<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Бүгін Қызылорда облысының әкімі Гүлшара Әбдіқалықованың төрағалығымен инвестициялық жобалар бойынша мәжіліс өтті.
Жиынға мемлекеттік орган өкілдері мен инвесторлар қатысты. Онда өңірде экспортқа бағытталған 2 инвестициялық жоба таныстырылып, жүзеге асырушы компания құрылтайшыларымен меморандумға қол қойылды.
<blockquote>
 «Бүгін қарастырылып отырған екі жоба да салаға жаңа серпін береді деп санаймын. Пайдаланылған суды екінші рет қайта қолдану және жаңбырлатып, тамшылатып суғару әдістерін кеңінен пайдалану есебінен біз әртараптандыруға бағытталған жұмыстарымызды жетілдіре түсеміз. Сондықтан, бұл бағыттағы егін орналастыру көлемі мен мал азықтық дақылдар үлесі ұлғайтылатын болады. Ұсынылып жатқан жобаларды қолдап жүзеге асыруымыз қажет», – деді Гүлшара Әбдіқалықова.
</blockquote>
Бірінші жоба – «Қызылорда AGRO PLUS» ЖШС-нің «Жаңақорған ауданында тамшылатып суару әдісімен 3 мың га жерге өндірістік негізде қызанақ дақылын өсіру» және куаттылығы жылына 15 мың тонналық концентрленген қызанақ пастасын өндіретін зауыт құрылысын инвестициялау жобасы.
Жоба құны – 26,8 млн евро. Жалпы жобаны жүзеге асыру барысында 500-ге дейін жұмыс орынын ашу көзделуде. Мақсаты Қазақстанның түрлі облыстарында қойылтылған томат пастасын өндіру бойынша толық циклді зауыт құру болып табылады. Құрылтайшысы «Orbis Agro» компаниясы.
Аталмыш серіктестік республикаға белгілі «Orbis Kazakhstan» ЖШС-нің ауылшаруашылық бағытында қызмет көрсететін еншілес компаниясы.
Екінші жоба – Шиелі ауданында жаңбырлатып суару әдісімен 10 мың га жерге жоңышқа егу жобасы. Жүзеге асыратын «Тың Өріс» ЖШС. 
Жоба аясында Шиелі ауданында пайдаланылған ағын суды қайта қолдану арқылы жаңбырлату тәсілімен 10 мың гектарға жоңышқа дақылын егу қолға алынады.
Сонымен қатар жоба өңірімізге 10,6 млн. АҚШ доллары инвестиция тартуға, өнімін экспортқа шығаратын өңдеу кәсіпорнын ашуға бағытталады деп жоспарлануда. Жүзеге асыру барысында 200 адам жұмыспен қамтылады.
Облыс әкімі жауапты сала басшылыларына өндіріс зауыттарын салатын инфраструктурасы қамтылған жер учаскелерін белгілеуді, қажетті инженерлік-инфрақұрылым жүйелерін жүргізуді, индустрияландыру картасына енгізуге өңірлік үйлестіру кеңесінде жеделдетіп қарауды және аталған инвестициялық жобалардың толық іске асырылуын қамтамасыз етуді тапсырды.
<img src="https://kyzylorda-news.kz/wp-content/uploads/2020/11/125946435_2909778682458515_8798195747545783707_o.jpg" alt="" />
<img src="https://kyzylorda-news.kz/wp-content/uploads/2020/11/126082834_2909778909125159_3921460904832822105_o.jpg" alt="" />

Қызылордада 2 инвестициялық жоба бойынша меморандумға қол қойылды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> «Nur Otan» партиясы Қызылорда қалалық филиалының ұйымдастыруымен қалалық тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлім басшысының орынбасары Абзал Рысбекұлы қала тұрғындарымен онлайн кездесу өткізді.
Қызылорда қаласындағы коммуналдық салаға жауапты мамандардың жедел әрекетінің және түрлі бағыттағы кездесулердің сеп болуымен тұрғындар өздеріне тиесілі проблеманың шешім табуына мүмкіндік алды.
Онлайн кездесу барысында Қызылорда қаласының тұрғындары әртүрлі мәселелерді ортаға салды. Талқыға түскен проблемалар көп болды. Атап айтар болсақ, мәселелер қоғамдық көліктің сапалы қызмет көрсетуі, жол жөндеу жұмыстары, балалар және спорт алаңдары, қала тазалығы және кәріз су мәселелері төңірегінде болды.
Тікелей байланыс арқылы көтерілген сауалдарға маман тарапынан жауап беріліп, бірқатары өз шешімін тапты.

&#8220;Nur Otan&#8221;: Коммуналдық мәселелер талқыға түсті

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қармақшы аудандық пробация есебінде тұратын&nbsp; азамат жасанды тас шығаратын кәсіп ашты.
Ол ағымдағы жылдың маусым-шілде айында Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы&nbsp;бойынша «Бастау Бизнес» жобасы аясында кәсіпкерлік негізінде оқу курсын аяқтаған болатын. Жоба аясында бизнес жоспар құрып, комиссияның оң нәтижесіне ие болып, мемлекет тарапынан қайтарымсыз грант алып, 555 666 теңгеге өз ісін бастады. Ал жұбайы мал шаруашылығын дамыту негізінде кәсіп бастап, қазіргі таңда отбасылық бизнесті жүргізіп келеді.
<blockquote>
 “Қандай кәсіпті қолға алсам деген оймен,&nbsp; әлеуметтік желілерді шолып отырғанымда осы жасанды тас жасау кәсібі мені қызықтырды. Мемлекет тарапынан берілген қайтарымсыз грантқа кәсібіме қажетті заттарды алдым. Жасанды тас гипстен жасалады, гипсты қатайту үшін&nbsp; пластификатор&nbsp;қолданылады. Тастың түсін әр түрлі түстермен бояуға болады. Бұл тастарға сұраныс өте көп, оны үйдің ішін сәндеуге пайдаланады”, – деді кәсіпкер.
</blockquote>
Кәсіпкердің айтуынша ол алдағы уақытта облыста өтетін көрмеге қатысады.
<blockquote>
 “Жыл басынан бері пробация есебіндегі 4 сотталған азамат «Бастау Бизнес» жобасы аясында кәсіпкерлік негізінде оқу курсын аяқтап, мал шаруашылығын, тауық өсіру және жасанды тас жасау жеке кәсібін ашты. Есептегі азаматтарға әлеуметтік-құқықтық көмек түрлерін көрсету барысында отбасылық жағдайын да зерделейміз. Тұрмыс жағдай төмен отбасыларға тиісті әлекметтік көмек көрсетіледі”,- деді аудандық пробация қызметінің аға инспекторы әділет майоры Ж.Жүнісов.
</blockquote>

Қармақшыда пробация есебіндегі азамат жасанды тас шығару кәсібін ашты

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Шиелі ауданында жалғызбасты ана С.Құлымбетоваға баспана сыйға тартылды.
Шиелі ауданының әкімі Қамбарбек Мүбараков биылғы “Алтын дән – 2020” мерекесіне орай, Ақмая елді мекенінің тұрғыны, жалғызбасты ана С.Құлымбетоваға және еткен еңбегі мен төккен тері үшін “Алтын дән Шиелі” шаруа қожалығының механизаторы Е.Кеңесбайұлына тұрғын үй кілттерін салтанатты түрде табыстады.
Екі отбасының баспаналы болуына “Ақмая” шаруа қожалығының төрағасы Д.Жұмбеков және “Алтын дән Шиелі” шаруа қожалығының төрағасы А.Бердібаев қолдау көрсетті.

Шиеліде жалғызбасты анаға баспана сыйға тартылды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Қызылордадағы қазақ күріш институтында қажырлы еңбек етіп, отандық ғылымға қосқан сүбелі үлесі үшін еңбек ардагерлеріне құрмет көрсетілді.
Бұл жиынға ауылшаруашылығы басқармасының кеңесшісі,&nbsp;Фермерлер одағының облыстық филиал төрағасы Омархан Пашкенов қатысып ауыл шаруашылығы ардагерлер Кеңесі Қоғамдық бірлестігі атынан Серік Кенжебаевқа “Құрметті ардагер” медалін табыстады.
Салтанатты жиында Омархан Пашкенов ауыл шаруашылығы саласында ғылымның орны мен күріш институтының жаңа сорт шығарудағы еңбегін атап өтті.
Келер жылы аталған институт шығарған күріштің жаңа сорттарын көптеген шаруа қожалықтары 100% егуге ынталы болса, жалпы күріш алқаптарының 20 пайызын жергілікті күріш сорттары құрайтыны да жақсы жаңалық.
Осы жиында “Еңбек ардагері” атағына Өмірзақ Аймухамбетов те ие болды. Көптің арасынан топты жарып еңбегі Қазақстан ауылшаруашылығы министрлігімен еленіп жатқаны қуантарлық жайт.
Сондай-ақ Камалдин Шермағамбетов “Қазақстан Конституциясына 25 жыл” мерекелік медалі мен Қазақстан Ауылшаруашылық министрлігінің “Ауылшаруашылық саласының үздігі” төсбелгісі омырауына тақты.
<blockquote>
 “Аймағымыздың ауылшаруашылық саласы биылғы жылы 500 мың тонна астық дайындады. Бұл пандемия мен су тапшылығы жағдайында жасалып жатқан жақсы көрсеткіш. Мұны батырлықпен де теңеуге болады”, – деді басқарма төрағасы Бахытжан Дүйсембеков.
</blockquote>
<img src="https://kyzylorda-news.kz/wp-content/uploads/2020/11/126205182_396397784837659_1545679274215364720_o.jpg" alt="" />
<img src="https://kyzylorda-news.kz/wp-content/uploads/2020/11/126229895_396398044837633_7216527601369536442_o.jpg" alt="" />
<img src="https://kyzylorda-news.kz/wp-content/uploads/2020/11/126271077_396398058170965_50310658951733479_o.jpg" alt="" />

Қызылордада еңбек ардагерлеріне құрмет көрсетілді

&nbsp;<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда қаласында 21 қараша күні ауыл шаруашылығы өнімдерінің жәрмеңкесі өтеді.
Қызылорда қаласы – “Мерей” мөлтек ауданы (”Думан” мейрамханасының маңындағы алаң); 
Шиелі ауданы – Тасбөгет кенті (Орталық алаң).
<img src="https://kyzylorda-news.kz/wp-content/uploads/2020/11/126283965_1394232280968541_8700751008770655974_o.jpg" alt="" />

Қызылордада ауыл шаруашылығы өнімдерінің жәрмеңкесі өтеді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> ҚР Ұлттық банкі қолма-қол ақша айналымы департаментінің директоры Жомарт Қажмұратов «Дала қазынасы» сериясымен шыққан «JETI QAZYNA» монеталардың айналымға түсуі туралы түсініктеме берді, деп хабарлайды <a href="https://lenta.inform.kz/kz/jeti-qazyna-monetalaryn-kabyldaudan-bas-tartkan-kasipkerler-ayyppul-toleydi-ulttyk-bank_a3720562">ҚазАқпарат.</a>
Оның айтуынша, «Дала қазынасы» сериясымен шыққан «JETI QAZYNA» монеталары бірқатар аймақтарда айналымға енді. Олар тұрақты айналымдағы монеталармен қатар қолданылады.
<blockquote>
 «100 теңгелік биколорлы айналыстағы монеталар 7 түрде дайындалған. Олар – «ER JIGIT», «SULÝ ÁIEL», «QUMAI TAZY», «AQYL BILIM», «BEREN MYLTYQ», «JÚIRIK AT» және «QYRAN BÚRKIT». Техникалық сипаттамасы жағынан олар басқа айналыстағы номиналы 100 теңгелік монеталармен бірдей. Заңды төлем құралы. Яғни төлемдердің барлық түрлері үшін қабылдануы қажет. Оларды тауарлар мен қызметтерге ақы төлеуге пайдалануға болады. Монеталардың параметрлері өзгеріссіз сақталғанын атап өткім келеді», – деді Жомарт Қажмұратов.
</blockquote>
Егер кәсіпкерлер монеталарды қабылдаудан бас тартса, онда ҚР Әкімшілік кодексінің 206-бабына сәйкес оларға ескерту беріледі. Егер жағдай бір жыл ішінде қайталанса, 5-тен 25 АЕК-ке дейінгі мөлшерде айыппұл қарастырылған.
Тұрғындар өз арыз, шағымдарымен жақын маңдағы Ұлттық банктің филиалына жүгіне алады.

«JETI QAZYNA» монеталарын қабылдаудан бас тартқан кәсіпкерлер айыппұл төлейді – Ұлттық банк

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Тараз қаласында &nbsp;80 адам қатысқан үйлену тойына мобильді топ келіп, карантин талаптарын бұзу фактын анықтады.
<blockquote>
 “Мобильді топ&nbsp;қаладағы 80 адамға арналған үйлену тойын анықтады. Мобильді топ бірден келіп, қонақтарды шошытты, олар&nbsp;залда қалыңдық пен күйеу жігітті қалдырып, қарбалас күйде&nbsp;кетуге асықты”, – делінген хабарламада.
</blockquote>
Тойға келген қонақтары күйеу жігіт пен қалыңдықты тастай қашқан.

Мобильді топ: Той қонақтары күйеу жігіт пен қалыңдықты тастап қашқан

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Сенат депутаттары еңбек министрлігінен 2021 жылы пандемия өршіп, қатаң карантин жарияланған жағдайда табысынан айырылған азаматтарға 42 500 теңге төленіп-төленбейтінін сұрады.
Сенатта “2021 – 2023 жылдарға арналған республикалық бюджет туралы” заң жобасын талқылау барысында депутат Алтынбек Нұхұлы 42 500 теңге төлеу мәселесін көтерді.&nbsp;
Ол пандемия кезінде уақытша жұмысын тоқтатып, табысынан айырылған 4 миллион 600 мың қазақстандыққа Мемлекеттік әлеуметтік сақтандыру қорынан 476 миллиард теңге қаржылай көмек берілгенін еске салды.
<blockquote>
 “Денсаулық сақтау министрлігінің соңғы ақпаратына сәйкес, елімізде індетпен ауырғандардың күндік саны орташа есеппен 600 адамды құрап отыр. Бұл алаңдатарлық жағдай. Келесі 2021 жылы елімізде коронавирус індеті тұрақтанбайтын болса, уақытша жұмысын тоқтатып, табысынан айырылған азаматтарды қолдау механизмдері қандай болмақ. Қаралып отырған заң жобасында бұл мақсаттарға қаражат қарастырылмаған. Осыған байланысты біржолғы әлеуметтік төлем мөлшерінің&nbsp; 42 500 теңге екенін ескеріп, Мемлекеттік әлеуметік сақтандыру қорының мүміндіктері қандай?”, – деп сұрады Нұхұлы.&nbsp;
</blockquote>
Еңбек және халықты әлеуметтік қорғау министрі Біржан Нұрымбетовтің айтуынша, бүгінде Мемлекеттік әлеуметік сақтандыру қорының инвестициялық портфелінде 1,1 триллион теңге көлемінде актив бар. Актуарлық бағалау бойынша қордың қаржылық жағдайы 2039 жылға дейін орнықты болады.
<blockquote>
 “Пандемияның күрделенуіне қатысты ел президенті індетті осы көктемдегідей қатаң карантинге жеткізбей тежеуді тапсырғанын білесіздер. Өз кезегінде экономикалық жағдай нашарлаған жағдайда үкіметтің, ұлттық банктің және қаржы нарығын реттеу агенттігінің бірлесіп бекіткен іс-қимыл жоспары бар. Сол жоспар аясында жұмыспен қамту шаралары және халықты әлеуметтік қолдау шаралары да қарастырылған”, – деп сендірді министр.
</blockquote>
Айта кетсек, сенат депутаттары алдағы үш жылға арналған бюджет туралы заң жобасына бірқатар түзету енгізіп, мәжіліске жіберді.
<a href="https://sputnik.kz/society/20201119/15513463/Kelesi-zhyly-42-500-tenge-ministr.html">Sputnik Қазақстан</a>

Келесі жылы қазақстандықтарға 42 500 теңге төлене ме?

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;23 қарашада «Nur Otan» партиясы Саяси кеңесінің отырысы өтеді.
<blockquote>
 «Партия Бюросы қабылдаған шешімге сәйкес 2020 жылғы 23 қарашада «Nur Otan» Саяси кеңесінің отырысы өтеді», – деп жазды партия Төрағасының бірінші орынбасары Бауыржан Байбек&nbsp;<a href="https://twitter.com/BauyrzhanBaibek">Twitter-де.</a>
</blockquote>

23 қарашада «Nur Otan» Саяси кеңесінің отырысы өтеді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;ХХІ ғасырдың ортасына қарай Қазақстан жастарының үштен екісі қалаларда тұрады және ұлдар саны қыздарға қарағанда сәл жоғары болады. Сарапшылардың мұндай болжамын «Еңбек ресурстарын дамыту орталығы» АҚ келтіріп отыр.
Еңбек ресурстарын дамыту орталығының демографиялық болжамына сәйкес, 2030 жылға қарай Қазақстанда халық саны 11,8% өседі (2019 жылмен салыстырғанда) және шамамен 20 млн 692 мың адамды құрайды.
«Бұл ретте, шамамен 12,7 млн адам (61,2%) қалалық жердің тұрғындары болады. Ал ауыл тұрғындарының саны 8 млн-нан асады (38,8%).
Сондай-ақ, демографиялық көрсеткіштер серпінінің ағымдағы деңгейін сақтай отырып, 2050 жылға қарай халықтың болжамды саны шамамен 25,4 млн адамды құрайды. Бұл, 2030 жылғы деңгейден 22,7% және 2019 жылғы көрсеткіштен 34,3% артық. Оның ішінде 16,7 млн адам (65,7%) қалаларда, ал 8,7 млн адам (34,3%) ауылдық жерлерде тұратын болады», – делінген Еңбек ресурстарын дамыту орталығының ақпаратында.
<blockquote>
 «2030 жылға қарай халықтың 27,4%, ал 2050 жылға қарай 36% астамы республикалық маңызы бар Нұр-Сұлтан, Алматы және Шымкент қалаларында тұратын болады. Біздің болжамымыз бойынша, өңірлерге келетін болсақ, 10 жылдан кейін Алматы және Түркістан облыстарында 2 млн адамнан тұрады. Ал Қарағанды, Шығыс Қазақстан және Жамбыл облыстарында 1 млн-нан астам тұрғын болады. 2050 жылға қарай Ақтөбе, Атырау, Маңғыстау және Қызылорда облыстары да миллион тұрғыны бар өңірлерге айналады», – деп бөлісті ЕРДО Болжамдау департаментінің директоры Дмитрий Шумеков.
</blockquote>
Сондай-ақ, халықтың орташа жасы да артатыны атап өтілген. 2019 жылы орташа жас 31,4 жасты құраса (ерлер үшін 29,7 жас, әйелдер үшін 32,9 жас), 2030 жылға қарай бұл көрсеткіш 32,7 жасты (ерлер үшін 30,9 жасты және әйелдер үшін 34,4 жасты) құрайтын болады, ал 2050 жылға қарай орташа жас 32,4 жасқа (ерлер үшін – 30,8 жас және әйелдер үшін – 34,1 жас) теңеледі.
<blockquote>
 «Өлім-жітімді, тууды және көші-қонды өткен жылдар деңгейінде сақтай отырып, 2030 жылға қарай 14-29 жас аралығындағы жастар саны өткен жылмен салыстырғанда 26% өседі және 4,4 млн адамды құрайды деп болжап отырмыз. Ал 2050 жылға қарай бұл көрсеткіш шамамен 5,1 млн-ды құрайды», – деп атап өтті сарапшы.
</blockquote>
Болжамдарға сәйкес, Түркістан облысы 2030 жылы жас тұрғындар бойынша көшбасшы болады: аталған уақытқа қарай осы өңірдегі жастардың саны 516 мың адамды құрайды да, үлесі 24,3% дейін өседі. Алматы облысы ұлдар мен қыздардың 488 мыңкөрсеткішімен – екінші орынды, ал Алматы қаласы жастардың 479 мың көрсеткішімен үшінші орында болады.
Сонымен бірге, сарапшылар 21 ғасырдың ортасына қарай Қазақстан жастарының үштен екісі қалаларда тұрады және ұлдар саны қыздар санынан сәл асады деп санайды.
<a href="https://lenta.inform.kz/kz/kazakstanda-er-balalar-sany-artady-demografiyalyk-bolzham_a3720226">ҚазАқпарат</a>

2050 жылға қарай Қызылорданың халқы миллионға жетеді

<a href="https://kyzylorda-news.kz/">Kyzylorda-news.kz.</a> Перудің Лима қаласында ауыр атлетикадан өткен онлайн Əлем кубогінде қызылордалық Айсамал Сансызбаева алтыннан алқа тақты.
Жарыстың соңғы күнінде 81 келіден жоғары салмақ дəрежесінде жасөспірімдер арасында сынға түскен Айсамал жұлқа көтеруде – 107, серпе көтеруде – 137 келіні көтеріп, қоссайыс нəтижесінде 244 келіні бағындырды.
Айта кетейік, ол былтырғы жылы 
Солтүстік Кореяның Пхеньян қаласында өткен Азия чемпионатында 2 мəрте күміс жүлдені иеленген болатын.
А.Сансызбаева Шиелі ауданының тумасы, қазіргі таңда Ж.Баһадүр атындағы олимпиадалық резервтің облыстық мамандандырылған мектеп-интернат-колледжде оқиды. 
Жаттықтырушылары: Арман Абдраев жəне Нұрсұлтан Бахрадин.
Дүбірлі бəсекеге Еліміздің намысын облысымыздан төрт спортшы қорғады. Атап айтсақ, Рахат Бекболат пен Айсамал Сансызбаева Əлем кубогінің жеңімпазы атанды. 
Ал Азамат Төлеген мен Мейрамбек Əбдіхалық 4-орындарды иеленіп, шеберліктерін шыңдады.

Қазақстан және Қызылорда облысының жаңалықтары

Қызылордада 2 инвестициялық жоба бойынша меморандумға қол қойылды

“Nur Otan”: Коммуналдық мәселелер талқыға түсті

Қармақшыда пробация есебіндегі азамат жасанды тас шығару кәсібін ашты

Шиеліде жалғызбасты анаға баспана сыйға тартылды

Қызылордада еңбек ардагерлеріне құрмет көрсетілді

Қызылордада ауыл шаруашылығы өнімдерінің жәрмеңкесі өтеді

«JETI QAZYNA» монеталарын қабылдаудан бас тартқан кәсіпкерлер айыппұл төлейді – Ұлттық банк

Мобильді топ: Той қонақтары күйеу жігіт пен қалыңдықты тастап қашқан

Келесі жылы қазақстандықтарға 42 500 теңге төлене ме?

23 қарашада «Nur Otan» Саяси кеңесінің отырысы өтеді

2050 жылға қарай Қызылорданың халқы миллионға жетеді

Қызылордалық спортшы әлем кубогінің жеңімпазы атанды

Қазақстан және Қызылорда облысының жаңалықтары

Қызылордада 2 инвестициялық жоба бойынша меморандумға қол қойылды

&#8220;Nur Otan&#8221;: Коммуналдық мәселелер талқыға түсті

Қармақшыда пробация есебіндегі азамат жасанды тас шығару кәсібін ашты

Шиеліде жалғызбасты анаға баспана сыйға тартылды

Қызылордада еңбек ардагерлеріне құрмет көрсетілді

Қызылордада ауыл шаруашылығы өнімдерінің жәрмеңкесі өтеді

«JETI QAZYNA» монеталарын қабылдаудан бас тартқан кәсіпкерлер айыппұл төлейді – Ұлттық банк

Мобильді топ: Той қонақтары күйеу жігіт пен қалыңдықты тастап қашқан

Келесі жылы қазақстандықтарға 42 500 теңге төлене ме?

23 қарашада «Nur Otan» Саяси кеңесінің отырысы өтеді

2050 жылға қарай Қызылорданың халқы миллионға жетеді

Қызылордалық спортшы әлем кубогінің жеңімпазы атанды

“Nur Otan”: Коммуналдық мәселелер талқыға түсті