<a href="https://kyzylorda-news.kz/">Kyzylorda-news.kz</a>. Мемлекеттік сәулет-құрылыс бақылау басқармасы тарапынан электронды деректер базасы құрылған. Атап айтқанда, “Halyq Monitoring” сайты іске қосылды. Сайтқа бюджет қаражатына салынатын нысандар, құрылыс-монтаж жұмыстарының басталу және аяқталу мерзімдері, тапсырыс беруші, мердігер мекемелер мен авторлық және техникалық қадағалауды жүзеге асыратын ұйымдар, бөлінген қаржы мөлшері туралы мәліметтер енгізілуде.
<blockquote>
 «Биыл сайтқа мемлекеттік қаражат есебінен салынып жатқан 35 нысан енгізілді. Бұл бағыттағы жұмыстың көлемін ұлғайту және қарқынын арттыру мақсатында мемлекеттік сатып алу рәсімдерінің қорытындысы бойынша жаңадан салынатын құрылыс нысандарын енгізу жоспарланып отыр»,-деді облыстық мемлекеттік сәулет-құрылыс бақылауы басқармасы басшысының орынбасары Марат Мырзабеков.
</blockquote>
Жыл көлемінде басқарма тарапынан тұрғындарға 1169 қызмет көрсетілді. Оның 500-і сарапшылық қызметке аттестаттауға, 669-ы лицензиялауға қатысты болған.
<blockquote>
 «Өткен жылы құрылыс сапасына қатысты 172-і әкімшілік іс қозғалып, 49 млн. 622 мың теңге көлемінде айыппұл салынды. Салынған әкімшілік айыппұлдың 43 млн. 422 мың теңгесі бюджетке өндірілді. Ал қалған 6 млн. 200 мың теңгесі өндіру сатысында. Анықталған ақаулар мен кемшіліктер дер кезінде жойылды. Айта кететін жайт, облыстағы құрылыстың сапасы қатаң бақылауда»,-деді Марат Салқадинұлы.
</blockquote>
Брифингте сала мамандары биыл 1964 пәтерлік 101 тұрғын үйді пайдалануға берілетінін айтты.
<blockquote>
 «Биыл «Нұрлы жер» мемлекеттік бағдарламасы аясында тұрғын үй құрылысы мен инженерлік коммуникациялық инфрақұрылым желілерін жүргізу үшін мемлекеттік бюджет есебінен 11,0 млрд.теңге қаржы бөлінді. Сонымен қатар, жыл көлемінде кредиттік тұрғын үй бойынша 665 пәтерді құрайтын 38 тұрғын үй халық игілігіне беріледі. Ал жеке коммерциялық құрылыс салушылар есебінен 220 пәтерді құрайтын 6 тұрғын үйдің құрылысы жүргізілуде»,- облыстық құрылыс, сәулет және қала құрылысы басқармасы басшысының орынбасары Арнұр Нұрмағанбетов.
</blockquote>
<img src="https://kyzylorda-news.kz/wp-content/uploads/2021/02/152033072_1232950047100505_5634828128583950935_o.jpg" alt="" />

&#8220;Halyq monitoring&#8221; сайты іске қосылды

<a href="https://kyzylorda-news.kz/">Kyzylorda-news.kz</a>. Қызылорда облысының оқушылары «Мың бала» ұлттық олимпиадасына қатысқаннан кейін дарынды балаларға арналған мектептер мен Birge Oqý онлайн-мектебінде білім алуға мүмкіндік алды. Бұл туралы өңірлік коммуникациялар қызметі хабарлады.
Birge Oqý онлайн-мектебінде барлығы екі мың оқушы оқиды. Сабақты елордалық лицейлер мен мамандандырылған мектептердің үздік мұғалімдері жүргізеді. Онлайн-мектеп Қазақстанның барлық оқушыларынан сапалы білім алуға көмектесетін «Елбасы Академиясы» корпоративтік қорының сұранысқа ие танымал жобасына айналды.
Академияның басқарушы директоры Ануар Жанғозиннің айтуынша, жоба қалалар мен ауылдардағы оқушылар арасындағы білім беру теңсіздігін қысқартуға бағытталған.
Онлайн мектепте алтыншы және жетінші сынып оқушылары оқи алады, өйткені дәл осы кезеңде олардың пәндік білімге белсенділігі артады. Айта кету керек, жоба аясында қазақстандық және шетелдік сарапшылар, сондай-ақ мұғалімдер мен ата-аналардың қатысуымен ұзақ уақыт бойы пысықтау жұмыстары жүргізілді.
<blockquote>
 «Өткен жылдың сәуір айында біз онлайн-оқытуды қалай жүргізу керектігі туралы үлкен талдау жұмыстарын жүргіздік. Ол барлық оқушылар қашықтан білім алуға мәжбүр болып, қиындықтарға тап болған кезең болатын. Мұғалімдер, балалар мен ата–аналардвң басым бөлігі білім алу процесінің бір сәтте өзгеріске ұшырауына дайын болмай шықты. Біз қашықтан оқыту сапасы тақырыбында 100-ден астам тікелей эфир өткіздік, нәтижелерді талдадық, барлық тілектерді ескердік және онлайн – мектеп құрдық», – деді Ануар Жанғозин.
</blockquote>
Естеріңізге сала кетейік, онлайн-мектепте оқыту тегін жүргізіледі. Сабақты еліміздің жетекші педагогтары – НЗМ, РФММ, астаналық лицейлер мен халықаралық мектептердің 70-тен астам оқытушысы өткізеді. Жоба іске қосылған сәттен бастап математика, ағылшын, қазақ және орыс тілдері бойынша 40 мыңнан астам сағат оқыту өткізілді. Мектепте сондай-ақ, тьюторлардың қызметі де қарастырылған. Олар оқушылардың сабаққа қатысуы мен үлгерімін бақылайтын, түсіндіру және тәрбие жұмыстарын жүргізетін консультанттардың рөлін атқарады.

Қызылорда облысының 200-ден астам дарынды оқушысы Елбасы академиясында білім алуда

<a href="https://kyzylorda-news.kz/">Kyzylorda-news.kz</a>. Соңғы 5 жылда аграрлық сектордың жалпы өңірлік өнімдегі үлесі 4 процентке өсті. Бұл туралы Қызылорда облысының әкімі Гүлшара Әбдіқалықова өңірдің 2020 жылғы әлеуметтік-экономикалық дамуының қорытындылары бойынша халық алдындағы есепті кездесуінде мәлімдеді.
Сыр елінің агроөнеркәсіп саласында айтарлықтай өсім бар екендігін нақты сандармен көрсетті. Бұл өз кезегінде бұл инвестициялардың жоғары өсу қарқынына, техникалық қайта жарақтандыруға және жаңа технологиялардың енгізілуіне байланысты.
Есеп беру кездесуінде аймақтағы атқарылған жұмыстардың көкжиегі көрінді. Алда ауқымды жобалар да жетерлік, бұл жөнінде өңір басшысы нақты межені көрсетті. Біздің сала ауылшаруашылығы болғаннан соң, осы бағыттағы толымды істерге көңіліміз толды. Қолдау да аз емес.
Шыны керек, ауылшаруашылығы саласының даму көрсеткіші көңіл қуантарлық. Оның ішінде Жаңақорған ауданы мал шаруашылығынан көш ілгері келеміз. Экспорт көлемі де ұлғайды.
Сонымен қатар, өңірде ауыл шаруашылығы өнімдерінің экспорты шамамен 9 пайызға өскен. Осы экспорттың 97 пайызы қайта өңделген өнімді құрайды. 2020 жылы алғаш рет шет елге қамыс экспортталды. Оның алғашқы 685 тоннасы Германияға жіберілді. Сондай-ақ, Сыр елінен әлемнің 17 еліне ауыл шаруашылығы өнімдерінің 11 түрі экспортталды.
Иә, атқарылған жұмыстың межесі осындай межемен көрінді, биыл бұдан да биіктерді бағындыруға жұмыс жасау бағыты бар.
Серік МЫРЗАБАЕВ, 
«Бекарыс Агрофуд» ЖШС төрағасы

Серік Мырзабаев: Аграрлы саланың жетістігі көп

<a href="https://kyzylorda-news.kz/">Kyzylorda-news.kz</a>. Қызылорда қаласында 62 сорғы станциясы бар. Оның 23-і өткен жылы қайта жаңғыртылды. Ал биыл 11-і жөнделеді. Жалпы, шаһарда әр түрлі қысымдағы 426 шақырым кәріз жүйесі бар.
<blockquote>
 «Жөндеуден өткен сорғы станцияларға швециялық «Флюгт» маркалы насос қондырғысы орнатылады. Ерекшелігі, автоматтық жүйе диспетчер арқылы басқарылады. Заманауи вентиляция жүйесі қарастырылған. Судың көлеміне сәйкес және КНС-тегі газдың мөлшері нормадан асқан жағдайда автоматты түрде қосылып, ажыратылады», – деді қалалық тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің басшысы БіржанДалабаев.
</blockquote>
Бүгінде кәріз жүйесіне байланысты қордаланған мәселелерді кезең-кезеңімен шешу үшін жоба-сметалық құжаттар дайындалды. Тиісті қаражаты бөлінсе жұмысты басталмақ.
<blockquote>
 «Алайда бәрін бір жылда шешу мүмкін емес. Қалатұрғындарының да шағымына тиісінше жауап беріп, орын алған апаттық жағдай қалпына келтірілуде. Сондай-ақ, кәріз жүйелерін тексеру барысында жер асты суына тұрмыстық қалдықтарын, шүберек, бөтелке, полиэтилен пакеттерін тастағаны анықталды. Осы орайда шаһар тұрғындарынан кәрізжүйелеріне тұрмыстық қалдықтарын тастамауын сұраймыз», – деді «Қызылорда су жүйесі» МКК директоры Марат Жамиев.
</blockquote>
<img src="https://kyzylorda-news.kz/wp-content/uploads/2021/02/111.jpg" alt="" />

Қызылордада биыл 11 сорғы станциясы қайта жаңғыртылады

<a href="https://kyzylorda-news.kz/">Kyzylorda-news.kz</a>. Қызылорда қалалық полиция басқармасына 1988 жылы туған қала тұрғыны арызданды. Арызданушының айтуы бойынша, белгісіз азаматша қала аумағында қол жетімді тұрғын үй алуға жәрдемдесемін деп, алаяқтық жолымен &nbsp;1&nbsp;250&nbsp;000 теңге көлемінде ақшасын иеленген.
Басқарманың жедел іздестіру жұмыстарының және кәсіби әрекеттерінің нәтижесінде 33 жастағы облыс орталығының тұрғыны ұсталды.
<blockquote>
 «Аталған дерек бойынша Қазақстан Республикасы Қылмыстық кодексінің 190 бабының 1 бөлігімен (Алаяқтық) сотқа дейінгі тергеп-тексеру амалдары жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды», – делінген полиция департаментінің таратқан хабарламасында.
</blockquote>

Қызылордада 1 миллион 250 мың теңге жымқырған алаяқ ұсталды

<a href="https://kyzylorda-news.kz/">Kyzylorda-news.kz</a>. Қала әкімі Нұрлыбек Нәлібаев шаһардағы бірқатар нысандарды аралады. Алдымен күрделі жөндеуден өткен «Су жүйесі» мекемесінің қазіргі тынысы мен жұмысын көруден бастаған қала басшысы жаңарған ғимараттың жаңалықтарына оң баға берді.
Мекеменің орналасқан ғимараты 1964 жылы бой көтерген. Содан бері жөндеу көрмеген нысанның тозығы жетіп, қызметкерлердің жұмыс істеуіне айтарлықтай қиындық туғызған. Былтыр жарты ғасырдан астам тарихы бар ғимараттың жаңа кейіпке енуіне «Жұмыспен қамту Жол картасының» шарапаты тиді. Бағдарлама аясында бөлінген қаржыға су жүйесінің өндірістік техникалық базасы жаңғыртылып, ғимараты жөнделді. Мекеме &nbsp;ауласы асфальтталып, цех және гаражы қалыпқа келтірілді. Сонымен бірге мекеменің тағы бір жаңалығы тұрғындардың ауыз су мәселесіне қатысты сауалдарын қабылдауға арналған диспетчерлік бөлім құрылған. Артықшылығы су жүйесінің мамандары бұрынғыдай үй-үйді аралап, тұрғындар қарызын жинаумен айналыспайды. Суға қарызыңыз болса қоңырау шалып не болмаса хабарлама жазу арқылы ескертеді. Ал тұрғындар қарызының бар жоғын анықтағысы келсе орталықтың байланыс номеріне (+77056903410) хабарласып, ақпарат алуға мүмкіндігі бар.
Аралау барысында мекеменің бүгінгі өзгерісі мен қол жеткен жетістігінің барлығы мемлекет тарапынан көрсетілген үлкен қолдаудың нәтижесі деген қала әкімі «Ғимараттарыңыз жаңарды. Ендігі ретте тұрғындарға үздіксіз қызмет көрсетіп, сапалы ауыз сумен қамту керек» – деді. Сонымен бірге&nbsp; қызметкерлердің айлығын уақытылы төлеп, үздік жұмысшыларға сыйақы беруді де үйлестіру керектігін де &nbsp;атап өтті. Сондай-ақ тұрғындармен тілдесіп, мекеменің қызмет көрсету сапасы жайында пікірлесті.
Өз кезегінде мекеме басшысы Марат Жәмиев қызметкерлердің айлығы бұрын 6-7 айға дейін кешіктірілсе қазір бір жүйеге келіп қалғандығын айтып, саладағы жағымды жаңалықтың бірі қаладағы ауыз су тарифы арзандап, 61 теңгеден 44 теңгеге төмендегендігін жеткізді.
Өткен жылы Сырдария өзенінің сол жағалауындағы жаңа қалада тұрып жатқан елдің қуанышын еселеп, көптің сүйіншілей айтқан хабарының бірі жаңа модульді жылу қазандағының іске қосылуы болды. Германия мен Италиядан әкелінген соңғы үлгідегі технологиялармен жабдықталған жаңа нысан еліміз бойынша цифрлық технологиямен жабдықталған жалғыз орталық. Бүгінде жылу орталығының бірінші кезеңі аяқталып, сол жағалау аумағында орналасқан 32 көпқабатты тұрғын үймен 2 әлеуметік нысанды («Рухани жаңғыру» және «Жастар орталығы») жылумен қамтамасыз етіп тұр. Мұндағы бір қазандықтың өзі 100 үйді жылумен қамтамасыз етуге қауқарлы. Орталық құрылысының екінші кезеңі толық іске қосылғанда сол жағалауды түгел жылумен қамтамасыз ететін болады.
<img src="https://kyzylorda-news.kz/wp-content/uploads/2021/02/151623429_2776347149298692_4314566983867571536_o.jpg" alt="" />
<img src="https://kyzylorda-news.kz/wp-content/uploads/2021/02/151647390_2776347242632016_8577615292680708043_o.jpg" alt="" />
<img src="https://kyzylorda-news.kz/wp-content/uploads/2021/02/151790513_2776347139298693_697952710970864103_o.jpg" alt="" />

Қызылордада ауыз су бағасы арзандаған

<a href="https://kyzylorda-news.kz/">Kyzylorda-news.kz</a>. Білім және ғылым министрі Асхат Аймағамбетов дебат қозғалыстарын жандандыру және мектептегі өзін-өзі басқару туралы пікір айтты.
Ол екінші курста оқып жүргенімде дебаттарға қатыса бастаған.
<blockquote>
 «Дебатқа алғаш рет курстасымның өтініші бойынша қатыстым. Негізі ойынға басқа азамат шығуы керек болатын, бірақ ол бара алмады. Әр ойын сайын тәжірибе жинап, жарты жылдан кейін факультет деңгейінде, кейін университет, қала, облыс деңгейінде жеңімпаз болдық. Одан кейін Ұлттық пікірсайыс турнирі болды. Сол жылдары дебат қозғалысы өте белсенді дамып жатты. Әрбір университет пен мектеп қабырғасында дебат клубтары жұмыс істейтін.
 Мектептерде пікірсайыстар Карл Поппер форматында, ал университеттерде негізінен америкалық парламенттік форматта ұйымдастырылатын. Ойынның қай тілде өткізілетініне байланысты дебат үш лигаға бөлінетін», деп жазды Асхат Аймағамбетов&nbsp;<a href="https://www.facebook.com/askhat.aimagambetov/posts/10217986056259248">Facebook</a>-тегі парақшасында.
</blockquote>
Министрлің айтуынша, қазіргі уақытта жан-жақты даму үшін тек білім қоры жеткіліксіз. Әр адам жинаған білімі мен білігін дұрыс пайдалануы маңызды.
Бұл ретте дебат ойындары мен мектептегі өзін-өзі басқару тетіктері жоғарыда аталған қабілеттерді қалыптастырады.
<blockquote>
 «Дебат тек зияткерлік ойын емес, ол – сыни ойлау дағдыларын қалыптастырып, ақпаратты дұрыс талдауға, командамен бірлесіп жұмыс істеуге, сұрақ қойып, оларға нақты жауап беруге үйрететін білім беру технологиясы. Ойынға қатысушылар кейін үгіт-насихат пен популистік идеяларды оңай ажыратып, өз ұстанымын көпшілікке нақты аргументтер арқылы жеткізе алады. Мұндай тәжірибе жастарға күнделікті ақпарат ағынын сыни қабылдауға да көмектеседі. Балалар бір-бірімен қарым-қатынас жасай отырып, өздерінің әлеуметтік байланыстары мен бір-біріне деген сенімін нығайтады», – деді ол.
</blockquote>
Пікірсайыстарда жетістіктерге жету үшін көзқарас, мықты мінез, өз ұстанымын дәлелді түрде қорғай білуге жетелейтін ұмтылыс маңызды. Ол үшін көп кітап оқып, танымдық бағдарламаларды қарап, қарым-қатынас орната білу, аргументация дағдыларын дамыту бойынша үнемі жұмыс істеу керек.
<blockquote>
 «Жалпы еліміздегі оқушылар арасында дебат ойындары алғаш рет 1996 жылдың сәуір айында өтті. Сол уақытта Алматы, Қарағанды, Солтүстік Қазақстан, Қостанай, Ақтөбе, Павлодар облыстарында, Нұр-Сұлтан және Алматы қалаларында ұйымдастырылған ойындардың өзіндік стилі мен бағыттары қалыптасты. Әрине, ол ойындар оқушылардың бойында коммуникативтік құзыреттілікті дамытуға мүмкіндік берді. Біз еліміздегі мектептерде, колледждер мен университеттерде дебат қозғалысын қайта жаңғыртып жатырмыз», деді Асхат Аймағамбетов.
</blockquote>
Министрдің айтуынша, Әрбір оқу орнындағы білім алушылардың жан-жақты дамуына барынша мүмкіндік жасау қажет. Бұл ретте мектептегі өзін-өзі басқару жүйесінің де ықпалы зор.
«Ы. Алтынсарин атындағы Ұлттық білім академиясы арнайы әдістемелік нұсқаулық әзірлеп шығарды. Соның негізінде еліміздегі мектептер өзін-өзі басқару технологияларын енгізе алады.
Мектептегі оқушылардың өзін-өзі басқаруы қалай жүргізілмек?
Әдетте оқушылар арасында сайлау ұйымдастырылып, мектеп парламентінің мүшелері сайланатын. Оның құрылымында атқарушы органдар да болуы мүмкін, олардың әрқайсысы өз бағытына жауап береді. Бұл жүйе оқушыларға басқарудың не екенін түсінуге, олардың саяси және құқықтық мәдениетін арттыруға мүмкіндік береді. Балаларға жауапкершілік жүктеп, өз бетінше әрекет етуге жағдай жасайды.
Мұның маңызы неде?
Ең алдымен оқушылар мектептегі барлық білім алушалардың мүддесіне сәйкес бастамалар көтеріп, тиісті шешім қабылдауды және оларды жүзеге асыруды үйренеді.
Мектептегі өзін-өзі басқару білім беру процесін демократияландыру, көшбасшылық қасиеттерді дамыту, әлеуметтік маңызы бар жобаларды жүзеге асыруға және бар мәселені бірлесіп шешуге өз ықпалын тигізеді.
Алдағы уақытта өзін-өзі басқару үрдісі де дебат ойындары сияқты мектептердегі, колледждер мен жоғары оқу орындарындағы тәрбие жұмысының ажырамас бөлігіне айналады», – деді Асхат Аймағамбетов.
Министр балалар мен жастардың шығармашылық және зияткерлік тұрғыда дамуына бағытталған жобаларды қолдайтын жеткізді. Мұндай кішігірім бастамалар біздің қоғам үшін өте маңызды. Пікірсайыстар мен өзін-өзі басқару жүйесі әлеуметтік капитал мен қоғамдық сенім деңгейін көтеруге де әсер етпек.

Асхат Аймағамбетов: Елімізде дебат қозғалысын қайта жаңғыртып жатырмыз

<a href="https://kyzylorda-news.kz/">Kyzylorda-news.kz</a>. Егер сіз “Алтын” алқа”, “Күміс алқа”, “Батыр ана”, “Ана даңқы” атағын алған аналар қатарынан болсаңыз, сіз ХҚО арқылы мемлекеттік жәрдемақыға өтініш бере аласыз.
ХҚО арқылы:
<ul>
<li>Ең алдымен өз қалаңыздағы кез-келген ХҚО-ға кезекті онлайн брондап қою керек;</li>
<li>Бронды растау үшін белгіленген уақыттан 20 минутқа ерте барыңыз;</li>
</ul>
ХҚО операторына келесі құжаттарды тапсыру арқылы жәрдемақыға өтініш бере аласыз:
<ul>
<li>Жеке куәлік;</li>
<li>Дәрежеңізді растайтын құжат, яғни кітапша;</li>
<li>Банктік есепшот жайлы анықтама;</li>
</ul>
SMS хат арқылы:
Егер сіз мобильді азаматтар базасында тіркелген болсаңыз, “Алтын” немесе “Күміс” алқа табысталғаннан кейін, жәрдемақыға проактивті түрде өтініш білдіруге SMS хат келіп түседі. Хабарламаға оң жауап беріп, банк шотын жазып жіберсеңіз, ХҚО-ға бармай-ақ қоюға болады. Мобильді азаматтар базасына тіркелмеген аналарға SMS-хат келмейді.
Жәрдемақы мөлшері барлық дәрежелер үшін – 6,4 АЕК (17 779,2 тг). Қызмет көрсету уақыты құжат тапсырған күнді есепке алмағанда – 7 жұмыс күні.
Есіңізде болсын!
Жәрдемақы өтініш берілген күннен бастап төленеді. Егер өтінішті дәреже алған кезден кешіктіріп өткізсеңіз, қайта есептеу жүргізілмейді.
“Алтын алқа” мен “Күміс алқа” дәрежелері жергілікті әкімдікпен тағайындалады.

«Алтын алқа», «Күміс алқа» иелеріне тағайындалатын жәрдемақыға өтініш беру тәртібін білесіз бе?

<a href="https://kyzylorda-news.kz/">Kyzylorda-news.kz</a>. Қызылорда облысы бойынша ҚАЖ департаментінің бастығы әділет подполковнигі Ш.Есенкелдиев аудандық пробация қызметтерін аралап, инспекторларының жұмыс барысымен танысты. Департамент бастығы жұмыс сапарын Сырдария аудандық пробация қызметінен бастады.
Департамент бастығы аудан әкімі Т.Дүйсебаевпен және консультативтік -кеңесші орган төрағасы, аудан әкімінің орынбасары Т.Нұртазаевпен қызметтік кездесу өткізіп, пробация қызметі есебіндегі сотталғандардың әлеуметтік жағдайын жақсартуға, квота бойынша жұмысқа орналастыру төңірегінде өз ұсынысын айтып, алдағы атқарылуға тиісті жоспарларымен бөлісті. Сонымен қатар департамент бастығы аудан прокуроры Е.Алмазұлымен және аудандық полиция бөлімінің бастығы полиция полковнигі Н.Ибраевпен кездесті. Одан соң пробация қызметі есебінде тұрған сотталғандардың үйін аралап, қайта қылмыстар мен әкімшілік құқықбұзушылық жасамау керектігін ескертіп, түсіндірме жұмыстарын жүргізді. Жұмыс сапары Жалағаш, Қармақшы аудандық пробация қызметтерінде жалғасын тапты.
Іссапар барысында пробация қызметінің жұмысына қадағалау жүргізуші аудан прокуроры М.Маханбетжановпен, пробация қызметінің есебіндегі азаматтарға бірлесіп бақылау жүргізуші Қармақшы аудандық полиция бөлімі бастығының міндетін атқарушы полиция подполковнигі Бағдат Ақтаевпен және сотталған азаматтарға әлеуметтік-құқықтық көмек көрсететін жергілікті атқарушы органдарына жетекшілік ететін аудан әкімінің орынбасары Жарқынбек Омаровпен кездесу өткізіп, пробация қызметінде туындаған мәселелерді көтеріп, бірігіп жұмыс атқаруға шақырды. 
Қармақшы аудандық пробация қызметінің есебінде тұрған сотталған азаматтардың мекенжайларына барып, олардың әлеуметтік жағдайын зерделеді. Сұрақтарына жауап беріп, түсіндіру жұмыстарын жүргізді.
Департамент бастығының жұмыс сапары Байқоңыр қалалық &nbsp;пробация қызметінде жалғасын тапты. Пробация қызметкерлеріне заң талаптарын мұқият орындап, сыбайлас жемқорлық сипатындағы іс-әрекеттерді мүлдем болдырмау және оны түп-тамырымен шабуға бар күш-жігерімізбен күресуді тапсырды. Сонымен қоса, ҚР ІІМ Байқоңыр қаласындағы Өкілдігінің бастығы полиция полковнигі А. Ахметовпен кездесіп, пробация қызметімен өзара іс-қимыл жасасу жай-күйеуімен танысты.
Одан соң, қала прокуроры Н.Рахметовпен кездесіп, қызмет барысындағы сұрақтар талқыланды. Департамент бастығымен есептегі бірнеше&nbsp; сотталғанның тұрғылықты мекенжайы тексеріліп, олардың тұрмыс жағдайымен танысып, олармен қайта қылмыстың алдын алу бойынша түсіндірме жұмыстары жүргізілді.&nbsp;
<img src="https://kyzylorda-news.kz/wp-content/uploads/2021/02/img-20210217-wa0034.jpg" alt="" />
<img src="https://kyzylorda-news.kz/wp-content/uploads/2021/02/whatsapp-image-2021-02-17-at-17.17.54.jpeg" alt="" />
<img src="https://kyzylorda-news.kz/wp-content/uploads/2021/02/whatsapp-image-2021-02-17-at-17.17.58.jpeg" alt="" />

Департамент бастығы жұмыс сапарымен аудандық пробация қызметтерінде болды

<a href="https://kyzylorda-news.kz/">Kyzylorda-news.kz</a>. “Қайсар” жанкүйерлерінің сүйікті футболшысы Мақсат Байжанов бүгін қасқырлардың Түркиядағы жаттығуына келіп қосылды.
Мақсат жаңа маусымда өзі түлеткен команданың намысын қорғауға ниетті.
Айта кетейік, Мақсат Байжанов Ел біріншілігінде ең көп ойын көрсеткен футболшы. Сондай-ақ Байжанов отандық футболшылардың құрметіне берілетін Серік Жейлитбаев атындағы сыйлықтың иегері.

Мақсат Байжанов «Қайсарға» қосылды

<a href="https://kyzylorda-news.kz/">Kyzylorda-news.kz</a>. «Nur Otan» партиясы Қызылорда облыстық филиалының қоғамдық қабылдау бөлмесінде облыс прокуроры, аға әділет кеңесшісі Нұрлан Бижанов азаматтарды жеке мәселелері бойынша қабылдады.
Қабылдауда болған азаматтардың өтініштері негізінен азаматтық және әкімшілік істер заңдылығына байланысты болды.
Атап айтсақ облыс прокурорының қабылдауында болған азаматтар өздерін «Сыр Самалы» бөбекжай балабақшасының қызметкерлері екенін айтып, аталған балабақша меңгерушісінің іс-әрекеттеріне қатысты наразылықтарын білдірді.
Айтылған шағым бойынша Нұрлан Бижанов аталған арыз иелерінің бұған дейін білдірген арыздары тиісті салалық мекемелерге жолданғанын түсіндіріп, қосымша сұрақтарына қатысты нақты зерделу жұмыстарының жүретіндігін және тиісті жауабы берілетіндігін айтты.
Сондай-ақ, мәселеге орай қабылдауға қатысқан қалалық білім бөлімінің басшысына ұжымдағы ахуалды орнықтыруға қатысты ұсынысын жеткізді.
<img src="https://kyzylorda-news.kz/wp-content/uploads/2021/02/151432759_1102157393530103_7916714525257314420_o.jpg" alt="" />

«Сыр Самалы» балабақшасының қызметкерлері прокурорға шағымданды

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 1061 адам коронавирус індетінен емделіп шықты.
Аймақтар бойынша:
Нұр-Сұлтан қаласы – 79,
Алматы қаласы – 162,
Шымкент қаласы – 5,
Ақмола облысы – 196,
Алматы облысы – 40,
Атырау облысы – 90,
Шығыс Қазақстан облысы – 22,
Жамбыл облысы – 8,
Батыс Қазақстан облысы – 125,
Қарағанды облысы – 53,
Қостанай облысы – 107,
Қызылорда облысы – 5,
Маңғыстау облысы – 11,
Павлодар облысы – 94,
Солтүстік Қазақстан облысы – 41,
Түркістан облысы – 23.
Қазақстан бойынша жазылғандар саны – 188 606.

Қазақстан және Қызылорда облысының жаңалықтары

“Halyq monitoring” сайты іске қосылды

Қызылорда облысының 200-ден астам дарынды оқушысы Елбасы академиясында білім алуда

Серік Мырзабаев: Аграрлы саланың жетістігі көп

Қызылордада биыл 11 сорғы станциясы қайта жаңғыртылады

Қызылордада 1 миллион 250 мың теңге жымқырған алаяқ ұсталды

Қызылордада ауыз су бағасы арзандаған

Асхат Аймағамбетов: Елімізде дебат қозғалысын қайта жаңғыртып жатырмыз

«Алтын алқа», «Күміс алқа» иелеріне тағайындалатын жәрдемақыға өтініш беру тәртібін білесіз бе?

Департамент бастығы жұмыс сапарымен аудандық пробация қызметтерінде болды

Мақсат Байжанов «Қайсарға» қосылды

«Сыр Самалы» балабақшасының қызметкерлері прокурорға шағымданды

Коронавирус: 5 қызылордалық жазылып шықты

Қазақстан және Қызылорда облысының жаңалықтары

&#8220;Halyq monitoring&#8221; сайты іске қосылды

Қызылорда облысының 200-ден астам дарынды оқушысы Елбасы академиясында білім алуда

Серік Мырзабаев: Аграрлы саланың жетістігі көп

Қызылордада биыл 11 сорғы станциясы қайта жаңғыртылады

Қызылордада 1 миллион 250 мың теңге жымқырған алаяқ ұсталды

Қызылордада ауыз су бағасы арзандаған

Асхат Аймағамбетов: Елімізде дебат қозғалысын қайта жаңғыртып жатырмыз

«Алтын алқа», «Күміс алқа» иелеріне тағайындалатын жәрдемақыға өтініш беру тәртібін білесіз бе?

Департамент бастығы жұмыс сапарымен аудандық пробация қызметтерінде болды

Мақсат Байжанов «Қайсарға» қосылды

«Сыр Самалы» балабақшасының қызметкерлері прокурорға шағымданды

Коронавирус: 5 қызылордалық жазылып шықты

“Halyq monitoring” сайты іске қосылды