<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> 19 қыркүйекте Қазақстан аумағының басым бөлігі суық антициклонның ықпалында болады, жауын-шашынсыз ауа райы сақталады, түнде еліміздің солтүстігінде, орталығында, шығысында үсік күтіледі, деп хабарлайды Қазгидромет. 
Атмосфералық фронттардың өтуіне байланысты еліміздің батысында, солтүстік-батысында, оңтүстік-шығыстың таулы аудандарында найзағай ойнап, жаңбыр жауады. Ел бойынша екпінді жел, оңтүстікте – шаңды дауыл, шығыста түнде және таңертең тұман болжанады.
Атап айтқанда, Қызылорда, Түркістан, Жамбыл, Алматы облыстарының басым бөлігінде, Абай облысының солтүстік-батысында, солтүстігінде, шығысында, Атырау облысының оңтүстігінде, Ақтөбе облысының оңтүстігінде, шығысында төтенше өрт қаупі сақталады.

Дүйсенбі күнге арналған ауа райы болжамы

Kyzylorda-news.kz. Аймақ басшысының тапсырмасына сәйкес облыс әкімінің орынбасары Мархабат Жайымбетов Қармақшы ауданында бірқатар құрылыс нысандарының жұмысымен танысты. Алдымен, Ақай ауылдық округіндегі салынып жатқан денешынықтыру-сауықтыру кешенінің құрылысын көрді. Мердігер мекеме өкіліне құрылыс жұмыстарының баяу жүргізіліп жатқанын ескерте отырып, шартта көрсетілген мерзімде аяқтауды және әрі сапалы жасауды жүктеді.
Байқоңыр қаласына іргелес орналасқан Төретам кенті мен Ақай ауылдық округіне тартылған табиғи газдың құрылыс жұмыстарын да бақылады. Мұнан соң, кенттегі күрделі жөндеу жұмыстары жүргізіліп жатқан 640 орындық №85 орта мектепте болып, жұмыстардың қарқынын бағамдап, мердігерге жөндеу жұмыстарын сапалы әрі уақытылы аяқтау қажеттілігін ескертті.
Облыс әкімінің орынбасары Қармақшы ауданына сапарымен қатар, Байқоңыр қаласындағы құрылысы жүріп жатқан 5 қабатты тұрғын үйдің жұмысын бағамдады. Көп қабатты тұрғын үй «Нұрлы жер» мемлекеттік бағдарламасы аясында іске асырылуда. Қазіргі таңда құрылыс жұмыстарының қарқынын үдету керек екендігін, әйтседе сапалы жүргізіле отырып тұрғындар тарапына мерзімді берілу керектігін міндеттеді.
Мархабат Жайымбетұлы аудан әкімдігінің ұйымдастырумен жүргізілген Жосалы кентіндегі «Қазақ хандығы» аллеясында «Бiрге – таза Қазақстан» республикалық жаңа экологиялық акциясы аясындағы сенбілікке қатысып, тал көшетін отырғызды. «Ауыл &#8212; ел бесігі» жобасы аясындағы №121 орта мектептің күрделі жөндеу жұмыстарын қадағалады. Өскелең ұрпақ тәрбиеленетін білім ордаларының жөндеу жұмыстарын сапалы жүргізуге аса мән беріп, мердігерге мерзімінде аяқтауды тапсырды.
Іссапар барысында қысқы жылу беру маусымының дайындық жұмыстарын көру мақсатында көмір тасымалдаушы жергілікті кәсіпкерлермен кездесті. Кездесуде аудан тұрғындарын қатты отынмен қамтамасыз ету жайы сөз болды. Халыққа қатты отынды қолжетімді бағада ұсыну, тапшылықты болдырмау, қатты отын бағасын тұрақты ұстап тұруды тапсырды.
Облыс әкімінің орынбасары іссапар барысында қамтылған барлық нысандар бойынша жауапты мердігерлер мен тиісті сала басшыларына құрылыстарды уақытында аяқтап, сапасына жауапкершілікпен қарауды жүктеді.
<div class="wp-block-image"><figure class="aligncenter size-full"><img loading="lazy" width="1080" height="737" src="https://kyzylorda-news.kz/wp-content/uploads/2022/09/fb_img_1663494500827.jpg" alt="" class="wp-image-166400" srcset="https://kyzylorda-news.kz/wp-content/uploads/2022/09/fb_img_1663494500827.jpg 1080w, https://kyzylorda-news.kz/wp-content/uploads/2022/09/fb_img_1663494500827-768x524.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="800" src="https://kyzylorda-news.kz/wp-content/uploads/2022/09/fb_img_1663494505025.jpg" alt="" class="wp-image-166401" srcset="https://kyzylorda-news.kz/wp-content/uploads/2022/09/fb_img_1663494505025.jpg 1080w, https://kyzylorda-news.kz/wp-content/uploads/2022/09/fb_img_1663494505025-768x569.jpg 768w" sizes="(max-width: 1080px) 100vw, 1080px" /></figure></div>

Облыс әкімінің орынбасары Мархабат Жайымбетов іссапармен Қармақшы ауданына барды

Kyzylorda-news.kz. Суперфуд туралы не білеміз? Ол – қоректік заттардың, витаминдердің және микроэлементтердің көп мөлшерін қамтитын өнім. Мұндай өліара кезеңде иммундық жүйені нығайтады.
Қазіргі уақытта, яғни, азғаның жағдайы нашарлай түскенде жеу керек суперфудтар, әсіресе зімбірдің керемет қасиеттері туралы мақалалар көп. Өйткені онымен коронавирусты алдын алуға болатыны белгілі болды. Бірақ шынымен солай ма? Зімбір, шынында да, фитонцидтер мен эфир майларының арқасында айқын антисептикалық және бактерияға қарсы қасиеттерге ие. Бірақ мұндай әсерді басқа өнімдерді пайдалану арқылы алуға болады. Иммунитетті нығайту үшін күнделікті рационыңызға түрлі өнімдер қосыңыз.&nbsp;
РЕКЛАМА Дәмдеуіштер
Зімбірді дәмдеуіштермен алмастыруға болады: қызыл бұрыш, кардамон, шалфей, қалампыр, куркума, олар белгілі бір дәрежеде қабынуға қарсы, бактерицидтік және иммуномодуляциялық қасиеттерге ие. Оларды тамаққа да, сусындарға да қосуға болады, мысалы, шай немесе кофе жасаңыз.
Криль
Крильдің еті мен майында (ұсақ шаян тәрізділер) ақуыздың және полиқанықпаған омега-3 май қышқылдарының көп мөлшері бар. Протеин қорғаныс антиденелерін қалыптастыру үшін құрылымдық материал саналатынын және Омега-3 қабынуға қарсы әсері бар екенін есте сақтаңыз. Криль еті құнды және пайдалы, экологиялық таза азық-түлік өнімі: ол токсиндерді жинамайды, сонымен қатар витаминдер мен пайдалы табиғи қосылыстардың көп мөлшерін қамтиды. Құрамында А, В және Д дәрумендерінің көп мөлшері бар.&nbsp;
Ферменттелген өнімдер
Дененің иммундық қорғанысын қалыптастырудағы ішектің рөлі маңызды. Ішек микробиотасы үшін ферменттелген тағамдар мен сусындар ерекше маңызға ие: ашытылған қырыққабат, маринадталған алма, тибет сүт саңырауқұлағы, қымыз, су саңырауқұлағы. Бұл өнімдер ішек жұмысын жақсарту, жергілікті ішек иммунитетін сақтау және ас қорытуды қалыпқа келтіру үшін қажет бактериялардың, саңырауқұлақтардың, зеңдердің көмегіменмен ашыту процестерінің нәтижесінде алынады.&nbsp;
Жидектер
Жидектер (таңқурай, көкжидек, мүкжидек, жабайы раушан) піскен және қатты мұздатылған немесе кептірілген кейін де иммунитет үшін маңызды барлық витаминдерді, минералдарды, антиоксиданттарды, органикалық қышқылдарды, пектиндерді және таниндерді сақтайды. Оларды йогурт, сүзбе, жарма, смузи, инфузия, десертке қосуға болады.
Шиитаке
Шиитаке саңырауқұлақтарында инфекциямен күресу үшін макрофагтар жүйесін белсендіретін бета-глюкандар бар.&nbsp;
Д витамині бар тағам
Рационда D дәруменіне бай тағамдардың мөлшерін реттеу өте маңызды. Ол иммундық жүйені реттеуде маңызды рөл атқарады: фагоцитарлық белсенділікті арттырады, микробқа қарсы ақуыздардың өндірісін күшейтеді. Ол теңіз балығы, балық майында болады, сондықтан кейде өзіңізге балық күндерін ұйымдастыруыңыз керек.&nbsp;
Микрожасыл
Микрожасылдарды да нағыз суперфуд деп санауға болады. Бұл көкөністер мен шөптердің (рукокола, шпинат, ақжелкен, насыбайгүл, жарма, қырыққабат, шалғам, бұршақ және т.б.) жеуге жарамды өскіндері, олар өнгеннен кейін 5-10 күн өткен соң ғана гүл шоқтары мен алғашқы жапырақтары шығады. Неліктен бұл өскіндер соншалықты пайдалы? Барлық жас өсімдіктерде қоректік заттардың концентрациясы, дәл осы өсу кезеңінде ересек өсімдіктерге қарағанда максималды және он есе көп. Микрожасылдар жасушалардың өсуі мен бөлінуінің табиғи стимуляторлары саналатын цитокининдерді синтездейді. Микрожасылдардың құрамы хлорофиллге, С, Е, К, В тобындағы витаминдерге, каротиноидтарға, калийге, магнийге, кальцийге, темірге, фосфорға бай; пайдалы эфир майлары мен таниндер де бар.&nbsp;
Мырыш бар өнімдер
Устрица, мидия және кальмар мырышқа бай суперфуд саналады. Мырыш ағзаға иммундық қорғанысты қалыптастыру үшін ғана емес, сонымен қатар көптеген органдар мен жүйелердің қалыпты жұмыс істеуі үшін қажет.
<a href="https://massaget.kz/layfstayl/Zdorove/72087/">Massaget</a>

Иммунитет көтеретін 8 суперфуд

Kyzylorda-news.kz. Осы жылдың 1 қыркүйегіне дейін шетелден елге әкелінген автокөліктердің тізімі жасалды. Бұл туралы ІІМ хабарлайды.
Мемлекет басшысы ағымдағы жылдың 1 қыркүйегіне дейін Қазақстанға әкелінген шетелдік автокөліктерді заңдастыру міндетін жүктеген болатын. Қазір бұл үшін мемлекеттік органдар барлық қажетті заңнамалық және ұйымдастырушылық шараларды қабылдауда. Экологиялық және Салық кодекстеріне түзетулер әзірленді.
ІІМ хабарлауынша, азаматтар бастапқы тіркеу үшін 200-250 мың теңге көлемінде ғана алым төлейтін болады. Заңдастыру кезінде утиль алым төленбейді.
<blockquote class="wp-block-quote">«Кодекстерге түзетулер келесі жылдың қаңтарынан бастап күшіне енеді, сондықтан заңдастыру келесі жылдан бастап жүргізілетін болады. Осы жылдың 1 қыркүйегіне дейін елге әкелінген автокөліктердің тізімі жасалды. Кейінірек әкелінген автокөліктер заңдастыруға жатпайды және жалпы негізде тіркеледі»- деді министрліктен.</blockquote>
Бүгінгі таңда ІІМ және басқа да мемлекеттік органдар автокөліктерді заңдастыруды барынша қарапайым және түсінікті ету тәсілдерін әзірлеуде. Автокөліктерді заңдастыру үшін полицияға онлайн-өтініш беру мүмкіндігі пысықталуда. Полициямен байланыс орталықтарының жұмысы ұйымдастырылады.
Тіркелген көліктерге қарапайым ақ нөмірлер беріледі, полиция қандай да бір шектеулер қоймайды.
Еуразиялық экономикалық одақтың тауары болып табылмайтын автокөліктер кедендік баждарды төлеуі тиіс. Бұл үшін Қаржы министрлігі азаматтарға қолайлы кедендік декларациялау тетіктерін әзірлеуде. Заңдастыруды өткізудің барлық шарттары әзірленгеннен кейін Үкіметтің тиісті қаулысы қабылданатын болады.
Айта кету керек, заңдастыруға «қылмыстық» және кедендік бақылаудан өтпеген автокөліктер кірмейді. Автокөліктердің шығарылған жылына және экологиялық санаттарына қарай талаптар жоқ. Қалған талаптар бойынша шешім қазір ұлттық және халықаралық заңнаманы ескере отырып қабылдануда.
Сондай-ақ ІІМ жол&nbsp;ережесін бұзудың кейбір түрлері бойынша жауапкершілікті күшейту болғанымен, полиция шетелдік автокөліктер бойынша ешқандай арнайы рейдтік іс-шаралар жүргізбейтінін хабарлады.

Шетелден әкелінген көліктерді заңдастыру келесі жылдан бастап жүргізіледі

Kyzylorda-news.kz. Кір жуғыш машинаның иісі – &nbsp;жиі кездесетін тұрмыстық мәселелердің бірі. Біз сізге осы қиындықтан тез және тиімді құтылуға мүмкіндік беретін пайдалы лайфхактармен бөлісеміз.&nbsp;
Әдетте, кір жуғыш машинадағы иіс ұнтақ контейнерлерінде және құрылғының басқа бөліктерінде саңырауқұлақтар мен қақтың пайда болуына шығады. Оның үстіне, бұл мәселе барлық кір жуғыш машиналарға, тіпті өте қымбат брендтерге де тән. Бірақ кез келген үй шаруасындағы әйел бұл қиындықты сантехник шақырмай-ақ жеңе алады.&nbsp;
№1: барабанға кір салмай жуу
Алдымен, максималды температура мен ұзақтықта кір және ұнтақсыз қалыпты жуу функциясын орындауға тырысыңыз. Көбінесе бұл ақпарат машинаның өзіне арналған нұсқаулықта көрсетілген. Өндірушілер бұл процедураны айына бір рет жүргізуді ұсынады. Бұл иісті бейтараптандырудың және зиянды микробтарды жоюдың ең оңай жолы.&nbsp;
№2: сода
Ең танымал халықтық әдіс: ұнтақ салатын бөлігіне 2-3 ас қасық сода қосып, жуу циклын 90 градусқа қосыңыз. Сода саңырауқұлақтарды тез жоюға көмектеседі. Бұл әдісті алдын алу шарасы ретінде де қолдануға болады.&nbsp;
№3: лимон қышқылы
Тағы бір әдіс – лимон қышқылын қосу, бірақ бұл көмектеспесе, 2 және 3-әдістерді біріктіруге болады, яғни лимон қышқылымен бірге сода қосып, оны шаю циклі бар жууға қоюға болады.&nbsp;
№4: дезинфекция
Көптеген адамдар бактерияға қарсы қасиеттері бар кір жуғыш машиналарды тазалауға ағартқыш және басқа да арнайы жуғыш заттарды қосады. Олар кір жуғыш машинаны тазалау үшін тамаша көмекші.&nbsp;
№5: сірке суы
Кір жуғыш машинадағы иісті кетіру үшін сірке суын қолдану да салыстырмалы түрде оңай. Бұл механизмдердегі қақты тазартуға және көлікті тамаша дезинфекциялауға көмектеседі. 2 ас қасық сірке суын құйып, оны 90 градуста жууға қою жеткілікті. 15 минут жуудан кейін бір сағат үзіліс жасап, сүзгіні шайыңыз. Бұл әдіске 4 айда 1 рет жүгіну керек.
№6: жуғыш зат
Жағымсыз иіс барабанның резеңке жеңінің ластануына байланысты болуы мүмкін. Бүктемелерде кір мен зең жиналуы мүмкін. Бұл жағдайда оны губкамен және жуғыш затпен сүртіңіз, егер бұл көмектеспесе, резеңкесін жаңасымен ауыстырыңыз.&nbsp;
№7: маман тексерісі
Кейде жағымсыз иістің себебі канализацияның дұрыс жұмыс істемеуі болуы мүмкін. Кір жуғыш машина дұрыс қосылмаған немесе оның қозғалысы кезінде кәріз түтігі қысылып қалған болуы мүмкін. Осыған байланысты қалған су кәрізге толығымен ағып кетпейді, нәтижесінде иіс пайда болады. Алғашқы күдік туындаған кезде су төгетін түтікті тексеріңіз немесе мұқият тексеру қою үшін арнайы маман шақырыңыз.
<a href="https://massaget.kz/kyizdarga/shayra/72090/">Massaget.kz</a>

Кір жуғыш машинадағы жағымсыз иістен біржола құтылудың 7 жолы

Kyzylorda-news.kz. Мемлекет басшысы Қасым-Жомарт Тоқаев Қазақстан Республикасының елордасы &#8212; Нұр-Сұлтан қаласының атауын Қазақстан Республикасының елордасы &#8212; Астана қаласы деп өзгерту туралы Жарлыққа қол қойды. 
&#171;Қазақстан Республикасының əкімшілік-аумақтық құрылысы туралы&#187; 1993 жылғы 8 желтоқсандағы Қазақстан Республикасы заңының 9-бабына сәйкес қаулы етемін:
1.&nbsp;Қазақстан Республикасының елордасы &#8212; Нұр-Сұлтан қаласының атауы Қазақстан Республикасының &nbsp;елордасы &#8212; Астана қаласы деп өзгертілсін.
2.&nbsp;Осы Жарлық алғашқы ресми жарияланған күнінен бастап қолданысқа енгізіледі&#187;, &#8212; делінген Жарлықта.&nbsp;

Елордаға бұрынғы Астана атауы қайтарылды

Kyzylorda-news.kz. Аймақ басшысы Нұрлыбек Нәлібаевтың тапсырмасы аясында облыс әкімінің орынбасары Нұрымбет Сақтағанов Жаңақорған ауданында құқық қорғау органдарының басшыларымен бірге құқық бұзушылықтардың алдын алу мен қоғамдық тәртіпті қамтамасыз ету және тағы да басқа мәселелер бойынша аудан тұрғындарына қабылдау өткізді. Қабылдау барысында Қожакент, Жаңарық ауылдық округының тұрғындары жер мәселесі, ақылы жол, қараусыз жүрген үй жануарлары туралы өз мәселелерін көтерді. Облыс әкімінің орынбасары аудан тұрғындарының қоғамдық қабылдау кезінде көтерген мәселелерін жеке бақылауына алып, тиісті сала басшыларына қолданыстағы заң талаптары бойынша қолдау көрсетуді тапсырды.
Мұнан кейін Нұрымбет Сақтағанов еңбек ардагері Есалы Тұрсынбайұлын еске алуға арналған жасөспірімдер арасындағы республикалық турнирдің ашылу салтанатына қатысып, бірқатар әлеуметтік нысандарды аралады.
Атап айтқанда Жаңақорған кенті “Маи бекеті”, “Ипподром”, “Саяжай” мөлтек аудандарындағы балалардың спорт алаңының құрылысымен, әлеуметтік нысандардың оның ішінде “Ақбота”, “Алпамыс”, “Болашақ” балабақшаларының алдағы жылыту маусымына дайындығы, “Маи бекеті” мөлтек ауданындағы жаңа мектептің құрылыс барысымен танысты.
<div class="wp-block-image"><figure class="aligncenter size-full"><img loading="lazy" width="1080" height="810" src="https://kyzylorda-news.kz/wp-content/uploads/2022/09/fb_img_1663419603166.jpg" alt="" class="wp-image-166369" srcset="https://kyzylorda-news.kz/wp-content/uploads/2022/09/fb_img_1663419603166.jpg 1080w, https://kyzylorda-news.kz/wp-content/uploads/2022/09/fb_img_1663419603166-768x576.jpg 768w" sizes="(max-width: 1080px) 100vw, 1080px" /></figure></div>

Облыс әкімінің орынбасары қоғамдық қабылдау өткізді

Kyzylorda-news.kz. Қазақстан астанасы мен 8 өңірде ауа райына байланысты ескерту жарияланды, деп хабарлайды «Қазгидромет».
Атап айтқанда, 18 қыркүйек күні&nbsp;Астанада&nbsp;топырақ бетінде 2 градус үсік сақталады.
Абай облысында&nbsp;түнде және таңертең тұман күтіледі. Түнде өңірдің батысы мен орталығында 3 градус үсік болады. Солтүстік-батыста, солтүстік пен шығыста төтенше өрт қаупі болжанады.
Түнде&nbsp;Ақмола облысының&nbsp;орталығы мен шығысында 2 градус үсік сақталады.
Түнде және таңертең&nbsp;Шығыс Қазақстан облысында&nbsp;тұман болады. Түнде солтүстік-батыста, шығыста 2 градус үсік күтіледі
Батыс Қазақстан облысының&nbsp;солтүстігінде, шығысы мен оңтүстігінде найзағай ойнап, өңірдің солтүстігінде, шығысы мен оңтүстігінде соққан желдің күші найзағай кезінде 15-20 м/с жетеді.
Қостанай облысында&nbsp;түнде және таңертең найзағай болжанады. Өңірдің батысы мен солтүстігінде желдің күші 15-20 м/с құрайды.
Күндіз&nbsp;Қызылорда облысының&nbsp;орталығында шаңды дауыл тұрады. Өңір орталығында желдің екпіні 15-20 м/с құрайды. Төтенше өрт қаупі сақталады.
Солтүстік Қазақстан облысының&nbsp;солтүстігі мен батысында желдің жылдамдығы 15-20 м/с артады.
Түркістан облысының&nbsp;солтүстігінде 18-19 қыркүйекте шаңды дауыл болжанады. 18 қыркүйек күні күндіз таулы аумақтарда, 19-20 қыркүйекте өңірдің солтүстігі мен таулы аумақтарында желдің күші 15-20 м/с құрайды. Өңірдің басым бөлігінде төтенше өрт қаупі сақталады.

Қызылордада шаңды дауыл тұрады

<a href="https://kyzylorda-news.kz/">Kyzylorda-news.kz.</a> Қиыр Шығыстан қазақ топырағына табаны тиген ұлт пен ұлыстың бір шоғыры Сыр еліне сіңісіп, өніп-өсті. Тарихқа бойласақ, кәрістер бас сауғалаған негізгі аумақ – Қызылорда облысы болған.&nbsp;Кәрістердің ұлттық театры, алғашқы «Ленин кичи» деп аталатын газеті де Қызылордада құрылғанын архивтегі құжаттар дәлелдейді. Бұл кезеңде кәрістер еліміздің күріш шаруашылығын көтеруге сүбелі үлес қосты. Қазақ халқының кең құшақ, таза пейілінің дәлелелі болар, Қазақстанда тұрақтап қалған корейлердің ұрпағы тарихи отандарына үдере көшкен жоқ. Керісінше, көбейгені байқалады. Бүгінде қазақстандық кәрістердің саны 100 мыңнан асып жығылады. &nbsp;Бүгінде Қазақстанда тұрып жатқан кәріс ұлтының өкілдері қиыршығыстық кәріс қауымдастықтарының жаппай саяси қудалауға ұшыраған тобының ұрпақтары болып табылады. Алғашқы кәріс қоныс аударушылары біздің елімізде 19 ғасырдың соңында төбе көрсете бастаған. 1937 жылы Қазақстанға депортацияланған алғашқы этностардың бірі – кәрістер болған.&nbsp;Жалағаштық Лилия Пактың да анасы 13 жасында жетім қалып, осы азапты күндерді бастан өткеріпті. Талайлы тағдыр иелерінің ұрпағы бүгінде қанат жайып, үйлі-күйлі жағдайға жеткен. Лилия Пактың анасы Лира Сыр еліне 1945 жылы жер аударылған туыстарын іздеп келген екен. &nbsp;Өкінішке орай, Корей қызының жақын жуықтарымен табыссам деген арманы орындалмапты. Бірақ Жалағаш жұрты оны туысындай кең құшағына алып, үбірлі-шүбірлі отбасына айналуына жол ашқан.<blockquote>«Менің анам 13 жасында осы жерге бас сауғалап келген. Жалағаштағы Қымбат апамыз, Көркем деген апамыз қолдарынан келген көмегін аямаған. Үйлеріне кіргізіп, құшақтарына басып, қолдарында барымен бөліскен. Ол кезде тамақ тауып жеудің өзі қиын. Соған қарамастан бір уыс бтдайды бір үйдің балаларындай етіп теңдей бөліп беріп отырған екен. Олар жоқ қазір. Анам сол кісілерге үнемі риза болып, рақмет айтып отыратын. Мен де рақмет айтамын. Мың рақмет айтамын қазақтарға. Сәлем беремін, әрдайым сәлем беремін. Қазақтар аман болсын. Мұндай ауызбіршілік, мейірімділік қазақтардан басқа ешқандай жерде жоқ шығар. Тек жақсылықты көрдім, жамандықты көрген жоқпын», - дейді Лилия Пак.</blockquote>Лилия анасы айтқан ауыр жылдар туқыметін естіп-біліп, сезініп өскен. Бұл өмірлік ұстанымдары мен адами жақсы қасиеттерінің қалыптасуына тікелей әсер еткен сияқты. Сондықтан болар, қай іске болмасын жауапкершілікпен қарауды әдеттке айналдырған. Бір мекемеде 40 жыл табан аудармай медбике болып қызмет атқаруы да осы ана тәрбиесімен берілген асыл қасиет болса керек, - дейді әріптестері.<blockquote>«Ұлты өзгеше болғанмен, қазақтың арасына сіңген, кәдімгі өзін қазақтың қызындай сезінетін кісі. Біз қанша жыл бірге жұмыс істегенде ол кісіні ешқашанкәріс екен деп ойламайтынбыз. Өйткені таза қазақ тілінде сөйлейді, қазақша ойлай алады. Сосын кәдімгі қазақтың барлық ұлттық құндылықтарының барлығын жақсы білетін», - деп пікір білдірді Лилияның әріптесі Райкүл Ахетова.&nbsp;</blockquote>Лилия Пак медбике ісіндегі мінсіз қызметі үшін бірқатар марапатқа ие болыпты. Соның ішінде Елбасының Құрмет грамотасын ерекше мақтан тұтатынын айтады. Екі ұлы мен бір қызын аяқтандырып, қазақтармен құдандалы жекжатқа айналған бақытты әже шын мәнінде халықтар достығының үлгісін танытқан қазақ еліне алғыстан басқа айтарым жоқ деп ағынан жарылды.&nbsp;Бүгінде Қиыр Шығыстан Қазақстанға депортацияланған кәрістердің жалпы саны 2-3 пайызды ғана құрайды. Қазақстанда тұрып жатқан бүгінгі кәрістердің басым көпшілігі Қазақстанда өсіп-өнген ұрпақ. Сондықтан олардың Қазақстанды өз туған отандары санаулары да заңдылық.Нұрлан ЖАҚЫПБЕКОВ<figure class="image"><img src="https://knadmin.beoblood.kz/uploads/Whats_App_Image_2022_11_02_at_09_30_34_f68aef675a.jpeg" alt="WhatsApp Image 2022-11-02 at 09.30.34.jpeg"></figure>

Алғыстан басқа айтарым жоқ

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бірлігі мен ынтымағы артқан жерде тірліктің берекесі кіріп, ісің алға басары сөзсіз. Бар зейініңді жұмысқа салып, Отаныңның көркеюіне үлес қосу арқылы, елдің ықыласына бөленерің анық. Бүгінде өзге ұлт өкілі болса да, туған жерінде тірлік етіп, Қазақстанның гүлденуіне үлес қосып, Сыр өңірінің дамуына атсалысып келе жатқан Абдуллаева Тогус Хамидқызы құрылыс саласында еңбек етті.
Құрылыста 40 жыл жұмыс істеп, саланың майталманы атанған Тогус Абдуллаева еңбегінің нәтижесінде қоғамға, кіндік қаны тамған туған жеріне қызмет етіп, елінің гүлденіп, өркендеуі жолында қосқан үлесі зор.
<div class="wp-block-image"><figure class="aligncenter size-full"><img loading="lazy" width="900" height="900" src="https://kyzylorda-news.kz/wp-content/uploads/2022/09/8100a1b2-575c-4948-ad16-1630c07191fb-edited.jpg" alt="" class="wp-image-166673" srcset="https://kyzylorda-news.kz/wp-content/uploads/2022/09/8100a1b2-575c-4948-ad16-1630c07191fb-edited.jpg 900w, https://kyzylorda-news.kz/wp-content/uploads/2022/09/8100a1b2-575c-4948-ad16-1630c07191fb-edited-768x768.jpg 768w" sizes="(max-width: 900px) 100vw, 900px" /></figure></div>
Саналы ғұмырын ел игілігі жолына арнаған нәзікжанды құрылысшы отыз жастан асқанда өмірлік серігінен айырылып, 6 баламен жалғыз қалған. Өмірдің бұралаң жолдарында қиындықты бастан өткерген ол еш мойыған жоқ. Балаларының болашағы үшін қызығынан қиындығы басым құрылысшы мамандығының қыр-сырын меңгере отырып, кәсібіне төселіп, барлық отбасы мүшелерін осы салаға бейімдеді. Бүгінде оларға жетекшілік етіп келеді. Қазіргі таңда Абдуллаевтар отбасы Қызылорда облысының ажарлы келбетін өрнектеп, қалаға сән беріп, қазақылықтың қаймағы бұзылмаған өңірдің айшықтала түсуіне мол үлес қосуда.
Бүгінде құрылысшылар династиясында 50-ге жуық жан аналарының жолын қуған. Шешен этносының өкілдері күндіз-түні тынбай осы салада жемісті еңбек етіп, аянбай тер төгіп келеді.
Қыстың күні қырауда, жаздың аптап ыстығы мен желді-дауылды күндерде ісіне мығым, сапалы сәулет құрылысына атсалыса білген құрыш қолды құрылысшы Тогус Хамидқызынан тараған әулет әлі талай Сыр өңіріне тер төгері анық.
Динара МАХАНОВА

Қызылордалық Тогус Абдуллаева құрылыс саласының майталманы

Қазақстанда тұңғыш рет бір мезетте қырық қазан палау басылды

Қазақстан және Қызылорда облысының жаңалықтары