<a href="https://kyzylorda-news.kz/">Kyzylorda-news.kz.</a> Бүгін - православ христиандарының Рождество мерекесі. Қазақстанда бұл күн мемлекеттік мейрамдар тізіміне кіреді. Сол себепті ресми түрде демалыс болып саналады. Бірақ биыл Рождество сенбіге түсіп тұр.Рождество мерекесінің тарихыРождество – Иса пайғамбардың (Иисус Христос) туған күні. Інжіл бойынша бұл күні Вифлеем қалашығында «Құдайдың ұлы» Иисус Христос дүниеге келген.Осыдан екі мың жыл бұрын қаңтардың 6-ынан 7-сіне қараған түні Иосиф пен Марияның отбасында Иисус есімді ұл дүниеге келеді. Сол түні Вифлеемде өмірге келген барлық нәресте Ирод патшаның бұйрығымен өлтірілді. Бірақ Иисус жарық дүние есігін ашты. Ол туған сәтте аспанда ерекше сәбидің дүниеге келгенін паш еткендей жарық бір жұлдыз пайда болады. Сол себепті осы түні дінге сенушілер шіркеуге барып, дұғасын оқып, сол бір жарық жұлдыздың көрінуін күтеді.Христиан шіркеуі Митра Рождество мерекесін 4-ғасырдың ортасында «Күн құдайы» сенімін ығыстыру үшін енгізді. Рим халқы алғашқылардың бірі болып Рождествоны тойлаған. Олар үшін бұл мейрам Жаңа жыл іспеттес болды.Сиқырға толы бұл түнде барша христиан халқы бір-бірін құттықтап, жылы сөздері мен игі тілектерін аямайды.Рождество қалай аталып өтеді?Православ христиандары үшін Рождество Пасхадан кейінгі екінші маңызды діни мереке болып саналады. Рождество мерекесінің алдында сочельник кезінде христиандар ауыз бекітеді, шіркеу жарғысы бойынша сочиво – қайнатылған бидай немесе күріш дәнін ғана жеуге болады. Сол себепті 6 қаңтар «рождестволық сочельник» деп аталады.Рождество – барша христиандарға ортақ мереке. Алайда католиктер оны 25 желтоқсанда, ал православтардың басым бөлігі 7 қаңтарда тойлайды. Олай бөлінудің өзіндік себебі де жоқ емес. Католиктер мен православтар екі бөлек күнтізбені қолданған. Содан мейрамның датасы алшақтап кеткен. Осы діни мейрам әлемнің 145 елінде аталып өтеді. Діни мерекені кейбір мемлекет григориан күнтізбесі бойынша желтоқсан айының соңында тойласа, кейбір ел юлиан күнтізбесі бойынша атап өтеді.Бұл күні христиандар шіркеулер мен ғибадатханаларға барады, шоқынады, Рождествоны өзіндік сән-салтанатымен атап өтеді. Ал батыста оны, көбінесе, отбасы мерекесі ретінде тойлап жатады.Қазақстанда қаңтардың 7-сіне қараған түні барлық шіркеуде құлшылық шаралары басталады. Православ христиандары таң бозарып атқаннан кешке дейін ас-судан бас тартады. Сондай-ақ бір-біріне түрлі сыйлық жасайды, тәтті тағамдар таратады.Қазақстанның еңбек кодексіне сәйкес, 2005 жылдан бастап православ Рождествосы мемлекетімізде демалыс күні болып жарияланды.<a href="https://sputnik.kz/20230107/pravoslav-khristiandary-rozhdestvo-merekesin-atap-otip-zhatyr-30910771.html">Sputnik.kz</a>

Православ христиандары Рождество мерекесін атап өтіп жатыр

<a href="https://kyzylorda-news.kz/">Kyzylorda-news.kz.</a> Тарихта алғаш рет робот-адвокат сот отырысына қатысып, сотталушыға кеңес береді. DoNotPay компаниясының әлемдегі алғашқы робот-адвокат сотталушының смартфонында жұмыс істейді және дау кезінде клиентіне не айту керегі туралы нұсқаулар береді.Соттың қай жерде өтетіні, айыптау және сотталушының аты-жөні жарияланбады.Робот өндірушілері дыбыстық жабдықты робот адамдардың айтқандарына бірден жауап бермейтіндей етіп конфигурациялады, бірақ талқылау аяқталып, ол кері байланысты талдағаннан кейін шешімді ұсынады.Роботты ойлап тапқан Джошуа Браудердің айтуынша, ол болашақта заңгерлерді оңай алмастырады.<blockquote>«Бәрі сотта қалай сөйлейтініңізге байланысты, ол үшін адвокаттар сағатына жүздеген немесе мыңдаған доллар алады», - деді ол.</blockquote>DoNotPay веб-сайтына сәйкес, технологияны бюрократияны айналып өту үшін де пайдалануға болады. Мысалы, робот тұтынушылардың құқықтары туралы заңдарды жақсы біледі, атап айтқанда тоқтатылған және кешіктірілген рейстерді, жұмыс орнындағы құқықтарды және т.б.Айта кетейік, бұл жасанды интеллект сот процесінде бірінші рет қолданылып отырған жоқ. Бұған дейін Қытай әлемде бірінші болып сот залында жасанды интеллект қолданды. 2022 жылдың шілдесінде бұл технология елдегі сот жүйесін «жетілдіру» мақсатында қолданылып жатқаны белгілі болды. Бұл жағдайда жасанды интеллект заңдарды ұсынады, құжаттарды әзірлейді және шешімдердегі «адамның қателігі болуы мүмкін» екендігі туралы ескертеді.<a href="https://massaget.kz/layfstayl/tehno/76596/">massaget.kz</a>Фото: <a href="https://thesiliconreview.com/">thesiliconreview.com</a>

Адамзат тарихында алғаш рет робот-адвокат сот отырысында жұмыс істейді

<a href="https://kyzylorda-news.kz/">Kyzylorda-news.kz.</a> 1 қаңтардан бастап балабақша тәрбиешілері, мектеп және колледж мұғалімдерінің жалақысы 25%-ға өсті, деп хабарлады оқу-ағарту министрлігі.2020 жылғы қаңтардан бастап мұғалімдердің жалақысы жыл сайын 25 пайызға көтеріліп келеді. Осы уақытқа дейін мұғалімдердің жалақысы екі есеге артты.<blockquote>«Сонымен қатар олардың жалақысына қосымша төлемдер белгіленді. Бұл – біліктілік санаты, магистр дәрежесі, пәндерді ағылшын тілінде жүргізу, дәптер тексеру, сынып жетекшілігі, жаңартылған мазмұндағы жұмыс және тәлімгерлік үшін қосымша төлемдер. Педагог мамандығына университеттің үздік түлектері мен «Алтын белгі» иегерлері келе бастады», - деді оқу-ағарту министрі Ғани Бейсембаев.</blockquote>

Тәрбиешілер мен мұғалімдердің жалақысы 25 пайызға өсті

<a href="https://kyzylorda-news.kz/">Kyzylorda-news.kz.</a> Қазалы ауданы Басықара ауылында «ақыл-есінде ауытқуы бар» деген жетім жігітті әскерге күштеп әкеткен. Тұрғындардың сөзінше, 25 жастағы Тұрар Матығұлды ауыл әкімі мен әкімдік қызметкері көлікке сүйреп мінгізіп, әскери комиссариатқа жеткізген. Ал ондағылар азаматты санаулы күннің ішінде-ақ әскер қатарына алған екен. Ауыл азаматтары ата-анасынан ерте айырылған жігіттің ақыл-есінде кемістігі барына қарамастан қолына қару беріп, әскери міндетін өтеуге жібергеніне наразы, деп хабарлайды <a href="https://stan.kz/kolikke-kushtep-mingizgen-kizilorda-oblisinda-auil-tyrg-375802/">Stan.kz</a>.Тұрар Матығұлды ауылдағы достары іздеп барып, видеоға түсіріп алған. Онда Тұрар өзін ауыл әкімі мен әкімдік қызметкерінің үйінен сүйреп алып шыққанын айтады. Тіпті қоқан-лоқы көрсетіп, аудандағы қорғаныс істер жөніндегі бөлімге күштеп әкелді, дейді ол.Басықара тұрғындары Тұрардың бала кезінен ақыл-есінде ауытқуы бар екенін айтады. Тіпті кейде қызбаланып, өзін ұстай алмайтын кездері жиі болады екен. Көпшілік оның ақыл-ойындағы кемтарлығын біле тұра әскери комиссариатқа күштеп апарған ауыл әкімінің әрекетіне наразы.<blockquote>«Мұның әкесі мотоцикл авариясынан қайтыс болды, шешесі одан кейін қайтыс болды. Жалғыз өзі тұрады. Бұл бала шамалы науқастау. Бір он күн сәлем берсе, он күн сәлем бермей кетіп қалады», – деді ауыл тұрғыны Жәми Жүсіпов.</blockquote><blockquote>«Ауру, науқас адам ғой. Ертең психологиялық ауруы бар адамға мылтық береді мысалы. Ұланға барады дейді. Ол не деген сұмдық? Қару бергеннен кейін біреуді атып тастауы мүмкін. Не өзін атып тастауы мүмкін», – деп қосты Қайрат Әлібай.</blockquote>Тұрардың мінез-құлқындағы ауытқушылықты ауыл әкімінің өзі де аңғарған екен. Бір қызығы, соған қарамастан жігітті әскери комиссариаттан өтуге өзі жібергенін де мойындап отыр. Алайда оған әскерге бар деп қысым жасамағанын айтады.<blockquote>«Өзінің де шамалы ауытқуы бар енді. Ашуланшақ, тез қызбалығы. Бірақ соның бәрін біз біліп, әрмен қарай медициналық сараптамадан өте алмайтын шығар деген оймен 30 күні осы жерге өз еркімен кеткен», – деп мәлімдеді Басықара ауылдық округінің әкімі Мұратбек Бекманбетов.</blockquote>Тұрар Матығұл белгісіз себептермен бұған дейін психикалық ауруы бар азамат ретінде медициналық тіркеуге алынбаған екен. Ал қорғаныс істер жөніндегі бөлімде оны тексеруден өткізген дәрігерлер сол сәтте жігіттің ақыл-есінің ауытқуы байқалмаған еді дейді.<blockquote>«Мына жақтағы военкоммен, баламен сөйлестік. Енді комиссия болады дейді. Ертең тағы тексеріледі. Бірақ ол карантинде жатқан адам. Бөлімге жіберер алдында бәріне тексеріс жасаймыз дейді», – деді Қазалы ауданаралық ауруханасы бас дәрігерінің орынбасары Күншығар Әбілов.</blockquote>25 жастағы жігіт Қызылордадағы 55/47 әскери бөліміне жеткізілген. Дәрігерлер оның денсаулығы тағы бір тексерілетінін мәлімдеді. Тұрардың әскер қатарына алына ма, жоқ па содан кейін белгілі болмақ. Ал бүтіндей ауыл халқы ақыл-есінде ауытқуы бар азаматтың қолына қару берсе, оқыс жағдайға тап бола ма деп алаңдаулы.

Қазалыда ауыл тұрғындары ақыл-есі кем жетім жігітті әскерге жібергендерге наразы

<a href="https://kyzylorda-news.kz/">Kyzylorda-news.kz.</a> Қызылордалық полицейлер шұғыл түрде қала орталығындағы төбелесті тоқтатты. Полицияға 18 азамат жеткізілді.Әлеуметтік желіге қала көшелерінің бірінде болған төбелестің бейнежазбасы жарияланған. Аталған дерек бойынша шұғыл түрде оқиға орнына жеткен полиция нарядтары және жедел-тергеу тобы төбелесті тоқтатты. Жедел ден қою шараларының нәтижесінде зардап шеккендер болмады. Оқиға бойынша полицияға арыз-шағым түскен жоқ.Аталған дерек бойынша ҚР ҚК-нің 293-бабының 2-бөлігімен (Бұзақылық) қылмыстық іс тіркеліп, тергеу әрекеттері басталды.

Қызылордада жаппай төбелесте 18 адам ұсталды

<a href="https://kyzylorda-news.kz/">Kyzylorda-news.kz.</a> Республика бойынша желдің күшеюі, көктайғақ, бұрқасын, сондай-ақ тұман болады, деп хабарлайды Қазгидромет.Қазақстан аумағына әсер еретін Атлантикалық циклон мен атмосфералық фронтальды бөліктер ауа райына өзгерістер әкеледі. Сонымен жауын-шашын (жаңбыр, қар) жауады, түнде елдің шығысында қалың қар жауады.

Сенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Сәрсенбі күні облыс әкімі Нұрлыбек Нәлібаевтың төрағалығымен өткен жедел жиында мереке күндері ауа райы қолайсыздығынан орын алған электр жарығы ажырауының себеп-салдары талқыланып, облыс аумағында бірінші кезекте жөндеуді қажет ететін электр жүйелеріне зерделеу жұмыстарын жүргізу үшін және ақау себептерін анықтап оны жою мақсатында комиссия құруды тапсырған болатын.Бүгінде мамандар тарапынан шұғыл түрде жөңдеу жұмыстары жүргізіліп, ақаулар қайта қалпына келтіріліп, жарық берілді.Облыс әкімінің бірінші орынбасары Серік Қожаниязовтың төрағалығымен жұмыс жасайтын комиссия құрамына облыс әкімінің орынбасары Мархабат Жайымбетов, энергетика және ТКШ басқарма басшысы, «Қызылорда электр тарату компаниясының» ардагер қызметкерлері мен жауапты тұлғалары және «Қазақэкспертиза» ЖШС директоры енгізілді.Комиссия мүшелері Қызылорда қаласының бірқатар электр қуатымен қамту нысандарын аралап, жұмысын тексеріп, ақауларды зерделеуде.Атап айтқанда, Тоқтыбаев көшесінің бойындағы ЦРП-3, Рысқұлов пен Ыдырысов көшелер қиылысындағы ТП-235, Алисов көшесіндегі №33-34 әуе желісі, Мерей мөлтек ауданындағы ГМЗ 35/10кВ қосалқы станциясына барып, зерделеу жұмыстарын жасады.Бүгінгі күні өңірде электр желілері мен қосалқы станциялардың 70 пайызының тозығы жеткен. Комиссия тобы кезек күттірмейтін нысандарды белгілеу жұмыстарын жүргізіп, “КЭТТК” АҚ мамандары зерттеу актісін дайындауда.Комиссия тексеру жұмыстарын әлі де жалғастыратын болады. Нәтижесімен, тиісті жөндеу жұмыстарына қажетті қаржы қарастыру мәселесі пысықталып, алдағы бюджеттік комиссия отырысында қаралатын болады.Айта кетейік, тұрғын үй коммуналдық шаруашылық мәселелері облыс әкімінің тікелей бақылауында.<figure class="image"><img src="https://knadmin.beoblood.kz/uploads/323422035_439949348229663_8028161485398064442_n_ba02a6a686.jpg" alt="323422035_439949348229663_8028161485398064442_n.jpg"></figure>&nbsp;<figure class="image"><img src="https://knadmin.beoblood.kz/uploads/323875739_471096858545018_406939162313215691_n_f665bb8b96.jpg" alt="323875739_471096858545018_406939162313215691_n.jpg"></figure>&nbsp;<figure class="image"><img src="https://knadmin.beoblood.kz/uploads/323890455_528505755918972_5980414612717345132_n_668fd1150b.jpg" alt="323890455_528505755918972_5980414612717345132_n.jpg"></figure>

Жедел жиын нәтижесімен құрылған арнайы комиссия жұмысын бастады

<a href="https://kyzylorda-news.kz/">Kyzylorda-news.kz.</a> Қазақстандықтар 2023 жылдың 3 наурызынан бастап банкроттыққа өтініш бере алады, деп хабарлайды Қаржы нарығын реттеу және дамыту агенттігінің баспасөз қызметі. &nbsp;Сенат депутаттары 2022 жылғы 29 желтоқсанда «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заңды мақұлдады.Банкроттық туралы заң рәсімнің үш түрін көздейді, олар соттан тыс банкроттық, сот арқылы банкроттық және төлем қабілеттілігін қалпына келтіру. Аталған рәсімдерге тек қарыз алушының өзі бастамашы бола алады, яғни кредитор борышкердің банкроттығына өтініш беруге құқылы болмайды.Соттан тыс немесе сот арқылы банкроттық рәсімін қолдануға шешім қабылдаған борышкер мыналарды білгені дұрыс:- 5 жыл бойы қарыз және микрокредит алуға тыйым салынады (ломбард тардың микрокредиттерін алуды қоспағанда );- қайта банкроттық болу 7 жыл өткен соң ғана мүмкін болады;- банкрот болған тұлғаның қаржылық жағдайына банкроттықтан кейін 3 жыл бойы мониторинг жүргізілетін болады.Сондай-ақ, алимент өндіру, басқа адамның өмірі мен денсаулығына келтірілген зиянды өтеу, сондай-ақ қылмыстық құқық бұзушылықтар үшін келтірілген зиянды өтеу бойынша берешектер есептен шығарылмайды.

Қарызын өтей алмай жүргендер банкроттыққа өтінішті қашан береді?

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде &nbsp;жас ғалымдардың ғылыми-зерттеу жұмысын жүргізуге арналған ректор грантына конкурс ұйымдастырылды. Байқауға университет бойынша 22 жоба ұсынылып, оның ішінде 6 жас ғалымның жобасы үздік деп танылды.Конкурс талабына сәйкес, білім ордасының 40 &nbsp;жасқа дейінгі ғалымдары мен 1, 2 курс докторанттары жаңа зерттеулерін ұсынды.&nbsp;Айталық, жас ғалым, аға оқытушы Дархан Орынбеков заманауи Arduino технологиясымен «Smart ботаникалық бақ» жасақтамақ.<blockquote>– &nbsp;«Smart ботаникалық бақ» – әлемдік және жергілікті бірегей флора туралы қазіргі заманғы деректерді қамтитын жоба. &nbsp; &nbsp; &nbsp; &nbsp; Arduino – арнайы білімі жоқ, бірақ қызығушылығы жоғары қолданушыға арналған автоматика және робототехника салаларындағы әртүрлі электронды құрылғыларды жасауға арналған құрал. &nbsp;Arduino бөлшегі &nbsp;датчиктерден сигнал қабылдап, құрылғыларды басқара алады. Ол автономды режимде немесе компьютермен бірге жұмыс істейді.&nbsp;Бақта өсімдік топырағына ылғалдылықты анықтайтын датчик қойылады. Сол датчик көрсеткіштері арқылы автоматты түрде суару қосылады. Өсімдіктердің суару жүйесі автоматтандырылған. 24 сағатта бір рет 10-15 минут суарылады. Ол өсімдіктің түріне де байланысты, – деді грант иегері Дархан Даниярұлы.</blockquote>Ал, университеттегі «Археология және этнография» орталығының ғылыми қызметкері, PhD Ислам Құрманиязов Ежелгі Асанас, Қышқала, Арал-асар ескерткіштерінен табылған остеологиялық материалдарды ғылыми талдау және аймақтық ортағасырлар кезеңіндегі жануарлар әлемі мен өсімдіктер дүниесін зерттеу жұмысын қолға алғалы отыр.&nbsp;Сондай-ақ, «Мәдениеттану» мамандығы бойынша философия докторы Жарқынбек Әбікенов оңтүстік өңір тұрғындарының коммуникациялық мәдениетіндегі үдерістерді зерттеу жұмысымен айналыспақ. Ғалым Қызылорда, Түркістан, Жамбыл, Жетісу, Алматы облыстары мен Алматы, Шымкент қаласы тұрғындарының коммуникациялық дағдыларын басты назарға алуды жоспарлауда.Гранттық жобаларды іріктеуде жоба тақырыбының маңыздылығына, ашықтығына, өзектелігіне ерекше басымдық берілді. Қазақ халық педагогикасындағы дене шынықтыру дәстүрлерін терең зерттеп, студенттерді патриоттық тәрбиелеу жұмысы туралы PhD Талант Бимахановтың жобасы да конкурста қолдау тапты.Ал, педагогика ғылымдарының магистрі, аға оқытушы Ербол Бекіш XIX ғасырдың екінші жартысы мен XX ғасырдың басындағы қазақтың рухани және зайырлы интеллигенциясының ағартушылық-педагогикалық қызметін зерттемек.&nbsp;Сондай-ақ, конкурс барысында тіл мәселесі де назардан тыс қалмады. Бастауыш, орта және жоғары мектеп мұғалімдеріне арналған психологиялық-педагогикалық терминдердің үш тілде глоссарийін әзірлеу туралы Жанна Ізтілеуованың жобасы да қолдауға ие болды.Жобалары үздік деп танылған ғалымдар осы жылдың желтоқсан айына дейін зерттеу жүргізіп, республикалық және халықаралық ғылыми басылымдарға мақалалар жариялайды. Оларға осы жұмыстарды жүргізу үшін жалпы қаржы көлемі 10 млн теңгелік сертификаттар табысталды.&nbsp;Айта кетейік, 2021 жылы жалпы қаржы көлемі 10 млн теңгелік 4 жоба университеттің грантын иеленген болатын. Жас ғалымдарға арналған бұл конкурс дәстүрлі түрде жалғасын тауып келеді.&nbsp; Университеттің ғалымдарға деген қолдауы зерттеушілердің ғылымға деген қызығушылығын арттырып, жаңа жобалардың ашылуына жол ашпақ.<figure class="image"><img src="https://knadmin.beoblood.kz/uploads/durys_26_26f333c436.JPG" alt="дурыс (26).JPG"></figure> &nbsp;

Қызылордалық жас ғалым «Smart ботаникалық бақ» жасамақ

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының кеңесшілері сервистік және ақпараттық қызмет көрсетуден республика көлемінде алғашқы үштікте. Өткен жылы олар 2549 азаматқа 8 мыңнан астам кеңес беріп, тоғыз жүзге жуық кәсіпкерге 949 сервистік қызмет көрсеткен.Қызылорда қаласы мен аудандарда Палата жанынан Кәсіпкерлерге қызмет көрсету орталықтарының құрылғанына биыл – 9 жыл. Барлық орталықта арнайы кеңесшілер жұмыс істейді.<blockquote>«Палата кеңесшілері барлық ауданда және қалада кәсіппен айналысуға ниетті жандарға кеңесін айтып, бағыт-бағдар беріп жатыр. 9 жылда 91 мыңнан астам кеңес беріп, кәсіпкерлерге 13,6 мыңнан астам сервистік қызмет көрсетті. Бұл жердегі сервистік қызмет дегеніміз кәсіпкерлердің бухгалтерлік есептерін тапсыру, бизнес жоспарларын әзірлеп беру, рұқсат құжаттарын алуда сүйемелдеп, келісімшарттарын дайындау тағы да басқалары», – деді Кәсіпкерлер палатасының директоры Пірмұхаммед Сыздықов.</blockquote>Палата кеңесшілерінің жиі көрсететін қызметі бизнес жоспар жасау. Былтыр кеңесшілер жалпы құны 3,4 млрд теңгені құрайтын 448 жобаға жоспар әзірлеп берген.Бизнес өкілдері жүгінетін келесі қызмет түрі – бухгалтерлік, салықтық есептер. Өткен жылы мамандар 186 кәсіпкердің есептерін тапсырды. Сұранысы жоғары қызметтердің үштігін құқықтық мәселелерге қатысты қызметтер түйіндейді. Кәсіпкерлерге қызмет көрсету орталығында 153 кәсіпкер құқықтық құжаттарын жасатқан.<blockquote>«Қазір жылды қорытып, өзге өңірлердегі әріптестерімізбен көрсеткіштерімізді салыстырып жатырмыз. Кеңесшілердің көрсеткен қызметтерінің көрсеткіші бойынша Қызылорда облысы республика көлемінде алғашқы үштікте. Сервистік қызмет бойынша Астана қаласынан кейінгі 2-орындамыз, ақпараттық қызмет бойынша 3-орында», – деді Палата басшысы.</blockquote>Былтыр желтоқсанда «Атамекен» ҰКП барлық өңірдегі кеңесшілерді аттестациядан өткізді. Бұл шарада Қызылорда облысы кәсіпкерлер палатасының кеңесшілері үздік үштіктер сапынан көрінді.Қаржылай емес қолдау қызметтерін алғысы келетін кәсіп ашуға ниетті азаматтар мен кәсіпкерлерді Палата кеңесшілеріне жүгінуге шақырамыз. Кәсіпкерлер палатасының барлық ауданда филиалдары бар. Кәсіпкерлер палатасының байланыс нөмірі 8 /7242/ 40-09-81, 40-02-02.

Қызылорда облысы кәсіпкерлер палатасының кеңесшілері 3,5 мыңға жуық азаматқа қызмет көрсетті

<a href="https://kyzylorda-news.kz/">Kyzylorda-news.kz.</a> Сапасыз білім берген жоғары оқу орындарын қатаң реттеу принципі қолданылады. Бұл туралы ҚР Ғылым және жоғары білім министрі Саясат Нұрбек мәлімдеді, деп хабарлайды <a href="https://www.inform.kz/kz/biyl-15-universitet-tekseriledi-sayasat-nurbek_a4020574">ҚазАқпарат</a>.Ведомствоның кеңейтілген алқа мәжілісінен кейін БАҚ өкілдерінің сауалына жауап берген министр жоғары оқу орындары лицензиясынан тек соттың шешімен айырылатынын баса айтты. Ал Конституцияға сәйкес Үкімет те, атқарушы билік те соттың шешімін өзгерте алмайды.<blockquote>«16 жоғары оқу орны лицензиясынан айырылды. Биыл 15 университет тексеруде тұр. Алайда 2023 жылдан бастап жоғары оқу орындарын мемлекеттік бақылау моделі өзгереді. Осылайша, жаңа реттеу саясаты енгізіледі. Біз бұл мәселені мұқият қарастырамыз. Университетті бұрынғыдай тез жабуға мүмкіндік болмайды. Себебі, заңдағы принцип өзгереді. Бірақ, бұл жұмысты жалғастырамыз. Президент нақты тапсырмалар берді. Оған қатысты саясат өзгерген жоқ. Сапасыз білім берген жоғары оқу орындарын қатаң реттеу принципі қолданылады», - деді Саясат Нұрбек.</blockquote>Айта кетерлігі, Ғылым және жоғары білім министрлігінің мәліметінше, бүгінде 5 жеке университетке қатысты сот процесі жүріп жатыр. &nbsp;

Саясат Нұрбек: 16 жоғары оқу орны лицензиясынан айырылды

<a href="https://kyzylorda-news.kz/">Kyzylorda-news.kz.</a>&nbsp; 2023 жылдың 1 қаңтарынан бастап бірқатар әлеуметтік төлем мөлшері көбейді. Нақтырақ айтқанда, ең төменгі зейнетақы мөлшері - 53 076 теңгені құрап, 15 пайызға көбейтілсе, ең төменгі күнкөріс деңгейі – 40 567 теңге болып бекітілді. Ал айлық есептік көрсеткіш – 3 450 теңгені құрады. Сонымен қатар биылғы жылдың 1 қаңтарынан бастап еңбек сіңірген жылдары үшін және жасына байланысты зейнетақы төлемдерінің мөлшері 10,5 пайызға дейін артты. Бұл жөнінде Өңірлік коммуникациялар қызметінде өткен брифингте Еңбек, әлеуметтік қорғау және көші-қон департаментінің Қызылорда облысы бойынша басшысының орынбасары Төреахмет Жолымбетов хабарлады.<blockquote>«Мемлекет басшысының 1 қыркүйектегі Жолдауында зейнетақы жүйесінің тиімділігін арттыру туралы бірқатар заңға өзгерістер енгізген болатын. Соның бірі – биылдан бастап әйелдердің зейнет жасы 61 жас болып бекітілді. Алайда бұл өзгеріс алдағы бес жылға дейін сақталады. Сонымен қатар 1 қаңтардан бастап жасына байланысты жаңадан тағайындалатын зейнетақы төлемдерінің мөлшері 46 айлық есептік көрсеткіштен 55 айлық есептік көрсеткішке дейін көбейді. Осыған сәйкес, жасына байланысты зейнетақы төлемдерінің мөлшерін есептеу екі нұсқамен қаралатын болады. Осылайша, биылдан бастап зейнетақы жүйесіне 10 және одан аз жыл қатысқан немесе еңбек өтілі болмаған жағдайда ең төменгі күнкөріс деңгейінің 60 пайызы мөлшерінде зейнетақы төлемі ұлғайтылды. Жалпы облыс бойынша жасына байланысты зейнетақы алушылардың саны -78 923, ал базалық зейнетақы алушылардың саны – 75 504 адамды құрайды. Сондай-ақ, биыл бала туған кезде отбасына баланың кезегіне байланысты төленетін жәрдемақының екі түрінің де мөлшері де өсті. Атап айтқанда, бірінші, екінші және үшінші бала туылғанда берілетін бір жолғы жәрдемақының мөлшері - 131 100 теңгені құраса, ал төрт және одан да көп балаға - 217 350 теңгеге дейінгі бір реттік жәрдемақы беріледі. Бұдан бөлек, «Алтын алқа», «Күміс алқа» алқаларымен марапатталған немесе бұрын «Батыр ана» атағын алған, «Ана даңқы» орденімен марапатталған көп балалы аналарға төленетін ай сайынғы мемлекеттік жәрдемақылардың мөлшері де арттырылды», - деді департамент басшысының орынбасары Төреахмет Жолымбетов.</blockquote><figure class="image"><img src="https://knadmin.beoblood.kz/uploads/323625190_700291904874394_4595651734390477245_n_cd92bb9392.jpg" alt="323625190_700291904874394_4595651734390477245_n.jpg"></figure>

Қазақстан және Қызылорда облысының жаңалықтары