&nbsp;<a href="https://kyzylorda-news.kz/ru/obshestvo/">Kyzylorda-news.kz</a>. «Цифрлы Қазақстан» бағдарламасының негізінде «Қазақстан Республикасының кейбір заңнамалық актілеріне құқық қорғау қызметінің процестік негіздерін жаңғырту мәселелері бойынша өзгерістер мен толықтырулар енгізу туралы»&nbsp; Қазақстан Республикасының 2017 жылғы &nbsp;&nbsp;&nbsp;&nbsp;&nbsp;&nbsp;21 желтоқсандағы Заңының шеңберінде 2018 жылдың 1 қаңтарынан бастап Қазақстанда қылмыстық істерді тергеу санаттарына қарай кезең-кезеңімен электронды форматта жүргізуге көшірілді.
Электрондық қылмыстық істің артықшылығы қашықтан санкциялау болып саналады. Енді тергеп қамаққа алғанды оған бұлтартпау шарасын белгілеу үшін біршама ара-қашықтықта апарудың қажеті жоқ. Санкциялау үрдісі бейне-конференц байланыс режимінде өтетін болады. Бұл уақыт шығындарын қысқарту, қашу тәуекелдерін жоюға мүмкіндік береді. Сотпен санкцияланатын тергеу әрекеттері де электронды жүргізіліп, уақыт үнемделеді.
Бастысы, қылмыстық істі сотқа дейінгі тергеп-тексеру өкілеттігі бар қызметкерлерді қылмыстық істі тергеуде тәртіп қалыптастырады. Себебі, электрондық форматта қылмыстық істерді тергеу әрекеттерін уақтылы орындап, оны СДТБТ базасындағы «е-ҚІ» модулінің жүйесіне уақытылы енгізілмесе, оны өзгертуге жол берілмейді. Қандай да бір процестік құжаттарды уақытылы енгізу талап етіледі.
<blockquote>
 «Осы мақсатта, Қызылорда облысы полиция департаменті бойынша қазіргі уақытта электронды форматта қылмыстық іс жүргізуге мүмкіндік беретін 266 &nbsp;жұмыс орнымен (орг.техника) қамтамасыз етіліп, 100 пайыз қамтылып отыр. Бүгінгі күнге Қызылорда облысы ПД-нің бөліністерінің жалпы өндірісінде болған қылмыстық істердің&nbsp; 87,5 пайызы, яғни 4596 қылмыстық іс электронды форматта жүргізіліп, оның 55 пайызы, яғни 2405 қылмыстық іс өндірістен аяқталған.
 Сонымен қатар, 2021 жылдың 1 қаңтарынан бастап күшіне енген «Қазақстан Республикасының кейбір заңнамалық актілеріне қылмыстық іс жүргізу және сыбайлас жемқорлыққа қарсы іс-қимыл кезінде азаматтардың құқықтарын қорғауды күшейту мәселелері бойынша өзгерістер мен толықтырулар енгізу туралы» Қазақстан Республикасының 2017 жылғы&nbsp;21 желтоқсандағы Заңының шеңберінде сотқа дейінгі тергеп-тексеру нәтижесімен тоқтатылған немесе мерзімі үзілген қылмыстық істер бойынша қабылданған шешімдерді қадағалаушы орган бақылап отырады. Қысқа мерзімде шешім қабылданып, қылмыстық істердің созбалаңға салынуына жол берілмейді.
 Қолданысқа енгізілген жаңа Заң аясында прокуратура органдарымен ағымдағы есепті мерзімде 2726процестік шешімдер келісілген», дейді Қызылорда облысы полиция департаментінің &nbsp;бастығы полиция полковнигі Сұлтан Бектөре.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Алдағы уақытта электронды форматта іс жүргізу жүйесі азаматтардың қылмыстық құқық бұзушылық туралы шағымдары мен хабарламары тіркелгеннен бастап жүзеге асатын болады.

Қызылорда: Полиция департаментіндегі істің 90 пайызы электронды форматта жүргізілуде

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда жоғары білім беру сапасын арттыру бойынша жүйелі жұмыс жүргізілуде. Бұл туралы Премьер-Министр Асқар Маминнің төрағалығымен өткен Үкімет отырысында білім және ғылым министрі Асхат Аймағамбетов хабарлады.
Ол негізінен бірнеше бағыттарды қамтиды. Атап айтсақ: оңтайлы басқару жүйесі, акдемиялық саясат, білім бағдарламаларының сапасы, қолжетімді қаржыландыру, кәсіби оқытушылар құрамы мен академиялық адалдық принциптерін сақтау және сапаны қамтамасыз етудің тиімді жүйесі. Еліміздің 122 университетінің жартысы жекемешік ұйымдар. Бакалавриат, магистратура мен докторантура деңгейлерінде 600 мыңнан астам студент білім алуда. Қазақстанның 14 жоғары оқу орыны Дүниежүзілік ең үздік университеттер рейтингінде.
<blockquote>
 «Соңғы жылдары гранттар саны 2 есеге жуық өсті. Енді 2025 жылға қарай кезең-кезеңмен грант саны 75 мыңға дейін жетеді. Мемлекет басшысы тапсырмасының аясында студенттердің стипендиясы да екі есеге жуық өсіп, 2025 жылға қарай олардың стипендиясы тағы 2 есеге, ал магистранттар мен докторанттардың стипендиясы 1,5 есеге артады», — деді А. Аймағамбетов.
</blockquote>
Қаржыландыру жүйесіне тоқталсақ, Қазақстанның барлық университеттері жан басына қаржыландыру жүйесіне көшті. Мемлекеттік және жеке меншік университеттер оларды қанша талапкер таңдаса, дәл сол мөлшерде ғана мемлекеттен грант, яғни, қаражат алады. Сәйкесінше, мемлекеттік жоғары оқу орындары жөндеу жұмыстарын жүргізуге, жалақы төлеуге, материалдық базасын жаңартуға бюджеттен тікелей қаржы алмайды. Тек студенттердің таңдауына сәйкес гранттармен қаржыландырылады.
<blockquote>
 «Сапаны қамтамасыз ету үшін басқару жүйесінің тиімді болуы маңызды. Ең ірі 28 мемлекеттік жоғары оқу орны коммерциялық емес акционерлік қоғам ретінде қайта құрылып, корпортивті басқару жүйесіне көшті. Сәйкесінше, былтырдан бастап басты шешімдерді директорлар кеңесі қабылдайды, ал ректор сол қабылданған шешімдерді іске асыруды қамтамасыз етеді», — деді ҚР БҒМ басшысы.
</blockquote>
Ректорларды тағайындаудың жаңа жүйесі енгізіліп, осы конкурстық жүйе арқылы екі жылда ректорлар корпусының 50%-нан астамы жаңартылды. Конкурстық тәртіптің арқасында университеттер басшылығына халықаралық тәжірибесі мен мол ғылыми әлеуеті бар әлемнің үздік жоғары оқу орындарының түлектері және «Болашақ» бағдарламасының стипендиаттары тағайындалды. Оған қоса, провост институты құрылып, оқу орындарының қадр резерві де жасақталды.
<blockquote>
 «Басқару жүйесінің трансформациясы университеттерде инновациялық менеджементтің дамуына, сапасын көтеріп, тиімділігінің артуына әсер етеді. Білім сапасы бірінші кезекте оқытушылардың кәсіби біліктілігіне тікелей байланысты. Сондықтан, әріптестеріміз үшін қолайлы жағдай жасау басты назарда», — деді А. Аймағамбетов.
</blockquote>
Мемлекет басшысының тікелей қолдауының арқасында биылғы қыркүйек айынан бастап оқытушылардың жалақысы 2 есеге жуық көтерілді. Оқытушыға бір ставкаға минималды түрде – 200 мың теңге, ғылым кандидатына – 260 мың теңге, ғылым докторына – 350 мың теңгеден 400 мың теңгеге дейін жалақы төлеу бойынша шешім қабылданды. Үлкен оқу жүктемесі мен қағазбасылық педагогтерді сабаққа толыққанды дайындалуға қиындық туғызғаны белгілі. Сондықтан, педагогикалық жүктеме 800-1000 сағаттан 680 сағатқа дейін азайтылып, есептілік нысандары да 35%-ға қысқартылды. Бұл шара да педагогтерге сапалы білім беру мен ғылыммен айналысуға мүмкіндік берері сөзсіз. Білім сапасын қамтамасыз ету үшін мемлекеттік бақылау күшейтілді. Министрлік сапасыз білім беретін университеттерде тексеріс жүргізіп, нәтижесінде анықталған кемшіліктер бойынша 500-ден астам сот процесіне қатысып, 15 университетті толығымен жапты. Тағы 4 университетті жабу бойынша соттың шешімі қабылданып, енді апелляция жүруде. Бұған қоса, тағы 61 университеттің 400 сапасыз білім берген бағыттары бойынша лицензиялары қайтып алынды. Студенттері басқа оқу орындарына ауыстырылды. Мысалы, мұғалімдерді бұның алдында 86 университет дайындаса, және сапасы бойынша көп сұрақтар туындаса, енді педагогтерді тек 50 оқу орыны ғана дайындайды.
<blockquote>
 «Тексеріс процедурасы да жетілдірілді, оған студенттерді тестілеу мен жұмыс берушілерден сауалнама алу сияқты сапалы көрсеткіштер енгізілді. Аккредиттелген агенттіктердің жұмысы да сапаны көтеру, бақылау үшін ерекше маңызға ие. Осыған орай біз аккредиттелген агенттіктердің жауапкершілігін көтеру үшін өзгеріс енгіздік», — деді білім министрі.
</blockquote>
Бұдан былай жоғары сапаны қамтамасыз етпейтін агенттіктерді тізімнен шығару, яғни, жабу және олар үшін бірыңғай сапалы талаптарды қою сияқты тетіктер қабылданды. Нәтижесінде 6 университеттің институционалдық аккредиттеуі қайтарып алынып, 20 білім беру бағдарламасы аккредиттеуден өтпеді. Енді ішкі сапаны қамтамасыз ету тәсілдеріне тоқталсақ. Қазақстанда Еуропалық (ESG) сапаны қамтамасыз ету жөніндегі стандарттар еңгізілуде.
Өткен жылы Жоғары білімнің ұлттық біліктілік шеңбері Еуропалық біліктілік шеңберімен өзін-өзі сертификаттау рәсімінен сәтті өтті. Осы жұмыстың нәтижесінде, Қазақстанның жоғары оқу орындары дипломдарының Еуропада танылуын қамтамасыз ету мүмкін болды. Келесі бағыт академиялық саясат. Білім беру бағдарламаларының сапасын арттыру мақсатында университеттерге академиялық және атқарушы дербестік берілді. Осыған орай, олар Министрлік бекіткен үлгілік оқу жоспарларының орнына, білім беру бағдарламаларын дайындағанда жұмыс берушілердің кәсіптік стандарттарын негізге алады. Тиісінше, жоғары оқу орындары білім беру бағдарламаларын өз бетінше әзірлеуге көшіп, 9371 бағдарлама әзірленді.
<blockquote>
 «Төртінші индустриялық революцияға байланысты әлемдік еңбек нарығының негізгі проблемаларының бірі дағдылардың тез ескіруі болып табылады. Өмір бойы бір диплом сценарийі енді маңызды емес. Сондықтан Президенттің тапсырмасы бойынша Өмір бойы оқу тұжырымдамасы әзірленді. Бұл жұмыстың арқасында университеттер формалды емес және информалды білім алудың нәтижелерін танып, қабылдайтын болады», — деді министр.
</blockquote>
Келесі мәселе – Академиялық адалдық саясатын қалыптастыру мен сыбайлас жемқорлықтың алдын-алу.
<blockquote>
 «Біз академиялық адалдық талаптарын сақтау міндетін енгіздік, нәтижесінде енді академиялық адалдық қағидаттарын бұзған студенттерді оқудан шығаруға болады және де барлық дипломдық жұмыстар мен жазбаша жұмыстарды жөнсіз көшіріп алуды болғызбау үшін міндетті түрде тексеру нормасы бекітілді», — деді ол.
</blockquote>
Тағы бір маңызды сұрақ оқуға түсу процедурасының ашықтығы мен әділдігін қамтамасыз ету.
<blockquote>
 «Осы мақсатта біз биыл ҰБТ-ның жаңа жүйесін енгіздік. 2021 жылы елімізде алғаш рет ҰБТ 1 компьютер – 1 камера – 1 тестіленуші принципі бойынша электрондық форматта өткізілді. Оған қоса тесттерде фактологиялық білімді тексеруден ойлау қабілетін, сауаттылығын анықтау үшін тест тапсырмалары жаңартылды», — деді білім министрі.
</blockquote>
Магистратураға түсу және докторантураға емтихан тапсыру үшін тестілеудің компьютерлік форматы енгізілді. Пандемия кезінде қашықтан оқыту қажеттілігі пайда болды. Бұл енді пандемия біткеннен кейін де жалғасатын тренд екені анық. Сондықтан жоғары оқу орындарында цифрлық экожүйе қалыптастыру, LMS платформалар, виртуалды зертханалар, прокторинг жүйелері кеңінен енгізілуде.
Сонымен қатар министрдің айтуынша, сапаны қамтамасыз ету үшін білім, медицина, авиациялық, құрылыс, өнер, әскери іс сияқты бағыттар үшін қашықтан сабақтарды тек 20% беруге рұқсат ету туралы шектеу қойылды. Сапаны көтерудің тағы бір тетігі бәсекелестікті арттыру болып табылады.
<blockquote>
 «Отандық университеттердің шетелдік үздік университеттермен тәжірибе алмасу және бәсекеге қабілетті болуы үшін біз Қазақстанда шетелдің алдыңғы қатарлы университеттерінің филиалдарын ашу бойынша жұмысты бастап кеттік. Биыл De Montfort Leicester университетінің филиалы ашылды. University of Arizona және Arizona State University филиалдарын ашу жұмыстары жүргізілуде. Тағы кем дегенде 5 филиал ашу бойынша жүмыс жүргізіледі», — деді білім және ғылым министрі.
</blockquote>
Отандық жоғары оқу жүйесін дамыту үшін жаңа жобалар да дайындалды. Жоғары оқу орындарының бәсекеге қабілеттілігін арттыру мақсатында өңірлердегі 20 жоғары оқу орнының базасында академиялық артықшылық орталықтары құрылады. Жоба шеңберінде бұл университеттердің материалды техникалық базасы, ғылыми зертханалары нығайтылып, жаңа білім бағдарламалары еңгізіледі. Зерттеу экожүйесін қалыптастыру үшін үш жоғары оқу орнын зерттеу университтеріне айналдыру жоспарда бар.
Оған қоса Назарбаев Университетінің тәжірибесі негізінде 2 озық жоғары оқу орнын құру бойынша белсенді жұмыс басталды. Болашақта жоғары оқу орындарының арасында бәсекелестікке ынталандыруды арттыру үшін университеттер төрт лига бойынша бөлінетін болады. Сәйкесінше, кіретін Лигаларға байланысты жоғары оқу орындарына академиялық, басқарушылық еркіндіктің әртүрлі деңгейлері анықталады. Сондай-ақ ең мықты университеттер мемлекеттік бақылаудан босатылып, керісінше 3 лигаға және 4 лигаға енбеген университеттер мемлекеттік бақылауда тексеріс үстінде болады.
<a href="https://24.kz/kz/zha-aly-tar/bilim-zh-ne-ylym/item/510577-2025-zhyl-a-araj-studentterdi-stipendiyasy-eki-esege-sedi">Хабар 24</a>

2025 жылға қарай студенттердің стипендиясы екі есе өседі

Қызылордада ауыл шаруашылық өнімдерінің жәрмеңкесі өтеді

<a href="https://kyzylorda-news.kz/ru/obshestvo/">Kyzylorda-news.kz</a>. Қараша айының 14-нен 15-не қараған түні, шамамен сағат 03:00 шамасында 15 жастағы жасөспірім Сансызбай Зухра Бауыржанқызы белгісіз бағытқа қарай кетіп қайта оралмаған.
Қазіргі таңда Жалағаш ауданының полиция бөлімінің жеке құрамы еріктілермен бірлесе отырып, кәмелетке толмаған жасөспірімді іздеп табу мақсатында Қызылорда қаласы және аудан көлемі бойынша көпқабатты үйлердің шатырларын, саяжайларды, тастанды үйлер мен құрылысы бітпеген ғимараттарды, ойын-сауық орталықтары мен жалдамалы пәтерлерді тексеруде.
Оның фотосуреті көрсетіліп, сұрастыру жұмыстары жүргізілуде.
Ерекше белгілері: бойы 1,50-1,60 см. толық денелі, ақ құбаша, шашы қара ұзын, көзі сұр түсті. 
Киген киімдері: Ұзын қызыл түсті пальто, қара түсті кросовка. Жасөспірім қыз жөнінде қандай да бір ақпарат анықталған жағдайда Жалағаш ауданының полиция бөлімінің кезекші бөлімшесі 8-724-31-21-1-50 телефонына немесе 102 арнасына шұғыл түрде хабарласуларыңызды сұраймыз.
<img src="https://kyzylorda-news.kz/wp-content/uploads/2021/11/257373399_371850444723128_2400065368480943196_n.jpg" alt="" />

Жалағашта 15 жасар қыз жоғалып кетті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Жыл басынан бері Қызылорда қаласында автокөліктер ағымы басым көп жүретін көше бойларына жалпы саны 13 дана құқық бұзушылықтарды автоматты түрде анықтайтын сертификатталған арнайы бақылау-өлшеу құрылғылары жұмыс атқаруда. Қарашаның 11-нен бастап тағы 7 данасы іске қосылды.
Құрылғылардың негізгі мақсаты жол қауіпсіздігін сақтап, жол көлік оқиғасын азайту болып саналады.
Есепті мерзімде «Аркан» құрылғылармен 26 мың 897 құқық бұзушылық бойынша 284 млн 727 мың теңге айыппұл салынып, оның 222 млн 965 мың теңгесі өндірілді.
<blockquote>
 «Құрылғылардың тиімділігін ескере отырып қаламызда алдағы уақытта құрылғыларды көбейту мақсатында тиісті жұмыстар атқарылуда», – деді департамент бастығы полиция полковнигі Бектөре Сұлтан.
</blockquote>

Қызылордада «Аркан» құрылғысымен 26 897 құқық бұзушылық анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін аудан әкімі Серік Сермағамбетовтың төрағалығымен актив жиыны өтті.
Аудан басшысы актив отырысында 14 қараша күні өткен сайлау нәтижесі бойынша аудандық сайлау комиссиясының қаулысына сәйкес Арал қаласы әкімінің лауазымына сайланған Талекенов Ербол Сәтбайұлын таныстырды.
Жаңадан сайланған қала әкімі таныстырылған соң қалалық ардагерлер кеңесінің төрағасы Танымбетов Әділхан сөз алып, қала әкімінің алдағы жұмыстарына сәттілік тіледі.
Атап өтейік, Арал қаласының әкіміне 4 үміткер ниет білдірді. Саяси науқанға қала тұрғындарының 85,4 %-ы қатысып, өз таңдауларын жасаған болатын. 
Сайлау қорытындысымен «Nur Otan» партиясынан ұсынылған үміткер Талекенов Ербол халықтың (72,5%) басым дауысын жинады. 
Ербол Сәтбайұлы – 1983 жылы 27 қаңтарда Арал қаласында дүниеге келген. 
Білімі жоғары. 
2004 жылы «Қ. Жұбанов» атындағы Ақтөбе өңірлік мемлекеттік университетін «Бухгалтерлік есеп және аудит», 2011 жылы М. Тынышбаев атындағы Қазақ көлік және коммуникациялар академиясын «Көлікті пайдалану және жүк қозғалысы мен тасымалдау» мамандықтары бойынша бітірген. 
Еңбек жолын 2004 жылы «Global Trans Service Eurasia» жауапкершілігі шектеулі серіктестігінде менеджер-логист қызметінен бастаған. 
2006-2007 жылдары Қазақстан Республикасы Қаржы министрлігінің Астана қаласы, Сарыарқа ауданы бойынша салық комитетінде жетекші маман; 
2007-2014 жылдары Қазақстан Республикасы Көлік және коммуникациялар министрлігінің Көлік комитетінде жүргізуші маман, бас маман, сарапшы, бас сарапшы; 
2015-2016 жылдары «Солтүстік Қазақстан облысы бойынша «Көліктік бақылау инспекциясы» Мемлекеттік мекемесінің теміржол және су көлігіндегі бақылау бөлімінің басшысы және Астана қаласы бойынша «Көліктік бақылау инспекциясы» Мемлекеттік мекемесінің теміржол және су көлігіндегі бақылау бөлімінің бас маманы; 
2017-2018 жылдары Қазақстан Респбликасы Инвестициялар және даму министрлігінің құжаттау және бақылау департаментібасқармасының басшысы және «Жолаушылар тасымалы», «Теміржолсу» акционерлік қоғамы Президенттерінің кеңесшісі; 
2018-2020 жылдары «Теміржолсу-Ақтөбе» жауапкершілігі шектеулі серіктестігінде бас инженер; 
2020 жылдың 15 қазанынан бастап осы уақытқа дейін Арал ауданы әкімінің орынбасары қызметін атқарып келді. 
Отбасылы, 3 бала тәрбиелеп өсіруде.

Арал қаласының әкімі сайланды

Жемқорлыққа қарсы күрес аясында үздік жарияланымдар байқауының
ЕРЕЖЕСІ
I. Негізгі ережелер
1. Байқау сыбайлас жемқорлыққа қарсы күрес мәселелері, жемқорлыққа қарсы тақырыптар бойынша (бұдан әрі – Байқау) бұқаралық ақпарат құралдарының өкілдері үшін (бұдан әрі-БАҚ) азаматтардың сыбайлас жемқорлыққа төзбеушілік мәдениетін көтеру, қоғамдағы сыбайластыққа қарсы көзқарасты қалыптастыратын құндылықтар жүйесін сақтап, нығыздау мақсатында өтеді.
2. Байқау жеңімпаздарын құрамында облыстық ішкі саясат басқармасы (бұдан әрі – Басқарма) мен БАҚ өкілдері құралған арнайы комиссия анықтайды.
II.Байқауға қатысу шарттары
3. Байқауға өңірлік БАҚ өкілдері қатыса алады.
4. Байқауға мақсатына сәйкес азаматтардың сыбайлас жемқорлыққа қарсы мәдениетін көтеріп, жемқорлыққа қарсы көзқарасты қалыптастыратын құндылықтарды сақтап, нығайтуға бағытталған, келесі материалдар: бағдарламалар, документалды фильмдер, студиялық жазбалар, мақалалар, сұхбаттар қабылданады.
Материалдар 2021 жылдың 15 қарашасы мен 30 қарашасы аралығында жариялануы керек.
5. Ұсынылатын материалдар санына шектеу қойылмайды.
6. Байқау ережесінің талаптарына сәйкес келмейтін немесе көрсетілген мерзімнен кеш ұсынылған материалдар қабылданбайды. Ұсынылған материалдар қайта қайтарылмайды.
III.Байқау кезеңдері
7. Байқау туралы хабарландыру
Байқау ережелері қазақ және орыс тілдерінде өңірлік БАҚ беттерінде жарияланады.
8. Байқауға ұсынылған материалдарды қабылдау.
Жарияланымдардың түпнұсқасы немесе көшірмесі (автордың мәліметтері, байланыс нөмірлері, басылым атауы көрсетілген) ұсынылады.
Аудиовизуалды материалдар эфирлық анықтамасымен бірге телевизиялық бағдарламалар көшірмелері түрінде ұсынылу керек (cd/dvd дискілерінде, флэш тасымалдауыштарда немесе сілтеме арқылы).
Ақпараттық агенттіктердің журналистері интернет сайтта жарияланған дәлелімен жарияланымдарының көшірмелерін ұсыну керек.
Байқауға материалдар қазақ және орыс тілдерінде қабылданады. 2021 жылдың 30 қарашасында материалдарды қабылдау тоқтатылады.
Материалдарға қосымша журналистің қысқаша өмірбаяны, 3×4 суреті, ақпараттық материалдар тізімі жолданылуы қажет.
9. Байқауға ұсынылған материалдарды қарау.
Материалдар қабылданып болғаннан кейін байқау комиссиясы жұмыстарды қарауды бастайды.
Байқауда келесі критерийлер ескеріледі:
1) көрсетілген тақырыпқа сәйкестігі;
2) мәселені саралау тереңдігі мен оның сыбайлас жемқорлыққа қарсы мәдениетті қалыптастырудағы орны;
3) жазу стилі;
4) авторлық концепцияның өзіндік ерекшелігі.
10. Қорытындылау
Жеңімпаздарды анықтау байқау комиссиясының отырысында үздік жұмыстарды анықтау жолымен жүргізіледі.
Әрбір материал жеке талқыланып, ашық дауыс беру арқылы нәтижесі шығарылады.
Бірдей дауыс алған жағдайда, комиссия Төрағасының дауысы шешуші болып есептеледі. Комиссия отырысының хаттамасы толтырылады.
Жұмыстарды қарау қорытындысы бойынша шешім кабылданып, жүлделі бірінші, екінші және үшінші орындар беріледі.
Жеңімпаздарды марапаттаудың орны мен уақыты комиссия отырысында белгіленеді.
IV.Байланыс ақпарат
Қызылорда қаласы, Сұлтан Бейбарыс к., №1 (облыс әкімдігі ғимараты), 3 қабат, 313 кабинет, тел.: 8/7242/60 53 21, ұялы тел.: +77477019127, электронды пошта: 5685smi@mail.kz.

Жемқорлыққа қарсы күрес аясында байқау жарияланды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстан Республикасы Тәуелсіздігінің 30 жылдығы мен Жалаңтөс Баһадүр атындағы олимпиадалық резервтің облыстық мамандандырылған мектеп-интернат-колледжінің құрылғанына 20 жыл толуына орай, бокстан «Қазақстан Республикасының мықты боксшысы» турнирінің ашылу салтанаты өтті.
Спорттық шараның ашылу рәсімінде облыстық мәслихат хатшысы Наурызбай Байқадамов өңіріміздегі жеңіске жеткен спортшылардың жетістіктеріне тоқталып өтіп, барша қатысушыларға сәттілік тіледі.
Жасөспірімдер арасындағы Қазақстан Республикасының бас бапкері, ҚР Еңбек сіңірген спорт шебері Аркадий Топаев жастар мен жасөспірімдер арасындағы жарыстарда боксшылардың қол жеткізген жетістіктерін айтты.
Турнирге барлығы 14 облыс пен 3 қаладан 17 команда, барлығы 250-ден астам 2006-2007 жылдары туылған жасөспірімдер қатысуда.
Жарыс 20 қараша күні қорытындыланып, жеңіпаз атанған былғары қолғап шеберлері жүлделі орындармен марапатталады.&nbsp;
Айта кету керек, аталған шара № 2 Олимпиадалық резервтің мамандандырылған балалалар мен жасөспірімдер мектебінің спорт залында қалалық дене шынықтыру және спорт бөлімі мен облыстық спорт басқармасының ұйымдастыруымен өтуде.
<img src="https://kyzylorda-news.kz/wp-content/uploads/2021/11/06-scaled.jpg" alt="" />
<img src="https://kyzylorda-news.kz/wp-content/uploads/2021/11/02-scaled.jpg" alt="" />
<img src="https://kyzylorda-news.kz/wp-content/uploads/2021/11/1-scaled.jpg" alt="" />

Қызылордада бокстан республикалық турнир басталды

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін Роза Бағланова атындағы мәдениет орталығында ұлттық валюта – теңге күні және қаржы саласы қызметкерлері мерекесіне орай салтанатты шара өтті. Салтанатты шараға аудан әкімі Мұхтар Оразбаев, аудандық мәслихат хатшысы Бақытжан Жарылқап және қаржы саласының қызметкерлері мен ардагерлері қатысты.
Мерекелік шарада құттықтау сөз сөйлеген аудан әкімі Мұхтар Оразбаев биыл Қазалы ауданы қаржыгерлері үшін ерекше жыл екенін атап өтті.
<blockquote>
 «Ел Тәуелсіздігінің 30 жылдығы қарсаңында аудандық қаржы бөлімінің құрылғанына 95 жыл толып отыр. 1926 жылы өз жұмысын бастаған бөлімде көптеген азаматтар еңбек етті. Олар экономикалық өсуді қамтамасыз етуге және әлеуметтік проблемаларды шешуге бағытталған жұмыстарды үздіксіз жүргізді. Нәтижесінде экономикада тұрақты өсім қалыптасып, ауданымыздың даму көрсеткіштері артты.
 Қаржы саласы қызметкерлерінің жемісті еңбегінің маңызды көрсеткіштерінің бірі – бюджет кірістерінің тұрақты өсімін қамтамасыз ету. Мемлекеттік жүйенің маңызды бөлігін дамыту мақсатында аянбай еңбек етіп, Сіздер алға қойған жоспарларды іске асыруға атсалыстыңыздар. Бұл көз қуантарлық көрсеткіштер саланы дамыту бағытында қолға алынған жұмыстар мен қаржыгерлердің қажырлы еңбегінің нәтижесі. Ортақ табысқа сіздердің әрбіріңіздің елеулі үлестеріңіз бар екендігін айрықша атап өткім келеді», – деді Мұхтар Әуесұлы.
</blockquote>
Сондай-ақ, Қазалы ауданының құрметті азаматы, қаржы саласының ардагері Талайлы Бөріқұлақов, аудандық мәслихат хатшысы Бақытжан Жарылқап та құттықтау сөз сөйлеп, ізгі тілектерін жеткізді.
Салтанатты шарада ауданның әлеуметтік-экономикалық дамуына елеулі үлес қосып жүрген бір топ қаржы саласының қызметкерлері «Алғыс хатпен» марапатталып, құрмет көрсетілді.
Бұл күні ауданның экономикалық көрсеткіштерінің артуына талмай еңбек етіп, табыстың берекесін тасытқан ардагерлер де назардан тыс қалмай, сый-сияпатқа ие болды.
Қаржы саласы қызметкерлері мен сала ардагерлерінің құрметіне аудандық мәдениет орталығының өнерпаздары әннен шашу шашып, көтеріңкі көңіл күй сыйлады.
Бұл күні аудандық өлкетану мұражайынан «Қаржыгерлер бұрышы» ашылды. Қаржы саласына арналған музей экспозициясымен танысқан аудан әкімі Мұхтар Оразбаев құттықтау сөз сөйлеп, мұражай қорына мерекелік кітапты табыс етті.
<img src="https://kyzylorda-news.kz/wp-content/uploads/2021/11/255507031_3206318189589106_8508073063742375848_n.jpg" alt="" />
<img src="https://kyzylorda-news.kz/wp-content/uploads/2021/11/257554005_3206316736255918_7028465399689934976_n.jpg" alt="" />
<img src="https://kyzylorda-news.kz/wp-content/uploads/2021/11/255535412_3206318652922393_1500366737377817218_n.jpg" alt="" />

Қазалылық қаржыгерлер 95 жылдығын тойлады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; ҚР бас санитар дәрігерінің халыққа ревакцинация жасау туралы жаңа қаулысы жарияланды.
ҚР бас санитар дәрігерінің міндетін атқарушы Айжан Есмағамбетованың COVID-19 коронавирус инфекциясына қарсы ревакцинация жүргізу туралы қаулысы жарияланды. Құжатта КВИ-ге қарсы ревакцинацияға жататын халықтың тәуекел топтары көрсетілген.
Олар:
1) медицина қызметкерлері;
2) педагогтер;
3) күш құрылымдарының қызметкерлері;
4) медициналық-әлеуметтік мекемелердің персоналы мен контингенті;
5) 60 жастан асқан адамдар;
6) Бұған дейін КВИ-ге қарсы вакцина алса да, иммунитеті әлсіреген адамдар (иммуносупрессивті терапиядағы адамдар (лейкемияны, лимфоманы және миеломаны қоса алғанда, қатты ісікті немесе гематологиялық қатерлі ісікті белсенді иммуносупрессивті емдеу немесе осындай емдеу тоқтатылғаннан кейін 12 ай ішінде), гемодиализдегі адамдар, трансплантат реципиенттері, АИТВ жұқтырған ауыр бастапқы иммун тапшылығы);
7) өз бетінше тексерілу нәтижесінде ағзасында КВИ-ге қарсы антидене жоқ екені анықталған адамдар.
Ревакцинация жүргізудің мерзімдері мынадай:
<ul>
<li>Егер алғашқы курс кезінде векторлық вакцина салғызсаңыз, ревакцинация 9 айдан кейін жасалуы керек;</li>
<li>инактивті және м-РНҚ-вакциналардан кейінгі ревакцинация 6 айдан кейін жүргізіледі.</li>
</ul>
“КВИ-ге қарсы ревакцинацияны алғашқы вакцинация курсына пайдаланылған вакцинамен жүргізуге жол беріледі”, – деп жазылған қаулыда.

Қазақстанда ревакцинациялау мерзімі белгілі болды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы бойынша ҚАЖ департаментіне қарасты ЗК-169/4 &nbsp;қауіпсіздігі барынша төмен мекемесінде абайсызда қылмыс жасағандар жазасын өтейді.
Мекемеде жазасын өтеп жүрген Елдос бауыр еті баласының денсаулығы үшін қылмыс жасаған. Біреудің затын заңсыз иемденген.
Осыдан тура 1 жыл бұрынғы оқиғаны тізбектеп айтып берді. Қиын сәтте бір-бірімізге қол ұшын созып, қолдау көрсету қанымызға сіңген әдет. Досының басына қиын іс түсіп, қаражат жағынан қиналып жүргенін байқаған Елдос досына қаражат ұсынады.&nbsp; Сөйтіп досын бір қиындықтан алып шығады. Уақыт өте келе, Елдос та қаражат жағынан қиналап, досынан көмек сұрап, кезінде берген қаражатты қайтаруын сұрайды.
<blockquote>
 «Досым деп жүрген азамат, әр-түрлі сылтау айтып, қарызын беруді кешіктіре берді. Баламды емдетуі үшін қаражат қатты қажет екенін алға тарттым. Оның сылтауы бітпеген соң, ұялы телефонын алып кетіп, сатуға мәжбүр болдым. Жасаған ісіме&nbsp; заң алдында жауап беріп, жазамды алдым. Қазіргі таңда қауіпсіздігі барынша төмен мекемесінде жазамды өтеудемін. &nbsp;«Заңды білмеген&nbsp;опық жейді», деген бар. Досымнан қарызымды заң жүзінде талап еткенімде мүмкін түрмеге түспес пе едім, заңды білмеген жауапкершіліктен құтқармайды»,-дейді Елдос.
</blockquote>
Елдос жазасын өтей жүріп, мекемеішілік іс-шараларға белсене қатысады. Сонымен қоса оны мекеменің сотталғандардың еңбегін ұйымдастыру тобының қызметкерлері «Алтай-Транс-Ойл» ЖШС-на жұмысқа орналастырған. Ол қазір пескоблок қышын өндірудің хас шебері. Бұл өнімге сұраныс та жоғары, соның нәтижесінде Елдос тынымсыз еңбек ету арқылы мемлекет алдындағы берешегін толық көлемде өтеп, артылғанын отбасына жіберіп отыр.
<blockquote>
 «Темір торда отырсам да отбасымды ойымнан бір сәт шығарған емеспін. Мекеме психологының да қабылдауында болып, семинар-тренингтерге қатысып, толғандырып жүрген сан сұрақтарыма жауап аламын. Жазамды өтеп, отбасыма оралып, жақсы әке болып қызыма жақсы тәрбие беремін», – деді сотталған азамат.
</blockquote>

Жазасын өтеуші: Қылмысқа балам үшін бардым

**<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;ҚР Ішкі істер министрінің бірінші орынбасары полиция генерал-майоры Марат Қожаев жұмыс сапарымен Қызылорда облысына келді. Сапар барысында *Марат* Қожаев Қызылорда облысы әкімінің орынбасары Серік Ахметпен кездесті.**
Кездесу барысында полицияның сервистік моделін масштабтау мәселелері талқыланды. Сонан соң, Ішкі істер министрінің бірінші орынбасары Тасбөгет әкімдігінде мемлекеттік органдардың (денсаулық сақтау, білім беру, әлеуметтік қорғау, үкіметтік емес ұйымдар және т.б.) өкілдері қатарынан ведомствоаралық жобалау тобымен кездесіп, қоғамдық қауіпсіздікті қамтамасыз етудің сервистік тәсілдерін кезең-кезеңімен енгізу мақсатында құрылған жобалау тобының жұмыс орындарымен танысты.
Бүгінгі сапар барысында Қожаев Марат Қызылорда қаласындағы № 11 учаскелік полиция пунктіне барып, учаскелік полицейлердің жұмысы, құқық бұзушылықтың алдын алу мәселелері қаралды.
Сонымен қатар, Қызылорда қалалық полиция басқармасының әкімшілік ғимаратында орналасқан фронт-офистің және Жедел басқару орталығының жұмысымен танысты.
Мемлекет басшысы «Жаңа жағдайдағы Қазақстан: іс-қимыл кезеңде» атты Қазақстан халқына жыл сайынғы Жолдауы барысында полиция жұмысына сервистік тәсілдерді енгізу арқылы қоғамдық қауіпсіздікті қамтамасыз етудің тиімді тетіктерін құру міндетін қойды. Халықаралық тәжірибе негізінде Ішкі істер министрлігі полицияның отандық сервистік моделін қалыптастыру бойынша жұмыс жүргізуде.
Полицияның сервистік моделі – бұл билік органдарына деген сенім мен қорғалу деңгейін арттыру мақсатында қауіпсіздікті қамтамасыз ету мәселелерін шешу бойынша полицияның, алдын алу субъектілерінің және жұртшылықтың бірлескен қызметі болып табылады. Сервистік модельді дамыту азаматтарлың полициямен байланысын және полицияға қол жеткізуін барынша жеңілдетуге бағытталған.
Жұмыс сапары соңында Марат Қожаев Қызылорда облысы Полиция департаментінің әскери және арнайы дайындығы бойынша оқу-жаттығу полигонының жұмысымен танысты.
Бұл оқу-жаттығу полигоны – полицейлердің жан-жақты практикалық дайындығын ең жоғары деңгейде қамтамасыз ететін, кәсіби ерекшелігін ескере отырып, заманауи талаптарға сәйкес салынған бірегей кешен. Үш гектар аумақта орналасқан кешен заманауи талаптарға сай жабдықталған.
Бұдан бөлек, кездесу барысында Ішкі істер министрі Ерлан Тұрғымбаевтың тапсырмасына сәйкес, Марат Шәдетханұлы Мемлекет басшысының Жолдауында алға қойған негізгі міндеттер туралы айтып өтті.
Өз кезегінде Полиция департаментінің бастығы полиция полковнигі Сұлтан Бектөре Қазақстан дамуының жаңа бағыттарын белгілеген Жолдаудың орындалуын қамтамасыз ету мақсатында жұмыс жасайтынын жеткізді.
<blockquote>
 «Полиция институты сервистік модель негізінде дамып келеді. Сервистік полиция халықаралық тәжірибеде азаматтарға сапалы полиция қызметтерін көрсетуге және қауіпсіздік мәселелерін шешуге бағытталған полиция қызметіне көзқарас. Сондықтан да осы тәсіл арқылы полиция қызметінде оң нәтижелер мен тиімділікке қол жеткізілетіні анық», – деді департамент бастығы Бектөре Жеңісбайұлы.
</blockquote>
<img src="https://kyzylorda-news.kz/wp-content/uploads/2021/11/whatsapp-image-2021-11-16-at-08.59.18-5.jpeg" alt="" />
<img src="https://kyzylorda-news.kz/wp-content/uploads/2021/11/whatsapp-image-2021-11-16-at-08.59.18-2.jpeg" alt="" />
<img src="https://kyzylorda-news.kz/wp-content/uploads/2021/11/whatsapp-image-2021-11-16-at-08.59.18-3.jpeg" alt="" />

Қазақстан және Қызылорда облысының жаңалықтары