<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев 2022 жылды «Балалар жылы» деп жариялап, билік тарапынан денсаулық сақтау, білім беру және әлеуметтік қамсыздандыру саласында балаларды қорғау мақсатында нақты іс-шаралар жасалуы керектігін айтқан болатын.
Президент тапсырмасына сәйкес, Қызылорда облысында атқарылып жатқан жұмыстары легі жетерлік. Қазіргі таңда жаз мезгілі болғандықтан, балалардың бос уақытын тиімді өткізу ісі нақты қолға алынды.
Атап айтар болсақ, «Азаматтарға арналған үкімет» мемлекеттік корпорациясы» КЕАҚ-ның Қызылорда облысы бойынша филиалы мен кәсіподақ ұйымы бірлесе Президент тапсырмасына сәйкес балалардың жазғы демалысын ұйымдастыруға атсалысты. Филиал қызметкерлерінің балалары Жаңақорған ауданындағы «Талдысу» тынығу лагерлерінде демалуы үшін жолдаманың 50 пайыз ақысын төлеп берді. Бүгінде 25 бала Талдысуда тынығып, жазғы уақыттарын қызықты өткізіп жатыр. Балалардың өздеріне жасалған сыйға айтар алғыстары шексіз.
Алдағы уақытта ата-аналардан сұраныс болған жағдайда филиал мен Кәсіподақ ұйымы Қамбаш көлі жағасындағы «Шағала» лагерінің жолдамасына да жеңілдік жасайтын болады.
Жалпы, Балалар жылында мұндай игі істер өз жалғасын табатын болады.
<img src="https://kyzylorda-news.kz/wp-content/uploads/2022/08/taldysw.jpg" alt="" />

Лагерь жолдамасына жеңілдік жасалды

<a href="https://kyzylorda-news.kz/">Kyzylorda-news.kz.</a> Үндістанда 44-ші шахмат Олимпиадасының ашылу салтанатында Қазақстан спортшылары тусыз шықты. Бұл туралы желідегі өз парақшасында қазақстандық шахматшы Бибісара Асаубаеваның анасы жазды.
<blockquote>
 “Таңғажайып шараның ашылу салтанатының соңында 186 ұлттық құрама команда 185 тумен жүріп өтті. Неге 186 команда, ал ту саны тек 185 деп сұрайтын шығарсыз? Себебі Қазақстан құрамасының Олимпиадаға қатысуын ұйымдастыруға жауапты Қазақстанның шахмат федерациясы ұмытып кетті, 20 мың теңгені аяды. Салдарынан Қазақстан құрамасы шеруде тусыз өтті. Ұят!”- деп жазды спортшының анасы Лиана Таңжарықова.
</blockquote>
Қазақстан шахмат федерациясы бұған дейін олимпиадаларда спортшылардың шеруі тәжірибеде болмағанын түсіндірді.
<blockquote>
 “Әдетте, ту Олимпиаданың жабылу салтанатында қатысушыларды марапаттау кезде ғана қажет. Биыл ұйымдастырушылар осындай ерекше мүмкіндік берген. Бірақ делегацияны тиісті деңгейде хабардар етпеді”, – деп хабарлады федерацияның баспасөз қызметі.
</blockquote>
Айта кетері, қазақстандық делегациядан басқа, қатысушы құрама елдердің жартысынан көбі шеруге тусыз шықты. Ал кейбір командалар ашылу салтанатында мүлдем болмаған.
<a href="https://sputnik.kz/20220729/olimpiadanyn-ashyluynda-qazaqstan-tu-26425423.html">Sputnik Қазақстан</a>

Олимпиаданың ашылуында Қазақстан туы болмады &#8211; шахмат федерациясы жағдайды түсіндірді

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы полиция департаментіне 51 жастағы Сырдария ауданының тұрғыны алаяқтық ісі бойынша арызданған. Жәбірленушінің айтуынша, азаматша «несие алып беремін»-деп 550&nbsp;000тг көлемінде қомақты ақша алып, алдап кеткен.
Жедел-іздестіру шараларының барысында, 48 жастағы Сырдария ауданының тұрғыны ұсталды. Сонымен қатар, күдікті азаматшаның бұл қылмыстан бөлек тағы алаяқтық жасағаны анықталып, қылмыстық істер бір өндіріске біріктірілді. Жәбірленушілерге келтірілген шығын көлемі 2 млн теңгеге жуық.
«Қазіргі уақытта аталған дерек бойынша Қазақстан Республикасының&nbsp; Қылмыстық кодексінің&nbsp; 190-бабының 1-бөлігі бойынша (Алаяқтық)&nbsp;&nbsp; бойынша сотқа дейінгі тергеу жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды. Полицейлер оқиғаның мән – жайларын анықтауда», – делінген полиция департаментінің хабарламасында.

Қызылордада тұрғындарды  2 млн теңгеге алдап соққан әйел қолға түсті

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев кадрлық тағайындауға байланысты өткен актив отырысында Қызылорда облысы білім басқармасының басшысын таныстырды.
Конкурс нәтижесімен және Қазақстан Республикасы Оқу–ағарту министрлігінің келісімі негізінде Шермағанбет Мейрамбек Зинабдинұлы Қызылорда облысының білім басқармасының басшысы ретінде тағайындалды.
<blockquote>
 Мейрамбек Зинабдинұлы Өздеріңізге жақсы таныс, Қызылорда облысының тумасы. Осы салада біраз жыл еңбек етіп, білім саласын абыроймен тізгіндеген азамат. Тек білім саласында ғана емес, меритократия қағидатымен мемлекеттік қызметтің түрлі сатысынан өткен тәжірибелі маман. 
 Ұйымдастырушылық қабілеті мен тәжірибесі мол, бір облыста ғана емес, бірнеше өңірде, республика деңгейіндегі басшылық қызметтерді жоғары кәсіби деңгейде атқарған білікті азамат. 
 Білім саласы – аймақтағы ең ауқымды сала. Бүгінде білім саласында қордаланған мәселелер аз емес. Мемлекет басшысының Жолдауларынан білім саласына қатысты туындайтын міндеттерді, «Білімді ұлт» Ұлттық жобасы аясындағы облысымызға белгіленген индикаторларды сапалы жеткізуге осы кезге дейін жинаған тәжірибесін арнайды деп есептеймін», – деді облыс әкімі.
</blockquote>
Мейрамбек Шермағанбет 1972 жылы туған. Еңбек жолын ауыл мектебінің тарих пәнінің мұғалімінен бастаған. 1995-2000 жылдары Жаңақорған ауданындағы №163 орта мектебінің мұғалімі, директоры орынбасары болған. 2001-2004 жылдары Жаңақорған ауданы әкімі аппаратының басшысы қызметін атқарған. 2005-2007 жылдары Қызылорда облысы әкімі аппараты басшысының орынбасары, 2007-2009 жылдары облыстық білім басқармасының басшысы, 2009-2011 жылдары облыстық тілдерді дамыту басқармасының басшысы, 2011-2016 жылдары облыстың аумақтық білім саласын бақылау департаментінің басшысы.
2016-2020 жылдары Ақтөбе облысы Қобда ауданының әкімі, 2020-2021 жылдары Ақтөбе облысы әкімінің орынбасары қызметтерін абыроймен атқара білді. 2021 жылдың мамыр айынан бастап «Орда Инвест» корпорациясының Басқарма төрағасының орынбасары қызметін атқарған.
<img src="https://kyzylorda-news.kz/wp-content/uploads/2022/07/136943292_1698483143663031_5428882986805992319_n.jpg" alt="" />

Облыстық білім басқармасының басшысы  тағайындалды

<a href="https://kyzylorda-news.kz/">Kyzylorda-news.kz.</a>&nbsp; Атмосфералық фронталды бөліктердің өтуіне байланысты, Қазақстан аумағы бойынша тұрақсыз ауа райы сақталады, ол найзағаймен және бұршақтың түсуі мен жауын-шашынға әкеледі: елдің солтүстігінде, шығысында және оңтүстігінде кейде қатты жаңбыр жауады, жел күшейеді.
Республиканың солтүстігінде түнде термометрлер +7 +12°С дейін төмендейді, күндізгі ауа температурасы солтүстікте +15 +25°С, батыста +30 +35°С, елдің орталығы мен шығысында +20 +28°С, ал Қазақстанның оңтүстігінде, оңтүстік-шығысында +22 +33°С болады деп болжануда.

Қазақстанға суық ауа фронты келе жатыр

<a href="https://kyzylorda-news.kz/">Kyzylorda-news.kz.</a> Қала әкімінің бастамасымен әр ай сайын «Бизнеске арналған Үкімет» ғимаратының ашық алаңында кәсіпкерлерді салалық мәселелері бойынша қабылдау ұйымдастырылуда, деп хабарлайды қала әкімдігінің баспасөз қызметі.
Бүгін қала әкімі Асылбек Шаменовтың қабылдауына келген кәсіпті жаңадан бастаушы азаматтар бизнес жоспар әзірлеу, мемлекеттік грант алуға үміткер болу сынды сұрақтарымен жүгінсе, кәсібін кеңейтуді мақсат еткендер қосымша қолдаулар, жер телімі, ғимаратты жалға алу, әкімшілік кедергілерді жою жайын талқылады.
Кәсіпкерлердің талап-тілегін тыңдаған шаһар басшысы қаланың дамуына жол ашатын тың, жаңа жобаларды бірлесе жүзеге асыруға қолдау көрсетілетіндігін жеткізді.
Жалпы, қала көлемінде шағын кәсіпкерлікті дамыту, мемлекеттік бағдарламалар мен кәсіпкерлік негіздерін түсіндіру жұмыстарына ерекше көңіл бөлініп келеді. Соның нәтижесінде қазіргі таңда «2021 – 2025 жылдарға арналған кәсіпкерлікті дамыту жөніндегі Ұлттық жоба» аясында субсидиялау бағыты бойынша 3,9 млрд.теңгені құрайтын 93 жоба қолдау тапса, қайтарымсыз мемлекеттік грант бағыты бойынша құны 11 млн.теңгені құрайтын 9 кәсіпкердің жобасы мемлекеттік грантқа ие болды.
<img src="https://kyzylorda-news.kz/wp-content/uploads/2022/07/296065796_3145428972390506_2522259073766317030_n.jpg" alt="" />
<img src="https://kyzylorda-news.kz/wp-content/uploads/2022/07/296463530_3145429049057165_1244664580559155374_n.jpg" alt="" />

Қала әкімі кәсіпкерлердің талап-тілегін тыңдады

<a href="https://kyzylorda-news.kz/">Kyzylorda-news.kz.</a> Биыл өңірде қоршаған ортаны қорғау бойынша 40 нысанға бақылау жұмыстары жүргізілді. Нәтижесінде, экологиялық заңнама талаптарын бұзған 58 дерек анықталды.
Өңірлік коммуникациялар қызметінде өткен баспасөз конференциясында Қызылорда облысы бойынша экология департаменті басшысы орынбасарының міндетін атқарушы Ертай Жайназаров аталған салада бірінші жартыжылдықта атқарылған жұмыстарды баяндап, алдағы жоспарларды айтты.
<blockquote>
 Бүгінде облыс бойынша экологиялық заңнаманы бұзу деректері жиі тіркелуде. Бұл бойынша біздің департамент қызметкерлері тиісті шараларды қабылдауда. Атап айтсақ, облыс аумағындағы бей-берекет тасталған қалдық орындарын жою жұмыстары қолға алынды. Дәлірек айтқанда, «Қазақстан Ғарыш Сапары» АҚ-ның ғарыштық түсірілім қызметін пайдалану арқылы анықталған қалдық үйінділері жойылуда. Ал «геопортал» жүйесінің ғарыштық мониторингі арқылы 98 рұқсатсыз тасталған қоқыс қалдығы анықталып, оның 98 пайызы жойылды. Сонымен қатар, ауаға шығарылатын ластағыш заттардың экологиялық нормаларға сәйкестігін анықтау бойынша полиция қызметкерлерімен бірге автокөліктерге тексеріс жүргізілді. Нәтижесінде тексерілген 34 автокөліктің екеуі тиісті нормаға сәйкес еместігі анықталды. Облыстың экологиялық мәселелерін кешенді шешу жөнінде арнайы Жол карта жасақталды. Қазіргі таңда аталған шара аясында нақты жұмыстар жүргізілуде, – деді Ертай Жайназаров.
</blockquote>
<img src="https://kyzylorda-news.kz/wp-content/uploads/2022/07/87c33e6b-afc2-40eb-b4f4-5c1c780be3e9.jpg" alt="" />

Қызылордада қоршаған ортаны қорғау бойынша 40 нысанға бақылау жүргізілді

<a href="https://kyzylorda-news.kz/">Kyzylorda-news.kz.</a> Жалпы 2022 жылы облыс бойынша бюджет саласындағы қызметкерлердің еңбекақысын ұлғайтуға республикалық бюджеттен 78,2 млрд теңге бөлінген.
Атқарылған жұмыстардың нәтижесінде халықтың еңбек қызметінен түсетін табыстың жалпы табыстағы үлесін 69,8 пайыздан 71,4 пайызға, 2023 жылы 73,9 пайызға, 2024 жылы 77,2 пайызға, ал 2025 жылы 80,6 пайызға жеткізу жоспарлануда. Бұл туралы өңірлік коммуникация қызметінде өткен брифинг барысында облыстық жұмыспен қамтуды үйлестіру және әлеуметтік бағдарламалар басқармасының басшысы мәлімдеді.
Жұмыссыздық деңгейін төмендету және халықтың табысын арттыру мақсатында үш негізгі бағыт бойынша салалық жұмыс жүргізілуде. Біріншісі – жаңа жұмыс орындарын құру, екіншісі – жұмыспен қамтуға жәрдемдесу, үшіншісі – еңбек ресурстарының біліктілігін арттыру және жастардың кәсіптік бағдарлануын қамтамасыз ету. Бұл шаралар өз кезегінде ең төменгі күнкөріс деңгейінен төмен табыс алатын халықтың үлесін азайтуды, жұмыссыздық деңгейін төмендетуді және жыл соңына дейін 31 мыңға жуық жаңа жұмыс орнын құруды көздеп отырмыз, – деді облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев. 
Бүгінде облыс экономикасының барлық саласы бойынша 1 шілдеге 11836 жаңа жұмыс орны құрылған. Бұл жылдық жоспардың 41,6%-ын құрайды.
<blockquote>
 Аймақта «Өңірлік жұмыспен қамту» картасы бекітілген, яғни осы картаға енгізілген Ұлттық жобалар шеңберінде 2022 жылы 128 жобада 1464 адамға лайықталған уақытша және тұрақты жұмыс орнын құру жоспарланған. Бүгінде Ұлттық жобалар аясында 559 жұмыс орындары құрылды. Сонымен қатар, «Кәсіпкерлікті дамыту ұлттық жобасы» шеңберінде жұмыспен қамту органдарына жұмыс іздеуші ретінде жүгінген 18217 адамның Ұлттық жобаға қатысушы ретінде 16474 адам тіркелді, – деді басқарма басшысы.
</blockquote>
Сондай-ақ, басқарма басшысының айтуынша, 25 шілдеден бастап «Бастау бизнес» жобасы бойынша кәсіпкерлік негіздері курстарына оқыту басталды. Бүгінгі күнге өз бетінше онлайн форматта 359 адам 14 күндік оқуға кірісті. Оқуды аяқтағаннан кейін кәсібін ашуға қайтарымсыз грант алуға портал арқылы ашылған жеке кабинетінде өтінім береді. Биыл 3437 адамға 3 этаппен грант берілмек.

Халық табысын арттыру – салалық жұмыстың нәтижесі

<a href="https://kyzylorda-news.kz/">Kyzylorda-news.kz.</a> Соңғы 10 жылда еліміздің жоғары оқу орындарында білім алу үшін 1 249 студент облыс әкімінің грантын иеленген. Биыл 170 студент оқуды аяқтап, диплом алған.
Оларды жұмыспен қамту мақсатында «жұмыс іздеуші» ретінде тіркеуге алып, «2021-2025 жылдарға арналған кәсіпкерлікті дамыту ұлттық жобасы» аясында «Жастар тәжірибесі», «Ұрпақтар сабақтастығы» мен «Алғашқы жұмыс орны» жобалары бойынша жұмыспен қамту шаралары жүргізілуде.
<blockquote>
 Облыстың еңбек ресурстарының балансына сәйкес мамандар тапшылығын және алдағы уақытта өңірде жүзеге асырылатын бірқатар инвестициялық жобалардың іске қосылатынын ескере келе 2022 жылға облыс әкімінің 100 оқу гранты бөлінді. Аталмыш гранттар білім, ауылшаруашылығы, өндірістік және өңдеу, инженерия және инженерлік іс, ветеринария, журналистика және ақпарат, әлеуметтік ғылымдар, мәдениет және денсаулық сақтау салаларына бағытталған. Өздеріңізге белгілі, мемлекеттік грант конкурсына талапкерлерден өтінім қабылдау 22 шілдеде аяқталды. Конкурс нәтижесі тамыз айының 10-на дейін жарияланады деп күтілуде, – деді облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев брифинг барысында.
</blockquote>
Мемлекеттік грантқа іліге алмай қалған әлеуметтік ахуалы төмен, белгілі санатқа жататын отбасыларынан шыққан талапкерлер облыс әкімінің грантына үміткер бола алады. Құжаттарды қабылдау аудандық және Қызылорда қалалық жұмыспен қамту, әлеуметтік бағдарламалар және азаматтық хал актілерін тіркеу бөлімдерінде 5 тамыздан бастап жүргізіледі.
<blockquote>
 Грантты тағайындау туралы шешім аудан, қала әкімдіктері жанынан құрылған арнайы комиссиямен қабылданады. Бүгінде 100 студенттің оқу ақысын және жүріп-тұру, тамақтану шығындарын ішінара өтеуге әлеуметтік көмек тағайындауға облыстық бюджеттен 84,8 млн теңге қаражат бөлініп, аудан, қала бюджеттеріне жеткізілді, – деді басқарма басшысы Ғ.Жаңабаев.
</blockquote>

Биыл облыс әкімі 100 оқу грантын тағайындады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің студенттер сарайында «Ақын – елдің ардағы» атты Сыр елі айтыс ақындарының басқосуы өтті.
Сонымен қатар, айтыс ақындары мен жыршы-термешілердің халықаралық одағы Қызылорда облыстық филиалы салтанатты түрде ашылды. Шараға Қызылорда облыстық мәдениет және спорт басқармасының басшысы Руслан Рүстемов, айтыскер-ақын Мұхтар Ниязов пен өңірдің зиялы қауым өкілдері және айтыс ақындары мен жас шәкірттері қатысты.
Шарада Айтыс ақындарының халықаралық одағы Қызылорда облыстық филиалының лентасы қиылып, оның жұмысына сәттілік тіледі.
Айтыс ақындары мен жыршы-термешілердің халықаралық одағының Қызылорда облысы бойынша филиалымен бірлескен жұмыстар алдағы уақытта да жалғасын таба бермек. Одақ филиалының студенттер сарайында орналасуы да тектен-тек емес. Бұл жас ақындардың шыңдала түсуіне үлкен мүмкіндік, алғашқы мектеп болатыны анық. Жастар өзекті мәселелерді астарлы ой арқылы жеткізіп, елдің дамуына өз үлестерін қосар болса, атқарылған істің текке кетпегені. Бұл жаңа филиал ел игілігі мен жастардың келешегі үшін жасалған жұмыс.
Айта кету керек, қазақтың төл өнері айтысты жастар арасында насихаттау, өскелең ұрпақты ұлттық өнерге баулу мақсатында университетте «Алтын домбыра» орталығы жұмыс істейді.
<img src="https://kyzylorda-news.kz/wp-content/uploads/2022/07/295553408_2626717634132313_2461154665366286035_n.jpg" alt="" />
<img src="https://kyzylorda-news.kz/wp-content/uploads/2022/07/294983365_2626717660798977_6137890681361167436_n.jpg" alt="" />
<img src="https://kyzylorda-news.kz/wp-content/uploads/2022/07/295103827_2626717680798975_7943342988890261964_n.jpg" alt="" />

Айтыс ақындарының халықаралық одағы Қызылорда облыстық филиалы ашылды

<a href="https://kyzylorda-news.kz/">Kyzylorda-news.kz.</a> Балық шаруашылығы – облыс экономикасындағы маңызды саланың бірі. Бүгінгі таңда Кіші Аралдан мыңдаған тонна балық аулап, балық өнеркәсібін дамытуға бетбұрыс жасау аралдықтардың алдындағы нақты міндет. Оның алғышартының бірі – кадр дайындау. Осы балық кәсіпшілігіне байланысты орта буын мамандар даярлауда Арал индустриалды-техникалық колледжінің үлесі орасан зор.
Аталған оқу ордасы теңіз төскейіндегі кәсіптік білім беретін іргелі оқу орындарының бірі. 1927 жылы балық аулау артелі болып құрылған колледж алғашқыда жергілікті тұрғындардан балықшылар бригадирлерін, ау құралдарын септеп тоқу мамандарын даярлаған. Кейін «Юнга» мектебі болып қайта құрылып, кіші қайықтарға матрос, мотористерді түлетіп шығарған.
Қазіргі кезеңде колледж 11 мамандық, 20 біліктілік бойынша заманға сай, сұранысқа ие мамандықтарға баулиды.
Білікті де тәжірибелі педагогтар жұмыс жасайтын білім ордасында студенттердің сапалы білім, тағылымды тәрбие алуына қолайлы жағдай жасалған. Колледждің материалдық–техникалық базасын түбегейлі жақсарту мақсатында облыс, аудан әкімшілігінің басшылығымен КМК «Арал вагон жөндеу Зауытына» қарасты «Сауда орталығы-Асхана» және «Электр цехы» ғимараттары мектеп балансына қайтарымсыз алынып ғимараттарға 2002 жылы күрделі жөндеу жұмыстарын жүргізіп, 12 теориялық оқу кабинеттері, 5 оқу шеберханасы, 3 зертхана, спорт залы, медпункт, кітапхана, әдістемелік және тағы басқа қосымша бөлмелер қызмет жасауда.
Колледж әлемнің озық елдерінде табысты қолданылып келе жатқан дуальды оқыту жүйесін де табысты жүзеге асыруда. Колледжде студенттері іс-тәжірибеден өтетін 25 әлеуметтік серіктестік мекемелерімен тығыз байланыс орнаған. Онда студенттер Жас маман жобасы аясында жабдықталған жаңа инновациялық технологиялардың көмегімен алған білімін практика жүзінде шыңдап келеді.
Сындарлы шақтарды бастан өткеріп, бүгінде келешегі зор салалардың дамуына орай мамандар мен жұмысшыларға кәсіптік білім беру, оларды мамандыққа даярлау, қайта даярлау және біліктілікті көтеруде нағыз ұстаханаға айналған білім ордасы осы ілкімді істерін жалғастыра бермек.

Кәсіптік білім түлегі &#8211; келешек кәсіптің иесі

<a href="https://kyzylorda-news.kz/">Kyzylorda-news.kz.</a> «AMANAT» партиясы Қызылорда облыстық филиалының мәжіліс залында партия филиалы жанындағы Партиялық бақылау комиссиясы және Өңірлік даму жөніндегі аймақтық қоғамдық кеңестің бірлескен отырысы өтті.
Отырыста Қызылорда облысындағы жұмыссыздық деңгейін төмендету мен халық табысын арттыру барысында атқарылып жатқан жұмыстар жайында ой қозғалды. Сонымен қатар аймақтағы Қазақстан Республикасы еңбек заңнамасының сақталуы, жұмысшылардың еңбек құқығын қорғау бағытындағы жұмыстар жайы қаралып, талқыланды.
Мәжілісті Өңірлік даму және экология жөніндегі Қызылорда облыстық қоғамдық кеңес төрағасы Қожахметов Ильяс Әбдіқайырұлы ашып берді.
Төраға күн тәртібіндегі мәселелерге тоқталып өтіп, бұл мәселелер бойынша отырыста мәлімдеме жасайтын баяндамашыларды таныстырып өтті.
Жиында тиісті сала басшылары көтерілген мәселелер бойынша облыста атқарылып жатқан жұмыстар жайын баяндап, алдағы міндеттер мен жоспарларды, өз ойларын ортаға салды.
Бірлескен отырыс барысында жиынға қатысушылар талқыланған тақырып бойынша ұсыныстарын білдіріп, алдағы уақытта атқарылуы тиіс мәселелерді пысықтады. Олар жұмысшылардың мәселелері назардан тыс қалмайтынын айтып, еңбек заңнамасын барлық жұмыс беруші сақтау қажет екенін ескертті.
<img src="https://kyzylorda-news.kz/wp-content/uploads/2022/07/f0e15af5-6c21-43e6-90e6-33e518c6fc82.jpg" alt="" />

Қазақстан және Қызылорда облысының жаңалықтары

Лагерь жолдамасына жеңілдік жасалды

Олимпиаданың ашылуында Қазақстан туы болмады – шахмат федерациясы жағдайды түсіндірді

Қызылордада тұрғындарды 2 млн теңгеге алдап соққан әйел қолға түсті

Облыстық білім басқармасының басшысы тағайындалды

Қазақстанға суық ауа фронты келе жатыр

Қала әкімі кәсіпкерлердің талап-тілегін тыңдады

Қызылордада қоршаған ортаны қорғау бойынша 40 нысанға бақылау жүргізілді

Халық табысын арттыру – салалық жұмыстың нәтижесі

Биыл облыс әкімі 100 оқу грантын тағайындады

Айтыс ақындарының халықаралық одағы Қызылорда облыстық филиалы ашылды

Кәсіптік білім түлегі – келешек кәсіптің иесі

«AMANAT»: Қызылордада партияның бірлескен отырысы өтті

Қазақстан және Қызылорда облысының жаңалықтары

Лагерь жолдамасына жеңілдік жасалды

Олимпиаданың ашылуында Қазақстан туы болмады &#8211; шахмат федерациясы жағдайды түсіндірді

Қызылордада тұрғындарды 2 млн теңгеге алдап соққан әйел қолға түсті

Облыстық білім басқармасының басшысы тағайындалды

Қазақстанға суық ауа фронты келе жатыр

Қала әкімі кәсіпкерлердің талап-тілегін тыңдады

Қызылордада қоршаған ортаны қорғау бойынша 40 нысанға бақылау жүргізілді

Халық табысын арттыру – салалық жұмыстың нәтижесі

Биыл облыс әкімі 100 оқу грантын тағайындады

Айтыс ақындарының халықаралық одағы Қызылорда облыстық филиалы ашылды

Кәсіптік білім түлегі &#8211; келешек кәсіптің иесі

«AMANAT»: Қызылордада партияның бірлескен отырысы өтті

Олимпиаданың ашылуында Қазақстан туы болмады – шахмат федерациясы жағдайды түсіндірді

Кәсіптік білім түлегі – келешек кәсіптің иесі