<a href="https://kyzylorda-news.kz/">Kyzylorda-news.kz.</a> Қармақшы ауданында құқық бұзушылықтың алдын алу бойынша құрылған мобильдік топ жұмысы жалғасуда.Аудан бойынша білім бөліміне қарасты Байқоңыр қаласындағы №273 орта мектебінде және Жосалы кенті орталығындағы О.Шораяқұлы атындағы №30 мектеп білім алушыларына құқықбұзушылықтың алдын алу, отбасылық тәрбиенің озық үлгілерін насихаттау, ата-аналардың шығармашылыққа, балалармен бірлескен жұмыстарға қатысуына ықпал ету, отбасылық тәрбиелеудің маңыздылығына қоғамның назарын аудару мақсатында Қармақшы ауданы әкімі жанынан құрылған мобильдік топтың қатысуымен кездесу өткізілді. Сондай-ақ, кездесу барысында №273 мектеп базасында өткізіліп жатқан "Ашық есік күні" семинарының куәсі болды.Іс-шараға аудандық ардагерлер кеңесінің төрағасы Асқар Мереков, аудандық алқа би төрағасы Қаршыға Есдәулетұлы Есдәулетов, аудандық алқа би мүшесі Есет Назарқұлов,аудандық ата-аналар комитетінің төрағасы Әбен Қаракөзиев, аудандық білім бөлімінің қызметкері Ақтолқын Каналбекқызы Тоқшылықова қатысты. Сонымен қатар іс-шараға «Қазақстан Республикасының денсаулық сақтау ісінің үздігі» дәрігер Қарасай Ердешұлы Нуров, Байқоңыр қаласының құрметті ардагері, ақын Қуандық Құдайбергенұлы, Қазақстан Республикасы Ішкі істер министрлігі Байқоңыр кешеніндегі Өкілдігінің бастығының орынбасары Сейлбек Алиев, спорт мектебінің тренері, Қазақстан Республикасының спорт шебері Бекмұрат Булекбаев, ата-ана комитетінің мүшесі Байғабыл Карибаев шақырылды.Қатысушылар «Рухы күшті, өресі биік ұрпақ – ел болашағы» атты мектеп спортшыларының шеруін, «Бір ел – бір кітап» квест ойынын тамашалады. Арнайы педагог А.Сейлованың бейімделген бағдарлама бойынша кіріктірілген «Мәтін.Теңге» сабағына кірді. Сонымен қатар «Отбасы – бақыт мекенім» ата-аналарға арналған тренингке қатысып, «Жасөспірімдер арасындағы құқықбұзушылыққа ата-ана кінәлі ме?» пікірталасын көрді. «Ашық есік күні» іс-шарасы «Шәкірт жетістігі –мұғалім мәртебесі» көрмесіне, мектеп асханасына, «Абай мұражайына» саяхат жасаумен жалғасты. Қонақтар мен ата-аналар «Жас талант» театр үйірмесінің «Нарком Жүргенов» қойылымына жоғары баға берді. «Ашық есік күнін» қорытындылаған «Бала үшін Әке деген ұлы адам» ток-шоуы қатысушылардың көңілінен шықты.Қармақшыда түнгі рейд жұмыстары жүргізілудеҚармақшы ауданында жастар мен жасөспірімдер арасында қылмыс пен құқық бұзушылықтың алдын алу мақсатында Қармақшы ауданы әкімінің орынбасары Біржан Далабайұлы, ардагерлер мен аудандық маслихат депутаттарының және тиісті сала басшыларының қатысуымен түнгі рейд жұмыстары жүргізілді.Рейд барысында кафелер, дүкендер, компьютерлік клубтар, аллеялар және көпқабатты тұрғын үйлердің аулалары мен қараңғы қуыс көшелер араланып, кәмелетке толмаған жасөспірімдерге түсіндірме жұмыстары жасалды. Сондай-ақ, Қазақстан Республикасының Заңына сәйкес кәмелеттік жасқа толмаған жастардың түнгі 23.00-ден кейін заңды өкілінсіз көшеде немесе ойын сауық орталықтарында жүруге тыйым салынатындығы жайлы ескертілді.<img src="https://knadmin.beoblood.kz/uploads/aaaaaaaaaaaaaa_bfc4499328.jpg" alt="аааааааааааааа.jpg">Профилактикалық жұмыстар жүргізілдіҚармақшы ауданының әкімі Жандос Еркінбектің тапсырмасына сәйкес аудан көлемінде жасөспірімдер арасында топтық төбелестің, құқық бұзушылықтың, әлімжеттіктің, буллингтің алдын алу мақсатында «Бала тәрбиесі – ұлт келешегінің кепілі» тақырыбында профилактикалық жұмыстар жүргізілді.Қармақшы аудандық білім бөліміне қарасты №26, №27, №30, №105, №273 мектептерде өткен тәрбиелік іс-шараларға Қармақшы аудандық прокуратураның прокуроры, Қармақшы аудандық полиция бөлімінің бастығы, аудан ардагерлері мен аудандық мәслихат депутаттары, аудандық алқа билерінің жетекшісі, қоғам белсенділері мен үкіметтік емес ұйым өкілдері және ата-аналар қатысты.Кездесулерде баланы тәрбиелеудегі ата-ананың рөлі, жасөспірімдерге патриоттық тәрбие беру ісі туралы сөз қозғалды. Сондай-ақ, жастар арасындағы топтық төбелестер мен құқық бұзушылықтардың алдын-алу мәселелері талқыланды. Сонымен қатар, ата-аналарға кәмелетке толмаған балалардың сағат 23.00-ден кейін заңды өкілінсіз жүрмеуін қадағалауды және бала тәрбиесініе айрықша көңіл бөлу керектігі ескертілді.<img src="https://knadmin.beoblood.kz/uploads/aaaaaaaaaa_c5211a6b62.jpg" alt="аааааааааа.jpg">Терроризмге қарсы оқу-тактикалық жаттығу өткізілдіБүгін Қармақшы ауданы, Жосалы кенті әкімі аппараты ғимаратының аумағында терроризмге қарсы оқу-тактикалық жаттығу өткізілді. Осыған орай, Қорқыт ата көшесі бойында орналасқан Жосалы кенті әкімі аппараты ғимаратының аумағында (Орталық алаң аумағы, Қорқыт ата мен Абай және Т.Рұсқұлов пен Абай көшелерінің қиылысы) қоршап алу шаралары қабылданып, тұрғындардың еркін қозғалысына шектеу қойылды.<blockquote>«Сондықтан, оқу-жаттығу өтіп жатқан аумақта сабырлық сақтап, түсіністікпен қарау қажеттігін және шектеу аумағына оқу-жаттығу уақытында кіруге тыйым салынатындығын ескертеміз» дейді Қармақшы аудандық терроризмге қарсы жедел штаб қызметі.</blockquote><img src="https://knadmin.beoblood.kz/uploads/aaaaaaaaaaaaaaaa_8c0caec635.jpg" alt="аааааааааааааааа.jpg">

Қармақшыда мобильдік топ жұмысы жалғасуда

<a href="https://kyzylorda-news.kz/">Kyzylorda-news.kz.</a> Қызылорда облысында 22 сәуір күні бәйгеден ҚР чемпионатының іріктеу кезеңі өтеді. Бұл туралы Өңірлік коммуникациялар қызметінің ақпарат алаңында өткен брифингте облыстық мәдениет және спорт басқармасы басшысының орынбасары Асылжан Жаманқұл мәлімдеді.<blockquote>«Бүгінде ипподром сайысты өткізуге толықтай дайын. Өткен бәйгелерге қарағанда тіркелген аттар саны көп. Сайысқа қатысушы спортшылар Топ бәйге, Құнан бәйге және Аламан бәйге бойынша сынға түседі. Жүлде қоры – 35600000 теңгені құрамақ. Аламан бәйгенің жеңімпазы Astana Motors компаниясының демеушілігімен автокөлік иемденеді. Бәйге өте жоғары деңгейде өтіп, халықтың көңілін көтереді деп сенеміз», - деді Асылжан Зұлфқарұлы.</blockquote>Бәйгеден бөлек ұлттық киімдердің байқауы өтеді.<blockquote>«Ауқымды дайындықтар бүгінде өз мәресіне жетті. Бәйгеден бөлек, қыз-келіншектерге арналған &nbsp;«Ұлттық киім – ұлт ажары» атты костюмдер байқауы өтеді. Бұл байқауға елуден аса байқаушы өз бағын сынап көреді. Оған қатысатын бойжеткендер ұлттық киіммен шығып стиль жағынан сынға түседі. Жүлде қоры – 1 млн. теңгені құрайды. Сондай-ақ жүлде 500 мың теңгені құрайтын қол күрес, арқан тарту, гір көтеруден сайыстар өткізіледі», - деді Kazpetrol Group-тың PR менеджері Мейрамкүл Ходжаева.</blockquote>Жалпы 200-ден астам шабандоз бақ сынайды.<blockquote>«Биылғы жылы республика бойынша жеті іріктеу кезеңі болады. Ал соңғы қорытынды кезеңі Жамбыл облысында өтеді. Бірінші кезеңі 22 сәуір күні Сыр елінде бастау алады. Қызылорда облысынан қырық ат іріктеліп алынды. Дайындықтары өте жақсы. Жалпы республика тарапынан 210 шабандоз өз бағын сынайды», - деді Қызылода облыстық Бәйге федерациясының президенті Әділжан Ізтілеуов.&nbsp;</blockquote>Айта кетейік, шара Қызылорда облысы әкімдігінің қолдауымен Бәйге Федерациясы Республикалық бірлестігінің ұйымдастыруымен өтеді. Сондай-ақ шараға Kusto group, Compass, Kazpetrol Group компаниялары серіктестік етеді.

Қызылорда облысында республикалық бәйге өтеді

<a href="https://kyzylorda-news.kz/">Kyzylorda-news.kz.</a> Қызылорда қалалық полиция басқармасының қызметкерлері автокөліктерді, &nbsp;олардың қосалқы бөлшектері мен құралдарын ұрлау және айдап әкетудің алдын алу мақсатында «Автокөлік» жедел-профилактикалық іс-шарасын өткізуде.Іс-шара &nbsp;аясында &nbsp;Қызылорда қалалық Полиция басқармасының Ақсай полиция бөліміне 21 жастағы қала тұрғыны жеке меншік үйінің алдында тұрған «Daewoo Nexia» автокөлігінің ішінен &nbsp;«Samsung Galaxy A20» маркалы ұялы телефонының &nbsp;ұрланғандығы &nbsp;жөнінде арызданды.&nbsp;Хабарлама келіп түскен сәттен бастап криминалды полиция &nbsp;бөлімшесінің қызметкерлері қылмысты ашуға бағытталған қажетті шараларды жүзеге асырды. Бейнебақылау камераларын және ұялы телефон алып сататын дүкендерді тексерді. Нәтижесінде, осы қылмысты жасаған 29 жастағы күдікті анықталды. Ол телефонды сатып ақшасын &nbsp; өз бас пайдасына жаратқан. Ұрланған ұялы телефон иесіне қайтарылды.Қазіргі таңда бұл дерек бойынша &nbsp;Қазақстан Республикасы Қылмыстық кодексінің 188-бабының 3 –бөлігімен (Ұрлық) сотқа дейінгі тергеп-тексеру әрекеттері жүргізілуде. &nbsp;&nbsp;Қызылордалық полицейлер ұрлық қылмысының алдын алу үшін жеке мүліктеріңізге сақ болуды ескертеді.&nbsp;

Қызылордада автокөлік ішінен ұялы телефон ұрлаған күдікті ұсталды

<a href="https://kyzylorda-news.kz/">Kyzylorda-news.kz.</a> Жалағаш ауданы бойынша «Ауыл аманаты» жобасын іске асыру туралы ауыл тұрғындарына түсіндірме жұмыстары жүргізілді.«Ауыл аманаты» жобасын іске асыру үшін 2023 жылға облысқа 3 миллиард теңге қаржы қаралған. Қаржыландыру бағыттары сан түрлі. Оның ішінде өңдеу саласына қатысты жобаларды қаржыландыру, яки жылыжайлар, сүт, ет өндірісі, құс және балық шаруашылығы, &nbsp;өсімдік шаруашылығын дамыту, ауыл шаруашылығы кооперативтерін жабдықтау, мал шаруашылығын дамыту, басқа бағыттағы бизнес жобалар бар. Ал негізгі талаптары тағы бар. Мәселен, несие алушының жеке кәсіпкер болып тіркелуі, басқа да несиелер бойынша мерзімі өткен жарнаның болмауы, мемлекеттік кірістер органдар алдында берешектің болмауы, несие алушының жасы зейнеткерлік жастан аспауы тиіс, несиені кепілмен қамтамасыз ету, ауыл шаруашылығын жүргізу үшін қажетті жағдайлардың болуы, яғни жер телімі, қора және тағы да басқалары, ӘКК-мен бірлесе құрылған ауыл шаруашылық өндірістік кооперативіне мүшелікке кіру, қаржыландырылған жоба аясындағы өндірілген өнімді ауыл шаруашылық өндірістік кооперативке өткізу. Міне, осы және өзге де мәліметтерді ауыл тұрғындарына түсіндіру жұмыстары жалғасын тауып жатыр.Жалағашта абаттандыру жұмыстары жүргізілудеКөктемгі көркейту-көгалдандыру жұмыстары жалғасуда. Жалағаш кентінің кіреберісінде өсірілген талдар бірленіп, қураған ағаштар мен қоқыстар тазартылды. Ескірген қоршаулар алынып тасталды.<blockquote>«Табиғаттың көк желекке орануы үшін абаттандыру жұмыстарын белсенді жүргізу маңызды. Табиғат ортақ байлығымыз!», - дейді мамандар.</blockquote><img src="https://knadmin.beoblood.kz/uploads/341693838_762085101930547_6122338195961660356_n_f3d17c9870.jpg" alt="341693838_762085101930547_6122338195961660356_n.jpg">Кенеге қарсы залалсыздандыру жұмыстары басталадыЖалағаш ауданында Конго-Қырым геморрагиялық қызбасы ауруының алдын алу шаралары жүргізілуде. Кенеге қарсы залалсыздандыру жұмыстары 2 кезең бойынша жүргізілетін болады.I кезең 2023 жылдың 27 сәуірі мен 10 мамыры аралығы, II кезең 2023 жылдың 6 мамыры мен 19 мамыр күндері аралығы.<blockquote>«Құрметті аудан тұрғындары! Залалсыздандыру жұмыстарына кедергі келтірмес үшін қора жайларыңызды тазартып, дайындық жұмыстарын жасауға шақырамыз», - дейді сала мамандары.</blockquote>&nbsp;

Жалағашта «Ауыл аманаты» жобасының тиімді тұстары түсіндірілді

<a href="https://kyzylorda-news.kz/">Kyzylorda-news.kz.</a> ҚР Оқу-ағарту министрлігінің бұйрығына сәйкес орта білім беру ұйымдарындағы оқу сабақтары биыл 31 мамырда аяқталады. Бұл туралы бүгінгі брифингте облыстық білім басқармасы басшысының орынбасары Бағдат Бердаулетов хабарлады.Сонымен қатар биыл білім алушылардың қорытынды бітіру емтихандары 2 маусымда басталады. 9-сынып емтихандары 2-13 маусым аралығында өткізілсе, 11-сынып емтихандары 5-19 маусым аралығында өтеді.<blockquote>«9 сыныптың емтихан материалдары басқарма тарапынан әзірленуде, электронды форматта білім бөлімдеріне таратылатын болады. Ал 11 сыныптың емтихан материалдары ҚР Оқу-ағарту министрлігінің Мектепке дейінгі және орта білім беру комитетінен басқармаларға жолданады, ары қарай білім беру мекемелеріне емтихан болатын күні электронды форматта жолданатын болады», - деді басқарма басшысының орынбасары Бағдат Камбозұлы.</blockquote>Айта кетейік, ағымдағы оқу жылында білім беру ұйымдарындағы аттестаттарды тапсыру рәсімдері 20-22 маусым аралығында жүргізілетін болады.

Бағдат Бердәулетов: Оқу жылы 31 мамырда аяқталады

<a href="https://kyzylorda-news.kz/">Kyzylorda-news.kz.</a> Биыл Қызылорда қаласына қарасты елді мекендерде ауқымды жобалар жүзеге асуда.Соның бірі, Қосшыңырау ауылдық округінде атқарылатын ауқымды іс – Абай және Досан елді мекендерін газдандыру жобасы. Оған республикалық бюджеттен 663,0 млн. теңге қаржы қаралып, бүгінде құрылыс жұмыстары басталды. Құрылыс жұмыстарын жүргізуші «Ремстрой» мердігер мекемесімен 40, 6 шақырым газ құбырының құрылыс монтаждау жұмыстары жүргізіледі және осы жұмыстардың аясында 592 тұрғын үй көгілдір отынмен қамтылатын болады.Бұдан бөлек, республикалық бюджеттен бөлінген 56,5 млн. теңге қаржыға «Ауыл – ел бесігі» бағдарламасы аясында Досан ауылындағы 5 көшеге орташа жол жөндеу жұмыстары жүргізіледі. Қазіргі таңда, «Әлем Қызмет Груп» мердігер мекемесі №17, 15, 4а көшелеріне асфальт төсеу жұмыстарын бастап кетті.Сонымен қатар, 3,8 млн. теңге қаржыға Досан ауылындағы №1 көшеге түнгі жарық бағаналары орнатылса, «Энергия Нұр» ЖШС мекемесімен Абай ауылындағы саябаққа ағымдағы жөндеу жұмыстары жүргізілуде.Айта кетерлік жайт, өткен жылы ауылдық округте «Ауыл-ел бесігі» мемлекеттік бағдарламасы аясында округте 5 көше жөндеуден өткізілді. Ал өңірлерді дамыту бағдарламасы бойынша «Сиыр фермасы» аумағына жарық бағандарын орнату үшін 3590 мың теңге қаржы бөлініп, ашық конкурс аясында жеңімпаз атанған «МК-Сервис Ltd» &nbsp;ЖШС-і жұмыстарды жүргізді.

Қосшыңырау ауылдық округінде ауқымды жұмыстар жүргізілуде

<a href="https://kyzylorda-news.kz/">Kyzylorda-news.kz.</a> Соңғы жылдары мектепте оқып жүріп ана атанатын, өз-өзіне қол жұмсап, бұзақылық жасайтын, зиян әдеттермен әбден дос­тасып алған оқушылар көбейіп барады. Әсіресе алақандай қазақы қаймағы бұзылмаған біздің аудандағы оқушыларға қатысты қылмыстық статистиканы көргенде денеңіз түршігеді. «Ауруын жасырған өледінің» кейпін киіп қайтеміз? Шиелі ауданы аталған мәселелер бойынша облыста алдыңғы қатарда тұр.Қаршадайынан қолына темекі ұстап, қылмысқа барған ұлдарға кім жауапты? Ал ерте жүктіліктің етек алуына кімді кінәлаймыз? Көше кезген қызды ма, ұл-қызымен дос-құрбысындай сырласуға сағат бөлмейтін ата-ананы ма, әлде ортаны ма? Бәлкім, дана Абай айтқандай, «Адам баласын заман өсіреді, кімде-кім жаман болса, оның замандасының бәрі «виноват» болар?Аудандық білім бөлімінің мәліметіне сүйенсек, өткен жылы кәмелетке толмағандар арасындағы қылмыс пен құқық бұзушылық жасағандары үшін 5 жасөспірім, ал баласының алдындағы міндетін дұрыс орындамаған 8 отбасы профилактикалық есепке алынған. Сондай-ақ 1 азамат ата-ана құқығынан шектелген. Енді мына көрсеткішке қараңыз, көңіл-күйлері ауыспалы, сабақтан себепсіз кетіп қалу, кешігіп келу, бұзақылыққа бейім тұруы себептен мектепішілік есепте өткен оқу жылында 14 бала болса, үстіміздегі жылы олардың саны 34-ке жетіп отыр.Ауданда жасөспірімдер арасындағы құқық бұзушылық, суицид, зорлық-зомбылықтың алдын алу мақсатында жыл сайын арнайы жоспар бекітіліп, үздіксіз жұмыстар жүргізіледі. Сансыз шараның нәтижесі қайсы? Кәмелетке толмағандарға қатысты қылмыстар саны бір жылда екі есе өсім алғаны ма? Тек өткен жылы ғана ауданда оқушылар арасында өзін-өзі өлтіру мен оған оқталудың 4 дерегі тіркелген. Салдарынан 3 оқушы ажал құшса, тек біреуі аман қалған. Мұндай қасіретке қалай жол бердік?Кім жауапты?&nbsp;Балаға жауапты бірінші адам ата-ана – жұмысбасты. Қазір рухани азықтан гөрі материалдық құндылық маңызды. Оны заманнан көрсеңіз де, адамнан көрсеңіз де қисынды. Өкініштісі де сол, ата-ананың дені тәрбиені «баланың жоғын түгендеп берумен» шатастырады. «Ұл-қызымды қатарынан қалдырмай, тойындырып, киіндірсем» деп жүргенде, баланың санасына сіңірілетін одан да маңызды дүние ұмыт қалады. Мұғалімнің жайы да бесенеден белгілі. Ол да сағатын түгендеп, материалдық қажетін қамдаумен әлек.Қазір жас өскінге берілетін тәрбиеге жауапты осы екі жақ жауапкершілікті бір-біріне сілтеп отырғаны жасырын емес. Ата-ана мектепте оқушыларға дұрыс жұмыс жүргізбейді десе, мектеп ата-ананың балаға дұрыс тәрбие бермеуімен пікірін түйіндейді. Осы тұста «таяқтың екі ұшы бар» екенін естен шығармаған абзал. Ең әуелі ата-ана бала өміріндегі ең алғашқы ұстаз болатынын ұмытпаған дұрыс. Жас бойындағы барлық мінез-құлық әке мен анадан көрген қасиет, алған тәрбие арқылы қалыптасады. Сондықтан олардың бала мәселесіне көңіл бөліп, мән беруі аса маңызды. Әйтпесе 90-нан аса ұйымдастырылған рейдтік шаралар, бұзақыларды есепке алу, статистикалық көрсеткіш пен тәрбиеге қатысты толассыз жиыннан шығатын нәтиже шамалы.Білім ордалары олқы ма?&nbsp;Соңғы уақытта жасөспірімдердің тәрбиесімен қатар білім деңгейінде де олқылықтардың болып жатқаны байқалады. Бұған ауданның кейінгі жылдары ҰБТ нәтижесі бойынша көрсеткіштің соңында келе жатқанын да қосып өтуге болады. Осындайда «Тәрбиесіз берілген білім – адамзаттың қас жауы» екенін қайталамасқа лаж жоқ. Өзіміз білетіндей, бүгінде барлық мектепте директордың тәрбие ісі жөніндегі орынбасары, жеке жетекшілер мен инспекторлар, оқушының мінезіндегі өзгерісті дер кезінде байқап, дереу жұмыс жасайтын психологтар да бар. Одан қалса, түрлі бағытта үйрететін сансыз мектепішілік үйірмелер, Жастар орталығы, шығармашылықты дамытуға арналған мекемелердің барлығы дерлік баланың қабілетін шыңдап, үлгілі тәртібі мен тәрбиесі үшін жұмыс істеп жатыр. Онда арнайы жұмыс жасайтын қаншама мамандар мен құрал-жабдықтар бар. Сонда соншама еңбектің нәтижесі жоғарыдағыдай жаға ұстарлық болғаны ма? Өтірік емес, кейде әлеуметтік желілерден мұғалімдер арасындағы сағат үшін дауласқан түрлі жаға жыртысулар, белгілі себептермен олардың бір-біріне арыз жазуы секілді оқиғалардың куәсі болып жатамыз. Әрине, бәріне топырақ шашудан аулақпыз. Әйтсе де, аудан әкімдігі тазалық жасауға үндесе, алдымен шу шығаратындар да – оқу орындарының қызметкерлері. Сондай-ақ газетке жазылу секілді қарапайым жағдайлар кезінде де көбіне аталмыш тараптан наразылық пікірлер туындап жатады. Бұған білім бөлімі басшыларының тұрақтамауын тағы қосыңыз. Осының барлығы қазіргі уақытта мектептегі білім мен тәрбиеге кері әсерін тигізіп жатқан негізгі факторлар болуы бек мүмкін.Бұрын мектептер оқушыларын сенбіліктерге алып шығатын. Жасөспірімдер көше тазалығымен айналысып, қарт ата-әжелердің аулаларын сыпырып, отынын жарып, оларға қолғабыс ететін. Тіпті ауылдық округтерде жоғары сынып оқушыларын түрлі шаруашылық, егіс алқаптарына алып барып, сол жерде күріштің қалай орылатынын, оның қалай бастырылатынын, қалай тиеліп, тасылатынын көрсетіп, үйрететін. Сондай еңбектің арқасында балаларға дастарханда тұрған астың қалай келетіні түсіндіріліп отырды. Осы секілді тәрбие бағытында жастарды қоғамға бейімдеу, еңбекке баулу жұмыстары, тіпті тәуелсіздік алғаннан кейін де 10 жылға жуық уақыт бойы жүргізіліп отырды.Ал қазір оның бірі де жоқ. Бүгінде жас өскінге назарын басқа жаққа аудармай, тек білім саласына ғана бет бұру керек деген талап қана қойылған. Енді өзіңіз ойлаңыз, біз сол талаптың үдесінен қаншалықты шығып отырмыз?

Тәрбиеден қалт кеттік пе?

<a href="https://kyzylorda-news.kz/ru/">Kyzylorda-news.kz</a>. Президент Қасым-Жомарт Тоқаев &nbsp;ылғи жастарға айрықша көңіл бөліп келеді. Соның нәтижесінде еліміздер жастарды өз кәсібін бастауына қолдау көрсету мақсатындағы жұмыстар тыңғылықты атқарылуда. Қай салада болмасын табанды тірлік еткен адамның табысқа кенелері хақ. Соның ішінде кәсіп ашып, халыққа қалтқысыз қызмет етіп жүрген жандардың еңбегі ерен. Бүгінде кәсіптің түрі көбейген. Кәсіпкерлерге мемлекет тарапынан да қолдау жоғары. Жастардың өз бизнесін бастап табысқа жетуіне барлық жағдай жасалып отыр. Біз бүгін жас кәсіпкер Жаңагүл Алиханның өзінің ерекше кәсібін қалай ашқандығы және табысқа жетуінің ерекше тәсілдері туралы әңгімелемекпіз.Қазақ халқы–қашанда той өткізуден алдына жан салмайтын халық. Ол ежелден қанымызға сіңген қасиет. Ал сол тойды қазіргі заман талабына сай етіп өткізу, түрлі безендірулер, қонаққа дәмді аспен қоса керемет көңіл күй сыйлау той иелері үшін аса маңызды. Жас кәсіпкер Жаңагүл осыны ұғып, өзінің ерекше кәсібін қолға алды. Ол қыз ұзату, үйлену, тілашар, тұсау кесу, туған күн сияқты түрлі айтулы күндерді қонақ айрықша әсер алатындай етіп ұйымдастырып береді.<blockquote>–Өзім Ақтөбе қаласында туып-өстім. Сондағы мейрамханалардың бірінде той ұйымдастырушы болып бастадым. Осы салада 5 жылдай жұмыс жасап, өзіме тәжірибе жинақтадым. Аралға келін болып түскен соң, өзім үйренген кәсіп түрін қолға алдым. Бір жылдан асты, түрлі тойларды ұйымдастырып, халықтың ықыласына бөленіп жүрмін, – дейді Жаңагүл.</blockquote>Жаңагүл үшін бұл табыс табудың көзі емес, ерекше қызығушылығынан туған. Ол той иелерінің көңілінен шығу үшін кез келген уақытта тәуекелге барып, шешім қабылдауға үйренген.<blockquote>–Әрине, тойда неше түрлі адамдар бас қосады. Әркімнің талғамы әрқалай. Соны ескеріп, тойлардың алуан түрлі бағдарламаларын әзірледім. Бүгінде менде той өткізуге арналған шоу-бағдарламалар жеткілікті. Қызметіме жүгінген той иелеріне сол дайын сценарийлерді ұсынамын. Әркімнің талғам таразысына қарай ұйымдастырып келемін, – деген Жаңагүл, өзінің той ұйымдастырудағы тәсілдерімен бөлісті.</blockquote>Бүгінде Жаңагүл «Той-Думан» деген шағын ұжым құрған. Мұнда әнші, биші, асаба, бейне, фото жазба мамандарынан бөлек, тойда қазақы дәстүр көрсететін 10-ға тарта актрисаны жұмыспен қамтып отыр. Әр ұйымдастырған тойларын бір-біріне ұқсамайтындай етіп өткізетін Жаңагүл өзінің кең көлемде танылуына әлеуметтік желілердің де септігі тигендігін айтты.<blockquote>–Қазір адамдардың көбі үйден шықпай-ақ көп нәрсеге қол жеткізуге машықтанған. Менің де әлеуметтік желідегі парақшаларыма ұйымдастырған айтулы шараларымды салып отырамын. Сол арқылы көпшілік ұнатып, қуаныштарын өткізіп беруді сеніммен тапсырады. Қалада ғана емес, Арал ауданына қарасты бірнеше ауылдық жерлерде де өз қызметімізді көрсетіп жүрміз, – дейді.</blockquote>Халықтың қуанышын арттырып, тойларын тартымды етіп өткізуді мақсат тұтқан жас кәсіпкердің &nbsp;табысты &nbsp;жолыжастарға ой саларлық бастама деп білеміз.

Кәсіптің көзін тапқан жан 

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың жаңа, оң өзгерістер жасауға бағыт беретін үндеуі көпшілікке үлкен үміт әкелді. Мемлекет басшысы ҚР Парламенті платформасында Қазақстан халқына үндеу жасап, жаңа кезеңге – жаңа реформалармен қадам бастық. Осыған орай «Қоғамдық келісім» КММ директоры Бақытжан Камалов пікір білдірген болатын.<blockquote>«Қай кезде де мемлекетті құрайтын халық. Сондықтан да ең бірінші қарапайым жұртшылықтың мұқтаждығына құлақ асу, өтініштерін орындау басты мақсат. Ел Президенті реформалар ең алдымен, барлық қазақстандықтың өмір сүруі мен әл-ауқаты жоғары деңгейде болуын қамтамасыз етумен байланысты екенін атап өтті. &nbsp;Жаңа бастамалардан халық, өзі күткендей, оң өзгерістер, жаңа лепті сезінді. Елдің жарқын болашағына жол ашатын өзекті мәселелердің барлығы осы реформаларда қамтылды. Экономиканы әртараптандыру, импортқа тәуелділікті барынша азайту, ел ішінде ұлттық өндірісті жолға қою, қоғамдық әл-ауқатты арттыру, тұрақты жұмыс орындарын ашу, әлеуметтік қамтамасыз ету бағытында әлі де күрмеуі шешілмеген мәселелер баршылық. Сондықтан бұл мәселелер ғылыми қоғамдастық, экономист-ғалымдар тарапынан терең зерделеніп, экономикалық саясатқа ғылыми негізделген тиісті ұсыныстар жасалса, бұл да жаңа «қоғамдық келісімнің» тиімділігін арттыратыны сөзсіз. Қазақстанның бірлігін ойлаған Президентіміздің ел болашағы үшін алға қойған мақсаттарын орындайтынына сенімдіміз. Халқымыздың тұтастығы мен бірлігін сақтау және еліміздің көркейіп, өркендеуі үшін қоғамның барлық саласында жүргізілетін реформаларға қолдау көрсету басты міндет», – дейді Бақытжан Камалов.</blockquote>&nbsp;

Реформаларға қолдау көрсету – басты міндет

<a href="https://kyzylorda-news.kz/">Kyzylorda-news.kz.</a> «AMANAT» партиясы Қазалы аудандық филиалы жанындағы мониторингтік топтың жұмысы жоспарлы түрде жалғасын табуда. Осыған орай, Қазалы ауданының бірқатар сауда орталықтары мен дәріханаларында және жанармай бекеттерінде мониторинг жұмыстары жүргізілді. Партия филиалы жанындағы мониторингтік топ ең алдымен, дәріханаларда дәрілердің шектік бағасы мен қолжетімділігін назарға алды.Мұнан соң жұмысшы топ сауда орындарында әлеуметтік азық-түлік өнімдерінің бағасын зерделеп, бағаны негізсіз көтермеу туралы кәсіпкерлерге түсіндірме жұмыстарын жасады. Сондай-ақ, мониторинг барысында жанармайдың жеткілікті болуы және оның бағасын білу мақсатында жұмыс тобы май құю бекеттерінде болды.Адалдық отбасылық мұратқа жеткізеді«AMANAT» партиясы Қазалы аудандық филиалының «Кәукей ауылы» бастауыш партия ұйымында «Бақытты отбасы» партиялық жобасы аясында кездесу өтті.Партия отбасы институтын нығайтуға және оның қоғамдағы рөлін арттыруға мүдделі. Бұл жөнінде аудандық партия филиалының «Кәукей ауылы» бастауыш партия ұйымында «Бақытты отбасы» партиялық жобасы аясында өткен көп балалы аналар қауымымен кездесуде айтылды.Жиында отбасылық мұратқа адалдық пен мызғымас ортақ ұлттық құндылықтарды нығайту жөнінде талқыланып, қатысушылар бір-бірімізге қамкөңіл болу, үлкенді құрметтеу, еңбекқор болу және білім алуға ұмтылу ұғымдары отбасында қалыптасатындығына тоқталды. Сондай-ақ, келелі кездесуде ұлттық тәрбие , бала тәрбиесі туралы сөз қозғалды.Қолайлы орта қалыптастыру – өмір сапасын арттырады«AMANAT» партиясының Қазалы аудандық филиалы «Кедергісіз келешек» жобасы аясында Әйтеке би кентіндегі бірқатар мекемелерде мониторинг жұмыстары жүргізілді. Мұндағы мақсат – ерекше қажеттілігі бар жандар үшін бейімділігін бақылап, оларға қолайлы орта қалыптастыру арқылы өмір сапасын арттыру.Мониторинг тобы ең алдымен, білім беру орындарында болып, ерекше қажеттілігі бар жандардың кез келген жерге кедергісіз кіріп-шығуы аса маңызды мәселе екендігін айтты. Мұнан соң, нысандардың талапқа сай жабдықталуын қарап, пандустардың бар-жоғын анықтады. Зерделеу нәтижесінде, бірқатар мекеме басшыларына орын алған кемшіліктерді белгіленген мерзімде ретке келтіру керектігі айтылды.Айта кетейік, мониторинг жұмыстарына аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің мүгедектермен жұмыс секторының меңгерушісі – Өмірбек Кетебай және аудандық партия филиалының сарапшысы Алтынай Кенжалиева қатысты.Қоршаған ортаны таза ұстау – ұрпақ парызыЖуырда Қазалы ауданы орталығында орналасқан «Жеңіс» саябағында «AMANAT» партиясының Қазалы аудандық филиалының «Ардагерлерді ардақтайық» және экологиялық мәдениетті қалыптастыруға бағытталған «TazaLike» жобалары аясында белсенді партия мүшелерімен бірге сенбілік жұмыстары ұйымдастырылды.Ұлы Жеңіс күні мерекесі қарсаңында өткізілген сенбілікке қатысқан аманаттықтар «Даңқ аллеясында» болып, қажетті құрал-саймандарымен ел азаттығын қорғау жолында мерт болған жандарға арналған ескерткіштің маңын қатты тұрмыстық қалдықтар мен қоқыстан тазартты. Сондай-ақ, саябақ ішіндегі басқа да аумақтарды және арық-атыздары мен жаяу жүргіншілер жолының бойындағы бей-берекетсіз шашылған заттарды жинап, тазалық жұмыстарына белсенді атсалысты.Еске сала кетейік, «TazaLike» партиялық жобасы өткен жылдың 1-наурызында өткен партияның XXII Съезінде жарияланған болатын. Жобаның басты мақсаты – азаматтардың экологиялық мәдениетін арттыру, қоршаған ортаны таза ұстауды күнделікті өмір салтына айналдыру және табиғи ресурстарды үнемді пайдалану пайымын дамыту болып табылады.Жастар түнгі рейд жұмыстарына қатыстыҚазалы ауданында құқық бұзушылық пен топтық төбелестің алдын алу мақсатында арнайы топ түнгі рейд жұмыстарын жалғастыруда. «Жастар» бастауыш партия ұйымының мүшелері арнайы топ құрамымен бұл жұмыстарға қатысты. Топ құрамы аудан орталығындағы жасөспірімдер көп шоғырланатын нысандарға барды. Атап айтқанда, орталық стадион, спорт алаңдары, тойханалар мен мейрамханаларға және ойын-сауық орталықтары, компьютер, бильярд клубтарында болып, жастар мен жасөпірімдерге түсіндірме жұмыстарын жүргізді.<img src="https://knadmin.beoblood.kz/uploads/Whats_App_Image_2023_05_12_at_17_43_36_1_b012a482ef.jpeg" alt="WhatsApp Image 2023-05-12 at 17.43.36 (1).jpeg">

Аманаттықтар жоспарлы жұмыс атқаруда

<a href="https://kyzylorda-news.kz/">Kyzylorda-news.kz.</a> Қазалы аудандық білім бөлімінің ұйымдастыруымен пәндер мен сала бойынша үздік қызметкерлерді, ұстаздарды анықтауға арналған сайыс басталды. Қазірдің өзінде бірнеше пән мұғалімдерінің жұмыстары, әдістемелік құралдары сарапқа салынып, жеңімпаздар анықталып үлгерді. Өз саласы бойынша үздіктерді анықтауға бағытталған алғашқы дода педагог-психологтардың арасында өтті.Ауданның іріктеу кезеңінде психологтар өзін-өзі таныстыру, элективті курс, түзете-дамыту авторлық бағдарламасымен таныстыру, өз тәжірибесінен тренингтер көрсету, «Мен мамандығыммен мақтанамын» тақырыбында эссе жұмысын жазу кезеңдері бойынша бақ сынасып, педагог-психолог портфолиосы сырттай сараланды. Осылайша, сайыс жеңімпаздары анықталды.Әділ-қазылар шешіміне сәйкес, бірінші орынды Ж.Жабаев атындағы №234 орта мектеп педагог-психологі Баян Ермаханова иеленді. Сөйтіп, байқаудың облыстық кезеңіне жолдама алды. Бұдан бөлек, С.Сейфуллин атындағы №165 орта мектептің педагог-психологі Гүлнар Жаңабергенова екінші, №96 орта мектептің педагог-психологы Іңкәр Әлімжанова үшінші орынды иеленді. Ал №100 орта мектептің педагог-психологі Айнұр Жанәбілова, №204 орта мектептің маманы Айна Жұмахметова және №170 орта мектептің педагог-психологі Мырзалиева Қазына алғыс хатпен марапатталды. Шығармашылықпен жұмыс жасайтын, талантты мұғалімдерді анықтау, оларды қолдау, тәжірибесін тарату, жаңа инновациялық технологияларды пайдалану, мұғалімдердің мәртебесін көтеруге бағытталған жарыс математиктер арасында да ұйымдастырылды. Облыстық байқаудың аудандық кезеңі №276 мектеп базасында өтті.Бірнеше кезеңге бөлінген сайыс барысында есептің ілімін алғандардың «Бір сабақ – бір әлем» тақырыбындағы ашық сабақ өткізу ісі сынға түсті. Пән мұғалімдерінің 45 минуттық сабағы бейнеролик арқылы сырттай бағаланды.«Мұғалімнің шығармашылық шеберханасы» кезеңінде мұғалімдер педагогикалық тәжірибесінде жасаған авторлық бағдарламасын, оқу-әдістемелік көмекші құралын, таратуға лайықты педагогикалық идеясын немесе математика пәнінен олимпиадаға, Ұлттық бірыңғай тестілеуге дайындаудан тиімді лайфхактарымен бөлісті. Ал, «Білімді мыңды жығар...» кезеңінде ұстаздардың интеллектісі, кәсіби сауаттылығы, ойлау қабілетінің шапшаңдығы таразыға тартылды.Қазылар алқасының шешімімен кіл мықтылар арасынан №276 мектептің мұғалімі Құдайберген Төлепберген бірінші орын алды. №16 мектеп-лицей мұғалімі Ғалия Халтова екінші орынға тұрақтап, №25 мектеп мұғалімі Салтанат Дәрібаева, №170 мектеп мұғалімі Гүлжанат Наурызалиева және №226 мектеп-гимназия ұстазы Камшат Оңдашова үшінші орынды өзара бөліске салды. Бұдан бөлек, №100 мектеп мұғалімі Айфара Жалелова және №249 мектеп-лицей мұғалімі Ақгүл Асаубаеваға білім бөлімінің Алғыс хаты табысталды.Бұдан кейін №170 мектепте мектеп оқушыларын кітап оқуға үйрету, білім нәрімен сусындатуда аянбай еңбек етіп жүрген кітапханашылардың үздіктері анықталды. Сайыс шартына сәйкес, қатысушылар «Тест», «Кітапханашы таныстырылымы», «Жаңа ой, жаңа қадам, жаңа талап», «Ізденуден талмаған», «Кітапханашы феномені» үздік таныстырылым, шығармашылық ізденіс, авторлық жоба бойынша бақ сынасты.Бабы мен бағы қатар шапқан №170 мектептің қызметкері Махаббат Дүйсенова жеңіс тұғырынан көрінді. №25 мектеп кітапханашысы Дана Аблаева екінші орынға, Ж.Жабаев атындағы №234 мектептің маманы Жәния Жеткербай қола медальға қанағат тұтты.Сайыста белсенділігімен көзге түскен №92 мектеп кітапханашысы Аймира Бекбаева, №17 мектептің атынан қатысқан Аяжан Есенжолова, №190 мектептен Гүлнұр Алиева, №204 мектеп кітапханашысы Айзада Мырзалы және №276 мектептің қызметкері Латифа Абдраманова алғыс хатпен марапатталды.Мектептің мықты, білікті шәкірт шығаруы мекеме директорының оқу ісі жөніндегі орынбасарларының жұмысына тікелей байланысты. Өз саласының майталманына айналып үлгерген орынбасарлардың оқыту әдісін дұрыс таңдауы, пән мұғалімдеріне талап қоюы додаларда талай шәкіртті жетістікке жеткізген. Ал олардың есімін елге таныту үшін дүбірлі сайыс ұйымдастыру міндет.Өткен аптадағы үздіктерді анықтау сайысын оқу орынбасарлары арасындағы тартық қорытындылады. Талапкерлер бірінші кезеңде «Менің жетістігім – мектебімнің мерейі» тақырыбында таныстырылымын ТЕD форматында бейнеролик арқылы қорғады. Бұдан кейін эссе жазу, оқу ісі жөніндегі орынбасарлардың портфолиосын бағалау, білім сапасын арттыруға бағытталған жобаларын, сабақ талдау тәжірибесінің жаңа үлгісін ұсыну бойынша ұпай жинады.Байқау нәтижесі бойынша С.Сейфуллин атындағы №165 орта мектеп директорының оқу ісі жөніндегі орынбасары Набат Берекетова үздік деп танылды. Е.Бозғұлов атындағы №249 мектеп-лицей директорының оқу ісі жөніндегі орынбасары Гүлнұр Дөңесова және Ғ.Мұратбаев атындағы №17 орта мектеп директорының оқу ісі жөніндегі орынбасары Айгерім Теңгебаеваның жұмыстары деңгейлес деп бағаланып, екінші орынды бөліп берді. Сондай-ақ, Ы.Алтынсарин атындағы №204 орта мектеп директорының оқу ісі жөніндегі орынбасары Нұргүл Қалыбекова үздік үштікті қорытындылады. Ал, №92 орта мектеп директорының оқу ісі жөніндегі орынбасары Жадыра Еңсепбаева алғыс хатпен марапатталды.

Қазалыда мұғалімдер сынға түсті

<a href="https://kyzylorda-news.kz/">Kyzylorda-news.kz.</a> Жақында Қазақстан Республикасы Білім беру ісінің құрметті қызметкері, Кәсіптік білім беру саласының үздігі, ардагер-ұстаз Молдабай Ақниязұлының 80 жасқа толуына орай Қазалы көлік-техникалық жоғары колледжінде кездесу кеші болып өтті.&nbsp;Шараға жиналған көпшілік алдымен колледж ауласында мерейтой иесін құрметпен қарсы алып, гүл шоқтарын ұсынды. Ардагер-ұстаз Молдабай Ақниязұлының құрметіне арналған кешке Қазалы аудандық ардагерлер кеңесінің төрағасы, Қазақстан Республикасының құрметті ардагері, Қазалы ауданының құрметті азаматы Оразғали Бекбанов, филология ғылымдарының кандидаты, доцент, журналист, ҚР Журналистер Одағының мүшесі, Түркістан қаласының Құрметті азаматы, Түркістан облыстық Әжелер алқасының төрайымы Балтагүл Оспанова, Генерал-майор, Кеңес одағының, ҚР Жоғары Қарулы Күштерінің, Ауған соғысының ардагері, «Қызыл жұлдыз», «Мінсіз қызметі үшін» ІІІ дәрежелі орден иегері Әлімжан Ерниязов, Қорқыт Ата атындағы Қызылорда университетінің профессоры, философия ғылымдарының докторы, Қазалы ауданының құрметті азаматы Баймырза Қожамберлиев, Академик, профессор, еркін күрестен спорт шебері Аптылай Буркашов, «Құрмет белгісі» ордені мен Ы. Алтынсарин атындағы және «Ерен еңбегі үшін» медалдарының иегері, Халықаралық «Жыл директоры» атанған білім саласының ардагері Күләш Мергенбаева, ҚР білім беру ісінің үздігі, Алтынсарин төсбелгісінің иегері Күлзипа Наһан және Қазалы ауданының құрметті азаматы Байтақ Тұрсынбаев, ҚР құрметті теміржолшысы Бақыткүл Самалова арнайы келді.&nbsp;Кешті жүргізген колледж директорының ақпараттық технология жөніндегі орынбасары Маржанкүл Ахай қонақтарды колледж тархынан хабардар етті.&nbsp;<blockquote>«Қазалы көлік-техникалық жоғары колледжінің тарихы сонау 1901-1906 жылдар аралығында Орта Азия мен Ресейдің орталығын қосатын Орынбор – Ташкент теміржолының салынуынан бастау алады. КСРО-ның тарихи архивінен алынған мына құжатта 1905 жылғы 17 шілдеде жолаушылар қозғалысы үшін Қазалы өңірінде шағын жөндеу шеберханасы салатыны жоспарланған болатын. 1929 жылы Қазалы паровоз депосының жанынан ФЗУ болып ашылған колледж өмір ағымына қарай ЖУ, ЖДУ, ГПТУ, СрПТУ, ПТУ, мектеп лицей,колледж, жоғары колледж атауларына ие болды. Ұлы Отан соғысының батыры Я.Д.Михайлюк 1938 жылы колледжге оқуға түсіп, 1941-45 жылдары жауынгерлік ерлігі үшін Совет Одағының Батыры атағын алуы біз үшін үлкен мақтаныш. 1939 жылы Қазалы теміржол бөлімшесі училищесіне 210 орынды екі қабаттық оқу орны салынып берілді. 1929 жылдан бастап әр жылдары училищені П.С.Никеров, А.В.Харьков, Ə.Ұзақбаев, П.П.Сиснев басқарды. 1976-1981 жылдары училищені Қазақстан Республикасы кəсіптік білім беру саласының үздігі, Еңбек Қызыл Ту орденінің иегері Оразғали Бекбанов басқарды. 1981-1985 жылдары училищені КСРО жəне Қазақ КСР кəсіптік білім беру ісінің үздігі Молдабай Ақниязов басқарды. Молдабай Ақниязов 1990 жылы осы училищеге қайта басшы етіп тағайындалды», – деді Маржанкүл Ахай.&nbsp;</blockquote>Бұдан әрі колледждің өткені мен бүгінен сыр шертетін мәліметтерді көпшілік назарына ұсынды.Колледж директоры Болат Ахметов келушілерді білім ордасының материалды техникалық базасымен таныстырды. Алдымен жолаушылар вагондарын механикалық жабдықтау кабинетіне бас сұғып, Жаңа технологиялық үлгіде әзірленген дыбыстық стенділерді тамашалады. Бұдан соң рет-ретімен барлық кабниеттерді аралап, жаңашылдыққа жаны құмар ұжым мүшелерінің еңбегі мен ұғымтал студенттердің сабақ өту барысына куә болды.&nbsp;Колледж жанындағы мәдени орталықта орналасқан музейге «Молдабай Ақниязовтың өмір жолы» тақырыбында арнайы мүйіс дайындалған. Оны директордың тәрбие жұмыстары жөніндегі орынбасары Гүлнәр Күзембаева таныстырды. Салтанатты кеш мәдени іс-шараға ұласты. Қошеметпен сахна төріне көтерілген Молдабай Ақниязов пен жары Іңкәр анаға келушілер ақжарма тілегін арнап, өткен күндерден естіліктер айтты. Кеште Мұхтар Молдабайұлы мен жары Эльмира Ақниязованың құрастыруымен жарық көрген Молдабай Ақниязовтың «Өмір белестері» кітабының тұсауы кесіліп, аудандық «Атамұра» ардагерлер ансамблі мен колледждің өнерлі студенттері концерттік бағдарламаның көркін қыздырды. Шара кезінде бұған дейін өткен «Талғамы терең, тағылымы кенен аға Ұстаз» колледжішілік ғылыми жобалар байқауы мен кіші футболдан аудандық турнирдің қорытындысы жарияланды.&nbsp;Ғылыми жобаның мақсаты – ардагер ұстаздың өмірі мен еңбек жолын үлгі ете отырып, теміржолшы мамандығын дәріптеу, адамгершілікке, еңбекқорлыққа баулу, студенттерді ғылыми-зерттеу және оқу-танымдық жұмыстармен айналысуға қызықтыру, ой еңбегінің беделін арттыру, талантты және дарынды жас зерттеушілерді іріктеу және оларға қолдау көрсету. Байқау барысында жұмыстардың өзіндік даралығы, шығармашылық ізденісі, зерттеудің толық ашылуы және мәселелердің тереңдеп талқылануы бағаланды.ҚР Білім беру ісінің Құрметті қызметкері ардагер ұстаз Молдабай Ақниязовтың 80 жас мерейтойына арналған аудандық шағын футболдан өткен турнир қорытындысында бірінші орынды 165 мектеп командасы жеңіп алды. 204 мектептің аяқ допшылары екінші, колледж командасы үшінші орынды өзара бөлісті. Болатбек Сутейов «Үздік ойыншы», Жанұзақ Бауыржан «Үздік шабуылшы», Алтынбек Ақтілеуов «Үздік қорғаушы», Еркебұлан Алуадинов «Үздік қақпашы» номинацияларын иеленді.

Қазақстан және Қызылорда облысының жаңалықтары