Kyzylorda-news.kz. Бас прокуратураның 1 қызмет бастығының орынбасары Елдос Қилымжанов Президенттің ауырлататын мән-жайлардан бөлек, жазаларды жеңілдету туралы тапсырмасына сәйкес атқарылған жұмыстарды баяндады.
Жалпы сотпен, қаңтардағы оқиғалар бойынша 9213 әкімшілік іс қаралған. 
Сот шын ниетпен өкіну және жеңілдететін мән-жайлардың болуын ескеріп 4561 адамға қатысты ескерту жасаумен шектеліп отыр.
<blockquote>
 «Прокурорлардың өтінішхаттарымен 1083 адам қамаудан босатылды, 490 айыппұл жазалары ескертуге ауыстырылды, 386 әкімшілік істері құқықбұзушылық құрамының болмауына байланысты толығымен қысқартылды. 
 Қазіргі уақытта, 362 адам әкімшілік қамаққа алынып, 1245 тұлғаларға қатысты айыппұл қолданылды»,- деді Елдос Қилымжанов.
</blockquote>

Қамауда жатқан 1083 адам  босатылды

Kyzylorda-news.kz. ҚР ІІМ Қылмыстық-атқару жүйесі комитеті төрағасының орынбасары Мейрам Аюбаев сотталғандар мен қамаудағыларды медициналық қамтамасыз ету азаматтық денсаулық сақтау органдарына берілетінін айтты.
<blockquote>
 «Мемлекет басшысының тапсырмасына сәйкес, сотталғандар мен қамаудағыларды медициналық қамтамасыз ету кезең-кезеңімен азаматтық денсаулық сақтау органдарына беріледі. Тиісті заңға қол қойылды. Медициналық қамтамасыз ету биылғы жылдың 1 шілдесінен бастап 16 тергеу изоляторында және 2023 жылы 1 қаңтардан бастап қалған 64 мекемеде берілетін болады», дейді Мейрам Аюбаев.
</blockquote>

Мейрам Аюбаев:   Қамаудағыларды медициналық қамтамасыз ету азаматтық денсаулық сақтау органдарына беріледі

Kyzylorda-news.kz. Аз күнде ел ішіне кеулеп кірген омикрон неге жылдам тарайды? «Мүмкін бұл жай ғана тұмау шығар» деп ойлап жүргендер де бар. 100-ден аса мемлекеттен анықталған бұл вирус Қазақстанды да әуреге салып тұр. Сонымен біз осы омикрон жайлы нені білуіміз керек?
Соңғы тәулікте ел бойынша 16 мыңнан астам адам вирус жұқтырды. Бұл бір апта бұрынғы дерекпен салыстырғанда 4 мыңға көп. Аурудың аз уақытта мұнша жылдам өршуіне не себеп? Мамандардың пайымдауынша, бұған коронавирустың омикрон түрінің таралуы түрткі болуы мүмкін. Өйткені індеттің бұл түрі аса қауіпті болмағанымен көз ілеспес шапшаңдықпен тарап жатыр.
<blockquote>
 “Коронавирусты инфекцияның омикрон штамының ерекшелігі – оның контагёзділігі жоғары. Контагёздік дегеніміз инфекцияның адамнан адамға жұғу қасиеті. Яғни омикрон штамының дельта штамға қарағанда жұқпалылығы 7 есе жоғары. Инкубациялық кезеңі басқа штамдарға қарағанда аз уақытты құрайды, орта есеппен 2-5 күн аралығы, – дейді дәрігер Арайлым Сайлыбай.
</blockquote>
Демек, бұрын коронавируспен ауырсаңыз, омикронның жұқпайтынына еш кепіл жоқ. Сондықтан бойыңыздан ауру белгілерін байқасаңыз дереу дәрігерге қаралыңыз, дейді мамандар. Мұның үстіне вирустың өршуіне байланысты елде жедел жәрдем шақырушылар көбейген.
<blockquote>
 “Бүгінде бізде 3 мыңға жуық мобильді топ бар. Омикронның таралуына байланысты алғашқы медициналық-санитарлық көмек ұйымдарының жүктемесі артты. Жағдайға сәйкес, олардың жұмыс жоспары қайта қаралып, колл-орталықтар тәулік бойы қызмет етуде. Алдағы уақытта жүктеме артатын болса, 1600 қосымша мобильді бригада резервте тұр”, – деді ҚР ДСМ Санитарлық-эпидемиологиялық бақылау комитетінің төрағасы Айжан Есмағамбетова.
</blockquote>
Иә, омикронмен ойнауға болмайды. Мұны әлем мамандары да мойындап отыр. Мұның үстіне “омикрон пандемияның соңғы демі болуы мүмкін” деген пікірді Дүниежүзілік денсаулық сақтау ұйымы өкілдері жоққа шығарды. Күллі әлемді үрей құшағында ұстап отырған қауіпті індет әлі айылын жиған жоқ. Уақыт өте коронавирус құбылып, жаңа түрлері шығып жатыр. Мамандардың айтуынша, жағдайды ушықтырмаудың жалғыз жолы санитарлық талаптарды мұқият сақтап, екпе алу.
<a href="https://24.kz/kz/zha-aly-tar/o-am/item/523292-omikron-shtamy-nelikten-zhyldam-tarajdy">Хабар 24</a>

Омикрон штамы неліктен жылдам тарайды?

Kyzylorda-news.kz. Арал теңізінің құрғаған табанына көшет егіледі. Өзбекстанның орман шаруашылығы комитеті Қарақалпақстан, Бұхара, Науаи және Хорезм әкімдіктерімен бірлесіп, жергілікті бюджет есебінен осы істі атқарады.
Елдің министрлер кабинеті Аралдың экологиялық мәселесін реттеуге арналған 2022-2026 жылдар жоспарын дайындады. Мұндай шаруа Қазақстан тарапынан да жасалып жатыр. Енді ауқымды міндетке өзбекстандық ғалымдар атсалысады. Олар қай жерге қандай өсімдік егу керектігін анықтайды. Әзірге теңіздің Өзбекстан жағында орман шаруашылығына қолайлы аумақтар белгіленбеген. Жоспар бойынша жыл сайын 10-шы желтоқсанда ғалымдар тиісті зерттеу нәтижесін ұсынып отырады.
<a href="https://24.kz/kz/zha-aly-tar/lemde/item/523300-zbekstan-aral-te-izini-tabanyna-a-ash-otyr-yzady">24 kz</a>

Өзбекстан Арал теңізінің табанына ағаш отырғызады

Kyzylorda-news.kz. Дүниежүзілік денсаулық сақтау ұйымының (ДДҰ) иммундау бойынша сарапшылардың стратегиялық консультативтік тобы (SAGE) 5-11 жас аралығындағы балаларға Pfizer/BioNTech вакцинасын егуді мақұлдады, деп хабарлады SAGE 19 қаңтардағы отырысынан кейінгі мәлімдемеде.
Мәлімдемеге сәйкес, ДДҰ-ның консультативтік тобы Pfizer/BioNTech вакцинасын 5-11 жас аралығындағы балаларға қолдануды кеңейтуді ұсынды. Балалар үшін 10 микрограмм азайтылған доза ұсынылады, бұл&nbsp; ересектерді вакцинациялау үшін қолданылатын дозадан үш есе аз.
Сонымен қатар, ДДҰ-ның консультативтік тобы егде жастағы адамдар немесе медицина қызметкерлері сияқты қауіп тобындағы адамдарға бастапқы вакцинациядан кейін 4-6 айдан кейін коронавирусқа қарсы күшейткіш вакцинацияны ұсынды.
Дүниежүзілік денсаулық сақтау ұйымының иммундау департаментінің басшысы Кейт О’Брайен консультативтік топтың шешімдеріне түсініктеме бере отырып, ұйымда балаларға коронавирус вакцинасының күшейткіш дозасы қажет екендігі туралы ешқандай дәлел жоқ екенін атап өтті.
<a href="https://massaget.kz/layfstayl/Zdorove/67242/">massaget.kz</a>

ДДҰ 5 жастан асқан балаларға арналған Pfizer Covid-19 вакцинасын мақұлдады

Kyzylorda-news.kz. Қазақстанда өткен тәулікте 3907 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 1464, Алматы қаласы – 1020, Ақмола облысы – 35, Алматы облысы – 295, Атырау облысы – 73, Шығыс Қазақстан облысы – 170, Жамбыл облысы – 43, Батыс Қазақстан облысы – 24, Қарағанды облысы – 344, Қостанай облысы – 26, Қызылорда облысы – 61, Маңғыстау облысы – 27, Павлодар облысы – 124, Солтүстік Қазақстан облысы – 183, Түркістан облысы – 18.
Қазақстан бойынша жазылғандар саны – 984 751.

Covid-19: 61 қызылордалық дерттен айықты

Kyzylorda-news.kz. Қазақстанда өткен тәулікте 15169 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 4214, Алматы қаласы – 2179, Шымкент қаласы – 435, Ақмола облысы – 1017, Ақтөбе облысы – 593, Алматы облысы – 562, Атырау облысы – 553, Шығыс Қазақстан облысы – 459, Жамбыл облысы – 296, Батыс Қазақстан облысы – 521, Қарағанды облысы – 2104, Қостанай облысы – 434, Қызылорда облысы – 286, Маңғыстау облысы – 256, Павлодар облысы – 916, Солтүстік Қазақстан облысы – 197, Түркістан облысы – 147.
Жалпы ел бойынша ауырғандар саны – 1 132 329.

Қызылордада өткен тәулікте қанша адам коронавирус жұқтырды?

Kyzylorda-news.kz. Қазақстанның басым бөлігіне антициклон жотасы әсер етіп, күн жауын-шашынсыз болады, деп хабарлайды Қазгидромет.
Ал фронталды бөліктер еліміздің батысы мен оңтүстігіне көбінесе қар мен қар аралас жаңбыр, әкеледі. Олармен бірге жел күшейіп, жаяу бұрқасын соғады, көктайғақ болады. Республика бойынша кей жерлерде тұман түседі.
Жамбыл облысының солтүстігі, таулы және тау бөктерлі аудандарында тұман түсіп, оңтүстік-батысы, солтүстік-шығысы мен таулы аудандарында желдың жылдамдығы секундына 15-20 метрге жетеді. Күндіз таулы аудандарында көктайғақ болады.
Түркістан облысының оңтүстігі, батысы, таулы және тау бөктерлі аудандарында тұман түсіп, тау асуларында желдің күші секундына 15-20 метрге жетіп, күндіз таулы аудандарда көктайғақ болады.
Батыс Қазақстан облысының батысы, солтүстік-батысында жаяу бұрқасын соғып, көктайғақ болады, желдің жылдамдығы секундына 15-20 метрге жетіп, түнде солтүстігінде тұман түседі.
Алматы облысының батысы, шығысы мен оңтүстігінде тұман, көктайғақ болады.
Ақмола, Қостанай, Павлодар облыстарының солтүстігі мен шығысында, Солтүстік Қазақстан облысының оңтүстігі мен солтүстігінде, Маңғыстау облысының солтүстігі мен орталығында, Атырау облысының батысында, Шығыс Қазақстан облысының солтүстігінде, Қызылорда облысының орталығында тұман күтіледі.

22 қаңтарға арналған ауа райы болжамы

Kyzylorda-news.kz. Өңірдегі демографиялық өсімнің артуынан емханаға келуші азаматтардың саны көбейіп, орын тапшылығы мәселесі туындап келеді. Бұл ретте емделушілер үшін емхананың қолжетімділігі маңызды. Қызылорда қаласындағы емханалардың жүктемесін төмендету және тұрғындарға көрсетілетін медициналық көмектің сапасын арттыру мақсатында бұрынғы облыстық наркология орталығының ғимараты «Орталық емхана» болып қайта бейімделді. Бұл үшін демеушілердің көмегімен ғимаратқа ағымдағы жөндеу жұмыстары жүргізіліп, қажетті жаңа жиһаздар мен медициналық-құрал-саймандарымен жабдықталды. Емхана ақпан айында жұмысын бастайды деп жоспарлануда.
Бүгін облыс әкімі Гүлшара Әбдіқалықова қайта бейімделген емхананың жұмыс барысын саралап, алдын-ала дайындық жұмыстарын көрді. 
Облыстық денсаулық сақтау басқармасының басшысы Сәбит Пазылов жаңа емхана бірнеше емдеу мекемелеріндегі орын тапшылығын азайтуға мүмкіндік беретінін жеткізді. Яғни №1, №3, №6 емханаларда тіркелген бірқатар азаматтар осында қаралуға мүмкіндік алады. Мұнда барлығы 30 мың адамға қызмет көрсетіледі.
Аймақ басшысы халыққа сапалы қызмет көрсетуде денсаулық сақтау мекемелерінің жүйесін оңтайландыру маңызды екенін тілге тиек етіп, мұндай тиімді шешім арқылы тұрғындардың қажетті емді жақын жерден алуына мүмкіндік беретінін жеткізді. Сондай-ақ, емхананы қайта бейімдеу ісіне қолдау білдірген жанашыр кәсіпкерлерге алғыс айтты.
Орталық емхана 18 дәрігерлік аймақтан тұрады. Мұнда 18 жалпы тәжірибелік дәрігер, 54 орта медициналық қызметкер және арнайы мамандар еңбек етеді.
<h5 id="">Алдағы уақытта емдеу мекемесін рентген, флюорография, ультрадыбыстық зерттеу (УЗИ) аппараттарымен және санитарлық автокөліктермен қосымша қамту жоспарлануда.</h5>
<img src="https://kyzylorda-news.kz/wp-content/uploads/2022/01/fb_img_1642767749567.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642767755107.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642767760472.jpg" alt="" />

Қайта бейімделген орталық емхана орын тапшылығын жояды

Kyzylorda-news.kz. Қазақстанның бас санитар дәрігерінің қаулысына өзгерістер мен толықтырулар енгізілді, деп хабарлайды&nbsp;<a href="https://sputnik.kz/">Sputnik Қазақстан</a>.
Соған сәйкес, Қазақстанның мемлекеттік шекарасында автомобиль өткізу жолдарында өткізу пунктері арқылы елге COVID-19-дың бар-жоғы туралы анықтамасыз келген Қазақстан азаматтары карантиндік стационарға жіберіледі.
Сондай-ақ, жетім балаларды асырап алу мақсатында балалар үйіне баруға рұқсат етіледі. Ол үшін азаматтың коронавирустың бар-жоғын анықтайтын ПТР тест тапсырғанына 3 тәуліктен аспауы қажет немесе вакцинация немесе ревакцинациядан өткенін растайтын құжаты болуы керек. Мұндай жағдайда вакцинаның толық курсын салдырғанына 6 айдан аспағаны жөн. Соңғы 3 айда COVID-19 инфекциясымен ауырғанын растайтын құжатын көрсете алады.
Дәл осындай талаптар медициналық-әлеуметтік нысандарға (қарттар, мүгедектер үйі, балалар үйі) баруға мүмкіндік береді.
Құжатқа сәйкес, босану процесіне серіктес ретінде ПТР арқылы коронавирустың жоқ екенін көрсететін анықтамамен қатысуға болады. Мұндай жағдайда анықтаманың жарамдылық мерзімі 3 тәуліктен аспайды.
Қаулының толық мәтінін&nbsp;<a href="https://www.gov.kz/memleket/entities/kkkbtu/press/news/details/315584?lang=kk">мына жерден</a>&nbsp;оқуға болады.

Бас санитар дәрігердің жаңа қаулысы шықты

Kyzylorda-news.kz. Осы жылы жергілікті маңызы бар автомобиль жолдары мен көшелерді және көпір өткелдерін жөндеуге 12,7 млрд. теңге бөлінді. Сонымен қатар, ұзындығы 239 шақырым жол желісін жөндеуден өткізу жоспарлануда.
Бұл туралы Өңірлік коммуникациялар қызметінде өткен баспасөз конференциясында облыстық жолаушылар көлігі және автомобиль жолдары басқармасының басшысы Мұрат Тлеумбетов.
<blockquote>
 «Биыл “Нұрлы жол” бағдарламасы аясында облыстық және аудандық маңызы бар ұзындығы 183 шақырымды құрайтын 34 жоба жүзеге асырылады. Соның ішінде ең маңыздысы 9 көпір өткелі. 18 жаңа, 16-ы 2021 жылдан өтпелі жобалар бар. Нәтижесінде, облыстық және аудандық маңызы бар жолдардың жақсы және қанағаттанарлық индикаторлық көрсеткішінің үлесін 82%-ға жеткізу жоспарланған. Ал, “Ауыл – ел бесігі” бағдарламасы бойынша Арал, Жалағаш, Сырдария, Шиелі ауданының бірқатар ауылдарының көшелеріне орташа жөндеу жұмыстары жүргізілмек», – деді Мұрат Жолкелдіұлы.
</blockquote>

&#8220;Нұрлы жол&#8221;: Қызылордада 34 жоба жүзеге асырылады

Kyzylorda-news.kz. Қызылорда облысының білім басқармасының бұйрығына сәйкес, “Цифрлық түзету” пилоттық жобасы №5 көру қабілеті бұзылған балалардың 
арнайы (тузету) мектеп-интернатына ендіріліп, тірек білім беру ұйымы ретінде бекітілген болатын. Ерекше қажеттілігі бар балаларға цифрлық білім беруді мақсат тұтқан жоба бүгінде тиімді жүзеге асырылуда. Бүгін қаламызда орналасқан №5 мектеп-интернатына барған облыстық білім басқармасының басшысы Ақзира Қасымоваға осы бағыттағы жүйелі жұмыстар таныстырылды.
“Цифрлық түзету” пилоттық жобасын ендіруге дайындық жұмыстары өткен жылдан бастау алған. Бүгінде аталған жоба аясында цифрлыққа негізделген білім беру ұйымына 9 интерактивті панельі мен робототехника құрылғылары, музыкалық аппарат алынып, кабинет жасақталды. Көру қабілеті нашар балалардың білім алуына қолайлы 8 ноутбук-планшет жене 2 моноблоктармен жасақталып, “Bilimland”,” I-Mektep”,” Twig-bilim ” цифрлық білім беру ресурстарына қолжетімділік қамтамасыз етілді.
Барлық компьютерлер мен интерактивті панельдер интернет желісіне толық косылу арқылы балаларға көзге арналған жаттығулар аудио және видео түрінде жүргізіліп, түзетуге арналған ресурстардың базасы жинақталуда.
Сонымен қатар, экологиялық-биологиялық білім беруді дамыту бағытында шағын жылыжай іске қосылып, бүгінде түрлі тәжірибелер жасалынуда. Балалардың бос уақытын тиімді ұйымдастыру мақсатында шеберхана мен спорт алаңы жабдықталып, кітапхана Coworking-аймақ ретінде бейімделіп, керкем әдебиеттер мен арнайы кітаптармен толықтырылды.
<blockquote>
 Аймағымызда 35 интернаттық мекемелер жұмыс жасайды. Бүгінде мектеп-интернаттары көрсетіліп жатқан қолдаулардан кейін жағдайлары жақсаруда. Соның бір көрінісі осы №5 көру қабілеті бұзылған балалардың арнайы (тузету) мектеп-интернаты. Аталмыш білім беру ұйымы өткен жылы толық жөндеуден өтіп, жаңа спорт алаңдары мен жылыжай іске қосылып, қазіргі таңда балалардың білім алу жағдайларын жақсарту мақсатында жобалар енгізілуде, – деді Ақзира Бақтыбайқызы.
</blockquote>
“Цифрлық түзету” жобасы аясында қаламыздағы Жасыл мектеп, IT-мектептердің тәжірибесі осы интернатқа ендірілетіндігін айта кету керек.
Басқарма басшысы мектеп-интернатын аралап, балалардың оқулықтары мен оқу-әдістемелік базасымен танысып, жүргізілген күрделі жөндеу мен цифрлық жоба аясында атқарылып жатқан жұмыстарға өзінің оң бағасын берді.
Сондай-ақ, Ақзира Бақтыбайқызы алдағы уақытта аймақтық олимпиадаларға ерекше білім беруді қажет ететін балаларды да қатыстырып, ол үшін арнайы секция ашуды тапсырды.
<img src="https://kyzylorda-news.kz/wp-content/uploads/2022/01/fb_img_1642760712053.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642760718630.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642760722247.jpg" alt="" />

Қазақстан және Қызылорда облысының жаңалықтары

Қамауда жатқан 1083 адам босатылды

Мейрам Аюбаев: Қамаудағыларды медициналық қамтамасыз ету азаматтық денсаулық сақтау органдарына беріледі

Омикрон штамы неліктен жылдам тарайды?

Өзбекстан Арал теңізінің табанына ағаш отырғызады

ДДҰ 5 жастан асқан балаларға арналған Pfizer Covid-19 вакцинасын мақұлдады

Covid-19: 61 қызылордалық дерттен айықты

Қызылордада өткен тәулікте қанша адам коронавирус жұқтырды?

22 қаңтарға арналған ауа райы болжамы

Қайта бейімделген орталық емхана орын тапшылығын жояды

Бас санитар дәрігердің жаңа қаулысы шықты

“Нұрлы жол”: Қызылордада 34 жоба жүзеге асырылады

“Цифрлық түзету” пилоттық жобасы өз нәтижесін беруде

Қазақстан және Қызылорда облысының жаңалықтары

Қамауда жатқан 1083 адам босатылды

Мейрам Аюбаев: Қамаудағыларды медициналық қамтамасыз ету азаматтық денсаулық сақтау органдарына беріледі

Омикрон штамы неліктен жылдам тарайды?

Өзбекстан Арал теңізінің табанына ағаш отырғызады

ДДҰ 5 жастан асқан балаларға арналған Pfizer Covid-19 вакцинасын мақұлдады

Covid-19: 61 қызылордалық дерттен айықты

Қызылордада өткен тәулікте қанша адам коронавирус жұқтырды?

22 қаңтарға арналған ауа райы болжамы

Қайта бейімделген орталық емхана орын тапшылығын жояды

Бас санитар дәрігердің жаңа қаулысы шықты

&#8220;Нұрлы жол&#8221;: Қызылордада 34 жоба жүзеге асырылады

“Цифрлық түзету” пилоттық жобасы өз нәтижесін беруде

“Нұрлы жол”: Қызылордада 34 жоба жүзеге асырылады