<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазақстан аумағындағы ауқымды антициклонның әсерінен күн жауын-шашынсыз болады. Еліміздің солтүстігі, батысы, оңтүстік-шығысы мен шығысында тұман болады, деп хабарлайды Қазгидромет.
Алматы облысында Алакөл көлдері ауданында желдің жылдамдығы 20-25 м/с-қа дейін күшейеді. Түнгі және таңғы уақытта Жамбыл облысының таулы аудандарында тұман түсуі ықтимал. Атырау облысының батысында, Қостанай облысының солтүстігінде және Солтүстік Қазақстан облысының шығысында тұман болады. Түнде Павлодар облысында да тұман күтіледі. Шығыс Қазақстан облысының солтүстігінде түнгі және таңғы уақыттарда тұман болмақ.

15 қазанға арналған ауа райы болжамы

Kyzylorda-news.kz. Бүгін Достық үйінде пандемияға қарсы іс-қимыл жөніндегі республикалық азаматтық штаб өкілдерімен кездесу өтті.
Маңызды іс-шарада ҚР Премьер-Министрі орынбасарының баспасөз хатшысы, санитарлық-эпидемиологиялық бақылау комитетінің ресми өкілі Ержан Байтанаев, Пандемияға қарсы іс-қимыл жөніндегі республикалық азаматтық штаб мүшелері Серік Беркамалов және Мирас Аукенов, облыстық басқармалардың, мекемелердің, бірлестіктердің басшылары, қоғамдық белсенділер, БАҚ өкілдері қатысты.
Кездесудің басты тақырыбы халыққа COVID-19 вакцинациясының коронавирустық инфекция пандемиясымен күрестегі жалғыз дұрыс шешім ретінде маңыздылығын түсіндіру болды.
Республикалық азаматтық штаб мүшелері елді ұжымдық иммунитетті қалыптастыру, халықтың 70-80%-ын вакцинациялау нәтижесінде COVID-19-дан сырқаттанушылық пен өлім деңгейін азайту мүмкін болатын әдеттегі өмірге қайтаруды мақсат етіп отыр.

Қызылордада пандемияға қарсы іс-қимыл жөніндегі республикалық штаб өкілдерімен кездесу өтті

Kyzylorda-news.kz. Бүгін − халықаралық стандарттау күні. Стандарттаудың негізгі мақсаты − отандық өнімнің сапасын жақсартып, бәсекеге қабілеттілігін арттыру. Өңірлік коммуникациялар қызметінің ақпарат алаңында техникалық реттеу және метрология комитетінің Қызылорда облысы бойынша департаменті бастығы Бауыржан Қарсақбаев ұлттық стандарттау жүйесін дамытудың стратегиялық мақсаттары мен бағыттарын түсіндірді.
<blockquote>
 “Дәстүр бойынша стандарттау күні еліміздің барлық аймақтарындағы Мемлекеттік стандарттар ұйымдары түрлі форматтағы іс-шаралар өткізеді. Бұл іс-шаралардың негізгі мақсаты − техникалық реттеу мен стандарттау саласындағы қызметке назар аудару және қоғам үшін өзекті мәселелерді шешуде стандарттардың рөлін көрсету болып табылады. Стандарттаудың ұлттық жоспары үш жылға жасалады. Келесі жылы 355 стандарттар әзірлеу жоспарланған. Стандарттау нысандарының қауіпсіздік мәселелерін мемлекеттік органмен келісу бойынша уәкілетті орган қабылдайды. 2012 жылы нормативтік техникалық құжаттардың бірыңғай мемлекеттік қоры құрылды. Ол «Техникалық реттеу туралы» ҚР Заңының 15-бабына сәйкес жұмыс істейді. Негізгі мақсаты – кең ауқымды пайдаланушыларға нормативтік техникалық құжаттардың қол жеткізімділігін қамтамасыз ету. Сондай-ақ, ақпарат таратудың бірыңғай электрондық жүйесін қалыптастыру. Нормативтік техникалық құжаттардың бірыңғай мемлекеттік қорды құрып жинақтау көзі нормативтік техникалық құжаттарды бекітетін мемлекеттік органдар, стандарттау жөніндегі халықаралық, өңірлік және ұлттық стандарттар болып табылады”, – деді Бауыржан Бақытбекұлы.
</blockquote>

14 қазан &#8211; Халықаралық стандарттар күні

Kyzylorda-news.kz. Облыс әкімінің орынбасары Балжан Шаменова қаламыздағы №5 көру қабілеті бұзылған балалардың арнайы мектеп-интернаты мен №2 облыстық балалар оңалту орталығына барып, балалардың жағдайымен танысты.
Ең алдымен Балжан Мөрәліқызы басқарма басшысы Ақзира Қасымовамен бірге жуырда ғана жөндеу жұмыстары жүргізілген №5 арнайы түзету мектеп-интернатына барды. Ғимараттағы атқарылған құрылыс жұмыстарымен танысқан өңір басшысының орынбасары жүргізілген күрделі жөндеуге оң бағасын берді.
Балжан Мөрәліқызы мұнан соң Тасбөгет кентінде орналсқан №2 облыстық балалар оңалту орталығында болды. Балалардың оқулықтары мен оқу-әдістемелік базасын қарап, асхана және медбөлімшенің жағдайын көрді.
Облыс әкімінің орынбасары Б.Шаменова алдағы уақытта “Nur Oran” партиясының жол картасы аясында интернаттардың күрделі жөндеу жұмыстарын кезең-кезеңімен жүргізуді тапсрыды.
<img src="https://kyzylorda-news.kz/wp-content/uploads/2021/10/fb_img_1634206398557.jpg" alt="" />

Балжан Шаменова интернаттағы балалардың жағдайымен танысты

Kyzylorda-news.kz. Өздеріңізге белгілі осыдан екі күн бұрын таңғы уақытта Тасарық ауылындағы N238 орта мектебінің бу қазандығы жарылған болатын.
Ең бастысы, ешбір адам зардап шекпеді, барлығы дін аман. Балаларға ешқандай қауіп жоқ, алаңсыз білім алуын жалғастырып жатыр.
Айтып келмейтін апат орын алған жағдайда шұғыл шешім қабылдап, барлығын қалпына келтіру үшін бірлесе күш жұмсалады. 
Бүгінгі күні мектепте 113 оқушы білім алады. Қазіргі таңда мектеп ғимаратының бір блогын жылыту үшін электрлі бу қазандығы іске қосылып, оқушылар жылы кабинеттерде оқуын жалғастыруда.
Мектепті толық қуатты жылумен қамтамасыз ету үшін модульді бу қазандығын алу жұмыстары жүргізіліп жатыр.

Қазалыда жарылған бу қазандығы қайта қалыпқа келтірілді

Kyzylorda-news.kz. Көз – адам ағзасының маңызды бөлігі. Ақпараттың 90 пайызын біз соның көмегімен аламыз. Халық даналығындағы «көздің қарашығындай сақтау» деген тіркес бекерден бекер айтылмайды. Осы орайда Дүниежүзілік денсаулық сақтау ұйымының бастамасымен қазан айының екінші бейсенбісі Дүниежүзілік көру күні болып белгіленген.
Маңызды мүшені қалай қорғаймыз? Көру қабілетінің ақауы бар адамдар тегін диагностикадан өтіп, емдету үшін қайда жүгіне алады? Осы және өзге де сұрақтарға Қызылорда қаласындағы «Dariya Med» медицина орталығының офтальмолог дәрігері Ақжарқын Ақбар жауап берді. 
– Ақжарқын Шәріпқызы, қызылордалықтар арасында көз ауруының қандай түрлері жиі кездеседі? Көру қабілетінде ақауы бар адамдар санында арту көрсеткіші байқала ма? 
– Иә, көру мүмкіндігі төмендеген тұрғындар саны әжептәуір арта түскенін аңғарамыз. Әсіресе, глаукома, катаракта аурулары көптеп кездеседі. Жастар арасында алыстан нашар көру кең тарап отыр. Одан бөлек, пациенттердің «құрғақ көз» синдромына шалдығуы жиіледі. Бұл көз жасы қабықшасына ылғал жетіспеушілігімен тікелей байланысты. Оның негізгі себептері – кондиционері бар бөлмеде ұзақ болу, &nbsp;смартфон, компьютерді, сонымен қатар контактілік линзаны ұзақ пайдалану, тағы басқа. 
Науқастар әдетте күйдіру, көздің қызару, жарыққа қарай алмау, қабақтың ауырсыну сезімдеріне шағымданады. Аталған патология диагностикалық тест нәтижесінде анықталады. Пациентке ылғалдандырушы тамшы сұйықтығын пайдалануға кеңес береміз. 
– Тәжірибеде тағы қандай емдеу тәсілдері қолданылады? 
– Орталықта көз торына лазерлі коагуляция, көз микроциркуляциясын жақсартудың лазерлі әдістері (антиглаукомалық), көздің алдыңғы бөлігі ылғалдылығының лазердисцизиясы, амбулаторлық оталар (птергиум, халазион, ксантелазманы жою) жасалады. Алыстан көрмейтін, қыли көзді пациенттерге спазмды алу, қан айналымын жақсарту және тағы басқа үшін консервативті емдеу жолдарын тағайындаймыз. Аталған медициналық қызмет түрлері күндізгі стационар шеңберінде қарастырылған. 
Нәтиже жаман емес. Хирургиялық араласудың арқасында катаракта, глаукома бойынша ота жасатқан пациенттердің 90 пайызында көру қабілеті қалыпқа келеді. Бірақ қант диабеті, туабітті көз ақауы және өзге де қосымша созылмалы сырқаты бар адамдардың денсаулығының жақсарып кетуіне кепілдік бере алмаймыз. 
– &nbsp;Ғаламдық цифрлық даму дәуірінде көзді қалай сақтаймыз? 
– Компьютер, смартфонды 20-30 сантиметр қашықтықта ұстауға кеңес береміз. Көз шаршағанда үзіліс жасап, арнайы жаттығуларды орындау қажет. Көзді ылғалдандырушы сұйықтық, дәрумен туралы да ұмытпауға тиіспіз. 
Компьютерде бір сағат жұмыс істегеннен кейін екі сағатқа үзіліске шыққан дұрыс. Әрине, бұл талаптың қызметі ақпараттық технологиямен байланысты адамдар үшін қиын екенін білемін. Бірақ көз жаттығуларын орындауды күнделікті дағдыға айналдырса, құп болар еді. 
Профилактика ретінде жылына бір мәрте офтальмологқа тексеріліп тұрған жөн. Алыстан көрмейтін, глаукомасы бар адамдар – үш айда бір рет. Қант диабетіне шалдыққан кісілерге жылына екі рет тексеруден өтуді ұсынамыз. 
– Міндетті әлеуметтік медициналық сақтандыру жүйесі қолданысқа енген соң медициналық орталық офтальмологтарының қызметі қаншалықты қолжетімді бола түсті? Қалай тегін диагностика жасатып, емделуге болады? 
– Міндетті әлеуметтік медициналық сақтандыру жүйесі аясында бір ай көлемінде орта есеппен 80 пациентке катаракта және глаукома дерті бойынша операция жасалады. Күніне 10 адам тексеріледі. Біздің клиникада диагностикадан өтіп, емделу үшін аталған жүйеде сақтандырылған болуы тиіс. Осылайша учаскелік дәрігері тиісті жолдама береді. 
Айта кетейік, жыл басынан бері медициналық орталықтың офтальмолог мамандарының көмегін міндетті әлеуметтік медициналық сақтанудыру қоры арқылы 2,5 мың адам пайдаланды. Олардың арасында аймақтың ғана емес, өзге өңірлердің де тұрғындары бар. Бүгінде адамдар үздік медициналық қызмет түрлерін өзі таңдай алады. Ал әр пациентпен бірге ақша жүретіні анық. 
– Әңгімеңізге рахмет!

Қызылордалықтар арасында көз ауруының қандай түрлері жиі кездеседі?

Kyzylorda-news.kz. Тамыры терең, тарихы кенен Тәуелсіз мемлекетіміздің осы күнге оңай қол жеткізбегені белгілі. Оны біз мұрағаттарда шаң басқан тарихи деректерден, зерттеуші ғалымдардың еңбектерінен, сонымен қатар халық ауыз әдебиетінде сақталған аңыз-әпсаналар мен жыр-толғаулардан естіп, біліп жүрміз. Халық ауыз әдебиетінің бай үлгілерімен танысу арқылы бойымызда ғаламат қозғалыс, ерекше тербеліс пайда болады. Себебі ол біздің ұлттық таным-түсінігіміз бен арман-қиялдарымыздың шындықпен ұштасқандағы нәтижесі екені хақ.
Едіге батыр жыры біз ойлағаннан да ауқымды, құндылығы мол шығарма. Оны қазақ әдебиетінде ғана емес, басқа да түркі халықтарында да бірнеше нұсқасы бар екенін ескере отырып байқауға болады. Оқушылар арасында мұндай байқау ұйымдастыру елдігімізге, тарихымызға, рухани құндылықтарымыз бен бай мұраларымызға ерекше құрмет деп білемін. Жырды жаттау арқылы балалар бойына батырлық рухты, отансүйгіштікті сіңіре алады деген үміттемін. Сөз дегеніміз тірі зат. Санаға сіңген сөз, мейлі ол жаттанды түрде болсын, өз әсерін бермей қоймайды. Оны қаншама ғалымдар да дәлелдеп отыр. Қазақта оны “жақсы сөз – жарым ырыс” дейді.
Сондықтан алдымызда жоспарланып отырған байқау “рухани жаңғыруға” жақсы бастама болмақ. Сайысты ұйымдастырушыларға және қатысушы балаларға сәттілік тілеймін! 
Ахан Кенжебаев, 
Жалағаш аудандық маслихаттағы «Nur Otan» партиясы депутаттық фракциясы жетекшісінің орынбасары

Ахан Кенжебаев: Едіге батыр жыры біз ойлағаннан да ауқымды шығарма

Kyzylorda-news.kz. Синоптиктер 14-16 қазанға арналған ауа райы болжамын ұсынды.
Болжамға сәйкес, осы аралықта антициклон әсерінен Қазақстанның басым бөлігінде жауын-шашынсыз ауа райы болады. Тек 16 қазанда солтүстік-батыс циклонынан күндіз Батыс Қазақстан облысының солтүстік-батысында жаңбыр жауады.
<blockquote>
 “Еліміздің батысы мен оңтүстігінде желдің күшеюі, шаңды дауыл сақталады. Ауа температурасы күндіз батыста, солтүстік-батыста 15-23 градус жылы, солтүстікте, шығыста және орталықта 7-15 градус жылы, оңтүстікте, оңтүстік-шығыста 12-21 градус жылы”, – делінген хабарламада.
</blockquote>
Сондай-ақ, Елордада&nbsp;14 қазанда түнде +3, күндіз +12 градус болады. Күн ашық. Жұмада да дәл осындай ауа райы сақталады. 16 қазанда күн алабұлтты, түнде 0, күндіз +8 градус.
Алматы қаласында&nbsp;бейсенбіде түнде +4, күндіз +13 градус жылы. Жұма мен сенбіде де +15 градус шамасында, күн ашық.
Шымкентте&nbsp;14, 15, 16 қазанда күн ашық, сынап бағанасы +21 градусқа дейін көтеріледі.

Алдағы үш күнге арналған ауа райы болжамы

Kyzylorda-news.kz. ҚР Премьер-Министрінің орынбасары Роман Скляр Мәжіліс өкілдерінің депутаттық сауалына берген жауабында ипотека алушының төлем қабілетін тексерген кезде жәрдемақы неге есептелмейтінін айтты, деп хабарлайды ҚазАқпарат.
<blockquote>
 «Бақытты отбасы» ипотекалық бағдарламасына қатысу үшін отбасының әрбір мүшесіне шаққандағы табыс ең төменгі күнкөріс деңгейінің 3,1 еселенген шамасынан аспауға тиіс. Қарыз алу үшін негізгі талаптардың бірі еңбек немесе кәсіпкерлік қызметтен соңғы 6 айда кіріс түсіп тұрған боулы керек. Сонымен қатар, азаматтар ипотекалық қарыз алуға өтінім берген кезде қарыз алушының төлем қабілетін тексеру жүргізіледі. Оның аясында жәрдемақылар негізгі кіріс ретінде есепке алынбайды», – деп жазды Роман Скляр депутаттық сауалға берген жауабында.
</blockquote>
Оның түсіндіруі бойынша, азаматтарға жәрдемақы тіршілік етіп, денсаулығын күту үшін (тамақтану, емдеу, оңалту шараларына қатысу және т.б.) қолдау үшін тағайындалады және қарыздарды өтеуді көздемейді.
<blockquote>
 «Бұл ретте, «Отбасы банк» АҚ-ның ішкі әдістемесі бойынша жәрдемақылар кандидаттың төлем қабілетін бағалау кезінде қосымша табыс ретінде қабылданады, бұл өз кезегінде қарыз бойынша шешім шығару кезінде оң әсер етеді. Сонымен қатар кезекте тұрғандардың осы санаты коммуналдық тұрғын үй қорынан жалға берілетін тұрғын үй алуға үміткер бола алады», – деп атап өтті Премьер-Министрдің орынбасары.
</blockquote>
Сондай-ақ, ол Мемлекет басшысының Үкіметтің кеңейтілген отырысында берген тапсырмасы бойынша тұрғын үй саясатын жетілдіру бойынша жұмыс жүргізіліп жатқанын, соның аясында жалға берілетін тұрғын үйді қаржыландыру тетігін қайта қаралатынын атады.
<blockquote>
 «Жалға берілетін тұрғын үй құрылысынан қаражатты табысы ең төменгі күнкөріс деңгейінен төмен кезекте тұрғандар үшін жалға алу төлемін субсидиялауға қайта бағыттау көзделуде. Бұл кезекте тұрған 10 мың адамның орнына 100 мың адамды мемлекеттік қолдау шараларымен қамтуға мүмкіндік береді», – деп түйіндеді Роман Скляр.
</blockquote>

Ипотека алу үшін жәрдемақы есептеле ме?

Kyzylorda-news.kz. Қазақстанда тоғыз айдың қорытындысы бойынша орталықтандырылған жылу тарифі 1,2%-ке төмендеді. Алайда өңірлер арасында 17 аймақтың 13-інде баға өскені байқалады.
<a href="https://www.energyprom.kz/ru/a/monitoring/v-srednem-po-rk-otoplenie-podeshevelo-na-12-za-god-pri-etom-v-regionalnom-razreze-v-13-iz-17-regionov-otmecheno-udorozhanie">Energyprom.kz</a>&nbsp;мәліметінше, ең жоғары тариф Ақтөбе облысында – бір жылда 15,2%, Ақмола мен Қарағанды облыстарында – 5,9% тіркелді.
Үш өңірде тариф төмендеген. Әсіресе, жылу Түркістан облысында едәуір арзандады – бірден 40,5%-ке. Сондай-ақ Қостанай облысы (6,7%-ке) мен Алматы қаласында (3,2%-ке) да тарифтің түскені байқалады.
Шымкентте баға өзгеріссіз қалды.
Қыркүйекте республика бойынша орталықтандырылған жылудың орташа тарифі 1 Гкал үшін 3522 теңгені құрады. Ірі қалалар мен мегаполистерде тариф 1 Гкал үшін 1805 теңгеден (Көкшетау) 5383 теңгеге дейін (Атырау) құбылады.
Жылу бойынша ең “қымбат” қалалардың үштігіне Атыраудан бөлек, Шымкент пен Алматы кіреді: 1 Гкал үшін тиісінше 5104 теңге және 4831 теңге.
Ал ең төмен тариф солтүстік өңірлерде тіркелді: Көкшетаудан бөлек, Павлодар мен Нұр-Сұлтанда жылу арзан – 1 Гкал үшін тиісінше 2392 теңге және 2454 теңге.

Өңірлерде жылу бағасы қымбаттаған

Kyzylorda-news.kz. Қазалы ауданындағы жаңа тұрғын кварталында орналасқан тұрғын үйлерге жылу беру маусымына дейін табиғи газға қосу үшін жұмыстар жүргізілуде.
Атап айтар болсақ, мердігер мекеме орын алған ақаулықтары қайта қалпына келтіріп, жоғарғы ауа қысымымен тексеріп сынау, үрлеп-тазалау жұмыстарын жүргізуде. Тексеру жұмыстары аяқталғаннан кейін «ҚазТрансГазАймақ» АҚ Қызылорда өндірістік филиалына пайдаланудағы газ желісіне қосу үшін ұсынылады.
Жаңа кварталда атқарылып жатқан жұмыстармен танысқан аудан әкімі Мұхтар Оразбаев бұл аймақтағы үйлерді табиғи отынға тез арада қосуды аудан әкімінің орынбасары Жалғас Сүйеубаев және сала басшыларына тапсырды.

Қазалыдағы жаңа тұрғын үйлер табиғи газға қосылады

Kyzylorda-news.kz. Қызылорда облысында «Atameken Qyzylorda» микроқаржы ұйымы арқылы жалпы құны 8,2 млн теңгеге алғашқы екі жоба қаржыландырылды. Жобасы қаржыландырылған кәсіпкерлердің бірі Қызылорда қаласының, екіншісі – Сырдария ауданының тұрғыны.
Тоғжан Қалдыбай Сырдария ауданына қарасты Іңкәрдария ауылының тұрғыны. 26 жастағы келіншек отбасылы, жолдасымен екі бала тәрбиелеп отыр. Бала күтімінде отырған ол отбасымен ақылдаса келе кәсіп бастауға бел буады.
<blockquote>
 «Ауылда тұрғандықтан үйде мал ұстаймыз. Оның күтімі бізге жақсы таныс. Отбасы мүшелері ата-енем, жолдасыммен ақылдаса келе мал бордақылаумен айналысайық деп шештік. Ол үшін осы жазда «Бастау Бизнес» жобасын онлайн оқып, сертификат алдым», – дейді Тоғжан Қалдыбай.
</blockquote>
Жас кәсіпкер Қызылорда облысы кәсіпкерлер палатасының Сырдария аудандық филиалы мамандары арқылы мемлекеттік бағдарлама талаптарымен танысып, «Atameken Qyzylorda» микроқаржы ұйымынан жылдық 6 пайызбен несие алуға болатыны жөнінде ақпарат алды.
<blockquote>
 «Тамыздан бастап құжаттар жинақтай бастадым. Қажетті құжаттарды дайындауда аудандық филиал кеңесшісі көп көмектесті. Түсінбеген сұрақтардың барлығына жауап беріп, қаржыландыру алғанға дейін жобаға сүйемелдеу көрсетті.&nbsp; «Atameken Qyzylorda» микроқаржы ұйымынан алғашқылардың бірі болып қаржы алып жатыр екенмін. Қуаныштымын. Енді бұл қаржатқа жылқы алып, оны бордақылаймыз», – деді келісімшартқа қол қойып тұрған Тоғжан Қалдыбай.
</blockquote>
Тоғжанмен бірге алғашқылардың бірі болып жеңілдікпен несие алған келесі азамат Қызылорда қаласының тұрғыны Нұрлан Ахтаев. Ол микроқаржы ұйымынан алған несиеге жүк тасымалына арналған машина сатып алмақ. Көлік кәсіпкерге пластик терезелерге арналған цехының жұмысын кедергісіз жүргізу үшін қажет екен.
<blockquote>
 «Ұйым осы жылдың маусымында ашылды. Жалпы биыл «Atameken Qyzylorda» микроқаржы ұйымы арқылы 238 жобаға қаржы бөлінеді деп жоспарлап отырмыз. Қазір 11 жоба мақұлданып, оның екеуіне несие берілді. Мамандарымыз түгел, жұмыс жолға қойылды», – дейді ұйым директоры Имат Қуанышев.
</blockquote>
Айта кетейік, «Atameken Qyzylorda» микроқаржы ұйымы Қызылорда қаласы, Қорқыт ата көшесі 123, «Бизнеске арналған үкімет» ғимаратының 3-қабаты, 316-кабинетінде орналасқан. 
Несиелендіруге қатысты барлық сауалдар бойынша 8 /7242/ 40-09-81, (ішкі нөмірі 4330) байланыс нөмірі арқылы хабарласуға болады.

Қазақстан және Қызылорда облысының жаңалықтары

15 қазанға арналған ауа райы болжамы

Қызылордада пандемияға қарсы іс-қимыл жөніндегі республикалық штаб өкілдерімен кездесу өтті

14 қазан – Халықаралық стандарттар күні

Балжан Шаменова интернаттағы балалардың жағдайымен танысты

Қазалыда жарылған бу қазандығы қайта қалыпқа келтірілді

Қызылордалықтар арасында көз ауруының қандай түрлері жиі кездеседі?

Ахан Кенжебаев: Едіге батыр жыры біз ойлағаннан да ауқымды шығарма

Алдағы үш күнге арналған ауа райы болжамы

Ипотека алу үшін жәрдемақы есептеле ме?

Өңірлерде жылу бағасы қымбаттаған

Қазалыдағы жаңа тұрғын үйлер табиғи газға қосылады

«Atameken Qyzylorda» микроқаржы ұйымы арқылы алғашқы екі жоба қаржыландырылды

Қазақстан және Қызылорда облысының жаңалықтары

15 қазанға арналған ауа райы болжамы

Қызылордада пандемияға қарсы іс-қимыл жөніндегі республикалық штаб өкілдерімен кездесу өтті

14 қазан &#8211; Халықаралық стандарттар күні

Балжан Шаменова интернаттағы балалардың жағдайымен танысты

Қазалыда жарылған бу қазандығы қайта қалыпқа келтірілді

Қызылордалықтар арасында көз ауруының қандай түрлері жиі кездеседі?

Ахан Кенжебаев: Едіге батыр жыры біз ойлағаннан да ауқымды шығарма

Алдағы үш күнге арналған ауа райы болжамы

Ипотека алу үшін жәрдемақы есептеле ме?

Өңірлерде жылу бағасы қымбаттаған

Қазалыдағы жаңа тұрғын үйлер табиғи газға қосылады

«Atameken Qyzylorda» микроқаржы ұйымы арқылы алғашқы екі жоба қаржыландырылды

14 қазан – Халықаралық стандарттар күні