<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Мамандар табиғи газбен жылытатын тұрмыстық пешті пайдаланбас бұрын ғимараттың ішін 10-15 минут желдету қажет деп кеңес береді. Адам өміріне қауіп төндіретін құрылғыны іске қоспай тұрып тексеріп алған абзал. </strong></p>
<p>Осыған орай Қармақшы, Сырдария және Жалағаш аудандарында өрт сөндіру бөлімі, ШЖҚ «Қызылорда газ тарату жүйесі» КМК қызметкерлері аудан тұрғындарына үнемі түсіндіру жұмыстарын жүргізуде.</p>
<p>Тұрмыстық газбен жылыту пешін пайдаланбас бұрын әр үйдің иесі газ шүмектерінің жабық екеніне көз жеткізіп, содан кейін мұржаның ауаны тартуын тексеруі қажет. Мұржада тесіктер мен жарықтардың пайда болуынан, мұржа мен желдеткіш каналының бітелуінен, сондай-ақ газ плиталарын жылыту құралы ретінде пайдаланудан улы газ түзіледі. Улы газ үйдің ішіне тараса ауыр улануға әкеліп соқтырады.</p>
<blockquote class="wp-block-quote"><p>«Тағы бір ескеретін жайт, пешті пайдалану барысында жарамдылық мерзімін де ескеру шарт. Сонымен бірге сала мамандары балалардың, өз іс-әрекетін бақылай алмайтын жандардың және пешті пайдалану ережелерін білмейтін адамдарға газ пешін іске қосуға, қандайда бір өзгеріс енгізуге тыйым салады. Ал фиксатор ілмегін қандай жағдайда да клапанның түймешесіне күшпен кигізуге болмайды. Өйткені ол қауіпсіздік автоматикасын істен шығарып, апат жағдайларға әкеледі. Әр тұрғын жанып тұрған пешті бақылаусыз қалдырудан және газ құралдары орнатылған бөлмеде ұйықтаудан сақ болғаны дұрыс. Пәтерде, нысанда газдың иісі байқалған жағдайда бірінші кезекте газ шүмектерінің барлығын жауып, терезелерді ашу керек. Бұл сәтте ашық отты, электр желісін пайдалану өте қауіпті. Газ жабдықтарын қауіпсіз пайдалану жөніндегі ереже талаптарын орындамау салдарынан өрттің шығуына немесе жарылысқа жол берген тұлғалар қолданыстағы заңнамаға сәйкес жауапқа тартылады», &#8212; дейді мамандар. </p></blockquote>
<p>Жауапты мамандар кент тұрғындарына жылыту маусымы кезінде автономды жылыту жүйелерін, жылу қазандықтары мен газ пештерін ережеге сай пайдалануға шақырады.</p>

Қызылордада аудан тұрғындарына газды қолдану ережелері түсіндірілді

<p> <strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a></strong> <strong>Әлем чемпионатында күміс алқа иегері полиция лейтенанты <strong>Арайлым</strong></strong> <strong>Оразбайды, Республикалық жауынгерлік қару атудан жеңімпаз атанған полиция подполковнигі Бақыткүл Самратова мен полиция майоры Руслан Даврушевті департамент бастығы Мұхтар Қожабаев қабылдап, жеңіс тұғырынан көрінген қызметкерлерді құттықтады.</strong></p>
<p>Айта кетейік, Өзбекстан Республикасы, Наманган қаласында өткен «Белбеу» күресі бойынша Әлем чемпионатында 76 салмағында Қызылорда облысы Полиция департаментінің Жылдам қимылдайтын арнайы жасағының инспекторы полиция лейтенанты Оразбай Арайлым Бахытқызы II орын иеленген.</p>
<p>Ал, Тараз қаласында Қазақстан полициясының 30 жылдығына арналған Қазақстан Республикасының құқық қорғау органдарының, арнайы құрылымдары қызметкерлері мен әскери қызметшілері арасында жауынгерлік қарудан ату бойынша жарыста әйелдер арасында Қызылорда облысы Полиция департаментінің Жылдам қимылдайтын арнайы жасағының инспекторы полиция подполковнигі Самратова Бақыткүл Болатбекқызыменерлер арасында департаменттің Оқу-жаттығу взводының 1-санаттағы инспекторы полиция майоры Даврушев Руслан Рамизұлы III орынды&nbsp; иеленген.</p>
<p>Қызылорда облысы полиция департаментінің бастығы Мұхтар Қожабаев Әлемдік және Республикалық деңгейде Қазақстанның және облысымыздың намысын қорғаған қызметкерлерді жеңістерімен құттықтап, қызметте абырой, отбасыларына амандық тіледі.</p>
<div class="wp-block-image"><figure class="aligncenter size-full"><img loading="lazy" width="2560" height="1707" src="https://kyzylorda-news.kz/wp-content/uploads/2022/09/img_7256-scaled.jpg" alt="" class="wp-image-166701" srcset="https://kyzylorda-news.kz/wp-content/uploads/2022/09/img_7256-scaled.jpg 2560w, https://kyzylorda-news.kz/wp-content/uploads/2022/09/img_7256-768x512.jpg 768w, https://kyzylorda-news.kz/wp-content/uploads/2022/09/img_7256-1536x1024.jpg 1536w, https://kyzylorda-news.kz/wp-content/uploads/2022/09/img_7256-2048x1365.jpg 2048w" sizes="(max-width: 2560px) 100vw, 2560px" /></figure></div>

Әлем чемпионатында және республикалық жарыстарда жүлделі орын алған полицейлерге құрмет көрсетілді

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a></strong> <strong>Қазақстан Республикасы Қарулы күштері Бас штабы Ұйымдастыру-жұмылдыру жұмыстары департаменті бастығының орынбасары полковник Рустам Ақбаров Қызылорда облысы әкімінің орынбасары – облыстық шақыру комиссиясының төрағасы Мархабат Жайымбетовтың басшылығымен өткен облыстық шақыру комиссиясының кезекті отырысына қатысты.</strong></p>
<p>Шақыру комиссиясының отырысына Қызылорда облысының қорғаныс істері жөніндегі департаментінің бастығы полковник Ғалымжан Тасжанов, Қызылорда гарнизонына қызмет көрсету жөніндегі әскери полиция бөлімшесінің бастығы әділет капитаны Бақтияр Дәуренқұлов, «Қарулы Күштердің ардагерлері» Республикалық қоғамдық бірлестігінің Қызылорда облыстық филиалының төрағасы Мыңділда Ршауов, жергілікті әскери басқару және атқарушы органдардың басшылық құрамы, облыстық шақыру комиссиясының мүшелері мен аудандық шақыру комиссияларының төрағалары қатысты.</p>
<p>Жиын басында Қызылорда облысының қорғаныс істері жөніндегі департаментінің бастығы 2022 жылғы көктемгі әскерге шақыру науқанына қорытынды жасап, орын алған кемшіліктерге тоқталды. Күзгі әскерге шақыру науқаны барысында кемшілік жібермеу мәселелері қаралды. Әскери полиция өкілі сыбайлас жемқорлыққа қарсы мәдениетті қалыптастыру мақсатында «Сыбайлас жемқорлыққа қарсы іс-қимыл туралы» ҚР Заңының 651-бабы бойынша баяндама жасады.</p>
<p>Жергілікті атқарушы органдардың өкілдері мен облыстық шақыру комиссиясының басқа да мүшелері өз бағыттары бойынша сөз сөйлеп, облыстағы мерзімді әскери қызметке шақыру науқанын дұрыс ұйымдастыру бойынша нақты ұсыныстарын айтты.<br>Жиын соңында облыстық шақыру комиссиясының төрағасы Мархабат Жайымбетов шақыру комиссиясының мүшелеріне алдағы уақытта азаматтарды мерзімді әскери қызметке шақыруды ұйымдастыру бойынша нақты тапсырмалар берді.</p>
<div class="wp-block-image"><figure class="aligncenter size-full"><img loading="lazy" width="1440" height="960" src="https://kyzylorda-news.kz/wp-content/uploads/2022/09/306126521_583912236766245_2244938618503303912_n.jpg" alt="" class="wp-image-166694" srcset="https://kyzylorda-news.kz/wp-content/uploads/2022/09/306126521_583912236766245_2244938618503303912_n.jpg 1440w, https://kyzylorda-news.kz/wp-content/uploads/2022/09/306126521_583912236766245_2244938618503303912_n-768x512.jpg 768w" sizes="(max-width: 1440px) 100vw, 1440px" /></figure></div>
<div class="wp-block-image"><figure class="aligncenter size-full"><img loading="lazy" width="1440" height="960" src="https://kyzylorda-news.kz/wp-content/uploads/2022/09/307942148_583912186766250_633819519332458412_n.jpg" alt="" class="wp-image-166695" srcset="https://kyzylorda-news.kz/wp-content/uploads/2022/09/307942148_583912186766250_633819519332458412_n.jpg 1440w, https://kyzylorda-news.kz/wp-content/uploads/2022/09/307942148_583912186766250_633819519332458412_n-768x512.jpg 768w" sizes="(max-width: 1440px) 100vw, 1440px" /></figure></div>

Қызылорда облыстық шақыру комиссиясының отырысы өтті

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Картоп ішіне телефон салып әкелген азаматқа сот үкімімен жаза тағайындалды.</strong></p>
<p>Қылмыстық-Атқару жүйесіне қарасты тергеу изоляторына Жедел бөлім және РжКБ-нің қызметкерлері тарапынан сотталғандардың қолданылуына тыйым салынған заттардың мекеме аумағына кіргізу жолын анықтау және жабу мақсатында елеулі жұмыстар күшейтілген түрде жүргізілуде.</p>
<p>Атап айтсақ, жедел бөлімнің жедел ақпаратына сәйкес, тергеу қамауындағы ҚР ҚК 191-бабы 2-бөлігі бойынша айыпталушы 1993 жылғы азаматқа тыйым салынған зат алып келетіні белгілі болған. Нәтижиесінде сол күні сәлем-сауқат бөлмесіне келген Б есімді азаматтың алып келген тамақ өнімдері ішінен ұялы телефонға қажетті заттар табылды. Дәлірек айтсақ, асылған картоп ішіне жасырылған 1(бір) дана «Beeline» сим-картасы мен және 1 (бір) дана ақ түсті USB шнуры анықталды.</p>
<p>Бұл бойынша бөлім қызметкерлері дер кезінде ҚР ӘҚБ 481-бабының 1-бөлігі бойынша хаттама толтырылып, ісі сотқа жолданған болатын.</p>
<p>Бүгінгі таңда сот қаулысы бойынша Қызылорда қаласының 1994 жылғы азаматы ҚР ӘҚБ 481-бабының 1-бөлігімен кінәлі деп танылып, әкімшілік жаза тағайындалды.</p>
<div class="wp-block-image"><figure class="aligncenter size-full"><img loading="lazy" width="894" height="1280" src="https://kyzylorda-news.kz/wp-content/uploads/2022/09/whatsapp-image-2022-09-20-at-15.16.16.jpeg" alt="" class="wp-image-166667" srcset="https://kyzylorda-news.kz/wp-content/uploads/2022/09/whatsapp-image-2022-09-20-at-15.16.16.jpeg 894w, https://kyzylorda-news.kz/wp-content/uploads/2022/09/whatsapp-image-2022-09-20-at-15.16.16-768x1100.jpeg 768w" sizes="(max-width: 894px) 100vw, 894px" /></figure></div>

Қызылорда: Картоп ішіне телефон салып кірген тұрғын жазаланды

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қазалы ауданында Арықбалық шайқасының 165 жылдығына арналған рухани-танымдық шара өтті.</strong></p>
<p>Тарихта азаттық үшін жан алысып, жан беріскен талай көтерілістердің болғаны белгілі. Солардың бірі Қазалы өңірінде өткен Арықбалық шайқасы. Жанқожа Нұрмұхамедұлы бастаған елдік жолындағы айтулы оқиғаға биыл &#8212; 165 жыл.</p>
<p>Ал, Қазалы ауданындағы киелі орындардың бірі саналатын Жанқожа баба кесенесінің салынғанына тура 30 жыл болды. Осыған орай бүгін Әйтеке би кентіндегі Жанқожа батыр кесенесінде «Халқының туған бағына, батыр баба Жанқожа» атты рухани-танымдық шара ұйымдастырылып, бабалардың ерлігі өскелең ұрпаққа үлгі етілді. </p>
<p>Мазмұнды шара Жанқожа батыр ауылдық мәдениет үйінің өнерпаздарының театрландырылған қойылымымен басталды. Әсерлі шыққан қойылымнан соң аудан әкімі Мұхтар Оразбаев сахна төріне көтеріліп, құттықтау сөз сөйледі.</p>
<blockquote class="wp-block-quote"><p>«ХІХ ғасырдың орта шенінде Ресей патша әскерлері Сыр бойына жетіп, 1853 жылы Қазалы бекінісін тұрғызды. 1856-1857 жылдары осы бекініс түбінде орыс патшасының озбырлығына қарсы Жанқожа батыр бастаған 7 мыңдай адам қатысқан көтеріліс болды. Ақтық шайқас 1857 жылы 9 қаңтарда Фитингоф бастаған жазалаушы әскермен Арықбалық жерінде өтті. Бұл көтерілісте біздің тарамыздан көптеген адамдар қайтыс болды. Оларды мұздай қаруланған патша әскері жайратып салды. Жанқожа Нұрмұхаммедұлы озбыр да өктем жауға қарсы азаттық туын көтеріп, өмірінің ақырғы күндеріне дейін аттан түспеген батырдың біз үшін әрдайым бағасы жоғары тұрады. Биыл тарихта «Арықбалық шайқасы» деген атпен қалған көтеріліске 165 жыл толды. Ал, Қазалы ауданындағы киелі орындардың бірі саналатын Жанқожа баба кесенесінің салынғанына тура 30 жыл болды. Қазалылықтар үшін киелі орын Тәуелсіздікдің алғашқы жылдары, қиын-қыстау кезеңде салынды. Соған қарамастан халық жұдырықтай жұмылып, кесенені аз ғана уақыттың ішінде өте сапалы етіп аяқтады. Сондықтан мен халықпен бірге болып, құрылыс жұмыстарына белсенді атсалысқан азаматтарға шынайы алғысымды білдіргім келеді», – деген Мұхтар Әуесұлы бүгінгі шара санада ауыр зардабы қалған сол Арықбалық шайқасындағы Жанқожа батыр бастаған сарбаздардың ерлігін дәріптеу, өскелең ұрпақты Отансүйгіштікке баулу, өткен тарихымызды қастерлеу мақсатында өткізіліп отырғандығын жеткізді.</p></blockquote>
<p>Мұнан соң Мұхтар Әуесұлы кесене құрылысына белсенді қатысқан бірқатар азаматтарды «Алғыс хаттармен» марапаттап, халықтың атынан ризашылығын білдірді.</p>
<p>Танымдық шарада Қызылорда облысының құрметті азаматы, «РЗА» АҚ президенті Самұрат Имандосов та құттықтау сөз сөйлеп, кесенені салу барысындағы жанкешті еңбекті, халықтық іске қазалылықтардың жұдырықтай жұмыла білгенін әсерлі етіп айтып берді.</p>
<p>Рухани шара мұнан әрі жыршылар мен жазба ақындардың фестиваліне ұласып, өнерпаздар өз өнерлерін ортаға салды.</p>
<div class="wp-block-image"><figure class="aligncenter size-full"><img loading="lazy" width="1280" height="1008" src="https://kyzylorda-news.kz/wp-content/uploads/2022/09/308155486_3460154077538848_7628941012499968361_n.jpg" alt="" class="wp-image-166654" srcset="https://kyzylorda-news.kz/wp-content/uploads/2022/09/308155486_3460154077538848_7628941012499968361_n.jpg 1280w, https://kyzylorda-news.kz/wp-content/uploads/2022/09/308155486_3460154077538848_7628941012499968361_n-768x605.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="710" src="https://kyzylorda-news.kz/wp-content/uploads/2022/09/307975997_3460153727538883_3467269332632389269_n.jpg" alt="" class="wp-image-166657" srcset="https://kyzylorda-news.kz/wp-content/uploads/2022/09/307975997_3460153727538883_3467269332632389269_n.jpg 1280w, https://kyzylorda-news.kz/wp-content/uploads/2022/09/307975997_3460153727538883_3467269332632389269_n-768x426.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="905" src="https://kyzylorda-news.kz/wp-content/uploads/2022/09/307982710_3460153714205551_6978028797829988639_n.jpg" alt="" class="wp-image-166656" srcset="https://kyzylorda-news.kz/wp-content/uploads/2022/09/307982710_3460153714205551_6978028797829988639_n.jpg 1280w, https://kyzylorda-news.kz/wp-content/uploads/2022/09/307982710_3460153714205551_6978028797829988639_n-768x543.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="672" src="https://kyzylorda-news.kz/wp-content/uploads/2022/09/308066648_3460154420872147_2817992359999669778_n.jpg" alt="" class="wp-image-166655" srcset="https://kyzylorda-news.kz/wp-content/uploads/2022/09/308066648_3460154420872147_2817992359999669778_n.jpg 1280w, https://kyzylorda-news.kz/wp-content/uploads/2022/09/308066648_3460154420872147_2817992359999669778_n-768x403.jpg 768w" sizes="(max-width: 1280px) 100vw, 1280px" /></figure></div>

Арықбалық шайқасының 165 жылдығына арналған рухани-танымдық шара өтті

<p> <strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a></strong> <strong>Жыл сайын облыста Арал-Сырдария бассейндік инспекциясының мамандары суару каналдарын тексереді және су енді егістікке түспеген кезде балықты құтқару бағытында жұмыс істемейтін шаруашылықтар туралы ақпарат жинайды.</strong> <strong>Жыл сайын жасалынып жатқан игі іс – Сыр балығына деген қамқорлық. Бұл табиғат сыйлаған тіршілік иесін құтқару әрбір азамат алдындағы үлкен жауапкершілік болуы тиіс.&nbsp;</strong></p>
<p>Шаруа қожалықтары күріш чектерінде өсірілген балықты жинап, оны су қоймаларына жіберуге міндетті. Бірақ бұл талапты күріш өсірушілер көбінесе орындамай жүр. Сондықтан ондаған тонна балық шабақтары қырылуда.</p>
<p>Арал-Сырдария облысаралық балық шаруашылығы бассейндік инспекциясының бас маманы Бақтияр Балжановтың айтуынша, бір күннің өзінде олар 25 мың шабақты құтқарған. Бұл негізінен тұқы мен кубид. </p>
<blockquote class="wp-block-quote"><p>«Қазіргі уақытта біз жеті жүз мыңнан астам шабақтарды аулап, бүкіл аймақтағы көлдерге жібердік. Сонымен қатар, өңір балық шаруашылығын дамыту бағытын ұстауда. 2030 жылға қарай тауарлы балық өсіру көлемі жылына 16 мың тоннаға дейін өседі деп жоспарлануда. Осы мақсатта 69 кәсіпшілік су айдыны, 16 тор және 12 тоған балық шаруашылығы іске қосылды. Фермерлерге балықты күріш чектерінен құтқару бойынша талаптарды орындау үшін еріктілер бұл жұмысты қадағалайды»- дейді Бақтияр Балжанов.</p></blockquote>
<div class="wp-block-image"><figure class="aligncenter size-full"><img loading="lazy" width="800" height="532" src="https://kyzylorda-news.kz/wp-content/uploads/2022/09/201207183753422e.jpg" alt="" class="wp-image-167153" srcset="https://kyzylorda-news.kz/wp-content/uploads/2022/09/201207183753422e.jpg 800w, https://kyzylorda-news.kz/wp-content/uploads/2022/09/201207183753422e-768x511.jpg 768w" sizes="(max-width: 800px) 100vw, 800px" /></figure></div>

Қызылорда облысында 700 мың шабақ құтқарылды

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a></strong>&nbsp;<strong> 21 қыркүйекте Мәдениет және спорт министрі Дәурен Абаев Қызылорда облысы тұрғындарымен кездеседі. Сонымен қатар, азаматтарды жеке қабылдау және БАҚ өкілдеріне брифинг жоспарланған.</strong></p>
<p>Кездесу барысында өңір халқы сұрақтарын қойып, ұсыныстарын жеткізе алады немесе D.aldabergenova@msm.gov.kz электронды поштасына алдын-ала жолдауға болады.</p>
<p>Азаматтарды жеке қабылдау бойынша қосымша ақпарат алу үшін мына номерге хабарласыңыздар: +7 705 257 47 87 (Лаура Елеусінова, ҚР МСМ қызметкері).</p>
<p>БАҚ өкілдері де халықпен кездесуге қатыса алады, одан кейін брифинг өтеді. БАҚ аккредиттеу мәселесі бойынша қосымша ақпарат алу үшін ҚР МСМ БАҚ өзара іс-қимыл департаментінің директоры Гаухар Омарбекпен +77019145588 номері арқылы байланыссаңыздар болады.</p>
<p>Өтетін орны: Қызылорда облыстық Әбділда Тәжібаев атындағы әмбебап ғылыми кітапхана, (Н.Назарбаев даңғылы, 82)</p>
<p>Уақыты: 10:30-да.</p>

Министр Дәурен Абаев Қызылорда облысының тұрғындарымен кездеседі

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a></strong> <strong>Қазақстан Республикасы Қарулы күштері Бас штабы Ұйымдастыру-жұмылдыру жұмыстары департаменті бастығының орынбасары полковник Рустам Ақбаров пен департамент офицерлері 2022 жылдың қыркүйегінде жергілікті әскери басқару органдарының басшылық құрамымен оқу-жаттығу жиындарын дайындау және өткізу жоспарына сай Қызылорда гарнизонына келді</strong>.</p>
<p>Ақпараттық-түсіндіру сипатындағы іс-шара Қызылорда облысының қорғаныс істері жөніндегі департаменті мен басқармасы жеке құрамының саптық байқауын тексеруден басталды. Оқу-жаттығу жиынының өту жоспары мен мақсаты жеткізілді. Арнайы сұхбаттасулар болып, сауалнамалар өткізілді және әскери қызметшілердің шағымдары мен өтініштері қаралды. Сонымен қатар, полковник Рустам Ақбаров Қызылорда облыстық жиын пунктінде болып, ондағы жасақтау басқармасының қызмет барысымен танысты. Жатар жай, асхана және психологиялық тест қабылдау бөлмелерін аралап, күзгі шақырылым бойынша жұмыс атқарып жатқан медицина қызметкерлерімен кездесті.</p>
<p>Тексерістің негізгі мақсаты жергілікті әскери басқару органдарының қызметіне баға беру, 2022 жылғы көктемгі әскерге шақыру науқанын қорытындылау мен алдағы әскерге шақыру науқанын ұйымдастыру және әскери қызметшілер арасында сыбайлас жемқорлыққа қарсы мәдениетті қалыптастыру болып табылады.</p>
<p>Тексеріс барысында азаматтарды мерзімді әскери қызметке шақыруда жергілікті атқарушы органдармен өзара іс-қимылды ұйымдастыру, жұмыстарды бұқаралық ақпарат құралдарында жариялау мәселелері талқыланды. Жергілікті әскери басқару органдарындағы әскери ұжымның моральдық-психологиялық ахуалы мен жергілікті әскери басқару органдары басшылық құрамының алдағы лауазымдық тағайындауларын айқындау мақсатында олардың жеке моральдық-іскерлік қасиеттері зерделенді.</p>
<blockquote class="wp-block-quote"><p>«Алдымызда көктемгі шақыру науқанын ескере отырып, ағымдағы жылдың күзіндегі азаматтарды мерзімді әскери қызметке шақыруды ұйымдастыру және өткізу міндеттерді тұр. Сыбайлас жемқорлыққа қарсы заңнаманың қолданыстағы нормаларын жеткізу және сыбайлас жемқорлық құқық бұзушылықтарын түсіндіру жұмыстары да жоспарымызда бар», – деді полковник Рустам Ақбаров.</p></blockquote>
<p>Тексерістің соңғы кезеңінде сыбайлас жемқорлықтың көріністеріне байланысты Қызылорда облысының Қорғаныс істері жөніндегі департаменті мен Қызылорда қаласы Қорғаныс істері жөніндегі басқармасының басшылық құрамы тарапынан билікті асыра пайдалану жағдайлары мәселелері бойынша жеке құрамға жасырын сауалнама жүргізілді.</p>
<div class="wp-block-image"><figure class="aligncenter size-full"><img loading="lazy" width="1440" height="900" src="https://kyzylorda-news.kz/wp-content/uploads/2022/09/305846170_583806923443443_7070002776174383882_n.jpg" alt="" class="wp-image-166636" srcset="https://kyzylorda-news.kz/wp-content/uploads/2022/09/305846170_583806923443443_7070002776174383882_n.jpg 1440w, https://kyzylorda-news.kz/wp-content/uploads/2022/09/305846170_583806923443443_7070002776174383882_n-768x480.jpg 768w" sizes="(max-width: 1440px) 100vw, 1440px" /></figure></div>
<div class="wp-block-image"><figure class="aligncenter size-full"><img loading="lazy" width="1440" height="895" src="https://kyzylorda-news.kz/wp-content/uploads/2022/09/307296793_583806900110112_8756500428046007542_n.jpg" alt="" class="wp-image-166637" srcset="https://kyzylorda-news.kz/wp-content/uploads/2022/09/307296793_583806900110112_8756500428046007542_n.jpg 1440w, https://kyzylorda-news.kz/wp-content/uploads/2022/09/307296793_583806900110112_8756500428046007542_n-768x477.jpg 768w" sizes="(max-width: 1440px) 100vw, 1440px" /></figure></div>
<div class="wp-block-image"><figure class="aligncenter size-full"><img loading="lazy" width="1440" height="881" src="https://kyzylorda-news.kz/wp-content/uploads/2022/09/306931490_583806910110111_3021556777116709147_n.jpg" alt="" class="wp-image-166638" srcset="https://kyzylorda-news.kz/wp-content/uploads/2022/09/306931490_583806910110111_3021556777116709147_n.jpg 1440w, https://kyzylorda-news.kz/wp-content/uploads/2022/09/306931490_583806910110111_3021556777116709147_n-768x470.jpg 768w" sizes="(max-width: 1440px) 100vw, 1440px" /></figure></div>

Қызылордада әскерге шақыру науқанына дайындық қалай?

<p><strong>&nbsp;<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a></strong> <strong>Қорғаныс министрлігі жаңа жобаның басталатынын мәлімдеді. Соның аясында мерзімді әскери қызметін өтеп келгендер жоғары оқу орнына тегін түсе алады, деп хабарлайды&nbsp;министрліктің ресми&nbsp;<a rel="noreferrer noopener" href="https://www.gov.kz/memleket/entities/mod/press/news/details/428095?lang=kk" target="_blank">сайты</a>.</strong></p>
<p>Жаңа жобаның негізгі мақсаты – жастардың мерзімді әскери қызметін өтеуге деген ынтасын арттыру. Бүгінде ғылым және жоғары білім министрлігі жобаны қолдап отыр. Жоғары оқу орындары да қосыламақ. Әскерге барып келгендерге бірнеше жеңілдік жасалады. Олар:</p>
<p>ҰБТ-ны есепке алмай, әңгімелесу нәтижесі бойынша екі жыл ішінде ақылы негізде жоғары оқу орнына түсу;</p>
<p>ЖОО әскери кафедрасында тегін оқу;</p>
<p>мерзімді әскери қызметті өтеу кезіндегі жетістіктеріне қарай жоғары оқу орны грантын беру;</p>
<p>әскери оқу орындарына емтихансыз және ҰБТ-сыз оқуға түсу.</p>
<blockquote class="wp-block-quote"><p>&#171;Әскери оқу орындарына емтихансыз түсу және азаматтық жоғары оқу орындарында оқу грантын алу кезінде әскери қызметшілердің Отан алдындағы борышын өтеген балаларына да басымдық беріледі деген жоспар бар. Жобаны іске асыру үшін білім беру саласындағы заңнамаға өзгерістер енгізудің қажеті жоқ&#187;, &#8212; дейді министрлік мамандары.</p></blockquote>
<p>Қазіргі кезде 40-қа жуық жоғары оқу орны жаңа жоба аясында жеңілдік беруге дайын екенін растады. Ал қорғаныс министрлігі тиісті ережелерге өзгерістер енгізу жұмыстарын бастап кетті. Жаңа жоба 2023 жылы басталады. Соның аясында барлық жеңілдік қазір борышын өтеп жүрген азаматтарға және 2022 жылы әскерге шақырылуға жататын сарбаздарға беріледі.</p>

Әскерге барып келгендер университетке тегін түсе алады

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда қаласындағы түзеу мекемелеріндегі жазасын өтеушілер ақылы еңбекпен қамтылған. Олардың бірі газоблок, кірпіш, құм блоктарын шығарумен, қолөнер бұйымдарын жасаумен айналысса, бірі&nbsp; машина жөндейді, нан пісіреді, енді бірі тігін цехында жұмыс істейді. Қызылорда облысы бойынша ҚАЖ департаментіне қарасты №37 мекемесіндегі жазасын өтеушілер қала аумағындағы 30-дан аса кәсіпкерде жұмыс істейді. Жұмыс орындарына &nbsp;барып, жұмыс барысын сұрап білдік.</strong></p>
<h4><strong>Мақсат есімді сотталған&nbsp; ҚР ҚК-нің&nbsp; 335 бабының 4-бөлігімен (Балық ресурстарын, басқа да су жануарларын немесе өсiмдiктерін заңсыз алу) сот үкімімен 6 жылға бас бостандығынан айырылған.&nbsp; ҚАЖ департаментіне қарасты №37 мекемеге осы жылдың сәуір айында&nbsp; жазасын өтеуге жіберіліпті. Мақсаттың айтуынша мекеме әкімшілігі «Еңбек-Қызылорда» РММ-ге жұмысқа орналастырып, жақында еңбек демалысын алып Түркістанға отбасына барып келген.  </strong></h4>
<p>Мақсатпен бірге тағы жеті сотталған пескоблок өнімін шығарумен айналысады. Мұнда пескоблокпен қатар, тумба, суағалар, плиталар дайындайды.&nbsp; Жұмыс барысында біреудің біреуге қарауға уақыты жоқ. Бірі су тасып, бірі қоспаны араластырып, енді бірі құйманы қалыпқа құйып жатыр екен. Олар күніне&nbsp; 500 дана өнім шығарады.</p>
<blockquote class="wp-block-quote"><p>«Пескоблок шығаруда да төзімділік пен табандылық керек дейді ол. Оның айтуынша&nbsp; пескоблок&nbsp; өнімін шығаруға көп шикізат та қажет емес екен. Пескоблок – цемент, құм және карьер қиыршық тасын араластырып жасалынатын құрылыс материалы. Ол от пен суға төзімді, Тұрғындар арасында кең қолданысқа ие бұл өнім жылуды жақсы ұстап тұрады және берік, мұны көпшілік тұрғын үйге пайдалануда.Сұраныс та жоғары мерзімінде үлгеріп жасап жатырмыз»,-деді жазасын өтеуші.</p></blockquote>
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/whatsapp-image-2022-09-20-at-10.36.25.jpeg" alt="" class="wp-image-166606" srcset="https://kyzylorda-news.kz/wp-content/uploads/2022/09/whatsapp-image-2022-09-20-at-10.36.25.jpeg 1280w, https://kyzylorda-news.kz/wp-content/uploads/2022/09/whatsapp-image-2022-09-20-at-10.36.25-768x576.jpeg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/whatsapp-image-2022-09-20-at-10.36.36.jpeg" alt="" class="wp-image-166607" srcset="https://kyzylorda-news.kz/wp-content/uploads/2022/09/whatsapp-image-2022-09-20-at-10.36.36.jpeg 1280w, https://kyzylorda-news.kz/wp-content/uploads/2022/09/whatsapp-image-2022-09-20-at-10.36.36-768x576.jpeg 768w" sizes="(max-width: 1280px) 100vw, 1280px" /></figure></div>

<strong>Қызылордада жазасын өтеушілер күніне 500 пескоблок шығарады</strong>

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бірнеше күннен бері әлеуметтік желіде  мәһір ұғымы талқыланып жатыр. Ислам шарттарына сәйкес неке қияр алдында қалыңдық болашақ жарынан сый &#8212; мәһір талап етуге құқылы. Заман ағымына сай мәһірге берілетін сыйдың түрі де, мөлшері де өзгеріп келеді. Соңғы жылдары жастар арасында қымбат көлік сұрау сәнге айналған. Осы орайда желідегі жеке парақшасында</strong> <strong>Ақмешіт – Сырдария мешітінің бас имамы Болатбек Әбуов</strong> <strong>түсінік берген екен. </strong></p>
<p>Болатбек Ұласханұлының айтуынша мәһір — ер кісінің неке қию барысында әйеліне беретін сыйлығы. </p>
<blockquote class="wp-block-quote"><p>«Оны әйелдің құны деп түсіну қате! Ол — сыйлық. Әрі тек әйелдің өзіне ғана тиесілі. Оның үкімі Құран және сүннетпен бекітілген. Әбу Ханифа мазхабы бойынша мәһір сыйлығы міндетті түрде берілуі керек! Құранда Алла Тағала: “Үйленетін әйелдеріңе мәһірлерін (қалыңдық сыйын) шын көңілден тарту етіңдер. Егер олар шын көңілден сол мәһірдің бір бөлігін өздеріңе қайтарып берсе (яғни оның бір бөлігін отбасының ішіп-жеміне жұмсаса), оны тәбетпен ішіп-жеңдер, ас болсын!”, — дейді. (“Ниса” сүресі, 4-аят)<br>Мәһір берудегі мақсат: әдетте ер кісі бірінші болып қадам жасайтын болғандықтан некеге шынымен ниетті екенін білдіру және әйеліне деген сүйіспеншілігін көрсету. Бір жағынан Исламда әйелдің де, баланың да нәпақасы ер азаматтың мойнында болғандықтан бұл оның некеге жауапкершілікпен қарайтынын да байқатады.<br>Мәһір міндетті түрде үй, көлік сияқты қымбат дүние болсын деген үкім жоқ. Тіпті, ер кісінің жағдайына қарай сұралғаны жақсы. Пайғамбарымыз (с.а.у.): “Ең берекелі әйел &#8212; ең мәһірі аз әйел”, — деген. Мысалы, қазақ салтында қалың мал беріледі. Егер қыз соны мәһірім деп қабылдаса, онда ол мәһір болып саналады», &#8212; деп жазды бас имам.</p></blockquote>
<div class="wp-block-image"><figure class="aligncenter size-full"><img loading="lazy" width="1672" height="1672" src="https://kyzylorda-news.kz/wp-content/uploads/2022/09/180232904_3784874574964320_6649687043816851708_n.jpg" alt="" class="wp-image-166600" srcset="https://kyzylorda-news.kz/wp-content/uploads/2022/09/180232904_3784874574964320_6649687043816851708_n.jpg 1672w, https://kyzylorda-news.kz/wp-content/uploads/2022/09/180232904_3784874574964320_6649687043816851708_n-768x768.jpg 768w, https://kyzylorda-news.kz/wp-content/uploads/2022/09/180232904_3784874574964320_6649687043816851708_n-1536x1536.jpg 1536w" sizes="(max-width: 1672px) 100vw, 1672px" /></figure></div>

Бас имам мәһір ұғымына түсінік берді

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;</strong> <strong>Қызылорда облысының мәдениет және спорт басқармасының басшысы Руслан Рүстемов облыстық мемлекеттік архивіне барып, мекеменің негізгі қызметімен танысты.</strong></p>
<p>Мемлекеттік архив ақпарат қажеттілігі үшін өте құнды. Әсіресе, түрлі салаларды, сондай-ақ ғылымды дамыту ісіне, жеке адамдардың әлеуметтік-құқықтық сұранысын қанағаттандыруға қызмет етіп келеді. Қазіргі уақытта облыс архивтерінде 800 мыңға жуық істен тұратын 3571 қор сақталуда.<br>Басқарма басшысы құнды құжаттардың сақталуына, оның адамзат үшін пайдалы деректер базасы болғандықтан барынша жағдай жасау қажеттігіне назар аударып, жұмыстардың маңызына тоқталды.<br>Ең алдымен Ұлттық архив қорын жинақтау, архивтік құжаттарды пайдалану және жариялау, құжаттардың сақталуын қамтамасыз ету және ақпараттық технологиялар бөлімдерінің жұмысын көрді.</p>
<p>Бүгінгі күні ең өзекті талаптардың бірі &#8212; архив құжаттарын цифрлық форматқа өткізу. Осы кезеңге дейін архив құжаттарының 24 проценті цифрлық форматқа өткізілген, республика бойынша цифрландыру жұмысының орташа көрсеткіші 5,77% құрайды, бұл алдыңғы қатарда екенімізді көрсетеді.</p>
<p>Сондай-ақ, «Архивтік анықтамалар, архивтік құжаттардың көшірмелерін немесе архивтік үзінділерді беру» мемлекеттік қызмет көрсету үдерістерімен танысты. Бұл орайда Руслан Рүстемұлы бұл мәселеге аса ыждаһаттылықпен көңіл бөлді. Олай болатыны, архив деректерінен жыл сайын 15 мыңнан аса әлеуметтік-құқықтық, тақырыптық және генеалогиялық сипаттағы сұраныс орындалады. Бұл көрсеткіштердің өзі архивтің қоғам игілігіне қаншалықты қажеттігін көрсетеді. Мұнда әрбір құжаттың астарында адам тағдыры тұр. Байланыс желісінің артуына орай Қазақстанның өзге аймақтарынан, алыс-жақын шет елдерден сұрау хаттар толассыз түсіп жатады. Әрине, осындай сұраныстардың оң нәтижесі көңілге медеу ұялатады. Себебі жоқ іздегендер тапшы дүниесін тапқанда архив қызметінің мәртебелі екенін ұғындырады.</p>
<div class="wp-block-image"><figure class="aligncenter size-full"><img loading="lazy" width="1600" height="1200" src="https://kyzylorda-news.kz/wp-content/uploads/2022/09/307691722_1164723064083825_7875908141195624920_n.jpg" alt="" class="wp-image-166584" srcset="https://kyzylorda-news.kz/wp-content/uploads/2022/09/307691722_1164723064083825_7875908141195624920_n.jpg 1600w, https://kyzylorda-news.kz/wp-content/uploads/2022/09/307691722_1164723064083825_7875908141195624920_n-768x576.jpg 768w, https://kyzylorda-news.kz/wp-content/uploads/2022/09/307691722_1164723064083825_7875908141195624920_n-1536x1152.jpg 1536w" sizes="(max-width: 1600px) 100vw, 1600px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/307690325_1164723224083809_6870687766662060269_n.jpg" alt="" class="wp-image-166586" srcset="https://kyzylorda-news.kz/wp-content/uploads/2022/09/307690325_1164723224083809_6870687766662060269_n.jpg 1280w, https://kyzylorda-news.kz/wp-content/uploads/2022/09/307690325_1164723224083809_6870687766662060269_n-768x576.jpg 768w" sizes="(max-width: 1280px) 100vw, 1280px" /></figure></div>

Қазақстан және Қызылорда облысының жаңалықтары