<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында жол апатының алдын алу мақсатында 9-11 ақпан аралығында «Қауіпсіз жол» профилактикалық іс-шарасы жүргізілуде.
Іс-шараның негізгі бағыты – жол инфрақұрылымына тексеру жүргізіп, көлік жүргізушілерімен профилактикалық жұмыстар атқару болып табылады. Бұл туралы Өңірлік коммуникациялар қызметінде өткен брифингте Облыстық полиция департаменті, жергілікті полиция қызметі басқармасы бастығының орынбасары Марат Рахметов хабарлады.
<blockquote>
 «Жыл басынан 34 жол көлік оқиғалары тіркеліп, 20 адам көз жұмды. Ал 48 азамат түрлі дене жарақаттарын алды. Жол көлік оқиғаларының негізгі себептері – жүргізушілердің жылдамдықты шамадан тыс асыруы мен қысқы мезгілде жол жағдайына аса мән бермеу салдарынан орын алуда. Жыл басталғалы жол тәртібін бұзған 5 982 жағдай анықталды. Оның үш мыңға жуығы жол көлік оқиғасына тікелей байланысты. Атап айтқанда, көлікті мас күйінде жүргізген – 104, жаяу жүргіншіге жол бермеген – 120, жылдамдықты шектен тыс асырған – 2084 дерек тіркелді. Анықталған деректер бойынша құқықтық шара қолданылуда», – деді Марат Рахметов.
</blockquote>

Марат Рахметов: Жыл басынан бері 34 жол көлік оқиғасы тіркелді

<a href="https://kyzylorda-news.kz/">Kyzylorda-news.kz.</a> Сыр өңіріндегі бренд тауарлардың бірі – балық өнімдері. Облыста 9 балық өңдеу зауыты жұмыс жасап, балықтың 14 түрі экспортталады. Оның 4-уінде «Еврокод» Еуропалық сапа стандартына растайтын белгісі бар. &nbsp;
Ішкі және сыртқы нарыққа шығатын балық өндірісін әрі қарай жетілдіру үшін аймақта балық шаруашалығын дамытудың 2030 жылға дейін бағдарламасы әзірленді.
Осы орайда бүгін облыс әкімі Гүлшара Әбдіқалықова ҚР Экология, геология және табиғи ресурстар министрлігінің Балық шаруашылығы комитетінің төрағасы Нариман Жүнісовпен кездесті.
Басқосуға әкім орынбасары, аппарат басшысы және жауапты сала мамандары қатысты.
Аймақ басшысы балық шаруашылығы облыс экономикасының негізгі салаларының бірі екенін айтып, мұндағы бірқатар мәселелерді тізбектеді.
<blockquote>
 «Соңғы жылдары Сырдария өзенінің төменгі ағысында қалыптасқан су тапшылығы балық шаруашылығын дамытуға кері әсерін тигізуде. Бүгінгі күні 207 көлдің орташа толуы 51 пайыз шамасында болса, 126 көлге мүлдем су түспеуде, 17 көл толық тартылған. Егер, көлдерге қосымша су түспесе, 126&nbsp; көлдің де күзге дейін құрғап қалу қауіпі бар. Кіші Арал теңізінің жағдайы күрделі, теңіз жағалауы өз жағасынан 15-20 метрге тартылған. Осы мәселе туралы Үкімет басшысына баяндадық, жақын арада көрші мемлекет Премьер-Министрларының қатысуымен арнайы жиын өткізілмек. Сондықтан қазіргі таңда бірігіп, жүйелі жұмыс істеуіміз керек», – деді облыс әкімі.
</blockquote>
Өз кезегінде Балық шаруашылығы комитетінің төрағасы Нариман Жүнісов аталған мәселе бойынша бірлескен жұмыстардың маңыздылығына тоқталды.
«Қазіргі таңда балық шаруашылығы саласын дамытудың 2030 жылға дейін бағдарламасы әзірленді. Былтыр Қызылорда облысы барлық индикаторларын орындады. Алдағы уақытта да бірлесіп жұмыс жасап, даму қарқынын бірге шешуіміз керек», – деді комитет төрағасы.
Айта кетейік, бүгінгі күні облыс аумағынан балықтың 18 түрі ауланады. 2020 жылы 4303 тонна балық өнімдері экспортталды. &nbsp;
2021 жылы 3911 тонна балық Ресей Федерациясы, Польша, Литва, Нидерланды, Грузия, Германия, Украина, Қырғызстан, Австрия, Әзірбайжан елдеріне экспортталды. Экспортталатын балықтардың негізгі түрлері тыран, торта, алабұға, шортан, көксерке. Сондай-ақ, өңделген өнімдер түрінде көксерке сүбесі, тыран қанаттары, балық фаршы, балық сүбесі, мұздатылған балық және балық ұны шетелге саудаланады.
<img src="https://kyzylorda-news.kz/wp-content/uploads/2022/02/whatsapp-image-2022-02-10-at-15.18.58.jpeg" alt="" />

Қызылордада балық шаруашылығын дамыту мәселелері талқыланды

<a href="https://kyzylorda-news.kz/">Kyzylorda-news.kz.</a> Қазіргі күні ұтымды идея табылса, қаржы өздігінен құйылатынына күмән жоқ. Алайда жақсы бастама болғанымен ХХІ ғасыр жаһандану заманында жаңаша технологиялар мен бағдарламаларды игеру және алғашқы қадамдарды жасау жеке тұлға үшін оңайға соқпасы анық. Осы орайда, 3 жылдан аса тәжірибесі бар, “Golden Qazaqstan” жастар қоғамдық бірлестігінің төрағасы Бақытбек Кенжебекұлы гранттық жобаларды жеңіп алу, жеке тұлғаның бағдарлама барысындағы алғашқы қадамдары және жоба жоспарын сауатты толтыру барысын ашып көрсетіп, өз тәжірибесімен бөлісті.
<blockquote>
 «Әр жобаның өзіндік ерекшеліктері бар, дегенмен өз қабілетін шыңдағысы келетін жастарға жан-жақты дамуы жолында, соның ішінде жоба жазу формуласын білгені жөн деп санаймын. Республика көлемінде гранттық жобаларға қатысушылар Қызылорда облысынан саусақпен санарлық. Осы жайтты ескере отырып, өңір жастарына жоба дайындауды, идеяны жетілдіруді және оны ұсынып, грант ұтып алудың жолдарымен бөліскенді құп көрдім», – дейді Бақытбек Кенжебек.
</blockquote>
Мәселен мемлекет қолдау ретінде өткен жылы ауылдық жерлердегі өмірді жақсартуға бағытталған азаматтық бастамаларды дамыту үшін бүкіл ел бойынша 60 шағын грант іске асырылған болатын. Ал осы бөлінген гранттардың бірін Қызылорда облысы, Жалағаш ауданы, М.Шәменов атындағы ауылының жастары Сәтбай Серәліұлы, Исатай Ербатыр, Нарбота Серәлі жеңіп алған болатын. Осылайша жастар бүгінгі күні ауыл тұрғындарын «Салауатты ауыл» атты жаңа спорт орталығымен қамтасыз етіп отыр.
Кездесу барысында гранттық жобалардың жоспарын түрлі, тиімді әдістері арқылы түсіндірген Бақытбек Кенжебек бөлінген гранттарды ел игіліне пайланатын жастардың саны артқанын қалайтынын жеткізді.
<blockquote>
 «Жалпы гранттық жобаларға өз ерік-жігерімен шынайы қатысып, грант иегері атанған жастарды мен бәсекелес деп айта алмаймын, себебі қазіргі қоғамдағы жастардың дамуы мен үшін үлкен мәртебе, ерекше қуаныш деп білемін», – деді Бақытбек Кенжебек.
</blockquote>
<img src="https://kyzylorda-news.kz/wp-content/uploads/2022/02/273711139_1182244969216827_1649756733060837529_n.jpg" alt="" />
<img src="https://kyzylorda-news.kz/wp-content/uploads/2022/02/273803660_1182245049216819_8115072041514322940_n.jpg" alt="" />

Гранттық жобаларды қалай ұтып алуға болады?

<a href="https://kyzylorda-news.kz/">Kyzylorda-news.kz.</a>&nbsp; Қазақстанның бас санитарлық дәрігері Айжан Есмағамбетова жаңа қаулыға қол қойды, деп хабарлайды Sputnik Қазақстан.
<blockquote>
 “Облыстар, Алматы, Нұр-Сұлтан пен Шымкент қалаларының әкімдері, Қазақстан Республикасының білім және ғылым министрлігі 2022 жылғы 14 ақпаннан бастап барлық меншік нысанындағы және водомстволық тиісті білім беру ұйымдарында штаттық форматта оқытуды қамтамасыз етсін”, – делінген құжатта.
</blockquote>
Алайда барлық жерде сақтық шаралары сақталуы шарт.
Сондай-ақ, Есмағамбетова санитариялық-эпидемияға қарсы іс-шараларды күшейту туралы бұрынғы қаулының күшін жойды. Бас санитар қаулысының толық мәтіні мына жерде жарияланған.
8 ақпанда Коронавирус инфекциясыың таралуына жол бермеу жөніндегі ведомствоаралық комиссияның отырысында мектептердің толық офлайн оқыту форматына көшуі туралы мәселе талқыланған болатын.

Оқушылар мен студенттердің оқу форматына қатысты жаңа қаулы шықты

<a href="https://kyzylorda-news.kz/">Kyzylorda-news.kz.</a> Байқоңыр қаласында 53 жастағы азамат Сырдария өзеніне суға батып кетті. Бұл туралы Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің баспасөз қызметі хабарлады.
Оқиға 9 ақпан сағат 18.30 шамасында орын алды. Байқоңыр қаласындағы «Маяк» спорт кешені тұсында 1968 жылы дүниеге келген азамат дарияға батып кеткен.
Байқоңыр қаласында тұрған азаматты іздестіру жүмыстарына 4 құтқарушы жұмылдырылды.
<blockquote>
 «Дарияға балық аулау мақсатында қайықпен 4 адам шыққан. Мұз жарылып, бір адам суға батып кетеді. Қасындағы адамдардың оны құтқаруға мүмкіндігі болмаған. Төтенше жағдайлар департаментіне бұл жөніндегі хабар 20.00 шамасында түскен. Қазір оқиға орнында 2 құтқарушы, 2 сүңгуірлер тобы бір қайықпен іздестіру жұмыстарын жүргізуде», – деді Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
</blockquote>

Байқоңырда 53 жастағы азамат дарияға батып кетті

<a href="https://kyzylorda-news.kz/">Kyzylorda-news.kz.</a>&nbsp; Қызылорда қалалық полиция басқармасының кезекші бөліміне алаяқтың құрбаны болған қала тұрғыны арызданды.
Оның айтуынша, белгісіз біреу «үлкен көлемде&nbsp; несие алып беремін» деп сеніміне кіріп, 600 мың&nbsp; теңге ақшасын жымқырған. Осы күнге дейін уәде етілген несиені де ақшаны да қайтармаған.
Алаяқты ұстау мақсатында полиция қызметкерлері барлық қажетті жедел-іздестіру іс-шараларын жүргізіп, нәтижесінде қала тұрғыны ұсталды.
<blockquote>
 «Қазіргі уақытта аталған дерек бойынша Қазақстан Республикасының Қылмыстық Кодексінің&nbsp; 190-бабының 1-бөлігі бойынша сотқа дейінгі тергеп-тексеру амалдары жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды», – делінген департаменттің баспасөз қызметінің хабарламасын.
</blockquote>

«Қайтарымсыз несие алып беремін»: Қызылордада алаяқ ұсталды

<a href="https://kyzylorda-news.kz/">Kyzylorda-news.kz.</a> Қызылордалық шахматшы қыз Әсел Серікбай Польшада өткен әлем біріншілігінде үздік өнер көрсетті.
Әлемнің мықты спортшылары бас қосқан байрақты бәсекеде жерлесіміз әйелдер арасында бесінші орыннан көрініп, үздіктер қатарына ілінді. Бұл қуанышты хабарды Өңірлік коммуникациялар қызметінде өткен баспасөз конференциясында шахматтан Қызылорда облысының аға жаттықтырушы Риза Қошқарова хабарлады. 
Әлемнің мықты шахматшылары жиналған Польша астанасына жаһанның 50 елінен 200-ге жуық спортшы қатысты. Жүлде қоры 1 миллион долларды құрайтын жарысқа әйелдер арасындағы бәсекеде сынға түскен 19 жастағы жерлесіміз Әсел Серікбай қоссайыстың қорытындысы бойынша бесінші орыннан көрініп, ел мерейін үстем етті.
<blockquote>
 «Жарыс жоғары деңгейде өтті. Александра Горячкино, Екатерина Логно сияқты әлемдегі мықты әйелдермен шахмат тақтасында кездестік. Бірін ұтсам, бірімен тең түстім. Мен үшін оларды жеңуден гөрі, тәжірибе жинақтағаным зор мақтаныш. Ең қиын ойын Александра Костенюкпен болды. Тең түстік», – деді Әсел Серікбай.
</blockquote>
Жалпы, бұл чемпионатта түрлі сенсациялар бойынша ойын өткізілді. Ерлер арасында бақ сынаған 15 жастағы өзбек спортшысы Нодирбек Абдусатторов, әлемнің 16 дүркін чемпионы Магнус Карлсенді жеңіп, есімін шахмат тарихына алтын әріппен жаздыртты. Сондай-ақ әйелдер арасында қазақстандық Бибісара Асаубаева да көпшілік назарында қалды. 17 жастағы тараздық шахматшы Нану Дзагниздеді тізе бүктіріп, жарыс жеңімпазы атанды.
Риза Қошқарованың айтуынша, шахмат тақтасының сиқыршыларымен бәсекеге бірге түсіп, тәжірибе жинақтаған Әсел, біз үшін әрдайым бірінші орында. Ол біздің мақтанышымыз. Алдағы уақытта бұданда жоғары нәтиже көрсетіп, биіктен көрінетініне сенім мол.

Қызылордалық Әсел Серікбай әлем біріншілігінде үздік бестік қатарында

<a href="https://kyzylorda-news.kz/">Kyzylorda-news.kz.</a> Қызылорда облысында «Бизнестің жол картасы – 2025» мемлекеттік бағдарламасы шеңберінде кәсіпкерлікке негізделген жобаларға қолдау көрсетіліп келеді. Қаржыландырылған жобалардың басым бөлігі көтерме және бөлшек сауда, қызмет көрсету, өңдеу өнеркәсібі, көлік және қоймалау, ауыл шаруашылығы және өзге де салаларға тиесілі. Бұл туралы Өңірлік коммуникациялар қызметінде өткен брфингте облыстық кәсіпкерлік және туризм басқармасының басшысы Фердоуси Қожабергенов мәлімдеді.
<blockquote>
 «Өткен жылы, «Бизнестің жол картасы 2025» мемлекеттік бағдарламасын іске асыру үшін 4 173,13 млн. теңге, оның ішінде субсидиялауға 2 372,25 млн. теңге бөлінді. Нәтижесінде, несие көлемі 30,9 млрд. теңге болатын 2048 жоба субсидияланып, 1 023 жобаға 6,1 млрд. теңгеге мемлекеттің кепілдігі ұсынылды. Айта кету қажет, өткен жылы субсидияланған жобалар саны жалпы 2010-2020 жылдар аралығындағы жобалардың жалпы санынан 27,5 пайызға артық болды», – деді басқарма басшысы Фердоуси Қожабергенов.
 «Дағдарысқа қарсы шараларға өзгерістер енгізу қатарында – «Бизнестің жол картасы – 2025» бизнесті қолдау мен дамытудың мемлекеттік бағдарламасының арнайы шарттары қарастырылған. Яғни, кәсіпкерлер үшін несие мөлшерлемесін – 6 пайызға, ал субсидиялауға жататын несиелер көлемі – 7 млрд.теңгеге ұлғайтуға және кәсіпкерлер бағдарламаға салалық шектеулерсіз қатысуға мүмкіндік алды. Субсидиялар инвестициялық жобалар 3 жылға, ал айналымдағы қаражатын толықтыруға бағытталған жобалар 2 жылға дейін төленеді», – деді «Даму кәсіпкерлікті дамыту қоры» АҚ Қызылорда облысының өңірлік филиалының директоры Жомарт Ермағанбет.
</blockquote>

«Бизнестің жол картасы &#8211; 2025»: Кәсіпкерлерге қолдау көп

<a href="https://kyzylorda-news.kz/">Kyzylorda-news.kz.</a>&nbsp; Биыл Қазалы ауданына қарасты Байқожа елді мекенінде спорт алаңы салынады. Қазіргі таңда бюджеттен қаржы бөлініп, құрылыс жұмыстарын бастау үшін мемлекеттік сатып алу конкурсы жүргізілуде.
500-ге жуық халқы бар елді мекеннен спорт алаңын салу жөнінде тұрғындар аудан әкімі Мұхтар Оразбаевпен өткен кездесуде айтқан болатын. Аудан басшысы байқожалықтардың ұсынысын қолдап, тиісті қаржыны аудандық бюджеттен бөлді.
Бұл жөнінде бүгін аудан әкімі Мұхтар Оразбаев Байқожа елді мекенінің тұрғындарымен өткен кездесуде айтып берді.
Бұдан бөлек аудан басшысы тұрғындармен кездесуде көтерілген орталық көшені асфальттау, ауылды сервистік ауыз су желісіне қосу, электр желілерін қалыпқа келтіру, трансформатор кондырғысын орнату бағытындағы жұмыстарды шешу үшін қыруар жұмыстар жүргізіліп жатқанын тілге тиек етті. Ал, ауылға аяқ су мәселесін шешу әзірге мүмкін болмайтынын түсіндірді.
Сондай-ақ, Байқожа су құбырын қайта жаңғырту жобасын дайындап, қаржыландырылуға ұсынылғанын да жеткізді. Бұл жоба қолдау табатын болса, Байқожа ауылының ауыз су мәселесі толық шешілетінін айтты.
Кездесуде Жаппарберген Қуатов елді мекенде күрес немесе бокстан спорт үйірмесі ашылса деген ұсынысын айтты. Ал, Сардарбек Шапихов айтылған мәселелерді жерге тастамай, халықтың ұсыныс-пікірін ескерген аудан басшыларына алғысын айтып, ризашылығын жеткізді.
Байқожа ауылының тұрғындарымен кездесуге аудандық мәслихат хатшысы Бақытжан Жарылқап, «Нұр Отан» партиясы аудандық филиалы төрағасының бірінші орынбасары Нұрғиса Жалғасбаев, аудандық құрылыс, сәулет және қала құрылысының басшысы Нұрбек Күзембаев, аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов, «ҚЭТТК» АҚ Қазалы аудандық электр торабының бастығы Ерболат Мұқаш, «Қазалы ауданының оқшау сумен жабдықтау жүйелерін пайдаланушы» өндірістік бөлімшесінің басшысы Талғат Алданазаров арнайы барып, қойылған ұсыныс-пікірлерге қатысты жауап берді.
<img src="https://kyzylorda-news.kz/wp-content/uploads/2022/02/00.jpg" alt="" />

Мұхтар Оразбаев Байқожа елді мекенінде спорт алаңы салынатынын айтты

<a href="https://kyzylorda-news.kz/">Kyzylorda-news.kz.</a> Қызылордалық кәсіпкер мемлекеттік сатып алуды жүзеге асыратын бюджеттік ұйымдарда келісу комиссиясы құрылмауы салдарынан зардап шегіп отыр.
Қызылордалық «КазГосПроект» ЖШС өткен жылдың желтоқсанында Ақтөбе облысы Байғанин аудандық сәулет, қала құрылысы және құрылыс бөлімінің жариялаған конкурсына қатысып, «Ойыл ауданы Ойыл ауылына жеткізуші магистральды газ құбырын көшіруге жобалау-сметалық құжаттаманы әзірлеу» жұмыстарын жеңіп алады. Жыл басында мемлекеттік сатып алу сайтында орын алған техникалық ақаулар салдарынан келісімшартқа дер кезінде қол қойылмай, кәсіпкер жосықсыз қатысушы ретінде тізілімге еніп кетеді. Салдарынан кәсіпкер 2 жылға дейін сатып алу процестеріне қатысу құқығынан айрылып отыр. Кәсіпкер кінәсіздігін тапсырыс беруші мекеменің жанынан құрылған келісу комиссиясында дәлелдей алады. Алайда мемлекеттік органда келісу комиссиясы әлі күнге құрылмаған. Осы жылдың 1 қаңтарында «Мемлекеттiк сатып алу туралы» Заңға енгізілген өзгерістер күшіне енді. Соған сәйкес мемлекеттік сатып алу заңнамаларын қолданатын бюджеттік ұйымдарда келісу комиссиясы жұмыс істеуі керек.
Келісу комиссиясы мемлекеттік сатып алу туралы шарт жасаудан бас тартқан кәсіпкердің өтінішін қарайды және мұндай әлеуетті өнім берушіні мемлекеттік сатып алуға жосықсыз қатысушылар тізілімінен алып тастау не алып тастаудан бас тарту туралы шешім қабылдайды.
<blockquote>
 «Сатып алу саласын реттейтін заңға сай, мемлекеттік сатып алуға жосықсыз қатысушы деп тану туралы шешіммен келіспеген жағдайда кәсіпкер өзіне мәлім болған күннен бастап он жұмыс күнінен кешіктірмей уәкілетті орган айқындаған тәртіппен келісу комиссиясына жүгінуге құқылы. Жыл басынан бізге бірнеше кәсіпкер хабарласып, осы проблеманы көтеріп отыр. Мемлекеттік мекемелерде әлі күнге келісу комиссиясы құрылмаған. Кәсіпкерлер мәселесімен сотқа да жүгіне алмайды. Себебі кәсіпкердің өтініші сотқа дейін келісу комиссиясында қаралу керек», – дейді Қызылорда облысы кәсіпкерлер палатасы директорының орынбасары Салават Құлмахан.
</blockquote>
Комиссияның құрылмау себебін Ақтөбе облысы Байғанин аудандық сәулет, қала құрылысы және құрылыс бөлімі басшысының міндетін атқарушы 8 ақпанда кәсіпкерге жазған хатында: «Заңның («Мемлекеттік сатып алу» Заңы) 2-бабының 21) тармақшасында мемлекеттік сатып алу саласындағы уәкілетті орган Қаржы министрлігі болып табылады. Алайда қазіргі таңда уәкілетті орган тарапынан келісу комиссиясының үлгілік ережесі мен жұмыс тәртібін бекіту туралы құқықтық акті ресми түрде жарияланбағандықтан Сіздің өтінішіңізді келісу комиссиясымен қарау мүмкін болмай отыр. Құқықтық актінің ресми түрде жариялануын күту қажет екенін қаперіңізге саламын», – деп көрсеткен.
<blockquote>
 «Бұл жерде мемлекеттік орган уәкілетті орган, яғни Қаржы министрлігінің әлі күнге ережені қабылдамағанын алға тартып отыр. Дегенмен мемлекеттік органдардың дер кезінде өздеріне жүктелген міндетті атқармауы салдарынан кәсіпкерлердің құқығы бұзылып тұр», – дейді Кәсіпкерлер палатасы директорының орынбасары.
</blockquote>
Қазір Палата заңгерлері бұл мәселе туралы «Атамекеннің» Орталық аппараты мен Қаржы министрлігіне құжат әзірлеп жатыр.

Қызылордалық кәсіпкердің жұмысына комиссияның құрылмауы кедергі келтірді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Гүлшара Әбдіқалықова қабылдау кезегінде тұрған тұрғындарды жеке мәселелері бойынша Zoom платформасы арқылы онлайн форматта қабылдады.
Аймақ басшысы кезек ретімен түрлі сауалдары бар 14 азаматтың мәселесін жеке-жеке қарады. Тұрғындар облыс әкіміне әлеуметтік жағдайлары бойынша, оның ішінде тұрғын үй-коммуналдық, жұмысқа орналасу, денсаулық сақтау, кәсіпкерлікке қолдау көрсету мәселесі және өзге де салаларға қатысты сауалдарын жеткізді.
Облыс әкімі қабылдауға келген азаматтардың мәселелерін тыңдап, әрбірін саралай келе сала басшыларына тапсырма беріп, заң аясында шешу жолдарын қарастыруды тапсырды.
Еске салайық, өткен жылы облыс әкімі 135 тұрғынды қабылдады. Оның ішінде тұрғындардан келген өтініш-шағымдардың басым бөлігі баспана алу, медициналық көмекке жүгіну, әлеуметтік, жұмыспен қамту, тұрғын үй-коммуналдық шаруашылығы мәселелері қаралды.
Айта кету керек, облыс әкімінің азаматтарды жеке онлайн қабылдауы бірнеше тәртіпте қаралады. Тұрғындардың арыз-шағымы:
1.egov арқылы
2.е-otinish бірыңғай базасы
3.suraqtar.kz порталы арқылы қабылданады. Өтініш иесі кезектілікке қойылады және реттілігі бойынша онлайн форматта шақырылады.
<img src="https://kyzylorda-news.kz/wp-content/uploads/2022/02/273031876_240674321587153_8453774368909527028_n.jpg" alt="" />
<img src="https://kyzylorda-news.kz/wp-content/uploads/2022/02/273580293_240674384920480_3554739326798242495_n.jpg" alt="" />

Гүлшара Әбдіқалықова тұрғындармен онлайн форматта кездесті

<a href="https://kyzylorda-news.kz/">Kyzylorda-news.kz.</a> Қазақстанда 9 334 адам коронавирус инфекциясынан жазылып шықты, деп хабарлайды <a href="https://www.coronavirus2020.kz/ru">coronavirus2020.kz</a>.
Нұр-Сұлтан қаласында – 211,
Алматы қаласында – 1 288,
Шымкент қаласында – 0,
Ақмола облысында – 907,
Ақтөбе облысында – 396,
Алматы облысында – 426,
Атырау облысында – 314,
Шығыс Қазақстан облысында – 429,
Жамбыл облысында – 71,
Батыс Қазақстан облысында – 228,
Қарағанды облысында – 2 827,
Қостанай облысында – 762,
Қызылорда облысында – 58,
Маңғыстау облысында – 179,
Павлодар облысында – 798,
Солтүстік Қазақстан облысында – 340,
Түркістан облысында – 100.
Елімізде барлығы 1 197 805 адам COVID-19-дан емделіп, сауығып шықты.

Қазақстан және Қызылорда облысының жаңалықтары

Марат Рахметов: Жыл басынан бері 34 жол көлік оқиғасы тіркелді

Қызылордада балық шаруашылығын дамыту мәселелері талқыланды

Гранттық жобаларды қалай ұтып алуға болады?

Оқушылар мен студенттердің оқу форматына қатысты жаңа қаулы шықты

Байқоңырда 53 жастағы азамат дарияға батып кетті

«Қайтарымсыз несие алып беремін»: Қызылордада алаяқ ұсталды

Қызылордалық Әсел Серікбай әлем біріншілігінде үздік бестік қатарында

«Бизнестің жол картасы – 2025»: Кәсіпкерлерге қолдау көп

Мұхтар Оразбаев Байқожа елді мекенінде спорт алаңы салынатынын айтты

Қызылордалық кәсіпкердің жұмысына комиссияның құрылмауы кедергі келтірді

Гүлшара Әбдіқалықова тұрғындармен онлайн форматта кездесті

Өткен тәулікте 58 қызылордалық коронавирустан жазылды

Қазақстан және Қызылорда облысының жаңалықтары

Марат Рахметов: Жыл басынан бері 34 жол көлік оқиғасы тіркелді

Қызылордада балық шаруашылығын дамыту мәселелері талқыланды

Гранттық жобаларды қалай ұтып алуға болады?

Оқушылар мен студенттердің оқу форматына қатысты жаңа қаулы шықты

Байқоңырда 53 жастағы азамат дарияға батып кетті

«Қайтарымсыз несие алып беремін»: Қызылордада алаяқ ұсталды

Қызылордалық Әсел Серікбай әлем біріншілігінде үздік бестік қатарында

«Бизнестің жол картасы &#8211; 2025»: Кәсіпкерлерге қолдау көп

Мұхтар Оразбаев Байқожа елді мекенінде спорт алаңы салынатынын айтты

Қызылордалық кәсіпкердің жұмысына комиссияның құрылмауы кедергі келтірді

Гүлшара Әбдіқалықова тұрғындармен онлайн форматта кездесті

Өткен тәулікте 58 қызылордалық коронавирустан жазылды

«Бизнестің жол картасы – 2025»: Кәсіпкерлерге қолдау көп