<a href="https://kyzylorda-news.kz/">Kyzylorda-news.kz&nbsp;</a>Арал ауданында «Таза Қазақстан» экологиялық акциясы аясында кезекті сенбілік жұмыстары қолға алынды.Кең ауқымдағы «Таза Қазақстан» акциясы аясындағы сенбілік жұмыстарын Арал ауданының әкімі Аманжол Оңғарбаев аралап көріп, қаланың шет аймақтары мен маңызды көшелерінде жүрігізіп жатқан жұмыстарға куә болды. Бұл бағыттағы жұмыстарды бәсеңдетпеу керек екенін алға тартып, ауданымыздың тазалығы баршаға ортақ екенін жеткізді.Аудан әкімі жұмыс сапары барысында Тәжі Палуан көшесіндегі балалар ойын алаңын көріп, онда қайта қалпына келтіріліп жатқан жұмыстарға куә болды. Сол маңдағы Т.Әубәкіров көшесіндегі ашық футбол алаңының сапасына сын көзбен қарап, жауапты тұлғаларға пайдалану барысында орын алған кемшіліктерді қайта қалпына келтіруді тапсырды.Мұнан соң аудан әкімі Аманжол Сақыпұлы вокзал маңындағы «Алаш» алеясына аялдады. Көпшілік орынның жай-күйіне бақылау жасап, қоғамдық орынды күтіп ұстап, айналасын абаттандыру мәселесін қолға алуды жүктеді.Қазіргі таңда қала тұрғындары мен қонақтарының жиі аялдайтын жері «Балықшылар» алеясы екені белгілі. Аудан әкімі мұндағы кейбір дүниелердің күтусіз қалып, назардан тыс қалғанын атап өтті. Әсіресе орта тұсындағы шағын субұрқақ алаңының іші ластанып, сыртқы бөліктері сыр бере бастағанын сынға алды. Шағын ойын алаңының да жағдай мәз емес екенін жеткізіп, жауаптыларға көпшілік орындары күтіп ұстап, тазалық пен абаттандыру жұмыстарын ұдайы жүргізіп тұруды тапсырды.Аудан әкімі кезекті сапарында №19 Арал ауданының олимпиадалық резервтің мамандандырылған балалар-жасөспірімдер мектебінің бокс залы аумағында жаңадан салынған шағын футбол алаңын көрді. Жауаптыларға жергілікті бюджет көздерінен тыс демеушілік есебінен салынатын мұндай ойын алаңдары мен қоғамдық орындар және әлеуметтік нысандардың санын алдағы уақытта көбейтіп, ауданға инвестиция тарту жұмыстарын қарқынды қолға алу керектігін тапсырды.Сонымен қатар құрылыс жұмыстары жүріп жатқан темір жол вокзалына аялдады. Онда жүргізіліп жатқан құрылыс жұмыстарымен танысып, бірінші кезекте әлеуметтік нысанның сапасы барлық талаптарға сай болуы керектігін атап өтті. Құрылысқа жауапты мердігер мекеме өкілдерімен кездесу барысында қауіпсіздік талаптары мен сапаға мән беріп, жұмысты тиянақты әрі уақытылы аяқтауға күш салу керектігін жеткізді.Жаз мезгілі болғандықтан тұрғындар мен балалар уақытының көп бөлігін осындай алеялар мен ойын алаңдарында және көпшілік қоғамдық орындарда өткізетінін айтып, қала аумағындағы мұндай орындардың жай-күйін ұдайы назарда ұстау керектігін атап өтті.Кемшіліктер орын алған жағдайда дереу қалпына келтіру жұмыстарын жүргізу керектігін жауапты тұлғаларға ескертті.Арал ауданының әкімі Аманжол Сақыпұлы аудан көлемінде жүргізілген сенбілік жұмыстары жоғары деңгейде қолға алынуы керектігін, қоршаған ортаға қамқорлық, туған өлкені тазарту, көгалдандыру сынды жұмыстар әлі де жалғасын таба беретінін жеткізді.<img src="https://knadmin.beoblood.kz/uploads/FB_IMG_1781380292366_c660fed7e6.jpg" alt="FB_IMG_1781380292366.jpg">

Сенбілік барысында қоғамдық орындардың жай-күйін тексерді 

Бүгін Қазалы ауданында «Таза Қазақстан» экологиялық акциясы аясында Әйтеке би кенті мен Қазалы қаласы және барлық ауылдық округтерде жаппай сенбілік шаралары ұйымдастырылды.Сенбілік жұмыстары барысында Әйтеке би кентінің орталық көшелерінде шөптер шабылып, бөтелкелер және басқада қоқыстарды теру жұмыстары жүргізілді. Тазалық шаралары барысында мекеме, ұжым қызметкерлерінің басым бөлігі мәдени-демалыс кешеніндегі ретсіз өскен шөптерді шабу жұмыстарына жұмылдырылды. Сондай-ақ барлық елді мекендер бойынша аяқ су арықтары да тазартылды.Аудан орталығында өткен сенбілік жұмыстарын Қазалы ауданының әкімі Алмасбек Есмаханов аралап, әрбір аумақтың тазалығына қатысты жауаптыларға бірқатар тапсырмалар берді.Жалпы тазалық шараларына мекеме қызметкерлерінен бөлек тұрғындар мен ерікті жастар, «Жасыл ел» еңбек жасағының жастары қатыстып, тазалыққа атсалысты.Бүгінгі Қазылы ауданы бойынша тазалық акциясы аясында ұйымдастырылған сенбілікке 136 мекемеден 1780 адам қатысып, 11 &nbsp;техника жұмылдырылды. Жалпы көшелер мен саябақтардан және басқа да орындардан 10,5 тонна тұрмыстық қатты қалдық арнайы орынға шығарылды.

Қазалыда тазалық акциясы жалғасуда

Бүгін облыстық жұқпалы аурулар ауруханасының ауласының спорт алаңында денсаулық сақтау саласы қызметкерлерінің кәсіби мерекесіне және «1 маусым - балаларды қорғау» күніне арналған медицина қызметкерлері арасында салауатты өмір салтын қалыптастыруды насихаттау мақсатында емдеу мекемесі қызметкерлері мен олардың жұбайлары және балаларының қатысуымен «ӘКЕ, АНА және МЕН» атты спартакиада ұйымдастырылды.Спартакиадаға облыстық денсаулық сақтау басқармасының емдеу, алдын алу жұмыстары жөніндегі орынбасары Жаныл Исақызы қатысып, барша қатысушыларға сәттілік тіледі.Жарыс барысында қатысушылар эстафета, футбол, баскетбол, дартс, қаппен секіру және гимнастикалық сақинамен жүгіру секілді спорттық ойындардан бақ сынасты.Спартакиада қорытындысында жеңімпаз болған қатысушылар арнайы «Алғыс» хат және арнайы сый-сияпаттармен марапатталды.

Спартакиада ұйымдастырылды

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, ҚР Төтенше жағдайлар министрі, генерал-лейтенант Шыңғыс Әрінов, құқық қорғау органдарының бірінші басшылары және зиялы қауым өкілдері Қарауылтөбе ауылдық округіндегі «Ауыл құтқарушылары» республикалық бағдарламасы аясында салынған кезекті өрт сөндіру бекетінің ашылу рәсіміне қатысты.&nbsp;Шарада облыс әкімі төтенше жағдайлар қызметінің техникалық әлеуетін арттыру және тұрғындардың қауіпсіздігін қамтамасыз ету бағытында атқарылып жатқан жұмыстарға тоқталды. &nbsp;<blockquote>«Облыс, аудан орталықтарынан шалғайда орналасқан елді мекендердегі халықтың қауіпсіздігі аса маңызды. Осыған орай күні кеше Төтенше жағдайлар министрі Шыңғыс Сайранұлы Аралдағы Қамыстыбас және Қазалыдағы Жанқожа батыр ауылдық округтерінде «Ауыл құтқарушылары» бағдарламасы аясында салынған өрт сөндіру пункттерін табыстады.Бүгін аталған бағдарламамен Қарауылтөбеде салынған өрт сөндіру бекетін ресми түрде іске қосамыз. Бұдан бөлек, Қызылорда қаласы мен Қазалы, Шиелі аудандарындағы сала қызметкерлерінің пайдалануына 11 заманауи өрт сөндіретін және арнайы жабдықталған жеңіл автокөлік бердік.&nbsp;Облыста 2023-2025 жылдары 2 млрд. теңгеден астам қаржыға 17 өрт сөндіру техникасы, 4 арнайы жабдықталған жеңіл автокөлік, 90 цифрлық радиобайланыс жүйесі, 50-ден астам арнайы құрал-жабдық алынды. Осы жылы 2,8 млрд теңгеге 20 өрт сөндіру автокөлігі сатып алынады деп жоспарлануда. Жаңа техникалар алдағы уақытта &nbsp;табысталады. Бұл – өңіріміздің төтенше жағдайлар саласы қызметкерлеріне үлкен қолдау», – деді Мұрат Нәлқожаұлы.&nbsp;</blockquote>Ашылу рәсімінде Шыңғыс Әрінов, ел ағасы Аманкелді Досмаханұлы сөз сөйлеп, өрт сөндіру бекетін ашуға атсалысқандар мен азаматтық қорғау саласында қажырлы еңбек еткен сала қызметкерлері облыс әкімінің Алғыс хатымен және Төтенше жағдайлар министрлігінің наградаларымен марапатталды.&nbsp;Бұдан кейін Шыңғыс Сайранұлы төтенше жағдайлар қызметінің жеке құрамымен кездесті. Жасөспірімдерге арналған «Batyr Kids Team» спорт залына, үнемделген қаржы есебінен жөндеуден өткен департамент ғимаратына барды. Жедел-құтқару жасағының бөлімшесімен танысып, олардың материалдық-техникалық жағдайын көрді.Айта кетейік, «Ауыл құтқарушылары» республикалық бағдарламасының мақсаты – өртке қарсы қызметі жоқ шалғай елді мекендерде жедел және тиімді көмек жүйесін құру.Бүгінде осы бағдарлама шеңберінде аймақта 35 бекет салынған. Бекеттер 25 &nbsp;өрт сөндіру автокөлігімен, 12 &nbsp;тіркеме, 8 тасымал, 2 стационарлық радиостанциямен, өрт құрал- жабдықтары және жауынгерлік киімдермен жабдықталған.Фото: Қызылорда облысы әкімінің баспасөз қызметі

Қарауылтөбе ауылдық округінде өрт сөндіру бекеті ашылды

Бүгін облыс әкімі Мұрат Ергешбаев, ҚР Төтенше жағдайлар министрі, генерал-лейтенант Шыңғыс Әрінов, құқық қорғау органдарының бірінші басшылары және ел ағаларының қатысуымен азаматтық қорғау саласының қызметкерлеріне 11 &nbsp;заманауи өрт сөндіру және арнайы жабдықталған жеңіл автокөлік кілтін табыстау рәсімі өтті.&nbsp; Рәсімде облыс әкімі саланы қолдау мемлекеттің маңызды бағыттардың бірі екенін атап өтті.&nbsp; «Мемлекет басшысы Қасым-Жомарт Кемелұлы: «Табиғи және техногендік апаттар туындаған кезде құтқарушылардың еңбегі ерекше мемлекеттік мәнге ие болады. Мемлекет сіздердің қажырлы еңбектеріңізді бағалайды», - деген болатын. Азаматтық қорғау органдары - төтенше жағдайлардың алдын алу және жоюға бағытталған жұмысты атқаратын еліміздегі маңызды құрылымдардың бірі. Олардың басты міндеті – өз өмірлерін қауіп-қатерге тіге отырып, халықтың қауіпсіздігін қамтамасыз ету. &nbsp; Бүгінде Президентіміздің, Үкіметтің тапсырмасымен қолдау шаралары жүйелі жүргізілуде. Біз бұл бағыттағы жұмыстарды одан әрі жалғастырамыз.&nbsp; Бүгінгі жаңадан табыстағалы тұрған өрт сөндіру техникалары игіліктеріңізге қызмет етсін! &nbsp; Еліміз тыныш, халқымыз аман, Тәуелсіздігіміз баянды болғай!», - деді Мұрат Нәлқожаұлы.&nbsp; Салтанатты шарада Шыңғыс Әрінов сөз сөйлеп, төтенше жағдайлар саласында аянбай еңбек етіп жүрген қызметкерлер мен сала ардагерлері облыс әкімінің Алғыс хатымен және Төтенше жағдайлар министрлігінің наградаларымен марапатталды. Шара соңында аймақ басшысы және Төтенше жағдайлар министрі &nbsp;жаңа техникалар мен жеңіл көліктердің кілтін салтанатты түрде табыстап, №6 өрт сөндіру бөлімінің жұмысымен танысты.&nbsp; Айта кетейік, күні кеше Аралдың Қамыстыбас және Қазалының Жанқожа батыр ауылдық округтерінде &nbsp;«Ауыл құтқарушылары» республикалық бағдарламасы аясында жаңа өрт сөндіру бекеттері ашылған болатын.Фото: Қызылорда облысы әкімінің баспасөз қызметі

Жаңа техникалар мен көліктердің кілті табысталды

Бүгін аймақ басшысы Мұрат Ергешбаев қала аумағындағы бірқатар нысанды аралап, алдымен Тасбөгеттегі &nbsp;бас су жинау қоймасына барды. Нысанның тәуліктік қуаты 56 500 текше метр, «Степь», «Арай» және «Бас тоғаннан» алынған таза су арнайы су сақтау қоймаларына жиналады. Кейін насос станциясы арқылы төрт су құбыры желісімен қала тұрғындарына жеткізіледі. Сырдария өзенінен алынатын су механикалық тазартудың бес кезеңінен өткізіледі. Зертхана мамандары ауызсудың сапалық құрамын тәулік бойы тұрақты бақылауда ұстап, тиісті &nbsp;сараптамалар жүргізеді. Облыс әкімі жауапты &nbsp;басшыларға &nbsp;жұмысты жүйелі үйлестіріп, тұрақты бақылауды тапсырды.Бүгінде «Қызылорда автобус паркі» ЖШС-нің &nbsp;300 қоғамдық көлігі қала аумағына 32 бағыт бойынша қатынайды. Серіктестікте 700-ге жуық адам еңбек етеді. Мұрат Нәлқожаұлы жолаушыларға көрсетілетін қызмет сапасын арттыруды тапсырды.Келесі нысан - Абай даңғылы бойындағы тұрғын үйлер аулаларына салынып жатқан спорт және балалар ойын алаңдарының құрылысы. 1,9 млрд теңгенің жобасы аясында 29 тұрғын үйдің ауласына ойын, шағын футбол және воркаут алаңдары салынады.&nbsp; Бас мердігер – «Еңбек» РМК. Өңір басшысы балалар қауіпсіздігін басты назарда ұстап, құрылысты сапалы әрі белгіленген мерзімде аяқтауды тапсырды.Бұдан кейін Қорқыт ата атындағы Қызылорда университеті жанынан бой көтеріп жатқан Инжинирингтік парктің құрылыс алаңына барды. Парк құрамында археология және физика-химиялық талдау әдістері зертханалары, жасанды интеллект және академиялық басымдық орталықтары, робототехника, жерді қашықтан зондтау және ІТ зертханалары жұмыс істейді. Сонымен қатар 90 орындық дәрісхана, 140 орындық конференц-зал және заманауи компьютерлік аудиториялар қарастырылған. &nbsp;Нысанды келесі жылы пайдалануға беру жоспарланған.Фото: Қызылорда облысы әкімінің баспасөз қызметі

Маңызды жобалар мен құрылыс нысандары бақылауда

Сырдария ауданының әкімі Берік Сәрменбаев балық шаруашылығы саласындағы кәсіпкерлік нысанның жұмысымен танысты.Мемлекет тарапынан кәсіпкерлікті дамытуға және ауыл тұрғындарының табысын арттыруға бағытталған бағдарламаларға тоқталып өтті. Балық шаруашылығы – өңір экономикасын дамытуға, азық-түлік қауіпсіздігін қамтамасыз етуге және жаңа жұмыс орындарын ашуға мүмкіндік беретін салалардың бірі. Сондықтан бұл бағыттағы жобаларды қолдау және олардың санын арттыру аса маңызды. Мемлекеттік бағдарламалардың мүмкіндігін тиімді пайдалану арқылы ауылдық жерлерде кәсіпкерлікті дамытып, тұрғындардың әл-ауқатын арттыруға болады, – деді Берік Әбдіғаппарұлы.Аталған жоба Тереңөзек кентіне қарасты «Қалғандария-2» көлінде жүзеге асырылуда. Жоба «Ауыл аманаты» бағдарламасы аясында қаржыландырылған. Жалпы құны 10,8 млн. теңгені құрайтын бастаманың негізгі мақсаты – көлде тор қоршамалар арқылы тауарлы балық өсіруді дамыту және өңірдегі балық шаруашылығының әлеуетін арттыру.Қазіргі таңда 2 500 дана сазан және карп балықтары жіберілген. Кәсіпкер тарапынан балықтарды күтіп-баптау, өсіру және тауарлы өнім өндіру бағытындағы жұмыстар жүргізілуде.Кездесу соңында кәсіпкерге сәттілік тілеп, қолға алынған бастаманың өңірдің әлеуметтік-экономикалық дамуына өз үлесін қосатынына сенім білдірді.Фото: Сырдария ауданы әкімінің баспасөз қызметі

Сырдария: Аудан басшысы балық шаруашылығы нысанының жұмысымен танысты

Қармақшы ауданы, Тәйімбет Көмекбаев ауылында ақын Бекжан Сүлейменовтің «Ауылдың дәмі» және Имран Лепесов пен Қанжарбек Сұлтановтың «Ізетті іні, қадірлі құрдас» атты кітаптарының тұсаукесер рәсімі өтті.Рухани мазмұны терең шараға аудан әкімінің тапсырмасымен аудан әкімінің орынбасары Диас Молдабаев қатысып:– Қай кезеңде болмасын туған жерін ұмытпай, елдің рухани өміріне үлес қосып жүрген азаматтардың еңбегі әрдайым құрметке лайық. Кітаптардың жарық көруі ауданымыздың және ауылымыздың мерейі деп білеміз. Өздеріңізге белгілі Мемлекет басшысы Қасым-Жомарт Тоқаев кітап оқуды дамыту мәселесіне ерекше көңіл бөліп келеді. Осындай еңбектер сол игі бастамалардың жүйелі көрінісі деп есептеймін, – деп атап өтті.Сондай-ақ еліміздің руханиятына үлес қосып отырған асыл тұлғаларға аудан әкімінің «Құттықтауы» табысталды.Шара аясында Ырзақұл Нұртаев пен Мұратбек Жиенбаев арнайы қатысып, ізгі тілектерін жеткізе отырып, Имран Лепесов пен Қанжарбек Сұлтановтың «Ізетті іні, қадірлі құрдас» атты кітабының тұсауын кесті.Сондай-ақ ақын Бекжан Сүлейменовтің «Ауылдың дәмі» атты жаңа кітабының тұсаукесері өтіп, кітаптың лентасын Алмас Алматов пен Ырзақұл Нұртаев қиды.Салтанатты жиында мектеп оқушылары ақын Бекжан Сүлейменовтің шығармаларынан өлеңдер оқып, көрерменнің ыстық ықыласына бөленсе, жырауларымыз өнер көрсетіп, ұлттық рухты дәріптейтін жыр-термелер орындады.Фото: Қармақшы ауданы әкімінің баспасөз қызметі

Тәйімбет Көмекбаев ауылында қос кітаптың тұсаукесер рәсімі өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Жасанды интеллект институтына Назарбаев Зияткерлік мектептерінің Көкшетау, Павлодар және Өскемен қалаларынан келген оқушылары танымдық экскурсия жасады. Іс-шара «Туған елге тағзым» өлкетану-зерттеу экспедициясы аясында ұйымдастырылды.Экскурсияның мақсаты – оқушылардың STEM бағыттарына, жасанды интеллект технологияларына және цифрлық мамандықтарға қызығушылығын арттыру.Кездесу барысында университеттің академиялық мәселелер жөніндегі проректоры Дана Абдрашева білім беру бағдарламалары мен академиялық мүмкіндіктер туралы ақпарат берді. Ал Жасанды интеллект институтының директорыНұрлан Құлмырзаев оқушыларға институтта жүзеге асырылып жатқан жобаларды таныстырды. Өңірдегі стартап экожүйесінің дамуы туралы Kyzylorda Hub директоры Жанарыс Түбекбаев кеңінен баяндады.<img src="https://knadmin.beoblood.kz/uploads/Whats_App_Image_2026_06_12_at_11_53_22_2_e9793232f4.jpeg" alt="WhatsApp Image 2026-06-12 at 11.53.22 (2).jpeg">Іс-шара аясында институт студенттері өздерінің ғылыми және инновациялық жобаларын таныстырып, оқушылармен тәжірибе алмасты. Сонымен қатар, қатысушылар білім беру бағдарламалары, халықаралық серіктестік жобалар және қос дипломдық білім алу мүмкіндіктері туралы мәлімет алды.

NIS оқушылары жасанды интеллект институтының қызметімен танысты

Сыр өңіріне жұмыс сапарымен келген ҚР Төтенше жағдайлар министрі, генерал-лейтенант Шыңғыс Әрінов, облыс әкімінің орынбасары Бахыт Жаханов «Ауыл құтқарушылары» республикалық бағдарламасы аясында Арал ауданының Қамыстыбас және Қазалы ауданының Жанқожа батыр ауылдық округтерінде салынған өрт сөндіру пункттерінің ашылу рәсіміне қатысты.«Ауыл құтқарушылары» республикалық бағдарламасының мақсаты – өртке қарсы қызметі жоқ шалғай елді мекендерде жедел және тиімді көмек жүйесін құру. Табиғи жағдайлар мен қашықтықты ескере отырып, тұрғындардың қауіпсіздігіне уақытылы ден қою өте маңызды. Бүгінде осы бағдарлама шеңберінде аймақта 35 бекет салынған.Рәсімде Шыңғыс Әрінов сөз сөйледі. Әрі қарай облыс әкімінің орынбасары төтенше жағдайлардың алдын алудағы, тұрғындар қауіпсіздігін қамтамасыз етудегі өрт сөндіру бекеттерінің маңыздылығына тоқталды.«Сыр өңірінде Президентіміздің, Үкіметтің тапсырмасымен азаматтық қорғау саласын жетілдіруге, төтенше жағдайлардың алдын алу шараларын күшейтуге, материалдық-техникалық базасы мен кадрлық әлеуетін арттыруға айрықша басымдық берілуде. Бүгін міне, Арал мен Қазалының Қамыстыбас, Жанқожа батыр ауылдарында өрт сөндіру пункттерін ашамыз. Жалпы төтенше жағдайдың алдын алып, адам өмірін құтқару – жоғары әрі жауапты миссия. Елдің амандығы, қоғамның тыныштығы үшін өз өмірін қатерге тігу кез келген адамның қолынан келе бермейді. Осы салада аянбай еңбек етіп жүрген қызметкерлерге барша Сыр жұртшылығының атынан зор алғысымды білдіремін! Бүгінгі жаңадан табыстағалы тұрған заманауи техникалар ел игілігіне қызмет ете берсін», – деді Бахыт Дүйсенұлы.Салтанатты рәсімде өрт сөндіру бекетін ашуға атсалысқандар мен азаматтық қорғау саласында қажырлы еңбек еткен қызметкерлер облыс әкімінің Алғыс хатымен және Төтенше жағдайлар министрлігінің наградаларымен марапатталды.Ауылдық жерде төтенше жағдай болғанда алғашқы минуттар шешуші рөл атқарады. Бүгінде елімізде арнайы дайындықтан өткен еріктілерді біріктіретін «Ауыл құтқарушылары» ерікті өрт сөндіру пункттері жұмыс істейді. Бұл – ТЖМ-нің кәсіби күштері келгенге дейін әрекет етіп, алғашқы шараларды қабылдайтын ауыл тұрғындары. Еріктілерді іріктеу және дайындау белгіленген талаптарға сәйкес жүргізіледі. Ведомстволық бағдарлама аясында теориялық және практикалық дайындықтан өтеді, өрт сөндіру құралдарымен жұмыс істеуді, алғашқы дәрігерлік көмек көрсетуді үйренеді. Төтенше жағдай кезінде олар бірінші болып әрекет етеді, жағдайды бағалайды, өз мүмкіндіктері шегінде өртті оқшаулау шараларын жүргізеді, радиобайланыс арқылы ақпарат беріп, кәсіби өрт сөндірушілерді шақырады.&nbsp;

Қамыстыбас және Жанқожа батыр ауылдарында өрт сөндіру бекеттері ашылды

<a href="https://kyzylorda-news.kz/">Kyzylorda-news.kz</a> Қазақстан қор биржасындағы (KASE) сауда-саттық қорытындысы бойынша доллар қымбаттады, – деп хабарлайды <a href="https://kaz.inform.kz/news/apta-ayaginda-dollar-kayta-kimbattadi-93aee309">Қазақпарат.</a>Күндізгі сауда-саттық қорытындысы бойынша доллардың орташа бағамы 1,44 теңгеге өсіп, 489,33 теңге болды. Ұлттық банктің ресми бағамы - 487,76 теңге.Kurs.kz мәліметіне сәйкес, елорданың ақша айырбастау орындарында:<ul><li style="text-align:justify;">доллар 486,00 теңгеден сатып алынады, 492,97 теңгеден сатылады;</li><li style="text-align:justify;">еуро: сатып алу - 563,00 теңге, сату - 573,00 теңге;</li><li style="text-align:justify;">рубль: сатып алу - 6,49 теңге, сату - 6,80 теңге.</li><li style="text-align:justify;">юань: сатып алу - 68,84 теңге, сату - 73,93 теңге.</li></ul>Алматының ақша айырбастау пункттерінде доллар орта есеппен 489,22 теңгеден сатып алынады, 491,35 теңгеден сатылады. Еуро 563,24 – 569,15 теңге, ал рубль 6,54 – 6,66 теңге аралығында саудаланады. Ал юань 70,47 теңгеден сатып алынады, 73,02 теңгеден сатылады.Фото: freepik.com

Доллар бағамы қайта өзгерді

<a href="https://kyzylorda-news.kz/">Kyzylorda-news.kz</a> Бүгін «28 маусым – Бұқаралық ақпарат құралдары қызметкерлерінің» кәсіби мерекесі қарсаңында БАҚ өкілдері арасында Сыр журналистикасында өзіндік қолтаңбасын қалдырған белгілі журналист Сағитжан Бермағанбетовты еске алуға арналған облыстық дәстүрлі шағын футбол турнирі өтті.Биыл үшінші мәрте ұйымдастырылған спорттық шараға республикалық БАҚ-ның аймақтағы меншікті тілшілері, облыстық, қалалық және аудандық бұқаралық ақпарат құралдарының өкілдері мен облыстық қоғамдық даму басқармасынан құралған «Qyzylorda TV», «Қаламгер», «Сыр медиа», «Сыр бойы» және «Даму United» командалары қатысып, өзара бақ сынасты.<img src="https://knadmin.beoblood.kz/uploads/S_Berma_anbetovti_eske_alu_turniri_4_eab816fe88.jpg" alt="С.Бермағанбетовті еске алу турнирі 4.jpg">Турнирдің басты мақсаты – өзінің қысқа ғана ғұмырында ақиқаттың ақ жолынан таймай, журналистиканың жауапты міндетін адал атқарып, ақпарат саласында өшпес із қалдырған қарымды қаламгер Сағитжан Бермағанбетовтың есімін ұлықтау, журналистер арасындағы ынтымақ пен бірлікті нығайту, салауатты өмір салтын насихаттау.Салтанатты ашылу рәсіміне облыстық қоғамдық даму басқармасының басшысы Руслан Каюпов, «Qyzylorda» телеарнасының директоры Нұрбек Әмиша және Сағитжан Бермағанбетовтың ата-анасы қатысып, турнирге қатысушы журналистерге сәттілік тіледі.Өз сөзінде басқарма басшысы БАҚ өкілдерін кәсіби мерекемен құттықтап, турнирдің маңыздылығына ерекше тоқталды.<blockquote>«Баршаңызды алда келе жатқан Бұқаралық ақпарат құралдары қызметкерлері күні кәсіби мерекесімен шын жүректен құттықтаймын! Биыл аймағымызда үшінші мәрте ұйымдастырылып отырған белгілі журналист, ұшқыр ойлы, өткір тілді, халқының сүйікті перзенті Сағитжан Бермағанбетов атындағы дәстүрлі шағын футбол турнирінің орны ерекше. Сағитжан ағамыздың парасатты пайымы, қоғамдағы өзекті мәселелерді батыл көтеретін өткірлігі, елдік мүддені бәрінен жоғары қоятын азаматтық ұстанымы көпшілікке үлгі болды. Жас болса да жалынды сөзімен, шынайы болмысымен халықтың ықыласына бөленген арда азаматтың есімін ұлықтау – кейінгі буын үшін үлкен өнеге. Мемлекет басшысы Қасым-Жомарт Кемелұлы Тоқаев ақпарат саласы қызметкерлерінің кәсіби жауапкершілігіне әрдайым жоғары баға беріп келеді. Өйткені шынайы ақпарат пен әділ сөз – қоғамның тұрақтылығы мен дамуының басты кепілі. Сіздердің ел бірлігі мен қоғам тұрақтылығы жолындағы еңбектеріңіз әрдайым жоғары бағалана береді. Бүгінгі доп додасында мықтылар анықталып, жанкүйерлер керемет әсерге бөленеді деп сенемін», – деді Руслан Мұхамедәліұлы.</blockquote>Жарыс қорытындысы бойынша жүлделі І орын республикалық БАҚ-ның меншікті тілшілерінен құралған «Қаламгер» командасына бұйырса, ІІ орын «Сыр медиа» командасы, үздік үштікті облыстық қоғамдық даму басқармасының «Даму United» командасы түйіндеді.&nbsp;<img src="https://knadmin.beoblood.kz/uploads/S_Berma_anbetovti_eske_alu_turniri_2_50adfa17b6.jpg" alt="С.Бермағанбетовті еске алу турнирі 2.jpg">Жеңімпаздар мен жүлдегерлерге арнайы кубоктар, дипломдар, қаржылай сыйақылар мен естелік сыйлықтар табысталды. Сондай-ақ жекелеген ойыншылардың шеберлігі де жоғары бағаланды.Атап айтқанда, жергілікті ақпарат саласының өкілдері «Сыр бойы» командасының ойыншысы Мұхтар Ибрашев «Үздік қақпашы» атанса, «Qyzylorda TV» командасының мүшесі Бауыржан Қожамұратов «Үздік қорғаушы», «Qyzylorda TV» командасының ойыншысы Ержан Батыршаев «Үздік шабуылшы», «Сыр бойы» командасының ойыншысы Болат Қожахметов «Үздік ойыншы» номинациясын иеленді.Спорт пен руханият үндескен бұл дода қатысушыларға көтеріңкі көңіл-күй сыйлап қана қоймай, кәсіби ортадағы достық пен ауызбіршіліктің жарқын үлгісін көрсетті.<img src="https://knadmin.beoblood.kz/uploads/S_Berma_anbetovti_eske_alu_turniri_784f17df30.jpg" alt="С.Бермағанбетовті еске алу турнирі.jpg">

Қазақстан және Қызылорда облысының жаңалықтары