы анықталды.
Мал иесі қызылордалық полицейлерге алғысын білдірді.

Қызылордалық полицейлер жоғалған 17 жылқыны иесіне тауып берді

Kyzylorda-news.kz. Сарыағаш ауданы Дербісек ауылының 23 жастағы тұрғыны Еркінай Есенбаева алты баланың анасы атанды, деп хабарлайды Түркістан облысы әкімінің баспасөз қызметі.
Тұңғышын 18 жасында босанған жас ана №1 облыстық перинаталды орталықта дүниеге үшем алып келді.
Дәрігерлердің айтуынша, жүкті әйелдің денсаулығы сыр беріп, сәбилерін мерзімінен ерте – сегіз айда босанған. Ана мен бала өміріне қауіп төндірмес үшін дәрігерлер әйелді кесар тілігі арқылы босандырған. Екі ұл мен бір қызды өмірге алып келген жас ана мен нәрестелердің жағдайы жақсы және дәрігерлердің арнайы күтімінде. Көп балалы ананың дәрігерлерге айтар алғысы шексіз. Сәбилердің салмағы 2170 грамм, 2100 және 2615 грамм. Отбасымен ақылдаса келе нәрестелерге Ақжан, Маржан және Бақжан есімдерін берген. Жас отбасының 1 ұл, 2 қызы бар.

23 жастағы келіншек 6 баланың анасы атанды

Kyzylorda-news.kz. Синоптиктер 6-8 қазан аралығындағы ауа райы болжамын жариялады, деп хабарлайды Қазгидромет.
Қазақстанның көптеген өңіріндегі ауа райына солтүстік-батыстан келе жатқан суық антициклон ықпал етіп күн суытады.
Тек республиканың солтүстік және шығыс өңірлері ғана солтүстік циклон жырасының ықпалында болады. Мұнда жаңбыр жауып арты қарға ұласады.
Сондай-ақ жел күшейіп, көктайғақ, түнде және таңертең тұман түсуі ықтимал.

Алдағы үш күнге арналған ауа райы болжамы

Kyzylorda-news.kz. Педагог қызметкерлерінің кәсіби мерекесіне орай Қызылорда қаласындағы Назарбаев Зияткерлік мектебінің бір топ ұстаздары марапат биігінен көрінді.
Өскелең ұрпаққа сапалы тәрбие мен бағалы білім беруде өлшеусіз еңбегі мен кәсіби біліктілігі үшін мектептің 20 мұғалімі директордың Алғыс хатына ие болды. Салтанатты шарада білім ордасының басшысы Бахыт Жұматай жыл үздіктерін құттықтап, ұстаз мамандарының бала тәрбиесіндегі маңыздылығын атап өтті.
<blockquote>
 “Ұлылар «мұғалімдер адамның жанын сауықтырады» деп бекер айтпаған. Ұстаз алдына келген шәкірттің бойындағы рухани ауруларды көзбен анықтап, оны емдей алу керек. Оқушылардың көңіл-күйін сезе білу, қажеттіліктерін түсіне алу өте қиын. Осындай маңызды да жауапты істеріңізде шығармалық табыстар тілеймін. Жасап жатқан еңбегіңіздің жемісін көре беріңіздер,- деді Бахыт Әмірханұлы.
</blockquote>

Қызылордада НЗМ ұстаздарына құрмет көрсетілді

Kyzylorda-news.kz. “Учаске” жедел-профилактикалық іс-шарасын өткізу барысында Қызылорда облысында учаскелік полиция инспекторлары 5 мыңға жуық әкімшілік құқық бұзушылықты анықтады.
15 қыркүйектен бастап облыс көлемінде “Учаске” жедел-профилактикалық іс-шарасы өткізілуде.
Шара басталғалы облыс орталығында заңсыз жалға ұсынылып жүрген 43 пәтер анықталып, олар бойынша шешім қабылдау мақсатында жергілікті жерлердегі Мемлекеттік кірістер басқармаларына ұсыныстар жолданды. Сонымен қатар тұрғылықты жері жоқ 10 адам анықталып, қабылдау-тарату орындарына орналастырылды.
Бұдан басқа қаруды заңсыз сақтау мен тасымалдаудың 15 дерегі анықталды. Аталған іс-шара 10 желтоқсанға дейін жалғасады.

Қызылордада учаскелік полиция инспекторлары 5 мыңға жуық құқық бұзушылықты анықтады

Kyzylorda-news.kz. Қазақстанның құқық қорғау жүйесінде шерифтер пайда болуы мүмкін, деп хабарлайды <a href="https://www.inform.kz/kz/kazakstanda-sherifter-payda-boluy-mumkin_a3702319">ҚазАқпарат</a>.
<blockquote>
 «Біз АҚШ, Ұлыбритания мен Канадада кеңінен тараған шерифтер моделін енгізу мәселесін пысықтап жатырмыз», – деді ІІМ кадр саясаты департаментінің бастығы Айдар Сайтбеков онлайн брифинг барысында.
</blockquote>
Сондай-ақ елде «аттам жердегі полиция» қағидатын енгізу көзделген. Сонымен қатар ІІМ қылмыстың көп тіркелуі бойынша елді мекендерге талдау жүргізіп, патрульдік полиция қызметкерлерінің бағдарына өзгеріс енгізбек. Шериф – әкімшілік-соттық лауазым. АҚШ-та шериф округтық полицияның басшылығында тұрады. Ал Ұлыбританияда графтықтардағы үкіметтің негізгі өкілі саналады.

Қазақстанда шерифтер пайда болуы мүмкін

<a href="https://kyzylorda-news.kz/">Kyzylorda-news.kz.</a> “Nur Otan”- партиясы алдағы сайлауда ұсынатын жаңа депутаттар корпусының құрамын қалыптастыруға бағытталған праймериз – партияішілік сайлауын өткізді. Осыған орай Қызылорда облысынан праймеризге қатысушылардың бірқатары өз пікірлерін білдірген болатын.
<img src="https://kyzylorda-news.kz/wp-content/uploads/2020/10/kuttykozhaev.jpg" alt="" />
Қызылорда облыстық мәслихаттағы «Nur Otan» партиясы депутаттық фракциясының жетекшісі Ибадулла Құттықожаев: Біз еліміздің болашағының жарқын болғанын қалаймыз
Бұл сайлауға қатысты түрлі пікірлер айтылуда. Әрине,біздің елімізде алғаш қолға алынған саяси шара болғандықтан оның жетістігімен қатар, кемшін тұстарының болуы да заңды. Биліктің немесе сыртқы &nbsp;күштердің ықпалын мейлінше азайтуды көздеген дауыс берудің электрондық жүйесі сыр беріп, ашылмай, дауыс бере алмай,әбігерге салған сәттер де болды. Дегенмен де, тәуекелге барып, дауыс берудің осындай формасын енгізу, бұл “Nur Otan” тарапынан жасалынған батыл қадам.
Партияның негізі – бастауыш партия ұйымдары екенін көбісі енді түсіне бастады. Білім, денсаулық, оқу орындары, ірі өндіріс т.б салалардағы бастауыш партия ұйым мүшелері осы саяси науқан барысында байқалған белсенділерді назардан тыс қалдырып, өз өкілдеріне басымдық берді. Бұл алдағы жұмыста мән беретін мәселе.
Дегенмен де біз праймериз барысында жаңашыл, белсенді азаматтардың жаңа буынның өкілдерін байқадық. Енді праймериз жеңімпаздары 12 ақпанға дейін өтетін партия коференцияларында аудан, қала, облыстық мәслихаттарға кандидат ретінде ұсынылатын болады. Алдағы сайлауға “Nur Otan”- партиясы біршама дайындықпен жылжуда. Бұл шаралардың басқа партиялардың сайлау науқанына жаңаша қарауына ықпалы болары анық.
Біз еліміздің болашағының жарқын болғанын қалаймыз. Бұл жолда жақсы бастамалар, идеялар көтерген азаматтар біздің құндылығымыз. Ал, ойы бұзық, керағар, тасадан тас ататын шолақ белсенділер қай қоғамда да болған. Оларға қуғын-сүргін заманында, алаштың арыстарын қор қылғандай, жол бермеу керек. Бүгінгі ары, жаны таза азаматтармен тонның ішкі бауындай ынтымақта болып, қолдайық ағайын!
<img src="https://kyzylorda-news.kz/wp-content/uploads/2020/10/120910891_135205648324199_6659509339502182486_o.jpg" alt="" />
Қармақшы ауданы және Қызылорда қаласының құрметті азаматы Шаһизада Әбдікәрімов: Ынтымақ ұйымынан
Биылғы жылдың оқшау оқиғасы – «NurOtan» партиясының алдағы саяси науқанға тас-түйін дайындалып, партияішілік праймериз өктізуі еді. Сонау 1842 жылы АҚШ-тағы президент сайлауы қарсаңында алғаш қолданылған үміткерлерді дауыс беру арқылы сұрыптау технологиясын Аргентина, Уругвай, Франция, Германия сияқты Латын Америкасы және Европа елдері қолдады. Ол – 2000 жылы посткеңестік республикалар аумағында Ресей Федерациясында жүзеге асырылды.
Қандай бір партияның демократиялық бағытын айшықтайтын, ішкі мәдениеті мен этикалық қалыптарын нығайтатын, біртұтас көзқарас тәртібін шегендейтін бұл тәсілдің азаматтық қоғам құрудағы мәні зор. «Болды да партия, ел іші жарылды» дейтін ұлы Абайдың ескертуін нақ түсінген «Nur Otan» бастамасы басқаларға да ой салса деймін. Себебі, праймериз кезеңінде партияластарымыздың болар іске белсенділігін, жауапкершілігі мен ұйымшылдығын байқадым. Облыстық, қалалық, аудандық филиалдар бекітілген кестеге сай жұмыс істеп, үміткерлер мен таңдаушылардың талап-тілектері деңгейінен көріне білді. Праймеризге қатысушыларға методикалық-техникалық көмек көрсету өз дәрежесінде жүргізілді. Бастауыш партия ұйымдарының мүшелерді қоғамдастыру іс-қимылында кінәрат байқалған жоқ. Соның нәтижесінде облыс бойынша өзім праймеризге барған Қармақшы ауданында сұрыптау сайысы мақсатты мәресіне жетіп отыр.
Мен облыстық мәслихаттың екі шақырылымының депутаты болып, аймағымыздың әлеуметтік-экономикалық үдерісіне қатысып келемін. Зәру мәселелер де назарымнан тыс қалған емес, оларды шешуге әріптестеріммен бірге араласып жүрмін. Өзімнің жылдар беделінде жинақтаған тәжірибем мен партияластарымның сеніміне сүйеніп, жаңашыл бастамаға қатысып отырмын. Нәтижесін уақыт көрсетер. Ең бастысы – маған сенім білдірген 2232 партия мүшелеріне және праймериз кезеңін ұйымдастырушыларға алғыс сезімімді білдеремін.
<img src="https://kyzylorda-news.kz/wp-content/uploads/2020/10/120132794_3257401284307735_5781957453736552687_o.jpg" alt="" />
«Q-MED» клиникасының директоры Раушан Базарбай: Праймериз 2020 – әйел және саясат
Адамзат тарихы әйел мен ер адам өмірінің әр саладағы қарым қатынасынан, өмір сүру қағидалары тарихынан құралған. Бұны гендерлік тұжырымдама деп сипаттаймыз.
Бүгінгі таңда қоғамның толыққанды дамуына ықпал ететін ерлер мен әйелдер арасындағы Гендерлік теңдік деген пікірді қамтитын көптеген қабылдаған құжаттар, гендерлік саясатты жүргізетін қоғамдық ұйымдар мен заңды құрылымдар бар болғанымен, гендерлік теңдікке толыққанды жетуге Қазақстанның шығыс елдерінің, діні ұстанымдардың әсері басымдырақ болды.
Шынтуайтында, гендерлік теңдік ерлер мен әйелдердің елдің ұлттық, саяси, экономикалық, әлеуметтік және мәдени дамуына үлес ретінде өз құқықтарын іске асыру үшін тең жағдайлары, сондай-ақ өз қызметінің нәтижелерінен пайда алудың тең мүмкіндіктері болуын болжайды.
Осы орайда, Президентіміз Қасым-Жомарт Тоқаевтың биліктің шешуші органдарының қатарына кемінде 30 % әйел адамдардың болуын талап ету, еліміздің демократиялық жолдағы өте жақсы көрсеткіші деуге болады.
Әйел адамы ең алдымен, ана, отбасының қамқоршысы. Дегенмен, қазіргі урбанизация, глобализация, демократизация заманында Әйелдер өздерінің саяси белсенді позицияларын айқын көрсетуде.
Біздің аймақта Қазақстан тарихындағы ең алғаш әйел әкім тағайындалды. сенаторлыққа қаншама тіке-тіреске қарамастан, бәйгеде аты оза шауып таза өз беделі мен елдің арасында жинаған абыройының арқасында сенатор болып Акмарал Альназарова халықтың қолдауымен сайланды. Ал осы праймериз іріктеуінде қанша «Менмін» деген ер азаматтар тұрсада, елдің таңдауы көпшілік дауыспен тағыда өзіміздің қатарымыздағы белсенді әйел Аида Ибрагимқызы Абибуллаева озып отыр. Сенатор болып сайланған Акмарал Шәріпбайқызы да, Аида Ибрагимқызы да жанұясымен жұмысын қатар алып жүрген әйелдер.Осы әйелдердің саяси аренада өз орындарын алғандағы жолы арқылы , әйелдер саясаткерлеріне “жыныстың әлсіздігіне” жеңілдік жасамайтынын білдік.
Тарих пен тәжірибе әйелдің ерікті қасиеттері оларға халықтарды басқаруға, тиранияға қарсы тұруға, өз елін өркендеу мен бостандыққа жетелеуге мүмкіндік береді дейді. Парламент пен Үкіметте әйелдердің 30% – дан азы бар мемлекеттер ана мен баланы қорғау, Бала құқықтары, әлеуметтік қорғау проблемаларымен нашар күреседі. Ал, әйелдер билік құрылымдарының кем дегенде үштен бірін құрайтын елде, қоғам тұрақты дамитынын , демократия мен ашық мемлекет болатынын уақыт пен Европа елдерімен айшықталған.
Азаматтық Қоғам саясаткер әйелдерге жоғары талаптар қояды, бұл әйелдердің саяси жетекшілерінің бірінің тапқыр ескертуін тудырды: әйелді саясаттағы көрнекті тұлға ретінде қарастыру үшін ол “ат сияқты жұмыс істеп қана қоймай, нәзіктілігін жоғалтпау керек». Біздің өңірден шыққан жоғарыда аты аталған халық қалаулылары осы талапқа сай келеді деп анық айта аламын.
Әйелдердің елдің саяси өміріндегі шынайы жағдайын праймериз 2020 көрсетті, төменгі, Жергілікті деңгейде әйелдердің белсенді болғанын және олардың жергілікті билік органдарындағы өкілдігі жоғары болғанын мойындамау мүмкін емес.Бұл жалпы әлемдік үрдіс.
Кейбір батыстық саяси сарапшылардың пікірінше, әйелдер Жергілікті қатысу деңгейін орталық билікке қарағанда идеологиялық және саяси тұрғыдан қолайлы деп санайды. Бұл жергілікті деңгейде өңір әйелдерінің өмірлік мүдделерімен байланысты нақты практикалық міндеттер шешілетіндігімен, сондай-ақ депутат жұмысының нәтижелері айқын көрінетіндігімен түсіндіріледі.
Әрине, Nur Otan партиясы әйелдердің өкілеттіктерін кеңейту тенденциясын атап өтпесем болмайды, бұл басқа партиялардан айырмашылығы, әйелдердің мемлекеттік басқару органдардағы жұмысына көптеп қатысуына, халықтың мұң-мұқтажын естуші мемлекет болып қалыптасу жолындағы белсенді іс –әрекеттерін айшықтады.
Билік және басқару органдарындағы әйелдердің өкілдігі көп болуы, ол елдің саяси- әлеуметтік дамуының белгісі болып саналады. ХХ ғасырда өркениетті әлемнің барлық дерлік елдері әртүрлі қарқынмен жүргізген құқықтық реформалар заң алдындағы гендерлік теңсіздікті алып тастады және әйелдер сайланған қызметтерде де , жалпы ақылы мансапқа да жол ашты. Бұл жаһандық эмансипацияның әділеттілігі , заң алдындағы гендерлік теңдік үшін күреске арналған алғашқы толқыны, әйел еңбегін қажет ететін урбанизация көрсеткіші.
Сонымен қатар, билік органдарындағы әйелдердің пайызын біртіндеп арттыру процесі өркениет прогресінің сөзсіз белгісі болып табылады.
Немен түсіндіріледі бұл қарама-қайшылық? Саяси жүйеде жеке адамдар емес, институттар — оқиғалар емес, енгізіліп жатқан процестер маңызды.
Саясатта таңдалып алынған кандидаттың жақсы , сүйкімді, тартымды болғаны маңызды емес, маңыздысы сайлау қаншалықты заңды жолмен өтті, қаншалықты барлық үміткерлерге тең мүмкіншіліктер берілді, қаншалықты әділ өтті.
Осы орайда біздің әйелдер бәрін өз маңдай терімен алды, ерлердің алдын орап алып, өз белсенділігі мен тапқырлығы, бар мүмкіншілкті пайланудағы озықтығы, халықтың сеніміне серпін берді деп ойлаймын.
Жалпы айтқанда, Қызылорда өңірінің қыздары озып тұр. Сонау ер мінезді жау жүрек Тұмар (Томирис) ханым мен ару қызымыз Жібектің текті ұрпағы екеніміз көрініп тұр. Талай ғұламаларды өмірге әкелеген қасиетті Сыр өңірі, осы жолы да жақсы сипатта ерекшеленді!
Іске сәт, ер жүректі азаматшалар!

Праймериз &#8211; жарқын болашаққа жасалған қадам

Kyzylorda-news.kz. Сауд Арабиясы зиярат етушілерді қабылдай бастады.
Жеті айға созылған тыйымнан кейін жергілікті билік кіші қажылық рәсімдерін орындауға қайта рұқсат беріп отыр. Билік өкілдерінің айтуынша, Ұмра маусымы кезең-кезеңімен ашылады. Әзірге оны тек жергілікті халық пен эмигранттар атқара алады екен. Ал 1 қарашадан бастап, кіші қажылық рәсімін орындауға шетелдіктерге де рұқсат берілмек. Айта кетейік, індет кесірінен тек мыңға жуық мұсылман қажылық жасады.
<a href="https://24.kz/kz/zha-aly-tar/lemde/item/427340-mekke-ziyarat-etushilerdi-abyldaudy-bastady">Хабар 24</a>

Қазақстан және Қызылорда облысының жаңалықтары

6 қазанға арналған ауа райы болжамы

Қызылордалық бірқатар журналистер “Халық алғысы” медалімен марапатталды

15 жылда бір қайталанатын құбылыс

Университеттің бұрынғы ректоры мен есепшісі сотталды

Қызылордалық полицейлер жоғалған 17 жылқыны иесіне тауып берді

23 жастағы келіншек 6 баланың анасы атанды

Алдағы үш күнге арналған ауа райы болжамы

Қызылордада НЗМ ұстаздарына құрмет көрсетілді

Қызылордада учаскелік полиция инспекторлары 5 мыңға жуық құқық бұзушылықты анықтады

Қазақстанда шерифтер пайда болуы мүмкін

Праймериз – жарқын болашаққа жасалған қадам

Мекке зиярат етушілерді қабылдауды бастады

Қазақстан және Қызылорда облысының жаңалықтары

6 қазанға арналған ауа райы болжамы

Қызылордалық бірқатар журналистер &#8220;Халық алғысы&#8221; медалімен марапатталды

15 жылда бір қайталанатын құбылыс

Университеттің бұрынғы ректоры мен есепшісі сотталды

Қызылордалық полицейлер жоғалған 17 жылқыны иесіне тауып берді

23 жастағы келіншек 6 баланың анасы атанды

Алдағы үш күнге арналған ауа райы болжамы

Қызылордада НЗМ ұстаздарына құрмет көрсетілді

Қызылордада учаскелік полиция инспекторлары 5 мыңға жуық құқық бұзушылықты анықтады

Қазақстанда шерифтер пайда болуы мүмкін

Праймериз &#8211; жарқын болашаққа жасалған қадам

Мекке зиярат етушілерді қабылдауды бастады

Қызылордалық бірқатар журналистер “Халық алғысы” медалімен марапатталды

Праймериз – жарқын болашаққа жасалған қадам