<a href="https://kyzylorda-news.kz/">Kyzylorda-news.kz.</a>&nbsp; Бұрын облыс орталығында картон зауыты болатын. Негізігі шикізат ретінде дария бойында өсетін қамыс пайдаланылған. Картонның көптеген түрін дайындайтын ірі зауытта мыңдаған адам жұмыс істеп, одан шығатын өнім еліміздің түкпір-түкпіріне жөнелтілетін. Табиғи өнімді көптеген салада пайдаланып, оған деген сұраныс болатын. Қазір картон қағазы өндірістен шығып, оны пластик целлофандар ауыстырды. Адамға пайдасынан гөрі зияны көп целлофанға тыйым салған елдер де жоқ емес. Дегенмен біздің елде әзірге целлофан нарықтан ығыстырылмайтын тәрізді.Сырдариялық кәсіпкер Владимир Пан – Шағанның тумасы. Ол қамыстан картон шығаруды емес, одан құрылыс материалын әзірлеуді қолға алған. Кәсіпкер қамыстың құрылысқа қажеттілігі туралы көп ізденгені мәлім. Шындығында, Сырдың қалың қамысы таптырмас құрылыс материалы болғандықтан, оны экспортқа шығару үшін шетелдік мамандармен байланыс орнатқан.<blockquote>«Қыс – нағыз қамыс оратын кез. Бала кезімізде осы қамысты орып, оны баулап, жаздыгүні құрылысқа пайдалану үшін дайындайтынбыз. Қазір үй салатындардың арасында осы қамысты пайдаланатындар көп. Дегенмен мен қамысты Германияға экспорттауды жөн көрдім. Себебі осы мемлекетте қамысты үйдің шатырын жабуға пайдаланады екен. Сондықтан қамысты құрылысқа пайдалануға ыңғайлы етіп, байлап, экспортқа дайындап жатырмыз. Ол үшін ауылдың жұмыссыз азаматтарын уақытша жұмыспен қамтып отырмын. Жұмысшылар қамысты орып, баулайды», – дейді кәсіпкер.</blockquote>Шетелмен байланыс орнатқан ауыл кәсіпкері мұнан басқа да қамыс қалдықтарынан жасалатын өнім әзірлеуді жоспарлап отыр. Яғни, қамыс тақталарын өндіру арқылы өндірісін кеңейтетін кәсіпкер келешекте 50 адамды жұмыспен қамтымақ ниетте. &nbsp;

Сырдарияда  қамыстан құрылыс материалдары шығады

<a href="https://kyzylorda-news.kz/">Kyzylorda-news.kz.</a> Елімізде бірқатар ерітінді мен жақпа майлардың және дәрі-дәрмектің бағасы қымбаттауы мүмкін, деп хабарлайды <a href="https://stan.kz/elimizde-dari-darmek-kimbattamak-379980/">Stan.kz</a>.Отандық фармацевтер осылай деп дабыл қағуда. Себебі шетелден жеткізілетін фармацевтикалық субстанцияларды Қазақстанда тіркеу талабы енгізілгелі отыр. Өкінішке қарай, қазір дәрілік қоспалардың ешқайсысы елімізде өндірілмейді. Дені Еуропа, Қытай және Ресейден тасымалданады. Халықаралық сертификаттары бар. Егер оны Қазақстанда қайта тіркесе, біріншіден қымбатқа түседі, әрі бұл ұзақ уақытты алады. Әсіресе, препаратты өздері жасайтын дәріханалар үшін қиынға соққалы отыр. Себебі олар шикізатты аз мөлшерде алады. Қазір республикада ондай дәріханалардың саны 126.<blockquote>“Егер жаңа талапты енгізетін болса, біз амал жоқ, жабыламыз. Себебі Қазақстанда субстанцияның бағасы бірден шарықтайды. Ал ол жағдайда жұмыс істеу мүмкін емес. Сырттан жеткізілетін әр шикізатты заң жүзінде тіркейтін болсақ, біздің есебіміз бойынша шамамен құны 5 есеге қымбаттайды”, – деді фармацевтикалық компания директоры Ольга Цейц.</blockquote>Ал ҚР ДСМ медициналық және фармацевтикалық бақылау комитетінің басқарма басшысы Эрик Құлшановтың айтуынша, фармацевтердің алаңдауына әзірге еш негіз жоқ.<blockquote>“Әлі бұл талап енгізілген жоқ қой. Қазір қоғамдық тыңдау өтіп жатыр. Бизнес қауымдастықтың зардап шекпеуіне біз де мүдделіміз. Сондықтан бұл талапты алып тастауымыз да мүмкін”, – деді ол.</blockquote>

Елімізде дәрі-дәрмек қымбаттамақ: Фармацевтер алаңдаулы

<a href="https://kyzylorda-news.kz/">Kyzylorda-news.kz.</a>&nbsp; Бас бостандығынан айыру орындарынан босатылған және пробация қызметінде есепте тұрған азаматтарға әлеуметтік- құқықтық көмек көрсетілуі, оның ішінде бос жұмыс орындарына белгіленген квотаның орындалуы, 2021-2025 жылдарға арналған кәсіпкерлікті дамыту жөніндегі ұлттық жоба және оның жұмыспен қамтудың белсенді шаралары бағыттарына сәйкес, қайта даярлау курстарына оқытылған, қоғамдық және әлеуметтік жұмыстардың мерзімі аяқталғаннан кейін олардың тұрақты жұмыспен қамтылуы туралы Қазақстан Республикасы Үкіметінің 2021 жылғы 12 қазандағы №728 қаулысымен бекітілген 2021-2025 жылдарға арналған кәсіпкерлікті дамыту жөніндегі ұлттық жобасы аясында оқытуға, әлеуметтік және ақылы қоғамдық жұмыс орындарына, тұрақты жұмысқа орналастыру мәселелері қаралып, пробация қызметі бөлімімен бірлескен жұмыстар атқарды.Арал ауданы әкімінің халықты жұмыспен қамту орталығының маманы Абзал Малкаждаровтың айтуынша 2022 жылға бас бостандығынан айыру орындарынан босатылған және пробация қызметінде есепте тұрған 66 азаматтың әлеуметтік жағдайын зерттеу жұмыстары жүргізіліп, ай сайын салыстырмалы акт жасалып отырған.<blockquote>2022 жылы ай сайын есепте тұрған жұмыссыздарға арналған «жұмыс іздеймін» атты бос жұмыс орындары жәрмеңкесі өтіп, аталған шараға аудандық прокуратура қызметкері, жеке сот орындаушылары, пробация бөлімінің қызметкерлері және жұмыс берушілер қатысып, 27 жұмыс беруші мекемелерден 166 бос жұмыс орындары ұсынылып, «Арал құрылысы» ЖШС-не және «Арал СДО» балық заводына 2 адам тұрақты жұмысқа орналасты. «Қазақстан Республикасы Тәуелсіздігінің отыз жылдығына байланысты рақымшылық жасау туралы» Қазақстан Республикасының Заңын орындауға қатысты Арал ауданынан рақымшылық бойынша аудандық пробация бөлімнің есебіндегі 11 азамат жазасынан босатылды, 13 азаматтың өтелмеген жазасының мерзімі қысқартылды. Бас бостандығынан айыру орындарынан босатылғандар болмады, - дейді ол.</blockquote>2021 жылғы 30 қарашада Арал ауданы әкімдігінің «2022 жылға жұмыс орындарына квоталар белгілеу туралы» №171-қ қаулысы негізінде 4 орынға квота белгіленді. «Арал СДО» жауапкершілігі шектеулі серіктестігіне 2 адам, «Арал құрылысы» жауапкершілігі шектеулі серіктестігіне 2 адам квота бойынша жұмысқа орналасты.&nbsp;Аталған қаулыға толықтырулар енгізіліп, аудан әкімінің 31.08.2022 жылы №98-қ қаулысы негізінде тағы 2 орынға квота белгіленді. Қосымша бекітілген квотаға сәйкес, «Арал құрылысы» жауапкершілігі шектеулі серіктестігіне 1 адам және «Арал СДО» жауапкершілігі шектеулі серіктестігіне 1 адам квота бойынша &nbsp;тұрақты жұмысқа орналасты. Квота 100 пайызға толық орындалды.&nbsp; Кәсіпкерлердің демеушілігімен іс-шаралар ұйымдастырылып, отбасылық жағдайларын ескере отырып 3 отбасыға &nbsp;азық-түлік және ақшалай қайырымдылық көмектер көрсетілді.Бас бостандығынан айыру органдарынан босатылған және пробация қызметі есебінде тұрған азаматтар арасындағы 1 отбасыға IV тоқсанына 301542 теңге мемлекеттік атаулы &nbsp;әлеуметтік көмек тағайындалды.<blockquote>&nbsp;Облыстық прокуратурасының пробация қызметінің есебінде тұрған сотталғандармен қайта қылмыс жасау себептеріне және оларға көрсетілген әлеуметтік-құқықтық көмектің сапасына жүргізілген талдау негізінде «Заңдылықты бұзушылықты жою туралы» ұсынуды қарау отырысының 2022 жылы 4 қарашадағы хаттамасына сәйкес, пробация қызметі есебінде тұрған әлеуметтік-құқықтық көмекке мұхтаж азаматтарға түсіндірме жұмыстарын жүргізу үшін аудан көлемінде жұмысшы топ құрылды. Нәтижесінде, 23 адамға әлеуметтік-құқықтық көмек көрсетіліп, жеке шаруашылығымен айналысатын 6 адам өзін-өзі жұмыспен қамтыған азамат ретінде бірыңғай жиынтық төлем төлеп, міндеттін әлеуметтік сақтандыру қорынан 1 адамға жұмысынан айырылуына байланысты 6 айға 150 мың 840 теңге көлемінде жәрдемақы тағайындалды, 5 адам аудандық халықты жұмыспен қамту орталығына жолығып, ондағы бос жұмыс орындарымен таныстырылды. 2022 жылдың қорытындысы бойынша аталған санаттағы 17 адам хабарласып, оның 12 тұрақты жұмысқа, 1 адам алғашқы жұмыс орнына, 2 адам қысқа мерзімді оқуға, 2 адам ақылы қоғамдық жұмысқа жолданып, қысқа мерзімді оқуға жолданған 2 адам және ақылы қоғамдық жұмысқа жолданған 2 адам тұрақты жұмыспен қамтылды, - деді А. Малкаждаров</blockquote>Мәдени шарала бойынша Арал аудандық мәдениет үйі 2022 жылдың мамыр айының 25 күні Арал аудандық пробация бөлімінде тіркеуде тұрған азаматтармен «Пробация туралы салиқалы әңгіме» атты кездесу өткізілді. Кездесуге Арал аудандық пробация бөлімінің қызметкерімен Арал аудандық пробация бөлімінде тіркеуде тұрған 4 азамат қатысты. Азаматтарға сұрақтар қойылып, өз жағдайлары туралы айтып өтті. Тіркеудегі азаматтарды өнерге баулып өнерлерін насихаттау мақсатында М. есімді азамат домбыра аспабында күй тартып өнерін көрсеткен.&nbsp;<blockquote>Бұдан бөлек, 2022 жылдың 19 тамыз күні қалалық №1 кітапханада &nbsp; &nbsp;аудандық пробация қызметі есебінде тұрған жастарды тұлға ретінде қалыптасуына, рухани дамуына және қоғамдағы орнын табуына көмек көрсету мақсатында «Кемелдікке бастаған кемеңгер заң» тақырыбында таным сағаты ұйымдастырылды. Шара барысында кітапханашы &nbsp;ҚР Конституциясының 30 жылдығына орай ұйымдастырылған кітап көрмесімен таныстырып, заң, адалдық туралы көрмеге қойылған кітаптарға тоқталып өтті. Сонымен қоса, кітапханаға жаңа түскен әдебиеттермен таныстырып, нәтижесінде &nbsp;пробация есебінде тұрған азаматтар кітапханаға оқырман ретінде жазылып, кітапхана ережесіне сай кітапты өз аттарына жаздырып, үйден &nbsp;оқуға алды. Алдағы уақытта пробация қызметінде есепте тұрған азаматтардың мәдени іс-шараларға қатыстырылуы жалғастырылатын болады, - дейді ол.</blockquote>Биылғы жылға, 2022 жылғы 30 қарашада Арал ауданы әкімдігінің «2023 жылға жұмыс орындарына квоталар белгілеу туралы» №130-қ қаулысы негізінде 4 орынға квота белгіленді. Бүгінгі күнге, «Арал құрылысы» жауапкершілігі шектеулі серіктестігіне 2 адам квота бойынша тұрақты жұмысқа орналасты.Жыл басынан бері бас бостандығынан айыру органдарынан босатылған және пробация қызметі есебінде тұрған 7 адам хабарласып, оның 3 тұрақты жұмысқа, 3 адам ақылы қоғамдық жұмысқа жолданып, 1 адамы кәсіпкерлігін дамыту мақсатында 1 380 000 теңге көлемінде қайтарымсыз грант берілді. Уақытша жұмысқа жолданған азаматтар (әлеуметтік жұмыс, жастар тәжірибесі, қоғамды жұмыс, алғашқы жұмыс орны т.б.) мерзімі аяқталған соң, жыл соңына дейін тұрақты жұмыспен қамтылатын болады.Сонымен қатар, пробация бөлімінің қызметкерлері, жеке сот орындаушылар, аудандық прокуратура қызметкерлері, аудандық аурухана қызметкері және кәсіпкерлік бөлімінің мамандарымен бірге ағымдағы жылдың 30 қаңтарында пробация қызметі бөлімінің есебінде тұрған азаматтарға әлеуметтік-құқықтық көмек көрсету үшін «Ашық есік» мақсатында жеке қабылдаулар ұйымдастырылды. Нәтижесінде пробация қызметі бөлімінің есебінде тұрған азаматтардың ой-пікірлері тыңдалып, сұрақтарына жауап берілді.Бұған қоса, ағымдағы жылдың қаңтар және ақпан айларында пробация қызметі бөлімінің есебінде тұрған азаматтарға және борышкер азаматтар үшін «Еңбек» жәрмеңкелері өтті. Аталған шараға аудандық халықты жұмыспен қамту орталығының маманы, аудандық прокуратура қызметкерлері, жеке сот орындаушылар, пробация бөлімінің қызметкерлері және 9 жұмыс берушілер мекемелерден 60 бос жұмыс орындары ұсынылды. Нәтижесінде 3 адам ақылы қоғамдық жұмысқа, 2 адам тұрақты жұмысқа жолданды. Атқарылған жұмыстар бойынша әлеуметтік желілерге үнемі жарияланып отырылады. Бас бостандығынан айыру орындарынан босатылғандар және пробация қызметі бөлімінде есепте тұратын азаматтарды әлеуметтік қолдау мақсатында тиісті бөлімдерге және азаматтардың тұрғылықты мекен жайы бойынша хаттар жолданып, мемлекеттік бағдарламаларды түсіндіру, бағыт-бағдар беру жұмыстары ұдайы жүргізіліп келеді. Алдағы уақытта бұл жұмыстар жалғасын табатын болады.

Пробациялық есепте тұрғандар жұмысқа орналасуда

<a href="https://kyzylorda-news.kz/">Kyzylorda-news.kz.</a> Кез келген адамның өмірден өзіндік орнын табуға бағыт-бағдар беретін ұлағатты ұстаздың лайықты ізбасары бола білген Ақмарал Жақанова – өз ісінің майталманы саналады. Аяулы ұстаз жақсы менен жайсаңның құтты мекені атанған Сырдария ауданы Ақжарма ауылынының білім ошағында абыройлы қызмет етіп келеді. Өлшеусіз еңбектің жемісін көріп жүрген мақтаулы маманның бойында табандылық пен талапшылдық қасиет басым екенін айта кеткен жөн.Жастайынан өз мамандығын жоғары бағалайтын және шәкірт тәрбиелеу жолында ешнәрседен тайынбайтын Ақмарал Жақанованың 9855 күні мұғалімдік қызметке арналғандығын көпшілік біле қоймас. Яғни, аяулы жан 27 жыл бойы география-биология пәні бойынша шәкірттеріне сабақ беріп келеді. Негізгі арманына қанат бітірген білікті ұстаздың тәжірибесі мол. Оқу-ағарту қызметінің бүге-шүгесіне дейін жатқа білетін оның бірнеше сатыдан тұратын еңбек жолы қиындық пен қызыққа толы десек, қателеспейміз.<blockquote>Үйдегі үлкендердің ақ батасын алып, Қызылорда қаласына оқуға аттанған кезім әлі есімде. Әрине, жоғарғы білім алмастан бұрын бір жыл тәлімгерлік қызметте жүргенім мені барынша шыңдай түсті. Өзіңдей жас мамандардың білсем, көрсем деп алға қарай ұмтылысын байқағанда мен де қарап қалмасым анық. Негізгі қалаған мамандық бойынша білім алып, Қызылқұмдағы білім ошағына жұмысқа орналастым. Жайдарлы мінезінен таймайтын Жұматай ағайдың қамқорлығын сезініп, Іңкәрдария ауылында 1 жыл оқушыларға ұстаз ретінде сабақ бердім. Кейіннен Ақжарма ауылындағы №130 Абай атындағы орта мектепке ауысып, білім саласының қазанында қайнауға кірісіп кеттім. Біліктілік пен білімділік сыналар тұста ізденуден жалықпайтын мен үшін қоғамдық қызмет те таңсық көрінбеді. Осылайша, бірнеше жыл қатарынан «Жалын» тынығу лагерінде аға тәлімгер болу міндеті жүктелді, – дейді ұстаз.</blockquote>Иә, бүгінде білім саласында қажырлығымен жақсы нәтижеге қол жеткізген Ақмарал Жақбарқызының бірнеше шәкірті өз саласының білгірі атана білген. Өз кезегінде ардақты ұстаздың шәкірті Фариза Әбзиева ұстазына арнап жылы лебіз білдірген еді.<blockquote>Білікті ұстаз әрі талантты болса, білім ордасының бағы жанары рас. Сондай жан-жақты ұстаздарға бай білім ошағының бірі №130 Абай орта мектебі екендігі мәлім. Іргелі білім ордасында тәлім алған кезімізде Ақмарал Жақбарқызы кәсіби біліктілігімен даралана білді. «Алдыңа келген оқушыны әңгімелесу арқылы немесе ұнататын бағытын тауып, өзіңе қарай баулу, тарту керек» деген қағиданы ұстанған ұстазымыздан шәкіртіне деген шексіз мейірім көреміз. Негізінен, Ақмарал апай жыл сайын мектепішілік, аудандық, облыстық олимпиадаларға оқушыларды дайындауды дағдыға айналдырған. Үлгілі үрдісі кез келген балаға шабыт сыйлайтыны анық. Оған дәлел, Ақмарал апайымның жол нұсқауының арқасында көптеген білім бәсекелерінде жеңімпаз атануым еді. Асылында, Ақмарал Жақбарқызының өзіне тән коммуникативтік және ұйымдастырушылық деңгейдегі үйлесімді қабілеті бар. Ұстазымыз талап қойғыш, оған қоса мейірбан, жауапкершілігі мол жан ретінде танылған. Үнемі ақыл-кеңесін айтудан жалықпайтын мәртебелі мамандық иесі әріптестерінің, оқушылары мен ата-аналарының арасында айрықша беделге ие, – дейді шәкірті Ф.Әбзиева.</blockquote>Бар уақытын халық баласын оқытуға арнаған білікті ұстазға бір жылдары мектеп директорының тәрбие ісі жөніндегі орынбасары қызметін жүргізу міндеті жүктелген болатын. Күн сайын баланың жүріс-тұрысы, тәртібі негізгі қадағалауда болатын бұл қызметте кейіпкерім тосылып қалған емес. Тікелей ата-анамен байланыс орнатып, жауапкершілігі мол саланы ұршықша иіріп әкеткеніне әріптестері куә. Сан түрлі іс-шараның басы-қасынан табылып, үздіктер қатарынан болуға талпынды. Ұйымдастырушылық қабілетін іске қосып, мектептегі тәрбие ісін ақсатпауға тырысты. Мінезі қиын балалармен ортақ тіл табысып, барлық жағынан ұғысты.Кейіннен мектеп директорының оқу ісі жөніндегі орынбасары қызметіне ауысқан кезінде оқушылардың білім сапасын жақсартуға күш салды. Мықты маман ретінде әріптестерінің ыстық ықыласына бөленді.<blockquote>Менің әріптесім Ақмарал – адамгершілігі жоғары, кәсіби біліктілігін ақыл-парасатымен ұштастыра білген жан. Бірнеше абыройлы қызметті атқара жүріп, республика көлемінде танылып, педагогикалық іс-тәжірибенің озық үлгісін көрсете білді. Жастайынан тәрбие ісі жөніндегі орынбасарлық қызмет атқарып, облыс көлеміндегі бірқатар семинарды жоғары деңгейде өткізді. Бірнеше жыл мектеп директорының оқу ісі жөніндегі орынбасары қызметін де атқарып, біліктілігін тағы бір мәрте дәлелдей түсті. Өзінің тыңғылықты ізденімпаздылығының арқасында әрдайым оқушыға сапалы білім нәрін беретін мұғалім ретінде танылды. Республикалық деңгейдегі марапаттары Ақмаралдың кәсіби деңгейінің жоғары, тәжірибесінің мол екендігіне дәлел бола алады. Мінезі ақжарқын, өз ісіне тиянақты, адал. Сонымен қатар өзінің мұғалімдік іс-тәжірибесіне арқа сүйейтін ол ұжым арасында зор құрметке бөленіп жүр. Ұстаздық қызметінен бөлек ән айтатын қабілеті бар, қазақилығымен ерекшеленетін өнерлі жан. Бірқатар мәдени іс-шараның жоғары деңгейде өтуіне себепші болып, бастама көтеріп жүрген ұлағатты ұстаздардың санатына кіреді. Ұстаздық қызметімен қатар Ақмарал – отбасында сүйікті жар, аяулы ана. Бүгінде 3 баланың анасы отбасының ұйытқысы ретінде берекені келтіріп отыр. Білімін біліктілігімен көрнектей білген ұстазға алдағы еңбек жолының табысты, жемісті болуы үшін тілектестік білдіремін, – дейді әріптесі, қазақ тілі мен әдебиеті пәнінің мұғалімі Айнұр Сәркеева.</blockquote>Оқу-ағарту жүйесінде көптеген реформа жасалып жүргені көпке аян. Баланың білім деңгейін көтеру жолында ұстаздың кәсіби біліктілігін жоғарылату маңызды рөл ойнайды. Әрқашан педагогтың білім сапасын жақсартуға барлық мүмкіндік қарастырылғаны жөн. Осындай біршама талапты орындай білген Ақмарал апай мектепке келген жас ұстазды жігерлендіріп, ынталандырып отырады. Мәселен, математика пәнінің мұғалімі Перизат Әлиакбарова білікті маманнан үйренері көп екендігін алға тартады.<blockquote>Осыдан 9 жыл бұрын №130 Абай атындағы орта мектепке мұғалім болып келгенімде Ақмарал апай мектеп директорының оқу ісі жөніндегі орынбасары еді. Жас маманға деген талабы мол, тәртібі мен қаталдығының арқасында көптеген өзім сияқты жас мамандар айқын тәжірибесін қалыптастыра білді деп ойлаймын. Ол – өз ісіне жауапкершілікпен қарайтын ұстаз. Тапсырылған кез келген істі тыңғылықты тындыруға асығады. Өз басым алтын жүректі ұстазды – жаны таза, ұқыпты адам ретінде бағалаймын. Эстетикалық талғамы жоғары, адамгершілігі биік. Ақыл-парасаты өмірде көрген-білгендігімен ұштасып жатады. Әріптестерімен тату, керек жағдайда көмек қолын соза біледі, ешкімге жамандық ойламайды. Орынды әзіл-қалжыңды сүйеді. Өзіндік мәдениеті жоғары деңгейде екендігін байқата білетін ұстаз, – дейді П.Әлиакбарова.</blockquote>Әр жылдары жоғарғы бірнеше марапатқа қол жеткізе білген Ақмарал Жақанова қазіргі уақытта №130 Абай атындағы орта мектебінің кәсіподақ комитетіне тікелей жауапты. Отбасында ата-ененің, отағасының бабын тапқан кәсіби маман орасан жетістіктерге қол жеткізе бермек. Еңбекқор жан үшін шәкіртінің тілегінен асқан жетістік жоқ екені аян.<blockquote>Ақмарал апай біздерге білім беріп қоймай, барлық жағынан үлгі болды. Асыл апайымыз бізге 2001-2007 жылдар аралығында биология пәнінен сабақ берді. Біз мектепте биология пәнінен тереңдетіліп оқытылған сынып болған едік. Әрбір сабағын өзгеше етіп, топтық жұмыстармен, пікір алмасу түрінде, тест түрінде жалықтырмай, шеберлікпен қызықты етіп өткізетін. Ұстаздың өз мамандығына деген қызығушылығының жоғары болуынан сыныпта барлық оқушының ерекше ынталанып, қызыға оқитын пәні биология болды. Ол кісі үй тапсырмасына тақырыпқа сай кітапша құрастыруға беретін еді. Сан түрлі әдіс-тәсіл оқушылардың пәнге деген қызығушылығын арттырып, ізденіс пен шығармашылық қабілетімізді оята білді. Ақмарал апайдың оқушылары көптеген олимпиадаларда, білім бәсекелерінде жүлделі орын алып, өзі қалаған мамандықтары бойынша грантпен оқуға түседі. Бұл ұстазымыздың тәжірибелі маман екенін білдіреді және тынымсыз еңбегінің жемісі десек артық айтқандық емес, – дейді шәкірті Салтанат Қожахмет.</blockquote>Қолымызға қалам алып, мақаланы жазу барысында бізге пікір білдіріп, білім қызметкері туралы орамды ойлар айтқан ұстаздың қос шәкірті – жоғары білімді жандар. Бірі – мұғалім болса, екіншісі – дәрігер.Білікті маман Ақмарал Жақбарқызының жолдасы Серік Мұстафаев – музыка пәнінің мұғалімі. Жарасымды отбасындағы қос ұстаздың перзенттері оқуда озат, өнерге құштар. Мамандығынан ерекше серпіліс алатын ардақты ұстаздың жұмысына сәттілік тілейміз!&nbsp;

Ақмарал Жақанова: Білікті ұстаз әрі талантты болса, білім ордасының бағы жанады  

<a href="https://kyzylorda-news.kz/">Kyzylorda-news.kz.</a> Президент Жарлығымен 19 наурыз күні Парламент Мәжілісі және мәслихат депутаттарының сайлауы өтті. Бұл аптада саяси науқанда алдыңғы қатардан көрініп, жеңіске жеткен су жаңа депутаттар жұмысқа кірісті. Мәжілістен бастап, жергілікті мәслихаттың халық қалаулыларына депутаттық мандат тапсырылып, алғашқы сесссиясы да өтті.Қызылорда қалалық мәслихатының VIII шақырылымына 23 депутат сайланды. Тең жартысы жаңарған мәслихат құрамында депутаттық жұмыстың майын ішкен тәжірибелілер де, бұған дейін депутат болмаса да, өз саласының білікті маманы, басшысы ретінде, қоғамда белсенді азамат ретінде танымал есімдер де, сондай-ақ көп жұртқа бейтаныстар да кездеседі.&nbsp; Ең алдымен жаңа мәслихат құрамының жас шамасына келсек, халық қалаулыларының орта жасы – 48,4 жас болса, жасы үлкені 67 жаста, ең жасы – 34 жаста. Мәслихаттағы 23 орынның 6-ы нәзік жандарға бұйырыпты. Жастарға 3 орын берілген. Ал партия өкілдеріне келетін болсақ, мәслихаттағы 19 орын «Аmanat» партиясына, 3 орын «Ақжол», 1 орын «Ауыл» партиясына бұйырды. Жаңа құрамда түрлі саланың өкілдері бар.&nbsp;Анығын айтқанда, сөзден гөрі істің адамы саналатын кәсіпкерлер саны басым. Сонымен қатар білім, ғылым, мәдениет, денсаулық әлеуметтік сала өкілдері де бар. Сондай-ақ бұған дейін саясатта ісі жоқ банкир де, есепшінің де депутат болуы жаңа мәслихат құрамының жаңалығы. Қалай айтсақ та, ең бастысы, ел үміт артқан депутаттар ел сеніміне қызмет етсін дейміз. Сонымен, қалалық сайлау комиссиясының төрағасы Ғалым Баймырзаев жаңадан сайланған депутаттарға ресми түрде депутаттық куәлік пен төсбелгі тапсырды.VIII шақырылымның алғашқы сессиясының ең маңызды тұсы – қалалық мәслихаттың төрағасын сайлау. Көпшілікке сайлаудан кейінгі қызық сұрақ та осы. Сессия барысында депутат Талғат Мақашев &nbsp;қалалық мәслихаттың төраға қызметіне Ибадулла Құттықожаевтың кандидатурасын ұсынып, өзге әріптестері бірауыздан мақұлдады. «Ақжол» партиясынан сайланған депутат Ғибрат Байсейітов жас та болса алғашқы сессияда сөз алып, әріптесінің ұсынысын қолдап, мәслихат тізгінін ұстауда мол тәжірибесі бар Ибадулла Дүйсенбайұлының тағы да төраға болғанын құптады. Айта кетелік, төрағаның мәслихат тізгінін ұстауы бірінші рет емес, бұған дейін 3 рет мәслихат хатшысы болған И.Құттықожаев қалалық мәслихаттағы депутаттардың жасы үлкені әрі мәслихат жайын да, депутаттық міндетті де жақсы білетін тәжірибелі депутат.Сессия барысында қалалық мәслихат жанындағы 4 тұрақты комиссиялардың құрамы мен төрағалары белгілі болды. Атап айтқанда, бюджет және экономикалық даму мәселелері жөніндегі тұрақты комиссия төрағасы Ерлан Нұртазав, әлеуметтік сала және қоғамдық қауіпсіздік мәселелері жөніндегі тұрақты комиссияға депутат Айгүл Мұсабаева, коммуналдық-шаруашылық және қала инфрақұрылымы мәселелері жөніндегі тұрақты комиссияның төрағасы болып Д.Абызов, ауыл шаруашылығы, жер және экология мәселелері жөніндегі тұрақты комиссия төрағалығына депутат Мақсат Жүсіп сайланды. Сессия барысында «Amanat» және «Ақжол» партиясының депутаттық фракциялары тіркелді.Сессияда сөз алған шаһар басшысы Асылбек Шәменов жаңадан сайланған депутаттардың жұмысына сәттілік тіледі.<blockquote>«Мемлекет басшысының бастамасымен саяси реформа жүзеге асуда. Саяси жаңғыруға жаңа қадам жасалды. Конституциялық өзгерістерге сәйкес Парламент, жергілікті мәслихаттар сайлауы өтті. Қалалық мәслихаттың VIII шақырылымындағы жаңа құрам барлық саланың өкілін қамтыды. Қаланың экономикалық дамуы депутаттар белсенділігіне тікелей байланысты. Үгіт-насихат уақытында халықпен кездесіп, мән-жайға қанық болып, ахуалды байқадыңыздар. Ендігі жұмыс – халықтың тұрмысын жақсартуға жұмыс істеу. Биыл атқарылар жұмыс көп, жобалар да ауқымды», – деген қала әкімі алдағы уақыт еншісіндегі жұмыс барысын, жүзеге асар жобалар жайын баяндады.&nbsp;</blockquote>Шаһар басшысы сайлауалды үгіт-насихат кезеңінде қала және оған қарасты кенттер мен ауылдық округтерді аралап, тұрғындардың талап-тілегін тыңдап, жерлестерімізге қажетті шаралардың қолға алынатындығын жеткізген халық қалаулыларына сол сенім мен уәде үдесінен шығу керектігін, депутаттардан соны бастамалар, тың ұсыныстар күтетінін айтты.&nbsp;Айта кетерлігі, 2023 жылдың 19 наурызында өткен сайлау нәтижесімен, Қызылорда қаласындағы 23 сайлау округінен бір мандатты (мажоритарлық сайлау тәртібі бойынша) Қызылорда қалалық мәслихат депутаттығына 23 депутат сайланды. VІІІ шақырылған қалалық мәслихат депутаттарының орта жасы – 48 жас болса, ең жас депутат – 34 жаста. 23 депутаттың 17-сі ер адам немесе 73,9 %, 6-ы әйел, яғни 26,1 пайызы. Барлық депутаттың 3-еуі жастар (барлық депутаттардың 13,0 %). Депутаттардың ұлттық құрамы 100% қазақ, «Amanat» партиясынан – 19 (74 %), Ақжол партиясынан – 3, Ауыл партиясынан – 1 депутат қызмет атқаратын болады.Топ жарып шығып, аты озған депутаттардың білек сыбана жұмыс істейтін кезі келді.

Қызылордада депутаттар алғашқы сессияға қатысты

<a href="https://kyzylorda-news.kz/">Kyzylorda-news.kz.</a> Жергілікті халықтың денсаулығын жақсарту мақсатында кешенді іс-шаралар қабылдану – маңызды рөл ойнайды. Денсаулық сақтау саласында атқарылуға тиісті жұмыстар баршылық. Бүгінде Сырдария аудандық аурухана мен емхананың халыққа қызмет көрсету сапасын арттыру мақсатында бірқатар жұмыстар атқарылуда.&nbsp;Шындығында, Денсаулық сақтау саласын дамытудың 2021-2025 жылдарға арналған «Дені сау ұлт» мемлекеттік бағдарламасы аясында ауқымды жобалар жасалынғаны құптарлық жағдай. Әрине, халық денсаулығын жақсарту жолында медициналық қызмет сапасын арттыру, халықты қолжетімді медицинамен қамтамасыз ету, профилактикалық медицинаны дамыту, ана мен бала денсаулығын қорғау, алғашқы медико-санитариялық көмекті жетілдіру, сондай-ақ аудандағы емдеу және алдын алу ұйымдарының материалдық-техникалық базаларын нығайту, нысаналы индикаторларға қол жеткізу бағытында бір шама іс-шаралар жүзеге асырылуда. Жалпы, профилактикалық медицинаны дамыту бойынша жасалатын жұмыстар халық үшін тиімді. Созылмалы дерті бар жандарды тұрақты түрде профилактикалық тексеруден өткізіп, сырқатынан айықтыруға болады.&nbsp;Көпшіліктің қазіргі уақытта денсаулығы сын көтермейтіні рас. Сондықтан аймақтық дәрігерлер&nbsp; науқастардың аурушаңдық деңгейін төмендетуге барын салады деп сенеміз. Қоғам өміріндегі ең өзекті мәселелердің бірі – ана мен бала денсаулығы екені жасырын емес. Ана мен бала денсаулығын қорғау барысында ескерілетін мәселелер көп. Ананың денсаулығына жіті көңіл бөлініп, жүктілік кезінде немесе созылмалы дерті пайда болған кезінде дәрігер бақылауында болғаны дұрыс.&nbsp;Бұл ретте, аудандық ауруханада «Балалар» бөлімі, «Хирургия» бөлімі, «Терапия» бөлімі, «Жансақтау» бөлімі, «Гинекология» және «Перзентхана» бөлімі, «Оңалту және қалпына келтіру», мен «Паллиативті көмек» бөлімі, «Жұқпалы аурулар» бөлімі бойынша тұрғындарға 110 төсек орын жұмыс жасайды. Бүгінде аталған бөлімдерде науқастарды емдеп-жазуға тиісті іс-шаралар қабылданады. Әрбір бөлімнің өзіндік атқаратын қызметі бар. Сонымен қатар «Қабылдау» бөлімі мен «Жәдел жәрдем» қызметіне жүгінетін сырдариялықтар қатары жеткілікті. Әрине, үй жағдайында сырқаттанған тұрғындарға алғашқы көмек көрсету қауіпті дерттердің алдын алады. Осы ретте, медицинаны дамытуға күш сала білгенде халықтың денсаулық жағдайы жақсара түспек. Қай кез де, медицина мамандарының қызметін жоғары бағалай білуіміз керек.

Жоспарлы ем – халықтың денсаулық жағдайын жақсартады 

<a href="https://kyzylorda-news.kz/">Kyzylorda-news.kz.</a> Синоптиктер мәліметінше, сәуірде күн ұзақтығы артады, одан әрі күн жылынады. Қазақстанның солтүстігінде сәуірдің бірінші онкүндігінде орташа тәуліктегі ауа температурасы 0 градус, ал еліміздің оңтүстігінде +10 градус тұрақты оң мәндерге ауысатыны байқалады. Сәуірде аумақтың көп бөлігінде қар ериді.Бір ай ішінде республика аумағында барикалық түзілім ауысуына байланысты жылы, ашық күндер де, салқын, бұлтты күндер де болады. Каспийдің оңтүстігінен және Ресейдің еуропалық аумағынан циклондар шығуына байланысты кейбір күндері жаңбыр, екпінді жел, Қазақстанның оңтүстігінде найзағай, шаңды дауылмен ауа райы тұрақсыз сипатта болады.<blockquote>"Сәуірдің бірінші онкүндігінің басында еліміздің батысында және оңтүстік жартысында (оңтүстіктің таулы аймақтарында жаңбыр ылғалды қарға ауысуы мүмкін), онкүндіктің ортасында Қазақстанның басым бөлігінде жаңбыр жауады деп болжанып отыр. Оңтүстік аймақтарда түнгі сағаттарда 1-6 градусқа дейін үсік күтіледі", - делінген хабарламада.</blockquote>Ауа температурасы біртіндеп жоғарылайды:ҚР батысында түнде 0,+10 градустан +7+17 градусқа дейін, күндіз +7+15 градустан +17+28 градусқа дейін;еліміздің оңтүстігінде және оңтүстік-шығысында түнде -6+5 градустан +5+12 градусқа дейін, күндіз +5+15 градустан +20+28 градусқа дейін;еліміздің шығысында түнде -7-20 градустан 0,-5 градусқа дейін, күндіз 0,-5 градустан +8+13 градусқа дейін.Республиканың солтүстігінде, орталығында барикалық түзілімдер жиі өзгеруіне байланысты ауа температурасы ауытқуы болжанады:түнде -5-10 градустан 0,+5 градусқа дейін, күндіз +3+10 градустан +10+18 градусқа дейін.Сәуірдің екінші және үшінші онкүндіктерінде Иран мен Орта Азия аудандарынан жылы ауа массалары енуіне байланысты температуралық фон жоғарылауы мүмкін:еліміздің солтүстігінде, орталығында және шығысында түнде +5+13 градус, күндіз +15+25 градусқа дейін;оңтүстік өңірлерде және ҚР батысында түнде +10+17 градус, күндіз +25 +35 градусқа дейін.Республиканың солтүстік, орталық және шығыс аймақтарында Ресей аумағынан суық ауа массалары енуі кезінде термометр бағандары түнде -2-7 градусқа дейін, күндіз +6+13 градусқа дейін, оңтүстік өңірлерде және еліміздің батысында ауа температурасының түнде -2+7 градусқа дейін, күндіз +10+18 градусқа дейін төмендеуі мүмкін.<a href="https://massaget.kz/basty-zhaalytar-438/80799/">massaget.kz</a>

Cәуірде ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp; Бұрын &nbsp;үйдің төрінен орын алатын тұскиіз, текеметті қазір көрмейтін болдық. Төрт түліктің жүнінен түрлі бұйым жасап, оны күнделікті тұрмыста қолдануды, &nbsp;жүннен жасалатын табиғи өнімнің денсаулыққа пайдасынан бөлек, ұлттық болмысымызды айшықтап тұратынын да естен шығардық.Бағжан Шайхыслам есімді жас кәсіпкер жайлы өткен жылы да жазған едік. Жуырда оның қайтарымсыз грантқа құрал-жабдықтар алып, дүкен ашқанын естіп хабарластық.Киізден киім тігу Бағжанның осыдан бес жыл бұрынғы арманы еді. Ол Қорқыт ата атындағы Қызылорда университетінде «Кәсіптік оқыту» мамандығында оқып жүргенде-ақ «Киізден заманға сай сәндік бұйымдар жасау» атты жобасын сәтті қорғайды. Міне, сол уақыттан бері арманын мақсатқа айналдыра білген ол қазір киізден киім тігіп, кәсіп көзіне айналдыруда.<blockquote>– Менің мақсатым – ұмытылып бара жатқан қолөнерді насихаттау, ұлттық бұйымды тұрмысымызға енгізуге үлес қосу. Ата-бабамыз төрт түлік малды берекелі кәсіпке айналдыра білген. Қойдың жүнінен киіз басып, ұршық иіріп, тоқыма тоқығанды әжемізден көріп өстік. Ал қазір ауылда қойдың жүнін қоқысқа тастауды ғана біледі. Бұл көрініс мені ойға қалдыратын. Университетте жүргенімде бір кәсіппен айналысуға мүмкіндік жасап, тіпті арнайы аудитория бөлгенде қатты қуандым. Көкейде жүрген ойды іске асыруды қолға алдым. Әрине, біраз тер төгуге тура келді. Әуелі киіз басу керек. Киізден оюлы жакет, сәндік бұйымдар жасауға өз өңіріміздегі қой жүнін пайдалану қиынға соқты. Сол себепті Алматыдан меринос қойының жүнін алдыртып, жасай бастадым. Бәрі сәтті шықты. Алғашқы қолөнер бұйымдарымды айналамдағы достарым, туыс-бауырларым тұтына бастады. Мұнан кейін көрмеге қатыстым. Елдің қызығушылығы барын байқадым. Жылы әрі таза, табиғи өнімнен жасалған кеудешелерге, байпақтарға сұраныс көбейді. Сөйтіп жүріп, бұл кәсіп студент кезімде-ақ оқудан тыс уақыттағы бизнесіме айналды, – дейді Б.Шайхыслам.</blockquote>Бүгінде Бағжан бір үйдің отанасы, келіні бола жүріп кәсібін үйлестіруде. Қала орталығынан дүкен ашып, бұйымдарын сатуға шығарған. Еліміздің қалаларынан сұраныс көп. Былтыр иеленген қайтарымсыз грантқа қажетті құрал-жабдықтар, тігін машинасын, өз қаражатына &nbsp;басқа да жиһаздарды алған. Дүкен іші тұтынушыға жайлылық сыйлайды. Келушілер киізден тігілген байпақ, жейде, белдікке көп қызығады. Өйткені, қыста &nbsp;жылы әрі тыныштандыратын қасиетке ие. Меринос қой жүні &nbsp;өте жұмсақ, денеге ыңғайлы. Аяқты суықтан қорғайды, терлетпей, бірқалыпты температураны ұстайды. Сондай-ақ, иммунитет көтеруге де көмекші құрал. Үлкен кісілерде жиі кездесетін қан қысымы ауруына, ұйқыны қалыпқа келтіруге әсері мол. Киізден жасалған бұйымдарды мерзімдік, яғни тек қыста пайдаланады деген қате түсінік те бар. Жазда киетін жұқа маталардан тігілетін көйлектер мен жейделерге киізден әдемі ою жасап, жапсырса одан әрі сәнді болады. Алдағы уақытта киізді мата түрінде шығарып, жеке өлшеммен тігуді де жоспарлап отыр.Ерекше кәсіп түрін тапқан Бағжан өзінің жанына сіңлісі Гүлден мен тағы екі інісін жұмысқа алған. Инновациялық жобаның авторы бұйымдарды тапсырыс берушілердің талғамына сай етіп жасайды. Бағасы да қолжетімді. Үлкендердің аяқ киімдері мен байпақтар 4000 теңгенің шамасында болса, балаларға арналғаны – 3000 теңге.&nbsp;

Бағжан Шайхыслам: Студент кезімнен кәсіппен айналыстым

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев өзінің Халыққа арнаған кезекті Жолдауында Мәжіліс және мәслихат депутаттарын қайта сайлау қажеттігі туралы айтқан болатын. Осыған орай елімізде 19 наурыз күні сайлау өтті. Соның нәтижесінде депутаттық мандатқа ие болған аралдықтар таныстырылды.&nbsp;30 наурыз күні Арал ауданы мәслихатының сегізінші &nbsp;шақырылымының алғашқы сессиясы өтті. Тарихи шарада аудандық сайлау комиссиясының төрағасы Нұрбек Зағатов кезектен тыс сайлау қорытындысын жариялап, халық тарапынан үмітті ақтайды деп сенім білдірілген депутаттарға куәлік бен төсбелгі табыс етті.&nbsp;<blockquote>Үстіміздегі жылдың 19 наурызындағы аудандық мәслихат депутаттарының сайлауында аудан көлемінде құрылған 15 бірмандаттық аумақтық сайлау округтері бойынша 51 кандидат дауысқа түсіп, олардың ішінен сайлаушылар қолдауына ие болған 15 адам сегізінші шақырылған аудандық мәслихаттың депутаты атанды, – деп сөз сабақтай келе, барлық ел аманатын арқалаған халық қалаулыларына сәттілік тіледі.&nbsp;</blockquote>Сессияның күн тәртібінде мәслихат төрағасын сайлау қаралып, нәтижесінде депутаттық корпустың жаңа құрамы бірауыздан ашық дауыс беру арқылы мәслихат төрағалығына Базарбай Төреахметовты сайлады. Сондай-ақ аудандық мәслихаттың алғашқы сессиясында маңызды делінген 2 тұрақты комиссия құрылып, «Экономика, &nbsp;қаржы, өндіріс, құрылыс, көлік, коммуналдық шаруашылық, ауыл шаруашылығы, байланыс, экология және табиғатты қорғау мәселелері» бойынша депутат Айтуған Сауяев төраға деп танылды. &nbsp;Сондай-ақ жергілікті басқару, білім, мәдениет, спорт, денсаулық, құқық, жастар ісі, әлеуметтік мәселелері жөніндегі тұрақты комиссияның төрағалығына Лаура Ибраимова бекітілді.&nbsp;Сессия барысында аудан әкімі Серік Сермағамбетов сөз алып, алдағы уақытта ауданның өсіп-өркендеуі жолында өзекті мәселелерді ел игілігі үшін тиімді шешу мақсатында бірлесе жұмыс атқаратын боламыз деп, сайлаушылардың талап-тілегін орындауға бар күш-жігерді жұмсаудың сәті келгенін алға тартып, депутаттарға ізгі лебізін білдірді.&nbsp;Сөз ретінде айта кетейік, аудандық мәслихатқа «Аманат» партиясынан ұсынылған 10 депутат, «Ауыл» халықтық-демократиялық патриоттық партиясынан ұсынылған 1 депутат, өз-өзін ұсынған 4 депутат мәслихат мінберінен көрінуге мүмкіндік алды.

Аралда жаңадан сайланған депутаттар таныстырылды

<a href="https://kyzylorda-news.kz/">Kyzylorda-news.kz.</a>&nbsp; Өткен жылы Аралда 6 &nbsp;балалар ойын алаңы ашылған. &nbsp;Бұған қоса түрлі спорттық алаңдар пайдалануға берілді. Ал биыл балаларға шаттық сыйлайтын тағы бір орталық өз жұмысын бастады. Жеке кәсіпкер Бексұлтан Мусаев жеке қаражаты есебінен «Играй-ка» ойын-сауық орталығын ашып, балаларға шаттық сыйлады.&nbsp;<blockquote>«Көптен бері балалар ойын-сауық орталығын ашуды жоспарлап жүрдік. Жан-жақты зерттеп, мұқият сүзгіден өткізген соң ғана қолға алдық. Себебі мұнда кішкентай балақайлар келеді. Оларға жайлы жағдай мен қауіпсіздік шаралары бірінші кезекте сақталуы керек. Біздің ойын-сауық орталығы көлемі жағынан кең. Балаларға емін-еркін ойнауға жағдай жасалған. Бір мезетте 50 баланы қабылдауға мүмкіндік қарастырп отырмыз», – дейді кәсіпкер.&nbsp;</blockquote>«Играй-ка» балаларға арналған ойын-сауық орталығында балалардың уақытын қызықты да көңілді өткізуіне арналған батутты аймақ, лабиринттер, ойын комплекстері мен әткеншектер, сырғанақ, өрмелеуіш сынды заманауи үлгідегі барлық ойын құрылғыларымен жабдықталған. Мұнда келушілер балаларды ойнатып қана қоймай, жылдам тамақ түрлерін де тұтына алады.&nbsp;<blockquote>«Келушілерге барлық жағынан жайлы жағдай жасағымыз келді. Көбіне балалар қызық қуып ойнап жүргенде үлкендер жағы шаршайды. Сондықтан олардың отырып демалып, тамақтануы үшін асхана жұмысы да іске қосылды. Асханада фаст-фуд тағамдар ұсынылады. Және түрлі сусындар да бар», &nbsp;– деді Бексұлтан.&nbsp;</blockquote>Мұндағы түрлі тербелмелі әткеншектерде ойнау үшін бір балаға екі сағаттық ойынға 1000 теңге төлем жасайсыз. Ал мүмкіндігі шектеулі балалар мұнда тегін ойнап, өз уақытын қызықты өткізе алады. Жұма күні күндізгі сағат 11.00 мен 18.00 аралығында 50 пайыздық жеңілдік те қарастырылған. &nbsp; Балалардың қауіпсіздігіне жауап беретін арнайы 4 қызметкер бар. Олар қызық қуып жүрген бүлдіршіндердің тосын жағдайға тап болмасы үшін жауапты.&nbsp;<blockquote>«Алдағы уақытта тағы да әткеншектер мен түрлі ойнауға арналған құрылғыларды алдыруды жоспарлап отырмыз. Қазір күн жылып келеді. Ойын орталығының іші ғана емес, сыртында да ойнайтын құрылғылар, батут келетін болады. Және барлықғы қауіпсіздік үшін арнайы қоршалады», – деген Бексұлтан өз жоспарларын да ортаға салды.</blockquote>Орталықта ақыл-ойды дамытатын ойын түрлері де бар. Барлығы жас ерекшеліктеріне қарай қарастырылған. Балаларға жайлы жағдай жасау елдің келешегінің кемелділігін айқындай түссе керек. Бүгін өзіне керектіні қоғамнан ала алған балақай, ертең барын елге беретін азамат болып өсеріне сенеміз. Осы тұрғыда балаларға арнап ойын орталығын іске қосып, бүлдіршіндерді қуантып отырған кәсіпкер Бексұлтан Мусаетың алдағы жұмысының нәтижелі боларына сенім мол.

Аралда балалар ойын орталығы ашылды

<a href="https://kyzylorda-news.kz/">Kyzylorda-news.kz.</a> №9 қалалық емхананың дәрігері Майра Рыспаева ораза кезінде дұрыс тамақтануға кеңес берді, деп хабарлайды ҚазАқпарат.Дәрігер сәресінен бас тартпау қажеттігін баса айтады. Қалыпты емес тамақ рационы, дұрыс жолмен тамақтанбау жұмыс өнімділігінің төмендеуіне, тез шаршауға әкеліп соғады. Ал, тағамда ағзаға қажетті дәрумендер мен минералдар болмаса, адам денсаулығына зиян екенін атап өтті.<blockquote>«Ауызашар кезінде тамақ шамадан тыс көп болмауы керек, тағамды ысырап етпеңіз және артық тамақтанбаңыз. Таң сергек, жеңіл болуы үшін ұйқыға ауырлық сезіммен жатпаған дұрыс. Ұн мен қуырылған тағамдарды шектеу қажет. Ұзақ ашығудан кейін қуырылған тағам астың дұрыс қорытылмауына және асқазанды күйдіруге әкеп соғады. Ақуыз бен талшыққа бай тағамдарды пайдаланған дұрыс. Өзіңізді ойдағыдай сезіну үшін рационға көкөністер, ет, балық, дәндер мен жемістер қосылуы керек», - деп атап өтті Майра Рыспаева.</blockquote>Ауызашар уақытынан кейін денедегі сұйықтық деңгейін ұстап тұру үшін көбірек су ішу қажет. Дәрігердің айтуынша, су балансы сақталмаса, дегидратация кезінде жүрек айну, бас айналу және әлсіздікке тап болу қаупі туындайды.<blockquote>«Ораза уақытында жылдам көмірсуларды ұмытқан дұрыс. Олар қандағы глюкоза мөлшерін бірден арттырып, қарныңыздың тез ашығуына әкеледі. Тәтті тағамдар, кәмпиттер, күшті дәмдеуіштері қосылған, ағзаны тез шөлдететін тағамдардан бас тартыңыз», - дейді дәрігер.</blockquote>Сондай-ақ, ол тамақтан кейінгі аздаған белсенділік асқазан-ішек жолдарының жұмысына көмектесетінін айтады.<blockquote>«Күні бойы асқазан тыныштық жағдайында болады. Тағамды жақсы сіңіру үшін серуендеу – ең жақсы шешім. Ас ішкеннен соң бірден ұйқыға жатпаңыз және белсенді дене жаттығуын жасамаған жөн, бұл жүрек айнуы мен ұйқысыздыққа әкелуі мүмкін», - дейді дәрігер.</blockquote>Ораза кезінде тамақтану жайлы кеңестер:1. Ауызашарда негізгі тағамды тұтынуды сорпа мен салаттан кейін 1-2 сағаттан соң бастаңыз;2. Аз-аздан жиі тамақтанған жөн;3. Пайдалы майлар тойымдылық сезімін ұзартады. Рационда жаңғақтарға, сүт өнімдеріне және етке басымдық беріңіз;4. Суды жиірек ішіңіз. Тамақтану режимінің өзгеруіне байланысты ішек проблемалары пайда болуы мүмкін. Олардың алдын алу үшін диетаға көбірек клетчаткаға бай тағамдарды қосыңыз;5. Сәресін жіберіп алмаңыз. Таңертеңгі тағамға айран, йогурт, жұмыртқа, ірімшік және дәнді нан сияқты жеңіл тағамдарды таңдауға болады. Сондай-ақ, бұршақ сорпасы, жемістер, кептірілген жемістер, ет кесектері бар көкөніс салаты болуы мүмкін;6. Газдалған шырындар, фастфуд секілді дәрумендер мен минералсыз тамақтан бас тарту;7. Тамақ дайындау әдісіне назар аударыңыз. Қайнатылған, пеште немесе буға пісірілген тағам біздің асқазанымызға анағұрлым пайдалы екенін ұмытпаңыз;8. Шөлдететін тағамдардан бас тарту. Мысалы, ұн өнімдері, тәтті кондитерлік өнімдер, ысталған, тұздалған, маринадталған өнімдер, т.б.;9. Рационыңызды көмірсулар, майлар мен ақуыздармен байытылған тағамдардан құрыңыз.Айта кетсек, биыл Рамазан айы 23 наурызда басталды. Ал, сәуір айының 17-сінен 18-іне қараған түн – қасиетті Қадір түні. 21 сәуір – Ораза айт мерекесі.

Ауыз ашқаннан кейін белсенді дене жаттығуын жасамаған жөн – дәрігер кеңесі

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың тапсырмасымен қаладағы тұрғын үйлердің сырты заманауи панельдермен қапталмақ. Бұл туралы Өңірлік коммуникациялар қызметінің ұйымдастыруымен өткен көшпелі брифингте қалалық құрылыс бөлімінің басшысы Айдын Әнуар мәлімдеді.Бұған дейін қаладағы тұрғын үйлер қайта жаңғыртудан өткізіліп, сырты бояумен сырланатын. Енді олар заманауи үлгідегі жабындылармен қапталмақ.Қалалық құрылыс бөлімінің басшысы Айдын Әнуардың айтуынша, қала орталығындағы 18 көпқабатты тұрғын үйдің сырты арнайы фасадтармен қапталады. Бұдан соң Абай даңғылы, Ғани Мұратбаев көшесі бойындағы көпқабатты тұрғын үйлерге де аталған жөндеу жұмыстары жүргізіледі.&nbsp;Бүгінгі күні қала орталығындағы көпқабатты 4 үйге заманауи үлгіде жабдықтау жұмыстары жүргізілуде. Мамыр айына дейін 25 тұрғын үйдің қасбетін қаптап, тұрғындар игілігіне беру жоспарланған.&nbsp;Айта кетер жайт, көпқабатты тұрғын үйлердің қасбетін заманауи панельдермен қаптау демеушілер есебінен жүргізілуде.Жалпы биылғы жылы негізінен көпқабатты тұрғын үйлердің құрылысына аймақта 27 миллиард 510 миллион теңге қаржы бөлінген. Бұл қаражатқа 84 пәтерлі 7 қабатты және 504 пәтерлі 6 көпқабатты тұрғын үй құрылысы жүргізілмек. Биылдың өзінде қаладағы Сол жағалау аумағындағы №5 кварталдан 40 пәтерлі тұрғын үй пайдалануға берілген-ді. Бұған облыстық бюджеттен 562,5 миллион теңге қаржы бөлінген.Тағы бір маңызды мәселе – биыл Қызылорда қаласында құрылыс жұмыстары қызу жүріп жатыр. Соның ішінде мәдени ошақтар мен нысандар салу жұмыстары кең көлемде атқарылуда. Мәселен, жалпы құны 3,7 миллиард теңге болатын «Өнер орталығы» қаланың өнерпаз дарындарына қызмет ететін болады. Одан бөлек 2,8 миллиард теңгеге медициналық маңызы зор «Қан орталығы», 1,6 миллиард қаржыға көптің сұрауына айналған «Неке сарайы» бой көтереді.&nbsp;Сонымен қатар 100 келушіге арналған емханасы бар 300 төсектік көпбейінде аурухана құрылысына 3 миллиард 272,4 миллион теңге қаржы бөлінген. Тасбөгет кентінде дене шынықтыру-сауықтыру кешені құрылысына да 542,1 миллион теңге қаржы бөлінген.Қызылорда облысын алдағы уақытта жылумен қамтамасыз ету және электр энергиясымен толық жабдықтау мақсатында арнайы кешен салынбақ. Бүгінде қуаттылығы 240 мгВт-қа жететін жылу-электр орталығы құрылысының іргетасы қаланды. Кешеннің «Акса энерджи» атты түрік компаниясымен бірлескен құрылыс жұмыстарын аяқтау 2025 жылға жоспарланған.&nbsp;Одан бөлек аймақта халықаралық стандарттық талаптарға сәйкес келетін әуежай құрылысы да жүргізілуде. Жалпы құны 31 миллион АҚШ доллары болатын нысанның жобасы Халықаралық әуе көлігі қауымдастығының (IATA) және Халықаралық азаматтық авиация ұйымының (ICAO) өзекті стандарттарына сәйкес келеді. Оның авторы – Нидерланд, Ресей, Түркия және Парсы шығанағы елдеріндегі әуежайларды жобалауда 20 жылдық тәжірибесі бар «GMW Mimarlic» түрік жобалық компаниясы.Нысан пайдалануға берілген кезде көлік саласының көрсеткіштері бірнеше есе артпақ. &nbsp;Қазір жылына 1400 рейс орындалса, 2025 жылға қарай рейс саны 3000-ға жетеді деп күтілуде. Тасымалданған жолаушы саны 260 мыңнан 500 мыңға дейін ұлғаяды. Ал, жүк тасымалы 150 тоннадан 300 тоннаға дейін артады деп межеленуде. Құрылыс &nbsp;кезінде 600-ден астам адам жұмыспен қамтылады, аяқталғаннан кейін 64 жаңа тұрақты жұмыс орны құрылады.Одан бөлек «Қазгермұнай» ұлттық компаниясының басшылығы Қызылорда қаласында заманауи үлгідегі «Оқушылар сарайының» құрылысын жүргізбек. &nbsp;

Қазақстан және Қызылорда облысының жаңалықтары

Сырдарияда қамыстан құрылыс материалдары шығады