<a href="https://kyzylorda-news.kz/">Kyzylorda-news.kz.</a>&nbsp; Қызылордада ҚР Тәуелсіздігінің 30 жылдығына арналған «Жасампаздыққа толы жылдар» атты салтанатты шара өтті.
Салтанатты жиында Қызылорда облысының әкімдігі мен облыстық мәслихатының бірлескен шешіміне сәйкес&nbsp; &nbsp;«Қызылорда облысының құрметті азаматы» атағы тапсырылды.
Құрметті атақ ғарышкер-ұшқыш, Қазақстан Республикасының Халық Қаһарманы Тоқтар Әубәкіров, Еңбек ардагері, Су шаруашылығына еңбегі сіңген қайраткер Нариман Қыпшақбаев, Қазақстан Республикасы Парламенті Сенатының депутаты Мұрат Бақтиярұлына берілді.

«Қызылорда облысының құрметті азаматы» атағы тапсырылды

<a href="https://kyzylorda-news.kz/">Kyzylorda-news.kz.</a>&nbsp; Қызылордалық полицейлер дизель отынына жалған талон сатқан 27 жастағы облыс тұрғынын ұстады.
Белгілі болғандай ер адам талондарды сканердің көмегімен көшіріп, халықаралық тасымалдаумен айналысатын жүргізушілерге 200 теңгеден сатқан.
Жүргізушілер талондардың жалған және жарамсыз екенін білгеннен кейін бірден полицияға жүгінген. Жәбірленушілерге келтірілген жалпы шығын 400 мыңнан аса теңгені құрады.
Күдіктіге қатысты ешқайда кетпеу туралы қолхат түрінде бұлтартпау шарасы қолданылды.
Аталған дерек бойынша Қазақстан Республикасының Қылмыстық кодексінің 385-бабының 1-бөлігімен сотқа дейінгі тергеп-тексеру әрекеттері жүргізілуде.

Қызылордада жалған талон сатқан облыс тұрғыны ұсталды

<a href="https://kyzylorda-news.kz/">Kyzylorda-news.kz.</a>&nbsp; Қызылордада ҚР Тәуелсіздігінің 30 жылдығына арналған «Жасампаздыққа толы жылдар» атты салтанатты шара өтіп жатыр.
Шараға ҚР Парламенті Сенатының Төрағасы Мәулен Әшімбаев, облыс әкімі Гүлшара Әбдіқалықова, Тұңғыш Ғарышкер Тоқтар Әубәкіров, ҚР Парламенті Сенатының депутаттары Мұрат Бақтиярұлы, Нұртөре Жүсіп, Ақмарал Әлназарова қатысуда.
Салтанатты шарада «Сыр медиа» серіктестігіне қарасты «Кызылординские вести» газетінің бас редакторы әріптесіміз Қазыбек Ботаев «Ерен еңбегі үшін» медалімен марапатталды.
Ботаев Қазбек Камалұлы 1957 жылы 15 желтоқсанда Қызылорда облысы, Шиелі ауданында дүниеге келген. 1975 жылы «Авангард» колхозындағы №49 орта мектепті тәмамдаған. 1976-1978 жылдары аралығында Кеңес Армиясы қатарында азаматтық борышын өтеді. ҚазҰУ-дың филология факультетінің түлегі.
Еңбек жолын 1984 жылы Қызылорда қаласындағы №235 орта мектепте орыс тілі және әдебиеті пәнінің мұғалімі болып бастаған. 1994-1998 жылдары облыстық радионың орыс редакциясында редактор, аға редактор қызметін атқарады. 1998-1999 жылдары облыстық Ақпарат және қоғамдық келісім басқармасының бас маманы, 1998-2011 жылдары облыстық «Қазақстан-Қызылорда» телеарнасында &nbsp;редактор, ақпараттық қызметтің бас редакторы және жаңалықтар бөлімінің редакторы қызметтерін атқарды.
Соңғы 10 жылдан бері «Кызылординские вести» газетінде еңбек етіп келеді.

Қазыбек Ботаевқа «Ерен еңбегі үшін» медалі табысталды

<a href="https://kyzylorda-news.kz/">Kyzylorda-news.kz.</a>&nbsp;Байқоңыр қаласындағы мәдениет сарайында Қазақстан Республикасы Тәуелсіздігінің 30 жылдық мерейтойы аталып өтті.
Салтанатты іс-шараға Қармақшы ауданының әкімі Қ.Нұртай, Байқоңыр қаласы әкімшілігі басшысының орынбасары Н.Адасев, Арал ауданы әкімінің орынбасары Б.Жұмағұлов, Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы Ж.Абатов және қала тұрғындары, желтоқсаншылар, мекеме қызметкерлері, сондай-ақ Қармақшы ауданынан барған ардагерлер мен зиялы қауым өкілдері қатысты.
Аудан басшысы Қайрат Ырзақұлұлы қала тұрғындарын ел Тәуелсіздігінің 30 жылдық мерейтойымен құттықтап, қала әкімшілігінің басшысы Дмитрий Константиновичке Байқоңыр қаласының және Төретам, Ақай елді мекендерінің әлеуметтік экономикалық дамуына қосқан үлесі үшін Қармақшы ауданының Құрмет грамотасын табыстады. Одан бөлек, Байқоңыр қаласында табысты еңбек етіп жүрген қызметкерлерге алғыс хат тапсырды. 
Сондай-ақ, айтулы іс-шарада қала әкімшілігі басшысының және Арал ауданы әкімінің орынбасарлары құттықтау сөз сөйлеп, мерейлі мерекеге орай бірқатар сала үздіктерін марапаттады.
Іс-шарада Сыр сүлейлерінің алтын сынығы, Қазақстан Республикасының мәдениет қайраткері Бидас Рүстембеков, Республикаға белгілі жырау Айгерім Ешбаева және басқа да жыраулық өнерді дәріптеген жыршылар жырдан шашу шашса, Байқоңыр қаласы мен Қармақшы, Арал аудандарының өнерпаздары өз өнерлерін көрсетіп, жиылған көрермендерге мерекелік көңіл күй сыйлады.
Сонымен қатар, іс-шара аясында Қармақшы ауданының ұйымдастыруымен ел Тәуелсіздігінің 30 жылдық мерейтойына орай этнографиялық экспонаттардан көшпелі көрме ұйымдастырылды.
<img src="https://kyzylorda-news.kz/wp-content/uploads/2021/12/263764700_1952880374882859_6323161576191426994_n.jpg" alt="" />

Байқоңырда Тәуелсіздіктің 30 жылдығы аталып өтті

<a href="https://kyzylorda-news.kz/">Kyzylorda-news.kz.</a>&nbsp; 2021 жылы Болат Өтемұратов Қоры денсаулық сақтау, білім беру, мәдениет және мұқтаж адамдарға қолдау көрсету саласындағы жобаларға 3 миллиард теңге қаражат бөлді.
Қордың Қамқоршылар Кеңесінің төрағасы, доктор Алмаз Шарман 2021 жылы Қор жұмыс істеген он сегіз жоба туралы әңгімеледі. Оның ішінде «Аутизм. Барлығына бір әлем» жобасының кеңейтілуі, «Жасыл Мектеп», «Jas Leader Akademiiasy» жобалары, табиғи апаттардан зардап шеккендерге көмек көрсету және мұқтаж отбасыларды баспанамен қамтамасыз ету жобалары.
<blockquote>
 «Қор 5–11 сынып оқушыларына арнап«Jas Leader Akademiiasy» мен «Жасыл мектеп» атты екі жаңа жобаны іске қосты», – деп атап өтті Шарман мырза. Оның айтуынша, «Jas Leader Akademiiasy» балаларға қарым-қатынас жасау, команда болып жұмыс істеу, көпшілік алдында сөз сөйлеу және уақытты басқару дағдыларын дамытуға және жетілдіруге көмектеседі. Пилоттық жобаға Шымкент қаласы мен Түркістан облысының 50 мектебі қатысуда. Бес жыл ішінде жалпы бюджеті 2,1 миллиард теңгені құрайтын жобаға Жамбыл, Қызылорда, Атырау, Маңғыстау, Батыс Қазақстан, Ақтөбе және Алматы облыстарының мектептері қосылады.
 Балаларға арналған «Жасыл мектеп» экологиялық жобасы Алматының 16 мемлекеттік мектебінде басталды, онда Қор ақылды тамшылатып суару жүйесі, жарықтандыру және жылыту жүйесі бар жылыжайлар салды. «Қор 5–7-сынып оқушыларына арналған оқулықтар, сондай-ақ өсімдіктерді өсіру мен күтіп-баптау бойынша қадамдық нұсқаулығы бар мұғалімдерге арналған әдістемелік құрал шығарды. Енді балалар жылыжайдағы факультативтік сабақтарға және экологиялы өмір салты бойынша шеберлік сыныптарына қуана-қуана барады», – деді Шарман мырза.
</blockquote>
2022 жылыНұр-Сұлтанда, 2023 жылы Шымкентте мектеп жылыжайлары жабдықталады, үш жылдың бюджеті 1 миллиард теңгені құрайды.
Қуаңшылық кезінде Арал ауданына көмек көрсетіп, мал азығын және жайылымдар мен шабындықтарды суландыру үшін ауыл шаруашылығы техникасын сатып алуға 300 миллион теңге бөлді. Арал ауданы үшін Аспай суағарының қалпына келтірілуіайтулы оқиға болды, оның арқасында Кіші Арал теңізіне су құйылып отыр.
Қызылорда облысы Арал қаласының отбасылары «Баламекен» жобасы арқасында жаңа баспанаға ие болды. Қор көпбалалы және мұқтаж отбасылар үшін жалпы сомасы 300 миллионтеңгеге 40 жаңа пәтер сатып алуға қаржы аударған.
«Асыл Мирас» аутизм орталықтарының желісі кеңеюде. Жыл соңына дейін Нұр-Сұлтан, Алматы, Қызылорда, Өскемен, Ақтөбе, Орал, Шымкент, Петропавл және Павлодар қалаларындағы жұмыс істеп тұрған орталықтарға қосымша Таразда осындай оныншы орталық ашылады. Келесі жылы Қарағандыда жаңа аутизм орталығы өз есігін ашады. 2021 жылы 2 152бала осы орталықтарда интервенция бағдарламаларынан өтті, ал бағдарлама істеп тұрған уақыт ішінде 11&nbsp;076 бала бағдарламадан өтті.
Қазақстанның Қызыл Жарты айымен бірлестікте Қор «Көмек картасы» жобасын жалғастыруда. Солтүстік Қазақстан және Қостанай облысындағы су тасқынынан зардап шеккен адамдар 53 миллионтеңге сомасында қаржылай көмек алды. Шығыс Қазақстан облысының Риддер қаласында болған орман өрті кезінде үйлері өртенген отбасыларға жалпы сомасы 30 миллион теңгеге «Көмек картасы» берілді.
Болат Өтемұратов Қоры Батырхан Шөкенов атындағы Қордың жобаларына қолдау көрсетуді жалғастыруда. Олардың қатарында – «Отан Ана» альбомының винилде шығарылуы, композиторларға арналған алғашқы музыкалық резиденцияның өткізілуі және музыкалық жоғары оқу орындары мен мектептердің дарынды студенттеріне атаулы шәкіртақы тағайындалуы.
<blockquote>
 «Батырхан Шөкенов атындағы Қормен ынтымақтастығымыздың шарықтауыБатырды еске алуға арналған қоғамдық кеңістіктің құрылуы болмақ, оны келесі жылдың мамыр айында ашуды жоспарлап отырмыз. Бұл – елорданың тұрғындары мен қонақтарына жасалған сыйлық, олұлы музыкантты қастерлейтін жандарға өте ұнайды», – деп Қамқоршылар Кеңесінің мүшесі, ҚР халық әртісі Жәния Әубәкірова Қордың алдағы жылға жоспарларымен бөлісті.
</blockquote>
Сонымен қатар аталған қор Қызылорда облысының Әкімдігімен Қызылорда қаласының әуежайында жаңа заманауи терминал құрылысын салужөніндегі ынтымақтастық туралы меморандумға қол қойды. Құрылыс аяқталғаннан кейін терминал Қызылорда облысы әкімдігінің меңгерілуіне беріліп, сағатына 300-ге жуық жолаушыға қызмет көрсете алатын болады, бұл оның қазіргі өткізу қабілетінен екі есе көп.
<blockquote>
 «Қызылорданың қазіргі әуежайы кеңейтуді қажет етеді, өйткені аймақ қарқынды дамып келе жатыр, бұл инвесторларды, соның ішінде шетелдіктерді де қызықтырады. Жаңа әуе айлағы Қызылорда тұрғындары мен қонақтарының көңілінен шығатынына және бұл аймаққа көбірек қонақ келуіне мүмкіндік беретініне сенімдіміз», – деді Болат Өтемұратов Қорының директоры Марат Айтмағамбетов.
</blockquote>
2022 жылы Болат Өтемұратов Қоры өз қызметін жаңа бағыттарда кеңейте отырып, дәстүр бойынша әр жобаға жүйелі көзқарас тұрғысынан келуді және тұрақты дамытуды қамтамасыз етеді.

Болат Өтемұратов қоры 2021 жылы әлеуметтік салаға 3 миллиард теңге бөлген

<a href="https://kyzylorda-news.kz/">Kyzylorda-news.kz.</a>&nbsp; Синоптиктер 9-11 желтоқсан аралығында Қазақстанда ауа райы қандай болатынын айтты.&nbsp;
Қазгидрометтің хабарлауынша, 9 желтоқсанда ел аумағының басым бөлігіне жауын-шашынсыз ауа райы болады. Аймақ кең антициклонның ықпалында болады.
Солайша түнде Қазақстанның солтүстігінде, шығысында және орталығында ауа температурасы 20-25-ке дейін, кей жерлерде – 30 аязға дейін, 10 желтоқсанда Шығыс Қазақстан облысының солтүстік-шығысында – 35 градус аязға дейін төмендейді.
Елдің батыс өңірлеріне Қара теңіз аудандарынан келген циклон әсер ете бастайды.
Ол кейінгі екі тәулікте республиканың қалған аумақтарына — шығысқа қарай ауысып, өзімен бірге жауын-шашын (жаңбыр, қар), көктайғақ ала келеді. Желдің екпіні 15-25 м/с дейін күшейеді.
11 желтоқсанның түнінде республиканың солтүстік жартысында ауа температурасы 5-10-ға, кей жерлерде 15-20-ға, Шығыс Қазақстан облысының солтүстік-шығысында 25 аязға дейін суытады.

Ертеңнен бастап 35 градусқа дейін аяз болады

<a href="https://kyzylorda-news.kz/">Kyzylorda-news.kz.</a> Қызылорда облыстық психикалық денсаулық орталығында 867 медицина қызметкерінің 91,9 пайызы толық вакцина салдырған. Бүгінде орталық қызметкерлерінің арасында ревакцинациялау жұмыстары қарқынды жүргізілуде. Бұл туралы Өңірлік коммуникациялар қызметінің ақпарат алаңында өткен брифингте облыстық психикалық денсаулық орталығы директорының орынбасары Аман Тұрсынов хабарлады.
<blockquote>
 «Облыстық психикалық денсаулық орталығының мамандары коронавирус індетімен күресте алдыңғы шепте қызмет етіп келеді. Ақ халаттылар екі жыл қатарынан провизорлық стационарда жұмыс істеп, науқастарды індеттің ілмегінен арашалауға бар күштерін салды. Қазіргі таңда біздің қызметкерлер КВИ-ға қарсы вакцина салдыруда белсенділік танытуда. Сондай-ақ, ревакцинациядан өткен мамандарымыздың қатары көбейіп келеді. Барша облыс тұрғындарын індеттен қорғануға шақырамын», – деді Аман Бөкенбайұлы.
 «Облыста эпидемиологиялық ахуал бірқалыпты. Дегенмен, әлі күнге дейін қауіпті дертке шалдығып жатқан науқастар тіркелуде. Коронавирус індетін жоюдың бір жолы – вакцина салдыру екені барлығымызға мәлім. Осыған орай, қалалық емханалармен бірлесе отырып, облыстық психикалық денсаулық орталығының 62,5 пайыз маманы «Qazvac» екпесімен ревакцинациядан өтті», – деді облыстық психикалық денсаулық орталығының эпидемиолог дәрігері Салтанат Қалмырзаева.
</blockquote>

Қызылорда облыстық психикалық денсаулық орталығы қызметкерлерінің 62,5 пайызы ревакцинациядан өтті

<a href="https://kyzylorda-news.kz/">Kyzylorda-news.kz.</a>&nbsp; ҚР Президенті Қ.К.Тоқаевтың «Тәуелсіздік бәрінен қымбат» мақаласында Тәуелсіздік жылдары дүниеге келген дарынды жастарға нақты қолдау ретінде «Тәуелсіздік ұрпақтары» атты грант тағайындау қажеттігін атап өткен болатын.
Осыған орай, бүгін Қызылорда облысы Жалағаш ауданы Темірбек Жүргенов атындағы № 123 мектеп-лицейінің ағылшын тілі пәні мұғалімі Намурадин Айсана Қанатқызы Тәуелсіздіктің 30 жылдығына орай, «Медиа» – жаңа медиа-жобаларды, оның ішінде жастар үшін танымдық, пайдалы, қызықты контентті құру жөніндегі жобаларды іске асыру бағыты бойынша 3 млн теңге грантының жеңімпазы атанды.
Марапатты ҚР Президенті Қ.К.Тоқаев Елордамыз Астана төріндегі Ақордада табыстады. Еліміздің 14-29 жас аралығындағы барлық азаматтарына арналған гранттың негізгі мақсаты – белсенді шығармашыл жастардың жобаларын, бастамаларын іске асыру, қолда бар жобаларды дамыту, ғылыми және қолданбалы зерттеулер жүргізу және жастарды оқыту үшін пайдалануға берілді.
Айта кетейік, гранттар ҚР азаматтарына жаңа идеялар мен бастамаларды іске асыру үшін келесі бағыттар бойынша конкурстық негізде 30 грант, 3 млн. теңгеден 5 бағыт бойынша табысталу керек болатын: 
«Ғылым» – ғылымның басым секторларында жаңа ғылыми жобалар мен зерттеулерді іске асыру үшін; 
«Мәдениет» – Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобаларды іске асыру үшін; 
«Ақпараттық технологиялар» – жаңа IT-шешімдер мен жобаларды, оның ішінде бастаушы стартап-жобаларды іске асыру және әзірлеу үшін; 
«Бизнес» – экономиканың басым секторларында жаңа бизнес-идеяларды іске асыру үшін; 
«Медиа» – жаңа медиа-жобаларды, оның ішінде жастар үшін танымдық, пайдалы, қызықты контентті құру жөніндегі жобаларды іске асыру және әзірлеу үшін;
<img src="https://kyzylorda-news.kz/wp-content/uploads/2021/12/265177962_1427931164269058_8761560356380426889_n.jpg" alt="" />

«Тәуелсіздік ұрпақтары»: Жалағаштық Айсана  Намурадин грант иегері атанды

<a href="https://kyzylorda-news.kz/">Kyzylorda-news.kz.</a> Жаңақорған кентінде биылғы жылдың желтоқсан айына дейін пайдалануға берілу қажет болған, алайда әлі күнге дейін құрылысы аяқталмаған мектеп бар. Ол Жаңақорған кенті, «Маи бекеті» мөлтек ауданындағы 300 орындық білім ошағы. Құрылыс нысанына тапсырыс беруші облыстық құрылыс басқармасы.
Қызылорда облысы әкімінің орынбасары Балжан Шаменова, облыстық білім басқармасының басшысы Ақзира Қасымова Жаңақорған ауданында жұмыс сапарымен болды. Жол бастаған аудан әкімі Руслан Рүстемұлымен бірге биыл қолданысқа берілетін нысандардың жай-күйімен танысты. Әсіресе, құрылысы бітпей жатқан мектептерге баса назар аударды.
2021 жылдың соңғы, яғни желтоқсан айының аяқталуына санаулы күндер қалды, ал «Маи бекеті» мөлтек ауданындағы 300 орындық мектептің құрылысы өте баяу жүруде. Мердігер компания бөлінген қаржыны игермек түгілі құрылыс барысын бәсеңдетіп жіберген. Тіпті құрылыс нысанның бір бөлігінің шатыры жабылмаған. Ал осы мөлтек ауданның оқушылары әлі күнге дейін кент орталығындағы білім ошақтарында сабылып жүр.
Айта кетейік, 2020 жылдың қыркүйек айынан 2021 жылдың қараша айына дейін облыс әкімінің орынбасары қызметін атқарған Серік Сүлейменов құрылыс нысанына тапсырыс беруші облыстық құрылыс басқармасын және мердігер компания «ҚазҚұрылысСервис» ЖШС басшысын қатыстыра отырып, бірнеше рет техникалық кеңес отырысын өткізген болатын.
<blockquote>
 «Мәселенің мәнісі бұл мектептердің сметалық құжаты осыдан 3-4 жыл бұрын жасалғанын айтады. Ал қазір құрылысшылардың жалақысы мен құрылыс материалының бағасы айтарлықтай өскен. Сондықтан азғантай төлемге жұмыс істеуге кірпіш қалаушылар келіспей отыр», – дейді мердігер компания мамандары.
</blockquote>

Жаңақорғанда құрылысы кешеуілдеген мектеп мәселесі талқыланды

<a href="https://kyzylorda-news.kz/">Kyzylorda-news.kz.</a>&nbsp;Әлеуметтік желіде жарияланып жатқан Қызылорда қаласының аумағында үй жануарларының бей-берекет жүру дерегі кеңінен таралуда. Бей-берекет жайылып жүрген мал иелеріне профилактикалық түсіндірме жұмыстары учаскелік полицейлермен ұдайы жүргізіліп, оларға ескерту жасалған болатын.
Биылғы жылдың 1 қазаннан 7 желтоқсан аралығында Қазақстан Республикалық ӘҚБтК 408-бабымен (Ауыл шаруашылығы жануарларын жаю қағидаларын, үй жануарларын аулау және жою қағидаларын бұзу) 87 мал иесі әкімшілік жауапкершілікке тартылған.
Бұл бойынша ескерту жасауға немесе үш айлық есептік көрсеткіш мөлшерінде айыппұл салуға әкеп соғатынын атап өткіміз келеді. Бұл бағыттағы жұмыстар бойынша жергілікті атқарушы органдармен арнайы топ жасақталды. Атқарылған жұмыстар бойынша қала әкімдігі бей-берекет жайылып жүрген үй жануарларына 2 қамайтын орын бекітіп, полицейлер өз кезегінде бей-берекет қамаусыз жүрген үй-жануарларын қамауда. Бұл жұмыстар департамент, басқарма бастықтарының қатаң бақылауында.
<img src="https://kyzylorda-news.kz/wp-content/uploads/2021/12/265090568_1002438263639943_5674579587655275508_n.jpg" alt="" />

Қызылордада қараусыз жүрген малдар қамалды

<a href="https://kyzylorda-news.kz/">Kyzylorda-news.kz.</a> Қазалы ауданында құрылысы қарқынды жүріп жатқан нысанның бірі – Әйтеке би кентіндегі ауысымына 250 келушіге арналған емхана ғимараты.
Бүгін аудан әкімі Мұхтар Оразбаев тұрғындар үшін маңызы зор нысанға арнайы барып, құрылыс жұмыстарының барысымен танысты.
Қазіргі таңда мердігер мекеме нысанның «А» блогы бойынша жылу жүйесін жүргізу және вентиляция орнату жұмыстарын аяқтауға жақын. Ғимараттың төбесіне шатыр жабу жұмыстары да аяқталып, кафель жабыстыру, электр желісін жүргізу, ішкі есіктерін орнату жұмыстары және лифт монтаждау жұмыстары жүргізілуде.
Сонымен қатар, «А,Б,В» блоктары бойынша ғимараттың ауа желдеткішіне құрал-жабдықтарын орнату және ауланы абаттандыру жұмыстары да қарқынды жүріп жатыр.
Аудан әкімі Мұхтар Оразбаев ғимаратты мердігер мекеменің жауапты қызметкерлерімен бірге аралап болған соң, құрылыс жұмыстарын сапалы жүргізу қажеттігін айтты.
<img src="https://kyzylorda-news.kz/wp-content/uploads/2021/12/264545605_3223661361188122_3735311438769760645_n.jpg" alt="" />
<img src="https://kyzylorda-news.kz/wp-content/uploads/2021/12/264965704_3223661224521469_4444970785631163992_n.jpg" alt="" />

Қазалыда емхана құрылысы аяқталуға жақын қалды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев премьер-министр Асқар Маминді қабылдады, деп хабарлайды&nbsp;Ақорда.
Қасым-Жомарт Тоқаевқа биыл 1 қыркүйек пен 30 қазан аралығында жүргізілген Ұлттық халық санағының алғашқы нәтижесі туралы баяндалды.
Асқар Маминнің мәліметі бойынша қазақстандықтардың жалпы саны – 19 169 550 адам. Отандастарымыздың 48,71%-і – ерлер, 51,29%-і әйелдер. 
Қазақстан халқының орта жасы 31,94 жас деп көрсетілген. Жалпы халықтың 33,97%-і – 17 жасқа дейінгі балалар, 19,72%-і – 14-28 жас аралығындағы жастар. Еліміздегі қазақтардың үлесі – 70,18%-ке жеткен.
Халықтың 59,05%-і, яғни 11 320 410 адам еңбекке жарамды деп танылған.
Тәуелсіздік алған 30 жыл ішінде халық санағы үшінші рет өткізілді. 1 қыркүйекте басталған биылғы санақтың ерекшелігі – шарада алғаш рет цифрлық технологиялар қолданылады.
Ұлттық статистика бюросының басшысы Нұрболат Айдапкелов онлайн сауалнамадан халықтың 42,5%-і өткенін, жаппай аралап шығу арқылы санақпен 57,5% адам қамтылғанын мәлімдеді.
Оның сөзінше, санақтың қысқаша қорытындысы 2020 жылдың шілдесінде шығады жоспарланған. 2023 жылдың бірінші тоқсанында санақтың толық қорытындысын жарияланады.

Қазақстан және Қызылорда облысының жаңалықтары