<a href="https://kyzylorda-news.kz/">Kyzylorda-news.kz.</a> ТЖ режимі алынып тасталған өңірлерде “Құқықтық тәртіп” жедел-алдын алу іс-шарасы және құжаттарды, көлік пен жалдамалы пәтерлерді тексеру жалғасады.
ІІМ баспасөз қызметі “құқықтық тәртіп” жедел алдын алу шарасы 19 қаңтардан бастап Нұр-Сұлтан мен Алматыда, сондай-ақ төтенше жағдай режимі тоқтатылған Алматы, Атырау, Жамбыл, Қызылорда және Маңғыстау облыстарында өткізілетінін хабарлады.
Іс-шараның мақсаты жағдайды сауықтыру және құқықтық тәртіп пен қауіпсіздікті қамтамасыз ету болып табылады. Іс-шара аясында өңірлерде: 
* құқық белгілейтін құжаттарды тексеру және көлік құралдарын, сондай-ақ жеке тұлғалардың жеке басын куәландыратын құжаттарды тексеру, оларды жеке тексеру және олардың заттарын тексеру; 
* жалдамалы пәтерлерді, тасталған үйлерді, хостелдерді, саяжай алаптарын, базарларды, техникалық қызмет көрсету станцияларын, шаруа және фермер қожалықтарын, шалғайдағы учаскелерді, қыстақтарды және басқа да шалғай жерлерді тексеру; 
* атыс, травматикалық және суық қаруды, оқ-дәрілерді, жарылғыш заттарды және т. б. алу • ; 
* белгілі бір тұрғылықты жері жоқ адамдарды, заңсыз көшіп-қонушыларды анықтау; 
* бұрын сотталған және ішкі істер органдарында есепте тұрған өзге де адамдарды тексеру жүргізілетін болады. 
ІІМ азаматтарды жедел-профилактикалық іс-шараны өткізуге түсіністікпен қарауға және полиция қызметкерлерінің талап етуі бойынша құжаттарды ұсынуға шақырады.

Полиция көлік пен жалдамалы пәтерлерді тексеруді жалғастырады

<a href="https://kyzylorda-news.kz/">Kyzylorda-news.kz.</a> Қызылорда облыстық білім басқармасының тарапынан аймақтық санитарлық дәрігердің қаулысына өзгеріс енгізу үшін бірқатар ұсыныстар жолданған болатын. Берілген ұсыныстар мақұлданып, нәтижесінде бүгін жаңа қаулыға сәйкес, контингенті 600 оқушыға дейінгі облыс және аудан орталықтарындағы мектептер дәстүрлі оқыту форматына көшіріледі.
Ал 600-ден астам оқушысы бар қала мектептері қашықтықтан оқытылса, 600-ден астам оқушысы бар ауыл мектептері штаттық форматында жұмыс жасайтын болады.
Сонымен қатар мектеп әкімшілігінің шешіміне сәйкес, санитариялық-эпидемиологиялық талаптарды қатаң сақтай отырып 1-2 сынып оқушыларына оқу офлайн форматта жүргізілетін болады.
Ал, колледж студенттері үшін аралас форматтағы оқу ұйымдастырылып, барлық лекциялар онлайн түрде жүргізіліп, практикалық, лабораториялық сабақтар штаттық режимде жалғасатын болады.
Айта кету керек, вакцина қабылдаған оқушылар мен студенттерді мектеп немесе колледж қабырғасында отырып білім алуына рұқсат етіледі.

Қызылордада бірқатар мектептер дәстүрлі оқыту форматына көшірілді

<a href="https://kyzylorda-news.kz/">Kyzylorda-news.kz.</a> «Nur Otan» партиясының кезектен тыс XXI Съезі өткізіледі, деп мәлімдеді партия төрағасының бірінші орынбасары Бауыржан Байбек.
<blockquote>
 «Nur Otan» партиясы Саяси кеңесінің қаулысымен 2022 жылғы 28 қаңтарда партияның кезектен тыс XXI Съезін өткізу туралы шешім қабылданды. Коронавируске байланысты шектеу шараларын ескере отырып, ол онлайн-форматта өтеді», – деп жазды Б.Байбек <a href="https://mobile.twitter.com/BauyrzhanBaibek">Twitter</a>-де.
</blockquote>

28 қаңтарда «Nur Otan» партиясының кезектен тыс съезі өтеді

<a href="https://kyzylorda-news.kz/">Kyzylorda-news.kz.</a> 20 желтоқсанда еліміздің аумағына бір мезетте шетелдік азаматтар тобының келгені анықталды. Бұл туралы ҚР Мемлекеттік хатшысы Ерлан Қарин мәлім етті, деп хабарлайды ҚазАқпарат.
<blockquote>
 «Қазірдің өзінде желтоқсанның 20-сы күні еліміздің аумағына бір уақытта шетелдік азаматтар тобының келгені, одан кейін 7-8 қаңтар күндері түрлі бағыттар арқылы ел аумағынан шығып кетуге тырысқаны анықталды. Сонымен қатар арнаулы қызметтеріміз соңғы оқиғаларға еліміздің ішінде әрекет еткен бірқатар радикалды, экстремистік ұйымдардың мүшелерінің де қатысу фактілерін нақтылады. Мұнан бөлек, қазақстандық радикалдар шетелдік террористік ұйымдарды жаңа шабуылдар ұйымдастыру үшін осы оқиғаларға қатыстыруға тырысқан. Кейіннен арнаулы қызметтеріміз мұндай әрекеттердің жолын дер уақытында кесті», – деді Мемлекеттік хатшы.
</blockquote>
Оның атап өтуінше, қазіргі уақытта да ахуал өте күрделі.
<blockquote>
 «Арнаулы қызметтер аталған тұлғаларды анықтау, ұстау, қару-жарақты тәркілеу жұмыстарын жалғастырып жатыр. Тек осы күндері ғана құқық қорғау органдарымыз 2 мыңнан астам қару тәркіледі. Тек терроризм бабымен ғана 44 қылмыстық іс қозғалды. Жұмыс жалғасып жатыр», – деді ол.
</blockquote>

Ерлан Қарин: Ел аумағына бір мезетте шетелдік азаматтар тобының келгені анықталды

<h3 id="kyzylordanewskzhttpskyzylordanewskznbsphttpwwwbaikonuradmruindexphpmodallnewsid11016"><a href="https://kyzylorda-news.kz/">Kyzylorda-news.kz.</a> Байқоңыр қаласында террористік қауіптің жоғары “көк” деңгейі енгізілді, деп хабарлайды қала әкімшілігінің&nbsp;<a href="http://www.baikonuradm.ru/index.php?mod=all/news&ID=11016">сайты</a>.</h3>
<blockquote>
 “Құқық қорғау органдарынан түскен террористік акт қаупі және оның жасалуына қарсы іс-қимыл ұйымдастыру туралы ақпаратқа байланысты Байқоңыр қаласының терроризмге қарсы комиссиясының төрағасы, әкімшілік басшысы Бусыгин “Байқоңыр” аумағында террористік қауіптің жоғары “көк” деңгейін енгізу туралы шешім қабылдады. Ол 2022 жылғы 19 қаңтар сағат 12.00-ден 3 ақпан сағат 12.00-ге дейін, 15 тәулік мерзімге белгіленген”, – делінген хабарламада.
</blockquote>
“Байқоңыр” аумағында құқық қорғау органдары азаматтар, қоғам мен мемлекет қауіпсіздігін қамтамасыз етуге бағытталған қосымша шаралар қабылдап жатыр.
Азаматтарға келесідей кеңес береміз: 
• Көшеде, адамдар көп жиналатын жерлерде, қоғамдық көлікте мыналарға назар аударыңыз: адамдардың сыртқы келбеті (киімі жыл мезгіліне сәйкес келмейді немесе оның астында қандай да бір бөтен зат бар т.с.с. сияқты); 
• өзгелердің мінез-құлқындағы оғаш қылықтар (күйгелектік, жан-жаққа үнемі қарау, құқық қорғау органдары қызметкерлерінен қашу әрекеттері); 
• қараусыз қалған көліктер, күдікті заттар; 
• барлық күдікті жағдайлар туралы дереу құқық қорғау органдарына хабарлау; 
• құқық қорғау органдарына көмек көрсету; 
• құқық қорғау органдары талабына түсінікпен және шыдаммен қарау; 
• бейтаныс адамдардан сәлемдемелерді, жәшіктерді, сөмкелерді, рюкзактарды, чемодандарды және басқа да күмәнді заттарды, тіпті уақытша сақтауға, сондай-ақ тасымалдауға алмау. Күдікті заттар табылған жағдайда оларға жақындамаңыз, оларды ұстамаңыз, ашпаңыз немесе жылжытпаңыз; 
• отбасындағы қарттар мен балаларға көшеде немесе подъезден табылған кез келген зат өміріне қауіп төндіретінін түсіндіру;
<h4 id="">• ақпараттардан хабардар болу (теледидардағы, радиодағы, интернеттегі жаңалықтарды бақылаңыз).</h4>

Байқоңыр тұрғындарына ескерту жасалды

<a href="https://kyzylorda-news.kz/">Kyzylorda-news.kz.</a> ҚР Президентінің Жарлығымен Руслан Фатихұлы Жақсылықов Қазақстан Республикасының Қорғаныс министрі лауазымына тағайындалды, деп хабарлайды Ақорда.
«Руслан Фатихұлы Жақсылықов Қазақстан Республикасының Қорғаныс министрі лауазымына тағайындалсын», – делінген ҚР Президентінің жарлығында.
Сонымен қатар Мемлекет басшысының өкімімен Руслан Фатихұлы Жақсылықов Қазақстан Республикасы Ішкі істер министрінің орынбасары – Ұлттық ұланның Бас қолбасшысы лауазымынан босатылды.

ҚР Қорғаныс министрі  тағайындалды

<a href="https://kyzylorda-news.kz/">Kyzylorda-news.kz.</a> Екі жылдан бері әлем індетпен тоқтаусыз күресіп келеді. Коронавирус індетінің уақыт өткен сайын мутацияға ұшырап, түрлі штамның таралуы да қауіп тудыруда. Ал одан сақтану жолы тек вакцина алу. Осыған орай ЗК-169/4 мекемесінің жеке құрамның 20-дан астам қызметкері екпенің үшінші компонентін салдыртып жатыр.
Вакцина егу алдында қызметкерлер дәрігердің қабылдауында болып, екпенің артықшылықтары мен әсері туралы түсіндірме жүргізілді. Сонымен қатар барлығы алдын-ала медициналық тексеруден өтуде.
Мекеменің бақылаушылар қызметі бөлімінің бастығы әділет майоры Жандос Әбдіқайыров бұған дейін екпенің бірінші және екінші компонентін алған. Ол жергілікті тіркелген мекен-жайы бойынша емханаға барып, екпенің үшінші компонентін де салғызды.
<blockquote>
 Коронавирустық инфекцияның алдын алу мақсатында салынатын вакцинаны алу әрбір адамның міндеті деп есептеймін. Өйткені екпе алдыру арқылы өзіңді де, өзгелерді де қорғайсың. Ешқандай жанама әсерлер бойымда байқалған жоқ,- деді әділет майоры Ж.Әбдіқайыров
</blockquote>

Жандос Әбдіқайыров: Екпе алып өзіңді де, өзгені де қорға

<a href="https://kyzylorda-news.kz/">Kyzylorda-news.kz.</a> ҰҚШҰ бітімгершілік әскері Қазақстан аумағынан толық кетті. Бұл туралы Қорғаныс министрлігі халықаралық ынтымақтастық департаментінің бастығы Олжас Құсайынов мәлім етті, деп хабарлайды <a href="https://www.inform.kz/kz/ukshu-askeri-kazakstan-aumagynan-tolyk-ketti_a3887973">ҚазАқпарат</a>.
<blockquote>
 «Бүгін Ұжымдық қауіпсіздік туралы шарт ұйымы ұжымдық бітімгер күштерін Қазақстан аумағынан шығару аяқталды. Соңғы жеке құрам мен техника әуе кемесімен Алматыдан ұшып шықты. Қазіргі Қазақстан Республикасының аумағында шет мемлекеттердің әскери қызметшілері жоқ. Елімізден ҰҚШҰ-ның біріккен бітімгершілік контингентін кезең-кезеңімен шығару биыл 13 қаңтардан бастап Қарулы күштердің Жоғары бас қолбасшысы – Қазақстан Республикасының Президенті Қасым-Жомарт Кемелұлы Тоқаев белгілеген мерзімде жүзеге асырылды», -деді министрлік өкілі орталық коммуникациялар қызметінде өткен брифингіде.
</blockquote>
Оның айтуынша, бірлескен бітімгер контингенті Қазақстан аумағында ұжымдық қауіпсіздік туралы шарттың 2 және 4-баптарына сәйкес әрекет еткен.
<blockquote>
 «Жыл сайын өтетін бірлескен оқу-жаттығу, оның ішінде мызғымас бауырластық бітімгершілік оқу-жаттығу барысында әзірленген іс-қимылдар үйлесімділігінің арқасында ұйымның бітімгершілік әлеуеті жедел іске қосылды», -деді Олжас Құсайынов.
</blockquote>

ҰҚШҰ әскері Қазақстан аумағынан толық кетті

<a href="https://kyzylorda-news.kz/">Kyzylorda-news.kz.</a> Мемлекет басшысының жарлығымен Қызылорда облысында 2022 жылдың қаңтардың 5-і мен 19-ы аралығында Төтенше жағдай режимі жарияланып, коменданттық сағат пен бірқатар шектеулер енгізілді.
Облыста нарядтар күшейтіліп, қаруланған полиция қызметкерлері мен әскерлер тәулік бойы қызмет атқаратын 28 блок бекеттер қойылды.
Төтенше жағдай кезінде полицияға 952 азамат жеткізілді. Төтенше жағдай режимін бұзған 414 тұлға әкімшілік жауапкершілікке тартылды, әкімшілік қамаққа 253 құқық бұзушы алынып, олардың 73 босатылды. Қылмысқа күдіктелген 97 адам уақытша ұстау абақтысына қамаққа алынды. 12 күдіктіге қатысты қамаққа алуға байланысты емес бұлтартпау шарасы таңдалды.
Ұсталғандардан 1 данадан тегіс ұңғылы және травматикалық қару, 13 дана пышақ, 9 қалқан, 4 каска, 6 дулыға, 1 бронежилет және 1 кг. 150 грамм есірткі заттары алынды.
Медициналық мекемелерге 50 полиция қызметкері жүгініп, олардың 3-уі жатқызылды. «1414» жедел желісіне түске 80 мыңнан астам өтініш қаралып, тиісті шаралар қабылданды. Қазіргі таңда барлық мемлекеттік мекемелер, тіршілікті қамтамасыз ету объектілері, екінші деңгейдегі банктер, ТЖ вокзалы және аэропорт штаттық режимде жұмыс жасауда. Зақымданған әкімшілік ғимараттарды қалпына келтіру жұмыстары басталды.
Түнде төтенше жағдай режимі аяқталып, коменданттық сағаттың 23.00-ден 07.00-ге дейінгі және басқа да шектеулері алынды. Жалпы, қоғамдық-саяси ахуал бақылауда.

Бектөре Сұлтан: Қоғамдық-саяси ахуал бақылауда

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың аймақта төтенше жағдай режимін аяқтау туралы мәлімдеме жасады.
Құрметті облыс тұрғындары!
Бүгіннен бастап облыстағы төтенше жағдай режимі аяқталды. Нәтижесінде 952 адам құқық қорғау органдарына жеткізіліп, 56 қылмыстық іс қозғалып, 97 адам қамауға алынды. Сондай-ақ, 
436 әкімшілік іс қозғалып, 154 адам қамалды.
Қылмыс жасағандар заң бойынша жауапқа тартылады. Мемлекет басшысының тапсырмасына сәйкес әртүрлі құқық бұзушылық бойынша ұсталған азаматтардың кінәлілік деңгейі анықталып, тергеу шараларын жүргізуде адам құқықтарының бұзылуына жол берілмейді.
Бүгінгі күнге дейін Қызылорда қаласы бойынша стационарға 210 адам жүгінген. Оның 20-ы емделіп жатыр, 4-і реанимацияда, өкінішке қарай 24-і қайтыс болды. Қаза тапқан отандастарымыздың отбасына, туған-туыстарына қайғырып көңіл айтамыз.
Сын сағатта жаппай тәртіп бұзушылармен күресіп, мемлекет тұтастығын сақтауда алдыңғы сапта тұрып, азаматтарымыздың өмірі үшін жанкештілік танытқан барлық құқық қорғау органдарының қызметкерлеріне алғысымызды айтамыз.
Антына берік дәрігерлер де төтенше жағдай кезінде қызметтеріне адалдықтарын көрсетті. От пен оқтың ортасында жүріп жаралылардың өмірін аман сақтап қалуға тырысты. Бұл ретте барша медицина қызметкерлеріне мың алғыс!
Тұрғындардың қауіпсіздігі үшін жедел штаб тұрақты жұмыс істеп, 28 блок-бекет қойылды.
Төтенше жағдай кезінде азаматтардың өтініштерін ескеру мақсатында жедел 1414 Call-орталығы құрылып, 90 оператор тұрақты түрде жұмыс істеді. 7 қаңтардан бастап орталыққа тұрғындардан 100 мыңнан аса қоңырау келіп түсті. Әрбір жолданған қоңыраулар бізге мәселелерді алдын ала сараптап, бірлесіп шешуге көмегін тигізді.
Коммуналдық қызметтер үздіксіз, штаттық режимде жұмыс істеуде. 8 қаңтардан бері қоғамдық көліктер қатынасы реттеліп, 
255 көлік қызмет көрсетуде. Теміржол және әуе қатынасының қызметі де кестеге сай жүруде.
Өтпелі кезеңде банк қызметі уақытша тоқтап, қаржы жағынан қиындық болғаны белгілі. Қазіргі таңда 381 банкомат қалыпты жұмыс жасап, кәсіпкерлік нысандары тұрақты жұмыс істеуде.
Басты талап – тұрақтылықты сақтау, өңірдегі әлеуметтік мәселелер бойынша дер кезінде шешім қабылдау.
Бүгінде азық-түлік қоры жеткілікті. Тұрақтандыру қорында 1399 тонна өнім сақтаулы. Көрші Түркістан облысымен екіжақты келісім нәтижесінде жетіспейтін азық-түлік бойынша 122 кәсіпкердің тізімі жасақталды.
Әлеуметтік маңызы бар 19 түрлі азық-түлік өнімі мен газ, дизель отыны мен бензин бағасының бекітілген шекті мәннен асырылмауы тұрақты бақылауда. Тапшылықты болдырмаймыз.
Оқиға салдарынан мемлекеттік маңызы бар 9 стратегиялық нысанға шабуыл жасалып, ғимараттарға залал келіп, автокөліктер өртенді. Бүгінгі күні жалпы шығын көлемі 6 млрд.теңге шамасын құрады. Кәсіпкерлік нысандарға келген нұқсанкөлемі «Атамекен» ұлттық палатасымен қаралуда.
Ғимараттарды қайта қалпына келтіру жұмыстары жедел әрі сапалы аяқталуы керек. Қазірде әр нысанның ақау актілері аяқталып, мердігер компаниялар белгіленіп, 350-ге жуық маман қайта қалпына келтіру жұмыстарын жүргізуде. Нысандардың басым бөлігі 20 ақпанға дейін аяқталатын болады. Бүгінгі таңда тіршілікті қайта қалпына келтіру бағытында жүйелі жұмыстар жасалуда.
Қадірлі жерлестер!
Өкінішке орай, коронавирус індеті қайта өршіп, облысымыз қызыл аймаққа енді. Шектеу шаралары күшейіп, оқушылар онлайн форматта оқуда. Дәрі-дәрімек қорында тапшылық туындамайды, төсек-орын санын 3200-ге ұлғайтуға мүмкіндігіміз бар.
Вирустан сақтану үшін вакцина алып, жақындарыңыз үшін қауіпсіздік ережелерін бірге орындайық!&nbsp;
Бүлікшілермен күрес кезінде азаматтардың көпшілігі патриоттық танытып, келісім мен бірлікті көрсетті. Сынақ кезінде бірге болған барша Сыр жұртына риясыз алғысымызды білдіреміз. Халықтың бірлігімен кез келген қиындықтан шығамыз.
Ел Президенті Қасым-Жомарт Кемелұлы Тоқаевтың бірлікке үндейтін ұстанымдарына қолдау білдірейік! Елдің іргесі берік болсын!&nbsp;
Күшіміз бірлікте!

Гүлшара Әбдіқалықова төтенше жағдайдың аяқталуына байланысты мәлімдеме жасады (ВИДЕО)

<a href="https://kyzylorda-news.kz/">Kyzylorda-news.kz.</a> Қызылорда қаласындағы түрмеге келген сәлемдемеден есірткі заты тәркіленді.
Биылғы жылдың 17 қаңтарында Қызылорда облысы бойынша ҚАЖ департаментіне қарасты ЗК-169/5 мекемесінде жазасын өтеп жатқан Е. есімді азаматқа жолданған сәлем-сауқаттың ішінен есірткі заты анықталды. Мекеме қызметкерлері жоғарыда аталған сотталғанға келген сәлем-сауқатты тексеру барысында 3 дана донер арасына салынған «өзіне тән хош иісі бар шөп тектес» заты тәркіленді.
Жедел түрде 102 нөміріне хабарланып, мекемеге Қызылорда қалалық Полиция басқармасының жедел-тергеу тобы шақыртылды.Тәркіленген зат бойынша сот сараптама жұмыстары тағайындалып, қорытындысымен салмағы 31,18 граммды құрайтын «кептірілген марихуана» екені дәлелденді.
Аталған дерек бойынша Қазақстан Республикасы ҚК-нің 297-бабының 1-бөлігімен сотқа дейінгі тергеп-тексеру жұмыстары жүргізілуде.

Қызылордада донер ішінен есірткі заты табылды

<a href="https://kyzylorda-news.kz/">Kyzylorda-news.kz.</a> Бүгінде Қызылорда облысында белсенді түрде жұмыс жасайтын волонтерлік ұйымдар жеткілікті. Олардың міндеті мен бағыттары да әр түрлі. Бүгін волонтерлік ұйымдардың басын біріктіріп, жұмыс бағытын бір арнаға тоғыстыру бағытында Облыстық жастар ресурстық орталығы жанынан құрылған “Сыр жастары” облыстық волонтерлік штабының ашылу салтанаты өтті.
Аталған шараға облыстың белсенді жастары, волонтерлік ұйым жетекшілері, қоғам белсенділері қатысып, ұйымның мақсат-міндеттерімен танысып, алдағы жоспарларын айқындады.
Жиын барысында облыстық еріктілер штабы жасақталып, құрамы бекітілді, штаб жетекшісі сайланды. Сонымен қатар, штаб мүшелерінің ұсыныстары тыңдалды.
«Сыр жастары» облыстық волонтерлік штабына арнайы жасақталған офис ашылып, штаб мүшелеріне таныстырылды.
Асқар Шалқарұлы штаб жұмысына сәттілік тілеп, «Сыр жастарын» белсенді болуға шақырды.
<img src="https://kyzylorda-news.kz/wp-content/uploads/2022/01/fb_img_1642565273545.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642565258276.jpg" alt="" />

Қазақстан және Қызылорда облысының жаңалықтары

Полиция көлік пен жалдамалы пәтерлерді тексеруді жалғастырады

Қызылордада бірқатар мектептер дәстүрлі оқыту форматына көшірілді

28 қаңтарда «Nur Otan» партиясының кезектен тыс съезі өтеді

Ерлан Қарин: Ел аумағына бір мезетте шетелдік азаматтар тобының келгені анықталды

Байқоңыр тұрғындарына ескерту жасалды

ҚР Қорғаныс министрі тағайындалды

Жандос Әбдіқайыров: Екпе алып өзіңді де, өзгені де қорға

ҰҚШҰ әскері Қазақстан аумағынан толық кетті

Бектөре Сұлтан: Қоғамдық-саяси ахуал бақылауда

Гүлшара Әбдіқалықова төтенше жағдайдың аяқталуына байланысты мәлімдеме жасады (ВИДЕО)

Қызылордада донер ішінен есірткі заты табылды

Қызылордада “Сыр жастары” волонтерлік штабы құрылды

Қазақстан және Қызылорда облысының жаңалықтары

Полиция көлік пен жалдамалы пәтерлерді тексеруді жалғастырады

Қызылордада бірқатар мектептер дәстүрлі оқыту форматына көшірілді

28 қаңтарда «Nur Otan» партиясының кезектен тыс съезі өтеді

Ерлан Қарин: Ел аумағына бір мезетте шетелдік азаматтар тобының келгені анықталды

Байқоңыр тұрғындарына ескерту жасалды

ҚР Қорғаныс министрі тағайындалды

Жандос Әбдіқайыров: Екпе алып өзіңді де, өзгені де қорға

ҰҚШҰ әскері Қазақстан аумағынан толық кетті

Бектөре Сұлтан: Қоғамдық-саяси ахуал бақылауда

Гүлшара Әбдіқалықова төтенше жағдайдың аяқталуына байланысты мәлімдеме жасады (ВИДЕО)

Қызылордада донер ішінен есірткі заты табылды

Қызылордада &#8220;Сыр жастары&#8221; волонтерлік штабы құрылды

Қызылордада “Сыр жастары” волонтерлік штабы құрылды