<a href="https://kyzylorda-news.kz/">Kyzylorda-news.kz.</a> Қазалы ауданының орталығы – Әйтеке би кентінде 2 бірдей спорт алаңының құрылысы басталды. Оның бірі аудан орталығындағы «Достық» шағын ауданында орналасса, екіншісі 5 квартал аймағындағы С.Сейфуллин атындағы №165 мектептің ауласына салынып жатыр.
Спорт алаңдарының құрылысын бастау үшін аудандық бюджеттен 18,1 млн.теңге қаржы бөлінді. Қазіргі таңда «Болашақ» ЖШСқұрылыс жұмыстарын бастап кетті.
Айта кетейік, 5 квартал аймағындағы спорт алаңының құрылысын жыл соңына дейін аяқтау жоспарланса, «Достық» шағын ауданындағы Қазалы гуманитарлық-техникалық колледж ауласындағы спорт алаңының құрылысы келесі жылға өтпелі.
<img src="https://kyzylorda-news.kz/wp-content/uploads/2021/11/261258180_616690429383247_2141286428404864628_n.jpg" alt="" />
<img src="https://kyzylorda-news.kz/wp-content/uploads/2021/11/261383154_616690456049911_8090047615741952210_n.jpg" alt="" />

Қазалыда 2 спорт алаңының құрылысы басталды

<a href="https://kyzylorda-news.kz/">Kyzylorda-news.kz.</a>&nbsp;Қазақстанның кейбір өңірінде автогаз бағасы тағы да қымбаттады, деп хабарлайды&nbsp;<a href="https://stan.kz/">Stan.kz</a>.
Мәселен, Маңғыстау облысында осыдан екі апта бұрын 80 теңге болған сұйық отын қазір 85-90 теңгеден сатылып жатыр. Бағаның бұлай күн сайын құбылуына&nbsp;жүргізушілер наразы. Олар автогаздың қымбаттауынан такси бағасы өсіп, азық-түлік құны шарықтайды деп ашынып отыр. Ал жауаптылар болса газ бағасын ұстап тұруға қауқарсыз екендерін айтады.
<blockquote>
 «Маңғыстауда тұрып осындай бағамен газ сатып алған халыққа қиын болады. Маңғыстауда шығып жатқан газ арзан болу керек. Халыққа қиын», –&nbsp;дейді Маңғыстау облысының тұрғыны Ералы Мәмбетов.
</blockquote>
Жүргізушілер газды пайдалана алмай отырғандарына наразы.
<blockquote>
 «Қалтамыздағы тиынымыз ауыспайды. Жерімізден шыққан газды халық дұрыс пайдалана алмайды. Тегінді былай қойып,&nbsp;50-60 теңгеге ала алмай отырмыз.&nbsp;Бұлай қыса берсе, халық көтерілетін шығар», –&nbsp;дейді Маңғыстау облысының тұрғыны Түгелбай Бөрібаев.
</blockquote>
Жүргізушілердің айтуынша кейбір бекеттерде газ таусылған. Ал барлары тек талонмен таратып жатыр дейді.
Алайда жауаптылар өңірде газ&nbsp;тапшылығы жоқ екенін алға тартты. Шенеуніктер бағаның қымбаттауы көгілдір отынның электрондық сауда арқылы сатылуына байланысты дейді. Қазір сұйытылған газдың 70 пайызы осы әдіс арқылы саудаланып жатыр екен. Қаңтарда автогаз 100 пайыз электронды сауда алаңына шығарылады. Сол кезде бағаны нарық реттейді.
<blockquote>
 «1 қаңтардан бастап түгелдей өнім 100 пайыз электрондық сауда алаңы арқылы сатылатын болады. Соған байланысты алдағы уақытта баға саясаты ұсыныс пен сұраныстың арақатынасынан туындап, соған байланысты баға қалыптасатын болады. Нақты айтатын болсақ алдағы уақытта мына бағаны нарықтың өзі реттейтін болады. Басқа облыспен салыстырғанда біздің өңірде баға төмен», –&nbsp;дейді&nbsp;Маңғыстау облыстық энергетика және тұрғын үй-коммуналдық шаруашылық басқармасының басшысы&nbsp;Бердібек Қартбаев.
</blockquote>
Жалпы Маңғыстау облысы айына 18 мың тонна сұйытылған газ тұтынады. Оның 14,5 мың тоннасы Жаңаөзендегі «Қазақ газ өңдеу» зауытынан алынса, қалған 3,5 мың тоннасы Атыраудан жеткізіледі. Қазір&nbsp; автогаз Атыраудың өзінде 110 теңгеден сатылуда. Оны Маңғыстауға әкеліп арзанға сату мүмкін емес дейді алып-сатарлар.

Автогаз бағасы тағы да қымбаттады

<a href="https://kyzylorda-news.kz/">Kyzylorda-news.kz.</a> Осы жылы Жаңақорған ауданында мүмкіндігі шектеулі адамдар үшін «кедергісіз орта» құру шараларын қабылдау және барлық нысанға кезең-кезегімен түгендеу (паспорттау) жұмыстары жүргізілуде. Мүгедектерге «кедергісіз орта» қалыптастыруға байланысты аудан бойынша 232 мекеме айқындалса, одан 202 мекеме толық бейімделген. 30 мекемеде тактилді тақталар, сары жолақтар толық орнатылмаған.
2025 жылға қарай ерекше қажеттіліктері бар адамдарды 100 пайыз кедергісіз ортамен қамтамасыз етуге қол жеткізу белгіленсе, оның ішінде 2021 жылға жоспарланған 32 мекеме толығымен бейімделіп, қолжетімділіктің интерактивті картасына 100 пайыз енгізілді. Барлық мекеме 2023 жылы толық бейімделеді деп жоспарлануда. 
Жаңақорған кентінің орталығындағы 10 жол-көлік бағдаршамының біреуіне синхронды-дыбысты анимациялық қондырғы және 8 жерге мүгедек және зағип жандарға арналған жаяу жүргінші өткелінің жол белгілері орнатылған.
Ауданда 1-топтағы мүгедектерге мемлекеттік тапсырыс аясында жүзеге асырылатын “Инватакси” қызметі үшін 3 автокөлік қызмет көрсетсе, оның ішінде 1 автокөлік мүгедектерді отырғызуға және түсіруге арналған арнайы гидравликалық немесе жылжымалы құрылғымен және кресло-арбаны бекітуге арналған құралдармен жабдықталған.

Жаңақорғанда 202 мекеме мүмкіндігі шектеулі жандарға толық бейімделген

<a href="https://kyzylorda-news.kz/">Kyzylorda-news.kz.</a> Қызылорда облысының аумағынан өтетін республикалық маңызы бар ұзындығы 812 шақырымды құрайтын Шымкент, Орал, Ақтөбе, Қызылорда қаласы автомобиль жолдары биылғы жылы ақылы жолға өтуі жоспарланды.
Жоспарға сәйкес, 9 жерге автомобиль аралық бақылау аркалары орнатылып, 3 жерден жүйені пайдаланушыларға қызмет көрсету орталықтары ашылды. Сондай-ақ елімізде төрт жыл ішінде 11 мың шақырым автожол ақылы жүйеге ауысады. Бұл туралы Өңірлік коммуникациялар қызметінде өткен брифингте «ҚАЗАВТОЖОЛ» ҰҚ» АҚ Қызылорда облыстық филиалының директоры Ерұлан Жүнісов хабарлады.
<blockquote>
 «Қазіргі таңда 7 жаңа ақылы учаскені пайдалануға енгізу туралы бұйрыққа қол қойылды және Әділет министрлігінде тіркелуде. Бұйрыққа сәйкес, І-ші техникалық санаттағы учаскелердегі ақылы жүйе 15 қарашадан бастап енгізілді. Индустрия және инфрақұрылымдық даму министрлігімен бірлесіп аталған трассаларда ақы алудың “ашық” жүйесін енгізу шешімі қабылданған. Бұл жүйе ақылы учаскелерде шлагбаумдардың мүлде болмауымен ерекшеленеді. Олардың тарифіне келер болсақ, жеңіл көліктерге 1 шақырымға 1 теңге көлемінде, ал жүк көліктеріне және автобустарға техникалық көлемдеріне байланысты 5 теңге мен 25 теңге аралығында болмақ», – деді Ерұлан Бақтыбайұлы.
 «Ақылы жолдар жобасы 2019 жылы ҚР Үкіметінің Қаулысымен бекітілген инфрақұрылымды дамытудың «Нұрлы жол 2020-2025» мемлекеттік бағдарламасы негізінде қабылданды. 2021 жылдың ақпан айының 15-19 аралықтарында төлем қабылдау жүйесін енгізу туралы қоғамдық тыңдаулар өткізіліп, әрбір аудандарда, облыс орталығында ұсыныс-пікірлер тыңдалды. Бұндай тыңдаулар барлық облыстарда өтуде. Жалпы қорытынды бойынша барлық аймақтардан ұсыныс-пікірлер жинақталуда», – деді автомобиль бөлімінің басшысы Нұртай Қуанышбаев.
</blockquote>

Қызылорда аумағындағы 812 шақырым жолды ақылы ету жоспарлануда

<a href="https://kyzylorda-news.kz/">Kyzylorda-news.kz.</a> Биыл Жаңақорған ауданында 2,3 млрд теңгеге әлеуметтік нысандардың құрылысы жүргізілуде. Ал, Жаңарық елді мекеніндегі 250 оқушыға, Байкенже елді мекеніндегі 150 оқушыға арналған мектеп құрылысы жобасының жоба сметалық құжаттарын әзірлеу үшін және мемлекеттік сараптамадан өткізуге 2,4 млн теңге қаражат бөлінді. Бұл туралы бүгін Өңірлік коммуникациялар қызметінде өткен баспасөз конференциясында Жаңақорған ауданының әкімі Руслан Рүстемов мәлімдеді.
Сондай-ақ, «Nur Otan» партиясының орталық аппаратының айырықша бақылауында тұрған Бірлік елді мекеніндегі 90 орындық балабақшаның құрылыс жұмыстарын бастауға облыстық бюджеттен 200 млн теңге қаралды. Нысан 2022 жылы пайдалануға беріледі.
Облыстық бюджеттің қаржысына өткен жылы басталған Шалқия кентіндегі клуб құрылысын аяқтауға 50 млн теңге және Өзгент ауылдық клубының құрылысын бастауға 50 млн теңге бөлініп, бүгінде құрылысы жүруде.
<blockquote>
 «Одан басқа мемлекеттік–жекешелік әріптестік негізінде Жаңарық елді мекенінде дәрігерлік амбулатория құрылысы салынып бітті. Шалқия кентіндегі клуб үйі мен аталған дәрігерлік амбулатория ғимараттарын алдағы 1 желтоқсан –Тұңғыш Президент күні мерекесі қарсаңында облыс әкімінің қатысуымен ашуды жоспарлап отырмыз. Айта кету керек, облыстық бюджеттен Төменарық ауылында дәрігерлік амбулаториясымен қоса, 15 төсекке арналған ауылдық аурухана құрылысының жобасы мен Қаратөбе ауылында дәрігерлік амбулаторияның құрылысы жобасына және Қашқанкөл елді мекенінде медициналық бекет құрылысы жобасының жоба сметалық құжаттарын әзірлеуге 12,2 млн теңге қаржы бөлінді», – деді Руслан Рүстемұлы.
</blockquote>
Сонымен қатар, Келінтөбе, М.Нәлібаев елді мекендерінен салынатын спорт кешендерінің құрылысы жобасына жоба сметалық құжаттарын әзірлеуге 13,4 млн теңге қаралды.
Ал, Жаңақорған кентіндегі Саяжай-1 учаскесіне биылғы жылы аудандық бюджеттен 29,2 млн теңге қаржы бөліп, егжей-тегжейлі жоспарлау жұмыстары жасалды. Ендігі кезекте алдағы жылдың бюджетінен жоба сметалық құжаттарына қаржы бөлу жоспарлануда. Бұл жоба аяқталғанда жер кезегінде тұрған 7 мыңға жуық тұрғындардың мыңға жуығына жер учаскелерін беру мүмкіндігін туғызады.

Жаңақорғанда 2,3 млрд. теңгеге әлеуметтік нысандардың құрылысы жүргізілуде

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 1284 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 140,
Алматы қаласы – 120,
Шымкент қаласы – 22,
Ақмола облысы – 98,
Ақтөбе облысы – 14,
Алматы облысы – 23,
Атырау облысы – 52,
Шығыс Қазақстан облысы – 83,
Жамбыл облысы – 9,
Батыс Қазақстан облысы – 91,
Қарағанды облысы – 155,
Қостанай облысы – 296,
Қызылорда облысы – 21,
Павлодар облысы – 68,
Солтүстік Қазақстан облысы – 67,
Түркістан облысы – 25.
Қазақстан бойынша жазылғандар саны – 931796.

Тағы 21 қызылордалық коронавирустан жазылды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 971 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 122,
Алматы қаласы – 105,
Шымкент қаласы – 16,
Ақмола облысы – 70,
Ақтөбе облысы – 12,
Алматы облысы – 52,
Атырау облысы – 13,
Шығыс Қазақстан облысы – 54,
Жамбыл облысы – 9,
Батыс Қазақстан облысы – 16,
Қарағанды облысы – 128,
Қостанай облысы – 106,
Қызылорда облысы – 13,
Маңғыстау облысы – 9,
Павлодар облысы – 97,
Солтүстік Қазақстан облысы – 138,
Түркістан облысы – 11.
Жалпы ел бойынша ауырғандар саны 968340.

Қызылордада 13 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;Атмосфералық ағындардың әсерінен еліміздің басым бөлігінде ауа райы құбылмалы болады, деп хабарлайды Қазгидромет.
Еліміздің басым бөлігінде қар жауады, оңтүстік бөлігінде қар аралас жаңбыр жауады, кей кезде қатты нөсер жаууы ықтимал. Тұман түсіп, көктайғақ болады, боран соғады, жел күшеюі мүмкін.Тек республиканың батысында күн райы ашық болады.
Түркістан облысының таулы аудандарында жаяу боран соғады, көктайғақ болады, түнде облыстың батысында, таулы аудандарында жел 15-20 м/с күшейеді, асуларда желдің жылдамдығы 25 м/с жетуі мүмкін.
Жамбыл облысының солтүстігінде, таулы және тау бөктері аудандарында тұман түсіп, көктайғақ болуы мүмкін, облыстың оңтүстік-батысында, солтүстік-шығысында, таулы аймақтарда жел 15-20 м/с жетеді, түнде екпіні 23-28 м/с күшейеді.
Шығыс Қазақстан облысының шығыс бөлігінде, орталығында, оңтүстігінде бұрқасын соғады, көктайғақ болуы ықтимал, жел 15-20 м/с, түнде екпіні 25 м/с жетеді.
Таңертең және күндіз Ақмола облысының солтүстігінде, батысында жаяу борансоғуы мүмкін, оңтүстігінде – тұман түседі, солтүстігінде, шығысында, жел 15-20 м/с күшейеді.
Қарағанды облысының шығысында түнде жаяу бұрқасын соғады, көктайғақ болуы мүмкін, жел 15-20 м/с күшейеді, облыстың солтүстігінде тұман түсуі мүмкін.
Қостанай облысының солтүстігінде жаяу боран соғады, көктайғақ болады, жел 15-20 м/с күшейіп, облыстың оңтүстігінде тұман түсуі мүмкін.
Ақтөбе облысының солтүстігінде түнде жаяу боран соғады, жел 15-20 м/с күшеюі мүмкін.
Солтүстік Қазақстан облысының оңтүстік батысында түнде және таңертең тұман түседі, күндіз облыстың оңтүстігінде жел 15-20 м/с күшеюі мүмкін.
Алматы облысының солтүстігінде және шығысында жел 15-20 м/с күшейеді. Павлодар облысының оңтүстік-шығысында жаяу боран соғады, облыстың солтүстігінде – тұман түсуі ықтимал.
Қызылорда облысының орталығында, Батыс Қазақстан облысының солтүстігінде, Атырау, Маңғыстау облыстарының батысында тұман түсуі мүмкін.

26 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> ҚР Тұңғыш Президенті – Елбасы Нұрсұлтан Әбішұлы Назарбаевтың төрағалығымен партия Саяси кеңесінің кеңейтілген отырысы өтті.
Кеңес отырысында ҚР Үкіметі басшысы, ҚР Парламенті Мәжілісіндегі партия фракциясының жетекшісі, партия жанындағы аймақтық даму бойынша қоғамдық кеңес төрағасы, аймақтық партия филиалы төрағасы, аудандық мәслихаттағы фракция жетекшісі сөз сөйлеп, партияның Сайлауалды бағдарламасын іске асыру бойынша Жол карталарының орындалу барысы туралы баяндаса, партия атынан сайланған ауыл әкімі елімізде жүргізіліп жатқан жаңа саяси реформалардың жастарға беріп жатқан мүмкіндіктерін атап өтті.
Бұл тұрғыда «Nur Otan» нақты мақсаттары мен істері бар партия ретінде елді партияның 2025 жылға дейінгі сайлауалды бағдарламасы мен 217 өңірлік жол картасы төңірегінде ұлттың тұрақтылығы мен топтасуын қамтамасыз етіп отыр. Орталық және жергілікті деңгейлерде басым тәртіппен бюджеттік қаржыландыру бөлініп, халыққа нақты және түсінікті индикаторлар белгіленді. Біздің өңірдің өзіндегі Жол карталарында барлығы 872 іс-шаралар жоспарланса, ағымдағы жылдың 10 ай қорытындысымен оның 53% орындалды (бұл 465 іс-шара) және 29% орындалу үстінде (252 іс-шара). 18%-ы яғни 155 іс-шара 2022-2025 ж.ж. орындалуы көзделген. Бұл «Nur Otan» партиясының істі аяғына дейін жеткізетін елдегі жалғыз саяси күш екенін тағы бір дәлелдейді.
Сонымен бірге партия жанындағы барлық ұйымдар Жол карталарының іске асырылуын бақылауға бағытталған. Себебі партия барлық деңгейдегі өкілді органдарда абсолютті басымдыққа ие болып қана қоймай, мәслихаттардағы фракция мүшелерінің бағдарламаның әрбір тармағына жауаптылығын бекітті. Яғни, өңірлік қоғамдық кеңестердің кең желісі сайлау алдындағы уәделерге мониторингті жүзеге асыра отырып, халықтың проблемалық мәселелерін де нақты тұжырымдауда.
Саяси кеңес отырысында ерекше аталып өткен келесі мәселе бұл ел Тәуелсіздігінің 30 жылдығы.
Ордалы 30 жыл ішінде Тұңғыш Президент – Елбасы Нұрсұлтан Назарбаевтың бастауымен еліміз тәуелсіз, табысты, әлемдік қоғамдастық мойындаған мемлекет ретінде қалыптасты. Әлемге зардабын тигізген ядролық қаруды жойып, өзге мемлекеттерге үлгі көрсеттік. Арқаның төрінен Еуразия жүрегі аталған Елордамызды салдық. Шетелдермен тереземіз теңесіп, саяси бағытымыз айқындалды. Еліміздегі сан ұлттың өкілі тұрақтылық пен татулықты ту етіп, бейбіт өмірді басты қағидаға айналдырды. Ауыл шаруашылығының технологиялық жетістіктері артып, өндіріс өркендеуде, орта және шағын кәсіпкерлік жанданып, әрбір ауылымыз тәуелсіздіктің шапағатын сезінуде. Осы орайда, Саяси кеңес отырысында Елбасымыз «Nur Otan» партиясының Тәуелсіздік жылдарындағы елдің дамуына қосқан үлесі мен алдағы міндеттеріне тоқтала келе қазақстандықтарға бағдар болатын «Елдіктің жеті тұғыры» атты қағидаттар жиынтығын ұсынды.
Бұл қағидаттар жиынтығын ұсыну арқылы Елбасымыз – Қазақстанның бірлігін, Конституцияны, адам мен азаматтың құқықтары мен бостандықтарын қорғауды қамтамасыз еткен қазіргі заманғы Қазақстанның негізін қалаушы ғана емес, ұлттың Көшбасшысы екендігін тағы бір мәрте көрсетті. Тұңғыш Президентіміз өзінің реформаторлық рөлі мен саяси көшбасшылық феноменін еліміз үшін қазіргідей тағдыршешті кезеңде де нақты бағыттар ұсыну арқылы көрсетіп отыр.
«Елдіктің жеті тұғыры» қағидаттарының жиынтығы – бұл Елбасының саяси тәжірибесін саяси-философиялық тұрғыдан ұғыну және қорыту. Онда әлемдік озық тәжірибе мен халқымыздың ұлттық тарихи-мәдени дәстүрлері ескерілген және Тәуелсіздіктің мызғымас құндылықтарын көрсететін іргелі құжат. Ұлт көшбасшысы егемен Қазақстанның болашақ ұрпақтарына қуатты және нақты көшбасшылық формуласын беретін қағидаттар жиынтығын ұсынды.
Қағидалар жиынтығында:
– Тәуелсіздік пен мемлекеттілік – қазақстандық ұлттың басты жетістігі және ата-бабаларымыздың армандарының жүзеге асуы екендігі;
– Елдің тұтастығы, жер және оған қол сұғылмаушылық – ұлттық бірліктің нышаны екендігі;
– Ұлтаралық келісім және мемлекеттік тілді білу – қоғамды топтастыратын, ұрпақтан ұрпаққа берілетін мәдени-өркениеттік кодтар екендігі;
– Отбасылық құндылықтар мен дәстүрлер, ұлттық және рухани мәдениетті насихаттау – жауапты қоғамның ерекше бірегей түрі екендігі;
– Терең білім мен адал еңбек – адамдардың өмірін өзгертуге, отбасының, ауылдың, өңірдің, елдің болашағын айқындауға қабілетті прогрестің негізгі шарттары екендігі сипатталады.
Сондықтан осындай ұлттық мүддені қорғау мен оған берілгендік қазақстандық патриотизмінің жасампаз күші ғана емес, сонымен қатар басты мемлекеттік басымдықтар мен әрбір азаматтың борышы мен міндеті болуы тиіс.
Л. Төрешова
«Nur Otan» партиясы облыстық филиалы
төрағасының бірінші орынбасары

Саяси кеңесте жасампаздықтың 7 қағидасы ұсынылды

<a href="https://kyzylorda-news.kz/">Kyzylorda-news.kz.</a> Қызылорда облысында жалпы саны 1222 көпқабатты тұрғын үй бар. Оның 18-і пәтер иелері кооперативі мекемесі қызмет көрсетеді. Осы орайда, өткен жылдан бастап «ҚР кейбір заңнамалық актілеріне тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы» ҚР Заңы күшіне енген болатын. Қолданыстағы заңнамаға сәйкес, пәтер иелерінің кооперативтері көппәтерлі тұрғын үйді басқару қызметін 2022 жылдың 1 шілдесіне дейін жүзеге асырмақ. Бұл жөнінде Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев мәлімдеді.
<blockquote>
 «Қабылданған Заң аясында басқарудың екі нысаны қарастырылған. Яғни, мүліктің меншік иелері бірлестігі мен көппәтерлі тұрғын үйдің жай серіктестігі. Қабылданған басқару түрі бойынша енді әр үйге бір бірлестік пен есеп шот құрылады. Онда көпқабатты тұрғын үйлердің пәтер иелері басқарады. Сондай-ақ, сервистік компаниялардың жұмыстарын қабылдай алады. Қазіргі таңда 630 тұрғын үйге жаңа басқару органы құрылды», – деді Ерлан Мақсотұлы.
</blockquote>
Шаһарда жалпы саны 815 көпқабатты тұрғын үй бар болса 240 тұрғын үй «Меншік иелерінің бірлестігі» немесе «Жәй серіктестіктер» құруға жатпайды. Бүгінгі күнге дейін қала аумағында 438 жай серіктестік пен 12 меншік иелерінің бірлестігі құрылды.
<blockquote>
 «Қызылорда қаласындағы кондоминиум обьектілерін басқаруға және ортақ мүліктерді күтіп ұстауға жұмсалатын шығындардың ең төменгі мөлшерін бекіту бағытында ЖК Asi Service мекемесімен қаладағы минималды тариф есептемесімен жасау үшін 1,1 млн теңгеге келісім шарт әзірленіп, қазіргі таңда жобалары жасалуда. Сондай-ақ, заңға енгізілген өзгерістерге байланысты коммуналдық қызметтерді көрсетудің қағидасы әзірленуде», – деді тұрғын үй испекциясы бөлімінің басшысы Абзал Рысбек.
</blockquote>

Қызылордада пәтер иелері кооперативтерінің жаңа жүйесі талқыланды

<a href="https://kyzylorda-news.kz/">Kyzylorda-news.kz.</a> Байқоңыр қаласында бюджет қаражатын жымқырған балабақша меңгерушісі ұсталды, деп хабарлайды&nbsp;<a href="https://sputnik.kz/">Sputnik Қазақстан.</a>
Ғарыш кешенінің прокуратурасы ұсынған мәліметке сәйкес, балабақша жетекшісі бірнеше ай бойы қала бюджетінен ақшаны қылмыстық жолмен ұрлап келген.&nbsp;
<blockquote>
 «Алдымен балабақша меңгерушісінің міндетін атқарушы жұмыс уақытын тіркеу табелі мен бұйрыққа қосымша жұмыс туралы жалған мәлімет енгізіп отырған. Шын мәнінде, қызметкерлер ол жұмысты жасаған жоқ. Ал жалақы төленетін күні балабақша меңгерушісі бухгалтериядан қосымша жұмыстың көлемін анықтап, ақшаны жинап тұрған», – дейді прокурорлар.
</blockquote>
Мекеме қызметкерлері одан қорқып, ақшаны беріп отырыпты. Құқық қорғау органдарына да хабар бермеген. Себебі балабақша басшысы қызметін пайдаланып, өш алады деп қауіптенген. Ал мектепке дейінгі мекеменің жетекшісі әрбір қызметкерден 10 мың рубльге (60 мың теңге) дейінгі “артық жұмыстың ақысын” жинаған.&nbsp;&nbsp;&nbsp;
Қазіргі кезде қылмыстық іс қозғалды. Осы оқиғадан кейін Байқоңырдағы барлық балабақшада тексеріс өткізуге шешім қабылданды.

Байқоңырда балабақша меңгерушісі ұсталды

<a href="https://kyzylorda-news.kz/">Kyzylorda-news.kz.</a>&nbsp; Қазақстандық боксшы Қамшыбек Қоңқабаев ұлыбританиялық Стивен Уордқа қарсы кездесуі туралы пікірін айтты.
<blockquote>
 «Ассалаумағалейкум қазақ елі, Алла қаласа, 11 желтоқсанда Алматы қаласында өтетін жекпе-жегімде WBA GOLD белбеуі сарапқа салынады. Қарсыласым ұлыбританиялық Стивен Уорд. Бұйырса, жанкүйерлерімізге керемет бокс кешін сыйлап, жарқын жеңіспен қуантамыз деп сенемін», – деп жазды боксшы Instagram әдеуметтік желісіндегі парақшасында.
</blockquote>

Қазақстан және Қызылорда облысының жаңалықтары