<a href="https://kyzylorda-news.kz/">Kyzylorda-news.kz</a>&nbsp; &nbsp;Кеше "Достық" үйінде Тәжік-Ауған шекарасында ерлікпен шайқасқан ардагер Р.Батырхановтың қаза болуына 30 жыл толуына орай дөңгелек үстел өтті.Қызылордалық шекарашылар&nbsp;ұйымдастырған бұл шара&nbsp;қанды соғыста Отаны&nbsp;үшін жанын&nbsp;қиған батыр туралы&nbsp;әсерлі естелікке айналды. Дөңгелек&nbsp;үстел барысында Р.Батырхановтың рухына деген&nbsp;құрмет пен алғыс сөздер айтылып,&nbsp;өскелең ұрпақты отансүйгіштікке тәрбиелеудің маңызды тұстарына тоқталды. Дөңгелек&nbsp;үстелдің ашылу салтанатында «Застава тарландары» РҚБ-і&nbsp;Қызылорда облыстық филиалының төрағасы, мемлекеттік органдар, ардагерлер мен коғамдық ұйымдардың өкілдері сөз сөйледі. Барлық қатысушылар Р.Батырхановтың батырлығы мен адалдығы үшін&nbsp;үлкен кұрмет көрсетіп, алғысын білдірді.Ресми бөлімнің соңында ардагерлердін Р.Батырхановқа «Халык каһарманы» атағын беру туралы&nbsp;ұсынысы ерекше сәтке айналды. Бұл атақ оның ерлігіне деген терең құрмет көрсетіліп, біздің жадымызда мәңгі есте сақталатыны сөзсіз.&nbsp;Жиын жалпы естелік суретке түсу рәсімімен аяқталды.

Қызылордада "Достық" үйінде дөңгелек үстел өтті

&nbsp;<a href="https://kyzylorda-news.kz/">Kyzylorda-news.kz</a> &nbsp;ҚР ҚМА Қызылорда облысы бойынша департаменті адамдардың сеніміне кіріп, қасақана ниетпен бөтеннің мүлкін алдау және сенімді теріс пайдалану жолымен ақша, азғыру арқылы басқа адамды мемлекеттік функцияларды орындауға уәкілеттік берілген адамға не &nbsp;лауазымды адамға делдал арқылы айтарлықтай мөлшерде пара беруге айдап салып, меншікке және мемлекеттік қызмет пен мемлекеттік басқару мүдделеріне қарсы сыбайлас жемқорлық сипатындағы ауыр санаттағы қылмыстық құқық бұзушылықтарды жасаған алаяқтардың жолын кесті.Қызылордалық «А» және оның жұбайы «Г» есімді азаматтар 2023 жылдың шілде айында Қызылорда облысы бойынша экономикалық тергеп-тексеру департаментінің өндірісіндегі қылмыстық іс бойынша жауаптылықтан босатып беремін деген желеумен жәбірленуші «М» есімді азаматшадан алдап 8 000 000 теңге ақша &nbsp;алған.Бүгінде іс бойынша сот процессі аяқталды. Сотталушы «А» Қазақстан Республикасының ҚК-нің 190-бабы 3-бөлігі 1-тармағымен, ҚК-нің 28-бабы 4-бөлігі арқылы 367-бабы 3-бөлігі 1-тармағымен кінәлі деп танылып, оған ҚК-нің 28-бабы 4-бөлігі арқылы 367-бабы 3-бөлігі 1-тармағымен мемлекеттік қызметте, судья қызметін, жергілікті өзін-өзі басқару органдарында, Қазақстан Республикасының Ұлттық Банкінде және оның ведомстволарында, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органда, мемлекеттік ұйымдарда және квазимемлекеттік сектор субъектілерінде лауазымдарды атқаруға өмір бойына айыра отырып, 7 (жеті) жыл мерзімге бас бостандығынан айыру жазасы тағайындалды. Жазасын қылмыстық-атқару жүйесінің орташа қауіпсіз мекемелерінде өтейтін болады.Ал сотталушы «Г» Қазақстан Республикасының ҚК-нің 190-бабы 3-бөлігі 1-тармағымен, ҚК-нің 28-бабы 4-бөлігі арқылы 367-бабы 3-бөлігі 1-тармағымен кінәлі деп танылып, оған: ҚК-нің 28-бабы 4-бөлігі арқылы 367-бабы 3-бөлігі 1)-тармағымен мемлекеттік қызметте, судья қызметін, жергілікті өзін-өзі басқару органдарында, Қазақстан Республикасының Ұлттық Банкінде және оның ведомстволарында, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органда, мемлекеттік ұйымдарда және квазимемлекеттік сектор субъектілерінде лауазымдарды атқаруға өмір бойына айыра отырып,7(жеті) жыл мерзімге бас бостандығынан айыру жазасы тағайындалып, жазасын қылмыстық-атқару жүйесінің орташа қауіпсіз мекемелерінде өтейтін болады.Қызылорда облысы бойынша&nbsp; экономикалық тергеп-тексеру&nbsp; департаментіФото: egemen.kz

Алаяқтықпен ұсталған  қызылордалық ерлі-зайыптылар 7 жылға сотталды

<a href="https://kyzylorda-news.kz/">Kyzylorda-news.kz</a> Азаматтық қорғау, төтенше жағдайлардың алдын алу және жою, аумақтық қорғанысты қамтамасыз ету. Бұл аталған міндеттер облыстық жұмылдыру дайындағы басқармасының тікелей қызметі. Аталған басқарма маңызды мәселелердің бел ортасында жүреді.Биыл 3 нысанда қорғаныс бөгеттерін жөндеу-қалпына келтіру жұмыстарын жоспарға енгізіп, Арал ауданындағы 2 нысан бойынша жұмыстарды бастап кетті. Сондай-ақ 2024 жылдың мамыр айында Сырдария өзенінің су шаруашылығы нысандарына зерттеу жұмыстары жүргізіліп, жөндеу жұмыстарын қажет ететін 14нысан анықталған. Бұл туралы облыстық жұмылдыру дайындығы басқармасының басшысы Марат Құрманбаев хабарлады.<blockquote>– Тиісті құзырлы органдардың ұсыныстарымен 1-ші кезекте жөндеу жұмыстарын қажет ететін учаскелер нақтыланып, қажетті қаржы көлемі есептелуде. Нәтижесімен бюджеттік өтінім әзірленіп, облыстық экономика және қаржы басқармасына тапсырылатын болады. Биыл Батыс Қазақстан облысында орын алған су тасқыны жағдайына байланысты көмек көрсету мақсатында облыс бойынша барлығы 152 техника, 30 су тарту құрылғысы, 8 жүзу құралы, 617 адам күші жұмыс жасады, – деді Марат Ердәулетұлы.</blockquote>Брифинг барысында басқарма басшысы Конго-Қырым геморрагиялық қызбасын алдын алу мақсатында атқарылып жатқан жұмыстарға тоқталып өтті.<blockquote>– Аймақта Конго-Қырым геморрагиялық қызбасының алдын алу мақсатында 2024 жылы көктемгі және күзгі залалсыздандыру жұмыстарын жүргізу жоспарланды. Көктемгі заласыздандыру жұмыстары 9-шы сәуір мен 24-ші маусым аралығында жүргізілді.</blockquote>Жалпы облыс бойынша залалсыздандыру жұмыстарының тиімділігі 98,1% құрап отыр, – деді Марат Ердәулетұлы.Фото: өңірлік коммуникациялар қызметі

Жұмылдыру дайындығы басқармасының жұмысы жүйелі

<a href="https://kyzylorda-news.kz/">Kyzylorda-news.kz</a> Биылғы жылдың 6 айында облыстағы 1 235 тапсырыс берушімен 69 651 сатып алу өткізілсе, оның 4 пайызы немесе 4110 конкурсы облыстық мемлекеттік сатып алу басқармасымен ұйымдастырылды.Басқарманың түсіндіру-таныстыру мақсатында өткізілген 50-ге жуық іс-шарасы өз нәтижесін беріп, саладағы әкімшілік құқық бұзушылық 10%-ға төмендесе, тәртіптік жауапқа тартылу көрсеткіші 54%-ға азайды.Статистикалық мәліметтер аясында Облыстық мемлекеттік сатып алу басқармасының басшысы Бауыржан Шәменов тарапынан 2024 жылдың 1 қаңтарынан бастап білім беру ұйымдарындағы ыстық тамақпен қамту қызметтерінің де орталықтандырылған түрде басқармамен жүргізіліп отырғандығы атап өтілді.Бұл шараның білім беру ұйымдарындағы сыбайлас жемқорлық тәуекелдерін азайтып, жауапты мамандарына артылатын жүктеменің азаюына ықпал ететіндігі анық.Саладағы елеулі жаңалық – 2024 жылдың 1 шілдесінде Мемлекет басшысы қол қойған жаңа «Мемлекеттік сатып алу туралы» Заңы.Осыған байланысты, Бауыржан Серікұлы жаңа Заң сатып алу процесінің рәсімдерін оңтайландыруды, мемлекеттік сатып алуға қатысушылардың жауапкершілігін күшейтуді көздеп отырғандығын атап өтіп, 2025 жылдың 1 қаңтарынан күшіне енетін Заңның жаңашылдықтарына да тоқталды.Енді, мемлекеттік сатып алулар шеңберінде:– «строительство под ключ» ұғымы енгізіліп, нысанды жобалаудан бастап объектіні пайдалануға беруге дейінгі жұмыстарды бір ғана өнім берушіге жүктеу мүмкіндігі болады;– тапсырыс берушілер қолдана алмай келген бір көзден алу мүмкіндігі қайта беріліп, құны 100 АЕК-ге дейінгі тауарларды, 500 АЕК-ге дейінгі жұмыстар мен қызметтерді ал, кент, ауыл әкімдері кез келген сомасы 4000 АЕК-ге дейінгі сатып алуларды сатып алуды өткізіп, уақыт кетірместен бір көзден алады.Сонымен қатар, «сақалды» құрылыстар бойынша мердігерлердің жауапкершіліктерін арттыру жөнінде ұсыныс қолдау тауып, алдағы уақытта кешіктірілген және орындалмаған шарттық міндеттемелері бойынша күшіне енген сот шешімі болса, мердігерлер мемлекеттік сатып алуларға қатыса алмайды.Фото: Өңірлік коммуникациялар қызметі

Мемлекеттік сатып алуға қатысушылардың жауапкершілігі күшейтіледі

<a href="https://kyzylorda-news.kz/">Kyzylorda-news.kz</a> &nbsp;«AMANAT»партиясы Қызылорда облыстық филиалының кезектен тыс ХХХІV конференциясы өтті. Конференцияда Алмасбек Есмаханов партияның облыстық филиалының &nbsp;төрағасы болып сайланды.&nbsp;Есмаханов Алмасбек Әбілқасымұлы 1982 жылы 8 қаңтарда Қызылорда облысы, Қызылорда қаласында дүниеге келген. Білімі жоғары. 2005 жылы Қызылорда гуманитарлық университетінің қаржы және несие, 2009 жылы Қазтұтынуодағының Қарағанды экономикалық университетінің заңтану мамандықтары бойынша бітірген.2013 жылы Қазақстан Республикасы Президентінің жанындағы мемлекеттік басқару академиясының Мемлекеттік саясаттың ұлттық мектебі және АҚШ-тың Каролина штатының ДЮК университетінің «Саясаттану» мамандығы бойынша әлеуметтік білім магистрі академиялық дәрежесі берілген. Еңбек жолын 2006 қалалық экономика және бюджеттік жоспарлау бөлімінің маманы болып бастаған. 2007 – 2008 жылдары облыстық жұмыспен қамту және әлеуметтік бағдарламалар департаментінің жетекші, бас мамандары, 2008 – 2012 жылдары қала әкімі аппаратының ұйымдастыру – инспекторлық бөлімінің бас маманы, бас инспекторы, Тасбөгет кенті әкімінің орынбасары, бөлім басшысы, 2012 – 2014 жылдары Қарауыл төбе ауылдық округінің әкімі, 2014 – 2015 жылдары облыс әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы, бөлім басшысы, 2015-2018 жылдары Шиелі ауданы әкімінің орынбасары, 2018-2019 жылдары Қызылорда қаласы әкімдігінің аппарат басшысы, 2019-2020 жылдары қалалық мәдениет және тілдерді дамыту бөлімінің басшысы, қалалық кәсіпкерлік, өнеркәсіп және туризм бөлімінің басшысы, қалалық ішкі саясат бөлімінің басшысы лауазымдарында қызмет атқарған. 2020 жылы Шиелі ауданы әкімінің орынбасары қызметін атқарды. Бұған дейін Алмасбек Есмаханов Облыстық қоғамдық даму басқармасының басшысы қызметін атқарған.

Алмасбек Есмаханов «AMANAT»  партиясы облыстық филиалының төрағасы болды

<a href="https://kyzylorda-news.kz/">Kyzylorda-news.kz</a>&nbsp; Дүниежүзілік денсаулық сақтау ұйымы әлемде тағы бір вирустың өршуі мүмкін екенін айтты, деп хабарлайды <a href="https://bugin.kz/38628-alemde-taghy-bir-pandemiya-payda-boluy-mumkin">Bugin.kz порталы</a>.Ұйымның бас директоры Тедрос Аданом Гебрейсус Женевада кез келген уақытта жаңа пандемия басталуы мүмкін екенін ескертті.<blockquote>«Қазіргі H5N1 (құс тұмауының) өршуі бізге келесі пандемияның кез келген уақытта келе салуы мүмкін екенін көрсетті. Ол кез келген уақытта келе алады. Ол бізді күтпейді», – деп атап өтті ДДСҰ бас директоры.</blockquote>Себебі құс тұмауынан соңғы уақытта 60 жастан асқан 1,7 мың адам қайтыс болады.Фото: Ведомости

Әлемде тағы бір пандемия пайда болуы мүмкін

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте елді мекендерді абаттандыру, дамыту, тапсырмалардың орындалуы талқыланды.Аймақ басшысы барлық елді мекеннің санитарлық тазалығына зерделеу жүргізілетінін ескертті.<blockquote>«Әкімшілік аумақтағы барлық елді мекеннің санитарлық тазалығын қатаң бақылауға алып, тұрақты түрде көркейту-көгалдандыру, әктеу-сырлау жұмыстарын жүргізіңіздер. Қызылорда қаласы және аудан әкімдіктері жол бойындағы ой, шұңқыр, жол белгілерінің барлығын қарап шығып, кемшіліктер болған жағдайда шұғыл қалпына келтіріңіздер. Барлық басқарма, аумақтық департаменттер, республикалық мекемелердің облыстағы филиалдары ортақ іске жұмылдырылуы қажет. Облыс әкімінің орынбасарлары, қала әкімдігі бұған дейінгі бөлініс бойынша барлық сектордағы тазалықты қадағалап, тиісті жұмыстардың атқарылуын қамтамасыз етіңіздер», - деді Нұрлыбек Машбекұлы.</blockquote>Облыс әкімі аппаратына күнделікті зерделеуді әрі қарай жалғастырып, анықталған кемшіліктерді қалпына келтіру бойынша ұсыныс беру тапсырылды.Фото: Қызылорда облысы әкімінің баспасөз қызметі

 Тапсырмалардың орындалуы бақылауда болады

<a href="https://kyzylorda-news.kz/">Kyzylorda-news.kz</a> ҚР Президентінің кеңесшісі Ернар Баспаевтың төрағалығымен өткен мәжілістің күн тәртібінде «Таза Қазақстан» республикалық экологиялық акциясын өткізудегі кейбір мәселелер мен "Жайлы мектеп" ұлттық жобасын іске асыру барысы талқыланды.«Жайлы мектеп» ұлттық жобасымен Қызылорда облысында 12 300 орынға арналған 21 мектеп салу жоспарланған. Биыл 6 900 орындық 10 мектеп, келесі жылы 5 400 орындық 11 мектеп пайдалануға беріледі деп күтілуде.Қызылорда облысының әкімдігі жергілікті бюджеттен 118,4 млн. теңге бөліп, мектептерге инфрақұрылым жеткізудің жоба-сметалық құжаттары әзірленді. Сараптама қорытындысы алынды. Инфрақұрылым жүргізуге жергілікті бюджеттен 1,7 млрд. теңге қаржы бөлініп, 10 мектепте құрылыс-монтаж жұмыстары аяқталды.Аймақта экологиялық акцияны ұйымдастырудың өңірлік іс-шаралар жоспары бекітілген. Оған қатысқан еріктілер, қоғам қайраткерлері, бюджет саласы мен кәсіпорындар қызметкерлері 13 мың тоннадан астам қоқыс қалдығын шығарып, скверлер мен парктерді, тарихи-мәдени ескерткіштерді, әлеуметтік, өнеркәсіп және бизнес нысандарын, су айдындарын, субұрқақтарды, арықтарды, аулалар мен көше бойларын тазартты. Тазалық шараларына 500-ден астам техника жұмылдырылды. Көркейту-көгалдандыру барысында өңір климатына жерсінетін қарағаш, терек және Сыр талының көшеттері егілді.Айналаның тазалығы, көркейгені ең алдымен, жергілікті тұрғындарға, демалыс маусымында емін-еркін ойнау үшін балаларға керек. Экологиялық акцияны бірреттік науқан ретінде қабылдаудың жөні жоқ. Бұл туралы Мемлекет басшысы «Шын мәнінде, елімізді көгалдандыру, абаттандыру – үлкен мемлекеттік маңызы бар іс. Бұл бүгін шығып, ертең ұмытып кететін бірреттік науқан емес. Аталған жұмыс тұрақты түрде жүргізіледі. Туған жерімізді таза ұстауымыз керек. Бұл – жалпыұлттық мәселе. Қазақстанымыз таза болуы қажет. Лас елге қонақ ретінде, инвестор ретінде ешкім келмейді. Бірақ, ең алдымен, Қазақстанның таза, көрікті болғаны біз үшін, яғни халық үшін керек. Бұл күнделікті өмір салтына айналуы қажет» деген болатын.Бүгінде демеушілік есебінен Қызылорда қаласындағы 28 ескі көпқабатты тұрғын үйдің қасбеттері заманауи панельмен жаңартылды, 20 үйдің ауласы абаттандырылды. Орталық алаңды жаңғыртуға демеушілік есебінен 1 млрд. теңге, облыстық бюджеттен 1 млрд. теңге жұмсалды. Осы күндері алаң көпшіліктің кешкі демалыс уақытын өткізетін орнына айналды.Қызылорда қаласындағы тарихи ғимараттың бірі – теміржол вокзалы мен перроны күрделі жөндеуден өткізілді. Балалардың игілігі үшін 80 ойын және спорт алаңы салынды. Тағы 17 үйдің ауласы абаттандырылып, 14 спорт-ойын алаңы салынып, 7 ойын алаңы жөнделді. Бұл жұмыстар биыл да жалғасын табуда. Мұнан бөлек, демеушілер есебінен 63 көпқабатты тұрғын үй мен 2 әлеуметтік нысанның қасбеттері заманауи үлгімен әрленуде. Аудандарда да көшелер абаттандырылып, ойын алаңдары мен скверлер салынуда.Өткен жылы ғимараттардың қасбетін, аялдамаларды әрлеудің, көшелерді жарықтандыру мен сырлаудың, безендірудің, балалар ойын және спорт алаңдарын салудың біркелкі дизайн коды бекітілді. Облыс орталығынан бастап барлық елді мекендегі ғимараттар, аулалар, ойын алаңдары, аялдамалар, жарық бағаналары бекітілген бірыңғай архитектуралық талаптарға сәйкестендірілді.Тазалық шараларының сапасын арттыру мақсатында «Таза Қазақстан» онлайн платформасы іске қосылған. Салалар бөлінісіне қарай бекітілген операторлар, модераторлар мен орындаушылар тұрғындардан түскен өтініштер негізінде уақытылы шара қабылдап, жауабын беруде.Фото: Қызылорда облысы әкімінің баспасөз қызметі

Қызылордалықтар экологиялық акцияға белсенді қатысуда

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев мұнай-газ саласының мамандарымен кездесіп, аймақтың әлеуметтік-экономикалық даму бағытындағы бірлескен жобаларды іске асыру мәселелерін талқылады. Кездесуге «ҚазМұнайГаз» ҰК» АҚ Басқарма төрағасының орынбасары Нұрсейіт Союнов қатысып, «Қазгермұнай» БК» ЖШС-ның жаңа бас директорын таныстырды.Нұрлыбек Машбекұлы «ҚазМұнайГаз» компаниясының басшылығына Сыр өңіріндегі ауқымды жобалар үшін алғыс білдірді.<blockquote>«ҚазМұнайГаз» акционерлік қоғамы Қызылорда облысының әлеуметтік-экономикалық дамуына айтарлықтай үлес қосуда. Қызылорда қаласының сол жағалауынан Оқушылар сарайының құрылысын қарқынды жүргізуде. Жақын күндері ғимаратты халық игілігіне беретін боламыз. Қайырымдылық акциясына да белсенді қатысып, жыл сайын 70 млн теңгеге жуық қаржы бөліп келеді. Еліміздегі су тасқыны кезінде батыс өңірлерге гуманитарлық көмек жөнелтті. 2022 жылы облыстағы мұнай компаниялары «Қазгермұнайдың» «Оңтүстік Ақсай» кен орнындағы шикі газды өндеу зауытына дейін газ құбырын жеткізу туралы Энергетика министрлігімен меморандумға қол қойған болатын. Қазір құбыр құрылысының жоба-сметалық құжаттамалары әзірленуде. Бұл бастама арқылы компания өңделетін газ қорын ұлғайтуға және облыстың әлеуметтік-экономикасының дамуына айтарлықтай үлес қосады», – деді Нұрлыбек Машбекұлы.</blockquote>Кездесуде «Қазгермұнай» БК» ЖШС бұрынғы бас директоры Ринат Ізмұханбетке Қызылорда облысының Құрмет грамотасы табысталды. Облыс әкімі компанияның жаңа басшысы Зияш Қияқбаевқа сәттілік тіледі.Қияқбаев Зияш Қалдыбекұлы 1967 жылы дүниеге келген. 1982 жылы Алматы индустриалды техникумынан «Металл кесетін станоктар мен автоматты желілерді монтаждау және пайдалану» мамандығын алған. 1989 жылы С.М.Киров атындағы Қазақ мемлекеттік университетінің «Шығыстану» факультетін, 1997 жылы Алматы менеджмент мектебінің «МВА» бағдарламасын аяқтаған.Еңбек жолын 1998-2006 жылдары «ҚазТрансОйл» АҚ жобаларды басқару департаментінің директорлығынан бастап, «Меркурий Инжиниринг» ЖШС директорының бірінші орынбасары, бас директоры болып жұмыс істеді. 2008-2009 жылдары «Қазақ мұнай және газ институты» АҚ жобалау жөніндегі атқарушы директоры, 2009-2012 жылдары «ҚазТрансГаз» АҚ бас директорының кеңесшісі, 2012-2014 жылдары басқару департаментінің директоры, техникалық қызмет басшысы лауазымдарын атқарды. 2014-2016 жылдары осы компанияның МТК және ТП ГТС директоры, 2016-2020 жылдары ҚР Энергетика министрлігі газ өнеркәсібі даму департаментінің директоры, 2020-2022 жылдары «Жетісу-ОблГаз» ЖШС бас директоры қызметінде болды. 2022 жылдан осы уақытқа дейін «ҚОР» МК» АҚ бас директорының кеңесшісі лауазымын атқарып келді.<img src="https://knadmin.beoblood.kz/uploads/9_8839cef12a.jpg" alt="9.jpg">Фото: Облыс әкімдігі

«Қазгермұнай» БК» ЖШС бас директоры таныстырылды

&nbsp;<a href="https://kyzylorda-news.kz/">Kyzylorda-news.kz</a> Блогер Аида Серікова құны 80 млн теңге тұратын үйге конкурс ұйымдастырған болатын. Блогер конкурсты ауылдың мұғалімі жеңгенін жариялады, - деп хабарлайды <a href="https://massaget.kz/basty-zhaalytar-438/112080/?fbclid=IwZXh0bgNhZW0CMTEAAR2t1d3z1hInI5PYNzMsNrvN8sMY2Wc8LbcXzstkXoE7HuWH5huqnB7EGRg_aem_NNJPh-gl3WUymSIarmtiRQ">Massaget.kz</a>."Ер адамның жылағанын көріп, көз жасымды ұстай алмадым.Алматыдағы 80 000 000 теңге тұратын үй ауылда мұғалім болып жасайтын Айдос мырза мен жұбайына бұйырды. Ойлаңыздаршы, даже курсты, 2000 теңгені каспи редпен алған. Сонымен, Алматыға кредит алуға барған. Алайда банк несие бермеген.Енді, міне, Аллам кредит бермесе де, 100 000 000 теңгелік үйді бұйыртты. Эмоциясын айта алмаймын. Үйіңіз тағы да құтты болсын!", - деп жазды блогер.Блогер үйді ауылда география пәнінің мұғалімі болып жұмыс істейтін азамат ұтып алғанын айтты.<blockquote>"Аман-есен үйді табыстадық. Халықтың жылы сөзін, қолдауын естіп, көзімізден жас тоқтамай жатыр. Баспанаңыз құтты болсын. Айдос аға жастайынан әкесінен де, шешесінен де айырылған. Інісі екеуі тете өсіп, мектепті өте жақсыға бітіріп, КазНУ-ды қызыл дипломмен бітіріпті. Өте сауатты кісі. Қазіргі таңда, география пәнінің мұғалімі екен. Өте қарапайым жандар. Алла бұл кісілерге еселеп берсін. Осы күнге дейін қиындықты тек күліп қарсы алған екен. Кешегінің өзінде қалай екі езуі күліп кірді, соңына дейін солай күліп жүрді ғой", - деп жазды Аида Серікова.</blockquote>Фото: newsroom.kz

Ауыл мұғалімі 2000 теңгеге Алматыдан зәулім үйлі болды

<a href="https://kyzylorda-news.kz/">Kyzylorda-news.kz</a>&nbsp;Қазақстандық мәнерлеп сырғанаушы Денис Теннің өмірден өткеніне 6 жыл болды. Спортшының өліміне кінәлілер&nbsp;жазасын қайда және қалай өтеп жатқаны белгілі болды. Сот қылмыскерлердің жазасын жеңілдетті.&nbsp;Бұл туралы&nbsp;<a href="Tengrinews.kz">Tengrinews.kz</a> &nbsp;хабарлайды.Нұралы Қиясов пен Арман Құдайбергенов 2019 жылы 17 қаңтарда Денис Теннің өліміне кінәлі деп танылып, 18 жылға бас бостандығынан айырылды. Оларға жазасын қатаң режимдегі колонияда өтеу туралы үкім шықты. Сотталғандар&nbsp;Алматы облысы Заречный кентіндегі ЛА-155/12 түзеу мекемесіне жіберілді.Ал олардың сыбайласы Жанар Толыбаеваға 4 жылға бас бостандығынан айыру жазасы тағайындалды. Ол жазасын қауіпсіздігі орташа мекемеде өтеді. Алайда 2019&nbsp;жылдың желтоқсанында ол қамаудан босатылды.&nbsp;Сот оның денсаулық жағдайын және&nbsp;қамауда екінші баласын дүниеге әкелгенін ескеріп, жазаның өтелмеген бөлігін бас бостандығын шектеумен ауыстыру туралы шешім қабылдады. Ол кейінірек колонияға оралып,&nbsp;2021 жылдың желтоқсанында түбегейлі&nbsp;босатылды.Араға уақыт салып спортшыны өлтірген қылмыскерлердің жазасы жеңілдегені белгілі болды.<blockquote>“2023 жылы 19 қазанда Қонаев қалалық соты Алматы облысы бойынша ҚАЖ департаментінің №12 мекемесі басшысының&nbsp;қатаң режимдегі&nbsp;мекемеде отырған Нұралы Қиясовтың жазасын&nbsp;жеңілдету туралы ұсынысын қарады.&nbsp;Бұған 2023 жылғы наурызда қабылданған "Кейбір заңнамалық актілерге қылмыстық іс жүргізу және жазаны атқару саласындағы адам құқықтары мәселелері бойынша өзгерістер мен толықтырулар енгізу туралы" жаңа Заң себеп болған. Заңға сәйкес, қасақана қылмыс жасағаны үшін екі жылдан астам мерзімге сотталмаған, бұрын соңды&nbsp;бас бостандығынан айырылмағандар&nbsp;жазасын қылмыстық-атқару жүйесінің қауіпсіздігі орташа мекемелерінде өтеуге&nbsp;тиіс”, –&nbsp;деп жазды басылым.</blockquote>Сондай-ақ&nbsp;Алматы облысының қылмыстық-атқару жүйесі департаменті&nbsp;7 ай 29 тәулік тергеу изоляторында болу мерзімі күніне жарты тәулікпен есептелуін,&nbsp;яғни тағы 4 айды мерзімге қосуды ұсынған.Сот Қазақстан Республикасының 2023 жылғы 17 наурыздағы Заңын басшылыққа ала отырып, Алматы облысы және Жетісу ауданы бойынша қылмыстық-атқару жүйесі департаментінің №12 мекемесі басшысының қамауда ұстау мерзімін есептеу туралы ұсынысын қанағаттандыру туралы шешім қабылдады. Алматы қаласының қылмыстық істер жөніндегі мамандандырылған ауданаралық сотының 2019 жылғы 17 қаңтардағы үкімімен сотталған Қиясов Нұралы Даулетбекұлына тағайындалған жазаны өтеу орны қылмыстық-атқару жүйесінің қауіпсіздігі орташа мекемесі болып белгіленді.Екінші сотталушы Арман Құдайбергеновке де қатысты осындай ұсыныс қаралды. Судья сонымен қатар оның үкім шығарылғанға дейін қамауда болған 4&nbsp;айын санап, оны қатаң режимдегі мекемеден қауіпсіздігі орташа мекемеге ауыстыру туралы шешім шығарған.<blockquote>“Қазір Арман Құдайбергенов пен Нұралы Қиясов Жамбыл және Шығыс Қазақстан облыстарындағы қауіпсіздігі орташа түзеу мекемелерінде жазасын өтеп жатыр. Олар колонияда жұмыс істемейді, өйткені онда&nbsp;жұмыс орны тапшы. Оларға қалыпты жағдай жасалған.&nbsp;Қылмыстық-атқару кодексіне сәйкес, олар жылына екі ұзақ&nbsp;және алты қысқа мерзімді кездесуге шығуға құқылы”, –&nbsp;делінген хабарламада.</blockquote>Бұған дейін&nbsp;Арман Құдайбергенов те, Нұралы Қиясов та денсаулығына шағымданбаған.Айта кетсек, Денис Тен 2018 жылдың 19 шілдесінде ұрылар қолынан қаза тапты.Қайғылы оқиға 2018 жылдың 19 шілдесінде Алматыда болған. Денис кафеден шығып, көлігінің айналарын екі жігіттің ұрлап жатқанын көреді.&nbsp;Қаша жөнелген оларды қуып жеткен спортшыға бір ұры жамбасынан пышақ салады. Нәтижесінде артериясы зақымдалып, қөп қан кетеді. Кейін спортшы ауруханада көз жұмды.&nbsp;Фото:&nbsp;instagram.com/tenis_den

Денис Тенді өлтірді деп сотталғандардың жазасы жеңілдетілді

<a href="https://kyzylorda-news.kz/">Kyzylorda-news.kz</a> Қызылорда облысында Конго-Қырым қанды безгегінен бір адам қайтыс болды, деп хабарлайды <a href="https://massaget.kz/">Massaget.kz</a> тілшісі.Облыстық жұмылдыру дайындығы басқармасының мәліметінше, кенеден кесел жұқтырған Шиелі ауданының егде жастағы тұрғыны екен.<blockquote>– Кене шаққан немесе кене шаққанына күмәнданған жағдайда адамдар көбіне өз бетінше үйде емделем деп уақыт жоғалтып алады. Ол кісі де сөйткен. Дер кезінде дәрігерге жүгінсе, бұлай болмауы мүмкін еді, – деді басқарма басшысы Марат Құрманбаев.</blockquote>Жыл басынан бері облыста Конго-Қырым геморрагиялық қызбасын жұқтыруы мүмкін деген күдікпен 14 адам ауруханаға жатқызылды. Оның 7-інде диагноз расталды.<blockquote>– Арасында балалар да, ересек адамдар да бар. Олар емделіп, қалыпты жағдайға келді, – деді басқарма басшысы.</blockquote>Облыста індет тасымалдайтын кенелердің ошағы көбейген. Өткен жылы мұндай елді мекендер саны 106 болса, биыл 115-ке жетті.Фото: Sputnik

Қазақстан және Қызылорда облысының жаңалықтары