<a href="https://kyzylorda-news.kz/">Kyzylorda-news.kz.</a> Бүгін Достық үйінде ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ұйымдастыруымен ауыл шаруашылығы саласындағы туындайтын сыбайлас жемқорлық мәселелерін талқылауға бағытталған дөңгелек үстел өтті.
Кездесуге ҚР Сыбайлас жемқорлыққа қарсы іс-қимыл агентігі Қызылорда облысы бойынша департаменті басшысының бірінші орынбасары Әлімқұлова Ғалия Ұбайдуллақызы және Превенция басқармасының басшысы Нұржан Оспанов, Қызылорда облысы әкімінің орынбасары Бақыт Жаханов, Қызылорда облыстық кәсіпкерлер палатасы директорының міндетін атқарушы Салават Құлмахан, Қызылорда облысының ауыл шаруашылық басқармасы басшысы Талғат Дүйсебаев мен бөлім басшылары, қоғам өкілдері мен кәсіпкерлер қатысты.
Кездесудің басты мақсаты – Қызылорда облысының ауыл шаруашылығы басқармасына қарайтын мекемелер мен ұйымдардың бюджет қаржысын игеруі, ауыл шаруашылығы өндірушілерін субсидиялау барысындағы орын алған кемшіліктер бойынша пікір алмасу болды.
Сонымен бірге Сырдария өзені деңгейінің төмен түсуі салдары, мал азығының қымбаттауы мен жер мәселесі бойынша туындайтын бірқатар қиындықтарға қарсы атқарылып жатқан жұмыстар талқыланды.
Жиын сонында, өңірдегі ауыл шаруашылығы саласында жемқорлықтың алдын алуға бағытталған кешенді жұмыстарды жетілдіру бойынша бірқатар ұсыныстар айтылып, мемлекеттік сатып алу бағытында кемшіліктердің азаюына, бірлесе жұмыс жасауға бастамашылық білдірілді.

Қызылордада ауыл шаруашылығы саласындағы сыбайлас жемқорлық тәуекелдері талданды

<a href="https://kyzylorda-news.kz/">Kyzylorda-news.kz.</a> Бүгін Мәжіліс депутаттары биологиялық қауіпсіздік туралы заң жобасын екінші оқылымда мақұлдады, деп хабарлайды «Хабар 24».
Құжатта дезинфекция, дезинсекция сынды қызмет түрін лицензиялау, биологиялық агенттермен жұмыс жүргізу кезінде қойылатын талаптар бекітілген. Сондай-ақ енді патогенді биоагенттер сақталатын ғимараттар стратегиялық маңызы бар нысандар қатарына жатқызылады. Жаңа заң биологиялық қауіп-қатер туындағанда, дәрі-дәрмектерді мемлекеттік тіркеуден өткізу мерзімін қысқартуға мүмкіндік береді.
<blockquote>
 «Қазақстанда бұрыннан түрлі аурулардың ошақтары бар. Оба, чума, безгек, сібір ауралары бар ғой. Отпен, сумен, ауамен келетін, тауарлармен келетін, жануарлардың қозғалысынан келетін қауіп-қатерлер. Соларды жұқтырмау үшін, болдырмау үшін осы қауіпсіздікті қамтамасыз ету үшін қабылданып отыр», – дейді ҚР Парламенті Мәжілісінің депутаты Дархан Мыңбай.
</blockquote>

Биоқауіпсіздік туралы заң жобасы мақұлданды

<a href="https://kyzylorda-news.kz/">Kyzylorda-news.kz.</a>&nbsp;Қазгидромет Қазақстан бойынша 2022 жылдың 31 наурызы – 2 сәуіріне арналған ауа райы болжамын жариялады.
Еліміздің солтүстік аймақтарында, нағыз қысқы ауа райын алып келген циклонның артынан, Батыс антициклоны жылжи бастайды. Онымен республиканың шеткі батыс және солтүстік өңірлерін қоспағанда, жауын-шашын тоқтайтын болады. Сондай-ақ келетін антициклон еліміздің барлық аумағында ауа температурасының көтерілуіне әкеледі, бұл қазақстандықтарға нағыз көктемді сезінуге мүмкіндік береді. Күндіз батыста термометрлер +10 +20 градусқа дейін, солтүстік пен шығыста +5 +13 градусқа дейін, ал оңтүстікте +15 +23 градусқа дейін жетеді.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы бойынша 134 646 мың тұрғыны медициналық көмекті толыққанды алу мүмкіндігінен айырылып отыр. Бүгінде МӘМС жүйесінде 650 322 мың адам немесе халықтың 80,6 % сақтандырылған (өңір халқы – 806 967 мың адам). Бұл туралы облыс әкімінің орынбасары Балжан Шәменованың төрағалығымен өткен МӘМС мәселелері жөніндегі өңірлік штаб отырысында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.
Филиал директорының айтуынша, биыл халықты МӘМС жүйесімен қамту бойынша Жол картасы бекітілді. Алайда қала мен аудан әкімдіктерінің тұрғындарды медициналық сақтандыру мәртебесіне өткізу бойынша атқарып жатқан жұмыстары көңіл көншітпейді.
<blockquote>
 «Сақтандырылмаған азаматтар үлесінің 93,1% – ында соңғы 12 айда төлем жасамағандар және жалдамалы жұмысшылар, азаматтық-құқықтық сипаттағы шарттар бойынша еңбек ететін қызметкерлер, сондай-ақ жеке кәсіпкерлер. Осыған байланысты, әкімдіктер, жұмыспен қамту және әлеуметтік бағдарламалар бөлімдері, өңірдегі мемлекеттік кірістер департаменті МӘМС үшін жарналарды уақтылы және тұрақты төлеудің маңыздылығы туралы түсіндіру жұмыстарын күшейтуі қажет», – деп атап өтті Бақыт Исмаханбетов.
</blockquote>
Жиында МӘМС аударымдар мен жарналарын уақытылы төлемей отырған мекемелер туралы да айтылды. Соның ішінде мемлекеттік мекемелер, мектептер мен балабақшалар кездесуде.
Тағы бір, өзекті мәселе – медициналық қызметтер сапасының төмендігі. Көбінесе тұрғындар медициналық көмектің сапасыздығына, медициналық көмек көрсетуден бас тартуға, медициналық көмекті ұзақ күтуге, тағы басқа мәселелерге шағымданады.
<blockquote>
 «Аймақта тар буынды дәрігерлер тапшы: проктолог, маммолог, балалар невропатологы, аллерголог. Сондай-ақ жоғары-технологиялық құрылғылар, яғни КТ, МРТ. Бұл халықтың медициналық көмекке қол жеткізуіне кедергі келтіреді», – деді ӘМСҚ филиалының директоры.
</blockquote>
Жиынды қорытындылаған облыс әкімінің орынбасары Балжан Шәменова медицина қызметкерлерін оқытуды тұрақты жүргізуді, халыққа консультациялық-диагностикалық, стационарлық қызметтердің уақытылы көрсетілуін қатаң бақылауға алуды, халық арасында және БАҚ және әлеуметтік желілерде &nbsp;ақпараттық-түсіндіру жұмыстарын күшейтуді және қала және аудан әкімдіктеріне «МӘМС жүйесіне тарту» ақпараттық – насихаттық тобын құру, белсенді емес халықты бірынғай жиынтық төлемнің пайдалы жақтарын түсіндіруді тапсырды. Осыған қосымша, мемлекеттік және бюджеттік мекемелердің қызметкерлеріне уақытылы МӘМС аударымдары мен жарналарын төлетуді тиісті басқармаларға тапсырмалар берді.
МӘМС пациенттердің құқықтарын қорғауға және тұрғындардың денсаулығын сақтауға бағытталған әлеуметтік жүйе екені баса айтылды.
<img src="https://kyzylorda-news.kz/wp-content/uploads/2022/03/whatsapp-image-2022-03-30-at-11.26.41.jpeg" alt="" />
<img src="https://kyzylorda-news.kz/wp-content/uploads/2022/03/whatsapp-image-2022-03-30-at-11.26.42.jpeg" alt="" />

МӘМС: Қызылордалықтардың 20 пайызы сақтандырылмаған

<a href="https://kyzylorda-news.kz/">Kyzylorda-news.kz.</a> Қызылорда қаласындағы Достық үйінде облыстық медиаторлар кеңесінің отырысы өтті.
«Медиацияны халық арасында ілгерілету: өзекті мәселелері мен шешу жолдары» тақырыбында өрбіген отырысқа қалалық ардагерлер кеңесі, медиация ұйымдары, оқу орындарынан құқытану саласының мамандары, ЭМБ жетекшілері мен белсенділері, қоғамдық медиаторлар қатысты.
Отырыс модераторы «Қоғамдық келісім» мекемесінің директоры Болатбек Айтбенбетов шараның негізгі мақсатына тоқталды. Өңірдегі медиация саласына қатысты туындаған өзекті мәселелерді талқылау, ауқымдылығына қарай шешімін қарастыру, түйіні шешуге келмесе жоғары лауазымды тұлғалар мен мемлекеттік органдарға жеткізу керектігін айтып өтті.
Облыстық ҚХА жанындағы Медиация кабинетінің жетекшісі Шахизат Абдраманова 2021 жылы атқарылған жұмыстарға тоқталды. Облыстық медиаторлар кеңесінің төрайымы Ләззат Бақтыбаева өңірдегі медиация бағытындағы атқарылып жатқан ауқымды шараларды атап өтті. Ал Ж.Нұрманов атындағы № 198 аралас мектеп-лицейінің директоры, кәсіби медиатор Анжела Садыкбекова балалар жылы аясында мектептердегі медиация институтын дамытуды, облыс көлемінде этносаясатты жүзеге асыру бойынша туындаған даулы мәселелерді сотқа дейін шешу, өңірдегі қоғамдық және кәсіби медиаторлардың этномедиация дауларын шешудегі рөлін арттыру жайлы сөз қозғады. Медиацияны ілгерлету бағытында өзге де хабарламалар тыңдалды.
Келелі басқосуда ұйымдастырушылар тарапынан Құқықтану мамандығы бойынша білім алушы жастарға медиация пәні бойынша оқу орнынан тыс кездесулер немесе дәрістер ұйымдастыру туралы ұсыныс айтылды.
ҚХА қызметінің аясында медиация институтын дамыту арқылы қоғамдық келісімді қамтамасыз ету мақсатында өткізілген отырыста қатысушылар ойларын ортаға салып, пікірлерімен бөлісті.

Медиация саласына тың серпіліс қажет

<a href="https://kyzylorda-news.kz/">Kyzylorda-news.kz.</a> Қызылорда облысының аумағында балық уылдырық шашатын кезеңде браконьерліктің жолын кесу мақсатында «Уылдырық-2022» жедел-профилактикалық іс-шарасы өткізіледі.
Қызылорда облысы полиция департаментінің қызметкерлері облыстық орман шаруашылығы және жануарлар дүниесі аумақтық инспекциясы, Арал-Сырдария облысаралық бассейндік балық шаруашылығы инспекциясының қызметкерлерімен бірлесіп, жедел-профилактикалық іс-шаралар кешенін өткізуді жоспарлауда.
<blockquote>
 «Рейдтік іс-шаралар 1 сәуір – 31 мамыр аралығында Сырдария өзенінде, 20 сәуір – 10 маусым аралығында барлық су айдындарында, сондай-ақ 1 мамыр – 10 маусым аралығында Кіші Арал теңізінде өткізіледі», – делінген полиция департаментінің хабарламасында.
</blockquote>

1 сәуірде Қызылорда облысында «Уылдырық-2022» алдын алу шарасы басталады

<a href="https://kyzylorda-news.kz/">Kyzylorda-news.kz.</a> Қызылорда қаласында 25 наурыздан бері 17 жастағы жасөспірім қыздың іздестіріліп жатқанын <a href="https://kyzylorda-news.kz/kogam/qyzylordada-17-zhastaghy-qyz-bir-aptadan-beri-izdestirilip-zhatyr-146207/">хабарлаған</a> едік.
Ол белгісіз бағытқа шығып, қайта оралмағандығы жөнінде 25 наурыз &nbsp;хабарлама тіркеліп, полиция қызметкерлері мен туыстары бірігіп, іздестіру жұмыстарын жүргізген болатын. Нәтижесінде жасөспірім Алматы қаласынан табылды.
<blockquote>
 ​«Наурыз айының 25 жұлдызынан бастап іздеуде болған жасөспірім қыз 28 наурыз күні&nbsp; Алматы қаласынан табылды.&nbsp;Ол Қызылорда қалалық полиция басқармасы қызметкерлерімен Қызылорда қаласына аман-есен жеткізіліп, ата-анасына табысталды. Полиция қызметкерлері жасөспіріммен және оның ата-анасымен профилактикалық бағытта түсіндірме жұмыстары жүргізілді», – делінген полиция департаментінің хабарламасында.&nbsp;
</blockquote>
​Қызылорда қаласының полицейлері барлық ата-аналарға балаларына үйден үлкендердің рұқсатынсыз шықпау керектігін, оларды бақылауда ұстау керектігін ескертеді. Сонымен қатар жасөспірімдердің өтпелі кезеңінде дос ретінде сөйлесуге кеңес береді.

Қызылордада жоғалған қыз Алматыдан табылды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Гүлшара Әбдіқалықова Біріккен Ұлттар Ұйымының Даму Бағдарламасының (БҰҰДБ) Қазақстандағы Тұрақты өкілі Якуп Бериш және оның орынбасары Виталий Времишпен кездесіп, ұйымның бірқатар жобасын Сыр өңірінде жүзеге асыру барысын талқылады.
Кездесуде аймақ басшысы БҰҰДБ өкілдеріне көпжылдық тиімді әріптестік үшін алғыс білдіріп, өңірдегі өзекті мәселелерді тізбектеді.
<blockquote>
 «Әлеуметтік-экономикалық даму, жұмыспен қамту, халықтың әл-ауқаты мен өмір сүру деңгейінің өсуі, экология, қоғамдық-саяси ахуал мәселелері біз үшін әрқашан өзекті. Облыстық деңгейде біздің ерекшеліктерімізді ескере отырып, біз жаңа жұмыс орындарын құру бойынша қосымша шаралар қабылдаймыз. Дегенмен, жұмыспен қамту мәселелері бізде әрқашан басым мәселелердің қатарында», – деді аймақ басшысы.
</blockquote>
Сондай-ақ, облыс әкімі білім саласын жетілдіру, өңірде экологиялық проблемалар, оның ішінде су тапшылығын алдын алу мәселелері бойынша атқарылған жұмыстарды атап өтті.
Жиында Якуп Бериш жоба ретінде аймақта жүргізілген жылдам кешенді бағалау нәтижелерін таныстырды және Тұрақты даму мақсаттарына қол жеткізу бағытында бірлескен іс-шаралар жоспарын әзірлеу туралы ұсыныс айтты.
Ұйым өкілдері Сыр өңірінде әлеуметтік мәселелерді оңтайлы шешуге бағытталған бірлескен жобаларды, оның ішінде жұмыссыз жастарды қолдау, «жасыл» бизнесті дамыту және әйелдердің экономикалық құқықтары мен мүмкіндіктерін кеңейту бастамаларын ұсынып, қолдау сұрады.
Кездесу соңында аймақ басшысы БҰҰДБ өкілдеріне тиімді әріптестік аясын одан әрі кеңейтіп, нығайтуға мүдделі екенін жеткізді.
Айта кетейік, БҰҰДБ Қазақстандағы тұрақты өкілі Якуп Бериштің Қызылорда облысына жұмыс сапары аясында «Стокгольм+50» ұлттық диалогын іске қосу жөніндегі семинар ұйымдастырды. Іс-шараға жергілікті атқарушы органдардың, үкіметтік емес ұйымдардың, жастар бастамаларының, жоғары оқу орындарының өкілдері қатысты.
<img src="https://kyzylorda-news.kz/wp-content/uploads/2022/03/277437340_271557948498790_6114123624213835774_n.jpg" alt="" />

Гүлшара Әбдіқалықова Якуп Беришпен кездесті

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов Қамбаш көлінің жағасына барып, қалыптасқан жағдайды көрді.
Наурыз айының 28-нен 29-на қараған түні желдің 15-30 м/с жылдамдықпен ұйытқып соғуынан Қамбаш көліндегі мұз көтеріліп, жағадан 50 метрге дейін жылжып кетті.
Салдарынан Аққұмшық жағажайындағы жаяу жүргіншілер жолы, жарық бағаналары мен кәсіпкерлік бағыттағы 4 демалыс нысанының қабырғалары зақымданды. Мұнымен бірге бірнеше демалыс орындарының төбе жабындылары да ұшқан.
Атап өту қажет, жағажайдағы кәсіпкерлік нысандардың көпшілігі тек жазғы маусымдағы демалысқа лайықтап салынған орындар.
Аудан әкімімен кездескен бірқатар кәсіпкерлер табиғаттың тосын мінезінен болған жағдайға түсіністікпен қарайтындықтарын білдіріп, алдағы жаз маусымына дайындық жұмыстарын жүргізетіндіктерін жеткізді.
Аудан басшысы жауаптыларға тиісті азаматтармен бірлесіп, қажетті шаралар қабылдауды тапсырды.
<img src="https://kyzylorda-news.kz/wp-content/uploads/2022/03/277665152_3229130664081964_6571417591181844850_n.jpg" alt="" />
<img src="https://kyzylorda-news.kz/wp-content/uploads/2022/03/277681889_3229130690748628_7555802668467366418_n.jpg" alt="" />

Серік Сермағанбетов Қамбаш көліне барды

<a href="https://kyzylorda-news.kz/">Kyzylorda-news.kz.</a> Наурыз айының 28-нен 29-на қараған түні 15-30м/с желдің ұйытқуы салдарынан Қамбаш көлінің мұзы көтеріліп, жағадан 25-30 метр жылжыған.
Осыдан кейін Аққұмшық жағажайдағы 6 кәсіпкерлік бағыттағы демалыс нысандарына түрлі деңгейде залал келтірілді. Сондай-ақ, жағажайда орналасқан 4 түнгі жарық шамдарының бағаналары зақымданды.
Айта кетейік, жағажай жаз маусымында жұмыс жасайтындықтан мұнда адамдар болмаған. Бүгінгі күні аталған жағдайға байланысты төтенше жағдай мамандары оқиғаның мән-жайын анықтауда.
<img src="https://kyzylorda-news.kz/wp-content/uploads/2022/03/5094c420-b385-4afe-a05c-88b6bd665f02.jpg" alt="" />
<img src="https://kyzylorda-news.kz/wp-content/uploads/2022/03/78e35cd2-428b-4229-8075-25ea8795b6a4.jpg" alt="" />
<img src="https://kyzylorda-news.kz/wp-content/uploads/2022/03/8fe97b16-a7e6-444e-ae9b-b696ac7f7336.jpg" alt="" />
<img src="https://kyzylorda-news.kz/wp-content/uploads/2022/03/e2ee2f86-0802-41bf-a428-ef2b26c512b4.jpg" alt="" />

Қамбаш көліндегі мұз кәсіпкерлік нысандарға зақым келтірді

<a href="https://kyzylorda-news.kz/">Kyzylorda-news.kz.</a> 30 наурызда Қазақстанның солтүстігі, шығысы мен орталығы бұрынғысынша солтүстік-батыс циклонының ықпалында болады. Осыған байланысты ел аумағында мол жаңбыр мен қар жауады, деп хабарлайды Қазгидромет.
Түнде елдің оңтүстік-шығысында және шығысында қатты жауын-шашын жауады.
Батыс және оңтүстік өңірлерге антициклон әсер етеді, сондықтан мұнда жауын-шашын жаумайды.
Қазақстан бойынша тұман, көктайғақ болады, жел күшейеді. Солтүстікте, шығыста, орталықта бұрқасын, оңтүстік-батыста шаңды дауыл соғады.
Қызылорда облысының солтүстігінде, орталығында жел 15-20 м/с күшейеді.

Сәрсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстан Республикасының мемлекеттік қызмет жүйесі қалыптасқаннан бері мемлекеттік қызметшілердің кәсібилігімен қатар, олардың әдептілігі маңызды, себебі әдептілік мемлекеттік қызметтің басты ұстанымдарының бірі.
Мемлекет басшысы Қасым-Жомарт Тоқаевтың 2022 жылғы 11 қаңдардағы Парламент мәжілісінің отырысында сөйлеген сөзінде мемлекеттік аппараттың жұмысына жаңаша көзқарас қажет екенін және мемлекеттік қызмет жүйесі іс жүзінде сервистік сипат алып, клиентке бағдарлану үшін түбегейлі өзгерісті талап ететінін атап өтті.
Мемлекеттік басқаруды жаңаша ұйымдастыру – Жаңа Қазақстанды қалыптастыру жолындағы басты фактор.
Осыған байланысты қоғамның мемлекеттік органдарға деген сенім деңгейін арттырып, халықпен кері байланысты жақсарту, адамға бағдарланған мемлекеттік басқарудың жаңа моделін қалыптастыру бағытында ағымдағы жылдың 22 ақпанында Қазақстан Республикасы Президентінің №814 Жарлығына сәйкес мемлекеттік қызметшілердің Әдеп кодексінің жаңа редакциясы бекітілді.
Бұл Кодекс қоғамның мемлекеттік органдарға деген сенімін нығайтуға, мемлекеттік қызметте өзара қарым-қатынастың жоғары мәдениетін қалыптастыруға, сондай-ақ мемлекеттік қызметшілердің әдепсіз мінез-құлық жағдайларының алдын алуға бағытталған.
Кодекстің жаңа редакциясында «Мемлекеттік қызметтің әдептік қағидаттары» деп аталатын тарау енгізіліп отыр. Осыған сәйкес, мемлекеттік қызметшілердің қызметтік әдебі алты қағидатқа, яғни адал ниеттілік, адалдық, әділдік, ашықтық, сыпайылық, клиентке бағдарлану деген қағидаттарға негізделген.
Сонымен қатар, жаңа Әдеп кодексінде мемлекеттік қызметтің әдептік қағидаттары мен мемлекеттік қвзметшілердің қызметтік әдебінің стандарттары бекітіліп, оны насихаттау мен бұзушылықтардың профилактикасында Әдеп жөніндегі кеңестің және Әдеп жөніндегі уәкілдердің рөлінің маңыздылығы артты.
Өткен жылы Қазақстан Республикасының Мемлекеттік қызмет істері агенттігінің Қызылорда облысындағы Әдеп жөніндегі кеңесінің12 отырысы өткізіліп, 61 мәселе күн тәртібіне шығарылды. Қаралған мәселелердің 19-ы тәртіптік іс болса, 42-сі мемлекеттік қызмет және сыбайлас жемқорлыққа қарсы іс-қимыл туралы заңнамалары, Әдеп кодексі бұзушылықтарының профилактикасына бағытталды.
Кеңесте қаралған тәртіптік істер нәтижесімен 10 мемлекеттік қызметші тәртіптік жазаға тартылды. Тәртіптік жауапкершіліктерге тартылған 10 мемлекеттік қызметшінің 5-уі Әдеп кодексі талаптарын бұзғаны үшін тәртіптік жазаға тартылса, мемлекеттік қызметке кір келтіретін тәртіптік теріс қылықтарға жол бергені үшін 5 мемлекеттік қызметшінің 3-не қызметіне толық сәйкес еместігі туралы ескерту, 2-не атқаратын қызметінен босату түріндегі тәртіптік жазалар қолданылды.
Тәртіптік жазаға тартылғандар арасында 1 облыстық департамент басшысының орынбасары, 6 кент және ауыл округ әкімдері, 2 аудандық дербес бөлім басшысы, 1 бас маман бар.
Әдеп жөніндегі кеңестің қарауына түскен тәртіптік істер мен шалыс басып тәртіптік шара көрілген қызметкерлердің де саны 2020 жылмен салыстырғанда едәуір азайып отыр. 2020 жылыкеңесте 43 тәртіптік іс қаралып, 31 мемлекеттік қызметшіге тәртіптік жаза қолданылған болатын.
Мемлекеттік қызметшілердің құқықтық сауаттылығын арттыру бағытындағы жүргізілген кешенді профилактикалық шаралар нәтижесінде Әдеп жөніндегі кеңесте қаралған тәртіптік істердің саны 2020 жылмен салыстырғанда 2,3 есеге, тәртіптік жазаға тартылғандардың саны 3 есегедейін азаюына септігін тигізді.
Мемлекеттік қызметшілердің жұмысына баға беретін халық. Сондықтан әрбір мемлекеттік қызметші, ең әуелі халыққа қызмет ететінін естен шығармай, өздері қабылдайтын шешімдердің заңдылығын, әділдігін қамтамасыз етуге, қызмет барысында әдептілік нормаларын қатаң сақтауды, өзінің іс-әрекеттерімен қоғам тарапынан сынға ұшырамауды, мемлекеттік қызметтің беделіне нұқсан келтірмеу керектігін назардан шығармауы тиіс.
Берікбол БАЙХОЖАЕВ,
Қазақстан Республикасының Мемлекеттік қызмет істері агенттігінің Қызылорда облысы бойынша департаменті басшысының орынбасары

Қазақстан және Қызылорда облысының жаңалықтары

Қызылордада ауыл шаруашылығы саласындағы сыбайлас жемқорлық тәуекелдері талданды

Биоқауіпсіздік туралы заң жобасы мақұлданды

Алдағы үш күнге арналған ауа райы болжамы

МӘМС: Қызылордалықтардың 20 пайызы сақтандырылмаған

Медиация саласына тың серпіліс қажет

1 сәуірде Қызылорда облысында «Уылдырық-2022» алдын алу шарасы басталады

Қызылордада жоғалған қыз Алматыдан табылды

Гүлшара Әбдіқалықова Якуп Беришпен кездесті

Серік Сермағанбетов Қамбаш көліне барды

Қамбаш көліндегі мұз кәсіпкерлік нысандарға зақым келтірді

Сәрсенбі күнге арналған ауа райы болжамы

Берікбол Байхожаев: Әдептілік – мемлекеттік қызметтің ұстанымы

Қазақстан және Қызылорда облысының жаңалықтары

Қызылордада ауыл шаруашылығы саласындағы сыбайлас жемқорлық тәуекелдері талданды

Биоқауіпсіздік туралы заң жобасы мақұлданды

Алдағы үш күнге арналған ауа райы болжамы

МӘМС: Қызылордалықтардың 20 пайызы сақтандырылмаған

Медиация саласына тың серпіліс қажет

1 сәуірде Қызылорда облысында «Уылдырық-2022» алдын алу шарасы басталады

Қызылордада жоғалған қыз Алматыдан табылды

Гүлшара Әбдіқалықова Якуп Беришпен кездесті

Серік Сермағанбетов Қамбаш көліне барды

Қамбаш көліндегі мұз кәсіпкерлік нысандарға зақым келтірді

Сәрсенбі күнге арналған ауа райы болжамы

Берікбол Байхожаев: Әдептілік &#8211; мемлекеттік қызметтің ұстанымы

Берікбол Байхожаев: Әдептілік – мемлекеттік қызметтің ұстанымы