<a href="https://kyzylorda-news.kz/">Kyzylorda-news.kz</a>. Қорқыт Ата атындағы Қызылорда университетінің студенттер сарайында ҚР Мемлекеттік хатшысы, саяси ғылымдар докторы Қырымбек Елеуұлы Көшербаевтың «Құндылықтарымыз құлдырамасын» туындысы таныстырылды.
Бас қосудың басты мақсаты автордың туындысын негізге ала отырып, тарихы тереңге тамырлаған&nbsp; ұлтымыздың құндылықтарын жастарға насихаттау.
Жиынға қатысқандар Сыр топырағының перзенті Қ.Е.Көшербаевтың «Құндылықтарымыз құлдырамасын» кітабы туралы ой-пікір алмасты.
<blockquote>
 «Ел Президенті Қасым-Жомарт Тоқаевтың 2020 жылғы маусым айында «Ана тілі» газетіне берген «Қазақ халқының тағдыры тарих таразында тұр»&nbsp; атты сұхбатында «Ұлттық құндылықтар болмаса, ақпарат, жасанды интеллект, машиналар мен роботтар әлемінде жұтылып кететініміз сөзсіз» деген болатын. Мемлекет басшысының толғанысқа толы ой-пікіріне белсене үн қосқан автордың келер заман көкжиегі туралы өзекті ой-пікірлері мен байыпты пайымдарының көзі қарақты оқырманды бей-жай қалдырмайтыны анық. Жастарға дұрыс тәрбие беру-болашақты бекемдеу мәселесі. Оларға&nbsp; ұлттық құндылықтарымыз арқылы жол көрсетер болсақ, елдiктi әлемдік өркениеттің алдыңғы легінде ұстар ұрпақтың жаңа буындары қалыңдай өсетiнi кепіл. Сол себептен де Елбасы өзінің «Болашаққа бағдар: рухани жаңғыру» атты бағдарламалық мақаласында «Ұлттық салт-дәстүріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуы тиіс», – деді жиын барысында Қорқыт Ата атындағы Қызылорда университетінің басқарма төрағасы – ректоры Бейбіткүл Кәрімова
</blockquote>
Бас қосуда философия және әлеуметтік-гуманитарлық пәндер кафедрасының профессоры, философия ғылымдарының докторы Б.Қожамберлиев, «Рухани жаңғыру» орталығының директоры, тарих ғылымдарының кандидаты У.Ибраев, университеттің ардагерлер кеңесінің төрағасы, профессор Қ.Құдайбергенұлы, университет профессоры, техника ғылымдарының докторы С.Қошқаров, «Қазақ тілі мен әдебиеті және журналистика» кафедрасының академиялық доценті, филология ғылымдарының кандидаты Ғ.Тұяқбаев &nbsp;тереңнен ой қозғады.
Сонымен қоса, Тәуелсіздік кезеңінде елдің руханиятына ғана емес, экономикасы мен әл-ауқатының өркендеуіне маңдай терін төккен ерен тұлғаның шығармашылығы жөнінде жетекші ғалым-профессорлар мен жас ғалымдар, студенттер де өз ойларын ортаға салды.
Жиынға қатысқандар ҚР мемлекеттік хатшысы Қ.Көшербаевтың бұл еңбегін оқу орындарында оқытуға,&nbsp; ғылыми тақырыптар ретінде зерделеуге және тәрбие ісінде пайдалануға әбден лайықты деген баға берді.
<img src="https://kyzylorda-news.kz/wp-content/uploads/2021/09/p1466065-scaled.jpg" alt="" />

Университетте «Құндылықтарымыз құлдырамасын» кітабы таныстырылды

<a href="https://kyzylorda-news.kz/">Kyzylorda-news.kz</a>.&nbsp;Бүгін Қызылорда қаласының қала әкімі Ғанибек Қазантаев «Байқоңыр» ӘКК» ҰҚ мен кәсіпкерлер арасында өзара түсіністік пен әлеуметтік әріптестікті қамтамасыз ететін үш жақты Меморандумға қол қойды.
Тараптар әлеуметтік маңызы бар азық-түлік өнімдеріне арналған бұрыш орналастыру туралы әріптестікті қамтамасыз ететін үш жақты өзара ынтамақтастық туралы меморандумға отырды.
Қаладағы ірі сауда орындары «Сыбаға» жауапкершілігі шектеулі серіктестігімен, «Океан», «Нұрсұлтан», «Жансая», «Фуд Маркет» сауда орындары 5 ірі сауда орындары меморандум талаптарын мақұлдап, Қызылорда қаласының әкімдігі және «Байқоңыр» ӘКК» ҰҚ өзара ынтымақтастығын нығайтты.
Ендігі ретте сауда орындарынада әлеуметтік маңызы бар халық көп тұтынатын 19 түрлі азық-түлік тауарларын қала халқына нарық бағасынан 10-15 пайызға төмендетілген өнімдермен қамтамасыз ететін әлеуметтік сөрелер жұмыс жасайтын болады.
«Қалыптасқан қиын кезеңге қарамастан қала тұрғындарын күнделікті тұрмысы үшін маңызды болып табылатын азық-түлік тауарларын төмен бағамен қамтамасыз ету бағытында біздің ұсынысымызға қолдау білдіріп, бастамамызды қолдағандарыңызға шынайы алғысымды білдіремін», – деді қала әкімі.
Сондай-ақ, қала әкімі бүгінгі кездесудің маңыздылығы азық-түлік тауарларының бағасын негізсіз өсуіне жол бермеу және олардың тиісті қорын жасақтап, сұранысқа сәйкес тауар бағасының қол жетімді болуына жағдай жасау екенін де жеткізді.
Айта кетейік, бүгінгі күнге дейін Қызылорда қаласы әкімдігі мен бірқатар тауар тасымалдаушы мекемелер, ірі сауда орындары арасында бағаны тұрақтандыру бойынша арнайы меморандумға қол қойылған болатын. Бүгінгі күні қала аумағында орналасқан ірі сауда орындары «Қызылорда», «Ажар Сити», «Мирас», «Аль-Асад» ғимараттарында нарық бағасынан 10-15 пайызға төмендетілген әлеуметтік маңызы бар азық-түлік түрлерімен қамтамасыз етілген әлеуметтік өнім сөрелері жұмыс істеуде. Әлеуметтік маңызы бар азық түлік тауарларының бағаларының өсуіне жол бермеу мақсатында қалада «Алтын қамба» қоры, және 33 әлеуметтік дүкен жұмыс жасауда. Алдағы уақытта халық тығыз орналасқан аумақтардан тағы да әлеуметтік дүкендер салу жоспарлануда.
<img src="https://kyzylorda-news.kz/wp-content/uploads/2021/09/r.jpg" alt="" />
<img src="https://kyzylorda-news.kz/wp-content/uploads/2021/09/a-1.jpg" alt="" />

Қызылордада ірі сауда орындары әлеуметтік сөрелермен толықты

<a href="https://kyzylorda-news.kz/">Kyzylorda-news.kz</a>.&nbsp; Жауын-шашынның аздығы, қалыптан тыс ыстық және Сырдарияда судың төмен деңгейіне байланысты осы жылдың жазында Қызылорда облысының Арал ауданы қуаңшылыққа ұшырады. Соңғы 4 жылда Қамыстыбас және Ақшатау көлдер жүйесіне Сырдария өзенінен су келіп түскен жоқ. Көл жүйесіндегі судың жетіспеушілігі жақын маңдағы жайылымдық және шабындық жерлердің жағдайына әсер етті.
Арал ауданы әкімдігінің баспасөз қызметінің мәліметінше, Аспай су ағытқысын іске қосу арқылы Қамыстыбас-Ақшатау көлдер жүйесіне су баруда. Су ағытқысын қалпына келтіруге Болат Өтемұратов Қоры қаражат бөлді.
<blockquote>
 “Шұғыл түрде құрылған жұмыс тобы Қамыстыбас және Ақшатау көлдеріне судың келуін қамтамасыз ету үшін Аспай су ағытқысын қайта құру қажеттілігін анықтады. Тексеру жүргізілгеннен кейін ақаулар туралы акт жасалып, Болат Өтемұратов Қорының уақтылы қаржылық қолдауының арқасында су ағытқысын жөндеу туралы шұғыл шаралар қабылданды. Бүгін жұмыстың нәтижесін көруге болады – көлдердегі су деңгейі біртіндеп көтеріліп келеді. Су ағытқысына тірелген артық су дария арнасы арқылы Кіші Арал теңізіне құяды”, – деп хабарлады Арал ауданының әкімі Серік Сермағамбетов.
</blockquote>
Атқарылған жұмыс нәтижесінде көлдерге жалпы ауданы 27 мың га жуық су келіп түсті, бұл балық шаруашылығын қалпына келтіруге, 7150 га шабындық жерлерді суаруға және жемшөп дайындауға, 12900 га жайылымдық жерлерге мал жаюға және 115 га егістікке мүмкіндік берді.
Естеріңізге сала кетейік, осы жылдың шілде айында Қызылорда облысының Арал ауданындағы қуаңшылыққа байланысты төтенше жағдай жарияланған болатын. Құрғақшылықтың салдарынан 600-ге жуық мал қырылды.

Кіші Аралға су келе бастады

<a href="https://kyzylorda-news.kz/">Kyzylorda-news.kz</a>.&nbsp; Сыбайлас жемқорлыққа қарсы іс-қимыл агенттігі пара алғаны үшін ғана емес, бергені үшін де қылмыстық жауапкершіліктің бар екенін еске салды. Ал пара туралы ақпарат берген адамдарға 11 миллион теңгеге дейінгі сыйақы беріледі, деп хабарлайды&nbsp;<a href="https://sputnik.kz/">Sputnik Қазақстан</a>.
Қылмыстық кодекске сәйкес, пара берген адамның мүлкі тәркіленіп, белгілі бір лауазымдарды атқару құқығынан өмір бойына айырылады. Сондай-ақ параның 20-60 еселенген мөлшерде айыппұл салу немесе 15 жылға дейін бас бостандығынан айыру жазасы қарастырылған.
<blockquote>
 “Мәселен Қостанай облысында сотталған адамға құқық қорғау органдарында жұмыс істейтін лауазымды тұлғаға 800 мың теңге пара бергені үшін 24 миллион теңгенің айыппұлы салынды. Ал Шығыс Қазақстан облысында пара беруші коммуналдық қызметтің лауазымды тұлғасына пара бергені үшін 10 миллион теңгенің айыппұлын арқалады”, – деді превенция қызметі басшысының орынбасары Ғанижан Асанұлы онлайн брифингте.
</blockquote>
Алматы қаласында пара берген адам 7 жылға бас бостандығынан айырылды. Бүгінде 2 айлық есептік көрсеткіштен аспайтын пара берген адамдар да жауапкершіліктен құтыла алмайды. Ондай сыйлықтар үшін 200 АЕК (583 400 теңге) көлемінде айыппұл салу жазасы қарастырылған.
<blockquote>
 “Агенттіктің “1424” байланыс орталығына сыбайлас жемқорлық фактілері туралы ақпарат беруге шақырамыз. Ол үшін заң бойынша тиісті ақшалай сыйақымен марапаттау қарастырылған. Егер сіздің хабарламаңыз расталса, онда заң шеңберінде 80 мың теңгеден бастап 11 миллионға дейін ақшалай сыйақы алуға болады”, – деп атап өтті Асанұлы.
</blockquote>
Ресми мәліметке сәйкес, жыл басынан бері республика бойынша сыбайлас жемқорлыққа барған 724 адам анықталды. Олардың үштен бірі – пара бергендер.
Әрі қарай оқу:&nbsp;<a href="https://sputnik.kz/society/20210917/18161623/Para-aqparat-syyaqy.html">https://sputnik.kz/society/20210917/18161623/Para-aqparat-syyaqy.html</a>

Пара туралы ақпарат бергендер 11 миллион теңгеге дейін сыйақы алады

<a href="https://kyzylorda-news.kz/">Kyzylorda-news.kz</a>. Қазақстан халқы Ассамблеясы Төрағасының орынбасары, Қазақстан Республикасы Президенті Әкімшілігінің Қазақстан халқы Ассамблеясы хатшылығының меңгерушісі Марат Әзілханов Қызылорда облысына іс сапармен келді. Ол Достық үйінде облыстық ассамблея құрылымы және этномәдени бірлестік жетекшілерімен жүздесті. Достық үйінің мұражайын, тарихи суреттер көрмесін көріп, этномәдени бірлестіктердің жұмыс кабинеттерін аралады.
Кездесуге облыс әкімінің орынбасары, облыстық ҚХА төрағасының орынбасары Серік Ахмет, облыстық ассамблея құрылымы және 11 этномәдени бірлестік жетекшілері қатысты.
Серік Ахмет өңірдегі татулық пен тұрақтылықтың басты кепіліне айналған облыстық ассамблея қызметінің негізгі бағыттарына тоқталып өтті.
Кездесудің алғы сөзінде Қазақстан халқы Ассамблеясы хатшылығының меңгерушісі Марат Әзілханов Мемлекет басшысының «Халық бірлігі және жүйелі реформалар – ел өркендеуінің берік негізі» атты Жолдауын жүзеге асыруға Қазақстан халқы Ассамблеясының қатысу мәселелері, сондай-ақ қоғамдық келісім мен жалпыұлттық бірлікті нығайту бойынша Қызылорда облыстық Қазақстан халқы ассамблеясының қоғамдық құрылымдарының қызметін жетілдіру мәселелерін қозғады.
Өңірдегі этносаралық қатынастардың үйлесімді дамуы аясында облыстық ҚХА төрағасының қоғамдық негіздегі орынбасары Ирина Шек айтып өтті. Ассамблея қызметін ғылыми сүйемелдеу, аймақтағы этносаралық және конфессияаралық үдерістер мен этносаяси жағдайларды зерттеу бағыты туралы Қорқыт ата атындағы Қызылорда университетінің «Тарих және Қазақстан халқы Ассамблеясы» кафедрасының меңгерушісі, ғылыми-сарапшылық топ жетекшісі Айтжан Оразбақов сөз қозғады. Келесі сөз тізгінін ұлт пен ұлыстың ынтымағы, береке-бірлігін нығайтуға өзіндік үлесін қосып, тұңғыш рет облыстық ассамблея мүшелері ішінен облыстық деңгейдегі мәслихат депутаты болып сайланған Дильфура Байрахтарова алды. Аймақтағы Аналар кеңесінің төрайымы Рахима Ахметова отбасы құндылығы мен ұлттық рухты насихаттау бағытында атқарылған ауқымды жұмыстарға тоқталып өтті.
Сондай-ақ,&nbsp; «Абай қазынасына саяхат» клубының жетекшісі Елена Пак пен «Жаңғыру жолы» жастар қозғалысының жетекшісі Алина Новикова өздерінің креативті ойларымен, алдағы жоспарларымен бөлісті.
Кездесу соңында өңірдегі бірлік пен қоғамдық келісімді нығайтуда қосқан сүбелі үлестері үшін бірқатар азаматтар Қазақстан халқы Ассамблеясы хатшылығының меңгерушісі Марат Әзілхановтың Алғыс хатымен марапатталды.
<img src="https://kyzylorda-news.kz/wp-content/uploads/2021/09/mw6a0344-scaled.jpg" alt="" />
<img src="https://kyzylorda-news.kz/wp-content/uploads/2021/09/mw6a0303-scaled.jpg" alt="" />

Қызылордаға ҚХА хатшылығының меңгерушісі Марат Әзілханов келді

<a href="https://kyzylorda-news.kz/">Kyzylorda-news.kz</a>. Бүгінде Қызылорда облысында эпидемиологиялық ахуал біршама тұрақталып келеді. Өңірлер бойынша Қызылорда облысы сары аймақта. Дегенмен босаңсуға әлі ерте дейді дәрігерлер. Бүгін Өңірлік коммуникациялар қызметінде өткен баспасөз конференциясында сала мамандары тұрғындарды екпе алып, індеттен сақ болуға шақырды.
<blockquote>
 «Әлі күнге дейін вакцинаның күшіне сенбейтін азаматтар арамызда бар. Екпеден бөлек, әр азамат күнделікті сақтық шараларын ұстанып жүру маңызды. Сындарлы кезеңнен ауызбіршілікпен, тәртіпке бағыну арқылы өтеміз. Сондықтан барлық жерлестерімді вакцина қабылдап, мамандардың кеңесіне құлақ асуға шақырамын. Өзімізге және жақынымызға жанашыр болайық», – деді облыстық психикалық денсаулық орталығының аға психологы Әсел Абдеш.
</blockquote>
Брифингте облыстық психикалық денсаулық орталығының маманы Абылай Пазылханов та өз пікірімен бөлісті.
<blockquote>
 «Қазір коронавирус індетімен күрес мәселесі күн тәртібінен түспей тұр. Аймағымызда кеселді дертке шалдыққандардың саны 17 мыңнан асып жығылады. Оның ішінде 16 мыңға жуығы ақ халаттылардың қажырлы еңбегінің арқасында дертінен айығып, жақындарының жанына оралды. Ендігі жерде бұл жұмыстарды үдетіп, тездетіп ұжымдық иммунитеттің қалыптасуына септігімізді тигізуіміз керек”, – деді дәрігер.
</blockquote>
Өз кезегінде №4 қалалық емхананың жалпы тәжірибелі дәрігері Ұлжан Болатова «Коронавирус инфекциясымен күресіп келе жатқанымызға бір жылдан аса уақыт өтті. Бұл дертпен күресу оңай болып жатқан жоқ», – деді.
Айта кетейік, қазір аймақтағы емдеу мекемелерінің басым көпшілігі инфекциялық стационарларда жұмыс істеп жатыр. Соңғы үлгідегі, заманауи медициналық құралдармен жабдықталған модульдық аурухана да ел игілігіне пайдалануға беріліп, науқастарды қабылдауда.

Қызылордалық дәрігерлер босаңсуға әлі ерте екенін айтты

<a href="https://kyzylorda-news.kz/">Kyzylorda-news.kz</a>. Бүгінгі күні Қызылорда облысы «Сары аймақта». Өңірде індет жұқтырған 17 247 адам тіркелсе, оның 91 пайызы жазылды. Бұл туралы Орталық коммуникациялар қызметінде өткен брифингте өңір әкімінің орынбасары Балжан Шәменова мәлім етті.
2020 жылдың қорытындысы бойынша, коронавирус инфекциясымен 3392 адам тіркелсе, ағымдағы жылдың 1 қаңтарынан бүгінгі күнге дейін тіркелген науқас саны 13 855-ті құрап отыр.
<blockquote>
 «Жыл басынан бері 1908 адам пневмониямен ауырып, сауығып шықты. Аурушаңдық шілде-тамыз айында көбейді. Ал қыркүйек айында төмендеп келеді. Кеше 64 науқас тіркелді. Сонымен қатар, инфекциялық төсек-орын саны 1160, оның ішінде реанимациялық төсек-орын саны 135, бүгінге жүктеме 30% құрап отыр. Эпидемиологиялық ахуал күшейген жағдайда инфекциялық және провизорлық стационарларда төсек-орын санын 3200-ге дейін ұлғайтуға мүмкіндік бар. Құрылысы 2020 жылы басталған модульдік стационар жұмысы іске қосылды», – деді Шәменова.
</blockquote>
Оның мәліметінше, коронавирус инфекциясына қарсы күрес жұмыстарына 2 айлық дәрі-дәрмек қоры, қажетті медициналық кадрлар мен құрал жабдықтар жеткілікті. 11 ПТР аппараты іске қосылған. Тәулігіне 1500 аралығында сынама алынуда.
<blockquote>
 «Облыста ұжымдық иммунитетті қалыптастыру мақсатында екпе алуға қабілетті 401 мың тұрғынның екпенің 1 компонентімен 72,7%-ы, яғни 291 237 адам вакциналанды, 2 компонентімен вакцинациялау кестесіне сәйкес жүргізілуде, халықтың 60,7 пайызы қамтылды. Облыс бойынша 106 егу кабинеті ашылған. «Ashyq» жобасы арқылы 3548 нысан жұмыс істеуде», – деді облыс әкімінің орынбасары.
</blockquote>

Коронавирус жұқтырған қызылордалықтардың 91% жазылып шықты

<a href="https://kyzylorda-news.kz/">Kyzylorda-news.kz</a>.&nbsp; Биыл облыста күзгі әскерге шақыру науқанында 800 ге жуық азамат отан алдындағы борышын өтеуге аттанады. Қазіргі таңда, мерзімді әскери қызметтің шекара бөлімшесіне 40-қа жуық азамат жөнелтілген. Бұл туралы Өңірлік коммуникациялар қызметінде өткен брифингте Қызылорда облысының Қорғаныс істері департаментінің тәрбие, идеологиялық және әскери патриоттық жұмыстары басқармасының бастығы, департамент бастығының орынбасары Алмат Жақыпов мәлімдеді.
<blockquote>
 «Облыстық қорғаныс істері жөніндегі департаменті аталған құжаттарға сәйкес азаматтарды мерзімді әскери қызметке шақыру бойынша облыстық, қалалық комиссия құрылды. Қала және аудан әкімдерінің қаулысына сәйкес медициналық комиссияда тәжірибиелі дәрігерлер мен арнайы мамандар жұмыс істейді. Азаматтарды жөнелту жұмыстары барлық санитарлық талаптарды сақтай отыра жүргізілуде. Барлық қалалық, аудандық шақыру пунктерінде және облыстық жиын пунктерінде санитарлық посттар қойылған. Өңіріміздегі әскери бөлімдерге елімізді қорғауға қабілетті, денсаулық жағдайы жақсы, моральдік-іскерлік қабілеті жоғары азаматтар жіберілуде. Медициналық комиссияларға арнайы құрал-жабдықтар облыстық, қалалық және аудандық бюджет есебінен қамтамасыз етілген. Сонымен қатар, Мемлекет басшысының Жолдауында айтылған сыбайлас жемқорлықтың алдын алу бойынша бізде де арнайы шаралар өткізілді. Атап айтқанда, сыбайлас жемқорлық пен құқық бұзушылықтар орын алмау мақсатында жиналыстар мен сабақтар өткізілді», – деді Алмат Жақыпов.
</blockquote>

Қызылордадан күзде 800 азамат әскерге барады

<a href="https://kyzylorda-news.kz/">Kyzylorda-news.kz</a>. Кеше облыстық мәслихат депутаты Аманжол Оңғарбаев Nur Otan партиясы облыстық филиалының қоғамдық қабылдау бөлмесінде азаматтарды жеке мәселелері бойынша онлайн форматта қоғамдық қабылдау өткізді. Қабылдауда тұрғындар әлеуметтік көмек, денсаулық мәселелеріне қатысты өтініштерін білдірді. Кездесуге елдік, руханият мәселесіне алаңдаған жандар да келді.
Солардың бірі – қала тұрғыны, білікті педагог Рахат Наурызбаева. Ол кісі ұрпақ тәрбиесіндегі балалар әдебиетінің рөлін айта келіп, маңызды ұсыныс айтты. Балалардың психологиясын зерттеу, дүниетанымын дамытатын шығармалар жазу, мұғалімдер мен ата-аналарға бала тәрбиесіне қатысты әдістемелік құралдар дайындау секілді жұмыстарды қолға алу керек. Осы мақсатта 2021 жыл – Балалар әдебиеті жылы аясында облыс орталығында балаларға арналған ғылыми орталық ашылса деген тілегін айтты. Сонымен қатар, Рахат Наурызбаева балалардың ойлау деңгейіне лайық, сана-сезімін жетілдіретін шығармалар басып шығаруға қолдау қажет екендігін жеткізді.
Аманжол Сақыпұлы аталған ұсынысқа байланысты өз пікірін білдіріп, «Сыр медиа» серіктестігінде бұл бағытта қолға алынған бастамаларды атады.
<blockquote>
 «Балалар шығармашылығын дамыту – рухани қажеттілік. Алайда соңғы жылдары балалар әдебиетінің біршама ақсағаны жасырын емес. Мемлекеттік сыйлық алғандардың ішінде бірде-бір балалар жазушысы жоқ, мемлекеттік тапсырыспен кітабы жарық көрген авторлар қатарында да балалар әдебиетіне қалам тартқан азаматтардың қатары аз. Сондықтан балалар әдебиеті жылында Қызылорда қаласынан балаларға арналған ғылыми орталық ашу, балаларға арналған шығармалар жазу туралы ұсыныс құптарлық ой», – дей келе мәслихат депутаты бұл ұсынысты тиісті сала мамандарына жеткізетіндігін айтты.
</blockquote>
Сондай-ақ Аманжол Оңғарбаев «Сыр медиа» ЖШС балалар әдебиетін дамыту бағытында бірқатар бастаманы қолға алғанын тілге тиек етті.
<blockquote>
 «Мәселен, облыстық «Ақмешіт жастары» газетінде балалар әдебиетінен үзінді жариялау жүйелі жүргізіліп келеді. Серіктестікке қарасты басқа басылымдарда да бұл мәселе арагідік көрініс береді. Алдағы уақытта балаларға арналған шығармаларды газетке орналастыру мәселесін мемлекеттік тапсырыс аясында орындауға келісуге болады. Сондай-ақ қазіргі таңда «Балапан» телеарнасымен мультфильмдердің суретті кітапшасын жасау бойынша келіссөздер жасалуда. Келіссөздер сәтті аяқталса, келер жылы балаларға арналған мультфильмдердің суретті кітапшасы оқырманға жол тартады», – деді мәслихат депутаты.
</blockquote>
Қоғамдық қабылдауға Сыр елінің тумасы, ақын Шәмшия Жұбатова да келіпті. Бұл кісі де балалар әдебиетіне қалам тартып жүрген ақын. Алдағы уақытта Ұлыбританияда өтетін өнер фестиваліне баруды жоспарлап отыр екен.
Облыстық мәслихат депутаты кездесуде көтерілген мәселелерді зерттеп, көмек көрсету мүмкіндігі қарастырылатынын жеткізді.
<img src="https://kyzylorda-news.kz/wp-content/uploads/2021/09/b36c37c2-14b7-47bc-9cb1-120021efe777.jpg" alt="" />

Аманжол Оңғарбаев: Балалар шығармашылығын дамыту – рухани қажеттілік

<a href="https://kyzylorda-news.kz/">Kyzylorda-news.kz</a>.&nbsp;Қызылорда қалалық Полиция басқармасына қала тұрғындары келіп, алаяқтың құрбаны болғаны жөнінде арызданған.
Жәбірленушілердің айтуынша, өздеріне жақсы таныс емес азамат &nbsp;&nbsp;мамыр – кыркүйек айлары аралығында «жүргізуші куәлігін алып беремін және жұмысқа&nbsp; орналастырамын», – деп&nbsp; әбден сендірген. Алаяққа сенген тұрғындар 1 миллион 200 мың теңге ақшасын беріп, жер сипап қалған. Арада 4 ай уақыт өтсе де берілген уәде орындалмаған.&nbsp;
Қызылорда қалалық Полиция басқармасының қызметкерлері&nbsp; жинақталған ақпарат көздері арқылы күдіктінің жеке басы анықталып, 29 жастағы қала тұрғыны ұсталып, өз кінәсін толық мойындады.&nbsp;&nbsp;&nbsp;&nbsp;
Күдікті оңай жолмен ақша табу мақсатында жәбірленушілерді арбауына түсіріп, алаяқтық жасаған. Қазіргі таңда күдіктінің басқа да осыған ұқсас қылмыстарға қатыстылығы анықталуда.&nbsp;&nbsp;&nbsp;&nbsp;&nbsp;&nbsp;
Қазіргі уақытта бұл дерек бойынша Қазақстан Республикасының&nbsp; Қылмыстық кодексінің&nbsp; 190-бабының 1-бөлігімен (Алаяқтық, яғни бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену) сотқа дейінгі тергеп-тексеру амалдары &nbsp;жүргізілуде. Оқиғаның мән – жайлары анықталуда.

Қызылордада тұрғындарды арбауына түсірген алаяқ ұсталды

<a href="https://kyzylorda-news.kz/">Kyzylorda-news.kz</a>.&nbsp;Солтүстік суық антициклон жауын-шашынның тоқтатылуына және ауа температурасының батыста, содан кейін республиканың қалған аумағында төмендеуіне әкеледі.
Демалыс күндерінің басында ғана Қазақстанның солтүстік, шығыс және оңтүстік-шығыс өңірлерінде тұрақсыз ауа райы сақталып, жаңбыр жауады, жел күшейеді.
Республиканың батысында ауа температурасы түнде аздап жоғарылайды: 2 аяз – 10 жылудан 1-13, күндіз 13-20-дан 15-23 жылуға дейін: елдің солтүстік-батысында, солтүстігінде және орталығында түнде термометрлер -3-тен +5 градусқа, күндіз 7-15 жылуға дейін; шығыс өңірлерде түнде ауа температурасы 10-18 жылудан 2-10, күндіз 20-28-ден 10-18 жылуға дейін. Ал республиканың оңтүстігінде: түнде 10-20, күндіз 25-30-дан 17-25-ке дейін жылу болады.

Демалыс күндері жаңбырлы ауа райы күтіледі

<a href="https://kyzylorda-news.kz/">Kyzylorda-news.kz</a>. Қазіргі таңда пробация есебіндегі сотталғандар арасында мемлекет тарапынан көрсетілетін қолдаудың арқасында ойындағы ісін бастағандардың қатары көп. Атап айтар болсақ, жуырда пробация есебіне алынған Бекбол есімді азамат өз кәсібін ашты.
Бекбол мамыр айында «Бастау Бизнес» жобасы бойынша бір айлық «кәсіпкерлік негіздері» курсын оқып, бизнес жоспар құрып, 583 мың теңге көлемінде&nbsp; мемлекеттен қайтарымсыз грант ұтып алып, қазіргі таңда мал басын көбейіп жатыр. &nbsp;&nbsp;&nbsp;&nbsp;&nbsp;&nbsp;&nbsp;
Қалалық пробация қызметінің&nbsp; бастығы Бақыт Наурызбаевтың айтуынша «Атамекен» ҚР ҰКП-ның «Бастау Бизнес» жобасы бойынша жыл басынан бастап, пробация есебінде тұрған 18 сотталғанды&nbsp; кәсіпкерлік негіздерінде білімін жетілдіруге арналған тегін оқу курстарына жолдаған. Оның ішінде жеті азаматтың&nbsp; бизнес жоспары қолдау тауып, мемлекеттен қайтарымсыз грант ұтып алып, біреуі оқу орталығын , тігін цехын ашса, енді бірі мал шаруашылығын ашып, ісін дөңгелетіп отыр. Бұл пробация инспекторлары мен мен жергілікті атқарушы органдар өкілдерінің бірлесіп атқарған жұмыстарының нәтижесі.
<blockquote>
 «Білместікпен,&nbsp;жастықпен&nbsp;жаза бастым.Жазамды өтей жүріп, жеке кәсіпке де бет бұрдым. Пробация қызметкерлері тарапынан әлеуметтік-құқықтық көмек көрсетілсе, мемлекет көмегімен кәсібімді ашсам деген мақсат &nbsp;болды.&nbsp;Жеке кәсіп ашу үшін мемлекеттен қайтарымсыз грант ұтып алдым. Алған қаражатыма 3бас мүйізді ірі қара &nbsp;алдым. Енді мал басын көбейтіп, мал бордақылау цехын ашсам деген арманым бар»,- деді есептегі азамат.
</blockquote>
<img src="https://kyzylorda-news.kz/wp-content/uploads/2021/09/whatsapp-image-2021-09-17-at-09.57.39.jpeg" alt="" />

Қазақстан және Қызылорда облысының жаңалықтары