<a href="https://kyzylorda-news.kz/">Kyzylorda-news.kz.</a> Қазақстан Токио олимпиадасының кезекті жолдамасын иеленді. Бұл жолы су добы спортынан ұлттық құрама төртжылдықтың басты додасына лицензияны ұтып алды.
Олимпиада жолдамасы ойнатылатын Азия іріктеуі турнирі өткен жылы Нұр-Сұлтанда өтуі қажет еді, алайда коронавирус пандемиясына байланысты жарыс ақпан айына шегірелген.
Дегенмен әледегі коронавирус ахуалы әлі жақсармағанына байланысты Азия федереациясы құрлықтық доданы өткізбеуді шешті. Олимпиадаға қалған жолдамалар ұлттық құрамаларға үлестіріліп берілді.
Роттердамда өткен Токио олимпиадасының ресми жеребе тарту рәсімінде Қазақстан құрамасы да қатысты. Су добының Азия федерациясы олимпиадаға жолдаманы Джакартада өткен Азиада жеңімпаздарына беруді жөн көрепті.&nbsp;
Су добынан&nbsp;Қазақстан&nbsp;құрамасы олимпиадада В тобына түсіп,&nbsp;Аустралия, Хорватия, Сербия, Испания, Черногория&nbsp;құрамаларына қарсылас атанды. Ал А тобында&nbsp;Оңтүстік Африка,&nbsp;АҚШ,&nbsp;Венгрия,&nbsp;Грекия,&nbsp;Жапония,&nbsp;Италия&nbsp;ұжымдары өнер көрсетеді.&nbsp;
Айта кетерлігі, су добынан Қазақстан құрамасы 2000 жылғы Сидней, 2004 жылғы Афины және 2012 жылғы Лондон олимпиадаларына қатысқан.&nbsp;Дәл қазіргі сәтте Қазақстан қоржынында Токио олимпиадасына 44 спорт түрінен жолдама бар.&nbsp;
<a href="https://stan.kz/news-343711/">Stan.kz</a>

Қазақстан Токио олимпиадасының кезекті жолдамасын иеленді

<a href="https://kyzylorda-news.kz/">Kyzylorda-news.kz.</a> Бүгін аймақ басшысы Гүлшара Әбдіқалықова облыстық жолаушылар көлігі және автомобиль жолдары басқармасының басшысы Мұрат Тілеумбетовты қабылдап, ағымдағы жылы атқарылатын жұмыстарды талқылады. Басқарма басшысы кездесуде 2021 жылы республикалық және облыстық бюджеттен барлығы 14 658,2 млн. теңге бөлініп, осы қаражатқа өңірде 284 км автомобиль жолдары мен көпір өткелдері және көшелер жөндеуден өткізу жоспарланғандығын жеткізді.
<blockquote>
 «Республикалық бюджеттен 4 мемлекеттік бағдарлама арқылы 5 786,0 млн.теңге көлемінде инвестиция тартылып отыр. «Нұрлы жол» бағдарламасы аясында 216 км облыстық және аудандық маңызы бар автомобиль жолдарын жөндеу жоспарлануда. «Өңірлерді дамыту» бағдарламасы аясында Қызылорда қаласындағы С. Бейбарыс көшесінен Қызылжарма каналына дейінгі ұзындығы 4 км магистралды көшенің құрылысын аяқтауға 294,1 млн. теңге, сол жағалаудағы Сырдария өзенінің қорғаныс бөгетін бойлай салынатын С.Бейбарыс көпіріне дейінгі магистралды көше құрылысына 1 145,5 млн. теңге, Қызылорда қаласындағы саяжай ауданының солжағалау бөлігінде магистралды көше құрылысын бастау 356 млн. теңге бағытталды», – деді облыстық жолаушылар көлігі және автомобиль жолдары басқармасының басшысы Мұрат Тілеумбетов.
</blockquote>
<img src="https://kyzylorda-news.kz/wp-content/uploads/2021/02/153992489_3151421871627527_3501008053760628671_o.jpg" alt="" />
Ал, «Ауыл – ел бесігі» бағдарламасы бойынша республикалық бюджеттен 29 жобаға 852,4 млн. теңге қаражат бөлінген. Бұл қаржыға Қазалы ауданының Әйтеке би кенті, Қармақшы ауданының Төретам кенті, Сырдария ауданының Тереңөзек кенті мен Жалағаш ауданының Таң ауылының көшелері реттелмек.
Сонымен қатар, «Кіші қалаларды дамыту» бағдарламасы аясында республикалық бюджеттен 1 351,0 млн. теңге қаржыға Арал және Қазалы қалаларының көшелері қайта жаңғыртылады.
Мұнан бөлек, облыстық бюджеттен 145 млн. теңге бөлініп, облыстық маңызы бар жолдардың бойындағы 5 апаттық жағдайдағы көпірге және Қазалы ауданындағы Қарлан учаскесінде Сырдария өзені арқылы көпір салуға жобалау-сметалық құжаттамалары әзірленіп, мемлекеттік сараптамадан өткізілуде.
Өңір басшысы Гүлшара Әбдіқалықова басқарма басшысына жоспардағы жұмыстардың ауқымдылын айтып, көпірлер мен жол құрылыстарының сапалы әрі уақытында аяқталуын қатаң тапсырды.
<img src="https://kyzylorda-news.kz/wp-content/uploads/2021/02/153742955_3151421881627526_3115844433281687994_o.jpg" alt="" />

Қызылордада 284 км автомобиль жолдары мен көпір өткелдері және көшелер жөндеуден өтеді

<h3 id="kyzylordanewskzhttpskyzylordanewskz"><a href="https://kyzylorda-news.kz/">Kyzylorda-news.kz.</a> Астролог бірқатар жұлдыз белгілері денсаулықтарына, рухани дамуына және жоспарларын жүзеге асыруына уақыт бөлуі керектігін айтады.</h3>
Тоқты
Өміріңіздегі шиеленіс&nbsp;азая түседі, шамамен 20 наурызға дейін жан дүниеңізді танып-білуге, ішкі жан тыныштығын сезінуге мүмкіндік болады. Соның арқасында&nbsp;өзіңізді әлемге таныта аласыз. Егер тыныштығыңызды қажетсіз әбігершілікпен бұзбасаңыз, мұның бәрі осылайша жүзеге асады. Жалпы, бұл айда тыныштықта болуға кеңес беріледі.
Торпақ
Ақпан айында кейбір істер жүзеге аспай, алға қойған күрделі мақсатты шешуіңіз керек болатын, енді барлық жолдар ашық және әрі қарай қимылдауға болатын сияқты көрінеді.&nbsp;Бірақ,&nbsp;өкінішке орай, бұрынғы мәселелердің орнына жаңалары келуі&nbsp;мүмкін. Енді сіз ойға түйгеніңізді&nbsp;қалай ақшаға айналдырып, ақпан айында қабылданған шешімдерден қалай пайда көру керектігін ойланасыз. Дегенмен бұл оңайға түспейді.
Егіздер
Ай сіз үшін өте белсенді және тиімді болады: кәсіппен немесе спортпен айналыссаңыз да, күтілетін нәтиже керемет болмақ. Кенеттен сіз осыдан біраз уақыт бұрын өзіңіз жасаған жоспарларды бірден және біршама түзету керектігін түсінесіз. Наурыз сіз үшін екі жолдың тоғысуы іспеттес. Қандай таңдау жасау керектігін тез шешуге кеңес беріледі. Егер сіз&nbsp;біреудің кеңесін, сараптамалық пікірін, қосымша ақпаратын қолдансаңыз, таңдау жасау оңайырақ болады, мұның бәрі сіз үшін наурыз айында артық болмас.&nbsp;
Шаян
Сіз үшін наурыз айы – ойға бекіну, таным көкжиегіңізді кеңейту, маңызды нәрсе туралы ойлау қажет болатын уақыт. Рухани жағдайыңызға назар аударған жөн. Наурыздағы барлық іс-әрекеттеріңізді – тек сіз үшін емес, бүкіл әлемге қаншалықты пайдалы екенін, олардың қаншалықты дамытып, адам табиғатында бар керемет, таза жақсылыққа жетелейтінін&nbsp;бағалауға тырысыңыз.
Арыстан
Жақында туындаған және сіз қазір одан құтылуға тырысып жатқан дағдарыс пен дау-дамайды шын мәнінде шешуге болады. Не істеу керек дейсіз ғой? Қазір сіз жауап таппай, өз қолыңызбен жасаған қиын жағдайдан шығудың жолын көрмейсіз, бірақ ол бар және сіз ойлағандай&nbsp;қиын емес. Соңғы уақытта көп күш қажет еткен кейбір істерді қоя тұрыңыз. Сізді абыржытып, қинаған, күшіңізді және ресурстарыңызды азайтқан істердің бір бөлігінен бас тартуыңыз керек. 20 наурыздан кейін барлығы өз қалпына келеді.
Бикеш
Наурыз айында жақын адамыңыз сіз үшін нәзіктіктің, сүйіспеншіліктің, жағымды эмоциялардың, кешірімінің қайнар көзі болады, бірақ сіз оның істеріне түсінбестікпен қарайсыз. Білместік, шиеленіскен жағдай орын алады. Мәселені ұғынуға тырыспаңыз. Қазір айқайлап, дәріс оқитын немесе жақын адамыңыздың өмірін қандай да бір жолмен ұйымдастыруға тырысатын уақыт емес. Таңдауыңыз бар: осы ретсіз істер ағынына ену, немесе шетке қадам жасап, кету. Қалағаныңызды істеңіз.
Таразы
Денсаулық туралы ойланатын кез келді. Кейбіреулер үшін көктем – құстардың әні, бірақ сіз үшін тізедегі ауырсынуды байқап, қан қысымын өлшеу керек. Таразы жұлдыз белгілері – шындықты эстетикалық тұрғыдан қабылдайтын адамдар, сондықтан сізге билирубин немесе колоноскопия сөздері де эстетикалық жағымды естілуі мүмкін. Егер сіз өзіңізді дұрыс жолға қойсаңыз, онда жалпы алғанда не істеу керектігін білесіз.
Сарышаян
“Ойыннан өрт шығады” демекші сіздерге осы айда абайлық танытқан жөн. Шығармашылықпен айналысып көріңіз, бірақ тым асыра сілтемеңіз. Ата-аналар “бала – сіздің айнаңыз” екенін ұмытпаңыз. Егер балаңыз қандай да бір жағымсыз мінез-құлық көрсетсе, оған өзіңіз себепші болдыңыз деп ойлаңыз. Демек, сіз дұрыс тәрбие бере алмағандығыңыз. Ақыр соңында, наурыз айында Сарышаяндардың махаббатта жолдары болады. Қапы қалмаңыз!
Мерген
Жақсы жаңалықтар үйдегі және отбасы мүшелерінің арасындағы қарым-қатынасты жақсартады деп есептеледі, ал 2021 жылғы наурызда Мергендердің барлық үй ішін біріктіретін ортақ тақырып келіспеушіліктер болуы мүмкін. Өкінішке орай, кішігірім, бірақ өте жарқын оқиға сіздің назарыңызды аударып, айналаңызға барлық жақындарыңызды жинауыңызды қажет етуі мүмкін. Міне, осылайша күнделікті қиындықтар кейде үй ішіндегі жағдайды жақсартатын фактор болуы мүмкін.
Тауешкі
Сіз белгілі бір қадам жасамас бұрын әрдайым байыптылық танытасыз, алайда&nbsp;жағдайға жеңіл қарау қажет жерде, үнемі әбігерге түсесіз. Наурызда бұл әдіс іске аспайды – өмір ағымына беріліңіз, күш салмаңыз, алдын ала ешнәрсе ойламаңыз, оқиғалар сізді алға жетелесін. Сонымен қатар&nbsp;жаңа танысуларға назар аударыңыз, өйткені наурыздың бірінші жартысында олар сізді рухани байытып, өміріңізде&nbsp;маңызды орынға ие болады. Алайда наурыз айының соңындағы кездейсоқ танысулар күмәнді болуы мүмкін. Бастысы, олар алаяқтар немесе сіздің әмияныңызға, басқа да құндылықтар мен мүліктеріңізге қол сұғатын адамдар болмаса игі.
Суқұйғыш
Жақында жаңа мақсаттар қойып, сол бағытта қозғалуға мүмкіндік берген Суқұйғыш белгісінің қуатты ғаламшарлар тобы басқа жұлдыз белгілеріне сәйкес біртіндеп ауыса бастайды. Келген қонақтар екі бокал, екі тосттан кейін біртіндеп тарай бастағанға ұқсас, бірақ бұл кешті одан әрі қажытады. Сізде де солай – бәрі басталды, бірақ дәл осы наурызда қосымша &nbsp;маңызды ақпарат толықтырылып, сізге жаңа мүмкіндіктер ашылады. Айдың жағымсыз фактісі – бәріне ақша төлеуіңіз керек болады, қаражат дайындағаныңыз жөн.
Балықтар
Балықтар – наурыздың нағыз патшалары мен патшайымдары, оларға барлық назар аударылатын болады. Олар керемет көрінеді, өздерінің дарындылығын, мүмкіндіктерін, кәсібилігін көрсете алады, әлемге өзін асқан әдемілігімен таныта алады. Наурызда барлық Балықтар өмірлерінің барлық ұсақ-түйектері көпшілікке мәлім болатындай блогер режимінде өмір сүреді деп айтуға болады. Бұл жақсы сияқты, бірақ сіз үшін жағдай күрделі, эмоционалды түрде қиын. Егер сіз кенеттен бірдеңені жасырғыңыз келсе немесе көпшіліктің көзіне көрсеткіңіз келмесе, мұны істеу қиын болады.
<a href="https://stan.kz/2021-zhildin-naurizi-kanday-bolmak-astrolog-barlik-zhyl-343712/">Stan.kz</a>

2021 жылдың наурызы қандай болмақ? Астролог барлық жұлдыз жорамал белгілеріне болжам жасады

<a href="https://kyzylorda-news.kz/">Kyzylorda-news.kz.</a>&nbsp; «Оңтүстік» өңірлік қолбасшылығы әскерлері қолбасшысы басқармасының офицерлері Қызылорда гарнизоны әскери бөлімінің жауынгерлік жоспарға сай әзірліктерінің барысы мен моральдық жай-күйіне кенеттен тексеру жүргізді.
Комиссияның қауырт тексеруі үш күнге созылды. Санитарлық-эпидемиологиялық талаптарды сақтай отырып ұйымдастырылған тексеріс әрбір әскери қызметшінің моральдық-психологиялық жағдайын, мемлекеттік-құқықтық дайындығын, сондай-ақ, атыс және дене шынықтыру нәтижелерін анықтаумен басталды. Осыған қоса, әскери топография, медицина, инженерлік және артиллериялық даярлық сияқты тағыда басқакөптеген әскери салалар бойынша нормативтер, сауалнамалар, тесттер мен сынақтар алынып кәсіби шеберліктеріне баға берілді.
Тексерудің басты мақсаты – әскери қызметшілердің оқу кезінде алған теориялық және тәжірибелік әскери білімдеріне, сондай-ақ техниканың, қару-жарақтың және тыл қызметінің жай-күйіне баға беру, түсіндірме жұмыстарын жүргізу.
<blockquote>
 «Қауырт тексеру – бұл әскери бөлімнің жауынгерлік даярлығын анықтаудың ең тиімді тәсілі. Жауынгерлік даярлықты кенеттен тексеру барысында жеке құрамның іс-қимылдарды үйлестіруі, жауынгердің өз міндетін түсінуі және қойылған тапсырмаларды кәсібилікпен орындауы кезең-кезеңімен жетіле түседі»,–дейді коммиссия төрағасы, подполковник Ербол Серғазин.
</blockquote>
Өңірлік қолбасшылықтан келген әскери саланың тәжірибелі офицерлері жеке құрамды тексеріп қана қоймай, нұсқау беру-әдістемелік сабақтар да өткізді. Әскери бөлімде өтіп жатқан арнайы взводтық тактикалық оқу-жаттығуы да назардан тыс қалмады.
Алдағы уақытта Қарулы Күштерде өтетін «Алтын жебе-2021» арнайы кешенді тексерісі алдындағы бөлімдегі арнайы мақсаттағы барлау бөлімшелерінің жауынгерлік тапсырмаларды дер кезінде орындауына, жауынгерлердің далалық дайындығының деңгейіне де бақылау жүргізілді. Сонымен қоса, кешенді тексеріс кезіндекәсіби және жауынгерлік даярлықты арттыру бойынша бірқатар нұсқаулар айтылды.
Қорыта келе, бөлімнің жеке құрамы тарапынан кенеттен жүктелген тапсырмалар толық орындалып, атыс даярлығының жақсы деңгейі мен бөлімшелердің өзара үйлесімділігі байқалды.
<img src="https://kyzylorda-news.kz/wp-content/uploads/2021/02/1-3.jpg" alt="" />
<img src="https://kyzylorda-news.kz/wp-content/uploads/2021/02/3-1.jpg" alt="" />

Ербол Серғазин: Қызметтік тексерудің ұтымды тұстары көп

<a href="https://kyzylorda-news.kz/">Kyzylorda-news.kz.</a> Ұлттық қоғамдық сенім кеңесінің 5-ші отырысында Қазақстан президенті Қасым-Жомарт Тоқаев елдегі медициналық оқу орындарында оқитын студенттердің шәкіртақысын көбейту керектігін айтты.
<blockquote>
 “Бұған дейін біз педагогикалық жоғары оқу орындарында оқитын студенттердің стипендиясын көтеру туралы шешім қабылдадық. Бұл қадам өз жемісін берді. Сондықтан медициналық оқу орындарындағы стипендияны көбейту қажет”, – деді Тоқаев.
</blockquote>
Президент шәкіртақы көлемінің нақты неше есе көбейетінін ашып айтпады.

Медициналық оқу орындары студенттерінің шәкіртақысы көбейеді

<a href="https://kyzylorda-news.kz/">Kyzylorda-news.kz.</a> Қазақстанда егер халықаралық шарттардың өзге қатысушылары өз міндеттемелерін орындамаған жағдайда аталған келісімнің немесе олардың жекелеген ережелерінің іске асырылуын тоқтату, сондай-ақ, жауап шараларын қабылдау тәртібі заңмен белгіленді.
Бұл нормалар бүгін Сенат отырысында депутаттар қабылдаған «Қазақстан Республикасының халықаралық шарттары туралы» Қазақстан Республикасының Заңына өзгерістер мен толықтыру енгізу туралы» заңда жазылған, деп хабарлайды Сенаттың баспасөз қызметі.
Сенат Төрағасы алдағы уақытта бұл заң еліміздің ұлттық мүдделерін қорғауды күшейтуге өз үлесін қосатынына сенім білдірді.
<blockquote>
 «Бүгін қабылданған заң халықаралық деңгейде ұлттық мүдделерімізді қорғауға қосымша мүмкіндіктер береді. Бұдан былай, халықаралық келісімнің екінші тарабы өз міндеттемелерін орындамаған немесе тиісінше орындамаған жағдайда Қазақстан тарапынан жауап шараларын қабылдауға жол ашылады. Осы мақсатпен құжатта халықаралық шарттардың немесе олардың жекелеген ережелерінің орындалуын тоқтата тұру туралы нормалар қарастырылған», – деді Мәулен Әшімбаев.
</blockquote>
Сонымен қатар сенаторлар «Қазақстан Республикасы мен Корея Республикасының арасындағы сотталған адамдарды беру туралы шартты ратификациялау туралы» заңды қарап, қабылдады. Осы құжатқа сәйкес енді мемлекеттердің бір-біріне сотталғандарды беруіне мүмкіндік туады. Ол үшін жасалған іс-әрекет екі елде де қылмыс ретінде танылуға тиіс және сотталғандарды беруге қос мемлекет те келісуі қажет. Ал сотталған азаматтың өзінен кері оралуды растайтын жазбаша келісім болуы керек. Қазақстан Республикасынан Шарт ережелерін іске асырушы орталық орган ретінде Бас прокуратура белгіленді.
Сондай-ақ Сенат отырысында депутаттар «1993 жылғы 22 қазандағы Қазақстан Республикасы мен Моңғолия арасындағы азаматтық және қылмыстық істер жөніндегі өзара көмек туралы Шартқа өзгерістер енгізу туралы хаттаманы ратификациялау туралы» заңды да қабылдады. Бұл құжатта азаматтық және қылмыстық өндіріс саласында құқықтық көмек көрсету бойынша сот және құқық қорғау органдарының нақты міндеттері көрсетілген.
Одан бөлек, Палатаның жалпы отырысында бірқатар депутаттық сауал жолданды. Депутат Мұрат Бақтиярұлы ашаршылық тақырыбын жан-жақты зерттеу мәселесін көтеріп, осы бағыттағы жұмыстарды күшейту қажет екенін айтты. Ал сенатор Сұлтан Дүйсембинов аграрлық секторды дамытудың негізгі факторларының бірі саналатын ауылшаруашылық ғылымын қолдау мәселесін сөз етті. Сенат депутаты Ләззат Сүлеймен жоғары білімді заңгерлер даярлауға қатысты түйткілдерді қозғап, осы саладағы проблемаларды шешу жолдарын ұсынды. Сенатор Дана Нұржігіт Қазақстан халқының ұлттық құндылықтарын дәріптейтін телевизиялық өнімдерді көбейту керектігін айтса, депутат Динар Нөкетаева Алматыдағы мектептердің біріне Қазақстанның еңбек сіңірген мұғалімі, Социалистік Еңбек Ері, биыл туғанына 100 жыл толып отырған ғалым, педагог Рафиқа Нұртазинаның есімін беруді ұсынды.
<a href="https://24.kz/kz/zha-aly-tar/sayasat/item/457753-khaly-araly-de-gejde-aza-stanny-ltty-m-ddesin-or-audy-k-shejtetin-za-abyldandy">Хабар 24</a>

Халықаралық деңгейде Қазақстанның ұлттық мүддесін қорғауды күшейтетін заң қабылданды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының ауыл оқушылары еліміздің жетекші мектептеріндегі орындарға таласады.
Ауыл мектептерінің оқушылары арасында өтетін «Мың бала» Ұлттық Олимпиадасына қатысуға өтінімдер қабылдау басталды. Тіркеу 24 ақпанда басталып, 24 наурызға дейін жалғасады. Олимпиада жеңімпаздары дарынды балаларға арналған мамандандырылған мектептер мен Елбасы Академиясының Вirge oqý онлайн-мектебінде оқуға мүмкіндік алады. Қатысуға Қазақстанның ауылдық мектептерінде соңғы екі оқу жылында білім алып жатқан 5 және 6-сынып оқушылары шақырылады.Естеріңізге сала кетейік, 2020 жылы Қызылорда облысының 75 оқушысы еліміздің жетекші мектептерінде білім алуға мүмкіндік алды. Тағы 238 оқушы Елбасы Академиясының Вirge oqý онлайн мектебінде оқиды.
<blockquote>
 «Түрлі олимпиадаларды өткізу тәжірибесі ауыл балаларының аз қатысатынын көрсетеді. Статистика бойынша облыстық және республикалық олимпиадаларға ауылдық мектеп оқушыларының 13-14%-ы қатысады, бұл олардың дайындық деңгейіне және олимпиада өткізілетін орындардан алшақтығына байланысты. Осыған байланысты Нұрсұлтан Назарбаев Қоры ауыл оқушыларын ғана қамтитын «Мың бала» ұлттық олимпиадасын өткізеді», – деп хабарлады «Елбасы Академиясы» Корпоративтік Қорының басқарушы директоры Ануар Жанғозин.
</blockquote>
«Мың бала» олимпиадасы екі кезеңнен тұрады. Бірінші кезең логикалық және кеңістіктік ойлауды бағалауды қамтиды. Тестілеу онлайн форматта өтеді. Өңірлер бойынша ең жоғары қорытынды балл жинаған бес мың оқушы олимпиаданың екінші кезеңіне жолдама алады.
Екінші кезеңде қатысушылар математикалық сауаттылық, қазақ тілінде білім алатын оқушылар қазақ тілі, орыс тілінде білім алатын оқушылар орыс тілі, ағылшын тілі және жаратылыстану пәндері бойынша академиялық білімді бағалау үшін компьютерлік тестілеуден өтеді. Екінші кезең өңірлік тестілеу орталықтары базасында ұйымдастырылады.
Олимпиадаға тіркелуді 1000bala.elbasyacademy.kz сайтында жүргізуге болады.
Олимпиада жеңімпаздары еліміздің дарынды балаларға арналған жетекші мектептерінде: «Білім-Инновация» лицейлерінде, Республикалық физика-математика мектептерінде және «Дарын» мамандандырылған мектептерінде оқуға мүмкіндік алады. Олимпиаданың бес мың финалисі Елбасы Академиясының «Вirge oqý» онлайн-мектебінде тегін оқи алады.
2020 жылы «Мың бала» олимпиадасына 295 мың оқушы қатысты. Олимпиада Қазақстан Республикасының Тұңғыш Президенті – Елбасының Еl Úmiti – талантты жастарды анықтау және қолдау бастамасы аясында өткізіледі. Олимпиаданы Елбасы Академиясы ҚР Білім және ғылым министрлігімен бірлесіп ұйымдастырады.

«Мың бала» Ұлттық олимпиадасына қатысуға өтінім қабылдау басталды

<a href="https://kyzylorda-news.kz/">Kyzylorda-news.kz.</a>&nbsp;Аудан әкімдерінің тікелей сайлау 2024 жылы өткізу керек деп санаймын. Бұл туралы Ұлттық қоғамдық сенім кеңесінің бесінші отырысында ҚР Президенті Қасым-Жомарт Тоқаев мәлім етті, деп хабарлайды <a href="https://lenta.inform.kz/kz/tokaev-audan-akimderin-saylaudy-2024-zhyly-otkizudi-usyndy_a3757508">ҚазАқпарат.</a>
<blockquote>
 «Келесі маңызды қадам – аудан әкімдерінің тікелей сайлауы. Мен бұл сайлауды 2024 жылы өткізу керек деп санаймын. Осы бастама елімізді демократияландыруға және жергілікті басқару институтын нығайтуға елеулі үлес қосады деп сенемін. Түптеп келгенде, аудандарда сайлау өткізу – халық билігін ортанудың айқын көрінісі болмақ. Сондықтан құзырлы мемлекеттік органдарға қажетті дайындық жұмыстарын жүргізуді тапсырамын», – деді Мемлекет басшысы.
</blockquote>
Бұдан бұрын хабарланғандай, Ұлттық кеңес отырысында Президент қолжетімді әрі сапалы үй салуды жандандыру үшін құрылыс компанияларымен оффтейк, яғни алдын ала сатып алу келісімін&nbsp;жасау керектігін айтты<a href="https://www.inform.kz/kz/turgyn-uyler-nurly-zher-bagdarlamasyndagy-bagamen-satyp-alynady-memleket-basshysy_a3757499">.</a>
<blockquote>
 «Соған сәйкес, тұрғын үйлер «Нұрлы жер» бағдарламасындағы бағамен сатып алынады. Мұндай тәсіл сынақ жобалары аясында алдын ала пысықталды. Енді мұны бүкіл ел бойынша жүзеге асырған жөн. Бұл қадам аз уақыттың ішінде құны қолжетімді жаңа тұрғын үйлер салуға мүмкіндік береді», – деді Қ. Тоқаев.
</blockquote>

Тоқаев аудан әкімдерін сайлауды 2024 жылы өткізуді ұсынды

<a href="http://kyzylorda-news.kz./">Kyzylorda-news.kz.</a> Қызылорда қаласында белгілі журналист, небәрі 24 жасында тікұшақ апатынан қаза тапқан Сахитжан Бермағанбетовке көше атауы берілді.
Республикалық ономастика комиссиясының 2021 жылғы 3 ақпандағы қорытындысына сәйкес Қызылорда облысы әкімдігінің қаулысымен Сәулет-30 көшесі Сахитжан Бермағанбетов есімімен аталатын болды.&nbsp;
Сахитжан Бермағанбетов&nbsp;1982 жылы&nbsp;Арал ауданы Қарақұм ауылында дүниеге келген. Тележурналист Қорқыт Ата атындағы Қызылорда мемлекеттік университетін бітірген.
Студент кезінен бастап қалалық “Қоғам ТВ” телеарнасында редактор, хабарлардың авторы мен жүргізушісі, “Қазақстан Қызылорда” телеарнасында редактор қызметін атқарып, осы арнаның “Түйін” ақпаратты сараптау бағдарламасын жүргізді.
2007 жылы облыс әкімінің баспасөз хатшысы, баспасөз орталығының жетекшісі болды. Жас та болса өзінің өткір тілімен, батылдығымен ұшқыр ойлы журналист екенін көрсете білген Сахитжан Бермағанбетов халықтың сүйікті ұлына айналды.
Ол бірнеше рет облыстық, республикалық деңгейдегі телебайқаулардың жеңімпазы болды. Журналист 2008 жылы тікұшақ апатынан қаза тапты.

Сахитжан Бермағанбетовтың атына көше атауы берілді

<a href="https://kyzylorda-news.kz/">Kyzylorda-news.kz.</a> Шетелдіктерге жерді сатуға заң жүзінде біржола тыйым салынады. Бұл туралы Ұлттық қоғамдық сенім кеңесінің 5-отырысында ҚР Президенті Қасым-Жомарт Тоқаев айтты.
<blockquote>
 «Халқымыз үшін жер мәселесі қашанда аса маңызды. Бұл – мемлекеттігіміздің берік негізі және қасиетті символы. Қазақтың жері шетелдіктерге сатылмайды деп бірнеше рет айттым. Бұл мәселеге қатысты қауесеттерді тоқтату қажет. Сондықтан, мен мынадай нақты шешімдер қабылдадым. Біріншіден, шетелдіктерге және шетелдік заңды тұлғаларға ауыл шаруашылығы жерлерін сатуға, жалға беруге заң жүзінде біржола тыйым салуды тапсырамын. Бұл шетелдіктердің үлесі бар заңды тұлғаларға да қатысты», – деді Қазақстан Президенті.
</blockquote>
Мен мұны Президенттің заң шығару бастамасы арқылы жедел түрде жүзеге асыру қажет деп шештім. Президент Әкімшілігі дәл осы мәселеге байланысты тиісті заң жобасын әзірлеуі керек.
<a href="https://lenta.inform.kz/kz/kr-prezidenti-sheteldikterge-zher-satuga-zan-zhuzinde-birzhola-tyyym-saludy-tapsyrdy_a3757507">ҚазАқпарат</a>

ҚР Президенті шетелдіктерге жер сатуға заң жүзінде біржола тыйым салуды тапсырды

<a href="https://kyzylorda-news.kz/">Kyzylorda-news.kz.</a> Жұмысшыларға арнап ауылда үй салған кәсіпкерлерге шығынның 50 пайызы қайтарылады. Бұл туралы бүгін Ұлттық қоғамдық сенім кеңесінің 5-інші отырысында ҚР Президенті Қасым-Жомарт Тоқаев айтты.
<blockquote>
 «Кәсіпкер өз жұмысшыларына арнап ауылда үй салса, мемлекет оған кеткен шығынның 50 пайызына дейін қайтаратын болады. Бұл қай жағынан алып қарасақ та, бәріне пайдалы», – деді Мемлекет басшысы.
</blockquote>

Қасым-Жомарт Тоқаев: Кәсіпкер жұмысшыға арнап ауылда үй салса, мемлекет шығынның 50% қайтарады

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаевтың қатысумен Ұлттық қоғамдық сенім кеңесінің бесінші отырысы басталды, деп хабарлайды <a href="https://lenta.inform.kz/kz/prezidenttin-katysuymen-ulttyk-kogamdyk-senim-kenesinin-otyrysy-bastaldy_a3757453">ҚазАқпарат</a>.
Отырыс онлайн форматта өтіп жатыр.
Жиында бұрын айтылған ұсыныстар, сондай-ақ бірқатар жаңа бастамаларды іске асыру мәселелері талқыланбақ.

Қазақстан және Қызылорда облысының жаңалықтары