<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Ұлттық домбыра күніне орай Х парақшасында құттықтау <a href="https://kaz.inform.kz/news/memleket-basshisi-kazakstan-halkin-ulttik-dombira-kunmen-kuttiktadi-63486f/">жариялады</a>.&nbsp;– Ұлттық домбыра күні құтты болсын! Бұл мерекенің қазақ руханияты үшін мән-маңызы зор. Қастерлі аспап дала өркениетінің ажырамас бөлігіне айналды. Төл мәдениетіміздің құнды қазынасын сақтау – баршамыздың парызымыз. Домбыра төрден түспесін! – деп жазды Мемлекет басшысы.&nbsp;Жыл сайын 7-шілдеде қазақстандықтар Ұлттық домбыра күнін тойлайды.&nbsp;Ұлттық домбыра күні 2018 жылы Президент Жарлығымен бекітілген. Мереке ұлттық мәдениет пен бірегейлікті сақтау және жаңғырту мақсатында бекітілді.

Мемлекет басшысы Қазақстан халқын Ұлттық домбыра күнімен құттықтады

<a href="https://kyzylorda-news.kz/">Kyzylorda-news.kz</a> Белгілі қазақстандық әнші Әбдіжаппар Әлқожа тәртіп сақшысының заңды талаптарына бағынбағаны үшін Алматы облыстық сотының шешімімен 10 тәулікке <a href="https://kaz.inform.kz/news/kazakstandik-tagi-br-tanimal-ansh-kamauga-alindi-3a7cba/">қамауға алынды</a>.Алматы облыстық Полиция департаментінен мәлім еткендей, 6 шілдеде тәртіп сақшылары Toyota Camry автокөлігін тоқтатты. Тексеру барысында жүргізуші көлік құралын басқару құқығынан айырылғаны анықталды.«Автокөлікті айыппұл тұрағына жеткізген кезде KIA Сarnival автокөлігі келді, оның жолаушысы азамат М. (Әбдіжаппар Әлқожа) полиция қызметкерлеріне қысым көрсетіп, құқық бұзушының рәсімделуіне кедергі жасай бастады. Заңсыз әрекеттердің жолын кесу кезінде құқық бұзушы полиция қызметкерлеріне белсенді түрде қарсылық көрсетті. Ер адам медициналық куәландыруға жеткізіліп, оның «орташа» дәрежелі мас күйі расталды», – деп хабарлады ведомстводан.Нәтижесінде көлiк құралын басқару құқығынан айырылып көлiкті басқарғаны үшін Toyota Camry жүргізушісі 10 тәулік мерзімге әкімшілік қамауға алынды. Сондай-ақ сот шешімімен KIA Carnival жолаушысы Әбдіжаппар Әлқожа құқық қорғау органы қызметкерінің заңды талаптарына бағынбағаны үшін ол да 10 тәулікке қамалды.Осыған дейін көліктегі Полиция департаменті Қайрат Нұртастың үстінен «Алматы-Астана» әуе рейсінде ұсақ бұзақылық және денсаулыққа қасақана жеңіл зиян келтіру фактісі бойынша әкімшілік<a href="https://kaz.inform.kz/news/politsiya-kayrat-nurtaska-s-kozgadi-a18dea/">&nbsp;іс қозғалғанын</a>&nbsp;хабарлаған еді.&nbsp;Астана қаласының әкімшілік істер бойынша мамандандырылған соты танымал әншінің ісін онлайн қарады және сол жерде Қайрат Нұртас&nbsp;<a href="https://kaz.inform.kz/news/men-zhabrlenushmn-kayrat-nurtas-malmdeme-zhasadi-a1564e/">мәлімдеме жасады.&nbsp;</a>Кейін соттың қаулысымен Қайрат Нұртас 15 тәулікке<a href="https://kaz.inform.kz/news/kayrat-nurtas-15-taulkke-kamaladi-sot-ukm-ce401e/">&nbsp;қамауға алынды.</a>

Қазақстандық тағы бір танымал әнші қамауға алынды

<a href="https://kyzylorda-news.kz/">Kyzylorda-news.kz</a> Германияда нәрестесін&nbsp;терезеден лақтырып жіберген әйел жеті жарым жылға сотталды.&nbsp;Бұл туралы&nbsp;<a href="https://www.dailymail.co.uk/news/article-13603529/mother-newborn-dropped-window-katarina-jovanovic-porsche-germany.html">DailyMail</a>&nbsp;сайтына хабарлайды.&nbsp;Германияның Баден-Вюртемберг штатындағы Лауфен-на-Неккар&nbsp;тұрғыны&nbsp;28 жастағы Катарина Йовановичті 3 шілдеде Хейльбронн аудандық соты кісі өлтіргені үшін кінәлі деп тапты.Ол 10 ай бұрын 12 қыркүйекте үйде тығылып туып алған, содан кейін жаңа туған қызын пәтерінің терезесінен жерге лақтырып жіберген.Көшеде келе жатқан тұрғындар балконның астынан бас сүйегі сынған сәбидің денесін тауып алып, полиция шақырған.Йованович сот отырысының басында қылмысын мойындады, сондай-ақ ол жүкті екенін білмегенін айтты.&nbsp;Ол декретке шықса, Porsche заң бөлімінің басшысы мансабынан айырыламын деп қорыққан екен.«Сотталушы бала үшін өзінің өмірлік жоспарларын, әсіресе кәсіби дамуын кейінге қалдыруға дайын болмады», –&nbsp;деді прокурор Марейк Хафендорфер.Йовановичтің адвокаттары мұны абайсызда адам өлтіру деп атады, себебі ол жүкті екенін білмей, үйде босанғаннан кейін баланы абайсызда тастап кеткен деді.Әйелдің қорғаушылары үкімге шағымдануды жоспарлап отыр.Сурет: Нұрболат Нұржаубай

Әйел нәрестесін терезеден лақтырып жіберген

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Футболдан Германия өтіп жатқан Еуропа чемпионатында Португалия құрамасы ширек финалда Францияға пенальти сериясында есе жіберді, деп хабарлайды&nbsp;El.kz&nbsp;ақпарат агенттігі.</h4>Еуропа чемпионатының ширек финалдық сынында Франция ойыншылары пенальтиде Португалиядан 5:4 есебімен алға шықты.&nbsp;Қос таймда да есеп ашылмай, Португалия футболшылары үздіксіз шабуылдаумен болды. Алайда бұл жағдай овертаймда да қайталанып, Роналду командасын алға шығара алмады.&nbsp;Пенальти сериясында Португалия ойыншысы Жоау Феликс тепкен доп бағана тиіп командасын үйге қайтарды. Ал шешуші пенальтиді тепкен Тео Эрнандес мүлт кеткен жоқ.&nbsp;Бұған дейін Испания құрамасы ширек финалда Германияның овертаймда 2:1 есебімен ұтып, жартылай финалға жолдама алды.&nbsp;Енді Франция құрамасы жартылай финалда Испанияға қарсы ойын өткізеді.&nbsp;

Футболдан Еуропа чемпионатының жартылай финалға шыққан алғаш құрамалары анықталды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Ұлттық домбыра күні мерекесінде Талдықорған қаласында 3 мың адам бір мезетте домбыра тартады, деп хабарлайды El.kz&nbsp;ақпарат агенттігі.</h4>«Жастар» саябағында аудандық, қалалық мекемелердің өнерпаздары - барлығы 3 мың адам Инстаграм, Фейсбук әлеуметтік желілеріндегі мәдениет мекелерінің парақшаларында тікелей эфирге қосылып, Таңатар Алшабековтің «Жетісу күйін» орындайды деп күтіліп отыр. Бұл саябақта өтетін «Үкілі домбыра» атты мәдени іс-шарасы аясында&nbsp; ұйымдастырылмақ.Облыстық мәдениет, архивтер және құжаттама басқармасының мәліметіне қарағанда, Талдықорғандағы мерекелік шараға Мұқан Төлебаев атындағы халық аспаптар оркестрі, фольклорлық ансамбльдер, өнер үйірмелерінің балалары қатысып, концерттік бағдарлама ұсынады. Мереке аясында М. Тынышпаев атындағы облыстық тарихи-өлкетану музейі, облыстық көркемөнер галереясы және Сәкен Сейфуллин атындағы облыстық орталық кітапханалары кітап көрмелері мен қолөнер шеберлерінің көрмелерін ашады.&nbsp;Сондай-ақ, облыстың барлық аудандары мен қалаларының орталық алаңдарында домбыра күніне арналған шаралар өткізілетін болады.

Домбыра күнінде 3 мың адам күй тартады

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> ЭКСПО аумағында 6 шілде күні сағат 18:00-де «Open Air» мерекелік концерті өтеді. Концерт аяқталғаннан кейін дрондар шоуын өткізу жоспарланып отыр, деп хабарлайды <a href="https://baq.kz/astanada-6-shilde-kuni-drondar-shouy-otedi-335655/">BAQ.KZ.</a></h4>Дрондар шоуының болжамды уақыты – сағат 22:15-те (22:30). Дрондар шоуы үшін аспанға радиомен басқарылатын 1250 аппарат ұшырылады, оның 70-і – пиротехникалық дрон. Бұл – дрон симбиозы мен пиротехниканың жаңа технологиясы. Шоу қазақстандық және шетелдік композиторлардың әуенімен үндестірілетін болады.Шоу демеушілік қаражат есебінен ұйымдастырылады.Фото: gov.kz

Астанада 6 шілде күні дрондар шоуы өтеді

<a href="https://kyzylorda-news.kz/">Kyzylorda-news.kz</a> Қала әкімі Серік Салауатұлы Б.Шөкенов атындағы саябақтың көріктендіру жұмыстарын көрді. Қала тұрғындары үшін табиғат аясында тынығуға мол мүмкіндік сыйлаған саябақтың эстетикалық күйі де қалыпқа келтірілуде.«Саябақтағы санитарлық тазалық шаралары жыл бойы жүргізілуі тиіс. Бұл жұмыстарды босаңсытуға болмайды,» – деді Серік Салауатұлы сала басшыларына. Мұндағы жасыл-желекті күтіп, балақтау, уақытылы аяқ су беру күнделікті атқарылуы қажет. Ашығын айту керек, аталған парктегі жерасты су ұңғымасында уақытша орын алған ақауға байланысты аяқ су кеш берілді, салдарынан талдарға күтім жасалмады. Мәселеге орай, «Жасыл Қызылорда» мекемесіне «Сарқырама» каналы арқылы судың бағытын бұрып, биік жерлерге мотопомпаларды пайдалану тапсырылды.«Қорқыт ата» мемориалды аллеясы қаладағы демалыс орындарының бірі болса да, мақсатты пайдаланылмай келеді. Яғни, көпшілік кең көлемде тыныға бермейді. Себеп – саябақтың бүгінгі күйі халықты баурайтындай жағдайда болмай тұр. Осыған орай, сәулетшілердің ұсынған заманауи дизайнымен жаңғырту жұмыстары жүргізіледі. Бұл игі бастаманы жақын күндері бастау жоспарға енгізілген.<blockquote>«Аймақ басшысының тегеурінді талабымен, кәсіпкердің демеушілігімен жақында Орталық алаң қайта жаңғырып, ел игілігіне берілді. Қандай керемет, халықтың өмір сүру сапасын арттыру жолындағы маңызды қадам деп атасақ жарасымды. Бұл жердегі бір әттеген-айы, демалыс орындарын тиімді, сапалы, мәдениетті пайдалана алмауымыздан болып тұр. Қарасаңыз, бас-аяғы базар-ошар секілді бей-берекет дүние қаптап кетті. Біз мұндай берекесіздікке жол бермейміз. Демалыс аймағында халық еркін демалуы керек. Өз кезегінде «Қорқыт ата» мемориалы аллеясын да орталық алаң секілді қала халқының сүйікті орнына айналдыратын боламыз,» – деді Серік Салауатұлы.</blockquote>Фото: Нұрболат Нұржаубай

«Қорқыт ата» мемориалды аллеясы жаңғыртылады

<a href="https://kyzylorda-news.kz/">Kyzylorda-news.kz</a> Қалалық құрылыс бөлімінің басшысы Жеңісбек Файзуллаев брифинг берді.<blockquote>– Бүгінгі таңда Қызылорда қаласында халықты баспанамен қамту көрсеткіші артып келеді.&nbsp;Өткен жылы тұрғын үй құрылысын дамыту мақсатында өңірімізде алғаш рет Сол жағалау тұрғын ауданынан 504 пәтерді құрайтын 7 қабатты 6 тұрғын үйдің құрылысы басталған болатын. Қазіргі таңда негізгі құрылыс жұмыстары аяқталып, абаттандыру, сыртқы және ішкі әрлеу жұмыстары жүргізілуде. Сонымен қатар, Сол жағалаудан 470 пәтерді құрайтын 10 көпқабатты тұрғын үйдің құрылысы аяқталды, бүгінде абаттандыру жұмыстары жалғасуда. Жоспардың бірі, 84 пәтерлі жеті қабатты 10 тұрғын үйдің құрылыс жұмыстарын жүргізуге жоба-сметалық құжаттары әзірленуде. Бұдан бөлек, жыл соңына дейін мыңнан аса пәтердің құрылысын аяқтап, пайдалануға берілетін болады,&nbsp;– деді Жеңісбек Исламұлы.</blockquote>«Инженерлік инфрақұрылымды дамыту» бағдарламасы аясында Арай мөлтек ауданындағы Мәуелі көшесіне ауыз су желісі құрылысы, "Бәйтерек" ықшам ауданындағы тұрғын үйлерді газбен жабдықтау және сумен жабдықтау желілерінің құрылысы, Жас Алаш және Теректі, Сарысу көшелеріне электрмен жабдықтау құрылысы және Сарысу көшесіне ауыз су құрылысы жүргізілуде. Бұдан бөлек, Белкөл кентіндегі Жерұйық, Сарыарқа, Бірлік көшелеріне электр желісі жүргізілсе, Қызылжарма аумағындағы 1,2,3 ауданында (35 көшеге) 38,25 км тас төселді.«Ауыл-Ел бесігі» жобасы шеңберінде Қызылжарма, Ақсуат, Досан, Қараөзек ауылы, Қараөзек бекеті, Айнакөл ауылдарындағы тозығы жеткен электр желісі қайта жаңғыртылып, жаңадан қоныстанушы аумақтарға жаңадан электр желісі жүргізілетін болады.«Сумен жабдықтау және су бұру жүйесін дамыту» бағдарламасы негізінде қаланың орталық бөлігінің кәріз желілері қайта жаңғыртылады. Универсам, Шымбай аумағында сумен жабдықтау және су бұру желісін қайта жаңғырту жобасы аяқталатын болады. Орталық бөлігінің кәріз желілерін қайта жаңғырту жобасы аясында 6,9 км кәріз желісі жаңғыртылады. Майлықұм көшесінің бойымен ауыз су желісінің 3,88 шақырым құрылысы жүргізіледі. Сондай-ақ, құрылысы 2023 жылы басталған "Қызылорда қаласында ағын суларды тазарту қуаты тәулігіне 70,0 мың м3 биологиялық тазарту станциясын жаңарту және автоматтандыру" жобасы аяқталады. Нәтижесінде Титов тұрғын ауданындағы жағымсыз иіс азаятын болады.КБИ ауданында Жаппасбай батыр көшесіне, Әуезов көшесіне және Арай ш/а көтергіш сорғы станциялары салынатын болады.Келесі, ауқымды жобаның бірі – Сабалақ елді мекені мен Баймұрат батыр ауылына газ желілерін тарту жұмыстары басталатын болады. «Газ тасымалдау жүйесін дамыту» бағдарламасы шеңберінде Қызылөзек ауылдық округінің 3 елді мекенінде газ құбырын және кварталішілік газ тарату желілерін салу» жұмысының жоба сметалық құжаттарын әзірлеу жұмыстары бастау алатын болады.

Сабалақ елді мекені мен Баймұрат батыр ауылына газ желілерін тарту жұмыстары басталады

<a href="https://kyzylorda-news.kz/">Kyzylorda-news.kz</a>&nbsp; &nbsp;Облыс әкімі Нұрлыбек Нәлібаев Денсаулық сақтау ісінің үздігі, медицина саласының ардагері Асылбек Тоғызбаевты мерейтойымен құттықтады. Іс-шараға ардагерлер мен зиялы қауым өкілдері, Асылбек Тоқмырзаұлының әріптестері қатысты.Аймақ басшысы мерейтой иесінің халық денсаулығын сақтаудағы ерен еңбегін атап өтіп, ізгі тілегін жеткізді.«Сырбойлықтар еңбекпен келген абыройдың қадірін біледі, қасиетін жоғары бағалайды. Бүгін саналы ғұмырын осы салаға арнаған, Денсаулық сақтау ісінің үздігі, Қызылорда қаласының Құрметті азаматы, «Құрмет» орденінің иегері Тоғызбаев Асылбек Тоқмырзаұлы мерейлі 75 жасқа толды. Халқымыз алғыс арқалаған, ілтипатқа бөленген өзіңіздей ел ағаларымен мақтанады. Сізге тілеулес азаматтардың, ақ-адал ниетті жерлестеріңіздің атынан бүгінгі мерейтойыңызбен шын жүректен құттықтап, деніңізге саулық, отбасыңызға амандық тілейміз!», – деді Нұрлыбек Машбекұлы.Іс-шарада мерейтой иесіне Қызылорда облысының Құрмет грамотасы табысталып, жұбайы, медицина саласының ардагері Мейрамкүл Ерғалиқызына сый-құрмет көрсетілді.Асылбек Тоқмырзаұлын Қызылорда облысының Құрметті азаматы Бақберген Досманбетов, сала ардагерлері Еркебай Аяпов, Абдулла Шүленбаев құттықтады.Асылбек Тоғызбаев 1949 жылы Тереңөзек ауданында дүниеге келген. Ақтөбе мемлекеттік медицина институтының «Емдеу ісі» факультетін бітірген. Студент кезінен орта буын қызметкер болып Ақтөбе балалар ауруханасының хирургия бөлімінде жұмыс істеген.Дәрігерлік еңбек жолы 1973 жылы Қызылорда облыстық ауруханасының анестезиология-реаниматология бөлімінде басталған. Мұнда 1982 жылға дейін дәрігер, одан кейін қан құю бөлімінің меңгерушісі болып қызмет етті. 1982-1990 жылдары бас дәрігердің ұйымдастыру-әдістемелік жұмыстар жөніндегі орынбасары болды. Ал, 1990-1994 жылдары Жаңақорған аудандық ауруханасының бас дәрігері, 1994-1997 жылдары облыстық аурухана бас дәрігерінің кеңес беру-диагностикалық орталығы жөніндегі орынбасары, 1997-2008 жылдары облыстық ЖИТС орталығының, 2008-2017 жылдары Қызылорда қалалық ауруханасының бас дәрігері қызметтерін атқарды.Асылбек Тоқмырзаұлының денсаулық сақтау саласындағы еңбек өтілі жарты ғасырға жуықтайды. Ел мүддесі жолындағы ерен еңбегі мемлекет тарапынан лайықты бағаланып, «Денсаулық сақтау ісінің үздігі», Қызылорда қаласының Құрметті азаматы атанды, «Құрмет» орденімен марапатталды.Фото: Қызылорда облысы әкімінің баспасөз қызметі

Облыс әкімі медицина саласының ардагерін мерейтойымен құттықтады

Бүгін жерлесіміз, аса ауыр салмақта өнер көрсететін боксшы, Қазақстанның еңбек сіңірген спорт шебері, Токио Олимпиадасының қола жүлдегері, Әлем чемпионатының екі дүркін күміс жүлдегері &nbsp;Қамшыбек Қоңқабаев Париж Олимпиадасының алдында ел ағаларының батасын алды.&nbsp; Шарада облыстық ардагерлер кеңесінің төрағасы Серік Дүйсенбаев сөз сөйлеп, ізгі тілегін білдірді. &nbsp;<blockquote>– Қамшыбек, айналайын, өзіңе бүкіл қазақ жұрты сенім артып отыр. Үлкен доданың алдында ел ағаларының батасын алып жатқаның құптарлық іс. Құдай қолдап, қарсыласыңның бәрін жең. Алтыннан алқа тағынып, Олимпиада чемпионы бол, – деді облыстық ардагерлер кеңесінің төрағасы.</blockquote> Сонымен қатар ел ағасы Дайрабай Ысқақов та ыстық ықыласын білдірді.&nbsp; Қамшыбек Қоңқабаевтың өзі болса Олимпиада алдында үлкендердің батасын алғанды жөн санағанын жеткізді.<blockquote> – Енді екі-үш күнде үлкен додаға соңғы дайындық басталады. Құдай қаласа, 19 шілдеде жолға шығамыз. Қазақта «батаменен ер көгерер» деп жатады ғой. Олимпиада алдында осылай үлкендердің батасын алғанды жөн көрдім, – деді былғары қолғап шебері.</blockquote> Айта кетейік, күні кеше облыс әкімі Нұрлыбек Нәлібаев Қамшыбек Қоңқабаевты қабылдап, екі бөлмелі пәтердің кілтін табыстаған болатын.&nbsp;Фото: prosports.kzФото: prosports.kzФото: prosports.kz&nbsp;

Қамшыбек Қоңқабаев: Олимпиада алдында үлкендердің батасын алғанды жөн көрдім

<a href="https://kyzylorda-news.kz/">Kyzylorda-news.kz</a> Жылдамдықты шамадан тыс асырмаңыз!Себебі бүгіннен бастап жол-көлік оқиғаларының алдын-алу мақсатында «Сергек» бейнебақылау камералары іске қосылды. Қазірдің өзінде қала орталығындағы маңызды 10 көшеге жылдамдық өлшегіш камералар орнатылған. Бұл өз кезегінде жолдағы қауіпсіздікті болдырмауға көмегін тигізіп, жүгенсіз жүргізушілердің жөнге келуіне мүмкіндік жасайды.Құрылғы – нөмірлік белгілерді төмен жарық жағдайында да шағылыстыратын, сондай-ақ шағылыстырмайтын көлік жарығын, машина маркасын автоматты түрде тануды, жылдамдық артуын оптикалық тіркеп, учаскедегі трафикті есептейді. Бұл туралы Қызылорда облысының Өңірлік коммуникациялар қызметі хабарлады.&nbsp;«Сергек» камералары орнатылған көшелердің тізімі:1. Сол жағалау, 2-ші айналым мен Батыс Еуропа Батыс Қытай жолының ортасында;2. Сол жағалау, Абылайхан көшесі, (Орда мектебінің тұсы);3. Сол жағалау, Сырдария жағасындағы жол, (Арай Санрайс дача тұсы);4. Әуежай тас жолы (Есенбек ата ауылы тұсы);5. Әуежай тас жолы (Әуежай аркасы тұсы);6. Тәуелсіздік даңғылы (Сыр Ана ескерткіші тұсы);7. Сұлтан Бейбарыс көшесі (№264 мектеп тұсы);8. Сұлтан Бейбарыс көшесі (Облыстық әкімшілік);9. Хон Бен До көшесі (Нұртуған көшесі тұсы);10.Әміре Қашаубаев көшесі (№2 үй тұсы).Фото: ашық дереккөзден

«Сергек» жүйесі іске қосылды

<a href="https://kyzylorda-news.kz/">Kyzylorda-news.kz</a>&nbsp; Құрметті қала тұрғындары және қонақтары!2024 жылдың 5 шілде күні Қызылорда қаласында Ы.Жахаев көшесінде орналасқан Медициналық жоғары колледжінің ғимараты аумағында антитеррорлық оқу-жаттығу жұмыстары жүргізілуде. Осы аймақта жаяу жүргіншілер мен автокөлік қозғалысына шектеу қойылды.Іс-шараның мақсаты – террорлық қауіп төнген жағдайда мемлекеттік органдардың өзара іс-қимыл жасауының дағдыларын қалыптастыру.Осы орайда, түсіністік танытып, алаңдатушылыққа бой алдырмай, қауіпсіздік шараларын сақтап, оқу жаттығу жұмыстарына қатысатын құқық қорғау органдары қызметкерлерінің заңды талаптарын сақтауларыңызды сұраймыз.

Қазақстан және Қызылорда облысының жаңалықтары