<a href="https://kyzylorda-news.kz/">Kyzylorda-news.kz.</a> Қызылорда қаласында электрондық газ есептегіш құрылғысы механикалық жүйеге өткізілуде. Бүгінгі таңда 14 мыңнан астам тұтынушы электрондық газ есептегішпен көгілдір отынды пайдаланып отыр.
<blockquote>
 «Электрондық газ есептегіш құрылғысын механикалық жүйеге өткізу үшін бізге 104 немесе колл орталық 87710121211 телефондар арқылы хабарласу керек. Сонымен қатар orda-ktga@mail.ru электрондық поштасына жазбаша өтінім жолдауларына болады. Ақысыз өткізіп береміз. Электрондық газ есептегішті ұзақ уақыт пайдаланылғандықтан батареясы тозып, есептегіш істен шығуда. Осы олқылықтың алдын алу мақсатында тұрғындардан механикалық жүйеге көшуге кеңес береміз», – деді “ҚазТрансГаз Аймақ” АҚ Қызылорда өндірістік филиалы өтім және газ режимі қызметінің басшысы Жолдас Әженов.
</blockquote>
Механикалық жүйенің тағы бір артықшылығы төлемді kaspi.kz, homebank.kz ұялы қосымшалар арқылы және Qiwi, Касса24 терминалдары арқылы төлей алады.

Қызылордада газ есептегіш құрылғысы механикалық жүйеге ауыстырылуда

<a href="https://kyzylorda-news.kz/">Kyzylorda-news.kz.</a> 2020 жылдың қорытындысы бойынша COVID-19 және вирустық пневмониямен күреспен айналысатын аймақтың 15 536 медицина қызметкеріне қаржылық қолдау көрсетілді. Өткен жылда бұл мақсатта 3 млрд. 002 986 мың теңге бағытталды. Бұл туралы әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.
2020 жылдың наурыз айынан 2021 жылдың қаңтарға дейін ынталандыру төлемдері бөлінді:
<ul>
<li>наурызда – 476 медицина қызметкеріне 63 291,2 мың теңге сомасында;<ul>
<li>сәуірде – 1 921 медицина қызметкері, 319&nbsp;305,9 мың теңге;</li>
<li>мамырда – 1 784 медицина қызметкері, 317&nbsp;273,2 мың теңге;</li>
<li>маусымда – 1 906 медицина қызметкері, 419&nbsp;430,9 мың теңге;</li>
<li>шілдеде – 3 452 медицина қызметкері, 947&nbsp;557,1 мың теңге;</li>
<li>тамызда – 2 453 медицина қызметкері, 407&nbsp;345,1 мың теңге;</li>
<li>қыркуйекте – 839 медицина қызметкері, 96&nbsp;410,1 мың теңге;</li>
<li>қазанда – 896 медицина қызметкері, 124 207,2 мың теңге;</li>
<li>қарашада – 825 медицина қызметкері, 138 734,5 мың теңге;</li>
<li>желтоқсанда – 984 медицина қызметкері, 169 430,7 мың теңге;</li>
<li>2021 жылғы қаңтар айында – 1062 медицина қызметкеріне 152 767,9 мың теңге сомасында.</li></ul></li>
</ul>
Естеріңізге сала кетейік, көтермелеу сомасы еңбек жағдайларының қауіптілік дәрежесіне байланысты және сәйкесінше 20, 10 және 5 ЕТЖ құрайды.

Қызылордада 1 мыңнан астам медицина қызметкеріне  үстемеақы төленді

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы облыс тұрғындары үшін ақпараттық-талдамалық қамтамасыз ету бойынша қызметті ұсынады. Ақпараттық-талдамалық қамтамасыз ету бойынша қызмет кәсіпкерлерге және кәсіпкерлік бастамасы бар тұрғындарға облыстың барлық аудандарында орналасқан Кәсіпкерлерді қолдау орталықтарында, сонымен қатар <a href="https://g4b.kz/">порталы</a> арқылы онлайн режимде көрсетіледі.
ҚЫЗМЕТТЕР АҚЫСЫЗ, ТЕГІН.&nbsp;
Кәсіпкерлікті қолдау орталықтарының мекен-жайы:
Аралауданы – Арал қаласы, Бақтыбай батыр көшесі, №46 үй, тел.:8/72433/79199
Қазалы ауданы –&nbsp; Әйтеке би кенті –Әйтеке би көшесі,&nbsp; №9 үй, тел.:8/72438/79243
Қазалы ауданы –&nbsp; Қазалы қаласы – Жалаңтөс көшесі,&nbsp; №23 үй тел.:8/72433/79199
Қармақшы ауданы – Жосалы кенті, Көшербаев көшесі, №36 үй, тел.:8/72437/79120
Жалағаш ауданы –&nbsp; Жалағаш кенті, Үркімбаев көшесі, №33А үй, 8/72431/79199
Сырдария ауданы – Сырдария кенті, Қонаев көшесі, № 12 А үй, 8/72436/79179
Шиелі ауданы –&nbsp; Шиелі кенті, Рысқұлов көшесі, №5 үй, тел.:8/72432/79255
Жаңақорған ауданы –&nbsp; Жаңақорған кенті, Иманов көшесі, №171 үй, тел.:8/72435/7912
Қармақшы ауданы – Байқоңыр қаласы, Абай даңғылы №16, 8/33622/23527
Кәсіпкерлер палатасының мекен-жайы: Қызылорда қаласы, Қорқыт ата 123, «Бизнеске арналған Үкімет» ғимаратының 1, 3-қабаттары.
Анықтама үшін телефон: 8 /7242/ 40-08-74, 40-02-02
Сall-Center – 1432

Қызылорда: Кәсіпкерлер палатасы ақпараттық қызмет ұсынады

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ҚАЖ департаментіне қарасты ЗК-169/5 мекемесінде ұрлық қылмысымен жазасын өтеп жатқан С. есімді азаматқа қысқа мерзімді кездесуге келген танысының сәлем-сауқатынан есірткі заты анықталды.
Мекеме қызметкерлері кездесуге келген азаматтың сәлем-сауқатын тексеру барысында «State Line» темекі қорабына нығыздалып салынған 27 дана «жасыл түсті, өткір иісті» затты анықтаған.&nbsp; 
Жедел түрде 102 нөміріне хабарланып, мекемеге Қызылорда қалалық Полиция басқармасының жедел-тергеу тобы шақыртылды.
Тәркіленген зат бойынша сот сараптама жұмыстары тағайындалып, қорытындысымен салмағы 20,22 граммды құрайтын «кептірілген марихуана» екені дәлелденді. Аталған дерек бойынша Қазақстан Республикасы ҚК-нің 297-бабының 1-бөлігімен сотқа дейінгі тергеп-тексеру жұмыстары жүргізілуде.
Түзеу мекемесі қызметкерлерінің қырағылығы мен жедел ұйымдасқан әрекетінің нәтижесінде мекеме аумағына есірткі затының кіріп кетуінің жол кесілді.

Қызылордада сотталғанмен кездесуге келген азаматтың сәлемдемесінен есірткі заты анықталды

<a href="https://kyzylorda-news.kz/">Kyzylorda-news.kz.</a> «Қазгидромет» РМК 25-27 ақпанға арналған ауа райы болжамын жариялады.
Арктикалық антициклон республиканың басым бөлігінде ауа температурасының одан әрі төмендеуіне әкеледі.
Еліміздің кей жерлерінде қар жауады, республиканың шығысы мен оңтүстік-шығысында қалың қар жауады, батысында, 27 ақпанда оңтүстігінде жауын-шашын (жаңбыр, қар) және көктайғақ болады. Кей жерлерде тұман түседі, жел күшейіп, қарлы боран болады деп күтілуде.

Қазақстанның басым бөлігінде ауа температурасы одан әрі төмендейді

<a href="https://kyzylorda-news.kz/">Kyzylorda-news.kz.</a> Қарамағындағы қызметкерге үй салып берген кәсіпкердің шығыны субсидияланады, деп хабарлайды <a href="https://24.kz/kz/zha-aly-tar/ekonomika/item/457389-jdi-50-subsidiyalanady">«Хабар 24»</a>.
Елдің Құрылыс және тұрғын үй-коммуналдық шаруашылық істер комитеті «Нұрлы жер» мемлекеттік бағдарламасына осындай жаңашылдық енгізбек. Жоба ауылдық жерге арналған. Бұл туралы Inbusness порталы жариялады.
Мәселен, жұмыс беруші өз қызметкеріне ауылдан баспана салып берсе, кеткен шығынның 50 процентін мемлекет өтейді. Үйдің құны 10 миллион теңгеден, көлемі 100 шаршы метрден асуы керек. Жеңілдікті алу үшін жұмыс беруші жер телімі мен үйдің жобасын дайындап, жергілікті атқарушы органдардың келісімін алуы тиіс. Үй пайдалануға берілген кезде кеткен шығынның жартысы жұмыс берушіге төленеді.

Қызметкеріне үй салып берген кәсіпкердің шығыны жартылай өтеледі

<a href="https://kyzylorda-news.kz/">Kyzylorda-news.kz.</a> Шиелі ауданында ақ күріштің атасы атанған, даңғайыр диқан, Социалистік Еңбек Ері Ыбырай Жақаевтың 130 жылдығына арналған мерекелік іс-шаралар басталды.
Осыған орай Б.Қабылұлы атындағы мәдениет үйінде «Ақ күріштен тау тұрғызған Нар тұлға» атты шара өткізілді. Оған Қызылорда облыстық өлкетану музейінің директоры Сапар Козейбаев, аудандық мәслихат хатшысы, аудан ардагерлері, Ыбырай атамыздың ізбасарлары, балалары мен бауырлары, немерелері, сондай-ақ жастар мен БАҚ өкілдері қатысты.
Шара аудан әкімінің орынбасары Алмасбек Есмахановтың алғысөзімен басталды. Биыл ақ күріштің атасы, дала академигі, екі мәрте Социалистік Еңбек Ері Ыбырай Жахаевтың 130 жылдығы мен Қазақстан Республикасы Тәуелсіздігінің 30 жылдығы тұспа-тұс келіп отырғандығын атап өтті.
<img src="https://kyzylorda-news.kz/wp-content/uploads/2021/02/153486287_1028566321007160_4727443718654017494_o.jpg" alt="" />
<blockquote>
 «Қазіргі және болашақ ұрпақты адалдыққа, еңбекке, патриоттыққа баулу үшін ең алдымен еңбек адамын дәріптеп, насихаттағанымыз жөн. Сондықтан еңбектің нағыз даңқты тұлғасы, екі мәрте Социалистік Еңбек Ері, егін шаруашылығының бірегей шебері, Ыбырай атамызды үлгі етіп көрсетуіміз қажет» – деді аудан әкімінің орынбасары Алмасбек Есмаханов.
</blockquote>
Мұнан кейін сөз алған облыстық өлкетану музейінің директоры С.Козейбаев сөйлеп, Ыбырай Жақаевтың өмірі мен еңбегі жайлы ой бөлісіп, дәстүрге сәйкес Ыбырай Жахаевтың ұлы Жақай Сейітбек қарияның иығына шапан жапты.
<img src="https://kyzylorda-news.kz/wp-content/uploads/2021/02/153401736_1028566424340483_1677485938448885765_o-1.jpg" alt="" />
Сонымен бірге данғайыр дихан Ыбырай Жахаевтың ұлы Жақай Сейітбек Ыбырайұлы, аудандық қоғамдық кеңесінің төрағасы, ардагер Пердалы Сейдахметұлы, Ыбырай Жақаевтың інісі, ауылдасы Нұрлан Махмудов жиынға келген қонақтарға құттықтау сөз арнап, естеліктерін айтты.
<img src="https://kyzylorda-news.kz/wp-content/uploads/2021/02/153391227_1028566841007108_8994818914531349311_o-1.jpg" alt="" />
Бұдан бөлек, шара аясында Ы.Жақаев атындағы күріш өсіру тарихы музейіндегі атамыздың тұтынған ең құнды жәдігерлерінен көрме ұйымдастырылды.
<img src="https://kyzylorda-news.kz/wp-content/uploads/2021/02/152856385_1028566541007138_6132688023524964961_o-1.jpg" alt="" />
<img src="https://kyzylorda-news.kz/wp-content/uploads/2021/02/153072777_1028566731007119_2231814512231822003_o.jpg" alt="" />
Айтулы шара мерекелік концертпен қорытындыланды.
<img src="https://kyzylorda-news.kz/wp-content/uploads/2021/02/153069766_1028566917673767_6775020930758233163_o-1.jpg" alt="" />

Шиеліде Ыбырай Жақаевтың 130 жылдығына орай шара өтті

<a href="https://kyzylorda-news.kz/">Kyzylorda-news.kz.</a> Мал ұрлығы қылмыстарының алдын алу, ашу, мал ұрлығы&nbsp; қылмыстарымен айналысатын тұлғаларды анықтау мақсатында&nbsp; Қызылорда облысы Полиция департаменті бастығының бұйрығына сәйкес бүгіннен бастап облыс көлемінде «Мал ұрысы» жедел-профилактикалық&nbsp; іс –&nbsp; шарасы басталды.&nbsp;
Іс-шараға Полиция департаментінің барлық қызмет салалары мен&nbsp; жергілікті атқарушы органдардың қызметкерлері жұмылдырылды. 
Ветеринария саласымен бірлесіп, құжатсыз төрт түлік&nbsp; малды тасымалдау фактілерін, мал союға және ет сатуға арналған сертификаттың жоқтығын анықтау үшін рейдтік іс-шаралар жүргізілуде.&nbsp;&nbsp;&nbsp;&nbsp;
Сонымен қатар, ауыл шаруашылығы жануарларын жаю ережелерін бұзу фактілері бойынша тексеру жұмыстары атқарылуда. 
2020 жылдың қазан айынан бастап ауыл шаруашылық жануарларын жаюдың тәртібі белгіленді. Бұл талапты бұзған мал иелеріне Қазақстан Республикасы Әкімшілік кодексінің 408-бабымен әкімшілік жаза қарастырылған (Ауыл шаруашылығы жануарларын жаю қағидаларын бұзу).
Мал ұрлығының алдын-алу&nbsp; және ашу бағытында&nbsp; атқарылып жатқан жұмыстар ауқымды. Пада ұйымдастырылып, бақташылар қарастырылған.&nbsp; Нәтижесінде мал ұрлау дерегі 30 пайызға азайды. 
Мал ұрлығы бүгінгі күннің өзекті мәселесіне айналып отырғаны жасырын емес. Төрт түлік мал көбіне қараусыз жайылатын жерлерден кешкі уақытта ұрланады. Бұған қоса, тұрғындар малының ұрланғандығы туралы полиция органдарына кеш хабарлайды.&nbsp;
<blockquote>
 «Мал иелері өздерінің малдарын жоғалғанын байқаса да полицияға хабарын бермей, көмегіне жүгінбей өз бетінше іздейді, қылмыс орын алған сәттен арада біраз уақыт өтіп, ұрланған мал мен оған қатысты тұлғаларды іздестіруді жеңілдететін маңызды айғақтар мен іздер жоғалады. Осылайша, мал ұрлығы қылмысын жедел түрде ашуға мүмкіндік болмайды.
 Мал ұрлығы қылмыстарының алдын алу мақсатында қажетті іс-шаралар қабылданып жатыр. Алайда, бұл жеткіліксіз.&nbsp;Төрт түлігін түлетіп, содан ризығын айырып келе жатқан өңір тұрғындары жауапкершілік&nbsp; танытулары қажет», –&nbsp; дейді&nbsp;&nbsp; Қызылорда облысы Полиция департаментінің&nbsp; бастығы полиция полковнигі Сұлтан Бектөре.
</blockquote>

Қызылордада «Мал ұрысы» жедел профилактикалық іс-шарасы басталды

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықова Литва Республикасының Қазақстандағы елшісі Гинтаутас Васюлиспен кездесті. Аймақ басшысы алдымен елшіні 11 наурыз күнгі Литваның тәуелсіздігін қалпына келтіру күнімен құттықтап, халқына бейбітшілік тіледі. Мұнан соң екі ел арасындағы сенімді әріптестіктің облыстағы салмағын арттыру мәселесі талқыланды.
<blockquote>
 “Қазақстан мен Литва ашық және сенімді әріптестер болып табылады. Екіжақты серпінді байланыстар біздің ынтымақтастығымыз бен достық қарым-қатынасымыздың дамуына қосымша серпін беретініне сенімдімін. Ағымдағы жылы елдеріміз арасында дипломатиялық қатынастар орнағанына 29 жыл толады. Осы жылдар ішінде біз тарихи көпғасырлық байланыстарды сақтап қана қоймай, тең құқықтық және өзара тиімді әріптестік қағидаттарын жаңаша құруды үйрендік”, – деді облыс әкімі Г.Әбдіқалықова.
</blockquote>
Кездесуде елші Гинтаутас Васюлиспен Қазақстан мен Литва арасындағы байланыстың жыл өткен сайын артып келе жатқандығын айтып, осы сапарының сенімді әріптестікті одан әрі дамытуға бағытталғанын жеткізді.
<blockquote>
 “Қазақстан мен Литва бүгінде сенімді әріптестіктің арқасында сауда-саттықты арттырып, экономикалық ынтымақтастық қалыптастырды. Біз бұл байланысты одан әрі арттыруға мүдделіміз. Сол үшін екі ел арасындағы тауар айналымын арттырып, Қазақстаннан әлеуетті компанияларымызға серіктес тапқымыз келеді”, – деді Литва Республикасының Қазақстандағы елшісі Гинтаутас Васюлис.
</blockquote>
Аймақ басшысы ағымдағы жылы 26 млрд.теңгеге 105 инвестициялық жобаны іске асыру жоспарланғандығын айтып, бұл ретте Литва Республикасының кәсіпкерлі тарапынан ұсыныстарды қуана қабылдайтындығын жеткізді. Елші өз кезегінде Қазақстанның аграрлық, ІТ және тағы басқа салаларды жаңа технологиялармен қамтамасыз етіп, дамытуда бірлескен жобаларды жүзеге асыруға ниетті екенін білдірді.

Гүлшара Әбдіқалықова Литва Республикасының Қазақстандағы елшісі Гинтаутас Васюлиспен кездесті

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 753 адамда коронавирус індеті ПТР арқылы расталды.
Аймақтар бойынша:
<ul>
<li>Нұр-Сұaлтан қаласы – 68,</li>
<li>Алматы қаласы – 93,</li>
<li>Шымкент қаласы – 6,</li>
<li>Ақмола облысы – 63,</li>
<li>Ақтөбе облысы – 9,</li>
<li>Алматы облысы – 39,</li>
<li>Атырау облысы – 38,</li>
<li>Шығыс Қазақстан облысы – 73,</li>
<li>Жамбыл облысы – 18,</li>
<li>Батыс Қазақстан облысы – 65,</li>
<li>Қарағанды облысы – 59,</li>
<li>Қостанай облысы – 68,</li>
<li>Қызылорда облысы – 14,</li>
<li>Маңғыстау облысы – 5,</li>
<li>Павлодар облысы – 90,</li>
<li>Солтүстік Қазақстан облысы – 39,</li>
<li>Түркістан облысы – 6.</li>
</ul>
Жалпы пандемия басталғалы ел бойынша ауырғандар саны 209 562 адамға жетті.

Қызылордада 14 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Сәрсенбі күні елімізде жел күшейіп, боран соғады, солтүстікте қалың қар жауып, оңтүстік өңірлерде тұман түсіп, көктайғақ болуы мүмкін, деп хабарлайды Қазгидромет.
24 ақпанда Қазақстан аумағының басым бөлігінде фронтальды бөліктердің өтуіне байланысты құбылмалы ауа райы сақталады. Қар жауады, еліміздің солтүстігінде кей жерлерде түнде қалың қар түседі, оңтүстігінде, оңтүстік-шығысында, күндіз шығысында қар аралас жаңбыр жауады, тек батыста антициклон ықпалымен күн райы ашық болады. Еліміздің кей жерлерінде тұман түседі, көктайғақ болады, жел күшейіп, боран соғады, оңтүстікте және солтүстікте жел күшейіп, жылдамдығы 30 м/с асып кетеді.

24 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Өткен жылдың желтоқсан айында Кәсіпкерлер палатасына аймақтағы бірқатар фармацевтика саласындағы кәсіпкерлерден көрсеткен қызметі үшін қаражатын толық ала алмай жүргендігі жөнінде, аталмыш мәселеге қатысты құқықтық қолдау көрсетуді сұраған өтініштер түсті.
Қазалы ауданаралық ауруханасы фармацевтика саласындағы 5 кәсіпкерге 110 млн.теңгеден астам қаржы қарыз болып шықты. Бұл қарыз кеше-бүгін қалыптасқан шығын емес, алды 2017 жылдан бастап жинақталып қалған екен. Кәсіпкерлер Қазалыдағы ауруханаға дәрі-дәрмектер, медициналық бұйымдар жеткізіп беру қызметтерін көрсетіп келген.
Кәсіпкерлер палатасы заңгерлері аталмыш мәселені жан-жақты зерттей келе облыс прокуроры Нұрлан Бижановпен кездесу ұйымдастырып, бизнес өкілдерінің мәселесін осы отырыста көтереді.
<blockquote>
 «Бизнес өкілдерін жақсы түсінуге болады. Дәрі-дәрмек, медициналық бұйымдарға бюджеттен арнайы қаржы бөлініп отыр. Алайда аталмыш қаржының нысаналы мақсатына жетпеуі кәсіпкерлерге қиындық тудыруда. Олар да көрсететін қызметтеріне қажетті құрал-жабдықтар мен дәрілерді алдыртады. Ол үшін қаржысын толық төлейді. Ал аурухана тарапынан қаржының уақытылы төленбеуі фармацевтика саласындағы компаниялардың тұрақты жұмыс орнын сақтап қалуда, еңбекақыларды уақытылы төлеуде салмақ салуда. Осы жерде облыс прокуроры Нұрлан Бижановқа арнайы алғысымызды білдіргіміз келеді. Кәсіпкерлермен кездесуден кейін мәселені өз бақылауына алып, шешілуіне септігі тиюде», – дейді бизнес-омбудсмен аппаратының облыс бойынша сектор меңгерушісі Салават Құлмахан.
</blockquote>
Кәсіпкерлер палатасы мен облыстық прокуратураның араласуымен бүгінде кәсіпкерлерге 29 млн.491 мың теңге қаржысы төленді. Ал қалған 80 млн.708 мың теңге қарызды аурухана басшылығы жыл соңына дейін төлеп беретіндігін жеткізді.
Өңір фармацевтерінің мәселесі Кәсіпкерлер палатасы үшін әлі де күн тәртібінде. Палата заңгерлері сала кәсіпкерлеріне құқықтық сүйемелдеу жұмыстарын жалғастырады.

Қазақстан және Қызылорда облысының жаңалықтары