<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мұхтар Оразбаев тиісті сала басшыларымен бірге Әйтеке би кентін аралап, атқарылып жатқан жұмыстармен танысты.
Қазіргі кезде Қазалы қаласы мен Әйтеке би кентінің аралығынан салынып жатқан Жалаңтөс батыр ескерткішінің айналасын абаттандыру жұмыстары басталып жатыр.
Саябақ айналасы қоршалып, ішіне жарықшамдар, ротондалар орнатылып, брусчатка төселеді.
Абаттандыру жұмыстарын Әбдімәлік Өтеулі басқаратын “Намыс құрылыс” ЖШС-ның құрылысшылары жүргізуде.
Аудан әкімі Мұхтар Оразбаев мердігер мекеме басшысына даңқты қолбасшының еңселі ескерткіші орналасқан саябақ халық көңілінен шығу үшін сапалы жасалу қажеттігін айтты. Оны бақылауды тиісті сала басшыларына тапсырды.
Мұнан соң аудан басшысы теміржол вокзалына арнайы барып, қоғамдық әжетхана салу мәселесін талқылады. Әйтеке би кентінің әкімі Қайрақбай Орынбасаров жеке кәсіпкерлердің тарапынан био әжетхана салу жөнінде ұсыныс бар екенін айтып, вокзал маңынан жер белгілеу қажеттігін айтты. Аудан әкімі Мұхтар Оразбаев тиісті сала мамандарына био әжетхана салатын орынды белгілеп беруді тапсырды.Сонымен қатар, алдағы уақытта халық көп жиналатын жерден әжетхана салу жолдарын қарастыру қажеттігін жеткізді.
<img src="https://kyzylorda-news.kz/wp-content/uploads/2021/09/241758565_3153584158195843_5762418437959194995_n.jpg" alt="" />
<img src="https://kyzylorda-news.kz/wp-content/uploads/2021/09/241752564_3153584508195808_534763887899844193_n.jpg" alt="" />

Қазалыда абаттандыру жұмыстары басталды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 4386 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 344,
Алматы қаласы – 679,
Шымкент қаласы – 29,
Ақмола облысы – 259,
Ақтөбе облысы – 533,
Алматы облысы – 425,
Атырау облысы – 435,
Шығыс Қазақстан облысы – 124,
Жамбыл облысы – 129,
Батыс Қазақстан облысы – 129,
Қарағанды облысы – 343,
Қостанай облысы – 78,
Қызылорда облысы – 166,
Маңғыстау облысы – 185,
Павлодар облысы – 416,
Солтүстік Қазақстан облысы – 23,
Түркістан облысы – 89.
Қазақстан бойынша жазылғандар саны – 766 435.

Қызылордада 166 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2801 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 324,
Алматы қаласы – 611,
Шымкент қаласы – 99,
Ақмола облысы – 187,
Ақтөбе облысы – 104,
Алматы облысы – 218,
Атырау облысы – 77,
Шығыс Қазақстан облысы – 152,
Жамбыл облысы – 31,
Батыс Қазақстан облысы – 31,
Қарағанды облысы – 381,
Қостанай облысы – 156,
Қызылорда облысы – 44,
Маңғыстау облысы – 86,
Павлодар облысы – 197,
Солтүстік Қазақстан облысы – 75,
Түркістан облысы – 28.
Жалпы ел бойынша ауырғандар саны – 845 388.

Қызылордада 44 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Кәсіпорын таратқан деректерге қарағанда, республиканың басым бөлігінде антициклонның әсерінен күн жауын-шашынсыз болады. ҚР солтүстігінде, солтүстік-батысында және оңтүстік-батысында атмосфералық фронталды бөліктердің әсерінен жаңбыр жауады, солтүстік-батыста найзағай ойнайды, деп хабарлайды Қазгидромет.
Республиканың батысында, солтүстігінде, шығысында тұман, солтүстігінде, солтүстік-батысында, оңтүстік-шығысында, оңтүстік-батысында жел күшейеді.
Солтүстік Қазақстан облысының солтүстік-батысында түнде және таңертең тұман түседі, күндіз облыстың оңтүстігінде желдің күшейіп, жылдамдығы секундына 15-20 метрге дейін барады.
Павлодар облысының оңтүстігінде түнде тұман түсіп, күндіз шығысында, оңтүстігінде жел секундына 18 м/с жылдамдықпен соғады.
Таңертең және күндіз Қостанай облысында найзағай ойнап, күндіз облыстың солтүстігінде жел 15-20 м/с жылдамдықпен соғады.
Күндіз Маңғыстау облысының оңтүстік-шығысында жел 15-20 м/с жылдамдықпен соғып, шаңды дауыл тұрады.
Таңертең және күндіз Ақмола облысының солтүстігінде және батысында жел 15-20 м/с жылдамдықпен еседі.
Жамбыл облысының солтүстік-шығысында, оңтүстік-батысында жел 15-20 м/с жылдамдықпен соғады.
Атырау облысының батысында, орталығында тұман түседі. Түнде Шығыс Қазақстан облысының солтүстігінде тұман түседі.
Түнде Павлодар облысының оңтүстігінде, Қарағанды облысының солтүстік-шығысында, Шығыс Қазақстан облысының батысында, солтүстігінде, солтүстік-шығысында 3 градус үсік жүреді.
Маңғыстау, Түркістан облыстарында, Алматы, Жамбыл, Қызылорда, Атырау, Ақтөбе облыстарының басым бөлігінде, Қостанай, Қарағанды облыстарының оңтүстік-батысында, батысында, Батыс Қазақстан облысының солтүстік-шығысында, Шығыс Қазақстан облысының оңтүстігінде төтенше өрт қауіпі сақталады.

14 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz</a>. Мемлекет басшысы Қазақстан Халқына арнаған Жолдауында ең алдымен экономикалық белсенділікті, оның ішінде шағын және орта бизнесті дамыту бағытында бірқатар бастамалар көтерді. Биылғы жылы өз тиімділігін көрсеткен “Қарапайым заттар экономикасы” және “Бизнестің жол картасы 2025” мемлекеттік бағдарламалары келер жылы да іске асырылып, микроқаржы ұйымдарының әлеуеті кеңеймек. Өңірлік коммуникациялар қызметінде өткен баспасөз конференциясында облыстық кәсіпкерлік және туризм басқармасының басшысы Фердоуси Қожабергенов атқарылып жатқан жобалар туралы кеңінен баяндады.
<blockquote>
 “Пандемия жағдайында Мемлекет басшысының тапсырмасына сәйкес Үкімет бизнестің әл-ауқатын жақсарту мақсатында ауқымды және жедел қолдау шараларын тапсырған болатын. Бизнес үшін салықтық жеңілдіктер қарастырылып, мемлекеттік бағдарламалардың несиелендіру шарттары жеңілдетілді. Биыл облыста “Бизнестің жол картасы 2025” және “Қарапайым заттар экономикасы” атты бағдарламаларды іске асыру үшін 3,6 млрд.теңге қаржы қарастырылған. Жыл басынан бері бұл жобалар аясында субсидия жалпы несие портфелі 17,3 млрд. теңгені құрайтын 1144 жобаға қолдау берілген болатын. Президентіміздің биылғы Жолдауында аталған бағдарламаларды 2022 жылға ұзарту жөнінде шешім қабылдады. Бұл ретте Мемлекет басшысы жергілікті жерде жұмыс істейтін және сол жердің бизнесі мен олардың мүмкіндіктерін білетін микроқаржы ұйымдарының әлеуетін іске қосуды және мемлекеттік бағдарламаларға белсенді қатысуды қамтамасыз ету туралы тапсырды. Өңірімізде жыл басынан бері бұл бағытта 6 жылдан астам өзінің тиімділігн көрсеткен “Қызылорда өңірлік инвестициялық орталығы” арқылы 150 ден астам жобаға 903 млн.теңге көлемінде жеңілдетілген несие берілді. Мемлекеттік қолдау шараларының нәтижесімен шағын және орта бизнестің жалпы өңірлік өнімдегі үлесін 18,5 пайызға жеткізу жоспарлануда”,- деді Фердоуси Әбілқасымұлы.
</blockquote>
Сондай-ақ, “Бастау Бизнес” жобасы бойынша оқуды аяқттаған түлектерді несиелендіру үшін “Жұмыспен қамту жол картасы” бағдарламасы аясында 1 млрд.теңге қарастырылған. Қаражат облыс әкімдігінің Кәсіпкерлер палатасымен бірлесіп құрылған “Atameken Qyzylorda” арқылы 238 жобаға берілетін болады. Бүгінде өңірде 50 мыңнан аса кәсіпкер жұмыс жасайды.

Жолдау 2021: Кәсіпкерлікке қолдау басым

Kyzylorda-news. kz. Осыдан бірер күн бұрын әлеуметтік желілерде оқушыларға вакцина егу туралы Жалағаш аудандық білім бөлімінің хаты шығып, халық арасында резонанс туындаған болатын. Интернет ресурстарда кеңінен тарап кеткен хатқа қатысты бүгін Өңірлік коммуникациялар қызметі алаңында өткен брифингте Облыстық санитариялық-эпидемиологиялық бақылау департаменті басшысының орынбасары Әлия Әбдіқайымова мен Облыстық білім басқармасының басшысы Ақзира Қасымова мәлімдеме жасады.
Бұл мәселеге қатысты, облыстық білім басқармасы ата-аналдарды аландатып, қоғамда екіұдай пікірде қалдыруға жол берген аудандық білім бөлімі басшысының қызметтік жауапкершілігін қарап, тәртіптік жаза қолданғандығын жеткізді.
<blockquote>
 “Заңға сәйкес, ҚР Үкіметінің 24.09.2020 ж. № 612 Қауылысына орай 18 жасқа дейінгі балаларға ата-аналардың келісімінсіз ешқандай екпе жұмыстары жүргізілмейді. Өздеріңізге мәлім, епке жасайтын алдында әр ата-анаға келісім парағы беріледі. Арнайы келісімсіз балаға екпе жасалмайды. Аталған жағдайға байланысты Білім және ғылым министрілігі, Білім басқармасы тарапынан балаларға екпе жұмыстарын жүргізу туралы қандайда бір құжат қабылдаған емес”, – деді облыстық білім басқармасының басшысы Ақзира Қасымова.
</blockquote>
Айта керек, аталмыш хатта – Ұлттық екпе күнтізбесіне сәйкес егілетін вакциналар (БЦЖ,қызылша, қызамыққа қарсы, АбКДС+ХиБ+ИПВ) туралы мектептердегі ата-аналар комитеті өкілдеріне ақпараттық-түсіндірме жұмыстарын жүргізу мақсатында мәлімет жинақтау үшін жіберілген.
<img src="https://kyzylorda-news.kz/wp-content/uploads/2021/09/fb_img_1631540743888.jpg" alt="" />
<blockquote>
 Қазіргі таңда республика көлемінде 12-жастан асқан балаларды коронавирус инфекциясына қарсы вакциналау мәселесі қарастырылуда. Дегенмен бұл түпкілікті шешілмеген және балаларға арналған вакцина біздің елге жеткізілген жоқ,- деді Әлия Мүтәліпқызы.
</blockquote>
Қазіргі таңда республика көлемінде 12-жастан асқан балаларды коронавирус инфекциясына қарсы вакциналау мәселесі қарастырылуда, дегенмен бұл мәселе түпкілікті шешілмеген.

Балаға екпе салына ма? Қызылордалық   басшылар жауап берді

<a href="https://kyzylorda-news.kz/">Kyzylorda-news.kz</a>. Биылғы жылдың наурыз айынан бастап «Қылмыстық қудалаудың заңдылығын қадағалауды ұйымдастыру бойынша нұсқаулыққа өзгерістер мен толықтырулар енгізілу» туралы ҚР Бас прокурорының бұйрығы шығарылды.
Ендігі жерде аумақтық басқарма міндеттерінің бірі болып – мемлекеттiк органдарды, жеке және заңды тұлғаларды елдегi заңдылық пен құқық тәртiбiнiң жай-күйi туралы ақпараттандыру болып табылады. Ал, уәкiлеттi орган ретінде мемлекеттiк құқықтық статистика сотқа дейінгі тергеп-тексерудің басталуына дейінгі қылмыстық құқық бұзушылықтар туралы арыздар мен хабарламаларды қабылдау, тіркеу және есепке алу туралы заңнаманың қолданылуына қадағалауды жүзеге асырмақ. Осы орайда, облыс бойынша құқық қоғау органдарымен жүргізіліп отырған құқық бұзушылыққа қатысты есепке алу-тіркеу тәртібінің жай-күйін қылмыстық қудалау бөлімшелерінің прокурорларымен бірлесіп тексерулер жүргізіледі. Бұл туралы Өңірлік коммуникациялар қызметінде өткен баспасөз конференциясында ҚР Бас Прокуратурасы құқықтық статистика және арнайы есепке алу жөніндегі Комитетінің Қызылорда облысы бойынша басқарманың қылмыстық саладағы құқықтық ақпаратты қалыптастыру бөлімінің бастығы Қанат Жалғасов мәлімдеді.
Айта кету керек, хабарламаларды тіркеу және есепке алу кезінде жасырылған қылмыс бойынша жыл басынан бері 46 дерек тіркелді. Жасырылған қылмыстың дені ұрлық деректері. Ал осының 90 пайызы ішкі істер органдарының қызметіне қатысты болып отыр. Сонымен қатар, қылмыстық құқық бұзушылықтар туралы арыздар мен хабарламаларды қабылдау, тіркеу және есепке алу заңнама талаптары бұзылған жағдайға кезіксеңіз аталмыш басқармаға хабарласып, шағымдануыңызға болады.

Қызылордада жыл басынан бері жасырылған 46 қылмыстық дерек тіркелді

<a href="https://kyzylorda-news.kz/">Kyzylorda-news.kz</a>.&nbsp;Қызылорда облыстық Қазақстан халқы ассамблеясының ұйымдастыруымен «Менің Қазақстаным» жобасы аясында жастардың қатысуымен «Өз қалаңды таны» интеллекталдық сайысы өтті.
Сайысқа «Жаңғыру жолы» жастар қозғалысының белсенділері, этнос жастары мен еріктілер қатысты.
Мақсаты жастар арасында қаламыздағы маңызы зор тарихи және мәдени ескерткіштер мен орындарды, шаһарымыздың басты құндылықтарын кеңінен таныту. Сондай-ақ қала тарихына қатысты білімдерін жетілдіру.
Барлығы 4 топқа бөлінген қатысушыларға тарихи орындарға қатысты түрлі сұрақтар мен тапсырмалар берілді. Тапсырмалар мен жасырылған сұрақтарды уақытында тапқан және сол тарихи тұлғаның немесе орынның толық мәліметін ұсынған топтар жүлделі орындарды иеленді. Интеллектуалдық сайыс Б. Шөкенов атындағы саябақтан бастау алып, Достық үйінде аяқталды.&nbsp;
Нәтижесінде қазылар алқасының шешіміне сәйкес «Сыр Ана» тобы жүлделі І орын, «Тұран» тобы ІІ орын, «11 аймақ» тобы ІІІ орынды иеленді. Шара соңында облыстық ішкі саясат басқармасының «Қоғамдық келісім» КММ директорының міндетін атқарушы Ф. Әбдібағдатұлы қатысушыларға алғысын білдіре отырып, жеңімпаздарды марапаттады. Жеңімпаздарға қаржылай сыйақылар мен дипломдар, барлық қатысушыларға Алғыс хаттар табысталды.

Қызылордада «Өз қалаңды таны» сайысы өтті

<a href="https://kyzylorda-news.kz/">Kyzylorda-news.kz</a>.&nbsp; Қазақстанда осы жылдың соңына дейін 37 жаңа жатақхана пайдалануға беріледі, деп хабарлайды Білім және ғылым министрлігінің баспасөз қызметі.
БҒМ Қаржы орталығының президенті Асқар Ибраимовтың айтуынша, министрлік студенттер жатақханаларын салу мен қайта құру қарқынын жеделдету үшін жаңа тетіктер әзірледі.
<blockquote>
 “Атап айтқанда, жатақханалар нысаналы құрылыс және жоғары оқу орындарының өз қаражаты есебінен, сондай-ақ мемлекеттік-жекеменшік әріптестік қағидаты бойынша салынады. Яғни, инвесторлар өз қаражатына жатақхана салады, ал министрлік оларға мемлекеттік тапсырысты орналастырып, студенттің әрбір жатын орнын төлейді”, – деді ол.
</blockquote>
Ведомство мұндай алгоритм жатақхана санын едәуір арттыруға және студенттердің өмір сүру жағдайын жақсартуға мүмкіндік бергенін атап өтті.
Қазір құрылыс жұмыстары Нұр-Сұлтан қаласында, Қызылорда, Қарағанды, Шығыс Қазақстан, Жамбыл және Маңғыстау облыстарында белсенді жүріп жатыр.
Нұр-Сұлтан мен Алматыда жеке инвесторларды қосымша ынталандыру үшін мемлекеттік тапсырыс көлемін 47 АЕК-тен 92 АЕК-ке дейін ұлғайту мүмкіндігі қарастырылуда. Өйткені бұл қалаларда жатақханаға аса қажеттілік байқалады.
Сондай-ақ, мемлекеттік тапсырысты орналастыру мерзімін 8 жылдан 5 жылға дейін қысқарту туралы ұсыныс әзірленді.
Жоғары оқу орындары мүмкіндігіне қарай өз ақшасына да жатақхана салады. Кейбір оқу мекемелері тұрғын үй, жатақхана мен қонақ үйлерді жалға алып, студенттерді соған орналастыруда. Бүгінгі таңда 13 жоғары оқу орны 5 мың студент үшін төсек-орындарды жалға алды, деп толықтырды білім министрлігі.
Ведомство келесі жылы тағы 60-қа жуық студенттер үйін пайдалануға беру жоспарланып отырғанын мәлімдеді.
Айта кетері, соңғы үш жылда республикада 85 жаңа жатақхана іске қосылып, 22 мыңнан астам студент қоныстанды.

Қызылордада жыл соңына дейін студенттер жатақханасы пайдалануға беріледі

<a href="https://kyzylorda-news.kz/">Kyzylorda-news.kz</a>. Жалағаш ауданында дәстүрлі түрде еңбек лагері өтті.
Еңбек лагерьін аудандық жастар ресурстық орталығы және «Сұңқар» әлеуметтік қамқорлық орталығы қоғамдық қоры ұйымдастырды.
Еңбек лагері Таң ауылына қарасты «Манақ баба» шаруа қожалығында өткізілді. Шаруашылық басшысы Шағыртаев Берік ағамыз жастарға арнайы қой атап, өзінің қонақжайлығын көрсетті. Лагерь мақсаты жастарға ұмытылып бара жатқан қазақ дәстүрлерін дәріптеу, ұлттық ойындарды насихаттау болып табылады. Шаруашылықта атқарылатын жұмыстарды екі күн жастар өздері жасап, білетіндері өз ептілігін көрсетті, білмегендері сол жұмыстарды жасап үйренді. Ер балдар шаруашылық қызметкерлеріне көмектесіп, шөп жинап, қой қырқуға көмектесті, қой сойып, қыздар ішек-қарын тазалады, таңмен таласып сиыр сауып қатық ұйытып, айран пісті, қиға нан көмді. Лагерь қызығы одан әрі жалғасып ер балдар асық ату, гір тасын көтеру, ләңгі тебу сайыстарына қатысып өзара бақ сынасты, кешкі асқа қуырдақ жасап бірінші күніміз кешкі алау жанында ән шырқаумен жалғасты.
Екінші күні жастар атқа мініп жасанды серке тартып, балық аулап, ет асты, қонақ күтуге дайындық жасап қыздар бауырсақ пісірді, қолдан қамыр жайып бешбармақ қамына кірісті. Таң ауылының жастары бақшада өсіп тұрған жергілікті дәмі тіл үйіретін қауын, қарбыз ұсынып ауыл жастарымен таныстық жалғаса түсті. Лагерь аясында шаруашылық жұмыстарында белсенділік танытып көзге түскен жастар үшін ұйымдастырушылар «Лагерь Аруы», «Лагерь Сұлтаны» номинациясын табыстап арнайы диплом және бағалы сыйлықтармен марапаттады. Еңбек лагерінің басты мақсаты аудан жастарының ауызбіршілігін нығайтып, жаңа бір орта қалыптастыру.
Екі күнге созылған жастардың еңбек лагеріне аудан әкімінің орынбасары Еспенбет Жасұлан, облыстық жастар ресурстық орталығының орынбасарлары Дауылбай Мақсат, Гүлназ Айдарбекова, жыршы-термеші Марат Сүгірбай, ақын Мөлдір Айтбай, Қармақшы аудандық жастар ресурстық орталығының директоры Әділбеков Сырым қонақ болып келді. Арнайы Жалағаш ауданы жастарымен кездесіп, пікірлесіп өздерінің ыстық лебіздерін білдіріп жастарға әннен шашу шашып, арнау айтып лагердің сәнін келтірді.
<img src="https://kyzylorda-news.kz/wp-content/uploads/2021/09/241663751_3077941999140387_6917717188469480180_n.jpg" alt="" />
<img src="https://kyzylorda-news.kz/wp-content/uploads/2021/09/241717759_3077942359140351_5568858057942815905_n.jpg" alt="" />
<img src="https://kyzylorda-news.kz/wp-content/uploads/2021/09/241756923_3077942042473716_8149076496552828465_n.jpg" alt="" />
<img src="https://kyzylorda-news.kz/wp-content/uploads/2021/09/241678030_3077942442473676_3777993286768359242_n.jpg" alt="" />
<img src="https://kyzylorda-news.kz/wp-content/uploads/2021/09/241752039_3077941982473722_274168282199674627_n.jpg" alt="" />
<img src="https://kyzylorda-news.kz/wp-content/uploads/2021/09/241752556_3077942265807027_4664142957681430879_n.jpg" alt="" />
<img src="https://kyzylorda-news.kz/wp-content/uploads/2021/09/241752563_3077942145807039_6228933021922662554_n.jpg" alt="" />
<img src="https://kyzylorda-news.kz/wp-content/uploads/2021/09/241754410_3077942382473682_8918287279713366947_n.jpg" alt="" />
<img src="https://kyzylorda-news.kz/wp-content/uploads/2021/09/241775946_3077942099140377_938670429134110319_n.jpg" alt="" />
<img src="https://kyzylorda-news.kz/wp-content/uploads/2021/09/241810064_3077942329140354_7924259386396035629_n.jpg" alt="" />
<img src="https://kyzylorda-news.kz/wp-content/uploads/2021/09/241800046_3077942292473691_6909490702772684495_n.jpg" alt="" />
<img src="https://kyzylorda-news.kz/wp-content/uploads/2021/09/241820273_3077942075807046_3242382502903150174_n.jpg" alt="" />

Жалағашта еңбек лагері ұйымдастырылды (ФОТО)

<a href="https://kyzylorda-news.kz/">Kyzylorda-news.kz</a>. Халықаралық Ақпараттар Академиясының академигі, Еуразиялық кәсіби лидер медалінің иегері, Қазақстанның Құрметті журналисі, Алматы облысы, Еңбекшіқазақ ауданының Құрметті азаматы Ермек Жұмахметұлы Зәңгіров – Біріккен Ұлттар Ұйымы (БҰҰ) сыйлығының лауреаты атанды.
Жерлесімізге бұл жоғары дәрежелі атақ Арал-Байқоңыр өңірі экологиялық жағдайын зерттеу еңбегі үшін берілді.
Еңбек БҰҰ-ның ресми 5 тіліне аударылып, Нью-Йорктегі халықаралық ұйымның штаб пәтеріне тапсырылды.

Қызылордалық БҰҰ сыйлығының лауреаты атанды

<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мұхтар Оразбаевтың төрағалығымен коронавирус індетінің алдын алуға байланысты штаб отырысы өтті.
Штаб отырысына аудан әкімінің орынбасары Жалғас Сүйеубаев, дербес бөлімдер мен тиісті мекеме басшылары қатысты.
Аудан басшысы Мұхтар Оразбаев еліміздегі эпидемиологиялық ахуал тұрақтала бастағанымен, қауіпсіздік шараларын естен шығармау қажеттігін айтты. Сондай-ақ, жұқпалы індеттен құтылудың бірден-бір жолы вакцинациялаудың маңызы зор екенін тілге тиек етті.
Штаб отырысында аудандық санитариялық-эпидемиологиялық қадағалау басқармасының бөлім басшысы Сақып Ақбаева, Қазалы ауданаралық ауруханасының бас дәрігері Бақыткүл Әлішева мен Қазалы теміржол ауруханасының бас дәрігері Айгүл Құлмағанбетова аудандағы вакцинациялау жұмыстары жөнінде хабарлама жасап, атқарылып жатқан жұмыстар жөнінде айтып берді.
Әрбір сала мамандарын мұқият тыңдаған аудан басшысы Мұхтар Оразбаев тұрғындар арасында түсіндірме жұмыстарын көбейту қажеттігін қатаң ескертті. Әсіресе, жұқпалы індетті жеңу үшін ұжымдық иммунитет қалыптастыру қажет екендігін түсіндірді.
Отырыс соңында аудан әкімі Мұхтар Оразбаев коронавирус инфекциясының алдын алуға бағытталған жұмыстарды күшейту үшін бірқатар тапсырмалар берді.

Қазақстан және Қызылорда облысының жаңалықтары