Kyzylorda-news.kz. Қазгидромет 20 қарашаға арналған ауа райы болжамын жариялады.Атмосфералық фронталды бөліктердің өтуіне байланысты Қазақстан Республикасының басым бөлігінде құбылмалы ауа райы сақталады.Жаңбыр мен қар түрінде жауын-шашын, солтүстікте, шығыста қар жауады.Республика бойынша тұман, көктайғақ, оңтүстікте, шығыста желдің күшеюі, солтүстікте жаяу бұрқасын күтіледі.

Жексенбіге арналған ауа райы болжамы

<a href="https://kyzylorda-news.kz/ru/">Kyzylorda-news.kz</a>. Сырдария ауданы,&nbsp;Тереңөзек кентінің тұрғыны 101 жастағы Ұлы Отан соғысының ардагері Яхия Тасыров дауыс берді.&nbsp;<blockquote>«Бүгін біздер үшін маңызды күн. Бұл күн еліміздің болашағын айқындайды. Бұған дейінгі сайлаулардан да еш қалып көрген жоқпын. Меніңше, әр тұрғын мұндай жауапты кезде бей-жайлық танытпауы тиіс. Бүгін балаларым мен немерелерімнің болашағы үшін дауыс бердім. Бастысы, елімізде тыныштық, соның құнын білуіміз тиіс. Сол үшін ойланып, саралап, өлшеп, екшеп, ел болашағы үшін таңдау жасадым», – дейді қарт майдангер.</blockquote>Тереңөзек кентіндегі №169-ші сайлау учаскесі тарапынан Ұлы Отан соғысының ардагері Яхия Тасыровтың иығына шапан жабылып, сый-құрмет көрсетілді. Жалпы, ғасыр жасаған ардагер Яхия Тасыров сайлау науқаны кезінде үнемі алғаш болып дауыс береді.&nbsp;Өз кезегінде қазыналы қария, Ұлы Отан соғысының ардагері ақ батасын беріп, сайлаудың сәтті өтуіне ақ тілегін білдірді.Еске сала кетейік, Сырдария ауданында Президент сайлауына дауыс беру таңғы сағат 07:00-ден бастап, 20:00-ге дейін жалғасады.Айта кетейік, Қызылорда облысында 373 сайлау учаскесі және 482 934 сайлаушы бар.<figure class="image"><img src="https://knadmin.beoblood.kz/uploads/sajlau_f1d240aab7.jpg" alt="сайлау.jpg"></figure>

Сырдария ауданында Ұлы Отан соғысының ардагері Яхия Тасыров дауыс берді

Kyzylorda-news.kz. Бүгін, 20 қарашада кезектен тыс президент сайлауы өтеді. Дауыс беру құқығы бар 12 миллионға жуық азамат еліміздің алдағы болашағы үшін дауыс береді, деп хабарлайды ҚазАқпарат.Естеріңізде болса, 2022 жылдың 1 қыркүйегінде Қазақстан халқына Жолдауын арнаған Мемлекет басшысы кезектен тыс президент сайлауын өткізуді ұсынған болатын.Ал 21 қыркүйекте президент сайлауын 2022 жылдың 20 қарашасына белгілеу туралы Мемлекет басшысының Жарлығы жария етілді.23 қыркүйекте президенттікке үміткерлерді тіркеу басталды. Сол күннен 21 қазан аралығына дейін республикалық қоғамдық бірлестіктер мен саяси партиялар 12 тұлғаны Орталық сайлау комиссиясына үміткер ретінде ұсынды. Оның алтауы президенттіктен үміткер ретінде тіркеліп, президенттікке кандидаттар 21 қазан күні сағат 18.00-ден бастап үгіт-насихат жұмыстарына кірісуге рұқсат алды.Олар:1. Қасым-Жомарт Кемелұлы Тоқаев – Қазақстан Республикасының қазіргі Президенті.Оның кандидатурасын бірнеше саяси партия мен республикалық қоғамдық бірлестік халықтық коалиция ретінде ұсынды. Орталық сайлау комиссиясы Қасым-Жомарт Тоқаевті 12 қазанда үміткер ретінде тіркеді.2. Мейрам Зекешұлы Қажыкен – «Заманауи қоғамды зерттеу институты» ЖШС директоры.Оның канидатурасын «Аманат» Қазақстан кәсіподақтарының достастығы» республикалық қоғамдық бірлестігі ұсынды. М.Қажыкенді Орталық сайлау комиссиясы 15 қазанда президенттікке кандидат ретінде ресми тіркеді.3. Жигули Молдақалықұлы Дайрабаев – «Қазақстан фермерлер одағы» қауымдастығының президенті. Оның кандидатурасын «Ауыл» халықтық-демократиялық патриоттық партиясы ұсынды. Орталық сайлау комиссиясы Ж.Дайрабаевті 17 қазанда кандидат ретінде тіркеді.4. Қарақат Жақсылыққызы Әбден – Астана қаласы мәслихатының VI шақырылымының депутаты, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның, Астана қоғамдық кеңесінің мүшесі, Астана әкімінің әлеуметтік мәселелер жөніндегі штаттан тыс кеңесшісі.Оның кандидатурасын «Кәсіби әлеуметтік жұмыскерлер Ұлттық альянсы» республикалық қоғамдық бірлестігі ұсынды. Қарақат Әбденді Орталық сайлау комиссиясы 19 қазан күні кандидат етіп тіркеді.5. Салтанат Пархатқызы Тұрсынбекова – ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның мүшесі, «Отбасындағы зорлық-зомбылықсыз Қазақстан» жобасының негізін қалаушы.Оның канидатурасын «Қазақ аналары – дәстүрге жол» республикалық қоғамдық бірлестігі ұсынды. Орталық сайлау комиссиясы Салтанат Тұрсынбековаға кандидат куәлігін 20 қазанда тапсырды6. Нұрлан Сатыбалдыұлы Әуесбаев – Жалпыұлттық социал-демократиялық партиясы Астана қалалық филиалының төрағасы.Оның кандидатурасын Жалпыұлттық социал-демократиялық партиясы ұсынды. Нұрлан Әуесбаевті Орталық сайлау комиссиясы алтыншы үміткер ретінде тіркеді.Кандидаттардың үгіт жұмыстары 2022 жылғы 19 қарашада сағат 00.00-де аяқталды. «Қазақстан Республикасындағы сайлау туралы» Конституциялық заңның 32-бабына сәйкес, сайлау болатын күнi және оның қарсаңындағы күнi кез келген үгiтке тыйым салынады.«ҚР Сайлау туралы» Конституциялық заңның 37-бабына сәйкес, сайлау бюллетеніне барлық тіркелген кандидаттар мемлекеттік тілдегі әліпби ретімен тегі, аты, әкесінің аты көрсетіле отырып жазылған. Сондай-ақ бюллетеньде «Бәріне қарсымын» деген жол енгізілген.Осылайша, бюллетеньде Әбден Қарақат Жақсылыққызы, Әуесбаев Нұрлан Сатыбалдыұлы, Дайрабаев Жигули Молдақалықұлы, Қажыкен Мейрам Зекешұлы, Тоқаев Қасым-Жомарт Кемелұлы, Тұрсынбекова Салтанат Пархатқызы және «Бәріне қарсымын» бағанасы бар.Ел бойынша сайлауға барлығы 10 101 учаске іске қосылады, сайлаушылар тізіміне 11 950 485 азамат енгізілді. 4 қарашадан бастап ел тұрғындарына өздерін тізімнен тексеруге мүмкіндік берілді. Қазақстан Республикасының шет мемлекеттердегі өкілдіктері жанынан 53 елде 68 сайлау учаскесі құрылды.

Бүгін кезектен тыс президент сайлауы өтеді

<a href="https://kyzylorda-news.kz/ru/">Kyzylorda-news.kz</a>. Сырдария ауданында денсаулық сақтау саласы бойынша даму бар. Аудан әкімдігінің мәліметінше, биылғы жылдың ІІІ тоқсанында «Бекітілген халық тіркелімі» бағдарламасы бойынша аудандық емханаға 35 мыңнан астам тұрғын тіркелген. Сонымен қатар қазіргі таңда аудандық ауруханадағы қажетті дәрі-дәрмектердің және жеке қорғаныш құралдарының қоры жеткілікті.Денсаулық сақтау саласын дамытудың 2021-2025 жылдарға арналған «Дені сау ұлт» мемлекеттік бағдарламасы аясында халық денсаулығын жақсарту жолында медициналық қызмет сапасын арттыру, халықты қолжетімді медицинамен қамтамасыз ету, профилактикалық медицинаны дамыту, ана мен бала денсаулығын қорғау, алғашқы медико-санитариялық көмекті жетілдіру, сондай-ақ аудандағы емдеу және алдын алу ұйымдарының материалдық-техникалық базаларын нығайту, нысаналы индикаторларға қол жеткізу бағытында бір шама іс-шаралар жүзеге асырылды.Сырдария аудандық ауруханасына 35268 тұрғын емханаға қарасты «Бекітілген халық тіркелімі» бағдарламасына тіркелген. Ауданда ауысымына 250 адам қабылдайтын емхана, 10 дәрігерлік амбулатория, 2 фельдшерлік-акушерлік бекет, 1 медициналық бекет бар.Аудандық аурухана құрамында балалар бөлімі, хирургия бөлімі, терапия бөлімі, жансақтау бөлімі, гинекология және перзентхана бөлімшесі, оңалту және қалпына келтіру, паллиативті көмек бөлімшесі, сонымен қатар жұқпалы аурулар бөлімшелері жұмыс істейді. Жалпы аурухана 110 төсек орынға арналған.Қазіргі таңда кезекті электронды басқару жүйесін енгізу мақсатында электронды терминалдар іске косылып, тіркеу бөлімі жұмысын модернизацияланып, цифрлы пост құрылып, CALL-орталығы жұмыс жасауда. Бұл дәрігерлер кабинетіндегі кезекті азайтуға мүмкіндік береді. Пациенттердің дәрігерлерге алдын ала жазылуын енгізу пациенттің жеке уақытын жоспарлауға, олардың медициналық ұйымдарда өткізетін уақытын 1 сағаттан 15 минутқа дейін қысқартуға мүмкіндік береді. Пациенттер электрондық жүйе арқылы дәрігерге жазылып, емханаға тіркеліп, қажетті консультация ала алады. Сонымен қатар, дәрігерлік қабылдауға телефон және интернет арқылы (egov электрондық үкімет порталы және «Дамумед» мобильді қосымшасы) жазылу мүмкіндігі туындады.Ауданда коронавирустық инфекциясының эпидемиялогиялық ахуалына байланысты ковид жұқтырған науқастарға медициналық бақылауды ұйымдастыру үшін амбулаториялық деңгейде пациенттерді емдеуді бақылау және түзету бойынша 9 мобильді бригада құрылды. Дене қызуы көтеріліп келген барлық науқастарды арнайы емханада орналасқан «фильтр» бөлмесінде қабылданып, алгоритмге сәйкес жұмыстар жұмыстар жасалды. Фильтр кабинеті арқылы анализ алынып, облыстық вирусологиялық зертханаға тасымалданып отырады.Айта кетейік, бүгін Сырдария аудандық ауруханасында өкпе, қуық асты безі, асқазан мен ұйқы безі қатерлі ісіктері, олардың даму қаупінің факторлары, ерте диагностикалау мақсатында «Ашық есік күні» болып өтті.Ашық есік күнінде тұрғындарға арнайы жалпы тәжірибелі дәрігер, онколог, мамолог, дәрігерге дейінгі кабинет, әйелдер және ерлер карау кабинеті мамандары, сонымен қатар флюора және ультра дыбыстық зерттеулері арқылы тексерістер жүргізілді.Мамандар тексеруге келген халықты қатерлі ісіктерді дер кезінде анықтау даму тарихы мен ерте диагностикалау, оны болдырмау және алдын алу туралы ақпараттандырды. Ультра дыбыстық зерттеулер арқылы анықталған күдікті ісік алды ауруларын тереңдетіп тексеріп, нақтылау мақсатында облысқа арнайы жолданды.<figure class="image"><img src="https://knadmin.beoblood.kz/uploads/syrdariya_ef5824446f.jpg" alt="сырдария.jpg"></figure>

«Дені сау ұлт»: Сырдария ауданында денсаулық сақтау саласы бойынша даму бар

Kyzylorda-news.kz. Бүгін Қазалыда ауыл шаруашылығы өнімдерінің жәрмеңкесі ұйымдастырылды.Әйтеке би кентіндегі Қ.Пірімов көшесінің бойында өткен жәрмеңкеде Қазалы қаласы мен ауылдық округтерден келген 10 тонна картоп пен көкөніс, 6 тонна күріш, 3 тонна асқабақ, 3 тонна балық, 20 қой және «Қазалы» конфеті тұрғындарға тиімді бағада сатылды.Жәрмеңкеде тұрғындар тарапынан жергілікті өнімдер: картоп, пияз және асқабаққа деген сұраныс өте жоғары болды.Жәрмеңкеге аудан әкімі Мұхтар Оразбаев арнайы барып, ауылдық округтерден әкелінген бау-бақша өнімдерімен танысты.Аудан басшысы жәрмеңкеге келген тұрғындармен пікір алмасып, биылғы өнімнің сапасына оң бағасын берді.<blockquote>«Берекелі Алтын күздің өнімін алуға жәрмеңкеге келдік. Базар бағасынан әлдеқайда арзан екен. Азық-түліктің сапасы да көңілге қонымды. Халыққа тиімді әрі сапалы өнім ұсынып жатқан кәсіпкерлер мен ұйымдастырушыларға алғыс айтамыз. Бір жағынан үйімізге азық-түлік алып, бір жағынан жаздай тер төккен диқандар қауымына қолдау көрсетіп жатырмыз. Сондықтан қай жағынан алып қарасақ та ауыл шаруашылығы өнімдерінің жәрмеңкесі халық үшін тиімді екені сөзсіз», - деді аудан тұрғыны Нұрғиса Берекетов.</blockquote>&nbsp;<img src="https://knadmin.beoblood.kz/uploads/316416315_3516474291906826_6022718661994156241_n_c598da9b34.jpg" alt="316416315_3516474291906826_6022718661994156241_n.jpg"><img src="https://knadmin.beoblood.kz/uploads/316173233_3516474395240149_1689671232799288399_n_90b0e3326e.jpg" alt="316173233_3516474395240149_1689671232799288399_n.jpg"><img src="https://knadmin.beoblood.kz/uploads/315890902_3516474271906828_7036378005010532203_n_3f71dc87cb.jpg" alt="315890902_3516474271906828_7036378005010532203_n.jpg">

 Қазалыда ауыл шаруашылығы өнімдерінің жәрмеңкесі өтті

<a href="https://kyzylorda-news.kz/ru/">Kyzylorda-news.kz</a>. Бүгін Қызылорда қаласына қарасты Тасбөгет кентінің орталық алаңында Шиелі ауданының ауыл шаруашылығы өнімдерінің жәрмеңкесі өтті. Кент тұрғындары үшін ұйымдастырылған жәрмеңкенің өтуіне «Байқоңыр ӘКК» АҚ мұрындық болды.&nbsp;Таңертеңмен ерте басталған жәрмеңкеге шиелілік тауар өндірушілер мен кәсіпкерлердің алып келген өнімінің жалпы көлемі 62,1 тонна, 24 түрлі ауыл шаруашылық өнімдерін әкелді. Атап айтар болсақ, күріш, сиыр еті, картоп, қызанақ, қырыққабат, сөк талқан, құрт пен сүт секілді өнімдер жәрмеңкенің сәнін келтірді. &nbsp;Орталық алаңдағы 20 тонна картоп, 15 тонна күріш, 4 тонна сәбіз, 4 тонна пияз, 4 тонна қырыққабат, 1,7 тонна сиыр еті, 500 келі балық және тағы басқа да өнімдер базар нарығынан 15-20 пайыз арзан бағада сатылды.&nbsp;<blockquote>«Бүгінгі жәрмеңкеде барлық азықтың түрі бар. Өзім Тасбөгет кентінде тұрғандықтан үнемі жәрмеңкеге келіп тұрамын. Әсіресе, ауданнан келетін сөк-талқан өнімін бірінші кезекте аламын. Бүгінгі жәрмеңкеде балық көп екен. Сонымен қатар картоп, пияз, сәбіз, қызынақ арзан бағада сатылып жатыр. Өзім бір қап картоп, жарты қап сәбіз, балаларға құрт пен құрма, сөк-талқан алып қайтып барамын. Ауылдың дәмі бөлек ғой. Сондықтан шиелілік шаруаларды өнімін асыға күтеміз. Жәрмеңке үнемі ұйымдастырылып тұрса, бағасы өзімнің көңілімнен шығады», - деді Тасбөгет кентінің тұрғыны. &nbsp;</blockquote>Айта кетейік, жәрмеңкеде қыстық картоп, қауын-қарбыз, жалпы айтқанда, бақша дақылдары молынан болды.<figure class="image"><img src="https://knadmin.beoblood.kz/uploads/316130521_1444844842712637_3884381424554005772_n_3fbbdb6dd5.jpg" alt="316130521_1444844842712637_3884381424554005772_n.jpg"></figure><img src="https://knadmin.beoblood.kz/uploads/315107605_1444844962712625_3348783333700486483_n_f1702cd361.jpg" alt="315107605_1444844962712625_3348783333700486483_n.jpg"><img src="https://knadmin.beoblood.kz/uploads/315480462_1444845012712620_9044343970330871696_n_c6895f7d37.jpg" alt="315480462_1444845012712620_9044343970330871696_n.jpg"><figure class="image"><img src="https://knadmin.beoblood.kz/uploads/315981626_1444844659379322_2618737272973988968_n_c2634d8701.jpg" alt="315981626_1444844659379322_2618737272973988968_n.jpg"></figure><figure class="image"><img src="https://knadmin.beoblood.kz/uploads/316410256_1444860976044357_1734581707634269247_n_683b1165e8.jpg" alt="316410256_1444860976044357_1734581707634269247_n.jpg"></figure>

Шиелі ауданының кәсіпкерлері жәрмеңкеге 20 тонна картоп әкелді

<a href="https://kyzylorda-news.kz/ru/">Kyzylorda-news.kz</a>. Ауыл шаруашылығы қызметкерлерінің кәсіби мерекесіне орай Сырдария ауданы әкімінің орынбасары Талғат Нұртазаев сала ардагерлері мен қызметкерлерін қабылдап, құрмет көрсетті.Қазақстан Республикасы үкіметінің қаулысына сәйкес жыл сайын қараша айының үшінші жексенбісі ауылшаруашылық қызметкерлері күні болып бекітілген. Бұл мереке 2017 жвлдан бері аталып өтіп келеді. Айтулы күнде сала ардагерлері мен қызметкерлерін төрге шығарып, оларға құрмет көрсету Сырдария ауданында да жүзеге асты.Биылғы жылы Сырдария ауданы үшін өте жоғары нәтижелі жыл болды. Аудан аймақ бойынша ауылшаруашылығы саласындағы «Үздік аудан» атанды.Халықтың жағдайын жақсарту мен өнім сапасының жақсы болуы - ауыл шаруашылығының дамуымен тығыз байланысты екені белгілі. Осы жұмыстарды атқаруда, ауыл шаруашлығын дамыту жолында ауыл еңбеккерлері мен сала мамандарының сіңірген еңбектері зор. Осындай жауапты міндет жүктелген мамандықты меңгеріп, Сырдария ауданының ауыл шаруашылығын дамыту жолында талмай еңбек етіп жатқан азаматтарға сый-құрмет көрсетілді. Аудан әкімінің орынбасары Талғат Нұртазаев біршама ардагерлер мен қызметкерлерге Алғыс хат табыстап, марапаттады.<figure class="image"><img src="https://knadmin.beoblood.kz/uploads/316093860_1249803982249158_7728949866711233663_n_2bf5310242.jpg" alt="316093860_1249803982249158_7728949866711233663_n.jpg"></figure>

Сырдарияда ауыл шаруашылығы саласының ардагерлері мен қызметкерлеріне құрмет көрсетілді

<a href="https://kyzylorda-news.kz/ru/">Kyzylorda-news.kz</a>. Ауыл шаруашылығы қызметкерлері күніне орай Ыбырай Жақаев атындағы Қазақ күріш шаруашылығы ғылыми-зерттеу институтының қызметкерлері марапатталды.&nbsp;Ұлттық аграрлық ғылыми-білім беру орталығында Ауыл шаруашылығы, тамақ және өңдеу өнеркәсібі қызметкерлері күні мерекесіне арналған салтанатты іс-шара өтті.&nbsp;Шара аясында басқарма төрағасы Дархан Балпанов қажырлы еңбегімен көзге түскен ғалымдар мен қызметкерлерді «Еңбек ардагері» медалімен, «Ауыл шаруашылығы саласының үздігі» төсбелгісімен, Қазақстан Республикасы Ауыл шаруашылығы министрінің Құрмет грамотасымен және Ұлттық аграрлық ғылыми-білім беру орталығының Құрмет грамотасымен марапаттады.&nbsp;Ыбырай Жақаев атындағы Қазақ күріш шаруашылығы ғылыми-зерттеу институтының қызметкерлерінің де еңбегі бағаланып марапат төрінен көрінді. Басқарма төрағасының ғылыми жұмыстар жөніндегі орынбасары Әсет Тоқтамысов «Ауыл шаруашылығы саласының үздігі» төсбелгісімен марапаталса, институт есепшісі Күлжахан Айпейсова «Еңбек ардагері» медалінің иегері атанды.Күріш институтының ұжымы қуанышқа ортақтаса отыра өз әріптестерін Ауыл шаруашылығы қызметкерлері күнімен құттықтады.<blockquote>«Бұл мереке жерде еңбек ететін, мал шаруашылығымен айналысатын, азық-түлік өнеркәсібінде жұмыс жасайтын, еліміздің және өңіріміздің азық-түліктік қауіпсіздігін қамтамасыз етуге талмай үлес қосып жүрген жандардың басын қосуда. Халықтың әл-ауқаты мен өмір сапасының жақсы болуы ауыл шаруашылығының дамуымен тығыз байланысты десек, ел экономикасының ең маңызды саласының бірі екенімізді түсіне отыра барынша үлесімізді қоса беретіндігімізге сендіреміз», - дейді институт ұжымы. &nbsp;</blockquote><figure class="image image_resized" style="width:75%;"><img src="https://knadmin.beoblood.kz/uploads/316411913_839683177175782_9074489567453394779_n_fef207c41c.jpg" alt="316411913_839683177175782_9074489567453394779_n.jpg"></figure>

Ыбырай Жақаев атындағы Қазақ күріш шаруашылығы ғылыми-зерттеу институтының қызметкерлері марапатталды

Ауылдағы білім саласы: Үздік оқитын оқушыларға 30 000 теңге шәкіртақы тағайындалған

<a href="https://kyzylorda-news.kz/">Kyzylorda-news.kz.</a> Атамекен балалар ауылында 20 қараша Дүниежүзілік балалар күніне орай «Бала құқығы-адам құқығы» Республикалық акциясы аясындағы онкүндіктің қорытынды шарасы «Құқық сабақтары - өмір сабақтары» тақырыбында дөңгелек үстел болып өтті.&nbsp;Дөңгелек үстелдің мақсаты – бала құқықтары жайлы баптардан түсінік беру, үлкенді сыйлауға, өмірге көзқарастарын тың мәліметтермен толықтыру, адамгершілік ізгі қасиеттер мен адалдық пен мейірімділікке баулу арқылы құқықтық тәрбие беру.Дөңгелек үстелдің құрметті қонақтары Қызылорда қалалық прокуратурасының бөлім прокуроры, Қызылорда облысының кәмелетке толмағандардың істері жөніндегі мамандандырылған ауданаралық сотының жетекші маманы, Қызылорда облысының Әділет департаментінің бас маманы, Қызылорда қалалық полиция басқармасының ювеналды полиция бөлімшесінің инспекторлары, Қызылорда Жастар Денсаулық Орталығының заңгері мен психологы, Облыстық Жастар Ресурстық Орталығының психолог мамандары бала құқықтары туралы Конвенция жайлы, балалар құқықтары мен міндеттері, балалардың өмірін, денсаулығын, құқығын қорғау, құқықтық сауаттылық жайлы баяндамаларын оқып, балалармен ашық сұхбат өтті.«Қол соғыңыздар, егерде …» сергіту сәтімен басталған іс-шараны балалар құқық жайлы көрініс қою және жасөспірімдер арасындағы құқық бұзушылық туралы видеоролик көру, сала мамандарымен жағдаят сұрақтарына топпен бірге талқылау арқылы мәселелерді шешу жолдарын қарастырып, балалардың толғандырып жүрген сұрақтарына жауап берді.Келген қонақтар да, балалар да кездесуден үлкен ақпарат пен жағымды әсер алды.&nbsp;<img src="https://knadmin.beoblood.kz/uploads/316043861_854145312378947_3408655976570774734_n_5666ffc073.jpg" alt="316043861_854145312378947_3408655976570774734_n.jpg"><img src="https://knadmin.beoblood.kz/uploads/315971412_854144849045660_1804675347828787830_n_3ba158d7d2.jpg" alt="315971412_854144849045660_1804675347828787830_n.jpg">

Атамекен балалар ауылында «Құқық сабақтары – өмір сабақтары» атты іс-шара өтті

<a href="https://kyzylorda-news.kz/">Kyzylorda-news.kz.</a> Жалағаш ауданындағы Темірбек Жүргенов атындағы №123 мектеп-лицейдің жоғары сынып оқушыларына кәсіптік кеңес беру жұмыстары ұйымдастырылды.Кәсіптік кеңес беру - кәсіптік тұлғаны зерттеуге негізделген кәсіптік өздігінен анықтауға көмектесетін іс-шаралар жүйесі, соның ішінде кәсіптік диагностиканың нәтижесінде кәсіпті саналы таңдауда психологиялық-педагогикалық әсер ету болып табылады.Осы мақсатта, 10-11 сынып оқушыларына Бірыңғай ұлттық тестілеуді тапсыру, бесінші пәнді таңдау, 9 және 11 сыныптарда оқушылардың қызығушылығын, бейімділігін, психофизиологиялық ерекшеліктерін анықтау, болашақ мамандықты соңғы рет таңдауға көмек көрсету мақсатында тереңдетілген диагностикалау нәтижелері жүргізіледі.Мамандықты таңдау бойынша консультациялар орта білім беру ұйымдарының, отбасылардың, техникалық және кәсіптік, жоғары және немесе жоғары оқу орнынан кейінгі білім беру ұйымдарының өкілдерінің қатысуымен өткізіліп келеді.&nbsp;Кәсіптік бағдар берудің кешенді жүйесін ұйымдастыру үшін өңірдің кәсіпорындары, сұранысқа ие және перспективті мамандықтары, техникалық және кәсіптік ұйымдар, жоғары және немесе жоғары оқу орнынан кейінгі білім алу туралы ақпараты бар бірыңғай ақпараттық база құрылып түсіндірме жұмыстары жүргізілді. &nbsp;<img src="https://knadmin.beoblood.kz/uploads/316268792_806764680614699_5158283993425544107_n_19df63c4e3.jpg" alt="316268792_806764680614699_5158283993425544107_n.jpg"><img src="https://knadmin.beoblood.kz/uploads/316134514_806764833948017_3379104686589877155_n_e99f5f1046.jpg" alt="316134514_806764833948017_3379104686589877155_n.jpg"><img src="https://knadmin.beoblood.kz/uploads/316117108_806765377281296_2808186028103857111_n_1ffa9f0313.jpg" alt="316117108_806765377281296_2808186028103857111_n.jpg">

Жалағаш: Оқушыларға кәсіптік кеңес берілді 

<a href="https://kyzylorda-news.kz/ru/">Kyzylorda-news.kz</a>. Мемлекет басшысы Қасым-Жомарт Тоқаевтың жұмыс істейтін жастарды тұрғын үймен қамтамасыз ету туралы тапсырмасына орай Индустрия және инфрақұрылымдық даму министрлігі кешенді іс-шаралар жоспарын қабылдады. Осыған орай алдағы үш жылда Астана, Алматы және Шымкент қалаларында жастар үшін жалға берілетін 12 мың пәтер салынбақ.«Қуатты өңірлер – ел дамуының драйвері» ұлттық жобасына сәйкес, 2025 жылға дейін жыл сайын 3 мың пәтер салу және сатып алу көзделіп отыр. Биыл осы мақсатта республикалық бюджеттен 21,6 млрд теңге қарастырылған.Сатып алу құқығынсыз жалға берілетін тұрғын үй бес жыл мерзімге беріледі. Осы кезең ішінде жастардың өз баспанасының бастапқы жарнасын жинау мүмкіндігі тумақ. Ал кейін босаған тұрғын үй келесі үміткерлерге беріледі.2019 жылдан бері «Нұрлы жер» мемлекеттік бағдарламасы шеңберінде жұмыс істейтін жастарға еліміздегі үш мегаполисте 7 мыңға жуық жалға берілетін пәтер салынды. Сонымен қатар бүгінде Астана қаласында «Елорда жастары», Алматы қаласында «Алматы жастары», Қарағанды облысында «Қарағанды жастары», Жамбыл облысында «Әулиеата жастары», Батыс Қазақстан облысында «Орал жастары», Қостанай облысында «Қостанай жастары», Алматы облысында «Алатау жастары», Атырау облысында «Атырау жастары» тұрғын үй бағдарламалары іске қосылды. Бұдан бөлек Павлодар облысында «Ертіс жастары», Абай облысында «Абай жастары», Ақтөбе облысында «Ақтөбе жастары» өңірлік несиелендіру бағдарламалары даярлануда.Өңірлік бағдарламалар жергілікті бюджеттен қаржыландыру есебінен жұмыс істейтін жастарды тұрғын үймен қамтамасыз етуге және бастапқы жарнасы 0-10 пайыздан бастап, 25 жылға дейінгі мерзімге жылдық 5 пайыздық жеңілдетілген қарыз беруге бағытталған.Айта кетейік, аталған іс-шаралар Мемлекет басшысының қолжетімді жалға берілетін тұрғын үйлер салу және жеке баспана сатып алу құралдарын дамыту тапсырмасын іске асыру мақсатында жүзеге асырылуда.

Қазақстан және Қызылорда облысының жаңалықтары