<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қазақстанда бір тәулікте коронавирирус жұқтырған 1 697 адам анықталды, деп хабарлайды <a href="https://www.coronavirus2020.kz/kz">coronavirus2020.kz</a>.
28 қазан 23:59-дағы эпидемиологиялық жағдай бойынша Қазақстанда 1 697 адамның коронавиурспен ауырғаны ПТР арқылы расталды.
Аймақтар бойынша:
Нұр-Сұлтан қаласы – 136,
Алматы қаласы – 222,
Шымкент қаласы – 34,
Ақмола облысы – 142,
Ақтөбе облысы – 54,
Алматы облысы – 134,
Атырау облысы – 24,
Шығыс Қазақстан облысы – 120,
Жамбыл облысы – 30,
Батыс Қазақстан облысы – 48,
Қарағанды облысы – 136,
Қостанай облысы – 131,
Қызылорда облысы – 46,
Маңғыстау облысы – 11,
Павлодар облысы – 236,
Солтүстік Қазақстан облысы – 163,
Түркістан облысы – 30.
Жалпы ел бойынша ауырғандар саны 936 084.

COVID-19: Қызылордада 46 адам жұқтырды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; «Қазгидромет» РМК-сы қазанның 29-ы күнгі күн райы болжамын жариялады.
Кәсіпорынның болжамына қарағанда, фронталды бөліктердің әсеріне байланысты республиканың басым бөлігінде жауын-шашын (жаңбыр, қар), шығыс және оңтүстіктің таулы аудандарында нөсер жауын (жаңбыр, қар) жауады, тек еліміздің орталығында жоғары қысымға байланысты күн жауын-шашынсыз болады.
Елдің оңтүстік-шығысында, оңтүстігінде, батысында, солтүстігінде, солтүстік-батысында, орталығында – тұман, солтүстігінде – көктайғақ, жаяу бұрқасын, солтүстігінде, солтүстік-батысында, шығысында, оңтүстік-шығысында – жел күшеюі ықтимал.

29 қазанда ауа райы қандай болады?

Kyzylorda-news.kz. «Тұлпар мініп, ту алған!» байқауының Қазалы аудандық кезеңі өз мәресіне жетті. Әйтеке би кентіндегі №249 мектеп-лицейде өткен байқауда аудан мектептері бойынша 57 оқушы «Едіге батыр» жырын жатқа айтудан жарысып, бақ сынады.
Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда.
Байқаудың ашылу салтанатында «Nur Otan» партиясы Қазалы аудандық филиалы төрағасының бірінші орынбасары Нұрғиса Жалғасбаев құттықтау сөз сөйледі.
<blockquote>
 Бүгінгі дүбірлі байқауда жүрегінде ұлтым деген ұлы сөз салтанат құрған әрбір жасқа сәттілік тілеймін. Кеудесінде жастықтың жалыны лаулаған өңіріміздің жастары туған елдің тұғырлы туын төмен түсірмейтініне сенімім мол. Аудандық кезеңге қатысуға келген оқушыларға жыр жолдарын мүдірмей айтып, келесі кезеңге өтуіне тілектеспін! – деді ол.
</blockquote>
Сондай-ақ, «Дарын» қосымша білім беру орталығы директорының орынбасары Гүлжахан Сағындыққызы, талапкерлерге сәттілік тіледі.
<blockquote>
 – Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын. Байқау өңірімізде де жоғары деңгейде өткізіліп жатыр. Облыста 25 қазаннан басталған байқаудың 713 оқушы, бүгінгі Қазалы аудандық кезеңіне 57 оқушы қатысуда. Барлығыңызға сәттілік тілейміз, – деді ол.
</blockquote>
Байқауға «Nur Otan» партиясы Қазалы аудандық филиалы төрағасының бірінші орынбасары Нұрғиса Жалғасбаев, аудандық мәдениет және тілдерді дамыту бөлімінің басшысы Болат Жолтаев, аудандық білім бөлімінің сектор меңгерушісі Кенжетай Шамшадинов, Майдакөл ауылдық клубының кәсіпорын меңгерушісі Ермекбай Ағырай, аудандық «Қазалы» газетінің бас редакторы Есет Табынбаев, Қорқыт ата атындағы аудандық әуез мектебінің терме класының мұғалімі Сандуғаш Бисембаева, «Qazaq Epos» қоғамдық қорының өкілі Нұрсұлтан Қаражан қазылық етті.
Сайыста оқушылардың жырды жатқа айтқа айту барысында кідірмей, мүдірмей оқуы, жырды толық жаттауы ескерілді.
Нәтижесінде, қазылар шешімімен Қазалы ауданы бойынша келесі оқушылар жеңімпаз атанды: 
1 орын(150 мың теңге) – №170 орта мектептің 10-сынып оқушысы Гаухар Әзен, дайындаған мұғалімі Жадыра Кушекпаева; 
2 орын(100 мың теңге) – №170 мектептің 6-сынып оқушысы Гүлназ Жеңісбек, дайындаған мұғалімі Балагүл Орынбаева; 
3 орын(50 мың теңге) – №93 мектептің 8-сынып оқушысы Құндызай Болатбай, дайындаған мұғалімі Ұлпан Тәуекелова.
Байқау жеңімпаздарын «Nur Otan» партиясы Қазалы аудандық филиалы төрағасының бірінші орынбасары Нұрғиса Жалғасбаев құттықтап, жүлделерін табыстады.
Барлық қатысушылар дипломдармен марапатталып, үздік үштіктен көрінген қатысушылар байқаудың облыстық кезеңіне жолдама алды.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Жобаның мақсаты – оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда.

«Тұлпар мініп, ту алған!»: Қазалы ауданы бойынша жеңімпаздар анықталды

Kyzylorda-news.kz. Қазан айының соңғы жексенбісі елімізде әлеуметтік қорғау жүйесі&nbsp; қызметкерлерінің күні деп белгіленген. Кәсіби мереке биыл тоғызыншы рет аталып өтілуде.
Атаулы күнге орай, «Азаматтарға арналған үкімет» мемлекеттік корпорациясы» Қызылорда облысы бойынша филиалы әлеуметтік қамтамасыз ету саласы қызметкерлері абыроймен өңіріміздің әлеуметтік-экономикалық дамуына өз үлестерін қосып келеді. Азаматтарға қамқор бұл құрылымның қызметі қашанда сұранысқа ие. Өйткені, олар мемлекет қамқорлығын қажет ететін зейнеткерлер мен әлеуеті төмен, көпбалалы отбасы және мүгедек жандарға жанашырлық танытып, дер кезінде&nbsp; көмек көрсетуге әзір.
Мемлекеттік корпорацияның басым құрылымдық блогының бірі, ол &nbsp;әлеуметтік сала болып табылады. Зейнетақы төлеу жөніндегі мемлекеттік орталық мен жәрдемақы төлеу жөніндегі мемлекеттік орталық 1997 жылы құрылған бұл орталық, зейнетақы және әлеуметтік қамсыздандыру жүйесіндегі маңызды құрылымдардың бірі.
Мемлекеттік корпорацияның филиалдары Қызылорда облысы бойынша Аралдан Жаңақорғанға дейін жұмыс жасайды. Бүгінгі таңда әлеуметтік салада 85 сауатты маман қызмет атқаруда. Әлеуметтік салада жұмыс жасау қашанда қиын болып табылады, соған қарамастан біздің әріптестеріміздің жартысынан көбінде осы салада 20 жылдан астам жұмыс өтілі бар. Сағымбаева Әлия, Елденбай Светлана, Камалова Римма, Мұқашева Бибігүл, Самаева Гүлсара сияқты мамандар осы салада Зейнетақы төлеу жөніндегі мемлекеттік орталық құрылған күннен бастап жұмыс жасауда.
Күн сайын Қызылорда облысы бойынша 15 млрд 874 млн теңге сомасын құрайтын 401 585 төлем бойынша, оның ішінде республикалық бюджеттен 10 млрд 821 млн теңге сомасына 247 531 төлем бойынша және Мемлекеттік әлеуметтік сақтандыру қоры бойынша 1 176 515 344,0 теңге сомасына 26728 төлем бойынша қажеттілік қалыптасады.
1998 жылы төлем тек 2 жәрдемақы бойынша жүргізілсе, қазіргі таңда зейнетақыдан бөлек 44 жәрдемақы бойынша құжаттар өнделуде. 
Бүгінгі күнге 9 айдың есебі бойынша әлеуметтік сала 122 092 Мемлекеттік қызмет көрсетті. Қазіргі уақытта әлеуметтік сала ынтымақты зейнетақы жүйесін, жинақтаушы зейнетақы жүйесін және бірыңғай жиынтық төлемді, міндетті әлеуметтік сақтандыру жүйесін, міндетті медициналық сақтандыру жүйесін әкімшілендіруді қамтамасыз етеді.
Бүгін Жастар ресурстық орталығында «Азаматтарға арналған үкімет» Мемлекеттік корпорациясы КЕ АҚ-ның Қызылорда облысы бойынша филиалының әлеуметтік сала мамандарын салтанатты құттықтау шарасы өтті. Шара&nbsp; облыстық жастар ресурстық орталығында «Азаматтарға арналған үкімет» аллеясының ашылуымен басталды. Мемкорпорацияның ардагерлері және үздік сала мамандары Жастар аллеясына тал екті.
Салтанатты шараның алғы сөзі арнайы Нұр-Сұлтан қаласынан келген &nbsp;Мемкорпорацияның Омбудсмені Айсина Майра Арапқызына берілді. 
Майра Арапқызы сала мамандарын кәсіби мерекелерімен құттықтау сөзінде, саланың тұрғындар арасындағы маңыздылығы туралы:
<blockquote>
 –&nbsp; Сіздердің салаларыңыз адам өміріне мейірімділік пен адами қасиеттерді әкелуге арналған. Сіздер барлық күш-жігеріңізді беретін жұмысыңызға ең бастысы адал ниетпен қарап, жанның тектілігі, үлкен шыдамдылық пен жанашырлық қажет. Сіздің ниетініз бен қолдауыңыз, адамдарға болашаққа нық қараудың сенімін ұялатады – деп атап өтті.
</blockquote>
Филиалдың әлеуметтік сала бойынша 2021жылдың 9 айында барлығы&nbsp; 122 092 қызмет көрсетілген. Нәтижесінде 439 896 қызмет алушыларға 109,23 млрд. теңге зейнетақы мен жәрдемақы төленді. Бұл ақпарат сіздердің облыс тұрғындарының жартысынан көбіне қызмет көрсетті. Мұндай көрсеткішке қол жеткізген ұжымның басшысы, Айнұр Шорабекқызы сала мамандарын құттықтады.
Кездесу барысында жоғарғы жетістікке жеткен әлеуметтік сала мамандарына облыс әкімінің, еңбек, әлеуметтік қорғау және көші-қон комитетінің облыс бойныша департаменті, Мемлекеттік әлеуметтік сақтандыру қоры» облыс бойынша филиалы директорының алғыс хаттары табысталды.
Екі әріптесіміз, Кәсіподақ қызметінің дамуына қосқан үлесі үшін «Еңбек даңқы» медалімен марапатталады.
<img src="https://kyzylorda-news.kz/wp-content/uploads/2021/10/img-20211028-wa0013.jpg" alt="" />
<img src="https://kyzylorda-news.kz/wp-content/uploads/2021/10/img-20211028-wa0012.jpg" alt="" />

«Азаматтарға арналған үкімет»  әлеуметтік сала қызметкерлерін мерекемен құттықтады

Kyzylorda-news.kz. Бүгін облыс әкімі Гүлшара Әбдіқалықова әлеуметтік сала қызметкерлері мерекесі аясында ардагерлермен, сала мамандарымен кездесіп, әлеуметтік қорғау жүйесіндегі қол жеткізген табыстарды тілге тиек етті.
Жиынға ұзақ жылдар әлеуметтік салаға еңбек еткен ардагерлер, облыс әкімінің орынбасары Балжан Шәменова, облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова, облыстық еңбек саласындағы бақылау басқармасының басшысы Төреахмет Жолымбетов, еңбек, әлеуметтік қорғау және көші-қон комитетінің Қызылорда облысы бойынша департаментінің басшысы Ертілеу Жалғасбаев қатысты. 
Аймақ басшысы ел Тәуелсіздігінің 30 жылдығымен және кәсіби мерекелерімен құттықтап, егемендік кезеңнен бері азаматтарды әлеуметтік қорғаудың алғышарттары жасалып, көпсалалық, бірнеше әлеуметтік қорғау жүйесінің тұрақты дамуына қосқан үлесін атап өтті.
Сонау тоқсаныншы жылдары зейнетақы төлемдеріне енгізілген өзгерістер, әлеуметтік көмек көрсету реформаларының әр түрлі кезеңдері, соның ішінде дүние жүзінде орын алған пандемия кезінде де жұмысы тоқтамаған саланың бірі – әлеуметтік қорғау жүйесі. 24 сағат кезекшілікпен жұмыс атқарып, халыққа барынша қолдау көрсеткен, азаматтарды қабылдауды бір мезетке де тоқтатпаған – осы әлеуметтік сала. Алғашқылардың бірі болып мүгедектігі бар адамдардың, жеке көмекшілердің, атаулы әлеуметтік көмек алушылардың вакцина алуы үшін жан-жақты түсіндірме жұмыстарын жүргізіп, індеттің алдын алуға үлес қосуда. Бүгінгі күні әлеуметтік салада 2 мыңнан астам адам еңбек етуде. Демек, әлеуметтік қызметкерлер жұмысының нәтижесі қоғамда адамдардың өмір сүру сапасын арттыруға тікелей әсерін тигізіп отыр. 
Аймақ тұрғындарының жұмыспен, әлеуметтік көмектермен, мемлекет тарапынан көрсетілетін жәрдемақылармен қамтылуы, мүгедектігі бар адамдардың өмір сапасының өз деңгейінде болуы – Мемлекет басшысының алға қойып отырған міндеттерінің бірі. Әрбір жасаған еңбек – халықты әлеуметтік қорғау жүйесінің дамуына, халықаралық стандарттарға сай қызмет көрсетуге бағытталған, – деді облыс әкімі. 
Кездесу барысында әлеуметтік сала ардагерлері Қорғанбек Қайруллаев, Геннадий Максин, Күлзия Дүзелбаева әріптестерін құттықтап, жылы лебіздерін білдірді және қиын кезеңдердегі еңбек жолдары туралы естеліктерімен бөлісті. 
Сондай-ақ, бірқатар сала қызметкері облыс әкімінің Алғыс хатымен марапатталды. 
Кездесу соңында жергілікті өнер қайраткерлері сала ардагерлеріне құрметі ретінде әннен шашу шашып, ілтипатын білдірді.
<img src="https://kyzylorda-news.kz/wp-content/uploads/2021/10/fb_img_1635423029034.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635423025744.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635423035813.jpg" alt="" />

Қызылордада 2 мыңнан астам әлеуметтік сала маманы халыққа қызмет етеді

Kyzylorda-news.kz. «Тұлпар мініп, ту алған!» байқауының Қазалы аудандық кезеңі басталды. Әйтеке би кентіндегі №249 мектеп-лицейде өтіп жатқан байқауда аудан мектептері бойынша 57 оқушы «Едіге батыр» жырын жатқа айтудан жарысып, бақ сынауда.
Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда.
Байқаудың ашылу салтанатында «Nur Otan» партиясы Қазалы аудандық филиалы төрағасының бірінші орынбасары Нұрғиса Жалғасбаев құттықтау сөз сөйледі. Сондай-ақ, «Дарын» қосымша білім беру орталығы директорының орынбасары Гүлжахан Сағындыққызы, талапкерлерге сәттілік тіледі.
<blockquote>
 – Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын. Байқау өңірімізде де жоғары деңгейде өткізіліп жатыр. Облыста 25 қазаннан басталған байқаудың 713 оқушы, бүгінгі Қазалы аудандық кезеңіне 57 оқушы қатысуда. Барлығыңызға сәттілік тілейміз, – деді ол.
</blockquote>
Байқауға «Nur Otan» партиясы Қазалы аудандық филиалы төрағасының бірінші орынбасары Нұрғиса Жалғасбаев, аудандық мәдениет және тілдерді дамыту бөлімінің басшысы Болат Жолтаев, аудандық білім бөлімінің сектор меңгерушісі Кенжетай Шамшадинов, Майдакөл ауылдық клубының кәсіпорын меңгерушісі Ермекбай Ағырай, аудандық «Қазалы» газетінің бас редакторы Есет Табынбаев, Қорқыт ата атындағы аудандық әуез мектебінің терме класының мұғалімі Сандуғаш Бисембаева, «Qazaq Epos» қоғамдық қорының өкілі Нұрсұлтан Қаражан қазылық етуде.
Сайыста оқушылардың жырды жатқа айтқа айту барысында кідірмей, мүдірмей оқуы, жырды толық жаттауы ескеріледі.
Барлық қатысушылар дипломдармен марапатталып, үздік үштіктен көрінген қатысушылар байқаудың облыстық кезеңіне жолдама алады.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Жобаның мақсаты – оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда.
<img src="https://kyzylorda-news.kz/wp-content/uploads/2021/10/img-20211028-wa0010.jpg" alt="" />

Қазалы ауданы бойынша 57 оқушы «Едіге батыр» жырын жатқа айтудан жарысуда

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова Жастар ресурстық орталығында ерекше күтімді қажет ететін балалармен кездесті. Алдымен аймақ басшысы ерекше жасөспірімдердің қолымен жасалған бұйымдар көрмесін тамашалады. Тәуелсіздігіміздің 30 жылдығы қарсаңында ұйымдастырылған «Біз өмірдің гүліміз» атты мерекелік кездесуге өңіріміздің түкпір-түкпірінен әнші, биші, спорттық жарыстарда алдыңғы қатарда жүрген өнерлі балалар қатысты.
Аймақ басшысы түрлі жарыстар мен сайыстарда жеңімпаз атанып жүрген жастарды құттықтап, Алғыс хат табыстады.
<blockquote>
 «Бүгін өздеріңізбен кездескеніме шын жүректен қуаныштымын! Сіздер облысымыздың атын республика көлемінде танытып келесіздер. Спорт, өнер, түрлі бағыттағы үлкен байқаулар мен сайыстарда қол жеткізген жетістіктеріңіз біз үшін үлкен мәртебе! 
 Қазақстан Республикасының Тұңғыш Президенті – Елбасы Нұрсұлтан Әбішұлы Назарбаевтың бастамасымен көптеген жобалар жүзеге асып, мемлекет тарапынан барлық қажетті Заңдар және нормативті-құқықтық актілер қабылданды. 
 Жақында ғана Президентіміз Қасым-Жомарт Кемелұлы Тоқаев мүгедектігі бар адамдардың құқықтарын қамтамасыз ету және тұрмыс сапасын жақсарту жөніндегі Заң қабылдады. Заң шеңберінде түрлі мемлекеттік қолдау шаралары және жәрдемақы көлемі айқындалған. 
 Сіздердің өмір сүруге деген құштарлықтарыңыз, жаңа жетістікке жетуге дегенен ынталарыңыз біз үшін қымбат. Зор денсаулық, отбастарыңызға бақ – береке тілеймін», – деді Гүлшара Әбдіқалықова.
</blockquote>
Мерекелік кездесуде облыстық «Жүрек жылуы» өнер фестивалінің ән жанры бойынша І орын, 2021 жылғы «Жұлдызай» Халықаралық балалар шығармашылығы фестивалінің қолөнер жанры бойынша І орын иегері, арнаулы әлеуметтік қызмет көрсету балалар орталығының қызмет алушысы Мырзалы Серіков, ҚР спорт шебері, волейболдан отырып ойнаудан республикалық жарыстың жеңімпазы Әділет Ахметов, Шиелі ауданының тумасы, стол теннисінен спорт шебері, Нұрсұлтан қаласында өткен тірек қимылы аппапраты зақымданған спортшылар арасында өткен республикалық спартакиаданың ІІІ орын иегері Ұлан Амангелдиев, отырып ойнау волейболынан ҚР спорт шебері. ҚР ұлттық құрама командасының мүшесі, ҚР V Жазғы Паралимпиада ойындары – ІІ орын, ҚР чемпионаты – ІІ орын, ҚР Кубогі – І орын, 2021 жыл ҚР VI Спартакидасы – І орын алған Ерасыл Әбдібек және Арал ауданынан, «Жұлдызай» республикалық балалар шығармашылық байқауының аудандық кезеңінде Аспапта орындау номинациясы бойынша І орын иегері, республикалық «Абай жолы» атты жас көркемсөз оқу шеберлерінің арасындағы сайыста II дәрежелі диплом иегері, халықаралық «ART BAS TAU» байқауында аспапта ойнау номинациясының бас жүлдегері, «Дарын» республикалық «Арайлы алтын күз» жас өнерпаздар байқауынан бас жүлдегері Нұрбақыт Тәниева Алғыс хатпен марапатталды. 
Айта кету керек, мүмкіндігі шектеулі жандардың тұрмыс сапасын жақсарту бойынша өңірде ауқымды шаралар қолға алынуда. Аталған бағытта 2025 жылға дейінгі іс-шаралардың Жол картасы бекітілді.
<img src="https://kyzylorda-news.kz/wp-content/uploads/2021/10/fb_img_1635418460347.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635418457567.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635418452902.jpg" alt="" />

Облыс әкімі ерекше күтімді қажет ететін өнерлі балалармен кездесті

<a href="https://kyzylorda-news.kz/ru/obshestvo/">Kyzylorda-news.kz</a>. Өткен айда облыс әкімінің жастармен кездесуінде «Жылы жүрек жастар» ҚБ-нің жетекшісі Сағатбек Сиюов мүгедектігі бар жандардың мәселесін қозғап, аймақ басшысына әлеуметтік нысандардағы пандустардың қолайлылығын бақылау үшін қаладағы ғимараттарды бірге аралауға ұсыныс жасады. Өз кезегінде өңір басшысы көтерілген ұсыныстың өзекті екенін алға тартып, бүгін Қызылорда қаласындағы бірқатар нысандарды аралап, мүгедектігі бар азаматтар үшін жасалған жағдайды тексерді.
Алдымен, аймақ басшысы орталық алаңдағы және Н.Бекежанов атындағы Қызылорда облыстық қазақ академиялық музыкалық драма театрына кіре берістегі пандустың бейімділігін көрді. Облыс әкімі орталық алаңда облыстық сот ғимараты жанындағы тротуарға шығатын пандус жоқ екенін және театрға көтерілетін пандус биік екенін айтып, жауапты басқарма басшыларына кемшіліктерді қалыпқа келтіру бойынша тапсырмалар жүктеді.
Мұнан кейін аймақ басшысы мен «Жылы жүрек жастар» ҚБ-нің жетекшісі «Bauyrdaq» фастфуд орталығы мен «Europharma» дәріханасына барды. Фасфуд орталығының кірер жолында пандус орнатылмаған, ал дәріханада тым биік жасалған. Аймақ басшысы кәсіпкерлік нысандарда мүмкіндігі шектеулі азаматтарға қолайлы жағдай жасалу қажет екенін баса айтып, облыстық мемлекеттік сәулет-құрылыс бақылауы басқармасының басшысы Сұлтан Мақашов пен қала әкімі Ғанибек Қазантаевқа тиісті жұмыстарды ретімен жүргізуді тапсырды. 
Сондай-ақ, облыс әкімі Тәуелсіздік даңғылында орнатылған пандустарды қарады.
<blockquote>
 «Өздеріңіз көріп тұрғандай, бұл жерде де орналастырылған пандус биік және сүйеніш темірі (перила) жоқ. Мұндай кемшіліктерге жол берілмеу қажет. Пандустар азаматтардың қимыл-қозғалысына қолайлы болу керек. Мүмкіндігі шектеулі азаматтар үшін қолайлы жағдай жасау біздің міндетіміз. Азаматтармыз өз еріктерімен кедергісіз қозғалу керек. Кемшіліктерді кезең-кезеңімен қалыпқа келтіруді тапсырамын, бұл жұмыстар бақылауымда болады», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/10/250445433_3840791499357224_228161125950560190_n.jpg" alt="" />
<img src="https://kyzylorda-news.kz/wp-content/uploads/2021/10/250170270_3840796862690021_2719247863498894684_n.jpg" alt="" />
<img src="https://kyzylorda-news.kz/wp-content/uploads/2021/10/250640863_3840792412690466_6206489458682930883_n.jpg" alt="" />

Г.Әбдіқалықова: Пандустар азаматтардың қимыл-қозғалысына қолайлы болу керек

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда балалардың қауіпсіздігін қамтамасыз ету мақсатында мектептерді тәулік бойы арнайы күзет қызметінің қадағалауына беру мәселесі қаралып жатыр. Бұл туралы ҚР Білім және ғылым министрлігінің Балалар құқықтарын қорғау комитеті төрағасының орынбасары Дулат Жекебаев мәлім етті, деп хабарлайды ҚазАқпарат.
<blockquote>
 «Қазан, Пермде болған жағдай бізге де кез келген қауіпке даяр болудың қажеттігін көрсетті. Балалар қауіпсіздігін қамтамасыз етуде мектеп күзетіне қойылатын талап жоғары. Күзет қызметі төтенше жағдайға әрдайым дайын болып, шұғыл шешім қабылдай білуі тиіс. Бұл дегеніміз бейнебақылау камерасының орнатылып, оның талап пен стандартқа сәйкес жұмыс істеуі. Осы орайда біз халықаралық тәжірибе мен өзге елдерде болып жатқан төтенше жағдайларға талдау жүргізудеміз», – деді Дулат Жекебаев «Kazakhstan Security Systems -2021» атты республикалық конференция барысында.
</blockquote>
Оның айтуынша, кейбір мектептердегі бейнебақылау камерасы тиісті талап пен стандартқа сәйкес келмейді.
<blockquote>
 «Мемлекет басшысының тапсырмасына сай, біздің министрлік құзырлы органдармен бірлесіп мектеп қауіпсіздігін тәулік бойы қадағалайтын арнайы күзет қызметімен қамту мәселесі қаралып жатыр. Сонымен қатар, барлық білім беру мекемелерінде «дабыл батырмасын» орнату да күн тәртібінде. Аталған шаралар бюджеттен қосымша 2 млрд теңге қаржыны талап етеді. Осы орайда бүгінде құқықтық-нормативтік актіге қайта өзгерістер енгізіліп жатыр», – дейді ол.
</blockquote>

Елімізде мектептерді арнайы күзет қызметі тәулік бойы қадағалайды

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін Қазалы аудандық мәдениет орталығында күйші, қобызшы, музыкант Махамбет және Романқұл Әуезовтер атындағы облыстық байқауы өтті. Байқауға Қызылорда қаласы мен Арал, Шиелі, Жаңақорған, Сырдария аудандарынан келген халықтық отбасылық ансамбльдері қатысты.
Байқаудың ашылу салтанатында аудан әкімі Мұхтар Оразбаев құттықтау сөз сөйлеп, қатысушыларға сәттілік тіледі. Сонымен қатар, «Әуезовтер» халықтық отбасылық ансамблінің жетекшісі, ҚР мәдениет саласының үздігі, халықаралық, республикалық байқаулардың лауреаты Арман Әуезді 55 жасқа толған туған күнімен құттықтап, игі тілегін жеткізді.
Дарынды отбасылардың өнерін Қазанғап атындағы Қызылорда жоғары музыкалық колледжінің аға оқытушысы Төлеген Кәденов, Қазақстан Композиторлар Одағының мүшесі, ҚР «Мәдениет қайраткері» белгісінің иегері Сәукен Әліш, Қызылорда облысының мәдениет, архивтер және құжаттама басқармасының бөлім меңгерушісі Гүлжан Байзақовалар сарапқа салды.
Облыстық байқаудың жеңімпазы болып Сырдария ауданынан келген «Сәдуақасовтар» отбасылық ансамблі танылды. Бұл өнерлі отбасы 2019 жылы өткізілген жарыста да топ жарған болатын.
Екінші, үшіншіорындарды Арал ауданының «Кәдірқұловтар» мен шиелілік «Смайловтар» халықтық отбасылық ансамблі өзара бөлісті.
Ал, «Айсыновтар» отбасы«Көрермен көзайымы», «Бидашовтар» отбасы «Ізденпаз отбасы», «Қожабаевтар» отбасы «Өнерлі отбасы» номинацияларына ие болды.
<img src="https://kyzylorda-news.kz/wp-content/uploads/2021/10/248891869_3191604007727191_5064061516308434391_n.jpg" alt="" />
<img src="https://kyzylorda-news.kz/wp-content/uploads/2021/10/247481912_3191610207726571_6782295035219109667_n.jpg" alt="" />
<img src="https://kyzylorda-news.kz/wp-content/uploads/2021/10/248888257_3191610297726562_5156333156704696681_n.jpg" alt="" />
<img src="https://kyzylorda-news.kz/wp-content/uploads/2021/10/249627342_3191610147726577_6894261032914322817_n.jpg" alt="" />

Сырдариялық «Сәдуақасовтар» облыстық отбасылық ансамбльдердің байқауында топ жарды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы кәсіпкерлер палатасының заңгерлері &nbsp;авторлық қадағалауды жүзеге асыру қызметі бойынша мемлекеттік орган сотқа берген кәсіпкердің құқығын қорғап қана қоймай 1,399 млн теңгесін сақтап қала алды. Бұл жеңіс осындай жағдайға тап болған 70-ке жуық кәсіпкердің мәселесін шешеді деп күтілуде.
Мәселені басынан бастап айтсақ. Өткен жылы Қызылорда қаласына қарасты Белкөл кентінің әкімдігі Зеленая, Есмаханов, Әбуов көшелеріне орташа жөндеу жұмыстарын жүргізеді. Жол жөндеу жұмыстарын авторлық қадағалау қызметі үшін әкімдік мемлекеттік сатып алу шарты арқылы «КЭЛМОСС» ЖШС-мен келісімшартқа отырады. Кәсіпкер жалпы құны 1,399 млн теңге тұратын қызметті уақытында сапалы орындап берді. Сол мезетте тапсырыс беруші Белкөл кенті әкімдігі тарапынан кәсіпкерге ешқандай шағым болмаған.
Алайда биыл тамызда кент әкімдігі кәсіпкерді аяқ астынан сотқа беріп, көрсетілген қызметке төленген қаржыны бюджетке қайтаруын сұраған. Оқиғаның былай өрбуін күтпеген кәсіпкер құқығын қорғауын сұрап Кәсіпкерлер палатасына өтінішпен шықты.
Палата заңгерлері құжаттармен танысу барысында Белкөл кенті әкімдігінің қадағалаушы орган тарапынан берген ұсынысы негізінде кәсіпкерді сотқа бергенін анықтады.
<blockquote>
 «Заң бойынша жолды орташа жөндеу авторлық қадағалауға жатпайды. Алайда бұл жерде кәсіпкердің кінәсі жоқ. Себебі авторлық қадағалауға бюджеттен қаржы бөліп, оған мемлекеттік сатып алу процесін ұйымдастырған, яғни тапсырыс беруші Белкөл кенті әкімдігі. Ал кәсіпкер сол кент әкімдігінің тапсырысын орындады. Қызметтің&nbsp; сапасына, орындау мерзіміне қатысты ешқандай кемшілік жоқ. Ендеше неге кәсіпкер мемлекеттік органның жіберген қателігіне жауап беруі керек? Біз сотта кәсіпкердің қорғаушысы ретінде қатысқанда осы жайттарды негізге алдық», – дейді Кәсіпкерлер палатасы директорының құқықтық мәселелер жөніндегі орынбасары Салават Құлмахан.
</blockquote>
Кәсіпкерлер палатасының заңгерлері кәсіпкерді қорғау барысында «Қазақстан Республикасындағы сәулет, қала құрылысы және құрылыс қызметі туралы За»ң мен «Азаматтық кодекс» және «Азаматтық процестік кодекстерді» басшылыққа алды.
Нәтижесінде Қызылорда мамандандырылған ауданаралық экономикалық соты мемлекеттік органның талап арызын қанағаттандырусыз қалдырды.
<blockquote>
 «Сот процесіне дайындық барысында бізге осындай проблемамен 70-ке жуық кәсіпкер хабарласты. Сырдария, Жалағаш аудандары мен Қызылорда қаласының әкімдігі сотқа талап арызбен жүгініп жатыр екен. Жақын күндері аталған мемлекеттік орган өкілдерімен кездесіп, түсіндірме жұмыстарын жүргізуді көздеп отырмыз. Бұл қадамдарымыз арқылы кәсіпкер мен сот, мемлекеттік органдардың, өзіміздің де уақытымызды, ресурсымызды үнемдеуге болады. Кездесу оң нәтиже бермеген жағдайда сотта 70 кәсіпкердің де мүддесін қорғайтын боламыз», – дейді Салават Құлмахан.
</blockquote>
Қызылорда облысының кәсіпкерлер палатасы осы материалда көрсетілген жағдайға тап болған өзге де кәсіпкерлерді 8 /7242/ 40-09-81 байланыс нөміріне хабарласуын сұрайды.

Қызылорда: Кәсіпкерлер палатасы 70-ке жуық кәсіпкердің құқығын қорғамақ

<a href="https://kyzylorda-news.kz/ru/obshestvo/">Kyzylorda-news.kz</a>. Мемлекеттік қызметкерлер арасында сыбайлас жемқорлықтың алдын алу мақсатында және тектес құқықбұзушылықтарды болдырмау мақсатында сыбайлас жемқорлық қылмыс жасаған азаматтардың әріптестері мен өзгеде мемлекеттік қызметшілердің қатысуымен сот процестерін офлайн ұйымдастыру тәжірибесі енгізілді.
Осылайша Шиелі аудандық актив, маслихат депутаттары, жергілікті бөлімдердің мемлекеттік қызметшілері сотталушы тұлғаға қатысты сыбайлас жемқорлық қылмыстық іс бойынша сот процесіне Zoom платформасы арқылы онлайн қатысуы ұйымдастырылды.
2020 жылдың сәуір-қараша айларының аралығында «Шиелі аудандық білім бөлімі» КММ-нің лауазымды тұлғалары пандемия кезеңінде, барлық білім беру ұйымдары қашықтықтан, онлай режимінде жұмыс жасап жатқан жағдайда, аудан мектептерінің оқушыларына ыстық тамақ беру, оқушыларға жазғы демалыс лагерлеріне жолдамалар алу, іс-шараларға жүлделер мен естелік сыйлықтар сатып алу қызметтеріне, мемлекеттік сатып алулар өткізген.
Нәтижиесінде сатып алу қорытындысымен қызметтер көрсетілмесе де жалған құжаттар дайындалып, жалпы сомасы 334 981 088 теңге бюджет қаражатын аталған жеке кәсіпкерлердің есеп-шоттарына аударып берген. Салдарынан мемлекет қаражатын аса ірі көлемде талан-таражыға салып, жымқырған деп айып тағылып, бүгінгі күні қылмыстық істің қорытынды процесі.
Кездесудің негізгі мақсаты адалдық, парасаттылық, әділдік, сенім құндылықтарын сіңіруге және сыбайлас жемқорлыққа қарсы мәдениетін қалыптастыру. Сондай-ақ елдің әлеуметтік хал-ахуалын жақсартып, экономикалық дамуы жоғарғы деңгейге көтеретін, алға басқан қадамды кейін тартып, дамуымызға тежеу болып отырған сыбайлас жемқорлықпен күресті күшейту – әрқайсымыздың азаматтық борышымыз екендігі түсіндіру.
<img src="https://kyzylorda-news.kz/wp-content/uploads/2021/10/248796995_580737056595560_7406056441208201746_n.jpg" alt="" />
<img src="https://kyzylorda-news.kz/wp-content/uploads/2021/10/249803599_580737016595564_6165076099975422898_n.jpg" alt="" />

Қазақстан және Қызылорда облысының жаңалықтары