<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Қазгидромет» РМК Қазақстан қалаларындағы 18 сәуір күнгі ауа сапасына болжамын жариялады, деп хабарлайды ҚазАқпарат.
Атап айтқанда, қолайсыз метеорологиялық жағдай Қызылорда қаласында болады. Өзге шаһарларда метеоахуал қалыпты.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.

Қызылордада ауа сапасы нашарлайды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Тәжірибелі саяхатшылар дұрыс орын таңдаудың өзі ұшу-қонуға айтарлықтай әсер ететінін жақсы біледі. Өйткені, ұшақ орындарының бәрі бірдей қолайлы емес. Кейде қасыңызға жағымсыз жолсерік тап келсе, тіпті мазаңыз қашады. Қазір орынды алдын-ала таңдау мүмкіндігі бар. Сондықтан саяхатыңыз жайлы басталып, сәтті аяқталуы үшін таңдауға болатын орындар тізімін ұсынамыз.
Қысқа рейстер
Ұзақ ұшпайтын болсаңыз, онда орынды терезе жанынан алғаныңыз жөн. Бірақ орныңыз ұшақ қанатының тұсына сәйкес келсе, онда терезеден бұлтты аспанның сұлулығын көре алмайтыныңызды да естен шығармаңыз.
Алғашқы қатарға отырмағаныңыз абзал: бұл жерде сөмкеніңізді аяқ астына қоя алмайсыз. Соңғы қатардан да орын алмауға кеңес береміз. Біріншіден, орын дәретхананың қасында орналасқан. Екіншіден, орындық арқасы түсірілмейтіндіктен, ұшқан кезде тек тік отырасыз.&nbsp; 
Орын брондаған кезде өту жолына жақын орналасқан орынның бос болмауын қадағалаңыз. Сонда ортадағы орын бос болу мүмкіндігі артады. Әйтпесе жаныңызға баласы не үй жануары бар көрші тап болуы мүмкін.&nbsp;
Ұзақ&nbsp; рейстер
5 сағаттан артық ұшатын рейстерде өту жолына жақын орналасқан орынға отыруды ұсынамыз. Өйткені кез келген уақытта тұруға, жүруге және сәл жаттығу жасауға болады.&nbsp;&nbsp;&nbsp;
Брондаған кезде жаныңыздағы үш орынның бос болмауына мән беріңіз. Алдыңғы қатардан орын алмаңыз. Өйткені ол жерде шынтақ сүйеніші көтерілмейді. Сәйкесінше, жаныңыз бос болған жағдайда екі орынды қатар пайдалана алмайсыз.
Үлкен ұшақтар
Үлкен ұшақтарда әр қатарда үш орыннан болады. Сондықтан ортадағы қатардың екі жағындағы орындарды алуды ұсынамыз. Қозғалу және орныңнан тұру әлдеқайда жеңілдей түседі. Сіздің мазаңызды ешкім алмайды, сәйкесінше сіз ешкімге кедергі келтірмейсіз.&nbsp;
Қасыңызда адам болса
Өту жолына жақын орналасқан екі қатардың шеткі орындарын алсаңыз, жүріп-тұруға әрі бір-біріңізбен тілдесуге мүмкіндік туады. Ортадағы қатардың шеткі орындары, екі жанында орналасқан орындарға қарағанда әлдеқайда жақсы екенін ескергейсіз. Өйткені сізді көршілеріңіз жиі мазалауы мүмкін.
Жұбыңызбен саяхаттағанда
Онлайн брондау кезінде үш қатар бос орынды тауып, оның екі жағындағы орынды алғаныңыз дұрыс: бірі терезе жанынан, бірі өткелде. Сонда ортадағы орын бос қалу мүмкіндігі артады. Бірақ, ортадағы орын бос болмаған жағдайдың өзінде онымен келісіп, ауысыуыңызға болады.&nbsp;
<ul>
<li>Лайфхак</li>
</ul>
Ұшақтың артқы бөлігінде орналасқан орындар ең қауіпсізі саналады. Сонымен қатар, ұшақтың артқы жағында орынның көбі бос күйі қалады. Өйткені орынды тарату алдыңғы қатардан басталады. Балалы адамдарды да көбіне алдыңғы қатарға тіркейді. Кей авикомпаниялар артқы орындарды арзанға сатады.

Ұшақта орын таңдар алдында нені ескеру керек?

Kyzylorda-news.kz. Қазақстанда өткен тәулікте 1806 адам коронавирустан жазылды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 522, Алматы қаласы – 453, Шымкент қаласы – 30, Ақмола облысы – 24, Ақтөбе облысы – 14, Алматы облысы – 79, Атырау облысы – 95, Шығыс Қазақстан облысы – 73, Жамбыл облысы – 39, Батыс Қазақстан облысы – 45, Қарағанды облысы – 137, Қостанай облысы – 152, Қызылорда облысы – 28, Маңғыстау облысы – 26, Павлодар облысы – 35, Солтүстік Қазақстан облысы – 33, Түркістан облысы – 21.
Қазақстан бойынша жазылғандар саны – 246323.

Қызылордада 28 науқас коронавирустан жазылып шықты

Kyzylorda-news.kz. Қазақстанда өткен тәулікте 2828 адамнан коронавирус анықталды, деп хабарлайды COVID-19 таралуына жол бермеу жөніндегі ведомствоаралық комиссия.
Науқастардың ең көбі Алматы, Нұр-Сұлтан қалалары мен Алматы облысында тіркелді.
Оның ішінде:
<ul>
<li>Алматы қаласында – 45586 (+677),</li>
<li>Нұр-Сұлтан қаласында – 39332 (+636),</li>
<li>Шығыс Қазақстан облысында – 23801 (+105),</li>
<li>Атырау облысында – 20585 (+127),</li>
<li>Қарағанды облысында – 20519 (+210),</li>
<li>Павлодар облысында – 19781 (+37),</li>
<li>Батыс Қазақстан облысында – 17065 (+109),</li>
<li>Ақмола облысында – 16762 (+102),</li>
<li>Алматы облысында – 18304 (+243),</li>
<li>Қостанай облысында – 14365 (+29),</li>
<li>Солтүстік Қазақстан облысында – 13579 (+45),</li>
<li>Шымкент қаласында – 8181 (+126),</li>
<li>Ақтөбе облысында – 7484 (+200),</li>
<li>Жамбыл облысында – 7041 (+43),</li>
<li>Маңғыстау облысында – 4962 (+33),</li>
<li>Түркістан облысында – 4891 (+48),</li>
<li>Қызылорда облысында – 4763 (+58).</li>
</ul>
Пандемия басталғалы бері республикада барлығы 287 001 қазақстандық індетке шалдықты.

Қызылордада бір тәулікте 58 адам вирус жұқтырды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда 1 миллионнан астам адам коммуналдық қызметтердің жартысын ғана төлей алады. Алайда осы жеңілдікті халықтың 5 проценті ғана пайдаланып отыр, деп жазады &nbsp;<a href="https://sputnik.kz/">Sputnik Қазақстан</a>.
<h3 id="36">36 мың отбасы ғана алған</h3>
Энергетика вице-министрі Қайрат Рахымовтың айтуынша, бүгінде халықтың басым бөлігі коммуналдық қызметтер бойынша жеңілдік алуға болатынын білмейді. Тұрғын үй көмегі аясында шығындардың жартысы мемлекет есебінен өтеледі. Осылай деген вице-министр 2019 жыла тек 54 мың отбасы ғана тұрғын үй көмегіне өтініш бергенін, ал өткен жылы ондай отбасылардың саны 36 мыңнан да аспағанын атап өтті.
<blockquote>
 “Біз еңбек және халықты әлеуметтік қорғау министрлігімен бірге есеп-қисап жасадық. Қазіргі кезде ондай жеңілдік алуға құқылы абоненттердің саны 1 миллион адамнан асып отыр”, – деді Рахымов орталық коммуникациялар қызметінде өткен онлайн брифингте.
</blockquote>
Оның айтуынша, тұрғын үй төлемін алу үшін халыққа қызмет орталығына барып, өтініш беруге болады. Бұдан бөлек,&nbsp;<a href="https://egov.kz/cms/kk/services/pass672_mir">egov.kz</a>&nbsp;порталы арқылы онлайн режимде тиісті құжаттарды жіберуге мүмкіндік бар.
<h3 id="">Тұрғын үй көмегі қалай беріледі?</h3>
Үкіметтің тұрғын үй көмегін көрсету&nbsp;<a href="http://adilet.zan.kz/kaz/docs/P090002314_">туралы ережесі</a>&nbsp;он екі жыл бұрын бекітілген. Онда көмек көрсетудің нақты тәртібі жазылған. Тұрғын үй көмегі – бұл коммуналдық қызметтердің бір бөлігін жабуға арналған төлем. Оның бекітілген мөлшері жоқ және әр аймақта әртүрлі болады. Тұрғын үй көмегін тұрмысы төмен отбасылар ғана ала алады. Ондай адамдар бірнеше талапқа сай болуы шарт. Олар:
<ul>
<li>Отбасының адам басына шаққандағы ай сайынғы табысы ең төменгі күнкөріс деңгейінен (34 302 теңге –&nbsp;<a href="https://sputnik.kz/">Sputnik</a>) аспауы тиіс;</li>
<li>Отбасыда жеке меншік немесе жалға алған бір ғана пәтер болуы қажет;</li>
<li>Тұрғылықты жері бойынша тұрақты тіркеуде тұру керек.</li>
</ul>
<blockquote>
 “Мәселен, бір отбасыда төрт адам бар дейік, отағасы ғана жұмыс істейді. Ай сайынғы табысы – 100 000 теңге. Әйелі және кәмелет жасқа толмаған екі баласы бар. Олар жұмыс істемейді. Заң бойынша осы отбасы коммуналдық қызметтердің жартысын ғана төлей алады. Қалғаны мемлекет тарапынан өтеледі. Себебі 100 000 теңгені төрт адамға бөлсек, әрбіреуіне 25 000 шығады. Демек, отбасының адам басына шаққандағы ай сайынғы табысы ең төменгі күнкөріс деңгейінен аспай тұр”, – дейді вице-министр Рахымов.
</blockquote>
<h3 id="-1">Коммуналдық төлемнің шекті сомасы қалай анықталады?</h3>
Заң бойынша тұрмысы төмен отбасының коммуналдық шығындарға кететін ақшаның шекті көлемін мәслихаттар анықтайды. Оның мөлшері ай сайынғы табыстың 5-20 процентін құрайды. Мысалы, Алматыда 5 проценттік меже қойылған. Демек, төрт адамнан тұратын отбасының ай сайынғы табысы 100 000 теңге болса, соның 5 проценті, яғни 5 мың теңгесі ғана коммуналдық шығындарға арналған. Ал одан артылған ақшаны мемлекет төлеп береді.&nbsp;&nbsp;
Осы орайда маңызды бір мәселені атап өткен жөн. Егер кәмелетке толған отбасының бір мүшесі жұмыс істемеген жағдайда, сондай-ақ оқуға да, әскерге де бармаса, тұрғын үй көмегі берілмейді.
Сол сияқты жұмыссыз адам мемлекет ұсынған жұмыстан және қайта даярлау курсынан себепсіз бас тартса, отбасының коммуналдық шығындары өтелмейді. Ал ересек адам 80 жастан асқан қарияларға, 7 жасқа дейінгі балаларға немесе мүгедектерге қарап жүрсе, жеңілдіктен қағылмайды. Тұрғын үй көмегін алады.&nbsp;
<h3 id="-2">Мемлекет тарапынан қандай шығындар өтеледі?</h3>
<ul>
<li>Әкімдіктен алынған жалдамалы баспананың ақысы;</li>
<li>ПИК/басқару компаниясының қызметтері (кондоминиумды ұстап тұруға, үйді күрделі жөндеуге және тағы басқа шығындар);</li>
<li>Коммуналдық қызметтер (электр энергиясы, газ, қоқыс шығару, суық және ыстық су, жылу мен канализация).</li>
</ul>
Тұрғын үй көмегі интернет, домофон, бейнебақылау, кабельді теледидар мен кіреберісті жинау қызметтеріне тесілі емес. Сосын ағымдағы шығындар ғана өтеледі. Бұрынғы қарыздар жабылмайды.
<h3 id="-3">Тұрғын үй көмегін қалай алуға болады?</h3>
Тұрғын үй көмегін халыққа қызмет көрсету орталығында рәсімдеуге болады. Ал үйден шыққысы келмейтіндер&nbsp;<a href="https://egov.kz/cms/kk">egov.kz</a>&nbsp;порталы арқылы өтініш жібере алады. Ол үшін электронды цифрлық қолтаңба қажет.
Құжаттар тізімі:
<ul>
<li>өтініш;</li>
<li>жеке куәлік;</li>
<li>табыс туралы анықтама;</li>
<li>коммуналдық қызметтер бойынша түбіртектің көшірмесі;</li>
<li>банк есепшотының реквизиттері;</li>
<li>жылжымайтын мүліктің бар-жоғы туралы анықтама;</li>
<li>жұмыс орнынан анықтама немесе жұмыссыз тіркелгені туралы құжат;</li>
<li>балаларға алимент төленетіні туралы мәлімет;</li>
<li>зейнетақы жарналары туралы анықтама.</li>
</ul>
Қазіргі кезде осы тізім төрт құжатқа дейін қысқартылды. Мамандар қалған құжаттарды ақпараттық база арқылы өздері ала береді. Өтінішті қарау мерзімі – сегіз жұмыс күні. Тұрғын үй төлемі оны алатын адамның есепшотына аударылып отырады. Сондай-ақ, үш ай сайын құжаттарды жаңартып отыру қажет.

Халықтың көбісі білмейді: 1 миллионнан астам адам коммуналдық қызметтің жартысын ғана төлей алады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазалы ауданында эпидемиологиялық ахуалдың күрделене түсуіне қарамастан, көпшілік жиналатан той-жиындар өткізушілердің қатары азаяр емес.
Жұқпалы індеттің адам өміріне төндіретін қаупі туралы теледидардан да, баспасөз беттерінде де күн сайын көрсетіліп, жазылып та жатыр. Тіпті аудан көлемінде вирус жұқтырғандардың саны күн сайын өсіп жатқаны туралы ақпарат та біздің жерлестерімізді ойландырмауда.
Жақында мониторингтік топ мүшелері жүргізген рейд барысында карантин режимін бұзу фактісі анықталды. Атап айтар болсақ, Әйтеке би кентінде 2 тұрғын өз ауласында той жасап, көпшіліктің жиналуына себепші болған. Осыған орай Т.Бөріқұлақов пен Ә.Тыныбаев көшелерінде той жасаған тұрғындарға заңдылыққа сәйкес айыппұл салынды.
Айта кетейік, дәл осындай тексеру шаралары ауданда эпидемиологиялық жағдай тұрақталғанға дейін күн сайын жалғасады.

Қазалы ауданында той жасаған тұрғындар жазаланды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 18 сәуірде елдің басым аумағында ауа райы құбылмалы болады. Кей жерлерде жаңбыр жауады, түнгі уақытта солтүстікте қар аралас жаңбыр болжануда. Кейбір облыстарда тұман түсіп, жел күшейеді, оңтүстік-шығыста, батыста және солтүстік-батыста найзағай ойнайды, деп хабарлайды Қазгидромет.
Ақмола облысында кей жерлерде тұман түсіп, таңертең және күндіз желдің жылдамдығы секундына 15-20 метрге дейін барады.
Жамбыл облысында, күндіз Алматы облысында найзағай ойнайды, жел 15-20 м/c дейін күшейеді.
Қостанай облысында кей жерлерде найзағай ойнайды, дауыл тұрады, тұман түседі, күндіз желдің жылдамдығы 15-20, екпіні секундына 25 метрге дейін барады.
Солтүстік Қазақстан облысында кей жерлерді тұман басады, күндіз желдің екпіні 23-28 м/c дейін жетеді.
Шығыс Қазақстан, күндіз Павлодар, Қарағанды, Қызылорда облыстарында жел 15-20 м/c дейін күшейеді, Қарағанды облысында кей жерлерде – тұман.
Маңғыстау, Батыс Қазақстан облыстарында, түнде және таңертең Атырау облысында кей жерлерді тұман басады. Батыс Қазақстан облысында кей жерлерде найзағай жарқылдайды.

Жексенбіге арналған ауа райы болжамы

Kyzylorda-news.kz. Бүгін Қызылорда қаласының әкімі Ғанибек Қазантаев қалаға қарасты дербес бөлімдерді аралап, жұмыстарымен танысты.
Алдымен шаһар басшысы құрылыс, жер қатынастары, сәулет және қала құрылысы, ауыл шаруашылық бөлімдері орналасқан ғимаратқа барып, бөлімдердің жұмысымен танысты.
Бірнеше бөлімді біріктірген нысанда келушілер үшін қолайлы орта қалыптастырылған. Әр бөлімнің арнайы терезелері арқылы тұрғындар өз сауалдарын қойып, мәселелерін бір ортадан электрондық кезек жүйесімен шеше алады. Сонымен қатар өз-өзіне қызмет көрсету бұрышы да қарастырылған.
Одан әрі Ғанибек Қонысбекұлы қалалық мәдениет және тілдерді дамыту бөлімі орналасқан А.Тоқмағамбетов атындағы мәдениет үйіне барды.
Нысанның материалдық базасымен таныстырған қала әкімінің орынбасары Асқарбек Темірбекұлы бөлімнің мүмкіншіліктері мен қажеттіліктерін атап өтті. Бұл бөлім қаладағы мәдениет үйлері, клубтар және халықтық ұжымдар мен тарихи музейлер, орталықтандырылған кітапханалар жүйесін бір ортаға біріктірген. Қала бойынша бөлімге қарасты 34 мәдени нысан халыққа қызмет көрсетіп келеді.
Шаһар басшысы қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің жұмысымен де танысты.
Бүгінде тұрғындарға 26 мемлекеттік, 8 арнаулы әлеуметтік қызмет түрін ұсынатын бөлімнің құрамында 4 орталық, 2 бөлімше бар. 200-ден аса қызметкер жұмыс істейтін бөлімге күніне 1500-ге жуық азамат қызмет алуға жүгінеді.
<blockquote>
 «Сіздерге барлық жағдай жасалған, материалдық-техникалық базаларыңыз нығайтылған, тек жүйелі жұмысты жалғастырып, халыққа сапалы қызмет көрсетулеріңіз керек» – деді қала әкімі.
</blockquote>
Қала әкімі аралау барысында өткен жылы Жол картасы аясында С.Торайғыров көшесіне жүргізілген жаяу жүргіншілер жолын да көрді. «ДГУСервис» ЖШС жүргізген 2 шақырымға жуық тротуардан олқылықтар анықталған. Жобаның іске асырылған уақыты – 2020 жылғы 24 маусым – 24 қазан аралығы. Қазір уақытта мердігер мекеме кепілдеме негізінде жаяу жүргіншілер жолына қайта жөндеу жұмыстарын жүргізуде.
<img src="https://kyzylorda-news.kz/wp-content/uploads/2021/04/fb_img_1618658340250.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618658350099.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618658325496.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618658345072.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618658335061.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618658332402.jpg" alt="" />

Ғанибек Қазантаев: Халыққа қызмет сапалы көрсетілуі керек

Kyzylorda-news.kz. Жамбыл облысында прокуратура қызметкері ұсталды, деп хабарлайды Stan.kz
<blockquote>
 “Прокуратура қызметкерлерінің жемқорлық әрекеттерінің алдын алу жұмыстары аясында Бас прокуратураның Ішкі тергеу департаменті Ұлттық қауіпсіздік комитетінің Жамбыл облыстық департаментінің қызметкерлерімен бірлесе отырып 16 сәуір күні Байзақ аудандық прокуратурасының қызметкерін ұстады”, – делінген ҚР Бас прокуратурасының баспасөз хабарламасында.
</blockquote>
Мәліметтерге сүйенсек, қызметкер айтарлықтай қомақты мөлшерде пара алды деген күдікке ілінді.
Ведомство өкілдері қазіргі уақытта қажетті тергеу жұмыстары жүргізіліп жатқанын, тергеудің қағидаларына байланысты өзге ақпарат жарияланбайтынын мәлімдеді.

Прокуратура қызметкері парамен ұсталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Үндістан билігі коронавирус жұқтыру көрсеткішін төмендету мақсатында Тәж-Махал мен басқа да көрікті жерлерді бір айға жапты.
Елде осымен тоғызыншы күн қатарынан инфекцияға шалдығу деректерінің тәуліктік рекорды тіркеліп келеді. Кеше қауіпті вирус 217 мың адамнан анықталды. Бұл әлем бойынша бұрын-соңды болмаған тәуліктік көрсеткіш. Медицина мамандарының айтуынша, ауруханаларда бос орын жоқ. Жансақтау бөлімдері де науқасқа лық толы.
<a href="https://24.kz/kz/zha-aly-tar/lemde/item/468246-t-zh-makhal-ajtadan-zhabyldy">Хабар 24</a>

Тәж-Махал қайтадан жабылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> “Қанда холестерин көбейіп кетіпті”, “ағзада холестерин көп”, “холестерині аз тамақ жеу керек” дегенді өмірде жиі естиміз. Көбімізде қанда холестерин көбейіп кеткенін өзіміз де байқамай қаламыз. Холестериннің көбейіп кеткенін дәрігерге қаралғанда не анализ тапсырғанда біліп жатамыз. Ендеше қанда холестерин көбейіп кеткенін білсек, қайтпек керек? Оны қалай азайтамыз?
Бұл сауалдарға А.Сызғанов атындағы Ұлттық ғылыми хирургия орталығының кардиолог дәрігері Рашида Халимназарова жауап берді.
Дәрігердің айтуынша, холестерин көбейгенін сезген, білген адам ең алдымен абыржып, үрейге салынбағаны жөн.
<blockquote>
 “Холестерин деңгейі көтеріліп кеткен жағдайда, қант диабеті, артериалды қан қысымы сынды ауыр дерт болмаса, ең алдымен диета ұстаудан бастау керек. Майлы, қақталған тағамдардан, тәтті және қорытылуы тез көмірсу тағамдардан бас тартқан жөн. Бір айдан кейін қайта анализ тапсырып көріңіз. Егер холестерин деңгейі азайса, диетаны ары қарай жалғастыру керек. Ал егер азайғаны байқалмаса, онда дәрігерге қаралуға тура келеді. Өйткені қанда холестериннің көбейіп кетуі тегін емес. Қандай да бір қан тамыры мен жүрек ауруының бар екенін білдіреді. Басқа мүше мен ағзада да ауру табылуы ғажап емес”, – деп түсіндіреді Рашида Халимназарова.
</blockquote>
Халқымыз етті көп жейтіні белгілі. Кейде қандағы холестериннің көбейіп кетуіне ет себепші деп жатамыз. “Бұл пікір дұрыс па?” деген сауалға кардиолог бәрі еттің түріне байланысты деп жауап берді.
<blockquote>
 “Қойдың еті майлы келетіндіктен онда холестерин көп. Тауық пен үйректің еті де майлы. Ал сиыр еті мен балықтың етінде май аз, сондықтан холестерині да аз келеді”, – деп түсіндірді маман.
</blockquote>
<a href="https://massaget.kz/arnayyi_jobalar/zdorove/64926/">Massaget.kz</a>

Қанда холестерин көбейіп кетсе не істеу керек?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қарағанды облысындағы Балқаш қаласындағы авиациялық оқу орталығында Су-30 см көпфункционалды жойғыш ұшақ апатқа ұшырады, деп хабарлайды&nbsp;<a href="https://stan.kz/">Stan.kz</a>.
16 сәуірде сағат 20:45 шамасында Балқаш қаласының Авиациялық оқу орталығына қону,&nbsp; оқу-жаттығу жүргізу кезінде Су-30 см көпфункционалды жойғыш апатқа ұшырағанын&nbsp;Қорғаныс министрлігінің баспасөз қызметі&nbsp;хабарлады.
“Ұшақ экипажы апатқа ұшырады. Ұшқыштар аман, медицина қызметкерлерінің бақылауында. Қазіргі уақытта болған оқиғаның себептерін анықтау үшін арнайы тергеу комиссиясы ұшақ құлаған жерге жіберілді”, – деді департамент.
Белгілі болғандай, ұшқыштардың денсаулық жағдайы тұрақты деп бағаланады.
Айта кетейік, 2020 жылғы 16 сәуірде Қарағанды қаласының маңында жауынгерлік кезекшілік атқаруға дайындық бойынша жоспарлы ұшуды орындау барысында Қазақстанның Әскери-әуе күштерінің МиГ-31 ұшағы апатқа ұшыраған еді.

Қазақстан және Қызылорда облысының жаңалықтары