&nbsp;<a href="https://kyzylorda-news.kz/ru/">Kyzylorda-news.kz.</a>&nbsp; Үкіметтің кеңейтілген отырысында Мемлекет басшысы Қасым-Жомарт Тоқаев қант тапшылығын реттей алмаған Сауда және интеграция министрі Бақыт Сұлтанов пен Ауыл шаруашылығы министрі Ербол Қарашөкеевке сөгіс жариялады, деп хабарлайды ҚазАқпарат.
«Бүгінде бұрын іске қосылған жеті қант зауытының төртеуі ғана жұмыс істеп тұр – Алматы және Жамбыл облыстарында. Олардың өзі тек үштен бір қуатымен ғана жұмыс істейді. Жүктелімі – 31% ғана. Ауыл шаруашылығы министрлігі қызылша қантының үлесін 2026 жылға қарай 6 есе 7%-дан 43%-ға дейін көбейтуді жоспарлап отыр. Алайда, кейінгі төрт жылда қант қызылшасының алқабы үштен бірге қысқарып кеткен», – деді Қасым-Жомарт Тоқаев.
Президент Қазақстанның сырттан келетін қантқа 90% тәуелді екенін еске салды.
«Бұл жерде Еуразиялық экономикалық одақтың аясындағы шешімдерге сілтеуге болады. Бірақ, бұл – бәрібір Үкіметтің зор кемшілігі, яғни мемлекеттің ұстанымын қорғай алмады. Сондықтан, мен министрлер Бақыт Сұлтанов пен Ербол Қарашөкеевке сөгіс жариялаймын.
Үкіметке шұғыл тәртіпте қант саласын дамытудың жеке салалық жобасын әзірлеу керек. Ондағы мақсат – импортқа тәуелділікті айтарлықтай қысқартып, өзіндік қамтамасыз етуге біртіндеп көшу», – деді Мемлекет басшысы.

Қант тапшылығын реттей алмаған министрлерге сөгіс жарияланды

<a href="https://kyzylorda-news.kz/ru/">Kyzylorda-news.kz.</a>&nbsp; Елімізде әлеуметтік маңызы бар азық-түлік тауарларының бағасын тұрақтандыру күн тәртібіндегі өзекті мәселе. Осыған сәйкес, қала әкімінің орынбасары Жанмұрат Сейілов қаладағы әлеуметтік маңызы бар азық-түлік тауарларларының бағасын тұрақтандыру бойынша кәсіпкерлерге түсіндірме жұмыстарын жүргізді.
Аралау барысында кәсіпкерлік нысан иелеріне тауарларға бағаны негізсіз өсірген жағдайда «Қазақстан Республикасының Әкімшілік құқық бұзушылық туралы» Кодексінің 204-4 бабына сәйкес жауапкершілік қаралатындығы айтылып, ескертпе хаттар таратылды.
Айта кету керек, бөлшек саудадағы әлеуметтік маңызы бар азық-түлік тауарлары бағасының шекті мәнінен 15 пайыздан асырмау жөнінде сала мамандарымен күнделікті мемлекеттік бақылау жасалынады.
Сонымен қатар, кәсіпкерлердің әлеуметтік маңызы бар азық-түлік тауарларының бағасын негізсіз өсіргендігі жөнінде тұрғындар тарапынан дәлелдеме құжаттарымен бірге шағым түскен жағдайда жергілікті атқарушы орган арқылы тексеру жүргізілетін болады.
<img src="https://kyzylorda-news.kz/wp-content/uploads/2022/07/293721000_3134001690199901_7358253154944029478_n.jpg" alt="" />
<img src="https://kyzylorda-news.kz/wp-content/uploads/2022/07/293688088_3134001950199875_4751850724205731378_n.jpg" alt="" />

Бағаны негізсіз өсірген кәсіпкерлер жауапкершілікке тартылады

<a href="https://kyzylorda-news.kz/ru/">Kyzylorda-news.kz.</a> Арал қаласындағы З.Шүкіров атындағы қалалық мәдениет үйінде Қазақстанның еңбек сіңірген қайраткері, Қазақстанның мәдениет қайраткері, «Құрмет» орденінің иегері, «Халық алғысы», «Еңбек даңқы» медальдарының иегері, Қазақстан Композиторлар одағының мүшесі, Арал ауданының құрметті азаматы, белгілі күйші-композитор, ақын Мұрат Сыдықов атындағы домбыра үйірмесі ашылды.
Салтанатты шарада алдымен өңірдегі өнердің атасына айналған күйші-композитор, ақын Мұрат Сыдықовтың өмір жолы, шығармашылығы, халқымыздың рухани байлығына қосылған әндері мен күйлері, тағылымды терме-толғаулары, өлең-жырлары көпшілікке таныстырылды. 
Үйірменің ашылу салтанатына Арал қаласының әкімі Ербол Талекенов қатысып, бүгінгі бастау алған игі шараның мән-маңызына тоқталып, жас өрендердің ұлттық өнерімізді асқақтата беруіне тілектестігін білдірді.
<blockquote>
 «Домбыра – қазақтың жаны. Халқымызбен ежелден жасасып келе жатқан аспап. Ата-бабамыздан біздерге қалған асыл мұра. Сондықтан да әрбір қазақтың төрінен орын алған. Домбыра үйренуші шәкірттің бойында ең бірінші ынта, талпыныс, сабырлық және төзімділік болуы керек»- деген Мұрат Сыдықыв үйірмеге алғаш қабылданған балаларға батасын беріп, домбыра аспабын табыстады.
</blockquote>
Одан соң аталған домбыра үйірмесінің жетекшісі Сержан Сәрсембаев қазақ күйінің көкжиегін кеңейткен «Мұраттың төкпесін» нақышына келтіре орындады.
Осылайша жаңа үйірменің лентасы қиылып, үйірмеге қабылданған жас домбырашыларға киелі аспапты шертудің қыр-сырын үйрету жұмыстары басталды.
<img src="https://kyzylorda-news.kz/wp-content/uploads/2022/07/293639188_3313329652328731_8838162555811302134_n.jpg" alt="" />

Белгілі күйші-композитор, ақын Мұрат Сыдықов атындағы домбыра үйірмесі ашылды

<a href="https://kyzylorda-news.kz/ru/">Kyzylorda-news.kz.</a>&nbsp; «AMANAT» партиясы облыстық филиалы жанындағы мобильді қабылдау бригадасы Шиелі ауданына қарасты Майлытоғай, Бала би, Бәйгеқұм ауылдарының тұрғындарын қабылдады. Қабылдауға 40-қа жуық азамат келіп, өтініш тілектерін білдірді. Сондай-ақ тұрғындар түрлі бағыттарда заңнамалық кеңестер алды.
Майлытоғай ауылының тұрғындары бойынша ескірген трансформаторларды ауыстыру, ауылға жаңадан клуб ғимаратын соғу, спорт алаңдарын салу секілді мәселелерді ортаға салды.
<blockquote>
 «Қазір ауыл жастары қол қалт етсе, телефонға телміріп отырады. Өне бейі телефонға үңіліп үйден шықпаған жастың денсаулығы қайдан болсын. Сол себепті бос уақытта дене шынықтыратын ауылда заманауи спорт алаңдары болса. Ауылдағы жалғыз клубымыз бар еді қазір құлау үстінде тұр. 2013 жылы жарамсыз деп танылды» дейді ауыл тұрғыны, зейнеткер Сейтмұрат Торғауытов.
</blockquote>
Ал, Бала би ауылы тұрғындары 1965 жылы негізі қаланған ауылдық емхана ғимаратының заманауи талаптарға сәйкес келмейтіндігін, санитарлық автокөлігінің науқастар үшін қолайсыз, тозығы жеткенін сонымен қатар, ішкі жолдар, көпір, елді мекенді газдандыру, электр энергиясының төмендігі төңірегінде өтініштерін айтты.
Мәселен, ауыл тұрғыны зейнеткер Снабек Нұрғали ескірген трансформаторларды ауыстыруды сұрайды.
<blockquote>
 «Ауылдың ішінде электр энергиясының қуаты төмен бірнеше көше бар. Түнгі мезгілде оқушылардың сабаққа дайындалуына кедергілер келтіріп, тұрғындардың тұрмыстық техникаларының істен шығып, күйіп кетуі жиі орын алуда. Бәйгеқұм тұрғындары елді мекен тоғыз жолдың торабында орналасқандықтан туризімі дамыған, он жарым мыңға тарта халық жүретін жолдарға қауіпсіздікті арттыру мақсатында 5 бейне бақылау орнатылса, «AMANAT» партиясы жайлымдық жерлер мәселесін шешіп берсе», – деді ақсақал.
</blockquote>
Модильді топ мүшелері әрбір өтініштің назардан тыс қалмай, олардың оң шешілуі бойынша нақты жұмыстар жасалатындығын жеткізді.
<img src="https://kyzylorda-news.kz/wp-content/uploads/2022/07/293745681_417675683731407_4995719477431838239_n.jpg" alt="" />
<img src="https://kyzylorda-news.kz/wp-content/uploads/2022/07/293756821_417675680398074_9007604239971324948_n.jpg" alt="" />

  «AMANAT»: Мобильді топ өкілдері үш ауылда қабылдау өткізді

<a href="https://kyzylorda-news.kz/ru/">Kyzylorda-news.kz.</a> Енді қызылордалықтар үшін электр энергиясында айтарлықтай мәселе туындамайды. Себебі Сыр елінде құны 215 млрд.теңгені құрайтын заманауи үлгідегі жаңа электр станциясын салу жұмыстары басталады.
Бүгін нысан құрылысын жүргізетін инвестор компания анықталды. Аукциондық сауда-саттық қорытындысы бойынша түрік компаниясы «Акса Энерджи Уретим Аноним Ширкети» акционерлік қоғамы жеңімпаз атанған. Енді мердігер мекеме бу-газ қондырғысын жыл аяғында бастап, 2025 жылы ел игілігіне пайдалануға береді.
Қуаттылығы 240 мегаватқа жететін жаңа нысан энергия жетіспеушілігін едәуір төмендетеді. Себебі осы кезге қаладағы электр желілері 50-60 жылдан астам үздіксіз жұмыс жасап келгендіктен, әбден тозығы жеткен. Бұл сөзсіз электр жүктемесіне салмақ салады.
Айту керек, облыс әкімі Нұрлыбек Нәлібаев аймақ үшін өзекті электр энергиясы мәселесін орнықты түрде шешу үшін Энергетика министрлігімен бірлескен жұмыстарды атқарды. Нәтижесінде, ведомство басшысы Болат Ақшолақов бұл жобаға қолдау білдіретінін жеткізді.

Қызылордада жаңа электр станциясын салатын инвестор анықталды

<a href="https://kyzylorda-news.kz/ru/">Kyzylorda-news.kz.</a> Биыл ҚР Ұлттық қауіпсіздік органдарының құрылғанына 30 жыл толды. Бүгін облыс әкімі Нұрлыбек Нәлібаев арнайы салтанатты шараға қатысып, сала қызметкерлері мен ардагерлерін айтулы мерекелерімен құттықтады.
<blockquote>
 «Мемлекет басшысы Қасым-Жомарт Кемелұлы Тоқаев «Отанды қорғау – мәртебелі миссия және жоғары жауапкершілік» деп елдің тұтастығын сақтауда күштік құрылымдар мен арнайы орган қызметкерлерінің қоғам алдындағы міндетін тағы бір салмақтай түсті. Мемлекеттік биліктің қоғамда қауіпсіздігін қамтамасыз ететін негізгі маңызды құрылымдарының бірі – Ұлттық қауіпсіздік органдарының алар орны ерекше.
 Құрметті ұлттық қауіпсіздік органдары қызметкерлері!&nbsp;Әрқашан анттарыңызға адал болып, ел қорғаны деген атты абыроймен алып жүріп, мемлекет пен елдік мүддеге аянбай қызмет ете берулеріңізге тілектеспін! Өз қызметтік міндетіне асқан жауаптылықпен қарап, мемлекет тыныштығының сақталуына тынбай үлес қосып жүрген ел қорғандарының қатары көбейе берсін!», – деді аймақ басшысы.
</blockquote>
Салтанатты жиында аймақ басшысы бірқатар сала қызметкерлеріне арнайы Алғыс хат табыстап, ілтипат көрсетті. Сондай-ақ, ел қорғандарына ҚР Ұлттық қауіпсіздік органдарының 30 жылдығына арналған мерекелік медаль табыс етілді.
Іс-шара мерекелік концертке ұласып, қазақ эстрадасының жарқын жұлдыздары Мәдина Сәдуақасова мен Сәкен Майғазиев Сыр төрін әнге бөледі.
<img src="https://kyzylorda-news.kz/wp-content/uploads/2022/07/293621811_342614554726462_824207121602405809_n.jpg" alt="" />
<img src="https://kyzylorda-news.kz/wp-content/uploads/2022/07/b71f2bd272b12d81c9eb2e7027233d07_1280x720.jpeg" alt="" />
<img src="https://kyzylorda-news.kz/wp-content/uploads/2022/07/925c3339186a364e095624c76f609f20_1280x720-1.jpeg" alt="" />

Аймақ басшысы ұлттық қауіпсіздік сақшыларын кәсіби мерекелерімен құттықтады

<a href="https://kyzylorda-news.kz/ru/">Kyzylorda-news.kz.</a> Қазгидромет синоптиктері 14 шілде, бейсенбіге арналған ауа райы болжамын жариялады.
Атмосфералық фронттардың әсерінен Қазақстан территроиясының басым бөлігінде тұрақсыз ауа райы сақталады – найзағай жарқылдап, жаңбыр жауады, жел күшейеді.
Еліміздің оңтүстігінде – шаңды дауыл, батысында, оңтүстік-шығысында – бұршақ, солтүстігінде – түнде тұман түседі.
Тек Қазақстанның оңтүстігі, оңтүстік-батысы, солтүстік-батысы мен орталығында жауын-шашын жаумайды.
Қызылорда облысында төтенше өрт қаупі сақталады.

14 шілдеге арналған ауа райы болжамы

<a href="https://kyzylorda-news.kz/ru/">Kyzylorda-news.kz.</a> Қасым-Жомарт Тоқаев Ұлттық қауіпсіздік комитетінің 30 жылдығына арналған салтанатты жиында ҰҚК органдарының ардагерлерін, офицерлері мен қызметкерлерін құттықтап, олардың Қазақстан мемлекеттігін нығайтуға қосқан үлесін атап өтті, деп хабарлайды Ақорда.
<blockquote>
 – Ұлттық қауіпсіздік жүйесі – мемлекеттігіміздің басты тұғыры. Сондай-ақ, дербес дамуымыздың мызғымас тірегі. Отан үшін аянбай еңбек етіп жүрген азаматтардың арқасында еліміз өсіп-өркендеуде. Сіздер ішкі және сыртқы қауіп-қатерлерге дер кезінде тойтарыс беріп келесіздер. Бүгінде мемлекеттің негізі және конституциялық құрылымы берік қорғалған. Тәуелсіздігіміздің құндылықтары бірнеше рет елеулі сын-қатерлерге тап келді. Сіздер бейбітшілік пен келісімді сақтау үшін табанды еңбек еттіңіздер, – деді Президент.
</blockquote>
Мемлекет басшысы ұлттық қауіпсіздік органдарының екі мыңыншы жылдары терроризм мен радикалды діни экстремизмге қарсы күреске қосқан үлесіне тоқталды. Сондай-ақ Сыртқы барлау қызметінің ұлттық мүддені қорғау жолында өз міндетін табысты орындап келе жатқаны және Комитеттің «А» арнаулы қызметі мен Шекара қызметінің жұмыстары туралы айтты.
<blockquote>
 – Жыл басынан бері Комитет қызметкерлерінің тиімді жұмысының арқасында экстремистік әрекеттерге қатысқан және терроризмді насихаттаған 42 адам ұсталды. Екі терролық актінің алдын алды. Ұйымдасқан қылмысқа қарсы күрес қарқынды жүргізілуде. Ұлттық қауіпсіздік органдары полициямен бірлесіп, бірқатар аса қауіпті қылмыстық топты құрықтады, бандиттік ұйымдардың 22 мүшесі тұтқындалды. Нәтижесінде 700-ге жуық қару-жарақ, 54 граната, 17 мыңнан астам оқ-дәрі тәркіленді. Жарты жылдың ішінде елімізде 15 есірткі лабораториясы, 23 халықаралық және 40 аймақтық есірткі каналдары жойылды, 3 есірткі плантациясы әшкереленді. Шетелдік серіктестермен бірлесіп, халықаралық есірткі тасымалына қарсы күрес аясында 14 халықаралық арнайы операция жүзеге асырылды, – деді Қасым-Жомарт Тоқаев.
</blockquote>
<img src="https://www.akorda.kz/public/assets/media/uploadMedia/1657714314_DSC_6541_2.jpg" alt="" />
Мемлекет басшысының сөйлеген сөзінде келтірілген деректерге сәйкес Қазақстан шекарашылары шекара және аумақтық сулар режимін бұзған 7 мыңнан астам адамды ұстаған. Жалпы құны 8 миллиард теңгеден асатын валюта, алтын және басқа да тауарлардың заңсыз тасымалының жолы кесілген. Сонымен қатар арнаулы қызмет еліміздің ақпараттық қауіпсіздігін сенімді қамтамасыз етуде. Еліміздің маңызды инфрақұрылымдық нысандарына жасалған 1,5 мың DDoS шабуылына сәтті тойтарыс берілді.&nbsp;
<blockquote>
 – Ұлттық қауіпсіздікті қорғау ісі көбінесе ел назарынан тыс жүргізіледі. Оны көпшілік біле бермейді. Дегенмен, сіздердің жұмыстарыңыздың&nbsp; мән-маңызы айрықша.&nbsp; Шынайы патриотизм атақ үшін емес, Отан үшін елге адал қызмет етуден көрінеді. Біз ел мүддесін қорғау жолында құрбан болған қаһармандарды ешқашан ұмытпаймыз. Олардың ерлік істері жұртқа жарияланбайды. Бірақ есімдері Ұлттық қауіпсіздік қызметінің жылнамасына алтын әріппен жазылады. Комитет ардагерлеріне көп жылғы еңбегі үшін зор алғыс айтамын, – деді Қасым-Жомарт Тоқаев.
</blockquote>
Президент күшейіп келе жатқан геосаяси шиеленіс, бұрын-соңды болмаған санкциялық текетірес, гибридті қақтығыстардың таралуы ұлттық қауіпсіздікке жаңа сын-қатерлер қаупін төндіреді деп санайды. Оның пікірінше, қарқынды жаһандану мен жаппай технологиялық төңкеріс елдер арасындағы шекараның ашық болуына әкеп соқтырды. Мемлекеттердің бір-біріне тәуелділігі артады және мұндай жағдайда Қазақстанның ақпараттық және әлеуметтік-мәдени кеңістігіне сыртқы күштердің ықпалы күшейе түседі.
<blockquote>
 – Алдымызда мемлекеттік және қоғамдық институттардың орнықты әрі тиімді жұмыс істеуін, азаматтардың қауіпсіздігін қамтамасыз ету міндеті тұр. Қаңтардағы қасіретті күндерде Комитеттің бірқатар басшыларының намыссыздығы мен сатқындығына қарамастан, көптеген офицерлеріміз өз анттарына адал болып, батыл әрекет етті, нағыз ерлік көрсетті. Өзге елдерде жуырда болған ауқымды қақтығыстар тұрақтылық болмай, орнықты даму мүмкін емес екенін тағы да бір көрсетіп берді. Ұлттық қауіпсіздік – мемлекеттердің бәсекеге қабілеттілігін арттырудың шешуші факторы. Арнаулы қызметтер жұмысының табысты болуы мемлекеттердің ішкі саяси тұрақтылығына ғана емес,&nbsp; сондай-ақ олардың орнықты экономикалық дамуына айтарлықтай дәрежеде байланысты, – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1657714357_KZ1_4349_2.jpg" alt="" />
Қасым-Жомарт Тоқаев еліміздің Жаңа Қазақстанды құруға кіріскенін, қоғамның барлық саласында&nbsp; түбегейлі жаңғыртулар жүргізіле бастағанын мәлімдеді. Мемлекет азаматтық қоғамды дәйекті түрде дамытып, демократиялық қағидаттарды қорғайды. Оның айтуынша, бұл&nbsp; – еліміздің дамуы үшін өте маңызды қадам. Сондықтан әділдік және заң үстемдігі осы жолда басты бағдар болады. Президент мамыр айында Ұлттық қауіпсіздік комитетін реформалау, яғни оның қызметін түбегейлі трансформациялау және ұлттық қауіпсіздік жүйесін басқару сапасын арттыру жөніндегі Жарлыққа қол қойғанын еске салды.
<blockquote>
 – Өзгерістердің бәрін табысты жүзеге асыру үшін бізге кез келген қауіпке тиімді қарсы тұра алатын заманауи арнаулы қызмет керек. Ұлттық қауіпсіздік органдары ұлттық мүдделерді қорғауда және күшейіп келе жатқан заманауи сын-қатерлерге қарсы күресте алдыңғы шепте болады. Сондықтан аналитикалық және ақпараттық барлау жұмыстарына баса мән бере отырып, проблемаларды бастапқы сатысында жою қажет. Қазақстан жаһандық және өңірлік қауіпсіздікті нығайтуға бағытталған теңгерімді әрі сындарлы сыртқы саясат жүргізеді. Сондықтан еліміздің одақтасы және стратегиялық серіктесі саналатын мемлекеттермен арадағы табысты ынтымақтастықты арнаулы қызметтер саласы бойынша дамыту өте маңызды. Қауіпсіздік саласындағы стратегиялық мақсаттарды жүзеге асыру кезінде азаматтар құқығының тапталуына және елімізде іскерлік климаттың бұзылуына жол беруге мүлде болмайды, – деді Президент.
</blockquote>
<img src="https://www.akorda.kz/public/assets/media/uploadMedia/1657715025_DSC_7042_2.jpg" alt="" />
Мемлекет басшысының пікірінше, арнаулы органда қызмет ету, ең алдымен, жан-жақты, сан қырлы білім иесі болуды, кез келген жағдайды терең зерттеп, салмақты, парасатты шешім қабылдай білуді талап етеді.
<blockquote>
 – Комитеттің әрбір қызметкері өз ісіне адал және нағыз маман болуға тиіс. Қандай жағдай болсын, мемлекет мүддесі бәрінен жоғары тұруы қажет. Сіздердің кәсіби қабілеттеріңіз бен жеке адами қасиеттеріңіздің арқасында ел мүддесі тиісті деңгейде қорғалатыны анық. Сондай-ақ азаматтарымыздың билікке деген сенімі артып, мемлекетіміздің болашағы жарқын болмақ. Сондықтан кез келген жағдайды терең зерттеп, салмақты, парасатты шешім қабылдай білу – өте маңызды міндеттеріңіз, – деді Қасым-Жомарт Тоқаев.
</blockquote>
Жиын соңында Президент ұлттық қауіпсіздік органдарының бірқатар қызметкерін мемлекеттік наградалармен марапаттады.

Мемлекет басшысы Ұлттық қауіпсіздік комитетінің 30 жылдығына арналған салтанатты жиынға қатысты

<a href="https://kyzylorda-news.kz/ru/">Kyzylorda-news.kz.</a> Facebook әлеуметтік желісінде қазақстандық пайдаланушылардың арасында түрлі онлайн-платформаларды белсенді жарнамалайтын&nbsp; фишингтік сайттарға сілтемелер кеңінен таратылуда, олардың айтуы бойынша, мұндай онлайн-платформалардың көмегімен жеңіл және тез арада байып кетуге болады мыс.
Fingramota.kz мұндай ұсыныстарға неліктен сенбеу қажеттілігі жөнінде мысалдар келтіреді.
<img src="https://kyzylorda-news.kz/wp-content/uploads/2022/07/111.jpg" alt="" />
Илон Масктің қатысы қандай?
Алаяқтардың ең жеңіл айла-шарғысы – бұл әлеуметтік желілерде жалған аккаунт құру. Мәселен, алматылық телеарнаның атын бүркемеленіп қаскүнемдер жүргізушінің сөзінше «биржада акцияларжәне «алтын валютамен» сауда-саттық жүргізетін платформа жөнінде лақап «жаңалық» таратады. Оны арнайы Қазақстанның тұрғындары&nbsp; үшін ИлонМаск құрған, бұл қор нарығында автоматты түрде сауда-саттық жүргізетін робот деп шығарады.
<img src="https://kyzylorda-news.kz/wp-content/uploads/2022/07/fin1-2.jpg" alt="" />
Ұдайы негізде тұрақты және пассивті кіріс алғысы келетіндер үшін небәрі «Тесла» компаниясының платформасында тіркеліп, күніне жарты сағат уақытын оқуға жұмсап, инвестиция сала бастаса жеткілікті. Тіркелгеннен кейін келесі күні, 24/7 режимінде, Қазақстанның кез келген картасына қаржыны шығарып алуға болады, оған сіздің бар-жоғы 5-10 минут уақытыңыз кетеді. Бұл жерде бағдарламаны жасаушылар&nbsp; компания көрсеткен қызметі үшін шығарылған қаржы сомасынан 1,5% ұстап қалатыны, сондай-ақ сізге тәулік бойы жеке маманның көмегін ұсынатыны жөнінде айтады.
<img src="https://kyzylorda-news.kz/wp-content/uploads/2022/07/tesla-3.jpg" alt="" />
Сюжеттің соңында сайтқа сілтеме жасалады, оған өтіп, тіркелуіңіз қажет. Онда есіміңіз бен телефон нөміріңізді ғана көрсетсеңіз жеткілікті.
Сондай-ақ, посттың астында өз ризашылығын білдіріп, «пайдаға кенелген», осы платформаға ақша салуға шақыратын инвесторлардың жалған пікірлері жарияланады.
<img src="https://kyzylorda-news.kz/wp-content/uploads/2022/07/com-1-2.jpg" alt="" />
Мәселен, сіз тіркелдіңіз делік. Біраз уақыттан кейін сізге жалған брокерлер қоңырау шалып, басыңызды айналдыра бастайды.&nbsp; Олар ай сайын 3-4 мың доллар табуға болатын, оған жетудіңжеңіл алгоритміне уәде беріп,әлеуметтік инженерия әдістерін қолдануда әбден әккі болған алаяқтар. &nbsp;Олардың басты мақсаты –cізолардан шот ашып, оны толықтырсаңыз болды. Іс жүзінде ешқандай сауда-саттық жүргізілмейді, сізге кірісіңіздің өсіп жатқаны көрсетілген жалған суреттер жіберіледі. Егер сіз ақшаңызды шығарып алғыңыз келсе, онда алаяқтарға алдын ала келісілген пайызды аударуыңыз керек. Нәтижесінде бұдан да көп шығынға батасыз, себебі сізге ақшаны, яғни уәде болған күнделікті табысты да, бастапқы салынған инвестицияны да, қаржыны шығарып алу пайызын да ешкім қайтармайды.
Алдағанды қалай білуге болады?
Алаяқтықтың бұл түрі технологияларды асамеңгермеген, ұсақ-түйектерге мән бермейтін адамдарға арналған. Олар жаңалықтарды қарап, әлеуметтік желілерді пайдаланып, әйгілі компаниялар мен адамдардың аттарынан хабардар болса да,басқасынан ешқандай мағлұматтары жоқ адамдар.
Tesla-бұл миллиардер ИлонМасктің автокөлік компаниясы, ол автономды басқарылатын болашақтың электркарларларыншығарумен айналысады. Бұл &nbsp;инвестициялауға мүлдем қатысы жоқ платформа.
Сонымен қатар мұқият пайдаланушылар «сюжеттің» қолдан құрастырылғанын, ондабасқа телеарнаның логотипі бар екенін, сипаттамасында көптеген грамматикалық қателер кездесетінін байқайды. Егер аккуанттың басты бетіне өтсеңіз, ол ешқандай жаңалықтарсыз бос болып шығады. Бұл жерде постта көрсетілген сайттың атауы да ИлонМасктің компаниясына тиесілі емес.
<img src="https://kyzylorda-news.kz/wp-content/uploads/2022/07/almaty-1-1.jpg" alt="" />
Бай болашақтуралыәдеміаңыздар
Метроменнемесеөз автоңызбен жүргіңіз келе ме? Демалысыңызды қайда өткізесіз: саяжайда әлде шетелде ме? Табыстылардың командасына қосылыңыз!» – алаяқтардың Қазақстанда Facebook-ті пайдаланушылар арасында тарататын жарнама посттарының бірі осылай басталады.
Басқа постта бастапқы инвестициясы 53 мың теңге болатын, 4 апта ішінде 890 мың теңгеге дейін кіріс әкелетін бірегей жоба жарнамаланады. Егер сіз өз жинақтарыңызды осы жобаға салсаңыз, капиталыңыз екі есе, тіпті үш есе оңай көбейтілетін пирамиданың &nbsp;сүреті де бейнеленген.
<img src="https://kyzylorda-news.kz/wp-content/uploads/2022/07/com-3-1.jpg" alt="" />
Осы екі постыплатформаға қол жеткізу үшін KAZ Minerals компаниясынан сауалнамадан өтуге сілтемелер біріктіреді. Алаяқтар бұл платформаны мемлекеттік платформа ретінде көрсетеді және KAZ Minerals активтеріне 220 мың теңге мөлшерінде инвестиция салудан дивидендтер төлеуге уәде береді.
<img src="https://kyzylorda-news.kz/wp-content/uploads/2022/07/com-2-1.jpg" alt="" />
Қаскүнемдер әртүрлі психологиялық амалдарды қолданады.Мысалы, олар бай-бақуатты өмірдің суреттерін «елестетеді», өз қалауыңыз бойынша жұмсайтын: қаласаңызжақындарыңызға беруге, кредиттіңізді өтеуге, қалаған арманыңызға жұмсауғаболатын қыруар ақшаны көрсетеді. Адамға ұзақ уақыт ойлануға мұрсат бермеу үшін, алаяқтар платформаға тіркелу жақында аяқталады деп хабарлайды.
Сауалнамадан өткеннен кейін фишинг сайтта өз деректеріңізді: атыңызды, тегіңізді, электрондық мекенжайыңызды және телефон нөміріңіздіқалдыру қажет болады.
<img src="https://kyzylorda-news.kz/wp-content/uploads/2022/07/comment-09-1.jpg" alt="" />
Алдауды қалай анықтауға болады?
Доменге назар аударыңыз, сілтеменің атауы сізгекүдік туғызуы керек. Есіңізде болса, алаяқтар көбінесе танымал компаниялардың атын жамылады.KAZ Minerals Қазақстандағы жетекші мыс өндіруші, алайда оның басқа ресми аккаунты бар. Компанияның ақша мәселелеріжөніндегі сауалнаманы басқа ресурстарда жүргізуі күмән туғызады.
Егер сізде әлі де сауалнамалар немесе лотереялардың жалған емес деген үмітіңіз болса, онда олардың кімнің атынан өткізіліп жатқанынбілу үшін ұйымға қоңырау шалуды ұсынамыз, оны байланыс орталығының тек ресми нөмірлері бойынша жасауқажет.
Сақ болыңыз!
Алаяқтар күннен-күнге жаңа құрбандарын тартып,ескі схемалар бойынша жұмыс істейді. Егер желіде қор нарығында табысқакенелу ықтималдылығы 99%, бұрын-соңды болмаған ақша табуға мүмкіндік беретін «таңғажайып» платформаға қол жеткізу үшін сауалнамадан өтудіұсынса, сенбеңіз. Өзіңіздің дербес деректеріңізді еш жерде, интернет кеңістігінде, әсіресе,фишингтік сайттарда қалдырмаңыз. Егер сіз мұны жай қызығушылықпен жасап, жалған нөмірлерді тіркесеңіз де мұның салдары болуы мүмкін. Біраз уақыт өткеннен кейін сізге алаяқтар қоңырау соғып, әрі аты-жөніңізді атап, олардың инвестициялық жобаларына қатысу туралы өтініш жасайтын болса, таңғалмаңыз. Қаскүнемдер заманауи технологияларды және пайдаланушы туралы олардың фишинг сайтында «көзге түсіп қалған»&nbsp; ақпаратты пайдаланады, бұл оларға еш қиындық туғызбайды.
Алаяқтардың тағы қандай айла-шарғы схемаларын пайдаланатыны, олардан қалай қорғану қажеттілігі жөнінде қаржылық сауаттылық бойынша Fingramota.kz бірыңғай медиапорталында айтып отырамыз. «Абайлаңыз, алаяқтар» бөлімінде алаяқтық пен қаржы пирамидаларына қарсы іс-қимыл тақырыбы бойынша апта сайын өзекті материалдар жарияланып тұрады. &nbsp;Сондай-ақ сайтта осы тақырып бойынша оқыту бейнероликтері мен ақпараттық графика орналастырылған, олар біздің әлеуметтік желілерімізде таратылады.
Достар, егер сіз қаржы алаяқтарының құрығына түсіп, оларға өздеріңіз туралы маңызды құпия мәліметтерді, төлем карталарының деректемелерін беріп қойсаңыздар немесе қаржы пирамидаларына тап болсаңыздар, онда дереу құқық қорғанына өтініш беріңіздер!
Сондай-ақ, &nbsp;қаржы пирамидалары туралы сіз ҚР Қаржы нарығын реттеу және дамыту агенттігіне 1459,+7&nbsp;727&nbsp;237 1000 нөмірлері бойынша call-орталық арқылы немесе «Fingramota Online» мобильдік қосымшасы арқылы хабарлай аласыз, оны мына сілтемелер арқылы жүктеп алуға болады:
App Store-де: https://apps.apple.com/kz/app/fingramota-online/id1134502211,
Play Market-те: https://play.google.com/store/apps/details?id=kz.nationalbank.appeals.
Сондай–ақмобильдікқосымшаныңвеб–нұсқасыдабар:&nbsp; http://online.fingramota.kz/ru.
Өзіңізді, өз деректеріңізді қорғаңыз және Fingramota.kz-пен бірге қаржылық сауаттылығыңызды арттырыңыз!

Әлеуметтік желідегі алаяқтар: Жалған инвестициялаудағы  жаңа кейстер

<a href="https://kyzylorda-news.kz/ru/">Kyzylorda-news.kz.</a> «AMANAT» партиясы Жалағаш ауданы бойынша сайлауалды бағдарламасын жүзеге асыру жөніндегі Жол картасының 29,9 пайызы толықтай орындалды, 60-ы немесе 69,0 пайызы орындалу үстінде. Бұл туралы бүгін «AMANAT» партиясы облыстық филиалының Атқарушы хатшысы Ләйлә Төрешованың қатысуымен өткен көшпелі отырыста баяндалды.
Аудандық сайлауалды бағдараламаны жүзеге асыруға бағытталған Жол карта 7 бағытты қамтитын 19 индикатор және 87 іс-шарадан тұрады. Бүгінгі күні әрбір бағыт бойынша жоспарланған жұмыстар тиісті деңгейде атқарылып келеді. Мәселен, «Экономикалық тұрақты аймақ» бағыты аясында аудан кәсіпкерлерінің жеке қаражаты есебінен 2022 жылға жоспарланған жобалар толығымен орындалады.
«Жайлы аудан» бағыты бойынша аудандық маңызы бар Бұқарбай батыр елді мекеніне кіреберіс автомобиль жолын орташа жөндеу жүргізілуде. «Самара-Шымкент-Еңбек-Есет батыр» автомобиль жолының 17,1 шақырымын орташа жөндеуге қаржы бөлінді. Еңбек, Мырзабай ахун, М.Шәменов елді мекендерінің ішкі көшелерін жөндеуге 364,0 млн теңге қаржы бөлініп, қазіргі таңда Мырзабай ахун және Шәменов елді мекендерінде ішкі көшелерге жөндеу жұмыстарының 50,0 пайызы аяқталған.
Аққыр елді мекеніндегі А.Ахетов және Жаңадария елді мекеніндегі Абай көшелерін күрделі жөндеуге 72,2 млн теңге қаржы бөлініп, мемлекеттік сатып алу жұмыстары аяқталды. Жұмыс кестесіне сәйкес Аққыр елді елді мекеніндегі А.Ахетов көшесінің күрделі жөндеу жұмыстары енді басталса, Жаңадария елді мекеніндегі Абай көшесінің жөндеу жұмыстары аяқталып, пайдалануға беру күтілуде.
Әлеуметтік бағдарланған аймақ бағыты бойынша медициналық қызметтердің қолжетімділігі мен сапасын арттыру мақсатында Таң елді мекенінде жоба құны 140,0 млн теңге болатын дәрігерлік амбулаторияның құрылыс жұмыстары жүргізілуде. Алдағы уақытта Мырзабай ахун, Есет батыр елді мекендерінде жаңа дәрігерлік амбулаториялар құрылысы жүргізілетін болады.
Биылғы жылы инклюзивті білім беруге жағдай жасалған мектептердің үлесі 80 пайызды құрап отыр. Салауатты өмір салтын қалыптастыру мақсатында «Наркескен» спорт клубы ғимаратының жанынан стритбол алаңы салынып, пайдалануға берілді.
Жиын барысында «AMANAT» партиясы облыстық филиалының Атқарушы хатшысы Ләйлә Төрешова алдағы атқарылар жұмыстарды пысықтап, халық алдындағы уәделердің еш кедергісіз және сапалы орындалуына партияның әрбір мүшесі жауапты екенін жеткізді.

Жол картасы: Жалағашта бағдарламаның 30 пайызы орындалды

<a href="https://kyzylorda-news.kz/ru/">Kyzylorda-news.kz.</a> Бұдан былай банкке берешегі бар қазақстандықтар несие рәсімдей алмайды. Қасым-Жомарт Тоқаев «Қазақстан Республикасының кейбір заңнамалық актілеріне сақтандыру нарығын және бағалы қағаздар нарығын реттеу мен дамыту, банк қызметі мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, деп хабарлады&nbsp;<a href="https://www.akorda.kz/kz/memleket-basshysy-kazakstan-respublikasynyn-keybir-zannamalyk-aktilerine-saktandyru-narygyn-zhane-bagaly-kagazdar-narygyn-retteu-zanyna-kol-koydy-1264333">Ақорда</a>&nbsp;сайты.&nbsp;
Қабылданған заңға сәйкес, басында несиесі бар қазақстандықтар қайта қарыз ала алмайды. Сондай-ақ&nbsp;Несие бюросына берілген қарыз жайлы ақпаратты жеткізу уақыты 15 жұмыс күнінен 1 жұмыс күніне дейін қысқарады. Микрокредит бойынша сыйақының шекті мөлшері мен айыппұл&nbsp;көлемі шектеледі.&nbsp;
Мұндай қадам қазақстандықтардың несиелік жүктемесін азайту үшін жасалынып отыр.&nbsp;
«Микрокредиттік&nbsp;ұйымдарға қарыз азаматтардың жүктемесін қысқарту үшін микрокредит бойынша артық төлемді екі есеге –&nbsp;микронесие сомасынан 100-ден 50 пайызға қысқарту ұсынылады», – деді ҚР Қаржы нарығын реттеу және дамыту агенттігінің төрайымы Мәдина Әбілқасымова.

Енді банкке берешегі бар қазақстандықтарға несие берілмейді

<a href="https://kyzylorda-news.kz/ru/">Kyzylorda-news.kz.</a> Міндетті әлеуметтік медициналық сақтандыру жүйесіндегі «Сақтандырылған» мәртебесі тұрақты болуы тиіс. Ол үшін ай сайынғы жарналар мен аударымдар жасалуы керек. Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтің түсіндіруінде қандай маңызды факторларға назар аудару керек.
Сақтандыру мәртебесінсіз сіз жоспарлы медициналық көмек ала алмайсыз, тар бейінді маманның қабылдауында бола алмайсыз немесе тексеруден өте алмайсыз.
Медициналық сақтандыру жүйесіндегі өз мәртебеңізді бірнеше тәсілмен тексеруге болады: fms.kz. сайтында, Qoldau-24/7 мобильді қосымшасы арқылы немесе eGov.kz жеке кабинетте ЖСН нөмірі бойынша.
МӘМС төлемдері бойынша 12 айға толық үзінді көшірмені Телеграмдағы Saqtandyrubot арқылы алуға болады. «Сақтандырылу мәртебесін анықтау» тармағын таңдап, ЖСН енгізу қажет.
МӘМС-ға төлем жасағаннан кейін мәртебе бірден өзгермейді, бірақ 3 жұмыс күні ішінде өзгереді. Медициналық ұйымға барар алдында міндетті түрде мәртебені қайта тексеру қажет.
Сақтандыру мәртебесін алу үшін соңғы 12 ай бойы төлемдерді жүйелі түрде жүргізу қажет. Егер кем дегенде бір айды өткізіп алса, мәртебе берілмейді. Тек өзін-өзі жұмыспен қамтыған БЖТ төлеушілер ғана ерекшелік болып табылады.
Бірыңғай жиынтық төлемді қатарынан 3 ай бойы төлеген кезде тұрақты мәртебе үшінші айға беріледі және одан әрі тұрақты төлемдер болған жағдайда сақталады.
Кейбір қазақстандықтарда сақтандырылудың жеңілдікті мәртебесін алу мүмкіндігі бар. Егер сіз жеңілдікті 15 санаттың қатарына кірсеңіз, онда МӘМС-ға мемлекет аударымдар жасайды. Бұл туралы толығырақ ақпаратты <a href="https://fms.kz/kz/o-medstrakhovanii/infografika/31374/">мұнда.</a>
Жеңілдік санаттарының бірі – жүкті әйелдер. Жүктілік бойынша мәртебесі болмаған жағдайда оларды жергілікті дәрігер есепке қояды.
Егер сіз БЖТ төлеуді тоқтатсаңыз немесе жеңілдікті санаттар тізімінен шықсаңыз, МӘМС жарналарын өз бетіңізше аударуды жалғастыра аласыз. Бірақ мәртебе алу үшін үзінді көшірмені тексеріп, бұрын өткізіп алған барлық айлар үшін ақы төлеуіңіз керек.

Қазақстан және Қызылорда облысының жаңалықтары