Kyzylorda-news.kz. Қармақшы аудандық полиция бөлімінің қызметкерлері «Құқық тәртібі» жедел-профилактикалық іс-шарасы барысында Қуандария ауылының шетінде 36 жастағы тұрғынның басқаруындағы «УАЗ» автокөлігін тоқтатқан.
Тексеру барысында автокөлік ішінен ІІО-да тіркеуде жоқ, 1-ұнғылы, 16-калибрлі нөмірсіз аңшы мылтығы анықталды.
<blockquote>
 “Анықталған дерек бойынша Қазақстан Республикасы Әкімшілік құқық бұзушылық кодексінің 482–бабының 1-бөлігімен (Iшкi iстер органдарында тiркелмеген тегiс ұңғылы, газды қару мен олардың патрондарын, сол сияқты электрлі қаруды, үрлемелi қуаты 7,5 Джоульдан жоғары, калибрi 4,5 миллиметрден асатын пневматикалық қаруды заңсыз иеленіп алу, беру, өткiзу, сақтау, алып жүру, тасымалдау) әкімшілік хаттама рәсімделіп, сотқа жолданады”,-делінген полиция департаментінің хабарламасында.
</blockquote>

Қармақшы ауданының тұрғынынан заңсыз қару тәркіленді

<a href="https://kyzylorda-news.kz/">Kyzylorda-news.kz.</a> Елімізде 2 наурыздан бастап президент Қасым-Жомарт Тоқаев қол қойған “Жануарларға жауапкершілікпен қарау туралы” Заң өз күшіне енеді. Бұл туралы Экология, геология және табиғи ресурстар&nbsp;вице-министрі Әлия Шалабекова ОКҚ-да өткен брифинг барысында мәлім етті, деп хабарлайды&nbsp;<a href="https://stan.kz/">Stan.kz</a>.&nbsp;
Жаңа Заңға сәйкес 2023 жылдың 1 қыркүйегінен бастап жануарлардың иелері үй жануарларын тіркеуі керек.
“Есепке алудың егжей-тегжейлі тәртібі тиісті ережелерде айқындалатын болады. Есепке алу иелердің есебінен жүзеге асырылатынына назар аударған жөн. Ал халықтың әлеуметтік осал топтарына жататын азаматтарға бұл рәсімді мемлекет төлейді. Сондай-ақ, иттердің өз бетімен жүруіне заңмен тыйым салынады”, – деді вице-министр.
Бұнымен қоса&nbsp;нормативтік-құқықтық актінің бірқатар жобалары қаңғыбас жануарлармен жұмыс істеуді реттеуге бағытталған.
<blockquote>
 “Заң күшіне енгеннен кейін Қазақстанда қаңғыбас жануарларды аулау және өлтіру&nbsp;тоқтатылады. Ал олардың санын реттеу мемлекеттік бюджет қаражаты есебінен стерильдеу жолымен ғана жүзеге асырылатын болады. Бұл ретте жануарларды аулаудың үлгілік қағидаларының жобасы аясында иесі бар екенін білдіретін белгілері бар жануарларды стерильдеуге тыйым салу жоспарлануда”, – деді Әлия Шалабекова.
</blockquote>
Сонымен қатар, Заң және әзірленіп жатқан нормативтік-құқықтық актілер пакеті жануарларға қатысты иттерді төбелестіру, ветеринарлық операцияларды наркозсыз жүргізу, жануарларды жазасыз өлтіру, жануарларды қинап, дер кезінде көмек көрсетпеу, мейрімсіздікпен аулау сияқты жағымсыз көріністерге тосқауыл қояды.&nbsp;
Айта кетейік, бүгінге дейін жергілікті әкімдіктер қаңғыбас жануарлармен күресуде оларға қару да қолданып келді. Себебі заңда тыйым салынбаған болатын.
Бұл ретте қаңғыбас жануарларды аулау және жою жұмыстарына жұмсалған қаражат көлемі өңірлерде әртүрлі. Алайда орта есеппен 60 пен 100 млн теңге аралығындағы соманы құрайды. Ал Алматы қаласының әкімдігі 2020-2021 жылдар аралығында бұл мақсатта 150 млн теңге жұмсаған екен. Жалпы республика бойынша шығындар 1 млрд теңгеден асады.

Елімізде бұдан былай қаңғыбас жануарларды өлтіруге тыйым салынады

<a href="https://kyzylorda-news.kz/">Kyzylorda-news.kz.</a> Мәскеуде Қасым-Жомарт Тоқаев пен Владимир Путин ұзақ келіссөздер жүргізіп, оның қорытындысы бойынша мемлекет басшылары бірлескен мәлімдеме жасады. Қазақстан Президенті ресейлік жоғары оқу орындарының филиалдары ашылатынын айтты.
Мемлекет басшысы Қазақстанда инженерлік-техникалық кадрларға деген сұранысты ескере отырып, білім беру саласындағы ынтымақтастыққа ерекше назар аударылғанын атап өтті.
<blockquote>
 “Бүгін келіссөздер барысында мен Владимир Владимировичке Ресей Федерациясының ең танымал университеттерінің, ең алдымен техникалық университеттерінің филиалдарын Қазақстанда ашуға келісім бергені үшін алғысымды білдіремін. Олар біздің еліміздегі білім беру саласына үлкен үлес қосады деп ойлаймын”, – деді Тоқаев.
</blockquote>
Қазақстан Президенті Ресейдің жетекші жоғары оқу орындарының Қазақстандағы филиалдарының желісін кеңейту жөніндегі елеулі келісімдерді құптайтынын атап өтті.
<blockquote>
 “Қазақстанда мына университеттердің филиалдары ашылатынын атап өткім келеді, бұл жоғары оқу орындары барлығына жақсы таныс: МИФИ (Ұлттық ядролық зерттеу университеті, МИФИ ), университет имени Губкина (Губкин атындағы Ұлттық зерттеу университеті), Бауманское училище (Бауман атындағы мемлекеттік техникалық университеті). Қазір училище университет болып үлгерген сияқты, бірақ, бренді қалды. Білім беруді қолдау өзара қарым-қатынас саласындағы &nbsp;өте маңызды ілгерілеушілік деп ойлаймын”, – деді Қасым-Жомарт Тоқаев.
</blockquote>
Еске салайық, Мәскеуде Қазақстан Президенті Қасым-Жомарт Тоқаев пен Ресей Президенті Владимир Путин жоғары деңгейдегі келіссөздер жүргізіп, оның барысында екі ел арасындағы көпқырлы стратегиялық серіктестікті дамыту перспективаларын қарастырған болатын.
<a href="https://massaget.kz/layfstayl/bilim/bilim-ordalary/67397/">Massaget</a>

Қазақстанда ресейлік қандай университеттердің филиалдары ашылады?

Kyzylorda-news.kz. Қазақстанда өткен тәулікте 7231 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 213
Алматы қаласы – 1044
Шымкент қаласы – 64
Ақмола облысы – 877
Ақтөбе облысы – 242
Алматы облысы – 247
Атырау облысы – 18
Шығыс Қазақстан облысы – 464
Жамбыл облысы – 62
Батыс Қазақстан облысы – 321
Қарағанды облысы – 2596
Қостанай облысы – 303
Қызылорда облысы – 51
Маңғыстау облысы – 144
Павлодар облысы – 517
Солтүстік Қазақстан облысы – 65
Түркістан облысы – 3

COVID-19: 51 қызылордалық емделіп шықты

Kyzylorda-news.kz. Цифрландыру саласының ірі және маңызды жобасының бірі – «Өңірлік геоақпараттық жүйе». Бұл жүйе өткен жылы тәжірибеге енгізілді. Жоба мақсаты – жер қатынастары, құрылыс және қала құрылысы қызметтерін автоматтандыруға бағытталған. Бұл туралы Өңірлік коммуникациялар қызметінде өткен брифингте облыстық цифрлық технологиялар басқармасының басшысы Юлия Тремасова кеңірек тоқталды.
Жаңадан құрылған геопортал базасында «i-Orda» («i-Qala») порталының модулі бар. Онда техникалық шарттар беру, шарттар жасасу, қосу, пломбалау, есепке алу аспаптарын орнату және ауыстыруға өтінімдерді орындау секілді 74 қызмет түрі автоматтандырылады.
Өңірлік геоақпараттық жүйеде облысқа қарасты 9 медициналық ұйымның «Медициналық куәландырудың электрондық жүйесі» енгізілді. Сондай-ақ 7 стационарлық «Аркан» жылдамдық өлшегіші орнатылды. Басқарма басшысы Юлия Тремасованың айтуынша, оларды пайдалануға берген сәттен бастап 30171 бұзушылық тіркеліп, 317 млн. теңге айыппұл салынды.
Сондай-ақ, мемлекеттік органдардың бұлтты құжат айналымына көшуі бойынша да жұмыстар атқарылды. Бүгінде бұл айналымға 308 жергілікті атқарушы орган, 3554 пайдаланушы қосылған.
<hr />

Өңірлік геоақпараттық жүйенің жұмысы қалай іске асырылып жатыр?

Kyzylorda-news.kz. Қазақстанда өткен тәулікте 2283 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz сайты.
Аймақтар бойынша:
Нұр-Сұлтан қаласы – 195
Алматы қаласы – 519
Шымкент қаласы – 25
Ақмола облысы – 180
Ақтөбе облысы – 46
Алматы облысы – 214
Атырау облысы – 23
Шығыс Қазақстан облысы – 112
Жамбыл облысы – 51
Батыс Қазақстан облысы – 70
Қарағанды облысы – 242
Қостанай облысы – 177
Қызылорда облысы – 11
Маңғыстау облысы – 13
Павлодар облысы – 195
Солтүстік Қазақстан облысы – 199
Түркістан облысы – 11
Жалпы ел бойынша ауырғандар саны 1287952.

Қызылордада 11 адамнан коронавирус анықталды

Kyzylorda-news.kz. Байқоңыр қаласының тұрғындары үшін өзекті тұрғын үй, газдандыру салаларында оң шешім бар. Облыс әкімі Гүлшара Әбдіқалықова Байқоңыр қаласын дамыту мәселелерін қарап, ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы Жасұлан Абатовтың атқарған жұмыстарын саралады.
Жиында Байқоңыр қаласын жылу электр станциясын газға қосу мәселесі қаралды. Бүгінгі таңда қала әкімшілігі қажеттілікті ескере отырып тиісті шараларды қабылдады. Бұл ретте облыс әкімдігі мен салалық министрлік жылу электрстанциясына газ жеткізу бағытында бірлескен жұмыстарды атқаруда. Егер де станцияны газға қосу мәселелері толыққанды жүргізілсе, тұрғындар үшін коммуналдық қызмет төлемдері біршама төмендейді.
Сондай-ақ, биыл Төретам, Ақай елді мекендерін газдандыру үшін жоба құрылысын қаржыландыруға өтінім берілді. 
Басқосуда Байқоңырдағы тұрғын үйлерді қазақстандықтарға жекешелендіру мәселесі де айтылды. Бүгінгі таңда Қазақстан-Ресей арасындағы бірлескен талқылаулар жүргізіліп, қос тарап арасында жекелешелендірудің маңыздылығы айқындалды. Алдағы уақытта бірлескен шешімдерді қабылдау бойынша ортақ ұстаным болады.
Қазіргі таңда Байқоңырда 75 мыңнан астам адам тұрады. Оның 66 пайыздан астамы қазақстандықтар. Бұған дейін тұрғын үйді жекешелендіру ғарыш кешенін пайдалану жөніндегі келісім бойынша тыйым салынған болатын.
Кездесуде талқыланған тағы бір мәселе – Байқоңыр қаласы әкімшілігіне қарасты мектептерде қазақ тілі мен әдебиеті, Қазақстан тарихы пәндерін оқыту. 
Жасұлан Абатов бұл мәселеде қос тараптың Білім министрлігімен бірлескен шешімдер қабылданғаннан кейін оқыту процесіне қажетті жұмыстарды алдын ала саралау қажет екенін тілге тиек етті. Бұл ретте Байқоңырда педагогтардың оқу жүктемесіне қатысты айтарлықтай проблема болмайды.
Басқарма басшысының ұсыныстарын саралаған облыс әкімі Байқоңыр қаласында әлеуметтік мәселелерді тұрақты түрде шешу, тұрғындарға түсіндірме жұмыстарын күшейту және байқоңырлықтардың тұрмыстық әлеуетін көтеру үшін атқарылатын шаралардың уақытылы жүзеге асуын қадағалауды қаперге салды.
<img src="https://kyzylorda-news.kz/wp-content/uploads/2022/02/fb_img_1644586394326.jpg" alt="" />
<img src="https://kyzylorda-news.kz/wp-content/uploads/2022/02/fb_img_1644586396630.jpg" alt="" />

Байқоңырда әлеуметтік мәселелер оңтайлы шешіліп келеді

<a href="https://kyzylorda-news.kz/">Kyzylorda-news.kz.</a> ҚР Индустрия және инфрақұрылымдық даму министрлігінің баспасөз хатшысы жеңілдік автонесиелеу бағдарламасы туралы бұрмаланып тараған ақпаратқа түсінік берді, деп хабарлайды <a href="https://lenta.inform.kz/kz/kansha-tenge-bolinetini-ali-belgisiz-ministrlik-zhenildetilgen-avtonesie-turaly-tusindirdi_a3898321">ҚазАқпарат</a>.
Ведомствоның баспасөз хатшысы Жанжігіт Омархан бұл туралы Facebook парақшасында жазды.
Айтуынша, жеңілдікпен автонесиелеудің жаңа бағдарламаларын әзірлеу барысы туралы айтылған ақпарат БАҚ-та сәл бұрмаланып кеткен.
<blockquote>
 «ҚР ИИДМ Автомобиль жасау басқармасының басшысы Руслан Хисамутдинов «Хабар» телеарнасына сұхбат беріп, жеңілдікпен автонесиелеудің жаңа бағдарламаларының жобалары туралы әңгімелеп берді. Осы сұхбат негізінде kolesa.kz порталы «Жеңілдікпен автонесиелеудің жаңа бағдарламасы. Алғашқы мәліметтер» деген тақырыппен материал жариялап, кейін ол өзге де ақпарат құралдарында таратылды. Бұл ретте бастапқы ақпарат сәл бұрмаланған», – деп жазды Ж.Омархан.
</blockquote>
Министрлік өкілінің сөзіне қарағанда, Р.Хисамутдинов айтқан «ұсынылады», «әзірленеді» және «пысықталады» деген сөздердің орнына автор «болады», «ерекшеленеді» сияқты сөздерді қолданған.
Салдарынан ақпаратты тұтынушылар автонесиелеудің жаңа бағдарламасы жасалып, жақын арада іске қосылады деп қате түсініп қалуы ықтимал.
<blockquote>
 «Яғни, әлі зерттеліп, пысықталып жатқан бастамалар қазірдің өзінде қабылданған шешім ретінде жеткізілген. Осыған байланысты қазір уәкілетті мемлекеттік органдар жеңілдікпен автонесиелеудің жаңа бағдарламаларының 2 нұсқасын қарастырып жатқанын айтқым келеді. Бірінші нұсқада жеңілдікті несиелеуге 4 жылға (бірінші жылға – 30 млрд) бөлінген 150 млрд теңге (БАҚ-та айтылғандай 250 млрд емес) бағыттау қарастырылуда. Несие беру шарттарын 2015 жылдан іске қосылған ескі бағдарламалармен бірдей етіп қалдыру ұсынылады», – деп жазды Жанжігіт Омархан.
</blockquote>
Оның мәліметі бойынш, екінші ұсынылып отырған нұсқа халықтың әлеуметтік осал топтарына бастапқы жарнасыз несие беруді қарастырады.
Бұған дейін ҚР Премьер-Министрі атап өткендей, оған «ӨКМ операторы» компаниясында жиналған қаражаттан шамамен 100 млрд теңге бөлу ұсынылады.
<blockquote>
 «Сондай-ақ, бір адамға берілетін несие шегін 7 млн теңге қылу бастамасы талқыланып жатыр. Бұл ұсыныс қабылдана ма, жоқ па, ол жағы экономикалық тиімділігі мен мақсатына байланысты айқындалады. Қалай болғанда да, екі нұсқа да қазіргі уақытта межесіне жеткен жоқ. Олар ҚР ИИДМ ұсынған түрде қабылданбауы да мүмкін. Сондықтан нақты шешімдер туралы айтуға әлі ерте. Жалпы алғанда, 2022 жылы барлық құжаттық және заңдық процестері аяқталғанда жеңілдікпен автонесиелеудің жаңа бағдарламасы іске қосылады», – дейді ведомствоның баспасөз хатшысы.
</blockquote>

Қанша теңге бөлінетіні әлі белгісіз: Министрлік жеңілдетілген автонесие туралы түсіндірді

<a href="https://kyzylorda-news.kz/">Kyzylorda-news.kz.</a>&nbsp; Биыл облыстық филармонияға ширек ғасыр толды. Мерейтойға орай еліміздің бірқатар аймақтарында Сыр өнері дәріптеліп, кең көлемде мәдени шаралар ұйымдастырылады. Сондай-ақ, «Балалар жылы» қарсаныңда «Әдемі» балалар музыкалық театр-студиясының бес жылдығына орай жаңа қойылымдар сахналаналанып, балаларды музыкалық аспаптарға қызығушылығын арттыру мақсатында «Мәңгілік музыка» атты концерт өткізіледі. Биыл аймақта 149 мәдени іс шара өткізу жоспарлануда.
Бұл жөнінде Өңірлік коммуникациялар қызметінің ақпарат алаңында өткен брифингте облыстық мәдениет, архивтер және құжаттама басқармасы басшысының орынбасары Жанат Құрамысова мәлімдеді.
<blockquote>
 «Тәуелсіздік алған жылдары облыстық филармонияның құрылымы кеңейіп, 2007 жылы Тұрмағамбет атындағы халық аспаптар оркестрі, «Ақмешіт» фольклорлық, «Сыр самалы» вокалды аспапты және «Томирис» би ансамбльдері құрылды. Филармонияның алғашқы құрылған жылдарында белгілі композитор Тәңірберген Қалауов басшылық жасап, жыршы-термеші Ақмырза Тұяқбаев,Фатима Төлегенова, Шымберген Тілеулесов, Тәжігүл Аманжолова, Гүлжан Нұржанова, Күлән Қалымбетовалардың ізін бүгінде жас әншілер, өнер ұжымдары жалғастырып келеді. Аталмыш өнер ұжымдары алыс-жақын шетелдерге Сыр өнерін насихаттау мақсатында АҚШ-тың Нью-Йорк, Вашингтон, Біріккен Араб Әмірлігінің Әбу-Даби қалалары мен Түркия, Өзбекстан, Ресей,Татарстан, Босния-Герцеговина елдерінің сахнасында өнер көрсетуде», – деді басқарма басшысының орынбасары Жанат Құрамысова.
</blockquote>
Соңғы 10 жылда облыстық филормония ұжымы әлемнің 10-нан аса елінде концерт өткізді. Бүгінде филормонияның жұмысы кеңейіп, өнер сүйер қауымды ән әлемімен сусындатып келеді.
<blockquote>
 «Биыл мерейтой аясында бірнеше қалаларда Сыр өнерін паш етуді жоспарлаудамыз. Сонымен қатар, ұлағатты ұстаз, профессор Инаят Жарылқановтың 75 жылдығына арналған «Мәртебелі маэстро» атты және ҚР Еңбек сіңірген әртісі Күлән Қалымбетовтың 65 жылдығына орай «Ән ғұмыр» атты шығармашылық кеш өткізіледі. Жалпы концерттік ұйымдардың міндетіне өнер иелерінің шығармашылық кештерін өткізуде жоспарлануда», – деді облыстық филормонияның директоры Талғат Мақашов.
</blockquote>
<img src="https://kyzylorda-news.kz/wp-content/uploads/2022/02/273864563_1470165443378963_1656147372085378137_n.jpg" alt="" />

Биыл Қызылорда облыстық филормониясына 50 жыл

<a href="https://kyzylorda-news.kz/">Kyzylorda-news.kz.</a> Шорт-тректен 500 м қашықтықта өнер көрсеткен Әділ Ғалиахметов, Денис Никиша және Абзал Әжіғалиев ширек финалға жолдама алды.
Абзал Әжіғалиев (40,870 сек) пен Денис Никиша (40,482 сек) өз топтарында бірінші орынмен өтсе, Әділ Ғалиахметов (40,722 сек) екінші нәтиже көрсетті.
Ширек финал 13 ақпанға («Хабар» телеарнасында) жоспарланған.

Қазақстандық шорт-трекшілер ширек финалға шықты

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қазан Кремлін аралап көргеннен кейін Татарстан Республикасының Президенті Рустам Миннихановпен кездесу өткізді. Кездесудің алдында Қазақстан Президенті «Құрметті қонақтар кітабына» қолтаңба қалдырды, деп хабарлайды&nbsp;<a href="https://akorda.kz/kz/memleket-basshysy-kasym-zhomart-tokaev-tatarstan-prezidenti-rustam-minnihanovpen-kezdesti-1115448">Ақорда</a>.
Қасым-Жомарт Тоқаев пен Рустам Минниханов сауда-экономикалық, инвестициялық және мәдени-гуманитарлық салалар бойынша Қазақстан мен Татарстан арасындағы ынтымақтастықты кеңейту жолдарын талқылады.
Қазақстан Президенті мыңжылдық тарихымен, бай мәдени мұраларымен танылған Татарстанға сапармен келуге шақырғаны үшін Рустам Миннихановқа алғыс айтты.
<blockquote>
 – Мұнда Қазақстан Президенті ретінде келгеніме өте қуаныштымын. Сізбен елімізде бірнеше рет кездестім. Біз көптеген мәселе туралы, соның ішінде Қазақстан мен Татарстан арасындағы ынтымақтастықты дамыту және нығайту жөнінде сөйлестік. Екіжақты ынтымақтастыққа негізделген маңызды жобаларымыз бар. Егер Қазақстан мен Татарстан басшылары саяси ерік-жігер танытатын болса, бұл жобалардың жүзеге асырылатыны сөзсіз, – деді Мемлекет басшысы.
</blockquote>
Қасым-Жомарт Тоқаев Рустам Миннихановқа кеше Мәскеуде Ресей Президенті Владимир Путинмен жүргізген табысты келіссөзі туралы мәлімет берді.
<blockquote>
 – Келіссөздің мазмұнына, кездесу нәтижелеріне көңілім толды. Біз, әрине, Ресей Федерациясының субъектісі ретінде Татарстанмен арадағы ынтымақтастықты Қазақстанның дамыта беретіні жөнінде де әңгімелестік. Владимир Путин баспасөз мәслихатында сөйлеген сөзінде Ресей Федерациясының қарқынды дамып келе жатқан субъектілерінің бірі Татарстанға ерекше тоқталды және осы республикаға жұмыс сапарымен бару жөніндегі шешімімді қолдады, – деді Қасым-Жомарт Тоқаев.
</blockquote>
Мемлекет басшысы Қазақстан мен Татарстан арасындағы мәдени-гуманитарлық байланыстарды дамытудың маңызды екенін атап өтті.
<blockquote>
 – Шын мәнінде, елдеріміз арасындағы байланыстардың тарихы терең. Тарихымыз – ортақ. Бұл тақырыпта жазылған мақалалар мен кітаптарды қызыға оқимын. Оқыған сайын тарихи байланыстарымыздың соншалықты терең әрі сабақтасып жатқанына көз жеткіземін, тіпті таң қаламын. Мәдени-гуманитарлық ынтымақтастықты міндетті түрде дамыту керек деген пікіріңізді қолдаймын. Қазақстан бұған дайын, – деді Қазақстан Президенті.
</blockquote>
Қасым-Жомарт Тоқаев Рустам Миннихановтың мықты әрі беделді басшылығымен Татарстанның қарқынды дамып келе жатқанын жоғары бағалап, республика халқының игілігі жолындағы қызметіне табыс тіледі.
Татарстан Президенті Қазан қаласына сапармен келгені үшін Мемлекетіміздің басшысына алғыс білдіріп, Қазақстанмен ынтымақтастықты дамытудың стратегиялық маңызын атап өтті.
<blockquote>
 – Біз үшін бұл – үлкен абырой. Қазақстан мен Ресей арасындағы достық байланыстар аясында Сіздің еліңізбен ықпалдастықты нығайту мүмкіндігін жоғары бағалаймыз. Қазақстан – Татарстан Республикасы үшін стратегиялық серіктес. Қазақстанның аймақтарымен көптеген келісім жасалған. Сіздің еліңізде табысты жұмыс істеп жатқан компанияларымызды көптеп мысалға келтіруге болады, – деді Рустам Минниханов.
</blockquote>
Кездесу соңында Рустам Минниханов Қазақстан мен Татарстан арасындағы ынтымақтастықты дамытуға, екі ел арасындағы достық пен өзара түсіністікті нығайтуға қосқан елеулі үлесі үшін Қасым-Жомарт Тоқаевты «Дуслык» орденімен марапаттады.

Татарстан президенті Қасым-Жомарт Тоқаевты «Дуслык» орденімен марапаттады

<a href="https://kyzylorda-news.kz/">Kyzylorda-news.kz.</a> Биыл Кеңес әскерлерінің Ауғанстан аумағынан шығарылғанына 33 жыл толды. Атаулы күнге орай, 15 ақпанда облыс әкімінің қатысуымен «Тағзым алаңы» аллеясында орналасқан ескерткішке Ауған соғысында қаза тапқан жауынгерлерді еске алып, гүл шоқтарын қойып, митинг өткізіледі. Еске алу шаралары барлық аудандарда ұйымдастырылады.
Айта кету керек, әскери қақтығысқа Сыр өңірінен 827 қатысып, 18 адам қаза тапты. Қазіргі таңда, облыс көлемінде 567 ауған соғысының ардагері бар. Оның 52-і мүгедек. Аудан соғысының ардагерлері мен мүгедектерінің мәселелері бойынша 11 үкіметтік емес ұйым тіркелген.
Сонымен қатар, «Ардагерлер туралы» Заңында сәйкес, бір реттік ақшалай әлеуметтік көмек 9-мамыр Жеңіс күніне орай төленетін болды деді облыстық жұмыспен қамту және әлеуметтік бағдарламалар басқармасы басшысының орынбасары Мейрамбек Әбдікәрімов мәлімдеді.
<blockquote>
 Төлемнің мөлшері айлық есептік көрсеткіштің өсуіне байланысты биылғы жылы Ауған соғысының, Чернобыль атом электр станциясындағы апаттың зардабын жоюға қатысушылары мен мүгедектеріне, Семей ядролық сынақ полигонындағы ядролық сынақтарға тікелей қатысқандарға, Совет Армиясының мүгедектеріне, Тәжік-Ауған учаскесіндегі ТМД шекарасын қорғауға қатысқандарға, Таулы Қарабахтағы этносаралық қақтығысқа қатысқандарға 91890 теңгеден төленеді. Әлеуметтік төлем сәуір айының 25-нен кейін жүргізіледі, – деді М.Әбдікәрімов.
</blockquote>
<img src="https://kyzylorda-news.kz/wp-content/uploads/2022/02/273769972_1470137313381776_4002215727068423043_n.jpg" alt="" />

Қазақстан және Қызылорда облысының жаңалықтары