<a href="https://kyzylorda-news.kz/">Kyzylorda-news.kz</a> Қазақстан үкіметі елдегі бірыңғай уақыт белдеуіне қатысты зерттеудің қорытындысын жариялады. Бұл туралы <a href="https://stan.kz/kazakstanda-uakit-beldeuinin-auisui-zertteu-koritindisi-414901/">Stan.kz </a>ақпарат агенттігі хабарлайды.Жұмыс барысында деректерді зерттеу, сауалнама нәтижелері және бірыңғай уақыт белдеуіне ауысқанға дейінгі және кейінгі көрсеткіштерді салыстыруды қамтитын кешенді тәсіл қолданылды. Зерттеу жүргізу әдістемесі бірыңғай уақыт белдеуін енгізудің халық денсаулығына, энергия тұтынуға, еңбек тиімділігіне, оқушылардың үлгеріміне, жол-көлік оқиғалары деңгейіне, қылмысқа және басқа да аспектілерге әсерін бағалау бойынша 40-тан астам метрика мен көрсеткіштерді қамтиды.<blockquote>"Денсаулық сақтау саласы бойынша 100 мың адамға есептелген қала және ауыл тұрғындарымен қатар түрлі жастағы азаматтар қамтылды. Энергия тұтыну бойынша электр энергиясын тұтыну статистикасын, оның ішінде ең жоғары жүктемелерді және бүкіл ел бойынша электр энергиясын тұтынуға салыстыру жүргізілді. Еңбек қызметі бойынша, орындалған жұмыс көлемі, кешігу және сабаққа келмеу жағдайлары, жарақаттар мен тәртіп бұзу жағдайлары қамтылған", – деді сауда және интеграция министрі Арман Шаққалиев.</blockquote>Оның сөзінше, зерттеу қорытындысы уақыт белдеуінің ауысуы тұрғындардың өміріне кері әсер етпегенін көрсеткен.<blockquote>"Мемлекет басшысы үкімет пен парламентке аталған мәселені егжей-тегжейлі қарап, бірлесіп оңтайлы шешім қабылдауды тапсырғанын білесіздер. Министрдің баяндамасында айтылғандай, мониторинг бірыңғай уақыт белдеуін енгізу туралы қабылданған шешімнің теріс әсері жоқ екенін көрсетті", – деп қосты премьер-министр Олжас Бектенов.</blockquote>Фото: freepik.com

Қазақстанда уақыт белдеуінің ауысуы: Зерттеу қорытындысы жарияланды

<a href="https://kyzylorda-news.kz/">Kyzylorda-news.k</a>z Ресейлік депутаттар Қазақстанның Алматы қаласында Владимир Жириновскийдің құрметіне ескерткіш орнатуды жоспарлап отыр, деп хабарлайды <a href="https://politico.kz/article/resey-deputattary-almatyda-zhirinovskiyge-eskertkish-qoyudy-usyndy?fbclid=IwY2xjawI8rLpleHRuA2FlbQIxMQABHSFcQmdI2clK2wcuPwUCEPvkIcTMAewE_XBD3T_r5TAUdz_T-T6ZVdG_jw_aem_YLqnRadCi6yJC4UU0mX7Jw">POLITICO.KZ</a> ТАСС агенттігіне сілтеме жасап.2026 жылы Ресейде және кейбір шетелдік қалаларда Жириновскийдің 80 жылдық мерейтойына орай бірнеше ескерткіш ашу жоспарланған.Ресей президенті Владимир Путин 2024 жылы қарашада Жириновскийдің туған күнін мемлекеттік деңгейде атап өту туралы жарлыққа қол қойған болатын.Бұл шараларды Ресей Мемлекеттік Думасының төрағасы Вячеслав Володин басқарады.<blockquote>"Жириновскийге арналған ескерткіштің ресми ашылуы 2026 жылдың наурыз-сәуір айларында Мордовияның Саранск қаласында өтеді. Сондай-ақ, сәуір-мамыр айларында Ресей Федерациясының бірнеше аймағында және оның "кіші отаны" Алматыда да ескерткіш қою жоспарланған", – делінген ресми құжатта.</blockquote>Жириновский кім болған?Владимир Жириновский 1946 жылы Алматыда дүниеге келген. Ол Ресей Либералдық-Демократиялық Партиясының (ЛДПР) негізін қалаушысы және ұзақ жылдар бойы оның жетекшісі болған.Саясаткер 2022 жылы 75 жасында қайтыс болды.Жириновский Ресей саясатында популистік және даулы мәлімдемелерімен танымал болған. Ол Кеңес Одағының ыдырауына қатысты пікірлері мен Қазақстан туралы бірнеше даулы мәлімдемелерімен есте қалды.<img class="image_resized" style="width:29.65%;" src="https://knadmin.beoblood.kz/uploads/Putin_Zhirinovskij_dc51d36829.jpg" alt="Путин Жириновский.jpg">Фото: Мемлекеттік Думаның баспасөз қызметі

Ресей депутаттары Алматыда Жириновскийге ескерткіш қоюды ұсынды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев 2023 жылдың қыркүйек айында отандық бизнес өкілдерімен кездесу барысында азаматтардың құқықтарын сапалы қорғауды қамтамасыз ету үшін жекелеген кассациялық соттар құрудың маңыздылығы туралы атап өткен болатын. Президент тапсырмасына орай 2025 жылдың 1 шілдесінен бастап елімізде кассациялық соттар жұмыс істейтін болады.Кассациялық сотқа істер алдын ала қараусыз үш судьядан тұратын алқаға тікелей түсетін болады Тәуелсіз кассациялық сот азаматтық, әкімшілік, қылмыстық істер бойынша тек Астанада ғана құрылады.Кассациялық сотқа соттың қаулысына қанағаттанбаған тараптар аппеляциялық алқадан кейін шағымдана алады. Істерді кассациялық сатыдағы сотта қарау белгілі бір негіздер бойынша ғана мүмкін болады.Кассациялық сот – сот шешімдерін қабылдау кезінде заңдардың дұрыс қолданылуы мен түсіндірілуінің сақталуын қамтамасыз етеді. Сондай-ақ, төменгі органдар шығарған сот шешімдерін қадағалайтын және түзететін сот жүйесінің бір түрі болмақ.Ең бастысы, бұл кассациялық орган толық тәуелсіз болады. Кассациялық соттардың негізгі міндеті – сот шешімдерінің заңдылығын тексеру. Олар апелляциялық соттардың шешімдерін құқықтық тұрғыдан бағалап, заң талаптарына сай болуын қадағалайды. Бұл жаңа инстанция сот қателіктерін түзетіп, заңнаманың біркелкі қолданылуын қамтамасыз етуге бағытталған. Қазақстанда кассациялық соттарды құрудың басты мақсаттары:Әділдікті қамтамасыз ету: кассациялық соттар сот шешімдерін қосымша тексеру арқылы заңдылық пен әділдікті орнатады.Бұл инстанция сот қателіктерін анықтап, дұрыс емес шешімдерді түзетуге мүмкіндік береді. Төменгі сатыдағы соттың актісі заңсыз немесе негізсіз деп танылса, кассациялық сатыдағы сот оның күшін жойып, істі жаңадан сот талқылауына жіберуі немесе түпкілікті шешім қабылдауы мүмкін. Кассациялық сот құру еліміздегі сот жүйесінің дамуына өз үлесін қосары сөзсіз.А. Өмірзақ,Қызылорда облысының мамандандырылған&nbsp;ауданаралық әкімшілік сотының жетекші маманы&nbsp;Фото: Нұрболат Нұржаубай

Кассациялық сот құру – қоғам талабы

<a href="https://kyzylorda-news.kz/">Kyzylorda-news.kz</a> Рамазан – хижра күнтізбесі бойынша тоғызыншы айдың атауы. Мүбәрәк Рамазан айының атауындағы хикмет түрліше түсіндіріледі, деп хабарлайды&nbsp;<a href="https://kaz.nur.kz/society/2226678-kunangdi-zhuatyn-zhangbyr-zhane-on-bir-aidyng-sultany-ramazan-turaly-qyzyqty-derekter/">Nur.kz.</a>Дінді зерттеп жүрген бір топ ғалым Рамазан (Рамадан) сөзі жаңбыр дегенді білдіретін "рамда" сөзінен шыққанын алға тартады. Яғни, жаңбырдың жерді тазартатыны сияқты, Рамазан айы да мұсылмандарды күнәларынан арылтады деген тұжырым ұсынады.Ғалымдардың тағы бір тобы бұл сөз "рамад" сөзінен шыққан, яғни "күн жылытқан жер" дегенді білдіреді деп есептейді. Яғни, ораза ұстаған адам ыстық жерде жүргендей, аштық пен шөлді бастан кешіреді. Ыстық жер жалаңаяқ жүргендердің аяғын күйдіретіні сияқты, Рамазан да мүміндердің күнәсін күйдіріп, жойып жібереді деседі.<ul><li style="text-align:justify;">Рамазан айы сондай-ақ "он бір айдың сұлтаны" деп аталады.</li><li style="text-align:justify;">Осы қасиетті айға қатысты мынадай қызықты деректер келтіріледі:</li><li style="text-align:justify;">Рамазан – мұсылмандардың қасиетті кітабы Құранда аталатын бірден-бір ай.</li><li style="text-align:justify;">Құран Кәрім дәл Рамазан айында түскен.</li><li style="text-align:justify;">Құранда "мың айдан қайырлы" деп айтылған Қадір түні де Рамазан айына келеді.</li><li style="text-align:justify;">Дәл Рамазан айында мұсылмандар ислам дінінің бес негізінің бірі – ораза ұстауға міндетті.</li><li style="text-align:justify;">Садақа беру (пітір садақасы) де Рамазан айының ерекшелігі. Садақа Айт мейрамы басталмай тұрып мұқтаж мұсылмандарға төленуі керек.</li><li style="text-align:justify;">Медициналық статистика көрсеткендей, Рамазан айында оразаны дұрыс ұстаған жағдайда денсаулыққа оң әсері болады.</li><li style="text-align:justify;">Зерттеу нәтижелері ораза ұстағандардың көпшілігінде холестерин деңгейінің төмендегенін, қан қысымының қалыпқа келгенін және метаболизм жақсарғанын көрсеткен.</li><li style="text-align:justify;">Кейбір елде Рамазан айында ораза ұстамау құқықбұзушылық болып саналады. Екінші жағынан, оразаны қасақана бұзу айыппұл төлеумен және қоғамдық жұмыстармен жазаланатын қылмыс болып саналады.</li><li style="text-align:justify;">2025 жылы ең ұзақ ораза уақыты 29 наурызда Рейкьявик (Исландия) және Нуук (Гренландия) қалаларында 15 сағат 52 минутты құраса, ең қысқасы Пунта-Аренас қаласында (Чили) сол күні 13 сағат 38 минутты құрайтын болады.</li></ul>Фото: freepik.com

Рамазан айы туралы қызықты деректер

<a href="https://kyzylorda-news.kz/">Kyzylorda-news.kz</a> Қазақстанда мектеп оқушыларының көптен күткен демалысы келе жатыр,деп хабарлайды <a href="https://baq.kz/oqushylar-koktemgi-kanikulda-neshe-kun-demalady-200009316/">BAQ.KZ.</a>Қазақстандық оқушылар үшін көктемгі демалыс 21-31 наурыз аралығында өтеді. Мектеп оқушылары көктемгі демалыста барлығы 11 күн демалады. Үшінші тоқсан мектеп бағдарламасындағы ең ұзақ болып саналады – ол 10 оқу аптасына созылады. Төртінші тоқсан 1 сәуірде басталып, 25 мамырға дейін жалғасады. Ол 8 оқу аптасына созылады.Бұған дейін Қазақстан Республикасы Оқу-ағарту министрлігі орта білім беру ұйымдарында 2024-2025 оқу жылының басталу мерзімін, ұзақтығын және каникул кезеңдерін бекіткен болатын.Фото: Нұрболат Нұржаубай

Оқушылар көктемгі каникулда қанша күн демалады?

<a href="https://kyzylorda-news.kz/">Kyzylorda-news.kz</a> Елімізде ауа райының нашарлауына байланысты құтқару қызметтері күшейтілген режимде жұмыс істеп, тұрғындардың қауіпсіздігі үшін ескерту жасады, деп хабарлайды <a href="https://baq.kz/tzhm-qazaqstandyqtarga-dauyldy-eskertu-zhariyalady-200009340/">BAQ.KZ.</a>"Қазгидромет" РМК деректері бойынша еліміздің басым бөлігінде ауа райының нашарлауы күтілуде: боран, жауын-шашын, жел екпіні, тұман және көктайғақ болады.<blockquote>Ауа райының нашарлауы кезінде келесі қауіпсіздік шараларын сақтау қажет: дауыл туралы ескертулерді қадағалау; жолдардың жабылуы туралы хабарламаларды ескеру; алыс қашықтыққа саяхаттаудан және жаяу жүруден бас тарту, – делінген ТЖМ хабарламасында.</blockquote>Фото: Нұрболат Нұржаубай

Боран, жел, тұман, көктайғақ: ТЖМ ескерту жариялады

<a href="https://kyzylorda-news.kz/">Kyzylorda-news.kz</a> 14 наурыздан бастап&nbsp;Алматыда&nbsp;"Алматы жастары" ипотекалық бағдарламасына өтініш беру басталады. Өтініш беру 26 наурызға дейін жалғасады. Бұл туралы&nbsp;<a href="https://stan.kz/4-zhilda-364-min-gana-tolegen-belgili-zanger-abay-begeydin-403205/">Stan.kz</a>&nbsp;ақпарат агенттігі хабарлайды.&nbsp;“Алматы жастары” бағдарламасына 35 жасқа дейінгі қала жастары қатыса алады.&nbsp;Бағдарламаға қатысуға өтінішті&nbsp;<a href="https://www.almaty-zhastary2025.kz/">www.almaty-zhastary2025.kz</a>&nbsp;ресми сайты арқылы беруге болады. Авторизация электронды&nbsp;цифрлық қолтаңба (ЭЦҚ) арқылы жүзеге асырылады. Бағдарлама аясындағы несиелендіру шарттары:<ul><li>Ең жоғарғы несие сомасы – 20 миллион теңгеге дейін;</li><li>Пайыздық мөлшерлеме – 5%;</li><li>Бастапқы жарна – 10%;</li><li>Бастапқы және қайталама тұрғын үйді сатып алу мүмкіндігі;</li><li>Бағдарлама бойынша қамту – кемінде 2550 адам, оның ішінде 1050 "Жұмыс істейтін жастар" бағдарламасының жалға алушылары.</li></ul>Бағдарламаға қатысу үшін негізгі талаптар:<ol><li>Өтініш беруші мен оның жұбайының (зайыбының) өтініш беру кезіндегі Алматы қаласында тұрақты тіркеуі болуы керек;</li><li>Өтініш берушінің жасы өтініш беру сәтінде 35 жастан аспауға&nbsp;тиіс (жұбайының жасына қарамастан). Бағдарламаға негізгі қатысушы ретінде ерлі-зайыптының біреуі ғана қатыса алады (бар болса);</li><li>Өтініш беруші мен оның отбасы мүшелерінің меншігінде тұрғын үй болмауға тиіс, сондай-ақ Қазақстан Республикасының аумағында кейінгі&nbsp;5 жылда&nbsp;тұрғын үй жағдайын әдейі нашарлату фактілері болмауы керек;</li><li>Өтініш беруші кейінгі&nbsp;6 (алты) айда Алматы қаласында ресми түрде жұмыс істеген болуы керек және міндетті зейнетақы жарналары төленуі қажет.</li></ol>Қатысушы таңдаған келесі салалардың бірінде еңбек өтілі болуы керек: денсаулық сақтау, білім беру, мәдениет, спорт, жоғары оқу орындары мен ғылыми-зерттеу институттары, журналистика, әлеуметтік сала, құқық қорғау органдары, қалалық коммуналдық қызметтер."Жұмыс істейтін жастар" бағдарламасының&nbsp;жалға алушылары үшін жас шектеулері, тұрғылықты тіркеу талабы және ресми еңбек өтіліне қойылатын талаптар қолданылмайды.Фото: Ru.freepik.com

"Алматы жастары" бағдарламасына құжат қабылдау 14 наурызда басталады

<a href="https://kyzylorda-news.kz/">Kyzylorda-news.kz</a> Отандық әуе компаниялар жолаушылардың сұранысын қанағаттандыру үшін Наурыз айындағы мереке күндері әуе рейстерінің санын едәуір<a href="https://kaz.inform.kz/news/nauriz-ayindagi-merekelerge-oray-kosimsha-aue-reyster-ske-kosiladi-1399f3/"> ұлғайтады</a>.Мәселен, 2025 жылғы 16-30 наурыз аралығында қосымша 120 әуе рейсі іске қосылады. Олардың қатарында:<ul><li>«Air Astana» әуе компаниясы қосымша 55 рейс орындайды.</li></ul>Iшкі бағыттар бойынша:<ul><li>Астана – Алматы + 8 рейс;</li><li>Атырау – Астана + 6 рейс;</li><li>Атырау – Алматы + 3 рейс;</li><li>Алматы – Шымкент +2 рейс;</li><li>Алматы – Қызылорда + 2 рейс;</li><li>Алматы – Ақтау + 1 рейс;</li><li>Алматы – Ақтөбе + 1 рейс;</li><li>Алматы – Өскемен + 1 рейс;</li><li>Астана – Ақтөбе + 1 рейс;</li><li>Астана – Орал + 1 рейс;</li><li>Астана – Қостанай + 1 рейс;</li></ul>Халықаралық бағыттар бойынша:<ul><li>Алматы – Сеул + 4 рейс;</li><li>Алматы – Ыстанбұл + 4 рейс;</li><li>Астана – Ыстанбұл + 4 рейс;</li><li>Алматы – Мале + 4 рейс;</li><li>Алматы – Бейжің + 2 рейс;</li><li>Астана – Сеул + 2 рейс;</li><li>Алматы – Тбилиси + 1 рейс;</li><li>Астана – Пхукет + 1 рейс;</li><li>Астана – Фукуок + 1 рейс;</li><li>Алматы – Лондон + 1 рейс;</li><li>Алматы – Душанбе + 1 рейс;-Алматы – Баку + 1 рейс;</li><li>Алматы – Камрань + 1 рейс;</li><li>Алматы – Гуанчжоу + 1 рейс.</li></ul>Сонымен қатар, биылғы жылдың 30 наурызынан бастап Алматы – Нячанг (аптасына 4 рейс), 31 наурыздан бастап Астана – Нячанг (аптасына 3 рейс), 30 наурыздан бастап Алматы – Гуанчжоу (аптасына 3 рейс) бағыттарында әуе қатынасы ашылады. Ал 20 сәуірден бастап Алматы-Мумбай бағыты бойынша рейстер қайта ашылады (аптасына 3 рейс). Бұдан бөлек 28 мамырдан бастап Атырау – Тбилиси (аптасына 3 рейс), 1 маусымнан бастап Астана – Франкфурт (аптасына 3 рейс) жаңа әуе бағыттары ашылады.<ul><li>«FlyArystan» әуе компаниясы 33 рейсті іске қосады:</li><li>Астана – Алматы + 11 рейс;</li><li>Астана – Орал +4 рейс;</li><li>Алматы – Шымкент + 3 рейс;</li><li>Алматы – Қарағанды +2 рейс;</li><li>Алматы – Қызылорда +2 рейс;</li><li>Астана – Шымкент +2 рейс;</li><li>Астана – Түркістан +2 рейс;</li><li>Алматы – Қостанай +1 рейс;</li><li>Алматы – Семей + 1 рейс;</li><li>Алматы – Павлодар +1 рейс;</li><li>Алматы – Орал +1 рейс;</li><li>Астана – Қызылорда +1 рейс;</li><li>Астана – Ақтау +1 рейс;</li><li>Астана – Өскемен +1 рейс;</li></ul>Сонымен қатар, биылғы жылдың 4 маусымынан бастап Қарағанды-Ыстанбұл бағыты бойынша рейстер ашылады (аптасына 2 рейс);<ul><li>«SCAT» әуе компаниясы 32 рейс қосады:</li><li>Астана – Алматы + 16 рейс;</li><li>Астана – Шымкент + 8 рейс;</li><li>Алматы – Шымкент + 8 рейс;</li></ul>Сондай – ақ, Шымкент – Каир (29 мамырдан бастап, аптасына 2 рейс), Шымкент – Сиань (28 мамырдан бастап, аптасына 2 рейс), Шымкент-Будапешт (27 мамырдан бастап, аптасына 2 рейс) бағыттары бойынша рейстер ашылады;<ul><li>«Qazaq Air» әуекомпаниясы 1 мамырдан бастап Астана – Самарқанд бағыты бойынша рейстерді іске қосады (аптасына 2 рейс). Сондай-ақ, әуе компания Астана – Алматы, Астана – Шымкент, Астана – Түркістан ішкі бағыттары бойынша мереке алды және мереке күндері рейстер санын ұлғайту мәселесін қосымша пысықтауда.</li></ul>Әуе билеттерін тасымалдаушылардың ресми сайттарынан сатып алуға болады.Ішкі және халықаралық бағыттар бойынша билет құны өспейді, билет бағасы қалыпты деңгейде қала бермек. Әуе билеттерінің құны нарықтық факторларға байланысты өзгеруі мүмкін (билетті ұшу күніне тақап алу және т.б.).Әуе компаниялары техникалық мүмкіндігіне орай мереке күндері рейстерді ұлғайту бойынша жұмысты әлі де жалғастырады.Әуе рейстерінің кешігуін азайту үшін жаңа ұшақтар алынатынын хабарлаған едік.&nbsp;Фото: Нұрболат Нұржаубай

Наурыз айындағы мерекелерге орай қосымша әуе рейстері іске қосылады

<a href="https://kyzylorda-news.kz/">Kyzylorda-news.kz</a> Қызылорда облысындағы алкогольден бас тартқан елді мекендерде қылмыс та тоқтаған. Соның бірі – Өзгент ауылы. Бұл ауылдық округте ішімдік сатылмағалы 10 жылға жуықтапты, деп хабарлайды<a href="https://baq.kz/qyzylorda-oblysyndagy-18-auylda-ishimdik-satylmaydy-200009282/"> BAQ.KZ</a> "Хабар" телеарнасына сілтеме жасап.Зияда Ядыгарованың дүкен ашқанына 20 жыл болған. Кейінгі 10 жыл көлемінде ауыл ақсақалдарының ұсынысы бойынша ішімдік сатуды тоқтатқан.<blockquote>Бұл бастамадан кейін табысым азайып қалған жоқ. Керісінше кәсібім өрге басып, шағын дүкенім кеңейді, - дейді ол.</blockquote>Өзгент ауылының негізгі тіршілік көзі - егін және мал шаруашылығы. Сондықтан мұндағы дүкендерде арақ-шарап емес, ағарған көбірек сатылады. Жалпы ішімдік сатуды мұндағы дүкендердің барлығы осыдан 10 жыл бұрын тоқтатқан. Содан бері бұл елді мекен аудандағы ең үздік ауылдардың қатарына еніп отыр.1800-ден аса тұрғыны бар ауылдың көшелеріне түгел жол төселген. Екі жыл бұрын жаңа мәдениет үйі пайдалануға берілген. Спорттық ойын алаңдары да жеткілікті.<blockquote>Ауылдық округтен кейінгі 5 жыл көлемінде қылмыс тіркелмеген. Мал ұрлығы және басқа да бөтеннің мүлкін ұрлау бойынша қылмыс та тіркелмеді, - деді учаскелік полиция инспекторы Сүйіндік Асылбаев.</blockquote>Облыстық прокуратураның мәліметі бойынша 49 ауылдық округте кейінгі екі жыл бойы қылмыс тіркелмеген. Ал 18 елді мекендегі дүкендер алкогольдік сусын сатудан біржола бас тартқан.Фото: freepik.com

Қызылорда облысындағы 18 ауылда ішімдік сатылмайды

<a href="https://kyzylorda-news.kz/">Kyzylorda-news.kz</a> Қаладағы стратегиялық нысанның бірі – Тасбөгет кентіндегі Бас су алу кешені. Көпшілік біле қоймас, осы жерден халыққа сапалы ауыз су жеткізіледі. Мекеменің мамандары жауапкершілігі зор жұмысты аянбай атқарып келеді. Олардың әрине, еңбегі құрметке әбден лайық.8 наурыз – Халықаралық әйелдер мерекесінде аймақ басшысының тапсырмасына сәйкес, Қызылорда қаласының әкімі Нұржан Ахатов &nbsp;«Қызылорда Су Жүйесі» мекемесінің Бас су кешеніне барып, жаңадан орнатылған электролиздік залалсыздандыру қондырғысының жұмысымен танысты.Су қауіпсіздігін қамтамасыз ету және қауіпті реагенттерді қауіпсіз баламаларға алмастыру мақсатында іске асырылған бұл жоба аймақтың экологиялық тұрақтылығы мен тұрғындардың таза ауыз суға қолжетімділігін арттыруға бағытталған маңызды қадам. Жобаға 2022 жылы облыс әкімінің қолдауымен &nbsp;тиісті қаражаттар бөлініп, осы жылдың қаңтар айында толықтай іске қосылды. Қазір қондырғы арқылы тәулігіне 180 кг натрий гипохлориттен белсенді хлор баламасы өндірілуде. Ең бастысы - тұтынушы тоқтаусыз сапалы ауыз сумен қамтамасыз етілуде.Қала әкімі алдағы уақытта мекеме жұмысын жүйелі жолға қою үшін кешенді жоспарлар құру қажет деді. Өйткені жыл санап шаһарға қоныстанушылар саны артып, ауыз су тұтыну көлемі ұлғаюда. Бұл өзекті мәселе. Нұржан Сәбитұлы «Қызылорда Су Жүйесі» мекемесінің директорына аталған бағыт бойынша нәтижелі іс жүргізуді тапсырды.&nbsp;Мұнан кейін қала әкімі мекемеде ер-азаматтармен иық тіресе еңбек етіп жүрген нәзік жандыларды аймақ басшысының атынан мерейлі мерекелерімен құттықтап, облыс әкімінің «Алғыс хатын» табыстады. Арнайы сертификаттар және гүл шоқтарын ұсынып, ізгі тілегін жеткізді. Өз кезегінде мамандар көрсетілген құрмет пен ілтипатқа алғыстарын білдірді.Фото: Қала әкімдігі

Мерейлі мерекедегі марапат

<a href="https://kyzylorda-news.kz/">Kyzylorda-news.kz</a> 8 наурыз - Халықаралық əйелдер күні мерекесінде Арал ауданында 6 сəби дүние есігін ашты. Осыған орай, Арал ауданы әкімінің орынбасары Н.Бохаев және Арал қаласының әкімі Б.Ұзақов аудандық перзентханаға барып, жаңа туған сәбилердің аналарын мерекемен құттықтады.Мерекеде қуанышқа кенелген жас аналарға аудан әкімінің құттықтауы мен сый-сияпат табыс етті. Сонымен бірге, дүниеге есігін ашқан 3 ұл және 3 қыз баланың денсаулығы мықты боп, еліміздің мақтанышы боп өсуіне тілектестіктерін білдірді.Өз кезегінде жаңа босанған аналар да көрсетілген құрметке ризашылықтарын жеткізді.Фото: Арал ауданының әкімдігі

Арал: Мерекеде 6 сәби өмірге келді

<a href="https://kyzylorda-news.kz/">Kyzylorda-news.kz</a> Қазгидромет мекемесінің синоптиктері 10 наурызға арналған ауа райы болжамын жариялады, деп хабарлайды BAQ.KZ.Қызылорда қаласында аз бұлтты, жауын-шашынсыз, кей уақытта тұман, жел 7-12 м/с. Ауа температурасы түнде +2...+4°C, күндіз +7…+9°C.Фото: pixabay

Қазақстан және Қызылорда облысының жаңалықтары