<a href="https://kyzylorda-news.kz/">Kyzylorda-news.kz</a> Бұл туралы эндокринолог маман айтып берді.Егер сау болғыңыз келсе және ерте қартайғыңыз келмесе, ұйқыға өмірлік маңызы бар нәрсе ретінде қарау керек, – деп хабарлайды <a href="https://aikyn.kz/">Aikyn.kz</a> Massaget.kz-ке сілтеме жасап.Заманауи адамдар түрлі жағдай үшін ұйқысын жиі қияды. Мысалы, емтиханға дайындалу үшін түнде ұйықтамайды, жұмыстағы жобасын аяқтау үшін таңға дейін отырады немесе сүйікті сериалын аяқтаймын деп түні бойы ұйықтамайды.Алайда дәрігерлер ұйқының маңызы жайлы айтудан жалықпайды. Егер адам ұзақ уақыт бойы дұрыс ұйықтамаса, оның салдары ұзақ күттірмейді. Осы ретте эндокринолог Зухра Павлова өзінің Telegram каналында дұрыс ұйықтамаудың зияны туралы айтты.Эндокринолог Nature журналында жарияланған зерттеу жөнінде айтып берді. Зерттеу авторлары 7 мың ересек адамның ұйқы сапасының мәліметтеріне анализ жасаған. Олардың ұйқы сапасын бағалауға арнайы ақылды білезіктер көмектескен. Зерттеуге қатысушылар бұл білезікті жарты жылдан кем емес уақыт тағып жүру керек болған. Зерттеу 4 жылға созылған. Нәтижесінде, ғалымдар адамның нашар ұйқысы мен түрлі аурудың дамуы арасындағы байланысты байқаған.&nbsp;Ғалымдардың айтуынша, тұрақсыз ұйқы депрессия, гипертония, семіздік және гиперлипидемияның пайда болу қаупін арттырған.Сондай-ақ авторлар ұйқы жетіспеушілігі мен артериялық гипертензия арасындағы байланысты да байқаған.Дәрігерлер бұған дейін де нашар ұйқы ерте қартаюға және артық салмаққа әкелетінін айтып жүрді.Егер күнде 23:00-ден кейін ұйықтасаңыз және қажетті 8 сағаттан өте көп немесе өте аз ұйықтасаңыз, денсаулыққа зиян келтіріп алуыңыз мүмкін. Ұйқысыздық адамның сырт келбетіне де жағымсыз әсер етеді.Ұйқыны қалай ретке келтіреміз?Дәрігерлер күнде бір уақытта ұйықтап, бір уақытта тұруға кеңес береді. Ұйқыны реттеу үшін таңертеңгі ритуалдардан бастаңыз: ең болмағанда 5-10 минут жаттығу жасаңыз, міндетті түрде пайдалы таңғы ас ішіңіз, мүмкіндік болса, таңертең жаяу жүріңіз.Сондай-ақ мына әрекеттерді әдетке айналдырған жөн:<ul><li>Сағат 14:00-ден кейін құрамында кофеині бар ештеңе ішпеңіз немесе жемеңіз;</li><li>Мүмкіндігінше жұмыстағы тапсырмаларды үйге апармаңыз, барлық шаруаны уақытында аяқтаңыз;</li><li>Ұйықтарға 3-4 сағат қалғанда кешкі асты ішіп алыңыз;</li><li>Ұйықтарға 2 сағат қалғанда белсенді жаттығулар жасамаңыз;</li><li>Ұйықтарға 1 сағат қалғанда гаджеттерді әрі ысырып қойыңыз.</li></ul>Фото: aikyn.kz

Ұйқы режимін ұстанбайтындар қандай ауруларға шалдығуы мүмкін?

<a href="https://kyzylorda-news.kz/">Kyzylorda-news.kz</a> Оқу жылы 2024 жылдың 1 қыркүйегінде басталып, 2025 жылдың 25 мамырында аяқталады.Биыл алғашқы қоңырау жексенбіге қарамастан 1 қыркүйекте өткізіледі, деп хабарлайды <a href="https://kyn.kz/36010/biyl-1-yrk-yek-zheksenbi-k-ni-tkiziledi">KYN.KZ</a> ақпарат агенттігі.Оқу-ағарту министрлігінің мәліметінше, 1 қыркүйек жексенбіге дәл келеді. Министр Ғани Бейсембаев алғашқы қоңырау күнін ауыстыра ма, жоқ па деген сұраққа жауап берді.«1 қыркүйек - дәстүрлі түрде оқушылар үшін айтулы күн. Сондықтан 1 қыркүйекте білім күніне арналған жиын өткізіледі», - деді министр.&nbsp;Оқу жылы 2024 жылдың 1 қыркүйегінде басталып, 2025 жылдың 25 мамырында аяқталады. Оқу тоқсандары мен демалыстардың ұзақтығы келесідей болады:<ul><li>I тоқсан: 8 оқу аптасы, күзгі демалыс – 7 күн (2024 жылғы 28 қазаннан 3 қарашаға дейін).</li><li>II тоқсан: 8 оқу аптасы, қысқы демалыс – 10 күн (2024 жылғы 30 желтоқсаннан 2025 жылғы 8 қаңтарға дейін).</li><li>III тоқсан: 10 оқу аптасы, көктемгі демалыс – 11 күн (2025 жылғы 21-31 наурыз).</li><li>IV тоқсан: 8 оқу аптасы. Бірінші сынып оқушылары үшін қосымша демалыс - 7 күн (2025 жылғы 10-16 ақпан).</li></ul>Сурет: kokoro.com.ua

Биыл 1 қыркүйек жексенбі күні өткізіледі

Олимпиада чемпионы болдым, енді осыдан кейін ешнәрсе жазбайтын шығар деп ойлап едімДзюдодан Париж Олимпиадасының чемпионы Елдос Сметов өзін сынағандарға жауап берді. Оның анасымен бірге жүргені жұртқа жақпай қалған еді, деп хабарлайды <a href="https://kyn.kz/36055/endi-men-alay-shy-ayyn-eldos-smetov-zin-syna-andar-a-zhauap-berdi">KYN.KZ </a>агенттігі.Бұл туралы спортшы Жамбыл облысының Өңірлік комуникациялары қызметіне берген сұхбатында айтты.«Әлеуметтік желіні қарамайын десем де, қарап қоямын. Қазір Олимпиада чемпионы болдым, енді осыдан кейін ешнәрсе жазбайтын шығар деп ойлап едім. Бірақ тоқтайтын емес, әлі де жазып жатыр. Менің жүріс-тұрысым, келіншегім алда келе жатыр ма, артта келе жатыр ма, жанында анасы келе жатыр ма, әлде басқасы. Енді мен қалай шығайын, не қалай шықпайын, ол менің қуанышым!» – дейді ол.Айта кетсек, көпшілікке Елдос Сметов елге келгеннен бері оның жанынан әйелі емес, анасының қолтықтап жүргені жақпай қалған болатын.Сурет: orda.kz

“Енді мен қалай шығайын”: Елдос Сметов өзін сынағандарға жауап берді

<h2>Сыбайлас жемқорлыққа қарсы қызмет 2024 жылдың алты айында жемқорлық бойынша&nbsp;алаяқтыққа қатысты 159 қылмыстық істі қарады. Нәтижесінде&nbsp;46 адам сотталды. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;</h2> <img class="image_resized" style="width:1200px;" src="https://stan.kz/download/uploads/2023/12/full_1703048809fb2714644019e51375cb6e3c9d91908c_webp.webp" alt="">Қылмыскерлер азаматтарды шенеуніктерге пара беруге итермелеп, сыйақы алу үшін түрлі қызметтер&nbsp;ұсынған."Батыс Қазақстан облысында қазақстандық азамат кәсіпкерден мемлекеттік органдармен мәселені оңай шешіп беретінін айтып, ақша бопсалаған. Ол алаяқтық жасап, облыстық әкімдік қызметкерлерін пара беруге итермеледі деген күдікке ілінді. Ол 50 миллион теңге төлеуді ұсынған. Облыстың тас жолдарына күрделі жөндеу жұмыстарын жүргізуге келісім-шарттың жалпы сомасының 30 пайызын алдын ала төлеу бойынша сот санкциясымен күдікті қамауға алынды", –&nbsp;делінген хабарламада.&nbsp;2024 жылы Алматының екі тұрғыны бас бостандығынан айырылды. Олар өздерін жоғары лауазымды шенеуніктердің және тәртіп сақшыларының көмекшілері ретінде таныстырып, қазақстандық тарапқа қылмыстық іс бойынша оң шешім шығаруға көмектесуді ұсынды. Алаяқтар тұрғындарға&nbsp;45 мың&nbsp;доллар&nbsp;шығын келтірген."Дәл сол азаматтар Біріккен Араб әмірліктерінен тауарларды кедендік рәсімдеуге көмектескені үшін 265 мың АҚШ долларын төлеген тағы бір жәбірленушінің ақшасын иемденді", – делінген хабарламада.&nbsp;Астанада департамент қызметкерлері алаяқтық жасап, жер қойнауын өндіруге келісім-шарт алғаны үшін мемлекеттік қызметкерлерге 250 мың доллар&nbsp;көлемінде пара берді деген күдікке ілінген елорда тұрғынын анықтады.Соттың санкциясымен ол қамауға алынды. Сотқа дейінгі тергеу жалғасып жатыр.

"Күрделі жол жөндеуге 50 миллион теңге". Шенеуніктерді пара беруге итермелеген қазақстандық қолға түсті

Бүгін Қызылорда өңірінің 3 ауданында 6 ауылдық округтің әкімі сайланады. Сайлау науқаны Қазалы ауданының Майдакөл және Сарбұлақ ауылдық округінде, Сырдария ауданының Қоғалыкөл және Жетікөл, Шиелі ауданының Иіркөл және Майлытоғай ауылдық округтерінде өткізілуде. 6 округте 6296 сайлаушы дауыс беруге құқылы.&nbsp; Әрбір сайлау науқанына ерекше белсенділікпен келетін ауыл ақсақалдары, бірліктің үлгісін көрсететін көше тұрғындары және жас сайлаушылар жексенбілік демалыста дауыс беру учаскелеріне келіп, таңдау жасауда.&nbsp; Сайлау күні дала академигі атанған даңғайыр диқан Ыбырай Жақаевтың баласы зейнеткер Сейітбек Жақай 279 сайлау учаскесіне келіп, өз таңдауын жасады.&nbsp; - Қай істе болмасын бірлік керек. Ауылдың гүлденуі, халықтың бақуатты тіршілік етуі өзіміздің бірлігімізге байланысты. Ауылды азаматтар көтереді. Бүгін, міне, туған жеріміздің дамуына үлес қосатын ауыл әкімін сайлау үшін келдік. Елге жаны ашитын, халыққа қызмет ететін әкімді таңдаймыз. Бұл - үлкен жауапкершілік,-дейді қарт сайлаушы. &nbsp; Дауыс беру күні дүниеге келген азаматтар да қалыс қалмады. Сондай-ақ, шаруа қожалықтарының басшылары жұмысшыларымен бірге маңызды күнде дауыс беруге атсалысты. 6 округ бойынша 18 кандидат тіркеліп, сайлау бюлеттеніне енгізілді. Оның 3-і саяси партия атынан, 15-і өзін-өзі ұсыну тәртібімен сайлауға түсуде. Айта кету қажет, дауыс беру кешкі 20.00-ге дейін жалғасады.

Бүгін Қызылорда өңірінде 6 ауылдық округтің әкімі сайланады

Қазақстанда жоғары оқу орындарындағы білім беру қызметіне лицензия беру ережелері өзгерді

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау министрлігі соңғы уақытта қай салада жұмысшыларға сұраныс жоғары екенін айтты. Бұл туралы <a href="https://stan.kz/kazakstanda-kanday-mamandik-ielerine-zhymis-tabu-onay-e-404536/">Stan.kz </a>ақпарат агенттігі хабарлайды.&nbsp;Шілдеде мына мамандықтар ең көп сұранысқа ие болды:<ul><li>Автокөлік жүргізушілері (2 мың бос жұмыс орны және 2,3 мың түйіндеме);</li><li>Тәрбиешілер (2,1 мың түйіндеме және 1,9 мың бос орын);</li><li>Медбикелер (2 мың түйіндеме және 1,6 мың бос орын).</li></ul>Бір айда мына мамандықтарға сұраныс айтарлықтай өсті:<ul><li>Тігінші – 600 бос орын,</li><li>Математика мұғалімі – 320 бос орын</li><li>Тәрбиешінің көмекшісі – 300 бос орын.</li></ul>Шілдеде жұмыс берушілер ең жоғары жалақыны бас құрылысшыларға берген. Олар&nbsp;орта есеппен айына 731 мың теңгеден алды, ал бас агрономдарға 576 мың теңге&nbsp;және актуарийлерге 532 мың теңгеден бастап ақы ұсынды.Кеме капитанына орта есеппен 1,7 миллион&nbsp;теңгеден, МРТ дәрігеріне 1 миллион. теңге&nbsp;және коммерциялық кәсіпорындардың IT бөлімшелерінің басшылары 992 мың теңге жалақы күткен.Электрондық еңбек биржасының мәліметтері бойынша өткен аймен салыстырғанда жарияланған бос жұмыс орындарының саны 11%&nbsp;(10 мың орын),&nbsp;түйіндемелердің саны 49% (43,6 мың) артты. Сонымен қатар орташа білікті жұмысшыларға сұраныс артқан."Негізгі бос жұмыс орындарының жартысы, яғни 51,9 мың орын білім, денсаулық сақтау және басқа да қызмет түрлері салаларындағы кәсіпорындарда байқалды. Өткен аймен салыстырғанда орташа білікті жұмысшыларға сұраныс 14%&nbsp;өсті, 6,1 мың бос жұмыс орны пайда болды", –&nbsp;делінген еңбек министрлігінің хабарламасында.Жұмыс берушілер белсенділігінің динамикасы аймақтар бойынша әртүрлі. Мәселен, төрт облыста бос орын азайып, сұраныс азайған:<ul><li>Жамбыл облысында – 43%&nbsp;(2,9 мың орын қысқарды),</li><li>Алматы облысында – 27% (1,6 мың орын қысқарды),</li><li>Маңғыстау облысында – 1% (20 орын қысқарды),</li><li>Шымкентте – 9% (331орын қысқарды).</li></ul>Ал үш аймақта сұраныс артқан:<ul><li>Қарағанды ​​облысы (19% немесе 1,9 мың бос жұмыс орны),</li><li>Алматы қаласы (15% немесе 1,5 мың бос орын),</li><li>Павлодар облысы (14% немесе 1,4 мың бос жұмыс орны).</li></ul>"Шілдеде электрондық еңбек биржасында жұмыс берушілер де, жұмыс іздеушілер де белсенділік танытты. Әсіресе білім беру және денсаулық сақтау салаларында орташа білікті жұмысшыларға сұраныстың артуы еңбек нарығындағы сұраныстың өзгергенін&nbsp;көрсетеді", –&nbsp;деп түйіндеді еңбек министрлігі.

Қазақстанда қандай мамандық иелеріне жұмыс табу оңай – Еңбек министрлігі деректерді ұсынды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев құрылыс саласының ардагерлері мен қызметкерлерін арнайы қабылдап, кәсіби мерекемен құттықтады. Аудан әкімі Мемлекет басшысы Қасым-Жомарт Кемелұлы Тоқаевтың тапсырмасымен, аймақ басшысы Нұрлыбек Машбекұлы Нәлібаевтың қолдауымен облыста құрылыс саласында ауқымды жұмыстар атқарылып жатқанын атап көрсетті.<blockquote>– Бүгінде аймағымызда барлық салада қарқынды даму динамикасы қалыптасқан. Оның ішінде, құрылыс саласында ауқымды жұмыстар атқарылуда. Аймақта биыл құрылыс жұмыстарының көлемі 35,6 пайызға артты. Облыс орталығында «Өнер орталығы», жаңа автовокзал ғимарты және облыстық қан орталығы пайдалануға берілді. Құны 20,9 млрд. теңгені құрайтын Қорқыт ата әуежайының жаңа терминалының құрылысы аяқталуға жақын. Қазіргі таңда инфрақұрылымды дамыту және абаттандыру жұмыстары атқарылуда. «Жайлы мектеп» ұлттық жобасы аясында аймағымызда 21 мектептің, дарынды балаларға арналған физика-математика бағытындағы 300 орындық жатақханасы бар 400 орындық мектеп-интернатының құрылысы жүргізілуде. «ҚазГерМұнай» компаниясының демеушілігімен 350 орындық Оқушылар сарайы және «Саутс Ойл» компаниясының демеушілігімен облыс орталығында музыкалық колледждің жаңа ғимараты салынуда. Бұқаралық спортты дамыту мақсатында Қызылорда қаласының сол жағалауында 10 мың адамға арналған жаңа стадионының, үстел теннисі орталығы мен «Көпсалалы дене шынықтыру сауықтыру кешенінің құрылысы» жүргізілуде. «Ауылдық денсаулық сақтауды жаңғырту» ұлттық жобасы аясында облыста 27 нысан салынуда. Оның бірі Нағи Ілиясов ауылында бой көтерді. Құрылысшылардың еңбегі ел экономикасының дамуы үшін зор маңызға ие. Тұрғын үйлер, әлеуметтік, инженерлік және көлік инфрақұрылымы нысандарын салуда сала мамандары мен ардагерлердің еңбектері өлшеусіз. Сондықтан шынайы алғысымды білдіремін, – деді Берік Әбдіғаппарұлы.</blockquote>Аудан басшысы сала ардагерлері мен қызметкерлерін облыс және аудан әкімінің, облыстық құрылыс басқармасының Алғыс хатымен марапаттап, сый-құрмет көрсетті.Өз кезегінде сала ардагерлері Кожамұрат Сматұлы, Жамаладдин Есболғанов, Назтай Тлемесова, Құдайберген Шманов сөз сөйлеп, мерекелік лебіздерін жеткізіп, ризашылықтарын білдірді.Ауданда 2024 жылдың І жартыжылдығында құрылыс жұмыстары 8,5 млрд. теңгені құрап, 65,7 пайызға ұлғайды. Өткен жылы аудан орталығында халықтың әлеуметтік осал топтарына 80 пәтер берілсе, биыл 100 пәтерлі 50 үйді сатып алуға облыстық бюджеттен 1,4 млрд. теңге қаржы бөлінді. Ауданда аймақ басшысының қолдауымен салтанат сарайы, музей, архив, тәулік бойына жұмыс істейтін кітапханасы бар және жастар, ардагерлер мен аналар бас қосатын «Руханият» орталығының құрылысы жүргізілуде. Биыл аудан орталығында «Жайлы мектеп» ұлттық жобасы аясында 1 мектептің құрылысы басталады.Фото: Сырдария ауданының әкімдігі

Құрылысшыларға құрмет көрсетті

<a href="https://kyzylorda-news.kz/">Kyzylorda-news.kz</a> &nbsp;Шиелі аудандық прокуратурасында пробациялық бақылаудағы азаматтармен кездесу өткізілді. Кездесу барысында есептегі тұлғаларға пробациялық бақылаудың мақсаты, мерзімдері, құқықтары мен міндеттері, жауапкершіліктері, заңдарда көзделген жеңілдіктер, жазаны өтеуді қаскөйлікпен бұзу түрлері, Қылмыстық кодекске жаңадан енген (108-1, 109-1, 121-1-баптар) қылмыстық құқық бұзушылықтар және басқа да мағлұматтар назарларына ұсынылып, туындаған бірқатар сұрақтарға жауап берілді.Шара соңында бақылаудағы азаматтарға аудандық прокуратурамен дайындалған арнайы жадынама таратылып, онда жазаны өтеумен байланысты туындауы мүмкін сұрақтарға жауап жазылғаны атап көрсетілді. Шиелі аудандық пробация қызметінің бастығы әділет подполковнигі Қайрат Байкенжеевтің айтуынша қазіргі таңда проабция есебінде 70-ке жуық сотталған есепте тұр.Олармен тұрақты түрде профилактикалық жұмыстар жүргізіледі. Түсіндірме жұмыстарға қарамастан құқықбұзушылық жасағандар да кездеседі.Жыл басынан жаза өтеу дің міндеттерін орындамаған 3 азамат түзеу мекемесіне жіберілген,-дейді әділет подполковнигі Қайрат Байкенжеев.

Прокуратура пробация есебіндегі сотталғандармен кездесті

Демеу Жадраевқа&nbsp;"Жетісу облысының&nbsp;құрметті азаматы" төсбелгісі табысталды.Фото: KazinformПарижде күміс медель иеленген&nbsp;классикалық балуан Демеу Жадраевқа&nbsp;"Жетісу облысының&nbsp;құрметті азаматы" төсбелгісі табысталды, деп хабарлайды&nbsp;<a href="http://sn.kz/">Skifnews.kz</a>&nbsp;ақпарат порталы.&nbsp;Ал оның анасы Күлипа&nbsp;Бижановаға облыс әкімі Бейбіт Исабаев Жаркент қаласынан жаңа үйдің кілтін сыйға тартты.Сонымен қатар, әкімдік хабарламасында жазылғандай балуанның бірінші жаттықтырушысы Жұмахан Тұрғамбеков пен жеке жаттықтырушы Боранбек Қоңыратовқа ақшалай сыйлықтар табысталған.

Демеу Жадыраевтың анасына жаңа үйдің кілті табысталды

<h2>Петропавлда ақыл-есі кем адамды аяусыз қорлаған үш жас жігіт сотталды. Бұл туралы <a href="https://stan.kz/">Stan.kz</a> ақпарат агенттігі хабарлайды.</h2> Істі Петропавл қалалық соты қарады. Айыпталушының ең кішісі 21 жаста, ең үлкені 23 жаста.Іс материалдарына сәйкес, биыл 6 ақпанда таңғы сағат 07.00-де мас күйде&nbsp;болған үш дос үйдің ауласында 41 жастағы мүгедек адамды көріп, оны ұра бастаған."Олар кезек-кезек өмірлік маңызды органдарға, М.-ның басы мен денесінің аймағына көптеген соққы жасады, содан кейін олар М.-ны шешіндіріп, қарға сүйреп, аяқ-қолдарын қысып, ұрып-соғып, қармен жауып, орнынан тұруына жол бермеді. Сотталушылар жәбірленушіге бас миының жабық жарақаты және бет сүйектерінің бірнеше сынуы түріндегі орташа ауырлықтағы дене жарақаттарын - көз алмасының бұлшық еті шығыңқы орбитаның ішкі бүйір қабырғасын, орын ауыстыруы бар мұрын сүйегін, Орбита қабырғасын, жақ сүйегінің қабырғаларын келтірді", - делінген сот үкімінде.Үйдің ауласында қар үстінде жатқан жәбірленушіні&nbsp;өтіп бара жатқан әйел тапқан. Сонымен қатар, сотталушылардың бірі ұрып-соққаннан кейін жәбірленушіден ескі, арзан телефонын ұрлап кеткен.Ал басқа сотталушы барлық қорлықты ұялы телефонына видеоға түсірген. Сотта осы жазба, сондай-ақ көршісінің терезеден түсірген видеосы дәлел болды. Сотталушылар бұл әрекетті мойындады. Алайда, олар ер адамды есірткі жеткізуші деп қателескендерін айтты, сондықтан олар оны өз бетінше жазалауға шешім қабылдаған."Сотталушы К. ауладаның кіреберісінде қардан бірдеңе іздеп жүрген адамды кездестіргенін көрсетті. Олар ер адам есірткі заттарын тығып жүр деп ойлап, оған жақындады, содан кейін олардың арасында кикілжің басталды", - делінген үкімде.Сотта жәбірленушінің анасы ұлының психикалық аурумен ауыратынын, мүгедектіктің екінші тобы бар екенін айтты."Ұлым өте мейірімді және сенгіш адам, бірақ ауруына байланысты ол не болып жатқанын толық түсінбейді. Ол күн сайын таңертең серуендеуге баратын. Сотталушылар оны кездестіріп, себепсіз қатты ұрды. Олар науқас адамды мазақ етіп, саусақтарын сындыруға тырысты. Тыр жалағаш шешндіріп, қарға үстінде қалдырды. Осыдан кейін ұлымның денсаулығы қатты нашарлады. Ол адамдардан қорқады және үнемі бас ауруына шағымданады", - деді әйел.Сотталушыларға денсаулыққа қасақана орташа зиян келтіруден басқа, колледждердің бірінің таныс 18 жастағы студентінен ақша бопсалады деп айыпталды. Жігіт әлеуметтік желілерде ауқатты өмірін көрсетіп, өзіне сотталушылардың назарын аударған көрінеді.Соттың мәліметінше, сотталушылар жігітті қамауда ұстап, мобильді қосымшалар арқылы қарыздар мен несиелерді рәсімдеуге мәжбүр болған. Бір эпизодта, тұрғылықты жері бойынша студент емес, жастар оның жалдамалы пәтеріне кіріп, онда гаджеттерді зарядтау үшін 70 мың теңге мен сыртқы аккумуляторды ұрлап кеткен. Студенттің жалпы шығыны 400 мың теңгеден асты.Үкімде соттың пікірінше, сотталушылар өздеріне тағылған айыптарға, әсіресе мүгедектігі бар адамға дене жарақатын келтіруге немқұрайлы қарады, бұл олардың өз ісіне өкінбейтінін көрсетті. Олардың сот процесінде жәбірленушінің анасына деген көзқарасынан менсінбеушілік көрінді. Сот процесінде әйел сотталушылар оған және оның ұлына күліп қарап отырғанын және ол олардан жасаған ісіне шынайы өкінбейтінін сезгенін айтты.Сондықтан сот сотталушыларды түзетуге олар нақты бас бостандығынан айыру түріндегі ең қатаң жазаны тағайындаған кезде ғана қол жеткізуге болады деп есептеді."Сот үкім шығарды: қылмыстық құқықбұзушылықтардың жиынтығы бойынша К. қылмыстық-атқару орташа қауіпсіздік мекемесінде жазасын өтеуі үшін 8 жыл бас бостандығынан айыру, Ч. орташа қауіпсіздік қылмыстық-атқару жүйесі мекемесінде жазасын өтеуі үшін 6 жыл бас бостандығынан айыру, Ф. - өтеумен екі жыл бас бостандығынан айыру түріндегі жазаны түпкілікті тағайындау ең жоғары қауіпсіздік қылмыстық-атқару жүйесін құрудағы жазалар", - деп үкім шығарды судья Михаил Гусев.Бұдан басқа, сот жәбірленушінің анасының талап-арызын толық көлемде қанағаттандырды және сотталушылардан 2 миллион теңге мөлшерінде моральдық зиянның өтемақысын ортақ тәртіппен өндіріп алды."Сот отырысы барысында сотталушылар М.-ны қорлап, оны видеоға түсіргені анықталды. Яғни, олар оны әдейі мүгедек адам ретінде азаптаған. Олар оны тыр жалаңаш шешіндіріп, 40 минут бойы ұрып-соғып, оны қарға құлатып, оның орнынан тұруына жол бермеді. М. өзін-өзі құтқару үшін шара қолдана алмады, әлсіреді, ал сотталушылар оны көшеде тастап кетті. Мұның салдары қайғылы болуы мүмкін еді, жағдайға бей-жай қарамайтын азаматтардың араласуының арқасында ол аман қалды", - деп қорытындылады судья.Үкім заңды күшіне енген жоқ. Сотталушылар апелляциялық шағым түсірді.

Шешіндіріп, қар үстінде сүйреген: Мүгедекті бар адамды қорлаған үш қазақстандыққа сот үкімі шықты

<a href="https://kyzylorda-news.kz/">Kyzylorda-news.kz</a> &nbsp; Қызылорда қаласындағы "Абай аллеясында" Абай күніне орай «Мақсұтым – тіл ұстартып, өнер шашпақ...» атты облыстық байқаудың жеңімпаздарын марапаттауға арналған іс-шара өтті.Облыс әкімінің орынбасары Шахмардан Байманов қатысушыларды атаулы күнмен құттықтады.«Біз Абай шығармаларынан елдің алға жылжуына, өсіп-өркендеуіне шын тілеулес болуды үйрендік. Өркендеудің негізі білім мен ғылымда екені анық. Абай қазақтың дамылсыз оқып-үйренгенін қалады.Бұл тұжырымдар қазір де өзекті. Тіпті бұрынғыдан да зор маңызға ие. Себебі, ХХІ ғасырдағы ғылымның мақсаты - биікке ұмтылу, алысқа құлаш сермеу. Ал, біздің міндетіміз – осы ілгері көшке ілесіп қана қоймай, алдыңғы қатарда болу» - деді Шахмардан Асқарұлы.Бұл байқауға Қызылорда қаласы мен аудандардан көркемсөз оқу және ән айту шеберлігін қатар меңгерген 16-35 жас аралығындағы талапкерлер қатысқан.Олар Абай шығармаларын мәнерлеп жатқа оқу, «Абай жолы» романынан үзіндіні көркем шеберлікпен жатқа айту, Абай әндерін орындау бойынша сынға түскен болатын.Байқау жүлдегерлеріне арнайы Алғыс хат, бағалы сыйлықтар табысталды.Айта кету керек, аймақта Абай күнін атап өтудің өңірлік іс-шаралар жоспары әзірленіп, 10-20 тамыз аралығында 200-ден астам танымдық шара ұйымдастырылады.Фото: Облыс әкімдігінің баспасөз қызметі

Қазақстан және Қызылорда облысының жаңалықтары