<a href="https://kyzylorda-news.kz/">Kyzylorda-news.kz.</a> Бүгін қызылордалық «Қайсар» Қызылорда-Алматы-Стамбул-Анталия бағыты арқылы Түркияға аттанды.
Жерорта теңізінің жағалауында қасқырлар наурыз айының 16-на дейін жаттығу жұмыстарын жүргізеді. Оқу-жаттығу жиыны барысында бас бапкер Сұлтан Әбілдаев бірнеше жолдастық кездесу өткіздуді жоспарлап отыр. Сонымен қатар команда құрамына қосылатын футболшылар Түркияда қаралымнан өтетін болады.
Анадолы жерінде өтетін оқу-жаттығу жиынына төмендегі футболшылар шақырту алды. Нұрымжан Салайдын, Нұрмат Сәрсенов, Елжас Сарбай, Айбол Жахаев, Мағжан Бауыржан, Абылайхан Төлегенов, Ислам Әбілқасов, Мақсат Байжанов, Руслан Сахалбаев, Бекзат Құрманбекұлы, Аян Құлмағанбетов, Өркен Махан, Елжас Алтынбеков.
<img src="https://kyzylorda-news.kz/wp-content/uploads/2022/02/274967119_3448169535307143_2021969383000915485_n.jpg" alt="" />

«Қайсар» Түркияға аттанды

<a href="https://kyzylorda-news.kz/">Kyzylorda-news.kz.</a> Қызылорда облысында эпидемиологиялық жағдай тұрақты.
Соңғы тәулікте коронавирус инфекциясына байланысты жаңа жағдай тіркелген жоқ. Сондай-ақ, 136 мыңнан астам облыс тұрғыны ревакцинациядан өтті. Ал «PFIZER» вакцинасын 61 988 адам қабылдады. Бұл туралы Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шаймбетов хабарлады.
<blockquote>
 «Өңірдегі эпидемиологиялық ахуал жақсарып келеді. Қазіргі таңда инфекциялық стационарда – 25 азамат, ал жансақтау бөлімінде – 9 науқас емделуде. Сонымен қатар, вакцинаның І-ші компонентін алғандар 94 пайызды, ІІ-ші компонентімен 92 пайыз қамтылды. «PFIZER» екпесін салдырғандар 63 пайызды құрады. Облыстағы барлық емханаларда ревакцинация жұмыстары жүйелі түрде жүргізілуде», – деді Жангелді Шаймбетов.
</blockquote>
Соңғы уақытта аурушаңдық көрсеткіші 7 есеге төмендеген. Бүгінде облыстағы белсенді ошақтар саны – 51, ал ұжымдық ошақ саны – 10-ды құрады.
<blockquote>
 «Қазіргі таңда облыс тұрғындары індетке қарсы вакцинаны жүкті әйелдер және жасөспірімдер белсенді түрде салдыруда. Коронавируспен ауырған азамат 6 ай мерзімнен кейін ревакцинациядан өтуіне болады. Сонымен қатар, екпемен қамтылғандар арасында медицина қызметкерлері, мұғалімдер және күш құрылымдары көш бастап тұр. Облыс бойынша індетке қарсы иммундау науқанына 106 екпе кабинеті қамтылған. Қазіргі таңда, тұрғындарды вакцинациялау науқаны «Qazvac», «Sinovac», «Pfizer» екпелерімен жүргізілуде», – деді облыстық санитарлық-эпидемиологиялық бақылау департаментінің бөлім басшысы Әлия Ыдырысова.
</blockquote>

Қызылордада 62 мыңға жуық тұрғын «Prizer» екпесін қабылдады

Kyzylorda-news.kz. Бүгін ядролық апатқа қарсы халықаралық «Невада-Семей» антиядролық қозғалысының құрылғанына 33 жыл толуына орай Тағзым алаңында еске алу митингісі өтті.
Шарада қала әкімінің орынбасары Бектас Нуридинов ардагерлерге ізгі лебізін білдіріп, амандық, дендеріне саулық тіледі.
<blockquote>
 Құрылуы тұтас халықтың серпілуіне септігін тигізген Халықаралық антиядролық қозғалысының белсенді мүшелері ядролық сынақтарды тоқтатуға өлшеусіз үлес қосты. Еліміз ядролық қарусыз өмірді таңдады. Бүгінде Сыр елінің көсегесін көтеруге атсалысып жүрген «Невада-Семей» қозғалысының мүшелерін, Семей сынақ алаңында әскери борышын өтеген ардагерлерімізді қадірлеп-құрметтеуді өзіміздің борышымыз деп білеміз, – деді Бектас Балғабайұлы.
</blockquote>
Шара барысында «Невада-Семей» ядролық сынағының зардабын жоюға қатысқан ардагерлердің рухына бас иіп, 1 минут үнсіздікпен еске алынды. Гүл шоқтары қойылып, құран бағышталды.
Айта кетерлігі, шараға облыстық ардагерлер кеңесінің төрағасы Серік Дүйсенбаев, облыстық ішкі саясат басқармасының басшысы Мира Қазбекова, қала әкімінің орынбасары Бектас Нуридинов, облыстық және қалалық «Невада-Семей» қоғамдық бірлестігінің мүшелері қатысты.
<img src="https://kyzylorda-news.kz/wp-content/uploads/2022/02/fb_img_1646034200757.jpg" alt="" />
<img src="https://kyzylorda-news.kz/wp-content/uploads/2022/02/fb_img_1646034207350.jpg" alt="" />

«Невада-Семей» антиядролық қозғалысының құрылғанына 33 жыл толды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы көлемінде өтіп жатқан «Автобус» профилактикалық іс-шарасының 7 күнінде жолаушылар тасымалдауды жүзеге асырушылар тарапынан жол қозғалысы ережесін бұзудың барлығы 420 дерегі анықталды.
Атап айтқанда, қоғамдық тасымалдаушылар арасында негізгі құқық бұзушылық болып табылатын, яғни жолаушылар тасымалдау қағидаларының талаптарын бұзғандары үшін – 56, еңбек және демалу тәртібін бұзу – 2, көлік құралын тиісті рұқсатсыз жабдықтаудың – 38, рейс алдындағы қарап тексеруден өтпеудің – 8, міндетті техникалық байқаудан өтпеген көлік құралдарын – 80, көлік құралын басқару кезінде ұялы телефон пайдалану – 74, маневр жасау қағидасын бұзу – 75, ҚР-ның міндетті сақтандыру заңнамасын бұзу – 32, жолдың қарсы бағытына шығып, көлік құралын басқарудың 1 дерегі анықталды.
Айыптұрғына 47 автокөлік қойылып, 50 мемлекеттік белгілері шешілген.
Атқарушы органдармен бірлесіп автобустар мен таксилердің санкцияланбаған 8 тұрағы жабылды. 
Сонымен қатар, көлік бақылау инспекция қызметкерлерімен бірлесіп жолаушыларды заңсыз тасымалдаудың 16 дерегі анықталды.
Облыс бойынша адамдарды тасымалдайтын 102 қоғамдық көліктің жылыту, электр жабдықтарын және т.б. жағдайы тексерілді.
Мәселен, қоғамдық көліктің жүргізушісі Қызылорда қаласындағы жанар жағармай құю бекеттерінің бірінен шығып, қос жалпақ сызықты басып құқық бұзушылық жасаған. Жүргізушіге қатысты ҚР ӘҚБтК-нің 596-бабының 3-бөлігімен әкімшілік хаттама рәсімделді.
<img src="https://kyzylorda-news.kz/wp-content/uploads/2022/02/image-28-02-22-12-01-1.png" alt="" />

«Автобус»: Қызылордада жол қозғалысы ережесін бұзған 420 дерек анықталды

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі емделуге берілетін біржолғы зейнетақы төлемдерін пайдалану қағидаларына өзгерістер енгізді, деп хабарлайды Sputnik Қазақстан.
Атап айтқанда, қазақстандықтарға біржолғы зейнетақы төлемін балаларының еміне пайдалануға рұқсат беріледі.
<blockquote>
 “Алушыларға біржолғы зейнетақы төлемдерін өз баласын емдеуге пайдалануға жол беріледі”, – делінген құжатта. 
 Бұл ереже баланың заңды өкілдері мен жақын туыстарына біржолғы зейнетақы төлемін баланың еміне пайдалану мүмкіндігін беру мақсатында әзірленген.
</blockquote>
Сондай-ақ жұбайының және жақын туыстардың біржолғы зейнетақы төлемдерін пайдалануға болады. Ол үшін тараптар алушының жеке кабинетінде некені немесе туыстық қатынасты растайтын құжаттарды қоса ұсынып, біржолғы зейнетақы төлемдерін беру туралы келісім жасасады, ол ЭЦҚ-мен куәландырылады.
Өтініш беруші қорытындыны алғаннан кейін медициналық ұйымды, соның ішінде шетелдік ұйымды таңдап, онымен медициналық қызмет көрсету туралы шарт жасасады. Өтініш беруші уәкілетті оператордың интернет-ресурсындағы өзінің жеке кабинетінде дәрігерлік комиссияның қорытындысын қоса ұсынып, шарттың сканерленген нұсқасын немесе төлем шотын бекітеді.
Уәкілетті оператор құжаттарды алған күннен бастап 10 жұмыс күні ішінде біржолғы зейнетақы төлемдерінің нысаналы пайдаланылуын тексереді.
Емдеуге жұмсалатын біржолғы зейнетақы жинағының мақсатты пайдаланылуын растайтын құжаттар:
қорытынды;
медициналық ұйым мен алушы арасында жасалған медициналық қызметтер көрсету туралы шарт және (немесе) дәрілік заттарды сатып алуға сатушы мен алушы арасындағы шарт.
Егер зейнетақы жинағын алушы біржолғы зейнетақы төлемдерінің мақсатты пайдаланылуын растайтын құжаттарды ұсынбаса, ақша арнайы шотқа түскен күннен бастап 45 жұмыс күні ішінде БЖЗҚ-ға қайтарылады.
Құжат 14 наурызға дейін талқыланады.

Қазақстандықтар біржолғы зейнетақы жинағын балаларының еміне жұмсай алады

<a href="https://kyzylorda-news.kz/">Kyzylorda-news.kz.</a> Еліміздің оңтүстік аймақтарында жауын жауып, найзағай ойнайды, деп хабарлайды Қазгидромет.
Көктемнің алғашқы күндерінде елімізде тұрақсыз ауа райы болжанып отыр. Қазақстанның солтүстігінде қар мен боран жауады деп күтіледі. Ал оңтүстікте жаңбыр жауып, найзағай ойнаюы мүмкін.
Сондай-ақ республика бойынша тұман мен көктайғақ болжанады. Батыста ауа температурасы күндіз 2-15 градус жылы, ал түнде 2-10 градус аяз күтіледі. Ал шығыс пен орталық бөліктерде термометр бағаны күндіз 0-10 градус аязды көрсетсе, түнде 15-20 градусқа дейін төмендейді.
Елдің оңтүстік және оңтүстік-шығыс бөлігінде күндіз 5-15 градус жылу, түнде 0-8 градус аяз күтіледі.

Көктемнің алғашқы күндерінде ауа райы қандай болады?

<a href="https://kyzylorda-news.kz/">Kyzylorda-news.kz.</a> «Болашақ» бағдарламасы бойынша оқуға түсуге болатын шетелдік жоғары оқу орындарының тізімі кеңейеді. Білім және ғылым министрлігі тиісті бұйрық жобасын әзірледі.
Құжат «Ашық НҚА» порталында жарияланған.
Шетелдік жоғары оқу орындары тізіміне тағы 20-дан астам университет қосылды.
Атап айтқанда:
– Сент-Эндрюс университеті, Ұлыбритания және Солтүстік Ирландия Біріккен корольдігі 
– Белфасттағы Квинс университет, Ұлыбритания және Солтүстік Ирландия Біріккен корольдігі 
– Лестер университеті, Ұлыбритания және Солтүстік Ирландия Біріккен корольдігі 
– Гамбург университеті, Германия 
– Дрезден техникалық университеті, Германия 
– Тринити колледжі (Дублин), Ирландия 
– Барселона Университеті, Испания 
– Болон университеті, Италия 
– Монреал университеті, Канада 
– Батыс Онтарио университеті, Канада 
– Эйндховен техникалық университеті, Нидерланд корольдігі 
– Неймген университеті, Нидерланд корольдігі 
– Твенте университеті, Нидерланд корольдігі 
– Окленд университеті, Жаңа Зеландия 
– “Экономика жоғары мектебі” Ұлттық зерттеу университеті, Ресей 
– ИТМО Ұлттық зерттеу университеті, Ресей 
– “МИСиС” ұлттық зерттеу технологиялық университеті, Ресей 
– Аризона мемлекеттік университеті, АҚШ 
– Нотр-Дам университеті, АҚШ 
– Аалто университеті, Финляндия 
– Политехникалық мектеп (Париж), Франция 
– Пхохан ғылым және технология университеті, Корея Республикасы 
– Улсан ұлттық ғылыми-техникалық институты, Корея Республикасы 
– Хоккайдо университеті, Жапония.
Тізімге барлығы 236 халықаралық оқу орны еніп отыр. Бұйрық жобасы 14 наурызға дейін талқыланады.
<a href="https://sputnik.kz/20220228/bolashaq-stipendiyasy-sheteldik-universitter-23152641.html">Sputnik.kz</a>

«Болашақ» стипендиясы бойынша оқуға болатын шетелдік университеттер саны өседі

<a href="https://kyzylorda-news.kz/">Kyzylorda-news.kz.</a> Түркістан мен Қызылорда облыстарының фермелерін сумен қамтамасыз етуде проблема туындауы мүмкін. Бұл туралы ҚР Экология, геология және табиғи ресурстар вице-министрі Серік Қожаниязов айтты, деп хабарлайды <a href="https://lenta.inform.kz/kz">ҚазАқпарат.</a>
Сырдария өзені басссейні ерекше алаңдаушылық тудырып отыр. Алдын ала есептеулерге сәйкес, вегетацияаралық кезеңде Шардара су қоймасына судың келіп құйылуы барынша төмен болатындығы күтіледі. Оны толтыру барысында үлкен қиындыққа тап болып отырмыз. Сондықтан, өзеннің төменгі ағысынан су жіберуді шектедік. Вегетацияаралық кезеңде Сырдарияның төменгі жағы 2 млрд текше метр су ала алмады», – деді ол министрліктің алқа мәжілісінде.
Оның атап өтуінше, Шардара су қоймасы Көксарай су реттегішінен өткен жылға қарағанда 770 текше метр суды кем алды.
<blockquote>
 «Ағып келетін су көлемінің төмен болжануына байланысты су қоймасын толтыру қиындық туындатады. Соның салдарынан Түркістан мен Қызылорда облыстарының фермелерін суармалы сумен қамтамасыз етуде проблемалар туындауы, сонымен қатар Арал маңының экологиялық ахуалы күрделенуі ықтимал», – деді Серік Қожаниязов.
</blockquote>

Қызылордада су қоймасын толтыру қиын болады

<a href="https://kyzylorda-news.kz/">Kyzylorda-news.kz.</a>&nbsp;Бейжің–2022 қысқы паралимпиада ойындарында ел намысын қорғайтын параспортшылар жарыстарын 5 наурызда бастайды, деп хабарлайды <a href="https://lenta.inform.kz/kz/beyzhin-2022-kazakstandyk-paralimpiadashylar-zharysty-5-nauryzda-bastaydy_a3904927">ҚазАқпарат</a>.
Бейжіңде өтетін 2022 жылғы Қысқы паралимпиада ойындары ресми түрде 4 наурызда басталады. Аталған төртжылдық додада ел атынан Ербол Хамитов, Александр Герлиц, Денис Петренко, Юрий Березин және Сергей Усольцев спорттың екі түрінен сынға түседі.
Ел спортшылары алғашқы жарыстарын 5 наурыз күні бастайды. Нақтырақ айтсақ, 5 наурызда парабиатлоннан Сергей Усольцев пен Александр Герлиц бірінші болып жарыс алаңына шығады. Сонымен қатар, парашаңғы жарысынан Ербол Хамитов пен Денис Петренко жарыстарын жалғастырады.
Айта кетейік, Бейжің-2022 паралимпиадасында көк туды шаңғы спорты түрінен әлем кубогінің қола жүлдегері, халықаралық дәрежедегі спорт шебері Ербол Хамитов ұстап шығады.
Паралимпиада ойындары 4 наурызда басталып, 13 наурызда мәресіне жетеді.

Бейжің-2022: Қазақстандық паралимпиадашылар жарысты 5 наурызда бастайды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 833 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 6
Алматы қаласы – 246
Ақмола облысы – 108
Алматы облысы – 152
Атырау облысы – 28
Шығыс Қазақстан облысы – 11
Жамбыл облысы – 25
Батыс Қазақстан облысы – 3
Қарағанды облысы – 35
Қостанай облысы – 48
Қызылорда облысы – 6
Маңғыстау облысы – 5
Павлодар облысы – 71
Солтүстік Қазақстан облысы – 82
Түркістан облысы – 7
Қазақстан бойынша жазылғандар саны – 1267502.

Коронавирус: 6 қызылордалық жазылды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 263 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 16
Алматы қаласы – 95
Шымкент қаласы – 2
Ақмола облысы – 10
Алматы облысы – 11
Шығыс Қазақстан облысы – 16
Жамбыл облысы – 3
Батыс Қазақстан облысы – 7
Қарағанды облысы – 20
Қостанай облысы – 29
Павлодар облысы – 23
Солтүстік Қазақстан облысы – 29
Түркістан облысы – 2
Жалпы ел бойынша ауырғандар саны 1302322

Қызылордада өткен тәулікте коронавирус жұқтырғандар жоқ

<a href="https://kyzylorda-news.kz/">Kyzylorda-news.kz.</a>&nbsp;Фронтальды бөліктердің әсерінен еліміздің батысында, оңтүстігінде, солтүстігінде жауын-шашын жауады, көктайғақ, желдің күшеюі күтіледі, деп хабарлайды Қазгидромет.
Республика бойынша кей жерлерде тұман, оңтүстікте найзағай күтіледі. Ал Қызылорда облысының орталығында тұман, желдің жылдамдығы 15-20 м/с.

Қазақстан және Қызылорда облысының жаңалықтары