<a href="https://kyzylorda-news.kz/">Kyzylorda-news.kz.</a> Қызылордада облыстық ауыл шаруашылығы басқармасы 2020 жылы аналық мал басына арналған жем-шөп үшін субсидия алған шаруалардан қаржыны бюджетке қайтаруды талап етіп жатыр. Оған Қазақстан Республикасының Ауыл шаруашылығы министрлігі шығарған қағидадағы олқылық себеп болып отыр. Амалы қалмаған шаруалар Кәсіпкерлер палатасынан көмек сұрады.
Дәлірек айтсақ, Ауыл шаруашылығы министрлігі 2020 жылдың 17 шілдесінде «Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларын бекіту туралы» бұйрық қабылдап, «Ауыл шаруашылығы малдарының азығына жұмсалған шығындар құнын арзандату» қолдау шарасын енгізеді.
Аталған құжатты басшылыққа алған аймақтың бірқатар кәсіпкерлері субсидия алады. Өткен жылдың қазан айында кәсіпкерлер облыстық ауыл шаруашылығы басқармасынан «Сіздің шаруашылықта субсидияланған мал басының сақталуын қамтамасыз ету бойынша міндеттемелерді сақтамағаны анықталып отыр» деген мәтінде хат алады. Ары қарай басқарма субсидия қаржысын бюджетке қайтаруды талап етеді.
Басқарманың «міндеттемені сақтамады» дегені мынадан туындап отыр. Ауыл шаруашылығы министрлігі әзірлеген қағиданың қазақша нұсқасында кәсіпкерге «Субсидияланған аналық мал басының ағымдағы жыл бойы сақталуын қамтамасыз ету» міндеттелген. Ал қағиданың орыс тіліндегі нұсқасында – «в течение года» (жыл бойы) деп жазылып, сәйкессіздік орын алған. Палатаға жүгінген кәсіпкерлер ереженің қазақ тіліндегі нұсқасын басшылыққа алғанын айтты.
<blockquote>
 «Шаруашылық иелері 2020 жылы қолданыста болған қаиғадаға сай «сол ағымдағы 2020 жылы» мал басын сатпай ұстап отырған. Тек келесі, яғни 2021 жылы ғана мал басын жаңарту және жақсарту мақсатында бір бөлігін сатып, оның орнына басқа мал алған. Әзірге Кәсіпкерлер палатасына 4 шаруа қожалығы өтініш білдіріп, құқығын қорғауды сұрап отыр. Олардан ауыл шаруашылығы басқармасы жалпы көлемі 7,2 млн теңгені бюджетке қайтаруды талап етіп отыр», – дейді Қызылорда облысы кәсіпкерлер палатасының директоры Ғалымбек Жақсылықов.
</blockquote>
Кәсіпкерлер палатасының мамандары Ауыл шаруашылығы министрлігі әзірлеген қағиданың қазақ тіліндегі нұсқасы орыс тіліндегісімен сәйкес келмейтінін алға тартып, министрліктен түсініктеме беруін сұраған еді.
Министрлік 22 ақпанда Кәсіпкерлер палатасына жауап берді. Онда құжатқа 2021 жылдың 13 шілдесінде өзгеріс енгізіліп, «ағымдағы жыл бойы» деген сөз «жыл бойы» сөзімен өзгертілгенін атап өтіп: «Осыған байланысты Қағиданың орыс тіліндегі нұсқасын басшылыққа алу қажет» деп жазылған.
<blockquote>
 «Жалпы министрліктің қабылдаған қағидасы о бастан шикі. «Жыл бойы» деген талапта да нақты қай кезден бастап есептеу керектігіне қатысты нақтылық жоқ. Бұл біріншіден. Екіншіден, кәсіпкер өзіне жауапкершілік алғанда 2020 жылы қолданыстағы құжатты басшылыққа алды. Бұл жерде ереже шығарып отырған орган – Ауыл шаруашылығы министрлігінде тұрақтылық болмай отыр. Яғни кәсіпкер министрлік қай күні ережесіне өзгеріс енгізеді екен деп күтіп отыра алмайды ғой?! Үшіншіден және бұл ең бастысы, Қазақстан Республикасының Құқықтық актілер туралы заңының 23-бабы 7-тармағында «Орыс тiлiндегi нормативтiк құқықтық актiдегi терминдер мен анықтамалар қазақ тiлiнде жазылған ретке сәйкес болуға тиiс» және 24-баптың 3-тармағы 3-абзацында «Қазақ және орыс тілдеріндегі нормативтік құқықтық актілердің мәтіндері тең түпнұсқалы болуға тиіс» деп анық көрсетілген. Ал министрліктің «қағиданың орыс тіліндегі нұсқасын басшылыққа алу қажет» деуін қалай қабылдаймыз», – дейді Палата директоры.
</blockquote>
Кәсіпкерлер палатасы жауапты мемлекеттік орган және тексеруші орган төленген субсидияларды қайтарып алу талаптарын қайта қарауы керек деген ұстанымда. Аталған мәселенің нәтижесін Кәсіпкерлер палатасы қосымша хабарлайды.

Қызылордалық кәсіпкерлер бюджетке 7 млн. теңгеден астам субсидия қаржысын қайтаруға мәжбүр

<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасы Парламенті Мәжілісінің депутаттары, «Nur Otan» партиясы депутатық фракциясының мүшелері Ғ.Әміреев, Б.Смағұл мен Г. Шиповских Сыр өңіріндегі жұмыс сапары барысында азаматтарды қабылдап, оларды толғандырған сұрақтарына жауап берді.
Депутаттардың қабылдауына 80-ше жуық қызылордалық түрлі өтініш-тілектерімен келді. Оның ішінде құқықтық, кәсіпкерлік, өңірдегі қуаңшылық, денсаулық сақтау, тұрғын үй, әлеуметтік көмек алу, жерге қатысты мәселелер бар. Фракция мүшелері олардың әрқайсысын жіті назарына алды.
Мәселен, Қызылорда қаласының тұрғыны, көп балалы ана Назерке Кадирова денсаулық, әлеуметтік, балалардың білім мәселесімен қоса аймақта шешілмей жүрген проблемалық мәселелерді де алға тартса, Сырдария ауданын келген Қайрат Жалғасов есімді азамат депутаттардан жайлымдық жер, Сырдария өзенінің тартылуы жалпы шаруалар үшін ең қажетті аяқ су мәселесін шешіп беруге ықпал етуді сұрады. Азаматтар өтінішін тыңдаған депутаттар әр сұрақ бойынша жеке-жеке жұмыс жүргізетіндерін жеткізді.
Соңғы уақытта Қызылорда қаласында 2005-2006 жылдары жер кезегіне тұрған азаматтарға жер телімдері беріле бастады. Дегенмен, өздеріне берілген жер телімінің қолайсыз жерде орналасқанын, балабақша, мектептен алыс екенін айтып, шағымданып жүргендер де бар екен. Депутаттың қабылдауына сондай жандардың бірі келді. Оған бұл қиындықтардың уақытша екені, жер телімдері берілген аудандарға инфрақұрылым желілерін апару ісі қолға алынатыны түсіндірілді.
Парламент Мәжілісінің депутаты Бақытбек Смағұл журналистерге өңірімізге сапары кезінде азаматтармен бірнеше кездесулер өткізіп, қызылордалықтарды қандай мәселелер толғандырып жүргенін айтты.
<blockquote>
 Ауыл тұрғындары мен қала тұрғындарының арыз-мұңдары арасында айырмашылықтар да бар. Ауылдықтарды, негізінен, іс бастау үшін несие алу, мал жайлымы, аяқ су мәселесі мен субсидияға қол жеткізу секілді мәселелер толғандырады. Қалалықтар баспана мәселесі, тұрмыстық сипаттағы мәселелерді шешу төңірегінде көбірек шағымданады. Ауылда да, қалада да жұмыс іздеп жүргендер бар. Біз жергілікті жерде шешімін табатын мәселелерді атқарушы органдарға ұсыныс ретінде жолдап, парламентте көтеретін мәселелердің барлығын жинақтап алдық,- деді ол.
</blockquote>
<img src="https://kyzylorda-news.kz/wp-content/uploads/2022/02/0587f0f3-dd69-4cf7-85e0-28e63d62e4d3.jpg" alt="" />
<img src="https://kyzylorda-news.kz/wp-content/uploads/2022/02/b22e6cd2-31c8-4b83-a515-6331b66a3ebc.jpg" alt="" />
<img src="https://kyzylorda-news.kz/wp-content/uploads/2022/02/ce352839-2249-4626-b19b-c21bd54417e4.jpg" alt="" />

Қызылордалық тұрғындар мәжіліс депутаттарымен кездесті

<a href="https://kyzylorda-news.kz/">Kyzylorda-news.kz.</a> Соңғы жылдары бірқатар мұнай компаниялары арасында жұмысшылардың жалақы мәселесінің аздығы туындауда. Әсіресе, салыстырмалы түрде «СНПС-АйДан Мұнай» компаниясы мен «Қуат Амлон Мұнай» БК» серіктестігінде жұмыс істейтін қызметкерлердің жалақысының төмендігінен еңбек даулары туындап, мәселелер шиеленісуде.
Осыған орай Қызылорда облысының әкімі Гүлшара Әбдіқалықова «СНПС-АйДан Мұнай» компаниясының Президенті Вэнь Цзянцзюнь мен «Қуат Амлон Мұнай» БК» серіктестігінің бас директоры Сяо Вэйді шақырып, әкімдіктің басшылығы мен құқық қорғау органдары және салалық басқарма басшыларымен бірге өзекті мәселелерге қатысты жиын өткізді.
Облыс әкімі соңғы бірнеше жылда мұнай компаниялары жұмыскерлері арасында жалақыны арттыру мәселесі жиі көтеріліп келетінін атап өтіп, бұл істе тиімді шешім шығару қажет екенін алға тартты.
<blockquote>
 «Өзге де мұнай компанияларымен салыстырмалы тұрғыда қарайтын болсақ, сіздерде жалақы мөлшерінің төмендігі байқалады. Бұл қызметкерлер арасында әлеуметтік шиеліністі туғызады. Сондықтан Сіздер өз жұмысшыларыңыздың талабын ескере отырып, оңтайлы шешім қабылдауларыңыз қажет. Себебі осы кезеңге дейін әкімдік тарапынан да бірнеше рет кездесулер өткізіліп, түсіндірмелер жүргізілді. Ал, тиімді шешімді қабылдауда сіздер тараптан нақты нәтижелер байқалмайды», – деді Гүлшара Әбдіқалықова.
</blockquote>
Жиын барысында құқық қорғау органдарының басшылары да қызметкерлердің заңды мүдделерін қорғау қажеттігін еске салды.
Облыс әкімі туындаған мәселелерді саралай келе, мұнай компанияларының басшыларына әлеуметтік шиеліністі болдырмауды қатаң түрде тапсырып, қысқа мерзім ішінде шешім қабылдау қажеттігін қаперге салып, нақты тапсырмалар берді.
<img src="https://kyzylorda-news.kz/wp-content/uploads/2022/02/274527193_249721457349106_4550019700633672802_n.jpg" alt="" />
<img src="https://kyzylorda-news.kz/wp-content/uploads/2022/02/274289032_249721444015774_4321469368192099283_n.jpg" alt="" />

Гүлшара Әбдіқалықова: Жалақы мөлшерінің төмендігі қызметкерлер арасында әлеуметтік шиеліністі туғызады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 2566 адам коронавирустан жазылды, деп хабарлайды&nbsp;<a href="https://t.me/coronavirus2020_kz">coronavirus2020.kz</a>.
Аймақтар бойынша:
Нұр-Сұлтан қаласы – 119
Алматы қаласы – 405
Шымкент қаласы – 426
Ақмола облысы – 250
Ақтөбе облысы – 79
Алматы облысы – 222
Атырау облысы – 44
Шығыс Қазақстан облысы – 22
Жамбыл облысы – 36
Батыс Қазақстан облысы – 102
Қарағанды облысы – 66
Қостанай облысы – 78
Қызылорда облысы – 11
Маңғыстау облысы – 26
Павлодар облысы – 488
Солтүстік Қазақстан облысы – 182
Түркістан облысы – 10
Қазақстан бойынша жазылғандар саны – 1261996.

Өткен тәулікте 11 қызылордалық коронавирустан жазылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 566 адамның коронавируспен ауырғаны ПТР арқылы расталды, деп хабарлайды coronavirus.kz2020.kz.
Аймақтар бойынша:
Нұр-Сұлтан қаласы – 43
Алматы қаласы – 158
Шымкент қаласы – 6
Ақмола облысы – 28
Ақтөбе облысы – 6
Алматы облысы – 21
Атырау облысы – 9
Шығыс Қазақстан облысы – 36
Жамбыл облысы – 11
Батыс Қазақстан облысы – 20
Қарағанды облысы – 47
Қостанай облысы – 44
Қызылорда облысы – 6
Маңғыстау облысы – 15
Павлодар облысы – 47
Солтүстік Қазақстан облысы – 68
Түркістан облысы – 1
Жалпы ел бойынша ауырғандар саны 1300730.

Қызылордада 6 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> 24 ақпан күні Қазақстанның басым бөлігінде қар жауып, жаяу бұрқасын, көктайғақ күтіледі, деп хабарлайды Қазгидромет.
Еліміздің қалған аумағына антициклон жотасы әсерін тигізеді, осыған байланысты жауын-шашынсыз ауа райы сақталады. Республика бойынша кей жерлерде тұман түсіп, жел күшейеді.
Ал Қызылорда облысының солтүстігінде тұман болады.

Қызылордада ауа райы қандай болады?

<a href="https://kyzylorda-news.kz/">Kyzylorda-news.kz.</a> Бүгін сағат 12.10-да Арал ауданы маңына АН-2 ұшағы қону кезінде өртке оранды. Оқиға орнына 2 техника, 9 қызметкер көмекке келді. Ал, ұшақта болған 2 экипаж мүшесі мен 1 фельдшер дін аман, Арал ауданына жеткізілді. Бұл туралы бүгін Өңірлік коммуникациялар қызметінде өткен баспасөз конференциясында облыстық төтенше жағдайлар департаменті бастығының орынбасары Саид Молдақараев мәлімдеді.
«Қызылорда әуежайынан сағат 09.30-да «Тараз Жаңа Әлем» әуе компаниясына қарасты АН-2 ұшағы санавиацияның тапсырмасы бойынша ұшқан. Қалың тұман басып, көру мүмкіндігі шектелгендіктен Арал қаласынан 21 шақырым жердегі ашық алаңға қонған. Алайда, батпақты жерде ұшақ аударылды. Ішіндегі азаматтар дер кезінде сыртқа шығып үлгерген. Артынша ұшақ отқа оранған», – деді Саид Молдақараев.
Ұшақтағы борт командирі, ұшқыш көмекшісі және фельдшердің жағдайы жақсы, зардап шеккендер жоқ. Ұшақ құлау салдарынан өртке оранған деген тұжырым жасалуда.
Оқиғаны нақтылай жеткізсек, таңертеңгі сағат 08.50-де жедел жәрдемге Арал ауданынан хабарлама түскен. 16 жастағы жасөспірім І-типті қант диабетіне шалдығып, кетацидоз диагнозымен ауыр жағдайда ауруханаға жатқызылған. Дереу облыс орталығына жеткізілуі тиіс болатын.
Облыстық медициналық жедел жәрдем стансасының бас дәрігері Алмат Құрманғалидың айтуынша, бүгінде науқастың жағдайы тұрақты. Тағы бір жедел медициналық авиацияның көлігі жолға шықты. Сол автокөлікпен бала да облыстық ауруханаға жеткізілмек. 
Айта кету керек, АН-2 ұшағы 1987 жылы шығарылған. 2021 жылдың қараша айында тексерістен өткен.

Аралда өртенген ұшақ туралы тың ақпарат жарияланды

<a href="https://kyzylorda-news.kz/">Kyzylorda-news.kz.</a> Былтыр экономиканың барлық салалары бойынша өндірістің тиімді жүргізілуі және өнімдердің қауіпсіздігі шеңберінде 85 тексеріс жүргізілді. Нәтижесінде, қолдануға жарамсыз 722 дана өлшем құралдарын пайдалануға тиым салу жөнінде 16 нұсқама берілді.
Бұл туралы Өңірлік коммуникациялар қызметінде өткен брифингте ҚР Сауда және интеграция министрлігінің Техникалық реттеу және метрология комитеті Қызылорда облысы бойынша департаментінің басшысы Бауыржан Қарсақбаев хабарлады.
<blockquote>
 «2021 жылы аймақтағы тауар өндіруші және қызмет көрсетуші кәсіпорындарда, ірі сауда орталықтары мен базарларда сапа менеджмент жүйесін енгізу, стандарттау саласындағы жаңадан енгізілген нормативтік құжаттар жөнінде түсіндірме жүргізілді. Сапа менеджмент жүйесін өндірістеріне енгізген кәсіпорындарға ұдайы талдау жасалады. Қазіргі таңда облыс бойынша 489 мекеме мен кәсіпорындар халықаралық менеджмент жүйесін өз өндірістеріне енгізген. Сонымен қатар, облыс көлеміндегі сынақ базарларына талдау жасалды. Анықталғандай, аккредиттеуден өткен, түрлі сала бойынша қызмет көрсететін 25 сынақ орталықтары жұмыс атқарады, – деді Бауыржан Қарсақбаев.
</blockquote>

Бауыржан Қарсақбаев: Халықаралық стандарттарға сай өнімдер өндірілуде

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің ғалымдары ауыл шаруашылық қалдықтарын органикалық биотыңайтқыш ретінде пайдаланудың оңтайлы әдісін ойлап тапты. Бұл ғылыми жаңалықты жас ғалым Сәкен Қанжар Өңірлік коммуникациялар қызметінде өткен брифингте мәлімдеді.
<blockquote>
 «Зерттеу барысында ауылшаруашылық қалдықтарын, атап айтқанда күріш қалдықтарын утилизациялау проблемалары, қазіргі өңдеу әдістері, қолдану салаларын қарастырдық. Күріш қауызынан аморфты кремний диоксидін алу үшін күріш қауызы ұнтақталып, тұз қышқылымен микротолқындық сәулелендіру арқылы өңделеді. Өңделген өнім жоғары температурада муфельді пеште күйдіріліп, аморфты кремний диоксиді алынды», – деді жас зерттеуші Сәкен Қанжар.
 «Күріш қауызы мен сабаны өте баяу шіритін болғандықтан, оны утилизациялау да қиынға соғады. Қазіргі кезде бұл қалдықтарды майдалап, шаруалар мал азығына араластырып пайдаланып жүр. Бірақ күріш қауызында ешқандай қоректік заттар жоқ. Осы қалдықтарды оңтайлы пайдалану мақсатында әлі де зерттеу жұмыстарын жүргізудемін. Зерттеу жұмысының мақсаты аталған қалдықтарды тез шіріту арқылы органикалық жер өңдеу үшін тиімді биотыңайтқыш алу. Оларды тез шіріту мақсатында кеуектерінде микроағзалардың жылдам дамуы үшін биокөмір және күйіс қайыратын малдардан алынған целлюлозолитті микроағзалар қолданылады. Біз аталған қалдықтарды 3 айда шірітіп, тиімділігі жоғары жаңа Терра Прета биотыңайтқышын алдық. Өткен жылы бұл жоба бойынша Қорқыт ата атындағы Қызылорда университеті ректорының жас ғалымдарға арналған гранттық қаржыландыру конкурсына қатысып, 2500000 теңге грант иегері атандым», – деді Қорқыт ата атындағы Қызылорда университетіндегі «Физика-химиялық талдау әдістері» инженерлік бейіндегі зертхананың ғылыми қызметкері Рахметулла Жаппарбергенов.
</blockquote>
Айта кету керек, Қорқыт ата атындағы Қызылорда университетінде 2021 жылы оқытушыларды ғылыми-зерттеу қызметіне көбірек тарту мақсатында жас ғалымдардың ғылыми-зерттеу жұмыстарының конкурсы өткізілді. Байқау нәтижесінде жалпы сомасы 10 млн теңгелік 4 жоба университет грантын иеленді. Қазіргі уақытта ғалымдар зерттеу жұмыстарын жалғастыруда.

Қызылордалық жас ғалым ауыл шаруашылық қалдықтарын пайдаланудың тиімді әдісін жасады

<a href="https://kyzylorda-news.kz/">Kyzylorda-news.kz.</a>&nbsp; Бүгін аймақ басшысы Гүлшара Әбдіқалықова кезектілік тәртібімен азаматтарды жеке мәселелері бойынша онлайн форматта қабылдады. Облыс әкімінің жеке қабылдауында 15 азаматтың өтінішітері қаралды.
Тұрғындардың мәселелерін зерделеу үшін жиынға жауапты басқарма басшылары, Қызылорда қаласы мен бірқатар аудан әкімдері қатысты. Азаматтардың негізгі сауалдарының бағыты әлеуметтік мәселелерден туындады. Мәселен, 11 сұрақ тұрғын үй кезегіне бағытталды. Сонымен қатар, әлеуметтік көмек қарастыру, жұмыспен қамту, кәсіпкерлікке қолдау мен мәдениет бағыты бойынша үйірмелер ашу мәселелері де қаралды.
Аймақ басшысы тұрғын үй кезек тізімі бойынша берілетінін және биылғы жылы 1000 астам баспананы табыстау жоспарда тұрғанын жеткізді. Басқа көтерілген сұрақтар бойынша жауапты сала басшыларына тапсырма беріп, заң аясында шұғыл жұмыс жасау қажет екенін айтты.
Айта кету керек, аймақ басшысы Гүлшара Әбдіқалықова әр айдың соңында кезекке сәйкес азаматтарға арналған жеке қабылдау өткізіп келеді. Өткен жылы облыс әкімі 135 тұрғынды қабылдаса, биылғы жылдың екі айында 40-қа жуық азаматтың сұрақтарына жауап берілді.
<img src="https://kyzylorda-news.kz/wp-content/uploads/2022/02/274642954_249600204027898_210563233630536530_n.jpg" alt="" />

Облыс әкімі онлайн форматта тұрғындармен жеке қабылдау өткізді

<a href="https://kyzylorda-news.kz/">Kyzylorda-news.kz.</a> Кәсіподақ ұйымын құрамыз деген бастамасы үшін өткен жылдың қыркүйек айында жұмыстан босатылған «ҚазПетролГрупп» мұнай компаниясының 12 қызметкерінің құқықығы қорғалып, бүгінде жұмыстарына оралды. Бұл туралы Өңірлік коммуникациялар қызметінде өткен брифингте «Қызылорда облысы кәсіподақ орталығы» аумақтық кәсіподақтар бірлестігі төрағасының орынбасары Марат Бәйімбетов хабарлады.
<blockquote>
 «Былтырғы жылдың қыркүйек айында «ҚазПетролГрупп» ЖШС компаниясы 15 адамнан тұратын кәсіподақ ұйымын құрып, оның қағидалары бойынша түсіндірме жұмыстарын жасаған. Алайда кәсіподақ ұйымын құрған 12 бастамашыл топ мүшелерін «Тараптардың келісімі бойынша» деген негізбен жұмыстан босатқан. Тексеру барысында еңбек шартының бұзылғандығы анықталды. Жұмыстан босатылған 12 жұмыскердің талап-арыздары толық қанағаттандырылып, жұмыс берушінің іс-әрекеті заңсыз деп танылды. Жұмыскерлерді жұмысқа қайта орналастыру және амалсыз бос жүрген барлық уақыттары үшін жалақыларын төлеу туралы шешім қабылданды», – деді Марат Бәйімбетов.
</blockquote>
Жалпы, кәсіподақтардың негізгі мақсаты – жұмыс берушілер мен жұмысшылардың арасында диалог орнату және еңбек құқығының сақталуын қамтамасыз ету болып табылады.
<blockquote>
 «Жұмыстан негізсіз босатылған 12 жұмыскер облыстық еңбек саласындағы бақылау басқармасына ұжымдық арыз жолдады. Арызда жұмыс беруші тарапынан заңсыз босатылғандары туралы жазылған. Осы мәселеге байланысты еңбек инспекциясы тексеру-тағайындау туралы қаулы дайындады. Аталған мекемеде жоспардан тыс тексеріс жұмыстары жүргізілді. Нәтижесінде 12 жұмыскердің заңсыз еңбек шарты бұзылғандығы анықталып, «ҚР Еңбек заңнамасы талаптарындағы бұзушылықтарды жою туралы» нұсқама берілді. 
 Сондай-ақ, 17 ақпан күні қалалық сот судьясының шешімімен 2022 жылғы 18 ақпанда жұмыскерлердің жұмысқа қайта орналасуы туралы бұйрық шығарылды», – деді облыстық еңбек саласын бақылау басқармасының бөлім басшысы Нұрбек Жапақов.
</blockquote>

Кәсіподақ ұйымы: Қызметкерлердің құқығы сақталады

<a href="https://kyzylorda-news.kz/">Kyzylorda-news.kz.</a> Қызылорда облысы ЗК-169/1 тергеу изоляторының тылмен қамтамасыз ету бөлімінің жұмысы қашанда қарбалас. Өйткені бұл бөлім мекеменің тіршілік көзі. Мекеме қамауындағыларды жылумен, тамақпен, күнделікті тұрмысқа қажетті заттармен, дәрі-дәрмекпен қамтамасыз ету мұндағы қызметкерлердің басты міндеті.
&nbsp;Бөлім бастығы Қанат Сейіловтің айтуы бойынша, тыл бөлім &nbsp;ҚР Үкіметінің&nbsp; 2014 ж 28 қарашадағы № 1255 қаулысын басшылыққа ала отырып, сотталғандар мен тергеудегілерді арнайы тамақтану, киіну, жеке-гигеналық заттарды үлестіру, төсек-орын жабдығымен қамтамасыз ету нормалары бойынша&nbsp; жұмыс жасайды. Мұнда тұтқындар тұтастай камералық жүйемен ұсталады. Камераларға теледидар орнатылған. &nbsp;Онда барлық &nbsp;санитарлық-гигиеналық талаптар сақталады. &nbsp;Камералар жылу жүйесімен жабдықталған, &nbsp;және түнгі уақыттарда электр жарығы берілген.
<blockquote>
 »Біздің мекемеде тұтқындағылардың тұрмыстық жағдайлары күн тәртібінен түспейтін мәселе. Өйткені мұнда, келіп түскендердің әрқайсысына бірінші кезектегі қажетті материалдық- тұрмыстық жеке төсек орын, матрас, жастық және жапқыш жеке керует беріліп, оның ақ жаймасы апта сайын ауыстырылып отырылады. Аптасына бір рет моншаға түеді. Шаш, сақал мұрттары алынып, сыртқы бейне көріністерін жинақылықта ұсталуына да жағдай жасалынған» – дейді &nbsp;комендант Қайрат Сыздықов.
</blockquote>
Мекеме&nbsp; «тұрғындарын» азық-түлікпен қамтамасыз ету&nbsp; деңгейі &nbsp;де, өте жоғары. Мүгедектер мен белгілі бір сырқаты &nbsp;бар адамдарға&nbsp; арнайы норма бойынша ас-су дайындалады. Короновирустық инфекциянының алдын алу мен суық&nbsp; маусымдық кезеңдерге өту кезінде &nbsp;иммунитетті көтеру мақсатында, құрамында дәрумені мол тағамдар жиірек берілді.
<blockquote>
 «Маған &nbsp;ҚР ҚК- нің&nbsp; 272 – бабы бойынша айып тағылған. Ісім тергеуде. Жұмыссыз болғандықтан әржерден тапқан табысыма артық таңсық тағамдарды сатып&nbsp; алуға қаражатым жете бермейтін. Ал, бұл мекемеде ас&nbsp; әртүрлі мәзірмен дайындалады. &nbsp;Ыстық тағамдарға сиыр, тауық еттері үздіксіз қосылып жасалады. Бұдан бөлек, балық пен сүт өнімдері, &nbsp;жұмыртқа, кофе мен компот, сок және жеміс-жидектер соның ішінде&nbsp;&nbsp; лимон мен алма күнделікті беріліп тұрады» –&nbsp; деді жазасын өтеуші.
</blockquote>
<img src="https://kyzylorda-news.kz/wp-content/uploads/2022/02/readmsg.jpg" alt="" />
<img src="https://kyzylorda-news.kz/wp-content/uploads/2022/02/img_20220223_154244.jpg" alt="" />

Қазақстан және Қызылорда облысының жаңалықтары