<a href="https://kyzylorda-news.kz/">Kyzylorda-news.kz</a> Қызылорда қаласында «AMANAT» партиясының қалалық филиалының кезектен тыс конференциясы өтті. Жиынды партия филиалының төрағасы Ибадулла Құттықожаев жүргізді.Конференция жұмысына партияның облыстық филиалының атқарушы хатшысы Ләйлә Төрешова, облыстық және қалалық мәслихаттағы фракция мүшелері, бастауыш партия ұйымдарының төрағалары мен мүшелері қатысты.<img src="https://knadmin.beoblood.kz/uploads/Amanat_konferencziya_3_d11d97e5b0.jpg" alt="Аманат конференция 3.jpg">Басқосуда күн тәртібіндегі негізгі мәселелер қаралды. Атап айтқанда, партияның қалалық филиалының жыл басынан бері атқарған жұмыс қорытындылары талқыланып, алдағы кезеңге арналған басым бағыттар айқындалды.Жиын барысында партияның қалалық филиалының атқарушы хатшысы Гүлшат Мұсаева «Ауыл аманаты», «Кедергісіз келешек», «Құқықтық көмек», «Жер аманаты», «Қарызсыз қоғам» және басқа да жобаларының орындалу барысы жөнінде баяндады.Жалпы партия филиалы тарапынан «Халықпен бірге!» Сайлауалды бағдарламасы негізіндегі Жол картасының орындалуы ұдайы бақылауда.Жыл басынан Қызылорда қаласына қатысты 72 шараның 17-і орындалды. Партиялық бақылау комиссиясы мүшелері Жол картасы аясындағы нысандарды үнемі бақылап, сапалы аяқталуын қадағалап отырады.Филиал төрағасы Ибадулла Құттықожаев өз сөзінде партияның қоғамдық бастамалары халықтың өмір сапасын жақсартуға, әлеуметтік әділеттілікті қамтамасыз етуге бағытталғанын атап өтті. Сондай-ақ фракция мүшелерін белсенділік танытып, тұрғындармен кері байланысты күшейтуге, атқарылған жұмыстарды халық арасында кеңінен насихаттауға шақырды.Өз кезегінде сөз алған партияның облыстық филиалының атқарушы хатшысы Ләйлә Төрешова партияның қалалық филиалымен атқарылған жұмыстарға оң бағасын беріп, партияның ел өміріндегі рөлін арттыру, әрбір мүшенің жауапкершілігін күшейту және алдағы міндеттер жөнінде атап өтті.<img src="https://knadmin.beoblood.kz/uploads/Amanat_konferencziya_df4dc56e8c.jpg" alt="Аманат конференция.jpg">

«AMANAT» партиясы қалалық филиалының кезектен тыс конференциясы өтті

<a href="https://kyzylorda-news.kz/">Kyzylorda-news.kz</a> Республикалық «Үздік педагог – 2025» байқауында Қызылорда облысының төрт бірдей ұстазы жеңімпаз атанып, өңірдің білім саласындағы абыройын тағы бір асқақтатты. &nbsp;Соңғы үш жыл сырбойылық педагогтар республикалық деңгейде үздік бестіктен түспей келеді. &nbsp;Өңірлік коммуникациялар қызметінің ақпарат алаңында жеңімпаз ұстаздар өз тәжірибелерімен бөлісті.<blockquote>- Өткен жылы мен «педагог-шебер» санатына өтіп, Ыбырай Алтынсарин төсбелгісінің иегері болдым. Қазіргі таңда Е.Әуелбеков атындағы №4 мамандандырылған мектеп-лицей-интернатында биология пәнінен сабақ беремін. Биыл Республикалық «Үздік педагог – 2025» байқауына қатысу үшін талмай еңбектендім. Менің шәкірттерім республикалық, облыстық және халықаралық деңгейдегі түрлі олимпиадалар мен ғылыми жобалардың жүлдегері атанып жүр. Сабақ барысында оқушылардың ұлттық құндылықтарды бойларына сіңіріп, шығармашылық қабілеттерін арттыруға ерекше мән беремін. Олардың креативті ойлау, іздену және өз ойын еркін жеткізе білу дағдыларын дамыту – менің басты мақсаттарымның бірі. Сондай-ақ тәжірибе алмасу мақсатында әріптестеріммен бірге 5 және 15 минуттық ашық сабақтар өткізіп, өз жетістіктерімізбен және оқушылардың табыстарымен бөлісіп келеміз. Соңғы үш жылдың ішінде шәкірттерім үлкен нәтижелерге қол жеткізді. Атап айтқанда, Нұрдаулет Бергенбекұлы мен Нұрлыхан Қақпан Республикалық Президенттік олимпиадада күміс медаль иегері атанып, 5 түрлі жоғары оқу орнының грантын жеңіп алды.Осындай дарынды, еңбекқор шәкірттеріммен мақтанамын, - деді Жазира Смағұлова.</blockquote>&nbsp;<blockquote>- Мен мектепке бірден ұстаз болып келген жоқпын. Еңбек жолымды техникалық қызметкер ретінде бастадым. Мектептің тыныс-тіршілігіне араласып, оқушылармен жұмыс істей жүріп, ұстаздыққа деген қызығушылығым оянды. Сол ниет мені білім жолына алып келді. Кейін мектепке информатика пәнінің мұғалімі болып орналастым. Уақыт өте келе қосымша білім беру педагогы, мектеп директорының ғылыми жобалар жөніндегі орынбасары қызметін атқардым. Ал бүгінде №230 орта мектеп директорының міндетін атқарудамын. Қазіргі таңда мен Ыбырай Алтынсарин төсбелгісінің иегерімін. «Үздік педагог – 2025» байқауы мен үшін үлкен тәжірибе мен шыңдалу алаңы болды. Бірнеше жыл бойы жүйелі түрде дайындалып, көп еңбек еттім. Себебі бұл марапатты мың адамның біреуі ғана иелене алады. Сондықтан оған жету үшін табандылық, кәсіби біліктілік және мол тәжірибе қажет, - деді Алтынбек Киікбаев.</blockquote>&nbsp;<blockquote>- Мен М.Мәметова атындағы колледжде қазақ тілі мен әдебиеті пәні бойынша арнайы пәндер оқытушысымын, сондай-ақ филология бөлімінің меңгерушісі қызметін атқарамын. «Үздік педагог – 2025» байқауында үздік деп танылып, төсбелгімен марапатталғаныма ерекше қуаныштымын. 2012 жылдан бері біздің колледждің оқытушылары бұл байқауға жыл сайын тұрақты түрде қатысып келеді. Биыл мен осы дәстүрді жалғастырып, колледж қоржынына жетінші мәрте жеңіс әкелдім. Бұл менің жеке еңбегім ғана емес, бүкіл ұжымның ортақ жетістігі деп білемін,- деді Гүлнұр Жүсіпова.</blockquote>

Сыр ұстаздары үздік атанды

<a href="https://kyzylorda-news.kz/">Kyzylorda-news.kz</a> Облыста жылу беру маусымына дайындық толық аяқталып, барлық әлеуметтік нысандар мен көпқабатты тұрғын үйлер жылумен қамтамасыз етілді. Қызылорда жылу электр орталығы мен аудандық қазандықтар штаттық режимде жұмыс жасауда. Жылу желілері мен қазандықтар жаңғыртылып, қажетті отын қоры толық қамтамасыз етілген. Өңір бойынша жылу беру маусымы тұрақты өтуде, температуралық режим белгіленген кестеге сай ұсталып отыр. Бұл туралы бүгін Өңірлік коммуникациялар қызметінің ақпарат алаңында облыстық энергетика және тұрғын үй-коммуналдық шаруашылық басқармасы басшысының орынбасары Тахир Нәдірбек мәлімдеді.<blockquote>- Биыл облыста жылумен қамту жүйесін жаңғырту және жылыту маусымына дайындық бағытында ауқымды жұмыстар жүргізілді. Ағымдағы жылы жылумен қамту нысандарын жаңғыртуға қомақты қаржы бөлініп, жоспарланған жобалар толық орындалды. Соның нәтижесінде Қызылорда жылу электр орталығындағы Оңтүстік қазандықтың үш бу қазандығы толық жаңғыртылып, іске қосылды. Бұдан бөлек, генераторлар мен трансформаторлар жаңартылып, облыс бойынша 10 бу қазандығы мен 21 автономды қазандыққа жөндеу жұмыстары жүргізілді. Жылу желілерін жаңғырту бойынша 7,9 шақырым желі ауыстырылды. Қазіргі таңда облыс бойынша 1 079 әлеуметтік нысан және орталықтандырылған жүйеге қосылған 915 көпқабатты тұрғын үй жылумен толық қамтамасыз етілген. Барлық тіршілікті қамтамасыз етуші кәсіпорындар штаттық режимде жұмыс істеуде. Қазіргі таңда кәсіпорындарда отын қоры жеткілікті, оның ішінде мазут пен көмір қоры нормативке сай деңгейде. Жылу беру маусымына қажетті 85,2 мың тонна көмірдің 75 пайызы жеткізілді. Әлеуметтік нысандар сұйық және қатты отын қорымен толық қамтамасыз етілген. Барлығы 18 өңірлік оператор көмір тасымалын жүзеге асыруда. Жалпы облыс бойынша жылыту маусымына дайындық толық аяқталып, барлық нысандар жылумен қамтылды. Қазіргі уақытта жылу жүйелері мен қазандықтар тұрақты режимде жұмыс жасап тұр. Отын қоры жеткілікті, температуралық режим белгіленген нормаларға сай. Жылыту маусымының тұрақты өтуі облыс әкімдігінің тұрақты бақылауында, - деді Тахир Қуанышбекұлы.</blockquote><img src="https://knadmin.beoblood.kz/uploads/Zhylu_mausymy_4_666c125d19.jpg" alt="Жылу маусымы 4.jpg">

Облыста жылу маусымы тұрақты өтуде

<a href="https://kyzylorda-news.kz/">Kyzylorda-news.kz</a> Елімізде түйе сүтінен құрғақ ұнтақ өндіретін кәсіпорындар санаулы ғана. Соның ең үлкені және қуаттылығы жоғарысы Түркістан облысында орналасса, содан кейінгі өндіріс орны Арал ауданында іске қосалады деп күтілуде. Бұл – «Qazaq Camel» ЖШС-нің «Түйе сүтінен құрғақ ұнтақ шығару зауытын салу» жобасы.Құны 3 млрд теңгені құрайтын ауқымды жоба бірнеше жыл бұрын басталғанымен, біраз уақыт құрылыс жұмыстары тоқтап тұрған еді. Биыл бұл іске қайта серпін берілді. Аудан әкімі Аманжол Оңғарбаев өндіріс орнында болып, жоба жетекшісі, «Qazaq Camel» ЖШС басшысы Н.Абулгазинмен кездесті.Арал ауданы Қызылорда облысы бойынша түйе малын көп өсіретін бірегей өңір. Қазіргі таңда ауданда 37 мыңнан астам түйе тіркелген. Сондықтан өндірісті дәл осы аймақта жолға қою тиімді шешім деуге толық негіз бар.Қазіргі уақытта зауытқа Қытайдан арнайы мамандар шақырылып, өнім өндіруге арналған құрылғылар орнатылуда. Бұған дейін салынған негізгі ғимарат жанынан сүтті кептіруге арналған қосымша нысан бой көтеріп жатыр. Биіктігі шамамен 7 қабатты үймен тең ғимаратта түйе сүтінен дайындалған өнім арнайы құрылғылар арқылы кептіріледі.Зауыт тәулігіне 20 мың литр түйе сүтін өңдеуге қауқарлы. Шикізат ауылдық жерлерден арнайы техникамен жеткізілетін болады. Осы арқылы түйе шаруашылығымен айналысатын тұрғындардан сүт қабылдау жүйесі де жолға қойылады.Зауыт іші қарбалас жұмыс. Жауапкершілік арқалаған әр маман өз ісіне мұқият зер салып, аса қымбат құрылғыларды техникалық талаптарға сай орнату үстінде.&nbsp;Аудан әкімі Аманжол Сақыпұлы мұнда жүргізіліп жатқан жұмыстарға куә болып, жоба жетекшісімен тілдесу барысында жергілікті билік тарапынан өндіріс орнына қажетті қолдаулардың барлығы жасалатынын жеткізіп, маңызды жобаны жыл соңына дейін іске қосуға жұмыс жасауды тапсырды.<img src="https://knadmin.beoblood.kz/uploads/r_a_s_t_2_8741f58bd9.jpg" alt="Құрғақ сүт 2.jpg">

Арал: Түйе сүтінен құрғақ ұнтақ өндіріледі

<a href="https://kyzylorda-news.kz/">Kyzylorda-news.kz</a> Арал ауданы биыл ерекше құрылыс алаңына айналып отыр. Жыл басынан бері аудан көлемінде жүзеге асқан көптеген құрылыс нысандарын айтпағанда, жыл соңына дейін де бірқатар жаңа нысандар мен өндіріс орындарының ашылуы жоспарлануда. Солардың ішінде 4 ірі инвестициялық жобаның іске асуы күтілуде. Соның бірі – «Тоғыс-Аралотын» ЖШС-нің «Жоғары сұрыпты ас тұзын өндіру» жобасы.Аудан әкімі Аманжол Оңғарбаев жаңадан салынып жатқан осы өндіріс орнында болып, 1 млрд теңге қаржы бағытталған ауқымды жобаның құрылыс барысымен танысты.Жоба бастамашысы қазіргі таңда Арал қаласындағы индустриялық аймақтың жанындағы жер телімінде техникалық және жоғары сұрыпты медициналық тұз өндіруді қолға алған. Бұл бастама жыл соңына дейін сәтті жүзеге асса, алдағы уақытта экстра сұрыпты ас тұзын өндіру жоспарланып отыр.Қазіргі таңда зауытқа Қытайдың жоғары сапалы технологиялық құрылғылары жеткізілген. Оларды ғимарат ішіне орналастыру жұмыстары жүргізілуде. Мамандардың айтуынша, мұндай құрылғылар бұған дейін Еуропа, Африка, Вьетнам, Индонезия және Өзбекстан сынды алпауыт мемлекеттерде де орнатылған. Негізгі ерекшелігі – құрылғылардың металдық сапасының жоғары болуы және тұз сұрыптаудағы техникалық стандарттарға толық сәйкестігі.Жобаның жылдық қуаттылығы 40 мың тоннаны құрайды. Өнімнің 50 пайызы ішкі нарыққа, ал қалған бөлігі экспортқа шығарылады деп күтілуде. Өндіріс орны толық іске қосылғанда 20 адам тұрақты жұмыспен қамтылатын болады. Зауыт толық автоматтандырылған жүйе бойынша жұмыс істейтіндіктен, басқару процесіне арнайы мамандар тартылмақ.Аудан әкімі Аманжол Сақыпұлы жобаны жүзеге асыруға атсалысып жатқан Қытай мемлекетінің мамандарымен тілдесіп, кәсіпорынның артықшылық тұстарына назар аударды. Құрылыс қарқынын үдетіп, жыл соңына дейін тұз өндірісін толық іске қосу қажеттігін атап өтті.<img src="https://knadmin.beoblood.kz/uploads/T_z_ndirisi_2_b5765808a3.jpg" alt="Тұз өндірісі 2.jpg">

Арал қаласында жоғары сұрыпты тұз өндірісі жолға қойылады

<a href="https://kyzylorda-news.kz/">Kyzylorda-news.kz</a> 1 қарашада Қазақстанда емханаға тіркелу науқаны аяқталады. Бұл туралы әлеуметтік медициналық сақтандыру қорының Қызылорда облысы бойынша филиалы хабарлады.1 қыркүйек пен 1 қараша аралығында әр азамат өз елдімекені шегінде емхананы таңдауға немесе ауыстыруға мүмкіндігі бар. Өтінішті келесі жолдармен беруге болады:<ul><li style="text-align:justify;">eGov.kz порталы арқылы (онлайн, 1 жұмыс күні ішінде қаралады);</li><li style="text-align:justify;">таңдалған емханада жеке өтініш беру арқылы.</li></ul>Маңызды: бұрынғы емханадан шығу автоматты түрде жүзеге асырылады. Егер емхананы ауыстыруды жоспарламасаңыз, қайта өтініш берудің қажеті жоқ.Жаңа емхана медициналық көмекті 2026 жылдың 1 қаңтарынан бастап көрсетеді (Қормен келісімшарт болған жағдайда).Ұсыныстар:<ul><li style="text-align:justify;">Барлық отбасы мүшелерін бір дәрігерге тіркеу сапалы бақылауды қамтамасыз етеді.</li><li style="text-align:justify;">Үйде медициналық көмек көрсетілу үшін емхананы тұрғылықты жерге жақын (жаяу 15–20 минут) таңдаған жөн.</li></ul>Бекітуден бас тарту себептері:<ul><li style="text-align:justify;">өтініштегі дұрыс емес деректер;</li><li style="text-align:justify;">басқа елдімекенде тұру;</li><li style="text-align:justify;">емханада тіркелгендер санының шектен асуы;</li><li style="text-align:justify;">баланы тіркеуге қажетті құжаттардың болмауы.</li></ul>Емхананы науқаннан тыс та ауыстыруға болады: жылына бір рет еркін таңдау құқығымен, сондай-ақ тұрғылықты жерін, жұмысын, оқуын өзгерткенде немесе бұрынғы емхана жабылған жағдайда.<img src="https://knadmin.beoblood.kz/uploads/f8bc28e0_b9fa_48b0_9854_4bb76704cb6b_3d4aef7242.jpg" alt="f8bc28e0-b9fa-48b0-9854-4bb76704cb6b.jpg">

Қарашадан бастап емханаға тіркелу науқаны аяқталады

<a href="https://kyzylorda-news.kz/">Kyzylorda-news.kz</a> Қызылорда облысы бойынша қылмыстық-атқару жүйесі департаментінің &nbsp;№60 мекемесінде жазасын өтеп жатқан азаматтарға жылжымалы медициналық кешен арнайы тексеру жүргізді.&nbsp;Қызылорда облысының &nbsp;денсаулық сақтау басқармасының ұйымдастыруымен &nbsp;№3 емханаға қарасты медициалық бөлім сотталғандарды флюорографиядан өткізді. Бұйрық бойынша Ультракүлгін сәуле арқылы адамдардың өкпесін түсіру жылына 2-рет өтіп тұрады. Медицина қызметкерлері 130-дан аса сотталған азаматтарды флюораға түсіріп, нәтижесінде ешқандай ауру ошағы анықталмады.

Жазасын  өтеушілер медициналық тексерістен өтті

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев қала аумағында жүзеге асырылып жатқан бірқатар инвестициялық жобалардың құрылыс нысандарын аралап, атқарылып жатқан жұмыстардың барысымен танысты.Айта кетейік, 2025 жылы аудан көлемінде жалпы құны 18 млрд. теңге болатын жеке инвестициялық жобаларды жүзеге асыру жоспарланса, бүгінде 12 млрд. теңге болатын жобалар жүзеге асқан. Жыл соңына дейін қалған 6 млрд. теңгенің жобалар жүзеге асады деп күтілуде.&nbsp;Бұдан бөлек осы жылы 8,4 млрд теңге болатын 7 инвестициялық жобаны іске қосу жоспарланған. Оның ішінде құны 1,2 млрд теңге болатын 3 жоба бүгінде іске қосылып, тұрақты жұмыс жасауда. Олар: «Ase Invest» ЖШС – «Тұрмысқа қажетті құрғақ ұнтақтар өндіру» жобасы, «Sinooil» ЖШС – «Жанар-жағармай құю станциясын салу» жобасы және «Қарашалаң балық» ЖШС – «Арал қаласында балық өңдеу зауытын ашу» жобасы. Аталған жобалар аясында бүгінде 40 адам тұрақты жұмыспен қамтылған.Ал жыл соңына дейін жалпы құны 7,2 млрд теңге болатын 4 жоба іске асырылу сатысында тұр. Аудан басшысы жұмыс сапары барысында осы жобалардың құрылыс барысымен де танысты.Алдымен аудан басшысы қаланың шығыс беткейінде, «Батыс Еуропа – Батыс Қытай» халықаралық көлік дәлізінің бойында орналасқан «Petro Retail PFS» ЖШС-нің жол бойы қызмет көрсету орталығының құрылыс алаңында болды.Құны 2 млрд теңге болатын бұл нысан – аймақ бойынша алғашқы жол бойы сервистік орталық, ең жоғары стандарттарға сәйкес салынып жатқан жоба болып табылады. Құрылыс материалдары сапалы өнім ретінде бағаланған, ал нысанның құрылымында жолаушыларға барлық жағдай қарастырылған. Мұнда жатын орындар, әжетхана, душ, асхана және жолға қажетті тауарлар дүкені болады.Қазіргі таңда ғимараттың қабырға жұмыстары толық аяқталып, ішкі әрлеу және айналасын асфальттау жұмыстарына дайындық жүргізілуде. Жоба толық аяқталған соң, қонақ үйде 40 жатын бөлме, сондай-ақ 20 жүк көлігі мен 40-50 жеңіл көлікке арналған тұрақ орны қарастырылған.Бүгінде құрылыс нысанында 30-ға жуық адам жұмыс істеуде. Жоба іске қосылған соң 12 адам тұрақты жұмыспен қамтылмақ. Аудан әкімі нысанның ішкі бөліктерін аралап көріп, құрылыс сапасына ерекше назар аударды. Ол жауапты тұлғаларға жұмыс ырғағын үнемі бақылауда ұстап, жобаны жыл соңына дейін толық аяқтауға күш салу қажеттігін тапсырды.<img src="https://knadmin.beoblood.kz/uploads/Aral_yzmet_k_rsetu_ortaly_y_e769f53267.jpg" alt="Арал қызмет көрсету орталығы.jpg">

Аралда ең жоғарғы стандартқа сай келетін жол бойы қызмет көрсету орталығы салынуда

<a href="https://kyzylorda-news.kz/">Kyzylorda-news.kz</a> «AMANAT» партиясының «Кедергісіз келешек» жобасы аясында «Тең мүмкіндіктер» инклюзиялық спорт фестивалінің аумақтық кезеңі аяқталды.&nbsp;Байқауға қала мектептерінен 6 команда қатысып, олар екі кезең бойынша өзара бақ сынады. Қатысушылар эстафеталық жарыстар мен командалық ойындарда жылдамдық, ұйымшылдық және ерік-жігер танытып, инклюзивті спорттың мән-маңызын паш етті.Сайыс барысында қатысушылардың белсенділігі мен бір-біріне деген қолдауы көрермендерге ерекше әсер қалдырды. Шараның басты мақсаты — мүмкіндігі шектеулі балаларға тең мүмкіндік беру, олардың қоғам өміріне белсене араласуына жағдай жасау.Партия филиалының атқарушы хатшысы Гүлшат Мұсаева мұндай жобалар қоғамдағы тең мүмкіндіктер қағидасын сақтауға, әрбір баланың ауқымды шараларға қатысуына, жеңімпаз атануына зор мүмкіндік екенін атап өтті.&nbsp;Фестиваль қортындысымен барлық қатысушыларға естелік сыйлықтар мен дипломдар табысталды. Ал жеңімпаз командалға партия атынан кубок тарту етілді. Атап өту керек, түрлі кезеңде сынға түсіп, топ жарып, жеңіске жеткен командалар фестивальдің облыстық кезеңіне жолдама алады.

Кедергісіз келешек: Тең мүмкіндіктер спорт фестивалі жігерлі жастарға қолдау

<a href="https://kyzylorda-news.kz/">Kyzylorda-news.kz</a> Мәжіліс депутаты, «AMANAT» партиясы фракциясының мүшесі Сергей Пономарев Ішкі істер министрі Ержан Сәденов пен Жасанды интеллект және цифрлық даму министрінің міндетін атқарушы Жаслан Мәдиевке дипфейктердің кең таралуына қатысты депутаттық сауал жолдап, бұл құбылыстың ұлттық қауіпсіздікке қатер төндіретінін атап өтті, деп жазады <a href="https://egemen.kz/article/397915-deputat-tsifrlyq-kontenttinh-shynayylyghyn-tekseru-dguyesin-engizudi-usyndy">Egemen.kz.</a>Мәжіліс отырысында сөз алған депутат Сергей Пономарев технологиялық прогрестің ел дамуы үшін үлкен мүмкіндік екенін айта келе, сонымен қатар оның кері әсерін де ескерту қажет екенін жеткізді.<blockquote>«Бүгінде цифрландыру – Қазақстанның жаңа ұлттық идеясына айналды. Бірақ прогрестің екінші жағы да бар. Кейбір технологиялар қоғамға пайда емес, зиян әкеліп отыр. Соның бірі – дипфейк технологиясы, яғни жасанды интеллект арқылы адамның түрін, дауысын және бейнесін қолдан жасап, шындыққа ұқсас жалған материал тарату», деді депутат.</blockquote>Пономаревтің айтуынша, дезинформация мен жалған контент қазір әлемдік тұрақтылыққа төнген негізгі қатерлердің бірі саналады. Ол өзі де мұндай жағдайдың құрбаны болғанын айтты.<blockquote>«Менің бейнем мен дауысымды қолдан жасап, жалған видео таратқан. Сол бейнежазбада менің атымнан ақша сұраған. Монтаж соншалықты шебер жасалған, тіпті жақындарым бастапқыда шын деп сеніп қалды. Осындай жағдайға көпшілігіміз кезіккен шығармыз», деді депутат.</blockquote>Оның айтуынша, дипфейктердің қауіптілігі — олардың қоғамдық пікірді манипуляциялау, мемлекеттік органдарды беделсіз ету және саяси тұрақтылыққа қауіп төндіру қабілетінде.<blockquote>«Егер мемлекет басшысының немесе қоғам қайраткерінің жалған мәлімдемелері немесе жалған мәлімдемелері бар deepfeyk жасалып, таратылса, салдары апатты болуы мүмкін. Бұл ұлттық қауіпсіздікке қауіп төндіреді», деді ол.</blockquote>Депутат әлемдік тәжірибеге де тоқталып өтті. Оның айтуынша, АҚШ 2020 жылы қорғаныс бюджетін бекіту кезінде дипфейктерді ақпараттық қауіпсіздік қатерлерінің бірі ретінде заңдық тұрғыда бекіткен. Ал Оңтүстік Корея 2024 жылғы сайлау қарсаңында саяси үгіт-насихат кезінде дипфейктерді пайдалануға тыйым салған.Пономарев сондай-ақ дипфейктердің қаржылық алаяқтықта жиі қолданылып жүргенін еске салды.<blockquote>«Қазір алаяқтар адамның туысының дауысын немесе бейнесін қолдан жасап, көмек сұраған болып алдап жатыр. Мұндай әрекеттерге тіпті білімді азаматтар да алданып қалып отыр. 2025 жылғы Feedzai компаниясының дерегі бойынша, онлайн алаяқтықтың 50%-дан астамы жасанды интеллект арқылы жасалады», деді ол.</blockquote>Осыған байланысты депутат Ішкі істер министрлігі мен Жасанды интеллект және цифрлық даму министрлігін бірқатар нақты шараларды қабылдауға шақырды.&nbsp;Атап айтқанда, Пономарев келесі ұсыныстарды ұсынды:<ul><li style="text-align:justify;">Дипфейктерді анықтау және бұғаттау функциясын цифрлық контентті мониторингтеу және сараптау орталығының міндетіне енгізу;</li><li style="text-align:justify;">Бейне және суреттердің түпнұсқалығын растау жүйесін әзірлеу. Ол тек соттарға емес, қарапайым азаматтарға да қолжетімді болуы тиіс;</li><li style="text-align:justify;">Халық арасында дипфейктерді тану және кибералаяқтықтан қорғану жөнінде кең ауқымды ақпараттық-түсіндіру жұмыстарын жүргізу.</li></ul>Фото: istockphoto.com

Депутат цифрлық контенттің шынайылығын тексеру жүйесін енгізуді ұсынды

<a href="https://kyzylorda-news.kz/">Kyzylorda-news.kz</a> Мәжіліс депутаты, «AMANAT» партиясы фракциясының мүшесі Нартай Аралбайұлы Ішкі істер министрі Ержан Сәденов пен Мәдениет және ақпарат министрі Аида Балаеваға әлеуметтік желілерде белең алған қауіпті пранктерге қатысты депутаттық сауал жолдап, мұндай әрекеттерге заңды түрде тосқауыл қою қажеттігін айтты, деп жазады <a href="https://egemen.kz/article/397911-prank-dgasaymyn-dep-qoghamdyq-tartipti-buzatyndar-kobeyip-ketti-nartay-aralbayul">Egemen.kz.</a>Депутат қоғамда кеңінен тараған қауіпті пранктер мен жауапсыз блогерлердің әрекеттеріне алаңдаушылығын білдіріп, олардың қоғамдық сана мен тәртіпке тигізіп жатқан теріс ықпалына тоқталды.<blockquote>«Қазір қоғамда пранкпен парақшасындағы лүпілдің санын арттырғанмен парасат биігінен омақаса құлағандар қаптап кетті. Адамды қорқытуды, қоғамдық орында ақымақтық жасауды қызық көріп әзілдің шекарасынан шығып кеткен әркімдер әлеуметтік желіде әлек салуды доғармай тұр», &nbsp;деді депутат.</blockquote>Нартай Аралбайұлының айтуынша, елорда мен өзге өңірлерде түсірілген пранктердің көпшілігі қоғамда қорқыныш пен наразылық тудырып отыр. Ол мысал ретінде лифт ішінде «жалған мәйіт» қойып адамдарды шошытқан, тапаншамен қорқытып видео түсірген және аула сыпырушыларды мазақ еткен блогерлердің әрекеттерін атады.<blockquote>«Ол ол ма, біздің блогер-сымақтар шетелге барып абыройды айрандай төгіп жүр. Мәселен, қазақстандық блогер Аружан Айбекова Қытайда «ұрлық жасап жатқандай» ролик түсірген. Арты үлкен шу болып, ақыры әлгі қыз жергілікті полицияға шақырылды. Түсіндіру жұмыстары жүргізілді. Бірақ ол түсінді ме? Өйткені дәл осы блогердің арада аз уақыт өткенде Ташкент метросында жігіттердің қолынан ұстап тиіскені туралы бейнежазба тағы тарады. «Ойыннан да омыртқа сынатынын» білмейтін мұндай блогер-сымақтарды қатаң жауапқа &nbsp;тартатын кез келді. Себебі бұл адамның жеке өміріне қол сұғу, қоғамдық тәртіпті бұзу», деді ол.</blockquote>Депутат жасанды интеллектіні теріс мақсатта пайдалану арқылы жасалатын жаңа түрдегі пранктерге де назар аударды. Оның айтуынша, мемлекеттік тұлғалардың жалған бейнелерімен немесе азаматтарды шатастыратын бейнероликтермен қоғамды адастыру қауіпті құбылысқа айналып барады.<blockquote>«Тағы бір пранкте балалар ата-аналарына «танымайтын адам үйге келіп тұр, не істейміз?» деп жасанды интелект арқылы беймәлім адамның үйге кіріп кеткен, пәтерді аралып жүрген суреттерін жібереді. Зәресі ұшқан ата-ана полицияға телефон шалады, жұмысын тастап үйіне барады. Ақырында бұл пранк деп бала-шаға бейқам отырады. Дәл сол уақытта полиция шын мұқтаж адамға көмекке баруға үлгермей қалуы мүмкін, оны интернеттің инесіне отырғандар ұқпайды», деді депутат.</blockquote>Сондай-ақ депутат соңғы уақытта ел ішінде «табытта 24 сағат өткізу» секілді адам шошытарлық челлендждердің таралуын сынға алды.<blockquote>«Хәкім Абай: «Ішпек, жемек, кимек, күлмек, көңіл көтермек – бұл нәрселердің бәрінің де өлшеуі бар. Өлшеуінен асырса, зияны тимек» деген уағында. Сондықтан өлшемге өресі жетпейтіндерді заңмен тұсайтын кез келді», деді Нартай Аралбайұлы.</blockquote>Депутат өз сөзінде бірқатар нақты ұсыныстарды да ортаға салды:<ul><li style="text-align:justify;">Пранк барысында қоғамдық тәртіпті бұзған, жеке адамның өміріне қол &nbsp;сұққандарды анықтап, олардың бірыңғай тізімін жасап жариялау қажет.</li><li style="text-align:justify;">Қауіпті пранк арқылы адамның ар-намысы мен абыройына қол сұққандардың әлеуметтік желідегі парақшаларын дереу бұғаттау керек;</li><li style="text-align:justify;">Әлеуметтік желі әкімшілерінен қауіпті пранктер мен бейнежазба жарияланған парақшаларды анықтап, уәкілетті органға жедел хабарлауды талап ету қажет;</li><li style="text-align:justify;">Мұндай теріс құбылыстың алдын алу мақсатында ақпараттық-түсіндіру жұмыстарын жүйелі түрде, нәтиже беретін контент ретінде &nbsp;жүргізу керек.</li></ul>

Пранк жасаймын деп қоғамдық тәртіпті бұзатындар көбейіп кетті - Нартай Аралбайұлы

<a href="https://kyzylorda-news.kz/">Kyzylorda-news.kz</a>&nbsp; Арал аудандық мәдениет үйінде мүгедектігі бар адамдар күні мерекесі аясында «Менің қолымнан бәрі келеді» атты мерекелік кеш өтті.25 қазан – Республика күні мерекесі аясында шымылдық түрген бұл шараның мәні зор, маңызы ерекше. Жыл сайын қазан айының екінші жексенбісінде елімізде мүгедектігі бар адамдар күні аталып өтетіні белгілі. Бұл күн – әр азаматтың ерекшелігіне қарамастан өзін қоғамның тең мүшесі ретінде сезінуіне, инклюзивті ортаны қалыптастыруға бағытталған ерекше мереке.Құрмет пен ізгілікке, қолдау мен мейірімге толы салтанатты кешке аудан әкімі Аманжол Оңғарбаев арнайы қатысып, ерекше қажеттілігі бар жандарға деген өзінің ізгі тілегін жеткізді.<blockquote>– Құрметті жерлестер, қадірлі де ардақты жандар! Бүгін біз қоғамымыздың ерекше бір бөлігі – өмірдің түрлі сынақтарына қарамастан рухы мықты, жүрегі кең, жігері қайтпас жандарды құрметтеу мақсатында бас қосып отырмыз. Бұл күн – мейірім мен ізгіліктің, қамқорлық пен қолдаудың мерекесі. Мүмкіндігі шектеулі азаматтар – қоғамымыздың белсенді мүшелері. Сіздердің әрқайсыңыздың өмір жолыңыз – төзімділіктің, қайсарлықтың және адамдық парасаттың үлгісі. Сіздер қиындықтарға мойымай, өздеріңізге, отбастарыңызға, елге қызмет етіп, өмірге деген сүйіспеншілікті арттыра түсесіздер. Сіздердің рухтарыңыздың биіктігі мен сенімдеріңіз баршамыз үшін үлкен өнеге. Жүректеріміз бір, ниетіміз ортақ, мақсатымыз – бәріміз үшін жарқын болашақ. Біз әрқашан сіздермен біргеміз! Еліміздің ұлық мерекесімен тұспа-тұс келген осы маңызды күні өздеріңізге мықты денсаулық, ұзақ ғұмыр тілеймін, – деді аудан басшысы Аманжол Сақыпұлы.</blockquote>Аудан әкімі өз сөзінде бұл бағытта атқарылып жатқан бірқатар игі істерге де тоқталып өтті.«Мүгедектігі бар адамдар күні» мерекесіне орай ауданның дамуына үлес қосып, қоғамдық жұмыстарға белсене атсалысып жүрген бірқатар азаматтарға аудан әкімінің Алғыс хаты табысталды.Мерекелік кеш соңы аудан өнерпаздарының концерттік бағдарламасына ұласып, ән мен күйден шашу шашылды. Ерекше жандардың құрметіне арналған бұл мерекелік кеш жұртшылықтың көңілін көтеріп, қамқорлық пен ізгіліктің айқын көрінісіне айналды.

Қазақстан және Қызылорда облысының жаңалықтары