<a href="https://kyzylorda-news.kz/">Kyzylorda-news.kz.</a> Сенат жануарларға жауапкершілікпен қарау туралы заң жобасын қабылдады. Оған сәйкес, қатыгездік жасағандарға ірі көлемде айыппұл салынады, деп хабарлайды Sputnik Қазақстан.
Айыппұлдың көлемі екі есеге өсті
Экология, геология және табиғи ресурстар министрі Серікқали Брекешевтің айтуынша, жануарларға қатыгездікпен қарау әрекеттерін бұқаралық ақпарат құралдары мен басқа да жолдар арқылы насихаттауға тыйым салынады. Ол үшін 1000 АЕК-ке (2 917 000 теңге) дейін айыппұл салу, бір жылға дейін бас бостандығынан айыру, белгілі бір лауазымдарды атқару немесе белгілі бір қызметпен айналысу құқығынан 2 жылға дейін айыру жазасы қарастырылып отыр.
Сондай-ақ Қылмыстық кодекстің 316-бабы бойынша жануардың мертігуіне әкеп соққан қатыгездік үшін 120 АЕК-ке дейін (биыл 350 040 теңге ) айыппұл және 30 тәулікке дейін қамауға алу, ал жануардың өліміне әкеп соққан қатыгездік әрекет үшін 200 АЕК-ке дейін (583 400 теңге) айыппұл және 50 тәулікке дейін қамауға алу жазасы енгізілген.
Әкімшілік құқық бұзушылық туралы кодекске жануарларға қатыгездікпен қарау тармағы да енгізілді. Атап айтқанда, 407-1 бабында нақты айыппұлдың көлемі көрсетілді. Олар.
<ul>
<li>жеке тұлғаларға – 5 АЕК (29 170 теңге);</li>
<li>лауазымды тұлғаларға – 10 АЕК (58 340 теңге).</li>
</ul>
Ал осы тәртіп бұзушылық қайталанса, жеке тұлғаларға 20 АЕК және лауазымды тұлғаларға 40 АЕК көлемінде айыппұл салынады.
407-2-баптың редакциясында үй және қаңғыбас иттер мен мысықтарды аулау, ұстау, есепке алу, серуендету, тасымалдау, өлтіру ережелерін бұзғаны үшін де айыппұл қарастырылған:
<ul>
<li>жеке тұлғаларға 10-нан 20 АЕК-ке дейін (29 170 теңгеден 58 340 теңгеге дейін);</li>
<li>лауазымды тұлғаларға 20-дан 30 АЕК-ке дейін (58 340 теңгеден 87 510 теңгеге дейін);</li>
<li>заңды тұлғаларға 30-дан 40 АЕК-ке дейін (87 510 теңгеден 116 680 теңгеге дейін.</li>
</ul>
Жануарларды есепке қою қажет
2023 жылдың 1 қыркүйегінен бастап үй жануарларын тіркеуге қою міндеті енгізіледі. Ал әлеуметтік жағдайы төмен азаматтар болса, есепке алу шаралары бюджет есебінен атқарылады.
<blockquote>
 «Заңға сәйкес, жануарлардың азап шегуін тоқтату және халықтың өміріне қауіп төнген жағдайда ғана өлтіруге рұқсат беріледі. Жануарларды қорғаушылардың жылжымалы хайуанаттар бағы, контактілі зоопарк, жылжымалы океанариумдар, дельфинарийлер мен жануарлардың жылжымалы көрмелерінің қызметіне тыйым салу туралы ұсыныстары да ескерілді. Бұл норма осы ұйымдардың меншік иелеріне бизнесті тарату немесе қайта ұйымдастыру іс-шараларын өткізу үшін уақыт беру мақсатында кейінге шегеріледі», – деп атап өтті министр.&nbsp;&nbsp;
</blockquote>
Сенат депутаттары заңды қабылдап, президенттің қол қоюына жіберді.

Жануарларға жауыздық жасайтындар үшін жаза күшейтіледі &nbsp;

<a href="https://kyzylorda-news.kz/">Kyzylorda-news.kz.</a> Биыл облыс тұрғындарының 78,4 пайызы әлеуметтік медициналық сақтандыру мәртебесіне ие болып, тиісті медицициналық көмектерге қол жеткізді.
Бұл туралы Өңірлік коммуникациялар қызметінде өткен баспасөз конференциясында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.
«Халықты міндетті әлеуметтік медициналық сақтандыру жүйесімен жаппай қамтудың екінші жылы аяқталуға жақын. Әлеуметтік медициналық сақтандыру жүйесіне қаржыландыру айтарлықтай өсті. Мәселен, өткен жылмен салыстырғанда нақтыланған бюджет көлемі 29 пайызға артты. Нәтижесінде, 60 медициналық ұйыммен келісім шарт жасалды. Келесі жылы медициналық қызметтерді сатып алу рәсімдерінің ашықтығы мен объективтілігін арттыру үшін медициналық көмектерді автоматтандыру жоспарлануда. Одан бөлек, МӘМС пакеттерін, сонымен қатар оларды қаржыландыру тәсілдерін одан әрі жетілдіру жоспарға сәйкес орындалатын болады. МӘМС жүйесі іске қосылғалы бері облыс тұрғындары әлеуметтік медициналық сақтандыру қорына 24,9 млрд. теңге төлем аударған. Оның 67,8% жұмыс берушілердің аударымдары болса, қалған 32,2% жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі. Жинақталған қаржы сенімгерлік басқару туралы келісіммен бекітілген ұлттық банкте сақталады және МӘМС пакеті шеңберіндегі қызметтердің ақысын төлеуге жұмсалады», – деді Бақыт Исмаханбетов.

Биыл облыс тұрғындарына 74 832 медициналық оңалту қызметі көрсетілді

<h4 id="kyzylordanewskzhttpskyzylordanewskz27nbsphttpsexkkzkknews118002kyzylordadabughin300ghiezhuykmunaishyashtykzhariialady"><a href="https://kyzylorda-news.kz/">Kyzylorda-news.kz.</a> Қызылорда облысында 27 жылдан бері жұмыс істеп келе жатқан «Қуатамлонмұнай» компаниясының мұнайшылары жалақымыз он жылдан бері көтерілмеді деп наразылық білдірді, деп хабарлайды&nbsp;<a href="https://exk.kz/kk/news/118002/kyzylordada-bughin-300-ghie-zhuyk-munaishy-ashtyk-zhariialady">Экспресс К</a>.</h4>
300-ге тарта мұнайшы жұмыстарын тоқтатып, күндізгі сағат 11:00-ден бастап аштық жариялады. Олар аштық жариялау үшін мекеменің спорт залында жиналды. Талаптары орындалмаса, 2 күн бойы жұмыс істемей, аш отырамыз деп бел буыпты. Мұнайшылар компания басшылығына үш талап қойып отыр.
<blockquote>
 Бірінші 10 жылдан бері көтерілмеген айлығымызды 50%-ға өсірсін. Екінші талабымыз 30 жылдық тәуелсіздігімізге орай 50 АЕК ақша берсін. Соңғы талабымыз компанияның экономисті мен кадр бөлімінің басшысын орынынан босатсын,– дейді мұнай бұрғылаушысы Қуат Асқарбекұлы.
</blockquote>
Біз бұл шағымымызды бір жылдан бері құзырлы орган өкілдеріне де, компания басшылығына да айтып келеміз», — дейді мұнайшылар. Алайда әлі күнге дейін нәтиже болмапты. Сондықтан аштық жариялаудан басқа амалдары қалмаған. Қазір мұндағы ауыр жұмысқа жалданғандардың ең төменгі жалақысы 80 мың, ең жоғарғы жалақы 130 мың теңге көлемінде. Алайда қыстың суығына, жаздың аптабына қарамай жұмыс істейтін мұнайшыларға бұл жалақымен күнелту мүмкін емес дейді наразы топ.
<blockquote>
 «Қызылорда облысының еңбек саласындағы бақылау басқармасы және облыстық кәсіподақ ұйымы өкілдері Қуатамлонмұнай БК ЖШС жұмыскерлерімен кездесіп, ҚР заңнамалары түсіндірме жұмыстарын жүргізді. Серіктестік жұмыс берушісі мен жұмыскерлер өкілдерімен татуластыру комиссиясы құрылып, ұжым жұмыскерлерімен жалақы мөлшерін көбейту және т.б. көтерілген мәселелер қаралуда. Қазіргі таңда, еңбек ахуалы тұрақты, №1 вахта жұмыскерлері өз жұмыстарын жалғастыруда, ал №2 вахта жұмыскерлері үйлеріне қайтты», – делінген облыстық еңбек саласындағы бақылау басқармасының ресми мәлімдемесінде.
</blockquote>

Қызылордалық мұнайшылар жалақы өсіруді талап етіп жатыр

<a href="https://kyzylorda-news.kz/">Kyzylorda-news.kz.</a>&nbsp; Нұр-Сұлтандағы Ұлттық кітапханада публицист, Қазақстанның еңбек сіңірген қайраткері, сенатор Нұртөре Жүсіптің «Жолыққан жандар» атты кітабының тұсаукесері болды.
Жинақ Зейнолла Сәнік атындағы мәдениет қоры, қордың атқарушы директоры Серік Әкірамұлы қолдауымен жарыққа шыққан.
Шараға Парламент сенатының депутаты Қуаныш Сұлтанов, мемлекет қайраткері, Парламент Сенатының депутаты Мұрат Бахтиярұлы, Парламент Мәжілісінің депутаты Дархан Мыңбай, сатирик Көпен Әмірбек, публицист Шархан Қазығұл және тағы басқа тұлғалар қатысты. 
Бұл кітапта Тәуелсіздіктің 30 жылында журналистік жолда жолыққан бірқатар тұлғалар туралы сыр шертілген. Сонымен қатар жинаққа қаламгердің ағалары, замандастары, әріптестері мен сыйлас азаматтар жөнінде жазған толғамдары енген.
<blockquote>
 «Жинақтағы кейіпкерлер түгелдей автордың көрген-білген, өмірде араласқан, кейді тіпті дос-жар болған адамдары. Сондықтан автор не жазса да сендіре жазады, бұрын көп ешкім айтпаған, байқамаған оқиғалар мен деректерді ойнатып отырады» – дейді кітаптың алғысөзін жазған қоғам және мемлекет қайраткері Мұхтар Құл-Мұхаммед.
</blockquote>
Кітаптағы ең құнды дүниенің бірі – қазақтың көрнекті жазушысы, Алтайдың кербұғысы Оралхан Бөкей туралы «Асау жүрек аяғын шалыс басқан» эссесі. Нұртөре Жүсіп Оралхан ағасының ең соңғы сапарында бірнеше күн жанында бірге болады. Сезімтал жүрек, ұшқыр қаламмен жазушының әр сөзі, әрбір іс-әрекетін ыждаһатпен жадына тоқи берген. Даңғаза дақпырттан үнемі бойын аулақ салып, ауаша жүруді ұнататын жазушы ағасына інілік ізетпен қызмет көрсеткен. Онысын риясыз көңілмен қабылдаған жазушы да қаламдас бауырымен ашыла сырласқан. Қаламгер соның бәрін қаз-қалпында хатқа түсіріп отырған.
Қазақ әдебиетінің классик жазушылары Шерхан Мұртаза, Әбіш Кекілбаевтан бастап, Социалистік еңбек ері Ыбырай Жақаевтың да бейнесін жинақтан табуға болады.
<blockquote>
 «Бұл кітап – Тәуелсіздіктің 30 жылдығына тартуым. Жинақта 30-ға тарта азаматтардың адамдық болмысын ашып көрсетуге бағытталған эсселер топтастырылған. Ел тәуелсіздігі жолында аянбай еңбек еткен тұлғалардың портретін сомдауға жасаған бір талпыныс еді» – дейді публицист, сенатор Нұртөре Жүсіп.
</blockquote>
<img src="https://kyzylorda-news.kz/wp-content/uploads/2021/12/269954904_1220641465132977_2221378182679892633_n.jpg" alt="" />
<img src="https://kyzylorda-news.kz/wp-content/uploads/2021/12/269851874_1220641328466324_6343463334262675983_n.jpg" alt="" />
<img src="https://kyzylorda-news.kz/wp-content/uploads/2021/12/269784948_1220641461799644_324028288311779682_n.jpg" alt="" />

Нұртөре Жүсіптің «Жолыққан жандар» кітабының тұсаукесері өтті

<a href="https://kyzylorda-news.kz/">Kyzylorda-news.kz.</a>&nbsp; Елімізде Qazaqstan ұлттық телеарнасының ұйымдастыруымен өтіп жатқан «Qazaqstan дауысы» жобасы мәресіне жақындады.
Аталған жоба 4 ай бойы музыкалық бағдарламалар арасында топ жарып, рейтинг бойынша көш бастап тұр.
Финалда қатысушылар ғана емес тәлімгерлер де бәсекеге түседі. Соңғы айналымда әр үміткер екі әннен орындайды: жеке және тәлімгерімен бірге дуэтте ән шырқайды.
Ақтық мәре 25 желтоқсан күні жергілікті уақытпен 19-30-да Qazaqstan ұлттық телеарнасында тікелей эфирде өтеді. Музыкалық байқаудың жеңімпазын көрермен SMS дауыс беру арқылы анықтайды.
«Qazaqstan дауысының» финалына жолдама алған үміткерлердің қатарында қызылордалық &nbsp;Ернар Амандық пен Құралай Мейрамбек те өнер көрсетеді. Олардың тәлімгерлері Майра Мұхамедқызы мен Сәкен Майғазиев.
Сыр елінің намысын қорғап, мәдениет майталмандарының ізін жалғаған жерлестерімізге қолдау білдіріп, дауыс беруге шақырамыз.
Айта кетейік, жобадағы Маржан Арапбаеваның тобынан Аружан Айдарбек, ALEM-нің тобынан Ерік Төленов сынды әншілер өнер көрсетпек.

«Qazaqstan дауысының» финалында екі қызылордалық өнерпаз бақ сынайды

<a href="https://kyzylorda-news.kz/">Kyzylorda-news.kz.</a>&nbsp; “Отбасы банк” АҚ Басқарма төрайымы Ләззат Ибрагимова 2022 жылдан бастап&nbsp;жаңа “Жайлы тұрғын үй” деп талатын тұрғын үй&nbsp;бағдарламасының іске қосылатынын айтты, деп хабарлайды&nbsp;<a href="https://stan.kz/">Stan.kz</a>.&nbsp;
Оның айтуынша, көптеген қазақстандықтар&nbsp;жекелеген санаттары үшін әртүрлі болып келетін тұрғын үй бағдарламаларының шарттарына наразы болып жатады.
Атап айтқанда, қазір қазақстандықтар “Бақытты отбасы” бағдарламасы бойынша бастапқы жарнасы 10% болатын&nbsp;2%-дық&nbsp;ипотека ала алады. Ал “Шаңырақ” бағдарламасы арқылы пәтер алатындар&nbsp;жылдық 5%-бен несие алуға мәжбүр. Сондай-ақ кезекте тұрғандар үшін өз шарттары бар жеке бағдарлама бар. Ибрагимованың айтуынша, бұл азаматтар арасында ыңғайсыздық пен наразылық тудырады.
<blockquote>
 “Біз Индустрия және инфрақұрылымдық даму министрлігімен бірге осы бағдарламалардың барлығын жаңартып, оларды бірдей бастапқы жарнамен – барлық жерде 10% етуді&nbsp;жасауды жоспарлап отырмыз. Кезекте тұрғандардың барлық санаттары тұрғын үй сертификаттарын алуға құқылы”, – деп хабарлады “Отбасы банк” басшысы.
</blockquote>
Ләззат Ибрагимова ай сайынғы табысы отбасының бір мүшесіне шаққанда 60-70 мың теңгеден төмен барлық қазақстандықтар жылдық 2%-бен ипотека ала алатынын хабарлады.
Оның пікірінше, мұндай тәсіл әділ болады және барлық ниет білдірушілерге “Отбасы банкінің”тұрғын үй бағдарламаларын пайдалануға мүмкіндік береді.
Жаңа тұрғын үй бағдарламасының толық шарттары 2022 жылдың қаңтар айының басында жарияланады.

Келесі жылы бірыңғай бастапқы жарнасы бар жаңа тұрғын үй бағдарламасы іске қосылады

<a href="https://kyzylorda-news.kz/">Kyzylorda-news.kz.</a>&nbsp; Қызылордада Қармақшы ауданы әкімдігі, облыстық мәдениет, архивтер және құжаттама басқармасының қолдауымен атақты жырау Көшеней Рүстембекұлының 75 жылдық мерейтойына арналған «Жүрегі жауһар жампозым» атты этноқойылым концерті өтті.
Қасиетті Қармақшы өңірінде дүниеге келген Сыр сүлейі, көрнекті мәдениет өкілі, жырау Көшеней Рүстембекұлының өмірі мен шығармашылығын насихаттауға арналған кеште қалалық жастар театры, Жиенбай жыраудың немересі Бидас Рүстембеков, Көшеней Рүстембекұлының баласы Арнұр Көшеней және елімізге белгілі жыршы-жыраулар өнерден шашу шашты.
Көшеней Рүстембековтың бірегей тұлғасы ашылып, қайталанбас өнері бүгінгі ұрпаққа дәріптелген кешті «Мәдениет қайраткері» төсбелгісінің иегері Берік Саймағанбетов жүргізді. Шара соңында жыршы-жырауларға алғыс білдіріп, Қазақстан Республикасының еңбек сіңірген қайраткері, «Құрмет» орденінің иегері, жырау Ұлжан Байбосыноваға «Қармақшы ауданының құрметті азаматы» атағы табысталды.
<blockquote>
 «Осыдан 48 жыл бұрын қазақтың тұқиян-тектен тін тартатын жыраулық – жыршылық өнеріне жаңаша келбет қалыптастырған Көшеней, өзінің қысқа ғұмырында атадан балаға жалғасқан тектік сарынның осы дәуірге жетуіне алтын көпір болды. Небәрі 27 жыл өмір сүріп, артына өнерін жалғастырар ұрпағын, мың жылдықтарға ұласатын жарығы самаладай өнердің білте шамын жағып қалдырды. Арада төрт мүшелдей уақыт өтті. Көшеней жырдың керуен көші тоқтаусыз жүріп, алшаң басып жаңа ғасырдың төріне озып келеді. Елбасы, Қазақстанның тұңғыш президенті Н.Ә.Назарбаевтың «Мәдени мұра, Рухани жаңғыру, Ұлы даланың жеті қыры» атты бағдарламалық мақалаларының негізгі бағыты ескі мұра, есті ғұрыптарымызды жас ұрпақтың санасында жаңғырту болса, біз сөз етіп отырған жырымыз бен жыршыларымыз ұлттық сананың қалыптасуына жұмыс жасайтын егіз ұғым.
 Ел тәуелсіздігінің 30 жылдығы, Көшеней Рүстембекұлының 75 жылдығына арналған «Жүрегі жауһар жампозым» атты этно-қойылым концертте Көшенейдей жампоздың барлық қырын, тарихтың бүккен сырын ашуға тырыстық және ол ойымыздың үдесінен шыққандай болдық», – деді «Мәдениет қайраткері» төсбелгісінің иегері Берік Саймағанбетов.
</blockquote>
Аталған шарада жыр мәйегінен шашу шашқан жыршы – жырауларға облыстық мәдениет, архивтер және құжаттама басқармасы басшысы Асқарбек Есжанов пен Қармақшы ауданы әкімі Қайрат Нұртайдың алғыс хаттары табысталды.
<img src="https://kyzylorda-news.kz/wp-content/uploads/2021/12/269762912_1831652437222256_2256543170448045897_n.jpg" alt="" />
<img src="https://kyzylorda-news.kz/wp-content/uploads/2021/12/269852047_935927433969969_8046975844076642005_n.jpg" alt="" />
<img src="https://kyzylorda-news.kz/wp-content/uploads/2021/12/268456521_935927913969921_757013298534654352_n.jpg" alt="" />
<img src="https://kyzylorda-news.kz/wp-content/uploads/2021/12/269780332_1831652373888929_7708096197616953575_n.jpg" alt="" />

Қызылордада «Жүрегі жауһар жампозым» атты этноқойылым өтті

<a href="https://kyzylorda-news.kz/">Kyzylorda-news.kz.</a>&nbsp; Санаулы күндерден кейін Барыс жылы табалдырықтан аттап, жаңа жылдың ақ парағы ашылады. 2022 жыл қандай жаңалық әкеледі? Несімен қуантады? Кімге сәтті, кімге қатерлі жыл болады? Қазақстандық нумерологтар келер жылдың сандарына тереңірек үңіліп, нумерологиялық болжам жасады, деп хабарлайды Sputnik Қазақстан.
<h3 id="">Жайлылық пен үйлесімділік</h3>
Нумеролог Құралай Бақытқызының айтуынша, 2022 жылдың саны – 6. Ал бұл – жайлылық, үйлесімділік және әдемілік нышаны. 2022 жылдың ұраны – “Трендтен қалыс қалмау”.
<blockquote>
 “2021 жыл консервативті жыл болды. Ұмыт қалған салт-дәстүрлер жаңғырып, қазақы көйлектер сәнге кірді. Туысқандармен ара қатынас жақсарды. Ал алдағы екі жыл мүлде өзгеше. Адамдар жаңашылдыққа, трендке ұмтылады. Заман көшіне ілесіп жүруге тырысады. Батысқа еліктейді. Шаршамай-тоқтамай, үнемі еңбектенетін жыл”, – дейді қазақстандық маман.
</blockquote>
Әсіресе, туған жылы екі санына аяқталатын жандар үшін 2022 жыл өте сәтті болғалы тұр. Олар: 62, 72, 82, 92, 2002, 2012 жылы дүние есігін ашқандар. Қытай нумерологиясы бойынша олардың стихиясы – су.
Сонымен қатар, туған жылы 3 цифрына аяқталатын адамдар үшін де жаман жыл болмайды. Ал туған күні 6 санына аяқталатын адамдарға 2022 жыл байлық әкеледі.
“Жаңа жылда адамдар үнемі қимыл-қозғалыста жүреді. Жиі көшіп-қонады. Тек алға қадам жасап, дамып, өсе береді. Сондай-ақ 2022 жыл депозит ашып, ақша жинауға қолайлы кезең. Бірақ көзсіз тәуекелге баруға болмайды. Асығыс шешім қабылдап, опық жеп қалуыңыз әбден мүмкін”, -деп ескертті Құралай Бақытқызы.
Бұдан бөлек, 6 әдемілік саны болғандықтан, шығармашыл жандарға айрықша шабыт береді. Бейнелеу өнері, сәулет дамиды.
“2022 жылда қатарынан үш 2 тұр, ал бұл сан бізде идеяны, энергияны білдіреді. Адамдар ішкі түйсікке көп мән береді. Ал 6, сондай-ақ еңбекқорлық, тұрақтылық, ауызбіршілік белгісі. Егер адамның туған жылында алты саны болмаса, ақша тұрақтамайды, шашыла береді”, – дейді ол.
<h3 id="-1">Махаббат жылы</h3>
Нумерологтың сөзінше, алты саны бұл – Венера. Ал Венера махаббатты, жеке өмірді меңзейді. Сол себепті келесі жылы бойдақтар үйленіп, шаңырақ көтереді. Қыз-жігіттер өз теңін табады. Ел демографиясы жақсарады.
Бұдан бөлек, Құралай Бақытқызының айтуынша, 2022 жыл саяхатты, іс-әрекетті, ізденісті талап етеді.
“2022 жылы қимыл-қозғалыс өте маңызды рөл ойнайды. Сондықтан адамдар белсенді өмір салтын ұстануы керек. Өйткені олар қозғалыстың өзінен энергия, күш-қуат жинайды. Көрші қалаға көлікпен барып-қайтудың өзі медитация. Ой тазарып, жан рахаттанып, тың идеялар келеді”, – дейді ол.
Осы орайда нумеролог келесі жылы солтүстікке, климаты “қатал”, суық өңірлерге саяхаттауға кеңес берді.
“Былтыр мен батыс жаққа көбірек көңіл бөлу керектігін айтқан едім. Сөйтіп, биыл Каспий теңізіне қыдырып барғандар көбейді. Ақтау дамып кетті. Ал 2022 жылы солтүстікке, суық жаққа барған дұрыс. Адам энергияны солтүстіктен алады. Сол себепті саяхатқа шығарда Түркияны емес, Канада, Ресей, өзіміздің астананы таңдауға кеңес берер едім”, – дейді Құралай Бақытқызы.
<h3 id="-2">Әлеуметтік жағдай нашарлайды, туризм дамиды</h3>
Нумерологтың болжамына сүйенсек, Барыс жылы – Қазақстан үшін тұрақты. Билікте айтарлықтай өзгеріс болмайды. Шағын бизнестің тасы өрге домаласа да, халықтың әлеуметтік жағдайы төмендейді. Халықты қымбатшылық қысады.
“Бірінші жарты жылдықта азық-түлік, тауар бағасы шарықтайды. Әлеуметтік ахуал нашарлайды. Алайда жылдың екінші жартысында оң өзгерістер күтіп тұр. Баспана арзандауы мүмкін. Өндіріс ошақтары дамиды. Экспорт ұлғаяды. Шетелдік инвесторлар көбейеді, инвестиция құйылады. Жол картасы сынды бағдарламалар қабылданады, халық жұмыспен қамтылады. Одан бөлек, бұл жыл туризм, көлік логистикасы, жол құрылысы дамитын жыл”, – дейді маман.
Тек қазан айында халық арасында наразылық, толқу болжанып отыр. Қалған айлар тыныш өтеді, деп болжады Құралай Бақытқызы.
<h3 id="-3">Пандемия тоқтай ма</h3>
“Коронавирус індеті тоқтай ма, жоқ па, оны ешкім білмейді. Бірақ денсаулық бойынша Қазақстанды жеке қарастырғанымда, 2022 жыл жақсы жыл деп шықты. Адам шығыны байқалмайды. Осыдан-ақ қорытынды шығаруға болады. Бірақ, менің ойымша, коронавирус мүлде жоғалып кетпейді. Тек тұмау сияқты жеңіл түрге өтеді”, -деді нумеролог.
<h3 id="-4">Жаңа жылды қалай қарсы алған жөн</h3>
Қытай нумерологиясы бойынша 2022 жыл – су жолбарысы жылы.
“Бұл жылды қара-көк түсті киіммен қарсы алған дұрыс. Жыл символы тым ашық, жарқын түстерді ұнатпайды. Суық түстерге басымдық берген абзал”, -деп кеңес берді Құралай Бақытқызы.
Сонымен қатар, айтуынша, 2022 жылдың алтыншы айы адамдарға сәттілік әкеледі.
<h3 id="2022">2022 жылдың қатерлі күндері</h3>
Ал қазақстандық нумеролог Ирина Кальницкая келер жылдың қауіпті күндерін атады. Ол, әсіресе, ақпан айында өте сақ болуды ескертті. Себебі дәл осы айда “әдемі” үш дата бар:&nbsp;02.02.2022, 20.02.2022 және 22.02.2022.
<blockquote>
 “Ақпан айы оңайға соқпайды. Бұл әділдік кезеңі. Әр адам қолмен жасағанды мойынмен көтереді. Егер сіз жарты жыл бойы басқаларға жамандық ойласаңыз, жауап беретін сәт жетті. Мысалы, сіз айналаңызда бәрі өтірікші деп санасаңыз, онда ақпанда бәрі сізді алдайды. Яғни, өмірде неге сенсек, сол алдымыздан шығады”, – дейді Кальницкая.
</blockquote>
Ақпан айын тыныш өткізу үшін өміріңізде болып жатқан оқиғаларға талдау жасап, неге бұл сіздің басыңызға келгенін түсіну қажет.
“Кінәліні іздеу – бекер іс. Егер кінәні өзіңізден емес, өзгеден іздесеңіз, жағдайыңыз одан бетер нашарлайды”, – деп ескертті нумеролог.
Маман 2 ақпан күнін гармонияда өткізу үшін тәртіп қажет екенін айтты. Нақты жоспар құрып, соны басшылыққа алу керек. Ашу-ызаға бой алдырмаған абзал. Өйткені дәл осы күндері қандай эмоция болмасын, ол алты еселенеді.
Ал 20 ақпан күні нумеролог жаңа іс бастамауға кеңес берді. Алданып қалуыңыз ғажап емес. Сыбыс пен қауесетке сенбеу керек. Кітап оқып, фильм көріп, күнді жанға жайлы тыныштықта өткізген жөн.
Ақпанның 22-сі де қауіпті күндердің бірі саналады. Алаңғасар, ұшқалақ адамдар абайсызда жарақаттанып қалуы ықтимал. Бұл күні іштен тынбай, эмоцияға ерік беру қажет.
Сонымен қатар, 22 ақпан күні болып жатқан оқиғаларға жеңіл-желпі қарау өте маңызды. Бұл өткенді ой елегінен өткізіп, өмірге жаңа көзқараспен қарайтын кез. Бұған қоса, дәл осы күні проблемалар өз-өзінен шешіледі, дейді Кальницкая.

Барыс жылы қазақстандықтарды не күтіп тұр?

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы көлемінде өтіп жатқан «Пиротехника» жедел-профилактикалық іс-шара барысында базарлар мен сауда орындарында Қызылорда облысы полиция департаментінің әкімшілік полиция басқармасы және төтенше жағдайлар департаментінің қызметкерлерімен бірлесіп рейдтік іс-шаралар жүргізуде.
Жүргізілген рейдтік іс-шаралардың нәтижесінде облыс бойынша пиротехникалық заттарды заңсыз сатудың 17 дерегі анықталды.
Атап айтқанда тауарлармен немесе өзге де заттармен заңсыз сауда жасаудың (ҚР ӘҚБтК 196-бап) 8 дерегі анықталып, 391 дана пиротехникалық зат тәркіленді, ал елді-мекендерде пиротехникалық бұйымдарды қолданудың(436-бабының 3-бөлігі) 6 дерегі, &nbsp;пиротехникалық заттарды пайдалану, сату және сақтау ережелерін бұзудың &nbsp;(483-бабының 1-бөлігі) 3 дерегі анықталып, құқық бұзушыларға әкімшілік шара көрілді.
<blockquote>
 &nbsp;«Өңір тұрғындары мен қонақтарын пиротехникалық бұйымдарды тек арнайы дүкендерден сатып алу керектігін ескертеміз, бұйымның қаптамасының бүлінбегеніне назар аударыңыздар. Сондай-ақ өнімнің жарамдылық мерзіміне де көңіл бөлген жөн. Пиротехникалық бұйымдарды тиісті рұқсат құжаттарынсыз сатқандарға әкімшілік жауапкершілік қарастырылғанын ескертеміз»,- деп атап өтті Қызылорда облысы Полиция департаментінің бастығы полиция полковнигі Бекторе Сұлтан.
</blockquote>

Қызылордада пиротехникалық заттарды заңсыз сатқандар жауапқа тартылды

<a href="https://kyzylorda-news.kz/">Kyzylorda-news.kz.</a>&nbsp;Достық үйінде облыстық Қазақстан халқы ассамблеясының қорытынды салтанатты шарасы өтті.
Шараға облыс әкімінің орынбасары Серік Ахмет, облыстық ішкі саясат басқармасының басшысы Мира Қазбекова, «Қоғамдық келісім» КММ және облыстық ішкі саясат басқармасына қарасты басқа да мекемелердің қызметкерлері, этномәдени бірлестіктер мен облыстық ассамблея құрылымдарының басшылары мен белсенділері мен қайырымдылықпен айналысатын ұйымдардың өкілдері қатысты.
Қазақстан Республикасы Тәуелсіздігінің 30 жылдығы аясында өткізілген іс-шара барысында облыс әкімінің орынбасары, облыстық ҚХА төрағасының орынбасары Серік Ахмет сөз сөйлеп, елдегі халық бірлігін, этносаралық достық пен қоғамдық келісімді сақтау мен нығайтуда ерекше рөл атқарған Қазақстан халқы Ассамблеясының маңыздылығын атап өтті.
Салтанатты шарада бірқатар азаматтар марапаттау рәсімі өтті. Облыс әкімінің орынбасары өңірдің рухани-мәдени дамуына, этносаралық бірлік пен қоғамдық келісімді сақтауға қосқан үлесі үшін бірқатар азаматтарға «Халық алғысы» медалін, Қазақстан халқы Ассамблеясының «Бірлік» медалін, ҚХА төрағасының Құрмет грамотасы мен Алғыс хатын табыс етті. Сондай-ақ, өңірдегі этномәдени бірлестіктердің басшыларына этносаралық достық қатынастарды нығайтуға қосқан елеулі үлесі үшін облыс әкімінің Алғыс хаты табыс етілді. Қайырымдылық бағыты бойынша облыс әкімінің Алғыс хаты мен номинациялар табысталды.
Қорытынды салтанатты іс-шара концерттік бағдарламамен аяқталды.
<img src="https://kyzylorda-news.kz/wp-content/uploads/2021/12/269816591_1436930160035825_4107144364860310421_n.jpg" alt="" />
<img src="https://kyzylorda-news.kz/wp-content/uploads/2021/12/269777056_1436930053369169_7080348041663783565_n.jpg" alt="" />
<img src="https://kyzylorda-news.kz/wp-content/uploads/2021/12/269766290_1436930040035837_3471249383710057760_n.jpg" alt="" />

Қызылорда облыстық Қазақстан халқы Ассамблеясының жұмысы қортындыланды

<a href="https://kyzylorda-news.kz/">Kyzylorda-news.kz.</a> Қазіргі уақытта әлем елдері бойынша коронавирус індетіне қарсы күрес жұмыстары жалғасуда. Дегенмен, індетті толықтай ауыздықтау мүмкін болмай отыр. Әлі күнге дейін ауруды жұқтырып алып жатқан азаматтар анықталуда. Оларды емдеп, денсаулықтарын қалыпқа келтіру жолында дәрігерлердің еңбегі өлшеусіз.
Covid – 19 жұқпалы вирус. Бұл дертпен ауырған адамның денсаулығы әлсіреп, иммунитеті төмендейді. Сол себепті мамандар азаматтарды коронавирусқа қарсы екпенің үшінші дозасын салдыру өте маңызды. Яғни, ревакцинация қауіпті кеселден сақтануға мүмкіндік береді.
Соңғы уақытта коронавирус індетінің түрі өзгеріп, шетелдерде жаңа штаммдары анықталуда. Әсіресе, “Омикрон” түрі адам денсаулығына аса қауіпті, “Дельта” штамынан екі есе тез жұғатыны белгілі болып отыр. Сол себепті әр азамат ревакцинация қабылдап, сақтық шараларына мән бергені абзал.
Сонымен қатар, бүгінде көпшілігімізді балаларымыздың денсаулығы алаңдатып отырғаны рас. Осы ретте, «Pfizer» жеткіншектер мен жүкті және емізулі балалары бар аналарды дерттен қорғауға мүмкіндік береді. Аталған екпенің ағзаға ешқандай зияны жоқ, зертханалық түрде толықтай дәлелденген. Екпенің алғашқы партиясы салынды. Вакцина барлық талаптарға сай сақталуда. Сол себепті күдіктенуге, сенімсіздік танытуға еш негіз жоқ.
Гүлсара МҰХТАРОВА,
облыстық психикалық денсаулық орталығының аға мейірбикесі

Ревакцинация қауіпті кеселден сақтануға мүмкіндік береді

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 588 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 77,
Ақмола облысы – 64,
Алматы облысы – 52,
Атырау облысы – 3,
Шығыс Қазақстан облысы – 29,
Жамбыл облысы – 14,
Батыс Қазақстан облысы – 18,
Қарағанды облысы – 121,
Қостанай облысы – 64,
Қызылорда облысы – 8,
Маңғыстау облысы – 3,
Павлодар облысы – 36,
Солтүстік Қазақстан облысы – 92,
Түркістан облысы – 7.
Қазақстан бойынша жазылғандар саны – 955360.

Қазақстан және Қызылорда облысының жаңалықтары

Жануарларға жауыздық жасайтындар үшін жаза күшейтіледі

Биыл облыс тұрғындарына 74 832 медициналық оңалту қызметі көрсетілді

Қызылордалық мұнайшылар жалақы өсіруді талап етіп жатыр

Нұртөре Жүсіптің «Жолыққан жандар» кітабының тұсаукесері өтті

«Qazaqstan дауысының» финалында екі қызылордалық өнерпаз бақ сынайды

Келесі жылы бірыңғай бастапқы жарнасы бар жаңа тұрғын үй бағдарламасы іске қосылады

Қызылордада «Жүрегі жауһар жампозым» атты этноқойылым өтті

Барыс жылы қазақстандықтарды не күтіп тұр?

Қызылордада пиротехникалық заттарды заңсыз сатқандар жауапқа тартылды

Қызылорда облыстық Қазақстан халқы Ассамблеясының жұмысы қортындыланды

Ревакцинация қауіпті кеселден сақтануға мүмкіндік береді

8 қызылордалық коронавирустан жазылды

Қазақстан және Қызылорда облысының жаңалықтары

Жануарларға жауыздық жасайтындар үшін жаза күшейтіледі &nbsp;

Биыл облыс тұрғындарына 74 832 медициналық оңалту қызметі көрсетілді

Қызылордалық мұнайшылар жалақы өсіруді талап етіп жатыр

Нұртөре Жүсіптің «Жолыққан жандар» кітабының тұсаукесері өтті

«Qazaqstan дауысының» финалында екі қызылордалық өнерпаз бақ сынайды

Келесі жылы бірыңғай бастапқы жарнасы бар жаңа тұрғын үй бағдарламасы іске қосылады

Қызылордада «Жүрегі жауһар жампозым» атты этноқойылым өтті

Барыс жылы қазақстандықтарды не күтіп тұр?

Қызылордада пиротехникалық заттарды заңсыз сатқандар жауапқа тартылды

Қызылорда облыстық Қазақстан халқы Ассамблеясының жұмысы қортындыланды

Ревакцинация қауіпті кеселден сақтануға мүмкіндік береді

8 қызылордалық коронавирустан жазылды

Жануарларға жауыздық жасайтындар үшін жаза күшейтіледі