<a href="https://kyzylorda-news.kz/">Kyzylorda-news.kz.</a> &nbsp;2023 жылдан бастап бала күтіміне берілетін жәрдемақы бір жастан бір жарым жасқа дейін ұлғайтылады. 2022 жылы дүниеге келген балалардың жәрдемақысы автоматты түрде алты айға созылады. <a href="https://stan.kz/">Stan.kz</a> 2023 жылдан бастап декреттегі әйелдердің алатын жәрдемақы мөлшерін ұсынды.&nbsp;Ұлттық статистика бюросының мәліметінше, 2020 жылы елімізде 400 мыңнан аса&nbsp;бала дүниеге келген.&nbsp;2021 жылы жаңа туған нәрестелер саны рекордты жаңартып, бірден 446,5 мың балаға жетті. Алайда 2022 жылдың қаңтар-тамыз айларында дүниеге келген бүлдіршіндер саны 260 мыңнан асты. Бұл өткен жылдың сәйкес кезеңінен 11%-ға аз.&nbsp;Декреттік демалыстағы әйелдерге қарастырылған жәрдемақыларАналарға негізінен екі түрлі жәрдемақы қарастырылған. Бірі – бала туғанда берілетін бір реттік жәрдемақы, ал екіншісі – бала бір жарым жасқа келгенше төленетін әлеуметтік төлем.&nbsp;Ал егер әйел осы уақытқа дейін жұмыс істеген болса, біржолғы декреттік төлем алуға құқылы. Ол жүктілік пен бала босануына байланысты табысынан айырылғаны үшін беріледі.Бала туғанда берілетін бір реттік жәрдемақыБірінші, екінші және үшінші балаға – 38 АЕК, яғни 131 100 теңге; Төртінші және одан кейінгілерге – 63 АЕК немесе 217 350 теңге. Егер дүниеге егіз немесе үшем келсе, жәрдемақы әр сәбиге бөлек төленеді.&nbsp;Бала күтіміне берілетін жәрдемақыларМемлекет президенті Қасым-Жомарт Тоқаев 1 қыркүйектегі Жолдауында декреттегі аналардың жәрдемақы алу мерзімін ұзартуды тапсырған еді. Соған сәйкес, бала күтіміне берілетін жәрдемақы бір жастан бір жарым жасқа дейін ұлғайтылды. 2022 жылы дүниеге келген балалардың жәрдемақысы автоматты түрде алты айға созылады.&nbsp;Бала күтіміне берілетін жәрдемақы мөлшері:бірінші бала үшін &nbsp;– 5,76 АЕК немесе 19 872 теңге; екінші бала үшін – 6,81 АЕК, яғни 23 495 теңге; үшінші балаға – 7,85 АЕК немесе 27 083 теңге; төртінші және одан кейінгі балаларға – 8,9 АЕК немесе 30 705 теңге.Бала босанғанға дейін жұмыс істеген әйелдердің алатын жәрдемақысы бөлек есептеледі. Ол соңғы екі жылдағы табысына байланысты болады.&nbsp;Оны білу үшін екі жылда жинаған жалпы табысын 24-ке бөліп, орташа жалақысын 0,4-ке көбейту керек. Шыққан мөлшерден 10% зейнетақы жарнасын алып тастаймыз.(Екі жылда жинаған табыс/24) *0,4 – 10%Егер әйел осыған дейін орташа есепппен 200 000 теңге жалақы алса, онда оны 0,4-ке көбейтеміз. 200 000*0,4= 80 000 теңге. Одан 10% зейнетақы жарнасы алынады, демек 8 000 теңге. Сонда екі жыл 200 000 теңге айлық тапқан әйел бала күтіміне 72 000 теңге алады.Ал мүгедектігі бар баланы тәрбиелеп отырған ата-анаға 56 794 теңге төленеді.Декреттік төлем қалай есептеледі?Декреттік төлемдердің мөлшерін egov.kz-тегі формула арқылы есептеуге болады. Ол үшін әйелдің орташа айлық табысы 7 ЕТЖМ-нен (ең төменгі жалақы мөлшері) асатын-аспайтынын анықтап алу керек. 2023 жылы ең төменгі жалақы мөлшері 70&nbsp; 000 теңгеге&nbsp;жетті. Демек оның жалақысы 490 мың теңгеге дейін болса, айлық табысын еңбекке жарамсыз болған күндерінің коэффициентіне көбейтіп, 10% зейнетақы аударымын шегеру қажет.Еңбекке жарамсыздық коэффициентін анықтау үшін декреттік демалыс күндерін 30-ға бөледі. Егер әйел 126 күнге декреттік демалыс алса, онда коэффициент 4,2-ге тең. Мысалы, әйел айына 250 000 теңге жалақы алған.&nbsp; 250 000*4,2 = 1 050 000 теңгеОсы сомадан зейнетақы жарнасына 10%, яғни &nbsp;105 000 теңге алынады. Сонда декреттегі әйелдің шотына 945 000 теңге түседі. Оның формуласы мынадай: Орташа айлық табыс*(декреттік демалыс күні/30) - 10%Егер әйелдің орташа айлық табысы 490 мың теңгеден асса, онда тек жеті ең төменгі жалақы ғана есепке алынады.&nbsp;2023 жылдың 1 қаңтарынан бастап максималды декреттік төлем 1 852 200 теңге болады.Декреттік демалысты тағайындауЖүктілік және босану бойынша демалыс (декреттік демалыс) ҚР еңбек кодексіне сәйкес рәсімделеді. Жүктіліктің алғашқы апталарынан бастап болашақ аналар әйелдер консультациясында есепке алынады, онда оларды дәрігер бақылайды.Декреттік демалыс пен әлеуметтік төлемдер алу үшін жүктілік және босану бойынша аурухана парағы болуы тиіс. Оны акушер-гинеколог немесе дәрігер мен бөлімше меңгерушісі береді. Содан кейін ол парақта жазылған мерзімді көрсетіп, жұмыста өтініш жазады. Өтініш пен аурухана парағының көшірмесі негізінде декреттік демалыс туралы бұйрық шығады.&nbsp;Декреттік демалыс жүктіліктің 30 аптасынан бастап тағайындалады, тек ядролық сынақтарға ұшыраған аумақтардың &nbsp;тұрғындары үшін - 27 аптадан бастап.Декреттік демалыс 126 күнге созылады: босанғанға дейін 70 күнтізбелік күн және босанғаннан кейін 56 күнтізбелік күн. Алайда босану барысында асқынулар байқалса, декреттік демалыс уақытын ұзартуға болады.Әлеуметтік төлемдерді тағайындауға қажет құжаттарБала күтімі бойынша берілетін жәрдемақыны алу үшін туу туралы куәлікте көрсетілген туған күнінен 12 айдан кешіктірмей құжаттарды халыққа қызмет көрсету орталығына тапсыру керек.Құжаттар тізімі: •&nbsp;&nbsp; &nbsp;өтініш; •&nbsp;&nbsp; &nbsp;жеке басын куәландыратын құжат; •&nbsp;&nbsp; &nbsp;баланың туу туралы куәлігі не туу туралы актілік жазбадан үзінді; •&nbsp;&nbsp; &nbsp;банк шотының нөмірі.Оны онлайн режимінде egov.kz арқылы да беруге болады, ол үшін Басты – Азаматтарға – Отбасы – Қамқоршылық – Қолдау алгоритмін қолдану керек.Егер баланы асырап алса, онда қосымша қорғаншылық немесе қамқоршылық органы берген сот шешімінен үзінді көшірме қажет. Баланы асырап алғанын растайтын құжат қажет. Егер құжаттарды үшінші тұлға тапсырса, нотариалды куәландырылған сенімхат талап етіледі.Біржолғы декреттік төлемдерді алуға қажет құжаттар •&nbsp;&nbsp; &nbsp;өтініш; •&nbsp;&nbsp; &nbsp;жеке басын куәландыратын құжат; •&nbsp;&nbsp; &nbsp;жүктілік және босану бойынша уақытша еңбекке жарамсыздық парағы; •&nbsp;&nbsp; &nbsp;банк шотының нөмірі.Жеке кәсіппен айналысатындар жеке кәсібінің мемлекеттік тіркеу туралы құжат пен салық төлеушінің дербес шотынан есеп айырысулардың жай-күйі туралы үзінді көшірме әкелуі тиіс. &nbsp;

2023 жылы декреттік әлеуметтік көмек мөлшері өзгереді

<a href="https://kyzylorda-news.kz/">Kyzylorda-news.kz.</a> «2023-2025 жылдарға арналған республикалық бюджет туралы» Заңға сәйкес 2023 жылы ең төменгі жалақы мөлшері 70 мың теңгені құрады. Алдағы жылы МӘМС үшін аударымдар мен жарналардың сомасы қандай? Бұл сұраққа Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.Жұмыс берушілер қызметкерлері үшін - жалақының 3% мөлшерінде. 10 ЕТЖ артық емес немесе 21 000 теңге.Қызметкерлер, оның шінде АҚС шарты бойынша жұмыс істейтіндер - табысының 2%. 10 ЕТЖ артық емес немесе 14 000 теңге.Жеке кәсіпкерлер (ЖК). ЕТЖ-ның 1,4 еселенген мөлшерінің 5%-ы немесе 4 900 теңге.Өзін-өзі жұмыспен қамтыған азаматтар немесе бжт төлеушілер. Республикалық және облыстық маңызы бар қалалардың тұрғындары үшін БЖТ көлемі 1 АЕК құрайды, яғни 3 450 теңге. Қалған елді мекендердің тұрғындары үшін БЖТ көлемі 0,5 АЕК құрайды, яғни 1 725 теңге.Дербес төлеушілер үшін жарна сомасы да 2023 жылы өзгерді және 3 500 теңгені (1 МЗП-дан 5%) құрады.Мемлекет 15 жеңілдік санатына кіретін азаматтар үшін төлем жасайды. 2023 жылғы 1 қаңтардан бастап азаматтардың жеңілдікті санатындағы 1 адамға жарна мөлшері Мемлекет жарналарын есептеу объектісінің 1,8% құрайды. Бұл мемлекеттік статистика саласындағы уәкілетті орган айқындайтын ағымдағы қаржы жылының 2 жылының алдындағы орташа айлық жалақы.Сіз жарналарды төлеу екінші деңгейдегі банктер және олардың интернет-сервистері, Kaspi.kz, Halyk Bank мобильді қосымшалары, «Қазпошта» АҚ бөлімшелері, төлем терминалдары (Qiwi, Kassa24 және т.б.).Егер сізде қосымша сұрақтар туындаса, емхананың анықтама қызметіне немесе ыңғайлы байланыс арнасы арқылы әлеуметтік медициналық сақтандыру қорына жүгіне аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. &nbsp;<figure class="image"><img src="https://knadmin.beoblood.kz/uploads/3_6daccc2864.jpg" alt="3.jpg"></figure>&nbsp;<figure class="image"><img src="https://knadmin.beoblood.kz/uploads/2_8ee157552d.jpg" alt="2.jpg"></figure>

2023 жылы МӘМС үшін кімдер қанша төлейді?

<a href="https://kyzylorda-news.kz/">Kyzylorda-news.kz.</a> 2023 жылы «7-20-25» ипотекалық бағдарламасын жүзеге асыруға мемлекеттен 100 млрд теңгеге дейін қаражат бөлу жоспарланып отыр. Бұл туралы Ұлттық банктің баспасөз қызметі хабарлады.Бағдарлама бойынша жыл сайынғы кредиттеудің нақты көлемі нарықтағы банктердің нарықтық ипотекалық өнімдері мен олардың дамуына байланысты белгіленбек.Бағдарлама шарттарына енгізілген өзгеріс – енді бір несие алушы бағдарламаға бір мәрте ғана қатыса алады. Ал бастапқы жарнаның ең төменгі мөлшері, қарыздың ең жоғары сомасы, сыйақы мөлшерлемесі, қарыз мерзімі, өңірлер бөлігінде сатып алынатын тұрғын үйдің ең жоғары құны сынды параметрлер бойынша ешқандай өзгеріс жоқ.Айта кетйік, «7-20-25» ипотекалық бағдарламасы 2018 іске қосылған болатын. 22 желтоқсандағы жағдай бойынша, 852,2 млрд теңге көлемінде 64 146 жеңілдетілген қарыз берілген.&nbsp; &nbsp;

«7-20-25» ипотекалық бағдарламасына 100 млрд теңге қаржы бөлінеді

<a href="https://kyzylorda-news.kz/">Kyzylorda-news.kz.</a>&nbsp; Қазақстанда респираторлық вирусты инфекциялар және тұмаумен сырқаттанудың өсуі тіркеліп отыр, сондай-ақ күніне 300-ге дейін адамның коронавирус инфекциясын жұқтыруы тіркелді. Сондықтан республиканың бас санитар дәрігері Айжан Есмағамбетова инфекция жұқтырмас үшін қоғамдық орындарда бетперде киюді ұсынды.Жалпы республика бойынша эпидемиологиялық жағдай тұрақты.Бұл ретте, 12 өңірде – Астана, Алматы қалалары, Ақмола, Ақтөбе, Шығыс Қазақстан, Абай, Батыс Қазақстан, Қарағанды, Ұлытау, Қостанай, Қызылорда және Маңғыстау облыстарында – R көрсеткіші 1-ден жоғары, бұл инфекция таралуының өршуінің белгісі болып табылады.Өткен аптада алдыңғы аптамен салыстырғанда инфекция жұқтыру 3%-ке өсті, деді ол.Өткен жылдың сәйкес кезеңімен салыстырғанда респираторлық инфекция жұқтыру 20%-ке артқан.<a href="https://sputnik.kz/">Sputnik Қазақстан&nbsp;</a>

Бас санитар дәрігер қазақстандықтарға қоғамдық орындарда бетперде киюге кеңес берді

<a href="https://kyzylorda-news.kz/">Kyzylorda-news.</a> Президент Қасым-Жомарт Тоқаев "Қазақстан Республикасының кейбір заңнамалық актілеріне мемлекеттік жастар саясаты және әлеуметтік қамсыздандыру мәселелері бойынша өзгерістер мен толықтырулар енгізу туралы" заңға қол қойды. Заңның мәтіні баспасөзде жарияланады, деп хабарлайды Ақорда.Бұл заңға сәйкес, халықты бірнеше жақсы өзгеріс күтіп тұр.Біріншісі – қазақстандық әйелдер 2028 жылға дейін 61 жаста зейнетке шығады.Бұдан бөлек, жасына байланысты зейнетақы төлемдерін есептеу үшін табыс шегі 46 еселенген айлық есептік көрсеткіштен 55 еселенген АЕК-ке дейін ұлғайтылады.Тағы бір өзгеріс – 35 жасқа дейінгі адамдар "жастар" санатына кіреді. Депутаттар бұл жастардың әлеуметтік белсенділігін арттыруға, оптимизмін, ертеңгі күнге деген сенімділік сезімін нығайтуға мүмкіндік береді және халықаралық тәжірибеге сәйкес келеді деп санайды.Сондай-ақ әкімдіктерге тиісті әкімшілік-аумақтық бірліктің даму басымдықтарын ескеріп, жастарға жеңілдікпен жалға берілетін тұрғын үй беру жөнінде бағдарлама әзірлеу және іске асыру бойынша жаңа құзырет беріледі. Заңда бала күтімі бойынша төлемдерді тағайындау кезеңінің ұзақтығын 1,5 жасқа дейін ұлғайту нормасы да қарастырылған. Яғни, келесі жылдан бастап жәрдемақы сәби 1,5 жасқа толғанға дейін төленеді.Бұған қоса, мемлекеттік әлеуметтік сақтандыру қорынан жұмысынан айырылу бойынша әлеуметтік төлемдердің мөлшері орташа айлық табыстың 45%-на дейін арттырылады. Ал мемлекеттік атаулы әлеуметтік көмек алушыларға ұсынылатын кепілдендірілген әлеуметтік пакет монетизацияланады.

Әйелдердің зейнет жасын ұзарту 5 жылға тоқтатылады

<a href="https://kyzylorda-news.kz/">Kyzylorda-news.</a> Қазақстан аумағындағы синоптикалық жағдай мен қауіпті ауа райы құбылыстарының болжамы жарияланды, деп хабарлайды Қазгидромет.Солтүстік-батыс антициклонының екпіні Қазақстан аумағының басым бөлігінде әлі де өз ықпалын сақтайды, жауын-шашынсыз ауа райы күтіледі. Республика бойынша тұман түседі, елдің оңтүстігі мен шығысында жел күшейеді.

26 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.</a> Жылдағы дәстүр бойынша Жаңа жыл қарсаңында Президент шыршасы ұйымдастырылып, оқушылар қуанышқа кенелді.«Жаңа Қазақстан – бақытты балалық шақ мекені» атты Президент шыршасына &nbsp;бүкіл облыстан оқу озаттары, 80-ге жуық аз қамтылған және көп балалы отбасылардың балалары, ерекше білім беруді қажет ететін оқушылар мен 7 «Атамекен» балалар ауылының тәрбиеленушісі қатысты. Шыршаға барлығы 200 бала шақырылған. Шарада &nbsp;облыс әкімі Нұрлыбек Нәлібаев Мемлекет басшысының бүлдіршіндерге арналған &nbsp;жаңажылдық құттықтауын жеткізді.<blockquote>«Ұлағатты ұрпағымыздың лайықты өмір сүруіне, өсіп-өнуіне ықпал ету, жақсы білім алуына жағдай жасау – біздің басты мақсатымыз.</blockquote><blockquote>Бүгінгі күні облыстағы 677 балабақшада 60 мыңға жуық бала тәрбиеленуде. Биыл 19 балабақша, 6 мектеп, ал Жалағаш ауданында 250 орындық оқушылар үйі пайдалануға берілді.</blockquote><blockquote>Дарынды балаларды қолдау мақсатында Қызылорда қаласы мен Қармақшы ауданынан 150 орындық 2 мектеп-интернаты ашылды.</blockquote><blockquote>Мемлекет басшысының бастамасымен 2025 жылға дейін 800 мың баланың заманауи мектепте білім алуына жағдай жасау мақсатында «Жайлы мектеп» ұлттық жобасы қолға алынды. Осының нәтижесінде алдағы 3 жылда облысымызда заманауи 21 мектеп салынады. Дарынды балаларға арналған физика–математика мектеп интернатының құрылысы басталады. Бұл ел келешегі балаларымыз үшін жасалған үлкен қамқорлық, айрықша қолдау! Мерейлі жыл белесінде жеткіншектеріміздің рухани-мәдени дамуын назардан тыс қалдырған емеспіз», - деді аймақ басшысы.</blockquote>Шыршаға келген балалар ойын ойнап, ән шырқады, театрландырылған қойылым тамашалады және естелік сыйлық алды. Сондай-ақ, мейрам қонақтарына арнайы фотосессия ұйымдастырылды. Айта кетейік, Балалар жылы аясында Сыр өңірінде түрлі форматтағы&nbsp;12 мыңға жуық шара ұйымдастырылып, оған 200 мыңнан аса бала қамтылды.&nbsp; Биылдың өзінде 402 сырбойылық өрен халықаралық, республикалық дәрежедегі ғылыми жобалар мен олимпиадалардың, спорт турнирлерінің және өнер конкурстарының жеңімпаздары мен лауреаттары атанды.1 маусым – халықаралық балаларды қорғау күні 5 мың баланың қатысуымен өткен шарада пәндік олимпиадаларда жоғары жетістікке жеткен 10 оқушыға соңғы үлгідегі ноутбук, тұрмысы төмен отбасылардан шыққан 20 балаға «Балдаурен» республикалық лагеріне жолдама, 300 мектеп оқушысына велосипед сыйға тартылды. Мұнан бөлек, Қызылорда қаласында көпбалалы 50 отбасыға пәтер кілтін табысталса, &nbsp;аймақ басшысының тікелей тапсырмасымен Сыр өңірінде 1,6 млрд теңгеге&nbsp;80-нен астам спорттық-ойын алаңы салынып, балалар игілігіне пайдалануға берілді. Сондай-ақ, «Қазгермұнай» ұлттық компаниясы басшылығымен келісім нәтижесінде Қызылорда қаласында заманауи үлгідегі «Оқушылар Сарайының» жобасы басталады.Осы уақытқа дейін бірқатар нысан қызылордалықтарға тарту етілді. Жалағаш ауданында құны 431 млн. теңгеге 200 орындық Оқушылар үйі мен 50 орындық Өнер мектебі пайдалануға берілді. Теңізді өлке Арал ауданында 150 млн. теңгеге "Балықшылар монументі" мен аллея ашылды. Меценат қаржысы есебінен Жаңақорған ауданында құны 790 млн.теңгені құрайтын заманауи демалыс паркі қолданысқа берілді. Ал, Сырдария ауданының Нағи Ілиясов ауылында жергілікті демеушінің қолдауымен 350 млн.теңгеге "Еңбекшілер аллеясы" бой көтерді. Қызылорда қаласындағы Автобус паркі 100 жаңа көлікпен толықты.&nbsp; Келер жылдың соңына қарай Қызылорда қаласында Сұлтан Бейбарыс көшесінің бойынан құны 3,7 млрд.теңгеге 1000 орындық өнер орталығы ел игілігіне беріледі. Мұнда мәдениет саласының симфониялық, эстрадалық және ұлттық өнер бағытындағы концерттік бағдарламалар мен түрлі форматтағы қоғамдық іс-шаралар да өткізіледі. Аймақта шаңырақ көтеруге ниеттенген жастар үшін заманауи үлгідегі Неке сарайы да бой көтеруде. Құны 1,6 млрд. теңгені құрайтын нысан 1,5 жылда пайдалануға берілмек.Сырдың сол жағалауында тағы бір әлеуметтік нысанның іргетасы қаланды. Құны 2,7 млрд. теңгені құрайтын «Қан орталығы» жылына қан мен оның компоненттерін донациялау көрсеткішін 500-ден 10 мыңға дейінгі жеткізеді. Орталық өңір халқына сапалы қызмет көрсетіп, тұрғындардың денсаулығын арттыруға мүмкіндік бермек.Белгілі кәсіпкер, меценат Марат Дүйсенбаевтың демеушілігімен құрылысы басталған құны 1,5 млрд. теңгені құрайтын «Анаға тағзым» орталығы шаһардың ажарын аша түседі. Өңірдің Түркістан облысымен шекараласатын тұсынан демеуші есебінен құны 200 млн. теңгеге облыстың кіреберіс қақпасы бой көтеруде. Сондай-ақ, «Саутс Ойл» компаниясы «Қайсар» футбол клубының жанкүйерлері үшін үлкен жабық стадион салуға ниет бiлдiрдi.Сонымен қатар, әлеуметтік аз қамтылған отбасылардан шыққан балаларға «Еуразия», «Мұз айдыны» спорт кешендеріне тегін абонемент табысталып, балаларға рухани құндылықтарды насихаттау мақсатында жыл басынан бері балалар үшін 43 тегін спектакль қойылды. 5 мыңнан астам бала музейге тегін экскурсия жасады.Жаз мезгілінде қала сыртындағы лагерьлерде 8 300 оқушы демалды, ал республикадағы алдыңғы қатарлы тынығу лагерьлерінде жыл көлемінде 1350 баланың демалуына жағдай жасалды. Бүгінгі таңда 61 қосымша білім беру ұйымында 60 мыңға жуық бала түрлі шығармашылық үйірмелер мен спорттық секцияларға қатысуда.Еске салсақ, күні кеше Жаңа жыл мерекесі қарсаңында облыс орталығында ауыл шаруашылығы өнімдерінің жәрмеңкесі ұйымдастырылып, 60 пәтердің кілті табысталды және орталық алаңда бас шырша шамы жағылды. Сондай-ақ, жыл соңына дейін бірқатар әлеуметтік нысан пайдалануға берілмек.<figure class="image"><img src="https://knadmin.beoblood.kz/uploads/FB_IMG_1671971218997_84039f3d86.jpg" alt="FB_IMG_1671971218997.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971224811_80fb338378.jpg" alt="FB_IMG_1671971224811.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971221313_a49455e838.jpg" alt="FB_IMG_1671971221313.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971235607_17201f6557.jpg" alt="FB_IMG_1671971235607.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971233267_1c29f1f813.jpg" alt="FB_IMG_1671971233267.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971229393_f11f217a3f.jpg" alt="FB_IMG_1671971229393.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971241388_38a9cdd346.jpg" alt="FB_IMG_1671971241388.jpg"></figure>

Қызылордада Президент шыршасы өтті

<a href="https://kyzylorda-news.kz/">Kyzylorda-news.kz.</a> Евразия спорт кешенінде гандболдан Қазақстан чемпионатының кезекті біріншілігі қорытындыланды. Жүлдеден үмітті 4 команда ақтық ойындардың көркін қыздырды.&nbsp;“Қайсар” қыздары “Алтайдан” айласын асырып, алтынға таласуға мүмкіндік алса, Шымкенттің шеберлері “Астананың” аруларын сан соқтырды. Бір қызығы биылғы чемпионаттың финалы оңтүстік дербиге ұласты. &nbsp;Финалдық ойын 2 күнге созылды. Бірінші күні паркетте тартысты ойын өрбіді. Эльвира Камилова, Марина Пикалова, Мария Ситникова сынды шымкенттік гандболшылар қақпашы Чуйкова мен Айтенованы қыспаққа алды. Дегенмен қорғаныста сауатты, шабуылда ширақ қимылдаған Вячеслав Ким шәкірттері 44-33 есебімен жеңіске жетті.Екінші ойындада Сыр сұлулары “сыр” бермеді. Вероника Хардина мен Наталья Полуянконың тандемі “Қайсардың” қарқынын арттырды. Қос гандболшы да нәтижелі ойын көрсетті. Әсіресе Наталья шешуші сәтте шабуылды түйіндей білді. Мұнан бөлек “Қайсарды” қолдауға келген жанкүйерлер Аружан Әмит, Жанерке Сейітқасым, Назым Сабыржанқызы, Татьяна Давыдова, &nbsp;Ксения және Мария Пупченковалардың шеберлігіне тәнті болды. Бұл кездесуде де ”Қайсар” гандбол клубы 34:25 есебімен жеңіп, 12 мәрте жеңістің биік тұғырына көтерілді.<img src="https://knadmin.beoblood.kz/uploads/FB_IMG_1671958639523_d1691ea26c.jpg" alt="FB_IMG_1671958639523.jpg"><img src="https://knadmin.beoblood.kz/uploads/FB_IMG_1671958647270_5dbf225b56.jpg" alt="FB_IMG_1671958647270.jpg">

“Қайсар” ел чемпионатының 12 дүркін жеңімпазы атанды

<a href="https://kyzylorda-news.kz/">Kyzylorda-newskz.</a> &nbsp;Жаңа жыл мерекесі аясында Сыр диқандары мен тауарөндірушілер жәрмеңкеге 200 жүк көлігіне тилеген 500 тоннаға жуық ауыл шаруашылығы өнімдерін әкелді.Тасбөгет кентінің орталық алаңында Шиелі ауданының тауарөндірушілері 24 жүк көлігіне тиелген 40 тонна өнімдер жеткізілді. С.Торайғыров көшесінің бойында Арал мен Жалағаш аудандарымен бірлесіп жәрмеңке өткізілді. Сауда жасаған аралдық шаруалар 20 жүк көлігімен 20 тоннадан астам азық-түлікті тиеп келді. Теңізді өлкенің молшылық шарасында облыс тұрғындарына мұздатылған 15 тонна балық өнімдері, 3 тонна ас тұзы, 1,5 тонна ет өнімдері, құрт, ірімшік, 300 литр шұбат әкелінді.Жалағаш ауданының шаруалары 45 жүк көлігімен 150 тонна ауыл шаруашылығы өнімдері, оның ішінде күріш, ет өнімдері мен картоп, пияз көп мөлшерде жеткізілген. Шұғыла мөлтек ауданында Қазалы мен Сырдария аудандарының шаруалары бірлесіп ауыл шаруашылығы өнімдерінің жәрмеңкесі өтті.Қазалылық еңбеккерлер жәрмеңкеге 22 жүк көлігімен 50 тоннадан астам өнім алып келді. Тұрғындар көбінесе сүт өнімдері мен Қазалы кәмпиттерін сатып алды.Сырдария ауданынан жеңілдетілген бағамен 20 көлікке тиелген 30 тоннаға жуық азық-түлік тауарлары апарылды. Көбінесе 15 тоннадан астам күріш, 6 тонна картоп, 7 тонна сәбіз, пияз, асқабақ және сүт өнімдері жеткізілді. Астана даңғылының бойында жаңақорғандық шаруалар 26 жүк көлігімен 120 тонна ауыл шаруашылығы өнімдерін әкелді.Ақмешіт мөлтек ауданы, Журба көшесінде Қармақшы ауданының ауыл шаруашылығы өнімдерінің жәрмеңкесі өтті. 30 жүк көлігіне тиелген 55 тонна азық-түлік өнімдері әкелінді.<img src="https://knadmin.beoblood.kz/uploads/FB_IMG_1671952462261_8b2a076288.jpg" alt="FB_IMG_1671952462261.jpg"><img src="https://knadmin.beoblood.kz/uploads/FB_IMG_1671952459302_c2f1fcd28e.jpg" alt="FB_IMG_1671952459302.jpg"><img src="https://knadmin.beoblood.kz/uploads/FB_IMG_1671952469558_fadc2c9b5f.jpg" alt="FB_IMG_1671952469558.jpg">

Сыр диқандары мен тауарөндірушілер жәрмеңкеге 500 тоннаға жуық өнім әкелді

<a href="https://kyzylorda-news.kz/">Kyzylorda-news.kz.</a> &nbsp;ҚР Премьер-Министрі Әлихан Смайыловтың төрағалығымен селекторлық мәжіліс өткізіліп, әлеуметтік маңызды азық-түлік тауарлар бағасын тұрақтандыру мәселелері қаралды.Жиынға тиісті сала басшылары мен барлық өңірдің әкімдері &nbsp;қатысты.Жауапты мемлекеттік орган басшылары өңірлерде азық-түлік бағаларына талдау жасап, негізсіз баға өсіруге бағытталған жұмыстарды баяндады. Оның ішінде, арнайы өңірлік комиссиялар сауда орындарын аралап, «үй маңындағы» дүкендердің бағаларын тексергенін айтып, тексеру нәтижесімен тиісті әкімшілік шара қолданылатынын жеткізді.Кеңес қорытындысымен Үкімет басшысы өңір әкімдеріне өңірлік комиссиялардың жұмысын күшейтіп, негізгі азық-түлік тауарлардың бағасы бойынша апта сайын ақпарат ұсынуды тапсырды.Жиыннан кейін облыс әкімі Нұрлыбек Нәлібаев азық-түлік өнімдердің бағасын негізсіз қымбаттатуға қарсы іс-шара қабылдау және аймақтық әлеуметтік маңызды тауарлардың құнын қатаң қадағалау бойынша тапсырмалар берді. Тауар құнын заңсыз көтеретін делдалдарды уақытылы анықтап, жауапкершілікке тартуды міндеттеді. Сондай-ақ, аймақ басшысы биыл тәжірибе ретінде қолға алынып, жақсы нәтиже берген көкөністер мен бау-бақша өнімдерін егуге ниет білдірген отбасыларға ауылдар мен қала маңындағы аумақтардан жер телімдерін беру жұмысын жалғастыру қажеттігін атап өтті.<blockquote>«Жергілікті тұрғындарды қолдап, оларға қосымша табыс табуға мүмкіндік беру мақсатында келер жылы да егіншілікпен айналысу үшін жер телімдерін беру керек. Жерді дайындап, суармалы сумен қамтамасыз ету үшін насос қондырғыларын орнату керек. Мүмкіндігі бар, адал еңбегімен отбасын асырауға ниет білдірген азаматтарымызға жағдай жасап берейік.Жанұясын күнделікті тұтынатын өніммен қамтып, артығын сату арқылы қосымша табыс тапсын. &nbsp;Қажет болған жағдайда, оған жанар-жағармайға дейін бәрін әкеліп, артылған өнімін өзіміз-ақ сатып алайық, оны сақтау үшін қосымша қоймалар да дайындалуда. Қазірден бастап жұмысқа кірісуіміз керек, тұрғындарды ақпараттандырып, мұндай игі іске жұмылдыру – алдымен өз қолымызда», - деді аймақ басшысы.</blockquote>Жиынды қорытындылай келе, Н.Нәлібаев «Байқоңыр» әлеуметтік-кәсіпкерлік корпорация басшысына осы уақытқа дейін мемлекеттен жаңа өндіріс ашуға қаражат алып, жұмысы тоқтап қалған жобаларды анықтап, қаржысын бюджетке қайтаруға ықпал етуді, ал қала, аудан әкімдеріне тиісті басқармалармен бірлесіп, жаңа жобаларды ұсынуды тапсырды және оның ішінде кем дегенде 6-7 ірі индустриялық жоба болу керектігін қатаң ескертті.<img src="https://knadmin.beoblood.kz/uploads/FB_IMG_1671952006749_242863147b.jpg" alt="FB_IMG_1671952006749.jpg"><img src="https://knadmin.beoblood.kz/uploads/FB_IMG_1671952013381_8f87ffac01.jpg" alt="FB_IMG_1671952013381.jpg">

Әлеуметтік маңызды азық-түлік тауарлар бағасын тұрақтандыру мәселелері қаралды

<a href="https://kyzylorda-news.kz/">Kyzylorda-news.kz.</a> Псориаз — теріде қатты, қабыршақты қызыл немесе ақшыл дақтар арқылы көрінетін, жиі кездесетін аутоиммундық ауру. Әдетте дақтар тізеде, бас терісінде, шынтақта және арқада болады. Физикалық аспектілерден басқа, псориаз адамдардың әл-ауқаты мен өмір сапасына әсер етуі мүмкін.&nbsp;Псориаз жұқпалы ма? Оны жұқпалы деп ойлайтын адамдар бар. Дегенмен, ол қате түсінік. Бұл — аутоиммунды ауру. Яғни, иммунды жүйе қалыпты жұмыс істемейді дегенді білдіреді. Ауруды бірге тамақ ішкеннен, байланысқаннан немесе сауна, бассейнде жұқтырып алу мүмкін емес.Псориаз — жай ғана терінің құрғау емес. Адам терісінің құрылысы жылдам өзгереді. Әдетте әрбір 28 күн сайын жаңарып отырады. Дегенмен псориаз кезінде бұл процесс жылдам жүреді. Жаңаруға небәрі 4-5 күн керек. Бұл уақыт аралығында тері жарсушалары толық жетілі үлгермейді. Сол себепті олар қабыршаққа айналады. Қан-тамырлар да теріге жақындай түседі, сол себепті қанталау немесе ауырсыну сезімі болады.&nbsp;Псориаз емделмейді Қазіргі уақытта псориазды емдейтін дәрі жоқ. Дегенмен дерматологтар псиориазды бақылауда ұстап, оны емдеудің бірнеше жолын ұсынып жатады. Әдетте олар толықтай емдемесе де, белгілерін жояды. Бір уақыттағы тері қозуын баяулатады.&nbsp;Псориазды емдеу үшін диетаны дұрыстау керек Әзірге мамандар бұны растайтын дәлел таппады. Көп адамдар псориаздың шығуын тағам түрімен байланыстырады. Алайда псориаздың шығуына әсер ететін факторлар өте көп әрі белгілері де түрлене береді. Сол себепті оны тек тағаммен байланыстыруға болмайды.&nbsp;<a href="https://massaget.kz/layfstayl/Zdorove/76081/">Massaget.kz</a>

Псориаз ауруы жұқпалы ма?  

<a href="https://kyzylorda-news.kz/">Kyzylorda-news.kz.</a> Қазалы қаласының жастары баспанаға мұқтаж отбасыға тұрғын үйдің кілтін табыстады.Қазалы қаласының тұрғыны Мағрипа Лепесова үйі отқа оранып, қысты күні қырауда балаларымен бірге далада қалған болатын. Сол уақытта қала жастары «бір жеңнен қол, бір жағадан бас шығарып» көңілі жабырқаған ананың жанынан табылды. Қолдарынан келген көмекті көрсетіп, көпшілікке үндеу жариялады.Осылайша бас-аяғы 2-3 күннің ішінде жаңа баспанаға жететін қаржы жиналып, үй алынды. Ауысқан ақшасына тұрғын үйге көгілдір отын кіргізіліп, өзге де жөндеу жұмыстары жүргізілді.Мұқтаж отбасыға тұрғын үй кілтін табыс етуде аудан әкімі Мұхтар Оразбаев өз тілектестігін білдіріп, жастарға ризашылығын жеткізді.<blockquote>– Қазақ халқы ешқашанда жетімін жылатпаған. Әрдайым жабырқаған жандардың жанынан табылып, қол ұшын созған. Игі дәстүрден жаңылмаған біздің жастар да тілсіз жаудың кесірінен үйінен айырылған жалғысбасты анаға баспана алып берді. Сондықтан да бүгінгі игі бастамаларды жүзеге асырып, ел ықыласына бөленген Қазалы қаласының жастарына алғысымызды айтамыз, – деді аудан әкімі.</blockquote>Қуанышты сәтте аудандық мәслихат хатшысы Бақытжан Жарылқап, «Нұралы» мешітінің бас имамы Қайрат қажы Дәуіржанұлы, ағайын-туыстарының атынан Бақберген Кәшімов сөз сөйлеп, игі тілектерін жеткізді.Мұнан соң жаңа баспанаға ие болған Мағрипа Лепесова қайырымдылық іске ұйытқы болған барша азаматтарға алғысын айтып, ризашылығын жеткізді.&nbsp;

Қазақстан және Қызылорда облысының жаңалықтары