<a href="https://kyzylorda-news.kz/">Kyzylorda-news.kz.</a> Мемлекеттік қызмет істері агенттігінің Қызылорда облысы бойынша департаментінің бастамасымен «Сыр болашағы» жас мемлекеттік қызметшілер клубының жұмысы қайта жанданды.
Клубтың жұмысы – жас мамандарды мемлекеттік қызметке бейімдеу, олардың кәсіби дамуы мен қызметтік қабілеттерін шыңдауға бағытталған.
«Сыр болашағы» жас мемлекеттік қызметшілер клубы 2012 жылы құрылған. 2012-2014 жылдар аралығында қарқынды жұмыстар жүргізілген болатын. Атап айтқанда, жас мемлекеттік қызметші конкурсы, мемлекеттік қызметшілер арасында интеллектуалдық, спорттық шаралар, тимбилдинг, үйірмелер ұйымдастырылған болатын. Сол кезеңде клубқа белсенді мүше болған, конкурстардың жеңімпазы атанған мемлекеттік қызметшілер бүгінгі таңда лауазымды қызметтерде жұмыс жасауда.
Осы ретте, клубтың жұмысын қайта жандандыру бойынша іс-шараларды пысықтау мақсатында кездесу ұйымдастырылды. Кездесу Департамент басшысы, Әдеп жөніндегі кеңес төрағасы Ғалым Тұрсынбаевтың жетекшілігімен өтті.
Кездесуде клубтың жұмысына қатысты ұсыныстар айтылып, алдағы жоспарлары ортаға салынды. Клубтың алғашқы жетекшісі, бүгінгі таңда «Азаматтарға арналған үкімет» мемлекеттік корпорациясы облыстық филиалы директорының орынбасары Айдын Қайруллаев өз ұсыныстарын білдірді.
Жиын соңында жыл көлемінде атқарылатын жұмыстар жоспарланып, клуб құрамын жасақтау бағытында жұмыстарды жүргізу тапсырылды.

«Сыр болашағы» клубының жұмысы қайта жанданды

<a href="https://kyzylorda-news.kz/">Kyzylorda-news.kz.</a>&nbsp;Мәжіліс депутаты Александр Милютин тариф бағасы ашық болмауына байланысты қазақстандықтар коммуналды қызмет үшін артық төлеуге мәжбүр екенін айтты. Ол ЖЭО барлық электр энергиясын халыққа залал келтіретін криптоформаға беретінін айтты, деп хабарлайды&nbsp;<a href="https://kaz.tengrinews.kz/">Tengrinews.kz</a>.
Премьер-министрдің атына жолдаған депутаттық сауалында Милютин электр энергиясы тарифінің үш құрамдас бөлігінің ішінде энергия беруші ұйымдардың тарифтері мен энергиямен жабдықтаушы ұйымдардың үстемеақылары ғана ашық жарияланатынын атап көрсетті.
<blockquote>
 “Энергия өндіруші ұйымдардың тарифтері ашық емес, өйткені оны монополияға қарсы орган емес, Энергетика министрлігі реттейді”, – деді ол.
</blockquote>
Депутаттың айтуынша, электр энергиясына қатысты тарифтерді талқылау кезінде басты буын – электр энергиясын өндірушінің бағасы төмендейді.
Сондай-ақ, оның пікірінше, Қазақстанда тарифтерді бір қызметтен басқасына ауыстырады.
<blockquote>
 “Жылу және электр энергиясын өндіретін ЖЭО тарифтерін екі мемлекеттік орган реттейді: жылуды – табиғи монополияларды реттеу комитеті, электр энергиясын – Энергетика министрлігі. Олар түрлі әдістеме бойынша реттеледі, нәтижесінде жылу өндірудегі ЖЭО шығындары электр энергиясының тарифтері есебінен кетеді. Бұл осы ЖЭО-дан жылу алмаған, ЖЭО-дан шалғай орналасқан өңірдегі тұтынушыға ЖЭО шығындарын төлетуге әкеп соғады”, – деді Милютин.
</blockquote>
Депутат Қазақстанда электр энергиясының бәсекеге қабілетті нарығы жоқ екенін мәлімдеді. Елде өндірілетін электр энергиясының барлық көлемі тұтынушылар мен бекеттер арасындағы екіжақты шарттар арқылы жүзеге асырылады. Оның айтуынша, бұл электр қуатының тапшылығын және басқа да жағымсыз салдарды туындатады.
<blockquote>
 “Мысалы, Согра ЖЭО экономика секторы мен халыққа залал келтіріп, өндірілген электр энергиясының барлығын дерлік тау-кен крипто фермасына береді, тіпті қуат нарығынан да кіріс алады”, – деді депутат.
</blockquote>
Милютин электр энергиясы нарығында бәсекелестікті дамыту идеясынан бас тартып, оны бүкіл ел бойынша бекеттерді бірыңғай тарифпен қамтамасыз ету функциясы бар сатып алушыға беру заң жүзінде&nbsp;әлдеқайда тиімді болатынын түсіндірді.
Сондай-ақ, ол ЖЭО-да жылу және электр энергиясына тарифті бекіту жөніндегі функцияларды бір мемлекеттік органға беруді, тарифтерді бекітудің ашық және әділ механизмін қамтамасыз етуді сұрады.

Қазақстандықтар коммуналды қызмет үшін артық төлеп жүр ме?

Kyzylorda-news.kz. Бүгін жастар арасындағы жұмыссыздық деңгейін төмендету және кәсіпкерлікті дамыту, жастардың сұранысындағы қажеттіліктерді қамтамасыз ету мақсатында Тасбөгет кентінің орталық алаңында «Мүмкіндіктер керуені» ұйымдастырылды.
Шара барысында 1392 бос жұмыс орындары ұсынылса, мемлекеттік бағдарламалардың («Дипломмен ауылға», «2021-2025 жылдарға арналған кәсіпкерлікті дамыту ұлттық жобасы», «Бизнес бастау») сала мамандары, жастарға және жас отбасыларға тұрғын-үй алу мүмкіндігі бойынша «Отбасы Банк» АҚ-нің, «E-gov» электронды қызмет көрсету жүйесін пайдалану бойынша «Азаматтарға арналған үкімет» 
АҚ-ның мамандары кеңес берді.
Cонымен қатар, С. Майқанова атындағы мәдениет үйінде жастардың тегін үйірмелерге, тегін тілдік курстарға жазылып, тегін құқықтық (адвокаттардың, сот орындаушылардың, құқық қорғау қызметкерлерінің), дәрігерлік қызметтерді алды.
Жастарға арнайы «Жас журналистер», «Жас ақындар», «Жас модельдер», «Жас актерлер» кастингтері ұйымдастырылды. 
Орталық алаңда ұлттық спорт түрлерінен (қазақ күресі, тоғызқұмалақ, қол күресі, гір көтеру, асық ату) сайыстар өткізіліп, жеңімпаздар сыйлықтармен марапатталды.
Кеш соңы заманауи әндермен жалғасын тауып, гала концертке ұласты.
Айта кету керек, бұған дейін 25 ақпанында облыстық жастар ресурстық орталығында «Мүмкіндіктер алаңы» өткізіліп, 100-ге жуық бос жұмыс орындары ұсынылған болатын.
Алдағы уақытта тоқсанына бір рет ұйымдастырылатын «Мүмкіндіктер кеуенін» Қызылорда қаласының шет аймақтарында өткізу жоспарлануда.
<img src="https://kyzylorda-news.kz/wp-content/uploads/2022/04/img-20220413-wa0022.jpg" alt="" />
<img src="https://kyzylorda-news.kz/wp-content/uploads/2022/04/img-20220413-wa0015.jpg" alt="" />
<img src="https://kyzylorda-news.kz/wp-content/uploads/2022/04/img-20220413-wa0018.jpg" alt="" />
<img src="https://kyzylorda-news.kz/wp-content/uploads/2022/04/img-20220413-wa0021.jpg" alt="" />
<img src="https://kyzylorda-news.kz/wp-content/uploads/2022/04/img-20220413-wa0016.jpg" alt="" />

«Мүмкіндіктер керуені»: Қызылордада бос   1392 жұмыс орны ұсынылды

*<a href="https://kyzylorda-news.kz/">Kyzylorda-news.kz.</a>&nbsp; Абайсызда жол-көлік оқиғасына түсіп, досының өліміне себепші болған қызылордалық азамат болған жайды өкінішпен еске алады.*
Ол осы қайғылы оқиғадан кейін сот үкімімен 3 жылға бас бостандығынан айырылып, жазасын Қызылорда қаласындағы ЗК-169/4 қауіпсіздігі барынша төмен мекемеде өтеп жатыр.
<blockquote>
 &nbsp;«Досым екеуміз жол жөндеу саласында жұмыс жасайтынбыз.&nbsp; 2021 жылдың күз айы болатын. Екеуіміз жұмыстан кейін ішімдік іштік. Мен масаң күйде көлік жүргіздім, ал досым менің жанымда отырды. Бір уақытта жылдамдықты қатты асырып алдым ба, есімде жоқ, есімді жиғанымда жол-көлік апатына түсіппін. Әрине, бұл күн менің есімде өмірімдегі қаралы күн болып жатталып қалды. Себебі мен досымнан мәңгілікке айырылдым. Ойласам, әлі күнге дейін өзегім өртенеді. Дәл сол күндері өмірден түңіліп кеткен кездерім де болды. Мас күйде көлік жүргізбеуім керек еді. Бұл қателігім өзіме өмірбойы сабақ болды және бұл ісім үшін әлі күнге дейін өкінемін»,- дейді жазасын өтеуші.
</blockquote>
ЗК-169/4 мекемесінің психолог маманы Салтанат Сәбитбекқызы сотталғанның мекемеге түскен кезінде қатты күйзелісте болғанын айтады. Алайда, тиісінше көрсетілген психологиялық көмектердің арқасында жазасын өтеуші қазіргі таңда өзін жақсы сезінеді.
<blockquote>
 «Байқаусызда қателікке бой алдырған осындай жазасын өтеушілер психолог мамандардың жеке қабылдауында болып, түрлі психологиялық тренингтер мен мекемеішілік іс- шараларға қатыстырылады.
 Біздің мақсатымыз – өмірде аяғын шалыс басып, бас бостандығынан айырылған жазасын өтеуші сотталғандардың бұрынғы қателігін қайталамауына және қоғамға бейімделулеріне барынша көмек беру,- дейді психолог маман Салтанат Сәбитбекқызы.
</blockquote>

Досының өліміне себепші болған қызылордалық өткенін өкінішпен еске алды

<a href="https://kyzylorda-news.kz/">Kyzylorda-news.kz.</a> Облыстағы «Дарын» қосымша білім беру орталығының үздіктері халықаралық деңгейдегі жарыстарда жүлделі орындардан көрінуде. Аталған білім беру орталығында соңғы он жылда 500-ден астам оқушы жеңімпаз атанған.
«Жылдан жылға пәндік олимпиадалар мен ғылыми жобалардың маңызы артып келеді. Бүгінде оқушыларымыз халықаралық, республикалық дәрежедегі білім додаларында бақ сынауда. Биыл халықаралық «Жібек жолы», «Азия-Тынық мұхиты» олимпиадасында 1 оқушымыз күміс медаль, 7 оқушы қола медаль иегері атанды. Жас өрендерді ғылым жолына бағыттайтын республикалық ғылыми-жобаларда 7 оқушы жүлделі орындарды иеленіп, 3 оқушымыз Қорқыт ата атындағы ҚУ білім грантын ұтып алды. Сонымен қатар облыс әкімдігінің қолдауымен дарынды балаларға арналған «Сыр дарыны» білімділер академиясының жұмысы жандануда. Жалпы білім беру ұйымдарында 8-9 сыныптың 100 оқушысы бірнеше пәндер бойынша оқыту курстарының бірінші кезеңінен өтіп жатыр», – деді «Дарын» қосымша білім беру орталығының директоры Айжан Қиянбекова.
Айта кетейік, талантты балаларды және жастарды қолдау мақсатында «Ел үміті» бастамасы облыста кеңінен жүргізілуде.

Айжан Қиянбекова: Дарынды оқушыларға арналған олимпиадалар ұйымдастырылып жатыр

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қазақстанда көктемгі әскерге шақыру науқаны өтіп жатыр. Азаматтарды мерзімді әскери қызметке шақыру 2022 жылғы 1 наурыздан басталып, 30 маусымға дейін жалғасады.
Азаматтарды шақыру пункттеріне медициналық комиссиядан өту үшін шақыруға қатысты барлық рәсімдер заңнамаға сәйкес жүргізілетінін хабарлаймыз.
18-ден 27 жасқа дейінгі әскерге шақыру жасындағы жасөспірімдер шақырту қағазы және sms-хабарламалар жіберу арқылы медициналық комиссиядан өтуге келу қажеттігі туралы мәлімделеді.
<blockquote>
 «Егер әскерге шақырылушы бірнеше рет хабарлағаннан кейін жинау пунктіне келмесе, онда жергілікті әскери басқару органдарының қызметкерлері полиция қызметкерлерімен бірлесіп жалтарушының тұратын және жұмыс істейтін жеріне барады.
 Шақыру медициналық комиссияның нәтижелері бойынша шақырылушының мерзімді әскери қызмет өткеруге жарамдылық дәрежесі айқындалады. Егер жас жігіт жарамсыз деп танылса, онда сол күні ол жинау пунктінен үйіне қайтады. Егер әскерге шақырылушы қосымша тексеруді қажет етсе, онда ол медициналық мекемелерге жіберіледі», – делінген Қорғаныс министрлігінің хабарламасында.&nbsp;
</blockquote>
Медициналық комиссия тексеруінен сәтті өткен және қызметке жарамды деп танылған әскерге шақырылушылардың әрбірін әкімнің орынбасары төрағалық ететін шақыру комиссиясы дербес қарайды. Осылайша, әскерге шақыру туралы шешім қабылданады.
<blockquote>
 «Сонымен қатар, шақыру бойынша медициналық комиссия мен әскери қызметтен жалтару әкімшілік және қылмыстық жауапкершілік ретінде қаралатынын естеріңізге саламыз.
 Шақыру қағазы бойынша медициналық тексеруге келмеген жағдайда 5 АЕК мөлшерінде айыппұл салынады.
 Әскери қызметтен жалтару бір мың АЕК мөлшерінде айыппұл салуға, не сол мөлшерде түзету жұмыстарына, не 400 сағатқа дейінгі қоғамдық жұмыстарға тартуға, не бір жылға дейінгі мерзімге бас бостандығын шектеуге немесе одан айыруға әкеп соғады», делінген хабарламада.
</blockquote>

Әскерден жалтарғандарға 3 млн теңге айыппұл салынады

<a href="https://kyzylorda-news.kz/">Kyzylorda-news.kz.</a> Сауда және интеграция министрлігі доллар бағамы түскеннен кейін азық-түліктің төмендейтінін болжап отыр, деп хабарлайды <a href="https://sputnik.kz/20220413/dollar-bagamy-azyq-tulik-24177458.html">Sputnik Қазақстан</a>.
Сауда комитеті төрағасының орынбасары Айдар Әбілдабековтың айтуынша, наурыз айында доллар күрт көтерілгеннен кейін халық дүрлігіп қалды. Көбісі жаппай дүкенге жүгірді. Сұраныс бірден жоғарылады.
Содан сауда желілері де бағаны көтере бастады. Себебі сатып алынатын тауарлар қымбаттайды деп кауіптенді.
<blockquote>
 «Қазір доллар артқа қарай шегінді. Бірақ естеріңізде болса, доллар күрт өскенде бағалар бірден өскен жоқ қой. Меніңше, бәрі орнына келеді, баға да бірдіндеп төмендей бастайды», – деді Әбілдабеков орталық коммуникациялар қызметінде өткен брифингте.
</blockquote>
Оның айтуынша, көтерме сауда желілері бағаны көтерсе, дүкендер де өз үстемесін қосады.
<blockquote>
 «Енді, біз заң бойынша кез келген дүкенге кіріп, тексеріс жасай алмаймыз. Өйткені мораторий бар. Бірақ қазір республика бойынша 114 базар тексеріліп жатыр. Соның ішінде «Алтын орда» базары да бар. Ол жерде тексеріс аяқталуға жақын. Сондықтан баға түседі деп ойлаймын. Қазіргі деңгейде тұра бермейді. Өйткені бәсекелестік баға түсіруге мәжбүр етеді», – деп атап көрсетті ол.
</blockquote>

Доллар бағамы түскеннен кейін азық-түлік арзандай ма? &#8211; Министр жауабы

<a href="https://kyzylorda-news.kz/">Kyzylorda-news.kz.</a>&nbsp; Қызылорда қалалық пробация есебіндегі&nbsp; Болат есімді сотталған өз кәсібін ашып, ісін алға жүргізіп отыр.&nbsp; Ол есірткі бабымен сотты болып, түзеу мекемесінде жазасын өтеп, 2019 жылы жазасының өтелмеген бөлігі неғұрлым жеңіл жаза түріне ауыстырылған. Сол жылдан бастап қалалық пробация есебіне алынған.&nbsp;&nbsp;
Жеке кәсіп ашсам деп ниеттенген Болатқа&nbsp; пробация инпекторлары құқықтық көмек көрсетеді. Нәтижесінде мемлекеттен қайтарымсыз 583 мың теңге грант ұтып алып, 100-ге жуық тауық пен мал алып,&nbsp; жеке кәсібін ашты.
<blockquote>
 «Менде мардымсыз айлыққа күнім қараған қарапайым жұмысшы едім. Қалалық &nbsp;пробация қызметкерлерінің көмегімен мемлекет тарапынан берілетін қайтарымсыз грантқа қол жеткіздім. Қазіргі заманда жұмыс жасап, тұрмысын түзеймін деген жандарға мемлекет тарапынан көптеген мүмкіндіктер берілуде. Істі бастау қиын, бірақ талпыныс болса бәрін де игеруге болады. Көбі мал баққанды бейнетті кәсіп санайды. Оның қиындығынан қашады. Мыңғыртып мал айдамасаң да, өз үйіңді етпен, сүтпен қамтыған дұрыс»,- &nbsp;дейді есептегі қызылордалық.
</blockquote>

Есептегі тұрғын өз кәсібін ашты

<a href="https://kyzylorda-news.kz/">Kyzylorda-news.kz.</a>&nbsp; Қаңтар оқиғасында жазатайым қаза болғандардың туыстарына қаражат бөлінді. Бұл туралы «Қазақстан халқына» қоғамдық қоры төрағасының орынбасары Ләззат Шыңғысбаева айтты, деп хабарлайды ҚазАқпарат.
<blockquote>
 «Бүгінгі таңда қаза тапқан 19 және ауыр жараланған 106 Ішкі істер министрлігі, Ұлттық қауіпсіздік комитеті қызметкерлерінің отбасы мүшелеріне және Қорғаныс министрлігі мен Республикалық ұланның әскери қызметшілеріне материалдық көмек көрсетілді. Жалпы сома 451 млн теңгені құрады», – деді Л. Шыңғысбаева Орталық коммуникациялар қызметінде.
</blockquote>
Сонымен қатар ол қаңтар оқиғасында жазатайым қаза болғандардың туыстарына қаражат бөлінгенін айтты.
Қаза болған үш азаматтың отбасы мүшелеріне ақшалай төлемдер жіберілді, олардың жазатайым оқиғаның құрбаны екенін құзырлы орган растады. Сондай-ақ зардап шеккен үш баланың және қайтыс болған екі баланың отбасыларына ақшалай төлемдер жіберілді. Бұл санаттағы жапа шеккендерге төленген жалпы төлем сомасы 44 млн теңгені құрады», – деді қор өкілі.
Оның айтуынша, қазір қаза тапқан 13 бейбіт тұрғынның туыстарына ақша аудару үшін ақпараттар нақтыланып жатыр.
Таратылған мәліметке қарағанда, үш айда «Қазақстан халқына» қоғамдық қорына 126,05 млрд қаржы түсті.

Қаңтар оқиғасында қаза болған 13 адамның туыстарына қордан қаражат аударылады

<a href="https://kyzylorda-news.kz/">Kyzylorda-news.kz.</a>&nbsp;Қазақстанда кәмелетке толмаған балаға төлқұжат алу арзандамақ. Мұндай ұсынысты Парламентте Мәжіліс депутаттары тастады. Қазіргі уақытта мемлекеттік баж салығы 8 АЕК-ті (24 504 теңге) құрайды, алдағы уақытта оны 4 АЕК-ге (12 252 теңге) дейін төмендетпек.&nbsp;
Парламент мәжілісі халықтың көші-қоны саласындағы заңнаманы жетілдіру мәселелері туралы заң жобасын бірінші оқылымда мақұлдады.
Депутат Ғазиз Зейнел-Ғабиденұлы Құлахметов 2020 жылдан бастап 16 жасқа дейінгі балалардың фотосуретін ата-анасының паспортына жазуға және жапсыруға тыйым салынғанын еске салды.
Осыған байланысты шетелге шыққан кезде балаларға жеке паспорт қажет.
<blockquote>
 «Физиологиялық процесті ескеріп, 12 жасқа толғанша баланың төлқұжатын әрбір 5 жыл сайын ауыстыруды көздеп отырмыз, ал 12 мен 16 жасқа дейінгі балалардың паспортының жарамдылық мерзімі өзгеріссіз, яғни 10 жыл болып қала бермек», – деді мәжілісмен.
</blockquote>
Осы орайда, құжатты ауыстыру отбасыға қаржылық салмақ түсіретінін ескерген депутаттар мемлекеттік баж салығын 8 АЕК-тен 4 АЕК-ге дейін төмендетуді ұсынды.&nbsp;
Сондай-ақ заң жобасына сәйкес, пана іздеген адамдар мен босқындар Қазақстан аумағындағы мекенжайын ауыстырған жағдайда, тіркеуден шығып, жаңа тұрғылықты жеріне қоныстанған күннен бастап бес жұмыс күні ішінде уәкілетті органда қайта тіркеуге тұруға тиіс.
Пана іздеген адамдарды Қазақстан аумағындағы тұрғылықты жері бойынша тіркеудің тиісті тәртібін бекіту жөніндегі құзыретті ішкі істер министрлігіне беру қажет деп ұйғарылып отыр.
<a href="https://stan.kz/kazakstanda-balalardin-tolkyzhatin-alu-arzandaydi-362991/">Stan.kz</a>

Қазақстанда балалардың төлқұжатын алу арзандайды

<a href="https://kyzylorda-news.kz/">Kyzylorda-news.kz.</a> “Қазгидромет” мәліметіне сүйенсек,&nbsp;Қазақстан аумағы арқылы өтетін циклон салдарынан ауа райы тұрақсыз болады. Найзағай ойнап, жаңбыр жауады, жел күшейеді.&nbsp;
Республика бойынша тұман, еліміздің батысында шаңды дауыл соғады. Республиканың тек&nbsp;шығысы мен солтүстік-шығысында жауын-шашынсыз ауа райы күтіледі.&nbsp;
Күндізгі уақытта еліміздің солтүстігі мен оңтүстігінде ауа температурасы&nbsp;20-25 градусқа дейін, орталық аймақтарда&nbsp;17-22&nbsp;градусқа дейін көтеріледі. Ал&nbsp;шығысында 12-20 градусқа дейін жылынады.

Синоптиктер 14-16 сәуірге арналған ауа райы болжамын жариялады

<a href="https://kyzylorda-news.kz/">Kyzylorda-news.kz.</a>&nbsp; 12 сәуір – Ғылым саласы қызметкерлерінің күніне орай Қорқыт ата атындағы Қызылорда университетінде «Мемлекет – Бизнес – Университет: өңірлік экономика драйверлері» атты дөңгелек үстел өтті.
Облыс әкімдігі мен университет бірлесіп ұйымдастырған шараға Басқарма төрағасы – Ректор Бейбіткүл Кәрімова қатысып, «Мемлекет-бизнес-университет» үштаған моделін іске асырудың өзектілігі жоғары екенін атап өтті.
<blockquote>
 &nbsp;Университеттің бизнес өкілдерімен ынтымақтастығын дамыту күн тәртібінде тұр. Бұл тұрғыда ірі бизнес өкілдерімен ынтымақтастық бойынша жол картасы дайындалып, соған сәйкес жұмыстар жүргізілуде. Соның ішінде өңірдегі ірі компаниялардың өндірістік проблемаларын шешуге бағытталған ғалымдарымыздың ғылыми-зерттеу және тәжірибелік конструкторлық жұмыстары ерекше маңызға ие. Мұндай &nbsp;жобаларымызға&nbsp;&nbsp;«ПетроҚазақстан Құмкөл Ресорсиз» АҚ,&nbsp;«ҚОР» Мұнай компаниясы» АҚ қаржы бөлсе, «ҚуатАмлонМұнай» БК» ЖШС, т.б.&nbsp;компаниялар қызығушылық&nbsp; танытуда.
 Күні кеше «Торғай Петролеум» АҚ компаниясының білікті&nbsp; мамандарымен&nbsp;кездесуге университеттің бір топ жетекші ғалымдары барды.&nbsp;Екі жаққа пайдасы көп кездесу барысында өндірісте қордаланған мәселелер ортаға салынды. Өз тарапымыздан оларды шешу&nbsp; жолдарын қысқа уақытта&nbsp;ұсынатын болып уағдаластық, – деді Бейбіткүл Сәрсемханқызы.
</blockquote>
Жиында университет ғалымдары өндірістік проблемалар мен оларды шешу жолдарын талқылады.
Айталық, ғалымдар ауылшаруашылығы және мұнай қалдықтарын лас ағын суларды тазалауға арналған сорбентпен өңдеу жолдарын ұсынып, облыстағы кен орындарының топырағына радионуклидтердің техногендік әсерін төмендету бойынша зерттеулерін баяндады.
Жиын барысында университет ғалымдары ҚР Білім және ғылым министрлігінің Құрмет грамотасы, Алғыс хаты және «Қорқыт ата атындағы Алтын медаль», Қорқыт ата атындағы Қызылорда университетінің «Үздік түлек», «Үздік оқытушы» медальдарымен, Құрмет грамотасы, Басқарма Төрағасы – Ректордың Алғыс хатымен марапатталды.
Айта кету керек, Қорқыт ата атындағы Қызылорда университеті ғалымдарының&nbsp; ғылыми зерттеу жұмыстары өндіріске енгізілді. Аймақтағы ірі компаниялардың өндірістік проблемаларын&nbsp; шешуге бағытталған зерттеулер бойынша нақты нәтиже бар.
<img src="https://kyzylorda-news.kz/wp-content/uploads/2022/04/p1799007.jpg" alt="" />
<img src="https://kyzylorda-news.kz/wp-content/uploads/2022/04/p1799121.jpg" alt="" />

Қазақстан және Қызылорда облысының жаңалықтары

«Сыр болашағы» клубының жұмысы қайта жанданды

Қазақстандықтар коммуналды қызмет үшін артық төлеп жүр ме?

«Мүмкіндіктер керуені»: Қызылордада бос 1392 жұмыс орны ұсынылды

Досының өліміне себепші болған қызылордалық өткенін өкінішпен еске алды

Айжан Қиянбекова: Дарынды оқушыларға арналған олимпиадалар ұйымдастырылып жатыр

Әскерден жалтарғандарға 3 млн теңге айыппұл салынады

Доллар бағамы түскеннен кейін азық-түлік арзандай ма? – Министр жауабы

Есептегі тұрғын өз кәсібін ашты

Қаңтар оқиғасында қаза болған 13 адамның туыстарына қордан қаражат аударылады

Қазақстанда балалардың төлқұжатын алу арзандайды

Синоптиктер 14-16 сәуірге арналған ауа райы болжамын жариялады

«Мемлекет – Бизнес – Университет: өңірлік экономика драйверлері» атты дөңгелек үстел өтті

Қазақстан және Қызылорда облысының жаңалықтары

«Сыр болашағы» клубының жұмысы қайта жанданды

Қазақстандықтар коммуналды қызмет үшін артық төлеп жүр ме?

«Мүмкіндіктер керуені»: Қызылордада бос 1392 жұмыс орны ұсынылды

Досының өліміне себепші болған қызылордалық өткенін өкінішпен еске алды

Айжан Қиянбекова: Дарынды оқушыларға арналған олимпиадалар ұйымдастырылып жатыр

Әскерден жалтарғандарға 3 млн теңге айыппұл салынады

Доллар бағамы түскеннен кейін азық-түлік арзандай ма? &#8211; Министр жауабы

Есептегі тұрғын өз кәсібін ашты

Қаңтар оқиғасында қаза болған 13 адамның туыстарына қордан қаражат аударылады

Қазақстанда балалардың төлқұжатын алу арзандайды

Синоптиктер 14-16 сәуірге арналған ауа райы болжамын жариялады

«Мемлекет – Бизнес – Университет: өңірлік экономика драйверлері» атты дөңгелек үстел өтті

Доллар бағамы түскеннен кейін азық-түлік арзандай ма? – Министр жауабы