<a href="https://kyzylorda-news.kz/">Kyzylorda-news.kz</a>. Облыста&nbsp; 2021 жылдың 26-27 сәуірі күндері жалпы білім беретін пәндер бойынша республикалық олимпиада&nbsp; «USTUDY» тестілеу орталығы&nbsp; базасында&nbsp; өткізілді.
Республикалық олимпиада барлық санитарлық талаптарды сақтай отырып оффлайн форматта «Бір қатысушы – бір компьютер – бір камера» қағидасы бойынша жүргізілді.
Олимпиадаға &nbsp;Қызылорда облысындағы 24 мектептен жаратылыстану-математикалық, қоғамдық-гуманитарлық бағыттары бойынша&nbsp;&nbsp; 57 оқушы қатысты.
Олимпиаданың өткізілуі барысындағы ашықтықты қамтамасыз ету мақсатында&nbsp; тікелей трансляция respa2021.daryn.kz сайтында жүргізілді.
28 сәуір күні республикалық олимпиадаға қатысушылар өз логин, парольдері арқылы respa2021.daryn.kz сайтынан олимпиада турларының қорытындысын тексере алады.
Жергілікті &nbsp;уақыт бойынша сағат: 12.00-17.00 аралығында webinar.daryn.kz сайты арқылы&nbsp; қатысушылар апеллияцияға өтінішті жазбаша түрде&nbsp; білдіре алады.
Қатысушы электронды поштаға берілген жауапқа қанағаттанбаған жағдайда&nbsp; 29 сәуір ZOOM &nbsp;платформасы арқылы қазылар алқасы мүшелеріне сұрағын қоя алады.
Республикалық&nbsp; олимпиаданың жабылу салтанаты 30 сәуір күні өткізіледі.

Қызылорда: Республикалық олимпиада барысын ашық бақылай аласыз

<a href="https://kyzylorda-news.kz/">Kyzylorda-news.kz</a>.&nbsp; Мемлекет басшысы Қасым-Жомарт Тоқаев бүгін «Спутник V» вакцинасының екінші компонентін алды.
Бұл туралы өзінің&nbsp;<a href="https://www.facebook.com/100003403233694/posts/3778813012242103/">Facebook</a>&nbsp;парақшасында ҚР Президентінің баспасөз хатшысы Берік Уәли жазды.
<blockquote>
 «Екпе салдырғаннан кейін Президенттің денсаулығында ешқандай кінәрат байқалған жоқ. Өзінің жұмыс кестесіне сәйкес қызметін қызу атқарып жатыр. Қасым-Жомарт Кемелұлы еліміздегі вакцинация қарқынын төмендетпеу керек деп санайды. Мемлекет басшысы екпе салдыру барлық шектеулерден арылтып, қайта қалыпты өмірге бастайтын, COVID-19 пандемиясын жеңетін жалғыз жол екеніне кәміл сенеді»,-деп жазды баспасөз хатшысы.
</blockquote>

Қасым-Жомарт Тоқаев «Спутник V» вакцинасының екінші компонентін алды

<a href="https://kyzylorda-news.kz/">Kyzylorda-news.kz</a>. Бүгін қала әкімдігінде облыс әкімінің орынбасары Серік Сүлейменовтің қатысуымен мәжіліс өтті. Бірқатар басқарма басшылары, қалалық бөлімдер мен коммуналдық мекемелердің және пәтер иелері кооперативтерінің басшылары қатысқан мәжілісте коммуналдық мәселелердің өзекті тұстары талқыланып, оны шешу жолдары сараланды.
Күн тәртібінде жол, тұрғын үй құрылысы, газ, жарық, жылу және тасымалдау саласы бойынша түйткілді мәселелердің түйіні тарқатылды. Алдымен шаһардағы тұрғын үй құрылысы, осы салаға қатысты проблемалық мәселелер талқыланды. Бұл ретте облыс әкімінің орынбасары апаттық үйлер кезегінде тұрған азаматтар мен көп балалы аналарды тұрғын үймен қамту мәселесін тезірек шешу керектігін баса айтты.
Одан әрі қаланың сәулеттік келбеті туралы сөз болып, алдағы жоспарлар мен атқарылатын жұмыстар да айтылды. Жоспарға сай жүзеге асатын ауқымды жұмыстардың қатарында сол жағалаудан салынатын Гүл бульвары бар. Жиында 12 гектар аумаққа орналасуы тиіс жаңа бульварды салу жоспары тағы бір мәрте пысықталды.
Мәжілісте қалаға қарасты ауылдық округтерді газбен қамту мәселесі де қаралды. Бұл мәселеге қатысты хабарлама жасаған облыстық энергетика және тұрғын-үй коммуналдық шаруашылығы басқармасының басшысы Руслан Нұрмағанбетов ағымдағы жылы Ақсуатты газбен қамту жұмыстары басталатындығын айтып, Абай ауылын газдандыру жобасы бойынша мемлекеттік сатып алу конкурсы ұйымдастырылып жатқандығын атап өтті.
Отырыста ортаға салынған келесі тақырып жол құрылысы. «Өткен жылы қалада жүргізілген қарқынды жұмыстар негізінде көптеген тұрғын жол азабынан құтылып, жаңа жолдың игілігін көрді. Биыл да бұл жұмыстар қарқынды түрде жалғасады» – деген, қала әкімі Ғанибек Қазантаев мәжілісті қорытындылай келе басқосуда көтерілген мәселелердің шешілуі, берілген тапсырмалардың хаттамаға с әйкес облыстық басқармалармен бірлесе атқарылуы қатаң бақылауында болатындығын жеткізді.
<img src="https://kyzylorda-news.kz/wp-content/uploads/2021/04/01-2-scaled.jpg" alt="" />
<img src="https://kyzylorda-news.kz/wp-content/uploads/2021/04/02-2-scaled.jpg" alt="" />

Ақсуат ауылын газбен қамту жұмыстары басталады

<a href="https://kyzylorda-news.kz/">Kyzylorda-news.kz</a>.&nbsp; Қоғамдық қауіпсіздікті қамтамасыз ету, атыс қаруы, жарылғыш заттарды қолдана отырып жасалатын қылмыстар мен құқық бұзушылықтардың алдын алу мақсатында 10 сәуірден бастап Республика көлемінде тұрғындарда заңсыз сақтаудағы атыс қаруын, оқ-дәрілер мен жарылғыш заттарды сатып алу бойынша кезекті акция&nbsp; өткізілуде.
Мақсаты азаматтарда заңсыз сақталған қару-жарақтар мен оқ-дәрілерді өтемді түрде қабылдау.
Акцияның 17 күніндеоблыс көлемінде тұрғындардан барлығы 47 өтініш түсіп, 70 дана қару қабылданған.
Заңсыз сақталған атыс қаруын, оқ-дәріні және жарылғыш заттарды өз еркімен тапсырған азаматтар қылмыстық және әкімшілік жауапкершіліктерге тартылмайды. Ол азаматтарға тапсырған қаруының, жарылғыш заттардың,&nbsp; оқ-дәрінің түріне және техникалық жай-күйіне байланысты айлық есептік көрсеткіштің 10-нан 100-ге дейінгі мөлшерінде сыйақы тағайындалады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Азаматтардың заңсыз сақтаудағы қаруларды, оқ-дәрілерді, жарылғыш заттарды полиция бөлімдеріне өткізіп, қарумен жасалатын қылмыстардың және төтенше оқиғалардың алдын алуда өз үлестеріңізді қосуға шақырамыз.

Қызылорда: Акция шеңберінде 70 дана қару қабылданды

<a href="https://kyzylorda-news.kz/">Kyzylorda-news.kz</a>.&nbsp; Қазақстанда 500 мың адам қытайлық Sinopharm вакцинасын салдыра алады.
“Самұрық-Қазына”АҚ Covid-19-ға қарсы бір миллион вакцина дозасын сатып алуға қаржы бөлді. Денсаулық сақтау министрлігі “СК-Фармация” ЖШС бірыңғай операторымен бірлесіп, Қытайдың вакцинасын сатып алуға шешім қабылдады, деп хабарлайды <a href="https://sputnik.kz/">Sputnik Қазақстанға.</a>
<blockquote>
 “Sinopharm вакцинасының бір миллион дозасы (екі компонентті) сатып алынды: бір доза – 31.1 доллар = 31 100 000 миллион доллар (13 миллиард теңгеден астам). Сәуірдің соңына дейін 400 мың доза, мамырда 600 мың доза жеткізіледі”, – деп мәлімдеді “СК-Фармация” баспасөз қызметіндегілер.
</blockquote>
Вакцинаның толық атауы – &nbsp;Hayat-Vax “Sinopharm” (сауда атауы: Hayat-Vax), өндіруші – Gulf Pharmaceutical Industries Julphar, БАӘ.
Әр құтыға 2 миллилитр инактивтелген вакцина құйылған (бір доза – 0,5 миллилитр).
Денсаулық сақтау министрлігі қытайлық вакцинаны өңірлерге бөлу жұмыстарын бастап кетті.
Ақтөбе облысы денсаулық сақтау басқармасы басшысының орынбасары Бекболат Ізбасаров&nbsp;&nbsp;30 сәуірде өңірге 22 мың доза (11 мың адамға жетеді) түсетінін мәлімдеді.
Еске салсақ, өткен сенбіде “Самұрық-Қазына” қоры COVID-19-ға қарсы бір миллион вакцина дозасын сатып алу қаржыландырылғанын мәлімдеді. Бұл 500 мың адамды вакциналауға мүмкіндік береді. Вакцинаны өндіруші және дайындаушы елді Денсаулық сақтау министрлігі “СК-Фармация” операторымен бірлесіп таңдады.
Қытайлық Sinopharm вакцинасы сынақ барысында 79,34% тиімділік көрсетті, БАӘ Sinopharm вакцинасын пайдалануды ресми түрде мақұлдаған алғашқы ел атанды.
Осылайша қазақстандықтар үш вакцина – қазақстандық QazVac, ресейлік “Спутник V” және қытайлық Sinopharm арасында таңдау жасай алады.

Қазақстандықтар қытайлық вакцинаны салдыра алады

<a href="https://kyzylorda-news.kz/">Kyzylorda-news.kz</a>. Жобаға қатысып жатқан кәсіпкерлер хабарласып, ғимараттарына «сары түс» жағдайындағы екі азаматтың кіруге тырысқанын, алайда «Ashyq» қосымшасы арқылы мәртебесі анықталғаннан кейін кіргізілмеген. Сондай-ақ тиісті ақпараттарды құзырлы органдарға берген.
Айта кету керек, «қызыл» түс егер адам ПТР-тестін тапсырып, оң нәтиже шықса беріледі. Осы статустың иесіне үйде оқшаулану режимін қатаң ұстану керек.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Сары» түс науқас адаммен байланыста болған адамдарға беріледі.&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Көк» түс ПТР-тестілеу тапсыру міндетті орындардан (мысалы, әуежай) басқа барлық жерге бару рұқсат.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Жасыл» түс – жүріп-тұруға толығымен рұқсат беріледі.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Осылайша, «қызыл» және «сары» түс жағдайындағы азаматтар карантин талаптарын сақтап, үйден шықпаулары тиіс.
<blockquote>
 «Ashyq» жобасы кәсіпкерлерге еркін жұмыс жасауға мүмкіндік беріп қана қоймай, азаматтарымыздың жауапкершілігін арттырады деген сенімдемін. Жоба талаптарын жауапкершілікпен орындап, аурудың тарамауына үлес қосып жүрген бизнес өкілдеріне алғысымызды білдіреміз», – деді Қызылорда облысы кәсіпкерлер палатасының сарапшысы Малика Тютебаева.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Малика Тютебаева, бүгінгі күнге дейін облыста «Ashyq» жобасы арқылы 26 кәсіпкерлік нысаны арнайы QR код алғандығын да жеткізді. &nbsp;Оның 19-сы қоғамдық тамақтандыру қызметі, 3-еуі компьютерлік клуб, 2-еуі кинотеатр, 1 боулинг және 1 бассейн. Оның ішінде 7 кәсіпкерлік нысан тесттік режимнен сәтті өтіп, жұмысын толық бастап кетті. Қалған 19 нысан әзірге тесттік режимде жұмыс жасауда.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Жалпы, еліміздің Бас санитарлық дәрігерінің 13 сәуірдегі №14 Қаулысына сәйкес 26 сәуірден бастап Қызылорда облысы «Ashyq» жобасына енді.
Жоба қатысушысы бола алады:
– фитнес-клубтар, йога орталықтарын қоса алғанда;
– спа-орталықтар;
– сауналар, бассейндер;
– компьютерлік клубтар, PlayStation клубтарын қоса алғанда (16 жасқа дейінгі тұлғаларды қоспағанда);
– боулинг клубтары.
– кинотеатрлар;
– театрлар және филармониялар;
– банкет залдарын, асхана, фаст-фуд, стрит-фудүлгісіндегі объектілерді қоспағанда қоғамдық тамақтану объектілері;
– ерікті қатысушылар;
– облысаралық және қалааралық жүйелі месе (туристік) тасымалдар;
– бильярд клубтары;
– концерт залдары;
2021 жылдың 5 мамырынан бастап:
– караоке;
– жасыл аймақтағы банкет залдары (толтырылуы бір залда 50 адамға дейін, 1 келушіге кемінде 4 ш. метр).
<blockquote>
 «Ashyq» жобасына тіркелу кәсіпкерлерге бірқатар артықшылықтар береді. Мысалы, егер біздің облысымыз&nbsp; эпид.ахуал бойынша «қызыл» аймаққа енген болса, онда жобаға қатысушы кәсіпкерлер «сары» аймаққа қойылатын тәртіп бойынша жұмыс жасай алады. Ал егер өңір «сары» аймақта болса, онда кәсіпкерлер «жасыл» аймақтағы артықшылықтарды қолдана алады», – дейді Кәсіпкерлер палатасының сарапшысы Малика Тютебаева.
</blockquote>
Палата сарапшысы жоғарыда аталған қаулыда жоқ нысандар да жобаға тіркеліп, жұмыс жасай алатындығын&nbsp; жеткізді. Алайда оларға айтылған артықшылықтар берілмейді.
&nbsp;«Ashyq» жобасына қатысты сауалдар туындаған жағдайда Қызылорда облысы кәсіпкерлер палатасының мамандары кеңес беріп, сүйемелдеу жасауға әзір. Жауапты маман Палатаның сарапшысы Гүлнұр Құрмантаева. Байланыс нөмірлері: 8 /7242/ 40-09-81 (ішкі 4324), ‎+7 771 479 7582.
<img src="https://kyzylorda-news.kz/wp-content/uploads/2021/04/malika-tjutebaeva.jpg" alt="" />

Қызылордада «Ashyq» жобасы арқылы «сары түс» жағдайындағы 2 адам анықталды

<a href="https://kyzylorda-news.kz/">Kyzylorda-news.kz</a>. Жаңақорған аудандық полиция бөліміне Шалқия кентінде орналасқан мекеме басшысынан мекеменің салынып жатқан электростанциясынан алюминийден жасалған құнды кабельдердің &nbsp;ұрланғандығы туралы арыз түскен.
Бұл дерек бойынша Қазақстан Республикасы Қылмыстық кодексінің 188 – бабының 3 – бөлігі 1,3 – тармақтары бойынша (Ұрлық)&nbsp; сотқа дейінгі тергеп – тексеру амалдары басталды. &nbsp;&nbsp;
Орын алған ұрлық салдарынан мекемеге 56&nbsp;797&nbsp;824 теңге көлемінде шығын келтірілген.&nbsp;&nbsp;
Полиция қызметкерлерімен жүргізілген жедел шаралар нәтижесінде ауданның 3 тұрғыны қолға түсті. Оларбір айдың көлемінде қымбат кабельдер мен металл өнімдерін ұрлап, Жаңақорған-Шалқия тас жолына дейін жаяу тасып, одан әрі кент орталығына ұрланған заттарды автокөлікпен жеткізіп отырған. Алюминий кабельдерін облыс аумағындағы металл қабылдайтын орындарға өткізген және көрші өңірлерге жіберіп отырған.&nbsp; Ұрланған заттардың бір бөлігі айғақ зат ретінде тәркіленді.&nbsp;
Күдіктілер Жаңақорған аудандық полиция бөлімінің уақытша ұстау абақтысына қамалды.&nbsp; Тергеу амалдары жалғасуда.

Жаңақорғанда 57 млн теңгенің кабельдерін ұрлаған ұрылар ұсталды

<a href="https://kyzylorda-news.kz/">Kyzylorda-news.kz</a>. «Екпе сізді және жақындарыңызды кеселден қорғай алады. Түрлі әңгімеге ермей, тек сенім білдіру керек». Өңірлік коммуникациялар қызметінің ақпарат алаңында өткен брифингте медицина саласының ардагері Әлия Мәжитова осылай деді.
<blockquote>
 « Бәріңізге белгілі, коронавирус инфекциясы өңірімізде өршіп тұр. Облысымыз қайтадан «Қызыл аймаққа» еніп, карантин талаптары күшейтілді. Сақтыққа салғырт қарағаннан көптеген азаматтар кеселді дерттің тырнағына ілігіп, аурумен алысып жатыр. Айтайын дегенім, қазір жайбарақат өмір сүретін кез емес. Айналамызды жинап, жақындарымызға жанашырлық танытатын уақыт. Медицина саласының мамандары бір жылдан аса уақыт осы кеселмен күресіп келе жатыр. Алайда науқастарды тек ақ халаттылардың көмегімен ажалдан арашалау қиын соғады. Сондықтан әр адам өз денсаулығына өзі жауап беруі керек.Бүгіннен бастап елімізде отандық QAZVAG вакцинасын салу жұмыстары басталды. Үлгі ретінде Денсаулық министрі Алексей Цой алғашқылардың бірі болып екпе ектірді. Көптеген ғалымдар коронавирус індетін жеңу үшін – вакцина салдыру қажет екенін айтып жатыр. Яғни ұжымдық иммунитет қалыптастыру керк. Біз солай ғана қауіпті кеселге тойтарыс бере аламыз», – деді Әлия Мүсілманбекқызы.
</blockquote>

Әлия Мәжитова: Екпе кеселден қорғайды

<a href="https://kyzylorda-news.kz/">Kyzylorda-news.kz</a>. 2021 жылы Қазақстанда Чернобыль ардагерлері жалпы сомасы 540,7 миллион теңгеге біржолғы төлем алады. Бұл туралы еңбек және халықты әлеуметтік қорғау министрлігі хабарлады.
Жыл сайын 26 сәуірде Чернобыль атом электр станциясындағы 1986 жылғы апат құрбандарын еске алудың халықаралық күні аталып өтеді. Апат салдарын жоюға 32 мыңға жуық қазақстандық қатысты. Бұл адамдар ардагер ретінде танылды және әртүрлі әлеуметтік қолдау шараларымен қамтамасыз етіледі.
Жыл сайын жергілікті атқарушы органдар Чернобыль апатының құрбандарын еске алу күніне (26 сәуір) немесе басқа күндерге (9 мамыр – Ұлы Отан соғысындағы Жеңіс күніне) орай әлеуметтік көмек көрсетеді.
2021 жылы жергілікті бюджет қаражаты есебінен 6&nbsp;055 Чернобыль ардагеріне 5 АЕК-тен (14 585 теңге) 70 АЕК-ке дейін (204 190 теңге) 540,7 миллион теңге сомасында әлеуметтік көмек көрсету көзделген.
Әлеуметтік көмектің мөлшері қазына мүмкіндігіне қарай жергілікті өкілетті органдардың (мәслихаттардың) шешімі бойынша әрбір өңірде жеке белгіленеді.
Мәселен төмендегі өңірлерде Чернобыль ардагерлері біржолғы көмек алады:
<ul>
<li>2021 жылдың 26 сәуіріне орай – Ақмола, Алматы, Атырау, Шығыс Қазақстан, Жамбыл, Батыс Қазақстан, Қарағанды, Қызылорда, Павлодар (ішінара), Солтүстік Қазақстан, Түркістан облыстарында және Шымкент, Нұр-Сұлтан қалаларында;</li>
<li>2021 жылдың 9 мамырына – Ақтөбе, Маңғыстау және Павлодар облыстарында және Алматы қаласында.</li>
</ul>
Қостанай облысында Чернобыль ардагерлеріне (74 адам) ай сайын 3 АЕК (2021 жылы – 8 751теңге) мөлшерінде көмек көрсетіледі.
Арнаулы мемлекеттік жәрдемақы ардагерлерге өзге әлеуметтік төлемдерге қарамастан төленеді. Жеңілдіктер бойынша ҰОС қатысушыларына теңестірілген адамдарға 6,19 айлық есептік көрсеткіш (2021 жылы – 18 056 теңге), жеңілдіктер бойынша ҰОС мүгедектеріне теңестірілген адамдарға &nbsp;7,55 АЕК (2021 жылы – 22 024 теңге) көлемінде жәрдемақы қарастырылған.
&nbsp;“Ардагерлер туралы” заңды қабылдау барысында 1988-1989 жылдардағы Чернобыль АЭС-індегі апатты жоюға қатысушылар үшін әлеуметтік қолдау шаралары күшейтілгенін атап өткен жөн. Ардагерлердің осы санаты үшін жәндемақы мөлшері 2,13 АЕК-тен 4,8 АЕК-ке дейін (2021 жылы- 14 002 теңге) арттырылды.
Чернобыль АЭС-дегі апаттың салдарынан мүгедек болып қалған адамдарға жәрдемақымен қатар, күнкөріс деңгейі мен мүгедектік тобына, себебіне қарай мүгедектік бойынша мемлекеттік әлеуметтік жәрдемақы төленеді. Жәрдемақы мөлшері жыл сайын инфляция деңгейіне байланысты өсетін ең төменгі күнкөріс деңгейі аясында көтеріліп отырады.

Қызылордалық Чернобыль ардагерлері біржолғы көмек алады

<a href="https://kyzylorda-news.kz/">Kyzylorda-news.kz</a>. “Атамекен” ұлттық кәсіпкерлер палатасы басқарма төрағасы Абылай Мырзахметов Ashyq жобасына қызығушылық танытып отырған бизнес түрлеріне тоқталды, деп хабарлайды&nbsp;<a href="https://sputnik.kz/">Sputnik Қазақстан</a>.
Басқарма төрағасы Ashyq жобасына тағы да көптеген бизнес түрлері қосылуға ниет білдіріп отырғанын атап өтті. Оның ішінде балалар демалыс лагерьлері мен балаларды сауықтыру орталықтары, көрмелер, ірі сауда орталықтарындағы фудкорттар, жоғары оқу орындары, тағы басқалар да бар.
<blockquote>
 “Осы аталғандардың барлығы дайын Асқар Ұзақбайұлы (Мамин), сізден сұрайтынымыз: тапсырма берсеңіз, қызмет түрлерінің бәріне “Ashyq”-ты енгізіп, оның әрі қарай дамуына жол ашар едік”, – деді Мырзахметов үкімет отырысында.
</blockquote>
Айтуынша, жобаға өз еркімен қосылуға өтініш білдірген кәсіпкерлер де бар.&nbsp; Оларға “қызыл”” және “сары” аймақтарда Ashyq қосымшасының арқасында жұмыс істеуге болады. Бұл санатта қонақ үйлер мен халыққа қызмет көрсету орталықтары, банктер, мемлекеттік органдар мен медицина орталықтары бар.
Ол 26 сәуірден бастап Ashyq жобасы республиканың барлық өңіріне таралғанын атап өтті. Өңірлерде 48 кинотеатр жұмысын бастады. Жуырда жобаға театрлар да қосылады.
27 сәуірдегі дерекке сәйкес, Ashyq жобасына қатысушылардың жалпы саны – 1 658, ал қосымшаны қолданушылар 378 мыңнан астам адамды құрайды.
<h3 id="ashyq">Ashyq қосымшасының қалай жұмыс істейді?</h3>
Ashyq – кәсіпкерлерге карантин кезінде жұмыс істеуге мүмкіндік беретін қосымша. Мобильді қосымша қоғамдық орындарға баратын адамдарды тіркеп, кәсіп иесіне коронавируспен ауырған адамдар туралы ақпарат береді.
Қандай да бір мекемеге кірмес бұрын пайдаланушы арнайы QR-кодты сканерлейді де, оны кіреберісте тұрған әкімшіге көрсетеді. Код әлгі адамның статусын анықтайды. Азаматтардың статусы денсаулық сақтау министрлігіндегі мәліметтер базасымен салыстырғаннан кейін белгілі болады.
Мекеменің QR-кодын сканерлегеннде келген адамның статусы түрлі-түсті форматта көрсетіледі.
“Қызыл” статус – адам вирус жұқтырды деген сөз. Яғни оның тапсырған ПТР-тесті оң нәтиже көрсеткен. Мұндай статустағы адамдар үйден шықпауы тиіс.
“Сары” статус – келушінің ауру жұқтырғандармен байланыста болғанын білдіреді. Оларға үй маңындағы азық-түлік дүкендеріне немесе дәріханаларға баруға рұқсат етілген.
“Көк” түс шықса, ПТР-тест міндетті саналатын орындарды қоспағанда, жүріп-тұруға ешқандай шектеу жоқ деген сөз.
“Жасыл” түс ПТР-тест тапсырып, нәтижесі теріс шыққан адамдар үшін жанады.
“Қызыл” немесе “сары” статус шыққан клиенттер мекемеге кіргізілмейді.

Балалар лагерьлері Ashyq арқылы жұмыс істеуі мүмкін

<a href="https://kyzylorda-news.kz/">Kyzylorda-news.kz</a>. Бүгін облыстық ардагерлер кеңесінің төрағасы Серік Дүйсенбаев коронавирус инфекциясына қарсы «Спутник V» екпесінің бірінші компонентін қабылдады.
<blockquote>
 «Адамдар әлі күнге дейін вакцинаға күмәнмен қарайды. Алайда біз кәсіби мамандардың кеңесіне құлақ асуымыз керек. Өйткені жұқпалы дерт халықтың денсаулығы мен өміріне қауіп төндіруде. Сол себепті әлемді әбігерге салған кеселді жеңудің жалғыз жолы бар. Ол вакцина салдыру. Екпе салдырып, сақтық шараларын сақтайық»,-деді Серік Әбішұлы.
</blockquote>

Серік Дүйсенбаев: Екпе салдырып, сақтық шараларын сақтайық

<a href="https://kyzylorda-news.kz/">Kyzylorda-news.kz</a>. Британдық биолог және ұзақ жасау саласының сарапшысы Энрю Стил қартаю процесін баяулататын жеті тәсілді айтты, деп хабарлайды <a href="https://24.kz/kz/zha-aly-tar/bylu-manyzdy/item/470276-alymdar-artayudy-b-se-detetin-arapajym-disterdi-atady">«Хабар 24»</a>.
Стилдің айтуынша, ұзақ өмір сүру үшін тұрақты түрде спортпен айналысып, уақытылы ұйықтау керек және тамақ рационында көкөністерді көбейтіп, тағам қоспаларынан бас тарту керек. Мұнымен қоса, үнемі қан қысымы мен пульсты бақылап, тістердің саулығына мән беру қажет екен. Және қазіргі сәнге айналып кеткен диеталардан бас тарту қажет екен.
«Егер адам мүлдем спортпен айналыспайтын болса, күніне минут болсын далада серуендеу өмір жасын ұзартуға септігін тигізеді», дейді маман. Сондай-ақ ол жаттығуды жасағанда да организмге күш түсірмеу керектігін айтып өтті.

Қазақстан және Қызылорда облысының жаңалықтары