<a href="https://kyzylorda-news.kz/">Kyzylorda-news.kz</a>. Қызылорда облысының дін істері басқармасы мен Қорқыт ата атындағы Қызылорда университеті және Қазақстан мұсылмандары діни басқармасының Қызылорда облысы бойынша өкілдігі ынтымақтастық және өзара іс-қимыл туралы меморандумға отырды.
Меморандум аясында мемлекеттік дін саясатын жүргізуші мамандардың, оның ішінде теологтардың, имамдардың, ақпараттық түсіндіру тобы мүшелерінің біліктілігін, коммуникативтік қабілетін дамыту мақсатында бірлескен оқу курстарын, семинар-тренингтерін, дөңгелек үстелдерді, тәжірибе алмасу алаңдарын ұйымдастырылмақ. Ақпараттық-түсіндіру жұмыстарының субъектілерінің ақпараттық әсер ету технологияларындағы кәсіби құзыреттіліктерін арттырып, жүргізілетін профилактикалық жұмыстарда пайдаланылатын әдістемелік құралдар мен тәсілдердің мазмұндық, талдамалық сапасын арттыруға бірлескен ұсынымдар мен құралдар әзірленеді. Сондай-ақ қоғам өкілдерімен байланыс барысында ақпараттық-түсіндіру топтары мүшелерінің сөйлеу мәдениетін қалыптастыруға ықпал ету жұмыстары жүргізілетін болады.
Меморандум алдағы 3 жылға жоспарланды.
Шараға меморандумға қол қоюшы тараптар, облыстық ақпараттық-насихаттық топ мүшелері, университеттің профессор-оқытушылық құрамы, облыстық дін істері басқармасы, Дін мәселелерін зерттеу орталығының қызметкерлері қатысты.

Үш жақты меморандум жасалды

<a href="https://kyzylorda-news.kz/">Kyzylorda-news.kz</a>. Қазақстанда 2021 жылы азаматтардың аты-жөнін латын графикасына негізделген әліпбиге сай жазу ережелері әзірленеді, деп хабарлайды&nbsp;<a href="https://sputnik.kz/">Sputnik Қазақстан</a>.
Бұл туралы мәденииет және спорт министрлігі алқасының кеңейтілген отырысында айтылды. 
Мәдениет және спорт вице-министрі Нұрғиса Дәуешов министрліктің 2021 жылы атқаратын жұмысына тоқталды.
<blockquote>
 “Абай институты” атты Қазақстанда және шетелдерде қазақ тілін үйрету және ілгерілету бағдарламасын жетілдіріп, қолданыс аясын кеңейту жоспарланған. Сондай-ақ, азаматтардың аты-жөнін латын негізді әліпбимен жазу ережелері әзірленеді”, – Дәуешов.
</blockquote>
Сонымен қатар Қазақстан аумағындағы географиялық нысандардың және олардың құрамдас бөліктерінің атауы латын графикасы негізінде стандартталады.
Вице-министрдің айтуынша, 2021 жылы президенттің “Қазақ тілі әліпбиін латын графикасына көшіру туралы” жарлығына да өзгерістер енгізіледі.
Айта кетейік, қаңтардың аяғында премьер-министр Асқар Мамин қазақ тілі әліпбиін латын графикасына көшіру жөніндегі ұлттық комиссия отырысын өткізді. Жиында латын графикасына негізделген әліпбидің жетілдірілген нұсқасы көрсетілді.
Жетілдірілген әліпбиде әріп саны – 31, әліпби тек латын әліпбиі базалық жүйесі таңбаларынан құралған.&nbsp; Бұл әліпбиде қазақ тілінің&nbsp; 28 дыбысы толық қамтылған.

2021 жылы қазақстандықтар аты-жөнін латын қарпімен жазу ережесі әзірленеді

<a href="https://kyzylorda-news.kz/">Kyzylorda-news.kz</a>. Бүгін Қызылорда облыстық мәслихатындағы «Nur Otan» партиясы депутаттық фракциясының отырысы өтіп, онда алдағы 5 жылда өңірді дамытуға бағытталған «Өзгерістер жолы: Әр азаматқа лайықты өмір» атты партияның Сайлауалды бағдарламасын іске асыруға бағытталған Жол картасы қаралды.
Фракция отырысына арнайы қатысқан облыстық партия филиалының төрағасы, облыс әкімі Гүлшара Әбдіқалықова бағдарламаның негізгі тұстарын атап өтіп, негізгі міндеттерге тоқталды.
<blockquote>
 “Сайлауалды үгіт кезеңінде еліміз бен өңірлерді дамытуды көздейтін партияның «Өзгерістер жолы: Әр азаматқа лайықты өмір!» атты Сайлауалды бағдарламасы тұрғындарға кеңінен насихатталды. Бағдарламада нақты орындалу мерзімдері көрсетілген шаралар тұрғындардың қолдауына ие болып, сайлауда партияның басым дауыс алуына мүмкіндік берді. Біздің алдымызда партияның сайлауалды уәделерін іске асыру міндеті тұр. Облыстық партия филиалының Сайлауалды бағдарламасын жүзеге асыру Жол картасының нақты индикаторларының орындалуы бойынша жауапты депутаттық фракция мүшелерін бекітеміз. Жол картасының әрбір бағытының орындалуына бекітілген басқармалар жауапты болса, фракция мүшелеріне Жол картасының орындалуына бақылау жасау жүктеледі. Бюджет қаражатының тиімді жұмсалуы қатаң бақылауда болуы тиіс. Алдағы фракция отырыстарында атқарылған жұмыстар есебі тыңдалатын болады”, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/02/fb_img_1613643836587-1.jpg" alt="" />
Жиында «Nur Otan» партиясы Қызылорда облыстық филиалының 2025 жылға дейінгі Сайлауалды бағдарламасын жүзеге асырудың Жол картасы кеңінен талқыланып, Саяси кеңес Бюросында бекітуге ұсынылды.
Алдағы 5 жылды қамтыған Жол картасында барлығы 611 көрсеткіш және 1776 іс-шара қамтылған. Аталған шаралар арасында жыл сайын 1000 – ға жуық отбасын тұрғын үймен қамтамасыз ету, аз қамтылған отбасылардан шыққан 3,5 мың студентке қоғамдық көліктерде жол жүруге әлеуметтік көмек бөлу, 1 жастан 6 жасқа дейінгі балаларды мектепке дейінгі тәрбиемен және оқытумен қамтылуын 81%-ға дейін арттыру, балаларды инклюзивті біліммен қамтуды 100%-ға дейін жеткізу, «Жас кәсіпкер» және «Бастау бизнес» жобасы бойынша 3 мың жасты жыл сайын оқыту, жастардың жұмыссыздығын 3,9%-ға дейін төмендету, 9-дан астам инвестициялық экспортқа бағдарланған жобаларды жүзеге асыру, 5 жылда 67 мыңнан астам азаматты жұмыспен қамту, жыл сайын «Қарапайым заттар экономикасы» бағдарламасы аясында кем дегенде 40 кәсіпкерге жеңілдетілген несие беру, жергілікті маңызы бар 578,9 шақырым жолдарға күрделі және орташа жөндеу жұмыстарын жүргізу, 24 жаңа денсаулық сақтау нысандары мен 12 жаңа мектептің құрылысын жүргізу және аяқтау секілді халықтың әл ауқатын жақсарту мен өңірді дамытуға негізделген тың бастамалар бар.
Жиын барысында Жол картасының әрбір саласы бойынша нақты қойылған индикаторлардың орындалуына жауапты фракция мүшелері бекітілді.
Сондай-ақ, Қызылорда облыстық мәслихатындағы «Nur Otan» партиясының депутаттық фракциясы жетекшісінің орынбасары сайланып, фракцияның 2021 жылға арналған жұмыс жоспары бекітілді.
Фракция отырысына облыстық мәслихат хатшысы, жауапты басқарма басшылары мен бұқаралық ақпарат құралдары өкілдері сондай-ақ, селекторлық режимде аумақтық филиалдар төрағалары, төрағалардың бірінші орынбасарлары мен аудандардағы фракция мүшелері де қатысты.

Қызылордада 67 мыңнан астам азаматты жұмыспен қамту жоспарланып отыр

<a href="https://kyzylorda-news.kz/">Kyzylorda-news.kz</a>. Құқық қорғау қызметінің жұмыс уақыты шектеусіз, олар халықтың тыныштығын күні-түні күзетіп қоғамдық тәртіпті бақылайды.Тәртіп, антқа адалдық, елге қызмет. Бұл құқық қорғау саласында 15 жылдан астам уақыт қызмет атқарып келе жатқан Қызылорда облысы ПД-ң Арал ауданы полиция бөлімінің жергілікті полиция қызметі бөлімшесінің бастығы полиция майоры Нұртай Тасқынбаев ұстанымы.
Еңбегі ескерусіз қалмады, бөлімнің мәжіліс залында санитарлық талаптарды сақтай&nbsp; отырып,&nbsp; бөлім бастығы полиция полковнигі Әміржан Өтегенов&nbsp; Қазақстан Республикасының ішкі істер министрінің құзырымен марапаталған полиция майоры Н.Тасқынбаевқа ІІ дәрежелі «Ішкі істер органдарының үздігі» &nbsp;төсбелгісін &nbsp;табыстады.
<blockquote>
 «Қазақстан Республикасының Ішкі істер министрінің құзырымен марапаталу мен үшін&nbsp; мәртебелі марапат. «Ер жігіт –ел таныштығының кепілі» демекші бұл бөлімнің, жеке құрамы&nbsp; қызметкерлерінің барлығының жетістігі деп есептеймін. Осы күн төзімділік, қырағылық деген ұғымды&nbsp; бойыма сіңдіріп, қызметтің қиындығына қарамастан антқа адал болып, өз күш жігерімді&nbsp; Отан алдындағы қызметтік борышымды атқаруға сенім берері сөзсіз»-деді полиция майоры Н.Тасқынбаев.
</blockquote>
<img src="https://kyzylorda-news.kz/wp-content/uploads/2021/02/img-20210218-wa0021.jpg" alt="" />

Министр марапаты қызылордалық полицейге табысталды

<a href="https://kyzylorda-news.kz/">Kyzylorda-news.kz</a>. Осыдан алты жыл бұрын қызылордалық Нина Бекееваға паркинсон ауруы диагнозы қойылды. Өздеріңіз білетіндей, бұл ауру өршіп, іс жүзінде емделмейді. Оның ағымын тек баяулатуға болады. Ол бірнеше рет күндізгі стационарда медициналық көмектерін және облыстағы «Q-med» жеке медициналық орталықта екі рет қалпына келтіру емін алды.
<blockquote>
 «Мен бұл клиникадағы екі апталық курста физикалық тұрғыдан емделіп қана қоймай, ең керемет шипажайда жатқандай демалдым. Мұнда бірнеше рет ем қабылдадым, олардың ішінде физиотерапия, емдік дене шынықтыру, массаж және тағы басқалар. Мен әрдайым осы клиника қызметкерлерінің жұмысына, көрсетілген қызметтердің сапасына және осы медициналық мекемеде қалыптасқан ерекше мейірімді атмосфераға таң қаламын. Мен – зейнеткермін, мемлекет қаржыландыратын санаттағы сақтандырылған азаматтардың қатарынан боламын. МӘМС жүйесіне заманауи клиникада оңалтудан өту мүмкіндігін бергені үшін алғысымды білдіремін», – деп атап өтті Нина Бекеева.
</blockquote>
Айта кетейік, «Q-med» клиникасында тек Қызылорда облысының ғана емес, басқа да өңірлердің тұрғындары оңалтудан өтеді. Басты шарт- қолыңызда міндетті түрде жергілікті емхана дәрігерінің жолдамасы болуы қажет.
2020 жылы аймақтың 17 медициналық ұйымы стационарлық жағдайда 1&nbsp;709,3 млн теңге сомасына 8 741 оңалту қызметін көрсетілді.
Ал, 2021 жылғы қаңтар айында облыстың медициналық ұйымдары стационарлық жағдайда 127,6 млн теңге сомасына 632 оңалту қызметін көрсетті.
<img src="https://kyzylorda-news.kz/wp-content/uploads/2021/02/4_kz.jpg" alt="" />
<img src="https://kyzylorda-news.kz/wp-content/uploads/2021/02/5_kz.jpg" alt="" />

МӘМС жүйесі заманауи клиникада оңалтудан өту мүмкіндігін береді

<a href="https://kyzylorda-news.kz/">Kyzylorda-news.kz</a>. Мемлекеттік сәулет-құрылыс бақылау басқармасы тарапынан электронды деректер базасы құрылған. Атап айтқанда, “Halyq Monitoring” сайты іске қосылды. Сайтқа бюджет қаражатына салынатын нысандар, құрылыс-монтаж жұмыстарының басталу және аяқталу мерзімдері, тапсырыс беруші, мердігер мекемелер мен авторлық және техникалық қадағалауды жүзеге асыратын ұйымдар, бөлінген қаржы мөлшері туралы мәліметтер енгізілуде.
<blockquote>
 «Биыл сайтқа мемлекеттік қаражат есебінен салынып жатқан 35 нысан енгізілді. Бұл бағыттағы жұмыстың көлемін ұлғайту және қарқынын арттыру мақсатында мемлекеттік сатып алу рәсімдерінің қорытындысы бойынша жаңадан салынатын құрылыс нысандарын енгізу жоспарланып отыр»,-деді облыстық мемлекеттік сәулет-құрылыс бақылауы басқармасы басшысының орынбасары Марат Мырзабеков.
</blockquote>
Жыл көлемінде басқарма тарапынан тұрғындарға 1169 қызмет көрсетілді. Оның 500-і сарапшылық қызметке аттестаттауға, 669-ы лицензиялауға қатысты болған.
<blockquote>
 «Өткен жылы құрылыс сапасына қатысты 172-і әкімшілік іс қозғалып, 49 млн. 622 мың теңге көлемінде айыппұл салынды. Салынған әкімшілік айыппұлдың 43 млн. 422 мың теңгесі бюджетке өндірілді. Ал қалған 6 млн. 200 мың теңгесі өндіру сатысында. Анықталған ақаулар мен кемшіліктер дер кезінде жойылды. Айта кететін жайт, облыстағы құрылыстың сапасы қатаң бақылауда»,-деді Марат Салқадинұлы.
</blockquote>
Брифингте сала мамандары биыл 1964 пәтерлік 101 тұрғын үйді пайдалануға берілетінін айтты.
<blockquote>
 «Биыл «Нұрлы жер» мемлекеттік бағдарламасы аясында тұрғын үй құрылысы мен инженерлік коммуникациялық инфрақұрылым желілерін жүргізу үшін мемлекеттік бюджет есебінен 11,0 млрд.теңге қаржы бөлінді. Сонымен қатар, жыл көлемінде кредиттік тұрғын үй бойынша 665 пәтерді құрайтын 38 тұрғын үй халық игілігіне беріледі. Ал жеке коммерциялық құрылыс салушылар есебінен 220 пәтерді құрайтын 6 тұрғын үйдің құрылысы жүргізілуде»,- облыстық құрылыс, сәулет және қала құрылысы басқармасы басшысының орынбасары Арнұр Нұрмағанбетов.
</blockquote>
<img src="https://kyzylorda-news.kz/wp-content/uploads/2021/02/152033072_1232950047100505_5634828128583950935_o.jpg" alt="" />

&#8220;Halyq monitoring&#8221; сайты іске қосылды

<a href="https://kyzylorda-news.kz/">Kyzylorda-news.kz</a>. Қызылорда облысының оқушылары «Мың бала» ұлттық олимпиадасына қатысқаннан кейін дарынды балаларға арналған мектептер мен Birge Oqý онлайн-мектебінде білім алуға мүмкіндік алды. Бұл туралы өңірлік коммуникациялар қызметі хабарлады.
Birge Oqý онлайн-мектебінде барлығы екі мың оқушы оқиды. Сабақты елордалық лицейлер мен мамандандырылған мектептердің үздік мұғалімдері жүргізеді. Онлайн-мектеп Қазақстанның барлық оқушыларынан сапалы білім алуға көмектесетін «Елбасы Академиясы» корпоративтік қорының сұранысқа ие танымал жобасына айналды.
Академияның басқарушы директоры Ануар Жанғозиннің айтуынша, жоба қалалар мен ауылдардағы оқушылар арасындағы білім беру теңсіздігін қысқартуға бағытталған.
Онлайн мектепте алтыншы және жетінші сынып оқушылары оқи алады, өйткені дәл осы кезеңде олардың пәндік білімге белсенділігі артады. Айта кету керек, жоба аясында қазақстандық және шетелдік сарапшылар, сондай-ақ мұғалімдер мен ата-аналардың қатысуымен ұзақ уақыт бойы пысықтау жұмыстары жүргізілді.
<blockquote>
 «Өткен жылдың сәуір айында біз онлайн-оқытуды қалай жүргізу керектігі туралы үлкен талдау жұмыстарын жүргіздік. Ол барлық оқушылар қашықтан білім алуға мәжбүр болып, қиындықтарға тап болған кезең болатын. Мұғалімдер, балалар мен ата–аналардвң басым бөлігі білім алу процесінің бір сәтте өзгеріске ұшырауына дайын болмай шықты. Біз қашықтан оқыту сапасы тақырыбында 100-ден астам тікелей эфир өткіздік, нәтижелерді талдадық, барлық тілектерді ескердік және онлайн – мектеп құрдық», – деді Ануар Жанғозин.
</blockquote>
Естеріңізге сала кетейік, онлайн-мектепте оқыту тегін жүргізіледі. Сабақты еліміздің жетекші педагогтары – НЗМ, РФММ, астаналық лицейлер мен халықаралық мектептердің 70-тен астам оқытушысы өткізеді. Жоба іске қосылған сәттен бастап математика, ағылшын, қазақ және орыс тілдері бойынша 40 мыңнан астам сағат оқыту өткізілді. Мектепте сондай-ақ, тьюторлардың қызметі де қарастырылған. Олар оқушылардың сабаққа қатысуы мен үлгерімін бақылайтын, түсіндіру және тәрбие жұмыстарын жүргізетін консультанттардың рөлін атқарады.

Қызылорда облысының 200-ден астам дарынды оқушысы Елбасы академиясында білім алуда

<a href="https://kyzylorda-news.kz/">Kyzylorda-news.kz</a>. Соңғы 5 жылда аграрлық сектордың жалпы өңірлік өнімдегі үлесі 4 процентке өсті. Бұл туралы Қызылорда облысының әкімі Гүлшара Әбдіқалықова өңірдің 2020 жылғы әлеуметтік-экономикалық дамуының қорытындылары бойынша халық алдындағы есепті кездесуінде мәлімдеді.
Сыр елінің агроөнеркәсіп саласында айтарлықтай өсім бар екендігін нақты сандармен көрсетті. Бұл өз кезегінде бұл инвестициялардың жоғары өсу қарқынына, техникалық қайта жарақтандыруға және жаңа технологиялардың енгізілуіне байланысты.
Есеп беру кездесуінде аймақтағы атқарылған жұмыстардың көкжиегі көрінді. Алда ауқымды жобалар да жетерлік, бұл жөнінде өңір басшысы нақты межені көрсетті. Біздің сала ауылшаруашылығы болғаннан соң, осы бағыттағы толымды істерге көңіліміз толды. Қолдау да аз емес.
Шыны керек, ауылшаруашылығы саласының даму көрсеткіші көңіл қуантарлық. Оның ішінде Жаңақорған ауданы мал шаруашылығынан көш ілгері келеміз. Экспорт көлемі де ұлғайды.
Сонымен қатар, өңірде ауыл шаруашылығы өнімдерінің экспорты шамамен 9 пайызға өскен. Осы экспорттың 97 пайызы қайта өңделген өнімді құрайды. 2020 жылы алғаш рет шет елге қамыс экспортталды. Оның алғашқы 685 тоннасы Германияға жіберілді. Сондай-ақ, Сыр елінен әлемнің 17 еліне ауыл шаруашылығы өнімдерінің 11 түрі экспортталды.
Иә, атқарылған жұмыстың межесі осындай межемен көрінді, биыл бұдан да биіктерді бағындыруға жұмыс жасау бағыты бар.
Серік МЫРЗАБАЕВ, 
«Бекарыс Агрофуд» ЖШС төрағасы

Серік Мырзабаев: Аграрлы саланың жетістігі көп

<a href="https://kyzylorda-news.kz/">Kyzylorda-news.kz</a>. Қызылорда қаласында 62 сорғы станциясы бар. Оның 23-і өткен жылы қайта жаңғыртылды. Ал биыл 11-і жөнделеді. Жалпы, шаһарда әр түрлі қысымдағы 426 шақырым кәріз жүйесі бар.
<blockquote>
 «Жөндеуден өткен сорғы станцияларға швециялық «Флюгт» маркалы насос қондырғысы орнатылады. Ерекшелігі, автоматтық жүйе диспетчер арқылы басқарылады. Заманауи вентиляция жүйесі қарастырылған. Судың көлеміне сәйкес және КНС-тегі газдың мөлшері нормадан асқан жағдайда автоматты түрде қосылып, ажыратылады», – деді қалалық тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің басшысы БіржанДалабаев.
</blockquote>
Бүгінде кәріз жүйесіне байланысты қордаланған мәселелерді кезең-кезеңімен шешу үшін жоба-сметалық құжаттар дайындалды. Тиісті қаражаты бөлінсе жұмысты басталмақ.
<blockquote>
 «Алайда бәрін бір жылда шешу мүмкін емес. Қалатұрғындарының да шағымына тиісінше жауап беріп, орын алған апаттық жағдай қалпына келтірілуде. Сондай-ақ, кәріз жүйелерін тексеру барысында жер асты суына тұрмыстық қалдықтарын, шүберек, бөтелке, полиэтилен пакеттерін тастағаны анықталды. Осы орайда шаһар тұрғындарынан кәрізжүйелеріне тұрмыстық қалдықтарын тастамауын сұраймыз», – деді «Қызылорда су жүйесі» МКК директоры Марат Жамиев.
</blockquote>
<img src="https://kyzylorda-news.kz/wp-content/uploads/2021/02/111.jpg" alt="" />

Қызылордада биыл 11 сорғы станциясы қайта жаңғыртылады

<a href="https://kyzylorda-news.kz/">Kyzylorda-news.kz</a>. Қызылорда қалалық полиция басқармасына 1988 жылы туған қала тұрғыны арызданды. Арызданушының айтуы бойынша, белгісіз азаматша қала аумағында қол жетімді тұрғын үй алуға жәрдемдесемін деп, алаяқтық жолымен &nbsp;1&nbsp;250&nbsp;000 теңге көлемінде ақшасын иеленген.
Басқарманың жедел іздестіру жұмыстарының және кәсіби әрекеттерінің нәтижесінде 33 жастағы облыс орталығының тұрғыны ұсталды.
<blockquote>
 «Аталған дерек бойынша Қазақстан Республикасы Қылмыстық кодексінің 190 бабының 1 бөлігімен (Алаяқтық) сотқа дейінгі тергеп-тексеру амалдары жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды», – делінген полиция департаментінің таратқан хабарламасында.
</blockquote>

Қызылордада 1 миллион 250 мың теңге жымқырған алаяқ ұсталды

<a href="https://kyzylorda-news.kz/">Kyzylorda-news.kz</a>. Қала әкімі Нұрлыбек Нәлібаев шаһардағы бірқатар нысандарды аралады. Алдымен күрделі жөндеуден өткен «Су жүйесі» мекемесінің қазіргі тынысы мен жұмысын көруден бастаған қала басшысы жаңарған ғимараттың жаңалықтарына оң баға берді.
Мекеменің орналасқан ғимараты 1964 жылы бой көтерген. Содан бері жөндеу көрмеген нысанның тозығы жетіп, қызметкерлердің жұмыс істеуіне айтарлықтай қиындық туғызған. Былтыр жарты ғасырдан астам тарихы бар ғимараттың жаңа кейіпке енуіне «Жұмыспен қамту Жол картасының» шарапаты тиді. Бағдарлама аясында бөлінген қаржыға су жүйесінің өндірістік техникалық базасы жаңғыртылып, ғимараты жөнделді. Мекеме &nbsp;ауласы асфальтталып, цех және гаражы қалыпқа келтірілді. Сонымен бірге мекеменің тағы бір жаңалығы тұрғындардың ауыз су мәселесіне қатысты сауалдарын қабылдауға арналған диспетчерлік бөлім құрылған. Артықшылығы су жүйесінің мамандары бұрынғыдай үй-үйді аралап, тұрғындар қарызын жинаумен айналыспайды. Суға қарызыңыз болса қоңырау шалып не болмаса хабарлама жазу арқылы ескертеді. Ал тұрғындар қарызының бар жоғын анықтағысы келсе орталықтың байланыс номеріне (+77056903410) хабарласып, ақпарат алуға мүмкіндігі бар.
Аралау барысында мекеменің бүгінгі өзгерісі мен қол жеткен жетістігінің барлығы мемлекет тарапынан көрсетілген үлкен қолдаудың нәтижесі деген қала әкімі «Ғимараттарыңыз жаңарды. Ендігі ретте тұрғындарға үздіксіз қызмет көрсетіп, сапалы ауыз сумен қамту керек» – деді. Сонымен бірге&nbsp; қызметкерлердің айлығын уақытылы төлеп, үздік жұмысшыларға сыйақы беруді де үйлестіру керектігін де &nbsp;атап өтті. Сондай-ақ тұрғындармен тілдесіп, мекеменің қызмет көрсету сапасы жайында пікірлесті.
Өз кезегінде мекеме басшысы Марат Жәмиев қызметкерлердің айлығы бұрын 6-7 айға дейін кешіктірілсе қазір бір жүйеге келіп қалғандығын айтып, саладағы жағымды жаңалықтың бірі қаладағы ауыз су тарифы арзандап, 61 теңгеден 44 теңгеге төмендегендігін жеткізді.
Өткен жылы Сырдария өзенінің сол жағалауындағы жаңа қалада тұрып жатқан елдің қуанышын еселеп, көптің сүйіншілей айтқан хабарының бірі жаңа модульді жылу қазандағының іске қосылуы болды. Германия мен Италиядан әкелінген соңғы үлгідегі технологиялармен жабдықталған жаңа нысан еліміз бойынша цифрлық технологиямен жабдықталған жалғыз орталық. Бүгінде жылу орталығының бірінші кезеңі аяқталып, сол жағалау аумағында орналасқан 32 көпқабатты тұрғын үймен 2 әлеуметік нысанды («Рухани жаңғыру» және «Жастар орталығы») жылумен қамтамасыз етіп тұр. Мұндағы бір қазандықтың өзі 100 үйді жылумен қамтамасыз етуге қауқарлы. Орталық құрылысының екінші кезеңі толық іске қосылғанда сол жағалауды түгел жылумен қамтамасыз ететін болады.
<img src="https://kyzylorda-news.kz/wp-content/uploads/2021/02/151623429_2776347149298692_4314566983867571536_o.jpg" alt="" />
<img src="https://kyzylorda-news.kz/wp-content/uploads/2021/02/151647390_2776347242632016_8577615292680708043_o.jpg" alt="" />
<img src="https://kyzylorda-news.kz/wp-content/uploads/2021/02/151790513_2776347139298693_697952710970864103_o.jpg" alt="" />

Қызылордада ауыз су бағасы арзандаған

<a href="https://kyzylorda-news.kz/">Kyzylorda-news.kz</a>. Білім және ғылым министрі Асхат Аймағамбетов дебат қозғалыстарын жандандыру және мектептегі өзін-өзі басқару туралы пікір айтты.
Ол екінші курста оқып жүргенімде дебаттарға қатыса бастаған.
<blockquote>
 «Дебатқа алғаш рет курстасымның өтініші бойынша қатыстым. Негізі ойынға басқа азамат шығуы керек болатын, бірақ ол бара алмады. Әр ойын сайын тәжірибе жинап, жарты жылдан кейін факультет деңгейінде, кейін университет, қала, облыс деңгейінде жеңімпаз болдық. Одан кейін Ұлттық пікірсайыс турнирі болды. Сол жылдары дебат қозғалысы өте белсенді дамып жатты. Әрбір университет пен мектеп қабырғасында дебат клубтары жұмыс істейтін.
 Мектептерде пікірсайыстар Карл Поппер форматында, ал университеттерде негізінен америкалық парламенттік форматта ұйымдастырылатын. Ойынның қай тілде өткізілетініне байланысты дебат үш лигаға бөлінетін», деп жазды Асхат Аймағамбетов&nbsp;<a href="https://www.facebook.com/askhat.aimagambetov/posts/10217986056259248">Facebook</a>-тегі парақшасында.
</blockquote>
Министрлің айтуынша, қазіргі уақытта жан-жақты даму үшін тек білім қоры жеткіліксіз. Әр адам жинаған білімі мен білігін дұрыс пайдалануы маңызды.
Бұл ретте дебат ойындары мен мектептегі өзін-өзі басқару тетіктері жоғарыда аталған қабілеттерді қалыптастырады.
<blockquote>
 «Дебат тек зияткерлік ойын емес, ол – сыни ойлау дағдыларын қалыптастырып, ақпаратты дұрыс талдауға, командамен бірлесіп жұмыс істеуге, сұрақ қойып, оларға нақты жауап беруге үйрететін білім беру технологиясы. Ойынға қатысушылар кейін үгіт-насихат пен популистік идеяларды оңай ажыратып, өз ұстанымын көпшілікке нақты аргументтер арқылы жеткізе алады. Мұндай тәжірибе жастарға күнделікті ақпарат ағынын сыни қабылдауға да көмектеседі. Балалар бір-бірімен қарым-қатынас жасай отырып, өздерінің әлеуметтік байланыстары мен бір-біріне деген сенімін нығайтады», – деді ол.
</blockquote>
Пікірсайыстарда жетістіктерге жету үшін көзқарас, мықты мінез, өз ұстанымын дәлелді түрде қорғай білуге жетелейтін ұмтылыс маңызды. Ол үшін көп кітап оқып, танымдық бағдарламаларды қарап, қарым-қатынас орната білу, аргументация дағдыларын дамыту бойынша үнемі жұмыс істеу керек.
<blockquote>
 «Жалпы еліміздегі оқушылар арасында дебат ойындары алғаш рет 1996 жылдың сәуір айында өтті. Сол уақытта Алматы, Қарағанды, Солтүстік Қазақстан, Қостанай, Ақтөбе, Павлодар облыстарында, Нұр-Сұлтан және Алматы қалаларында ұйымдастырылған ойындардың өзіндік стилі мен бағыттары қалыптасты. Әрине, ол ойындар оқушылардың бойында коммуникативтік құзыреттілікті дамытуға мүмкіндік берді. Біз еліміздегі мектептерде, колледждер мен университеттерде дебат қозғалысын қайта жаңғыртып жатырмыз», деді Асхат Аймағамбетов.
</blockquote>
Министрдің айтуынша, Әрбір оқу орнындағы білім алушылардың жан-жақты дамуына барынша мүмкіндік жасау қажет. Бұл ретте мектептегі өзін-өзі басқару жүйесінің де ықпалы зор.
«Ы. Алтынсарин атындағы Ұлттық білім академиясы арнайы әдістемелік нұсқаулық әзірлеп шығарды. Соның негізінде еліміздегі мектептер өзін-өзі басқару технологияларын енгізе алады.
Мектептегі оқушылардың өзін-өзі басқаруы қалай жүргізілмек?
Әдетте оқушылар арасында сайлау ұйымдастырылып, мектеп парламентінің мүшелері сайланатын. Оның құрылымында атқарушы органдар да болуы мүмкін, олардың әрқайсысы өз бағытына жауап береді. Бұл жүйе оқушыларға басқарудың не екенін түсінуге, олардың саяси және құқықтық мәдениетін арттыруға мүмкіндік береді. Балаларға жауапкершілік жүктеп, өз бетінше әрекет етуге жағдай жасайды.
Мұның маңызы неде?
Ең алдымен оқушылар мектептегі барлық білім алушалардың мүддесіне сәйкес бастамалар көтеріп, тиісті шешім қабылдауды және оларды жүзеге асыруды үйренеді.
Мектептегі өзін-өзі басқару білім беру процесін демократияландыру, көшбасшылық қасиеттерді дамыту, әлеуметтік маңызы бар жобаларды жүзеге асыруға және бар мәселені бірлесіп шешуге өз ықпалын тигізеді.
Алдағы уақытта өзін-өзі басқару үрдісі де дебат ойындары сияқты мектептердегі, колледждер мен жоғары оқу орындарындағы тәрбие жұмысының ажырамас бөлігіне айналады», – деді Асхат Аймағамбетов.
Министр балалар мен жастардың шығармашылық және зияткерлік тұрғыда дамуына бағытталған жобаларды қолдайтын жеткізді. Мұндай кішігірім бастамалар біздің қоғам үшін өте маңызды. Пікірсайыстар мен өзін-өзі басқару жүйесі әлеуметтік капитал мен қоғамдық сенім деңгейін көтеруге де әсер етпек.

Қазақстан және Қызылорда облысының жаңалықтары

Үш жақты меморандум жасалды

2021 жылы қазақстандықтар аты-жөнін латын қарпімен жазу ережесі әзірленеді

Қызылордада 67 мыңнан астам азаматты жұмыспен қамту жоспарланып отыр

Министр марапаты қызылордалық полицейге табысталды

МӘМС жүйесі заманауи клиникада оңалтудан өту мүмкіндігін береді

“Halyq monitoring” сайты іске қосылды

Қызылорда облысының 200-ден астам дарынды оқушысы Елбасы академиясында білім алуда

Серік Мырзабаев: Аграрлы саланың жетістігі көп

Қызылордада биыл 11 сорғы станциясы қайта жаңғыртылады

Қызылордада 1 миллион 250 мың теңге жымқырған алаяқ ұсталды

Қызылордада ауыз су бағасы арзандаған

Асхат Аймағамбетов: Елімізде дебат қозғалысын қайта жаңғыртып жатырмыз

Қазақстан және Қызылорда облысының жаңалықтары

Үш жақты меморандум жасалды

2021 жылы қазақстандықтар аты-жөнін латын қарпімен жазу ережесі әзірленеді

Қызылордада 67 мыңнан астам азаматты жұмыспен қамту жоспарланып отыр

Министр марапаты қызылордалық полицейге табысталды

МӘМС жүйесі заманауи клиникада оңалтудан өту мүмкіндігін береді

&#8220;Halyq monitoring&#8221; сайты іске қосылды

Қызылорда облысының 200-ден астам дарынды оқушысы Елбасы академиясында білім алуда

Серік Мырзабаев: Аграрлы саланың жетістігі көп

Қызылордада биыл 11 сорғы станциясы қайта жаңғыртылады

Қызылордада 1 миллион 250 мың теңге жымқырған алаяқ ұсталды

Қызылордада ауыз су бағасы арзандаған

Асхат Аймағамбетов: Елімізде дебат қозғалысын қайта жаңғыртып жатырмыз

“Halyq monitoring” сайты іске қосылды