<a href="https://kyzylorda-news.kz/ru/obshestvo/">Kyzylorda-news.kz</a>. Арал ауданының әкімі Серік Сермағамбетовтың төрағалығымен кезекті аппарат мәжілісі өткізілді. Мәжілістің күн тәртібінде ұлттық халық санағының жүргізілу барысы және аудан бюджетінің 2021 жылдың 9 айдағы игерілу мәселелері талқыланды.
Бірінші мәселе бойынша аудандық статиска басқармасының басшысы Еламан Қапанов баяндама жасады. Бүгінгі күні аудан бойынша санақтан онлайн режимде халықтың 59,5 пайызы өткен. Аудан бойынша 14 нұсқаушы-бақылаушы, 85 интервьюерлер жұмыс жасауы қажет болса, қазір интервьюерлердің 64-і жұмыс жасауда. Қазақстан Республикасы халқының ұлттық санағын өткізудің ІІ кезеңі 15 қазанға дейін онлайн режимінде жүргізу жалғасуда, 30 қазанға дейін санақшылар планшет құрылғысымен үй аралауды жүргізеді.
Халық санағының орындалу көрсеткіші көңіл көншітпейтіндігін айтқан аудан басшысы Арал қаласы, Сексеуіл, Жақсықылыш кенттері мен Қосаман, Жетес би, Аманөткел ауылдық округінің әкімдерінен жеке-жеке бұл жұмыстардың баяу орындалып жатқан себебін сұрады. Сондай-ақ, онлайн санақтың аяқталуына аз ғана уақыт қалғанын айтып, жұмыстарды жандандыруды тапсырды. Бұл мәселеге байланысты жауапты басшыларға халық санағының екінші кезеңінің орындалуын қамтамасыз ету, бұқаралық ақпарат құралдарында кеңінен ақпараттандыру жүктелді.
Одан әрі мәжілісте сөз тізгінін алған аудандық қаржы бөлімінің басшысы Мақпалбай Көлдеев аудан бюджетінің 9 айдағы игерілу көрсеткіші туралы хабарлама жасады. Атап өтейік, аудан бюджетінен қаржыландырылатын бюджеттік бағдарлама әкімшілері 2021 жылдың 1 қазанына белгіленген шығындар бойынша жоспардың 97,6 % орындалған.
Хабарламашының сөзінше, Қызылорда облысы бойынша ішкі аудит департаментінің тексеруіне байланысты жұмыстың уақытша тоқтатылуынан және мемлекеттік сатып алу конкурстарының қорытындысы шықпауынан, конкурстардың қайта жариялануынан, мердігерлер тарапынан жұмыстардың орындалмауынан және қаржылық үнемдеулер негізінде игерілмеген.
Игерілмеген қаржының негізгі бөлігі аудандық құрылыс, сәулет және қала құрылысы, аудандық тұрғын үй-коммуналдық шаруашылығы, жолаушылар көлігі бөлімі және қала, кент, ауылдық округ әкімі аппараттарында қалыптасқан. Бұл көрсеткіштер бойынша да жекелей талдау жасап өткен аудан әкімі бюджет қаржысын мерзімінде игермеу жағдайлары орын алған бөлім басшыларын қатаң сынға алды.
Мәжіліс қорытындысымен аудан әкімі қаржы игерілуіне байланысты жауапты бөлім басшыларына әрбір мердігер мекемемен жекелей талдау жүргізу алдағы кезеңдерде бюджетті дұрыс жоспарлап, қаражатты орналастыру, өз орнымен жұмсау мәселелеріне қатысты тапсырмалар берді. Сонымен қатар берілген тапсырмалар мен міндеттемелерді орындауда ешқандай кемшілікке жол берілмеуін қатаң ескертті.

Аралда халық санағының орындалу көрсеткіші төмен

<a href="https://kyzylorda-news.kz/ru/obshestvo/">Kyzylorda-news.kz</a>. Тәуелсіздік жылдарынан бері Сыр өңіріндегі археологиялық ізденістерді жүргізу Қорқыт Ата атындағы Қызылорда университетінің тұрақты бағыты ретінде қалыптасты. Биыл «Археология және этнология» мамандығының ашылғанына 25 жыл, орталықтың құрылғанына 10 жыл толды. Осы орайда, ҚР Тәуелсіздігінің 30 жылдығы аясында «Қош келдің, археолог!» атты кездесу кеші өтті.
<blockquote>
 «Археология және этнография ғылыми-зерттеу орталығының негізгі мақсаты – Қызылорда облысы территориясындағы тарихи-мәдени мұраны зерттеу және қорғау, археология және этнография салалары бойынша ғылыми зерттеулер жүргізу және тарихи құндылықтарды насихаттау. Сондай-ақ, университеттің тарихшы, археолог және этнограф ғалымдары тәжірибе алмасатын, археология ғылымдарының жетістіктері мен даму жолдарын айқындайтын орталығына айналды», – деді «Тарих және Қазақстан халқы Ассамблеясы» кафедрасының меңгерушісі, т.ғ.к, доцент Айтжан Оразбақов.
</blockquote>
Бүгінге дейін ғылыми зерттеу орталығы 3 халықаралық жоба, ҚР БҒМ Ғылым комитетінің 4 гранттық жобасын, 12 облыстық жобаны орындады. Атап айтсақ, «Wenner-Gren» антропологиялық қорының гранты шеңберінде 2011 жылы Жанкент қала жұртында археологиялық қазба жұмыстары жасалды. 2018-2020 жылдар аралығында Ұлы Жібек жолының солтүстік аймағындағы көшпенділер мемлекетінің қалыптасуы және урбанизациялануы, Ерте орта ғасырдағы Жанкент қаласы туралы халықаралық жоба жүзеге асырылды. Сонымен қатар, Хорезм экспедициясының Сыр өңіріндегі зерттеулерінің тарихы кітап-альбом түрінде жарыққа шықты.
Орталық облыс көлемінде орналасқан жүздеген ескерткіштің паспортын, тарихи-мәдени сараптамаларын жасау мен қорғау аймағын анықтау жұмыстарын тұрақты жүргізіп келеді. Қазіргі таңда 10-нан аса монография, 300-ге жуық ғылыми еңбектер жариялады.
Археологиялық заттарды сипаттап, өңдеп қалпына келтіретін зертханасы және жәдігерлерді қоятын көрме залы бар.
<blockquote>
 «Орталықтың құрылған күнінен бастап ғылыми жетекшілік жасаған белгілі археологтар Ж.Құрманқұлов пен И.А.Аржанцеваның еңбектері зор. Сонымен қатар, халықаралық жобаларды орындауда Тюбинген университетінің профессоры Г.Харкенің орны ерекше», – деді Айтжан Оразбақов.
</blockquote>
Қазақ тарихының тереңдігі мен көп қырлылығының куәсі болып табылатын археологиялық ескерткіштерге деген қамқорлық пен жауаптылық, жан-жақты табанды зерттеулер Қорқыт Ата атындағы Қызылорда университетінің құнды қызметінің бірі болып қала бермек.
<img src="https://kyzylorda-news.kz/wp-content/uploads/2021/10/8-scaled.jpg" alt="" />

Қызылорда: Ғылыми орталық ғалымдары 300-ге жуық ғылыми еңбек жариялады

<a href="https://kyzylorda-news.kz/ru/obshestvo/">Kyzylorda-news.kz</a>. Әлемдік психиатрия ассоциациясы суицидология секциясының мүшесі Всеволод Розанов коронавирустық пандемия басталғаннан бері әлем бойынша суицид саны азайғанын мәлімдеді, деп хабарлайды&nbsp;<a href="https://stan.kz/">Stan.kz</a>.&nbsp;
<blockquote>
 “Посткеңестік елдерге келетін болсақ, мұнда соңғы 10 жылда суицид саны азайып келеді. Пандемия басталған уақытта біз тап болған күйзеліс кезеңінде суицид саны көбеюі мүмкін деген қорқыныш болды. Пандемияның бірінші кезеңінде-ақ көптеген локдаундар жарияланды. Сонымен қатар суицид санының да төмендегені байқалды”, – деді Розанов.
</blockquote>
Маман мұны адамдардың қиын кезеңде тірі қалуға тырысатынымен байланыстырды.&nbsp;
<blockquote>
 “Мұнда, былайша айтқанда, өзін-өзі өлтіруге дейін болмады. Алайда дәл қазір жағдайдың қалай болып жатқанын білмейміз. Суицид жайлы деректер кешігіп жатыр. Пандемияның тез аяқталмауы мен туындаған экономикалық жағдайға байланысты әлемде суицид саны қайта көбеюі мүмкін деген қорқыныш та бар. Біз қазір дамыған елдерде де логистикалық байланыстың үзілгенін көріп отырмыз. Әрине, жағдай нашарлап кетуі де мүмкін”, – деп түсіндірді спикер.
</blockquote>

Пандемия уақытында суицид саны азайған

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында осы жылдың 9 айында 160 175 әкімшілік құқық бұзушылық тіркелген. Оның 104 278-не әкімшілік іс бойынша айыппұл салынса, 48986-на ескерту, 1679-на әкімшілік қамау, 255 іс бойынша арнайы құқықтан айыру яғни көлік жүргізу куәлігінен айыру әкімшілік жазалары қолданылған. Ал, 65 шетелдік немесе азаматтығы жоқ адам Қазақстан Республикасының шегінен әкімшілік жолмен шығарылған.
Сондай-ақ, облыс көлеміндегі әкімшілік істерді қарауға құзырлы органдармен «Әкімшілік іс жүргізудің бірыңғай тізілімі» мобильді қосымшасы арқылы жүргізілуде. Бұл туралы бүгін Өңірлік коммуникациялар қызметінде өткен баспасөз конференциясында ҚР Бас прокуратурасы Құқықтық статистика және арнайы есепке алу жөніндегі Комитетінің Қызылорда облысы бойынша басқармасының азаматтық және әкімшілік салалардағы құқықтық ақпаратты қалыптастыру бөлімінің аға прокуроры Ғалымжан Тілеужан мәлімдеді.
<blockquote>
 «Биыл облыста 295 жол көлік оқиғасы тіркелген, жолдағы апт саны өткен жылмен салыстырғанда 22,1%-ға азайған. Зардап шеккен адамдардың саны 430, олардың 362-і жарақат алса, 68-і қаза тапқан. Тағы бір айта кететін жайт тіркелген жол-көлік оқиғалары бойынша жалпы мәліметтерді комитет әзірлеген «Жол-көлік оқиғалары картасы» аналитикалық жүйесінен алуға болады. Аталған карта келесі қағида бойынша жұмыс жасайды. Орын алған жол-көлік оқиғаларына қатысты мәліметтер полиция органдарында тіркеліп, ақпараттық жүйеге енгізіледі. Осы уақыттан бастап, картада ақпараттар пайда болады, онда ЖКО орын алған күні, уақыты, мекен-жайы, жарақат алған немесе қайтыс болған адамдар саны, ЖКО бойынша бұзушылық түрі және т.б көрсетіледі», – деді өз сөзінде Ғалымжан Тілеужан.
</blockquote>
Жеке кәсіпкерлік субъектілеріне қатысты 9 айда 1318 тексеру тіркелген. Айта кету керек, 2017 жылдың наурызынан бастап кәсіпкерлерге арналған «Qamqor» ұялы қосымшасын іске қосылған болатын. Аталған қосымша арқылы кәсіпкерлер өздеріне қатысты жүргізілетін тексерулердің негізділігін зерделеп, тиісті мәлімет алуға мүмкіндігі бар. Онда QR кодты оқитын функционалы болады. Кәсіпкер аталған кодты сканерлеп, тексерушінің тексеру мерзімі мен түрі туралы және т.б. нақты ақпаратты көріп, оны қағаз үлгідегі тексеру тағайындау туралы актісімен салыстырып және тексеру аяқталған соң, қосымша арқылы көрсетілген бұзушылықтар туралы тексеру қортындысымен таныса алады.

Қызылордада 9 айда 160 мыңнан астам әкімшілік құқықбұзушылық тіркелген

<a href="https://kyzylorda-news.kz/ru/obshestvo/">Kyzylorda-news.kz</a>. Өткен тәулікте өңірімізде коронавирус инфекциясымен 13 жағдай анықталды. Инфекциялық стационарда 219 науқас, реанимациялық төсек-орында 24 науқас ем қабылдап жатыр. Вакцинациялау жұмыстары басталғалы бері облыста вакцинацияның 1 компонентімен 325 759 адам алса, екінші компонентімен – 267 202 адам қамтылды. Бұл туралы бүгін Өңірлік коммуникациялар қызметінде өткен баспасөз конференциясында облыстық денсаулық сақтау басқармасы басшысының орынбасары Жангелді Шайымбетов хабарлады.
<blockquote>
 «Көпшіліктің «Pfizer» вакцинасы туралы сұрағы көп. Вакцина алдағы айларда келу жоспарлануда. Өзіндік сақтау ережелері бар. Бүгінде дайындық жұмыстары жүргізіліп жатыр. Денсаулық сақтау министрлігі 2 тоңазытқыш алып бермек. Ол екпе 12 жастан жоғары және жүкті әйелдерге арналған. Қазіргі таңда белсенді түрде ақпараттық насихаттық жұмыстар жүруде», – деді Жангелді Шайымбетов.
</blockquote>

Қызылордаға «Pfizer» вакцинасы IV тоқсанда келеді деп жоспарлануда

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылордалық ауыр атлет Рахат Бекболат жасөспірімдер арасында әлем чемпионы атанды.
Рахат Бекболат Сауд Арабиясында өтіп жатқан ауыр атлетикадан жасөспірімдер арасындағы әлем чемпионатында 102 келіге дейінгі салмақ дәрежесінде бірінші орынды иеленді.
Бекболат 355 (155 + 200) келіні көтерді. Екінші орында түркиялық Танер Чаглар (152 + 185). Үздік үштікте Ирак спортшысы Аммар Рубаяви Әли бар (149 + 185). Спортшы алтын медаль алғаннан кейін қазақстандық жанкүйерлерге қолдау көрсеткені үшін алғысын білдірді.
Мен өте ризамын, бәрі бір деммен өтті. Жарыс жоғары деңгейде және санитарлық-эпидемиологиялық талаптарға сай болды, – дейді жас спортшы.

Қызылордалық Рахат Бекболат ауыр атлетикадан әлем чемпионы атанды

<a href="https://kyzylorda-news.kz/ru/obshestvo/">Kyzylorda-news.kz</a>. 2025 жылға қарай шағын қалаларда, аудан орталықтарында және ауылдарда 5000 мектеп жаңғыртылады. Бұл туралы Үкімет отырысында «BILIMDI ŪLT» баршаға арналған сапалы білім» ұлттық жобасын таныстыру кезінде Білім және ғылым министрі Асхат Аймағамбетов мәлім етті, деп хабарлайды <a href="https://lenta.inform.kz/kz/ashat-aymagambetov-mektepterde-kanday-ozgerister-bolatynyn-aytty_a3847826">ҚазАқпарат</a>.
<blockquote>
 «Мектептерді жайлы, қауіпсіз және заманауи білім беру ортасымен қамтамасыз етуге тоқталсақ, оқушы орындарының тапшылығын жою үшін 2025 жылға қарай 1000 мектептің құрылысы жоспарлануда. Нәтижесінде, үш ауысымды мектептерді толығымен жою күтілуде. 2025 жылға қарай шағын қалаларда, аудан орталықтарында және ауылдарда 5000 мектеп жаңғыртылады. Оның аясында балаларға қауіпсіз және қолайлы жағдай жасау, жоғары жылдамдықты интернетпен қамтамасыз ету, мектеп жиһазын жаңарту, мектеп кітапханаларын және асханаларды жаңғырту, күрделі және ағымдағы жөндеу жұмыстары жүргізіледі»,- деді А.Аймағамбетов.
</blockquote>
Оның айтуынша, мектептердің 90%-ы пәндік кабинеттермен және 100%-ы қауіпсіз кіру, күзет және бақылау жүйесімен қамтамасыз етіледі.
<blockquote>
 «Инклюзивті ортада балаларды психологиялық-педагогикалық қолдаумен қамтамасыз ету үшін ерекше қажеттіліктері бар балаларға арналған ұйымдардың жұмыс істеу нормативін 50 мың балаға бір осындай орталық есебінен жаңарту бойынша жұмыс жүргізілетін болады. Оның нәтижесінде мұндай 43 орталық ашылады. Бұдан басқа, ерекше балаларды арнайы психологиялық-педагогикалық қолдауға мемлекеттік білім беру тапсырысы орналастырылатын болады», – деді министр.
</blockquote>

Асхат Аймағамбетов мектептерде қандай өзгерістер болатынын айтты

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облыс әкімінің орынбасары Балжан Шәменова Қазалы ауданына іссапармен келіп, бу қазандығы жарылған Тасарық ауылындағы №238 мектепке арнайы барды.
Балжан Мөрәліқызы апаттық жағдай орын алған жерде аудан әкімі Мұхтар Оразбаев, облыстық білім басқармасының басшысы Ақзира Қасымова және сала мамандарымен бірге мәселені шұғыл арада реттеу жолдарын қарастырды.
Мектеп ғимараты қатты отын қолданылатын 2 жылу қазандығы арқылы жылытылады. Жылу қазандықтары мектеп ғимаратынан 50 метр қашықтықта бөлек ғимаратта орналасқан. Қазір ахуалға жан-жақты талдау жүргізіліп жатыр. Жылыту жүйесіне қажетті қадамдар жасалып, жылу жүйесін резервтік қорлар арқылы қалпына келтіру жұмыстары басталды.
Айта кетейік, апаттық жағдай орын алған мектепте оқу процесі тоқтамайды. Ол үшін жылу қазандығы толық қалпына келтіру мерзіміне дейін ғимараттың бір блогына қосымша жылу қосылып, оқушыларды екі ауысыммен оқыту жолдары қарастырылуда. Ең бастысы, балаларға келетін қауіп жоқ, оқушылардың қауіпсіздігі толықтай сақталады. Сондықтан алаңдауға еш негіз жоқ.
<img src="https://kyzylorda-news.kz/wp-content/uploads/2021/10/m-1.jpg" alt="" />

Қазалыда бу қазандығы жарылған мектепте оқу процесі тоқтамайды

<a href="https://kyzylorda-news.kz/ru/obshestvo/">Kyzylorda-news.kz</a>. Қорқыт Ата атындағы Қызылорда университетінде білім ала жүріп, шетелдегі оқу орындарында тәжірибе жинақтап, біліктілік арттыруға болады. Бүгінде университет пен шетелдік жетекші жоғары оқу орындары, білім беру және мәдени орталықтары арасында 170-ке жуық шарт пен меморандумға қол қойылды.
Биыл білім ордасындағы студенттер арасында шетелде оқуға ниет білдірушілер саны артқан. Олардың қатарында 2 курс магистранты Әсел Баймаханова бар. Қазір Әсел АҚШ-тың Монтана штаты, Бозмен қаласындағы Montana мемлекеттік университетінде білімін шыңдауда. Жуырда Әселмен хабарласып, ол жақтағы оқу барысы, ерекшелігі туралы сөз қозғадық.
<img src="https://kyzylorda-news.kz/wp-content/uploads/2021/10/03.jpg" alt="" />
– Әсел, АҚШ-қа 6 апталық тәжірибе алмасуға аттандыңыз.&nbsp;Шетелде оқимын деген мақсат қалай туындады?
– Бала кезден-ақ, шетелде оқысам білімім екі еселенеді деген сенім болды. Он жыл бұрын менде мүмкіндік болғанымен, отбасылық жағдайыма байланысты бара алмадым. Сол арманым биыл орындалды. Шетелде оқудағы мақсатым – елдегі біліммен салыстыра отырып, кәсіби деңгейде даму, шәкірттеріме әлемдік деңгейдегі білім дағдыларын үйрету.
Бұл елде ағылшын тілін білу деңгейім артты. Мұнда ерекше балаларға білім беру тәсілдерін меңгеріп жатырмыз. Елімізде денсаулық жағдайы, өзіндік ерекшелігіне байланысты үйден оқитын оқушыларды мектепке апару, қоғамға үйрету жұмыстары жүргізілуде. Бұл жұмыстардың өзіндік күрделі тұстары жетерлік. Сондықтан білімімді жетілдіре отырып, мұндай мәселелерді шешу жолдары, білім беру жүйесінің артықшылықтары туралы зерттеу жүргізудемін.
– Қазір жастардың көбі шет елге шығуды армандайды. Жастардың шет елде оқуға деген ерекше ұмтылысы туралы не айтасыз?
– Жастардың шетелде оқуға құштарлығы қуантады. Шетелде оқу арқылы ең алдымен ұлттық құндылықтарды бағалап үйренеді. Білім беру жүйесін салыстырып, тұлғалық тұрғыда дамуға оң әсер етеді. Бір Американың өзінде&nbsp;30 елдің адамымен кездесуге болады. Әр елдің сабақ беру методикасын көру арқылы көп жаңашылдықты үйренесің. Бір аптадан бері «public speaking», яғни, &nbsp;халық алдында сөйлеуді үйреніп жатырмыз. Негізі мұндағы жүйенің біздің оқу бағдарламасымен ұқсас тұстары бар, бірақ қосымша үйренетін дүниелер де аз емес.
<img src="https://kyzylorda-news.kz/wp-content/uploads/2021/10/02.jpg" alt="" />
– Білім жетілдіру барысында қандай жаңа мақсаттар туындады?
– Алдағы уақытта балаларымның ой-өрісі, дүниетанымдарының кең болуы үшін ата-ана ретінде қолымнан келгенін жасағым келеді. Шет елде жүріп, қаншама дарынды жастарды көрдім. Олардың көздерінен оқу-білімге деген ерекше құлшынысты көруге болады. Біз АҚШ, Жапония сияқты дамыған елдердің қатарына қосылу үшін кейінгі ұрпақ білімді болу керек.
АҚШ-та алған білімімді елдің дамуы үшін жұмсасам деймін.
– Әсел енді туған жеріңіз, өскен ортаңыз, отбасыңыз туралы айтсаңыз…
– Жалағаш ауданы, Бұқарбай батыр ауылында мұғалімдер отбасында тәрбиелендім. Әкем физика пәнінің мұғалімі, мектеп директоры болған кісі. Менде әкемнен үлгі алып, ұстаздық жолды таңдадым. Он жылдан бері мұғалім болып қызмет етіп келемін. Сондай-ақ, төрт баланың анасымын.
– Жастарға қандай кеңес бересіз?
– Қазіргі заман білімділер заманы. Виза алғаннан кейін мен не көрдім? Ірі компанияларды жұмыс жасайтын, шет елге саяхатқа шыққан жастардың көптігін байқадым.&nbsp; Жай ғана жанкүйер ретінде футбол командасының кезекті ойынын көру үшін шет елге атанған жас отбасыларды көрдім. Ата-анасымен ел көруге аттанғандар қаншама?! Мен оларды көріп қанаттандым. Қанша жерден бай болсаң да, білімің болмаса биікке шыға алмайсың. Болашақ тек білімді жастардың қолында.
Сұқбаттасқан Назерке Шарападдин

Әсел Баймаханова: Жастар шетелде оқу арқылы ұлттық құндылықтарды бағалап үйренеді

<a href="https://kyzylorda-news.kz/ru/obshestvo/">Kyzylorda-news.kz</a>. Шиелі аудандық санитариялық-эпидемиологиялық бақылау басқармасы мен Шиелі ауданаралық ауруханасының қызметкерлері бірлесіп Шиелі кентінде орналасқан халыққа қызмет көрсету орындарында санитарлық-ағарту жұмыстарын жүргізді.
Медицина мамандары сауда орындары, фото-салон, мейрамхана, дәріхана, шаштараз, сұлулық салондарына барып, кәсіпкерлермен кездесті. Олар халық арасында СОVID-19 вирусының алдын алуда вакцинацияның тиімділігі туралы түсіндірме жұмыстарын жүргізе отырып, санитарлық-ағарту шарасын ұйымдастырды.
Мамандар кенттегі «Үміт 2» дүкені, «Вива» салоны, «Белес» кафесі, «Лайм» кафесін аралады. Аталған кәсіпкерлік нысандардағы қызметшілердің барлығы короновирусқа қарсы вакцина қабылдап, олардың екпе алғандығы жөнінде төлқұжаттары бары анықталды.
<img src="https://kyzylorda-news.kz/wp-content/uploads/2021/10/245037908_1174365113093946_3000942773620535654_n.jpg" alt="" />
<img src="https://kyzylorda-news.kz/wp-content/uploads/2021/10/245119174_1174365153093942_1106339438867238203_n.jpg" alt="" />

Вакцина &#8211; індеттен қорғайды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында 10 қазаннан бастап жылу беру маусымы басталды. Қалада 743 тұрғын үй орталықтандырылған жылу желісіне қосылған. Ал 40-тан астам көпқабатты тұрғын үйге жылу желілерінің ақауына байланысты жөндеу жұмыстары жүргізілуде. Бұл жөнінде Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев мәлімдеді.
<blockquote>
 «Қала және аудан әкімдері бюжеттік бағдарламаның мәліметіне сәйкес күнделікті мониторинг жүргізуде. Жалпы қаладағы 46 көпқабатты тұрғын үй жылу желілеріне қосылмады. Қазіргі таңда ол тұрғын үйлерде дайындық жұмыстары жүріп жатыр. Бүгінде «Қызылорда жылу электр орталығы» мен «Қызылорда тазалық мекемесімен» бірге тиісті жұмыстар жалғасып жатыр. Әлеуметтік нысандарға келетін болсақ, орталықтандырылған жылу желісіне қосылған 143 әлеуметтік нысанның 61 жылумен қамтамасыз етілді. Ал облыс көлемінде әлеуметтік нысандарға отын қорынан 33 мың тонна көмір мен 25 мың дизель отыны қажет. Бұл бағытта қажетті отын көлемін жеткізуші мекемелермен келісім шарт жасалған. Қажетті отын көлемі кезең-кезеңімен жеткізілуде. Ал көмір көлемінің 140 мың тоннасы қажет болса, оның 73 пайызы жеткізілді», – деді Ерлан Жаңабаев.
</blockquote>
Өңірде 30 кәсіпорын мекемесі көмір отынын сатумен айналысады. Тұрғындарды уақытылы көмірмен және қатты отынмен қамтамасыз ету мақсатында тиісті шаралар қолға алынды. Тиісінше көмір сатушы кәсіпорындармен 19 екі жақты меморандум жасалынған.
<blockquote>
 «Тұрғындар арасында жоғары сұранысқа ие Шұбаркөл көміріне ең төменгі баға 14 400 теңге белгіленген болса, ең жоғары баға 18 000 теңге Қазалы және Қармақшы аудандарында анықталып отыр. Сондай-ақ, көмірді тауар биржаларында сатып алуға болады. Әр биржаның өз талаптары бар. Бұл жөнінде өңірлік операторларға тиісті түсіндірмелер берілді. Биылғы жылы жылу беру маусымы кезінде әлеуметтік-мәдени, білім, денсаулық сақтау нысандарына 140 мың тонна қатты отынның қажеттілігі жоспарланған», – деді облыстық кәсіпкерлік және туризм басқармасының басшысы Фердоуси Қожабергенов.
</blockquote>

Ерлан Жаңабаев: 46 көпқабатты тұрғын үй жылу желілеріне қосылмады

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1435 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz</a>.
Өңірлер бойынша:
Нұр-Сұлтан қаласы – 25,
Алматы қаласы – 280,
Шымкент қаласы – 17,
Ақмола облысы – 72,
Ақтөбе облысы – 120,
Алматы облысы – 79,
Атырау облысы – 51,
Шығыс Қазақстан облысы – 172,
Жамбыл облысы – 15,
Батыс Қазақстан облысы – 19,
Қарағанды облысы – 171,
Қостанай облысы – 20,
Қызылорда облысы – 39,
Маңғыстау облысы – 7,
Павлодар облысы – 213,
Солтүстік Қазақстан облысы – 30,
Түркістан облысы – 105.
Жалпы, пандемия басталғалы елімізде коронавирус 907 140 адамнан анықталса, соның ішінде 848 891 науқас жазылып шықты.

Қазақстан және Қызылорда облысының жаңалықтары

Аралда халық санағының орындалу көрсеткіші төмен

Қызылорда: Ғылыми орталық ғалымдары 300-ге жуық ғылыми еңбек жариялады

Пандемия уақытында суицид саны азайған

Қызылордада 9 айда 160 мыңнан астам әкімшілік құқықбұзушылық тіркелген

Қызылордаға «Pfizer» вакцинасы IV тоқсанда келеді деп жоспарлануда

Қызылордалық Рахат Бекболат ауыр атлетикадан әлем чемпионы атанды

Асхат Аймағамбетов мектептерде қандай өзгерістер болатынын айтты

Қазалыда бу қазандығы жарылған мектепте оқу процесі тоқтамайды

Әсел Баймаханова: Жастар шетелде оқу арқылы ұлттық құндылықтарды бағалап үйренеді

Вакцина – індеттен қорғайды

Ерлан Жаңабаев: 46 көпқабатты тұрғын үй жылу желілеріне қосылмады

Қызылордада 39 адам коронавирустан жазылды

Қазақстан және Қызылорда облысының жаңалықтары

Аралда халық санағының орындалу көрсеткіші төмен

Қызылорда: Ғылыми орталық ғалымдары 300-ге жуық ғылыми еңбек жариялады

Пандемия уақытында суицид саны азайған

Қызылордада 9 айда 160 мыңнан астам әкімшілік құқықбұзушылық тіркелген

Қызылордаға «Pfizer» вакцинасы IV тоқсанда келеді деп жоспарлануда

Қызылордалық Рахат Бекболат ауыр атлетикадан әлем чемпионы атанды

Асхат Аймағамбетов мектептерде қандай өзгерістер болатынын айтты

Қазалыда бу қазандығы жарылған мектепте оқу процесі тоқтамайды

Әсел Баймаханова: Жастар шетелде оқу арқылы ұлттық құндылықтарды бағалап үйренеді

Вакцина &#8211; індеттен қорғайды

Ерлан Жаңабаев: 46 көпқабатты тұрғын үй жылу желілеріне қосылмады

Қызылордада 39 адам коронавирустан жазылды

Вакцина – індеттен қорғайды