<a href="https://kyzylorda-news.kz/">Kyzylorda-news.kz</a> &nbsp;«Taza Qazaqstan» Road-эстафетасымен Шиелі ауданында болған ҚР Парламенті Мәжілісіндегі «AMANAT» партиясы фракциясының мүшелері Мұрат Әбенов, Мархабат Жайымбетов және Жарқынбек Амантай, аудан әкімі Айтбай Жандарбековпен Руханият орталығында қоғамдық қабылдау өткізіп, тұрғындар өтінішін тыңдады.Қабылдау барысында тұрғындар инфрақұрылым, әлеуметтік қолдау, білім беру, денсаулық сақтау, ауыл шаруашылығы және жер қатынастарына байланысты өзекті мәселелерін көтерді. Халық қалаулылары әрбір сұраққа мұқият назар аударып, тиісті сала мамандарымен бірлесіп шешу жолдарын қарастыруға уәде берді.Мәселен, Мұрат Әбенов ауыл жастары үшін тұрғын алу мәселесіндегі алғашқы жарна мөлшерін төмендетуге қатысты жастар тарапынан айтылған ұсынысты Парламент қабырғасында қарап, тиісті министрліктермен талықлайтынын жеткізді.Қабылдауға облыстық, аудандық мәслихаттардағы депутаттық фракция мүшелері де қатысты.&nbsp;

Taza Qazaqstan» Road-эстафета аясында шиеліде қоғамдық қабылдау өтті 

<a href="https://kyzylorda-news.kz/">Kyzylorda-news.kz</a> &nbsp;Танымал актриса Дариға Бадықова күйеуінің мәлімдемесінен кейін желіде жазба жариялады. Ол өзін қаралап жатқан халыққа жауап берді. Бұл туралы <a href="https://stan.kz/azhirasip-ketsem-de-aksha-berip-tyrdim-dariga-badikova-424312/">Stan.kz</a> ақпарат агенттігі хабарлады.Кино жұлдызын бұрынғы күйеуінің сұхбаты қатты ашуландырған.<blockquote>“Еркектің бәрі ер емес. Кей адам киіммен, кей адам үнсіздігімен шешінеді. Мен – үнсізбін. Себебі, менің үнім шықпағаны — әлсіздігім емес, тәрбием еді. Жалғыз әйелдің үнсіздігі – айқайдан да қатты&nbsp;естіледі кейде. Бірақ үндемеген сайын, біреулер арзан тірлік жасап жатыр. Бір жақты пікірмен шешім шығарғандарға айтарым: Мен – сценарий емес, тірі адаммын! Киномның алдында, сонша төккен еңбегімнің, адал терімнің алдында, өмірімді күлге айналдырмақ болған әрекет – тек мені емес, өнердің өзін де қорлау деп білем”, – деп жазды актриса.</blockquote>Одан кейін экс жолдасымен ажырасып кетсе де, ақша беріп тұрғанын жасырмады.<blockquote>"Менің де өз шындығым бар. Өтірік бақытты адамның рөлін ойнағанмын. Елдің адамы болған соң көп нәрсені ашық айтпадым — бекер екен. Ол өтірік күйеуім болғандай кейіп танытпасын. Өтірік әңгімелерінен шаршадым. Еркек басымен “жертво” болып отыр. Біз біраз уақыт бұрын ажырасқанбыз, бірақ біразға дейін бір шаңырақ астында өмір сүрдік. Енді бәрін ашып айтамын. Киноға жасаған қастандығын, қызғаныштарын... Өнерімді тартып ала алмайды. Біз бақытты өмір сүрмедік. Кеткен әйел қашан да жаман көрінеді. Өзім еркек те, әйел де болудан шаршадым. Ол істейтін ісі жоқ, тамағы мен киімін кім алып жүргенін де білмейді. Кетіп қалсам да ақша сұрап, маза бермейтін. Сау адамға ақша беріп жүрдім, құрбыларым тоқтат деді. Беруді қойған соң, енді осындай әңгіме шығарып отыр", – деп жазды Бадықова.</blockquote>Фото: Сұхбаттан скриншот

"Ажырасып кетсем де, ақша беріп тұрдым": Дариға Бадықова өзін қаралағандарға жауап берді

<a href="https://kyzylorda-news.kz/">Kyzylorda-news.kz</a>&nbsp; Digital Bridge 2025 халықаралық IT-форумы аясында «Азаматтарға арналған үкімет» мемлекеттік корпорациясы алыс-жақын шетелдік журналистер үшін пресс-тур ұйымдастырды. Астаналық халыққа қызмет көрсету орталығында қонақтар мемлекеттік қызметтерді көрсету саласындағы Қазақстан тәжірибесін зерттеп, енгізіліп жатқан цифрлық шешімдерді бағалады.«Азаматтарға арналған үкімет» мемлекеттік корпорациясында&nbsp;қонақтарға қызмет көрсету бөлімінің жұмысы туралы жан-жақты&nbsp;ақпарат беріліп, қызмет көрсетуде қолданылып жатқан заманауи шешімдер &nbsp;таныстырылды.Журналистерге «ЦОН» мобильді қосымшасы және «бір терезе» қағидаты бойынша мемлекеттік қызмет көрсету процестері көрсетілді. Осылайша, шетелдік қонақтар жоғары деңгейдегі автоматтандыруды, интерфейстердің ыңғайлылығын және қызметтерді алу жылдамдығын атап өтті.«Қазір мемлекеттік қызметтердің 90%-дан астамы электронды түрде көрсетіледі. Бұл – еліміздің цифрлық трансформациядағы маңызды жетістігі. Ол қабылданған шаралардың тиімділігін дәлелдеп, Қазақстандағы цифрландырудың тұрақты дамуын көрсетеді. Біз алдағы уақытта да жаңа технологияларды енгізіп, қызмет көрсету үдерістерін жетілдіре береміз. Негізгі мақсатымыз – халыққа заманауи талаптарға толық сай қызмет ұсыну», – деп атап өтті Арман Кенжеғалиев, «Азаматтарға арналған үкімет» мемлекеттік корпорациясының Басқарма Төрағасы.Сонымен қатар, мобильді қосымшаның бейнеқоңырау арқылы кеңес алу, әлеуметтік төлемдерді есептеуге арналған онлайн-калькулятор, автокөлік тарихын тексеру және көлікті сатып алу-сату шартын тікелей смартфоннан рәсімдеу сияқты инновациялық сервистері ерекше қызығушылық тудырды. &nbsp;Қонақтар құжаттандыру терминалдарына да назар аударды. Олардың көмегімен азаматтар бірнеше минут ішінде паспорт немесе жеке куәлікке өтініш бере алады.Делегацияға компьютерлермен жабдықталған өзіне-өзі қызмет көрсету аймағы да таныстырылды. Мұнда арнайы құрылғысы жоқ азаматтар мемлекеттік корпорация қызметкерлерінің қатысуынсыз қызметтерді электронды форматта рәсімдей алады.Сапарды қорытындылай келе, шетелдік БАҚ өкілдері қызмет көрсету орталығының жұмысын жоғары бағалап, Қазақстан тәжірибесі мемлекеттік қызметтерді цифрландыру саласында басқа елдерге үлгі бола алатынын атап өтті.Айта кетейік, пресс-тур Digital Bridge 2025 халықаралық технологиялық форумы аясында өтті. Оған Оңтүстік Корея, Таиланд, Қытай, Малайзия, Армения, Әзірбайжан, Өзбекстан және Беларусь елдерінің журналистері қатысты.

Шетелдік БАҚ Қазақстандағы мемлекеттік қызмет көрсетудің тәжірибесімен танысты

<a href="https://kyzylorda-news.kz/">Kyzylorda-news.kz</a> &nbsp;Қазақстанда атаулы әлеуметтік көмек (АӘК) тағайындау тәртібіне жаңа өзгерістер енгізілмек. Еңбек және халықты әлеуметтік қорғау министрлігінің мәліметінше, енді несиесі бар отбасылардың жәрдемақы алу мүмкіндігі қарыз көлеміне қарай шектеледі. Бұл туралы <a href="https://stan.kz/">Stan.kz</a>ақпарат агенттігі <a href="https://www.youtube.com/watch?v=lhatYXySw1Q">Информбюро</a> бағдарламасына сілтеме жасап хабарлайды.Жаңа ережеге сәйкес егер жан басына шаққандағы жиынтық қарыз сомасы екі еселенген ең төменгі күнкөріс деңгейінен асса, мұндай отбасы АӘК алу құқығынан айырылады.Мысалы, төрт адамнан тұратын отбасы 2 миллион теңге көлемінде несие рәсімдесе, бұл сома алдымен үшке, кейін төртке бөлінеді. Осылайша жан басына шаққандағы борыш шамамен 166 мың теңге болады. Бұл көрсеткіш ең төменгі күнкөріс деңгейінен әлдеқайда жоғары болғандықтан, отбасы жәрдемақы ала алмайды.Сонымен қатар министрлік өкілі Шыңғыс Шәкiлдің айтуынша, отбасылар тұрғын үй мақсатындағы депозит ашып, ақша жинай алады, бұл табыс ретінде есептелмейді."Отбасына есептегенде 200 айлық есептік көрсеткіштен (786 400 теңге) асатын банктік салымдардың немесе депозиттердің болуы ескеріледі. Бірақ тұрғын үй құрылыс жинақ салымдары табысқа қосылмайды. Бұл мәліметтер азаматтардың материалдық жағдайын әділ бағалауға мүмкіндік береді", –&nbsp;деді әлеуметтік көмек департаментінің бас сарапшысы Шыңғыс Шәкiл.Жаңа тәртіп әлеуметтік көмекті тек шынымен мұқтаж азаматтарға бағыттауды көздейді.Фото: Нұрболат Нұржаубай&nbsp;

Қазақстанда енді несиесі бар отбасылар атаулы әлеуметтік көмектен қағылады

<a href="https://kyzylorda-news.kz/">Kyzylorda-news.kz</a> Қызылорда қаласында Қазақстан халқы Ассамблеясының 30 жылдығына орай Қызылорда облыстық ҚХА жанындағы Журналистер мен сарапшылар клубының ұйымдастыруымен дәстүрлі «ДОСТЫҚ LIVE» шағын футбол турнирі өтті.<img src="https://knadmin.beoblood.kz/uploads/558697313_4199017433750738_6943493073538737708_n_98157d9738.jpg" alt="558697313_4199017433750738_6943493073538737708_n.jpg">Шараның басты мақсаты – бұқаралық ақпарат құралдары өкілдері арасындағы достық байланыстарды нығайту, салауатты өмір салтын дәріптеу және қоғамдағы бірлік пен келісім құндылықтарын насихаттау болды.Биылғы турнирге бес команда қатысты:• облыстық «Qyzylorda» телеарнасы;• қалалық «Қоғам ТВ» телеарнасы;• «Сыр медиа» командасы;• «Меншікті тілшілер» командасы;• Қоғамдық даму басқармасы командасы.Футбол алаңында өткен тартысты кездесулер барысында қатысушылар өз шеберліктерін, ұйымшылдығын және спортқа деген сүйіспеншілігін көрсетті. Әр команда жеңіске деген жігер мен достық рухын жоғары ұстады.Турнир қорытындысы бойынша:I орын – облыстық «Qyzylorda» телеарнасы командасы (сыйақы – 200 000 теңге);II орын – «Меншікті тілшілер» командасы (150 000 теңге);III орын – қалалық «Қоғам ТВ» телеарнасы командасы (80 000 теңге);ал IV орын – Қоғамдық даму басқармасы командасына (40 000 теңге) бұйырды.Жеке номинациялар бойынша да үздіктер анықталды:«Үздік шабуылшы» – «Сыр медиа» командасының ойыншысы Нұрлан Дауылбаев (10 000 теңге);«Үздік қақпашы» – «Сыр медиа» командасының қақпашысы Бағлан Айғали (10 000 теңге).Барлық жеңімпаздарға дипломдар, ақшалай сертификаттар, медальдар және «Достық кубогі» табысталды.<img src="https://knadmin.beoblood.kz/uploads/557233472_4199017387084076_3480191527586988176_n_44dbad4b6b.jpg" alt="557233472_4199017387084076_3480191527586988176_n.jpg">Марапаттау рәсімінде ҚХА хатшылығы – этносаралық қатынастар мәселелері жөніндегі бөлімнің басшысы Ерлан Сисенбиев, «Қоғамдық келісім» КММ директоры Бақытжан Камалов және ҚХА жанындағы Журналистер мен сарапшылар клубының төрағасы Елена Рыбина сөз сөйлеп, турнир қатысушыларын құттықтады. Олар өз сөздерінде бұл шараның қоғамдағы бірлік пен достықты нығайтудағы рөлін ерекше атап өтті.– «Ел Президенті Тоқаев Қасым-Жомарт Кемелұлы ақпараттық саясаттың басты бағыттарының бірі ретінде қоғамда бірлік пен келісім құндылықтарын дәріптеу қажеттігін атап өткен болатын. Осы маңызды міндетті жүзеге асыру жолында Қызылорда облыстық ҚХА жанындағы Журналистер мен сарапшылар клубының еңбегі айрықша. Бұл турнир – сол игі істің нақты көрінісі», – деді Ерлан Сисенбиев.Шара соңында қатысушылар естелік суретке түсіп, жылы лебіздерін білдірді.

ҚХА 30 жылдығына арналған “Достық live” турнирі өтті

А.Тоқмағанбетов атындағы мәдениет үйінде ұйымдастырылған қызылордалық мұғалімдерді ұлықтау шарасы жоғары деңгейде өтті. Салтанатты жиынға қала әкімінің орынбасары Ділмұхамед Абызов және облыстық білім басқармасының басшысы Асқарбек Есжанов қатысты.Қызылордалық ұстаздарды төл мерекесімен құттықтаған қала әкімінің орынбасары елдің болашағы үшін мұғалім мамандығының қаншалықты маңызды рөл атқаратындығын тілге тиек етіп, саладағы жақсы жаңалықтар мен толымды тірліктерге тоқталды.<img src="https://knadmin.beoblood.kz/uploads/FB_IMG_1759606900594_ab99013724.jpg" alt="FB_IMG_1759606900594.jpg"><blockquote>«Биылғы тамыз конференциясында Мемлекет Басшысы Қасым - Жомарт Кемелұлы «Мен Қазақстан ұстаздарының қажырлы еңбегін жоғары бағалаймын, Сіздер жас буынға беріп жатқан білімнің күшіне сенемін. Шын мәнінде, ұстаздық – жай мамандық емес, бұл – ұлы миссия. Адам қандай жетістікке жетіп, биікке шықса да, ұстазының алдында өмір бойы шәкірт болып қалады» - деген болатын. Әрине, біз де оқушы болып, ұстаздан тәлім - тәрбие алдық. Сондықтан баршамыз ұстаздарымызды қадір тұтып, қолдап отыру азаматтық борышымыз. Өздеріңіз жақсы білесіздер, Мемлекет басшысының, Үкіметтің қолдауымен және облыс әкімінің үйлестіруімен өңіріміздің білім саласында серпінді жобалар жүзеге асырылуда. Қаламыздың өзінде 5 бірдей «Келешек мектебі» пайдалануға берілді. Физика - математика бағытындағы мектеп алғашқы қарлығаштарын қабылдады. «Сыр жұлдыздары» шығармашылық - инновациялық академиясы жаңа мүмкіндіктер алаңына айналды. «Оқушылар сарайы» озаттар орталығы атанды. Мұнан бөлек, спортты жанына серік етер балаларымызға арналып «Үстел теннисі» орталығы ашылды. Қазір «Қызылорда Арена» дене шынықтыру кешенінің құрылысы қарқынды жүруде. Осындай игі бастамалар жас ұрпақтың болашағы үшін жасалуда. &nbsp;Жасалған қолдаулар мен ұстаздардың тынымсыз еңбектерінің нәтижесінде оқушыларымыз жетістіктер қоржынын толтырып, мерейімізді тасытуда. Бүгінде шәкірттеріміз түрлі байқауларға қатысып, халықаралық, республикалық зияткерлік сайыстарда, олимпиадаларда топ жарып келеді. Кешегі ұлттық бірыңғай тестілуде Сыр өңірінің өрендері ұтқан грант санымен алдыңғы қатарға шықты. Ұстаздарымыз болса мемлекеттік марапат - «Ерен еңбегі үшін» медалімен наградталуда. Міне, мұның барлығы – қызылордалық мұғалімдердің жоғары кәсіби шеберлігі, соның нәтижесіндегі зор табыстар екені сөзсіз»,- &nbsp;деген қала әкімінің орынбасары Ділмұхамед Абызов барша ұстаздар қауымына толағай табыс тіледі.</blockquote><img src="https://knadmin.beoblood.kz/uploads/FB_IMG_1759606913323_9da4ab15a1.jpg" alt="FB_IMG_1759606913323.jpg">Мерекелік шарада ардагер-ұстаздарға Оқу ағарту министрлігінің «Еңбек ардагері» медалі мен «Білім беру ісінің &nbsp;құрметті қызметкері», «Құрмет» грамотасы, облыс әкімі және қала әкімінің, облыстық білім басқармасының &nbsp;«Құрмет» грамотасы, «Алғыс» хаттары, үздік 10 педагогке 150 мың теңгенің сертификаты табысталды.Ақ тілек-құттықтаулар ыстық ықыластың барлығы да бұл күні ұстаздар қауымының құрметіне арналды. Оқушылар ән жырдан, биден шашу шашып, мереке сәнін аша түсті.Қазақтың аяулы ақыны Мағжан Жұмабаевтың «Алты Алаштың баласы бас қосса, төрдегі орын - ұстаздыкі» деген ұлағатты сөзі ешқашан құнын жоймақ емес.<img src="https://knadmin.beoblood.kz/uploads/FB_IMG_1759606535888_9d7ebd4bef.jpg" alt="FB_IMG_1759606535888.jpg">

Ұлылықтың кемеңгері – ұлы ұстаз

«Қайта жаңғыртудан өтіп жатқан Президент саябағында 10 млрд. теңгеге жылдың төрт мезгілінде үздіксіз жұмыс жасайтын 300 орындық заманауи балалар тынығу лагері бой көтеруде. Бұл жерде балаларымыз дария жағалауында серуендеп, таза ауамен тыныстап демалады. Бойына күш-қуат жинап, көңіл сергітіп, білімін шыңдайтын ерекше орын болмақ». Бұл туралы Мұғалімдер күніне арналған салтанатты шарада облыс әкімі Нұрлыбек Нәлібаев атап өтті.<img src="https://knadmin.beoblood.kz/uploads/FB_IMG_1759606514942_7062e8ae07.jpg" alt="FB_IMG_1759606514942.jpg"><blockquote>«Президент саябағында 5 млрд. теңгеге Ботаникалық білім беру орталығының (қысқы бақ) ғимараты салынуда. Ғимараттың ауданы 3 420 шаршы метр, онда жас жеткіншектердің ой-өрісін кеңейтуге, өсімдіктердің экожүйедегі маңызын түсіндіруге мүмкіндік жасалады. Жасыл екпелерді өсірудің ерекшеліктерін тәжірибе түрінде үйретіп, табиғатты аялауға баулиды», – деді аймақ басшысы.</blockquote>Еске салайық, жас ұрпаққа қосымша білім беру жүйесін дамыту мақсатында 11 млрд. теңгеге балалар мен жасөспірімдерге арналған «Сыр жұлдыздары» академиясы, 3 млрд. теңгеден астам қаржыға Жаңақорған, Жалағаш, Шиелі аудандарында Оқушылар үйі мен Өнер мектептері салынып, зияткер жас ұрпақты қалыптастыруға қызмет етуде.Өткен жылы «ҚазМұнайГаз» Ұлттық компаниясының демеушілігімен Қызылорда қаласында 2 млрд. 500 млн теңгеге заманауи үлгідегі 350 орындық Оқушылар сарайы ашылды.<img src="https://knadmin.beoblood.kz/uploads/FB_IMG_1759606535888_4ef8b85aaf.jpg" alt="FB_IMG_1759606535888.jpg">

Үздіксіз жұмыс жасайтын лагерь салынуда 

Қызылорданың сол жағалауында 11 мың көрерменге арналған жаңа стадионның ашылуы өтті. Салтанатты шара аясында футболдан ел Кубогының финалдық матчы ұйымдастырылды.Шараға Туризм және спорт министрі Ербол Мырзабосынов, Қазақстан футбол федерациясының президенті Марат Омаров арнайы келді. Сондай-ақ, қоғам қайраткерлері мен мыңдаған футбол жанкүйері жиналды.Аймақ басшысы Нұрлыбек Нәлібаев жиналған жұртшылықты жаңа нысанның ашылуымен құттықтап, командаларға сәттілік тіледі.<img src="https://knadmin.beoblood.kz/uploads/FB_IMG_1759606074881_184cdb5be8.jpg" alt="FB_IMG_1759606074881.jpg"><blockquote>“Бүгін - Қазақстанның спорт тарихындағы айтулы күн. Президентіміз Қасым-Жомарт Кемелұлының аймақтарда спорт инфрақұрылымын дамыту, оның ішінде стадиондар мен спорт кешендерін салу туралы тапсырмасына сәйкес Қызылорда қаласында жаңа стадион бой көтерді. Жаңа стадионымыздың ашылуы футболдан Қазақстан кубогының финалдық ойынымен тұспа-тұс келді. Жанкүйерлер асыға күтетін спорт мерекесі &nbsp;отандық футбол тарихында алғаш рет Қызылорда қаласында өтуде. Бұл - сырбойылықтар үшін үлкен мәртебе, зор мақтаныш! Баршаңызды жаңа стадионның ашылуымен шын жүректен құттықтаймын! Қаламызда жаңа нысанның салынуына ерекше қолдау білдірген Мемлекет басшымызға, Үкіметке барша Сыр жұртшылығы атынан шынайы алғысымызды білдіреміз. Финалдық ойынды өткізуге бастамашы болып, ұйымдастырған Қазақстан футбол федерациясына зор ризашылығымызды жеткіземіз. Бүгінгі ойынға жолдама алған командаларға сәттілік тілеймін! Қазақстан футболының даңқы арта берсін!” – деді Нұрлыбек Машбекұлы.</blockquote>Қазақстан футбол федерациясының президенті Марат Омаров жаңа стадионның ашылуы ел футболы үшін маңызды екенін атап өтті.<img src="https://knadmin.beoblood.kz/uploads/FB_IMG_1759606046270_5bca31e9eb.jpg" alt="FB_IMG_1759606046270.jpg"><blockquote>«Құрметті қызылордалықтар және футбол жанкүйерлері! Сіздерді жаңа стадионның ашылуымен шын жүректен құттықтаймын. Бұл – еліміздің футбол картасынан лайықты орын алатын заманауи арена. Қазақстан Кубогының финалы алғаш рет Сыр елінде өтіп отыр. Осы алаңда талай қызықты кездесулер мен ұмытылмас ойындар өтеді деп сенемін. Бүгінгі финал сол табысты жолдың бастауы болсын!» – деді Марат Талғатұлы.</blockquote>Жалпы ауданы 20 мың шаршы метрді құрайтын жаңа спорттық кешен заманауи халықаралық талаптарға сай салынған. Мұнда футбол алаңы ғана емес, олимпиадалық стандарттарға сәйкес келетін бокс, күрес, фитнес, спорттық гимнастика және ауыр атлетика залдары орналасқан. Сонымен қатар, нысанда дүкендер мен дәмханалар қарастырылған.<img src="https://knadmin.beoblood.kz/uploads/FB_IMG_1759606003946_2a759f089e.jpg" alt="FB_IMG_1759606003946.jpg">Ғимараттың бірінші қабатында спорт залдары, футболшылардың дайындық бөлмелері және сауықтыру орталықтары орналасқан. Екінші қабатта – әкімшілік бөлмелер, ал үшінші қабатта – ауқымды жиындарға арналған мәжіліс залы бар. Мүмкіндігі шектеулі спортшылардың жаттығуына да толық жағдай жасалған.Стадион УЕФА-ның 4-санатына сәйкестендірілген. Жасыл алаң халықаралық стандарттарға сай жасанды төсенішпен жабдықталған, заманауи жарықтандыру және дыбыс жүйелері орнатылған. Бұл өз кезегінде халықаралық деңгейдегі спорттық және мәдени шараларды жоғары сапада өткізуге мүмкіндік береді.<img src="https://knadmin.beoblood.kz/uploads/FB_IMG_1759606064580_c48e591c44.jpg" alt="FB_IMG_1759606064580.jpg">

Қызылордада 11 мың орындық жаңа стадион ашылды

<a href="https://kyzylorda-news.kz/">Kyzylorda-news.kz</a> &nbsp;Қазалы ауданының әкімі Алмасбек Есмаханов «Ерен еңбегі үшін» медалінің иегері, Қазалы ауданының құрметті азаматы, аудандық қоғамдық кеңестің төрағасы Талайлы Бөріқұлақовты 70 жас мерейтойымен құттықтады.<img src="https://knadmin.beoblood.kz/uploads/Audan_kimi_Talajly_B_ri_la_ovty_70_zhas_merejtojymen_tty_tady_288548e873.jpg" alt="Аудан әкімі Талайлы Бөріқұлақовты 70 жас мерейтойымен құттықтады.jpg">Аудан басшысы Талайлы Әмитжанұлының ел дамуына сіңірген елеулі еңбегін атап өтіп, мерейтой иесіне ризашылығын білдірді.-«Ғибратты ғұмырында мәнді де мағыналы ғұмыр кешіп, кіндігі байланған еліне адал қызмет етіп, абыройға, сый-құрметке бөленген салиқалы аға буынның арасынан Талайлы Әмитжанұлының тұлғалық келбеті, адами болмысы ерекше. Сындарлы сәтте ел мүддесі үшін аянбай қызмет атқарғаныңызды ел бағалайды. Парасатқа толы ғұмырыңыздағы өнегелі істеріңіз – ұрпаққа үлгі-өнеге. Аудандық мәслихаттың хатшысы қызметін атқарған жылдары сайлаушылар аманатын арқалап, аудандық мәслихат мінберінен аудандағы ең өзекті, кезек күттірмейтін мәселелерді көтердіңіз. Қазалы ауданында халық батыры Жанқожа Нұрмұхамедұлының 240, 250 жылдығы, Ақтан батыр Ақайұлының 245 жылдығы, Бекарыстан би Амандықұлының 250 жылдығы, Шығыстың жарық жұлдызы Ғани Мұратбаевтың 110 жылдығы мен тағы басқа шараларды жоғары деңгейде ұйымдастырылуына аянбай атсалыстыңыз. Сізді аудан жұртшылығының атынан мерейтойыңызбен шын жүректен құттықтаймыз!», - деді Алмасбек Әбілқасымұлы.Сыр елінің дамуына қосқан ерекше үлесі үшін Талайлы Әмитжанұлына Қызылорда облысының «Құрмет» грамотасы мен аудан әкімінің құттықтауы табысталды.Мерейтой иесін аудандық ардагерлер кеңесінің төрағасы Оразғали Бекбанов, аудандық мәслихат төрағасы Ғазиз Әліш, ел ағасы Өмірзақ Түктібаев құттықтап, ізгі тілектерін жеткізді.Талайлы Бөріқұлақов - 1955 жылы 2 қазанда Қазалы ауданы, Жаңаталап елді мекенінде дүниеге келген. Еңбек жолын 1973 жылы Өркендеу совхозында бригада есепшісі болып бастап, 1978 жылға дейін осы шаруашылықта экономист-бухгалтер қызметінде жұмыс жасаған. Осы жылдары қоғамдық негізде совхоз комсомол комитетінің секретары міндетін атқарған.1978-1992 жылдары Жаңақұрылыс совхозында бас экономист, Майдакөл, Парт съезд совхоздарында бас бухгалтер, Энгельс атындағы совхозда кәсіподақ комитетінің секретары, директордың орынбасары, аудандық қаржы бөлімінің бас маманы, 1992-1997 жылдары Мемлекеттік қаржы бақылау комитетінің Қазалы аудандық бөлімінің бастығы қызметін атқарған.1997-2007 жылдары аралығында Қазақстан Республикасы Қаржы министрлігінің Қазалы ауданы бойынша салық комитетінің төрағасы, 2007-2016 жылдар аралығында ІV, V шақырылған Қазалы аудандық мәслихатының хатшысы қызметінде болған.2016-2018 жылдары Қазалы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы, 2018-2022 жылдар аралығында «Сыр маржаны» ЖШС директорының орынбасары болып абыройлы еңбек етті.2022 жылдан осы уақытқа дейін Қазалы аудандық қоғамдық кеңесінің төрағасы және қоғамдық негізде «Жаңару» сыбайлас жемқорлыққа қарсы жалпыұлттық қозғалыс» республикалық қоғамдық бірлестігі Қазалы аудандық филиалының директоры қызметтерін атқарып келеді.

Аудан әкімі Талайлы Бөріқұлақовты 70 жас мерейтойымен құттықтады

<a href="https://kyzylorda-news.kz/">Kyzylorda-news.kz</a> Қазан айында демалыс күндері мен мерекені қоса алғанда 9 күн демалыс бар, деп хабарлайды&nbsp;<a href="http://inbusiness.kz/">inbusiness.kz</a>&nbsp;сайты.Қазақстанда 25 қазанда Республика күні аталып өтеді. Бұл мереке 2025 жылы сенбі күніне сәйкес келеді. Сондықтан ол күннің демалысы 27 қазан, дүйсенбіге ауыстырылады.Осыған байланысты 5 күндік жұмыс кестесімен еңбек ететін қазақстандықтар қатарынан үш күн – 25, 26 және 27 қазан күндері демалады.Айта кетейік, қазан айында демалыс күндері мынадай болады:<ul><li style="text-align:justify;">4, 5 қазан (сенбі, жексенбі);</li><li style="text-align:justify;">11, 12 қазан (сенбі, жексенбі);</li><li style="text-align:justify;">18, 19 қазан (сенбі, жексенбі);</li><li style="text-align:justify;">25, 26, 27 қазан (сенбі, жексенбі, дүйсенбі).</li></ul>Сондай-ақ, қазан айында кәсіби және өзге де мерекелер – ұлттық және мемлекеттік мерекелер мәртебесі берілмеген, азаматтардың жекелеген санаттары атап өтетін мерекелер бар.Кәсіби мерекелер демалыс күндері болып табылмайды. Бірақ әріптестеріңізді, таныстарыңыз бен жақын адамдарыңызды құттықтаудың жақсы себебі болып табылады.<ul><li style="text-align:justify;">1 қазан – Радио күні</li><li style="text-align:justify;">5 қазан – Мұғалімдер күні</li><li style="text-align:justify;">6 қазан – Қорғаныс өнеркәсібі қызметкерлері күні</li><li style="text-align:justify;">10 қазан – Қазақстан кәсіптік одақтарының күні</li><li style="text-align:justify;">19 қазан – Құтқарушы күні</li><li style="text-align:justify;">19 қазан – Орман шаруашылығы қызметкері күні (қазанның үшінші жексенбісі)</li><li style="text-align:justify;">24 қазан – Кітапханашы күні</li><li style="text-align:justify;">26 қазан – Әлеуметтік қорғау жүйесі қызметкерлері күні (қазанның соңғы жексенбісі)</li><li style="text-align:justify;">29 қазан – Күзет ұйымдарының қызметкерлері күні</li></ul>Фото: freepik

Қазақстандықтар қазан айында қанша күн демалады?

<a href="https://kyzylorda-news.kz/">Kyzylorda-news.kz</a> Қызылорда қаласында Қазақстан Халық партиясының бастамасымен өткен республикалық «Еңбек адамы – 2025» байқауының жеңімпаздары салтанатты түрде марапатталды.Байқаудың негізгі мақсаты – еңбекті қоғамдағы ең жоғары құндылық ретінде насихаттау және жұмысшы мамандығы иелерінің ел дамуына қосқан үлесін дәріптеу. Жобаға барлық аудан және қаладан еңбек адамдары атсалысып, өздерінің кәсіби шеберлігін паш етті.Марапаттау рәсімінде облыстық қоғамдық даму басқар­масы­ның басшысы Руслан Қаюпов еңбек адамдарының қоғамдағы орны туралы ой бөліссе, ақын, Мәдениет қайраткері, Қызылорда облысының құрметті азаматы, «Қоғам ТВ» телеарнасының құрылтайшысы Шаһизада Әбдікәрімов олардың ел дамуы жолындағы рөліне тоқталды.Қазақстан Халық партиясы Қызылорда облыстық филиа­лының төрағасы Қайрат Ерназаров жеңімпаздарға «Еңбек майталманы» медалін, сондай-ақ түрлі номинация иегерлеріне Ал­ғыс хаттар табыстап, ізгі лебізін білдірді.Марапат алғандардың қатарында егіншілер, құрылысшылар, дәрігерлер, мұнайшылар және өз саласында үздік нәтиже көр­сеткен өзге де еңбек адамдары бар.Іс-шара аясында партия қатарына жаңадан қабылданған азаматтарға партиялық билеттер табысталды. Бұл қадам олардың ел дамуына үлес қосуға және халық игілігі үшін аянбай еңбек етуге деген дайындығын білдіреді.Шара қорытындысы тек марапаттау рәсімі ғана емес, еңбектің қадір-қасиетін дәріптейтін, еңбек адамдарына құрмет көрсететін мереке ретінде бағаланды.

Жеңімпаздарды марапаттады

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев қаладағы бірқатар құрылыс нысандарын аралап, құрылыс жұмыстары жүргізіліп жатқан әлеуметтік нысандардың жауапты өкілдерімен кездесті.Алдымен қалада халықтың әлеуметтік осыл тобына жататын тұрғын үйге мұқтаж отбасыларға арнап салынып жатқан тұрғын үйлердің құрылыс жұмыстарымен танысты.Қазіргі таңда ауданда 2 пәтерлі 30 тұрғын үйдің құрылыс жұмыстары жүргізіліп жатыр.Аудан әкімі жұмысты көзбен көріп, құрылыс нысанының басында жауапты тұлғалармен жүздесіп, тиісті тапсырма жүктеді.– Жұмысты әлі де жанданыдру қажет. Жылы күздің басында сылақ, әрлеу сынды жұмыстарды үлгерту маңызды. Бізде талап біреу ғана. Халық пайдаланатын үйлердің сапасында мін болмау керек. Әсіресе ғимараттың беріктігі маңызды. Сондықтан жұмысты мұқият әрі сапалы түрде жүргізуді талап етеміз, – деді аудан әкімі Аманжол Сақыпұлы.Өткен жылдың өзінде мемлекеттік бюджеттен бөлінген 2,2 млрд. теңгеге салынған 150 пәтерге жыл басында тұрғындар қоныстанды. Бұл бағыттағы жұмыстар биыл да жалғасуда. Ағымдағы жылы 60 пәтер сатып алуға 900 млн. теңге қаражат қаралды.Аудан әкімі кезекті нысан Арал теңізі вокзалына аялдап, құрылыс нысанының басында жауапты тұлғалармен кездесті.Бұған дейін Арал қаласы мен Сексеуіл кентіндегі темір жол вокзалдарын күрделі жөндеуден өткізу жұмыстары жоспарланғанмен алдын-ала жобалау барысында, аталған ғимараттардың тым ескі болуымен байланысты, іргетасынан бастап, қабырға тіректерінің әбден тозығы жетуі салдарынан, инженерлік-техникалық тұрғыда күрделі жөндеуден өткізуді тиімсіз деп есептелді.Осыған орай, жергілікті атқарушы орган мен «Қазақстан темір жолы «ҰК» АҚ бірлесе отырып, жобалаушы мердігер мекемемен тиімді шаралар қабылдауға жұмыстар жасалды. Нәтижесінде аталған ғимараттар апатты деп танылып, жергілікті маңызы бар тарихи және мәдени ескерткіштерінің мемлекеттік тізілімінен шығарылды.Қазіргі таңда, Арал қаласы мен Сексеуіл кентіндегі ескі темір жол вокзалдарын бұзып, жаңа ғимараттар құрылысын жүргізілуде. Бүгінде қаладғы темір жол бекетінің ірге тасын құю жұмыстарын «Техоснастка-Ремсервис» ЖШС мекемесі бастап кетті. Ғимарат жыл соңына дейін пайдалауға беріледі деп күтілуде.Аудан әкімі нысан басында құрылыс жұмыстарына куә болып, игі істі қолға алаған азаматтардың жұмысына сәттілік тіледі.Қазіргі таңда аудандағы жұқпалы аурулар бөлімшесінің ғимараты ескіруіне байланысты жаңа ғимараттың құрылыс жұмыстары да жүргізілуде. Қаржысы 2 млрд. 300 млн. теңге болатын жаңа нысанның құрылысын «Иман» ЖШС мекемесі жүргізуде. Мердігер мекеме өкілі Ә.Тұрсынбаевтың айтуынша ғимарат жыл соңына дейін толықтай аяқталып, пайдалануға беріледі. Бүгінде сыртқы абаттандыру жұмыстары мен қабырғаларын қалау, төменгі қабат бөлігінің терезелерін салу және ішкі жұмыстары жүрігізіліп жатыр.Аудан әкімі жауаптылармен кездесу барысында негізгі жұмысты бәсеңдетуге жол бермеу керектігін жеткізді.Қаржысы 2 млрд. 23 млн. теңге болатын аурухан жанынан салынып жатқан жапсаржайдың бүгінде сыртқы жұмыстары аяқталған. Ішкі әрлеу және еденін төсеу жұмыстары жүргізілуде. Жапсаржай құрылысын «СМП Қызылорда» ЖШС мекемесі қолға алған. Мердігер мекеме өкілінің сөзінше ғимарат алдағы жыл соңына дейін толықтай аяқталуы тиіс.«Ұлт саулығын нығайту» жобасы аясында қолға алынға қосымша жапсаржайда 17 төсектік нейро-инсульт, 35 төсектік кардиология бөлімшелері болады. Сонымен қатар МРТ және ангиограф қондырғылары орнатылатын болады.Фото: Арал ауданы әкімінің баспасөз қызметі

Қазақстан және Қызылорда облысының жаңалықтары