<a href="https://kyzylorda-news.kz/">Kyzylorda-news.kz</a>. ҚР Бәсекелестікті қорғау және дамыту агенттігі электр энергиясы бойынша тұтынушылар топтарын саралаудан бас тартып, тарифті барлығына – жеке және заңды тұлғаларға, сондай-ақ бюджеттік ұйымдарға бірдей етіп енгізуді ұсынды. Бұл дегеніміз 2025 жылға қарай &nbsp;қарапайым тұтынушылар үшін электр энергиясының тарифі күрт көтеріледі деген сөз, деп хабарлайды&nbsp;<a href="https://stan.kz/">Stan.kz</a>.
<blockquote>
 “Тарифтер біртіндеп төмендейді. Бүкіл әлемде жеке тұлғалар көбірек төлейді. Нан пісірген адам тиімділік тұрғысынан қоғам үшін маңыздырақ, себебі нан жеке адамның қара басынан гөрі маңызды. Дүние жүзінде жеке тұлғалар заңды тұлғаларға қарағанда көбірек төлейді. Бірақ осал топтағы халық үшін тұрғын үй көмегі көрсетіледі. Біз 2025 жылға қарай бұл саралауды алып тастауға тырысамыз”, – деді мәжілісте басқосуда агенттік төрағасы Серік Жұманғарин.
</blockquote>
Мысал ретінде ол Нұр-Сұлтан қаласында жұмыс істейтін “Астанаэнергосбыт” ЖШС-ін келтірген. Кәсіпорын сағатына бір киловатт үшін орташа есеппен 19,84 теңге тарифін төлейді және бұл тариф тұтынушылардың үш тобы бойынша сараланады. Тұрмыстық тұтынушылар бір киловатт үшін сағатына 13,59 теңге, заңды тұлғалар 22,43 теңге, бюджеттік ұйымдар 50 теңге төлейді.
<blockquote>
 “Жақында мемлекет басшысымен кездесу болып, ол осы саралауды жою бойынша пилоттық жобаны жүзеге асыруды қолдады. Саралау нәтижесінде былтырдың өзінде бюджетке 20 млрд, шағын және орта бизнеске 31 млрд теңге артық төленген. Бұл жалпы – 51 млрд теңге. Алайда нарықта коммуналдық қызметтерді қамтитын тұрғын үй көмегі бар. Тұрғын үй көмегін төлеу небәрі 750 миллион теңгені құраған. Өздеріңіз көріп отырғандарыңыздай, 51 млрд теңге қорда сақтаулы тұр”, – деп түсіндірді Жұманғарин.
</blockquote>
Сол себепті Бәсекелестікті қорғау және дамыту агенттігі тұрғын үй көмегінің көлемін арттыруды, барлық тұтынушылар үшін бірдей тариф белгілеуді ұсынып отыр. Бұл бастама бойынша пилоттық жоба Алматы, Батыс Қазақстан және Қостанай облыстарында жүзеге асырыла бастайды.

Электр энергиясы қымбаттайды

<a href="https://kyzylorda-news.kz/">Kyzylorda-news.kz</a>. Орталық сайлау комиссиясының төрағасы Нұрлан Әбдіров елорда тұрғындарымен кездесті және сайлау процесінің мәселелерін талқылады, деп хабарлайды <a href="https://lenta.inform.kz/kz/nurlan-abdirov-osk-musheleri-eshkanday-partiyada-bolmauy-tiis_a3912605">ҚазАқпарат</a>.
Орталық сайлау комиссиясының төрағасы Президенттің сайлау жүйесін жетілдіру туралы Жолдауына да пікір білдірді.
<blockquote>
 «Кеше Президент айтқан мажоритарлық жүйе көп нәрсені өзгертеді. Әрбір өңірде мажоритарлық жүйе қайтадан қалыптасуы керек. Қазір Мәжілісте пропорционалдық пен мажоритарлық жүйелердің қосындысы пайдаланылса, мәслихаттарда толық мажоритарлық болады. Көп ұзамай тиісті өзгерістер Конституцияға да, басқа заңдарға да дайындалып енгізіледі», – деді Н. Әбдіров Л. Н. Гумилев атындағы Еуразия ұлттық университетінде өткен кездесуде.
</blockquote>
Сонымен бірге Н. Әбдіров мәслихаттардың қызметі мен оларды қаржыландыру мәселесі өзекті болып отырғанын атап өтті.
<blockquote>
 «Мәслихат төрағасы деген жаңа лауазым енгізіліп отыр. Бұл бастама да бір кездері көтерілген болатын. Алайда ол кезде мәселе толық шешілмеді», – деді ол.
</blockquote>
Сонымен қатар, Нұрлан Әбдіров Мемлекет басшысының орталық сайлау комиссиясының төрағалары мен мүшелері партиядан міндетті түрде шығуы туралы ережені заңнамаға енгізу тапсырмасын атап өтті.
<blockquote>
 «Орталық сайлау комиссиясының мүшелері – жеті адамбыз, оның үшеуі Президент Жарлығымен тағайындалады, екеуін Мәжіліс, екеуін – Сенат тағайындайды. Осы жетеудің бәрі де партиядан тыс болу керек деп кеше Президентіміз айтып кетті», – деді Нұрлан Әбдіров.
 «Мысалы өзім 25 қаңтарда Президент тағайындағаннан кейін ертеңіне арыз жазып, Nur Otan партиясынан шыққан болатынмын. Маған бұл шешім оңай болған жоқ. Өйткені заңда ондай норма жоқ – қай партияда болсаң да орталық сайлау комиссиясының мүшесі болып жүре бересің. Бірақ мен осы қызметке келгеннен кейін партияда болмауым керек деп жеке өзім шешім қабылдадым. Президенттің қабылдауында болғанда осы шешімімді айттым, дұрыс деді», – деді ОСК төрағасы.
</blockquote>
Айта кетейік, Нұрлан Әбдіров Қызылорда, Атырау, Ақтөбе, Ақмола облыстарына жұмыс сапарымен барды және өңір тұрғындарымен бірқатар кездесулер өткізген.

Нұрлан Әбдіров: ОСК мүшелері ешқандай партияда болмауы тиіс

<a href="https://kyzylorda-news.kz/">Kyzylorda-news.kz</a>.&nbsp;Бүгін Қызылорда облысының әкімі Гүлшара Әбдіқалықова әнші, халықаралық байқаулардың лауреаты Жұмабек Қаңтарбаевтың «Сыр еліне тағзым» атты ән кеші аясында Сыр еліне келген белгілі опера әншісі, Қазақстанның еңбек сіңірген әртісі, Шымкент опера және балет театрының директоры Майра Мұхамедқызымен кездесті.
Басқосу барысында өңірлер арасындағы мәдени байланысты арттыру және өнер саласында шығармашылық туындыларды насихаттау бағытында бірлескен жобалар туралы пікірлесті.
Өнер қайраткері бірлесіп жұмыс жасауға қызығушылық білдіріп, ізгілік пен парасаттылықтың үлгісі атанған Домалақ ана образын ашатын жаңа опера туындысын Сыр елінде қою туралы ұсыныс жасады.
Аймақ басшысы Майра Мұхамедқызының шығармашылығын аса жоғары бағалайтынын атап өтті және Қазақстанның алғашқы мәдени астанасы Қызылорда қаласында сахналық өнерді одан сайын дамытуға арналған игі бастамаларды әрқашан қолдайтынын жеткізді.
Айта кетейік, Жұмабек Қаңтарбаевтың «Сыр еліне тағзым» атты ән кеші ертең, яғни 18 наурыз күні сағат 19.00-де Н.Бекежанов атындағы қазақ академиялық драма театрында өткізіледі.
<img src="https://kyzylorda-news.kz/wp-content/uploads/2022/03/akim2.jpeg" alt="" />

Гүлшара Әбдіқалықова опера әншісі Майра Мұхамедқызымен кездесті

<a href="https://kyzylorda-news.kz/">Kyzylorda-news.kz</a>. Қазақстан Президенті Қ.К.Тоқаевтың наурыз айындағы “Жаңа Қазақстан: жаңару мен жаңғыру жолы” аттыхалыққа арнаған Жолдауын зейін қоя тыңдадық. Осы Жолдау «Жаңа Қазақстанды» құру жолындағы ең өзекті мәселелерді шешуге бағытталған, халықтың қолдауына ие болатын бағдарлама болды деп пайымдаймын.
Жолдауда еліміздің жаңа стратегиялық мақсатқа жетудегі 10 негізгі бастамасын ұсынған Мемлекет басшысы халық пен билік арасындағы байланысты нығайтып, елдің әлеуметтік-тұрмыстық жағдайын билікке жеткізуде бұқаралық ақпарат құралдарының алар орны маңызды екенін айта келе, журналистердің бәсекеге қабілетті болуы керектігіне айрықша тоқталды.
Бүгінде әлем қиын кезеңді бастан кешіп отыр. Небір сын-қатерлер бой көрсетіп, сан қилы өзгерістер белең алуда. Осындай ауыр сәтте елге дәл әрі нақты ақпарат беріп, биліктің ұстанымын, елдің әлеуметтік-тұрмыстық жағдайын жан-жақты зерделеу маңызды болып табылады. Осы тұрғыда журналистер қауымы бәсекеге қабілетті кәсіби маман ретінде дәйекті ақпараттарды уақытылы әрі шынайы түрде жеткізуі үшін ресми органдар жариялылықты негізге ала отырып, ақпаратқа қолжетімділікті қамтамасыз етуі қажет екені сөзсіз.
Осы ретте «Бұқаралық ақпарат құралдары бәсекеге қабілетті және еркін болуы керек. Бұл қағидат қазір кез келген өркениетті ел үшін айрықша маңызды. Тәуелсіз әрі жауапкершілігі жоғары бұқаралық ақпарат құралдары болмаса, қоғамды одан әрі демократияландыру мүмкін емес екеніне сенімдімін. Сондықтан мемлекеттің мүддесін, қоғамның сұранысын және медиасаланың даму үрдісін ескере отырып, БАҚ туралы заңды қайта қарау керек» деді Президент.
Ендеше, алдағы уақытта журналистердің еркіндігі мен ақпаратты алу қолжетімділігі заң аясында қайта қаралатынына сенімім мол.
Алдаберген ЖОЛАНОВ, 
аудандық қоғамдық кеңес төрағасы, Арал ауданының құрметті азаматы.

Ақпаратқа қожетімділік артады

<a href="https://kyzylorda-news.kz/">Kyzylorda-news.kz</a>. Қызылорда облыстық білім басқармасының басшысы Ақзира Қасымованың төрағалығымен техникалық және кәсіптік білім беру саласына арналған кеңейтілген жиын өтті.
Басқосуға аймақтағы барлық 30 колледждің директорлары шақырылып, әрбір білім беру ұйымының атқарылып жатқан жұмыстары мен стратегиялық жоспарлары талқыланып, мемлекеттік бағдарламалардың орындалу барысы талданды.
Жиынның күн тәртібінде колледждер бойынша атқарылған жұмыстар мен алдағы міндеттер, «Worldskills – 2022» конкурсының аймақтық іріктеу кезеңін ұйымдастыру және өткізу, колледж директорларын аттестациядан өткізу және ротациялау, колледж студенттерінің жетістіктеріне және колдеждерге жүргізілген зерделеу жұмыстарының нәтижелері қаралды.
Кездесуде Қызылорда облысының білім саласын бақылау департаментінің басшысы Ғалия Даулетова колледждергі жаңа мамандықтарға лицензия алу мәселесін қозғап, колледж студенттерін «Worldskills» білімділер бәйгесіне белсенді түрде қатыстыру қажеттігін атап өтті.
Енді колледж директорлары министрлік талабына сай аттестациядан өтеді. Яғни басқару жүйесін жетілдіру, білім сапасын көтеру, маман даярлау мәселесінде директорлардың менеджментік қасиеті бағаланады.
Басқарма басшысы Ақзира Бақтыбайқызы жиында бірқатар колледж директорларына білім сапасы мен «Worldskills» Ұлттық чемпионатына қатысу белсенділігінің төмендігін сынға алып, ескертулер жасады. Сонымен қатар, колледжде білім алатын балалардың мамандығына сай өмірлік дағдылары қалыптасуы керектігін атап өтті. 
Жиын соңында колледж басшыларына білім басқармасы тарапынан бірқатар нақты тапсырмалар мен міндеттер жүктелді.

Қызылордада колледж директорлары аттестациядан өтеді

<a href="https://kyzylorda-news.kz/">Kyzylorda-news.kz</a>. Синоптиктердің болжамынша,&nbsp;сәуірде&nbsp;еліміздің барлық аумағында орташа айлық температура нормадан 1-2°C жоғары, республиканың шығыс бөлігінде – нормаға жуық болады.
Алайда көктемде ауа райы қысқы тосынсый жасауы мүмкін. Өйткені өтпелі маусымда синоптикалық процестер өте тұрақсыз болады. Суық ауа массаларының әсерінен солтүстік өңірлерде қар жауып, боран соқса, арктикалық антициклонның енуіне байланысты оңтүстік аймақтарда үсік болуы мүмкін.
Мамырда&nbsp;республиканың басым бөлігінде орташа айлық температура климаттық нормаға жуық болады деп күтілуде. Солтүстік, орталық және шығыс өңірлерде температура климаттық нормадан 1°C төмен болады. Оған Сібір аймақтарынан суық ауа массаларының енуі себеп.
Сәуірде Қазақстанның басым бөлігінде жауын-шашын нормадан аз, ал мамырда нормаға жуық болады.
Жаздың алғашқы екі айында –&nbsp;маусым мен шілдеде&nbsp;республиканың басым бөлігінде ауа температурасы нормадан 1-2°C жоғары болады деп болжануда.&nbsp;Тамыз&nbsp;айында температуралық фон Қазақстанның көптеген облысында климаттық норма шегінде, елдің солтүстігінде нормадан 1°C жоғары болады.
Маусым айында елдің басым бөлігінде жауын-шашын нормадан аз, шілде және тамызда нормаға жуық. Шілдеде елдің қиыр оңтүстік-шығысында, тамызда оңтүстікте, оңтүстік-шығыс пен шығыстың таулы және тау бөктеріндегі аудандарында жауын-шашын мөлшері климаттық нормадан көп болады.
Күздің алғашқы айлары қазақстандықтарды жылы ауа райымен қуантады.
Қыркүйекте&nbsp;Қазақстанның басым бөлігінде орташа айлық температура нормадан 1°C жоғары болады деп болжануда. Тек батыста, қиыр солтүстікте, оңтүстік, оңтүстік-шығыс пен шығыстың тау бөктеріндегі аудандарда ауа температурасы нормаға жуық болады.
Қазан айында&nbsp;еліміздің басым бөлігінде орташа айлық температура нормаға жуық, ал оңтүстік-батыс пен солтүстік-батыста нормадан 1°C жоғары.
Қыркүйек және қазан айларында республиканың барлық дерлік облысында жауын-шашын нормадан аз болады деген болжам бар.

Қазгидромет маусымдық ауа райы болжамын жариялады

<a href="https://kyzylorda-news.kz/">Kyzylorda-news.kz</a>. Жолдаудан кейін елдің тарихының бүтін бір дәуірін қорытындылап, бетбұрыстың жаңа кезеңінің басында тұрғандаймыз. Партия ашықтықты қамтамасыз етіп, қоғам мен атқарушы биліктің арасындағы алтын арқау болатыны анық.
Көпшілік үшін күтпеген Конституциялық сотты құру жөніндегі бастамасы болды. Енді қоғам биліктің немесе заңнамалық бастамалардың белгілі бір әрекеттеріне заңды түрде дау айтуға мүмкіндік алады.
Бірден Ұлытау, Абай және Жетісу облыстарын құру немесе қайта құруды қолдаймын. Бұл тұрғындарға рух, өзгеріске деген сенім қосады және аймақтарды әлеуметтік-экономикалық дамудың жаңа деңгейіне көтеруге мүмкіндік береді. Екінші жағынан, идеологиялық аспект пен ұлттық тарихқа тағзым екенін айта кету керек.
Ұлытау – географиялық жағынан ғана емес, рухани жағынан да Қазақстанның жүрегі. Семей – Ұлы Абайдың Отаны ретінде гүлденіп, басқа өңірлер үшін үлгі болуға міндетті. Алматы облысына келетін болсақ, басты аспект – оның әкімшілік орталығына Дінмұхамед Қонаевтың атын беруге тікелей ұсыныс жасау. Осының барлығы қазақтың бірлігінің дамуына оң әсер етеді. Бұл жерде басты мәселе – елдің тәуелсіздігі мен аумақтық тұтастығын сақтау екендігін Президент атап өтті.
Президент реформаларды әркім өзінен бастау керек екеніне назар аударғаны бекер емес. Мемлекет басшысы: Біз бұл өзгерістерді жұртқа жақсы көріну үшін жасамаймыз. Қағаз бетінде ғана жүзеге асырылған, бірақ шындыққа еш жанаспайтын жалған табыстарға масаттанып отыратын заман келмеске кетті.»-, деді.
Жаңару мен жаңғыру жолында Қазақстан биікке белестерге жететіні анық. Бұл тұрғыда президент нақты іске көшкені байқалады. Жарқын болашаққа нық қадаммен жұмыс жасауға әрбіріміз үлес қосуға міндеттіміз. Президент бастамалары халық билік арасындағы сенімді арттырады.
Шәріп Әбдірахманов,
«Amanat» партиясы Қызылорда қалалық филиалының атқарушы хатшысы

Жаңа қазақстан: Жаңару мен жаңғыру жолы

<a href="https://kyzylorda-news.kz/">Kyzylorda-news.kz</a>. ОПЦ Қызылорда «Facebook» парақшасында ресми хабарлама жарияланды. Онда Ана мен бала орталығының бөлімшесіне диван сыйға беріліп, оның лентасы қиылған.
<blockquote>
 «22 наурыз – Ұлыстың Ұлы күні мерекесі қарсаңында қызметкерлердің жағдайларын жақсарту мақсатында облыстық перинаталдық орталығының бастауыш кәсіподақ ұйымы жүктілер патологиясы бөліміне жұмсақ жиһаз (диван, кресло) сыйлады. Облыстық перинаталдық орталығының бастауыш кәсіподақ ұйымы көп жылдардан бері ұжым арасындағы тұрақтылықты сақтап, жұмысшы мен жұмыс берушінің арасында алтын көпір ретінде өз функциясын атқарып келеді», – делінген хабарламада.
</blockquote>
Бұған дейін жаңадан салынған немесе қайта жөндеуден өткен ғимараттардың ашылу салтанатында лента қию рәсімі ұйымдастырылатын. Соңғы уақытта белгілі бір тұлғалардың атына ашылған аудитория, кабинеттердің де лентасы қиылып жүр. Енді жұмсақ жиһаздың да лентасы қиылғанын көрдік.
<img src="https://kyzylorda-news.kz/wp-content/uploads/2022/03/ec9d2824-802f-483e-bc83-9df036afd4b4.jpg" alt="" />
<img src="https://kyzylorda-news.kz/wp-content/uploads/2022/03/9cc8f574-6c55-4eb4-a9e5-94a0233dbc29.jpg" alt="" />

Қызылордада Ана мен бала орталығының қызметкерлері диванның лентасын қиды

<a href="https://kyzylorda-news.kz/">Kyzylorda-news.kz</a>. Қызылорда облысы әкімінің орынбасары Мархабат Жайымбетов жұмыс сапарымен ауданда болып, құрылыс нысандарын аралап, тұрғындармен кездесті.
Алдымен Арал қаласындағы құрылысы жоспарланып жатқан «Арал Сода» зауытының орнында өндіріс орнына инженерлік-инфрақұрылым жеткізу жұмыстарының барысымен және қаладағы темір жол өткелі салынады деп белгіленген аймақта құрылыс жобасымен танысып шықты.
Қазіргі таңда темір жол үстінен салынатын аспалы көпірдің құжаттамалары әзірленіп, құрылысына қажетті қаржыға өтінім беріліп, нәтижесі күтілуде.
Одан соң апатты жағдайдағы «Жазира» балабақшасы мен №1 қалалық кітапхана ғимараттарының жағдайын көрді. Аталған нысандардың ішінде облыс әкімінің орынбасарына аудандағы 5 балабақша мен 4 кітапхана ғимаратына апатты жағдайда деген қорытынды берілгені және осыған сәйкес жасалып жатқан жұмыстардың барысы түсіндірілді. Апатты деп танылған балабақшаның үшеуі Арал қаласында орналасқан. Осыған орай жаңа ғимарат салу үшін жауапты басқармалар арқылы тиісті қаржы сұратылуда. Сондай-ақ, кітапханалар мәселесі бойынша да №1 кітапхана ғимаратын салу үшін жоба-сметалық құжаттамасы әзірленіп, сараптама қорытындысымен нысанның құрылысына және орталық кітапхана ғимаратының жобалау іздестіру жұмыстары жасалып, жоба-сметалық құжаттамасы тиісті басқармаларға тапсырылған. Жоба бойынша екі кітапхана құрылысы жүргізілсе, қалған екі кітапхана ғимараты осы екі нысанға біріктіріледі де жоспарлануда.
Аудан әкімі Серік Сермағамбетов өңірдегі алдағы уақытта жүзеге асырылуы жоспарланған балықшылар аллеясы, автомобиль жолдары, көпқабатты тұрғын үйлер мен денсаулық сақтау саласы бойынша жүргізілетін құрылыс жұмыстарының жобаларымен таныстырып шықты.
Облыс әкімі орынбасарының сапары Сексеуіл кентінде жалғасты. Кенттегі теміржолшыларға арнап салынып, құрылысы тоқтап тұрған 38 тұрғын үйдің және 40 төсектік аурухана ғимаратын көрген соң құрылыс жұмыстарын жалғастыру үшін тиісті шаралар қабылданатынын айтты.
Сонымен қатар, Тоқабай елді мекеніндегі апатты жағдайдағы №248 орта мектебінің ғимаратын көріп, жауапты мамандармен бірге толық зерттеу жүргізілген соң білім беру нысанын қайта салу немесе күрделі жөндеуден өткізілетіндігі туралы нақты шешім қабылданатынын білдірді.
Сапар барысында Қамбаш көлінің жағалауында болып, жағажайды туристік аймақ ретінде дамыту жобасымен де таныс болды.
Бұдан бөлек Аманөткел ауылдық округіндегі салынып жатқан дене шынықтыру және спорт кешенінің құрылысымен танысып, спорт кешенің құрылысын жүргізіп жатқан мердігер мекеме басшысына нысанды уақытылы аяқтауды тапсырды.
Одан соң Бөген елді мекеніндегі апатты жағдайдағы клуб ғимаратын көріп, жаңа нысан салу үшін басталған құжаттамаларын дайындау жұмыстарын жеделдету қажеттігін айтты.
Биылғы жылы құрылысы жалғасатын «Самара-Шымкент-Қамыстыбас-Аманөткел-Жаңақұрылыс» және «Бөген-Ақлақ-Қаратерең- Жаңақұрылыс» автожолдарының құрылысын жүргізетін мердігер мекеме өкілімен кездесіп, жол жөндеу жұмыстарын сапалы жүргізуді тапсырды.
Аудандағы құрылысы жүріп жатқан және алдағы уақытта жоспарланған жобалармен таныс болған соң, ауыл ардагерлерімен кездесіп, өңірдегі өзекті мәселелер жөнінде пікірлесті.
Құрылыс нысандарының басым көпшілігі республикалық бюджет есебінен қомақты қаржыны қажет ететіндіктен жауапты министрліктен жасалған жобалар негізінде қаржы сұратылып, тиісті жұмыс жасалатындығын жеткізді.
<img src="https://kyzylorda-news.kz/wp-content/uploads/2022/03/275902272_3218627845132246_4194766935985632043_n.jpg" alt="" />
<img src="https://kyzylorda-news.kz/wp-content/uploads/2022/03/275885637_3218627631798934_3075719469902111835_n.jpg" alt="" />
<img src="https://kyzylorda-news.kz/wp-content/uploads/2022/03/275940627_3218627725132258_3533792337561817721_n.jpg" alt="" />
<img src="https://kyzylorda-news.kz/wp-content/uploads/2022/03/275860538_3218627808465583_1905135831698032005_n.jpg" alt="" />
<img src="https://kyzylorda-news.kz/wp-content/uploads/2022/03/275880722_3218627628465601_7052221441501776766_n.jpg" alt="" />
<img src="https://kyzylorda-news.kz/wp-content/uploads/2022/03/275918276_3218627555132275_5378063416083967976_n.jpg" alt="" />
<img src="https://kyzylorda-news.kz/wp-content/uploads/2022/03/275942474_3218627758465588_8028178051994685515_n.jpg" alt="" />
<img src="https://kyzylorda-news.kz/wp-content/uploads/2022/03/275985667_3218627701798927_2949555461038034407_n.jpg" alt="" />

Мархабат Жайымбетов Арал ауданына барды

<a href="https://kyzylorda-news.kz/">Kyzylorda-news.kz</a>. Қызылорда қалалық Полиция басқармасының криминалдық полиция бөлімі жедел уәкілдерінің кәсіби шеберліктері мен қырағылықтары нәтижесінде ақша ұрлығы ізі суымай ашылды.
Қызылорда қалалық Полиция басқармасының кезекші бөліміне қала тұрғыны арызданған болатын. Белгісіз адам қала аумағында орналасқан азық-түлік дүкендердің бірінде тұрған терминалды бұзып, 160 мың теңгені ұрлап кеткен.
Жедел мәлімет бойынша полиция қызметкерлері күдіктіні ұстады.
Аталған дерек бойынша Қазақстан Республикасы Қылмыстық кодексінің 188-бабының 1-бөлігімен (Ұрлық, яғни бөтеннің мүлкін жасырын ұрлау) сотқа дейінгі тергеп-тексеру әрекеттеріжүргізілуде.

Қызылордада терминалдан ақша ұрлаған тұрғын ұсталды

<a href="https://kyzylorda-news.kz/">Kyzylorda-news.kz</a>.&nbsp;Мемлекет басшысы Қасым-Жомарт Тоқаев Ақорда резиденциясында облыстардың және Нұр-Сұлтан, Алматы, Шымкент қалаларының әкімдерімен кеңес өткізді.
Жиын барысында өңірлердің әлеуметтік-экономикалық дамуына қатысты өзекті мәселелер талқыланды. 
Президент Үкімет пен әкімдерге әлеуметтік-экономикалық мәселелерді жедел шешу және халықтың әл-ауқатын арттыру жөнінде шаралар кешенін қабылдауды тапсырды.
Қасым-Жомарт Тоқаев Жаңа Қазақстанды құру стратегиясы аясында саяси реформалардың кезекті топтамасын іске асыру бойынша бірқатар міндет жүктеді.
Атап айтқанда, әкімдер азаматтармен жұмыс істеу тәртібін қайта қарауы керек, сондай-ақ аудан және ауыл тұрғындарымен жиі кездесіп, оларды мазалаған мәселелерді шешуі, қоғам сенімін арттыруы қажет. Үкімет пен әкімдіктерге жұмыссыздық деңгейін төмендету, кәсіпкерлікті дамыту, жаңа жұмыс орындарын ашу жөнінде жүйелі шаралар қабылдауға тапсырма берілді.
Кеңес қорытындысы бойынша Мемлекет басшысы облыстардың және республикалық маңызы бар қалалардың әкімдеріне бүгінгі Қазақстан халқына арналған Жолдауда жүктелген міндеттерді сапалы жүзеге асыру жөнінде тапсырма берді.
<img src="https://kyzylorda-news.kz/wp-content/uploads/2022/03/prezident1.jpg" alt="" />

Мемлекет басшысы әкімдерге қандай міндет жүктеді?

<a href="https://kyzylorda-news.kz/">Kyzylorda-news.kz</a>.&nbsp;17 наурыз күні Қазақстанның басым бөлігінде жауын-шашын болады, деп хабарлайды Қазгидромет.
Оңтүстікте жаңбыр жауады. Мұндағы таулы аудандарда қатты жауын-шашын күтіледі.
Республиканың тек солтүстігінде ашық күн райы болжанады. Елдің барлық аумағында екпінді жел, тұман, көктайғақ, жаяу бұрқасын, оңтүстікте найзағай күтіледі.
Қызылорда облысының&nbsp;солтүстігінде, орталығында көктайғақ болады, жел 15-20 м/с күшейеді.

Қазақстан және Қызылорда облысының жаңалықтары