<a href="https://kyzylorda-news.kz/">Kyzylorda-news.kz.</a> Қазақстанда тұрғын үй-коммуналдық шаруашылығы саласының қызметкерлері күні белгіленуі мүмкін. Бұл мереке күзгі-қысқы жылыту маусымы аяқталатын 16 сәуірде тойлануы мүмкін.
Қазақстандағы мерекелік күндер тізбесі туралы Үкімет қаулысына өзгерістер енгізуді көздейтін жоба «Ашық НҚА» сайтында жарияланған. Құжатты жария түрде талқылау 2 тамызға дейін жалғасады.
«Тұрғын үй-коммуналдық шаруашылық саласының қызметкерлері тәулік бойы ел халқын жылумен, электр энергиясымен, сумен қамтамасыз етеді, көшелердің тазалығын қадағалайды, сондай-ақ елдің тұрғын үй қорын басқарады және күтіп ұстайды, осылайша азаматтардың қолайлы және жайлы өмір сүруіне жағдай жасайды. ТКШ қызметкерлері күні КСРО-да 1966 жылдан бастап шілденің төртінші жексенбісінде аталып өтті және ТМД-ның көптеген елдерінде, соның ішінде Ресейде, Беларуссияда, Украинада, Өзбекстанда сақталған. Дәл осы күні тұрғындарға қажетті осы салада өмір бойы жұмыс істеген ТКШ ардагерлеріне құрмет көрсетілген. Бұл мерекені белгілеу ардагерлердің орнына осы салаға жоғары білікті жас мамандар мен инженерлердің келуіне, сондай-ақ ТКШ қызметкерлері кәсібінің беделін және олардың кәсіби мақтанышын арттыруға ықпал етеді», – деп жазылған қаулы жобасының негіздемесінде.
<a href="https://www.inform.kz/kz/kazakstanda-zhana-kasibi-mereke-payda-boluy-mumkin_a3957624">ҚазАқпарат</a>

Қазақстанда жаңа кәсіби мереке пайда болуы мүмкін

<a href="https://kyzylorda-news.kz/">Kyzylorda-news.kz.</a> Облыстың әлеуметтік-экономикалық даму көрсеткішінде оң қарқын бар. Мәселен, осы жылдың бірінші жартыжылдығында облыстың қазынасы – 74 млрд теңгені құрады. Бұл өткен жылмен салыстырғанда 19,5 пайызға жоғары. Сондай-ақ, өңірде халықтың табысын арттыру мақсатында жаңа жұмыс орындары ашылып, аталған бағдарлама аясында халықтың табыс деңгейін арттырудың жүйелі шаралары жүргізілмек.
Бұл жөнінде өңірлік коммуникациялар қызметінде өткен брифингте облыстық экономика және қаржы басқармасының басшысы Нұрғали Қордабай мәлімдеді.
<blockquote>
 «Аймақтың негізгі макроэкономикалық көрсеткішінде айтарлықтай өсім бар. Атап айтсақ, өңдеу өнеркәсібі – 5,8 пайызға, ауыл шаруашылығының жалпы өнімі – 1,5 пайызға, инвестиция тарту – 17,1 пайызға, бөлшек сауда көлемі – 1,4 пайызға, шағын және орта бизнес субъектілерінің саны – 7,9 пайызға артты. Ал облыс бюджеті – 74 млрд теңгені құрап, өткен жылмен салыстырғанда 19,5 пайызға өсті. Оның ішінде салықтық түсімдер – 60,2 млрд теңге болса, салықтық емес түсімдер – 3,7 млрд теңгені құрады. Сондай-ақ, халықтың табысын арттыру бағдарламасы шеңберінде тиісті шаралар жүргізілуде», – деді Нұрғали Рахымшаұлы.
</blockquote>
Облыста жыл басынан бері экономиканың барлық саласында 11 мыңнан астам жаңа жұмыс орны құрылды. Халықтың табысын арттырудың 2025 жылға дейінгі бағдарламасына сәйкес, өңірде жұмыспен қамтуға жәрдемдесу және еңбек ресурстарының біліктілігін арттыруды қамтамасыз ету бағыты жүргізіледі.
<blockquote>
 «Өңірлік жұмыспен қамту картасы шеңберінде осы жылы 128 жоба арқылы 1500-ге жуық жаңа жұмыс орнын құруды жоспарлап отырмыз. Бүгінгі күнге дейін Ұлттық жобалар аясында 522 жұмыс ашылып, онда тұрғындар еңбек етуде. Жалпы еңбек нарығына жыл сайын 32 мыңға жуық азамат маман ретінде келеді. Бұл өз кезегінде тұрақты жұмысқа орналасуға біршама қиындық келтіреді. Осыған орай жұмыссыз жастарды жұмыспен қамтуға арналған «Алғашқы жұмыс», түлектерге арналған «Жастар тәжірибесі», «Ұрпақтар келісімшарты» бойынша жалақы көлемі мен мерзімі ұзартылды», – деді облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева.
</blockquote>
Статистикалық мәліметтер бойынша, халықтың тұтыну шығысының 56,8 пайызы азық-түлік тауарларына, 26,0 пайызы азық-түлік емес тауарларға, 17,2 пайызы ақылы қызметтерді құрады. 2022 жылдың І тоқсанында халықтың орта есеппен жан басына шаққандағы қаржылай табысы – 103 685 теңгені құрады. Бұл өткен жылмен салыстырғанда 21,2 пайызға өскені байқалады. Жалпы халықтың нақты ақшалай табыстары 16,1 пайызға жоғарылаған.

Нұрғали Қордабай: Аймақтың макроэкономикалық көрсеткішінде  өсім бар

<a href="https://kyzylorda-news.kz/">Kyzylorda-news.kz.</a> Облыста баға тұрақтандыру мақсатында өңірлік тұрақтандыру қоры жұмыс істейді. Қазіргі таңда мұнда 796,2 тонна өнім бар. Атап айтқанда, 159,9 тонна – бірінші сұрыпты бидай ұны, 137,7 тонна – қарақұмық жармасы, 25,9 тонна – күріш, 87,6 тонна – қант, 385,2 тонна өсімдік майы бар.
Әлеуметтік дүкендер мен сауда орындарындағы өнімдердің бағасына күн сайын мониторинг жүргізу мақсатында қоғам тарапынан бекітілген жауапты қызметкерлермен тұрақты бақылау жасалады. Бүгінде барлық әлеуметтік дүкендерде 19 әлеуметтік маңызы бар азық-түлік тауарлары белгіленген бағада сатылуда. Бұл туралы Өңірлік коммуникациялар қызметінде әлеуметтік маңызы бар азық-түлік тауарларының бағасын тұрақтандыру бағытындағы атқарылып жатқан жұмыстар турасындағы брифинг барысында жауапты сала өкілдері мәлімдеді.
<blockquote>
 «Бүгінде халықтың күнделікті тұтынуындағы азық-түлік тауарларының ішінде тұз бен күріш ғана өңірімізден өндіріледі, қалған 17 өнім жартылай және толықтай импорт арқылы әкелінеді. Десек те, алдағы уақытта кейбір өнімдерді өзімізден өндіру үшін сынақтық тәжірибелер жасалуда. Өнім қорларын қалыптастыру мақсатында облыстық бюджеттен соңғы үш жылда (2020-2022) 3,9 млрд теңге бөлінді. Айналым схемасы аясында 20 келісімшарт негізінде 1143,0 млн.теңге қаржы кәсіпкерлерге заем ретінде берілді. Айналым схемасы аясында қарыз алған кәсіпкерлік субъектілермен 9584,5 тонна өніммен қамтамасыз ету жөнінде міндеттемелерге қол қойылған», – деді облыстық ауыл шаруашылығы және жер қатынастары басқармасының басшысы Т.Дүйсебаев.
</blockquote>
Қазіргі таңда тұрғындар үшін маңызды деп саналатын қант бағасын тұрақтандыру және жетіспеушілігін болдырмау мақсатында өңірге тікелей «Көксу қант» зауытынан және «Азық-түлік келісімшарт корпорациясы» арқылы қант жеткізу бойынша жұмыс жолға қойылған. Қант өніміне облыс халқының бір айға қажеттілігі 1178 тоннаны құраса, бүгінгі күні облыста 457 тонна қант қоры бар. Бұл ай соңына дейінгі қажеттіліктің 116,3 пайызын құрайды. Апта соңына дейін 204 тонна қант жеткізіледі. Жыл соңына дейін 3 155 тонна қант сатып алу жоспарлануда.
<blockquote>
 «Қазіргі таңда апта сайын тұрақтандыру қорының және Қоғаммен бірлескен кәсіпорындар шығарған тауарлармен жәрмеңке ұйымдастырылуда. Сондай-ақ, «Айналым схемасы» бойынша әлеуметтік дүкендер мен бұрыштарда әлеуметтік маңызды азық-түлік тауарларын белгілеген бағада сату үшін кәсіпкерлік субъектілеріне қаржылай қолдау көрсетілді», – деп мәлімдеді «Байқоңыр» ӘКК» АҚ басқарма басшысының орынбасары Бауыржан Асылбекұлы.
</blockquote>
Тұрғындар тарапынан соңғы уақытта азық-түлік тауарларының қымбаттауы жөнінде арыз-шағымдар жиілеген. Осыны назарға алған облыстық кәсіпкерлік және өнеркәсіп басқармасы 15 сауда нысанындағы азық-түлік бағасына қатысты тексерулер жүргізді. Нәтижесінде екі сауда нысанына сауда үстемесін сақтау бөлігінде заң бұзушылығы анықталып, ескерту түріндегі әкімшілік шарасы қолданылған.
<blockquote>
 «Жыл басынан бері 17 сауда нысанындағы азық-түлік бағаларына қатысты жоспардан тыс тексерулер тағайындалды. Тұрғындардың көп жағдайларда үй жанындағы дүкендер мен шағын маркеттердің қызметіне жүгінетінін ескере отырып, бірінші кезекте осы нысандарға бағаны негісіз өсірудің жауапкершіліктері ескертілді. Бұл жұмыстар аясында 2192 кәсіпкерлік субъектісіне хабарламалар беріліп, аталған нысандарға апта сайын мониторинг жүргізілуде. Айта кету керек, аталмыш мәселе облыс әкімдігінің тікелей бақылауында», – деді облыстық кәсіпкерлік және өнеркәсіп басқармасының басшысы Мұса Қалдарбеков.
</blockquote>
Сонымен қатар, нан бағасын арзандату мақсатында Азық-түлік корпорациясы арқылы 7 айға 14 317 тонна астық бөлінді. Облысқа ұн өндіруші кәсіпорнымен 3674,6 тонна ұн босатылып, оның ішінде 3532,7 тоннасы ірі наубайханаларға бөлке нанды төмендетілген бағада сату үшін мақсатты түрде берілген.

Бағаны негізсіз өсіргендер жауапкершілікке тартылады

<a href="https://kyzylorda-news.kz/">Kyzylorda-news.kz.</a> «Қарасора – 2022» жедел – профилактикалық іс-шарасы кезінде қызылордалық полицейлер 90 түп сора өсімдігін еккен тұрғынды қолға түсірді.
51 жастағы жұмыссыз аудан тұрғыны Қызылорда облысы, Жаңақорған ауданында «Сырдария» өзенің жағалауында сора өсімдігін өсірген. Айта кетерлік жайт, арнайы баптап өсірілген сораның ұзындығы екі метрге жеткен.
Полицейлер оқиға орнынан азық – түлік, сора өсіруге арналған арнайы жабдықтар: генератор, су айдайтын мотор, күрек, балта тәркіледі. Айғақ заттардың барлығы тәркіленді.
Қаскүнем жерді терең қазып, онда су генераторын жасырып қойған. Күдікті Жаңақорған аудандық полиция бөлімінің уақытша ұстау изоляторына қамаққа алынды.
Аталған дерек бойынша Қазақстан Республикасы Қылмыстық кодексінің 300 – бабының 2 – бөлігімен (Ірі мөлшерде құрамында есірткі заттар бар, өсіруге тыйым салынған өсімдіктерді заңсыз егіп-өсіру) сотқа дейінгі тергеп-тексеру әрекеттері жүргізілуде.

Жаңақорғанда есірткі еккен күдікті су генераторын жердің астына жасырған

Құқығы бұзылған қаржылық қызметті тұтынушылардың назарына

<a href="https://kyzylorda-news.kz/">Kyzylorda-news.kz.</a> Қазақстан, Қырғызстан, Тәжікстан, Түрікменстан және Өзбекстан президенттері кездесуінің қорытындысы бойынша Орталық Азия мемлекеттері басшыларының Консультативтік кездесуінің бірлескен мәлімдемесі қабылданды, деп хабарлайды Ақорда.
Сонымен қатар Өңірлік ынтымақтастықты дамытудың 2022-2024 жылдарға арналған жол картасы, Орталық Азия мемлекеттерінің көпжақты форматтар аясындағы өзара іс-қимылдар тұжырымдамасы, Орталық Азияға арналған «Жасыл күн тәртібі» аймақтық бағдарламасы мақұлданды.
Бұдан бөлек Қазақстан Республикасы, Қырғыз Республикасы, Тәжікстан Республикасы, Түрікменстан және Өзбекстан Республикасы арасындағы Орталық Азияны ХХІ ғасырда дамытуды көздейтін достық, тату көршілік және ынтымақтастық туралы шарт келісілді және оған қол қою рәсімі басталды.
Аралды құтқару халықаралық қорының құрылтайшы мемлекеттері басшыларының Аралды құтқару халықаралық қоры президентінің өкілеттіктерін ұзарту туралы шешімге қол қойылды.

Қырғызстандағы кездесуде 5 елдің басшысы қандай құжаттарға қол қойды?

<a href="https://kyzylorda-news.kz/">Kyzylorda-news.kz.</a> ҚР Президенті Әкімшілігінің келісімі бойынша Қазақстан Республикасы Ішкі істер министрі Марат Ахметжановтың бұйрығымен Абай облыстық полиция департаментінің бастығы лауазымына полиция генерал-майоры Бектөре Жеңісбайұлы Сұлтан тағайындалды.
Жеке құрамға полиция департаментінің жаңа бастығын ҚР Ішкі істер министрінің орынбасары Ержан Саденов таныстырды.
Бектөре Сұлтан 1974 жылы 2 наурызда Шымкент облысы Түлкібас ауданы Ванновка ауылында дүниеге келген. 1995 жылы ҚР ІІМ Алматы жоғары мектебін, 2003 жылы ҚР ІІМ Академиясын бітірген. Білімі заңгер, ішкі істер органдары басқару саласының магистрі. Құқық қорғау органдарында 1991 жылдың 1 қыркүйегінен бастап жұмыс істеп келеді. Қызметін Оңтүстік Қазақстан облысы ІІБ-да тергеушісі болып бастады.

Бектөре Сұлтан жаңа қызметке тағайындалды

<a href="https://kyzylorda-news.kz/">Kyzylorda-news.kz.</a> Арал теңізі бассейнінің су ресурстарын тиімді пайдалану үшін батыл іс-шаралар қабылдау қажет. Бұл туралы ҚР Президенті Қасым-Жомарт Тоқаев айтты, деп хабарлайды ҚазАқпарат.
<blockquote>
 «Қазіргі климаттық сын-тегеуіріндер, су мен энергетикалық ресурстарға сұраныстың артуы Арал теңізі бассейнінің су ресурстарын тиімді пайдалануды қамтамасыз ету үшін батыл іс-шаралар қабылдауды талап етеді. Климаттың өзгеруі жөніндегі сарапшылардың халықаралық тобы баяндамасына сәйкес, өңіріміздегі температура ғаламшардағы орташадан біршама жылдам өсіп келеді», – деді Қазақстан Президенті Орталық Азия мемлекеттері басшыларының IV Консультативтік кездесуінде.
</blockquote>
Мемлекет басшысы климаттың өзгеру процесі мұздықтардың көлемінің, яғни өңіріміз үшін басты су көзінің қысқаруына алып келетіндігін баса айтты.
<blockquote>
 «Соңғы 50 жылда олардың Орталық Азиядағы көлемі 20-30 пайызға қысқарды. Бұл келешекте Сырдария мен Әмудария өзендеріне ағып келетін суды еселеп қысқартады. Мұның бәрі кідіріссіз бірлескен іс-шараларды қабылдауды талап ете отырып, өңірдің азық-түлік, энергетикалық және экологиялық қауіпсіздігі үшін айтарлық сын-тегеуірінге алып келеді», – деді Қасым-Жомарт Тоқаев.
</blockquote>

Қасым-Жомарт Тоқаев: Арал теңізі бассейнінің су ресурстарын тиімді пайдалану үшін батыл іс-шаралар қажет

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Орталық Азия елдеріне шекараны шегендеудің тәсілдерін әзірлейтін сарапшылық алаң құруды ұсынды, деп хабарлайды <a href="https://www.inform.kz/kz/kazakstan-ortalyk-aziya-elderimen-shekarany-shegendeu-tazhiribesimen-bolisuge-dayyn-prezident_a3957387">ҚазАқпарат.</a>
<blockquote>
 «Екінші. Біз, мемлекет көшбасшылары өңірде әлі де болса сақталып отырған тұрақсыздың факторларын барынша жою үшін мүмкіндігінше күш салуымыз керек. Мемлекеттер арасындағы шекарадан шыққан әрбір оқтың дауысы қатысы бар елдерде ғана емес бүкіл өңірде жаңғырық туғызуда. Дәл бүгінгі дағдарыс жағдайында мемлекеттеріміз керісінше қайшылықтарды еңсерудің өркениетті, жауапты үлгісін таныта білуі керек. Шекара рәсімдеудің заңдық процесі соншалық күрделі әрі кедір-бұдырлы екенін біз өз тәжірибемізден білеміз. Даулы мәселелерді тату көршілік пен халықаралық құқықтың іргелі прицптеріне құрметпен қарау арқылы ғана бейбіт жолмен шешуге болады. Одан басқа балама жолы жоқ», – деді Қасым-Жомарт Тоқаев Орталық Азия мемлекеттері басшыларының IV Консультативтік кездесуінде.
</blockquote>
Мемлекет басшысының пайымынша, проблемаларды созбаққа салу мен жылы жауып қою шиеленіске бастауы мүмкін.
<blockquote>
 «Түптің түбінде бұл Орталық Азиядағы әріптестікті дамытуға жұмсалған бүкіл еңбекті еш етуі мүмкін. Қазақстан посткеңестік кеңістіктегі шекарасын толық делимитациялаған жалғыз мемлекет ретінде мұндай мәселелердің өзара қолайлы шешімін іздеу жолында жәрдем көрсетуге дайын. Нақты айтсақ, шекараларды делимитациялау мәселесінде өзара қолайлы тәсілдерді әзірлейтін сарапшылық алаң құруды ұсынамыз. Бұл жұмысқа тәжірибелі заңгерлер, картографтар, шекарашылар мен өзге де мамандар тартылуы керек. Оны үйлестіруді Сырты істер министрлерінің кеңесі өз мойнына ала алады», – деді Президент.
</blockquote>
Айта кетейік, Қырғыз Республикасының Шолпан-Ата қаласында Орталық Азия мемлекеттері басшыларының IV Консультативтік кездесуі өтіп жатыр.
Жиынға Қазақстан, Қырғызстан, Тәжікстан, Түрікменстан, Өзбекстан көшбасшылары қатысуда.

Президент: Қазақстан Орталық Азия елдерімен шекараны шегендеу тәжірибесімен бөлісуге дайын

<a href="https://kyzylorda-news.kz/">Kyzylorda-news.kz.</a> ҚР Ғылым және жоғары білім министрі Саясат Нұрбек dialog.egov.kz электронды үкімет порталындағы «Ашық үкімет» алаңында жеке блог ашты.
<blockquote>
 “Мен «Ашық үкімет» алаңында отандық ғылымды дамыту және жоғары оқу орындарындағы білім беру қызметінің сапасын арттыруға қатысты кез келген ұсыныстар мен пікірлерді тыңдауға дайынмын. Барлық арыз, өтініш, ұсыныстарды мұқият оқып шығып, қажет деген жағдайда тиісті шара қолдануға әзірміз”, – деді Саясат Нұрбек порталдағы алғашқы хабарламасында.
</blockquote>
Ғылым және жоғары білім министрі бұл блог министрлік қызметкерлеріне еліміздің жоғары оқу орындары мен ғылыми ұйымдарының мәселелерін шешуде бірлесіп жұмыс істеуге мүмкіндік беретініне сенім білдірді. Осы орайда Саясат Нұрбек қазақстандықтарды өзгелерге үлгі боларлық оң істер туралы айтуды да ұмытпауға шақырды.
Порталдың негізгі мақсаты – азаматтардың мемлекеттік органдардың жұмысына қатысты ойларын білу. Портал арқылы кез келген адам нақты бір мемлекеттік органға немесе жергілікті әкімшілікке тікелей өтініш білдіруге және ұсыныс жасауға, әлеуметтік маңызды сауалнамаларға қатысуға мүмкіндік алады.

ҚР Ғылым және жоғары білім министрі Нұрбек Саясат  ашық диалогқа шақырады

<a href="https://kyzylorda-news.kz/">Kyzylorda-news.kz.</a> Өткен тәулікте коронавирус инфекциясы 2257 адамнан анықталды, деп хабарлайды COVID-19 таралуына жол бермеу жөніндегі ведомствоаралық комиссия.
Нұр-Сұлтан қаласында – 642,
Алматы қаласында – 650,
Шымкент қаласында – 145,
Ақмола облысында – 38,
Ақтөбе облысында – 30,
Алматы облысында – 82,
Жетісу облысында – 78,
Атырау облысында – 44,
Шығыс Қазақстан облысында – 22,
Абай облысында – 15,
Жамбыл облысында – 86,
Батыс Қазақстан облысында – 39,
Қарағанды облысында – 188,
Ұлытау облысында – 24,
Қостанай облысында – 29,
Қызылорда облысында – 69,
Маңғыстау облысында – 19,
Павлодар облысында – 19,
Солтүстік Қазақстан облысында – 16,
Түркістан облысында – 22.
Елімізде коронавирус инфекциясын жұқтырғандар саны 1 323 710 жетті.

COVID-19: Қызылордада өткен тәулікте 69 адам тіркелді

<a href="https://kyzylorda-news.kz/">Kyzylorda-news.kz.</a> Аймақта мемлекеттің көмегімен жеке кәсібін ашып, халық игілігіне қызмет етіп жүрген кәсіпкерлер аз емес. Бірі түрлі бағдарламалар арқылы несие алып алғашқы кәсіпорындарын ашса, енді бірі жобаларын кеңейту мақсатында төмендетілген несие алып техникалық базасын жақсартып жатыр. Сондай түрлі кәсіптің тізгінін ұстаған жалағаштық кәсіпкерлер де жұмысын дөңгелетіп отыр.
&nbsp;«Абилканов» ЖК-нің жетекшісі Нұрлыбек Әбілқанов 2016 жылы «Микробизнес Қызылорда» бағдарламасы аясында жиһаз құрастыру цехының құрылыс-монтаж жұмыстарына және алғашқы өңдеу құралдарын сатып алу үшін «Қызылорда» ӨИО» МҚҰ ЖШС арқылы 2,6 млн теңге несие алып, кәсібін алғаш бастаған болатын. 2021 жылы аталған жобаны кеңейту мақсатында «Қызылорда» ӨИО» МҚҰ» ЖШС ақылы 5,0 млн теңге төмендетілген пайызбен несие алып, Алматы қаласынан ағаш ою құрылғысы мен вакуумды пресс аппараттарын сатып алған. Қазіргі таңда аудан тұрғындарының қажеттілігін қамтамасыз ету мақсатында талмай еңбек етуде. Цех аясында 2 адам жұмыспен қамтылған.
<img src="https://kyzylorda-news.kz/wp-content/uploads/2022/07/bezymjannyj-6.png" alt="" />
<img src="https://kyzylorda-news.kz/wp-content/uploads/2022/07/bezymjannyj-1-1.png" alt="" />
Осындай кәсіпкердің бірі Дәулетияр Тілемісов. Ол «Айзере» ЖК-нің жетекшісі. 2011 жылдан бері жеке қаражат есебінен пластикалық есік-терезе құрастырумен айналысып келеді.
<blockquote>
 «2021 жылы Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы мен «Ауылшаруашылығын қаржылай қолдау қоры» АҚ-ы арқылы 6,0 млн теңге жеңілдетілген несие алдым. Бүгінде сол кәсіпті &nbsp;кеңейтіп жұмыс істеп жатырмын. Цехта 2 адамды жұмыспен қамтып отырмын. Мемлкеттен берілген бұл несие артық қаражаты жоқ біздер үшін үлкен көмек болды. Аудан халқына қызмет етіп, өзіміз де сол арқылы нәпақамызды тауып жүрміз», – деді Дәулетияр Тілемісов.
</blockquote>
<img src="https://kyzylorda-news.kz/wp-content/uploads/2022/07/bezymjannyj-2-1.png" alt="" />
<img src="https://kyzylorda-news.kz/wp-content/uploads/2022/07/bezymjannyj-3-1.png" alt="" />
2020 жылы эковата өндіру цехына жеке қаражат есебінен 13,0 млн.теңге және «Бизнестің жол картасы 2020» мемлекеттік бағдарламасы аясында 2,0млн.теңге грант қаражатын иеленген тағы бір жеке кәсіпкер Мұрат Әбілов. Ол «Адима» ЖК-нің жетекшісі. Кәсіпкер мемлекеттен берілген қаржыға өндіріске қажетті құрал жабдықтарын сатып алып, &nbsp;кәсібін алғаш бастаған.&nbsp; 2 адамды жұмыспен қамтыған цех аудан тұрғындарының қажеттілігін қамтамасыз етіп отыр.
<img src="https://kyzylorda-news.kz/wp-content/uploads/2022/07/bezymjannyj-4-1.png" alt="" />
<img src="https://kyzylorda-news.kz/wp-content/uploads/2022/07/bezymjannyj-6-1.png" alt="" />
<blockquote>
 «Еңбектенген адамға жұмыс табылады. Мемлекеттен берілген несие артық қаржысы жоқ тұрғындарға үлкен көмек. Өзім 2020 жылы Бұқарбай батыр ауылынан &nbsp;шлакоблок&nbsp; цехын ашуға «Бизнестің жол картасы 2020» мемлекеттік бағдарламасы аясында 2,0 млн.теңге грант қаражатын иелендім. Оған цех жұмысына қажетті құрал жабдықтарын сатып алдым. 2021 жылы аталған жобаны кеңейту мақсатында «Қызылорда» ӨИО» МҚҰ» ЖШС арқылы 8,0 млн теңге төмендетілген пайызбен несие алып, дайын өнімін тасымалдауға қажетті техника сатып алдым. Қазіргі таңда 3 адамды жұмыспен қамтып, еңбек етіп жатырмыз», – дейді «Арман сом» ЖШС-нің жетекшісі Жұмабек Еділ.
</blockquote>
<img src="https://kyzylorda-news.kz/wp-content/uploads/2022/07/bezymjannyj-7.png" alt="" />
<img src="https://kyzylorda-news.kz/wp-content/uploads/2022/07/bezymjannyj-8.png" alt="" />

Қазақстан және Қызылорда облысының жаңалықтары