<a href="https://kyzylorda-news.kz/">Kyzylorda-news.kz </a>Қала тазалығын сақтау – баршаға ортақ іс. Дегенмен, оны ұғынбай, шаһар тазалығына немқұрайлы қарайтын жандардың қатары әлі азаймай тұр. Осыған орай, тұрғындарды тазалық тәртібіне және мәдениетіне шақыру бойынша қадағалау күшейтіліп, рейдтік шаралар күнделікті жүргізілуде.&nbsp;Қала әкімінің орынбасары Арнұр Нұрмағанбетов қала аумағында құрылыс пен тұрмыстық қалдықтарды белгіленбеген орындарға тастап, абаттандыру қағидаларын бұзу фактілері бойынша аралау жұмыстарын жүргізді.&nbsp;<img src="https://knadmin.beoblood.kz/uploads/ala_kimini_orynbasary_3_b5ca2ee7ea.jpg" alt="Қала әкімінің орынбасары 3.jpg">Қалалық полиция басқармасымен бірлескен рейд барысында жүк көлік иелеріне, кәсіпкерлерге, тұрғындарға түсіндірме жүргізілді. Ал, қоқыс тасталған аумақтар «Қызылорда тазалығы» мекемесінің күшімен тазартылып, бірнеше азаматқа ескерту жасалды.&nbsp;Айта кету қажет, рұқсат етілмеген, арнайы белгіленбеген орындарға қоқыс төгу фактілері анықталған жағдайда аталған құқық бұзушылыққа жол берген адамдарға Қазақстан Республикасының Әкімшілік құқық бұзушылық туралы кодексінің 505-бабына сәйкес шара қолданылады. Сонымен қатар, бұл заң тек көше арасында ғана емес, қоғамдық орындарда тазалық сақтамайтындар мен жолда кетіп бара жатып көліктің терезесінен қоқыс лақтыратындарға да қатысты.

Тазалық жұмыстары тұрақты жүргізілуде

<a href="https://kyzylorda-news.kz/">Kyzylorda-news.kz </a>«Қызылорда облыстық үкіметтік емес ұйымдардың Альянсы» заңды тұлғалар бірлестігінің бастамасымен жаңа редакциядағы Конституция жобасына енгізілетін өзгерістерді талқылауға арналған кездесу өтті. Шараға өңірдегі қоғамдық ұйымдардың жетекшілері мен азаматтық қоғам өкілдері қатысты.Кездесу барысында облыстық Азаматтық Альянстың төрағасы Ізден Анар Жарылқасынқызы мәжіліске қатысушыларды Конституцияның жаңартылған жобасымен таныстырып, ұсынылып отырған өзгерістердің мәні мен маңызына кеңінен тоқталды. Атап айтқанда, конституциялық реформалардың құқықтық мемлекет қағидаттарын нығайтуға, азаматтардың құқықтары мен бостандықтарын қорғауды күшейтуге, сондай-ақ қоғамдық қатынастарды жаңғыртуға бағытталғаны айтылды.Талқылау аясында азаматтық қоғам өкілдері жергілікті өзін-өзі басқару жүйесін жетілдіру, қоғамдық бірлестіктердің құқықтық мәртебесін нақтылау мәселелеріне назар аударып, өз ұсыныс-пікірлерін ортаға салды. Қатысушылар бұл өзгерістер азаматтардың шешім қабылдау үдерісіне қатысу мүмкіндіктерін кеңейтіп, қоғамның мемлекеттік басқаруға деген сенімін арттыратынын атап өтті.Шара соңында кездесуге қатысушылар конституциялық реформалар мемлекет пен азаматтық қоғам арасындағы өзара әріптестікті нығайтуға бағытталған маңызды қадам екенін айтып, ұсынылып отырған жаңа Конституция жобасын қолдайтындарын білдірді.

Конституциялық реформа нәтижесінде қол жеткізілетін жетістіктерді талқылады

<a href="https://kyzylorda-news.kz/">Kyzylorda-news.kz</a> Соңғы жылдары Қазалы ауданында құрылыс жұмыстары қарқын алып келеді. Атап айтқанда, 2022 &nbsp;жылдан бері ауданда 2 мектеп, 1 балабақша, 3 спорт кешені, 250 орындық аудандық емхана мен 3 дәрігерлік амбулатория, аудандық мәдениет орталығы мен 2 ауылдық клуб, 2 пәтерлі 140 тұрғын үй ел игілігіне пайдалануға берілсе, бүгінде тағы да 2 спорт кешендерінің құрылысы жүруде.&nbsp;Өңірде пайдалануға берілген нысандардың сапасы мен жағдайы облыс әкімі Нұрлыбек Нәлібаевтың тікелей бақылауында.Аймақ басшысының тапсырмасына сәйкес аудан әкімі Алмасбек Есмаханов Кәукей және Абай ауылдары мен Қазалы қаласына барып, қаладағы «Өрімтал» балабақшасының, Кәукей ауылындағы дәрігерлік амбулатория мен 100 орындық ауылдық клубтың, сондай-ақ Абай ауылындағы дәрігерлік амбулатория ғимараттарының жағдайына зерделеу жүргізді.Аудан басшысы әлеуметтік нысандарда анықталған кемшіліктерді жауапты мекеме басшылары мен мердігер мекемелерге қатаң ескертіп, барлық ақауларды қысқа мерзім ішінде шұғыл қайта қалпына келтіру керектігін айтты.&nbsp;Мемлекет қаржысына салынып, тұрғындар игілігі үшін берілген әрбір нысанның жағдайы, ондағы барлық талаптардың сақталуы, мекемелердің тұрғындарға сапалы қызмет көрсету мәселесі әрдайым назарда болуы керектігін жеткізді.<img src="https://knadmin.beoblood.kz/uploads/leumettik_nysandardy_zhaj_k_ji_28b5e4a3a0.jpg" alt="Әлеуметтік нысандардың жай-күйі.jpg">

Бірқатар нысандарға тексеру жүргізді

<a href="https://kyzylorda-news.kz/">Kyzylorda-news.kz</a> Аймақ басшысының тапсырмасына сәйкес, қалада соңғы жылдары пайдалануға берілген әлеуметтік нысандардың қазіргі жай-күйі мен ғимараттардың сапасына зерделеу жүргізілуде.&nbsp;Бүгінгі аралауда қала әкімінің орынбасарлары, қалалық мәслихат депутаттары, қалалық «Amanat» партиясының атқарушы хатшысы &nbsp;мектептер мен емханаларда, мәдениет үйлерінде болып, ғимараттардың техникалық жағдайын, санитарлық талаптардың сақталуын және қызмет көрсету сапасын бақылады.Зерделеу барысында анықталған бірқатар кемшіліктерге байланысты әлеуметтік нысандардың құрылысын жүргізген мердігер мекемелердің басшыларына барлық ақауларды белгіленген кепілдік міндеттемелер шеңберінде толық қалпына келтіру ескертілді. Сонымен қатар, мекеме басшыларына ғимараттарды күтіп-ұстау, абаттандыру және санитарлық тазалықты сақтау мәселесіне ерекше назар аудару қажеттігі тапсырылды.&nbsp;Ерекше атап өту қажет, пайдалануға берілген нысандардың тек сыртқы келбеті ғана емес, ең алдымен қауіпсіздігі мен қолайлылығы басты назарда болуы тиіс. Зерделеу жұмыстары күнделікті жүргізілетін болады.<img src="https://knadmin.beoblood.kz/uploads/leumettik_nysandar_5_9f551f363e.jpg" alt="Әлеуметтік нысандар 5.jpg">

Әлеуметтік нысандардың жағдайы тексерілді

<a href="https://kyzylorda-news.kz/">Kyzylorda-news.kz</a> &nbsp;“Жол активтері сапасының ұлттық орталығы” РМК ұйымдастыруымен Бурабай баурайында жаңа үдерістер мен технологиялар бойынша білітілік арттыру семинары өтті. Оған еліміздің барлық филиалынан зертхана меңгерушілері мен сапа және менеджмент бөлімінің басшылары қатысты.&nbsp;Үш күнге созылған оқу бағдарламасында мамандар түрлі тақырыпта дәріс алып, жол құрылысына қатысты жаңашылдықтарды меңгерді. Сондай-ақ, “Жол акивтері сапасының ұлттық орталығы” мен “ҚазАвтожол” компаниясы арасындағы іскерлік-әріптестік байланыс және өзара жұмысты оңтайландыру бойынша ұсыныс-пікірлер айтылды. Семинарда QR код арқылы жол-құрылыс материалдарына сараптама жасаудың регламенті талқыланды.&nbsp;Бүгінде барлық филиал цифрлық жүйеге көшіп, сараптама қорытындысы қағазға емес орталық базаның жадына түсіп отырады. Яғни, сынамадан өткен жол құрылыс материалдарының сапа нәтижесі еш бұрмаланбай адами факторларға мүлдем жол берілмейді деген сөз. Мұнан бөлек, сапа орталықтары kaidzen технологиясын қолданып, зертхана мен инженерлер жұмыстың озық әрі ең тиімді әдіс-тәсілдерін өндіріске енгізіп отыр. Бұл еропалық тәжірибені мамандар сәтті жүзеге асырып, жұмыс процесі жеңлдей түсті. Оқу семинарының қорытындысымен Қызылорда филиалының бөлім басшылары Ержан Усманов пен Мағжан Қасымхан кәсіби біліктіліктерін арттырып, жаңа үдерістерді меңгерді. Және барлық қатысушыға арнайы сертификат табысталды.

Бурабайда оқу семинары өтті

<a href="https://kyzylorda-news.kz/">Kyzylorda-news.kz</a> Киелі Қызылорда өңірінде ауылдық білім беру жүйесін жаңа деңгейге көтеруді көздейтін «Адал азамат: ауыл мектебінің келешегі» атты республикалық семинар-тренинг өтті. Қызылжарма ауылдық округіндегі «Келешек» мектебінде жалауы желбіреген бұл жоба Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен, «Ауыл» партиясының және Қызылорда облысы әкімдігінің бірлескен бастамасымен жүзеге асырылуда.Мемлекет басшысы Қасым-Жомарт Тоқаев өзінің Жолдауларында «Адал азамат» тұжырымдамасын негізге ала отырып, әділетті қоғамның негізін интеллектуалды әрі жауапкершілігі жоғары ұрпақ қалайтынын баса атап өтті.<img src="https://knadmin.beoblood.kz/uploads/Whats_App_Image_2026_02_06_at_14_29_07_f1fe116ceb.jpeg" alt="Республикалық семинар-тренинг.jpeg">Іс-шараның ашылу салтанатында Қызылорда қаласы әкімінің орынбасары Ділмұхамед Абизов Мінуарбекұлы ауыл мұғалімдерінің стратегиялық маңызына тоқталды. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;<blockquote>«Ауылдағы мұғалім – мемлекетіміздің ертеңгі келбетін қалыптастыратын басты тұлға. Бүгінгі басқосу ұстаздарымыздың кәсіби шеберлігін шыңдап, ауыл мен қала мектептері арасындағы білім алшақтығын жоюға үлкен септігін тигізбек. Өңір басшылығы білім саласындағы мұндай оң өзгерістерге әрқашан қолдау көрсетеді», -деп атап өтті.</blockquote>Жиын барысында ҚР Президенті жанындағы Әйелдер істері және отбасылық-демографиялық саясат жөніндегі Ұлттық комиссия мүшесі Айгерім Сарсенбаева отбасы құндылықтары мен ауыл баласының қауіпсіздігіне тоқталды:<blockquote>«Біз үшін әрбір баланың тағдыры – ұлттың болашағы. Бұл жобаның түпкі мәні Ұлттық комиссияның басты міндеттерімен, атап айтқанда, отбасы институтын нығайту және балалардың құқығын қорғаумен тікелей ұштасады. Біздің міндетіміз тек академиялық білім берумен шектелмей, баланың рухани әлемін байыту және оны заманауи қатерлерден қорғау. Ауыл мектебі – қоғам мен отбасын біріктіретін киелі шаңырақ, берекелі бірліктің орталығы. Әрбір ауыл баласының сапалы білім алып, қауіпсіз ортада өсуі – біздің ортақ жауапкершілігіміз әрі жұмысымыздың басты индикаторы», – деді ол.</blockquote><img src="https://knadmin.beoblood.kz/uploads/Whats_App_Image_2026_02_06_at_14_29_06_cbb4e4ce63.jpeg" alt="Республикалық семинар-тренинг.jpeg">Ал «Ауыл» партиясы төрағасының орынбасары Қуаныш Сейтжанов ауыл мұғалімдерінің қоғамдағы мәртебесі мен партияның ұстанымын жеткізді: &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;<blockquote>«Ауыл мұғалімі – елдің ұйытқысы, жаңа буынның рухани темірқазығы. Біз үшін ауыл мектептеріне қолдау көрсету – жай ғана бағыт емес, бұл «Әділетті Қазақстанның» кадрлық іргетасын қалау. Біз ауыл мұғалімінің тек кәсіби біліктілігін емес, оның қоғамдағы асқақ беделін қалпына келтіруіміз керек. Мұғалім заманауи әдістемелермен қаруланып, ауыл баласына жаһандық мүмкіндіктерді аша білуі тиіс. Осындай семинарлар өңірлердегі кадрлық әлеуетті нығайтып, білім сапасын жүйелі арттыру арқылы ауылдың әлеуметтік ахуалын жақсартуға жол ашады», – деп түйіндеді.</blockquote>Семинардың күн тәртібі тек теориямен шектелмей, заман талабына сай ең өзекті тақырыптарды қамтыды. «Білім берудің жаңа парадигмасы: құндылық, сапа және даму» тақырыбындағы пленарлық отырыста «Qazaq Digital Mektebi» жобасы мен цифрлық технологияларды оқу үдерісіне енгізу мәселелері қызу талқыланды.&nbsp;Жиынның екінші бөлімінде қатысушылар төрт секцияға бөлініп, төмендегідей маңызды бағыттар бойынша тәжірибе алмасты: &nbsp; &nbsp; &nbsp;&nbsp; &nbsp; &nbsp;&nbsp;<ul><li style="text-align:justify;">Әлеуметтік тәуекелдермен күрес: Балалардың гаджеттерге тәуелділігі мен лудоманияның алдын алу;</li><li style="text-align:justify;">Цифрлық сауаттылық: Оқу үдерісінде Жасанды интеллект (AI) мүмкіндіктерін тиімді пайдалану; &nbsp; &nbsp; &nbsp;</li><li style="text-align:justify;">Киберқауіпсіздік: Мұғалім мен оқушының виртуалды кеңістіктегі қауіпсіздік мәдениеті; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;</li><li style="text-align:justify;">Жаһандық білім: Ауыл мұғалімдері мен түлектеріне арналған халықаралық бағдарламалар мен басқарудың икемді (Agile) тәсілдері. &nbsp; &nbsp; &nbsp; &nbsp;</li></ul>«Келешек» мектебінде өткен бұл семинар-тренинг – ауыл мектебінің жай ғана білім ордасы емес, заманауи технологиялар мен ұлттық құндылықтар тоғысқан үлкен орталыққа айнала алатынын дәлелдеді. Жиын соңында қатысушылар (барлығы 140 адам) ауылдық білім сапасын арттыру бойынша нақты ұсыныстар жинын әзірледі.<img src="https://knadmin.beoblood.kz/uploads/Whats_App_Image_2026_02_06_at_14_29_06_1_324ad04898.jpeg" alt="Республикалық семинар-тренинг.jpeg">

Сыр өңірінде республикалық семинар-тренинг өтті

<a href="https://kyzylorda-news.kz/">Kyzylorda-news.kz</a> Қазалы ауданындағы жұмыс сапары барысында «AMANAT» партиясы Қызылорда облыстық филиалының төрағасы Жандос Базартай аудан жастарының бастамалары мен жобалары ұсынылған көрмені және «Ауыл аманаты» жобасы аясында жүзеге асырылып жатқан жұмыстармен танысты.Көрмеде «Ауыл аманаты» жобасы, мемлекеттік бағдарламалар мен жеке қаржы есебінен жүзеге асырылып жатқан бірқатар кәсіпкерлік бастамалар таныстырылды. Атап айтқанда, кондитерлік өнімдер жасау, нан және наубайхана өнімдерін шығару, фастфуд өнімдерін дайындау, жергілікті брендтік тәттілер әзірлеу, сондай-ақ қолөнер, сәндік бұйымдарын жасау бағытындағы жобалар болды.Көрме аясында пластикалық бөтелкелерді өндіруге бағытталған өндірістік жобаның иесі Ақбала Шүйіншәлі өз кәсібінің дамуы жөнінде пікір білдірді. Бүгінде жоба аясында 2 адам тұрақты жұмыспен қамтылған.<blockquote>«Ауыл аманаты» жобасы аясында 2023 жылы 6,9 млн теңге көлемінде 2,5 пайыздық мөлшерлемемен несие алдым. Қажетті жабдықтарды алып, сол жылы шағын өндірісті бастадым. Қазіргі таңда сұраныс өте жоғары. Көршілес аудандар мен қалалардан да тапсырыс түсіп жатыр. Партияның «Ауыл аманаты» жобасы бізге үлкен қолдау болып отыр. Алдағы уақытта кәсібімді кеңейту жоспарымда бар», – деді кәсіпкер.</blockquote>&nbsp;<img src="https://knadmin.beoblood.kz/uploads/Amanat_zhastar_zhobasy_3_871b0ebfb8.jpg" alt="Аманат жастар жобасы 3.jpg">Көрмедегі әр өнімімен жеке-жеке танысқан Жандос Нұртайұлы кәсіп иелерінің еңбегін жоғары бағалап, алдағы жұмыстарына табыс тіледі. Сондай-ақ «Ауыл аманаты» жобасының маңыздылығына тоқталды.<blockquote>«Қазалы – кәсіпкерлігі қарқынды дамыған аудан. Оны «Екінші Түркістан» деп атауы да осы саланың өркен жаюымен байланысты. «Ауыл аманаты» жобасы өздеріңіз секілді кәсіпкерлерді, сондай-ақ өз ісін бастағысы келіп жүрген азаматтарды қолдауға бағытталған. Бұл бастамалар жергілікті жерде кәсіпкерліктің дамуына серпін беріп, тұрғындарды тұрақты табыспен қамтуға жол ашады. Халық сұранысына сай өнім ұсынып, нақты іспен айналысып жүрген еңбектеріңіз әрдайым жоғары құрметке лайық. Баршаңыздың еңбектеріңізге толағай табыс тілеймін!», – деді облыстық филиал төрағасы.</blockquote>Сонымен қатар жас талапкер Нұржан Меңдуахастың жасанды интеллект негізінде әзірлеген анимациялық жобасы таныстырылды. Бастамаға қызығушылық танытқан филиал төрағасы 2026 жыл елімізде Жасанды интеллект жылы болып жарияланғанын атап өтіп, цифрлық технологиялар мен инновациялық жобаларға қатысты ұсыныстарын айтты.<img src="https://knadmin.beoblood.kz/uploads/Amanat_zhastar_zhobasy_e5f2f3a031.jpg" alt="Аманат жастар жобасы.jpg">

Жастардың бастамалары мен кәсіптік-өндірістік жобалардың көрмесі өтті

<a href="https://kyzylorda-news.kz/">Kyzylorda-news.kz</a> Қалалық қоғамдық кеңестің отырысы өтіп, онда кеңестің жаңа төрағасы таныстырылды. Кеңес мүшелерінің дауыс беруі нәтижесінде түрлі салаларда өнімді еңбек етіп, тәжірибесімен аймақтың дамуына үлесін қосқан Мұхиджан Кәрімбаев кеңес төрағасы болып сайланды.Отырыста төраға қазіргі уақытта Қоғамдық кеңес құрамының елу пайызға жаңаруына байланысты комиссия санын 4-ке көбейтуді ұсынып, комиссияларды және олардың мүшелерін бекітті.<img src="https://knadmin.beoblood.kz/uploads/Izbran_novyj_predsedatel_obshhestvennogo_soveta_Kyzylordy_1_50a5f77f4d.jpg" alt="Избран новый председатель общественного совета Кызылорды 1.jpg">Жиын соңында қала әкімінің орынбасары Ділмұхамед Абызов кеңес мүшелерімен жаңа Конституциялық реформаны талқылап, пікір алмасты.

Қызылорда қоғамдық кеңесінің жаңа төрағасы сайланды

<a href="https://kyzylorda-news.kz/">Kyzylorda-news.kz</a> Әлеуметтік желіде Құлсарыдағы&nbsp;Пушкин атындағы №6 мектепте оқушының балта алып жүгірген видеосы тарады.&nbsp;Бұл туралы&nbsp;<a href="https://stan.kz/kylsarida-mektep-dalizinde-balta-ystap-zhugirgen-okushi-429907/">Stan.kz</a>&nbsp;ақпарат агенттігі&nbsp;хабарлады.Видеодан&nbsp;бір оқушының балта ұстап мектеп дәлізінде басқа оқушының&nbsp;соңынан қуып жүгіргенін көруге болады.&nbsp;Қорыққан оқушы бір сыныптың ішіне кіріп, жасырынған.Әлеуметтік желідегі жазбада балта ала жүгірген оқушының&nbsp;10-сынып оқушысы екені айтылған.Атырау облысының полиция департаменті&nbsp;болған жайтты растап, 15 жастағы оқушы&nbsp;екі сыныптасын&nbsp;жаралағанын мәлімдеді.<blockquote>“5 ақпанда 10-сынып оқушысы сыныптастарымен жанжалдасып, оларға шабуыл жасаған. Екі оқушы жеңіл жарақат алған. 15 жастағы күдікті ұсталып, уақытша тергеу изоляторына қамалды және ішкі істер органдарының есебінде тұр”, –&nbsp;деп мәлімдеді полиция.</blockquote>Ведомствоның хабарлауынша, қылмыстық іс қозғалып, жасөспірімнің&nbsp;ата-анасы әкімшілік жауапкершілікке тартылды.<blockquote>“Материалдар процестік шешім қабылдау үшін білім бөліміне және кәмелетке толмағандар істері комиссиясына жіберілді”, –&nbsp;делінген полиция хабарламасында.</blockquote>Фото: Видеодан скрин

Қазақстанда мектеп дәлізінде балта ұстап жүгірген оқушы екі сыныптасын жаралады

<a href="https://kyzylorda-news.kz/">Kyzylorda-news.kz</a> Достық үйінде конституциялық реформаларды талқылауға арналған дөңгелек үстел өтті.Дөңгелек үстелді “Қоғамдық келісім” КММ директоры Бақытжан Камалов жүргізді. Іс-шараға облыстағы этномәдени бірлестіктер мен құрылымдардың төрағалары қатысып, қоғамдық келісімді нығайтуға бағытталған өзекті ұсыныстарын білдірді.Реформалардың басты мақсаты – азаматтардың құқықтары мен бостандықтарын қорғау, ел ішіндегі бірлік пен татулықты нығайту екені атап өтілді.<img src="https://knadmin.beoblood.kz/uploads/assambleya_78ae63d549.jpg" alt="ассамблея.jpg">Талқылау кезінде Ұлттық құрылтайдың қоғам мен билік арасындағы ашық диалог алаңы ретіндегі маңызы, сондай-ақ қоғамдық келісімді сақтау мен дамытудағы рөлі кеңінен сөз болды. Қатысушылар этносаралық татулық пен тұрақтылықты қамтамасыз етуде конституциялық өзгерістердің айрықша мәнге ие екенін жеткізді.Сонымен қатар жастардың азаматтық белсенділігін арттыру, саяси сауаттылығын көтеру және ортақ құндылықтар төңірегінде біріктіру мәселелеріне ерекше назар аударылды.

Бірлік, татулық, келісім: конституциялық реформалардың басты бағдары

<a href="https://kyzylorda-news.kz/">Kyzylorda-news.kz</a> Астанада Конституциялық реформа жөніндегі комиссияның сегізінші отырысы өтіп, онда ҚР Бас прокурорының орынбасары Жандос Өмірәлиев жаңа Конституция жобасындағы 18-бапты орыс тілінде нақтылай түсуді ұсынды. Конституцияның әрбір нормасы анық, түсінікті болуы керектігін, комиссияның орасан зор жұмыс атқарып жатқанын ерекше атап өтті.Мемлекеттік кеңесші Ерлан Қарин жаңа Конституцияның мәтіні аударма еместігіне тоқталды.<blockquote>– Жаңа Конституция жобасының мемлекеттік тілдегі нұсқасы – бұл аударма емес. Қолдарыңыздағы қазіргі жоба – о бастан мемлекеттік тілдің мүддесі тұрғысынан жазылған жоба. Екіұшты мәселелер туындаған кезде әуелі қазақ тіліндегі нұсқа назарға алынып отыр, – деді.</blockquote>Сондай-ақ Мемлекеттік кеңесші жаңа Конституцияның жобасында ескірген, мағынасы өзгерген сөздер қайта қаралғанын айтты.Е.Бөкетов атындағы Қарағанды университетінің ректоры Нұрлан Дулатбеков жаңа Конституцияда жоғары білімге қол жеткізудің қағидаттары нақты жазылу керек деген ұсынысын жеткізді. Сонымен бірге білім орындарын діни идеологиядан ажырату не үшін керек болғанын, білім беру жүйесі үшін мұның іргелі мәні бар екенін айтты.<blockquote>– Университеттер мен мектептер ғылымның, білімнің және әрине, академиялық еркіндіктің кеңістігі болып қалу керек. Мұндай тәсіл студенттерді қорғайды, бейтарап білім ортасына сақтайды және идеологиялық қысымның қатерін төмендетеді, – деді ғалым.</blockquote>Кезекті отырыста Мәжіліс депутаты Айдарбек Қожаназаров Конституцияда «Қазақстанның ұлттық валютасы – теңге» деп нақты бекіту бастамасын көтерді. М.Нәрікбаев атындағы КАЗГЮУ университеті» АҚ басқарма төрағасы, Конституциялық комиссия мүшесі Талғат Нәрікбаев комиссияның Ата заңның қазақ тіліндегі мәтінін жетілдіру бағытында атқарған жұмыстарына тоқталды.Конституциялық комиссия төрағасы Эльвира Әзімова Ата заңның жаңа редакциясы туралы азаматтардан түскен ұсыныстардың тағдыры не болғанын жиынтық кесте арқылы халыққа жеткізуді тапсырды.<img src="https://knadmin.beoblood.kz/uploads/Komissiyany_kezekti_otyrysy_rbir_norma_any_t_sinikti_boluy_kerek_cf6affdcae.jpg" alt="Комиссияның кезекті отырысы әрбір норма анық, түсінікті болуы керек.jpg">Еске салсақ, аймақ басшысы Нұрлыбек Нәлібаев Конституциялық комиссияның мүшесі ретінде комиссия отырыстарына, жекелеген жұмыс секцияларындағы талқылауларға қатысуда.Фото: Қызылорда облысы әкімінің баспасөз қызметі

Комиссияның кезекті отырысы: әрбір норма анық, түсінікті болуы керек

<a href="https://kyzylorda-news.kz/">Kyzylorda-news.kz</a> Қала әкімі Нұржан Ахатов тұрғындарды жеке мәселелері бойынша қабылдады. Қабылдауға кезектілік тәртібімен жазылған 20-ға жуық тұрғын келді. Одан бөлек, онлайн форматта да қабылдау жүргізілді.Олар шаһар басшысына тұрғын үй кезегі, жер, жұмыссыздық және өзге де жеке мәселелері бойынша жүгінді.Нұржан Сәбитұлы орынбасарларына, бөлім және мекеме басшыларына барлық өтініштер бойынша зерделеу жұмыстарын жедел түрде жүргізіп, азаматтармен кері байланыс жасауды тапсырды.Айта кетейік, тұрғындар қала әкімінің қабылдауына egov порталы арқылы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.

Қазақстан және Қызылорда облысының жаңалықтары