<a href="https://kyzylorda-news.kz/">Kyzylorda-news.kz</a>.&nbsp; ҚР Мемлекеттік хатшысы Ерлан Қарин бір мандатты сайлау оркугтерінің не үшін енгізілетінін түсіндірді, деп хабарлайды ҚазАқпарат.
<blockquote>
 «Бір мандатты сайлау округтері енгізіледі. Яғни, саяси партиялармен қатар Мәжіліске және облыстық мәслихаттарға партияға мүше емес депутаттар сайлана алады. Ал қалалық және аудандық мәслихат депутаттарын түгелдей бірмандаттық округтер арқылы сайлау жоспарланып отыр. Бұл өзгеріс сайлаушыларға не береді? Біріншіден, қазір азаматтардың көбі мәслихаттағы өз депутаттарын танымайды. Өйткені олар партиялық тізім бойынша сайланады. Енді азаматтар сайлауда өзі қалаған партияға ғана емес, нақты кандидатқа дауыс бере алады. Тіпті өз кандидатын да ұсына алады. Сол арқылы депутаттардың сайлаушылар алдындағы жеке жауапкершілігі артады», – деді Ерлан Қарин&nbsp;<a href="https://youtu.be/aFWfyWlWSRs">Youtube</a>&nbsp;арнасында жарияланған референдум туралы роликте.
</blockquote>
Оның пайымынша, бір мандаттан сайланған депутаттар өз сайлаушыларын толғандыратын мәселелерді шешу үшін барын салуға мәжбүр болады.
<blockquote>
 «Мұндай мәселелер көп. Атап айтқанда, жол жөндеу, таза сумен қамтамасыз ету, жаңа мектеп немесе аурухана салу, жастарды жұмыспен қамту сияқты түйткілдер жиі көтерілетіні жасырын емес. Оның бәрі барынша шұғыл және сапалы шешіледі. Сондай-ақ сайлаушыларға бір мандатты округ бойынша сайланған депутаттарды кері қайтару құқығы беріледі. Бұл – жаңа механизм. Егер депутат сайлаушыларының сенімін ақтамаса, жұмысын тиімді атқармаса, оның өкілеттік мерізімі аяқталуын күтпестен, лауазымнан босатуға болады. Осылайша Мәжілістің де, мәслихаттардың да депутаттары өз сайлаушыларының, яғни, сіздердің алдарыңызда тікелей жауапты болады», – деді Мемлекеттік хатшы.
</blockquote>
Оның айтуынша, Конституциялық Кеңестің орнына құрылатын Конституциялық сот қабылдаған шешімге&nbsp;<a href="https://www.inform.kz/kz/zhanadan-kurylatyn-konstituciyalyk-sotka-kukygy-buzylgan-kez-kelgen-azamat-zhugine-alady_a3937810">ешкім шағым келтіре алмайтын</a>&nbsp;болады.

Ерлан Қарин: Депутат сайлаушыларының сенімін ақтамаса, оны лауазымынан босатуға болады

<a href="https://kyzylorda-news.kz/">Kyzylorda-news.kz</a>.&nbsp;Қазіргі күні адамзат баласы мүлдем жаңа индустрияландыру дәуіріне өтуде.&nbsp; Осыған байланысты болып жатқан өзгерістер білім беру жүйесіне де қатысты. Білім беру ісі аса маңызды әлеуметтік институттар қатарына жатады және өзінің&nbsp; мәні, көлемі мен мазмұны бойынша қоғам өмірінде шешуші рөл атқарады. Соған байланысты оны индустриялы қоғам талаптарына сәйкес жетілдіру проблемасы өткір болып отыр.
Бүгінгі күні білім беруді модернизациялауға (жаңарту) баса назар аударылғанына қарамастан, ол әлі де болса уақыт талабына жауап бере алмай отыр, көбінесе қазіргі заман парадигмасына сәйкес келмейтін ескі дәстүрлерді сақтап келеді, бүгінгі күнге дейін осы заман мамандарын даярлаудағы инновациялық тәсілдер мен технологияның рөлі қаншалықты маңызды екені айқындалған жоқ. Мұндай теорияның болмауы қазіргі заманғы ЖОО-ның инновациялық ортасын құрудың жалпы заңдылықтарын айқындау мүмкіндіктеріне едәуір шектеу қайып отыр.
Адам қалыпты өмір сүру үшін, өзінің психикалық қасиеттерін дамыту үшін, жеке тұлғалық ерекшеліктерін жетілдіру үшін, сондай-ақ білім меңгеріп тәжірибе жинақтау үшін адамдармен қарым-қатынас жасайды. Баланың жастайынан айналасындағылармен қарым-қатынас жасауы өзінің кім екенін танып, өзін өзгелерден ажырата алудың, өзін басқалармен салыстыру арқылы басқа адамдардағы қасиеттерді меңгерудің, балалардың әлеуметттік мінез-құлқы мен жеке басының дамуының негізгі тірегі деп қарастырсақ, онда олардың қарым-қатынас жасауын жақсарту аса қажет болып табылады.
Адам адам болып жаратылғаннан соң, оның өмір сүруінің негізгі тірегі мен қажеттілігі, сондай-ақ қалыпты өмір сүру жағдайы басқа адамдармен қарым-қатынас жасау болып табылады. Сондықтан оқушылардың қарым-қатынасындағы мәселе – бүкіл қоғам алдындағы негізгі міндеттер болып қала бермек.Мектептегі оқушылар арасындағы туындайтын кейбір қарама-қайшылықтар, кейбір балалардың мінез-құлқы мен даралық ерекшеліктеріне байланысты түсінбеушіліктер, топқа енгісі келмейтін жағдайлар жиі кездеседі. Мұндай жағдайлар бала өмірі мен психикасында едәуір дақ қалдырады. Осыдан келіп баланың дамуында түрлі ауытқулар, сабаққа қатынасының өзгеруі байқала бастайды. Топтың жеке адамға, адамның топқа әсер ету негізінде оқушылар арасында дараланатын немесе оқшауланатын жағдайлар да туындап жатады.
Мектеп жасына дейінгі шақта баладағы әлеуметтік изоляция белгілері үлкендердің үрейін туғызбайды. Жеке дара ойынмен ойнап жатқан бала тәрбиешілер мен ата-аналарға проблемалы болып көрінбейді. Алайда мұндай балаларды мұқият зерттеген кезде, олардың алдында өз қатары мен қарым-қатынасқа түсуінде біршама потенциалды қиындықтар туындайтындығы байқалған.Олай болса өз құрбыларымен қарым-қатынас жасау барысында қимыншылық туындаудың негізгі себептерін былайша түсіндіруге болады.
Мектеп оқушылары арасында туындайтын оқшауланған балардың болу себебін түсіндіретін оқушылардың өзара конфликтерін түгелдей болдырмау мүмкін емес. Конфликтерді алдын алу жолында маңызды роль алатын – тәртіп болып табылады. Тәртіп – белгілі бір тәртіптілікке бағыну әрекеті арқылы балаға өзіне қажетті бостандығының толық дамуын қамтамасыз ететін әрекет. Ұжымда балалардың оқшаулану себептерін анықтау мәселелері. Психологтан көмек сұрап келетін балалардың көпшілігі – көпшілікпен қарым –қатынасы нашар, өте тұйық немесе ашушаң болып келеді. Қарым-қатынастың бұзылуы мектепке дейінгі және алғашқы мектеп жасында байқалып қана қоймай, соның салдарынан бала өзінің дегеніне жете алмай, айналасындағылармен жанжалдасып, үйде, мектепте дұрыс қарым-қатынас түзе алмайды. Осы кері қарым-қатынас баланың танымдық және жеке тұлғалық даму саласына әсерін тигізеді.
Қорыта келе айтарым мектеп психологының қызмет көрсету сферасы оқушылар, мұғалімдер, әкімшіліктер, яғни кез-келген адамдар арасындағы қарым-қатынас қиыншылықтарын шешу болып табылады. Себебі, сыныптағы қарым-қатынас сипаты баланың білім алуы мен тәрбиеленуіне едәуір әсер етеді. Егер мұғалім оқушыларға дұрыс тәрбие беріп, оларлың білімдерін жоғарылатамын десе, онда ең бірінші кезекте оқушылардың өзара қарым-қатынасын, сондай-ақ мұғалім мен оқушы арасындағы қарым-қатынасты реттеп алған жөн. Олай болса, біз әрбір сабақта балалармен бірлесе жұмыс жүргізу барысында балаларды тату болуға, бірігуге үйрететін, басқаларды түсінуге, қолдауға көмектесетін ойындар мен жаттығуларды тиімді қолданудың жолдарын білуіміз керек.
Гульмира Сембиева,
Қорқыт ата атындағы Қызылорда университеті, Практикалық ағылшын тілі кафедрасының оқытушысы
<img src="https://kyzylorda-news.kz/wp-content/uploads/2022/05/img-20220516-wa0021.jpg" alt="" />

Оқшауланған балалар мәселесімен психологиялық жұмыс істеу ерекшеліктері

<a href="https://kyzylorda-news.kz/">Kyzylorda-news.kz</a>. «AMANAT» партиясы жанындағы референдумды қолдауға арналған республикалық қоғамдық штаб мүшесі, ҚР Парламенті Мәжілісінің депутаты Ғалым Әміреев Қызылорда қаласындағы М.Мәметова атындағы педогогикалық жоғары колледжінің ұжымымен кездесу өткізді.
Жиында рефендумға қатысты тың ойлар айтылып, штаб мүшелері «Жаңа Қазақстанды» бірге құруға шақырды.
<blockquote>
 «Конституциялық референдум мемлекеттік басқару жүйесін өзгертіп, елдегі саяси ахуалға жаңа дем береді. Бұл – «Халық үніне құлақ асатын мемлекет» идеясының нақты жүзеге асуының дәлелі. Сонымен қатар мажоритарлы сайлау жүйесінің енгізілуі сайлаушылардың республикалық қана емес, жергілікті жердегі де мүддесін жіті қорғауға мүмкіндік туғызады. Ұйым қызметкерлерін ел тағдырын айқындайтын осынау маңызды кезеңде белсенділік танытуға шақырамын»,- деді Парламент Мәжілісінің депутаты Ғалым Әміреев.
</blockquote>
Сондай-ақ білім саласының өкілдерімен кездесуге облыстық штабтың мүшесі Мақсұт Нәлібаев және қалалық штаб мүшелері де қатысып, санаулы күндер қалған саяси шараның халықтың қолдауы арқылы жүзеге асатындығын атап өтті.
Кездесу соңында ұйым қызметкерлері аманаттықтарға өз ықылыстарын білдіріп, Жаңа Қазақстан құру жолында мемлекетке үлкен сенім артатындықтарын жеткізді.
<img src="https://kyzylorda-news.kz/wp-content/uploads/2022/05/53b34eb1-56c2-474a-a0a5-a691af5bd523.jpg" alt="" />

Жоғары колледж ұжымы жаңашылдықты қолдайды

<a href="https://kyzylorda-news.kz/">Kyzylorda-news.kz</a>.&nbsp; Қазалылық жас былғары қолғап шебері Ақтілек Орынбасар Францияның Нормандия қаласында өткен бүкіләлемдік гимназиада жеңімпазы атанды.
Әлемдік додаға 70 елден 4000 оқушы спорттың 18 түрінен бақтарын сынады. Бұл сында Қазақстаннан 234 ең мықты оқушы қатысты. Олардың қатарында №18 Қазалы ауданының балалар-жасөспірімдер спорт мектебінің спортшысыАқтілекОрынбасар да бар. 54 келі салмақта бақ сынаған жерлесіміз шаршы алаңдағы қарсыластарын барлығын жеңді.
Бүкіләлемдік додада жеңімпаз атанған Ақтілек Орынбасарды бүгін жерлестері құрмет-қошеметпен қарсы алып, құрмет көрсетті.
<img src="https://kyzylorda-news.kz/wp-content/uploads/2022/05/cb6c3a88-5940-4409-901f-b84fe4729af4.jpg" alt="" />

Қазалылық спортшы бүкіләлемдік гимназиада чемпионы атанды

<a href="https://kyzylorda-news.kz/">Kyzylorda-news.kz</a>. «Партиялық емес байқау орталығы» республикалық қоғамдық бірлестігінің Қызылорда облыстық филиалының төрағасы Жандос Тұсмағамбетов Жаңақорған, Шиелі, Сырдария, Жалағаш аудандарында байқаушыларға оқыту семинарларын жүргізді. Семинарға барлығы 1300-ден астам байқаушылар қатысты.
Ең алдымен Ж.Тұсмағамбетов: «Референдум қазақ халқының құқықтық қайнар көзі. Конституцияға енгізілетін түзетулер бойынша біз жаңа Қазақстанды құруға мүмкіндік аламыз. Барша қазақстандықтар референдумға белсене атсалысуы қажет деп санаймын», -деп атап өтті.
Семинар барысында Қазақстан Республикасының сайлау заңнамасының, “Референдум туралы” Қазақстан Республикасы Заңының нормалары, сайлау процесіне қатысушылардың рөлі және референдум өткізілетін күнгі байқаушылар институтының маңыздылығы қаралып, жан-жақты түсіндірме берілді.
Филиал өкілдері алдағы аптада Қармақшы, Арал, Қазалы аудандарында байқаушыларға семинарлар өткізеді.
<img src="https://kyzylorda-news.kz/wp-content/uploads/2022/05/e24fc05f-f896-4eff-92d3-ffe08e3b94db.jpg" alt="" />
<img src="https://kyzylorda-news.kz/wp-content/uploads/2022/05/0f1bfa5f-9e09-4fb4-8071-a48009bfaf2d.jpg" alt="" />

Қызылордада референдумға байқаушыларды дайындау белсенді жүргізілуде

<a href="https://kyzylorda-news.kz/">Kyzylorda-news.kz</a>. Өндірістік және өнеркәсіптік бизнес жобаларын дамытудың өңір экономикасының ілгерілеуіне қосар үлесі зор. Мемлекет тарапынан ауыл шаруашылығы мен шағын және орта кәсіпкерлікті қолдауға бағытталған түрлі жобалар кеңінен жүзеге асырылуда.
«Бизнестің жол картасы 2020» бағдарламасы аясында ауданда индустриялық аймақ құру үшін Арал қаласының солтүстік-шығыс беткейінен 6 га жер телімі берілді.
Аталған аймаққа инфрақұрылым жүйелерін жеткізу үшін республикалық және аудандық бюджеттен қаржы қаралып, тиісті жұмыстар жасалды.
Қазіргі таңда Арал ауданының индустриялық аймағында 4 жоба жүзеге асырылады деп жоспарлануда.
Атап айтар болсақ, «Берекет» шаруа қожалығының «Ет өнімдерін өндіру және тұшпара цехын ашу» және «Жаңа Арал» ЖШС-нің «Қаптама кірпіш өндіру» жобаларын іске қосу мақсатында жұмыстар жүргізілуде.
Мұнымен бірге, «Жаңа Арал» ЖШС «Жүн және теріні алғашқы өңдеу» ісін қолға алуда. Бүгінде тері үлгілері Қытай және Өзбекстан мемлекеттеріне жіберіліп, тиісті зерттеуден өткізілуде. 
Индустриалды аймақта «Qazaq Camel» ЖШС-нің іске «Түйе сүтінен құрғақ ұнтақ дайындау зауытының құрылысы» жобасы іске асырылады деп жоспарлануда. Жоба аясында сүт жинақтау ғимаратының құрылысы толық аяқталған. Алдағы уақытта нысанға тиісті құрылғылар жеткізіледі деп күтілуде.
Аталған жобалардан бөлек, индустриялық аймақтың жер телімін қосымша 11 гектарға кеңейтіп, жалпы құны – 3,4 млрд теңге болатын тағы да 3 жобаны енгізу жоспарда бар.
<img src="https://kyzylorda-news.kz/wp-content/uploads/2022/05/281395227_3275271669467863_9023478466319971737_n.jpg" alt="" />

Индустриялық аймақ: Арал қаласының солтүстік-шығысынан жер телімі берілді

«<a href="https://www.kazhydromet.kz/weather/prognoz-vazhneyshih-meteorologicheskih-yavleniy">Қазгидромет</a>» РМК-сы мамырдың 27-сі күнгі күн райы болжамын жариялады.
Қазақстан аумағынан фронталды бөліктердің өтуіне байланысты күн райы құбылмалы болады, жаңбыр жауып, таулы аймақтарда нөсерлетеді, найзағай ойнап, жел күшейеді, бұршақ жаууы ықтимал. Еліміздің оңтүстігінде – шаңды дауыл тұрады.
Қызылорда облысының орталығында, шығысында жел секундына 15-20 метрге дейін күшейеді, күндіз облыс орталығында шаңды дауыл соғады.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz</a>. «Жол активтерінің ұлттық сапа орталығы» Қорқыт ата атындағы Қызылорда университетімен әріптестік байланыс орнатып, бұдан-былай техникалық мамандарды даярлауға өз үлесін қоспақ.
Биыл іргелі оқу орнында зетрханашы мамандығы бойынша білім алып жатқан 5 студент жол құрылысының сапасын қадағалайтын орталықта өндірістік тәжірибеден өтіп жатыр.
<blockquote>
 «Болашақ жас мамандар мұнда теориялық білімін жетілдіріп, білікті мамандардан зертханалық процестердің қыр-сырын меңгеретін болады. Сондай-ақ, шәкірттердің білім-біліктілігіне қарай мекеме тарапынан ақы төлеу мүмкіндігі қарастырылған. Яғни, студенттер өндірістік тәжірибеде жүріп-ақ, жалақы алып уақытша жұмыспен қамтылады. Ал университет бітірген соң көзге түскен жас мамандардыңжол саласына тұрақты қызметке қабылдануына да зор мүмкіндік бар», – деді «Жол активтерінің ұлттық сапа орталығы» РМКҚОФ зертхана меңгерушісі Мағжан Қасымхан.
</blockquote>
Жалпы еліміз бойынша бүгінде жол саласында маман тапшы. Сол себепті, «Жол активтерінің ұлттық сапа орталығы» РМК жергілікті Қорқыт ата атындағы Қызылорда университетімен бірлесіп, жаңа буын жолшыларды қалыптастыруды көздейді.

Мағжан Қасымхан: Өндірістік тәжірибеден өтіп жатқан студенттерге ақы төленеді

<a href="https://kyzylorda-news.kz/">Kyzylorda-news.kz</a>. Қасым-Жомарт Тоқаев Қырғызстанға ресми сапары аясында Садыр Жапаровпен бірге «Жаһандық өзгерістер дәуіріндегі еуразиялық экономикалық интеграция. Инвестициялық белсенділіктің жаңа мүмкіндіктері» атты тақырыпта өткен Еуразиялық экономикалық форумның пленарлық отырысына онлайн-форматта қатысты, деп хабарлайды Ақорда.
Қазақстан мен Қырғызстан көшбасшыларымен қатар жиынға Арменияның Премьер-министрі Никол Пашинян, Ресей Президенті Владимир Путин, сондай-ақ Беларусь Премьер-министрі Александр Головченко мен Еуразиялық экономикалық комиссия алқасының төрағасы Михаил Мясникович бейнебайланыс режимінде қатысты. Бұл іс-шараны Ресей өнеркәсіпшілері мен кәсіпкерлері одағының президенті Александр Шохин жүргізді.
Іс-шараға қатысушылар интеграцияны одан әрі дамытудың, Еуразиялық экономикалық одақ аясында энергетика, өнеркәсіп, көлік, қаржы және цифрландыру салаларындағы ынтымақтастықты нығайтудың перспективаларына қатысты ой-пікірлерін ортаға салды.&nbsp;
Қасым-Жомарт Тоқаев өз сөзін ЕЭО кеңістігіндегі өзара сауда-саттықты арттырудың перспективаларына және Еуразиялық экономикалық комиссияның жұмысын жетілдіруге арнады. &nbsp;
<img src="https://akorda.kz/public/assets/media/uploadMedia/1653566279_KZ3_5898.jpg" alt="" />
Мемлекет басшысы Еуразиялық экономикалық одақтың интеграциялық бірігу үдерісіне қатысушы мемлекеттер арасындағы еркін сауданы дамыту мақсатында тиісті жағдай жасау үшін құрылғанын айтты.
<blockquote>
 – Еуразиялық экономикалық одақ күрделі геосаяси жағдайда өзінің тиімділігін көрсетті. Біз мұны көріп отырмыз. Еуропалық одақтағы және басқа да экономикалық ұйымдардағы сияқты бұл Одақта түрлі мәселелер туындап отыратынына таң қалуға болмайды. Әрбір мемлекет ұлттық мүддесін өздігінше көздейді. Әрбір мемлекет туындаған мәселені өздері дұрыс деп санаған пікірі бойынша шешілгенін қалайды. Бұл әрбір халықаралық, әсіресе саудамен айналысатын ұйымдарға тән жағдай, – деді Қазақстан Президенті.
</blockquote>
<img src="https://akorda.kz/public/assets/media/uploadMedia/1653566307_DSC_3290.jpg" alt="" />
Сонымен қатар Қасым-Жомарт Тоқаев Еуразиялық экономикалық комиссияның қызметі жөнінде де айтты. Оның пікірінше, Комиссия табысты жұмыс істеп жатыр.
<blockquote>
 – Бүгінге дейін Еуразиялық экономикалық комиссия аясында өткізілген консультациялар нәтижесінде кедергілердің 80 пайызы жойылды. Бұл күрделі жұмыс жалғасын табады деп үміттенеміз. Интеграция – көп еңбек сіңіруді және мүше мемлекеттер арасында ымыраға келуді қажет ететін үдеріс. Қазақстан Еуразиялық экономикалық комиссияның нақты нәтижеге жай сөзбен емес, нақты іспен қол жеткізгенін қолдайды. Кез келген мәселені іскерлікпен шешкен жөн. Себебі халықтарымыз бұл мәселелердің ұзақ созылғанын күтпейді, қазір шешілгенін қалайды. Олар мәселені шешудің дұрыс жолы осы деп санайды, – деді Мемлекет басшысы.
</blockquote>
Қасым-Жомарт Тоқаевтың айтуынша, Қазақстан еуразиялық интеграцияның іскерлік әрі прагматикалық негізде дамығанын жақтайды.&nbsp;
<img src="https://akorda.kz/public/assets/media/uploadMedia/1653566378_KZ3_5860.jpg" alt="" />

Қазақстан Президенті Еуразиялық экономикалық форумға қатысты

<a href="https://kyzylorda-news.kz/">Kyzylorda-news.kz</a>.&nbsp; Биыл облыс бойынша 185,6 мың гектарға ауыл шаруашылық дақылы орналастырылады. Дегенмен, жалпы егіс көлемі өткен жылмен салыстырғанда 2,5 мың гектарға аз егілмек. Ал негізгі дақыл – күріштің көлемі 78,3 мың гектар болып, былтырғымен салыстырғанда 5,3 мың гектарға қысқарады. Бұл туралы Өңірлік коммуникациялар қызметінде өткен брифингте облыстық ауыл шаруашылығы және жер қатынастары басқармасының басшысы Талғат Дүйсебаев хабарлады.
Аймақта орын алған су тапшылығына байланысты күріш дақылы 5,3 мың гектарға дейін азаяды. Оның орнына суды аз қажет ететін егістікті әртараптандыру бағытындағы мал азықтық және бақша дақылдарының көлемі 4,7 мың гектарға көбейтіледі.
<blockquote>
 «Жалпы егістікке қажетті ауыл шаруашылығы дақылдарының тұқымы толық жеткілікті. Көктемгі егін науқанына минералдық тыңайтқыштың 58,3 мың тоннасы және гербицидтің 38 мың литрі сатып алынды. Қолда бар 4 мыңға жуық техниканың барлығы 100 пайыз жөндеуден өткізіліп, егін егу науқанына қатысуда. Облыс бойынша межеленген дәндік жүгерінің – 197 гектары, сүрлемдік жүгерінің – 214 гектары, мал жемдік асқабақтың – 55 гектары, күнбағыстың – 42 гектары, картоптың – 1,6 мың гектары, көкөністің – 2,7 мың гектары, бақшаның – 3,8 мың гектары егілді. Негізгі дақыл – күріш егу жұмыстары 20 сәуірден басталған болатын. Бүгінде 70 575 гектарға дән себіліп, оның 62 109 гектары суға бастырылды. Мамыр айының 30-на дейін күріш егуді, ал 6 маусымға дейін суға бастыруды аяқтау межеленуде», – деді Талғат Дүйсебаев.
</blockquote>

Қызылордада бақша дақылдарының көлемі 4,7 мың гектарға көбейтіледі

<a href="https://kyzylorda-news.kz/">Kyzylorda-news.kz</a>.&nbsp; ҚР Премьер-Министрінің орынбасары Ералы Тоғжанов солтүстік өңірлерге көшуді қалайтын азаматтарға қандай әлеуметтік қолдау көрсетілетінін айтып берді, деп хабарлайды ҚазАқпарат.
Ералы Тоғжановтың айтуынша, елімізде Dauletten қайырымдылық қорының жұмысы аясында «Бала-шағамен солтүстікке» жобасы жүзеге асырылуда. Вице-премьердің мәліметінше, жоба аясында 1300 адам оңтүстіктен солтүстік өңірлерге көшуге өтініш білдірген. Негізінен Түркістан облысының, сондай-ақ Маңғыстау облысының тұрғындары жүгінуде.
<blockquote>
 «Бұл бағытта көшуге жағдай жасау бойынша нақты жұмыстар жүргізілуде. Қызықты тетіктердің бірі – Жамбыл облысының тәжірибесі бойынша кооперативтер құру мүмкіндігі болады. Кооперативке кіретін барлық адамдардың белгілі бір жеңілдіктері, соның ішінде мемлекеттің субсидиялауы, белгілі бір технологияларды сатып алу, белгілі бір жеңілдікті-кредиттік ресурстарды алуы болады», – деді Ералы Тоғжанов Сенатта тілшілерге берген сұхбатында.
</blockquote>
Сонымен бірге Е. Тоғжановтың айтуынша, қоныс аударушыларды қолдау бойынша тағы бір әлеуметтік шара – солтүстікке көшуге ниет білдіргендер үшін АӘК мөлшерін ұлғайту қарастырылып жатыр.
<blockquote>
 «Мұны Парламентке енгіземіз деп ойлаймын. олтүстікке көшуге ниет білдіргендер үшін атаулы әлеуметтік көмек мөлшері ұлғаюы мүмкін. Бұл ұсыныс талқыланып жатыр, оны Еңбек және әлеуметтік қорғау министрлігіне енгіздік. Білім министрлігінің «Серпін» бағдарламасы, «Бала – шағамен солтүстікке» жобасы бар. Әлеуметтік кодекс аясында да жобалар талқыланады», – деді Ералы Тоғжанов.
</blockquote>
Оның айтуынша, қоныс аударушыларға әлеуметтік қолдау көрсету шешімді жыл соңына дейін қабылдануы мүмкін.

Солтүстікке көшетіндерге атаулы әлеуметтік көмек көлемі өседі

<a href="https://kyzylorda-news.kz/">Kyzylorda-news.kz</a>. Қала тұрғындары Қызылжарма және Қызылорда жер асты су кені арқылы ауыз сумен қамтамасыз етіледі. Қазіргі таңда күнделікті 61 ұңғыма арқылы тәулігіне 71,6 мың текше метр ауыз су өндіріліп тұтынушыға таратылуда.
Дегенмен, тұтыну көлемі ауа-райының ысуы мен бақшалықты суарудың нәтижесінде суды пайдалану көлемі 60 мың текше метрге артқан. Осы орайда Өңірлік коммуникациялар қызметінде өткен брифингте «Қызылорда су жүйесі» МКК директорының орынбасары Нұрлан Өтепов қала тұрғындарын ауыз суды үнемді пайдалануға шақырды.
«Сонымен қатар, бүгінге дейін тұрғындардың қарызы 624 млн теңге, заңды тұлғалардың берешегі 59 млн теңге. Ал «Су жүйесі» мекемесінің қызметкерлерге қарызы 65 млн теңгені құрап отыр», – деді Н.Өтепов.
Жалпы, кәсіпорында барлығы 1157 адам жұмыс атқарады. Бүгінгі күнге кәсіпорын 82 294 тұтынушыға қызмет көрсетеді. Негізгі қызметіне кіретін нысандар олар бас су жинау кешені, 974,3 шақырым ауыз су жүйелері, 67 кәріздік насос станциясы, биологиялық тазарту станциясының 2 кешені, 107 бірлік жер асты ауыз су ұңғымалары, 11 бірлік II-ші су көтеру насос станциясы, судың қысымын көтеруге арналған 6 бірлік насос станциясы халыққа қызмет көрсетеді.

Қазақстан және Қызылорда облысының жаңалықтары