<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қызылорда облысында «Ashyq» жүйесі үй карантинінде оқшаулану тәртібін бұзған 1150 азаматты анықтады.
Облыс тұрғындары арасында коронавирустың таралуының алдын алу мақсатында белгіленген карантин талаптарының сақталуына мониторинг жүргізу жалғасуда. Айталық 741 адам «қызыл», 409 тұлға «сары» статуста. Оқшаулау режимін бұзушы «қызыл» статустағы азаматтарға қатысты 246 әкімшілік хаттама толтырылған. Сонымен қатар 10 млн-нан астам айыппұл салынған.
Анықталған «сары» мәртебесіндегі 246 тұлғаға санитариялық-індетке қарсы профилактикалық іс-шараларды жүргізу туралы қаулы ұсынылып отыр.

«Ashyq»: Қызылордада карантин талаптарын бұзған азаматтар жазаланды

<a href="https://kyzylorda-news.kz/ru/obshestvo/">Kyzylorda-news.kz</a>. Сырдария ауданы бойынша 2620 шағын және орта кәсіпкерлік субъектісі тіркелген. Қазіргі таңда оның 2441-і жұмыс жасап тұр.
Биылғы жылдың 1 қарашасына Сырдария ауданында мемлекеттік және өңірлік бағдарламалар аясында құны 2,4 млрд. теңгені құрайтын 475 жобаға қаржылай қолдау көрсетілді.
Атап айтқанда, «Еңбек» нәтижелі жұмыспен қамту және жаппай кәсіпкерлікті дамыту» бағдарламасының екінші бағыты бойынша құны 285,6 млн.теңгенің 69 жобасы несилендірілді. Олардың басым бөлігі мал басын көбейту, бордақылау, монша ашу, қажетті техникаларды алу секілді жобаларды қамтиды.
Осы бағдарламаның екінші бағыты аясында Стартап жаңа бизнес идеяларды іске асыру мақсатында 237 адамға 138,3 млн.теңге көлемінде мемлекеттік қайтарымсыз грант берілді.
«Бизнестің жол картасы 2025» бағдарламасы арқылы екінші деңгейлі банктерден 76 кәсіпкерлік субъектісі 424,7 млн.теңге несие алып, жұмыстарын жасауда. Осы бағдарламаның қайтарымсыз грант беру тетігі бойынша 8 жобаға 23,0 млн. теңгеге қаржыландырылды.
«ҚазАгроҚаржы» АҚ-ның Қызылорда филиалы арқылы аудандағы 22 шаруа қожалығы құны 1134,6 млн. теңгеге 53 ауылшаруашылық техникалары мен құрал-жабдықтары алынды.

Сырдария ауданында 475 жобаға қаржылай қолдау көрсетілді

<a href="https://kyzylorda-news.kz/ru/obshestvo/">Kyzylorda-news.kz</a>. Жаңбырдан соң бірден суық ұрғасын Қызылорда көшелерін мұз басып қалды.
Қыстың ауылы алыс деп бейқам жүріп, дөңгелегін сайламаған жүргізушілер үшін қозғалыс қиынға түсті. Таңсәріден авто және жаяу жүргіншілер жолын тазалауға кіріскен коммуналдық мекеме қызметкерлері қала көшелерін қардан түгел тазартуға үлгірмей жатыр. Дегенмен, күшейтілген жұмыс кестесіне көшкен. Ал магистральды трасса бойындағы Арал мен Жаңақорған аудандарының аралығына уақытша бекеттер қойылды.
<blockquote>
 «Медицина қызметкерлері жүргізушілердің денсаулығын тексеріп, түсіндіру жұмыстары жүргізіліп, жадынамалар таратылды. Аталған тас жолда түн мезгілінде жол апаттары болып жатыр. Сол себептен біз түнгі мезгілде жүргізушілерді тоқтатып, шаршап келе жатқан болса демалуын сұрап жатырмыз», – дейді ДП жергілікті полиция қызметі басқармасының бастығы Бауыржан Ибраев.
</blockquote>
<a href="https://24.kz/kz/zha-aly-tar/o-am/item/510845-yzylordany-k-shelerin-m-z-rsady">Хабар 24</a>

Арал мен Жаңақорған аудандарының аралығына уақытша бекеттер қойылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстан құрамасы самбодан әлем чемпионатында сәтті өнер көрсетіп, 10 медаль жеңіп алды. Чемпионат Ташкентте өткен. Еліміз топтық есепте 4 орынды иеленді, деп хабарлайды&nbsp;<a href="https://stan.kz/">Stan.kz</a>.
54 келіге дейнігі салмақта Гүлдана Әлмұханбетова мен ерлер арасында 64 келіге дейінгі салмақ дәрежесінде Рахат Жаниет алтын медаль жеңіп, чемпион атанды.&nbsp;
Мади Райхан (98 келіге дейін салмақта), Ажар Саликова (65 келі салмақта) және Дилдаш Күрішбаева (72 келіге дейінгі салмақта) күміс медаль иеленді.&nbsp;
58 келіге дейінгі салмақта Болатбек Райымқұлов пен Нұркен Домбаев, 79 келіге дейінгі салмақта Айдын Дартаев, 64 келіге дейінгі салмақта Әділбек Сейісов және 88 келіге дейінгі салмақта Умар Янковский қола медаль жеңді.&nbsp;
Әлем чемпионатына 51 ел қатысқан. Спортшылар үш санат бойынша сайысқа түсіп, үздіктерді анықтады.

Қазақстан құрамасы самбодан әлем чемпионатында 10 медаль жеңіп алды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; **Бүгін Ұлттық академиялық кітапханада ҚР Мәдениет және спорт министрлігінің қолдауымен Қазақстанның еңбек сіңірген қайраткері, ақын Шөмішбай Сариевтің «Жүрегім-Қазақ елі» кітабының тұсауы кесіліп, *ақынның атына шығармашылық зал ашылды.***
Шарада ақын, әрі зерттеуші ғалым, аудармашы, танымал қазақ поэзиясының көрнекті өкілі, Шөмішбай Сариевтің шығармашылығын және ән мұрасы насихатталды.
Оған ҚР Мәдениет және спорт министрі Ақтоты Райымқұлова, жазушы, филология ғылымдарының докторы, Қазақстанның еңбек сіңірген қайраткері Уәлихан Қалижан, жазушы, филология ғылымдарының докторы, профессор, абайтанушы Тұрсын Жұртбай, әнші, музыкалық продюсер, музыкалық педагог, Қазақстан Республикасының Еңбек сіңірген әртісі Майра Ілиясова, мемлекет және қоғам қайраткері, актер, эстрада әншісі, Қазақстанның еңбек сіңірген әртісі Нұрлан Өнербаев, қазақ театр және кино актері, Қазақстанның еңбек сіңірген әртісі Ерік Жолжақсыновтар қатысты.
Ақын Шөмішбай Нағашыбайұлы – бірінші дәрежелі «Барыс» және «Парасат» ордендерінің иегері, Франц Кафка атындағы Халықаралық Алтын Медаль сыйлығының,​ «Жыл Адамы – Алтын Адам» сыйлығының, «Платина Тарлан» сыйлығының лауреаттары, екі дүркін «Елім менің» атты Президент бәйгесінің бас жүлдесінің​ ​ ​ ​ (Гран при) иегері, “Халықтың сүйіктісі” ұлттық сыйлығының лауреаты, филология ғылымдарының кандидаты. Оның алғашқы жырлары 1974 жылы абыз ақынымыз Әбділда Тәжібаевтың алғы сөзімен “Қанат қақты” жыр жинағына шықты. Жинаққа тағы да басқа жас ақындардың өлеңдері енген. Ақынның шығармашылық қоржынында 300-ден астам өлеңі​ мен 32 кітабы бар. Шығармалары орыс, украина, қырғыз, өзбек, тәжік, румын, чех, үнді, француз тілдеріне аударып жарияланған.
Ақынның лирикалық жырлары мен ән өлеңдері көптеген қазақ композиторларының шығармашылығына арқау болып, халықтың көңілінен шыққан әндері Қазақстаннан тыс жерлерде де орындалуда.Талантты ақынның сөздерінде шынайылық, тереңдік және отанға деген махаббат көпке танымал әндері: «Айналдым сенен, Атамекен-ай; «Сәлем саған туған ел»; «Домбыра»; «Ойлан балам»; «Сарыарқа»; «Дос керек»; «Анаға хат»; «Боз жорға»; «Қарағым-ай» әндерімен халық жүрегіне жетуде.
Шөмішбай Сариевтің «Жүрегім – Қазақ елі» атты жаңа жыр жинағы биыл​ «Атамұра» баспасынан жарық көрді. Жинаққа ұлтымыздың тәуелсіздігін ұлықтайтын, ұрпағымызды ұлтты сүюге, ұлттық патриотизмге ұмтылдыратын дүниелері топтастырылған.
<img src="https://kyzylorda-news.kz/wp-content/uploads/2021/11/257779414_460550522157978_240646957859340565_n-1.jpg" alt="" />
<img src="https://kyzylorda-news.kz/wp-content/uploads/2021/11/257857658_460550555491308_7301934997292345063_n.jpg" alt="" />
<img src="https://kyzylorda-news.kz/wp-content/uploads/2021/11/256659360_460554612157569_6294589887657766388_n.jpg" alt="" />
<img src="https://kyzylorda-news.kz/wp-content/uploads/2021/11/257986040_460554722157558_3461154324711174742_n.jpg" alt="" />
<img src="https://kyzylorda-news.kz/wp-content/uploads/2021/11/258002410_460550658824631_8733890854590312238_n.jpg" alt="" />
<img src="https://kyzylorda-news.kz/wp-content/uploads/2021/11/258533571_460550498824647_5046216199182403948_n.jpg" alt="" />
<img src="https://kyzylorda-news.kz/wp-content/uploads/2021/11/258495305_460549945491369_723122321166769275_n.jpg" alt="" />

Ақын Шөмішбай Сариевтің «Жүрегім-Қазақ елі» кітабының тұсауы кесілді

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;ҚР Денсаулық сақтау вице-министрі Ажар Ғиният пен Санитарлық-эпидемиологиялық бақылау комитетінің төрағасы Айжан Есмағамбетова және елордалық денсаулық сақтау басқармасы №71 мектеп-лицейге барып, балаларды вакциналау жұмыстарымен танысты, деп хабарлайды <a href="https://lenta.inform.kz/kz/vakcina-saldyratyn-okushy-sabaktan-bosatyla-ma-ozekti-suraktarga-zhauap_a3863461">ҚазАқпарат</a>.
Ата-ана келісімі болмаса вакцина салынбайды
<blockquote>
 «Біздің мектеп қазақ және орыс тілдерінде білім береді. Мұнда 4206 бала оқып жатыр. Ең алдымен балаларды вакциналау бойынша ата-аналар арасында сауалнама жүргізілді және екпенің не үшін маңызды екенін түсіндірдік. ZOOM алаңында дәрігерлермен бейнесұхбат ұйымдастырдық, онда ата-аналар өздерін толғандырып жүрген сұрақтарды қойды. Бірінші сауалнамадан соң 50 бала екпе алғысы келсе, бірнеше күннен кейін 88 баланың ата-анасы вакциналауға жазбаша түрде рұқсаттарын берді», – деді №71 мектеп-лицей директоры Шынар Әубәкірова тілшілерге берген сұхбатында.
</blockquote>
ҚР денсаулық сақтау вице-министрі Ажар Ғиният та баласына вакцина салдыруға күмәнданып жүрген ата-аналарға үндеу жасады.
<blockquote>
 «Балалардың денсаулығы әр ата-ананың қолында. Балалар жас болғандықтан, әзірге өз денсаулығы үшін шешім қабылдай алмайды. Олар үшін бұл шешімді ата-ана қабылдауы керек. Баланы емдете ме, профилактикалық шара ала ма – бәрі ата-ананың қолында. Қазір де осы инфекцияның өте қатерлі екенін көріп отырсыздар. Уақытқа, мезгілге байланысты көптеген респираторлық вирустық инфекциялардың көп екенін, ал микс суперинфекцияның өте қатты асқынған түрде жүретінін айтқым келеді. Сондықтан, мемлекет әлемдегі ең жақсы, барлық клиникалық зерттеулерден өткен, ең тиімді вакцинаны әкеп отырғанда, бұл мүмкіндікті пайдаланғандарыңыз дұрыс», – деді вице-министр.
</blockquote>
Мектепте екпе егудің артықшылығы көп
Сонымен бірге, вице-министр балаларды мектепте вакциналаудың артықшылықтарын айтып берді.
<blockquote>
 «Мектеп – баланың өзіне үйреншікті таныс ортасы. Екіншіден, балалар үшін қауіпсіз орта, өйткені емханаларға басқа да науқастар келеді, қазір вирустық-эпидемологиялық кезең, аурулар асқынып жатыр. Сондықтан бала денсаулығына еш қатер болмауы үшін мектептердің екпе кабинеттерінде де вакциналауды ұйымдастыруды ұйғардық. Мұнда балалар жоспар бойынша келіп екпені алады, бір баланың қобалжығаны екінші балаға берілмеу үшін көп бала жиналмайды», – деді вице-министр Ажар Ғиният.
</blockquote>
Балалар дәрігері, «Салауатты астана» ЖШС мектепке дейінгі және мектеп ұйымдары бөлімінің меңгерушісі Сәуле Есенбаева мектептегі вакцина салу тәртібін түсіндірді.
<blockquote>
 «Емханада вакцина салдыру үшін баланы ата-ананың өзі тасуы керек. Ол үшін жұмсысынан сұрануы керек. Сондықтан мектепте салдырған дұрыс деп ойлаймын. Мектептегі вакциналауға ата-ананың қатысуы міндетті емес, дегенмен ата-ананың өзі келемін, көремін десе, оған толық құқықтары бар. Вакцина салдыратын бала сабақтан босатылмайды. Екпеден кейін 30 минут қадағалауда болады, сосын сабағына қайта жіберіледі. Үйіне барарда нұсқаулық береміз, онда екпеден кейін үш күн қалай күтіну керектігі айтылады», – деп түсіндірді дәрігер.
</blockquote>
Балаларды вакциналауда еш асқыну тіркелген жоқ
Қазіргі уақытта Қазақстанда 3 300 бала Pfizer вакцинасын салдырып үлгерді. Вице-министрі Ажар Ғинияттың айтуынша, республика бойынша еш балада қатты жанама әсер байқалған жоқ.
<blockquote>
 «Ал №71 мектепте алғашқы күні 6 бала вакцина алды, оның ішінде бір баланың басы ауырып, қызуы көтерілген. Бұл симптомдар қалыпты, әр ағзада түрлі реакцияның болатыны ата-аналарға алдын ала ескертілген. Қазіргі уақытта бала дәрігерлердің бақылауында. Одан басқа қатты асқынулар болған жоқ», – деді дәрігер Сәуле Есенбаева.
</blockquote>
Сонымен бірге, вице-министр қазақстанда Pfizer вакцинасының жеткілікті қоры бар екенін, елдегі барлық бала санына жеткілікті вакцина келгенін айтты.
<blockquote>
 «Әрине, балалар вакцинациясы ата-ана шешіміне байланысты болғандықтан, екпеге түгел келмеуі мүмкін екенін топшыладық. Бірақ, дегенмен елдегі балалардың барлық санына жететіндей доза жеткізілді. Халықтың қазір көзі жетті, аурудың қиын екенін, вакцина алмаған адамдармен толғанын көрді, көптеген жақындарын жоғалтты. Вакцинаның керек екенін халық түсінді деп ойлаймыз», – деді А. Ғиният.
</blockquote>
Айта кетейік, 12 қараша күні елімізге Pfizer вакцинасының 379 мың дозасы жеткізілді.
<blockquote>
 «Министрлік Pfizer компаниясының Comirnaty (Pfizer) вакцинасының 4 млн 230 мың дозасын вакцина сатып алды. Бұл 2 млн 115 мың адамды қамтуға мүмкіндік береді. Республикаға 379 мың доза көлемінде бірінші партиясы жеткізілді. Оны Дүниежүзілік денсаулық сақтау ұйымы 12-ден 18 жасқа дейінгі балалар мен жасөспірімдерді, жүкті және бала емізетін аналарды вакцинациялау үшін ұсынады», – деді Денсаулық сақтау министрі Алексей Цой.
</blockquote>

Вакцина салдыратын оқушы сабақтан босатыла ма – өзекті сұрақтарға жауап

<a href="https://kyzylorda-news.kz/ru/obshestvo/">Kyzylorda-news.kz</a>. Қазгидромет мамандары 18-20 қарашада ауа райы қандай болатынын болжады.
Синоптиктер мәліметінше, 18-19 қарашада Қазақстанның басым бөлігінде күн құбылмалы болады, қар жауады. Кей жерде қар аралас жаңбыр жаууы мүмкін.
Шығыс Қазақстан облысының солтүстік-шығысында қатты жауын-шашын жауады.
Республика бойынша тұман, көктайғақ болады, елдің солтүстік жартысында бұрқасын болып, екпінді жел болуы мүмкін.
20 қарашада республиканың басым бөлігінде жауын-шашын тоқтайды, алайда елдің батысы мен солтүстік-батысында циклонның ықпалынан қайтадан жаңбыр мен қар жауады.
Қазақстанның батысында түнде 0…-5°C-тан -5…-10°C-қа дейін аяз, солтүстік-батыста, солтүстікте, орталықта -5…-15°C-тан -15…-25°C-қа дейін аяз болады.
Оңтүстік өңірлерде -5…-13°C-тан -8…-16°C-қа дейін аяз, шығыста -2…-10°C-тан -15…-25°C-қа дейін аяз болады.
Нұр-Сұлтанда 18 қарашада қар жауады, түнде -18°C, күндіз -5°C. 19 қарашада күн бұлтты, түнде -22°C, күндіз -11°C болады.
20 қарашада күн ашық, түнде -12°C, күндіз -7°C болады.
Алматыда 18 қарашада қар жауады. Ауа температурасы түнде -5°C, күндіз -1°C.
19 қарашада күн бұлтты, жаңбыр жауады. Ауа температурасы түнде -5°C, күндіз +1°C көрсетеді.
20 қарашада күн ашық болады, түнде -8°C, күндіз +4°C жылы.
Шымкентте 18 қарашада күн ашық, түнде -5°C, күндіз +3°C болады. 19 қарашада күн бұлтты, түнде -6°C, күндіз +4°C көрсетеді.
20 қарашада күн ашық, түнде -5°C, күндіз +8°C жылы болады.

Алдағы үш күнде ауа райы қандай болады?

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Кәукей ауылдық округі, Ажар елді мекенінің 12 жасар тұрғыны Жанарыс Дәулетбай қой бағуға кетіп, үйіне қайта оралмаған.&nbsp;&nbsp;
Шұғыл түрде оқиға орнына жеткен полиция қызметкерлері іздестіру жұмыстарына кірісті. Сондай-ақ, іздестіру жұмыстарына полиция қызметкерлерімен бірге ауыл тұрғындары, жасөспірімнің&nbsp; туған – туыстары, жедел құтқару қызметі, ауылдық округ әкімдігінің қызметкерлері, шекара қызметкерлері және автокөліктер мен&nbsp; арнайы техника&nbsp; жұмылдырылған болатын.&nbsp;
Бүгін, шамамен сағат 11:20 шамасындааудан орталығынан 210 шақырым қашықтықта жайылымдықтан 15 шақырым жерде сайдың ішінен жасөспірімді аман-есен табылды. Жоғалған &nbsp;мал да түгел.&nbsp;
«Қазіргі уақытта аман табылған бала ата – анасына тапсырылды. Оның денсаулығына ешқандай қауіп &nbsp;төніп тұрған жоқ. Полицейлер жасөспірімнің ата – анасымен профилактикалық жұмыстар жүргізіп, оқиғаның мән – жайларын анықтауда», – делінген полиция департаментінің хабарламасында.&nbsp;
<img src="https://kyzylorda-news.kz/wp-content/uploads/2021/11/whatsapp-image-2021-11-17-at-12.28.51.jpeg" alt="" />

Қазалыда қой бағуға шығып, боранды түнде жоғалған жасөспірім табылды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Ел Тәуелсіздігінің 30 жылдығы аясында 30 мәдени іс шара ел назарына ұсынылмақ. Алғашқы шара бүгін «Нұрлы таң» атты республикалық, халықаралық конкурстардың лауреаты Сымбат Тасбергенованың шығармашылық кешімен басталады. Сондай-ақ, Тәуелсіздікке тарту болған «Сыр өңірі фольклоры антологиясының» І томы «Жанқожа батыр» деген атпен жарыққа шығып, рухани қауымға жол тартты. Өңірлік коммуникациялар қызметінің ақпарат алаңында өткен брифингте облыстық мәдениет, архивтер және құжаттама басқармасының басшысы Асқарбек Есжанов ауқымды мәдени шаралар тізбегін баяндады.
<blockquote>
 «Тәуелсіздікті ұлықтауға арналған іс-шаралар жыл көлемінде өткізіліп келеді. Дегенмен ауқымды шара ол ҚР Тәуелсіздігінің 30 жылдық мерекесін қорытындылауға арналады. «Тәуелсіздіктің 30 жылдығына – 30 рухани-мәдени шара» атты іс-шаралар жоспары бекітілді. Атап айтсақ, 18-19 қараша күндері республикаға белгілі өнер иесі, ақын, әнші-композитор, Қазақстанның еңбек сіңірген қайраткері Елена Әбдіхалықованың әндерін орындаушылардың «Жасай бер, Қазақ елі!» атты республикалық конкурсы мен Гала-концерті; 26 қараша күні Н.Бекежанов атындағы қазақ академиялық музыкалық драма театрының «Сыр әзілі» атты әзіл-сықақ отауының жаңа бағдарламасы; 1 желтоқсан – Тұңғыш Президент күні орай «Көш бастаған Елбасы», «Кемеңгер көшбасшы, «Елбасы жолы», «Тұлға. Елбасы.Тарих» атты мерекелік шаралар; 4 желтоқсан күні республикамызға белгілі режиссер, Қазақстанның еңбек сіңірген қайртакері, Н.Бекежанов атындағы қазақ академиялық музыкалық драма театрының көркемдік жетекшісі Хұсейін Жүсіпұлы Әмір-Темірдің «Тәуелсіздік төріндегі театр» атты шығармашылық кеші; Қазалы ауданы, Әйтеке би кентінде батыр, қолбасшы Жалаңтөс Баһадүрдің ескерткішінің ашылуы; Жырау Көшеней Рүстембекұлының 75 жылдығына арналған «Жүрегі жаухар жампозым» атты театрландырылған қойылым концерт; 15 желтоқасан күні Н.Бекежанов атындағы қазақ академиялық музыкалық драма театрында «Тәуелсіздік – мәңгілік елдің тұғыры» мерекелік салтанатты шара ұйымдастырылмақ», – деді басқарма басшысы Асқарбек Темірбекұлы.
</blockquote>
Сондай-ақ, 16 желтоқсан – Тәуелсіздік күніне орай «Тәуелсіздік – елімнің еркін жолы», «Әлем таныған Қазақстан» тақырыптарында фото, кітап көрмелері, музей залдары бойынша экскурсиялар, желтоқсан оқиғасына қатысушыларымен кездесу шаралары, мерекелік концерттер өткізіледі.

Тәуелсіздіктің 30 жылдығына орай облыста 30 мәдени іс шара өткізілмек

<a href="https://kyzylorda-news.kz/ru/obshestvo/">Kyzylorda-news.kz</a>. Колледждердің материалдық-техникалық базаларын заманауи құрал-жабдықтармен қамтамасыз ету мақсатында қолға алынған «Жас маман» жобасы аймағымыздағы 9 колледжде тиімді жүзеге асырылуда.
Бұл мақсатқа республикалық бюджеттен 2020 жылы 4 колледжге 1,3 млрд. теңге, 2021 жылы 5 колледжге 1,4 млрд. теңге, жалпы барлығы 2,7 млрд теңге қаржы бөлінді.
2020 жылы 4 оқу орны бойынша мамандар даярлау бағыттарына сәйкес мемлекеттік сатып алу конкурстары нәтижесінде құрал-жабдықтар толық жетікізіліп, жоба аясында 65 инженер-педагог біліктілігін арттырды. 
Ағымдағы жылы 5 колледжге сатып алынатын құрал-жабдықтар тізбесі «Талап» коммерциялық емес акционерлік қоғамы арқылы нақтыланып, 1,446 млн. теңге қаржы конкурстар жарияланып, жабдықтар жеткізілуде.
Бүгінде жобаны жүзеге асырушы оқу орындары базасында құзыреттілік орталықтары ашылып, білікті жұмысшы және орта буын кадрларын даярлауда жұмыстар жасалуда.
<img src="https://kyzylorda-news.kz/wp-content/uploads/2021/11/258267276_1414335702295271_4897610472328315369_n.jpg" alt="" />

Қызылордада «Жас маман» жобасы тиімді жүргізілуде

<a href="https://kyzylorda-news.kz/ru/obshestvo/">Kyzylorda-news.kz</a>. Қызылордада қар жауып, облыс орталығының бірқатар аудандарында жарық өшті, жолдарда көктайғақ болып, автобусқа байланысты да мәселе туындап отыр.
17 қарашаға қараған түні Қызылорда облысында қар жауды. Ал таңертең қызылордалықтар проблемаларға тап болды: пәтерлерде жарық жоқ, автобустар жүрмейді.
<blockquote>
 «Қар жауа сала жарық өшіп қалды. Қысқа дайындалу үшін дайындық жұмыстары жүргізіледі, бірақ жаңбыр немесе қар жауғаннан кейін электр энергиясы өшіп қалады», – деді қызылордалықтар.
</blockquote>
Энергетиктер жарық өшкенін біледі, оны шешуге тырысып жатыр.
<blockquote>
 «Түнде қар аралас жаңбыр жауды, сондықтан бірқатар ауданда электр қуаты істен шықты. Бұл қатарда&nbsp; Гагарин, Титов ауылдары, Сәулет шағынауданы және басқалары бар. Жауған қарды тазартуға 18 бригада жұмылдырылды. Түске дейін пәтерлерде жарық болады деп үміттенеміз», – деді «Қызылорда Электржелістік Тарату Компаниясы» АҚ Басқарма Төрағасы Мұхиджан Кәрімбаев.
</blockquote>
Көктайғақ пен жолдағы автобус тапшылығы да қала тұрғындарына қолайсыздық тудырды.
<blockquote>
 «Автобустар жоқ, такси мыңға апармайды. Жолдарда көктайғақ, қанша жол апаты болды. Жұрт құлап қалып жатыр. Коммуналдық қызмет не істейді?» – деп жазды қызылордалықтар.
</blockquote>
Коммуналдық қызметкерлер жолдарды қардан тазарту жұмыстары жүргізіліп жатқанын айтты.
<blockquote>
 «Көшелерге құм мен тұз себіліп жатыр. «Қызылорда тазалығы» ЖШС-нің 100-ден аса қызметкері мен арнайы техника қала көшелерінде сағат 01:00-ден бастап қар тазалауға жұмылдырылды. Қазір тиісті мекеме күшейтілген режимде жұмыс істеп жатыр. Сұрақтар бойынша 109, 8 702 887 1111 ватсап желісіне хабарласуларыңызды сұраймыз», – делінген коммуналдық қызметтің баспасөз хабарламасында.
</blockquote>
<a href="https://kaz.tengrinews.kz/">Tengrinews</a>

Қызылордада қар жауып, жарық өшіп қалды

<a href="https://kyzylorda-news.kz/ru/obshestvo/">Kyzylorda-news.kz</a>. Еліміздегі қоғамдық тәртіпті қамтамасыз ету, соның ішінде, қылмыспен күресуде кинологтар мен иісшіл иттердің қылмыс ашудағы үлесі зор. ЗК-169/1 мемлекеттік мекемесінде қауіпсіздікті қамтамасыз ету мақсатында бүгінгі таңда үш ит бар.
Бұл иттер тергеу изоляторының&nbsp; қызметіндегі көмекшілер. РжКБ-нің кинолог маманы, әділет&nbsp; аға сержанты&nbsp; Ғ.Томаевтың айтуы бойынша, Оскар, Оска, Лютый атты иттердің жасы алтыда.&nbsp;&nbsp; Бұл қарауылдық иттерді, периметр аумағын күзетуге, жазасын өтеушілердің серуендеу кезіндегі қауіпсіздікті&nbsp; қамтамасыз ету мақсатында, және қажеттілігіне қарай&nbsp; тінту шараларын жүргізгенде&nbsp; пайдаланады.
<blockquote>
 «Менің қызметтік міндетіме иттерді қарау, уақтылы тамақтандыру, үйшіктерінің ішін, айналасын тазарту,жуындырып шомылдыру яғни денесіне дезинфекциялық жұмыстарды жүргізуді қадағалау жатады. Сонымен қатар ең бастысы қызметтік талаптарға сәйкес, іздеу, тінту жұмыстарына&nbsp; үйрету жаттығуларын дамытып отырамын. Өйткені, иттер ұзақ уақыт&nbsp; бойы қызметке қолданылмаса, қызмет барысында қателесуі мүмкін. Сондықтан біз оларды күнделікті арнайы контингентпен өтілетін тінту,тексеру жұмыстарына қатыстырып, қызметтік қабілетін арттырып отырамыз» &nbsp;– дейді, кинолог маман.
 Жалпы біздің мекемеде 2 кинолг маман жұмыс істейді. Олар өз міндеттерін талапқа сай орындап келеді.&nbsp; Қызметтік иттерді жаттығу жұмыстары&nbsp; жоспарға сай атқарылуы, иттің дайындық&nbsp; дәрежесін&nbsp; және тағайындалуын ескере отырып, ( есірткі, жарылғыш заттарды анықтау және иіспен жұмыс жасау) командаларды орындау, сотталғандарды айдауыл кезінде бейімдеу, негізгі қоршаудың ішіндегі&nbsp; тыйым салынған заттарды анықтау және ізге салу бойынша&nbsp; мінез-құлық ерекшеліктерін ескере отырып, жұмыстар атқарылады. Мекеме теңгеріміндегі&nbsp; Бельгиялық овчаркалардың әрқайсысының жеке құжаттары бар.&nbsp; Онда иттің жасы, аты және ең бастысы екпе қабылданғандығы жөніндегі мәліметтері жазылған- деп мәлімдеді РжкБ-нің бастығы, әділет майоры Жаңаберген Мамай.
</blockquote>
<img src="https://kyzylorda-news.kz/wp-content/uploads/2021/11/whatsapp-image-2021-11-17-at-09.04.29.jpeg" alt="" />
<img src="https://kyzylorda-news.kz/wp-content/uploads/2021/11/whatsapp-image-2021-11-17-at-09.04.27.jpeg" alt="" />
<img src="https://kyzylorda-news.kz/wp-content/uploads/2021/11/whatsapp-image-2021-11-17-at-09.04.26.jpeg" alt="" />

Қазақстан және Қызылорда облысының жаңалықтары