<a href="https://kyzylorda-news.kz/">Kyzylorda-news.kz.</a> 2022 жылдың 9-10 желтоқсан күндері аралығында Қазақстан Республикасының Тәуелсіздігінің 31 жылдығына және Желтоқсан құрбандарын еске алу мақсатында 2008-2009 жылы туылған жасөспірімдер арасында шағын футболдан Қармақшы аудандық ашық турнир өз мәресіне жетті.Спорттық іс-шараға Қызылорда қаласы, Қазалы ауданы мен Қармақшы ауданының жалпы білім беретін мектептерінен құралған 11 команда 110-ға жуық спортшы қатысты.Спорттық шараның негізгі мақсаты салауатты өмір салтын насихаттау, бұқаралық спортты дамыту, жүйелі спортпен шұғылдануға тарту және мерекені кең көлемде атап өту болып табылады. Турнир жоғары деңгейде және тартысты өтті. Турнир қорытындысы бойынша жеңімпаз және жүлдегер спортшыларға аудандық дене шынықтыру және спорт бөлімінің І, ІІ, ІІІ дәрежелі дипломдар және демеушілердің медалдары мен сыйлықтары табысталды. Атап айтсақ, І орынды №15 ОРМБЖМ командасы, ІІ орынды Қызылорда қаласының «Намыс» командасы, ІІІ орынды Қызылорда қаласы иеленді.Аудандық ашық біріншілікте жақсы ойын өрнегін көрсеткен спортшыларға номинациялар бойынша аудандық дене шынықтыру және спорт бөлімінің арнайы дипломы мен демеушілердің бағалы сыйлықтары табысталды. Нақтырақ айтар болсақ, үздік ойыншы номинациясы Қазалы командасының ойыншысы ДиасҰлықпашқа, үздік қорғаушы номинациясы Қызылорда командасының ойыншысы Саламат Бижігітұлына, үздік шабуылшы номинациясы «Намыс» командасының ойыншысы Рамазан Уразалиевқа, үздік қақпашы номинациясы Қармақшы командасының ойыншысы Мінуар Шығанаққа бұйырды. &nbsp;<img src="https://knadmin.beoblood.kz/uploads/318766779_1332953494136838_1084898061648344726_n_fb4fb2bc04.jpg" alt="318766779_1332953494136838_1084898061648344726_n.jpg"><img src="https://knadmin.beoblood.kz/uploads/319707108_1332954044136783_3793809691048870161_n_dab1a9935d.jpg" alt="319707108_1332954044136783_3793809691048870161_n.jpg"><figure class="image"><img src="https://knadmin.beoblood.kz/uploads/319496536_1332953570803497_8246119999751540944_n_5aa66a4676.jpg" alt="319496536_1332953570803497_8246119999751540944_n.jpg"></figure>

Шағын футболдан ашық турнир өз мәресіне жетті

<a href="https://kyzylorda-news.kz/">Kyzylorda-news.kz.</a> Оқу үшін қалай жинақтауға болады? Бұл сұрақтың жауабын «Күміс теңге» операциясы» балалар қаржы детективінің басты кейіпкерлері іздеді.11-ші шығарылымда Мұрат, Ерке және Әлиша Қазақстанда 2013 жылдан бастап мемлекеттік білім беру жинақтау жүйесі жұмыс істейтінін білді. Оған тек екінші деңгейдегі банктер арқылы ғана емес, сонымен қатар өмірді сақтандыру компанияларына хабарласу арқылы да қатысуға болады.Шығарылым «Білім беру депозиті – арманға апаратын жол» оқу-комиксімен және «Қалай ЖОО студенті атануға болады?» экономикалық ойын – лабиринтпен қоса жүреді, бұл жас оқырмандарға өткен материалды бекітуге мүмкіндік береді.Естеріңізге сала кетейік, балалар қаржы детективі ҚР Қаржы нарығын реттеу және дамыту агенттігінің қолдауымен «Дружные ребята» және «Ұлан» республикалық газеттерінде мемлекеттік және орыс тілдерінде шығады. Ол бастауыш және орта мектеп жасындағы балаларға арналған.– Мен болашақ мамандығымды таңдадым, – деп Мұрат өзінің үйіне келген достарына жақсы жаңалығын жеткізді. – Мен қаржыгер боламын!– Керемет идея, - деп Әлиша оны қостады. – Ал мен қолданбалы өнермен кәсіби түрде айналысамын деп баяғыда шешіп қойғанмын, бірақ алдымен дизайнер мамандығын оқимын.– Ал мен әкем секілді мал дәрігері болғым келеді. Әрі бұл ауылдағы ең сұранысқа ие мамандық қой. Өзіміз де мал ұстаймыз, білімнің пайдасы тиер, – деді Ерке. – Әкем маған алдымен осы мамандық бойынша ауыл шаруашылығы колледжіне түсуді ұсынды.Мұрат:– Айтпақшы, университетке түсуге дайындықты қазірден бастау керек екен, – деп сөзін жалғастырды.– Анам мұны маған баяғыда айтқан – егер мектепте жақсы оқысаң, тегін оқуға грант ұтып аласың. Мен соған жетуге тырысып жүрмін. Биыл бірінші тоқсанда менде барлық пәннен тек бестік, – деді Әлиша да жеңістік бермей.Мұрат пен Ерке мұңая күрсінді. Құрбыларына қарағанда бұлар жақсы бағамен мақтана алмайтыны рас. Әсіресе, Ерке.– Егер мен тек үштікке оқысам, гранттың ауылы алыс десеңші... Арманымнан бас тартуға тура келеді екен-ау? – Еркенің ұнжырғасы түсіп кетті.– Ойынға емес, сабаққа көбірек уақыт бөлсең қайтеді? – деп қағытты Әлиша.– Арманыңа жетудің жолы бар, әрине! Қиынырақ болса да! – Мұрат досына дем бере сөйледі. – Мен google-дан университетке түсу туралы ақпарат іздеген едім, біраз қызық нәрсе таптым!Мұрат ноутбукты қосты.– Міне, қараңдар!Достар экранда пайда болған мәтінді оқи бастады.– Білім беру жинағы депозитін қалай ашуға болады... – деді Ерке дауыстап. – Бұл жоғары оқу орнына түсу мәселесін шешуге көмектеседі деп ойлайсың ба?Мұрат келіскен сыңаймен басын изеп, қойын дәптерін ашты:– Ғаламторда бір мемлекеттік бағдарлама туралы көп ақпарат бар, мен ең маңыздысын жазып алдым. Яғни, елімізде 2013 жылдан бері Мемлекеттік білім беру жинақтау жүйесі бар. Соның арқасында кез келген адам екінші деңгейдегі банктер мен сақтандыру компанияларында арнайы білім беру депозитін ашып, оқуға ақша жинай алады. Жиналған қаражатпен кез келген университетте немесе колледжде, тіпті шетелде де оқу ақысын төлей аласың! Қаражатты үш немесе одан да көп жыл жинауға болады.– Ал бізге оқуға түсуге әлі 7 жыл бар! – деп Әлиша еске салды.– Уақыт жеткілікті екен, ендеше қажетті соманы жинауға әбден болады! - деді Мұрат сеніммен. – Депозит ашу үшін шотқа 8 мың теңгеден сәл асатын ақша салу керек. Содан кейін салымды үнемі толықтырып отырасың.– Ал пайызы ше? – Еркенің егжей-тегжейлі білгісі бар.– Білім беру депозитіне қаржы ұйымының сыйақысы қосылады, одан бөлек жыл сайын салым сомасының 5-7 пайызы көлемінде мемлекет сыйлықақысы бар. Депозит сомасы көп болған сайын сыйлықақы соғұрлым көп болады. Тағы бір маңызды жайт, мемлекет депозиттің қорғалуына кепілдік береді.– Білім депозитін ашу үшін не қажет екен? – Еркенің қатты қызыққаны сонша, не істеу керектігін анықтап біліп алуды жөн көрді.– Қане, оқиық: «Егер білім беру депозитін ашу үшін банкке барсаңыз, онда екі құжат қажет: ата-анасының біреуінің жеке куәлігі және баланың туу туралы куәлігі мен ЖСН-і».– Сонда банктегі білім беру депозитінің сақтандыру компаниялары ұсынатын депозиттен қандай айырмашылығы бар? – деп Ерке қазбалай сұрады.– Бұл жөнінде интернетте «Сақтандыру арқылы қорғау және төлемге толық кепілдік беру» деп жазылған! – Мұрат тағы да дауыстап оқыды.– Қызық, сонда бұл депозитті өзіміз де толықтыра аламыз ба? – Ерке тіпті қайтар емес.– Бұл өте маңызды сұрақ, – деді Әлиша Еркені қолдап. – Мәселен мен қолөнер бұйымдарын сату арқылы азын-аулақ ақша табамын, сол қаражатты депозитке аударуыма болады.Мұрат оларға жауап беру үшін жазбаларын парақтады:– Банктағы шотты онлайн толықтыруға болады. Яғни, балалардың банк картасы болса, ақшаны өзіміз де саламыз.Күмілжіп, кекілін сипаған Ерке:– Ал егер мен, мысалы, білім беру депозитіне ақша жинадым делік. Содан оқуды бітірген соң, паһ, шіркін, университетте немесе колледжде оқуға грант ұтып алсам ше? Жаңағы ақша не болмақ? – деді ойын жасырмай.Депозиттегі ақшаны мемлекет пен банк берген барлық пайызымен қоса алып, басқа баланың атына аударуға болады. Немесе басқа деңгейдегі білім алу, мысалы, магистратурада оқу үшін одан әрі жинақтай беруге болады.– Демек, бұл ақшаны мен пайдаланбасам, іні-қарындастарымды оқытуға жұмсауға болады ғой, иә? Бұнысы керемет екен!– Сонымен сен оқуға шындап кірісетін болдың ба? – деді Әлиша қуанышты жүзбен. – Ендеше, жарысайық: екінші тоқсанда кімнің бестігі көп болса, жаңа жылдық шыршаның ең үлкен сыйлығы соған бұйырады!Мұрат пен Ерке күліп жіберді. Оларға кілең беспен оқитын Әлишамен жарысу қайда.– Енді, тым болмаса саған жетуге тырысып көрейік! «Болмасаң да ұқсап бақ» деген емес пе? – Мұрат уәде берді.Үйге бара салысымен білім беру жинағы жөнінде ата-анаммен сөйлесуім керек, – деп Ерке бүгінгі әңгіменің тоқетерін айтты.– Ал мен бұны әжеммен талқылап қойғанмын, – деді Мұрат. – Ол келісті. Әжем тіпті депозит ашуға ақша берді, – деді де бала сөреден тасбақа-қобдишаны алып көрсетті. Оның ішінде 10 мың теңгелік банкнот жатыр еді.Қаржы сөздігіБілім беру жинақтау салымы – оқу ақысын төлеуге арналған қаражатты жинақтау үшін ашылатын арнайы депозит.Қорған тасбақаның кеңестері&nbsp;Ойға алған дүниеңе жету үшін, мысалы, жақсы білім алу үшін нақты мақсат қою керек.Білім депозиті – мақсатқа жетудің бір құралы. Сен ақша жинай отырып, және де ата-анаңа есепшотты үнемі толықтырып отыруды еске салу арқылы университетте немесе колледжде оқуыңа қажетті қаражатты жинауға көмектесе аласың.Өз идеяңды жүзеге асыру үшін қажетсіз нәрселерден бас тартуды үйрен.Шығындарды қадағалап отыру өте маңызды, сонда сен қандай затты сатып алу қажет және ненің артық шығын екенін түсінесің.Күнделікті қанша ақша жұмсағаныңды және қанша жинағаныңды санауды ережеге айналдыр.Ешқашан шектен тыс үнемшіл болма, денсаулықтан, тамақтанудан және, әрине, білімнен үнемдеуге болмайды.Жұмыстың жаманы жоқ, бірақ қосымша ақша табатын жұмыстарың заңды және қауіпсіз, жасыңа сай болуы керек. Есіңде болсын, оқу – сенің жұмысың. Неғұрлым жақсы оқысаң, колледжде немесе университетте тегін білім алу мүмкіндігің соғұрлым жоғары. Сенің арманың міндетті түрде орындалады!<figure class="image"><img src="https://knadmin.beoblood.kz/uploads/fingramota_f28ae80687.jpg" alt="финграмота.jpg"></figure><figure class="image"><img src="https://knadmin.beoblood.kz/uploads/9page_0001_10_resized_edd71e9755cd5e651593a4e828d6b7be83ce3891_88427cd938.jpg" alt="9page-0001-10_resized_edd71e9755cd5e651593a4e828d6b7be83ce3891.jpg"></figure>&nbsp;<figure class="image"><img src="https://knadmin.beoblood.kz/uploads/8page_0001_7_resized_849c3d9247aac7c161434d46ab3c51329cddad5d_9d87bbbabe.jpg" alt="8page-0001-7_resized_849c3d9247aac7c161434d46ab3c51329cddad5d.jpg"></figure>&nbsp;<figure class="image"><img src="https://knadmin.beoblood.kz/uploads/student_boluga_bolady_4cd57c74a2.jpg" alt="_студент болуга болады.jpg"></figure>

Fingramota.kz балалар қаржы детективінің он бірінші шығарылымын ұсынады

<a href="https://kyzylorda-news.kz/">Kyzylorda-news.kz.</a> Салық органдары қызметкерлерінің негізгі міндеттерінің бірі – салық және басқа да төлемдердің мемлекет қоржынына түсуін, болжамдалған соманың орындалуын қамтамасыз ету болып табылады. Салықтардың бюджетке толық әрі уақтылы түсуін қамтамасыз ету – салық органдарының негізгі мақсаты.&nbsp;Осы орайда, 2022 жылдың 1 желтоқсанына Жалағаш ауданы бюджетінің жалпы түсімдерінің жоспары 12 млрд 784 млн 795,6 мың теңге болып жоспарланған. Ал орындалуына келсек, 12 млрд 863 млн 657,5 мың теңгені құрап отыр. Жоғарыдағы сандардан меженің 100,6 пайызға орындалғанын бағамдаймыз. Оның ішінде өз кірістерінің жоспары 1 млрд 704 млн 606,1 мың теңге болып белгіленген. Ал атқарылуына келсек, 1 млрд 706 млн 776,4 мың теңге болды. Яғни бұл жерде де меженің &nbsp;100,1 пайызға орындалғанын бағамдауға болады.Жоғарыда атап өткеніміздей, аудан бюджетінің түсімдері есепті кезеңге толығымен орындалған. Десе де ағымдағы жылдың 1 желтоқсанына «Саутс ойл» мұнай компаниясынан 4-кезең үшін &nbsp;есептелінген 80 млн 463 мың теңге мүлік салығы &nbsp;және 303103 «Азаматтарға пәтерлер сатудан түсетін түсімдер» &nbsp;коды бойынша 5 пәтер сатылмауына байланысты 32 млн 500 мың теңге жергілікті бюджетке түспеген болатын. Бүгінде «Саутс ойл» мұнай компаниясынан 4-кезең үшін &nbsp;есептелінген 80 млн 463 мың теңге мүлік салығы шешімін тауып отыр.&nbsp;Сондай-ақ кент, ауылдық округ әкімі аппараттары бойынша өз кірістерінің жылдық жоспары 167 млн 539 мың теңге болып межеленіпті, ал орындалуына келсек, 145 млн 222,8 мың теңгені құрап отыр. Яғни меженің жылдық орындалуы 86,7 пайызға жеткен. Бірақ әлі де жыл соңына дейін 22 млн 316,2 мың теңге түсім дербес бюджетке түсірілуі тиіс екен.&nbsp; Тарқатып айтар болсақ, Жалағаш кенті бойынша 24 564,9 мың теңгеге (82 пайыз), Ақсу ауылдық округі бойынша 221,6 мың теңгеге (82,8 пайыз), Жаңадария ауылдық округі бойынша 90,6 мың теңгеге (75,8 пайыз), &nbsp;Еңбек ауылдық округі бойынша 546,1 мың теңгеге (75,8 пайыз) және Жаңаталап ауылдық округі бойынша 208,8 мың теңгеге (84,5 пайыз) орындалмай отыр. Бұл ретте аудандағы қаржы саласының мамандары кірістер болжамының орындалмауы шығыстар бөлігінің шығыны жабылмай, кредиторлық берешектердің пайда болуына әкелетінін айтады.2022 жылдың 1 желтоқсанына шығыстар жоспары 13 млрд 003 млн 189,2 мың теңге болып белгіленген болатын. Ал оның орындалуына көз жүгіртсек, 12 млрд 944 мың 728,6 мың теңгені құрап отыр. Яғни меже 99,6 пайызға орындалған. 58 млн 460,6 мың теңге әлі де игерілмей отыр екен.Аудандағы қаржы саласы мамандарының жасаған талдауына көз жүгіртсек, республикалық бюджеттен игерілмеген қаражат көлемі 17 478,1 мың теңгеге жеткен. Яғни 98,9 пайызды құрайды. Оның ішінде Жалағаш кентіндегі «Ақтерек» учаскесінен су ұңғымалары және су жинау-тарату кешенінің құрылысынан 1 124,0 мың теңге мемлекеттік сатып алу бойынша үнемделіпті. Сондай-ақ аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінен 16 101,2 мың теңге, оның ішінде 6 424,8 мың теңгесі жастарға берілетін гранттардан және 8 805,0 мың теңгесі жастар тәжірибиесінен үнемделген.Мұнан бөлек барлық бағдарлама әкімшілерінен 252,9 мың теңге азаматтық қызметшілердің жекелеген санаттарының, мемлекеттік бюджет қаражаты есебінен ұсталатын ұйымдар қызметкерлерінің қазыналық кәсіпорындар қызметкерлерінің жалақысынан үнемделген.Қазақстан республикасы Ұлттық қорынан игерілмегені 33 389,3 мың теңгеге жеткен. Яғни &nbsp;98,3 пайызды құрап отыр. Оның ішінде 12 124,0 мың теңге Аққұм және Мәдениет елді мекендеріндегі тұтынушыларға су тарату желісінің құрылысынан мемлекеттік сатып алу бойынша үнемделген. 16 265,3 мың теңге, оның ішінде 8 267,7 мың теңге мемлекеттік сатып алудан үнемделген екен. Мұнан бөлек 7 997,6 мың теңге Мөрәлі Шәменов ауылының 9 көшесін, яғни Мәмбет әулие, Н.Пірімов, М.Қалжанов, Абай, Есжан, Есжан 1, Абылайхан, Бұқарбай батыр, Ә.Тәшімбетов көшелеріне орташа жөндеуден жұмыс көлемі болмауынан игерілмепті. Мырзабай ахун ауылында да дәл солай, яғни ауылдық округтегі 2 көшені, Колхоз және Мәдениет көшелеріне жүргізілген күрделі жөндеуден 5 000,0 мың теңге 5 пайыздық төлемі бар. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Облыстық бюджеттен игерілмеген қаражат көлемі 1 500,0 мың теңге немесе 99,8 пайызды құрап отыр. Оның ішінде 1 355,6 мың теңге Жалағаш кентіндегі Еңбек Ері Несіпбай Апрезов көшесін орташа жөндеуден мемлекеттік сатып алу бойынша үнемделген. Барлық бағдарлама әкімшілерінен 144,7 мың теңге жалақы қорынан нақты төлемдерден үнемделген.Аудандық қаржы бөлімінің мамандары жергілікті бюджеттің 6 092,9 мың теңгеге атқарылмағанын айтады. Оның ішінде Ақсу ауылдық округі әкімінің аппаратынан 321,9 мың теңге тауарлардың жеткізілмеуінен атқарылмапты. Қаракеткен ауылдық округі мен Таң ауылдық округіндегі жағдай да осылай, түбін түртсең, себеп ортақ. Мәселен, Қаракеткен ауылдық округі әкімінің аппаратынан 325,5 мың теңге тауарлардың жеткізілмеуінен атқарылмаса, Таң ауылдық округі әкімінің аппаратынан 466,1 мың теңге де тауарлардың жеткізілмеуінен атқарылмапты.Ал Жаңаталап ауылдық округі әкімінің аппаратынан 845,9 мың теңге оның ішінде 376,2 мың теңге «Елді мекендерді абаттандыру мен көгалдандыру» бағдарламасына мемлекеттік сатып алу бойынша жеңімпаздың анықталмауынан және 380,8 мың теңге өзге де қызметтер мен жұмыстарға ақы төлеу ерекшелігінен, тауарлардың жеткізілмеуінен орындалмапты. Аққұм ауылдық округі әкімінің аппаратынан 687,0 мың теңге, оның ішінде 324,7 мың теңге тауарлардың жеткізілмеуінен, ал 362,3 мың теңге еңбекақы төлеуден және мемлекеттiк әлеуметтiк сақтандыру қорына әлеуметтiк аударымдарының ерекшелігінен жоспардың айларға дұрыс бөлінбеуінен болып отыр.Барлық бағдарлама әкімшілерінен 3 446,5 мың теңге ағымдағы шығындардан үнемделген. Ал 2023 жылдың 1 қаңтарына аудан бюджетінің болжамды атқарылуы 99,4 пайыз немесе 90 929,8 мың теңге атқарылмайды деп болжануда. Бұған қатысты аудандағы қаржы саласы мамандарының жасаған талдауына көз жүгіртсек, Қазақстан республикасы Ұлттық қорынан игерілмейтіні 42 373,0 мың теңге екен. Оның ішінде 22 373,0 мың теңге «Самара-Шымкент-Еңбек-Есет батыр-Жаңадария» автомобиль жолын орташа жөндеуден жұмыс көлемі болмауынан атқарылмайды екен. Ал 20 000,0 мың теңге Жалағаш ауданы Мөрәлі Шәменов ауылы Бұқарбай батыр көшесі №6 үй мекен-жайындағы мәдениет үйін күрделі жөндеуден жұмысы аяқталмауынан орындалмайды.Республикалық бюджеттен 15 000,0 мың теңге және облыстық бюджеттен 29 197,6 мың теңге Жалағаш ауданы Жалағаш кентінде дене шынықтыру-сауықтыру кешенінің құрылысынан жұмыс көлемі болмауынан атқарылмайтын көрінеді. Ал аудандық бюджеттен 1 353,0 мың теңге жергілікті атқарушы органның резервінен үнемделеді екен. &nbsp;<img src="https://knadmin.beoblood.kz/uploads/bjudzhettik_ba_darlamalar_8203e76b3f.jpg" alt="bjudzhettik-ba-darlamalar.jpg">

Жалағаш ауданы бюджетінің жалпы түсімдерінің жоспары 100 пайызға орындалған

<a href="https://kyzylorda-news.kz/">Kyzylorda-news.kz.</a> Қармақшы ауылы маңындағы сегіз көл-көлшік – Қызылтам мен Қармақшы ауылы және Жосалы кенті тұрғындары үшін шабындыққа жайлы, мал жайылымына қолайлы мекен. Солардың қатарындағы «Қожатай» бөгеті осы үш елді мекендегі ел-жұрттың тыныстіршілігінде орасан рөл атқарады.Бірақ, көптен бері осы «Қожатай» бөгеті туралы шешімін таппай жүрген мәселе де ел арасында айтылып келеді. Осы ретте, Жосалы кенті, Қармақшы ауылы және Қызылтам елді мекені аумағында орналасқан «Жұмағұл» каналы бойымен мал жайылымы шабындықтарын қамтып тұрған «Қожатай» бөгетін қайта қалпына келтіруді аудан әкімі Әділбек Бөрібайұлы тікелей басшылыққа алып, облыстық «Қазсушар» РМК Қызылорда филиалына ұсыныс жасаған болатын. Аталмыш филиалдың Ерболат Бодыбаев басшылық ететін аудандық бөлімшесі қызметкерлері мен ауыл тұрғындарының бірлесе жұмыс істеуінің арқасында «Қожатай» учаскесіндегі уақытша су тоспа құрылысының бөгеті қайта қалпына келтірілді.&nbsp;Көптен бері өңір тұрғындары үшін шешімін таппай келе жатқан Қармақшы, Қызылтам ауылдары шабындығын, жайылымын қамтып, Қараөзек бойында орналасқан «Қожатай» бөгетін бөгеуге атсалысқан барша азаматқа жоғарыда аталған елді мекендер тұрғындары ризашылығын білдіріп, алғыстарын айтуда. &nbsp;<img src="https://knadmin.beoblood.kz/uploads/c5543f1f4ab2432dbdeb3c1b0ffe00be_XL_6c1746e411.jpg" alt="c5543f1f4ab2432dbdeb3c1b0ffe00be_XL.jpg">

«Қожатай» бөгеті қалпына келтірілді

<a href="https://kyzylorda-news.kz/">Kyzylorda-news.kz.</a>&nbsp; ҚР Президенті Қасым-Жомарт Тоқаев Үкіметтің кеңейтілген отырысын бастады, деп хабарлайды <a href="https://www.inform.kz/kz/ministrler-men-akimderdin-zhumysy-esep-kisappen-emes-nakty-natizhemen-olshenui-kerek-prezident_a4012124">ҚазАқпарат</a>.<blockquote>«Бүгін еліміздің биылғы әлеуметтік-экономикалық даму көрсеткіштеріне тоқталамыз. Алда тұрған басты міндеттерді айқындаймыз. Қордаланған мәселелер аз емес.</blockquote><blockquote>11 айда экономиканың өсімі 4,6 пайыздан 2,7 пайызға дейін төмендеді. Инфляция соңғы 14 жылда болмаған деңгейге жетті. Қазір бұл көрсеткіш – 19,6 пайыз. Мұндай ахуал жұрттың табысына және әл-ауқатына кері әсерін тигізіп отыр», - деді Қасым-Жомарт Тоқаев.</blockquote>Сондай-ақ, Президент сайлау алдындағы бағдарламаны іске асырудың жоспары қалай іске асуы керектігіне тоқталды.<blockquote>«Сайлау алдындағы бағдарламаны жүзеге асыру үшін арнайы жоспар қабылданды. Барлық іс-шара уақытылы және толық орындалуы керек. Әрбір министрдің, әкімнің жұмысы статистикамен, есеп-қисаппен емес, нақты нәтижемен өлшенетін болады», - деді Мемлекет басшысы.</blockquote>Айта кетейік, бүгін Мемлекет басшысы Қасым-Жомарт Тоқаевтың төрағалығымен Үкіметтің <a href="https://www.inform.kz/kz/prezidenttin-toragalygymen-ukimettin-keneytilgen-otyrysy-otedi_a4012069">кеңейтілген отырысы </a>өтіп жатыр.Жиын барысында еліміздің биылғы әлеуметтік-экономикалық дамуының негізгі көрсеткіштері туралы есеп беріледі және Үкіметтің 2023 жылға арналған жұмыс жоспары қарастырылады деп жоспарланып отыр.

Министрлер мен әкімдердің жұмысы есеп-қисаппен емес, нақты нәтижемен өлшенуі керек - Президент

<a href="https://kyzylorda-news.kz/">Kyzylorda-news.kz.</a> Қызылорда облысында «Әйелдерге қарсы зорлық-зомбылықсыз 16 күн» акциясы өтті. Аталған акция аясында пробация есебіндегі азаматтар да мекенжайынан тексерілді. Бұл туралы Қызылорда облысы бойынша Қылмыстық-атқару жүйесі департаментінің баспасөз қызметі хабарлады.Биылғы жылдың 25 қараша-10 желтоқсан аралығында «Әйелдерге қарсы зорлық-зомбылық 16 күн» акциясы өтіп жатыр.&nbsp; Іс-шараның басты мақсаты – тұрмыстық зорлық-зомбылықтың алдын алу және жолын кесу, отбасының қоғамдағы рөлін нығайту болып табылады.&nbsp;Аталған акцияның өтуіне орай, Қармақшы аудандық полиция бөлімінің &nbsp;жергілікті полиция қызметі бөлімінің Әйелдерді &nbsp;зорлық-зомбылықтан қорғау тобының инспекторы полиция капитаны А.Қасымова аудандық пробация қызметкерлерімен бірге есептегі сотталғандардың мекенжайларынан тексерді. Тексеру барысында инспектор &nbsp;жаза тәртіп ережелерін бұзған бас бостандығынан айырылғандарға да тәртіптің шара көрілетіндігін ескертті.Сондай-ақ мамандар зорлық-зомбылықтың құрбаны болған жағдайда шұғыл түрде «102» телефон нөміріне &nbsp;хабарласып, жазбаша арызбен &nbsp;де жүгіне алатындықтарын жеткізді.<figure class="image"><img src="https://knadmin.beoblood.kz/uploads/Bez_nazvaniya_69b692395e.jpg" alt="Без названия.jpg"></figure>

Қызылорда облысында пробация есебіндегілер тексерілді

<a href="https://kyzylorda-news.kz/">Kyzylorda-news.kz.</a> Биылғы жыл Қызылорда облыстық психикалық денсаулық орталығы үшін толайым табыстарға толы болды. Жағымды жаңалықтардың бірі - емдеу мекемесі бас ғимаратына күрделі жөндеу жұмыстарын жүргізу жөнінде шешім қабылданды. Қырық жылдан астам уақыт жөндеу көрмеген нысан толықтай жаңаланатын болады. Бұл жұмыстарға жергілікті бюджеттен 1 млрд. 300 млн. теңге бөлінді. Қазіргі уақытта мердігер мекемені анықтау үшін конкурс жарияланды.Өткен жылы емдеу мекемесіне қарасты наркологиялық стационар Баймұрат батыр елді-мекеніне көшірілген болатын. Осы жағдайдан кейін бірқатар күрмеулі мәселелер туындап, дереу шешім табуды қажет етті.&nbsp;Ең бірінші кезекте емдеу мекемесі қызметкерлерінің жұмысқа қатынауы қиындық тудырды. Облыс орталығынан 10 шақырым жерде орналасқан орталыққа мамандар өз қалталарынан автобус жалдауға мәжбүр болды. Бұл мәселені орталық әкімшілігі тиісті органдарға жеткізіп, нәтижесінде стационардың теңгеріміне үлкен сыйымдылықтағы қызметтік көлік бүгінде бағытқа қосылды.<blockquote>«Осыдан біршама уақыт бұрын облыс әкімінің қатысуымен өткен салтанатты шарада орталыққа автобус пен арнайы техника табысталған болатын. Оның ішінде қызметкерлерді тасымалдауға арналған көлік заңдастырылып, мемлекеттік нөмірі алынды. Ережеге сай белгілері орнатылды. Енді мамандарымыз автокөліктің игілігін көріп, жұмысқа тегін қатынайтын болыд», - деді облыстық психикалық денсаулық орталығының заңгері Абылай Пазылханов.</blockquote>Көпшілікті толғандырған өзекті мәселелердің тағы бірі – Баймұрат батыр елді мекеніндегі ғимарат орталықтандырылған кәріз жүйесіне қосылмаған. Бұл мәселе біршама қиындықтар туындырған еді. Міне, ақжолтай жаңалық! Арнайы көлік те орталыққа пайдалануға беріліп, күрмеулі тақырып шешімін тапты.Наркологиялық стационар орналасқан ғимарат күрделі жөндеуден өткен. Құрылыс жұмыстары жоғары деңгейде жүргізілген. Дегенмен, науқастардың сапалы ем алуы үшін төсек орны тапшылық етіп отыр. Бұл мәселе де алдағы уақытта шешімін таппақ. Облыс әкімдігі мен облыстық денсаулық сақтау басқармасы стационар жанынан қосымша ғимарат салуға қолдау білдіріп отыр. Келесі жылдың ақпан айында жаңа нысанның жобалық-сметалық құжаттары әзірленіп, мемлекеттік сараптама тағайындалмақ.<figure class="image"><img src="https://knadmin.beoblood.kz/uploads/25f4f0e1_6b7e_41b3_a3b9_13f81a1280a6_fc28912fa7.jpg" alt="25f4f0e1-6b7e-41b3-a3b9-13f81a1280a6.jpg"></figure><figure class="image"><img src="https://knadmin.beoblood.kz/uploads/8ff0715d_b9af_4ae4_bb70_5f3b01a35c18_6cc1e6fe1f.jpg" alt="8ff0715d-b9af-4ae4-bb70-5f3b01a35c18.jpg"></figure><figure class="image"><img src="https://knadmin.beoblood.kz/uploads/66e34658_b781_4463_aea1_18582a56af8e_fd3e49adc2.jpg" alt="66e34658-b781-4463-aea1-18582a56af8e.jpg"></figure>

2022 жыл: Қызылорда облыстық психикалық денсаулық орталығына табысты жыл болды

<a href="https://kyzylorda-news.kz/">Kyzylorda-news.kz.</a> Дүниежүзіндегі шығармашыл қазақ жасөспірімдері арасында өткен «Менің тұлғам» атты І халықаралық шығарма байқауы өз мәресіне жетіп, жеңімпаздар анықталды. Бір ай ішінде info@kazunite.com электронды поштасына Қазақстанның барлық өңірінен және АҚШ, Түркия, Моңғолия сынды елдерден 100-ден аса материал келіп түсті.Қазақстан Республикасы Қызылорда облысы Қармақшы ауданындағы №105 А.Жанпейісов атындағы мектеп-лицейінің 9-сынып оқушысы Ділназ Алмасбекова мен Қазақстан Республикасы Ақмола облысы Қосшы қаласындағы №3 ІТ лицей-мектебінің 11-сынып оқушысы Елназ Абилхасова жеңіс тұғырынан көрініп, І орынға ие болды.ІІ орынды Түркістан қаласындағы №28 мектеп-лицейінің 11-сынып оқушысы Еңлік Қалдархан, Астана қаласындағы физика-математика бағытындағы Назарбаев Зияткерлік мектебінің 10-сынып оқушысы Нарбек Мұхатбек, АҚШ-тың Нью-Йорк қаласынан Ақерке Башир, Моңғолияның Баян-Өлгей аймағынан Мұқият Жандәулетұлы еншіледі. Ал ІІІ орынға Шымкент қаласынан 8-сынып оқушысы Азамат Тасболатов, Жамбыл облысы Шу ауданы Балуан Шолақ ауылындағы Мәлік Ғабдуллин атындағы орта мектептің 10-сынып оқушысы Балауса Қожагелді, Алматы облысы Қарасай ауданы Каскелең қаласындағы Қ.Сәтбаев атындағы орта мектебінің 8-сынып оқушысы Ерке Загиялова, Абай облысы Бородулиха ауданы Дмитриевка ауылынан Рахым Мәлікұлы, Астана қаласынан Жалын Нұрхатұлы және Физика-математика бағытындағы Назарбаев зияткерлік мектебінің 10-сынып оқушысы Камила Асқарова ие болды.Сонымен қатар Түркияның Мугла қаласынан Дариға Каженова, Моңғолия елінен Күннұр Дәулетбайқызы және Қазақстанның бірқатар өңірлерінен қатысқан Алан Негманов, Әнел Мұрат, Жанерке Орынғазина, Зарина Керімбекова, Мәдина Мұратова, Нұрғазиза Берікқызы, Дана Толыбай, Шолпан Мұхаметнұр, Әдия Төлепберген ынталандыру сыйлықтарымен марапатталды.Айта кетсек, дүниежүзі қазақ жасөспірімдері арасында өткен І халықаралық шығарма байқауында тарих ғылымдарының докторы, АҚШ-тың Гарвард университетінде зерттеуші ғалым Нұрлан Кенжеахмет, журналист, ҚР Парламенті Сенатының депутаты Дана Нұржігіт, &nbsp;ахметтанушы, Ахмет Байтұрсынұлы мемориалды музей-үйінің жетекшісі, Әл-Фараби атындағы ҚазҰУ доценті Райхан Имаханбет, &nbsp;Ауған соғысының ардагері, «Астана ақшамы» газеті бас редакторының орынбасары Ғалым Қожабеков және Моңғолия мемлекетінен Барс Ауқатұлы сынды тұлғалар қазылық етті.«Жүзден жүйрік танылған жеңімпаздарды және жүлдегерлерді шын жүректен құттықтаймын. Болашақтары жарқын болсын деп тіледім. Мағжан Жүмабаевша айтсақ, жалынды жастарға деген сеніміміз зор», – деді байқау ұйымдастырушысы, АҚШ-тағы «Біріккен Алаш» қорының президенті Ұланбатыр Бақытханұлы. &nbsp;<figure class="image"><img src="https://knadmin.beoblood.kz/uploads/5898a6a5e64c46ff059a4a3a1b78912b_33ce023937.jpg" alt="5898a6a5e64c46ff059a4a3a1b78912b.jpg"></figure>

Қармақшылық оқушы «Менің тұлғам» атты халықаралық байқауда жеңімпаз атанды

<a href="https://kyzylorda-news.kz/">Kyzylorda-news.kz.</a> Биылғы жылдың 4 желтоқсанында елордасы Астана қаласында «Worldskills Kazakhstan 2022» VII республикалық кәсіби шеберлік чемпионаты жалауын көтерген еді.&nbsp;6 желтоқсан күні Астана қаласында «WorldSkills Kazakhstan 2022» кәсіби шеберліктің VII республикалық чемпионатының ашылу салтанаты өткен дүбірлі додаға еліміздің барлық өңірлерінен 500-ден астам жас маман, WorldSkills өңірлік турларының жеңімпаздары 30 ресми құзырет бойынша сайысқа түсті. Олардың қатарында М.Мәметова атындағы Қызылорда педагогикалық жоғары колледжінен «Мектепке дейінгі тәрбие» құзіреттілігі бойынша Сәуле Нұрымбетова мен «Кіші сыныптарда оқыту» құзіреттілігі бойынша Аружан Сьездқызы бар.&nbsp;Заман талабына сай кадр даярлаудың орнықты үлгісін қалыптастыруды, адами капиталды дамыту және бизнес пен кәсіптік білім беруді мақсат еткен Халықаралық «WorldSkills» чемпионатының республикалық кезеңінде колледждің студенті Аружан Съездқызы оқ бойы озық шығып, Сыр білімінің жетістік қоржынына «Алтын жүлде» салды. Ал, «Мектепке дейінгі тәрбие» құзіреттілігі бойынша бақ сынаған Сәуле Нұрымбетова байқау қорытындысына сәйкес «Үздік маман» номинациясын иеленді.<blockquote>«Сырдың үмітін арқалап, елдік додада үздіктер қатарынан табылған колледжіміздің қос шәкіртінің жеңісі құтты болсын, жерлестер! Ізденушісі санасына бағдарлы білім мен кәсіби мүмкіндіктерді сіңіру жолында биік белестерді бағындырып келе жатқан колледж ұжымы мен шәкірттер жетістігі молая бергей», - деп тілектестік білдірді колледж ұжымы.</blockquote>Айта кетейік, «WORLDSKILLS-2022»​ техникалық және кәсіптік білім беру ұйымдарының студенттері арасындағы республикалық чемпионатқа Сыр өңірінен 16 құзыреттілік бойынша 17 қатысушы бақ сынап, нәтижесінде алғаш рет 2 алтын,​ 1 күміс, 1 қола​ медалімен және 7 қатысушымыз медальонмен марапатталды.Конкурс қорытындысы бойынша нәтиже төмендегідей:​ ​ ​&nbsp;​1. М. Мәметова атындағы Қызылорда педагогикалық жоғары колледжінен қатысушы Съездқызы Аружан &nbsp;«бастауыш білім беру» құзыреттілігінен 1-орын (Алтын медаль);2. Жаңақорған аграрлы-техникалық колледжінен қатысушы Матен Нұрдәулет &nbsp;«Кірпіш қалау» құзыртілігінен 1-орын (Алтын медаль);3. Абылай хан атындағы жоғары колледжінен қатысушы Амангелдиев Алматбек &nbsp;«құрғақ құрылыс және сылақ жұмыстары» құзыреттілігінен 2-орын (Күміс медаль);Қазалы аграрлы-техникалық колледжінен қатысушы Ақжол Рамазан &nbsp;«Жеңіл автомобильдерді жөндеу және пайдалану» құзыреттілігінен-3 орын (Қола медаль);Сонымен қатар,​ «Үздік маман» номинациясы бойынша И. Әбдікәрімов атындағы Қызылорда аграрлы-техникалық жоғары колледжінің қатысушысы Жақсылық Айбол​ «Инженерлік графика cad» құзыреттілігі бойынша;Абылай хан атындағы жоғары колледжінің қатысушысы Пак Анастасия «Шаштараз» құзыреттілігі бойынша;Абылай хан атындағы жоғары колледжінің қатысушысы Рашит Айнаш «Сән технологиясы» құзыреттілігі бойынша;Қазалы аграрлы-техникалық колледжінің қатысушысы Мырзағұлов Дамир &nbsp;«Дәнекерлеу технологиясы» құзыреттілігі бойынша;Қазалы аграрлы техникалық колледжінің қатысушысы Үйрекбай Аида «Графикалық дизайн» құзыреттілігі бойынша;Текей батыр Қарпықұлы атындағы жоғары колледжінің қатысушысы Аманбай​ Диас «Сантехника және жылыту» құзыреттілігі бойынша;М. Мәметова атындағы Қызылорда педагогикалық жоғары колледжінің қатысушысы Нұрымбетова Сәуле «Мектепке дейінгі білім" құзыреттілігі бойынша медальонмен марапатталды.«Worldskills» - әлемде жұмысшы мамандықтарының мәртебесін көтеруге, білікті мамандарды даярлауға бағыттайтын бірегей жоба.&nbsp;<figure class="image"><img src="https://knadmin.beoblood.kz/uploads/318638213_1338027047006728_2855030476084162278_n_fea01ad02d.jpg" alt="318638213_1338027047006728_2855030476084162278_n.jpg"></figure>

«WorldSkills Kazakhstan 2022»: Қызылордалық жас мамандар жеңіс төрінде 

<a href="https://kyzylorda-news.kz/">Kyzylorda-news.kz.</a> Жүктелген функцияларға сәйкес Қазақстан Республикасы Бәсекелестікті қорғау және дамыту агенттігінің Қызылорда облысы бойынша департаменті белгілі бір тауар нарықтарына талдау жүргізе отырып, тауар нарықтарының жай-күйін, ондағы бәсекелестік деңгейін тұрақты негізде зерделейді.Тауар нарықтарына талдаулар Қазақстан Республикасы Кәсіпкерлік кодексінің 196-бабының және Қазақстан Республикасы Бәсекелестікті қорғау және дамыту агенттігі Төрағасының 2022 жылғы 3 мамырдағы №13 бұйрығымен бекітілген тауар нарықтарындағы бәсекелестіктің жай-күйіне талдау жүргізу жөніндегі әдістеменің негізінде жүргізіледі.Мәселен, департамент биылғы жылдың 11 айының қорытындысы бойынша отын-энергетика кешені, азық-түлік тауарлары, денсаулық сақтау және өзге де нарықтар саласындағы белгілі бір географиялық шекаралар бөлінісінде тауар нарықтарына 46 талдау жүргізді. Талдау мақсаттары нарықтағы бәсекелестік ортаның жай-күйін бағалау, үстем немесе монополиялық жағдайға ие нарық субъектілерін анықтау, тауар нарығына кіру кедергілерін анықтау, сондай-ақ тауар нарықтарындағы бәсекелестікті қорғау саласындағы заңнаманы бұзу белгілерін анықтау.Талдау барысында талданған 35 нарықта бәсекелестік дамымағаны, тек талданған 3 нарықта бәсекелестік жеткілікті дамығаны анықталды, яғни, бәсекелестік дамыған нарықтар - бұл газбен жабдықтау саласындағы құрылыс-монтаж жұмыстары, бастапқы тұрғын үйді сату, автомобиль жолдарын орташа жөндеу саласындағы нарықтар.Бұл ретте, жоғары білім беру қызметтері, домофон жүйелерін орнату және оларға қызмет көрсету, коммуналдық есепке алу аспаптарын орнату, таксиді диспетчерлеу қызметтері, жанар-жағармай материалдарын, сұйытылған мұнай газын көтерме және бөлшек саудада өткізу қызметтері, электр энергиясын бөлшек саудада өткізу, ақ-қантты, тұзды, жұмыртқаны,тауық етін,қайта өңделген сүтті көтерме саудада өткізу, көмірді бөлшек саудада өткізу, вагондарды жөндеу, пренаталды скрининг қызметтері және басқа да дамымаған нарықтар бәсекелестікті күшейтуді талап етеді.Мысалы, жанар-жағармай материалдарын және сұйытылған газды бөлшек саудада өткізу нарығында бәсекелестікті дамыту үшін авто жанармай және автогаз құю станциялар санын ұлғайту, сондай-ақ осындай авто жанармай және автогаз құю станциялар ашу үшін келісім алу рәсімдерін оңайлату қажет деп санаймыз.Сондай-ақ, белгілі бір тауар нарығының бәсекелестігін дамыту үшін және кәсіпкерлікті қолдау мақсатында шағын және микрокәсіпкерлік субъектілеріне субсидия немесе ең төмен пайыздық мөлшерлемемен кредиттер беруді ұлғайту қажет деп санаймыз. Бұл кәсіпкерге белгілі бір нарықта бәсекелес болуға және өз бизнесін дамытуға көмектеседі.Сонымен қатар, жүргізілген талдаулардың нәтижелері бойынша жаңа компаниялардың нарыққа "кіруіне" кедергілер анықталды. Бұл бағаны мемлекеттік реттеу, таратушы желілердің дамымауы және белгілі бір нарықта әрекет ететін субъектілердің үлестес болуы, нормативтік құқықтық актілерде бекітілген шектеулер және басқа да кедергілер. Осы кедергілер бәсекелестікке теріс әсер етеді. Бәсекелестікті дамыту-бұл барлық мемлекеттік органдар шешуге жауапты болатын кешенді міндет.Осыған байланысты, өз қызметін жүргізу барысында мемлекеттің әрбір органының міндеттерінің бірі субсидия, гранттар, несиелер, лизингтер беру, сондай-ақ кеңес отырыстарын өткізумен нарықтағы кедергілерді анықтау және оларды жою жөніндегі жұмыстарды жүргізу арқылы белгілі бір нарықта бәсекелестікті дамыту болып табылады.<figure class="image"><img src="https://knadmin.beoblood.kz/uploads/tauar1_1249a271f1.jpg" alt="тауар1.jpg"></figure>

Қызылордада тауар нарықтарына талдау жасалды

<a href="https://kyzylorda-news.kz/">Kyzylorda-news.kz.</a> 12 желтоқсанда ауа райының бұзылуына байланысты бірнеше өңірде ескерту жарияланды, деп хабарлайды Қазгидпрмет.Атап айтқанда, Павлодар облысының солтүстігінде жаяу бұрқасын күтіледі. Оңтүстік-батыстан жел соғып, өңірдің солтүстігінде күші 15-20 м/с артады.Шығыс Қазақстан облысының солтүстігінде, шығысы мен орталығында жаяу бұрқасын болжанады.Ақмола облысының солтүстігі мен шығысында жаяу бұрқасын күтіледі. Оңтүстік-батыстан жел соғып, өңірдің солтүстігінде, шығысында екпіні 15-20 м/с артады.Таңертең және күндіз Қызылорда облысының орталығында жел солтүстік-шығыстан соғады, күші 15-20 м/с құрайды.Күндіз Солтүстік Қазақстан облысының солтүстігінде, солтүстік-шығысында жаяу бұрқасын күтіледі. Оңтүстік-батыстан жел соғып, түнде батысында, күндіз облыстың басым бөлігінде екпіні 15-20 м/с жетеді.12-13 желтоқсанда Жамбыл облысының оңтүстігінде, таулы аудандарында тұманды болады. Солтүстік-шығыстан жел соғып, өңірдің шығысы мен таулы аудандарында екпіні 25 м/с жетуі ықтимал.

12 желтоқсанға арналған ауа райы болжамы

Kyzylorda-news.kz. Қызылорда облысында 2022 жылғы 10 айдағы әлеуметтік-экономикалық дамуды сипаттайтын бірқатар макрокөрсеткіште өсім қалыптасты. Ауыл шаруашылығының жалпы өнім көлемі 0,1%-ға (163,0 млрд теңге), инвестициялар тарту 25%-ға (290,9 млрд теңге), пайдалануға берілген тұрғын үйлер көлемі 5,5%-ға (556,4 мың шаршы метр), құрылыс жұмыстарының көлемі 22,9%-ға (98,6 млрд теңге) және сауда көлемі 2,3%-ға (495 млрд теңге) артты. Нәтижесінде Қызылорда облысы республика өңірлері арасында үздік бестік қатарына кірді (Қостанай, Ақмола, Жамбыл, ШҚО облыстарынан кейін).Өнеркәсіп өндірісінде көрсеткіш 1,3%-ға төмендеді (854,2 млрд теңге). Бұл негізінен мұнай кен орындарының суалуы, тозуы салдарынан мұнай өндіру көлемінің 7,8%-ға (207 мың тоннаға азайған) төмендеуінен болып отыр.Экономикалық даму деңгейін сипаттайтын көрсеткіштер: жалпы өңірлік өнім көлемі 2022 жылдың І жартыжылдығында 1 009,1 млрд теңгеге жетіп, өсім 1,2%-ды құрады. Ал жан басына шаққандағы жалпы өңірлік өнім көлемі 1 222 мың теңгені құрады.Әлеуметтік-экономикалық даму жолында қабылданған шараларӨңірлік экономика құрылымын әртараптандыру, шикізаттық емес секторды (өңдеу саласы) дамыту шаралары жалғасып жатыр. Индустрияландыру бағдарламасы аясында облыс орталығында шыны зауыты іске қосылып, өнім өндіріліп жатыр. Биыл 40 мың тонна шыны шығару жоспарда бар. Алдағы міндет – өңір экономикасының өсуіне серпін беретін бұл өндірістің жобалық қуаттылыққа шығуын қамтамасыз ету (жылына 197 мың тонна).Шыны өндірісіне қажетті компонент – «кальциленген сода» өндіретін зауыт құрылысын салу мәселесін «Самұрық-Қазына Инвест» АҚ қарастырып жатыр.Өңдеу саласындағы ірі кәсіпорын «Аралтұз» компаниясы жаңа 3 испан цехын қосып, еңбек өнімділігін екі есе арттырды.Тау-кен және металлургия өнеркәсібінде «Шалқия» қорғасын-мырыш және «Баласауысқандық» ванадий кен орындарын игеру жобалары өңір экономикасының дамуына ықпал етпек.Жалпы Индустрияландыру аясында өңірде жалпы құны 613,1 млрд теңге болатын 37 жобаны жүзеге асыру көзделіп отыр. Оның биыл құны 4 млрд теңгені құрайтын 5 жобасы іске қосылады. Ауыл шаруашылығы саласында дәстүрлі күріш дақылын өсірумен қатар, ылғалды аз қажет ететін дақылдар егістігін арттыру жұмыстары жүргізілетін болады. Сондай-ақ мал шаруашылығына жем-шөп қорын қалыптастыру үшін мал азықтық дақылдар (жоңышқа, сүрлем, жемдік асқабақ) егістігін ұлғайту жұмыстары жүргізіледі.Инфрақұрылым, оның ішінде әлеуметтік инфрақұрылым жаңғыртылып жатыр. Тұрғын үй құрылысы белсенді жүргізілуде. Коммуналдық шаруашылығы мәселелері кезең-кезеңмен шешілуде. Бүгінде өңір халқының 98%-ы таза ауыз су пайдалануда. 2023 жылы сумен қамтамасыз етудің 11 жобасын республикалық және облыстық бюджеттен жүзеге асырып, халықты ауыз сумен қамту деңгейін 99%-ға жеткізу жоспарланып отыр. Халықтың 67%-ы табиғи газ тұтынуда, бұл 4 қала, 19 ауылдық елді мекен. Жылдың аяғына дейін тағы 5 ауылдық елді мекен газға қосылады. Келер жылы 7 ауылдық елді мекен көгілдір газға қосылатын болады (халықтың 72%-ы). Үздіксіз жылумен қамтамасыз ету үшін жаңа орталығының құрылысын салу мәселесі қарастырылып, ол «Акса энерджи» түрік компаниясының қаржысы есебінен жүзеге асырылмақ. Құны 215 млрд теңгені құрайтын нысанның құрылысы 3 жыл жүргізіледі.Әлеуметтік салада апаттық жағдайдағы, үш ауысыммен оқытатын мектептердің проблемалары кезең-кезеңмен шешіліп жатыр. 3-пен 6 жастағы балалар мектепке дейінгі тәрбиемен 100% қамтылған. Оған қоса, облыстағы балабақшалардың 73%-ы мемлекеттік-жекешелік әріптестік негізінде жұмыс жасайды.Халыққа медициналық қызмет көрсетудің сапасын арттыру бойынша жұмыстар жүріп жатыр. Бүгінде жалпы өлім-жітім көрсеткіші өткен жылмен салыстырғанда 24%-ға, жүрек қан тамыр ауруларынан болатын өлім жітім 17,7%-ға, туберкулезден болатын өлім-жітім көрсеткіші 20%-ға, қатерлі ісіктерден болатын өлім жітім 9,4%-ға төмендеп отыр.Облыстағы өңдеу өнеркәсібінің дамуы&nbsp;2022 жылғы 16 қарашада ҚР Премьер-Министрі Әлихан Смайыловтың төрағалығымен өткен Үкімет отырысында Қазақстанның биылғы 10 айындағы әлеуметтік-экономикалық даму қорытындылары қаралды. Аталған кезеңде республикада ЖІӨ өсу қарқыны 2,5%-ды құраған, сондай-ақ Қызылорда облысы өңірлер арасында инвестициялардың өсу қарқыны бойынша бірінші орында тұр, өйткені өңірдегі көрсеткіштің өсуі 25%-ды құрады.Құрылыс-монтаждау жұмыстарының көлемі бойынша – Қызылорда облысы алдыңғы қатарда. Есепті кезеңде Арал өңіріндегі құрылыс-монтаждау жұмыстарының көлемі 22,9%-ға артқан. Барлық негізгі макро көрсеткіштер бойынша Қызылорда облысы өсім байқалған бестікке кірген. Бұл ретте орнықты даму қарқынын ұстап тұру үшін экономиканы одан әрі әртараптандыру, инвестициялар тарту және тұрақты жұмыс орындарын құру жөніндегі жұмысты күшейту қажет. Қызылордада мұнай қоры азайғанын жоққа шығаруға болмайды. Жаңа тетіктерді іздеп, өндірісті ілгерілетуге ерекше назар аудару қажет. Ауыл шаруашылығында күріштің түсімі азайған. Егісті бастамас бұрын, шаруаларға күріш дақылдарының нақты көлемін анықтау тапсырылды. Биыл егін егіп, жер өңдеп, қажетті өнім алғысы келетін шаруа отбасыларына мүмкіндік берілді. Күрішпен қатар, диқандар басқа дақылдарды, соның ішінде қауын егіп, әртараптандыру саласы кеңейтілді. Өндірісті дамыту, шағын және орта кәсіпкерлікті жандандыру және мұнай мен күрішке сүйенбей мал шаруашылығының әлеуетін арттыру бойынша жұмыс істеу қажет.Мұнай газ саласындағы жағдайды реттеу және жаңа мұнай кен орындарын анықтау мақсатында 2021 жылдан бері «Шу Сарысу», «Арал» шөгінді бассейндерінде геологиялық зерттеу жұмыстары жүргізіліп жатыр.Биыл Шу-Сарысу шөгінді бассейнінде геологиялық-геофизикалық зерттеу жұмыстары аяқталады. Жұмыстардың келесі кезеңін – «мұнай-газ өндіру әлеуетін бағалауды» барлау жүргізетін компаниялар атқаратын болады.&nbsp;Сондай-ақ мұнай-газ секторындағы жағдайды реттеудің бірнеше шаралары орталық мемлекеттік органдарға ұсынылып, пысықталып жатыр. Атап айтқанда:- мұнай өндірудің жаңа әдісін енгізу аясында «ҚазМұнайГаз» АҚ-мен 5 мың метрден астам тереңдікте көмірсутек шикізатына геологиялық барлау жұмыстарын жүргізу,- мұнай кен орындарындағы мұнай өндіру көлемін арттырудың құралы ретінде пайдаланып келген газды өңдеу жұмыстарын жүргізу.2022 жылғы 1 қарашадағы жағдай бойынша Қызылорда облысының аумағында өңдеу өнеркәсібімен айналысатын 328 кәсіпорын жұмыс істеп, 3 289 адамды жұмыспен қамтып отыр.Осы жылдың 10 ай қорытындысымен өңдеу өнеркәсібі саласында 193,8 млрд теңгенің өнімі өндіріліп, өткен жылдың осы кезеңімен салыстырғанда 8,3 пайызға артты (2021 ж. 10 айы – 141,7 млрд&nbsp;теңге).Атап айтқанда, өңдеу өнеркәсібінің келесі салаларында өсім байқалған:&nbsp;- металлургия өнеркәсібі 12,2%-ға;-&nbsp;резеңке және пластмасса бұйымдарын өндіру 25,8%-ға;-&nbsp;жеңіл өнеркәсіп 53%-ға;-&nbsp;құрылыс материалдарының өндірісі 3,2%-ға;-&nbsp;тамақ өнімдерін өндіру 10,4%-ға;-&nbsp;химия өнеркәсібі 2,3%-ға.Соңғы 3 жылда өнеркәсіптік өндіріс құрылымындағы өңдеу өнеркәсібі үлесінің артуы байқалады, өсім 6,8%-ды құрады (2019 ж. – 17%; 2020 ж. – 23,2%; 2021 ж. – 23,8%).Сондай-ақ осы жылдың қазан айынан бастап алғашқы шыны өнімі шығарыла бастады (610 млн теңгеге 4 558 тонна шыны). Бүгінде өнім Астана, Алматы, Шымкент қалаларына жіберілуде. Жыл соңына дейін шыны зауыты 40 мың тонна өнім өндіруді жоспарлап отыр.Қызылорда облысында 2022 жылдың соңына дейін бес өндіріс ашу жоспарланып отыр.&nbsp;Өңірде агроөнеркәсіп кешенінде төрт нысан және құрылыс индустриясында бір нысан пайда болады. Бес өндіріске салынған инвестициялардың жалпы көлемі 9 млрд теңгені құрайды. Ақпаратқа сәйкес, өңірде осы жылдың соңына дейін сою пунктін жаңғырту жөніндегі жобаны іске асыруды аяқтау жоспарланып отыр.Бұл жобаның құны 2 млрд теңгені құрайды, қуаты – жылына 5 мың тонна өнім.Сондай-ақ биыл екі аяқталмаған құрылыс іске қосылады. Атап айтқанда, 5,2 млрд теңгеге құс фабрикасының ашылуы күтілуде. Кәсіпорында жылына 3,5 мың тонна құс етін шығару жолға қойылады. Мұнда 120 адамды жұмыспен қамту жоспарланып отыр. Келесі инвестордың құс фабрикасы 2 млрд теңге тұрады. Бұл нысанның қуаты жылына 1,5 мың тонна өнімді құрайды. 60 адам жұмыспен қамтамасыз етіледі.Өңірде 600 млн теңге тұратын&nbsp;балық өңдеу өндірісі іске қосылады. Қуаты – жылына 324 тонна, жұмыс орындары – 40.Облыста 2022 жылдың соңына дейін ішкі және сыртқы есіктер өндірісін жолға қою керек. Жоба құны 100 млн теңгені құрайды. Жоба екі кезеңде жүзеге асырылып жатыр. Бірінші кезең аясында металл сыртқы есіктер, екінші кезеңде ішкі есіктер шығарылады.<figure class="image"><img src="https://knadmin.beoblood.kz/uploads/301141892_368499612137956_6593471075380674963_n_5c538008a1.jpg" alt="301141892_368499612137956_6593471075380674963_n.jpg"></figure>

Қазақстан және Қызылорда облысының жаңалықтары