Kyzylorda-news.kz. Өткен тәулікте коронавирус инфекциясын жұқтырған 228 жағдай тіркелді, деп хабарлайды coronavirus2020.kz сайтына сілтеме жасап.
Елімізде коронавирус инфекциясын жұқтырғандар саны 1 302 550 жетті.
Оның ішінде: Нұр-Сұлтан қаласында – 14, Алматы қаласында – 94, Шымкент қаласында – 3, Ақмола облысында – 7, Ақтөбе облысында 1, Алматы облысында – 11, Атырау облысында – 6, Шығыс Қазақстан облысында – 12, Жамбыл облысында – 4, Батыс Қазақстан облысында – 2, Қарағанды облысында – 14, Қостанай облысында -18, Қызылорда облысында -2, Маңғыстау облысында – 0, Павлодар облысында – 19, Солтүстік Қазақстан облысында – 21, Түркістан облысында – 0.

Қызылордада коронавирус жұқтырғандар саны азайды

<a href="https://kyzylorda-news.kz/">Kyzylorda-news.kz.</a>&nbsp; Қазақстан халқы 2016 жылы тұңғыш рет Алғыс айту күнін атап өтті. 2016 жылғы 14 қаңтарда Қазақстан республикасының Тұңғыш Президенті Н.Ә.Назарбаев Қазақстан халқы Ассамблеясының құрылған күні 1 наурызды елімізде Алғыс айту күні деп жариялап, № 173 Жарлыққа қол қойған болатын.
Алғыс айту күні – бейбітшілік пен достыққа, тыныштық пен ынтымаққа үндейтін мереке. Бұл кең құшақ құрмет – еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне, халқымыз үшін айтулы ізгі дәстүрге айналды.
Жалпы, бұл күн қиын-қыстау кезеңдерде қуаныш пен қайғыны қатар бөлісіп, пана бола білген қазақ халқына өзге ұлт өкілдерінің алғыс айтатын сәті. Дегенмен, соңғы 2 жылдың көлемінде жер шарын шарпыған коронавирус пандемиясы кезінде күні-түні тікесінен тұрып, науқастарды қабылдаған еліміздің медицина қызметкерлеріне зор алғыс білдіргеніміз орынды болар. Өйткені, дәрігерлер коронавирус тараған алғашқы сәттен-ақ пандемиямен күресте алдыңғы шепте жүрді. Олардың жаниқярлық еңбегіне Мемлекет басшысы Қасым-Жомарт Тоқаев та әділ бағасын берген еді.
«Бүгінде бүкіл еліміз дәрігерлер мен медицина қызметкерлерінің қайсарлығына тәнті болуда. Олар – адам өміріне араша түсіп жатқан бүгінгі күннің батырлары», – деп бағалаған болатын Қазақстан Президенті.
Ендеше бүгін – Қазақстанда Алғыс айту күні. Сондай-ақ, бүгін – Қазақстан халқы Ассамблеясының құрылған күні.
Елімізде 130-дан астам ұлт пен ұлыс өкілдері бір үйдің баласындай ғұмыр кешіп жатыр. Қазақстан – азаматтық келісімді, түрлі мәдениеттер мен діндерді тоғыстырған көпұлтты, зайырлы мемлекет.
Осы мерекеге арналған мәдени-бұқаралық шаралар еліміздің барлық облыстары мен түпкір-түпкірінде өтеді.

Бүгін – Алғыс айту күні

Kyzylorda-news.kz. Қазгидромет 1 наурызда болатын ерекше метеорологиялық құбылыстарға болжау консультациясын жариялады.
Фронтальды бөлімдердің әсерінен облыстардың көп бөлігінде жаңбыр мен қар түрінде жауын-шашын күтіледі, елдің оңтүстігінде қатты жауын-шашын негізінен жаңбыр түрінде болады. Республика бойынша кей жерлерде тұман түсіп, жел күшейеді, ҚР оңтүстігінде – найзағай, батыста, оңтүстік-шығыста – көктайғақ.

Сейсенбіге арналған күн райы

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрлігінің кеңейтілген алқа отырысында ведомство басшысы Ажар Ғиният халыққа жоғары технологиялық медициналық көмек көрсету туралы хабарлады.
<blockquote>
 “Қазақстанда медицинаның бірқатар бағыттары халықаралық деңгейге шыға бастады. Халыққа жоғары технологиялық медициналық көмектің 80 түрі бойынша қолжетімділік қамтамасыз етілген. Бұл ретте 2021 жылы 18,7 мыңға жуық жоғары технологиялық медициналық көмек көрсетілді”, – деді министр.
</blockquote>
Сонымен, отандық кардиохиргтар қан айналымын механикалық қолдау үшін жүректің жасанды сол жақ қарыншасын имплантациялауды сәтті жүзеге асыруда. 2021 жылы 47 құрылғы (LVAD) имплантацияланды. 
2021 жылы Орталық Азия елдерінде орталық жүйке жүйесі ауруларын радиохирургиялық емдеуге арналған алғашқы Гамма-пышақ орталығы ашылды. 2021 жылы 263 операция жасалды.
Семей қаласында Ядролық медицина орталығы жұмысын бастады. 2021 жылы 15 науқасты диагностикалау және 217 науқасты емдеу жүргізілді.
Қатерлі ісіктері бар пациенттерді емдеуге арналған 2 Томотерапия орталығы жұмыс істейді. 2021 жылы 116 адам ем қабылдады.
Жүрек-қан тамырлары ауруларынан болатын өлім-жітімді азайту үшін жоғары технологиялық медициналық қызметтер көлемін 30%-ға арттыруға қаражат бөлінді.
<blockquote>
 “Онкологиялық көмекті жетілдіру шеңберінде томотерапия, сәулелік терапия, радиойодтерапия сияқты диагностика мен емдеудің жоғары технологиялық әдістеріне көрсетілетін қызметтер көлемі ұлғайтылатын болады. Сондай – ақ, биылдан бастап МӘМС қаражаты есебінен алғаш рет онкологиялық науқастарға медициналық оңалту көрсетілетін болады”, – деп хабарлады Ажар Ғиният.
</blockquote>
Сондай-ақ, министрдің айтуынша, республика бойынша МЖӘ аясында Семей, Нұр-Сұлтан, Алматы және Шымкент қалаларында 4 ПЭТ-орталық ашу жоспарлануда.
Осылайша, бұрын осы жоғары технологиялар бойынша шетелге емделу үшін барған пациенттердің ел ішінде емделу мүмкіндігі бар.

Қазақстанда онкологиялық науқастар МӘМС аясында оңалтудан өте алады

<a href="https://kyzylorda-news.kz/">Kyzylorda-news.kz.</a> Бүгін «Достық» үйінде Қызылорда облысы әкімінің орынбасары Балжан Шәменова «Невада-Семей» антиядролық қозғалысының белсенділерімен кездесті. Басқосуда қоғамдық бірлестік тарапынан қозғалып жүрген бірнеше мәселелер айтылды.
Қазіргі таңда, облыста Семей ядролық полигонында әскери борышын өтеген және қызмет жасаған 1000-ға жуық ардагер бар. Оның ішінде «Невада-Семей» қозғалысына қатысушылар саны 495 адам. Аймағымызда Семей полигонына қатысты алты үкіметтік емес ұйым тіркеліп жұмыс жасауда.
Кездесу барысында көтерілген қоғамдық көліктерге жеңілдік қарастыру, дәрігерлердің қызметін кезексіз пайдалану ұсыныстары заң аясында шешілмек.
<img src="https://kyzylorda-news.kz/wp-content/uploads/2022/02/274992088_1481524182243089_3068296457607035521_n.jpg" alt="" />
<img src="https://kyzylorda-news.kz/wp-content/uploads/2022/02/274919851_1481524225576418_8151538346874186991_n.jpg" alt="" />

Қызылордада «Невада-Семей» қозғалысының белсенділерімен кездесу өтті

<a href="https://kyzylorda-news.kz/">Kyzylorda-news.kz.</a> Қызылорда облыстық «Рухани жаңғыру» орталығы 1 наурыз – Алғыс айту күніне байланысты «Қазақ халқына мың алғыс» тақырыбында дөңгелек үстел ұйымдастырды. Шараға зиялы қауым өкілдері, Қорқыт ата атындағы Қызылорда университетінің оқытушылары, Үкіметтік емес ұйым өкілдері, облыстық этномәдени бірлектік және жастар ұйымының жетекшілері, «Харекет» қайырымдылық қорының еріктілері, БАҚ өкілдері қатысты.
<img src="https://syr-jurty.kz/wp-content/uploads/2022/02/IMG-20220228-WA0033-840x630.jpg" alt="" />
<blockquote>
 «Құрметті қауым! Сіздерді 1 наурыз – Алғыс айту күнімен шын жүректен құттықтаймын. Бұл күн – елімізде жалпыхалықтық мереке. Көктемнің алғашқы күнімен тұспа-тұс келетін бұл мерекеде Қазақстандағы өзге этнос өкілдері қиын-қыстау кезеңде құшақ жая қарсы алған кеңпейіл де қонақжай қазақ халқына алғыс айтады. Бүгінде Ұлы Дала төрінде, бір шаңырақтың астында 100-ден астам, ал Алаштың анасына айналған Сыр өңірінде 35 этнос өкілдері тату-тәтті өмір сүруде», – деді Қызылорда облыстық ішкі саясат басқармасының басшысы Мира Қазбекова жиын алғысөзінде.
</blockquote>
Сыр аймағына өзге ұлт өкілдерінің қоныстануы сонау соғыс жылдарында басталғаны белгілі. Дөңгелек үстел барысында тарихи деректермен нақтыланған баяндамалар қатысушылар назарына ұсынылды.
<blockquote>
 «Екінші дүниежүзілік соғыс адамзат тарихындағы ұлы оқиға. Оның қасиеті мен қасіреті жаныңды түршіктіреді. Әрі ерліктерге басыңды идіріп таң қалдырады. Елбасына күн туған кезеңдерде рух пен намыстың мықтылығы сыналды. Соғыстың алғашқы жылдары Қазақстанға батыс аудандардан депортацияланған 532,5 мың адам баспана мен жұмыс тапты. Сонымен бірге 50 мың маманданған жұмысшылар, инженер-техниктер қызметкерлер, 970 мыңдай күштеп көшірілген поляктар мен немістер келді. Өте қысқа мерзім ішінде эвакуацияланған кәсіпорындарды тиісті өндірістік алаңдармен қамтамасыз етіп, майданға қажетті өнімдер өндіруді жолға қою, адамдарды азды-көпті тұрмыстық жағдайлармен қамтамасыз ету қажет болды. Майданға жақын аймақтардан адамдарды амалсыз эвакуациялау көптеген қиындықтар әкелді. Бұл&nbsp; шаралардан Сыр өңірі мен халқы да тысқары қала алмады», – деді «Рухани жаңғыру» орталығының ғылыми-сараптамалық және әдістемелік қамтамасыз ету бөлімінің басшысы Дәулет Кәрібайұлы.
</blockquote>
Ортақ тарихи тағдыр біріктірген Қазақстан халқы – тәуелсіздіктің 31 жылдығына аяқ басуда. Қазақ халқы мемлекет құраушы ұлт ретінде барлық этностарды айналасына топтастырып, біртұтас халыққа айналдыра алды. Бүгінде бұл – еліміздің басты артықшылығы.
Сондай-ақ, шара барысында «Қызылорда облысының мемлекеттік архиві» КММ-нің қоғамдық-саяси тарихы бойынша филиалының Ұлттық архив қорын қалыптастыру, ведомстволық сақтауды ұйымдастыру және құжаттарды пайдалану бөлімінің басшысы Дана Қалтаева, Қорқыт ата атындағы Қызылорда университетінің Тарих кафедрасының аға оқытушылары Болат Әпенов, Бақытжан Мұхарамұлы және облыстық Қазақстан халқы Ассамблеясы жанындағы «Абай қазынасына саяхат» клубының жетекшісі Пак Елена баяндама оқыды.
Шара соңында облыстық «Рухани жаңғыру» орталығының 1 наурыз – Алғыс айту күніне байланысты ұйымдастырған «Алғысым – Отаныма!» тақырыбында облыстық эссе байқауының жеңімпаздары марапатталды.
<img src="https://syr-jurty.kz/wp-content/uploads/2022/02/IMG-20220228-WA0037-840x630.jpg" alt="" />
Байқауға аймағымыздағы жоғары оқу орындарының өзге ұлт студенттері қатысты. Қазақстанның ұлт пен ұлыстың, бірлік пен берекенің тату мекеніне айналғанын көрсетіп, ұлттық құндылықтарды дәріптеу, бабалар дүниетанымына, ұстанымына сай, қазақы сипаттағы бағытын қалыптастыру – бүгінгінің мақсаты.
<img src="https://syr-jurty.kz/wp-content/uploads/2022/02/IMG-20220228-WA0038-840x630.jpg" alt="" />
Байқаудың басталуы туралы хабарландыру алдын ала «Рухани жаңғыру» орталығының әлеуметтік желідегі ресми парақшаларында және&nbsp;<a href="https://syr-jurty.kz/">syr-jurty.kz</a>&nbsp;сайтында жарияланды.
Байқауға келіп түскен материалдарды комиссия мүшелері сараптады. Нәтижесінде Қорқыт Ата атындағы Қызылорда университетінің студенті Р.Лебедов І орынға лайық деп танылды. Үздік деп жазылған эссе авторлары А.Соболева, М.Ашурова ІІ орынға, В.Сычева, К.Усковалар ІІІ орын иегері атанды. Сондай-ақ, Ким Наталья, Елена Пак, Жұма Юлдуз арнайы Алғыс хаттармен марапатталды.

Қызылордада «Қазақ халқына мың алғыс» тақырыбында дөңгелек үстел өтті

<a href="https://kyzylorda-news.kz/">Kyzylorda-news.kz.</a> Қызылорда облысында жаңадан 19 бастауыш кәсіподақ ұйымы құрылды. Кәсіподаққа 837 жұмыскер мүше болды. Бұл туралы Өңірлік коммуникациялар қызметінің ақпарат алаңында «Қызылорда облысы кәсіподақтар орталығы» аумақтық кәсіподақтар бірлестігі төрағасы Мақсұт Нәлібаев мәлімдеді.
<blockquote>
 «Облыс көлемінде алты мыңға жуық мекеме мен кәсіпорынның ұжымдық шарттары тіркелген. Бұл аймақта жұмыс істейтін барлық кәсіпорындар мен ұйымдардың 70 пайызын құрайды. Облыстық үш жақты комиссия жұмысы аясында биыл 2021-2023 жылдарға арналған Еңбек қауіпсіздігі мен еңбекті қорғауды қамтамасыз ету жөніндегі «Қауіпсіз еңбек» бағдарламасы бекітілді. Облыс көлеміндегі кәсіподақ ұйымы бар мекемелер мен кәсіпорындарда еңбек қауіпсіздігі және еңбекті қорғау бойынша 736 өндірістік кеңес құрылған және 758 техникалық инспектор қоғамдық негізде жұмыс істейді. Қазіргі таңда тұжырымдаманы түсіндіру мақсатындағы жұмыстар жалғасуда», – деді Мақсұт Нәлібаев.
</blockquote>
Айта кетейік, облыс бойынша 12 салалық кәсіподақта 1018 кәсіподақ ұйымын, 101 632 кәсіподақ мүшесін біріктіреді. Аймақтағы 8 кәсіпорында «Халықтық бақылау» жобасы енгізілген. Олардың ішінде 6 кәсіпорында кәсіподақ ұйымы бар.

Қызылордада 19 бастауыш кәсіподақ ұйымы құрылды

<a href="https://kyzylorda-news.kz/">Kyzylorda-news.kz.</a> Қалада 1 наурыз күні сағат 09:00 де дабыл соғылады. Дабылды ескерту орталықтағы 25 жерде құлақтандыру жүйесін тексеру мақсатында өткізілмек. Сала мамандары облыс тұрғындарын үрейленбеуге және негізсіз жалған ақпарат таратпауға шақырады. Бұл туралы Өңірлік коммуникациялар қызметінде өткен брифингте облыстық төтенше жағдайлар департаменті бастығының орынбасары Саид Молдақараев хабарлады.
<blockquote>
 «Ертең «республикалық, аумақтық және объектілік деңгейдегі құлақтандыру жүйесінің дайындығын тексеру» тақырыбында оқу жаттығу жүргізіледі. Шара барысында қауіпті өндірістік нысандар мен гидротехникалық орындарда жергілікті құлақтандыру жүйелерін тексеріп, халықты уақытылы хабардар ету мақсатында өткізіледі. Дабыл қала орталықтарында бір мәрте соғылады. Сонымен қатар, дабыл ойнаған уақытта тұрғындар үйде болып, теледидар немесе радио қосуы керек. Дегенмен, бұл оқу-жаттығу шарасы болғандықтан негізсіз қорқуға себеп жоқ»,-деді Саид Молдақараев.
</blockquote>
Айта кетейік, еліміз 1997 жылы Азаматтық қорғаныстың халықаралық ұйымына тәуелсіз мемлекет ретінде қосылған болатын. Сол уақыттан бері 1 наурыз «Дүниежүзілік Азаматтық Қорғаныс күні» болып бекітілген. Аталмыш оқу-жаттығу да атаулы күнге орайластырып өткізілмек.

Саид Молдақараев: Оқу-жаттығу болғандықтан қорқуға себеп жоқ

<a href="https://kyzylorda-news.kz/">Kyzylorda-news.kz.</a> Биыл дәрігерлердің жалақысы 415 мың теңгеге, ал медбикелердікі 208 мың теңгеге дейін өседі. Бұл туралы денсаулық сақтау министрі Ажар Ғиният мәлімдеді, деп хабарлайды <a href="https://stan.kz/kazakstanda-darigerlerdin-zhalakisi-415-min-tengege-dey-360913/">Stan.kz</a>.
Министрдің айтуынша, қазір елдің денсаулық сақтау жүйесінде 76 400 дәрігер жұмыс істейді. Оның ішінде 32 мыңы – бейінді мамандар.
<blockquote>
 «Медицина қызметкерлерінің жалақысын экономикадағы орташа жалақыдан 2 есе арттыру бойынша жұмыс жүргізілуде. Осылайша, биыл дәрігерлердің еңбекақысын 30%-ке, орта медицина қызметкерлерінің айлығын 20%-ға&nbsp;арттыру көзделген. Бұл тиісінше 415 мың теңгені және 208 мың теңгені құрайды», –&nbsp;деді Ғиният министрліктің алқа отырысында.
</blockquote>
Ал 2023 жылы дәрігерлердің жалақысы 561 мың теңгеге дейін, ал медбикелердікі 249 мың теңгеге дейін өседі деп жоспарлануда.
Сондай-ақ министр медицина қызметкерлерінің кәсіби жауапкершілігін сақтандыру жүйесін енгізуді көздейтін заң жобасы әзірленгенін атап өтті.

Қазақстанда дәрігерлердің жалақысы өседі

<a href="https://kyzylorda-news.kz/">Kyzylorda-news.kz.</a> Әйгілі әншісі, КСРО және Қазақстанның халық әртісі Роза Бағланованың 100 жылдық мерейтойы ЮНЕСКО-ның даталар күнтізбесіне енгізілді. Бұл туралы мәдениет және спорт вице-министрі Нұрқиса Дәуешов мәлімдеді.
Нұр-Сұлтанда Роза Бағланованың 100 жылдық мерейтойына арналған әншінің өмір жолынан сыр шертетін көрме ұйымдастырылды. Сондай-ақ Роза Бағлановаға арналған мүсін таныстырылды. Өнер туындысының авторы – гиперреалист мүсінші Айдос Есмағамбетов.
Мәдениет және спорт вице-министрінің хабарлауынша, әншінің мерейтойына арналған іс-шаралар жоспары бекітілді.
<blockquote>
 “Роза Бағланованың мерейтойына арналған жоспар 41 тармақтан тұрады. Қазақстан өңірлерінде 400-ге жуық іс-шара өткізу жоспарланған, оның ішінде республикалық деңгейде 25 іс-шара өткізіледі. Ал халықаралық деңгейде 5 іс-шара өткізу көзделген”, – деді Нұрқиса Дәуешов.
</blockquote>
Әншінің өмірі мен шығармашылық жолына арналған көрме “Қазақконцерт” мемлекеттік концерт ұйымы ғимаратында ашылды.
<blockquote>
 “Көрмеде аты аңызға айналған әншінің өнердегі алғашқы қадамдары мен зор жетістіктері, соғыс жылдарындағы қайсарлығы, азаматтық белгісі, өмірінің жарқын сәттері көрініс тапты. Жоспар бойынша 1 наурызда Қазақстанның орталық концерт залында Роза Бағланованың 100 жылдық мерейтойын мерекелеудің ресми шарасы, өнер шеберлерінің концерті өтеді. Одан кейін Нұр-Сұлтан, Қызылорда, Алматы қалалары және ЮНЕСКО-мен бірлесіп Парижде, Мәскеу қалаларында мерекелік концерт өткізу жоспарланған”, – деді вице-министр.
</blockquote>
Сонымен қатар Нұр-Сұлтан қаласындағы музыка мектептерінің біріне Роза Бағланованың есімін беру және әншінің бюстін орнату жоспарланып отыр.
<blockquote>
 Қызылорда қаласында орталық алаңда бой көтерген Роза Бағланованың ескерткіші алдағы уақытта ашылады. Ал 2022 жылдың бірінші тоқсанында Алматы қаласында Қалдаяқов пен Төле би көшелерінің қиылысында Роза Бағланованың ескерткіші орнатылады.
</blockquote>
“2021 жылы ЮНЕСКО-ның 41-ші Бас конференциясының арнайы қарарымен 2022-2023 жылдарға арналған Естелік даталар күнтізбесінің тізімі қабылданып, оған Қазақстанның ұсынысымен әнші Роза Бағланованың 100 жылдығы енді”, – деп хабарлады Дәуешов.
Сондай-ақ өңірлерде жыл бойы Роза Бағланованың мерейтойына арналған фестивальдер, концерттер, кештер, семинарлар, көрмелер, конференциялар өткізіледі.
Айта кетері, “Қазақконцерт” ғимаратында 1, 3 және 6 наурызда “Қазақтың қаһарман қызы”, “Арнау”, “Қазақ деген халықтың еркесімін” концерті өтеді.
1 наурызда өтетін концертте еліміздің танымал әншілері, жас әншілер, Қырғызстан, Өзбекстан, Беларусь мемлекеттерінен келген әртістер және Роза Бағланованың немересі Үрбибі сахнада өнер көрсетеді.
<img src="https://kyzylorda-news.kz/wp-content/uploads/2022/02/275039947_320831743404611_4824448197357434448_n.jpg" alt="" />
<img src="https://kyzylorda-news.kz/wp-content/uploads/2022/02/275020278_320831573404628_5918426920380660251_n.jpg" alt="" />

Нұр-Сұлтанда Роза Бағланованың өмір жолынан сыр шертетін көрме ұйымдастырылды

<a href="https://kyzylorda-news.kz/">Kyzylorda-news.kz.</a> Байқоңыр қалалық пробация қызметінің есебіндегі 23 жазасын өтеушіге рақымшылық жасалды.
Оның ішінде 8 сотталған жазаны одан әрі өтеуден босатылса, қалған 15 сотталғанға қатысты негізгі жазалары әртүрлі мерзімдерге қысқартылып, сот қаулылары толықтай заңды күшіне енген.
Қазіргі күнге Байқоңыр қалалық пробация қызметі тарапынан «Қазақстан Республикасы Тәуелсіздігінің отыз жылдығына байланысты рақымшылық жасау туралы» Қазақстан Республикасының Заңын жазасын өтеуші сотталғандарға қатысты қолдану толығымен аяқталды.

Байқоңырда есептегі  23 адамға рақымшылық жасалды

<a href="https://kyzylorda-news.kz/">Kyzylorda-news.kz.</a> Бүгін қызылордалық «Қайсар» Қызылорда-Алматы-Стамбул-Анталия бағыты арқылы Түркияға аттанды.
Жерорта теңізінің жағалауында қасқырлар наурыз айының 16-на дейін жаттығу жұмыстарын жүргізеді. Оқу-жаттығу жиыны барысында бас бапкер Сұлтан Әбілдаев бірнеше жолдастық кездесу өткіздуді жоспарлап отыр. Сонымен қатар команда құрамына қосылатын футболшылар Түркияда қаралымнан өтетін болады.
Анадолы жерінде өтетін оқу-жаттығу жиынына төмендегі футболшылар шақырту алды. Нұрымжан Салайдын, Нұрмат Сәрсенов, Елжас Сарбай, Айбол Жахаев, Мағжан Бауыржан, Абылайхан Төлегенов, Ислам Әбілқасов, Мақсат Байжанов, Руслан Сахалбаев, Бекзат Құрманбекұлы, Аян Құлмағанбетов, Өркен Махан, Елжас Алтынбеков.
<img src="https://kyzylorda-news.kz/wp-content/uploads/2022/02/274967119_3448169535307143_2021969383000915485_n.jpg" alt="" />

Қазақстан және Қызылорда облысының жаңалықтары