<a href="https://kyzylorda-news.kz/ru/obshestvo/">Kyzylorda-news.kz</a>. Қызылордалық полицейлер халықаралық іздеуде жүрген 2 күдіктіні қолға түсірді. ​
13 қараша күні Қызылорда облысы Полиция департаменті Криминалдық полиция басқармасының қызметкерлері және Алматы облысы ПД-ң Криминалдық полиция басқармасының қызметкерлерімен бірлесіп жүргізілген жедел іздестіру шаралары барысында тергеуден бой тасалап, халықаралық іздеуде жүрген​ Қызылорда облысының екі тұрғыны Алматыда құрықталды.
<blockquote>
 «Олар Қазақстан Республикасы Қылмыстық кодексінің 293-бабы 3– бөлігінің 2-тармағы (атыс қаруын қолданып, жасалған бұзақылық) және 24 – бабы 3 – бөлігі мен 99-бабының 2-бөлігінің 7,9-тармақтары (бұзақылық ниетпен,алдын ала сөз байласу арқылы адамдар тобымен өлтіруге оқталған) бойынша қылмыс жасаған деп айыпталуда. Ұсталған екі күдікті азаматқа қатысты «күзетпен ұстау» түріндегі бұлтартпау шарасы таңдалды», – делінген хабарламада.
</blockquote>
Айта кетейік, полицейлер күдіктілерді Алматы қаласы, Турксіб ауданындағы жалдамалы пәтерлердің бірінде ұстаған. Қазіргі уақытта олар уақытша ұстау​ изоляторына қамаққа алынды.

Қызылордалық полицейлер халықаралық іздеуде жүрген 2 күдіктіні ұстады ​ ​

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1503 адам коронавирус індетінен емделіп шықты, деп хабарлайды деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-11-karasha-23-59-dagy-epidemiologiyalyk-zhagday_a3861071">coronavirus2020.kz</a>..
Аймақтар бойынша:
Нұр-Сұлтан қаласы – 127,
Алматы қаласы – 61,
Шымкент қаласы – 37,
Ақмола облысы – 118,
Ақтөбе облысы – 48,
Алматы облысы – 119,
Шығыс Қазақстан облысы – 242,
Жамбыл облысы – 7,
Батыс Қазақстан облысы – 10,
Қарағанды облысы – 152,
Қостанай облысы – 294,
Қызылорда облысы – 28,
Павлодар облысы – 160,
Солтүстік Қазақстан облысы – 81,
Түркістан облысы – 19.
Қазақстан бойынша жазылғандар саны – 916 872.

Қызылордада 28 адам коронавирустан жазылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 931 адамда коронавирус індеті ПТР арқылы расталды, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-11-karasha-23-59-dagy-epidemiologiyalyk-zhagday_a3861071">coronavirus2020.kz</a>.
Аймақтар бойынша:
Нұр-Сұлтан қаласы – 110,
Алматы қаласы – 114,
Шымкент қаласы – 18,
Ақмола облысы – 67,
Ақтөбе облысы – 14,
Алматы облысы – 72,
Атырау облысы – 19,
Шығыс Қазақстан облысы – 42,
Жамбыл облысы – 9,
Батыс Қазақстан облысы – 7,
Қарағанды облысы – 105,
Қостанай облысы – 79,
Қызылорда облысы – 7,
Маңғыстау облысы – 3,
Павлодар облысы – 120,
Солтүстік Қазақстан облысы – 129,
Түркістан облысы – 16.
Жалпы ел бойынша ауырғандар саны – 958 468.

Қызылордада коронавирус жұқтырушылар азайды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;16 қараша күні солтүстік-батыс және оңтүстіктен келетін циклондардың әсерінен Қазақстанның кейбір бөлігінде қар жауса, оңтүстік пен шығыста жаңбыр жауады, деп хабарлайды Қазгидромет.
Елдің тек оңтүстік-шығысы мен Солтүстік Қазақстан облысында күн жауын-шашынсыз болады. Республикамыздың басым бөлігінде тұман түсіп, көктайғақ болады, желдің күшейіп, батыста, шығыста бұрқасын соғады.
Маңғыстау облысында көктайғақ, облыстың солтүстігінде тұман, түнде облыстың батысында, күндіз облыстың басым бөлігінде жел секундына 15-20 метр жылдамдықпен соғады.
Түнде және таңертең Алматы облысының оңтүстігінде және шығысында тұман түсіп, көктайғақ болады, облыстың шығысында желдің күші секундына 15-20 метрге жетеді, екпіні 25 м/с.
Түнде және таңертең Атырау облысының солтүстігі мен орталығында тұман түсіп, көктайғақ болады, облыстың батысында, шығысында – жел күшейіп, жаяу бұрқасын соғады.
Түнде Батыс Қазақстан облысының оңтүстік-шығысында көктайғақ болады, облыстың батысында – тұман түсіп, оңтүстікте жел секундына 15-20 метр жылдамдықпен соғады
Қызылорда облысының солтүстігінде, орталығында тұман түсіп, көктайғақ болады, күндіз облыстың солтүстігінде жел 15-20 м/с жылдамдықпен соғып, бұрқасын болады.
Шығыс Қазақстан облысының солтүстігінде, шығысында жаяу бұрқасын соғады, жолдарда – көктайғақ, облыстың батысында желдің жылдамдығы секундына 15-20 метрге жетеді
Жамбыл облысының оңтүстік-батысында, солтүстік–шығысында және таулы аудандарында тұман түсіп, жел 15-20 м/с жылдамдықпен ұйтқиды.
Ақмола облысының солтүстігінде, Қостанай облысының шығысында, Солтүстік Қазақстан облысының солтүстік–батысында, Павлодар облысында тұман, Павлодар облысының оңтүстігінде, шығысында көктайғақ күтіледі.

16 қарашада ауа райы қандай болады?

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгін – ҚР Ұлттық валюта күні. 1993 жылы 15 қарашада Елбасының Жарлығымен Ұлттық валюта – теңге енгізілді. Бұл күн Тәуелсіз ел үшін маңызды оқиға болып, мемлекеттің беріктігі мен егемендігінің символына айналды. Өңірлік коммуникациялар қызметінде өткен баспасөз конференциясында облыстық қаржы басқармасының басшысы Елена Шаврова атаулы күнге орай қаржы саласының өсім динамикасын тізбектеді.
<blockquote>
 «1993 жылы Ұлттық валюта енгізілгеннен кейін облыс бюджеті бар болғаны 135 млн.теңгені құрады. 1995 жылға қарай 5,4 млрд. теңгеге, 2010 жылы – 105,9 млрд. теңгеге жетті. Ал биыл өңір қазынасы 398 млрд. теңгені құрады. Алынатын субсицидиялар мен трансферттердің көлемі соңғы он жылда 211 млрд.теңгеге өсті. Бұл ретте бюджеттің 60 пайызы әлеуметтік-мәдени салаға бағытталады. Биылғы жылы бұл шығыстарға 238,7 млрд.теңге бөлінді. Бұл 2010 жылғы шығыстардан 3,6 есеге артық. Ал объектілер құрылысына бағытталатын қаражат соңғы он жылда 22 млрд.теңгеге өсіп, биыл 49,2 млрд. теңгені құрады. Осы орайда, қаржы саласының барлық қызметкерлерін кәсіби мерекемізбен құттықтаймын», – деді басқарма басшысы Елена Шаврова.
</blockquote>
<img src="https://kyzylorda-news.kz/wp-content/uploads/2021/11/257364642_1413188485743326_2445609767810173809_n.jpg" alt="" />

Елена Шаврова: Биыл Қызылорданың қазынасы 398 млрд. теңгені құрады

<a href="https://kyzylorda-news.kz/ru/obshestvo/">Kyzylorda-news.kz</a>. Жыл басынан облыс көлемінде газға қатысты 7 өрт оқиғасы тіркелді. Қазіргі таңда бес газ құю бекетіне тексеріс жұмыстары жүргізіліп, өрт қауіпсіздігі талаптарын бұзған 40 дерек анықталды. Бұл жөнінде Өңірлік коммуникациялар қызметінде өткен брифингте облыстық төтенше жағдайлар департаментінің басқарма бастығы Бақтияр Тұрманов хабарлады.
<blockquote>
 «Жүргізіліп жатқан барлық профилактикалық жұмыстарға қарамастан, қайғылы оқиғалар жиі орын алуда. Ағымдағы жылы облыс көлемінде газға қатысты 7 өрт оқиғасы тіркелді. Бұл өткен жылмен салыстырғанда 4 есеге өсіп отыр. Сондықтан арнайы заңға сәйкес коммуналдық-тұрмыстық және тұрмыстық тұтынушылардың газ тұтыну жүйелері мен газ жабдығын оларға техникалық қызмет көрсетуге шарт жасаспай пайдалануға тыйым салынады», – деді Бақтияр Махамбетжанұлы.
</blockquote>
Газ құю бекеттерінде апаттардың алдын алу мақсатында профилактикалық іс шаралар жүргізілуде. Дегенмен, заң бұзушылықтар жиілеп, 3 заңды тұлға мен 1 жеке тұлғаға әкімшілік айыппұл салынған.
<blockquote>
 «Облыстық төтенше жағдайлар және полиция департаменттері өкілдерінің қатысуымен облыс аймағында орналасқан автомобильді газ құю бекеттеріне үгіт-насихат жұмыстары жүргізілуде. Аталған шаралардың барысында тұрмыстық газ баллонының жарылуы және автомобильді газ құю бекеттерінде тұрмыстық газ баллонына газ құюға тыйым салынатыны есертіліп, жадынамалар таратылды», – деді ҚР ТЖМ Өнеркәсіптік қауіпсіздік комитетінің Қызылорда облысы бойынша департамент басшысының орынбасары Б.Стамқұлов.
</blockquote>

Қызылордада жыл басынан бері газға қатысты 7 өрт оқиғасы тіркелді

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласының 29 жастағы тұрғынының сеніміне кірген белгісіз азамат 21 бас сиырын сатып, ақшасын иесіне қайтармаған.
Сол күні ұқсас қылмыс бойынша 2 бірдей қала тұрғынынан полиция басқармасына арыз түскен. &nbsp;Екі жәбірленушіні алдап арбау жолымен сенімдеріне кіріп, 30 бас жылқысын алып сатып жіберіп, ақшасын иемденгені анықталды. Келтірілген залал 4 миллион 250 мың теңге.
Жедел-іздестіру шаралары барысында криминалдық полиция қызметкерлері күдіктіні қолға түсірді. Ол 30 жастағы алып – сатар саудагер болып шықты. Қаражатты жеке қажеттіліктеріне жұмсағанын түсіндіріп, осы қылмыстарды жасағанын мойындады.
<blockquote>
 «Аталған дерек бойынша Қазақстан Республикасының Қылмыстық кодексінің 190-бабының 3-бөлігі (Алаяқтық, бірнеше рет жасалған алаяқтық) бойынша сотқа дейінгі тергеп-тексеру амалдары жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды. Қазіргі таңда, алаяқтың басқа да істерге қатыстылығы анықталуда», – делінген полиция департаментінің хабарламасында.
</blockquote>

Қызылордада тұрғындарға 4 миллионнан астам шығын келтірген алаяқ ұсталды

<a href="https://kyzylorda-news.kz/ru/obshestvo/">Kyzylorda-news.kz</a>. 15 қараша мен 15 желтоқсан аралығында облыс көлемінде «Online: Таңда! Сақтан!» бір атты интернет-акция өтуде. Себебі, облыстық дін істері басқармасының интернет-ресурстар мен әлеуметтік желілерге тұрақты түрде жүргізілген мониторингі нәтижесінде бір ғана «Вконтакте» әлеуметтік желісінде 12 740 қызылордалықтың тыйым салынған, күмәнді 580 қоғамдастыққа, топқа жазылғандығы анықталды. Күмәнді діни топқа жазылушылардың 895-і, яғни 7 %-ы кәмелеттік жасқа толмаған 18-ге дейінгі азаматтар болуы көңіл алаңдатады дейді Өңірлік коммуникациялар қызметінде өткен брифингте облыстық дін істері басқармасының басшысы Қуаныш Жанұзақов.
<blockquote>
 «ВКонтакте» интернеттегі ең ірі, әрі танымал әлеуметтік желілердің бірі. Бүгінгі таңда жастар үшін «Вконтакте» әлеуметтік желісі виртуалды өмірдегі бағдарламалардың ішіндегі ең қауіптісі болуда. Бұл әлеуметтік желіні «жастардың екінші үйі» деп есептейтін тұжырымдар да бар. Әлеуметтік желілерге мониторинг жасаушылар мынадай қауіпті үрдісті анықтауда: олардың басым көпшілігі деструктивті, тіпті радикалды материалдардан тұрады, экстремистік материалдарға сілтемелер таратады, сондай-ақ дін тақырыбында тексерілмеген, жалған ақпараттан тұрады, – деді Қуаныш Қуантқанұлы.
</blockquote>
Азаматтардың жеке қауіпсіздігі үшін және діни қызмет саласындағы құқық бұзушылықтардың алдын алу мақсатында Қызылорда облысының дін істері басқармасы барлық азаматтарға, қызылордалықтарға әлеуметтік желілердегі күмәнді діни қоғамдастықтардан бас тартуды, шығуды ұсынады.
Қызылорда облысы бойынша Полиция департаменті Экстремизмге қарсы іс қимыл басқармасының жедел уәкілі Данияр Туляповтың айтуынша, заң бұзушыға айыппұл түрінде тиісті әкімшілік жазалар көзделген.
<blockquote>
 «Әкімшілік құқық бұзушылық туралы» ҚР Кодексінің 490-бабы 1-бөлігінің 3-тармағына сәйкес діни әдебиетті және діни мазмұндағы өзге де материалдарды, діни мақсаттағы заттарды әкелгені, әзірлегені, шығарғаны, басып шығарғаны және таратқаны үшін жеке тұлғаларға 50, заңды тұлғаларға 200 айлық есептiк көрсеткiш мөлшерінде айыппұл салынады. 490-баптың 3-бөлігіне сәйкес миссионерлiк қызметтi тіркеусіз жүзеге асыру, сол сияқты миссионерлердің дінтану сараптамасының оң қорытындысы жоқ діни әдебиетті, діни мазмұндағы ақпараттық материалдарды және діни мақсаттағы заттарды пайдаланғаны, ҚР-да тіркелмеген діни бірлестіктердің діни ілімді таратқан үшін ҚР азаматтарына 100 айлық есептiк көрсеткiш мөлшерінде, шетелдіктерге және азаматтығы жоқ тұлғаларға Қазақстан Республикасының шегiнен әкiмшiлiк жолмен шығарып жiбере отырып, 100 айлық есептiк көрсеткiш мөлшерінде айыппұл салынады.
</blockquote>
Айта кету керек, бүгінде «Вконтакте» әлеуметтік желісінде күмәнді діни топтарға жазылған желі қолданушыларын топтар қатарынан шығару үшін облыстық дін істері басқармасы, қалалық және аудандық ішкі саясат бөлімдері азаматтарға SMS-хабарламалар жолдауда, оларды тыйым салынған топтардан шығару бойынша ақпараттық-түсіндірме жұмыстарын жүргізуде, күмәнді діни топтарға тіркелген 11 000 желі қолданушының парақшаларына мониторинг жасалуда.

12 мыңнан астам қызылордалықтың тыйым салынған 580 топқа жазылғандығы анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы бойынша ҚАЖ департаментімен «Болашақ» университетінің арасындағы әріптестік меорандумы аясында қалалық пробация қызметінің бастығы, заң ғылымдарының магистрі Бақыт Наурызбаев университет студенттеріне тәжірибелік сабақ өтті.
Аталған оқу орнының «Заңтану» мамандығының&nbsp; 4-ші курс студенттері Қызылорда қалалық пробация үйінде болып, пробация қызметінің&nbsp; бастығы әділет подполковнигі Бақыт Наурызбаевпен кездесіп, еркін пікір алмасты. &nbsp;Оларға пробация қызметі есебіндегі сотталғандардың &nbsp;жаза өтеу тәртіптері,бас бостандығымен айыруға емес жазаларды орындау тәртібі жөнінде мағұлмат берілді.
&nbsp;Одан соң пробация қызметі бастығының бастамасымен қауіпсіздігі барынша төмен мекемесіне барып &nbsp;мекеме құрылымымен танысты. Студенттерге жазаны өтеу тәртібі, қамаудағылардың күн тәртібі, тамақ мөлшері, рұқсат берілген және тыйым салынған заттар жайлы толық баяндалды. Сонымен қатар оларға сотталғандардың&nbsp; жатын орындары, асхана, мекеме кітапханасы көрсетілді. Студенттер түзеу мекемесінің қызметкерлеріне, көптеген сауалдар қойып, оларға&nbsp; мазмұнды жауаптар алды.
<img src="https://kyzylorda-news.kz/wp-content/uploads/2021/11/whatsapp-image-2021-11-15-at-14.56.17.jpeg" alt="" />
<img src="https://kyzylorda-news.kz/wp-content/uploads/2021/11/whatsapp-image-2021-11-15-at-14.53.10.jpeg" alt="" />
<img src="https://kyzylorda-news.kz/wp-content/uploads/2021/11/whatsapp-image-2021-11-15-at-14.55.50.jpeg" alt="" />

Студенттер қалалық пробация үйінің қызметімен танысты

<a href="https://kyzylorda-news.kz/ru/obshestvo/">Kyzylorda-news.kz</a>. Елорданың бас мемлекеттік санитарлық дәрігерінің қаулысына сәйкес, 15 қарашадан бастап Нұр-Сұлтан қаласының сауда ойын-сауық орталықтарына “жасыл” статусы бар азаматтар ғана кіреді, деп хабарлайды қала әкімдігінің&nbsp;<a href="https://astana.gov.kz/kz">ресми сайты.</a>
Қызметкерлер мен келушілердің қауіпсіз “жасыл” статусы болған жағдайда сауда орталықтары жұмыс және демалыс күндері тұрақты режимде жұмыс істейді.
Бұдан бөлек, тұрақты медициналық қарсы көрсетілімі бар, соңғы үш ай ішінде коронавируспен ауырып шыққан, сынама алынған сәттен бастап 7 тәуліктен аспайтын теріс нәтижелі ПТР-анықтамасы бар адамдарға сауда орталықтарына кіруге рұқсат етіледі.
Қала әкімдігінің ақпаратынша, үй карантинін бұзатындардың көбі сауда орталықтарында тіркеледі.
“Елордада тұрақты эпидемиологиялық ахуалды сақтау және мереке күндері қарсаңында халық арасында COVID-19-дың одан әрі таралуына жол бермеу мақсатында осындай шешім қабылданды”, – деп түсіндірді әкімдік.
Нұр-Сұлтан қаласы санитарлық дәрігерінің қаулысы бүгін, 15 қарашада күшіне енді.

Бүгіннен бастап сауда орталықтарына тек &#8220;жасыл&#8221; статустағы адамдар кіреді

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Премьер-Министрі Асқар Мамин коронавирусқа қарсы вакциналау үшін Pfizer вакцинасы басқа да санаттарға қолжетімді болатынын айтты, деп хабарлады ҚазАқпарат.
<blockquote>
 «Біз қазір мәселені қарап жатырмыз. Қазір ведомствоаралық комиссия аясында жаңа шешім әзірленуде. Тіпті ол осы аптада жариялануы мүмкін. Онда азаматтарымыздың басқа да санаттары Pfizer вакцинасын салдырып немесе ревакцинация жасай алуы айтылады», – деді А. Мамин БАҚ өкілдерімен кездесуде.
</blockquote>
Бұған дейін Үкімет басшысы ревакцинацияны міндетті түрде жасайтынын мәлімдеген еді.

Pfizer вакцинасы басқа да санаттарға қолжетімді болуы мүмкін

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықованың төрағалығымен биылғы жылдың 10 айындағы әлеуметтік-экономикалық даму қорытындысы мен бюджеттің орындалуы бойынша мәжіліс өтті. Жиында облыстық қаржы басқармасының басшысы Елена Шаврова мен облыстық экономика және бюджеттік жоспарлау басқармасының міндетін атқарушы Ринат Құдайбергенов атқарылған жұмыстарды баяндады.
Облыстық қаржы басқармасының басшысы Елена Шаврованың айтуынша, 2021 жылғы 1 қарашадағы жағдай бойынша облыс бюджеті түсімдер бойынша ағымдағы кезеңге арналған болжам 101,8%, оның ішінде меншікті кірістер – 109,4% орындалып, облыс бюджетіне 5,4 млрд. теңге артығымен түскен. Сондай-ақ, негізгі капиталды сатудан түсетін түсімдер 958 млрд. теңгеге орындалған. Бұл көрсеткіш те межеден асып тұр.
2021 жылдың 10 айында облыс бюджеті шығыстар бойынша 98,4% орындалды. Оның ішінде үнемделген қаржы 731 млн. теңгені құрады.
Облыстық экономика және бюджеттік жоспарлау басқармасының м.а. Ринат Құдайбергенов ағымдағы жылдың қаңтар-қазан айларында облыс әкімінің іс-шаралар жоспарын орындау және облыстың әлеуметтік-экономикалық дамуы бағытында атқарылған жұмыстарды тізбектеді.
Атап айтқанда, 2021 жылғы қаңтар-қазан айларында 620,5 млрд. теңгеге өнеркәсіп өнімі өндірілді, бұл 2020 жылдың осы кезеңімен салыстырғанда 0,3% артық. Өнеркәсіптің өңдеуші секторы бойынша негізгі капиталға инвестиция көлемі 218,8 млрд.теңгені құрады.
Биылғы жылдың қаңтар-қазан айларында облыста жұмыс істеп тұрған ШОБ субъектілерінің саны 5,8% – ға артып, 50 492 бірлікті құрады. 2021 жылдың 1 қарашасына 14 114 жаңа жұмыс орны құрылды.
Облыс дамуының қорытындысын саралаған аймақ басшысы облыстық басқармаларға жұмыс қарқынын күшейтіп, жыл соңына дейін бюджет қаржысын толық игеруін қамтамасыз етуді және жоспарланған жұмыстарды уақытылы әрі сапалы орындауды тапсырды.
<img src="https://kyzylorda-news.kz/wp-content/uploads/2021/11/257567777_186546716999914_4696053361696499396_n.jpg" alt="" />
<img src="https://kyzylorda-news.kz/wp-content/uploads/2021/11/257731283_186546740333245_2328670413481200071_n.jpg" alt="" />
<img src="https://kyzylorda-news.kz/wp-content/uploads/2021/11/257759186_186546713666581_6114159431458868212_n.jpg" alt="" />

Қазақстан және Қызылорда облысының жаңалықтары

Қызылордалық полицейлер халықаралық іздеуде жүрген 2 күдіктіні ұстады

Қызылордада 28 адам коронавирустан жазылды

Қызылордада коронавирус жұқтырушылар азайды

16 қарашада ауа райы қандай болады?

Елена Шаврова: Биыл Қызылорданың қазынасы 398 млрд. теңгені құрады

Қызылордада жыл басынан бері газға қатысты 7 өрт оқиғасы тіркелді

Қызылордада тұрғындарға 4 миллионнан астам шығын келтірген алаяқ ұсталды

12 мыңнан астам қызылордалықтың тыйым салынған 580 топқа жазылғандығы анықталды

Студенттер қалалық пробация үйінің қызметімен танысты

Бүгіннен бастап сауда орталықтарына тек “жасыл” статустағы адамдар кіреді

Pfizer вакцинасы басқа да санаттарға қолжетімді болуы мүмкін

Қызылордада жыл басынан бері 731 млн. теңге қаржы үнемделген

Қазақстан және Қызылорда облысының жаңалықтары

Қызылордалық полицейлер халықаралық іздеуде жүрген 2 күдіктіні ұстады ​ ​

Қызылордада 28 адам коронавирустан жазылды

Қызылордада коронавирус жұқтырушылар азайды

16 қарашада ауа райы қандай болады?

Елена Шаврова: Биыл Қызылорданың қазынасы 398 млрд. теңгені құрады

Қызылордада жыл басынан бері газға қатысты 7 өрт оқиғасы тіркелді

Қызылордада тұрғындарға 4 миллионнан астам шығын келтірген алаяқ ұсталды

12 мыңнан астам қызылордалықтың тыйым салынған 580 топқа жазылғандығы анықталды

Студенттер қалалық пробация үйінің қызметімен танысты

Бүгіннен бастап сауда орталықтарына тек &#8220;жасыл&#8221; статустағы адамдар кіреді

Pfizer вакцинасы басқа да санаттарға қолжетімді болуы мүмкін

Қызылордада жыл басынан бері 731 млн. теңге қаржы үнемделген

Қызылордалық полицейлер халықаралық іздеуде жүрген 2 күдіктіні ұстады

Бүгіннен бастап сауда орталықтарына тек “жасыл” статустағы адамдар кіреді