<a href="https://kyzylorda-news.kz/">Kyzylorda-news.kz.</a> Аймақта «Қаңтар оқиғасы» кезінде орын алған оқиғалар бойынша 72 қылмыстық іс тіркеліп, тергеу амалдары жүргізілуде. Бұл туралы бүгін Өңірлік коммуникациялар қызметінде өткен баспасөз конференциясында облыс прокурорының бірінші орынбасары Мақсат Қазиев мәлімдеді.
<blockquote>
 «Облыс бойынша 72 қылмыстық іс тіркелді. Оның ішінде терроризм актісі бойынша 5 іс, адам өлтіру фактісі бойынша 2 іс, жаппай тәртіпсіздік фактісі бойынша 1 іс, қаруларды жымқыру дерегімен 4 іс, билік өкіліне қатысты күш қолдану бойынша бойынша 4 іс, лауазымдық өкiлеттiктерді асыра пайдалану бойынша 2 іс және басқа фактілер бойынша 54 іс.
 Бүгінгі күні оқиға орнын қарап-тексеру барысында 100-ден астам бейнежазба, 83 дана қол-саусақ ізі, 73 дана гильза және басқа да заттай дәлелдемелер алынды. Ұсталғандардан 6 дана атыс қаруы мен 63 патрон тәркіленді. Тергеп-тексеру барысында 960 адам оның ішінде қылмыстық іс шеңберінде 351 адам полиция органдарына жеткізілді. Қылмыстық құқық бұзушылықтарға қатысы бар екендігі бұлтартпас айғақтармен бекітілген 103 адам күдікті ретінде танылды», – деді М.Қазиев.
</blockquote>
Айта кету керек, 103 күдіктінің 63-і соттың санкциясымен қамауға алынды. Қалғандарының денсаулық жағдайы мен отбасы жағдайы ескеріле отырып, 40 адамға қатысты бұлтартпау шаралары қолданылды. Прокуратураның бастамасымен 18 күдіктіге қатысты оның ішінде 1 ауыр науқас, 2 көп балалы ана бұлтартпау шарасы негізінде үй қамаққа ауыстырылды. 1 адам негізсіз ұсталуына байланысты уақытша ұстау изоляторынан босатылды. 
Сонымен қатар, осы жылдың 10-14 қаңтарында заңсыз акцияларға қатысқаны үшін 131 адам әкімшілік жауапкершілікке тартылды. Төтенше жағдай режимін бұзғаны үшін 252 адам ұсталды.

Жаппай тәртіпсіздік: Қызылордада 72 қылмыстық іс тіркелді

<a href="https://kyzylorda-news.kz/">Kyzylorda-news.kz.</a>&nbsp; Кеңес әскерлерінің Ауғанстаннан шығарылғанына 33 жыл толуына орай Қызылорда қаласы әскери-техникалық мектебінің курсанттары Ауған соғысы ардагерлеріне арнап мерекелік іс-шара ұйымдастырды.
«Ауғанстан – біздің есімізде» деп аталатын шараға әскери-техникалық мектебінің басшылығы мен ұжымы, «Ерлік» үйлестіру кеңесі» қоғамдық бірлестігінің төрағасы, Ауған соғысының ардагері Қайраддин Баймаханов пен әскери-техникалық мектептің бас механигі Ауған соғысының ардагері Станислав Ким қатысты.
Кездесу ауған соғысында қаза тапқан жауынгер қандастарымызды бір минуттық еске алумен басталды. Ардагерлерді мерекелерімен құттықтаған Әскери-техникалық мектеп директоры Рахметулла Мұхамбетоволарды арнайы дипломдармен марапаттап, сыйлықтар табыс етті.
Курсанттар жекпе-жек ұрысы бойынша шеберліктерін көрсетті. Ардагерлерге арнайы дайындаған сыйлықтарын тапсырды.
<blockquote>
 &nbsp;«Соғыстың аяқталғанына биыл 33 жыл. Біз осы соғыста қаза болған жауынгерлеріміз бен достарымызды жиі еске алып тұрамыз. Олардың жасаған ерліктері ешқашан ұмыт болмайды», – дейді ауған соғысының ардагері Қайраддин Баймаханов.
</blockquote>
<img src="https://kyzylorda-news.kz/wp-content/uploads/2022/02/10d6294a-183a-4294-8af2-b8721e0a7c47.jpg" alt="" />

Қайраддин Баймаханов: Достарымыз мәңгі жадымызда

<a href="https://kyzylorda-news.kz/">Kyzylorda-news.kz.</a> Былтыр 560 тұтынушының құқығы бұзылды. Бұл 2020 жылмен салыстырғанда 2,6 есеге артық. Аталған өтініштердің 72,1 пайызы бөлшек сауда саласына қатысты.
Бұл жөнінде Өңірлік коммуникациялар қызметінде өткен баспасөз конференциясында ҚР сауда және интеграция министрлігі тұтынушылардың құқықтарын қорғау комитетінің Қызылорда облысы бойынша департаментінің басшысы Ерқасым Сүлейменов мәлімдеді.
<blockquote>
 Тұтынушылардан келген 452 өтініш заңға сәйкес қаралып, 25 арыз мемлекеттік органдарға жолданды. Нәтижесінде 2,3 млн теңге көлеміндегі қаржы тұтынушыларға кері қайтарылды. Жалпы азаматтардан келетін өтініштердің басым көпшілігі бөлшек сауда мен тұрғын үй-коммуналдық шаруашылық қызметтері және электронды саудаға қатысты. 
 Сондай-ақ, 2021 жылы халықаралық тұтынушылардың құқықтарын қорғау күніне орай «Пластикалық ластанумен күресу» атты іс-шара өткізілді. Шара барысында сауда үйлерінде ақпараттық акциялар өткізіліп, тұрғындарды мазалаған сұрақтарына жауап берілді. Алдағы уақытта департамент тарапынан тиісті шаралар қаралатын болады, – деді Ерқасым Сүлейменов.
</blockquote>
Айта кетейік, биыл «ҚР кейбір заңнамалық актілеріне тұтынушылардың құқықтарын қорғау» мәселелері бойынша өзгерістер мен толықтырулар енгізіледі. Бұл ретте уәкілетті органмен заң жобасы әзірленіп, тиісті мекемелермен бірге талқылануда.

Қызылордада 560 тұтынушының құқығы бұзылды

<a href="https://kyzylorda-news.kz/">Kyzylorda-news.kz.</a> Қаңтар айында Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бастамасымен «Күшіміз бірлікте» қайырымдылық акциясы бастау алған болатын.
ҚМДБ «Зекет және қайырымдылық» қоры жүзеге асырған игі шара Қызылорда облысында да жалғасын тауып, өкілдіктің ұйымдастыруымен өңірге қарасты Арал, Қазалы, Қармақшы, Жалағаш, Жаңақорған аудандары және қалалық «Ақмешіт-Сырдария», «Айтбай», «Сұлтан», «Алдажар Жәме» мешіттерінің белсенді қызметкерлері мен ерікті жамағаты 400 отбасыға бір айлық азық-түлік қоржынын табыстады.
Республикалық акцияға үлес қосып, мұқтаж жандарға демеу болған Сыр имамдары көмек алған жандардың алғыстарына бөленді.

Қызылордада 400 отбасыға азық-түлік таратылды

<a href="https://kyzylorda-news.kz/">Kyzylorda-news.kz.</a> Бүгін Кеңес әскерлерінің Ауған жерінен шығарылғанына 33 жыл толды. Атаулы дата аясында облыс әкімі Ауған жерінде интернационалдық борышын өтеу барысында қаза тапқан жауынгерлерді еске алу митингісіне қатысты.
Шараға ардагерлер, зиялы қауым өкілдері, үкіметтік емес ұйым мүшелері мен жастар ұйымының белсенділері шақырылды.
Еске алу жиыны бір минуттық үнсіздікпен басталды.
Аймақ басшысы тарихтағы аса қасіретті кезеңнің бірі, жастық шағын туған жерден тыс жерде майдан даласында өткізген азаматтардың ерлігін дәріптеу бүгінгі ұрпақтың парызы екенін еске салды.
<blockquote>
 «Кеңестік кезеңде интернационалдық борышын өтеу мақсатында қаншама жүздеген жалынды жас Ауған жерінде әскерде болды. Еліміз бейбіт күнде тыныстап жатқанда, бозбала жастарымыз сырт жерде от пен оқтың ортасында жүрді, кейбірі елге оралмады. 
 Ауған соғысы ардагерлері, шейіт болған сарбаздарымыз азаматтық пен батырлықтың биік үлгісін көрсетті. Отан алдындағы парызын адал ақтады. Ерлік ешқашан ұмытылмайды. Сіздердің ерліктеріңіз ел есінде мәңгі сақталады», – деді Гүлшара Әбдіқалықова.
</blockquote>
Мұнан соң, «Ауғанстан соғысының ардагерлер ұйымы» қоғамдық бірлестігінің төрағасы Қайраддин Баймаханов сөз алып, естеліктерімен бөлісті.
Шара тағзым алаңындағы ескерткішке гүл шоқтарын қойып, майданда опат болған сарбаздардың рухына құран бағыштаумен қорытындыланды.
Айта кетейік, әскери қақтығыстарға Сыр өңірінен 857 адам қатысып, 18 адам қаза тапты. Облыс көлемінде 667 ауған соғысының ардагері бар. Оның ішінде 52-сі мүгедек. Сонымен қатар, Ауған соғысының қатысушылары мен мүгедектеріне 2012 жылдан бастап аудандық, қалалық мәслихаттардың шешімімен жылына бір рет 30 АЕК мөлшерінде біржолғы әлеуметтік көмек көрсету қарастырылған. Биыл мамыр айында 568 адамға 52,2 млн.теңге төленбек.
<img src="https://kyzylorda-news.kz/wp-content/uploads/2022/02/akimat1.jpg" alt="" />
<img src="https://kyzylorda-news.kz/wp-content/uploads/2022/02/akimat5.jpg" alt="" />
<img src="https://kyzylorda-news.kz/wp-content/uploads/2022/02/akimat6.jpg" alt="" />
<img src="https://kyzylorda-news.kz/wp-content/uploads/2022/02/akimat2.jpg" alt="" />

Қызылордада Ауған жерінде қаза тапқан жауынгерлерді  еске алу митингісі өтті

Kyzylorda-news.kz. “Жолаушылар тасымалы” компаниясы ақпан айының соңына дейін “Тальго” пойыздарына билетті жеңілдікпен алуға болатынын хабарлады.
28-51 процент жеңілдікпен алты бағыттағы пойызға билет сатып алуға мүмкіндік бар.
Олар:
№ 29/30 “Алматы 2-Атырау” – 35% дейін;
№ 51/52 “Алматы 2-Нұр-Сұлтан 1-Орал” – 28% дейін;
№ 69/70 “Алматы-Өскемен 1” – 51% дейін;
№ 111/112 “Алматы 2-Маңғыстау” – 43% дейін;
№ 105/106 “Алматы 2 – Петропавл” – 46% дейін;
№ 711/712″ Нұр-Сұлтан Нұрлы Жол – Шымкент” – 43% дейін.
<blockquote>
 “Жолаушылар пойызының қозғалыс кестесі бойынша анықтамалық ақпаратты “1433” нөмірі бойынша және Bilet.railways.kz сайтынан алуға болады. Жолаушылардан вокзал аумағында және пойыздар ішінде бетперде режимін сақтауды сұраймыз”, – делінген ресми хабарламада.
</blockquote>

&#8220;Тальго&#8221; пойыздарына билетті жеңілдікпен алуға болады

Kyzylorda-news.kz. Қызылорда облысында эпидемиологиялық жағдай тұрақталып, аурушаңдық азайды. Мәселен өткен тәулікте 1 жағдай анықталды.
Облыс бойынша инфекциялық стационарда 67 науқас ем қабылдауда деді Өңірлік коммуникациялар қызметінде өткен баспасөз конференциясында облыстық денсаулық сақтау басқармасы басшысының орынбасары Жангелді Шаймбетов.
Сонымен қатар, бүгінде вакцинация және ревакцинациядан өту жұмыстары жалғасын табуда. Осы уақытқа дейін 110 164 адам ревакцинациядан өтті.
<blockquote>
 Ауруларды медициналық бақылауға алу мерзімі 14 күннен 10 күнге азайған. Осыған байланысты соңғы 10 күндегі аурушаңдық көрсеткіші 21,8 % құрап, алдыңғы 10 күнмен салыстырғанда аурушаңдық 4 есеге төмендеп отыр, – деді облыстық санитарлық-эпидемиологиялық бақылау департаментінің бөлім басшысы Әлия Ыдырысова.
</blockquote>
Айта кету керек, 2021-2022 жылдарда оқу жылы басталғалы облыста 8181 КВИ ауруы тіркелген, оның 726-ы мектеп оқушысы. Карантинге жабылған сыныптар саны 305, оның 26-ы 3-ші тоқсанда жабылған.

Қызылорда облысында эпидемиологиялық жағдай тұрақталды

<a href="https://kyzylorda-news.kz/">Kyzylorda-news.kz.</a> Индустрия және инфрақұрылымдық даму министрлігі соңғы 3 жылда салынған тұрғын үйлер статистикасының дұрыстығын тексереді, деп хабарлайды <a href="https://sputnik.kz/20220215/songy-3-zhylda-salyngan-turgyn-uyler-tekseriledi-22798314.html">Sputnik Қазақстан</a>.
<blockquote>
 «Пайдалануға берілген көп пәтерлі және жеке тұрғын үйлердің барлығын тексеруді жоспарлап отырмыз. Ақпан айының соңына дейін әкімдіктер тиісті объектілер тізімін жасайды. Наурыз айының соңына дейін статистика органдарымен және әділет министрлігінің деректер базасымен салыстырып тексеру жүргізіледі», – деді индустрия және инфрақұрылымдық даму министрі Қайырбек Өскенбаев үкімет отырысында.
</blockquote>
Айтуынша, жүргізілген жұмыс қорытындысы бойынша тиісті ұсыныстар әзірленеді.
Ведомство ақпаратынша, өткен жылдың қорытындысы бойынша республикада 17,1 миллион шаршы метр тұрғын үй пайдалануға берілді. Оның ішінде 10 миллион шаршы метрі – көппәтерлі, 7,1 миллионы – жеке тұрғын үй.
Тоқаевтың тапсырмасы
Жуырда үкіметтің кеңейтілген отырысында президент Қасым-Жомарт Тоқаев салынып жатқан жаңа үйлердің саны мен сапасын тексеруді тапсырды.
Айтуынша, әкімдер жоғары нәтижеге қол жеткізу үшін ескі үйлер мен саяжайларды да есепке қосып жіберді деген ақпарат бар.
<blockquote>
 «Ал биыл былтырғыдан бір миллион шаршы метр көбірек үй салынады деп жоспарлануда. Бірақ құрылыстың мұндай қарқынына коммуналдық инфрақұрылым ілесе алмай жатыр. Елордамыздағы ахуал осының айқын дәлелі», – деген еді Тоқаев.
</blockquote>
Ол бұдан былай тиісті инженерлік және әлеуметтік инфрақұрылым бар жерге ғана баспана салынуы керек екенін мәлімдеді.

Тоқаевтың тапсырмасынан кейін соңғы 3 жылда салынған тұрғын үйлер тексеріледі

<a href="https://kyzylorda-news.kz/">Kyzylorda-news.kz.</a> Жаңақорған ауданының полиция бөлімінің қызметкерлері Кеңес ауылында «OPEL VECTRA» маркалы автокөлігін тоқтатып, тексеру барысында 60 жастағы жүргізушінің алкоголь өнімін пайдаланғаны байқалған.&nbsp;Медициналық сараптамадан өткізу кезінде оның «орта» дәрежелі масаң күйде болғаны белгілі болған.
Жүргізушіге қатысты ҚР ӘҚБтК-нің 608-бабының 1-бөлімімен әкімшілік хаттама рәсімделіп, сот шешімімен 15 (он бес) тәулікке әкімшілік қамауға алынып, көлік құралын басқару құқығынан 7 (жеті) жыл мерзімге айыру жазасы тағайындалған.
Осы тектес құқық бұзушылық сағат 00:05 шамасында аудан орталығында орын алды. Полиция қызметкерлерімен «ВАЗ-21061» маркалы автокөлігі тоқтатылып, тексеру барысында 28 жастағы жүргізушінің алкоголь өнімін пайдаланғаны байқалып, медициналық сараптамадан өткізу кезінде «жеңіл» дәрежелі масаң күйде екендігі белгілі болды.
Оған қатысты ҚР ӘҚБтК-нің 608-бабының 1-бөлімімен&nbsp; әкімшілік хаттама толтырылып, сот шешімімен 15 (он бес) тәулікке әкімшілік қамауға алынып көлік құралын басқару құқығынан 7 (жеті) жыл мерзімге айыру жазасы тағайындалған.
Еске сала кетейік, жыл басталысымен ауданда масаң күйде көлік басқарған 17-ден астам жүргізуші әкімшілік жакапкершілікке тартылды.
<blockquote>
 «Жол-көлік оқиғалары көбіне осылай рөлге мас күйде отыру салдарынан болады. Сондықтан ішімдік ішіп, көлік тізгіндемеңіздер. Бұл өз өміріңізбен қатар, өзгенің де өміріне қауіпті болады.&nbsp;Осы ретте, автокөлік жүргізушілерін жолда жүру ережелерін қатаң сақтауға шақырғым келеді.&nbsp;Сіздің ойланбаған әрекеттеріңізден кінәсіз адамдар зардап шегуі мүмкін», – деді Қызылорда облысы полиция департаментінің бастығы, полиция полковнигі Сұлтан Бектөре.
</blockquote>

Жаңақорған ауданында жыл басынан бері  мас 17 жүргізуші жауапкершілікке тартылды

<a href="https://kyzylorda-news.kz/">Kyzylorda-news.kz.</a> Тұрғын үй субсидиясына өтінімдер қабылдау 5 сәуірден басталады. Бұл туралы бүгін Үкімет отырысында ҚР Индустрия және инфрақұрылымдық даму министрі Қайырбек Өскенбаев айтты, деп хабарлайды <a href="https://lenta.inform.kz/kz/turgyn-uy-subsidiyasyna-otinimder-kabyldau-5-sauirden-bastalady_a3899582">ҚазАқпарат.</a>
Министрдің атап өтуінше, Мемлекет басшысының «Бәйтерек» ҰБХ» АҚ-мен бірлесіп, 2022 жылғы 1 мамырда жалға берілетін тұрғын үйді субсидиялауға өтінімдер қабылдау жөніндегі цифрлық платформаның жұмыс істеуін қамтамасыз ету» тапсырмасы бойынша жұмыстар қолға алынды.
<blockquote>
 «Цифрлық платформаның тестілік нұсқасын 15 наурыздан бастап пилоттық режимде іске қосуды жоспарлап отырмыз. Платформа Электрондық цифрлық қолтанба көмегімен өтінім беруді және өтінім берушінің талаптарға сәйкестігін автоматты түрде тексеруді көздейді. Тексеру Цифрлық даму, инновациялық және аэроғарыш өнеркәсібі министрлігі, Әділет министрлігі, Мемлекеттік кірістер комитеті, Білім және ғылым министрлігі, Еңбек министрліктердің мемлекеттік деректер базаларымен интеграциялау жолымен жүзеге асырылатын болады. Өтінімдерді қабылдауды 5 сәуірден бастауды жоспарлап отырмыз», – деді министр.
</blockquote>

Тұрғын үй субсидиясына өтінімдер қабылдау 5 сәуірден басталады

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасының Жедел басқару орталығында полицейлер тәулік бойы үздіксіз өз жұмыстарын атқарып келеді.Қоғамдық қауіпсіздікті қамтамасыз ету мен тәртіпті сақтау мақсатында анықталған құқықбұзушылықтар бойынша жедел жұмыстарды жүзеге асырады. Бір аптада 102 нөмеріне 738 хабарлама келіп түсті. Ал, жедел басқару орталығының көмегімен 423 құқықбұзушылық анықталды.
Оның ішіндеҚазақстан Республикасының Әкімшілік құқықбұзушылық кодексінің 593-бабымен (Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау) 184 жүргізуші, 591-бабының 1-бөлігімен (Көлiк құралын басқару кезiнде жүргiзушiнiң телефонды не радиостанцияны пайдалануы – бес айлық есептiк көрсеткiш мөлшерiнде айыппұл салуға әкеп соғады) 45 жүргізуші, 600-бабының 1-бөлігімен (Жол жүрісінде басымдықты пайдаланатын көлiк құралдарының жүргiзушiлерiн қоспағанда, жол жүрiсi қағидаларының жаяу жүргiншiлерге немесе жол жүрiсiнiң өзге де қатысушыларына жол беру талаптарын орындамау) 31 жүргізушіге әкімшілік хаттама толтырылды.
Қазақстан Республикасының Қылмыстық кодексінің 200-бабы (Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу) және 296-бабымен (Есірткі, психотроптық заттармен, сол тектестермен өткізу мақсатынсыз заңсыз жұмыс істеу) 4 қылмыс ашылды.
<blockquote>
 «Біздің орталық өз жұмысын ешқашан кідірткен емес. Сондықтан сеніммен айта аламын, Қызылорда қаласы тұрғындарының тыныш ұйқысы мен қоғамдық қауіпсіздікті қамтамасыз ету мақсатында өз жұмысымызды одан әрі де жалғастыра береміз», – дейді Қызылорда қалалық Полиция басқармасының Жедел басқару орталығының бастығы, полиция майоры Берікбол Ерімбетов.
</blockquote>

Қызылордада жедел басқару орталығы 423 құқық бұзушылықты анықтады

<a href="https://kyzylorda-news.kz/">Kyzylorda-news.kz.</a>&nbsp; Мемлекеттік көрсетілетін қызметтер тізіліміне сәйкес «Мемлекеттік атаулы әлеуметтік көмекті тағайындау» қызметі барлық азаматтарға тегін түрде көрсетіледі.
Атаулы әлеуметтік көмек алуға өтінішті тұрғылықты мекен-жайы бойынша жұмыспен қамту орталықтарына, кент, ауылдық округ әкімдіктеріне немесе «Электронды үкімет порталы» арқылы беруге болады.
Өтініш тапсыру барысында өтініш берушінің жеке куәлігі ғана жеткілікті. Қажетті мәліметтер мемлекеттік ақпараттық жүйелерден алынады, оның ішінде табыс туралы анықтамалар аударылған міндетті зейнетақы жарналары арқылы расталады. Дегенмен, өңірімізде «Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» ҚР Заңына сәйкес жалақыға қоса төленетін экологиялық үстемелер ақпараттық жүйеде көрінбегендіктен Халықты жұмыспен қамту орталығы мамандарымен өтініш берушінің немесе жұмыс істейтін отбасы мүшелерінің айлық табысы туралы қосымша анықтама сұратуға құқылы.
Осыған орай, гранттар алуға, сондай-ақ жұмыспен қамтуға жәрдемдесудің басқа да белсенді шараларына қатысуға қатысты (жастар тәжірибесі, қоғамдық жұмыстар және т.б.), атаулы әлеуметтік көмек алу мәселелер бойынша тікелей Халықты жұмыспен қамту орталықтарына жүгініп, бұл мәселелерге делдал болғысы келетін кездейсоқ адамдарға сенбеуді сұраймыз.
Жұмыспен қамту орталықтары қызметкерлерінің, сондай-ақ делдалдардың заңсыз әрекеттері анықталған жағдайда Сыбайлас жемқорлыққа қарсы қызмет «1424» Call-орталығына осы фактілер туралы хабарлауыңызды сұраймыз.

Қазақстан және Қызылорда облысының жаңалықтары

Жаппай тәртіпсіздік: Қызылордада 72 қылмыстық іс тіркелді

Қайраддин Баймаханов: Достарымыз мәңгі жадымызда

Қызылордада 560 тұтынушының құқығы бұзылды

Қызылордада 400 отбасыға азық-түлік таратылды

Қызылордада Ауған жерінде қаза тапқан жауынгерлерді еске алу митингісі өтті

“Тальго” пойыздарына билетті жеңілдікпен алуға болады

Қызылорда облысында эпидемиологиялық жағдай тұрақталды

Тоқаевтың тапсырмасынан кейін соңғы 3 жылда салынған тұрғын үйлер тексеріледі

Жаңақорған ауданында жыл басынан бері мас 17 жүргізуші жауапкершілікке тартылды

Тұрғын үй субсидиясына өтінімдер қабылдау 5 сәуірден басталады

Қызылордада жедел басқару орталығы 423 құқық бұзушылықты анықтады

Атаулы әлеуметтік көмек қалай тағайындалады?

Қазақстан және Қызылорда облысының жаңалықтары

Жаппай тәртіпсіздік: Қызылордада 72 қылмыстық іс тіркелді

Қайраддин Баймаханов: Достарымыз мәңгі жадымызда

Қызылордада 560 тұтынушының құқығы бұзылды

Қызылордада 400 отбасыға азық-түлік таратылды

Қызылордада Ауған жерінде қаза тапқан жауынгерлерді еске алу митингісі өтті

&#8220;Тальго&#8221; пойыздарына билетті жеңілдікпен алуға болады

Қызылорда облысында эпидемиологиялық жағдай тұрақталды

Тоқаевтың тапсырмасынан кейін соңғы 3 жылда салынған тұрғын үйлер тексеріледі

Жаңақорған ауданында жыл басынан бері мас 17 жүргізуші жауапкершілікке тартылды

Тұрғын үй субсидиясына өтінімдер қабылдау 5 сәуірден басталады

Қызылордада жедел басқару орталығы 423 құқық бұзушылықты анықтады

Атаулы әлеуметтік көмек қалай тағайындалады?

“Тальго” пойыздарына билетті жеңілдікпен алуға болады