<a href="https://kyzylorda-news.kz/">Kyzylorda-news.kz.</a>&nbsp;Онлайн несие рәсімдеді деген күдікпен Қызылорда облысының тұрғыны ұсталды.
Қазіргі таңда телефон арқылы жеке деректерді біліп алып, өзге адам атынан несие рәсімдейтіндер көбейіп кетті. Тіпті смартфонды қашықтықтан басқарып, өзге біреудің банк қосымшасына дейін кіре алатын жағдайға жеткен. Осылайша, электронды цифрлы қолтаңбаны да бұзып алады екен.
Биылғы жылдың 3 айында Қызылорда облысы бойынша 64 азамат осындай алаяқтарға алданған.
Қызылорда облысы Полиция департаментінің Жалағаш аудандық полиция бөлімінің кезекші бөліміне аудан тұрғыны арызданған. Оның айтуынша, өткен жылдың желтоқсан айында танысы ұялы телефонын сұрап алып, ақпараттық жүйе арқылы 495 000 теңге онлайн несие рәсімдеп алған.
Күдіктіні анықтау мақсатында полиция қызметкерлері қажетті жедел-іздестіру іс-шараларын жүргізіп, нәтижесінде ауыл тұрғыны ұсталды.
Аталған дерек бойынша Қазақстан Республикасының Қылмыстық кодексінің 190-бабының 2-бөлігі 4-тармағы (Ақпараттық жүйені пайдаланушыны алдау немесе сенімін теріс пайдалану жолымен жасалған алаяқтық)бойынша сотқа дейінгі тергеп-тексеру әрекеттері жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.
Қызылорда облысы Полиция департаментінің басшылығы азаматтарға қырағы болу және бейтаныс адамдарға сенбеу қажеттігін ескертеді.

Жалағашта танысының атынан онлайн несие алған алаяқ ұсталды

<a href="https://kyzylorda-news.kz/">Kyzylorda-news.kz.</a>&nbsp;Республика бойынша желдің күшеюі, солтүстікте, батыста, орталықта тұман, оңтүстік-батыста шаңды дауыл, оңтүстігінде, таулы аймақтарда – найзағай күтіледі, деп хабарлайды Қазгидромет.
Елдің солтүстік, солтүстік-батыс, шығыс бөлігі антициклонның ықпалында болады. Ал республиканың батысы, оңтүстігі, оңтүстік-шығысы оңтүстік циклон жырасының ықпалы әсер етеді. Мұнда фронтальды бөліктердің өтуімен жаңбыр жауады.
Ал Қызылорда облысында ауа температурасы +23 +25 градусты көрсетеді. Күн бұлтты, желдің жылдамдығы 9-14 м/с.

Қызылордада күн бұлтты

<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімдігінің мәжіліс залында облыс әкімінің орынбасары Балжан Шәменованың қатысуымен, Қазақстан Республикасы Денсаулық сақтау министрлігінің Ана мен бала денсаулығын сақтау департаменті директоры Мағрипа Ембергенованың төрағалық етуімен Қызылорда облысы бойынша ана және сәби өлімін төмендетуге арналған штаб отырысы өтті.
Оған облыстық денсаулық сақтау басқармасының басшысы Сәбит Пазилов Сабит, ҚР ДСМ медициналық және фармацевтикалық қызметті бақылау комитетінің Қызылорда облысы бойынша департаментінің басшысы Ғалия Байменова, ҚР ДСМ «Республикалық электрондық денсаулық сақтау орталығы» ШЖҚ РМК Қызылорда облыстық филиалының басшысы Сауле Налибаева қатысты.
ҚР ДСМ Ана денсаулығын сақтау басқармасының басшысы Шакизат Халыкова «Республикада 2021 жылдың қорытындысы және 2022 жылдың 1 тоқсанының нәтижесімен ана өлімі бойынша ағымдағы жағдайды» баяндаса, «Қызылорда облысы бойынша босандыру саласында өзекті мәселелер және оның шешу жолдарын» «Акушерия, гинекология және перинатология ғылыми орталығы» акционерлік қоғамының басқарма төрағасы Динара Мирзахметова«Республикада және Қызылорда облысы бойынша сәби шетінеуі жағдайлары» – «Бала жасындағы ауруларды ықпалдастыра қарау» және «Патронаждық қызметтің әмбебап-прогрессивті моделі» бойынша Республикалық координатор – Н.Г.Ким, «Қызылорда облысы бойынша медициналық көмек көрсету сапасының бағалауда арнайы мониторингтік топ жұмысының анықтамасын» «М.Оспанов атындағы Батыс Қазақстан Медициналық Университетінің» акушерия-гинекология кафедрасының басшысы Светлана Шиканова &nbsp;жеткізді.
Қызылорда облыстық денсаулық сақтау басқармасының дерегінше облыс бойынша акушер-гинекологпен – 93%, анестезиолог-реаниматологпен – 70,0%, неонатологтармен – 90,3% қамтылған. 2022 жылы 20 маман оқуын аяқтап, жұмысқа қабылдануы жоспарланып отыр. Оның ішінде анестезиолог-реаниматолог – 7, акушер-гинеколог – 4, неонатолог – 1.
&nbsp;«UMC» КҚ базасында туа біткен аномалиялардың скринингтік зерттеуін жетілдіру мақсатында «Ерте пренаталды скринингтегі заманауи әдістер» тақырыбында 5 УДЗ мамандары білімін жетілдірді, алдағы уақытта жоспар бойынша мамандар жолданатын болады.
Облыстық перинаталды орталықта нәрестелер жансақтау бөлімшесіндегі реанимациялық керуеттер ауданы қайта қарастырылды.
Сонымен қатар, нәрестелер-жансақтау бөліміне 4 теонды ауа залалсыздандырғыш, 15 инфузомат алынды. Орта буын қызметкерлерінің нормативті штаты қайта қаралып, 1 мейірбике, 2 науқас (1/2) арақатынасы бекітіліп, тәуліктік ем-шара мейірбике посты ашылды. Босану бөлімінде және оперблокта кіндікбау кесу алдында «30 секунд дауыстап санау» әдісі жандандырылды.
Жүкті әйелдер мен нәрестелерге және 5 жасқа дейінгі балаларға арналған патронаждық әмбебап-прогрессивті моделі бойынша патронаждық қызмет жұмысын жандандыру мақсатында жауапты облыстық координатор бекітілді және супервизия жүргізу үшін 3 топ құрылып, облыстағы емдеу мекемелеріне жоспар бойынша мониторинг жүргізілетін болады.
Шала туылған және қауіпті топтағы балаларға мониторинг жүргізу көпбейінді облыстық балалар ауруханасында катанамнестикалық кабинет арқылы жүзеге асырылуда.

Ана мен бала денсаулығын жақсарту мақсатында штаб отырысы өтті

<a href="https://kyzylorda-news.kz/">Kyzylorda-news.kz.</a> Телевизия және радио ардагері Әбдірәлі Бөлебай өмірден өтті. Танымал диктор 70-ке қараған шағында қайтыс болды.
Әбдірәлі Бөлебай Жамбыл облысы Жамбыл ауданының Ерназар ауылында дүниеге келген.
Алматыдағы №46 қалалық кәсіптік техникалық училищені, Құрманғазы атындағы консерваторияны бітірген.
Еңбек жолын «Қазақфильм» киностудиясында режиссердың көмекшісі болып бастаған.
Қазақ радиосында, Қазақ теледидарында диктор, дикторлар тобының жетекшісі, «Хабар» агенттігінде «Жеті күн» ақпаратты сараптау бағдарламасының және «Жаңалықтар» қызметінің жүргізушісі, «Қазақстан» ұлттық арнасы Астана филиалының дикторы, ҚР Президенті Телерадиокешенінің продюсері, ҚР Экономикалық қылмысқа және сыбайлас жемкорлыққа қарсы күрес агенттігінің (қаржы полициясы) баспасөз хатшысы болып қызмет атқарды.
Белгілі диктор өмірінің соңына дейін Қазақ радиосында дикторлық қызмет етті.
Ол телерадиода дикторлық өнердің қыр-сырын терең меңгерген, дауыс үні өзгеше, шеберлігі толысқан білікті маман болды.

Танымал диктор өмірден өтті

<a href="https://kyzylorda-news.kz/">Kyzylorda-news.kz.</a>&nbsp;&nbsp; Жеңіс Сейдуллаұлы «Ж.Елебеков атындағы республикалық эстрада-цирк колледжі» РМҚК директоры қызметіне тағайындалды.
Жеңіс Сейдуллаұлы 1962 жылы 14 мамырда Қызылорда облысында дүниеге келген.
1982 жылы Шымкент музыка училищесін бітірген, Т. Жүргенов атындағы Қазақ ұлттық өнер академиясының түлегі. Әр жылдары «Арқас» ансамблінің аспапшы-артисі, «Гүлдер» мемлекеттік ансамблінің бас дирижері, Сүйінбай атындағы Алматы облыстық филармониясының солисі болып жұмыс істеген.
«Гүлдер» ансамблінің директоры, Алматы қаласы «Қазақ әуендері» АҚ өңірлік директоры, Т.Жүргенов атындағы Қазақ ұлттық өнер академиясының шығармашылық жұмыс және сыртқы байланыстар жөніндегі проректоры, Ж.Елебеков атындағы республикалық эстрада-цирк колледжінің директоры қызметтерін атқарған. 2016-2018 жылдары- Жамбыл атындағы қазақ мемлекеттік филармониясының директоры, 2018 жылдан бастап қазіргі уақытқа дейін «Қазақконцерт» ұйымын басқарған.

Жеңіс Сейдуллаұлы жаңа қызметке тағайындалды

<a href="https://kyzylorda-news.kz/">Kyzylorda-news.kz.</a>&nbsp;&nbsp; Биыл облыс бойынша конго-қырым геморрагиялық қызбасының қоздырғышы ретінде 116 елді мекен анықталды. Осыған байланысты 11 сәуірден Жаңақорған және Шиелі аудандарында залалсыздандыру жұмыстары басталады. Бұл туралы Өңірлік коммуникациялар қызметінде өткен брифингте облыстық жұмылдыру дайындығы басқармасы басшысының орынбасары Бағдат Әлиев хабарлады.
<blockquote>
 «Облыс көлемінде 11 сәуір мен 30 мамыр аралығында конго-қырым геморрагиялық қызбасы ауруының табиғи ошақтарында залалсыздардыру жұмыстары жүргізіледі. Өңірдегі 116 елді мекеннің 600 мыңнан астам мал басы және 33 156 қора, суат пен шаңдақтарға «креолин х» ерітіндісі қолданылатын болады. Қазіргі таңда дайындық жұмыстары жүргізілуде», – деді Бағдат Әлиев.
</blockquote>
Эпидемиолог мамандардың айтуынша биыл қыс мезгілі жылы болғандықтан кене шағу фактілері өткен жылмен салыстырғанда екі есеге артқан. Көктемгі эпидмаусымның басталуына орай аса қауіпті жұқпалы ауруларға қарсы профилактикалық шаралар белсенді жүргізілуде.
<blockquote>
 «Былтыр облыс бойынша 113 елді мекен қолайсыз аймақтар қатарында болса, биыл бұл көрсеткіш 116-ны құрады. Энтомолог мамандардан құрылған 3 арнайы жұмысшы топ 239 елді мекенде зоологиялық барлау жұмыстарын жүргізуде. Жұмыс барысында 833 сынама зерттеліп, нәтижесінде жануарлардан және далалық жерлерден жиналған кенелердің 24 сынамасынан «оң» нәтиже анықталды. Осы себепті қора және аула тазалығын қатаң сақтау керек. Қолайсыз елді мекендерде жүрізілген өңдеу жұмыстары барысында жануарлар мен қора, аулалардың толық дәріленуіне үй иелері тарапынан қатаң бақылау қажеттігін еске саламыз. Қазіргі таңда медициналық мекемелерде конго-қырым геморрагиялық қызбасына шалдыққан науқастарды емдеу үшін арнайы препараттар қоры жасақталды»,- деді облыстық санитарлық-эпидемиологиялық бақылау департаменті басшысының орынбасары Әлия Әбдіқайымова. 
</blockquote>
Аталған аурумен көбінесе адамдардың белгілі бір кәсіби тобы ауырады. Яғни малшылар, егіншілер, фермерлер және табиғат аясында демалушылар көп шалдығады. Бұл ауру кене шағу барысында, ауру кененің қаны арқылы тікелей жұғу қаупі өте жоғары.
<blockquote>
 «Он төрт күн ішінде науқаста ауру пайда болуы мүмкін. Ал белгілеріне тоқталып өтсем, адамда дене қызуы қатты көтеріледі, бас айналу және қан кету жағдайлары болады. Сондықтан көктемгі эпидмаусымда барынша сақтық шараларын қатаң сақтауымыз керек», – деді облыстық жұқпалы аурулар ауруханасы бас дәрігерінің орынбасары Мира Алмаханова.
</blockquote>
<img src="https://kyzylorda-news.kz/wp-content/uploads/2022/04/277754094_1505950636467110_4338373582748768268_n.jpg" alt="" />

Қызылорда: 116 елді мекенде конго-қырым қанды безгегінің ошағы анықталды

<a href="https://kyzylorda-news.kz/">Kyzylorda-news.kz.</a>&nbsp; Бүгін Кореяның батырлары Хон Бом До мен Ге Бон У мемориалдық кешенінде еске алу митингі өтті. Оған Қызылорда облыстық ҚХА хатшылығының меңгерушісі, облыстық ішкі саясат басқармасының этносаралық қатынастар мәселелері жөніндегі бөлімінің басшысы Уалихан Ибраев, «Қоғамдық келісім» КММ директоры Болатбек Айтбенбетов, этномәдени бірлестіктің жетекшілері, корей қауымдастығының өңірдегі ардагерлері мен белсенділері, ассамблея жастары, волонтерлар және БАҚ өкілдері қатысты.
Жиналған жұртшылық корей батырларының ескерткішіне гүл шоқтарын қойды.
<blockquote>
 «Генерал Хон Бом До – тарихи ерліктерінің нәтижесінде бүкіл корей халқы үшін батыр болып танылды. Өздеріңіз білетіндей, Сыр өңірінде 35 этнос өкілі достық пен келісімде өмір сүруде, олардың әрқайсысы салт-дәстүрді сақтай отырып, аймақтың дамуына лайықты үлес қосуда. Шамамен 85 жыл бойы корейлер қазақ жерінде тұрып жатыр. Осы жылдар біздің ортақ тарихымыз болып саналады. 
 Корей этносының өкілдері әрдайым қажырлы еңбегімен ерекшеленеді. Бұған айқын мысал – Шиелі ауданының өзінде ғана корей этносының 29 өкілі Социалистік Еңбек ері атағына ие болған. Ал Ақмая ауылдық округінен 16 Социалистік Еңбек ері шыққан. 
 Бүгінгідей игі іс ұлы батырлар мен патриоттарымыздың есімдерін жаңғыртсын. Жаңа Қазақстанды бірге жаңғыртайық», – деді облыстық ішкі саясат басқармасының этносаралық қатынастар мәселелері жөніндегі бөлімінің басшысы Уалихан Ибраев.
</blockquote>
Сондай-ақ, «Қазақстан корейлер қауымдастығы» Қызылорда облыстық қоғамдық бірлестігі жетекшісінің орынбасары Юрий Ким зұлмат жылдарды, Қиыр Шығыстан үдере көшірілген қиын кезеңдерді еске алды. Ендігі жерде мұндай нәубет жылдардың кермек дәмін бейбіт елдің ұрпағы еш сезінбесін деген тілегін білдірді. 
Мұнан соң митингке қатысушылар корей батырлары мен қауымдастықтың өмірден озған жетекшілері мен белсенділеріне арналған «Еске алу аллеясына» барып, атаулы тақтайшаларымен көшеттер отырғызды.
<img src="https://kyzylorda-news.kz/wp-content/uploads/2022/04/277707521_3179366402382518_1290056514266576422_n.jpg" alt="" />
<img src="https://kyzylorda-news.kz/wp-content/uploads/2022/04/277765962_3179365915715900_603630561000428854_n.jpg" alt="" />
<img src="https://kyzylorda-news.kz/wp-content/uploads/2022/04/277778674_3179366609049164_4841170823374801729_n.jpg" alt="" />
<img src="https://kyzylorda-news.kz/wp-content/uploads/2022/04/278071791_3179366312382527_7434284972657540585_n.jpg" alt="" />

Қызылордалықтар корей батырларын еске алды

<a href="https://kyzylorda-news.kz/">Kyzylorda-news.kz.</a>&nbsp; Наурыз айынан бастап еліміздің әр өңірінде «AMANAT» партиясы мобильді қоғамдық қабылдау жұмысын бастағаны баршаға белгілі. Осы орайда мобильді топ мүшелері біздің өңірімізде өткен аптада 5 шалғай елді-мекенді аралап, тұрғындардың талап-тілектерін тыңдап, халықтың мұң-мұқтажына назар қойып, мәселелерді шешуге білек сыбана кірісіп те кетті.
Бүгін аймағымыздан құрылған партия филиалдарының төрағалары, барлық деңгейдегі мәслихат депутаттарының және жергілікті атқарушы орган өкілдерінен құралған мобильді топ Арал ауданындағы Аққұм ауылы мен Жалағаш ауданының Жаңадария ауылында тұрғындардың өтініш-тілектерін тыңдап, өз бақылауларына алып қайтты.
Қабылдауда тұрғындар елді мекенді газдандыру мен жұмыссыздық, ішкі көшелерді жөндеу мен инфроқұрылым т.б. мәселер төңірегінде болды. Мобильді топтың қабылдауында болған Аққұм ауылының тұрғыны Айжарық Қосбармақов елді мекенді газдандыру мәселесін оңтайлы шешуге ықпал жасауды сұрады.
Ал, Жаңадария ауылы бау-бақша өнімдері және мал шаруашылығымен айналысатын елді – мекен. Шаруалардың жұмысы алға басуы үшін аяқ судан мәселе туындамауы қажет. Осы үшін ауылымыздың маңындағы Іңкәрдария каналын қазу және тазалау жұмыстары жүргізілсе»,- дейді – ауылы тұрғыны М.Бостанов. Өтініш иесінің сауалына мобильді топ мүшесі, аудандық партия филиалының төрағасы, аудан әкімі А.Шәменов жауап берді. Ол Іңкәрдария каналына қатысты жұмыстар жергілікті атқарушы органдармен жүзеге асып жатқандығын тілге тиек етіп, мәселенің оңтайлы шешілуіне нақты жұмыстар жүргізілетін жеткізді.
Жаңадария тұрғындарын елді мекендегі ішкі көшелер жағдайы да алаңдатса керек. Себебі мобильді топ қабылдауына келушілердің бірқатары көшелер жағдайын айтып жатты. Олардың айтуынша ауыл ішінде жалпы ұзындығы 4,2 км құрайтын Қ. Сәтбаев, Жаңадария, Достық, Мектеп көшелеріне мүлдем жөндеу жұмыстары жүргізілмеген. Бүгінгі күні жоба сметалық құжаттары әзірленіп, аудандық тиісті мекемелерге ұсынылған. Қаржы бөлуді қажет етеді.
Ауыл тұрғындарын мазалаған барлық мәселелер мобильді топ жұмысының хаттамасына енгізіліп, «AMANAT» партиясы Қызылорда облыстық филиалының жіті бақылауына алынды. Бұл туралы облыстық партия филиалының Атқарушы хатшысы Ләйлә Төрешова атап өтті.
Мобильді қоғамдық қабылдаудың өкілдері бүгін екі бірдей ауданда, 2 ауылда болып 50-ге жуық тұрғынды қабылдады. Бірқатар азаматтар сауалдарына сол жерде жауап алса, кейбір өтініштер мазмұнына қарай партия бақылауына алдынды тиісті атқарушы органдармен бірлесе отырып, оңтайлы шешілуіне жұмыстар жасалатын болады және алдағы апта ішінде партияның мобильді топтар Арал, Қазалы, Жаңақорған, Шиелі аудандарына қарасты тағы бірқатар ауылдарда болып, тұрғындармен кездеседі.
<img src="https://kyzylorda-news.kz/wp-content/uploads/2022/04/277755943_350575670441409_1054107472965096000_n.jpg" alt="" />
<img src="https://kyzylorda-news.kz/wp-content/uploads/2022/04/277771271_350575713774738_8999489535667589258_n.jpg" alt="" />
<img src="https://kyzylorda-news.kz/wp-content/uploads/2022/04/277779545_350577067107936_922112225969467373_n.jpg" alt="" />

Аққұм және Жаңадария тұрғындары мобильді топ өкілдерімен кездесті

<a href="https://kyzylorda-news.kz/">Kyzylorda-news.kz.</a>&nbsp; 2022 жылдың тақырыбы – «Біздің әлем, біздің денсаулық». Бұл ұран адам денсаулығы мен қоршаған ортаны сақтау және қоғамдық денсаулығын белсенді түрде нығайту бойынша шұғыл әрекет етуді талап етеді.
Әлемде жалғасып жатқан пандемия, экологиялық, экономикалық дағдарыстар аясында қатерлі ісік, астма, жүрек аурулары және т. б. сияқты аурулар өсуде.
<blockquote>
 «Денсаулық – бұл аурыдың немесе мүгідектіктің болмауы ғана емес, толық физикалық, психикалық және әлеуметтік әл-ауқат жағдайы. Міндетті әлеуметтік медициналық сақтандыру – бұл медициналық қызметтерге тең қолжетімділікті қамтамасыз етуге, пациенттердің құқықтарын қорғауға және халықтың денсаулығын сақтауға бағытталған әлеуметтік жүйе. Биыл аймақта МӘМС жүйесімен қамту бойынша Жол картасы іске қосылды. Бүгінде өңір халқының 80% – ы сақтандырылған. Бұл көрсеткішті 85% – ға дейін жеткізу міндеті қойылды», – деп мәлімдеді «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>

7 сәуір &#8211; Дүниежүзілік денсаулық күні

Су тасқыны кезінде не істеу керек?

<a href="https://kyzylorda-news.kz/">Kyzylorda-news.kz.</a>&nbsp; Бүгін аудан әкімі Мұхтар Оразбаев пен аудандық мәслихат хатшысы Бақытжан Жарылқап ауданға қарасты Майдакөл ауылына барып, алдағы уақытта салынатын клубтың орнын көрді.
Аудандық құрылыс, сәулет және қала құрылысы бөлімінің басшысы Нұрбек Күзембаев жаңадан салынатын 100 орындық клубтың жоба-сметалық құжаттарын дайындауға қаржы бөлініп, мемлекеттік сатып алу конкурсы өткізілгенін айтты.
Қазіргі таңда жеңімпаз мекеме анықталып, тиісті жұмыстар басталып жатыр. Жоба-сметалық құжаттар дайындалған соң құрылыс жұмыстарын бастау үшін қаржыландыру көздері қарастырылатын болады.
Аудан басшысы Мұхтар Оразбаевауылдық клуб салынатын жер оңтайлы жерден таңдалғанын тілге тиек етіп, ауылдық округ әкімі Нүркен Сералиевкетұрғындар мен қоғамдастық мүшелерінің келісімін алу қажеттігін жеткізді.
Сонымен қатар, Мұхтар Әуесұлы көктемгі экологиялық мол суды алу үшін барлық мүмкіндіктерді пайдаланып, каналдар мен жайылымдықтарға су жіберуді тапсырды.
<img src="https://kyzylorda-news.kz/wp-content/uploads/2022/04/00-1.jpg" alt="" />

Қазалы ауданында 100 орындық клуб салынады

<a href="https://kyzylorda-news.kz/">Kyzylorda-news.kz.</a> “Атамекен” ҰКП Басқармасының 5 сәуірдегі шешімімен Пірмұхаммед Айтбайұлы Сыздықов Қызылорда облысы кәсіпкерлер палатасының директоры болып тағайындалды.
Пірмұхаммед Сыздықов 1975 жылы Қызылорда облысында дүниеге келген.
Жоғары білімді. Қорқыт ата атындағы Қызылорда гуманитарлық университетінен «Еңбек және бизнес негіздері» (1996 ж.), «Құқықтану» (2009 ж.) мамандықтарын алған.
Еңбек жолын алғаш 1992 жылы “слесарь” болып бастаған.1996-2007 жылдар аралығында Қызылорда аграрлық-техникалық колледжінде оқытушы, Дарынды балаларға арналған облыстық мектеп-интернатында менеджер-информатор, Қызылорда қалалық білім бөлімінің әдіскері, қала әкімі аппаратының ақпараттық технологиялар және бағдарламалық қамтамасыз ету бөлімінің басшысы қызметтерін атқарған. 2007 – 2019жылдар аралығында Қызылорда қаласы Қызылжарма ауылдық округінің әкімі, Қызылорда облысы әкімі аппаратының ұйымдастыру-инспекторлық жұмыс және аймақты дамыту бөлімінің бас инспекторы, Қызылорда қаласы жұмыспен қамту және әлеуметтік бағдарламалар бөлімінің басшысы, Қызылорда қаласы әкімі аппаратының басшысы, Қызылорда облысы әкімі аппаратының ұйымдастыру-инспекторлық жұмыс және аймақты дамыту бөлімі басшысының орынбасары, Қызылорда облысы ауылшаруашылығы басқармасы басшысының орынбасары қызметтерінде абыройлы еңбек еткен.
Ол 2019 жылдың ақпанынан осы уақытқа дейін Қызылорда облысы кәсіпкерлер палатасы директорының орынбасары болды.
Отбасылы, 4 баласы бар. 
2010 жылы облыстық “Жылдың үздік әкімі” номинациясының иегері атанды. 2016 жылы «Еңбек даңқы» салалық кәсіподақ ұйымының 1 санатты төсбелгісімен және түрлі деңгейдегі алғыс хаттармен марапатталды.

Қазақстан және Қызылорда облысының жаңалықтары

Жалағашта танысының атынан онлайн несие алған алаяқ ұсталды

Қызылордада күн бұлтты

Ана мен бала денсаулығын жақсарту мақсатында штаб отырысы өтті

Танымал диктор өмірден өтті

Жеңіс Сейдуллаұлы жаңа қызметке тағайындалды

Қызылорда: 116 елді мекенде конго-қырым қанды безгегінің ошағы анықталды

Қызылордалықтар корей батырларын еске алды

Аққұм және Жаңадария тұрғындары мобильді топ өкілдерімен кездесті

7 сәуір – Дүниежүзілік денсаулық күні

Су тасқыны кезінде не істеу керек?

Қазалы ауданында 100 орындық клуб салынады

Қызылорда облысы кәсіпкерлер палатасына жаңа басшы келді

Қазақстан және Қызылорда облысының жаңалықтары

Жалағашта танысының атынан онлайн несие алған алаяқ ұсталды

Қызылордада күн бұлтты

Ана мен бала денсаулығын жақсарту мақсатында штаб отырысы өтті

Танымал диктор өмірден өтті

Жеңіс Сейдуллаұлы жаңа қызметке тағайындалды

Қызылорда: 116 елді мекенде конго-қырым қанды безгегінің ошағы анықталды

Қызылордалықтар корей батырларын еске алды

Аққұм және Жаңадария тұрғындары мобильді топ өкілдерімен кездесті

7 сәуір &#8211; Дүниежүзілік денсаулық күні

Су тасқыны кезінде не істеу керек?

Қазалы ауданында 100 орындық клуб салынады

Қызылорда облысы кәсіпкерлер палатасына жаңа басшы келді

7 сәуір – Дүниежүзілік денсаулық күні