Kyzylorda-news.kz. Украинадан эвакуацияланған қазақстандықтардың бірі Елена Петрова. Отандасымыз шекарада қалыптасқан жағдай туралы айтып берді, деп хабарлайды <a href="https://www.inform.kz/kz/ukrainadan-evakuaciyalangan-kazakstandyk-shekaradagy-zhagday-turaly-aytty_a3904903">ҚазАқпарат</a>.
<blockquote>
 «Шекарада кептелісте тұрмыз. Жергілікті волонтерлер ыстық тамақпен қамтып отыр. Өте жақсы көмектесіп жатыр. Әр 100 метр сайын жедел жәрдем тұр, шұғыл көмекке дайын. Автобустың іші жылы. Кептелісте 10 мыңдаған көлік тұр, бәрінің де кеткісі келеді. Қаншама адам шекараға жаяу бара жатыр. Олардың арасында қарттар мен балалар бар. Салыстырмалы түрде біздің жағдайымыз жақсы», – деді Елена Петрова.
</blockquote>
Оның айтуынша, волонтерлерден бөлек, қарапайым тұрғындар да көмектесіп жатыр.
<blockquote>
 «Қарапайым халық бір-біріне көмектесіп жатыр. Біреу тамағын берсе, екіншісі жылы киіммен қамтамасыз етуде. Жаяу бара жатқан адамдар бізге алып кетіңдерші деп өтініп жатыр. Оған бізде автобуста бос орын жоқ», – дейді ол.
</blockquote>

Украинадан эвакуацияланған қазақстандық шекарадағы жағдай туралы айтты

Kyzylorda-news.kz. Индустрия және инфрақұрылымдық даму вице-министрі Марат Қарабаев жеңілдетілген автокредит бағдарламасы бойынша алғашқы жарнаға қатысты түсініктеме берді, деп хабарлайды <a href="https://sputnik.kz/20220224/4-protsenttik-avtokredit-zharna-23053935.html">Sputnik Қазақстан</a>.
Бұған дейін премьер-министрдің бірінші орынбасары Роман Скляр жеңілдетілген автокредиттің алғашы жарнасы болмайды деп айтқан. Индустрия және инфрақұрылымдық даму министрлігі ондай жеңілдікті берудің екі жолын қарастырып отыр.
<blockquote>
 “Бұған дейінгі бағдарламада 20 проценттік алғашқы жарна төлеу міндеті болған. Қазір біз кейбір әлеуметтік жағдайы төмен тұрғындар үшін бастапқы жарнаны алып тастау мәселесін қарастырып жатырмыз. Мысалы: жас отбасы, дәрігерлер, оқытушылар, мұғалімдер. Ол – бір. Ал халықты көбірек қамту үшін тағы екінші бағытты қарастырып отырмыз. Оны кеше вице-премьер айтты”, – деді Қарабаев орталық коммуникациялар қызметінде өткен брифингте.
</blockquote>
Айтуынша, барлық халық 20 проценттік алғашқы жарнаны төлемейтіндей жағдай қарастырылып жатыр. Оның шығыны есептеледі.
Вице-министр жеңілдетілген автокредит бағдарламасының нақты құжаты әлі қабылданбағанын ерекше атап өтті.
<blockquote>
 “Бізге екі аптадай шамалы уақыт беріңіздер. Бағдарламаның нақты қай кезде басталатынын айтамыз”, – деді Қарабаев.
</blockquote>
Оның айтуынша, жеңілдетілген автокредит бағдарламасы бойынша онлайн кезек жасау мәселесі де пысықталады.
Айта кетері, кеше, сәрсенбіде вице-премьер Роман Скляр жеңілдетілген бағдарламаның негізгі шараттарын жариялаған болатын. Оған сәйкес, автокредит 7 жылға беріледі. Жылдық мөлшерлемесі сол күйінде 4 процент болып қалады. Қазақстандықтарға 10 миллион теңгеге дейінгі автокредиттер беріледі. Ал көлік одан қымбат болса, сатып алушы өз қалтасынан төлейді.

Жаңа автокредит бағдарламасы: Алғашқы жарнаны кімдер төлемейді?

Kyzylorda-news.kz. Екі дүркін әлем чемпионы Назым Қызайбай Болгарияда өткен “Кубок Странджа-2022” халықаралық турнирінің жеңімпазы атанды, деп хабарлайды <a href="https://stan.kz/nazim-kizaybay-bokstan-shagin-alem-chempionatinda-kazak-360847/">Stan.kz</a>.
26 ақпан күні Назым Қызайбай 50 келіге дейінгі салмақ дәрежесінде алжирлік Роумаиса Боуалемге қарсы шықты. Қазақстандық спортшы үш раундтың қорытындысы бойынша төрешілердің бірауыздан қабылдаған шешімімен жеңіске жетіп, үшінші раундта қарсыласын нокдаунға түсірді.
Кіші әлем чемпионаты атанған бұл додада Қызайбайдың алтыны Қазақстан үшін бірінші жүлде болды. Бұл турнирде Қазақстан құрамасы үш күміс медаль жеңіп алды, олардың иегерлері Дина Жоламан (54 келіге дейінгі салмақ дәрежесі), Ләззат Күнгейбаева (81 келіден жоғары) және Дамир Әбдіқадір (51 келіге дейін).
Бүгін қазақстандықтар “Странджа кубогі-2022” турнирінің тағы бірнеше финалдық ойынына қатысады.

Назым Қызайбай бокстан кіші әлем чемпионатында Қазақстанға алғашқы алтынды әкелді

Kyzylorda-news.kz. Қазақстанда өткен тәулікте 1 421 адам коронавирус инфекциясынан жазылып шықты, деп хабарлайды coronavirus2020.kz.
Нұр-Сұлтан қаласында – 228,
Алматы қаласында – 269,
Шымкент қаласында – 0,
Ақмола облысында – 128,
Ақтөбе облысында – 0,
Алматы облысында – 152,
Атырау облысында – 57,
Шығыс Қазақстан облысында – 27,
Жамбыл облысында – 25,
Батыс Қазақстан облысында – 10,
Қарағанды облысында – 32,
Қостанай облысында – 272,
Қызылорда облысында – 3,
Маңғыстау облысында – 6,
Павлодар облысында – 76,
Солтүстік Қазақстан облысында – 136,
Түркістан облысында – 0.
Елімізде барлығы 1 266 669 адам COVID-19-дан емделіп, сауығып шықты.

Covid-19: 3 қызылордалық індеттен айықты

Kyzylorda-news.kz. Қазақстанда өткен тәулікте 351 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 15
Алматы қаласы – 110
Шымкент қаласы – 1
Ақмола облысы – 15
Ақтөбе облысы – 2
Алматы облысы – 15
Атырау облысы – 3
Шығыс Қазақстан облысы – 22
Жамбыл облысы – 2
Батыс Қазақстан облысы – 14
Қарағанды облысы – 35
Қостанай облысы – 45
Қызылорда облысы – 6
Маңғыстау облысы – 2
Павлодар облысы – 26
Солтүстік Қазақстан облысы – 35
Түркістан облысы – 3
Жалпы ел бойынша ауырғандар саны 1302059.

Қызылордада 6 адамнан коронавирус анықталды

Kyzylorda-news.kz. Ауқымды антициклон Қазақстанның барлық аумақтарында жауын-шашынсыз ауа райын қамтамасыз етеді, деп хабарлайды Қазгидромет.
Тек еліміздің батысында Оңтүстік циклон шұңқырының ықпалымен жаңбыр мен қар түрінде жауын-шашын жауады, көктайғақ күтілді. Республика бойынша кей жерлерде тұман күтіледі, ҚР-ның батысында, оңтүстігінде және шығысында желдің күшейюі күтіледі.
Қызылорда облысының солтүстігінде тұман, күндіз желдің күшейюі 15-20 м/с күтіледі.

27 ақпанға арналған ауа райы болжамы

Kyzylorda-news.kz. Бүгін қала әкімдігінің ұйымдастыруымен «Aray city mall» сауда – ойын – сауық орталығында жергілікті тауар өндірушілерінің өнімдері мен мүмкіндігі шектеулі жандардың қолөнер бұйымдары ұсынылған жәрмеңке өтті.
Аталған шараның ерекшелігі – сатылымға мүмкіндігі шектеулі жандардың өз қолымен жасалған бұйымдары қойылған.
Жәрмеңкеге арнайы барған қала әкімі Ғанибек Қазантаев сауда сөрелеріне шығарылған тауарларды қала тұрғындарымен бірге сатып алды.
Одан соң шаһар басшысы «Қазақ соқырлар қоғамы» қоғамдық бірлестігінің Қызылорда облыстық филиалының бүгінгі тыныс-тіршілігімен танысты.
Кездесу барысында бірлестік төрағасының міндетін атқарушы Данияр Нұрымбетов зағип жандардың ұсыныстары мен тілектерін жеткізді.
Өз кезегінде қала әкімі мүмкіндігі шектеулі жандарға қашан да жан-жақты қолдау көрсетіледі деді.
Айта кету керек, бұған дейін зағип жандар қоғамдық көліктерде жүруге жеңілдер қарастыруды сұраған болатын. Ғанибек Қонысбекұлы аталған мәселеге байланысты қажетті шаралар қабылданып жатқандығын айтты.
<img src="https://kyzylorda-news.kz/wp-content/uploads/2022/02/fb_img_1645866896071.jpg" alt="" />
<img src="https://kyzylorda-news.kz/wp-content/uploads/2022/02/fb_img_1645866902197.jpg" alt="" />
<img src="https://kyzylorda-news.kz/wp-content/uploads/2022/02/fb_img_1645866902197-1.jpg" alt="" />
<img src="https://kyzylorda-news.kz/wp-content/uploads/2022/02/fb_img_1645866906607.jpg" alt="" />
<img src="https://kyzylorda-news.kz/wp-content/uploads/2022/02/fb_img_1645866915570.jpg" alt="" />

Қызылордада мүмкіндігі шектеулі жандардың қолөнер бұйымдары ұсынылған жәрмеңке өтті

Kyzylorda-news.kz. Бүгін Мұз айдыны спорт кешенінде конькимен мәнерлеп сырғанаудан Қазақстан Республикасының кубогы өз мәресіне жетті.
Салтанатты шарада мәртебелі қонақтар ҚР Парламенті Мәжілісінің депутаты, “Ұлттық конькимен жүгіру федерациясы” республикалық қоғамдық бірлестігінің президенті Андрей Линник, “Абзал и К” толық серіктестік директоры, облыстық коньки тебу федерациясының президенті Мағжан Ералиев, Коньки тебу федерациясының бас хатшысы, Элизабет Тұрсынбаева қорының президенті Байтақ Тұрсынбаев, Текей батыр Қарпықұлы атындағы жоғары колледж директоры Жәнібек Исаев, облыстық дене шынықтыру және спорт басқармасының басшысы Асылжан Жаманқұл және басқармаға қарасты №4 ООРМБЖМ директорының м.а Бегәділ Байсалов еліміздің 9 өңірінен жиналған 63 мәнерлеп сырғанаушының арасынан суырылып шыққан мықтыларын марапаттады.
Сонымен бірге, “Ұлттық конькимен жүгіру федерациясы” республикалық қоғамдық бірлестігінің президенті Линник Андрей Григорьевич барша спортшыларды жеңістерімен құттықтап, алдағы жарыстарына сәттілік тіледі.
3 күнге ұласқан сайыс нәтижесінде: 
I спорттық разряд бойынша: 
Шымкент қ. Павленко Ирина – 1 орын 
Алматы қ. Буктукова Альбина – 2 орын 
Қарағанды обл. Татамбай Жансая – 3 орын
Шымкент қ. Бердібаев Кенан – 1орын 
Шымкент қ. Зябрев Егор – 2 орын 
Қарағанды обл. Мельник Юрий – 3 орын
Мәнерлеп сырғанаудан жасөспірім қыздар арасында 1 кезең бойынша: 
Шымкент қ. Коваленко София – 1 орын 
Шымкент қ. Халимова Алика – 2 орын 
Қарағанды обл. Гаврилова Дарья – 3 орын
Мәнерлеп сырғанаудан жасөспірім ұлдар арасында 1 кезең бойынша: 
Шымкент қ. Мельников Олег – 1 орын 
Қарағанды обл. Кривощеев Никита – 2 орын 
Қызылорда обл. Смагулов Артур – 3 орын
Мәнерлеп сырғанаудан әйелдер арасында 1 кезең бойынша: 
Нұр-Сұлтан қ. Рязанова Злата – 1 орын 
Нұр-Сұлтан қ. Баяндина Дильназ – 2 орын 
Алматы қ. Насырова Сабина – 3 орын
Мәнерлеп сырғанаудан ерлер арасында 1 кезең бойынша: 
Батыс Қазақстан обл. Панихин Артур – 1 орын 
Алматы қ. Волков Елисей – 2 орын 
Қарағанды обл. Карпухин Дмитрий – 3 орын
Командалық ұпай бойынша Қарағанды облысы көш бастап, Нұр-Сұлтан және Алматы қалалары өзара 2,3 орындарды бөлісті.
Барша қатысушыларды шын жүректен марапаттарымен құттықтаймыз!
Шара соңында Андрей Григорьевич бастаған жоғарыда аты аталған азаматтар “Мұз айдыны” СК Мәжіліс залында кездесу ұйымдастырып, алда атқаратын жұмыстарды пысықтады.
<img src="https://kyzylorda-news.kz/wp-content/uploads/2022/02/fb_img_1645867530547.jpg" alt="" />
<img src="https://kyzylorda-news.kz/wp-content/uploads/2022/02/fb_img_1645867510241.jpg" alt="" />

Қызылордада республикалық жарыс аяқталды

Kyzylorda-news.kz. Алматының санитарлық дәрігерлері наурыз айында келе жатқан мерекелерге байланысты балабақшалар мен мектептерде іс-шара өткізуге болатынын айтты. Бұл туралы қаланың бас санитарлық дәрігерінің орынбасары Сәдуақас Байғабулов мәлімдеді.
Спикердің айтуынша, балаларға мектеп пен балабақшада іс-шара өткізуге рұқсат етілген. Дегенмен, кейбір шектеулер бар.
<blockquote>
 “Иә, әрине, еліміздің бас санитарлық дәрігерінің шешімін ескере отырып, Алматы қаласындағы білім беру ұйымдарында іс-шаралар болуы мүмкін. Балабақшаға ата-аналар “Ашыққа” сәйкес “жасыл” немесе “көкпен” қатыса алады.&nbsp; Бұл талаптар мектеп оқушылары мен олардың ата-аналарына қатысты”, – деді Байғабулов.
</blockquote>
Байғабулов бұған дейін Алматыда 8 наурыз мен Наурыз мерекесін тойлаудың шарттарын атаған болатын. Ол бұл күндері корпоративтік кештер мен басқа да бұқаралық шараларды тек “Ашық” бар нысандарда ғана өткізуге болатынын атап өтті. Мереке күндері қала «қызыл» аймақта болатын болса, онда нысан 70 пайызға дейін толу шегі болады. Ал мегаполис “сары” немесе “жасыл” аймақта болса, онда тұруға шектеу қойылмайды.
<a href="https://massaget.kz/">Massaget</a>

Мектеп пен балабақшада наурыз мейрамдарын тойлауға рұқсат беріле ме?

Kyzylorda-news.kz. Бүкіл саналы ғұмырын білім беру саласына арнаған, «Қазақ КСР халық ағарту ісінің озық қызметкері», «КСРО Ағарту ісінің үздігі», «Қазақстанның еңбек сіңірген қызметкері», «Қызылорда қаласының құрметті азаматы» – Подольский Марк Захаровичтің 90 жас мерейтойы салтанатты түрде аталып өтілді.
Мерейтой кешіне облыс әкімінің орынбасары Балжан Шәменова, облыстық білім басқармасының басшысы Ақзира Қасымова, Қызылорда қалалық мәслихатының хатшысы Ибадулла Құттықожаев қатысып, ардагер ұстазға құрмет көрсетті.
Салтанатты шарада Балжан Мөрәліқызы облыс әкімі Гүлшара Әбдіқалықованың арнайы құттықтауын тапсырып, мерейлі мерекесімен құттықтады. Марк Захарович қаламызда ғана емес, аймағымызға белгілі ұлағатты ұстаз. Саналы ғұмырының барлығын педагогика саласына арнаған ардагер ұстазымыз жас мамандарға тәлімгерлік жасап, ұзақ жылғы ұстаздық тәжірибесін үйретуден жалықпай, аймағымыздың білім саласына елеулі үлес қосты, деді өңір басшысының орынбасары.
Марк Захарович еңбек жолын тәлімгер ретінде бастап, балалар үйінде тәрбиеші болып жұмыс жасаған. Макаренко атындағы №120 орта мектепте мұғалім, әрі қарай директордың оқу-тәрбие ісі жөніндегі орынбасары, №3 орта мектепте тәрбие жұмысын ұйымдастырушы болып жұмыс істеді. 
1978 жылдан 2002 жылға дейін №198 орта мектептің директоры қызметін атқарған. Жұмыс жасаған жылдары экономика, мәдениет, ғылым, білім, спорт секілді түрлі қызмет салаларында еңбек етіп жүрген көптеген білімді шәкірттерді тәрбиеледі.
Қазірде көпшілік ұстазымызды ғұмырын білім саласына арнаған зиялы тұлға, білімі терең білікті басшы және талантты ұйымдастырушы, нағыз көшбасшы деп таниды. Оның басшылығымен түрлі жобалар жүзеге асырылып, білім ошағында тігін ісі бойынша шағын цех, бәліш цехы, кәдесый жасау цехы, шеберханалар жабдықталды. Сонымен қатар №198 орта мектепті басқарған уақытта республикадағы алғашқы миллионер оқу ошағының бірі болды.
<img src="https://kyzylorda-news.kz/wp-content/uploads/2022/02/fb_img_1645845042823.jpg" alt="" />
<img src="https://kyzylorda-news.kz/wp-content/uploads/2022/02/fb_img_1645845042823-1.jpg" alt="" />

«КСРО Ағарту ісінің үздігі» Марк Подольскийдің 90 жас мерейтойы аталып өтілді

Kyzylorda-news.kz. Көктем мезгілі кезеңінде ауыл шаруашылығы бағытында төрт түлік мал арасында мал ауруларын туындатпау үшін қажетті емді уақытылы жасау, ветеринариялық қызмет түрлерін іске асыру жұмыстары қыза түседі. Бұл ретте өңірдегі эпизоотиялық ахуалды тұрақтылықты сақтау аса маңызды.
Облыс әкімі Гүлшара Әбдіқалықоваға облыстық ветеринария басқармасының басшысы Шахмардан Қойшыбаев саладағы негізгі мәселелерді тізбектеді.
Өткен жылы өңірде ауыл шаруашылығы жануарлары арасында ауру ошақтарын болдырмау, алдын алу, эпизоотиялық тұрақтылықты сақтау мақсатында аса қауіпті жұқпалы ауруларға республикалық бюджет есебінен бөлінген 6291,2 мың доза ветеринариялық препараттар толық тасымалданып, егу жұмыстары жүргізілді. Биыл 14 түрлі эпизоотиялық іс-шараларды ұйымдастыру үшін 6345,1 препарат жеткізіледі.
Ал, мүйізді ірі қара, жылқы, түйенің энзоотиялық ауруларына қажетті 625,1 мың доза ветеринариялық препараттар алынып, алдын ала егу жұмыстары толық орындалды. 2022 жылға 667,5 мың доза препараттарды сатып алу жүргізіліп, алды жеткізіліп жануарларға егілуде, сырғалау жүргізілуде.
Шахмардан Қойшыбаев мал ауруларын болдырмас үшін ветеринар мамандардың әрбір ауылды аралап, диагностикалық жұмыстарды атқару ісі басталып жатқанын тілге тиек етті. Әсіресе, мал шығынын алдын алу бойынша шаруа қожалық иелеріне қажетті түсіндірме жұмыстарын ұдайы жүргізіліп отырғанын атап өтті.
Сондай-ақ, саланың өзекті мәселелерін жеткізіп, талқыланды және тиісті тапсырмалар берілді.
Ветеринариялық қызмет түрлерін уақытылы жүргізуде мамандардың шалғай ауылдарға барып қатынауы мәселесі де өзекті. Бұл мақсатта өткен жылы 15 қызметтік автокөлік берілсе, биыл 30 автокөлік сатып алынады. Қазіргі бірдейлендіру жұмыстарының дерекқор жүйесіне сапалы енгізілуін қамтамасыз етуге 140 компьютер және 140 термочемодан алынатын болады.
Аймақ басшысы эпизоотиялық тұрақтылықты сақтау мақсатында қажетті ветеринариялық преппараттардың уақытылы тасымалдануын қамтамасыз ету, жоспарлы жұмыстарының орындалуын үйлестіруді тапсырды.

Эпизоотиялық тұрақтылық аса маңызды

Kyzylorda-news.kz. Украина Президенті Владимир Зеленский, Ресей басшысы Владимир Путиннің ұсынысына келісімін берді және ол атысты тоқтату мен бейбтшілік туралы келіссіөз жүргізуге дайын. Украина Президентінің баспасөз хатшысы Сергей Никифоровтың айтуынша, қазіргі таңда келіссөздер өтетін орын мен оның уақыты белгіленіп жатыр, деп хабарлайды <a href="https://www.inform.kz/kz/vladimir-zelenskiy-rf-prezidentinin-usynysyna-kelisimin-berdi_a3904629">ҚазАқпарат</a>.
<blockquote>
 «Украина келіссөздер жүргізуден бас тартты деген ұғымды жоққа шығару керек болып тұр. Украина әлемде атысты тоқтату мен бейітшілік туралы сөйлесуге дайын екендігін мәлімдеп келген, әлі де солай болып қала бермек. Бұл біздің тұрақты ұстанымымыз. Біз РФ Президентінің ұсынысына келістік»,-деп жазды Сергей Никифоров жұма күні өзінің Facebook парақшасында.
</blockquote>
«Осы уақытта келіссөздер жүргізілетін орын мен оның уақыты келісіліп жатыр»,-деп жазды ол.
«Келіссөздер неғұрлым ерте басталса, қалыпты өмірге соғұрлым ерте ораламыз».
Осыған дейін Ресей Президентінің баспасөз хатшысы Дмитрий Песков Владимир Путиннің Украинамен келіссөздер жүргізу үшін Минскіге Ресей делегациясын жіберуге дайын екенін мәлім еткен болатын.
Кешірек Песков Украина тарапының келіссөздерді Беларусь астанасында жүргізу туралы ұсынысқа оны Варшавада өткізу туралы айтып, кейін байланысты үзгендігін айтты.
Ресей Президенті Владимир Путин 24 ақпанда Донбасс мемлекеттері көмек сұраған соң Украинада арнайы әскери операция жүргізетінін жариялаған болатын.
Ол Украина аумақтарын окупациялау Мәскеудің жоспарына кірмейтінін, операция жүргізудегі мақсат елді демилитаризациялау екенін ескертті.
РФ Қорғаныс министрлігінің хабарлауынша, әскер қалаларға соққы жасамайды, олар тек Украинаның әскери инфрақұрылымын істен шығаруды көздеп отыр. Сондықтан бейбіт тұрғындарға қауіп төніп тұрған жоқ.

Қазақстан және Қызылорда облысының жаңалықтары