<a href="https://kyzylorda-news.kz/">Kyzylorda-news.kz</a>. Қызылорда қаласында пошта қызметі арқылы түзеу мекемесінде жазасын өтеп жатқандарға есірткі заттарын жөнелтілудің 3 дерегі анықталды.
Полиция қызметкерлерімен осы қылмыстық істің төңірегінде жедел іздестіру жұмыстарының нәтижесінде 10 ақпан күні аталған үш дерек бойынша Қызылорда қаласының 24 жастағы тұрғыны құрықталды. Ол уақытша ұстау изоляторына оқшауландырылды.
Аталған дерек бойынша Қазақстан Республикасы Қылмыстық кодексінің 297 бабымен (Есірткі заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, оларды жөнелту не өткізу) сотқа дейінгі тергеп-тексеру амалдары жүргізілуде.&nbsp;&nbsp;
Айта кетейік, биылғы жылдың 1 айында Қызылорда облысы Полиция департаментімен есірткі құқық бұзушылықтың 11 дерегі анықталды. Оның ішінде есірткіні аса ірі мөлшерде сату мақсатында сақтаудың 1 дерегі анықталған. Заңсыз айналымнан 15 келіден аса марихуана есірткі заты тәркіленді.

Қызылордада колонияға есірткі жөнелту деректері әшкереленді

<a href="https://kyzylorda-news.kz/">Kyzylorda-news.kz</a>. Смартфоннан кейбір қосымшаларды өшіру керек. Себебі оның бірінің ешқандай пайдасы болмаса, енді бірі зиян болуы мүмкін, деп хабарлайды&nbsp;<a href="https://kaz.tengrinews.kz/">Tengrinews.kz</a>.
Сарапшылардың сөзінше, алғашқы “зиян” қосымша –&nbsp;нөмірді анықтайтын бағдарламалар. Мақала авторының сөзінше, мұндай бағдарламалар адамдардың нөмірі жазылған барлық мәліметті көшіріп алады және сіздің атыңыз бен нөміріңіз кез келген адамның қолына түсуі мүмкін.&nbsp;
Тағы бір зиян бағдарламалардың бірі&nbsp;“батареяны үнемдеуге көмектесетін”&nbsp;қосымшалар. Оқырмандар тек телефондағы энергия сақтау функциясын қолдануды ұсынды, себебі ол қосымшалардың шын мәнінде ешқандай пайдасы жоқ.&nbsp;&nbsp;
Сонымен қатар,&nbsp;“телефон жадын тазалауға”&nbsp;көмектесетін қосымшалардың да пайдасы жоқ.&nbsp;&nbsp;
Шолушылардың мәліметінше,&nbsp;шам, QR-кодтар мен құжаттарды сканерлеуге&nbsp;арналған қосымшалардың да пайдасы жоқ екен.

Телефоннан өшіру қажет қосымшалар аталды

<a href="https://kyzylorda-news.kz/">Kyzylorda-news.kz</a>.&nbsp;Созылмалы ауруы өршіген кезеңде адамға коронавирус вакцинасы салынбайды. Медицина ғылымдарының докторы, профессор Ләззат Ералиева осылай деп ескертті, деп хабарлайды <a href="https://www.inform.kz/kz/sozylmaly-auruy-orshigen-adamga-koronavirus-vakcinasy-salynbaydy-professor_a3752596">ҚазАқпарат</a>.
<blockquote>
 «Қант диабеті секілді созылмалы ауруы бар адамдар коронавирусқа қарсы вакцинаны бірінші болып алуы керек. Бұл вакциналау алайда адамның созылмалы ауруының өршуі кезінде салынбауы тиіс. Мәселен, азамат белгілі бір созылмалы аурумен ауыратын болса, сол ауруы өршіген кезеңде вакцина әлбетте кейінге қалдырылады. Созылмалы аурулардың белгісі бәсеңдегеннен кейін, яғни регрессия кезінде вакцинаны салдыруға әбден болады. Мұндай жағдайда созылмалы ауруы бар адамға салынған вакцина сау адамға салынғанмен бірдей – ешқандай зияны жоқ», – деді Ләззат Ералиева орталық коммуникациялар қызметінің алаңында өтіп жатқан баспасөз мәслихатында.
</blockquote>
Оның айтуынша, әлемде қазіргі уақытта ВИЧ-инфекциясын жұқтырған адамдарға да вакцина салынып жатыр. Вакцина жақсы нәтижесін көрсетіп келеді.

Ләззат Ералиева: Созылмалы ауруы өршіген адамға коронавирус вакцинасы салынбайды

<a href="https://kyzylorda-news.kz/">Kyzylorda-news.kz</a>. Чемпиондар лигасының форматы 2024 жылы өзгеруі мүмкін. Негізгі Еуропа кубогының жаңа құрылымы әлі жарияланбаған. Оны Еуропа футбол одағының Атқарушы комитеті де мақұлдауы керек. Бірақ реформаның жобасы қазірдің өзінде белгілі. Өзгерістер ең алдымен топтық сатыда болады.
Негізгі өзгерістер
<ul>
<li>Турнирдің топтық кезеңіне қатысатын клубтар саны 32-ден 36-ға дейін артады;</li>
<li>Бөлек топтар болмайды. Барлық 36 команда бірыңғай турнир кестесінде бақ сынайды, командалар бір-бірімен қысқартылған швейцариялық жүйеде ойнайды;</li>
<li>Қазіргі уақытта командалар топтық кезеңде алты ойын өткізеді, ал жаңа Чемпиондар Лигасының топтық кезеңіндегі ойындар саны 10-ға жетеді (бес рет өз алаңында және бес рет қонақта). Алайда айналмалы жүйе болмайды: бір клуб он ойында он түрлі қарсыласпен ойнайды;</li>
<li>Топтық кезеңнің соңында 1-8 орын алған командалар плей-офф кезеңіне өтеді, ал 9-24 орын алған командалар 1/8 финалға шығу үшін қосымша тур ойнайды;</li>
</ul>
<img src="https://kyzylorda-news.kz/wp-content/uploads/2021/02/ba13ecc42a05fa7e531e1965c8559d22.jpeg" alt="" />
Қосымша 100 ойын
Жаңа форматтағы ойындар саны көбейеді. Қазіргі уақытта топтық кезеңде 96 ойын бар. Реформа 18 ойыннан тұратын 10 турды, барлығы 180 матчты қамтиды. Топтық кезең мен жартылай финал арасындағы плей-офф кезеңіне өту үшін қосымша тур өтеді, осы кезеңде тағы 16 ойын өткізіледі. Нәтижесінде Чемпиондар лигасындағы ойындар саны тағы 100-ге көбейеді.
Топтық кезеңнің кеңеюі күнтізбені қатаңдатады, қосымша төрт ойынға орын табу керек (топтық кезеңде қазір 6 ойын, жаңа формат бойынша 10 ойын болады). Ойындар санын көбейтетіні әзірге белгісіз. Бұл жағдайда ішкі кубок ойындарының жалғасына қауіп төнеді. Күзде ұлттық құрама ойындарына бөлінетін ФИФА күндері қысқаруы мүмкін. Қазір осындай үш үзіліс бар, оның бірін құрбан етуге болады.
Формат әлі бекітілген жоқ, сондықтан бұл жобада өзгерістер болуы мүмкін. Бірақ көптеген клубтар топтық кезеңде он емес, сегіз раунд өткізгісі келеді. Алайда ұсынылған формат сақталған.
<img src="https://kyzylorda-news.kz/wp-content/uploads/2021/02/76bb87f7e9418749bf0c92c90b70597e.jpeg" alt="" />
Үздік клубтарға арналған жеңілдіктер
Чемпиондар лигасын жаңартудың маңызды аспектісі бұл топ клубтардың жеңілдік алуы. Неліктен УЕФА қатысушы командалар санын 32-ден 36-ға дейін арттырғысы келеді? Себебі, ірі командалар Чемпиондар лигасына өте алмаған кезде қосымша төрт орын оларға мүмкіндік туғызады.
Мәселен Англияда қазір Чемпиондар лигасына алғашқы төрт команда өтеді. “Челси” қазіргі уақытта премьер-лигада бесінші орында, яғни “көктер” негізгі еурокубокқа жолдама алмайды. Бірақ жаңа жүйе коэффициенті жоғары клубтарға тарихи нәтижелер арқылы Чемпиондар Лигасына қатысуға мүмкіндік береді. Егер, қазір ЧЛ-ға жаңа формат енгізіліп, Челси ішкі лигада бесінші орында тұрақтап қалған жағдайда, ЧЛ-ға жолдама алатын еді.
<img src="https://kyzylorda-news.kz/wp-content/uploads/2021/02/aa97c6cccb4c102b295c2f5a5c11c40e.jpeg" alt="" />
Сонымен қатар, УЕФА ішкі лиганы 5-7 орынмен аяқтаған және тікелей жолдама ала алмаған екі үлкен командаға Чемпиондар лигасына қатысу құқығын береді. Мысалы қазір АПЛ-де бұл орындарды “Челси”, “Вест Хэм Юнайтед” және “Эвертон” иеленіп тұр. Жаңа ережеге сәйкес, АПЛ-дің үздік төрт командасына “Челси” мен “Вет Хэм Юнайтед” қосылып Чемпиондар лигасына өтеді. Лиганың максималды квотасы – алты. “Эвертон” Еуропа лигасына жолдама алады. Ал Еуропа лигасына квоталар саны көбейтілмейді.
<img src="https://kyzylorda-news.kz/wp-content/uploads/2021/02/88880a51406f12883db8c488da36ff65.jpeg" alt="" />
Мұның бәрі не үшін?
Мұның бәрі УЕФА-ның жетекші клубтары жабық Суперлига құрады деген алаңдаушылыққа байланысты. Мұндай турнир туралы қауесет соңғы жылдары жиі айтылып жүр. Топ клубтар Чемпиондар лигасына жолдама ала алмай, көп қаржы жоғалтып жатқанына наразы. Сонымен қатар, топ-клубтар топ-клубтармен ойнағысы келеді және жаңа формат бұған мүмкіндік береді.
<a href="https://massaget.kz/layfstayl/sport/64480/">massaget.kz</a>

Чемпиондар лигасының жаңа форматы қалай болады?

<a href="https://kyzylorda-news.kz/">Kyzylorda-news.kz</a>. ҚР ДСМ “Қоғамдық денсаулық сақтау ұлттық орталығы” ШЖҚ РМК орталығының дәрігер-эпидемиологы, сарапшы Лена Қасабекова тұмауға қарсы екпелер КВИ-ға қарсы иммунитетке қалай әсер ететінін түсіндірді, деп хабарлайды&nbsp;<a href="https://kaz.tengrinews.kz/">Tengrinews.kz</a>.
ДДҰ КВИ басталғаннан бері тұмауға қарсы жыл сайын қауіпті топтардан тұратын адамдар егіліп жүрген. Ол біздің елімізде ондай егілетін адамдардың пайызы 10 пайызға жететін. Ал биылдан бастап пандемия басталғалы ДДҰ-дан оны 40 пайызға көтеру керек деген ұсыныстар келе бастаған.
<blockquote>
 “Себебі, осы тұмау секілді тура КВИ кезінде қауіпті топтар арасында жоғары сырқаттанушылық белгісі және жоғары асқынулар және өлім-жітім белгісі жоғары болды. Осы кезде тұмауға қарсы егілмеген адамдар тұмаумен ауырып, қосымша КВИ-ды жұқтырса, бұл көрсеткіш одан да көбейетін еді. Осы екі жұқпалы аурулардың қауіпті топтары бірдей болады. Олар, мысалы, медициналық қызметкерлер, 65-жастан асқан ересек адамдар. Олар қандай да бір созылмалы аурылары бар адамдар. Бұл негізінде, керісінше тұмауға қарсы вакцина бұл адамдарды тұмаудан қорғай отырып, коронавирустық және тұмаудың асқынуларын бірге жүруінен сақтайтын еді”, – деді сарапшы.&nbsp;
</blockquote>
Сарапшының сөзінше, барлық зерттеудің нәтижесінде тұмауға қарсы вакцина КВИ-ға қарсы иммунитетті мүлдем төмендетпейтіні дәлелденіп отыр.

Тұмауға қарсы екпелер КВИ-ға қарсы иммунитетті төмендетіні рас па?

<a href="https://kyzylorda-news.kz/">Kyzylorda-news.kz</a>. Еңбек және халықты әлеуметтік қорғау министрі Серік Шәпкенов әлеуметтік әмиянның банк картасынан қандай айырмашылығы бар екенін түсіндірді, деп хабарлайды&nbsp;<a href="https://sputnik.kz/">Sputnik Қазақстан</a>.
Шәпкеновтің айтуынша, цифрлық әлеуметтік әмиян – банктік шоттарға балама.
<blockquote>
 “Артықшылығы – азаматтар банктерге жүгінбейді. Ұлттық банк жүйесінде әр адамға жеке сәйкестендіру нөмірі арқылы шот ашылады. Біз бұл шоттарға болашақта 44 әлеуметтік төлемді проактивті түрде аударуды жоспарлап отырмыз”, – деді министр мәжілістегі Nur Otan фракциясының кеңейтілген отырысында.
</blockquote>
Айтуынша, әмиянға аударылған әлеуметтік төлемдер банктердің, салық органдарының немесе коллекторлық фирмалар мен басқа да тараптардың өндіріп алуынан қорғалады.&nbsp;
Сондай-ақ, әлеуметтік әмиянмен тауар сатып алуға болады. Әлеуметтік әмияндағы ақшаны банк картасына аударуға және сол арқылы қолма-қол ақша ретінде шешіп алуға да мүмкіндік бар.
<blockquote>
 “Ешқандай шектеу болмайды. Қазіргі таңда заң жобасы бекітілді. Осыған байланысты Ұлттық банк техникалық және ұйымдастырушылық жұмыстарын жүргізіп жатыр”, – деп толықтырды ведомство басшысы.
</blockquote>

Банкке барудың қажеті жоқ: министр әлеуметтік әмиянның артықшылығын атады

Kyzylorda-news.kz. Қазақстанда өткен тәулікте 837 адамның коронавирус жұқтырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 53,
Алматы қаласы – 110,
Шымкент қаласы – 5,
Ақмола облысы – 69,
Ақтөбе облысы – 11,
Алматы облысы – 53,
Атырау облысы – 30,
Шығыс Қазақстан облысы – 61,
Жамбыл облысы – 14,
Батыс Қазақстан облысы – 77,
Қарағанды облысы – 69,
Қостанай облысы – 75,
Қызылорда облысы – 17,
Маңғыстау облысы – 10,
Павлодар облысы – 130,
Солтүстік Қазақстан облысы – 49,
Түркістан облысы – 4.
Жалпы ел бойынша ауырғандар саны 201801.

Қызылордада тағы 17 адам коронавирус жұқтырды

Kyzylorda-news.kz. 14 ақпанда орталығы Мәскеу маңында орналасқан циклон жырасы өз әсерін ҚР батыс, солтүстік-батыс және солтүстік аудандарына тигізе бастайды – жауын-шашын (жаңбыр, қар) жауады, көктайғақ, жаяу бұрқасын күтіледі, деп хабарлайды Қазгидромет.
Қазақстанның қалған территориясында антициклон жотасы жауын-шашынсыз ауа райын қалыптастырады. Республика бойынша кей жерлерде тұман, желдің күшейюі сақталады.
Батыс Қазақстан, Қостанай облыстарының кей жерлерінде тұман, көктайғақ, желдің 15-20 м/с күшейюі, жаяу бұрқасын күтіледі.
Ақмола, Солтүстік Қазақстан облыстарында кей жерлерде тұман, күндіз – көктайғақ, желдің 15-20 м/с күшеюі, Солтүстік Қазақстан облысында жаяу бұрқасын күтіледі.
Алматы, Ақтөбе, Атырау облыстарында кей жерлерде тұман, көатайғақ, Атырау облысында күндіз желдің 15-20 м/с күшеюі күтіледі.
Жамбыл, Қарағанды, Қызылорда облыстарында кей жерлерде тұман, желдің 15-20 м/с күшеюі күтіледі.
Түркістан, Шығыс Қазақстан, Маңғыстау облыстарының кей жерлерінде тұман күтіледі.

Жексенбі күніне арналған ауа райы болжамы

<a href="https://kyzylorda-news.kz/">Kyzylorda-news.kz</a>. Америка денсаулық сақтау ассоциациясының мүшесі, Қазақстан Медициналық профилактика академиясының президенті, профессор Алмаз Шарман “SARS-cov-2 және вакцинация” тақырыбындағы конференцияға қатысып, тілшілердің сауалына жауап берді.
<img src="https://kyzylorda-news.kz/wp-content/uploads/2021/02/image-2.jpeg" alt="" />
Неге таңдау “Sputnik V” вакцинасына түсті?
Бірден айта кетейін, басында бұл вакцинаға мен де сенбедім. Алайда Lanset журналына вакцинаның клиникалық зерттеуінің нәтижесі шыққанда таңдандым. Өйткені ресейлік екпенің тиімділігі – 91,4% болды. Бұл – өте жоғары көрсеткіш. Салыстырмалы түрде айтсам, 2019 жылы салынған тұмауға қарсы вакцинаның тиімділігі 50% ғана болған. Ал әлемдегі ең тиімді деген вакцинаның көрсеткіші – 94-95%. Аз уақытта дайындалған “Sputnik V” екпесінің мұндай жоғары эффект көрсеткені – шынайы жетістік. 91 пайыз дегеніміз – егілген 10 адамның 9-ы індеттен аман болады деген сөз.
Оның үстіне, ресейлік вакцина – аденовирустың екі түрінен әзірленген ең алғашқы векторлы вакцина. Екпені векторлы әдіспен жасау бұрыннан келе жатқан тәжірибе, яғни, сенімді жол.
Вакцинаны екі дозамен салады. Арасы – 21 күн. Бір айда екі рет екпе алған адам аурудан жақсы қорғанады. Менің ойымша, адамзат бір аурудың бірнеше вакцинасын бірінен кейін бірін салдырғаны жөн. Сонда аурудан толық айығады. Болашақта медицина осы тәсілге көшуі мүмкін. Өйткені бір вирустың өзі бірнеше түрге мутацияланып жатыр. Бұдан бір вакцинамен қорғану аздық етеді.
Отандық вакцинаның тиімділігі қанша?
Қазақстандық QAZ-COVID-in вакцинасы – инактивті вакцина. Мұндай екпені дайындауға көп қаржы кетеді. Сондықтан ол қымбат болады. Отандық екпенің тиімділігі жайлы айту әлі ерте. Өйткені клиникалық зерттеудің 1-ші және 2-ші кезеңі енді ғана аяқталды. Әлі 3-ші кезеңі бар. Ол сәуірде аяқталады. Содан кейін ғана бәрі белгілі болмақ.
Вакцина салдырған адамға маска тақпай-ақ қойса бола ма?
Жоқ. Бәрібір әлеуметтік қашықтық сақтап, маска таққаны жөн. Өйткені вакцинаның тиімділігі тек 90% екенін айттық. Демек әлі 10% қауіп бар деген сөз. Содан сақтану үшін міндетті түрде маскамен жүрген жөн.
Тағы бір мысал келтірейін. Мәселен пандемияда оңтүстік-шығыс Азия елдері зардап шеге қоймады. Әсіресе, Малайзия мен Сингапур. Себебі неде? Өйткені бұл елдер маска тағуды әдетке айналдырған. Елдің 95%-ы маскімен жүреді. Эпидемия басталғанда-ақ маскіге жүгірді. Содан ауру аз тарады. Әлемде экономикасы мүлде зардап шекпеген бір-ақ ел бар: ол – Сингапур. Басқанікі 4-5%-ға дейін құлдырады. Сингапур тіпті вакцина мен дәрі жасауға ұмтылған жоқ.
Осы жерде тағы бір қызық жайт бар. Бірде маған Америка нейрохирургі, медицина репортері Санджай Гупта (Dr.Sanjay Gupta) “егер коронавирус тек балаларға ғана жұғады десе, әлем халқы не істер еді?” деп сұрақ қойды. Ойланып қалдым. Шынымды айтсам, бұрын ойламаған екенмін. Егер коронавирус тек балаларға ғана жұғады десе, онда адамзат бүлдіршіндерді аман алып қалу үшін шетінен маскі тағып, профилактикалық амалдарға көшер ме еді? Ал коронавирус басында қарияларға жұғады деп ақпарат тарағанда, бәрі немқұрайлы қарады. Сонда біз қариямызды қадірлемейтін болғанымыз ба?!
Азия елдері қариясын жақсы құрметтейді. Сондықтан болса керек, індет басталғанда-ақ оларды құтқару үшін маскі тағып, жауапкершілік танытты.
Коронавирустың аэрозоль (шаң тамшысы) арқылы тарауы мүмкін. Вакцина салдырған адамның сілекейінде вирус болып, ол ауамен тарап, тағы бір адамға жұғуы ықтимал.
Вакцина салдырғанда асқыну сынды келеңсіз жайт болуы мүмкін? Мұндайда не істеген жөн?
Вакцинаны салдыруға 20 секунд уақыт кетеді. Содан кейін ең дұрысы – дәрігердің жанында 15-30 минуттай отырып, әсерін күту. Әдетте, аллергия 15 минуттан кейін-ақ әсерін білдіреді. Егер жарты сағатта еш кінәрат болмаса, жиналуыңызға рұқсат. Ал болса, онда дәрігерге кіріңіз. Менде де аллергия бар. Бірақ аллергиям бар екен деп, вакцинадан қорыққан емеспін.
“Sputnik V” екпесін салдырғаннан кейін мынадай жағымсыз белгілер байқалуы мүмкін:
<ul>
<li>Бас ауру</li>
<li>Әлсіздік</li>
<li>Дене қызуының көтерілуі</li>
<li>Бұлшық еттің құрысуы</li>
<li>Қалтырау, дірілдеу</li>
<li>Укол салынған жер ісуі мүмкін</li>
</ul>
Бірақ мұндай белгілер өте аз адамда болады, көбінде жасырын жүреді. Сондықтан қорқудың қажеті жоқ. Болды дегеннің өзінде 24-36 сағаттың ішінде кетеді.
Мұндай белгілер байқалса, керісінше қуану керек. Өйткені ағза екпені қабылдап, қызу реакцияға кірісті, антидене өндіруге бас қойды деген сөз. Адам ауырғанда, дене қызуы көтерілетіні сынды құбылыс.
Ыстық көтерілсе, онда суды көбірек ішіңіз немесе ыстық түсіретін дәрі ішуге болады.
Екпе салдырған адамға коронавирус жұғуы мүмкін бе?
Жоқ. Бұған сенімді жауап беремін. “Коронавирус екпесін салдырып, вирус жұқтырды немесе вакцина вирус таратады екен” дегенді жиі еститін болдық. Мұның бәрі – өтірік. Әлемдік вакцинаның қайсыбірін алсаңыз да, вирус таратуға қауқарсыз. Бейтарап.
Бірақ бір ескере кетер нәрсе бар. Адам вакцина салдыруға келгенге дейін коронавирус жұқтырып алған болуы мүмкін. Мұны білу оңай. Егер адам екпе салдырғаннан кейін бас ауру, әлсіздік, ыстық көтерілу сынды белгілер байқалып, бір тәуліктен кейін де жалғасса, демек сіз оған дейін вирус жұқтырғансыз. Онда дәрігерге барып қаралуға тура келеді. Ал жағымсыз белгілер бір тәулікте қайтса, онда бәрі қалыпты. Көбі осы екеуін шатастырып алады.
Балаларға, қарсы көрсеткіші бар адамдарға екпе салдыруға болмайды. Олар не істеуі керек?
Меніңше, балаларға екпе салдырудың қажеті жоқ. Өйткені коронавирус инфекциясы балада жеңіл өтеді. Балаларда бөлек коронавирус болады. Ол ересектерге қарағанда жеңілдеу әрі бұдан пайда болған антидене коронавирустың басқа түрінен де қорғайды.
Ал қарсы көрсеткіші бар адамдарға екпе салдыруға болмайды. Аяғы ауыр, омырауында баласы бар әйелдер, бауыр мен бүйрек созылмалы ауруына, жүрек-қан тамыры, аутоиммунды, диабет, қатерлі ісікке шалдыққан жандарға екпе салынбайды. Ал оларды қорғаудың ең тиімді жолы – ол, әрине, ұжымдық иммунитет.
Ұжымдық иммунитет қалыптастыру үшін халықтың 70%-ы вакцина алуы керек. Қалған 30%-ына екпе салдырғысы келмеген, қария, қарсы көрсеткіші бар адамдар жатады.
Коронавируспен ауырғандарға вакцина салудың қажеті қанша, оның ағзасында онсыз да антидене бар емес пе? Бұл пікірге не дейсіз?
Ағзасында антидене анықталғандар вакцина салдыру арқылы иммунитетін одан әрі күшейтеді. Неге екі-үш реттен вакцина салдырады? Себебі иммунитетті күшейту үшін. Ауырған адамның ағзасында антидене ұзақ уақыт өмір сүреді деген жоқ. Кез келген уақытта жоғалып кетуі мүмкін. Ал вакцина оны арттыруға көмектеседі.
Десе де, екпе салдыру-салдырмауды азаматтың өзі шешеді. Қазақстанда вакцина салдыру міндетті емес. Одан кез келген адам бас тарта алады.
<a href="https://massaget.kz/arnayyi_jobalar/zdorove/64486/">Massaget.kz</a>

Вакцина жайлы 7 сауалға жауап

<a href="https://kyzylorda-news.kz/">Kyzylorda-news.kz</a>. Былтырғы жылы Қазақстан халқының саны 245 мыңға артты. Яғни, өткен жылы халық саны 18 млн 877 мың адамға жетті, деп хабарлайды Стратегиялық жоспарлау және реформалар жөніндегі агенттік Ұлттық статистика бюросының баспасөз қызметі.
2021 жылғы 1 қаңтардағы жағдай бойынша ел халқының саны 18,877 млн адамды құраған, оның ішінде қалалық – 11,149 млн адам (59,1%), ауылдық – 7,727 млн адам (40,9%).
<img src="https://kyzylorda-news.kz/wp-content/uploads/2021/02/12022021-1-1kz.jpg" alt="" />
2020 жылғы 1 қаңтармен салыстырғанда халық саны 245 мың адамға немесе 1,3% – ға өскен. Аталған кезеңде ең үлкен жалпы өсім елдің үш өңірінде – Алматыда (60,2 мың адам), Нұр-Сұлтанда (48,5 мың адам) және Шымкентте (38 мың адам) байқалған.
<img src="https://kyzylorda-news.kz/wp-content/uploads/2021/02/12022021-1-2kz.jpg" alt="" />
Айта кетейік, Қазақстанда биыл <a href="https://kyzylorda-news.kz/kogam/2021-zhyldyng-1-qyrkuejeginen-qazaqstannyng-halyq-sanaghy-onlajn-bastalady-99109/">халық санағы</a> онлайн форматта 1 қыркүйектен басталатынын хабарлаған болатынбыз. Бұған дейін халық санағын 2021 жылдың 1 қазанынан 30 қазанына дейінгі аралықта өткізу жоспарланған еді.
Азаматтар қай жерде жүргеніне қарамастан, санаққа қатыса алады. Ол үшін сайтқа кіріп, өзі және отбасы үшін арнайы сауалнаманы толтырса жеткілікті.
Сондай-ақ, онлайн режимде санақтан өтпеген азаматтарды анықтау үшін үй-үйді аралап тіркеу өткізіледі.

Қазақстанда халық саны 245 мың адамға артқан

<a href="https://kyzylorda-news.kz/">Kyzylorda-news.kz</a>. Биылдан бастап Қазақстан азаматтары 77 елге, ал 2025 жылы 89 елге виза режимінсіз бара алады, деп хабарлайды&nbsp;<a href="https://stan.kz/">Stan.kz</a>.
<blockquote>
 “Мемлекет басшысының халықаралық бастамаларын іске асыру жалғасады. Қазақстанның уәкілетті мемлекеттік органдары өкілдерінің БҰҰ және басқа да халықаралық әріптестердің іс-шараларына қатысуы қамтамасыз етіледі. 2021 жылы визасыз режим елдерінің тізімі кеңейіп, 77 елден тұратын болады. 2025 жылы 89 елге дейін көбейтілмек. 2022 және 2025 жылдары әлемдік және дәстүрлі діндер көшбасшыларының съезі өткізіледі. Шетелде оқитын және жұмыс істейтін қазақстандықтар мен Қазақстаннан асырап алынған балалардың құқықтары мен мүдделерін қорғау қамтамасыз етіледі. Негізгі стратегиялық әріптестермен қатынастарды нығайту жұмысы өз жалғасын табады”, – деді ҚР премьер министрі Асқар Мамин Мәжіліс отырысында.
</blockquote>

Биыл қазақстандықтар 77 елге визасыз бара алады

<a href="https://kyzylorda-news.kz/">Kyzylorda-news.kz</a>. 2025 жылға қарай барлық мемлекеттік органдар қызметі автоматтандырылып, электронды форматқа көшеді.
Биылдың өзінде 95 процент қызмет цифрландырылады. Сондай-ақ мемлекет аппарат пен мемлекеттік сектордағы қызметкерлердің 25 проценті қысқарады. Ал халыққа қызмет көрсету орталықтары онлайн кеңес беруге бейімделеді. Бұл туралы «Nur Otan» партиясының жол картасын талқылау кезінде Үкімет басшысы айтты.
<a href="https://24.kz/kz/zha-aly-tar/o-am/item/455065-memlekettik-yzmetker-sany-25-ys-arady">Хабар 24</a>

Қазақстан және Қызылорда облысының жаңалықтары