<a href="https://kyzylorda-news.kz/">Kyzylorda-news.kz</a>. Қызылордалық тұрғынның үйіне келген қонағы қолма-қол ақша карточкасын ұрлап кеткен. Кейін оның сол карточка арқылы «Арай Сити» сауда үйінен 45 000 теңгеге сауда жасаған белгілі болады.
Полиция қызметкерлерінің жедел әрекетінің арқасында күдікті ұсталды. Ол 1999 жылы туған, бұрын сотты болмаған тұрғын болып шықты.&nbsp;&nbsp;
<blockquote>
 «Күдіктіге қатысты ешқайда кетпеу және өзін дұрыс ұстау туралы қолхат түрінде бұлтартпау шарасы қолданылды. Ол жасаған іс – әрекетін толығымен мойындап&nbsp;қазіргі уақытта ҚР ҚК 188-бабының 1-бөлігі (Ұрлық, яғни&nbsp;бөтеннің мүлкін жасырын жымқыру) бойынша сотқа дейінгі тергеу жүргізілуде», – делінген полиция департаментінің хабарламасында.
</blockquote>

Қызылордада өзгенің карточкасымен сауда жасаған ұры ұсталды

&nbsp;<a href="https://kyzylorda-news.kz/">Kyzylorda-news.kz</a>. Сенатор Ақмарал Әлназарова Қазақстанда балалар арасында артық салмақ қосу көбейіп бара жатқаны туралы айтты, деп хабарлайды <a href="https://lenta.inform.kz/kz/senator-balalardy-ziyandy-tamak-onimderinin-zharnamasynan-korgaudy-surady_a3723319">ҚазАқпарат.</a>
<blockquote>
 «Қазақстандағы балалар майлы, қанты мен тұзы көп өнімдердің көлемді маркетингінің ықпалында қалғанын мойындау керек. Бұл біздің балаларды ауқымды маркетинг әсерінен қорғау және шектеу қажеттігін көрсетеді», – деді депутат Сенаттың жалпы отырысында жариялаған депутаттық сауалында.
</blockquote>
Қазақстандық ұлттық қоғамдық денсаулық сақтау орталығының зерттеушілері мониторинг жүргізіп, мемлекеттік теледидардағы тамақ өнімдері жарнамасының ауқымы мен сипатына баға берді. Алты ұлттық телеарнадағы, оның ішінде балалар арнасынан 10 мыңнан астам жарнама қаралып, шамамен 370 сағат эфир уақытын құрайтыны анықталды. Сенатор зиянды тамақ өнімдері мен алкогольсіз сусындардың маркетингі балалардың шамадан тыс толысуының көбейіп кетуіне тікелей байланысты деп санайды.
<blockquote>
 «Орташа алғанда, 8-10 жас аралығындағы балалардың 25,7 пайызы теледидар көруге екі немесе одан да көп сағат уақыты кетеді және күніне шамамен 13 тамақ жарнамасын, ал жылына 4 700 жарнама көреді. Теледидардағы барлық жарнаманың 32,8 пайызы азық-түлік өнімдерінің жарнамасы. Ең жиі жарнамаланатын тағам өнімдерінің қатарында құрамында қанты бар сусындар тұр, олардың мөлшері 22 % болса, шоколад пен энергетикалық батондарға қатысты 17 пайыз болды», – деді Ақмарал Әлназарова.
</blockquote>
Сенатор еліміздің заңнамалық актілеріне зиянды тамақ өнімдерінің маркетингін шектейтін және реттейтін, дұрыс тамақтану туралы ақпаратты барлық БАҚ-та , соның ішінде интернетте толық көлемде алуға құқық беретін тиісті өзгерістер мен толықтырулар енгізу мүмкіндігін қарауды сұрады.

Сенатор балаларды зиянды тамақ өнімдерінің жарнамасынан қорғауды сұрады

&nbsp;<a href="https://kyzylorda-news.kz/">Kyzylorda-news.kz</a>. Сыр елінде агросаланы автоматтандыру процесі қарқынды жүруде. Еңбек өнімділігі мен өңделген өнім экспортының көлемін арттыру үшін Агроөнеркәсіптік кешенді цифрландырудың тиімділігі зор.
Аймақта агроөнеркәсіптік кешенін цифрландыру мақсатында егіншілік саласы бойынша «нақты егіншілік» элементтерін енгізу және мал шаруашылығы саласы бойынша «ақылды фермалар» құру жұмыстары жүргізілуде. Сонымен бірге Шиелі ауданында «Ақмая» шаруа қожалығының базасында «нақты егіншілікке» арналған «Akmaya Smart Farm» цифрлық платформасы жасалып, жоба іске асырылды. Жоба аясында шаруашылықтың 800 гектар егіс алқабына цифрландыру жұмыстары жүргізіліп, алынған деректер өңделді.
Өңделген деректер негізінде алқаптың электрондық картасы және алынған топырақ үлгілері бойынша топырақтың агрохимиялық картограммалары әзірленген.
Шаруашылықтың қолда бар барлық ресурстарына кешенді аудит (техника, қызметкерлер, егіс алқаптары мен олардың пайдалану тарихы, өнімділігі, дақыл сорттары және т.б.) жүргізілді. Жоғарыда аталған барлық деректер «Akmaya Smart Farm» цифрлық платформасына жинақталды. Нәтижесінде шаруашылықтың өндірісі артып, тыңайтқыштарды оңтайлы пайдалану есебінен 14 млн. теңге қаржысы үнемделді.
«Ақмая» пилоттық шаруашылығы аймақтағы барлық фермерлер үшін демонстрация алаңына айналып, әрбір фермерге өз табысын қалай арттыруға болатыны, көбірек түсім алуы, тәуекелдерді басқаруы, техникамен жұмыс істеуі мәселелерін шешуге мүмкіндік берді.
Сонымен қатар, облыста «Мағжан и К» ЖШС-мен елімізде бірінші сандық күріш өңдеу зауытының құрылысы бойынша жоба іске асырылды.
Ауыл шаруашылығы техникаларының бірыңғай мемлекеттік тізілімін қалыптастыру мақсатында «Автопоиск» бағдарламасы іске қосылып, жобалық деңгейде қызмет көрсетуде. Мұнан бөлек, күріштің егістік алқаптарының жай-күйін ғарыштық мониторингілеу жобасы басталған. Жоба өз кезегінде жерді қашықтықтан зондтау, күріш егісі алқабының электронды карта-сұлбасын әзірлеп, мониторингілеу арқылы күріш себу мерзімдерін және нақты егілген көлемін анықтауға, егіс алқабындағы жылу ресурстарының жиналу динамикасын зерделеуге, күріш егістігінің ластануы мен тұздануын спутниктік бағалауға мүмкіндік береді.
Мал шаруашылығы бағытында жылжымалы станок-фиксатор, ауыспалы жүктемелік, автоматты суарғыш жылытатын құрылғылар, баламалы энергия көздері және GPS-навигаторлары пайдаланылуда. Сонымен қатар, ауыл шаруашылығы өнімдерінің электронды саудасын жүйелендіру және агроөнеркәсіп кешенінің экспорттық әлеуетін арттыру мақсатында «Агробиржа» электрондық сайты жұмыс жасауда.

Қызылордада агросаланы автоматтандыру арқылы өнім өндіру көлемі артуда

2021 жылғы атаулы күндер мен мерейтойлар

&nbsp;<a href="https://kyzylorda-news.kz/">Kyzylorda-news.kz</a>. Қазақстанда 820 адам коронавирус жұқтырған, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Коронавирусқа қатысты 25 қараша 23:59-дағы эпидемиологиялық жағдай бойынша, Қазақстанда 820 адам коронавируспен ауырғаны ПТР арқылы расталды.
Аймақтар бойынша:
Нұр-Сұлтан қаласы – 77 
Алматы қаласы – 77 
Шымкент қаласы – 11 
Ақмола облысы – 75 
Ақтөбе облысы – 7 
Алматы облысы – 30 
Атырау облысы – 14 
Шығыс Қазақстан облысы – 164 
Жамбыл облысы – 14 
Батыс Қазақстан облысы – 37 
Қарағанды облысы – 19 
Қостанай облысы – 63 
Қызылорда облысы – 3 
Маңғыстау облысы – 3 
Павлодар облысы – 110 
Солтүстік Қазақстан облысы – 114 
Түркістан облысы – 2
Жалпы ел бойынша ауырғандар саны 128 400.

Өткен тәулікте Қызылордада 3 адам коронавирус жұқтырған

<a href="https://kyzylorda-news.kz/">Kyzylorda-news.kz</a>.&nbsp; Қызылорданың белсенді жастары облыстық “Nur Otan” партиясы төрағасының орынбасары Алтынбек Жарылқасыновпен кездесті.
Кездесу аясында Алтынбек Шәкімаұлы «Jas Otan» Жастар қанатының облыстық 2025 жылға дейінгі «Jastar-Otanga!» бағдарламасының жобаларын талқылады.
<blockquote>
 «Еліміздің әрбір екінші тұрғыны 30 жасқа толмаған. Бүгінгі таңда Сыр жастары жастарға қатысты мәселерді ашық талқылап, шешу механизімдерін ұсынып келеді. «Жастар-Отанға!» – еліміздің жастарын қамтитын өте ауқымды жоба. Бұл бағдарлама жастар өмірінің барлық саласын қамтитын 5 бағыттан тұрады. Аталмыш бағыттар бойынша Қызылорда облысының жастарына қатысты мәселер ашық талқыланып, шешу механизімі ұсынылды.” – деді А.Жарылқасынов.
</blockquote>
Сонымен қатар, облыстық «Jas Otan» ЖҚ төрағасы Ә.Қардашов «Nur Otan» партиясының «ӨЗГЕРІСТЕР ЖОЛЫ: ӘР АЗАМАТҚА ЛАЙЫҚТЫ ӨМІР!» сайлауалды бағдарламасында жастардың өмір сүру деңгейін көтеру, әлеуметтік ахуалын жақсарту және дамыту үшін жасалған мүмкіндіктерге тоқталды.
Өз сөзінде ол жастарды патриотизм рухы мен күнделікті жеке тұлға ретінде дамытудың маңыздылығын атап өтті.
<blockquote>
 “Жастардың өз қабілетін жүзеге асыруына, еліміздің қоғамдық-саяси өміріне араласуына, білім алуына және еңбек етуіне партия тарапынан барлық мүмкіндіктер жасалуда”, – деп түйіндеді.
</blockquote>
<img src="https://kyzylorda-news.kz/wp-content/uploads/2020/11/127202223_1048902358855607_9215462814357671718_n.jpg" alt="" />

&#8220;Jastar-Otanga&#8221; бағдарламасының берері мол

<a href="https://kyzylorda-news.kz/">Kyzylorda-news.kz</a>. «Қазгидромет» РМК 26 қараша күні ауа райының бұзылуына байланысты бірнеше өңірде ескерту жариялады, деп хабарлайды <a href="https://lenta.inform.kz/kz/tuman-koktaygak-4-onirde-eskertu-zhariyalandy_a3723035">ҚазАқпарат.</a>
Атап айтқанда,&nbsp;Қостанай облысының&nbsp;кей жерлерінде тұман күтіледі.
Батыс Қазақстан облысының&nbsp;кей жерлерінде тұман, көктайғақ, жаяу бұрқасын болады. Оңтүстік-шығыстан соққан жел оңтүстік-батысқа ауысып, күші кей жерлерде 15-20 м/с артады.
Ақмола облысында&nbsp;кей жерлерде тұман күтіледі.
26-27 қарашада Қарағанды облысының кей жерлерінде сондай-ақ тұман болжанады.

Тұман, көктайғақ: 4 өңірде ескерту жарияланды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp; Жастарды қолдау мақсатында тағайындалған «Дарын» мемлекеттік жастар сыйлығында биыл Қызылорда облысынан «Журналистика номинациясы бойынша «Хабар 24» телеарнасының журналисі Рауан Мыңбаев пен «Халық шығармашылығы» номинациясы бойынша Қызылорда облыстық филармониясы КМК әртісі Күнсұлу Түрікпен лайық деп танылды. Осы орайда облыс әкімі Гүлшара Әбдіқалықова жерлестерімізді құттықтады.
Құрметті Күнсұлу Түрікпенқызы! 
Құрметті Рауан Ерұзақұлы!
Сіздерді Қазақстан Республикасының Үкіметінің қаулысымен 2020 жылғы “Дарын” мемлекеттік жастар сыйлығына ие болуларыңызбен Сыр жұртшылығы атынан шын жүректен құттықтаймын!
Күнсұлуды байырғы Сыр сүлейлерінің ізіндей дәстүрлі өнерді дамытуға зор үлес қосып жүрген тума талант деп білемін. 
Жастайынан көмейіне Сырдың сырлы мақамы ұялап, домбырасымен үндескен, дәстүрлі орындаушылық өнердің облыстық, республикалық, халықаралық фестивальдерінде лауреат атанып, «Мен қазақпын» ұлттық телевизиялық жобасының жеңімпазы болған Күнсұлудай дарынды өнерпазымыздың әлі де талай белестерді бағындырарына сенемін!
Рауанды тәуелсіз Қазақстан журналистикасында өз орнын қалыптастырып үлгірген, нақты да шынайы ақпаратпен көрерменнің көңілінен шыға білген жас журналист ретінде танимын. 
Күрделі де қызығы мол тележурналистика саласы ақпаратты халыққа түсінікті етіп қана қоймай, жеделдете ұсынуды, кез келген жағдайда еңбек ете білуді талап етеді. 
Темірдей талаптың үдесінен шығып, жан-жақтылығымен, ақпаратты жеткізудегі өзіндік ерекшелігімен, сөйлеу мәнерімен көпшіліктің алғаусыз алғысы мен құрметіне бөленіп жүрген Рауан алда әлі көптеген жетістіктерге жетеді деген ойдамын.
Сырдың дарынды қос перзентіне шығармашылық табыс, мықты денсаулық тілеймін! 
Өнерлеріңіз өрге жүзе берсін!

Гүлшара Әбдіқалықова &#8220;Дарын&#8221; мемлекеттік сыйлығына ие болған қызылордалық жастарды құттықтады

<a href="https://kyzylorda-news.kz/">Kyzylorda-news.kz</a>. Қызылорда қаласы әкімінің өкімімен Әбдіқадыров Сейдуали Алайдарұлы қалалық ішкі саясат бөлімінің басшысы қызметіне тағайындалды.
Сейдуали Алайдарұлы, 1980 жылы Қызылорда қаласында дүниеге келген.
2001 жылы Қ.А.Яссауи атындағы халықаралық Қазақ-Түрік университетінің «Заңгер», 2005 жылы Әл-Фараби атындағы Қазақ ұлттық универсиетінің «Құқықтану» мамандығы бойынша білім алған. 
Еңбек жолын 2007 жылы Тасбөгет кенті әкімінің аппаратында маман, жетекші маман болып бастады. 
2009-2019 жж. қала әкімінің аппаратында бас маман, бас инспектор, бөлім басшысы сатыларынан өтті. 
2019 жылдың наурыз айынан осы кезге дейін Қызылжарма ауылдық округі әкімінің орынбасары қызметін абыроймен атқарып келді. 
Айта кетейік, бұған дейін осы бөлімнің басшысы қызметін атқарып келген Есмаханов Алмасбек Әбілқасымұлы Шиелі ауданы әкімінің орынбасары қызметіне тағайындалған болатын.
<img src="https://kyzylorda-news.kz/wp-content/uploads/2020/11/127278866_2718137665119641_1499992567041422182_o.jpg" alt="" />

Қызылорда қалалық ішкі саясат бөліміне жаңа басшы тағайындалды

<a href="https://kyzylorda-news.kz/">Kyzylorda-news.kz</a>. Сальмонеллез – сальмонелла бактерияларымен қоздырылатын, фекальды-оральды механизммен берілетін, жиі гастроинтестинальды, сирек жайылмалы түрлерінде өтетін жедел антропозоонозды ауру.
Ол – өте қауіпті, жұқпалы ауру. Онымен адам да, жан-жануарлар да ауырады. Ауру малдың етін жегенде, сүтін ішкенде, құстың жұмыртқасын пайдаланғанда жұғуы мүмкін.
Тамақ арқылы ауру қоздырғыш микробтар асқазанға, одан аш ішекке түсіп, өсіп-өне бастайды, өзінен улы заттар бөледі де, ішектің ішкі қабығын ісіндіріп зақымдайды. Ауру қоздырғыштар және бұлардан бөлінген улы заттар лимфа және қан тамырлары арқылы организмге таралады да, кей органдарға қонып, олардын қызметін бұзады. Ауру қоздырғыш микробтардан бөлінген улы заттар қан тамырын уландырады.
Ауру қоздырғыш микроб сау баланың денесіне түскеннен кейін бірнеше сағаттан соң, кейде 2-3 күннен кейін, тіпті 5-6 күн өткен соң барып аурудың алғашқы белгілері біліне бастайды. Кейде ауру күрт басталып, баланың температурасы тез көтеріледі, түсі боп-боз болып кетеді, әлсірейді. Тамаққа тәбеті болмайды, ойынға зауқы соқпайды. Көңіл күйі төмендейді, басы ауырып, лоқсып құсады. Іші кеуіп, өтеді. Үлкен дәреті көпіршіктеніп, түсі сұрғылттанады және өте иісті болады. Кейінірек оған жалқық пен қан араласа бастайды. Іші ауырып, етпетінен жатқысы келе береді. Жігері мен көк бауыры ісінеді.
Көбінесе бұл ауру әр түрлі басталады. Ұзақ емдеуді қажет етеді. Баланы ауырған сәтте дәрігерге көрсету керек. Науқас бала жұқпалы ауруларды емдейтін ауруханада емделеді.
Ауырып жазылған баланың үйдегі күтімінің жақсы, тамағының құнарлы, көңіл-күйінің көтеріңкі болуына жағдай жасау керек. Таза ауада дене шынықтыру мен гимнастика жасаумен шұғылданғаны дұрыс.
Күнделікті тағамға жеміс-жидек, олардың шырындарын беріп отырған пайдалы. Сальмонеллез созылмалы ауру болғандықтан ұзақ емдеуді қажет етеді.
Мақпал ҚАСБАЕВА,
Қармақшы аудандық Ұлттық сараптама орталығының бактериологиялық және паразитологиялық зерттеулер зертханасының зертханашысы

Сальмонеллез ауруынан қалай сақтануға болады?

<a href="https://kyzylorda-news.kz/">Kyzylorda-news.kz</a>.&nbsp;Бүгін «Nur Otan» партиясының кезектен тыс XX съезі өтті. Партиямыздың ең жоғарғы органы болып табылатын съез жұмысы жоғары деңгейде өтті деп айтуымызға болады. Саяси шараға біздің өңірімізден 20 делегат бейнеконференция жүйесі арқылы қатысып, маңызды шешімдерді бірге қабылдады.
Өздеріңіз білесіздер, «Nur Otan» ел тарихындағы алғаш рет праймериз өткізіп, «Мықты лидерлер – Мықты партия» формуласын жүзеге асырды. Бұл қоғам белсенділерімен қатар елдегі қарапайым азаматтардың саясатқа араласуына жол ашты. Бүгінгі маңызды басқосуда праймеризде барлық өңірлерден жеңімпаз болып танылған 77 азамат Мәжіліске арналған партиялық тізімге енді. Партиялық тізімнің 61,1 % жаңа тұлғалармен толыққанына көз жеткіздік. 
Жиында сондай-ақ, ел дамуының негізгі міндеттері айқын көрініс тапқан «Өзгеріс жолы: баршаға лайықты өмір» атты партиямыздың Сайлауалды бағдарламасын қабылдадық.
Бұл бағдарлама Президент Қ.Тоқаевтың сайлауалды бағдарламасының қисынды жалғасы десек болады. Себебі бағдарламаның бастапқы жобасына Мемлекет басшысының 2020 жылғы Жолдауының 55 тапсырмасы қосымша енгізілген. 
Сайлауалды бағдарлама әлемдегі ең табысты партиялардың тәжірибесі ескеріліп, қоғамдық пікірмен санаса отырып дайындалған. Ерекше атап өтетін жәйт елімізде алғаш рет партия әрбір өңірдің сайлауалды бағдарламаларын әзірледі, ол 216 нақты жобадан тұрады. Аталған бағдарламалар жобасы праймериз барысында халықпен бірге кеңінен талқыланып, республика бойынша 17,5 мың ұсыныс пен талап-тілек түскен. Олардың барлығы өңірлік және негізгі Сайлауалды бағдарламаларда қамтылып отыр.
Жиында партияның өткен бесжылдықтағы қарқынды жұмыстары баяндалып, алдағы уақытта атқарылар негізгі міндеттер пысықталды. Ендігі біздің, барша нұротандықтардың міндеті осы жұмыстарды нәтижелі орындау.
Ләйлә ТӨРЕШОВА, 
«Nur Otan» партиясы Қызылорда облыстық филиалы төрағасының бірінші орынбасары

Ләйлә Төрешова: Партия қатары жаңа тұлғалармен толықты

<a href="https://kyzylorda-news.kz/">Kyzylorda-news.kz</a>. «Дарын» мемлекеттік жастар сыйлығының иегерлері анықталды. Аталған сыйлық ғылыми, шығармашылық, қоғамдық қызметі мен жоғары спорттық жетістіктері үшін беріледі. Биыл мемлекеттік сыйлықты алуға 160-тан астам үміткер құжат тапсырған.
«Жүзден жүйрік мыңнан тұлпар» шыққан үздіктер қатарында жерлесіміз, «Хабар24» телеарнасының тілшісі Рауан Мыңбаев та бар. &nbsp;
<blockquote>
 «Сыр елінің өнер мен мәдениет және әдебиет саласында талай дарынды тұлға шықты. Ес білгеннен солардың еңбектерін оқып, жақсылықтарын көріп өстік. Соларға барынша ұқсауға тырыстық. Аз да болса жетістікке жетіп жатсақ, сол алдыңғы буынның арқасы деп білемін. Журналистика саласында 2011 жылдан бері еңбек етіп келемін. Шығармашылық жолда маған жақсылық жасаған жандар аз емес. Үлкен сенім артып, ақыл-кеңестерін арнады. Енді олардың үмітін ақтауға тырысамын. “Дарын” сыйлығы – мен үшін үлкен жауапкершілік. Үдеден шығып, үмітті ақтай білсек, бір мақсатымның орындалғаны», – дейді жас журналист «Kyzylorda-news.kz» ақпараттық агенттігінің тілшісіне.
</blockquote>
Рауан еңбек жолын «Қазақстан» РТРК» АҚ Қызылорда облыстық филиалының редакторы, редактор-жүргізушісі ретінде бастаған. Жалынды жас аз уақыттың ішінде бір шама белесті бағындырып үлгерді. Журналистика саласында кәсіби біліктілігін арттырып, шет мемлекеттерде білімін жетілдірді. Қабілет-қарымының арқасында Президенттік пулға қабылданып, Мемлекет басшысының жұмыс және ресми сапарларынан маңызды ақпарат таратты.
Бүгінде «Хабар24» телеарнасының тілшісі қызметінде. Еткен еңбек, төккен тері елеусіз қалмай Қазақстан Республикасы Президентінің Бұқаралық ақпарат құралдары саласындағы грантын иеленіп, Қызылорда облысы әкімінің «Сыр үміті» сыйлығының лауреаты атанды. Сонымен қатар «Хабар» Агенттігі» АҚ Төрағасының құрмет грамотасымен марапатталған.

Қазақстан және Қызылорда облысының жаңалықтары

Қызылордада өзгенің карточкасымен сауда жасаған ұры ұсталды

Сенатор балаларды зиянды тамақ өнімдерінің жарнамасынан қорғауды сұрады

Қызылордада агросаланы автоматтандыру арқылы өнім өндіру көлемі артуда

2021 жылғы атаулы күндер мен мерейтойлар

Өткен тәулікте Қызылордада 3 адам коронавирус жұқтырған

“Jastar-Otanga” бағдарламасының берері мол

Тұман, көктайғақ: 4 өңірде ескерту жарияланды

Гүлшара Әбдіқалықова “Дарын” мемлекеттік сыйлығына ие болған қызылордалық жастарды құттықтады

Қызылорда қалалық ішкі саясат бөліміне жаңа басшы тағайындалды

Сальмонеллез ауруынан қалай сақтануға болады?

Ләйлә Төрешова: Партия қатары жаңа тұлғалармен толықты

Рауан Мыңбаев: «Дарын» сыйлығы – мен үшін үлкен жауапкершілік

Қазақстан және Қызылорда облысының жаңалықтары

Қызылордада өзгенің карточкасымен сауда жасаған ұры ұсталды

Сенатор балаларды зиянды тамақ өнімдерінің жарнамасынан қорғауды сұрады

Қызылордада агросаланы автоматтандыру арқылы өнім өндіру көлемі артуда

2021 жылғы атаулы күндер мен мерейтойлар

Өткен тәулікте Қызылордада 3 адам коронавирус жұқтырған

&#8220;Jastar-Otanga&#8221; бағдарламасының берері мол

Тұман, көктайғақ: 4 өңірде ескерту жарияланды

Гүлшара Әбдіқалықова &#8220;Дарын&#8221; мемлекеттік сыйлығына ие болған қызылордалық жастарды құттықтады

Қызылорда қалалық ішкі саясат бөліміне жаңа басшы тағайындалды

Сальмонеллез ауруынан қалай сақтануға болады?

Ләйлә Төрешова: Партия қатары жаңа тұлғалармен толықты

Рауан Мыңбаев: «Дарын» сыйлығы &#8211; мен үшін үлкен жауапкершілік

“Jastar-Otanga” бағдарламасының берері мол

Гүлшара Әбдіқалықова “Дарын” мемлекеттік сыйлығына ие болған қызылордалық жастарды құттықтады

Рауан Мыңбаев: «Дарын» сыйлығы – мен үшін үлкен жауапкершілік