<a href="https://kyzylorda-news.kz/">Kyzylorda-news.kz.</a>&nbsp;Республиканың басым бөлігінде антициклонның әсерінен жауын-шашынсыз ауа райы күтіледі, деп хабарлайды Қазгидромет.
Тек елдің солтүстігі мен шығысында солтүстік-батыс циклонның әсерінен жауын-шашын болуы ықтимал. Қазақстан бойынша тұман, желдің күшеюі, солтүстікте, шығыста – бұрқасын, көктайғақ, оңтүстік-батыста – шаңды дауыл болжанып отыр.
Қызылорда облысында ауа температурасы +18 +20 градусты көрсетеді.

31 наурызға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Көктемде созылмалы аурулар күшейеді. Әсіресе, қыстан көктемге дейінгі өтпелі кезең жүрек-қан тамырлары аурулары бар адамдарға әсер етеді. Сондықтан аурыдын алдын-алу және күндізгі стационарда уақытылы емдеу маңызды. Қызылорда қаласындағы көпбейінді облыстық аурухананың күндізгі стационарында жыл сайын 500-ге жуық жүрек-қан тамырлары аурулары бар адамдар ем алады.
Махамбет ауылдық округінің тұрғыны Әлібай Сүлейменов дәрігерлердің тұрақты бақылауында. Науқаста созылмалы жүрек жеткіліксіздігі, артериялық гипертензия, жүректің ишемиялық ауруы бар. Жергілікті дәрігердің жолдамасымен бойынша жылда 2-3 рет облыстық аурухананың күндізгі стационарында емделуде.
<blockquote>
 «Мен «Қазсушар» кәсіпорнында механик болып жұмыс істеймін, 3-ші топтағы мүгедекпім. Маған бірнеше рет жүрекке ота жасалды, елордалық ауруханада электрокардиостимулятор орнатылды. Жыл сайын күндізгі стационарда емделемін. МӘМС жүйесінің арқасында медициналық қызметтердің толық көлемін аламын, дәрі-дәрмектерді де тегін беріледі. Айтпақшы, дәрі – дәрмек бағасын есептесек, ай сайын 20-30 мың теңге үнемдеймін», – дейді Әлібай Сүлейменов.
</blockquote>
Облыстық аурухананың кардиолог-дәрігері Бекзат Әлішеровтың айтуынша, стационарды алмастыратын көмек жоспарлы және шұғыл түрде көрсетіледі. Шұғыл көмек дәрігердің жолдамасынсыз көрсетіледі. Жоспарлы түрде науқастын күндізгі стационарға емделуге жолдама, зертханалық, аспаптық зерттеулердің нәтижелері, бейінді мамандардың кеңестері болуы тиіс.
Жыл басынан аймақтың медициналық ұйымдары күндізгі стационар жағдайында 33 642 жағдай бойынша ем-дом көрсетілді. Бұл мақсатқа Әлеуметтік медициналық сақтандыру қорынан 2,9 млрд.теңге бөлінді.

Сақтандыру қоры арқылы күндізгі стационарда тегін емделе аласыз

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы ЗК-169/1 тергеу изоляторына «Біз азаптауға қарсымыз» қоғамдық бірлестігінің басшысы Елена Семенова келді.
ҚР ІІМ ҚАЖ қылмыстық – атқару жүйесі комитеті арасында сотталғандардың бұзылған құқықтарын сақтау және қалпына келтіру саласында ынтымақтастық туралы меморандумға сәйкес аталған қоғамдық бірлестіктің өкілі қамаудағылар мен сотталғандардың мекемедегі ұсталу тәртібін бақылап, қабылдау жұмыстарын жүргізді.
Қабылдауға Қызылорда облыстық прокаратурасының үкімдерін орындау қадағалау басқармасының бастығы С.Ахметов, басқарма аға прокуроры М. Алмас, ҚАЖ департаменті бастыңының орынбасары әділет полковнигі М.Нәкенов және мекеме бастығығы, әділет подполковнигі А.Тасқараевтың қатысты.
Қоғамдық өкіл басшысының жеке қабылдау кезінде қамаудағылар тарапынан азаптау фактілері бойынша ешқандайда арыз-шағымдары болмады.
Арнайы келген бұл топ, олардың камерадағы ұсталу жағдайы мен тамақтануын өз көзімен көріп, мекеме тарапынан медициналық іс-шаралардың тиісті дәрежеде өткізіліп жатқанын көрді.
<blockquote>
 «Бүгінгі келген қоғамдық бірлестік басшысы мен құқық қорғаушылар тұттқындармен жеке әңгімелесіп, оларға мекеме тарапынан тиісті жағдайлардың жасалынып жатқанын көрді. Ешқандайда заң бұзушылықтың орын алмағандығынан хабардар болды», – деді мекеме бастығы, әділет подполковнигі 
 А.Тасқараев.
</blockquote>
<img src="https://kyzylorda-news.kz/wp-content/uploads/2022/03/5766918a-2117-4e05-aebd-1e079eda84cd.jpg" alt="" />

Қоғамдық бірлестіктің өкілі қамаудағылармен кездесті

<a href="https://kyzylorda-news.kz/">Kyzylorda-news.kz.</a> Әлеуметтік желілер мен мессенджерлерде экстремистік мазмұндағы материалдарды насихаттаған қызылордалық 3 жылға сотталды.
Қызылорда облысы Полиция департаментінің Экстремизмге қарсы іс-қимыл басқармасы мен Қазақстан Республикасы ҰҚК-нің Қызылорда облысы және Байқоңыр қаласы бойынша департаменті қызметкерлерімен бірлесіп, жүргізілген жедел-іздестіру іс-шаралары барысында Қазақстан Республикасының аумағында сотпен тыйым салынған Хизб-ут-Тахрир діни экстремистік партиясының жақтасы, Қызылорда облысының 40 жастағы тұрғыны әлеуметтік желілер мен мессенджерлерде өзімен сұхбаттасушыларға экстремистік мазмұндағы материалдарды жолдай отырып, насихаттағаны анықталды.
Күдіктінің іс-әрекеттерінде құқық бұзушылықтың белгілері байқалғандықтан, оған қатысты Қызылорда облысы ПД-мен Қазақстан Республикасы Қылмыстық кодексінің 405-бабының 1-бөлігімен (Қоғамдық немесе дiни бiрлестiкке не өзге де ұйымға қатысты олардың экстремизмдi немесе терроризмді жүзеге асыруына байланысты қызметiне тыйым салу немесе тарату туралы заңды күшiне енген сот шешiмi бола тұра, олардың қызметiн ұйымдастыру) тергеп-тексеру әрекеттері жүргізіліп, сотқа жолданған.
Сот үкімімен ол кінәлі деп танылып, оған үш жыл мерзімге бас бостандығынан айыру жазасы тағайындалды.

Әлеуметтік желілерде экстремизмді насихаттаған қызылордалық сотталды

<a href="https://kyzylorda-news.kz/">Kyzylorda-news.kz.</a> Редакцияға Қызылорда қаласының тұрғыны Шынжырхан Сүлейменовтен хат келді. Хатта қала тұрғыны шаһар тазалығына қатысты сын жазып, тұрғындарды сенбілікке шақырған.
<blockquote>
 «Әйтеке би көшесіндегі темір жол маңында орналасқан орталық қазақ бейітінің тазалығы сын көтермейді. Бейіт қалалық әкімдіктің меншігінде болғанымен тазалық жұмыстары жүргізілмейді. Біз қазақ халқы ата-баба аруағын қадірлеген халықпыз. Қасиетті Рамазан айының қарсаңында бейітті күтіп тазалаған үлкен сауап. Осы Ораза айының бірінші күні, яғни 02 сәуір күні 10-00 осы бейіт маңына сенбілікке шақырамын. Кәсіпкерлер автокөлік, техникалық құралдармен көмектессе деген өтінішім бар», – делінген редакцияға жолданған хатта.
</blockquote>
Байланыс телефоны 8 705 241 6730 Шынжырхан Сүлейменов.

Қызылорда қаласының тұрғыны бейіт маңына сенбілікке шақырды

<a href="https://kyzylorda-news.kz/">Kyzylorda-news.kz.</a> Бүгін өңірлік коммуникациялар алаңында клубтың директоры Жағыппар Жұмахметов пен бас бапкер Сұлтан Әбілдаев БАҚ өкілдерімен кездесіп, «Қайсардың» алдағы жоспарларымен бөлісті.
Клуб директоры Жағыппар Насрадинұлы биылғы маусымдағы команданың жаңалығы мен мақсатына тоқталды.
<blockquote>
 «Қайсар» футбол клубы биылғы біріншілікте жоғары мақсаттарды орындайды. Яғни команда Сыр жанкүйерлерін қуанту үшін алаңда тер төгеді. Премьер-лигаға қайта оралуға тыңғылықты дайындалдық. Үш оқу-жаттығу жиыны ұйымдастырылды. Оның екеуі Қызылорда қаласында өтсе, біреуі Түркия елінде жүргізілді. Жиын барысында 50-ге жуық футболшыны қаралымнан өткізіп, 25-ін іріктеп алдық. Жаңадан бапкерлік штаб бекітілді. Спорт директоры қызметіне Серік Сағындықов тағайындалса, бас бапкердің көмекшісі ретінде Марат Еслямов таңдалды. Екеуі де тәжірибелі мамандар. Сонымен қатар дене және қақпашылардың жаттықтырушысы болып жергілікті мамандар Қанат Алиев пен Артур Ким бекітілді», – деді клуб басшысы.
</blockquote>
Команда құрамын толықтырған жаңа футболшылардың әлеуеті мен біріншілік барысында қасқырлардың негізгі қарсыласы туралы бас бапкер Сұлтан Әбілдаев аз-кем тоқталды.
<blockquote>
 «Қызылорда қаласында ұйымдастырылған екі жиында жергілікті футболшыларға іріктеу жүргіздік. Өздерін жақсы көрсеткен 11 футболшыны таңдап алдық. Команда құрамы жаңарғандықтан бізді біршама жұмыстар күтіп тұр. Сондай-ақ Түркияда тәжірибе жинақтау барысында 4 командамен жолдастық кездесу ұйымдастырдық. Қарсыластар Швеция, Дания, Ресей, Украина елдерінің командалары болды. Биыл команда құрамында 2 легионер, 3 экономиналық одақтың футболшылары болады. Командаға қосылған жаңа футболшылар бапкерлік штабтың ақыл-кеңесімен таңдалды. Мақсат Байжанов, Руслан Сахалбаев, Елжас Алтынбеков секілді тәжірибелі ойыншыларымыз «Қайсардың» жаңа мақсаттарын орындауға септігін тигізеді. Қазір команда Қызылорда қаласында соңғы дайындығын пысықтауда. Тек бразилиялық Жоау Педро мен Мамаду Диалло виза мәселесіне байланысты елімізге келе алмауда. Аталған футболшылар сәуір айында қосылады деп жоспарлануда. Биылғы біріншілікте негізгі қарсыластарымыз – «Оқжетпес», «Жетісу» және «Қыран» командасы», – деді бас бапкер.
</blockquote>
Айта кетейік, «Қайсар» 6-сәуірде Қазақстан Olimpbet кубогының аясында «Оқжетпеспен» кездессе, 17-сәуірде бірінішліктің маусымашар кездесуінде «Оңтүстік академияны» қабылдайды.
<img src="https://kyzylorda-news.kz/wp-content/uploads/2022/03/277356000_3521227818001314_1887642114299095000_n.jpg" alt="" />

«Қайсар» жаңа маусымға дайын

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Жоғары оқу орындары мен колледж, мектептерде дене тәрбиесі құралдары арқылы жастардың рухани интеллектуалдық деңгейін қалыптастыру жолдары» атты республикалық ғылыми-тәжірибелік конференциясы өтті. Жиын Халықаралық педагогикалық білім академиясының академигі, педагогика ғылымдарының кандидаты, профессор Жақсыбек
Егізбаевтың 80 жасқа толуына орай ұйымдастырылды.
<blockquote>
 «Әдіскер-ғалым дене тәрбиесінің методологиялық бағыттарын педагогикалық, эстетикалық, философиялық тұрғыдан негіздей отырып, спорт пен дене мәдениетін&nbsp; тәрбие құралы ретінде ұзақ жылдар зерттеп келеді. Бұл бағытта жарық көрген&nbsp; ғылыми, әдістемелік, танымдық еңбектері&nbsp; ғылыми қауымдастыққа, спортшылар қауымына жақсы таныс. Ғалым дене мәдениетін жетілдіру ісіне үлкен үлес қосуда»,-деді Ғылыми жұмыстар және халықаралық байланыстар жөніндегі проректор м.а. Абайбек Жүнісов.
</blockquote>
Онлайн және офлайн форматта өткен конференция барысында профессор Жақсыбек Егізбаевтың алпыс жылдық педагогикалық қызмет барысында қорытқан&nbsp; тұжырымдары талқыланып, кейінгі ұрпаққа дәріптелді. ҚР Білім және ғылым министрлігі Ұлттық ғылыми-практикалық дене тәрбиесі орталығының бас директоры Сағдат Садықов, Әл–Фараби атындағы Қазақ ұлттық университетіінің профессоры, педагогика ғылымдарының докторы Елемес Әлімханов, Қ.Жұбанов атындағы Ақтөбе өңірлік университетінің профессоры, педагогика ғылымдарының докторы Төлеген Ботағариев, Қазақ ұлттық педагогикалық университетінің профессоры, педагогика ғылымдарының кандидаты Еркін Уанбаев, Ш.Есенов атындағы Технологиялар және инжиниринг университетінің кафедра меңгерушісі, педагогика ғылымдарының кандидаты, доцент Нұрсапа Ахметов,&nbsp; Түркістандағы Халықаралық туризм және меймандостық университетінің қауымдастырылған профессоры,&nbsp; педагогика ғылымдарының кандидаты Жандос Есіркепов баяндама жасады.
Сондай-ақ, шараға еліміздегі жоо мен колледж білім алышулары, оқытушылары мен мектеп мұғалімдері қатысты.

Қызылордада республикалық ғылыми-тәжірибелік конференция өтті

<a href="https://kyzylorda-news.kz/">Kyzylorda-news.kz.</a> Серғали Толыбеков атындағы №3 IT мектеп-лицейінің 5-сынып оқушысы Тоғжан Абдрахманова Туркия мен Дубайда математика және информатика бағытында өткен халықаралық олимпиадаларына қатысып, бірінші орын – «Алтын кубокты» иеленді.
Білектінің емес білімдінің заманы екенін дәлелдеп жүрген талапты шәкірт ең алдымен 23 наурыз күні Стамбул төрінде өткен әлемдік бәсекеде 4 таңбалы санды көбейту, бөлу, теңдеу шешуден жүйріктігін дәлелдеп, бас жүлдені иеленді. Мұнан соң, 28 наурыз күні Дубайда әлемнің түкпір-түкпірінен дарындылар қатысқан математика және информатика бағытында өткен білім бәсекесінде де Тоғжан бас жүлдені иеленіп, қос байқауда топ жарды.
Айта кетейік, Тоғжан былтыр Египетте өткен халықаралық олимпиадада топ жарып, күрделі есептерді жылдам шығарудан жеңімпаз атанған болатын. Сонымен қатар Нұр-Сұлтан қаласында “BI University”-де өткен республикалық математика-арифметика олимпиадасында жеңімпаз атанып, 1 орын иеленген.

Қызылордалық оқушы Түркия мен Дубайда өткен сайыста алтын кубок иеленді

<a href="https://kyzylorda-news.kz/">Kyzylorda-news.kz.</a> Арал ауданына қарасты «Қамыстыбас» көлінде қатты желдің әсерінен су деңгейі көтеріліп, мұз қабаты 25-30 метрге дейін жағаға ығысқаны белгілі болды. Салдарынан «Аққұмшық» жағажайындағы 6 демалыс үйі мен көше жарықшамы зақымдалған. Қазіргі таңда арнайы тексеріс жұмыстары жүргізілуде. Бұл жайында Өңірлік коммуникациялар қызметінде өткен брифингте Қызылорда облысы төтенше жағдайлар департаменті бастығының орынбасары азаматтық қорғау полковнигі Бауыржан Ізбасаров хабарлады.
<blockquote>
 «Кеше орын алған оқиға бойынша зардап шеккендер мен жарақат алғандар жоқ. Зақымдалған демалыс орындары бойынша арнайы тексеріс жүргізілетін болады. Бұл жұмыстар жауапты сала мамандарының бақылауында. Қазіргі таңда елді мекендерді су басу қаупі жоқ. Былтыр тамыз айында «Бұрмақұлақ» учаскесі бөгеліп, Аспай су ағытқысы іске қосылған болатын. Нәтижесінде Қамыстыбас көлі өз арнасына келді», – деді Бауыржан Ізбасаров.
</blockquote>
Сала мамандарының айтуынша, Қызылорда облысына келіп жатқан судың мөлшері – 610 метр секунд. Ал Шардара су қоймасына 1000 текше метр су жіберілуде. Қазіргі уақытта Қамыстыбас және Ақшатау көлдер жүйесінде су толу көрсеткіші жобалық деңгейде.
<blockquote>
 «Қамыстыбас көлдері жүйесіне каналдар арқылы – 387 млн.текше метр су жіберілсе, Ақшатау көлдер жүйесіне – 478 млн.текше метр су жіберілді. Көктемгі су көлемінің ұлғаюына байланысты Шардара су қоймасынан Сырдария өзенінің төменгі ағысына секундына 1300 текше метрге дейін тасталуда. Осыған орай, уақытша мол суды құрғақшылықтың алдын алу мақсатында барлық аудандардағы каналдар арқылы көлдер жүйелері мен шабындық жайылымдыққа алып қалуға тырысудамыз. Тиісінше Қызылорда су торабының төменгі ағысына секундына 600-650 текше метр су өтеді деп күтілуде», – деді «Қазсушар» ШЖҚ РМК Қызылорда филиалы Су шаруашылығы нысандарын пайдалану бөлімінің басшысы Айдос Асанбаев.
</blockquote>

Қамбаш: Елді мекендерге төнетін қауіп жоқ

<a href="https://kyzylorda-news.kz/">Kyzylorda-news.kz.</a> Балалар жылы аясында биыл өңірде 4 жаңа мектеп пен 2 апаттық жағдайдағы мектептер үшін жаңа ғимарат және бір балабақша ашылады деп күтілуде.
Сонымен қатар заманауи әдіспен жұмыс істейтін жаңа аутизм орталығы қолданысқа беріледі. Осы жылы 47 балабақша мен 28 мектепте инклюзивтік кабинеттер ашылып, оған арнайы мамандар қамтылмақ. Бұл жөнінде Өңірлік коммуникациялар қызметінде өткен баспасөз конференциясында облыстық білім басқармасының басшысы Ақзира Қасымова мәлімдеді.
<blockquote>
 «Қазіргі уақытта балалар жылын өткізу жөніндегі іс-шаралар жоспары облыс әкімімен әзірленіп, бекітілді. Балалардың шығармашылық идеяларын іске асыру мақсатында 100-ден астам түрлі шара енгізілді. Сондай-ақ, балалар жылында қаламыздағы №264 мектеп-лицейінің жанынан оқушыларға арналған замануи обсерватория ашылды. Бұл өз кезегінде балалардың жан-жақты дамуына оң әсерін тигізеді. Қосымша білім берумен қамтамасыз ету мақсатында қалада 150 орындық қосымша білім беру орталығы, Қармақшы ауданында 150 орындық тыңығу лагері, Жалағаш ауданында 200 орындық оқушылар үйі мен 50 орындық өнер мектебі ашылады. Биыл техникалық және кәсіптік орта білімнен кейінгі білімі бар кадрларды даярлауға 1600 орынға қосымша мемлекеттік тапсырыс берілді. Сонымен қатар, «Көп бейінді облыстық балалар ауруханасы» базасында 2 жастан 14 жасқа дейінгі балаларға арналған оңалту орталығы ашылады. «Атамекен» ҰК палатасымен бірлесіп сауда орталықтарында арнайы күтімді қажет ететін балалар үшін «Денсаулық бұрыштарын» ашу жоспарлануда. Әлеуметтік қолдау көрсету үшін әртүрлі санаттағы балаларға «Жақсылық жаса балаға» мереке күндеріне орай қайырымдылық шаралары мен «Бірге армандайық» ауыр дертпен ауыратын балаларды кумирлерімен кездесу шарасын ұйымдастыру жоспарланды», – деді басқарма басшысы Ақзира Қасымова.
</blockquote>
Айта кетейік, балалар жылында ең үздік деп танылған жобалар мен белсенді қатысушылар «Ең үздік әлеуметтік жоба», «Мейірімді жүрек» номинация бойынша марапатталады.

Қызылордада биыл 4 жаңа мектеп ашылады

<a href="https://kyzylorda-news.kz/">Kyzylorda-news.kz.</a> Қызылорда облысында есірткі затына қарсы күрес жұмыстары жалғасуда. Қызылордалық тәртіп сақшылар есірткі затын сатушылармен күресті күшейтіп отыр.
Мәселен, Қызылорда облыстық Полиция департаментінің Есірткі қылмысына қарсы іс-қимыл басқармасының қызметкерлері жүргізген жедел іс-шара барысында 32 жастағы қала тұрғыны ірі мөлшерде есірткі сатуға оқталғаны анықталды. Тәртіп сақшылары күдіктіні дереу қолға түсірді.
Анықталғандай күдіктіден салмағы 274 грамды құрайтын кептірілген марихуана заттай дәлелдеме ретінде алынды.
Аталған дерек бойынша Қазақстан Республикасы Қылмыстық кодексінің 297-бабымен (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп-тексеру әрекеттері жүргізілуде. Күдікті Қызылорда ҚПБ-ның уақытша ұстау изоляторына қамалды.
Д.МАХАНОВА

Қызылордада есірткі сатпақ болған тұрғын ұсталды

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» қазақстандықтарға құжаттың жарамдылық мерзімінің аяқталуын күтпей-ақ, жеке куәлікті ертерек ауыстыруға кеңес береді.
Мемлекеттік корпорацияның Басқарма төрағасының бірінші орынбасары Сүйеніш Әбділдиннің айтуынша, ХҚО-ғ ақұжаттарының мерзімі өтіп кеткен клиенттер жиі жүгінеді. Ал ҚР “Әкімшілік құқық бұзушылық туралы” кодексіне сәйкес, Қазақстан Республикасы азаматтарының тіркеусіз немесе жеке басын куәландыратын құжаттарсыз бір айдан астам жүруі 7 АЕК мөлшерінде айыппұлдың салынуына әкеп соғады.
<blockquote>
 «Жеке куәлікті тұрғылықты тіркеу орнына қарамастан кез келген ХҚО-да ауыстыруға болады. Онда тек ескі құжатты көрсетіп, 0,2 АЕК мөлшерінде мемлекеттік баж төлеу қажет. Жаңа құжат 15 жұмыс күні ішінде дайын болады. Қалауыңыз бойынша қосымша ақы төлеп, куәлікті дайындау мерзімін бір күннен бес жұмыс күніне дейін жеделдетуге болады», – деп нақтылап өтті Сүйеніш Әбділдин.
</blockquote>
Сондай-ақ спикер жеке куәлік қазақстандықтарға 16 жастан бастап берілетінін атап өтті. Алғашқы құжатты алу үшін жасөспірім ата-анасының бірімен ХҚО-ға жүгінуі керек. Өтініш беру үшін туу туралы куәлік, төлқұжат (бар болса)&nbsp; және мемлекеттік баж салығының төленгені туралы түбіртек тапсыру қажет.
Туу туралы куәлікте тегін немесе атын өзгерткен, некеге тұруға/бұзуға байланысты тегін өзгерткендер де бір ай ішінде құжатын жаңартуы тиіс. Айта кетейік, жеке басты куәландыратын құжаттарды рәсімдеу қызметін ХҚО-да отыратын көші-қон полициясының қызметкерлері ұсынады.
Айта кетейік, паспорт мерзімі өткен жағдайда айыппұл қарастырылмаған. Ол шетелге шығу үшін пайдаланылатын құжат. Төлқұжат алу үшін кез келген ХҚО-ға жүгінуге болады. Мемлекеттік баж мөлшері – 8 АЕК. 2021 жылы ХҚО-ларда жеке басты куәландыратын 2,4 млн құжат берілді.

Қазақстан және Қызылорда облысының жаңалықтары